ايمان بدوي
اللي ما يعرفهاش اعرفها له
ما حدش يقدر يزايد عليها في اخلاصها للقضية الفلسطينية
لحد ما القضية دي جابت لها الكلام
من كتر اخلاصها لها
:بعتت الرسالة دي على المجموعات البريدية
السلام عليكم
كل الكلمات لا تستطيع ان تصف الفاجعة التى نحس بها بسبب ما يحدث فى غزة
كنت دائما ومازلت اقف على الحياد و ليس معنى انى اغلط طرف انى انحاز للاخرالطرفان مخطئان.... لكنما فعلته حماس فى اليومين الماضيين ذهب بما تبقى لها من رصيد عند الناس
من كل المقالات التى وصلتنى و الاتصالات و المراسلات و المحادثات اقول لحماس ان الرأى العام المصرى انفض من حولك لقد كتبتى وبكل غباء شهادة وفاتك بيدك لا يمكن ان يقبل احد ان يتحول صراع على سلطة
الى بحور دم تنحر الوطن من الوريد للوريد
شاهدت فيديو به مشاهد اعدام سميح المدهون الذى تقول حماس
انه مسئول عن فرق الموت بغزة
الى بحور دم تنحر الوطن من الوريد للوريد
شاهدت فيديو به مشاهد اعدام سميح المدهون الذى تقول حماس
انه مسئول عن فرق الموت بغزة
لماذا لم يحاكموة على الملاء ؟
لكن الخطأ كان اعدامه على الملاء و ليس هذا فحسب
بل لقد اطلقوا عليه كما سمعت 100 رصاصة!!
وليس هذا فحسب ايضا - بل لقد سحلوة فى الشوارع بعد مقتلة و دهسوا جثتة بالاقدام وعلى الشريط صوت رجل يقول لهم " الرجل مات خلاص - الزلمة مات حرام
هذا ما بيجوز.." ولا فائدةهل هذا هو الاسلام الذى تدعوا اليه حماس هل هذه هى اخلاق الاسلام يا حماس؟؟؟؟؟هل هذه هى الرسالة التى ستصل العالم عن الاسلام!!وهل يسمح الاسلام بالتمثيل بجثث الموتى و دهسهم بالاقدام فى الشوارع؟
طيب قبل ما تقوموا "بتحرير غزة " و رفع "علم حماس" عاليا على المبانى
هذا ما بيجوز.." ولا فائدةهل هذا هو الاسلام الذى تدعوا اليه حماس هل هذه هى اخلاق الاسلام يا حماس؟؟؟؟؟هل هذه هى الرسالة التى ستصل العالم عن الاسلام!!وهل يسمح الاسلام بالتمثيل بجثث الموتى و دهسهم بالاقدام فى الشوارع؟
طيب قبل ما تقوموا "بتحرير غزة " و رفع "علم حماس" عاليا على المبانى
والركوع لله شكرا على النصر على" الكفار" !!
هل خططتم للخطوات القادمة على مدى الاسابيع و الشهور القادمة ورد فعل العالم؟
هل خططتم للخطوات القادمة على مدى الاسابيع و الشهور القادمة ورد فعل العالم؟
ام كما قال احد الاخوة - تاركين الامور "على البركة" -هل تعرفون خطواتكم القادمة و انتم تحت احتلال و حصار عربى قبل الاجنبى يعنى العرب ايدكم منهم و الارض كالعادة
طيب الم تفكروا فى خطورة نقل ما يحدث للضفة و الانتقام الاعمى
الذى ممكن ان يحدث هناك؟والله لا ارى بركة و لا ارى الا كارثة لن يدفع ثمنها الا الشعب الفلسطينى المسكين المطحون
فلنرجع للوراء سنتينعند بداية الانتخابات التشريعية التى اوصلت حماس للحكمكم نصحهم الاخوة ان لا تنجروا للعبة الانتخابات فهذا ليس وقتة و لا هذا مشروعكم
الذى ممكن ان يحدث هناك؟والله لا ارى بركة و لا ارى الا كارثة لن يدفع ثمنها الا الشعب الفلسطينى المسكين المطحون
فلنرجع للوراء سنتينعند بداية الانتخابات التشريعية التى اوصلت حماس للحكمكم نصحهم الاخوة ان لا تنجروا للعبة الانتخابات فهذا ليس وقتة و لا هذا مشروعكم
انتم جماعة مقاومة مشروعكم التحرير وليس السلطة و الكراسىطيب
فزتم فى الانتخابات اجعلوا نوابكم فى التشريعى تكون عينا على السلطة و الفسادولا تنجروا وراء السلطة و الكراسى و اجعلوا عيونكم على القدس و على التحريرهل صدقتم ان هناك سلطة و الا دولة و الا شئانتم تحكمون على ورق - فى الهواء .. حرروا الارض ثم انظروا للحكم
لو كانت حماس وقفت عند نجاحها فى التشريعى و اثبتت وجودها و قوتها فى الشارع
لو كانت حماس وقفت عند نجاحها فى التشريعى و اثبتت وجودها و قوتها فى الشارع
وعادت لمربع المقاومة لكان اشرف لها
ولم يكن ليحدث كل هذه المقتلة البشعة
مبروك للصهاينة فقد حان وقت راحتكم الان فقد كفتكم حماس وفتح تعب الحرب
انقل لكم فقط بعض ما قالة لى بعض الاخوة
مبروك للصهاينة فقد حان وقت راحتكم الان فقد كفتكم حماس وفتح تعب الحرب
انقل لكم فقط بعض ما قالة لى بعض الاخوة
ازيك وايه رايك فى اللى بيحصل
كارثة مصيبة مش كدة حماس فقدت كل شيء ووقعت في الشرك الامريكي والاسرائيلي
تمام اللي صار كارثة وعلى فكرة الراى العام المصرى على العموم انفض من حولها
لانها كان لازم تغلب مصلحة الوطن و التصرف لا يمكن يكون بالشكل اللى حصل
لانها كان لازم تغلب مصلحة الوطن و التصرف لا يمكن يكون بالشكل اللى حصل
السيناريوهات المطروحة كارثية بمعني الكلمة هذه كارثة
ورب الكعبة هو دة اللفظ اللى قلتة النتيجة كارثية
انا زعلانة لا تتصورى قد ايه محبى حماس خاب ظنهم فيها الله يستر على الشعب الغلبان حماس انتهت صدقيني قضت علي نفسها بغباء
اخبرنى اخوة اخرين انهم اوقفوا دعمهم لفلسطين احتجاجا على ما يحدث
اخبرنى اخوة اخرين انهم اوقفوا دعمهم لفلسطين احتجاجا على ما يحدث
ولكنى قلت لهم ان هذا خطأ فنحن نرسل للجمعيات و المرضى و المصابين و اسر الشهداءفلسطين لم و لن تكون فتح او حماس
مجموعة اخرى كانوا من اشد المؤيدين لحماس
مجموعة اخرى كانوا من اشد المؤيدين لحماس
اسمائهم على الماسنجر و على الايميل
كله حماس
الان سألتهم - قالوا خلاص - كان زمان حماس انتهت
هل يوجد حل؟انا عندى رأي .. خلاص حماس قامت بما ارادت فلتتنحى جانبا اذا تبقى لديها ذرة من خوف على مصلحة الوطن فلتتنحى حماس جانبا و لتترك ادارة امور غزة و الوطن
للمستقلين تماما
المعروف عنهم الصدق و الامانة و الشرف و عدم الانتماء لاى فصيل
ولا اجد حل سواه
هل يوجد حل؟انا عندى رأي .. خلاص حماس قامت بما ارادت فلتتنحى جانبا اذا تبقى لديها ذرة من خوف على مصلحة الوطن فلتتنحى حماس جانبا و لتترك ادارة امور غزة و الوطن
للمستقلين تماما
المعروف عنهم الصدق و الامانة و الشرف و عدم الانتماء لاى فصيل
ولا اجد حل سواه
الا الحل الامريكى الصهيونى العربى المشترك
فهذه فرصتك الاخيرة - فاختارى يا حماس
يا اقصى قلوبنا و عيوننا عليك
يا اقصى قلوبنا و عيوننا عليك
ايمان بدوى
==========
==========
ردي على رسالة ايمان
ودي بقى آخر امل عشان العواطف يجمعوا احنا بنقول ايه
:اليكم ردي
العزيزة ايمان بدوي
كنت اتمنى ان يصل صوتك اوضح من صوتي
لانني بالفعل دماغي شايطة
وما عنديش خلق اشرح
ومع ذلك
ما يحدث من جدل على النت فيما يخص الفتنة
في فلسطين
هو تصغير لما يحدث في فلسطين نفسها
انا بس عايزة اوضح حاجة
ويا رب اعرف اوضح
السلطة الفلسطينية هي احد نتائج اتفاقية اسلو المهينة
انا شخصيا مش معترفة باتفاقية اسلو
واظن ان كل حركات المقاومة اعلنت انها غير معترفة بهذه الاتفاقية
وعليه فهي غير معترفة بنتائجها
وللا ايه
خاصة ان السلطة الفلسطينية التي تأسست بموجب هذه الاتفاقية
كان هدفها الرئيسي هو قمع الانتفاضة واعتقال عناصر المقاومة
وللا ايه
يعني
بالبلدي
السلطة الفلسطينية هي المخبر ابو جلابية وبالطوا وعصايا وجرنال مخروم
بالبلدي اكتر
اسرائيل لما لقت نفسها محتاسة مع عناصر المقاومة
رقعت بالصوت وجات امريكا لحقتها باتفاق اسلو
خدوا غزة واريحا
وحكم ذاتي
وحوشوا عننا دول
وللا ايه؟
وللا احنا بننسى؟
حركة حماس
اللي كلنا حاطين عليها امل وعشم زي ما ايمان بتقول
اسمها حركة "المقاومة" الاسلامية حماس
المقاومة
صح؟
طيب ازاي انت مقاومة وبتترشح في انتخابات مؤسسة في بنائها على اتفاقية انت مش معترف بيها
واللي اسسها العدو اللي انت بتحاربه
وازاي ما شفتش انهم سمحوا لك بالنجاح في الانتخابات عشان يبقى قدامك خيارين
اما انك تدخل في المنظومة بتاعتهم او تتصفى؟
طيب ما اخدتش بالك
ما جراش حاجة
انا برضه في حاجات كتير عملتها في حياتي وانا مش واخدة بالي
وابتديت تتحاصر عشان يضغطوا عليك ترجع في كلامك
وانت مش واخد بالك
وضهرك اتكشف واتعرف كل امكانياتك وقياداتك وعناصرك وما بقاش عندك اي حاجة سرية
مع ان السرية هي عنصر حيوي لاي حركة مقاومة
وانت مش واخد بالك
واتقبض على كل عناصر الحكومة بتاعتك
وانت مش واخد بالك
واتسلط عليك واحد صايع حقير منحط عميل اسرائيلي واوسخ من الاسرائيليين
وانت مش واخد بالك
واعتدى عليك وسفك دم عناصرك
وانت مش واخد بالك
رحت انت رادد
وانت مش واخد بالك
وفجأة لقيت نفسك من دون ارادتك ولا رغبتك ولا حتى وعيك
جزء من حرب اهلية
بتقتل زي اللي بيقتلوا
وبتسفك دم زي اللي بيسفكوا
وانت مش واخد بالك
وطبعا اعداءك مش ح يقولوا اصله اعتدي عليه
ما بيركزوش غير على انت بتعمله
وانت مش واخد بالك
وخسرت كل حاجة
وانت مش واخد بالك
لا حصلت مقاومة
ولا حصلت حكومة
وبس بقيت رافع السلاح على ناس فلسطينيين
خونة بقى وللا مش خونة
الواقع انك موفر سلاحك عن اسرائيل
ورافعه على فلسطينيين
وانت مش واخد بالك
سؤال: ح تاخد بالك امتى؟
كنت اتمنى ان يصل صوتك اوضح من صوتي
لانني بالفعل دماغي شايطة
وما عنديش خلق اشرح
ومع ذلك
ما يحدث من جدل على النت فيما يخص الفتنة
في فلسطين
هو تصغير لما يحدث في فلسطين نفسها
انا بس عايزة اوضح حاجة
ويا رب اعرف اوضح
السلطة الفلسطينية هي احد نتائج اتفاقية اسلو المهينة
انا شخصيا مش معترفة باتفاقية اسلو
واظن ان كل حركات المقاومة اعلنت انها غير معترفة بهذه الاتفاقية
وعليه فهي غير معترفة بنتائجها
وللا ايه
خاصة ان السلطة الفلسطينية التي تأسست بموجب هذه الاتفاقية
كان هدفها الرئيسي هو قمع الانتفاضة واعتقال عناصر المقاومة
وللا ايه
يعني
بالبلدي
السلطة الفلسطينية هي المخبر ابو جلابية وبالطوا وعصايا وجرنال مخروم
بالبلدي اكتر
اسرائيل لما لقت نفسها محتاسة مع عناصر المقاومة
رقعت بالصوت وجات امريكا لحقتها باتفاق اسلو
خدوا غزة واريحا
وحكم ذاتي
وحوشوا عننا دول
وللا ايه؟
وللا احنا بننسى؟
حركة حماس
اللي كلنا حاطين عليها امل وعشم زي ما ايمان بتقول
اسمها حركة "المقاومة" الاسلامية حماس
المقاومة
صح؟
طيب ازاي انت مقاومة وبتترشح في انتخابات مؤسسة في بنائها على اتفاقية انت مش معترف بيها
واللي اسسها العدو اللي انت بتحاربه
وازاي ما شفتش انهم سمحوا لك بالنجاح في الانتخابات عشان يبقى قدامك خيارين
اما انك تدخل في المنظومة بتاعتهم او تتصفى؟
طيب ما اخدتش بالك
ما جراش حاجة
انا برضه في حاجات كتير عملتها في حياتي وانا مش واخدة بالي
وابتديت تتحاصر عشان يضغطوا عليك ترجع في كلامك
وانت مش واخد بالك
وضهرك اتكشف واتعرف كل امكانياتك وقياداتك وعناصرك وما بقاش عندك اي حاجة سرية
مع ان السرية هي عنصر حيوي لاي حركة مقاومة
وانت مش واخد بالك
واتقبض على كل عناصر الحكومة بتاعتك
وانت مش واخد بالك
واتسلط عليك واحد صايع حقير منحط عميل اسرائيلي واوسخ من الاسرائيليين
وانت مش واخد بالك
واعتدى عليك وسفك دم عناصرك
وانت مش واخد بالك
رحت انت رادد
وانت مش واخد بالك
وفجأة لقيت نفسك من دون ارادتك ولا رغبتك ولا حتى وعيك
جزء من حرب اهلية
بتقتل زي اللي بيقتلوا
وبتسفك دم زي اللي بيسفكوا
وانت مش واخد بالك
وطبعا اعداءك مش ح يقولوا اصله اعتدي عليه
ما بيركزوش غير على انت بتعمله
وانت مش واخد بالك
وخسرت كل حاجة
وانت مش واخد بالك
لا حصلت مقاومة
ولا حصلت حكومة
وبس بقيت رافع السلاح على ناس فلسطينيين
خونة بقى وللا مش خونة
الواقع انك موفر سلاحك عن اسرائيل
ورافعه على فلسطينيين
وانت مش واخد بالك
سؤال: ح تاخد بالك امتى؟
21 comments:
والله الواحد مش عارف يعقب يقول ايه غير لازم تقري مقال فهمي هويدي علي سايت اعتقد اسمه نافذة مصر واحد مدون زميل بعتلي اللينك لو تشوفي كاتب ايه فااضح فتح والكلام عن فرق الموت وده بالتفصيل ,,وانا مع احترامي لكل الكلام ده بس انا اعتقد -سواء حماس كويسه او لا- لكن دي لعبه دوليه للقضاء عليها
تحياتي
وانا مش معترضة ع الكلام ده
والكلام ده لا يعفي حماس من اللوم
استنى
انشرلك الرد اللي رديته على ايمان
علاء عبد الهادي
نغمة العك السياسي اصابة الجميع الكل يتحدث عن قصص وحواديت من خيالة او مجرد سمعها من جهات لا وزن ولا قيمة لها ارجو ان المتابعة للأخبار والنشرات تكون بشكل حرفي دقيق مش قلنا وقالوا
و أنا أويد الأستاذ بحري في دوده علي البوست
محدش سمع ان في مظاهرات في غزة خرجت تحتفل بطرد الفاسدين والخونه من غزة مع إحترامي الكامل لباقي الشرفاء من فتح
محدش سمع رجالات فتح المحترمين وردود أفعالهم بلاش العك الإخباري أرحمونا
كونوا أمناء في النقل
وكذلك في عرض الموضوعات
ابعدوا عن العواطف وسيبوا ام عواطف في حالها
يا ست نوارة عمالة تعيدى و تزيدي في كلمة و فكرة و احدة مالها حماس و مالالسلطة كانت خليتها في المقاومة أحسن
على فكرة كلامك ده صح ولو تفتكري كويس إن أيمن الظواهري قال نفس الكلام من قبل
لكن فيه نقطة مهمة جدا لازم تاخدي بالك منها
عناصر فتح الخونة وليس الشرفاء كانوا موجودين في غزة للقضاء على المقاومة و منع توجيهها لإسرائيل
يعني كانت حماس بتحارب و تقاوم اسرائيل و في نفس الوقت مهددة من قبل عملائها في فتح
المهم النقطة دية أكبر من انك تفهميها .. أفهميها على مهلك و براحتك
لكن هناك نقطتان منقولاتن من موقع صوت لندن بي بي سي العربي
الأولى تصريح لأولمرت عند فوز حماس قال فيه عن حماس عندما سئل عن رد فعل اسرائيل حيال نجاحها
قال ( أنهم نظيفي اليد) و سوف يتولى الآخرون أمرهم
افهمي انت بقى الموضوع ؟؟؟؟
النقطة الثانيةى كان في الضفة أكثر من ثلاثين ألف عنصر أمن تابع لفتح تم تدريبهم في مصر و الدول الأوروبية و تسليحهم من قبل أمريكا و بريطانيا - الكلام موجود في بي بي سي
طيب العدد ده و التسليح ده هل ممكن توافق عليه اسرئيل و تدعمه أمريكا لو كان فيه شك واحد في الميه أنه يشكل خطر على اسرائبيل
طيب تبقى القوات دية الهدف منها إيه غير خنق المقاومة في الداخل
يعني حائط دفاع أول لأسرائيل ضد المقاومة
كل ده يا شيخة و لسه مصممة ان حماس ببتصارع على السلطة مع فتح
افهمي بقه فلقتيني حرام عليكي ؟؟؟؟؟؟؟؟
طهقان
من شعر أحمد مطر
أنا لَستُ عبداً لِـعبْدٍ مَريدْ
أنا واحِدٌ مِن بقايا العِبادِ
إذا لم يَعُدْ في جميعِ البلادِ
ِسوى كُومَةٍ من عَبيدِ العَبيدْ.
فأَنْزِلْ بلاءَكَ فَوقي وتحتي..
وَصُبَّ اللّهيبَ، ورُصَّ الحَديدْ
أنا لن أحيدْ
لأنّي بكُلِّ احتمالٍ سَعيْد:
مَماتي زَفافٌ، وَمَحْيايَ عِيدْ
سَأُرغِمُ أنفَكَ في كُلِّ حالٍ
فإمّا عَزيزٌ.. وإمّا شَهيدْ !
حماس اخدت غزة و هما عارفين ان فيه تمن حيدفعوه ... و مافيش مانع من تضحيات في سبيل هدف .. مافيش حد حيصلح المجتمع و هو حاطط ايده علي خده
و زي ما قال امير الشعراء " و من السموم الناقعات دواء "
Ahmed
http://brainegypt.blogsome.com
i think every one should read fahmy el howaidy's article...
i personally read it here
we salaaam.
الله يخرب بيت عاطف
ويخرب بيت العقول التنظيمية اللي بتفكر بالزمبلك وتدوس على بطنها تصقف
ويخرب بيت قلب الحق باطل والباطل حق ولي الحقائق بس لمصلحة التنظيم وخلاص
اوووووووووووووووععععععععععععععععععععععععععع
المرة دي .. أنا مقتنع تقريبا بكل كلمة قلتيها أنت و الأخت العزيزة ايمان.. بل و اؤيدها تماما في اقتراحها بأن تسلم حماس مقادير الأمور للشرفاء المستقلين في غزة "و ان كنت أشك في أن يقووا على أن يحموا أنفسهم بدون قوة حماس و كتائب المقاومة الشريفة الأخرى".
و أن تعود حماس لمربع المقاومة مرة أخرى. و بذلك تكون خرجت من معركة قذرة مدبرة لتصفيتها و هي منتصرة مرة أخرى "لا أقصد الانتصار العسكري على الخونة و العملاء" و لكني أقصد انتصارها بانسحابها في الوقت المناسب من وجهة نظري و بعد تصفية معاقل الخيانة في غزة و فضحها و كفاها ما خسرته من دماء ذكية لم تتلوث يوما أو لحظة أياديها بقوت الشعب الفلسطيني و ما خسرته تحت تأثير جبروت الاعلام العالمي المعلومة نواياه و العربي الموجه. ده غير انكشاف اوراق سرية و حجم قدرات و الذي كان الا حد ما يقلق أعدائها من الداخل "العملاء" و من الخارج الصهاينة و حلفهم الغربي.
معك و مع ايمان ألف حق
المرة دي.. أرفعلك القبعة..
و ان كنت مش معاكي في الحمقة الي انتي فيها و انك عمالة تقولي يخرب بيت العقول و التنظيمات الي بتمسح الشخصية.. و ده اسلوب مصادرة رأي لا أتفق معك فيه اطلاقا.
فأنا شخصيا رغم اتفاقي معك هذه المرة الا اني بيني و بين نفسي أقول لعل الأخوة في حماس تباحثوا كل هذه المسائل و أكيد مش أنا و لا انتي العباقرة الي جبنا التايهة و احتمال يكونوا حسبوها بطريقة مختلفة و شافوا ان مكاسب الشعب الفلسطيني و المقاومة أكتر من الخسارة.. و مرة أخرى الي ايدو في المية مش زي الي ايدوا في النار.
أنا و انتي قاعدين لابسين الشورت و حاطين الشاليمو بتاعت عصير العناب في بقنا و قاعدين نحلل و ننتقد.. بل و أسف يعني حتى كتير من أفراد الشعب الفلسطيني ايده في المية "السخنة مش زي ميتنا" و مش في النار و كل همه لقمة العيش و يمكن احيانا بيتغاظ من المقاومة و فكرة الجهاد "زي كتير من الشعب المصري الي بيشوفك في مظاهرة و يمصمص شفايفه لكنه عمره ما هيفكر يشترك معاكي في المظاهرة ده ان متطوعش وقال يووووووووه عايزين نروح اشغالنا و ناكل عيش دي عالم باينها فاضية". و لا عمرك
مسمعتيها دي؟ معتقدش
عموما أنا مش برجع في كلامي مازلت أتفك معك تماما.. و لكني أختلف معكي في أني لا أرى نفسي أمتلك الحقيقة المطلقة.
و لأني اسلامي "واحد بيغمز" فأنا أتبع مقولة الامام الشافعي "رأينا صواب يحتمل الخطأ و رأيهم خطأ يحتمل الصواب"
عقبال الي ف بالي يا رب
و دي فرصة أوجه رسالة لاخواتي في الوطن و لقمة العيش و اللحاف واحد جيمي بيه هود و مايكل أفندي هود بردو بلاش نصطاد في المية العكرة البنت الي بتكتب المدونة دي أنا معرفهاش و لا عمري شفتها و بختلف معاها ده حقيقي.
بس دي أختي في الدين و العروبة و الوطن و الدم الحامي الحر بيجمعنا. و بلاش تحريض و ده بيقولك يا عالمانية اووووووووه عشان أنا بس كنت بوضحلها وجهة نظري و حرصت ساعتها اني اقولها ان علمانية دي مش شتيمة هية حرة زي مانا كمان حر.
و لا ايه؟
بعتز بيكي جدا رغم اختلفنا كثيرا و اتفاقنا احيانا لكنك تظلي فتاه أتمنى ان تكون كل بنات بلدي و امتى زيك. بيشغلوا عقلهم قبل بقهم و عندهم اهتمامات ابعد بكتير من المسلسل و البتلة لما باست البتل و عيون خالد سليم و شعر صدر عمرو دياب.
تحياتي و حفظك و هدانا و هداكي الله لما فيه الخير و ما فيه رضاه. و أعوذ لي و لكي من سخطه و النار.
و السلام ختام
امضاء
سيف الدين عربي المصري
و اتفق من أن حماس خسرت بعض التعاطف من اناس من السهل التأثير فيهم عن طريق الميديا.
لكنها في نفس الوقت اشتد ايمان الؤمنين بها عن يقين و علم.
من هي حماس
ما هي ادبياتهم
و ما هي الحالة التي دفعتها لخوض هذه التجربة المريرة.
و من يقرأ الرأي و الرأي الاخر. و يعلم كيف يفرق بين الغث و الثمين.
أنا شخصيا اشتد ايماني برجال حماس و قوة عزيمتهم و ثباتهم على الحق.
فبالرغم من انهم يعلمون ان العالم كله متفق ضدهم و انهم لا يملكون على الأرض الا دعاء الشرفاء. الا انهم لم يهابوا و لم يتراجعوا و بعد صبر أربعة عقود.. اربعين سنة خيانة و مهانة و مذلة و بعد ماتحطوا ما بين خيارين احلاهم علقم أخذوا قرارهم. لأنهم لا يراهنون على رصيدهم في الأرض بل يؤمنون بقدرة من في السماء.
أنا شخصيا أتمنى لو اني أملك سبيل لأن تتوجه اموالي و مساعداتي لرجال حماس لأني أعلم ان كل مليم كل قرش كل هللة كل فلس مش هيروح هدر و لا في كرش حد.
انهم هيفتحوا بيه مدرسة او يبنوا بيت شهيد اتهدم او يكفلوا يتيم او يفتحوا مدرسة تحفيظ قراّن أو يشتروا حتى سلاح مقاومة من المحتل و الخاين الدنيء البجح.
و مش هتضحك عليا الاّلة الاعلامية القذرة و لا أرجوزاتها و لا عرايس الماريونيت الي كلمة بتجيبهم و كلمة بتوديهم.
كنت أدعي الله دوما بتحرير المسجد الأقصى الأسير و نصر المجاهدين الشرفاء في فلسطين و الأن أحس بأنه حان الوقت لأن أختص رجال حماس بدعائي و قنوطي و صلاتي. و أدعوا كل شريف أن يصلي معي لهم و يدعوا الله لهم بأن يخلصهم من هذه المكيدة و يبيض وجوههم أما شرفاء الشعب الفلسطيني.
أمين أمين يا رب العالمين
سيف الاسلام العربي المصري
الاخ سيف الدين
اولا اشكر الله ان وجهة نظري وضحت
لان ده اللي كنت عايزة اقوله من ساعة اول البوستات والظاهر من الحمقة اللي بتقول عليها ما عرفتش اوضح وجهة نظري
عشان كده نزلت رد ايمان عشان هي كانت اهدى مني شوية
بس انا ليا تعليق بخصوص الشورت اللي احنا لابسينه وحاطين الشاليموه في بقنا
الحقيقة ان سلاح حماس ده بفلوس الناس الغلابة وتبرعاتها واظن حضرتك فاكر لما حماس اتحاصرت كل الناس راحت اتبرعت في نقابة الاطباء
سواء بقى الفلوس وصلت وللا لا
بس اظن برضه انك شفت بعينك في النقابة الناس اللي راحوا يتبرعوا قد ايه كانوا غلابة وبيتبرعوا بعشرة وعشرين جنيه
يعني احنا لينا فيهم ولينا حق على عتبهم
يا جماعة إحنا بنتكلم في الهواء كل زمايلي الفلسطينين إللي أنا أعرفهم مؤيدين لحماس في إللي هي عملته ويقولولي إن فتح عليها فساد لعين وكانت تستاهل وكل فلسطيني عاوز يخلص من فتح وياريت تشوفوا أي منتدي فلسطيني وهتصدقوا كلامي
وانا مش امعة عشان لما صحاب حضرتك الفلسطينيين يقولوا حاجة واضح انها غلط اقوم اسمع كلامهم
اكيد يعني الحرب الاهلية دي ما اتعملتش باتنين وللا تلاتة
دول مئات
حتى دحلان له انصار بالمئات
مرة تانية هختلف معاكي في كونا لينا حق..
و بكل أسف بنتبرع ليهم لما بنشوفهم خلاص وشهم بقة في الحيطة و الميديا بتاعتنا تنشر ده عشان تلاعب بينا و بعواطفنا امريكا و تبتزها شويتين.
قوم نجري و نجاهد باموالنا و قلوبنا..
المفروض منبطلش لأن ده أضعف الايمان.
و أنا شخصيا لا أعتقد ان الفلوس الي بدفعها مهما كانت قيمتها تديني الحق اني أحط راسي براس مجاهد بيرمي مش بس ماله و حاله لأ كمان بيته و اهله و نفسه و ولده أمانه بين يدي الله...
شتــــــــــان
زي ماهو شتـــــــــــان بين واحد قاعد في بيتهم و عاملي سياسي و سبع رجالة و هوة أي بنت زيك بتتطلع في مظاهرة و تقول رأيها و تنضم لأي كيان شريف بيحارب الفساد و الخيانة و العمالة بمنتهى الشجاعة أيا كان الكيان ده اخوان و لا كفاية و لا الغد ولا ولا.. و متخافش الا من الي خالقها أرجل منه ألف مرة..
أكيد دايما ليكي و ليا الحق اننا نقول رأينا..
بس كمان متنكريش ان الي ايده في الميه مش زي الي ايده في النار و الناس دي مش ايدها بس الي في وسط النار يا ست الكل.
نفسي نحط نفسنا مكان الناس دي..
يا ست الكل الي كان بيحصل قبل كده بس الناس بتنسى أن شلة الحرامية و القطط السمينة الي بيسموهم سلطة فلسطينية كانوا بيتاجروا بالمقاومة عشان يحصلوا على أكبر مكسب مادي ممكن.. يسيبوهم شوية صغيرة و لما ياخدوا القرشين يرجعوا يلموهم تاني و ينتفوا دقونهم و ينزعوا سلاحهم و يفخخوا سياراتهم و يعتقلوهم و يساعدوا العدو الصهيوني..
يعني أي مكسب كانت بتحققه المقاومة الفلسطينية الشريفة و الي الكل عارف ان حماس ليها أكبر نصيب بمقومات هذه المقاومة المحاصرة الضعيفة و الانجاز الي بياخد سنين كانت بتضيعه السلطة الفاسدة و الخيانة في لحظات و مقابل صفقة واطية.
صدقيني خيارات حماس كان احلاها مر..
نفسي نحاول قبل مانصدر احكامنا نحط نفسنا مكان الناس دي..
المسألة مش بالبساطة الي بتتكلموا عنها دي..
مش حماس هترجع تقاوم هيسبوها تقاوم.
ربنا علمنا كده. عمر الصهاينة و لا الخونة ما هيرضوا عنا الا لما نكون نجسين زيهم و خونة و نفرش جنبهم نبيع شرفنا.
أخوكي الي أتشرف دايما بانه تكون لي أخت لمضة زيك كده
:)
سيف الاسلام العربي المصري
:))))
تصدقي بالله؟
والله العظيم اكتشفت انك ما بتفهميش اي حاجة في موضوع القضية الفلسطينية .. فعلا
ويل لأمة ضحكت من جهلها الأمم
كل ده مش شايفة دور ايران واسرائيل مع بعض في نفس الاتجاه؟ تقاطع مصالح يعني؟
ابقي البسي نضارة .. ودوري على حد يفهمك
لا اله الا الله
سيبنا لك المفهومية والنباهة يا عم الكوتكوت
يا ست الفرخة يا ام ريش منتوف .. ما هو ده مستوى الحوار بتاعك .. ما بتعرفيش تتحاوري خالص لانك مش فاهمة وبتهربي باسلوبك البلدي القبيح ..
الا بالحق .. حتبيضي ايمتى؟
انت مش امعة ومحدش طالب منك تكوني كدة
بس انت مش على اطلاع بالقضية الفلسطينية زي ابناءها اللي اتربو كل يوم عليها وعايشين علشانها ...
معلش مهما قرأت وعرفت يستحيل توصلي لدرجة فهم اللي عاش في القضية كل ثانية من عمره لدرجة ان ممكن شهور تعدي وهو نفسه يطمئن اقرب الناس ليه عايشين ولا خلاص اتبخروا ...
لما تعيشي الحياة دي ( ويا رب يبعدها عنك وعن الكل ) هتفهمي لما الطلبة الفلسطينين بيتكلموا هما بيتكلموا بناءا على ايه
ربنا يكرمك على اهتمامك بالقضية وبالشعب ... بس قبل ما نكيل الإتهامات للناس ونبان احنا اللي فاهمين كل حاجة ... نعرف الأول الناس دي تاريخ نضالهم ( الحقيقي ) ايه ... بالتالي نقدر نفهم هما بيعملوا ايه دلوقت ....
ربنا يباركلك
الأخ سيف الدين عربي المصري
ربنا يبارك في حضرتك
أسلوبك اهدى كتير من اسلوب الجميع ... الله يجزيك خير ..
على فكرة حماس ليها اخطاء واعترف بيها اسماعيل هنية والزهار وغيرهم بس اي غلط عملته حماس ميجيش 1% من الي للأسف الناس اللي باعوا ضميرهم عملوه ..
ومرة اخيرة .... مش كل واحد من فتح يبقى خاين ...
شكرا ليك يا نوارة كمان مرة :)
شكلي أصبحت مدمنة على مدونتك اسمحيلي معلش ..
حاولت اقوم من على الكمبيوتر ما عرفتش ..
عارف لما تحاول الناس تفهم اللي في دماغك وانت مش عارف توصله ؟؟
لما تحاول تفهم البشر الحقيقة ؟؟
يمكن مقالة ايمان وردك فيه شيء من اثلاج الصدر ...
لكن برضه في تحامل على ناس يعلم الله هما بيناموا ولا لأ !!
كل اللي نفسي تعملوه .... انكو تدعو للناس دي علشان هما في هم ما بعده هم ... ادعولهم وادعو رب العزة يسلم فلسطين ...
Post a Comment