Wednesday 20 June 2007

كتب محمود الزهيري عن معاوية ويزيد

وانا على فكرة علموني وانا صغيرة ما ازهقش من قول الحق
ده اولا
ولا اكابر - زي ناس - والحمد لله دي هبة من ربنا
ماليش فضل فيها
وكمان ما اخافش ولا اتهت لما بيتسلط عليا
ناس تتهمني عشان تخليني اتراجع عن اللي شايفاه حق
وما فيش حاجة تخليني اتراجع
غير اني اشوف فعلا اني كنت غلطانة
وعمري ما باتكسف اعتذر
ولا ليا حسابات تنظيمية تخليني اقول ع الصح غلط والغلط صح
وسبق وقلت
لا بالعب سياسة
ولا بالعب طاولة
ولا بالعب في مناخيري
والحق احق ان يتبع
:هاكم مقال محمود الزهيري عسى الله ان ينفع به قوم يعقلون
عن الإقتتال الفلسطيني : من منكم ليس معاوية , ومن منكم ليس يزيد ؟!!
محمود الزهيري
moudelzohery@yahoo.com
مشاهد العنف والإرهاب الفلسطيني / الفلسطيني , تحمل قدراً كبيراًُ من الرعب , ولكن للشعب الفلسطيني في المقام الأول , أما في البسط , فإن التأزيم يمتلك المهتمين بالشأن الفلسطيني , علي كافة المستويات , وكأن صراع ماتعارف علي تسميته , بالكذب والزور والبهتان , فهذا نفاق سياسي / إعلامي , يستخدمه البعض للتزلف إلي الطرفين المتقاتلين , وكانت المصلحة من وراء هذا التزلف سبيلاً مشروعاً للعديد من القوي التي تلعب بأوراق الكوتشينة الفلسطينية , بالمقامرة والمغامرة أحياناً , والتسلية , وإضاعة الوقت بالترفيه أحياناً أخري , وكانت الأوراق في أحيان كثيرة يقدمها الفلسطينين أنفسهم للمقامرين , وطالبي الترفيه والتسلية !!
ولكن أن يصل الأمر إلي القتل , وإراقة الدماء , فهذا أمر يحمل قدراً كبيراً من السفه والعته , بل وإن شئنا الحقيقة يكون الجنون , الذي مردوده مردوداً دينياً بالنسبة لمنظمة حماس , وسياسياً مبنياً علي المصلحة بالنسبة لحركة فتح , ومابين الدين والمصلحة يتوه الشعب الفلسطيني , والذي ينتحر بيد أبناء قومه وعشيرته , وكأن أمر الإقتتال والتحارب أمراً عادياً .
ولكن الغريب في الأمر أن التياران المتقاتلان , يذهبا إلي أن أسباب هذا الإقتتال يرجع في أسبابه إلي نظرية المؤامرة , تلك النظرية التي تحيك خيوطها أطراف خارجية لها مصلحة في إدارة الصراع الفلسطيني , وإطالة أمده , وهذا لون من ألوان السفه الغير مقبول من الفلسطينيين أنفسهم , إذ ماهو الغرض من هذا الإقتتال والتحارب , وإراقة الدم الفلسطيني رخيصاً مهدراً علي الأرض الفلسطينية بأيادي فلسطينية ؟!!
وإذا كان الجميع يعتقد بأن هناك مؤامرة فلماذا لايتم قطع الطريق في وجه أصحاب المؤامرة ؟!!
أظن أن منظمة حماس مازالت تعيش المأساة الخاصة بتولي السلطة , وقيادة المجتمع الفلسطيني الأسير بين الدولة العبرية , والتخاذلات , والخيانات العربية , ولكن الحادث في المشهد الفلسطيني أصبح يؤكد بدلالاته المعتبرة في الواقع أن الخيانات المتعددة , والتخاذلات أصبحت فلسطينية بجدارة , لأن الدم الفلسطيني المراق هو دليل الخيانة , ورمز السفالة , لأن القتل والإحتراب علي كرسي الحكم الملعون من أيام الصراعات التي توالت علي المجتمع الإسلامي ومنذ عهد عثمان بن عفان , وعلي بن أبي طالب , ومعاوية ويزيد بن معاوية , والدم يراق والقتلي تتوزع أشلاؤهم علي طرقات شوارع أدعياء الإسلام , أدعياء نظرية الحقيقة المطلقة , التي يمتلكها كل دعي للإسلام , والذي يحضرني الآن هو هذا التساؤل عن حقيقة هذا الإحتراب , عن التياران المتحاربان , وهو من منهم يقوم بدور علي , ومن منهم يقوم بدور معاوية , ومن منهم يقوم بدور الحسين , ومن هو القائم الفعلي بدور يزيد بن معاوية ؟!!
إن العرب لايستحون , وإن إستحوا لايحركوا ساكناً , وإن حركوا ساكناً كان ضد من هو من جلدتهم , فالغالبية تبحث عن القيادة , والجميع يبحثوا عن السيادة , لقد تذكرت ماقاله هيكل علي لسان حيدر عبد الشافي في أثناء مفاوضات الفلسطينيين في واشنطن مع الجانب الإسرائيلي , وأورده في كتابه سلام الأوهام : نحن وفد منقسم علي نفسه , وفي الحقيقة فنحن أربعة عشر وفداً فلسطينياً , وكل وفد فينا وفد مستقل , وكل واحد يمثل نفسه ,وله إتصالاته , وله ميادينه .
ويستطرد هيكل معقباً علي كلام عبد الشافي أثناء مشاركة الوفد الأردني في المفاوضات : لعل أكثر ما ضايق الوفد الأردني هو ماوجده من حساسيات بين أعضاء الوفد الفلسطيني مبعثها كما _ قدروا _ المنافسة الشديدة علي الأضواء فكلهم أصبحوا نجوماً : حنان عشراوي , نجمة كبيرة , وفيصل الحسيني يحاول أن يلحق بها , وصائب عريقات يجرب حظه , وشيئاً فشيئاً بدأ يستقر في يقين الوفد الأردني أن محادثات واشنطن لن تسفر عن شئ له قيمة بسبب الفوضي السائدة في الوفد الفلسطيني .
وإذا كان هو حال الفلسطينين في مفاوضات الدولة العبرية طرفاً فيها , فما بالنا والمفاوضات فيما بين الفلسطينين أنفسهم , وماذا يمكن أن نعتقد إذا كانت المفاوضات بالرصاص الحي , والدانات , والمدافع ؟!!
ولكن الملاحظ أن الفلسطينين من الجانبين المتحاربين , لايستحون , وليست لهم أنوف , يشمون بها رائحتهم التي أزكمت أنوف من إقترب منهم بحديث أو جاورهم في طاولة مفاوضات , ولكن ولأن العرب تعاملوا مع الفلسطينين بلغة الولد اليتيم , والمستحق للتدليل والرعاية , والإهتمام , فقد بدا أن الفلسطينين , لم يريدوا أن يستشعروا أنهم قد بلغوا سن الرشد , ويتوجب عليهم الفطام , أو هكذا يذهب العديد من المهتمين بالشان الفلسطيني المأزوم دوماً , وبالفلسطينين أنفسهم , وبخياناتهم , وبخيانات العرب .
إن مشهد أنصار حماس , وأنصار فتح يثير الرعب ويهدد الفرص التي قد تكون متاحة لتقرير مصير الشعب الفلسطيني في المستقبل , خاصة , وأن كلا الطرفين يحمل السلاح ضد الآخر , بل ويعتبر البعض من أنصار حماس أن الإستيلاء علي مقر الأمن الوقائي بمثابة فتح مكة , وأنهم تدافعوا سجداً بأسلحتهم علي أرض مقر الأمن الوقائي , وكأن فتح , وأنصارها قد إستعادوهم من أعماق التاريخ العربي , ليمثلوا أدوار الكفار , أو كأنهم هم اليهود الحقيقيين , وكان لزاماً علي منظمة حماس والأنصار لها , أن يطهروا مقر الأمن الوقائي المقدس , من دنس منظمة فتح , والذي يؤكده واقع الحال , بل وان كتائب القسام تتدخل في المسألة بإعتبارها الذراع العسكري لحماس , وتعلن أنها سوف تخلي سبيل الأسري من منظمة فتح , وقيادييها المأسورين بإرادة عسكرية / جهادية دينية , من قادة حماس المجاهدين ضد فلول منظمة فتح الكافرة , حسب التصور الديني لحماس , وإلا مامعني السجود لله شكراً علي أرض مقر الأمن الوقائي , ولماذا هتافات الله أكبر في وجه فتح ؟!!
ولماذا الزغاريد والأهازيج وتوزيع الحلوي ؟!!
هل بمناسبة القتلي والجرحي والمصابين من الطرفين ؟!
أم أن الإسلام سيكون هو الحاكم علي يد حماس وسيكون المن والسلوي طعاماً لأنصار حماس , والقمل والضفادع والدم , ستصب لعنات علي منظمة فتح ؟!
اعتقد أن حماس , وفتح يستحقان اللعنة , ولكن المتوجب عليه توجيه اللعنات هم المأزومين من فتح وحماس , أقصد الشعب الفلسطيني ذاته , لأنه لن توفر فتح الأمن , ولن تستطيع حماس أن توفر القوت , وضرورات المعيشة , ورواتب الموظفين , ولن توفر الوقود والطاقة , وسيكون رغيف الخبز عزيزاً , وكوب الحليب لرضيع أمراً مستحيلاً , ويتوه الفلسطينين في متاهة البحث عن كوب الماء الضائع , وكوب الحليب المفقود , وتضيع الآمال , والذي سيصبح وجوده حقيقياً وفارض نفسه علي الجميع , هو فقط كرسي الحكم , الذي تنازع عليه معاوية , ليكون كل من فتح , وحماس , يمثلان سوياً نفس الدور الذي قام به معاوية , ويزيد ابنه , في حالة إستجلاب لأحداث الماضي السوداوية , ويستمر الصراع محتدماً , حتي يقول الكثير من المنافقين :
إن الفتنة نائمة لعن الله من أيقظها !!
وإذا كانت الفتنة نائمة والله لاعن من يوقظها , فا بالنا بمن يصنع الفتنة ؟!!
وهل من شهداء لفتح , أو شهداء لحماس في هذا الإقتتال ؟!!
معذرة كلكم معاوية , وكلكم يزيد بن معاوية !!
محمود الزهيري
mahmoudelzohery@yahoo.com

36 comments:

Anonymous said...

اممممممم
مفيش فايدة

رجعنا تاني للكلام غير المنطقي و المتأثر بالميديا رجعنا تاني نساوي بين طرف شريف عمره ما ساوم ولا باع ولا خان مع طرف ضربه السوس و نخره و سكر خيانة و جتته نحست و مبقتش تفرق معاه كلمة شرف أو عرض أو وطن.

و كلام خايب عن خوف حماس على الكرسي "هم يبكي و هم يضحك" مرة واحدة نقلع نضارات الاعلام المعادي لكل ماهو اسلامي و الي بيقلع جلده زي التعابين كل يومين. تفرق ايه السلطة مع حماس؟ حماس عارفة كويس متفتكروش انكم انتوا الي لوحدكم الي شايفين و عارفين انها هتخسر كتير قوي من تحت راس الكرسي "معرفش ان كانوا توقعوا ان الخونة و العملا هيعلنوا الحرب بالبجاحة دي و الدنائة دي و لا لأ".
بس الله يحفظكوا بلاش كلام خايب يبكي القلب!! عملت ايه حماس بالسلطة لنفسها أو لقادتها؟ بالعكس اعتقالات و اغتيالات بالجملة.. حماس كانت بتراهن على انها هتقدر تنضف السلطة و كمان خافت لأن وجودها دايما في مكان المقاومة المختفية كان ممكن الخونة من عمل اتفاقيات دنيئة و بيع مقرات و ثوابت الشعب الفلسطيني بأبخث الأثمان.

و الغريب أني ياما سمعت الناس اياها الي بتلوم حماس لأنها دخلت المعترك السياسي و الانتخابات بانها تدخل في الانتخابات و تورينا قوتها الحقيقية في الشارع الفلسطيني عبر صناديق الانتخابات و انها ان مكنش عجبها اهلا بها وسهلا في منظمة التحرير الي كل شوية يصدعونا بانها الممثل الشرعي الوحيــــــــــــــد للشعب الفلسطيني.
معادلة صحبة قوي قوي بجد صعبة و أنا و انتم ايدينا في المية و شغالين سلخ في ناس أقسم بالله انهم أشرف ألف مرة من اننا نخوض فيهم و في سيرتهم بسوء. مش لأنهم فوق النقد و لا لأنهم اسلاميين و يد الله في الأرض و لكن لأنهم
شرفاء في زمن عز فيه الشريف
مجاهدين في زمن كثر فيه المرجفين
دمهم رخيص في سبيل دينهم و وطنهم في زمن ليس أرخص فيه عند الكثيرين من الدين و الوطن للمتاجرة فيهم.

و كالعادة كلام خايب من عينة ليه بتسجدوا لله شكر؟!! و ليه بتكبروا؟! و تقولوا الله و أكبر..
و كأنهم بيقولوا كلمة قبيحة مثلا.

انتوا مسلمين و دول كفار انتوا في الجنة و دول في النار و الكلام الي بجد قرفنا من تكراره و تكرار النغمة دي بقه.
و كأنه عشان منبقاش متطرفين يبقى لازم ننزع عنا أي سمت اسلامي لازم نبطل نذكر الله أو نذكره على استحياء في سرنا.

هوة احنا كده الاسلاميين وحشين
بنحب نصلي استخارة قبل مانعمل حاجة حتى و لو كانت الحاجة دي حاجة بسيطة قوي و منطقية.. و لما بيتحقق لنا اي مكسب على عدو أو ربنا بيخلصنا من خاين او بننجح في امتحان او حتى بنجيب جون في ماتش بنسجد شكر لله و بنكبره و نهلل ليه و نحمده..

متغاظين ليه؟

الله أكبر كبيرا و الحمد لله كثيرا و سبحان الله و تعالى بكرة و أصيلا. حقا و صدقا و يقينا و نجاة لنا من النار.
و بصراحة المقالة دي غاظتني و غاظني الكلام الخايب اياه ..

و عشان كده بدعي كل انسان شريف شايف الحقيقة و عارف قد ايه رجالة المقاومة الاسلامية حماس بتتعرض لظلم بشع مش بس من الصهاينة و حلفهم ولا بس من الخونة لكن كمان من أنصاف الرجال المرجفون و الي معمولهم غسيل دماغ محترم عن طريق الميديا عربية فبل غربية. انه يدعي لكل فلسطيني مقاوم شريف مجاهد نذر نفسه و ماله و ولده في سبيل الله.

و بدعيكم اننا نقنط في صلاتنا لرجال حماس و نصليلهم صلاة قيام و ندعي الله أن يوفقهم و يسدد خطاهم و أن يجعل كيد أعدائهم في نحورهم و ان ينجيهم الله من هذه المحنة و أن ينصرهم كما نصر المسلمين في بدر و هم قلة و رفعهم و هم أذلة.
هو نعم المولى و نعم النصير
هو نعم المولى و نعم النصير
هو نعم المولى و نعم النصير

ااااااااااه هنصليلهم صلاة قيام ان شاء الله.
متطرفين و فاكرين اننا احنا بس الي هيكون لينا المن و السلوى و الناس التانيين القمل و الضفادع "كلام بارد كان هيخليني أرجع و استهزاء بمعاني قراّنية كريمة".

(وش في منتهى الحزن و الأسى)

امضاء

سيف الدين العربي المصري

Anonymous said...

لا ثانية واحدة انت فهمت اشارته للصلاة ازاي؟

ما حدش متغاظ من الصلاة واحنا مسلمين برضه وبنصلي يا استاذ سيف الدين

بس اني اتجرجر لحرب اهلية وامثل بالجثث وبعدين اصلي؟

لا بقى

دي اساءة للصلاة وللاسلام

المفروض كانوا يصلوا قبل التمثيل بالجثة يمكن ربنا كان هدا قلبهم وهداهم للصواب

يعني الصلاة دي لو كانت اتصلت قبل القتل والتمثيل بالجثث

يمكن ما كانوش لا قتلوا ولا نزعوا العلم الفلسطيني ولا مثلوا بجثة حد

Anonymous said...

موضوع التمثيل بالجثة ده... موضوع حقيقي مؤلم.. و ميصحش يطلع من ناس بتعرف ربنا زي حماس.. ومع اني شايف ان الناس ماسكة في الموضوع ده و سايبة الجرايم البشعة الي عملها الراجل ده و الي المفروض تذكر هية كمان.
بس فعلا غلطة الشاطر بألف.
لكن عزائي ان الي عمل كده هما العامة.. زي ما حصل في جنود أمريكا في الصومال قبل كده و في الفالوجة..

تخييلي واحد خانك و خان دينه و وطنه و باع شرفه و عزب و قتل ابنك أو أخوكي أو أبوكي عشان بيقاوم المحتل و و لو كان ده وقع تحت ايديك حي و لا ميت يا ترى كنتي هتسيبيه؟!!
يمكن أنا أو انتي نسيبه لكن تفتكري العامة؟ الناس البسيطة الي قلوبها محروقة و مكوية بنار البني أدم ده تقدر تكون بنفس قوتنا و صبرنا؟
حماس دول بشر مش ملايكة و انتي انسانة مثقفة و فاهمة متعمليش زي الجهالة الي لما يشوفوا واحدة محجبة بتعمل غلط يقولك شوف المحجبات؟ و لا واحد ازهري خان يبقى الأزهر كله خونة و بيخرج خونة.
دول برده بشر ليهم اخطائهم و هفواتهم بني أدمين عندهم الضعف الانساني زي أي فئة تانية.. و مش كل محبي حماس و المنضمين ليها على نفس درجة العلم و الايمان و قوة العقيدة..
محدش قال ان دول كتيبة ملايكة ماشية على الأرض..
و ماسكين في القصة دي و نسينا ان حماس قررت العفو عن مئات من عناصر الأمن الوقائي حتى الي ثبتت عليهم التهم ايديهم ملوثة بدماء الشعب الفلسطيني حتى من غير محاكمة شريفة و علنية.
في أكتر من كده؟!! و رجعوا كلهم على بيوتهم و ناموا في فرشتهم أمنين تماما.
ده بقة القرار الي نحاسبهم عليه لأن ده قرار قيادة مش تصرفات عامة و دهماء.

أرجو ان وجهة نظري تكون وضحت ليكي.

و بشكر لماضتك قصدي سعادتك على سعة صدرك..
:)

سيف الاسلام العربي المصري

Anonymous said...

ألو

أيوة



جماعة الصارم الحاسم بتخلي مسؤوليتها عن التعليقات المجهولة اللي باتفق معاهم بشدة بشدةبشدة ....3 بشدة

(:


عشان مايجيش في دماغ حضرتك بس اني بأدخل بمجهول لسبب او لآخر...مع احتفاظي بحق الاخفاء

السادة المجاهيل.....سلمت يمناكم

فيه مقالين جامدين او يعلى مصراوي لفهمي هويدي

اظن فهمي هويدي يا اخت نوارة برضه ليه من المصداقية اللي تخلين نأخذ كلامه كأمر واقع

http://www.masrawy.com/News/2007/Egypt/Politics/june/19/gaza.aspx


http://www.masrawy.com/News/2007/Egypt/Politics/june/20/hoaydy.aspx

Anonymous said...

مين ده؟؟؟؟
بتاع إيه يعني؟؟؟؟
لف مواتير ولا بيصلح عجل وبيكتب بعد الضهر؟؟؟

الناس عمالة تقولك فهمي هويدي والدكتور عمارة ومحمد سليم العوا

وانتي ريحه تجيبي واحد عامل نفسه خبير في الجهبذة

واحد مخنوق من الانتصار للرأي علي حساب الناس

Anonymous said...

اللهم انصر حماس على سائر شعبنا الفلسطيني.. اللهم انصر حماس على سكان الارض اجمعين
اللهم اهلك الاعداء عددا واحصهم بددا ولا تغادر منهم احدا واعز حماس بالتمثيل بجثث كل من ليس حماس وكل من هو حماس لكن ف قلبه مش حماس

تحياتي يا نوارة.. مقال جميل

Anonymous said...

يا ست نوارة
كلامك كثير قوي في نقد حماس و اللي عملته حماس
طيب ممكن علشان يكون ليكي الأجر و الثواب عند الله تقولي و تكلمي شوية عن فتح و اللي عملته فتح
يا أخ سيف الدين عربي المصري
أنا معاك و إن شاء الله كلنا بندعي و هانصلي صلاة القيام علشان ربنا يحفظ فلسطين من الخونة و العملاء
و لعلمك يا ست نوارة إذا كان منظر التمثيل بالجثث و القتل و الدمار بيسببلك كل هذا الألم فاحب أعرفك إن الحروب كلها كده و مافيش صراع مسلح أو حرب إلا و تكون ديه أبسط مشاهدها
لما تكوني في حرب و تشوفي الأشلاء و البقايا الآدمية المحترقة ماتستغربيش إحنا في حرب مش في كوكي بارك
و بعدين فين وجهة النظر الثانية في كتاباتك
جبتي رسالة ايمان بدوي و مقالة محمود الزهيري و لم نرى أي إشارة و لو كلمة واحدة تعبر عن الرأي الآخر
فعلا انت حيادية
أبسط شئ لو سمحت اعرضي مقال او رسالة تشرح وجهة نظر حماس
و اللا على نفس منهج وائل عباس
أنا بدون بمزاجي و أعما لاللي انا عاوزة
نريد تدوين راقي و ليس حوار طرشان
طهقان

Anonymous said...

طهقان بيدون بمزاجه ومش عايزني انا ووائل عباس ندون بمزاجنا

دي مدونة بتعبر عن رأي صاحبها

واللي ضد راي صاحبها عنده الفرصة انه يعبر عن نفسه

وانا مش عاملة موديريشن زيك على التعليقات

انا باسيب اللي عايز يتكلم يتكلم

انت بقى عامل مودريشن عشان اللي ما يعجبش تشيله

طبعا عشان انت تدون بمزاجك وكمان تنشر التعليق اللي على مزاجك

لكن انا ووائل عباس ما ندونش على مزاجنا

ومش بس كده

انت عايز التدوين في مصر كله يبقى على مزاجك

انت امريكاني؟؟؟؟؟؟؟؟؟؟؟

Anonymous said...

الصارم الحاسم

قريت مقال فهمي هويدي

وانا شخصيا باحب اقراه

بس المقال ده بالذات ما شفتش فيه التايهة

يعني كل اللي الناس عارفاه هو بيقوله مافيهوش حاجة جديدة

اما تحليله بقى ان ده كان اجهاض للانقلاب

هههههههههههههه

والله انا عمري ما شفت كده

احنا اللي ح نقوله نعيده

السلطة الفلسطينية سلطة اختلقها الاحتلال وامريكا بموجب اتفاقيات

يا اما مش موافق ع الاتفاقيات يبقى ما تترشحش

يا اما اترشحت تبقى موافق ع الاتفاقيات

ومدام موافق ع الاتفاقيات

يبقى ايه الفرق بينك وبين فتح؟؟؟؟؟

Anonymous said...

الاخ المجهول اللي بيحقر من الناس

وبيتعامل مع البشر باساميهم وشهرتهم وخلاص

ما سمعتش قول معاذ ابن جبل: خذ الحق وان جاءك من منافق او كافر

والاستاذ محمود اللي بيصلح عجل

لا هو منافق ولا هو كافر

وكما قال الامام علي: يعرف الرجال بالحق ولا يعرف الحق بالرجال

Anonymous said...

نائل

انا مش غايظني غير تحويل الاسلام الى تنظيم

وكأن التنظيم ده هو اللي احتكر الاسلام واللي يعترض عليه او ينصحه يبقى خرج من الاسلام

امال فين بقى الرجوع للحق والاستماع للنصيحة واخ الحق وان جاء من كافر او منافق

Anonymous said...

طهقان

عايز تعمل ديكتاتورية تدوينية

انت مالك انا بادون ازاي

دون انت بالديكتاتوريتك زي ما انت عايز

Anonymous said...

الأخت نوارة اللمضة
تحية طيبة و بعد
أولا أنا مش أمريكاني
أنا مصري و أبويا مصري و بخفة دمي مصري
سيبك من موضوع خفة الدم
أولا أنا مش بدون على مزاجي لأني مش صاحب مدونة أنا فقط أعلق و أشارك معكم معشر المدونين
أولا أنا متفق معك في بعض النقاط و أهمها ان حماس كانت اخطأت لما اختارت طريي الانتخابات
على العموم ممكن يكون ده خطأ في الحسابات لكن مش لازم يكون حب في السلطة أو الرياسة لأن حماس في غزة لها القيادة و الرياسة الشعبية
و بالنسبة لموضوع الاتفاقيات و أن من يشارك في السلطة معناه ضمنا أنه موافق على اتفاقيات أوسلوا و توابعها فعلا كلامك في ده صحيح لكن تعالى نناقش الموضوع سوا
لو كانت حماس ابتعدت عن المشاركة في السلطة و بقيت زي ما هي في المقاومة فقط و بعدين جات السلطة و فتح بهدلت في حماس و المقاومة و جات حماس ردت على ده مش ساعتها كنا قلنا حماس بتنقلب على الشرعية و تشق اللصف الفلسطيني ؟؟؟
طيب جات حماس اختارت تدخل السلطة و نجحت باختيار الشعب ، قوم فتح تضيق عليها و العالم كله يحاربها و يحاصرها و يحدث الانفلات الأمني المتكرر من قبل عناصر فتح و مجموعات دحلان
يعني بالعربي الفصيح حماس كانت بتتواجه مع العملاء في فتح و أعوانهم سواء كانت في السلطة أو خارجها
الموضوع مش متعلق بان حماس في السلطة و لا لأ الموضوع متعلق بوجود حماس أساسا
فيه حماس يبقي فيه صراع و حرب و نزاع من الجميع ضدها ,, ما فيش حماس يبقي فيه تطبيع و تنسيق و تنازلات و قبل و أحضان و بيع يالطفي أقصد بيع يا أبو مازن
...
و أخيرا أحب أنوه أني في مقارنتك مع وائل عباس حق علي أقول انك احسن من وائل عباس بكثير و انك اكثر احتراما و موضوعية ولكن المقارنة فقط تقريبية و ليست تشبيهية
و اخيرا تحياتي لأختي اللمضة من أخوك المصري اللي مش أمريكاني
طهقان

Anonymous said...

من طهقان المصري اللي مش أمريكاني إلى أخته نوارة اللمضة
يا نوارة يا لمضة
ديكتاتورية ايه
انا بقول تنشري مقال يوضح وجهة نظر حماس مش أكثر و بعدين انت اللي ها تغسلي -- قصدي ها تنشري مش أنا يبقي ديكتاتورية مني ازاي
فيه ايه يا نوارة ركزي شوية
طهقان المصري

Anonymous said...

طهقان المصري اللي مش أمريكاني يعلن للجميع أن وصف الست نوارة بانها لمضة من ابتكار و اختراع الأخ سيف الدين عربي المصري و هو حق حصري له و نحن نستعيره على سبيل الأمانة مع احتفاظه بكافة الحقوق
أما يا ست نوارة يا لمضة موضوع اني ماليش دعوة انت بتدوني ازاي فده عندك حق فيه لكن أنا ما كنش في كلامي أوجهك في التدوين ابدا انا كان كل طلبي انك تعرضي ضمن المقالات بتاعتك مقالة توضح وجهة نظر حماس ليس أكثر لأن ذلك سوف يوضح الأمر أكثر و يجعل المناقشة اكثر موضوعية و ثراءا
تقبلي تحياتي
طهقان المصري

Anonymous said...

مالهم الامريكان يا ست نواره
مش بيدوكوا اربعه مليار دولار معونه كل سنه عشان تاكلوا؟
و لما انتم ما بتحبوش الامريكان . . بتقبلوا المعونه ليه
احب اعرف راءيك

عمرو

Anonymous said...

ياعم الحكومة بتاعتنا اللي بتحكمنا بقوة الأمن المركزي هي اللي بتاخد ام المعونات


احنا مش عايزين حاجة من امريكا..الله يحرقها على يحرق الحكومة بتاعتنا

Anonymous said...

الأخ عمرو

آسف لحدتي في التعليق السابق


الأخت الكبيرة نوارة


المنطق ده فيه مغالطة


اولا...فتح لم تكن ذات الفضل في اوسولو..واسولو ماتعملتش عشان خاطر السلام العالمي والتعايش والكلاك الكبير ده

اوسلو اتعملت أما حصلت انتفاضة ومقاومة وبدأ يظهر تيار مقاوم اسلامي اسمه حماس -خاصة انه مبني على فكر الاخوان المسلمين ..وطبعا لا انكار ان كان فيه تيارات غيرها

زي ما في البوسنة اتعملت دايتون اما المجاهدين حرروا نصف البلد في 3 اسابيع

وكانت السلطة-فتح- الكلب الوفي و الشرطي الوفي لاسرائيل وامريكا في قمع الانتفاضة وسجن المجاهدين


ثانيا وهو الأهم

اللي بيدي الشرعية لحكومة مش اتفاقية مع شعب يحتل البلد....اللي بيدي شرعية هي افعال هذه الحكومة وحرصها على مصلحة شعبها واختيار الناس لها بشكل عملي

وده اللي تحقق..الناس انتخبت حماس واحبت حماس واقرت حماس كحكومة

يبقى اوسلو مش اوسلو...حماس هي الشرعية




ثالثا

معلش جزء راديكالي متطرف بس متهيأللي هنتفق فيه

احنا مسلمين والحمد لله والمفروض لا نأخذ شرعيتنا او قوتنا او قراراتنا من المجتمع الكافر المسمى بالمجتمع الدولي

Anonymous said...

مش عارف ايه حكاية التمثيل بالجثث دي مش معقول يعني اكيد اتجننو في عقلهم ... بس انا ي نواره كلمت واحد امبارج من فلسطين الناس دول علي ضغطفوق ما اي حد يتوقع بيقعدو بالايام من غير كهربا و وبالشهور ببع المرتبات وعايزك يا نوار كده تشوفي اسعار الات في فلسطين عامله ازاي !

تحياتي

Anonymous said...

بالنسبة للمعابر والأكل والتبرعات

هو مش مصر دولة مستقلة

وفلسطين بنعتبرها دولة مستقلة..وليها ممثل في الجامعة العربية وصوت زيها زي مصصر وزي اي دولة

وليها ممثل في منظمة المؤمتمر الاسلامي

يبقى معبر رفح ده معبر بين مصر وفلسطين...تسيطر عليه مصر وفلسطين

واما اسرائيل تقفله..فيه حاجة اسمها جيش مصر...وفيه حاجة اسمها كتائب فلسطينية..مش تقوم حرب عشان ماحدش يجيله ذعر...بس لو تحركت كتيبة صاعقة مصرية صغيرة مع الكتائب وتفتح المعبر...بالذوق اولا..وان ما كانش يبقى بالعافية

ونقصر ده مبدئيا على المساعدات عشان ماحدش يتذعر ويقول هتقوموا حرب عشان خاطر الفلسطينيي..صحيح ده المفروض..بس ما علينا...خلينا في المساعدات

مش نسيب الناس تموت من الجوع ومن قلة العلاج عشان خاطر عيون المجتمع الدولي


وهم اجبن من انهم ياخدوا اجراء وقتها..والحمد لله احنا اقوى واهيب في نفوسهم مما نتخيل ..احنا بس اللي جبناء حاليين وحاصرين نفسنا جوه الصندوق


نفس الكلام ينطبق على الكهرباء...فيه حاجة اسمها شبطة الربط المهربي معمولة بين مصر وعدة دول عربية منها الاردن

ممكن بسهولة في شهور -ايام- معدودة مدها لغزة انا ما كانتش ممدود اساسا

فالحين بس نصدر غاز طبيعي بأرخص الأسعار لإسرائيل


ياخي أـ

Anonymous said...

الأخ الصارم الحاسم
كلام جميل و كلام معقول ما قدرش اقول حاجة عنه
لكن خيال حكومتنا المجنون .. مش راح تنفذ حاجة منه
مع الاعتذار للفنانة ليلي بنت الفقرا
طهقان المصري

Anonymous said...

المصدر من مفكرة الإسلام
مفكرة الإسلام: أقرّ القيادي في الجناح العسكري لحركة فتح "سميح المدهون" ـ الذي تعتبره حركة حماس من أبرز قادة التيار الانقلابي ـ بأنه أحرق 20 منزلاً في غزة وهدّد باستمرار عمليات القتل ضد المنتمين لحماس, سواء كانوا من المسلحين أو المدنيين.
وقال "المدهون" في تصريحات لمحطة إذاعية تابعة لفتح: "إذا أحرقوا دارنا فأنا أحرقت 20 دارًا الليلة الماضية".
وأضاف "بيت مقابل بيت ودم مقابل دم .. أقسم بالله العظيم أنني سأقتل كل شخص من حماس عسكري أو مدني .. سأقتلهم جميعا", بحسب ما أوردته وكالة "رويترز".
من جانبها, أعربت حركة "حماس" عن استغرابها واستنكارها الشديدين لعدم رفع الغطاء التنظيمي والسياسي والإعلامي عن "سميح المدهون" رغم إقراره بالجرائم التي ارتكبها ضد منتسبي حماس.
وقالت الحركة في بيان ـ نقله المركز الفلسطيني للإعلام ـ: "إننا ننظر بخطورة بالغة إزاء هذا الدعم من مؤسسة الرئاسة الفلسطينية لهذا المجرم (سميح المدهون)، والذي يجب أن يكون مكانه السجن، ويقدم لمحاكمة عادلة جراء ما اقترفت يداه بدلاً من أن يقيم في مقر رئيس السلطة، والذي يفترض أن يكون رمزًا للشرعية الفلسطينية".
وأكدت الحركة أنه وبعد اعتراف المدهون "بعمليات الإعدام والقتل والاختطاف والتعذيب وحرق البيوت، وأنه سوف يمضي في المزيد من الإجرام... فإننا في حركة حماس لن نألوا جهدًا في محاصرة العملاء والخونة والقتلة والقصاص منهم

Anonymous said...

أختى اللعنه ليست على حماس
حماس هى الفئه الصامده وهى تناصر الحق اما فتح فهى الفئه الباغيه
أما عن قتلاهما
فبما ان حماس هى الحق فقتلاهى شهداء اما فتح فالله أعلم بها
ويمكنك الإتطلاع على فتوى القرضاوى
أما عن البانر الجانبى هذا لحسن نصر الله فهو مهما كان شيعى ومهما كان فأقل واحد من أهل السنه و الجماعه أفضل منه ألف مره
السلام عليكم

Anonymous said...

طهقان

اكيد خيال حكومتنا المجنون مش هيعمل حاجة منه

Anonymous said...

اسمها شبكة الربط الكهربي..مش عارف انا ايه اللي كتبته فوق ده
:)

Anonymous said...

بقى اسيبكوا شوية الاقيكوا سايبين كل التعليقات دي

:)

الاخ طهقان

انا افتكرت المدون بتاع طهقان وطهقانة

ايا كان رأيك في وائل عباس

فيه ناس كتير بتختلف معاه

بس وائل خدم البلد في حاجات كتير

يا ريت انا اقدر اخدم البلد زي ما هو خدمها


انا ما عرضتش وجهة نظر فتح عشان اعرض وجهة نظر حماس

وما اعتقدش انه منتظر مني اعرض وجهة نظر الحقير الرسمي الفهمي النظمي محمود عباس

انا باعرض وجهة نظر محايدة

وانا ولا فتحاوية ولا حماسية ولا اصلا مقتنعة بالفصائل دي اساسا

وشايفة ان طول ما الفلسطينيين فصائل والاسرائيليين لحمة واحدة يبقى عمر الفلسطينيين ما ح يحققوا اي نصر باي شكل من الاشكال

"ولا تنازعوا فتفشلوا وتذهب ريحكم"

وللا ايه

الانقسام يعني فشل

بالنسبة للصارم الحاسم

لا حول ولا قوة الا بالله

يا عم انت فيه حد مضايقك وبتكمل خناقة معاه معايا انا

انا قلت ان اسلو شرعية؟

انا باقول اني مش معترفة باسلو

وعليه فانا غير معترفة بشرعية السلطة

وقلت ان السلطة دي هي مخبر بجلابية وبالطوا وعصايا وجرنال مخروم

لكن بقى طول ما عرفات عايش

والله يرحمه بقى

عشان ما تجوزش عليه الا الرحمة

طول ما هو عايش وبيقبض على عناصر حماس والجهاد وكل فصائل المقاومة

ما حدش فيهم قرر يواجهه وحصل اعتداء على عناصر حماس والجهاد وموتوا منهم ناس

اقصد يعني الشرطة الفلسطينية

ومع ذلك حماس عملت طيبة وقالت لو عرفات موتنا واحد واحد مش ح نرفع السلاح على فلسطيني

اشمعنى بقىىىىىىىىىىىىىىىى دلوقت

اذن هي مش مسألة مبدأ

المسألة ان عرفات كان له شعبية وما كانوش يقدروا على مواجهته

لكن لما لقوا نفسهم شدوا حيلهم شوية ما بقاش عندهم مانع لحرب اهلية

ده اللي اقصده

ان حماس مطلوب منها تبقى مبدئية

بس اديتنا خازوق

نصر الشرق

اللعنة على الابراج

الا انت برج ايه
:)

Anonymous said...

آخر رمشاركة لطهقان المصري
يا ست نوارة
طبعا انت عارفة ان حماس فعلا ايام عرفات ماكنتش بترد على حد من فتح لكن ده مش علشان شعبية عرفات ، صحيح السبب هو وجود عرفات و لكنه ليس خوف من شعبيته و إنما لان عرفات و بالرغم من تنازلاته الكثير جدا لكنه و لوضعه التاريخي في القضية الفلسطينية لم يكن يستطيع تقديم تنازلات أو تخطي حدود طلب منه الأمريكان تخطيها لذلك لو تفتكري تم ابتداع منصب رئيس الوزراء و كان ايامها ابو مازن و تم سلب صلاحيات كثير قوي من عرفات لصالح ابو مازن و بعدين في الآخر قتلوه و استريحوا منه
وجود عرفات بدورة التاريخي المعروف و ان اختلفنا في تنازلاته و انحناؤه للامريكان لا ينفي أن للرجل دور ايضا في الحفاظ على بعض ثوابت القضية و ذلك ما جعل حماس تعظم الرجل و لم تقوم بأي رد فعل .. لكن دلوقت بقت اللعبة على المكشوف و الضرب في المليان و لم يعد هناك عرفات الذي يمكن أن يردع باقي عناصر فتح بدوره التاريخي فقط ليس إلا
علشان كده كان لازم حماس ترد
الموضوع مش تخلي عن المبادئ إنما الموضوع تغير الأحوال
على العموم يا أختي نوارة يا لمضه أنا سعيد جدا بهذه المناقشة الجميلة حقا أنا استفدت كثيرا منها و احمل لكي كل احترام و محبة و أرجوا من اي شخص اصابته مني اساءة أو ضرر أن يسامحني وأولهم اختي العزيزة نوارة اللمضة
و أراكم على خير قريبا
سلامي للجميع و منهم سيف الدين عربي المصري و ابحري
سبحانك اللهم و بحمدك اشهد أن لا إله إلا انت استغفرك و أتوب إليك
أخوكم
طهقان المصري اللي هو مش أمريكاني و
مش صاحب مدونة طهقان و لا هو زوج طهقانة

Anonymous said...

والله اللى بيحصل دا فعلا مسخره
يعنى حماس و فتح عمالين يحاربوا فى بعض علشان السلطه و ناسيين انهم تحت الاحتلال و ان السلطه اللى بيتحاربوا عليها سلطه وهميه ماليهاش قيمه قدام العالم كله
لما يموت عدد كبير من الفلسطنيين بالشكل ده بسبب الاقتتال الداخلى يبقى نقدر نقول على المقاومه السلام ونقدر نقول ان اسلوب فرق تسد سهل تطبيقه بغباء مع العرب
حاجه تشل فعلا

Anonymous said...

هو ايه اللي فكلامي كان خناق

اما اعوز اتخانق مع حد يا استاذة هافتح دماغه علطول
(:


انت عنيدة بجد...يعني حاسس انك مش عايزة تغيري رأيك..لانك كنتي بتحتجي باوسلو وده اللي رديت عليه


مفيش كلام جديد اقوله

Anonymous said...

سهل قوي الواحد يقول ده غلط و ده غلط ..الصعب انه يقول ده غلط و الصح هو كذا
حطي نفسك مكان حماس..تيار خرج عن السيطرة داخل فتح(بعد موت عرفات) بيحارب المقاومة لحساب اسرائيل علني.
مش بس حماس لأ حتى المقاومة الشريفة في فتح(لو تفتكري خبر اغتيال الامن الوقائي لقائد كتائب شهداء الاقصى في طولكرم)
و لو سابولهم السلطة بردو هيفضلوا يحاربوهم و هيعملوا اتفاقية حل نهائي مع اسرائيل تضيع البقية الباقية من حقوقنا
و لو سكتوا و ما ردوش هيخلصوا عليهم واحد واحد
و بالنسبة لموضوع الانتخابات فلازم حد يحكم البلد
ايه المنطق انك تسيب قرار البلد في ايد مش امينة

Anonymous said...

ما يحدث لهو شئ

اجد انه يضيع وقتنا في التحدث فيه بدون إقتراح آليات موضوعية لعلاجه أو على الاقل لتحجيمه

في النهاية كلامنا لن يجدي

بل النهاية سترتسم هناك على ميدان المعركة

تحياتي لكل من يمتلك عقلاً في هذا الزمان

Anonymous said...

بالمناسبة أختي الغالية نوارة

أرجو منكِ حذف تعليق هذا التافه المجهول المريض

الذي يطاردك بتعليقاته السخيفة منذ عدة أيام

وأقترح عليكِ يا عزيزتي اضافة خاصية فلترة التعليقات

تحياتي

Anonymous said...

الدعوة إلى إنتخابات الهيئة الإدارية لإتحاد المدونين العرب للعام 2007م



بناءاَ على المبادرة التأسيسية لإتحاد المدونين العرب وأحكام القانون الأساسي لإتحاد المدونين العرب لعام 2007م المادة 15/4 وأحكام اللائحة الإجرائية الخاصة بإنتخابات الرئيس والهيئة الإدارية لإتحاد المدونين العرب يقرر الرئيس العام لإتحاد المدونين العرب ما يلي:

أولاً: دعوة أعضاء إتحاد المدونين العرب المسجلين بين الفترة 5-9-2006م إلى مساء 21/6/2007م الذين تنطبق عليهم المادة رقم25/5 والمادة رقم 26/5 إلى إنتخاب الهيئة الإدارية لإتحاد المدونين العرب في الفترة من صباح يوم السبت 7-7-2007م إلى مساء يوم الجمعة 13-7-2007م الساعة الـ 12 بتوقيت مكتوب.

ثانياً: دعوة أعضاء إتحاد المدونين العرب الذين مضى على إنشاء مدوناتهم ستة اشهرعلى الأقل أو حققت مدوناتهم عدد الثلاثة الأف وخمسمائة زائر إلى الترشح وباقي أعضاء الإتحاد للتصويت لإختيار تسعة أعضاء هم أعضاء الهيئة الإدارية لإتحاد المدونين العرب.

ثالثاً : تحديد فترة تقديم طلب الترشح لعضوية الهيئة الإدارية وخوض الإنتخابات في الفترة من 22-6-2007م إلى مساء يوم 5-7-2007م ويجب أن يحتوي طلب الترشح إسم المدون الصريح أو المستعار ورابط مدونته ودولته وعدد زوار مدونته عند تقديم الطلب وتاريخ بدء المدونة ويعتبر كل طلب لا يحتوي أحد هذه النقاط لاغياً .

رابعاً: تشكيل هيئة للإشراف على الإنتخابات مكونة من خمسة إلى تسعة أعضاء من غير الأعضاء المرشحين للإنتخابات مع مراعاة المادة رقم 32 القاضية بإشراك الرئيس العام السابق والمقررالعام السابق للإتحاد في عضوية هذه الهيئة أو من ينوب عنهما. وذلك في مدة أقصاها يوم الإربعاء 4-7-2007م.

خامساً:تخصيص البريد الإلكتروني التالي الخاص بالإتحاد

arabictadwin2@maktoob.com



لتسلم التصويتات لغير مدونات مكتوب مراعاة للمادة رقم 29. ويكتفى بالتصويت عبر التعليق المثبت بتسجيل الدخول الموثق عبر مدونات موقع " مكتوب " لهذه الفئة مراعاة للمادة رقم 29 والمادة رقم 30 .

سادساً:يحق لكل عضو التصويت بصوت واحد لكل مرشح على أن لا يتجاوز عدد تصويتاته على الأكثرعدد مقاعد الهيئة الإدارية التسعة ودون تكرار منح الصوت الواحد لذات المرشح ويعتبر أي تصويت يحمل أكثر من الرقم 9 أو أكثر من صوت لذات المرشح الواحدلاغياً فيما يقبل أي تصويت يحوي عددا من التصويتات من الرقم 1-9 :



سابعاً: يصدر الإتحاد قائمة هيئة الإشراف على الإنتخابات في مساء يوم 4-7-2007م وقائمة الأعضاء المرشحين في مساء يوم 5-7-2007م.

ثامناً: تصدرالهيئة المشرفة على الإنتخابات نتائجها خلال ثلاثة أيام كحد أقصى من تاريخ إنتهاء العملية الإنتخابية.

تاسعاً: تقبل الإعتراضات على نتائج الإنتخابات خلال مدة لا تزيد عن الشهر من تاريخ الإعلان عنها وعبر البريد الإلكتروني المخصص للإنتخابات حصرياً.

عاشراً: إن الرئيس العام لإتحاد المدونين العرب ليتوجه بالشكر الجزيل للزميل المدون يحيى أوهيبة على جهوده لتعديل شعار الإتحاد ويحيل الملف للهيئة الإدارية القادمة للبت فيه.

الحادي عشر: إن الرئيس العام لإتحاد المدونين العرب ليتوجه بالشكر والتقدير لكل من ساهم في تأسيس ونجاح الفترة المؤقتة للهيئة الإدارية للإتحاد وكذلك كل من ساهم في تطوير ودفع عملية التدوين العربي ويحيل للهيئة الإدارية القادمة ملف تكريم عدد منهم من أعضاء الإتحاد وسائر المدونين العرب.

الثاني عشر: إن الرئيس العام لإتحاد المدونين العرب ليتوجه بالشكر والتقدير لأعضاء الهيئة الفخرية للإتحاد وأعضاء الهيئة الإدارية المؤقتة والمقرر العام للإتحاد المؤسس الأستاذ عبد الحق هقي والمشرف العام على موقع الإتحاد الاستاذ سعيد بن جبلي و أعضاء الإتحاد على ما بذلوه من جهد ووقت في سيبل نجاح الإتحاد.

الثالث عشر: إن الرئيس العام لإتحاد المدونين العرب يتوجه بالشكر الجزيل لكل المواقع والمنتديات الإعلامية ووسائل الإعلام الورقية والإلكترونية التي ساندت الإتحاد في الفترة الماضية ويخص الاستاذ سميح طوقان وموقع مكتوب الكريم بذلك.

الرابع عشر:يتمنى إتحاد المدونين العرب على جميع أعضاءه ومحبيه والمدونين العرب ورجال الصحافة والإعلام تغطية العملية الإنتخابية الإفتراضية الأولى والعمل على إنجاحها ونتوجه جميعاً لله العلي القدير بالحمد والثناء والدعاء أن يكلل الله جهدنا بالنجاح ومسيرتنا بالإنجاز والله من وراء القصد.



دمتم ودام إتحادكم

إتحاد المدونين العرب





الرئيس العام لإتحاد المدونين العرب

د.محمد شادي كسكين

في 21-6-2007م

Anonymous said...

http://www.islamonline.net/servlet/Satellite?c=ArticleA_C&cid=1182444931072&pagename=Zone-Arabic-News/NWALayout

Anonymous said...

الاخوة الاعزاء

لسة داخلة المدونة حالا

واسفة على التعليق الوسخ اللي الشخص المجهول ده دايما يدخل ويحطه

وانا اشيله

وهو يدخل ويحطه

وهكذا

اهي اشكال وسخة ونسوان تحت العامود ح نعمل فيهم ايه

قضاء الله وقدره

Anonymous said...

انا مش معاهم


قصدي

انا مش انا يا داكتور


يوووه

انا طهقان الاصلي
مين منتحل سخصيتي ؟