"احنا اللي له كلنا بنخوض معركة واحدة واللي يقع مننا لازم نسانده سامعة؟"
دي جملة ابن يسري
وهو بيرد على كلامي بأن معلش تقلنا عليكوا
عمر الشرقاوي
والده ووالدته الله يرحمهم
ومافيش حد بيجري وراه غير صحابه اللي من سنه ويمكن اصغر
لما علاء سيف قال لي ان مركز هشام مبارك عايز يقدم بلاغ للنائب العام
سألني عن حد يعرف اسم عمر الثلاثي
ماحدش
لان عمر مالوش الا اصحابه
وبس
يعني قليل منا اللي بيسأل صاحبه وللا صاحبته اسمك الثلاثي ايه
عمر مختطف من يوم الانتخابات
ولحد النهاردة مانعرفش هو فين
ولا اسمه الثلاثي
ولا بيجري وراه غير المدونين
مسير الشباب يعسوا وراه ويعرفوا اسمه الثلاثي
ويقدموا البلاغ
وان شاء الله يرجع لنا بالسلامة
بس يا ترى عمر بيفكر في ايه دلوقت:
يا قلة الاهل
يا قلة السند
يا قلة الوطن
كده برضه يا مصر؟
9 comments:
انا أول واحدة تعليق هنا
دة شرف لية بجد
مدونتك أكثر من رائعة يا نوارة
انتى انسانة جميلة ومثقفة وفيكى كل الصفات التى ينبغى ان تكون عليها اى امرأة فى مصر لكن معلش بكرة اكيد هيكون احلى
ربنا يدلنا على عمر وانا معاكى قلبا وقالبا
ارجوكى قوليلى ممكن اساعد ازاى؟؟
تحياتى
ياسمين
الله يجبر بخاطرك
ح تاخدي ثواب فيا والله
هههههههه
امين يارب
هو محتاج لدعانا كلنا
وجعتني اوي كلمة كده برضه يا مصر دي يا نواره،و هو عمر مالوش اخوات و لا قرايب؟ ماحدش يعرف بيشتغل او بيدرس فين و لا حتي ساكن فين؟ اكيد في وسيله نوصل بيها لاسمه الثلاثي لو هو ده اللي معطل المحضر يعني..هاجي تاني اطمن و هافضل ادعيله ربنا يرجعه بالسلامه
يا نوارة..احنا اهلة..احنا ناسة..ربنا وحدة الي يعلم حرقة قلوبنا عليه قد ايه..بصي حواليكي..مفيش مدون ما بيدعيلوش..ربنا يفك كربة..و مسيرة يظهر..ومسيره يعرف قد ايه هو غالي عندنا..لو هو مش غالي عند البلد..فكل مصري غالي قوي عند المصريين...لو الحكومة شايفة اننا ما نسواش..فعمر الشرقاوي ضفرة برقبة الحكومة نفر نفر..بس انت عندك حق...احنا لازم نعرف بعض كويس..عشان احنا مالناش غير بعض..ربنا يكرمك يا عمر و يفك كربك..و يهدى بالك..و يحرق دم الي عامل فينا كده يا ربببببببببببب
ربنا يسامحك يا نوارة و جعتي قلبي على الميسا و خليتيني أعيط..... ربنا معاه يا رب و يفك أسره و يرحم الشعب المصري كله برحمته
Mubarak 3alaikom wa 3alaina . . inshallah yefrego 3an el ustaz 3omar . . wa nebareklo be barraket khorogoh el mubarak men barraket el hagz el mabrookah.
Tabbarak mallek el molk . . yebarek fel mabrook elly masgoon zolem wa ye2el barraket el mubarak el mabrookah besteen neelah . . rabena yebarkak wa yakhdak 3andoh yally fe bally
El ustaz elly sayeb mailoh :)
يابنت عمى على فكرة بقى بتوع أمن الدولة فى الأقاليم أبياء يعنى مش ى بتوع القاهرة بيضربوا من غير مايعوروا بتوع الأقاليم بيعوروا وبغبائهم ممكن توصل للوفاة
لازم الموضوع يسخن شوية علشان لو فضل كده هتلاقوة جثة طافية فى أى ترعة أو مخبوط على دماغة ةساعتها هيتقال تعرض لحادث سرقة بالإكراه
ممكن فعلا وزارة الداخلية ماتعرفش حاجة بس أكيد أكيد جزار المنصورة هيبقى عارف
شوفوا شعيشع
للناس وطن يعيشون فيه
ألا نحن
لنا وطن يعيش فينا
بنحبها يضربونا و يخطفونا ويسحلونا
والي سارقها سيبينو ويقولوا شريف وبطلو تحسدونا
منكم لله
صراحة إنتى يانواره إختنا وأمنا الصغنونه ... وكمان إنتى (أخونا) الجدع فى وقت الجد
وهنيالك ياعمر ياشرقاوى اهتمام إخواتك وحبايبك بيك
وجتنا نيله فى حظنا الهباب
بس حبيت أشارك
Post a Comment