دلوقت الدبابات الاسرائيلية بتتوغل في غزة
بعد محاولات مستميتة من فصائل المقاومة
بكافة طوائفها
للتصدي لها
وعناصر الامن الوطني
شاركت شوية
وبعدين انسحبت لفقر معداتها
وبتساند دلوقت عناصر المقاومة
ووائل الدحدوح مراسل الجزيرة بيقول
ان عناصر المقاومة حاولت بكل قوتها
لكن قوتها لا تقارن بآلة الحرب الإسرائيلية
همممممممممممم
كلمة من تلات حروف اولها زي اخرها
تدل على الاعتراض
===
شاطرين
شاطرين
موتوا في بعض تاني
ياللا
ساكتين ليه
خلصوا ع الخونة والعملاء
توغل ايه راجل انت وهو
انتو مالكو انتو
صلي صلي بلاش وسوسة
وما تنسوش والنبي والنبي وحياة حبيبكوا النبي
بعد ما اسرائيل تحكم سيطرتها على غزة
ما تنسوش تتقاذفوا كده الاتهامات
وتبهدلوا بعض
وكل واحد فيكوا يتهم التاني ان هو السبب في التوغل الاسرائيلي
وربنا يوفقكوا كده واسرائيل تخلص توغلها بسرعة
عشان تفضوا لبعض
ياللا بقى خلصونا
احنا قاعدين هنا اهو مستنيين الفتنة تيجي
باصوا ياللا
==
سؤال بس واقف في زوري بالعرض: الا كل القتل اللي اعملتوه في بعض ده
كان بـ"الامكانيات الضعيفة" اللي بيقول عليها مراسل الجزيرة دي؟
طيب سؤال تاني محرج شوية: هو الامكانيات دي ما بتضعفش غير قدام اسرائيل
وربنا بينفخ في صورتها لما بتموتوا بعض ليه؟
اشمعنى يعني؟
22 comments:
والله يا نوارة
ربنا يريحنا من الغمة دى
مش فاهم؟؟
دي شماته يعني؟؟
هو لما الجيش الاسرائيلي اجتاح حنوب لبنان
وحزب الله لم يستطع صد الاجتياح
شمتنا وقلنا امال فين اشاوس حسن نصر الله؟؟؟
هو كان في حد عاقل كان متوقع ان الرشاشات والقنابل اليدوية ممكن تصد جيش اسرائيلي نظمي؟؟
والنبي بلا وكسه
هو مصر بجلالة قدرها وجيشها النظامي عملت حاجة في 67
دا احنا حتي في اكتوبر شهداءنا اكتر من قتلي اسرائيل واحنا اللي منتصرين
مسمعتيش عن نظرية التفوق الاستراتيجي للجيش الاسرائيلي علي جميع الجيوش العربية النظامية؟؟
بكره تندمي علي الكلام ده
او يمكن اندم انا
احتمال برضه
اقولك انا الكلمة اللي من تلات حروف؟؟؟؟؟؟؟؟؟؟
اهدي بقه يا شيخة
فين ام الاخبار الغمقة ديه؟؟؟
هو كل شوية تبعتي امنا؟؟؟
ونقعد ندور ونهري في نفسنا
حرام عليكي السربعة ديه
صحتك يا بنتي
الهرية اللي انتي فيها دي مش كويسه عليكي
يا ست نوارة انت قلت عن نفسك انك واحدة مهيسة و كلامك ده صحيح و تناولك للموضوع بيأكد الصفة ديه فيك و الله العظيم انت ما فاهمة حاجة و عمالة تولولي و تصرخي و تهيسي و خلاص
أولا قطاع غزة و كل أراضي فلسطين ليست بعدية عن الجيش الإسرائيلي و لم يكن و جود عناصر فتح هو المانع لجتياح القطاع .. و الله العظيم لو انت رجعت لأأرشيف الأخبار و التحليلات للقضة الفلسطينية كنت تعرفي و تتأكدي أن وجود عناصر حماس و الجهاد الإسلامي هي المانع الأول لاجتياح القطاع و لو كان في نية إسرائيل الاجتياح و قد قامت به أكثر من مرة و لكنها لا تستمر في السيطرة على القطاع للتكلفة العالية لذلك الاجتياح
المهم يا ست نوارة سؤال بسيط جدا قبل ما أكما كلامي
لما كانت فتح هي اللي بتحكم لم نسمع عن انقلاب أو انفلات أمني أو اقتتا فلسطيني فلسطيني
طيب ليه لاوضع انقلب لما بقت حماس هي اللي فس السلطة ..
ردي يا عثل سمعيني صوتك و الله عثل عثل طيب لما لكل الدنيا و أسرائيل وأمريكا أوروبا
لما كلهم يقولوا لازم ندعم حكومة الطاواري وفجأة ظهر شريك السلام للحكومة الإسرائلية الي مستعدة تتفاوض معاه و بدأت تنهال المساعدات بمجرد خروج حماس تقدري يا ست يا مهيسة تقولى معنى الكلام ده إيه
و على ضوء ما سبق ممكن تجاوبي يا مهيسة على الأسئلة التالية
اختار الإدجابة المناسبة من بين الأقواس
من هو العدو الحقيقي لأسرائيل ( حماس - فتح
)
على ضوء الإجابة السابقة حدد من هو الذي يحمل هم القضية الفلسطينية ( حماس - فتح )
على ضوي ما سبق حدد وصف من يتهم حماس أنها شتت الشعب الفلسطينى ( مهيس - لا يفهم - لا يدرك الأمور على حقيتها - كل ما سبق )
الإمضاء
واحد مش مهيس
و أخيرا تحية للاخ بحري و الأخ سيف الدين العربي المصري
ابن يسري
آمين
بحري
هههههههههههههه انت قصدك اجتياج 82؟ اذا كان قصدك اجتياح 82 حزب الله ما كانش لسه اتأسس
وحسن نصر الله كان بيلعب في الطين
وهم بعد ما انهكوا نفسهم وقتلوا بعض
بقى معاهم سلاح؟
انت يا عم بتجيب اخبارك منين
فين البعتة دي
الصور جاية مباشر من غزة
انت يا عم نايم وللا ايه؟
الاستاذ سيف الله مختار
انت عامل زي عاطف السكري
عارفه؟
وانا الحقيقة مش عارفة افهمك ازاي
صدقيني مفيش في موقف زي ده غير الكلمه الشهيره أم 3 حروف
تحياتي لكي يا نواره
خلاص.. عشان النقاش حرام و الاختلاف في الرأي وحش و مضر جدا. و كل مابنختلف معاها بنطلع وحشين و نستاهل ندخل اودة الفران و يحكمنا حسني مبارك. و منستهلش طنطكو ديمقراطية.. لأننا ناس ناقصين تعايش. و بعدين لازم نهييس.
فأنا أعلنت تهييسي و رفعت الراية البيضا.. و بقولها بعلو صوتي
لو أخوك ابن امك و أبوك اداك على قفاك و نتف شعر دقنك.. و اتعاون مع الصهاينة و سرق اللقمة الي بتاكلها و هدم مدرستك و جامعتك و باع لولادك المخدرات و خان دينو و وطنه و باع شرفه.
تتعايش معاه و تبوس ايدك شعر و دقن.
خدوا على حجرك و حط بوز بندقيته في حلقك و تقوله تعالى يا حبيبي انت مبتجيش ليه؟ مش تبقى تيجي..
و ازا عمل بيبي على بنطلونك متشدش ودنه .. تعااااااااايش مع الطراوة. أو اقلع البنطلون و اديله ضهرك و انت مطمن.
صباح القشطة .. و مساء المهلبية..
و عذرا ايتها الواقعية
احنا قررنا نتعايش
أنا متعايش أهو
و بعدين هما العراقين ولاد الناس الطيبين دول ليه مش متعايشين هما كمان مع الأمريكان و الي دخلوا العراق راكبين الدبابة الأمريكية؟
تؤ تؤ تؤ تؤ تؤ
ملهمش حق
تعايشوااااااا و عيشوااااااااا
الله .. و هوة عزام عزام و شريف الفيلالي "جواسيس لاسرائيل في مصر" مقبوض عليهم ليه؟ و الشعب المصري ابن الي مش متعايشة عايزهم يتعدموا ان ثبتت عليهم التهمة ليه؟
لأ لأ لأ لأ لأ
ميصحش
تعايشوا يا ولاد
و اذا جارك السو قلعك قميسك
طنس خالس مالكس دعوة
و ان قلعك بنطلونك
طنس خالس ملكس دعوة
و ان حط و لا مؤاخذة خزوق في و لا مؤاخذة
طنس خالس مالكس دعوة
و ان كهربك في ولامؤخذتك
طنس خالس مالكس دعوة
و تعــــايش
و بعدين ابن المصرية ده الي اسمه عماد الكبير و ايه يعني لما الظابط دلعوا حبتين؟
لازم يتعايش و يحب الظابط ده لأنه لو معملش كده يبقى انسان معندوش تعايش
اه ياني يا رب ارحمي يا رب
نـــاس معندهاش دعم
أسف جدا للتشبيهات دي ان خدشت حياء أي أنسان بس واضح ان هوة ده النظام! في بلوج الكلام فيه من تلات حروف أولها زي أخرها "طبعا الحل مش البطيخة" و بعدين ده الي بيحصل في معتقالاتنا و أقسام الشرطة بتاعتنا و كمان ده الي حصل في رجال المقاومة الشرفاء الي ناقصين تعايش في فلسطين من اخواتهم و حبايبهم الطيبين أولاد دحلان و الرجوب و أبو شباك و أبو مازن و الي بيقبضوا مرتباتهم من اسرائيل مباشرة عادي بقه ماهي هية دي بقة قمة التعايش.
بس أرجع و اقول العيب عيبنا احنا بردو
تعايشوا يا ولاد
حرام عليكي يا شيخة هتنطقيني كلام عمري ما قلته في حياتي..
و لعلمك انا فقدت الأمل في انك تراجعي نفسك و لو للحظة واحدة أو تقتنعي و لو بحرف يخالف الي في دماغك. او حتى انك تردي علينا أنا أو الأخ بحري بالمنطق و لو في جملةأو تفندي حقيقة واحده واحدة بس يا شيخة من الي بنقولها.
و زي مافي ناس فكرتك بيونس شلبي حضرتك فكرتيني بسعيد صالح بردوا في موضوع تعريف المنطق.
امضاء
سيف التعايش العربي المصري
معزرة أنا شيلت "الدين" لأني مش مبسوط من اسلوب كلامي المرة دي. و لأني قررت أتعايش بردو المرة دي.
كلامك مظبوط يا جبهة
لا الانكي بقي شوفي اهرام امبارح واول وكمان الدستور قال ايه 100 عنصر من فتح دخلوا معبر رفح ومعاهم العدة كلها من ار بي جي واسلحة الي وقاموا بتسليمها للحكومة المصرية عشان يدخلوا
لا انا مش هقول الكلمة ام تلات حروف انتي عارفاني مش بحب اشتم لكن اوعدك انضم للاتحاد السكندري واطلع صوت قوي من مناخيري تشجيعا ع المجازر في غزة
السلام عليكم ...
انا فعلا بحترمك جدا ومتابعة للمدونة بتاعتك من فترة .. علشان كدة حابة اوضحلك الموضوع في فلسطين ماشي ازاي ..
بس قبل ما اقول اي كلمة ..
رجاء بسيط .
الناس اللي في فلسطين مش دببة بتقتل بعض وتعد تاكل في لحم بعض .. مش معنى اني بتفرج على الأخبار 24 ساعة اني فعلا عارف الحقيقة ...
عموما .. ردي مكون من حاجتين اولا مقالة لمدون شاب ما شاء الله عليه قوي جدا هحطلك اللينك بتاع مدونته هنا ويا ريت بجد تقرأي كلامه كامل للأخر وتقرأي التعليقات على مقالته .... وبينها ردي ...
http://shabmasrey.blogspot.com/2007/06/blog-post_18.html
عموما... هنقلك ردي هنا ( هو رد على كلام هناك .. بس لما تقرأيه حتفهمي )
بسم الله والصلاة والسلام على رسول الله ..
أخي البراء بارك الله فيك وأيدك وأعزك وقوى ايمانك ورزقك الثبات ...
لن أعلق مطولا على الأحداث ... فالله سبحانه وتعالى أعلم بالحال .. وسترى ردي من خلال ردي على الأخ الفاضل مؤمن حبيبة
أخي الفاضل .. كما قلت الإختلاف لا يفسد للود قضية .. يا ريت تتقبل كلماتي لك ولكل من يقرأ بصدر رحب ..
أولا بالنسبة لجماعة الإخوان (الي نفسي أفهم محظورة ليه .؟؟؟ مع ان في احزاب الغش والكذب والخيانة و الرشوة والدعارةوالتحرش والتعذيب والسرقة وقلة الأدب وكله مشاي وعلى عينك يا تاجر .. !!! سبحان الله ) بس هو اي حاجة بيدخل فيها الدين الإسلامي خلاص ولا حول ولا قوة الا بالله بقت تلقائيا محظورة !!!
مبدئيا كدة ... مش معنى ان في شخص (ايا كان الشخص ده (حتى لو كان الأخ حسني مبارك ) عبر عن رأيه في موضوع ما ان ده رأي الشعب كله بالتالي مش معنى ان شخص ايا كان برضه من الإخوان قال كدة .. ده ان كان قال كدة فعلا يعني!! ان ده رأي كل من له فكر او توجه اخواني .. يا عمي انا حر .. اخواني يساري ابراهيمي موسوي عبري .. انا حر .. في مشكلة ؟؟..
ما علينا مش ده موضوعنا اساسا... لنعد لصلب الموضوع ...
شوف يا اخي ... انا ولله الحمد .. من فلسطين .. نصف عائلتي من فتح .. ونصفهم من حماس ... تمام .. ويعيشون في غزة .. وانا لا آخذ اخباري من جزيرتكم او عربيتكم .. او سي ان انكم او غيرها ... انا اخذها من مصدرها ... حماس .. وفتح .. الأحرار ... حماس الجهاد .. وفتح النضال .. حماس الدين والشريعة ... وفتح الدفاع عن الحرية والأرض ...
وبقولك ... وبصراحة ... سواء افراد عائلتي .. الي من فتح او حماس كلاهما في مراكز ذات قوة في التنظيمين .... فالكلام مش من الهواء ...
احب ابلغك اخبار عيلتي :)
استشهاد احد الأقارب من حماس ... قائد ميداني مجاهد معروف جدا لم يحمل سلاحه يوما في وجه اي من اخوته في فتح ولما اقول اخوته ... انا قصداها علشان هما فعلا اخوة .. لحم ودم .. وكان من محفظي القرآن .. مرابط على الثغور ... قائم الليل بار الوالدين ... مختفي طول الوقت علشان ميضرش حد بوجوده قصف بأه وكلام من كده انت عارف التحابيش دي يعني عيب بقت معروفة يعني ... البني آدم ده بقى قتلوه ابناء فتح الخونة ...
تعرف كان فين ؟؟ كان راجع من المستشفى .. راكب عربيته لا بيه ولا عليه وقفوه الحلوين اللي بابا دحلان معلمهم كويس ازاي يخونو الله ورسوله ... ويسفكو الدماء ويقضوها خمر وسكر وقتل (ايوة قتل اصل ده اوبشن جديد دلوقت )
تحب اقولك قتلوه ازاي ...
معلش هنطول ...
كان في عربيته ... انزل ... نزل هو وصحابه ال3 الآخرين ... صفوهم على الحيط .. ارفعوا اديكم (على فكرة نسيت اقولك .. ابن خالتي اللي قتلوه .. رفض هو واصحابه ينزلو سلاحهم من العربية ... ) المهم اترصوا على الحيطة ... رفعوا اديهم .. فتشوهم ... صلبوهم ...
اطلقوا النيران على أجسامهم في اماكن غير قاتلة خصوصا ال3 الباقين لأنهم لم يكونو على أهمية قريبي ..فهو المستهدف ... تركوهم ينزفو واطلقو النار مجددا على قريبي في اماكن قاتلة ما عدا الرأس تركوهم ينزفون في المطر والبرد كان شهر 2 اللي فات .. منعو عنهم الإسعاف .. منعو حتى المدنيين الذي هتفو واستحلفوهم واسترحموهم ان يرحمو من يدافعون عنهم .. بأجسادهم وأرواحهم .. طب نوديهم على المستشفى طيب .... لالالالا ...
سابوهم ..تحت المطر والنزيف والبرد فترة ثم سمحو لأحد المدنيين بأن ينقلهم بعربته الى المستشفى وكان قريبي قد فاضت روحه لله تعالى والباقين في حالة حرجة ...
شو رأيك ؟؟ تحب أقولك مين اللي قتلوه ؟؟ حرس الكتكوت دحلان اللي الشرف بيشر منه لغاية ما قرب يخلص ! ده اذا مكنش نفذ خلاص !!!
طب بلاش ... نروح بعيد ليه ؟؟
أحد اقاربي (على فكرة الأول لسة حكايته مخلصتش بقتله )
ما علينا احد اقاربي .. من فتح هذه المرة ... كان من بين حرس الرئاسة ... حرس الرئاسة النبيه كان بيقوم بتدريبات واطلقو قنبلة سقطت في حجرته وهو نائم (على فكرة .. أخوه ابن امه وابوه من حماس ) المهم نتيجة القنبلة الولد خسر ساقيه الولد عمره 24 سنة ... يا ترى لما كلمناه قال ايه ؟
كلمناه وقد كنا نحسب انا سنقويه بكلماتنا ونطيب خاطرته بقوة آيات القرآن ... لقيناه هو اللي بيسمعها علينا وبفرح .. والله بفرح .. كان والدي يبكي وهو يكلمه ... فقال له الشاب .. ما بك ؟؟ لم انت حزين ؟؟ ساقايا ستسبقاني الى الجنة ان شاء الله ..
ما شاء الله ولا قوة الا بالله ... اللي بيتكلم ده من فتح ... حرس الرئيس ... اخوه حماس ...
اخوه واصحاب اخوه المجاهدين رابطو معه الى ان تم نقله لمستشفيات هم طبعا يستحيل يوصلولها علشان مطلوبين ...
كيف الحال الآن ؟؟
طيب نكمل ... احد الأقارب (معلش عيلتنا كبيرة ) راح يزور الأخ اللي فقد ساقيه بعد 3 أشهر من قتل قريبي الأول اللي من حماس ...
كان في شباب حلوين كتاكيت واقفين على باب الحجرة ... انت مين انا فلان خير؟ تقرب ايه لفلان ( قريبي الأول ) هو من العائلة قالوله طب تعال ( قريبي ده يا عيني غلبان .. لا من فتح ولا من حماس ولا من حتى الكشافة )
أسروه لمدة يومين .. عذبوه كأبشع ما يكون التعذيب .. ولم يكتفوا بتعذيبه قالو بالمرة يقضو على شبابه علشان بابا دحلان يبسط منهم فقامو ايه قرروا كدة بقدرة قادر يطخوه طلق ناري من مسافة قريبه جدا جدا على ساقه ... للذكرى يعني علشان خايفين الزمن ينسيه يعني ولا حاجة ... البني آدم ده اترمى في الصحراء وتم العثور عليه بعد يومين من اختفاءه بحالة سيئة بين الحياة والموت
وعلاجه غير ممكن في فلسطين وحسب الأطباء يقال انه ممكن ميمشيش تاني وان مشي ان مشي يعني احنا بنقول بعد الشر يعني ان مشي هيمشي كمان سنة وبشكل مش طبيعي ..
مين بقى الوحشين دول ؟؟؟ اسم الأب محمد دحلان اسم الأم محظور للحياء والدين وما بقي لنا من ماء وجه نحفظه ...
المفاجأة الحلوة اييييييه ؟؟؟ علشان الفيلم يكون مشوق لأكبر الحدود ... وبعد ما ارتكبو الجريمة دي في حق مواطن مسالم كان بيزور واحد منهم في المستشفى .... تهمته انه قريب ( ومن بعيد على فكرة ) واحد من المجاهدين اللي اساسا قتلوه من 3 شهور ....!!! تم الدخول الى منزل والدي قريبي الأول رحمه الله وفيه والديه واخوه دخلوا فجرا ... حرقوا المنزل والعائلة داخله ( بحمد الله الجيران انقذوهم بصعوووووووبه ) ثم فجروا البيت بما فيه ... !!!!
شو رأيك الآن ؟؟؟
تحب تعرف مين عمل كدة ولا ذكاءك الفطري عرف لوحده ؟؟؟ طيب علشان بس محدش يزعل والفيلم يوضح .. نحب نرسم توقيع دحلان على رماد البيت
الناس فين دلوقت ؟؟ بيقضو يومين كدة في المصيف عند اقاربنا الكتير لحين ما بيتهم يرجعهلهم بابا دحلان لأنه مش خاين ومش عميل ومش بيحب اسرائيل ...
الله المستعان ... فعلا الله المستعان !!!
مش فاهمة لو انت واحد من عيلتي ... هتعمل ايه ؟؟؟ لو انت واحد مش من عيلتي بس عايش في غزة ... نص قرايبك معتقلين على يد فتح والنص التاني بيتعذب على يد فتح والربع الأولاني تم قتلهم والربع التاني حرقوا بيوتهم والربع التالت اعاقوهم والربع الأخير شردوهم ...
يا ترى هتقف تتفرج وتقول حسبي الله ونعم الوكيل ربنا ينتقم منكم يا وحشيييين !!! كخ عليكم ؟؟
ولا اقل حاجة تعملها توقف الخونة اصحاب بيوت الدعارة والمخامر عند حدهم ...
طب بلاش هقولك حاجة ... قريبي واحد تاني من العيلة العريقة ... من مؤسسي حركة فتح .. ايه والله تخيل ... هو بنفسه ... كنا بنكلمه نطمئن على الأحوال ( بعد ما كل شيء بقى في يد حماس ) قالنا لا خلاص الجنيا بقت امان الحمد لله ده احنا حنى نزلنا النهرضة من البيت اخيرا ورحنا شفنا البيت اللي اتفجر وللأسف مش نافع حتى يرمم بقى رماد خلاص ..!!!
احنا طبعا صوتنا ولا انتو خارجين تعملو ايييييه احنا ناقصين قتلى اخرين .. كفاااااية وانت بالزات ارجع بتكو يا فتحاوي يا اصيل ... لإيناه بيضحك من قلبه وقالنا الدنيا امان لا تقلقوا !!
متتفرجوش على الجزيرة وتقولو الفلسطينين بيموتو بعض !!! مش دبابير هما ولا دببة يموتو بعض وكلو بعض ...
اتقوا الله !!!!!!!!!!!!
ناس صوامة قوامة حافظة للقرآن محفظة له ... مربيهم الشيخ ياسين رحمه الله ... ان اخطأوا فالخطأ غير مقصود وهم مش انبياء مع اني مش عارفة هما اخطأوا في ايه لما حبوا يوقفوا القتل والسلب والنهب والتدمير والتفجير والحرق !!!!!!
مش عارفة اخطأوا في ايه لما دافعوا عن نساءهم اللي بيترفع نقابهم في الشارع !! لما يدافعوا عن جوامعهم !! لما يدافعوا عن الكنااااااااااااااااائس .. ايوة الكنائس ... يا متشددين يا وحشين !! ما علينا ... اخطأوا في ايه لما دافعوا عن حقهم في الجفاع عن وطنهم وشرفهم ودين الله .. ولاهو علشان الدين دخل يبوق وحشين ومتشددين وكخ عليهم متخلفين ؟؟
اي حسبنا الله ونعم الوكيل !!! حرام عليكم اتقوا الله ربكم يا من تقولون نشهد انك انت اله الواحد الأحد ثم تحاربون من يعلي كلمة ربه ولا يخاف فيه لومة لائم !!!!
اٌقولك نكتة مؤلمة ابكتني جدددددا!! أذكياء فتح قتلوا شاب فتحاوي صميييييم ... ايوة ... فتحاويين قتلو فتحاوي .. ليه بقى ؟؟؟ علشان ملتحي !!!!! لا حول ولا قوة الا بالله !!!
يبقى نسيبهم يكملوا قتل وووووو ولا يقفوا عند حدهم بأقل عدد من القتلى ؟؟؟
على مدى اكثر من 6 او 7 اشعر يوميا يقتلو ويأسروا ويعذبوا ابناء شعبهم وهم سكارى ... ولما نوقفهم ونقولهم اللي يروح بيته فهو آمن ومن يسلم سلاحه فهو آمن .. وأعلنوا العفو العام عن كلل ابناء فتح ( بقيادييييييهم ) اللي قتلو نص الشباب المناضل والغير مناضل !!
يعني ناس بتوقف القتل وبتقول للناس ارجعوا اشغالكم ... واحنا مسامحينكم .. ويلا نعيش اخوة من تاني .. ( بس احنا مش غافلين عنكم وعينيينا عليكم ) نزعل منهم ونقول كخ وحشين و أغبياء ... انا متأسفة ... بس قلبي وجعني وانا بكتبها ... ولولا الدين والعيب كنت رديت رد تاني !!
انا بتكلم وقلبي مليان لوعة !!!
انا بتكلم وقلبي مجروح ... انا والدي الفاضل من مؤسسي فتح !!! فاهم يعني ايه من مؤسسي فتح !! وللآن بيقول مش كل فتح عملاء مش كلهم خونة مش كلهم والدليل فلان وعلان بعض اقاربنا طبعا .. وغيرهم ممن رحم ربي ...
بلاش ... بعيدا عن عائلتي علشان كدة انا قربت اكتب لكم التاريخ المصور للعائلة ...
احد قيادي فتح الشرفاء ايدهم الله .. الأخ المناضل الشريف خالد ابو هلال
طلع على التلفزيون يعلن بكل مشاعر الدنيا تأييده لمجاهدي القسام ...وتشكيل فتح الشرفاء من جديد !!!
ده واحد منهم فيهم اهه ومش من عيلتي علشان محدش يزعل !! والكلام على التلفزيون يعني مش بألفه لسمح الله !!
هاااه نكمل ولا تعبتوا .. انا مستعده نكمل كتير لأني فعلا مش قاجرة اصدق ان نظرة الناس محدودة وبتتلقنو لتفقينا ما يريدكم بعض الناس ان تتلقنوه من غير اعمال عقولكم وقلوبكم وفطرتكم !!!
سبحان الله من المفارقات .. اني شفت بعض المشاهد على الجزيرة وكان التعليق ساعتها تبادل اطلافق النار بين فتح وحماس .. واللقطة اساسا .. لعملاء فتح بيطلقوا النار على مظاهرة سلمية قام بها ابناء غزة شيوخهم ونساءهم واطفالهم وكان احد شيوخ العشائر يحمل علم يجمع بين اعلام كل الفصائل الفلسطينية وقبلها جميعا علم فلسطين ...
قوم ايه العيال المش وحشين طخوه في ايده اللي شايلة العلم ... ايه رأيكم بقى ؟؟
سبحان الله !! ولا حول ولا قوة الا بالله ..
على فكرة انا مش ضد الجزيرة بس تغطيتها للأحداث حاليا تغطية تغيب عنها تفاصيل الصراع الحقيقية ... يعني الكلام عام جدااااا .... بما يجعل المرء يتوه ولا يفهم هو مين عمل ايه !!
الله المستعان ...
على فكرة قطر ترفض منح عباس الشرعية بعد اقالته حكومة هنية ...
لك الله يا فلسطين .... لكم الله يا مناضلي فتح الشرفاء .. يا من شوهت سمعتكم بما فعل السفهاء منكم ...
لكم الله يا شرف أرض فلسطين ... لكم الله يا روح شعبها المناضل الأبي .. لكم الله يا ابناء ياسين .. لكم الله يا شرفاء حماس ومناضليها ....
لكم الله يا ابناء فلسطين يا جيران الأقصى وشهداءه ... لكم الله يا من ابيتم الا ان تصمدوا وتقاتلو وتجاهدوا وتربوا ابناءكم في وطنهم على ارضها .. يكفنون موتاهم بأيديهم ويقيمون اعراس الشهداء بدموعهم ويزفون في كل يوم عريس جديد للحور العين .. فتح .. حماس ... جهاد .. ابراهيم .. مرسي .. مش مهم المهم ابني يدافع عن عرضي ... وعن عرض ارضه ...كدة اترابينا وكده عنربي اولادنا ...
بابا فتح (على حماس برضه :))... انا حماس .. اخويا جهاد ... ابن خالتي ملوش في حاجة ... بس كلنا بنحب الله وفلسطين وكلنا بندافع عن قضيتنا ... وكلنا شرفاء
أحبكم في الله اعذروني على الإطالة بس كل كلمة اتكتبت .. اتكتبت من روحي واعصابي .. اعذروني لو في بعض الكلمات في انفعال بس دمي محروق والأخ البراء كعادته سباق لفعل الخيرات الله يبارك فيه ..
اخي مؤمن حبيبة ... اقرأ التاريخ جيدا ... اقرأه حقا.. وانت تعرف مين غلط وغلط في ايه ..
على فكرة التنكيل اللي بتقول عليه كلنا استنكرناه وكلنا واولهم عيلتي برضه الي في حماس ... اقوال المتواجدين ساعتها .. بتقول ان الي انتو شفتوه ردة فعل المواطنين ضد اكثر من اعتقد انه يولث القرآن وما لوث الا نفسه .. قتل الشيوخ في مساجدهم وحرق المنازل بيديه وبشهادة الكثيرين ... هتمنع ام من ان تنتقم من من قتل ابنها وهو حب حياتها كيف؟ مش بتكلم على ام وحدة او اب او اخ او محروق او او او او واحد انا بتكلم على شعب بحالة ...
تصرف خاطئ بعيد عن تعاليم الدين في التنكيل بجثث القتلى ( بي مكنش في تمثيل وتشويه ومحدش فتح بطنه ولا فقأ عينه ولا رسم على وشه ) لكن ما حصل كان ثورة شعبية وبعض ابناء القسام انجرفوا فيها ... الله يهديهم هم وكل مخطئ ومذنب ..
على فكرة عائلة ابو نار ( عائلة مشهورة بجهادها ) قتل المرتدون ابنها المجاهد ... تعرف عملو ايه؟؟ هم بنفسهم لموا لاناس وبالميكروفون قالو للناس انهم مسامحينه وعافيين عنه !! ها وحشين دول برضه ؟؟
جزاكم الله خيرا والسلام عليكبم ورحمة الله وبركاته
"
مش فاهمة لو انت واحد من عيلتي ... هتعمل ايه ؟؟؟ لو انت واحد مش من عيلتي بس عايش في غزة ... نص قرايبك معتقلين على يد فتح والنص التاني بيتعذب على يد فتح والربع الأولاني تم قتلهم والربع التاني حرقوا بيوتهم والربع التالت اعاقوهم والربع الأخير شردوهم ...
يا ترى هتقف تتفرج وتقول حسبي الله ونعم الوكيل ربنا ينتقم منكم يا وحشيييين !!! كخ عليكم ؟؟
"
اسمحيلي يا نوارة البلوجات أرد أنا ع السؤال ده أرجوكي
من فضلك يا رب ماتكوني رديتي قبلي يا رب
أخي العزيز
ALLAH_LOVER
تعـــــــــــــــــايش
امضاء
سيف الدين عربي المصري
يا عاطف كل الناس بتحب سعاد حسني
طب انا ح افرج الناس دي
يا عاطف بابا متضايق من موضوع سعاد حسني
وابويا كمان بيحبهى اني ح اموت نفسي يا جدعان
بقالي كام يوم بدخل عندك و اقرأ متابعاتك للموقف المقزز بفلسطين و فصائلها المقززين ايضاً
و فعلاً لا اجد كلمات تصف ما اشعر به
سوى اني لم اكن اتصور ان هذه الفصائل بها هذا الكم من الخونه و هذا القدر من غباء قيادتها
كل ما يدور من حولي عبث
انا هيجرالي حاجه و الله
كركررررررر
والنبي إيييييييييه؟؟؟
دا انتي اللي عثل وثكر كمان
بقا إسرائيل لم تدخل جنوب لبنان في وجود حزب الله؟؟؟
يا راااجل؟؟
إيه المعلومات الجامدة ديه ؟؟
ملحوظة صغيرة : انا من أشد محبي حسن نصر الله الرائع علشان محدش يزايد الله يكرمكم
وصورة إيه اللي لسه جاية مباشرة من غزة؟؟؟
الصورة ديه قديمة قوي يا نوارة
صورة قديمة ومعلومات غلط وأخبار بايظة
وبلاش إحراج اكتر من كده
علشان مليش مزاج اتخانق معاكي النهاردة
اوعي تزعلي يا استاذه
الاختلاف في الحقائق يفسد للود قضية
أنا مش عارف ليه عندك الموازين مقلوبه والصورة دايما ناقصة إظاهر ان الرؤية للواقع ومجريات المور والاحداث طوال الستين سنه السابقة محتاجة مراجعه ! مياما اسرائيل اجتاحت وموتت الكتير وفي الأخر تراجعت وبعدت حبه دراسة سياسية سليمة و كمان مو واقع ديني و إجتماعي من الأخر بلاش شماتة ويأس الرحمة حلوة هي ناقصة
علاء هادي
علاء هادي
الاخ اليساري المصري اللي قرفان من كل حاجه وهيجرالو حاجه الف سلامه عليك
إظاهر ان اليسارين نايمين لا شايفين ولا حسين هو فيه ايه ما تقرا الواقع كويس سنه ونصف والكل بيتأمر علي الناس المحترمة بتوع حماس بره وجوه وتقولي الموقف المقزز هو مين اللي ساهم وصنع الموقف المقزز مين اللي حاصر مين اللي جوع اوعا تفتكر الشعب الفلسطيني عبيط وحتي الشرفاء من فتح لما حدث ماحدث اثنوا علي تصرف حماس
من الأخر حماس لوكانت بتدور علي سلطة كانت خدتها من زمان انما الفساد والفاسدين خربوا في كل حته اتمني تبحث عن حلقة القاهرة اليوم في حضور د. سليم العوا حلل الموقف بصورة هادئة مش بصويت وولولة
ولا إيه يانواره البلوجات
صورة قديمة؟؟؟؟؟؟؟؟
والنبي يابني انا مافيا بقى للمهاترات دي
لا بتتفرج ع الاخبار ولا بتقرا الجرايد
وعمال بس تشكك
النهاردة فيه ستة فلسطينيين في الضفة وغزة في اشتباكات مع اسرائيل
صورة ايه اللي قديمة والنبي يابني اكبر شوية
سنة 79 حسن نصر الله كان في العراق وكان عنده 14 سنة
وراح لبنان
وكان قبله عباس موسوي هو زعيم حزب الله
وحزب الله انشق عن امل سنة 82 بعد الاجتياح
مش ح اقول لك اشتري كتاب
بس كلف نفسك وافتح الموقع بتاع المنار
خبر عاجل
من الجزيرة
حركة الجهاد اطلقت صاروخ من غزة
واسرائيل دلوقت بتقص بالطيران غزة
وخطة اجتياح الامس كان مراد لها ان تكون خاطفة ومعقدة كما قالت اسرائيل
لكنها فوجئت بعناصر المقاومة من كافة الفصائل
العملية جات بعد تحرشات من جانب الجهاد الاسلامي
ههههههههه
والله ما كنت متوقعة انهم يعملوا حركة زي دي عشان يعقلوا فتح وحماس
اهم دول اللي جدعان بجد
يا اخوتي الاعزاء
المقاوم ما يترشحش في انتخابات لسلطة اللي اسسها الاحتلال
ده خطأ استراتيجي وقعت فيه حماس
وامريكا ما كانتش ح تسمح لحماس تنجح غير عشان تصفيها
وكان لازم حماس تتنبه للمخطط ده
ده اذا كنا عايزين الصالح العام
وصالح المقاومة
بلد محتلة = مقاومة وبس
انا ما اعرفش مقاوم يدخل في منظومة الاحتلال ويطالب بالعدالة والموضوعية
!!!!!!!!!!!!
لما السلطة الفلسطينية اسست بناء على اتفاق اسلو اللي المفروض ان حماس مش موافقة عليه
ازاي مش موافقة على الاتفاق ومش معترفة بيه وقابلة بنتائجه وكمان تترشح في انتخابات هي نتيجة لاتفاقية هم مش معترفين بيها
وبعدين يقولوا البيت ده طاهر وح يفضل طول عمره طاهر؟
هو مقاوم ومكانه صفوف المقاومة
واللي في السلطة متعين من الاحتلال مخبر بجلابية وبالطو عشان يقبض على المقاومين
ايه بقى النصاحة في انه يترشح في الانتخابات بتاعة سلطة شغلتها تقبض ع المقاومة وهو متصور انه ح يعدل مسارها ويكفي شرها عن المقاومين؟
يعني وامريكا واسرائيل ح يسيبوه يعني
على اساس ان امريكا واسرائيل دول ناس موضوعيين وديمقراطيين ومحترمين وح يحترموا اختيار الشعب
وعلى اساس ان اللي وقعوا اتفاق اسلو وقبلوا بانهم يبقوا جلاد المقاومة واللي بيسلموهم ح يسمحوا بده
ربنا عرفوه بالعقل
يا عاطف
اهلا إزيك
واضح اني كنت بتكلم بلغة مش عربي
علشان كده حضرتك مفهمتيش كلامي
معلش نصيبك كده تتكلمي مع ناس لا بتشوف اخبار زي حضرتك ولا بتقرا كتب ولا حتي جرايد
اعذرينا جهلة بقه تقولي إيه
بس هما شوية أسئلة صغيرة علشان جاهل والنبي وطالب مساعدة
حد جاب سيرة ام سنة 79
هو انتي بتغني وبتردي علي نفسك
سيادتك انا بتكلم عن الاجتياح البري للجيش الاسرائيلي لجنوب لبنان في يوليو
2006
ارجعي حضرتك لاي ارشيف صحفي او موقع اخباري بتاريخ 22 يوليو 2006
ايه بقه جاب 82 وحسن نصر الله لما كان لسه 14 والكلام الفارغ ده
وانا مش مسئول عن استنتاج حضرتك عن كلامي اللي اظن كان واضح جدا
السؤال الواضح بلا لبس
هل حدث اجتياح في غزة أمس؟؟؟؟؟؟؟
لا لم يحدث
وحضرتك الخبر الصحيح منشور في الجرايد اللي انا مش بقرها وفي كل المواقع الخبرية ووكالات الاخبار اللي انا برضه مش متابعها والجزيرة اللي حضرتك قدمها طول النهارة ده بفرض انها نفس الجزيرة اللي احنا عارفنها
ان اسرائيل دخلت معبر بيت حانون لفرض حصار شامل علي القطاع
خبر النهاردة حاجة تانية خالص
وده برضه نص الخبر اللي انا مقرتوش
وأفادت مراسلة الجزيرة في غزة نقلا عن شهود عيان بأن قوات إسرائيلية تسللت إلى منطقة القرارة شرق مدينة خانيونس جنوب قطاع غزة لتشتبك لاحقا مع مسلحين فلسطينيين من كتائب القسام الذراع العسكرية لحركة المقاومة الإسلامية (حماس) وألوية الناصر صلاح الدين الجناح المسلح للجان المقاومة الشعبية وسرايا القدس الذراع العسكرية لحركة الجهاد الإسلامي وتقتل ثلاثة منهم.
والنبي بلاش ندخل في موضيع فرعية
وجدل ملوش لازمة
وعموما حقك عليا يا سيتي ان دلوقتي رايح اكبر شوية مش عارف ازاي بس اوعدك احاول وبالمرة اقرأ شوية جرايد
هو بالحق ممكن تقوليلي أقرأ جريد إيه؟؟
بس تبقي جرايد طازة والنبي
توضيح هام
التعليق السابق كان قبل الغارة الجوية علي القطاع
ووعد شخصي بعدم التعليق تاني وذلك امتثالا لقول النبي ( ص )انا زعيم بيت في الجنة لمن ترك المراء ولو علي حق
أو كما قال صلي الله عليه وسلم
هذا الموضوع منقول من مدونة
يا نوارة تابعي الموضوع دة كويس و تابعي كمان المدونة يمكن ربنا يسهلها و تبطلي تهييس
http://melhamy.tadwen.com
- التاريخ النضالي :
** جد أبي كان من أصحاب الأطيان ، يصفه لي من رآه بأنه كان هيبة مهابا عظيم الأثر قوى البنية جهير الصوت .. كان في قريتنا يمثل الرجل الأول دون منازع ، ولم يكن عمدة القرية الرسمي يقطع أمرا دونه ، ولم تكن المشاكل بين العائلات تحل في دوار العمدة الرسمي حتى تمر على جد أبي ليقضي فيها ، ثم تتم الإجراءات الرسمية - إن كان هناك حاجة لرسميات - في دوار العمدة .
هذا العظيم المهاب أنجب ولدا وحيدا .. حاز هذا الولد من الحنان ما جاوز الحنان إلى التدليل ، قام بواجب عظيم في بيع كل ممتلكاته وممتلكات أبيه من أطيان وأملاك على سهراته ، لم يكن فاسقا أو فاجرا وإنما كان مسرفا جدا ..
ولد أبي في جو فقير جدا إثر إسراف ابيه ( الذي هو جدي ) .. كافح في الحياة كفاح بطل عظيم ، يستحق والدي هذا أن أكتب عنه رواية لن توفيه حقه .
هل من الطبيعي أن يفخر جدي المسرف بأبيه وأملاكه وأطيانه .. مهما فعل فيها ؟
ثم هل يحق لأبي أن يفخر بجده العظيم وإن لم يعمل أو يكافح ؟
ثم هل يحق لي أنا أن أفخر بجد أبي وإن كنت عاطلا باطلا بليدا ؟
وإذا صح أنه يحق لنا أن نفخر برجل عظيم صنع نفسه منذ سبعين عاما ، فلم لا نحمل بنفس القدر عار رجل أهدر أمواله واملاكه منذ أربعين عاما ؟
** هل يمكن لي - كمصري مسلم - أن أفخر بأن أجدادي المصريين عبدوا العجل أبيس ؟ ثم حكمهم الفراعين فعبدوا الصقور والأفاعي والظلام والنور ؟
** هل يمكن لي كبشري أن أفخر بأن أجدادي من البشر من الرومان قد عبدوا غانية زانية واقاموا لها التماثيل ووضعوها في قلوبهم كإله للجمال ؟
** هل يمكن لليبرالي مصري أن يفخر بفترة عبد الناصر الشمولية الدموية ؟
** هل يمكن لناصري مصري أن يفخر بفترة السادات الانفتاحية التطبيعية ؟
** هل يمكن لمبارك أن يفخر بكونه سليل شعب مجاهد أنقذ العالم الإسلامي مرتين من الصليبيين ومن التتار ؟
** دعونا نكن تافهين : إذا كنت زملكاويا ثم قررت - لأي سبب - أن أتحول إلى الأهلي .. هل من الطبيعي وأنا أهلاوي أن أفخر بتاريخ الزمالك ؟
إذا كنت أنا لا أؤمن بمنهج معين أو تيار معين .. فهل من الطبيعي أن أفخر بتاريخي فيه ، إن لم يكن تاريخ غيري فيه ؟؟
وإذا كان هذا العبث واضحا لأي طفل ، فضلا عن أي عاقل .. فبأي صفة يرفع كلاب إسرائيل الفتحاويين تاريخ فتح النضالي ويصدعوننا به في كل دقيقة ؟ .. لقد تركوا النضال ودخلوا في مسار الاستسلام وانتهى الأمر ، فلم التمسح الحقير بتاريخ فتح ونضالها ؟
إذا كان عباس يرفض “عسكرة الانتفاضة ” ولا يقبل إلا بسلمية النضال ( ليس المقام الآن مناقشة أضحوكة النضال السلمي ) .. وإذا كان عبد الرزاق اليحيى الذى تولى حقيبة الداخلية في حكومة فياض ( دايتون ) كان قد قال حين كان وزير داخلية في عام 2002 (لو لم تخني الذاكرة في التاريخ) : إنه يرفض إلقاء ولو حجر على جندي إسرائيلي .. وإذا كان دحلان وعصابته لم يرفعوا سلاحا في وجه إسرائيل .. فلم يرفعون قميص تاريخ فتح النضالي ؟؟
إذا كانوا قد ألقوا بندقية فتح واتجهوا لموائد المفاوضات ، فلم يرفعون تلك البندقية كشعار ؟
أليس شيئا رهيبا أن تحاول إثبات الواضحات ، رحم الله من قال :
وليس يصح في الأذهان شئ *** إذا احتاج النهار إلى دليل .
2- عمرو موسى :
كنت أحترم هذا الرجل كثيرا .. ودائما ما كنت ألتمس له المعاذير ، وكنت أراه نسيجا وحده بين سفهائنا ( الذين يسميهم الإعلام دبلوماسيين ) .
وما آذاني شئ في الأيام الماضية مثلما أدهشني وأحرقني أن أراه هو غاضبا بعد أن استطاعات حماس تطهير غزة من فئة الدحلانيين .. عجبت منه لم يغضب كل هذا الغضب ؟ ولم لم نر منه غضبة عمرية موسية تشق حجاب الشمس أو تقطر دما لما كانت دماء حماس تسيل في المساجد والشوارع ، ولما كانت المصاحف تحرق في الحمامات على يد الدحلانيين ( أفتي بعض العلماء بأنهم مرتدون ) .
لم أر منه غضبا ، ولا حرقة ، ولا دعوة لاجتماع عاجل لسفهاء الخارجية العرب .. بل صمت القبور .
وما زلت لا أدري لم كل هذا الغضب الذي ظهر في مؤتمره الصحفي الجمعة الماضية .
يصعب علىّ أن أفقد احترامي له .. واسأل الله ألا يكتب علىّ هذا .
3- مروان البرغوثي :
لأسباب يطول شرحها ، ومواقف قد نختلف في تفسيرها ، لا أحمل تجاه مروان البرغوثي إلا التشكك .. ويغلب على ظني أنه مشروع زعيم يتم تلميعه بسنوات سجن حتما لن تطول .
إنه من داخل سجنه يستطيع إصدار البيانات ، فيما ليس هذا متاحا لغيره .. ثم إن اعتقاله نفسه شئ مثير للتساؤل ، فقادة حماس والجهاد السياسيين لا يتم التعامل معهم - بعد الانتفاضة الثانية وقبل فوزهم في التشريعي - إلا بطريقة واحدة : الاغتيال ، لكن مروان البرغوثي كان حالة أخرى .
بعض التصريحات التي قالها بشأن حماس وكتائب الأقصى والمفاوضات لا تعني إلا أنه مشروع ممتاز لزعيم يمكن صناعته لأعين الناس .. كان مروان البرغوثي يمكن أن يكون مثار نقاش طويل فيما سبق ، لكن بعد موقفه الأخير بتسمية ما حدث في غزة “انقلاب عسكري” وتأييده الكامل لحكومة سلام فياض ( لا تحرجني بالسؤال كيف يؤيدها أو يستطيع ) .
ألا يتذكر أنه كان على راس القائمة التي تطالب حماس بالإفراج عنهم مقابل الجندي الإسرائيلي الأسير ؟؟ .. من في السلطة وفي حكومة فياض - وكلهم ذووا علاقات حميمية مع إسرائيل - سعى في الإفراج عنك يا مروان .
فليتذكر أو لا يتذكر .. علينا نحن أيضا أن نختزن تلك المواقف لنتذكر .. فإن الذكرى تنفع المؤمنين .
4- أحمد حلس :
حاول أن يلبس قناع الشرفاء في حركة فتح .. فلم يطعه القناع .
ومهما تكن في امرئ من خليقة *** وإن خالها تخفى على الناس تعلم .
5- عبد الباري عطوان :
( لو لم تكن تتابع الأخبار جيدا .. فلا تقرأ هذه الفقرة ، فستظن أني أبالغ أو أتجنى )
منذ بدأ التيار الدحلاني في ارتكاب جرائمه في غزة ، حتى تحول عبد الباري عطوان إلى أعمى لا يرى من القاتل ومن المقتول .. فقط يسمع طلق الرصاص ثم ينهال قلمه بالسب على الجميع .
تطور الأمر فيما بعد حتى أصبح يرى بنصف عين ، فلا يرى إلا أن حماس اخطأت في كذا وفي كذا .
بعد فترة ، تطور الأمر عنده إلى أن وجد حلا ، يتمثل الحل في أن حماس يجب أن تترك السلطة ، وأن تعود لسابق عهدها في الجهاد والنضال ( ولا أدري ما حتمية الربط بين ترك السلطة والمقاومة ) .
ثم بدأ الرجل يعيش في الوهم ، ويتحدث عن انشقاقات داخل حماس واختلافات بين القواعد والقيادات .
عبد الباري عطوان منذ بدأت جرائم اللحديين أو الدحلانيين ( كلاهما صحيح ) أراه كمن ينزف شرفه .. ويظل ينزف شرفا ثم يسيل شرفا حتى كان مقاله الأخير قد كُتب وقد انتهى ما كان به من شرف .
الثلاثاء 19 يونيو 2007
كيف حال المغفلين ؟
من قسم معـارك السيـاسة , ما كتبته بدموعى
تعليق واحد
المغفل أو الجاهل الذي كان يحلل ما حدث في فلسطين على أنه صراع على السلطة أو على المناصب .. كيف حاله الآن ؟
هل أبدت له الأيام والمواقف ما كان جاهلا .. أم ما زال لم يفهم .. أم أنه كالعجوز - في فيلم مصري قديم - التي لا تسمع إلا ما تريد فقط ؟؟
هل مازال يلعن حماس وفتح سواء بسواء .. ويعتقد أنهما ( سواء بسواء ) قد أساؤوا للقضية الفلسطينية ؟
بالمناسبة : أنا لا أتكلم عن العامة الذين يتخطفون الأخبار من مانشيتات صحيفة رسمية ( رسمية = شتيمة ) ، أو على مصطبة مقهى ( كل مقهي يحظى بشارب شيشة يظن نفسه فريد الزمان وحكيم الأوان ) .. أنا أتكلم عن شخصيات احتلت صحفا وأعمدة وشاشات فضائيات وحصلت على لقب كاتب أو مفكر أو محلل أو خبير .. ( لا تعجب : فنحن في زمن التهريج ) .
دعنا الآن من العملاء الذين يكتبون ما يريد الأسياد ، ويعرضون أنفسهم للبيع من خلال مقالاتهم أو تحليلاتهم ، هؤلاء أحقر وأضأل من أن أناقشهم .. إنما أتحدث الآن عن المغفلين .
هل أبدت لهم الأيام والمواقف ما كانوا يجهلون ؟ أم ما زالوا في حاجة لمزيد ؟
ألا تضع لهم مواقف أمريكا وإسرائيل والاتحاد الأوروبي ومبارك ( لا أقول مصر ) .. ألا تضع لهم هذه المواقف الأمور في نصابها ، فيعرفون في أي خانة توجد حماس ، وفي أي مستنقع يغرق خونة معملاء فتح ؟؟
- أمريكا تفك الحصار .
- الاتحاد الأوروبي يستأنف إرسال المساعدات .
- أولمرت يفرج عن أموال الضرائب المحتجزة .
- مبارك ( ليست مصر ) تعترف بحكومة فياض . ( سيبدو غريبا جدا أن يعترف مبارك بحكومة منتخبة .. الحقيقة التي تتسق مع نفسها أنه لا يعترف إلا بحكومات معينة بقرارات ومراسيم ) .
- حماس في غزة تعفو عفوا شاملا عن أعضاء فتح ( وفيهم مجرمون قتلوا وعذبوا أعضاء في حماس ) .. بينما كتائب دحلان تحرق في 3 أيام 120 مؤسسة تابعة لحماس معظمها خيرية ومنها مؤسسة لشئون الأسرى ، وتهاجم بيوت أسرى ومعتقلين ( منهم عزيز دويك رئيس المجلس التشريعي ) .
- حماس تبقى أفراد فتح في وظائفهم في غزة .. وكتائب دحلان تقتحم مجالس البلديات وتطرد أعضاءها المنتخبين وتعين غيرهم ( ثم يصرخ كلابهم : حماس تنقلب على الشرعية ) .
إن المقارنات تستعصي على الحصر ، وأنا شخصيا اشعر بصداع من تدفق أوجه المقارنة .. ولست في مقام المقارنة بين حماس وكلاب دحلان بطبيعة الحال .. إنما اسأل صاحبنا المغفل الذي ارتدي مسوح الشهداء وتمسح بدموع الحكماء ولعن حماسا وفتحا سواء بسواء .
هل مازال يرى أن حماس تتصارع مع فتح على المناصب ؟ لم لم يحدث هذا التصارع منذ أن تولت فتح هذه المناصب في أعقاب اتفاق أوسلو ؟
تعال ياصديقي المغفل نتخيل ما كان سيحدث لو فازت فتح بالانتخابات التشريعية ؟
- هل كان سيظهر احتمال واحد في المليون أن تفكر فتح في تشكيل حكومة وحدة وطنية ؟
- هل كان سيسمح عباس أو دحلان للحظة واحدة أن تستمر حماس في المقاومة بعد أن اختار الشعب المسار السلمي ؟
- هل تتخيل أن كتائب القسام ستحرق المجلس التشريعي ، وتقود الاعتصامات ، وتقيم الحواجز في الشوارع ، وتحاول اغتيال أبو مازن ؟
- وفي هذه الحال .. هل سيقول العالم إنه صراع على امناصب أم سيقول إن حماس خرجت على الشرعية وحملت السلاح في وجه الدولة ومن حق عباس والسلطة أن تقضي عليها كما فعلت كل الدول العربية - تقريبا - مع الجماعات الإسلامية على أراضيها ؟
- هل كانت مصر سترسل وفدا أمنيا رفيع المستوى لكي يسجل الخروقات ، أم كانت سترسل مساعدات لقوات عباس للقضاء على الحركات الإرهابية التي تناوئه ؟
- إذا حدث وحاولت حماس اغتيال فتحاوي فأصيب في الحادث عضو الوفد الأمني رفيع المستوى ؟ هل كانت مصر ستسكت وتبتلع الموضوع وكأن شيئا لم يكن ؟
- هل كان سيفكر أحد - السعودية مثلا - في إرضاء حماس ( التي هي خارج السلطة وتثير الشغب ) بجمعها مع فتح في اتفاق بمكة .. تتنازل فيه فتح عن نسبة تمثيلها العادلة في الحكومة ، وتتنازل عن بعض الوزارات السيادية لصالح حماس ، بل وتهدى وزير الداخلية لمستقل تختاره فتح ويشترط أن توافق عليه حماس ؟؟؟
- ولو رصدت المخابرات السعودية اتصالا هاتفيا قبيل توقيع اتفاق مكة بدقائق بين محمد دحلان ( حمساوي ) وبين رشيد ابو شباك ( حمساوي ) وكان أبو شباك يتكلم من مكتب الشئون الأمنية في إسرائيل ، فيحكي دحلان تفاصيل الاتفاق ويتعهد بـ “لخطبته ” فيما بعد .. هل كانت السعودية ستكتفي بمعاقبة هذا الخائن العميل فقط بمنعه من حضور توقيه الاتفاق ؟
حماس حقا فعلت المستحيل .. وتحملت ما لا يتحمله البشر .. وتحملت طعنات الأشقاء في ظهرها قبل طعنات الأعداء في ظهرها ، ولدهشتي .. لدهشتي : لم تفلت منها كلمة واحدة مسيئة في حق واحد ممن وضع خنجرا في ظهرها .. ولدهشتي : ما زالت صامدة تتحدى كل العالم .
فيا صديقي المغفل .. هل حماس وفتح سواءا بسواء ؟؟
أذكر كل من يفتي بلا علم وكأنه فريد عصره بقول الله تعالى :
( ولا تقف ماليس لك به علم إن السمع والبصر والفؤاد كل أولئك كان عنه مسؤولا )
( يا أيها الذين آمنوا إن جاءكم فاسف بنبأ فتبينوا أن تصيبوا قوما بجهالة فتصبحوا على ما فعلتم نادمين )
بحرى, يخرب بيت اللى يزعلك::خلاص ياعم ماتعملش فى نفسك كده,كلامك كله حكم ياريس وحماس حلوه وأمورهواللى يقول غير كده يبقى خاين وعميل
والنبي حد من جنسية تانية يرد
انا جبت سيرة اجتياح لغزة؟
انا قلت: تتوغل في غزة
وهي فعلا بتتوغل في غزة
لحد دلوقت
سؤال تاني
هو اللي في 2006 ده اسمه اجتياح؟
الاجتياح للجنوب حصل مرة واحدة سنة 82 واللي في 2006 ده احنا بنسميه عدوان وهم بيسموه قصف
وما حصلش اي اجتياح في 2006
Post a Comment