Monday 16 June 2008

يا غيطان سراندو يا غيطان مدينتي استشهد فيكي وتعيشي انتي

لسة راجعة من دمنهور حالا
فلاحين سراندو والمحامي بتاعهم محمد عبد العزيز سلامة كلهم اخدوا براءة لتاني مرة
كانوا اخدوا براءة اول مرة والحاكم العسكري حولهم للمحاكمة تاني
والقاضي المصري العظيم المستشار ربيع الشيمي وهيئة المحكمة المستشارين بهلول عبد الدايم وعطا احمد سليم ومحمد عمر حكموا للفلاحين والمحامي بتاعهم لتاني مرة بالبراءة بعد مجموعة مرافعات رائعة قام بها كل من المحامين
خيري الالج
احمد سيف الاسلام
ماجدة رشوان
حمدي الاسيوطي
احمد كامل
سيد فتحي
ابراهيم اباظة
انا باحمل المرافعات والحكم وردود افعال الناس وح انزل الفيديوهات
احلى حاجة في المحاكمة دي مجموعة كده سافرت معاهم لاسباب مجهولة انا ما اعرفش اصلا ايه اللي خلاني فجأة معاهم في البيجو واحنا رايحين، ما اعرفش منهم غير ايناس، قلت لهم انتوا مين قالوا لي احنا شباب ستة ابريل
الشباب استنوا برة وطول المحاكمة والمرافعات كانوا بيهتفوا برة بقوة وفعلا ادوا دعم كبير للدفاع اللي كان بيتكلم ووراه اصوات الشباب من برة ما بطلوش هتاف طول المحاكمة ان شاء الله تسمعوها في الفيديوهات
انتظرونا

No comments: