Monday 2 June 2008

ليه كده يا بطرس؟

بطرس ده اللي مراقب التليفون او هو اللي عرف نفسه بالاسم ده
مرة يرد على مصطفى الحسيني ويقول له نوارة باعت التليفون
مرة يبقى نايم وللا بياكل ويعمل رجكت للناس اللي بتتصل بيا
مرة يرد على بلال فضل ويقول له: ايوة اقفل واتصل تاني
واخيرا رد على عبده البرماوي وقال له: انا بطرس
وعمل لي مشكلة مع محمد ماك لانه بعت لي يقول لي: انت منفضة لي ومش بتردي على رسايلي
قلت له هو انت ما وصلكش رسايلي ورناتي؟
وله ناس وناس، يعني سبهللة كانت بتتصل بيا يروح مكنسل عليها وما الاقيش اي ميسد كول منها مع ان البنية مش رغاية ولا حاجة دي كلمة ورد غطاها ومش في طبعها الكلام الكتير لا في التليفون ولا على المدونة
طب متضايق منها ليه مش عارفة؟
طب ليه كده يا بطرس؟ ليه يا حبيبي بتعمل لي مشاكل مع الناس ليه؟ طب ما تحطوا اتنين بحيث لما يبقى واحد نايم او في الحمام التاني يقعد يسمع انما ما تمررليش المكالمة الا لما تبقى فاضي؟
وللا انت بتغير عليا؟
اه يا عفريت

No comments: