فتاة قطيف تانية...هي القطيف دي محافظة الاغتصاب؟

يعني مثلا زي ما عندنا بنها العسل وكفر الزيات عندهم قطيف الاغتصاب؟ طيب في الحالة دي عايزين نبحث عن معنى كلمة قطيف، هل لها علاقة بالقطايف؟ وايه علاقة القطايف بالاغتصاب؟ يعني على ضمانتهم الشباب عندنا ياكلوا قطايف بدل الفياجرا اللي بتعمل لهم ازمات قلبية وتموتهم؟ آه الشباب....معلش بقى الله يكرمه يوسف والي كان اتوصى بينا شوية في الاكل، ما علينا احنا في القطيف مدينة هركليز سابقا

المرة دي البنت عندها سبعتاشر سنة وفاقدة النطق من يوم الاغتصاب بقالها ست شهور، اغتصبها خمس شبان زي الورد طبعا، اكيد زي الورد لان البوليس مش عايز يقبض عليهم، ينكن فخور بيهم يعني ان شباب القطيف دايما رافعين راسهم؟ يا اخوانا ما تجوزوهم، او فهموهم ان بلاش الاغتصاب بارتي دي، يعني واحد واحد بنظام، صدقوني دي مافيهاش ثواب الجماعة.

المرة دي بما ان البنت فاقدة النطق والوعي فالشرطة بتتعقب ابوها مش بتتعقبها هي!

ايوة ايوة ايوة...انا فهمت، والله فهمت، المسألة ابسط من كده بكتير، هم شايفين ان الشباب دولم عملوا في البنت جميلة، اصل طالع اوشاعة بقى ان العنوسة زادت قوي في السعودية والستات مش لاقية رجالة خصوصا ان السعوديين بيفضلوا الزواج من اجنبيات، فقال لك بقى نتصدق عن صحتنا ونكسب ثواب في بنات بلدنا واهو كله لوجه الله، قوم ناكرين الجميل يبلغوا فيهم البوليس اللي تصرف بحكمة وفهم لحقيقة الامر، ايه ياخويا كهن البنات ده؟ يقعدوا يقولوا عايزين نتجوز عايزين نتجوز العنوسة زادت مش لاقيين رجالة واما الناس تعمل معاهم خير يتموحنوا اكيد طبعا بيرسموا على جواز بقى، ماهي "الناس دي" كده تساعدهم مرة يطمعوا فيك

وقال على رأي مدرسة العربي في اولى ابتدائي اللي كانت بتزعق لزميلتنا المكلبظة اللي زميلنا ذو الست سنوات ربيعا باسها: مافيش واحد يقدر ياخد حاجة من واحدة الا بارادتها

الا مين ابن الكلب صاحب النظرية الوسخة دي؟ ياللا ربنا ينتقم منه اذا كان عايش ويجحمه اذا كان ميت

الخبر جالي على الميل من محمد طعيمة

فتاة قطيف جديدة في السعودية

الرياض ـ يو بي آي:
طالبت عائلة سعودية بمحافظة القطيف السلطات السعودية العليا بالتدخل لمعالجة قضية اختطاف واغتصاب ابنتها علي يد خمسة أشخاص معروفين فيما لا تزال الفتاة مغيبة منذ 6 أشهر.
وقال مصدر في العائلة لشبكة راصد الإخبارية (الشيعية) امس الاربعاء ان الفتاة (17 سنة) تعرضت في يوليو للاختطاف والاغتصاب علي يد خمسة أشخاص ولا تزال مغيبة عن عائلتها حتي الساعة.
واتهم المصدر المسؤولين بشرطة القطيف بـ التقاعس والتستر علي الفاعلين الخمسة الذين قال انهم اعترفوا بالجريمة فيما لا يزالون مطلقي السراح. وأضاف أن الشرطة اتجهت لملاحقة والد الفتاة المختطفة عوضا عن إلقاء القبض علي الفاعلين المعروفين لديها جيدا، وجميعهم من المحافظة.
وناشد والد الفتاة السلطات العليا في البلاد بضرورة التدخل لمعالجة القضية التي أثرت علي استقرار عائلته جراء ضياع ابنته بحسب مصادر مقربة.
ويقول مراقبون بأن هذه القضية ربما تنذر بتداعيات أسوأ من قضية فتاة القطيف لجهة تلكؤ السلطات الأمنية في الوفاء بواجباتها المطلوبة.
ويرجع قطاع واسع من الرأي العام في المنطقة بروز هذا النوع من الحوادث إلي الأحكام المتساهلة التي يتخذها قضاة المحكمة العامة بالقطيف بحق المتورطين في حوادث من هذا النوع.
وتأتي هذه القضية في وقت لم تنته بعد تداعيات قضية فتاة القطيف التي هزت الرأي العام المحلي والدولي والتي ينتظر أن يعاد النظر في الأحكام التي وصفت بالمتساهلة بحق مغتصبيها السبعة.
وكان الملك عبدالله بن عبد العزيز اصدر أمرا بالعفو عن العقوبة التي حكمت بها المحكمة الشرعية علي ما يسمي بفتاة القطيف، وهي السجن 6 أشهر و200 جلدة، بتهمة الخلوة غير الشرعية، قبل تعرضها للخطف والاغتصاب الجماعي من قبل 7 شبان.
القدس العربي
الخميس 10-1-2008