وطيعا ابويا بيعرف يرد ع التليفون الارضي
وبيعرف يحط المحمول على ودنه
لكن لا يعرف يطلب منه
ولا يعرف يقفله بعد ما يخلص كلام
وكان بينظر لي بإكبار وإعزاز وتقدير
لأني الوحيدة في العائلة المبجلة
اللي باعرف افتح الميل
وطبعا ما يعرفش اني تكنوفوبيك
واني باحتاس في الكمبيوتر
فاكرني مهندسة
قوم الواد جيمي اتلايم عليه
وح يبتدي يهز صورتي في عين ابويا
لانه اكيد بقى بابا ح يكتشف اني لامؤاخذة حمارة كمبيوتر
المهم ما تعرفش جرجر ابويا ازاي ع التدوين
مع اني ارمي نفسي في التدوين اه
لكن ابويا لا
ده انا افديه بروحي
وفيه واحد صديق قال لي ح تبقوا عيلة البلايجة
والناس ح تشتمكوا
وتقول دول بلايجة ولاد...كذا يعني
عموما اللنك بتاع مدونة ابويا اهو
16 comments:
مبروك يا فاجومية ... عن إذنك بقى يا نوارة..الحق اسلم على عمنا الفاجومي الكبير..صحيق وقفة الست بميت راجل...بس ان جه الراجل...تولع ميت ست
تحياتي
أحلى خبر سمعته هذا الأسبوع المهبب...شكرا يا نوارة
زكرياء
ده خبر يفرح بجد... عشان الغلابه اللي زيي اللي مش قادرين يشوفوا عم احمد علي الحققه برده ينولهم من الحب جانب
مبروك علي البلوجر بلوج احمد فؤاد نجم
ودايما منورين البلوجات يا نوارتي
نوارة
بصراحة كده وبدون مجاملة
الواحد النهاردة يقدر يفتخر وعن حق وهو بيقول إنه بلوجر
وأهلا بعمنا الكبير .. الكبير أوي كمان
انتى يا بت انتى فضيحة
احنا لسه راجعين البيت حالا لحقتى تفضحى الدنيا كنا لسه عايزين نظبطها
اعمل فيكى ايه بس
مش انا بس اللى عامل المصيبة دى داليا زيادة الاساس هيه و اللى بلغك ياختى
هههههههههههه
عم احمد فتح مدونه
( انا دلوقتي متنح و فاتح بؤى و مش مترجم اي حاجه غير اني نفسي انه كان يكون من مستخدمي الموبايل عشان اتصل بيه حالاً و اقولوا واحشنيييي
لو مصر هي ام الدنيا فعم احمد هو ابوا الدنيا دي كلها
و الدنيا دي باللي فيها من صلبه
بحبك يابويا
ايواااااااااا كده,تمام اوى
والله البلوج فعلا مكنش ناقصه غير عم نجم
شرفت البلوجر ياكبير
LOOOOOOZZZZZZZZ
الف الف مبروك الافتتاح
تحياتي للفاجومي
مبروووك
!!! ايه ده
انا رايحة لوقتي حالا ارحّب بيه ,,, البلوجر نور بجد واحنا خلاص كدة ما باقاش لينا لازمة :p
تحياتي
هههههههههههه
مبروك يا نوراة
تعرفى يا نوراة بزور مدونتك كتير
احم احم
بس مكنتش اعرف انك بنت عمنا احمد
يالهوى
دنا بعشقه يا بنتى
اسفه يعنى بعشق كلماته .....واول مشوفت اللينك روحت عليه على طول
كان منور
نورت المدونين يا عم الشعرا الغلبانين
تحياتى ليكِ يا نوارة
وللفاجومى الكبير
العزيزة جبهة التهييس
فوجئت كثيرا عندما اكتشفت اليوم أن حبيبنا أحمد فؤاد نجم هو والدك. وبالصراحة التي علمنا إياها والدك في شعره الذي حملته زادا منذ وعيت، أرجو أن تسمحي لي بسؤالك عن قصة حجابك وتدينك؟ لقد فوجئت كثيرا كيف أن أحمد فؤاد نجم شاعر اليسارين العرب ، ربى بنتا اختارت الحجاب والتدين! وبصراحة مرة أخرى ، فإني شعرت وكأن شاعرنا الحبيب قد تراجع ، أو فشل في تربية أبنته على نفس الدرب الذي ربى عليه أولاد الآخرين.
أسألك سؤالي هذا مع احترامي الكامل لرأيك وحقك في اختيار أي درب يناسبك.
وأتمنى لو كتبت لنا مقالا مطولا حول هذا الموضوع.
ومرة أخرى تحياتي وقبلاتي للأرض من تحت نعليك ونعلي الحبيب أحمد فؤاد نجم
أبو لهب.
Post a Comment