هههه اه والنبي ياخويا

Team Mohammed vs. Team Jesus - Religious Conflict

The Daily Show With Jon Stewart	Mon - Thurs 11p / 10c
www.thedailyshow.com
Daily Show Full Episodes Political Humor Tea Party

Islamophobiapalooza

The Daily Show With Jon Stewart	Mon - Thurs 11p / 10c
www.thedailyshow.com
Daily Show Full Episodes Political Humor Tea Party

هو كل ده بركات السفارة المصري؟

ياااااااا "الدفاع عن كرامة الطائفة السنية" ده الكلام ده بيتقال في لبنان؟ ده كل ده بركات السفارة المصري واحمد ماهر؟ معقولة؟ لالالالالا معقول؟ لالالالالالالالا

لالالالالالالالالالالالالالالالالالالالالالالالالالا

طب ايه؟ طب يطردونا طاه.. بلدهم حتتخرب، احنا نستحمل ومش حتحصل حرب طائفية لان فرق النسبة كبير ولان مافيش امكان فيها تكتلات مسيحية وتكتلات مسلمة، لكن لبنان مافيهاش هزار، دول لسه مموتين بعض عمناول

الله يخرب بيتك يا عوكل.. هي الناس ناقصاك؟ مش كفاية اللي عملته فينا؟ 

طب بقى ماحدش يسمع كلامنا.. ما بترجعوا تعيطوا بقى وتلوموا علينا، سيبونا في حالنا، وكل واحد عقله في راسه يعرف خلاصه

-----

سويسرا بقى بقت نازية على ابوها وبقت تسخر العلم عشان تشتم المسلمين زي ما هتلر كان بيسخر العلم عشان يثبت ان اليهود اغبيا

هي مش سويسرا دي كانت طيبة زمان وبتعمل شوكولا والناس بتحوش فيها فلوسها المسروقة؟

ااااااه

احنا وقعنا

لا وربنا رازيني بشوية بهايم حيدخلوا يسيبوا تعليقات زي وشهم تحسسني ان مصر تحولت لمصحة عقلية وان القيامة لازم تقوم بقى عشان شرار الخلق جم اهم

احنا رايحين باعتين واحد من اللي بيعلقوا عندي في السفارة بتاعتنا يقول للناس في بلدهم حزب اللات والرافضة عباد القبور؟ احنا اتجننا؟ وهم اتجننوا يتأثروا بكلامنا؟ مش لو كنا بننفع كنا نفعنا نفسنا؟ يعني ايه السفارة المصري تعمل لهم فتنة طائفية تقوم تتعمل.. هم هبل ولا ايه؟ حتى اللبنانيين طلعوا مجانين وبيسمعوا كلامنا؟ بيسمعوا كلامنا ليه؟ شكلنا مقنع يعني؟ امال الدنيا كلها عمالة تتفرج علينا وعلى فتنتنا الطائفية ليه؟ 

---------- 

ثم ايه التفاهة اللي هيكل بيقولها دي؟ وماله جاررنا لمناقشة تافهة كده؟ ايه قام عمل له قهوة والظاهر سمه بس لا مش ممكن يكون سمه، لا والتانية الهايفة سكينة السادات تقول يعني ايه السادات يعمل فنجان قهوة بنفسه هو كان خدام عشان يعمل فنجان قهوة؟ 

انا مبسوطة قوي من الهبل ده

لا بصراحة ما بقتش مبسوطة.. الهبل زاد يعني

حنقضي ستميت سنة بقى نتكلم عن فنجان القهوة اللي شربه عبد الناصر ومات واللي عملهوله السادات اللي مات برضه

ده موضوع مهم جدا الحقيقة، باب القلعة متركب بالعدل ولا بالمقلوب؟ ثم هيكل ده مش لاقي حاجة يقولها؟ توه ما افتكر ان عبد الناصر قبل ما يموت شرب فنجان قهوة؟ وما قالش من ساعتها ليه؟ قهوة ايه اللي حنتكلم فيها دلوقت واحنا عندنا فتنة طائفية واكابر الناس عمال تخرف وتقدم في بعض بلاغات للنائب العام ورايحين نعمل فتن للناس والمعارضة بتتخانق تشارك ولا ما تشاركش في الانتخابات واللي مش حيشارك حيبقى اثم واللي حيشارك حيبقى خاين وسويسرا بتقول ان النقاب بيجيب هشاشة عظام وبري بري وسكربوط وتليف في الكبد وبروستاتا وده راح طالع زي الخازوق لوحده يقول لنا فنجان القهوة عشان ندخل في خناقة تاني.. عاشر... سبعمية وخمستاشر

قال قهوة قال.. يا عم روح احكي حواديت قبل النوم بتاعتك دي بعيد عنا احنا كنا ناقصينك؟
----------
لا وشوفوا شوفوا عودة الندل ده كمان
مالك ومال شيكابالا الله يخرب بيتكككككككككككك ما تسيبه يا راجل، مش كفاية العمل اللي معمول لنا ومدفون تحت سور النادي؟ عايز تمشي الحيلة؟   

Soso Love Mody

زنوبيا جابت لنا على التويتر الصورة دي نازلة على النت وهي بتسألنا

who are these guys,... seriously

حلوة قويييييي قوي قوي قوي

بنحب بعض اه

بنموت في بعض جدا

روميو وجولييت

قيس وليلى

واخيرا محمد وسناء

بس يا محمد ويا سناء... قيس وليلى قبل روميو جولييت

انما ايه الشوياكة دي؟ هههههههههههههه يا حبايبي

قاطع مسيحيا تنقذ مسلما، قاطع وهابيا تنقذ مصر، قاطع مصر تنقذ نفسك

اه والله.. والطائفية يترد عليها بطائفية والعنصرية يترد عليها بعنصرية وداخلين لبعض قافية جروبات: قاطع نصرانيا تنقذ مسلما، قاطع وهابيا تنقذ مصر

وانا حاقاطعكوا كلكوا عشان انقذ مخي

ده ايه القرف اللي احنا فيه ده يا ربي.. تستاهلوا بعض

قناة جميلة

ارجو منكم الاشتراك في القناة دي ومتابعتها واتفرجوا على كل الافلام اللي فيها، صحيح فيها افلام علمية، لكن ممتعة وشيقة جدا، هي اسمها قناة التنوير

ربنا يجزي اللي عملها كل خير والله

بالنسبة للفتنة، النهاردة واحد زميلي قال لي حتتلم حتتلم، زي كل مرة، هي بس قبل الانتخابات، قلت له حتتلم بعد التصليح ولا على القرف، قال لي لا على القرف، ده اللي عندنا تتعشي ولا تنامي خفيفة

هيييييه، عموما انا خلصت ضميري من ربنا وعملت الجروب ده

هو البرادعي فين؟

طيب

ملحوظة رفيعة

الى كل من حارب المواطنة والمساواة.. حسبي الله ونعم الوكيل فيكوا، احسن احسن احسن، اشربوا اشربوا اشربوا

عشان المواطنة يعني الناس كلها تبقى تحت سيطرة الدولة والقانون، والمؤسسات الدينية ما يبقاش لها اي سلطة، هي نفسها تبقى تحت سيطرة القانون زيها زي اي مؤسسة، وماحدش يخرج من تحت طائلة القانون، لكن انتوا كنتوا مبسوطين كده، مبسوطين ان الاقباط يتسكنوا في الكنيسة كأنهم معيز عشان ما يتساووش بيكوا وتبقى الدولة كلها بتاعتكوا وهم قاعدين في الحظيرة

طب اشربوا بقى.. اشربوا

احسن.. مش ده اللي انتوا كنتوا عايزينه؟ المسيحيين ذميين تبع "عامل النصارى"؟ و"عامل النصارى" فرحان قوي وعمال يقول شعبي شعبي؟ وانتوا فرحانين وعمالين تقولوا لنا ماهم مبسوطين كده؟ مالكم ومالهم بقى؟ اقعدوا صوتوا من هنا لبكرة الصبح

وما تشتروش منهم، انا حاشتري منهم، حوش فلوسكوا يا خي اللي حيتحرموهم منها يا كحيانين، وقاعدين تعايروهم بان معاهم فلوس، امال يحموا نفسهم ازاي؟ ما انتوا محسسينهم ان البلد مش بلدهم وانهم مزنوقين في عشة الفراخ... اهو بشوي طلع عليكوا كتاكيته

ادي اخرة الظلم.. ولسه انتوا لسه شفتوا حاجة؟ 

بكرة تولع بينا كلنا، لو من خمس سنين بس، خمس سنين بس، المؤسسات الدينية لزمت مكانها، والمواطنة اتحققت، والمساواة اتحققت، والكل بقى خاضع للدولة وقوانينها ما كانش كل ده حصل

ما كانش كل ده حصل

حسبي الله ونعم الوكيل فيكوا

دم البلد دي في رقبتكوا

انا باكرهكوا.. بلدي حتروح.. بلدي حتروح.. وطبعا كل دعاة الفتنة مظبطين نفسهم وحيخلعوا منا ساعة ما تولع

وبكرة نبقى زي العراق

دعا مين ده علينا بس ياربي.. انا عمالة اعيط.. البلد حتروح

 

انا مش ضيفة يا بشوي، ومش حاشتري غير من المسيحيين يا جبهة العملاء

تحديث:
رد سليم العوا، انا لسه باتفرج، لسه في الجزء التاني، بس مهم تشوفوه
الا صحيح ايه موضوع الاستشهاد ده اللي كل شوية بشوي يقولها دي، مافيش حد يحاكمه على الكلام ده؟ او يعالجه؟










لو اي حاجة حصلت لبلدي انا حاقتلكوا كلكوا.. حاقتلكوا كلكوا
------------
واطالب برفع قضية حجر على كل من جبهة معاتيه الازهر والمدعو بشوي اللي كل ما يفتح بقه يطلع هذيان رسمي، وقبل كده كتبت بوست طالب فيه بانكم تخيطوا له بقه، لكن بما انه ماحدش خيط له بقه، يبقى يتحط في مصحة للامراض العقلية، شاتم المسلمين والبروتستانت والكاتوليك وعامل زي اللي قالع عريان وواقف على الناصية يحدف الناس بالطوب

مين دول اللي ضيوف يا كتكوت؟ هو فيه بلد فيها خمسة وسبعية مليون ضيف وتسعة مليون صاحب بيت؟ ثم ايه التقسيمة دي؟ من امتى صاحب البيت والضيف بيتعرف بدينه؟ يعني المسيحي صاحب بيت لما يسلم بقى ضيف على طول توماتيكي توماتيكي؟ طب والمسلم اللي يتنصر؟ بقى صاحب بيت؟ والنبي انت اللي ضيف على دنيا العاقلين، انت مكانك اساسا مش هنا، مكانك هناك، مع عنتر ونابليون ونيرون وانا الاكسسسسسسسسسسس تووووووت، ومتهم البروتسانت بالعمالة، والكاتوليك بالشرك والوثنية، مافيش طبيب امراض نفسية وعصبية يشخص لنا حالته دي؟ انا مش عايزاه خلف لشنودة ده الا اذا كنتوا حتحولوا الكنيسة لمصحة امراض عقلية وساعتها يبقى التعامل معاها مختلف، يعني يتم الكشف على المسيحيين المصريين، واللي سليم عقليا ما يخضعش لتحكم الكنيسة فيه، ونكشف على المسلمين والمجنون اللي فيهم زي جبهة معاتيه الازهر كده يتم ايداعه في الكنيسة ويقعدوا مع بعض هم وبشوي يغنوا: انت يا حضرة نابليون؟ وي ميسيو وانا كمان نابليون انشانتيه

وانا بداية من النهاردة، مش حاشتري خيط في ابرة الا من محل مسيحي، حامشي ادور على المحلات اللي معلقة صلبان او صور العدرا واشتري منهم يا جبهة معاتيه الازهر ياللي بتقولوا لنا قاطعوا المسيحيين

ولو كنا في بلد محترمة، لو كنا في بلد اساسا مش طابونة، كانت الاشكال اللي زي بشوي وجبهة مخاليل الازهر اتقدموا للمحاكمة واخدوا اعدام رميا بالتفافة لحد ما يغرقوا في تفافة الشعب (ده في حال ما اذا ثبت صحة قواهم العقلية، انا باتكلم بجد، فعلا مش سلام في مخهم فيه حاجة، ربنا يعافينا يمكن صرع على الفص اللي تحت شحمة الاذن، بيقولوا النوع ده من الصرع بيتسبب في هلاوس، وهوس ديني) بس احنا نسينا يعني ايه بلد اصلا

فيه حد على التويتر قال لي طب افرضي المسيحيين هم كمان جات لهم اوامر يقاطعوا المسلمين ما يبيعوش لهم

لا، ما تستسلمش، تدخل المحل اللي معلق صور مسيحية وتشتري منه، لو ما رضيش يبيع لك ما تخرجش غير وانت شاري، انشالله تتخانق معاه، انشالله تهدده بانك حتتصل دلوقت حالا بامن الدولة وتبلغ فيه انه بيعمل فتنة طائفية

حتشتري من مسيحي يعني حتشتري من مسيحي، وانا شخصيا مافيش حاجة حاجيبها غير من المسيحيين، اكل شرب دوا هدوم، كله حاشتريه من محلات مسيحية، ومحلات مسيحية معلقة صور مسيحية كمان

مش شوية مجانين مهاويس معاتيه حيجننوا الشعب، ولو الشعب اتجنن يتفلق، انا مش ناوية اضحي بعقلي

لا وكمان مش كفاية الجنان اللي صايبين بيه نفسنا رايحين نطرطش على البشرية بجنانا، تخيل اللبنانيين اللي كان بينهم حرب اهلية بيشتكوا ان السفارة المصري بتعمل لهم فتنة طائفية

لا والله هم ما يقصدوش، هم بيتكلموا بس، وطبعا مدام فتحوا بقهم يبقى اكيد اتكلموا عن عباد الصليب والروافض والمسيحيين اصحاب البلد ودقن كاميليا وعلى رأي واحد على التويتر قال ممكن واحد يخسر صاحبه عشان مزة، لكن نص البلد تخسر النص التاني على واحدة مش مزة اصلا؟

لا وجبهة مخاليل الازهر دي ياما نفخت في النار ما بين السنة والشيعة في العراق

بالصلاة ع النبي.. اتجننا وماشيين نوزع خيراتنا على الناس... بعد ما كنا بنبعت قمح للي حوالينا بقينا بنبعت ذبذبات جنان

نداء بقى الى الاخوة العرب احذرونا.. احنا مش في حالتنا الطبيعية، وبعدين ما تعايروناش، عشان انا شخصيا بازعل، يعني حترمونا؟ راعونا لحد ما ربنا يعفي عنا، ده برضه عيش وملح يعني، استحملونا شوية لحد ما ربنا يقضي امرا كان مفعولا

الموضوع عمال يتطور.. اه والله الجنان بقى خيطير، قفزة كده من الكورة على الدين وباديين بداية مهببة قال في مساعدة النشطاء العرب، انا عارفة اننا حنخرب بيتهم.. انا عارفة والله

يارب من عندك الشفا

انا عمري ما كنت اتخيل اني استهفأ عالم دين ولا رجل دين بالطريقة دي، حد يهزأ نفسه كده؟ وانا سمعت ان د. العوا رد على بشوي، ما شفتش الرد، بس انا شايفة اصلا ان الهلاوس دي ما يتردش عليها غير بقضية حجر عليه وعلى جبهة مهابيش الازعر اللي قاعدين يضفروا شعرهم ويغنوا ويطلعوا بيانات دول

بس ده وائل خليل اللي عمل الفضيحة مش ستة ابريل

ههههههههههههههههههههههههههه اصل الاهرام الاهبل يا عيني عمل كده

وفضيحته بقى بجلاجل يا قلب امه

مين بقى اللي فضحهم فضيحة المطاهر يوم طلوعه على المعاش؟ وائل خليل

راحت البي بي سي كتبت ان ستة ابريل هي اللي فضحته، ستة ابريل هي علقت على الفضيحة لكن اللي فضح الاهرام المفضوح اساسا هو وائل خليل

انا بس حبيت اسجل للتاريخ وللوطن

ما مدى صحة هذا الكلام؟

الصورة دي متداولة على التويتر

هل الكلام ده صحيح، ان شاء الله لما اروح المعاد اللي محدداه مع المتخصصين حاسأل عن ده كله

انا محضرة قائمة اسئلة كتيرة لرئيس المركز البحوث الزراعية

واي حد فيكم عنده اسئلة يقول لي، كان بودي اصور اللقاء بس ما عنديش كاميرا :) ولا تليفون بكامير هههههههههههه انا كحيانة، بس ان شاء الله انقل كل حاجة بالتفصيل

انا راحة عند الارياه

سبحان الله، ولا إله إلا الله، والحمد لله

اصل انا بعيد عنكم وعن السامعين جالي اكتوئاب اكمني كنت باكره الشعب، انتوا عارفين بقى، لا طايقة الحكومة، ولا طايقة المعارضة، ولا طايقة النشطاء، خصوصا اللي كانوا ايام حرب غزة في عز ما العيال صغيرة بتتحرق بيقولوا احنا مالنا ومال فلسطين وبيشتموا في القومية العربية ايام ماتش الجزائر واذ فجأتن بقوا مهتمين بسوريا وديكتاتور سوريا وعايزين يعملوا مظاهرة قدام سفارة سوريا مع انهم سبحان الله ايام ما العرب تظاهروا قدام سفارة مصر كانوا زعلانين وبيشتموا في العرب وبيقولوا هم مالهم بينا يا ليل ليه شاغلهم شوقنا اللي واخدنا يحسدونا وماله يا ليل اللي غيران منا يقلدنا (هو انا الشهادة لله زعلت كمان وكتبت تدوينة باردح فيها، وما زعلتش من الاجانب اللي عملوا مظاهرات قدام سفاراتنا لانهم ما يعرفوش دول حاجة دول، دول فاكرينا دولة واخدة موقف معين، لكن المفروض الشعوب العربية تبقى عارفة كويس اننا محكومين بطاغية زيهم، والمفروض انهم يبقوا حاسين بينا وعارفين اننا مالناش ذنب في اللي بيحصل زي ماهم مالهمش ذنب في اللي بيحصل، عشان كده زعلت من باب ما كانش العشم، مش من باب هم مالهم ومالنا وجالنا ايه من فلسطين زي ناس كتير من اللي حتطلع مظاهرة سفارة سوريا) وقرفانة من اهل المدن، ومن المتدينين، ومن اللي مش متدينين، وحاجة قرف كده ورا بعضه ورا بعضه ورا بعضه، حسيت ان جبل واتهد على دماغي، هلولة الجزائر، وبعدين كام حاجة مقرفة صغيرة كده، وبعدين هوجة: انا فاطر في رمضان انا فاطر في رمضان، انا واد صايع وملحد وكافر، اوعى وشك، وبعدين هوجة: خطفوا كاميليا فارسة الصليب المقدسة، وبعدين هوجة: دقن كاميليا ونصرة الاسلام هلموا الي يا معشر الكفار إخسأ يا حنظلة، وختمت بسفارة سوريا دي اللي حبكت وعمرها ما حبكت مع سفارة امريكا اللي فاتحة ابو غريب وجوانتامو ولا اسرائيل.. المهم قرفت اخر حاجة يعني، وناس تافهة تافهة تافهة، ومافيش حاجة، مافيش اي حاجة مهمة بيعملوها وجارين الواحد في مناقشات بيزنطية ومحسسيني ان العمر بيضيع على هبل، ولسه حندخل على جدل الانتخابات، ندخل الانتخابات ولا ما ندخلش، قال يعني فيه انتخابات من اساسه، وحيتخانقوا مع بعض خناقة لرب السما، واللي حيدخل الانتخابات حيبقى خاين، واللي مش حيدخل الانتخابات حيبقى متواطئ وحنسمع اهازيج

سبحان الله، رحت لبابا النهاردة على اساس بقى ازوره في العيد، لقيت بالصدفة طنط شاهندة والدكتورة زينب الديب، قعدت تفرجني على فيديوهات وتطلع لي في مستندات.. لا مش عشان انا شخصية مهمة، عشان هي كده، كل ما تشوف حد يا عيني تقعده تفرجه على الفيديوهات بتاعة القرية بتاعتها اللي طارت منها وخصخصوها لها، وتطلع المستندات وتقريني بالعربي والانجليزي والفرنساوي جوابات الشكر اللي جاية لها وتقول لي طب لو انا وحشة يبعتوا لي جوابات شكر ليه؟ لو انا اسأت ادارة المشروع ما حققوش معايا ليه؟ بصراحة صعبت عليا، انا فاهمة يعني ايه انسان يحط حلمه وامله على مشروع معين ويبقى فاكر بيخدم بلده وفجأة كل حاجة تروح منه، بس ما فهمتش منها قوي لانها كانت منفعلة من كتر ماهي مندمجة جدا في قضية زراعة القمح دي، لدرجة انها وهي بتحكي تقعد تغني لنا اغاني الفلاحين، كلها، اغنية اغنية، ولحد الاخر يعني مش حتة صغيرة، بس شفت الفيديوهات وشفت سنابل القمح وقعدت اعيط، واكتأبت زيادة ما انا مكتئبة، راحت طنط شاهندة فجأتن قالت: ايه رأيكوا نروح عند سكينة فؤاد؟

قلت لها: ايوة، يالا بينا.

يااااااه، سبحان الله يا اخي، ما ضاقت الا لما فرجت، وربنا بيقطع من الحكومة والمعارضة ويوصل من عند سكينة فؤاد

طبعا كلامها متستف وفهمت كويس قوي منها

قالت لي ان الاكتفاء الذاتي من القمح مش لازم يبقى شغلانة دولة، هو طبعا مسئولية الدولة، واحنا حنطالبهم بمسئوليتهم، بس احنا نقدر نحقق الاكتفاء ده، وقالت لي اننا مش حندخل في معارك جانبية مع حد ولا حننجر لخناقات، احنا مش عايزين نتخانق، احنا عايزين نحقق الاكتفاء من القمح وحنحققه ان شاء الله، وحندور على مالنا العام وحنجيبه، وقالت لي ان القمح متبارك، ولما تزرعي موسم الموسم الجاي بييجي الضعف، ومش بياخد مية كتير، واننا بسهولة نقدر نحقق ده، واننا عندنا تلاتة مليون فلاح مالهمش امل في الدنيا غير انهم يزرعوا قمح، ومستعدين يحطوا من جيوبهم عشان يزرعوه ويكفوا نفسهم ويكفوا البلد، وقالت لي ما اخافش من المصريين، عشان المصريين زي الصحرا بتاعتهم، يبانوا رمل اصفر بور، بس قلبهم طين خصب، بس انت ارمي فيه البذرة واسقيه وانت تشوفي النتيجة، وقالت لي اننا حنقدم بلاغ للنائب العام نسأل عن البذور اللي ادتها الدكتورة زينب لوزارة الزراعة واختفت، وقالت لي ان بعد كده حنبتدي خطوات عملية، مش مجرد حملة اعلامية، وقالت لي ان عندنا علماء عباقرة، وعندهم براءات اختراع مصرية، يقدروا يزرعوا الصحرا بمية البحر المالحة قمح، وتطلع السنابل زي ضفيرة البنات، والموسم اللي بعده يطلع الزرع احسن من الموسم اللي قبله، وان كل ما حنزرع الصحرا اكتر كل ما الدنيا حتمطر والمية تزيد، وحنعمل كده، عشان الفلاحين عايزين كده، هم بس مش عارفين يعملوا كده ازاي، واحنا حنقول لهم يعملوا كده ازاي، والمصريين كلهم عايزين كده، حتى اللي بيشجعوا كورة، واللي بيتخانقوا على كاميليا، واللي بيهيفوا، كل الناس عايزة اكتفاء ذاتي من القمح، عشان دي حياتهم، ومافيش اهم من الحياة، ولما نحقق الاكتفاء الذاتي من القمح، المية كمان حتزيد، والعلماء المصريين عاملين خريطة ابار، وحنحفرها ومش حنكلفها ولا حاجة، وكل ده بتكاليف قليلة، والدولة تقدر تلم مننا، ولو ما رضيتش احنا نعمل اكتتاب، وفيه ناس كتير مستعدة تساعد وتنضم، شمال ويمين، واهم ناس الفلاحين

وقالت لي ان الفلاحين لما بيعوزوا حاجة بيعملوها

انا بقى كمان حاقابل الدكتور ايمن ابو حديد رئيس مركز البحوث الزراعية واتكلم معاه عشان هو قال اننا نقدر ببساطة نحقق الاكتفاء الذاتي من القمح، ونقدر لو زرعنا سيناء نروي بعد كده بالمطر، وبرضه حاتكلم معاه ونشوف نقدر نعمل ايه

انا خلاص بقى، راحة عند الفلاحين في الارياه.. دي اهم حاجة ممكن الواحد يسعى لها في حياته: العيش والمية للناس

اشوفكوا هناك بقى

اللي عايز ييجي ينضم على الفيس بوك هنا وان شاء الله نخلص نيتنا لربنا وحنقدر نعمل حاجة

سكينة فؤاد عندها امل وطاقة ايجابية واقنعتني اننا ان شاء الله نعمل حاجة

وان شاء الله مش حاكره الفلاحين المرة دي، انا اصلي كنت اتعاملت مع الفلاحين زمان، لا ما ينكرهوش، بالعكس يريحوا الاعصاب، اصل دماغهم مش فاضية زي اهل المدن اللي بيبقوا مش عارفين يملوا دماغهم بايه ومافيش حواليهم غير الزبالة، الفلاحين ما عندهمش زبالة، عندهم اشغال ومشاغل، والزبالة بيعملوا لها اعادة تدوير، مش بيحطوها في دماغهم، صحيح ما يحبوش السياسة، بس يحبوا يشتغلوا، واحنا مالنا ومال السياسة، احنا عايزين مصر ترجع سلة الغلال زي ما كانت

حملة الاكتفاء الذاتي من القمح: يا قمحنا ارجع لنا

للانضمام الى مجموعة الفيس بوك اضغط هنا وده بانر جديد

بما اننا نقدر نحقق الاكتفاء الذاتي من القمح باعتراف رئيس مركز البحوث الزراعية

وبما اننا اتخرب بيتنا في القمح وبكرة نشحت ونجوع

وبما ان الاكتفاء الذاتي من القمح له الاولوية عند اي مواطن مصري

وبما ان فيه ناس كتير وعلماء مستعدين لخدمة البلد

وبما ان فعلا انا ضامنة الرأي العام برقبتي وانهم مستعدين يتبرعوا للمشروع ده

انا مع سكينة فؤاد في حملتها لتحقيق الاكتفاء الذاتي من القمح

ايه؟ فيه ايه؟ مش عايزين تحققوه ليه؟

اللي عايز ينضم للحملة احنا محتاجين في المرحلة الاولى للآتي

تدوينات عن المطالبة للاكتفاء الذاتي للقمح لاننا نقدر نحققه

بانرات للحملة

ان شاء الله حنجمع توقيعات على البلاغ االمقدم للنائب العام
المشاركون في الحملة:
مواطن مصري
انا وهؤلاء
مدونة مصري
self

اللي حيعمل مظاهرة قدام السفارة السوري حاطلع ترابنتينه

 تحديث:

انا جالي رد من ناشط في داخل سوريا، وقال لي ان فعلا فيه خطورة عليهم، وان تسليم البيان للسفارة او وقفة السفارة كلها مالهاش لازمة

اولا الوقفة امام السفارة حتتفسر داخل سوريا ان مبارك هو اللي حرك الناس ضد بشار الاسد بسبب الخلاف بينهم على المفاوضات

وتسليم البيان للسفارة السوري حيترمي في الزبالة

لذلك هو قال لي ان افضل وسيلة لمساعدة طل فعلا، ولانقاذ النشطاء السوريين من الاعتقال لانه هو نفسه كان حيروح في ستين داهية في الفترة اللي فاتت بسبب الفضايح اللي احنا عاملينها دي لولا ستر ربنا

الحل الوحيد اننا نوزع البيان على الوكالات كلها، رويترز والفرنسية والبي بي سي والجزيرة والسي ان ان وكل وكالة نشوفها في خلقتنا

حتلاقوا لنك البيان اللي مكتوب عليه وقع لاطلاق سراح طل ملوحي

نقطة اخيرة: فيه فرق ما بين الشخص اللي عايز يساعد بجد وينقذ حد محتاج له

وان الشخص يبقى عايز يسجل موقف وخلاص ومش مهم اثر ده على الاشخاص اللي هو بيدعي انه بيساعدهم

رجاء اللي له اتصال بالوكالات ياخد البيان ويرسله من جانبه وانا كمان حاحاول ارسل البيان من جانبي

وانا مش رايحة الوقفة دي وكل انسان حر في اختياره، بس النصيحة اللي اخلص بيها ضميري امام الله للي يهتم بنصيحتي، الوقفة دي مش حتساعد بل حتضر، الا هل بلغت اللهم فاشهد

الوقفة دي رونج رونج رونج
---------------
ما تطلعوش انيابي وضوافري، اللي عايز يتضامن مع طل ملوحي يعمل مظاهرة عند النقابة، مش قدام السفارة السوري

مش قدام السفارة السوري

تاني؟ تاني الزييطة تاني حيدخلوا وسط الهلولة وينفذوا اجندات؟ لا

كفاية القفوات اللي كلتها في ملف حرية العقيدة...... دلوقت اعد صوابع ايديا، وانا ساكتة، انا ساكتة يا مليجي، مالك ومال ابن بنت بنت بنت بنتي؟ سرقة الجزم من قدام الجوامع لسه ماحدش يعرفها، سرقة مستودع الانابيب انا بس اللي اعرفها، عشان انا ست جدعة، وانت عارف ان انا ست جدعة

طل ملوحي في السجن وناس برة تاكل عيش على قفاها؟ 

اسباب اعتراضي على التظاهر قدام السفارة السوري قلتها لعاطف على التويتر وحاعيد نشرها هنا:

معترضة عشان دي ريحة وحشة


1- كلنا الناس اللي عندها دم زعلت لما حصلت مظاهرات قدام السفارة المصري ايام حرب غزة، مع ان السفارة المصرية جهة اختصاص في القضية دي، بينما السفارة السوري مش جهة اختصاص في قضية طل ملوحي، السفارة هي ممثل لدولة، باختلاف النظام، السفارة العراقي سفارة العراق قبل صدام واثناء صدام وبعد صدام وهكذا
واللي ما نرضاهوش على نفسنا ما نرضاهوش على غيرنا
2- احنا مش بنقدر نتظاهر قدام السفارة الامريكي والسفارة الاسرائيلي، لان الامن بيهددنا انه يفتح علينا الرصاص الحي، واحنا جبنا وبنخاف، مدام جبنا وبنخاف مافيش داعي نعمل رجالة على ابو بلاش
3- المقصود بالحملة نظام الاسد، والمطلوب الافراج عن مدونة سورية، مش المقصود زعزعة سوريا نفسها وهي تحت التهديد دلوقت حالا يا ابو عاطف، ولا مقصود خلق حزازات بين المصريين والسوريين
4- المظاهرة قدام النقابة حتبقى انجح وملفتة اكتر
5- ايه وجهة النظر في التظاهر قدام سفارة سوريا؟ عايزين نقفلها؟ عايزين نضربها؟ معترضين على وجود سوريا في الحياة؟ ايه دخل السفارة السوري؟
زي ما الباسبور المصري والسفارة المصري والعلم المصري مالهمش دعوة بمبارك كمان السفارة السوري مالهاش دعوة بالاسد، موجودة قبل الاسد وبعد الاسد
6- انا شامة ريحة وحشة، وما عنديش استعداد انجر ورا ناس عندها اجندة بدعاوى حق يراد بها باطل، كفاية الب****ص اللي اخدتها في موضوع حرية العقيدة
وبعدين طل ملوحي بقالها سنة.. اشمعنى دلوقت؟
اتضامن مع طل اه، اطعن سوريا لا
---------
ثقافة التضامن مهمة، ومهمة كمان بين الشعوب العربية وبعضها، احنا محتاجين الشعوب العربية تساندنا في قضايانا، وهم محتاجينا نساندهم في قضاياهم، بالذات السوريين عشان ظروفهم اوحش منا ومش بيقدروا يتكلموا قوي زينا، ومع ذلك مش ساكتين، ومافيش حاجة اسمها اللي يعوزه البيت يحرم على الجامع
ده كلام الاندال والواطيين بس
بس كمان مش عايزة ناس تدخل في الظيطة - زي كل مرة - وتنفذ اجندات سياسية
احنا ضد الديكتاتورية، بس مش مع ضرب سوريا مثلا، مش مع خلق حزازات بين سوريا ومصر، مش مع حصار سوريا شعبيا اضافة الى حصارها دوليا
لكن احنا مع الشعب السوري، ونقدر نتضامن من غير ما نؤذيهم، ما يبقاش جبتك يا عبد المعين تعيني لقيتك يا عبد المعين شغال مع مؤسسات اجنبية وعامل عليا فورتينة 
ومش لازم نسكت على اللي بيحصل لهم عشان ما نحسش بالذنب ناحيتهم زي ما عملنا في العراق
ومش لازم نتآمر عليهم زي ما بنتآمر على ايران
ما ينفعش نتضامن بشكل محترم؟

عاجل للتبرع بالدم

محتاجين دم من اي فصيلة لوالدة واحد اسمه باسم عبد الغفار وهي في عين شمس التخصصي

رجاء الاتصال به على رقم

0123728206

افرجوا عن طل ملوحي

اضغط هنا

انا لسه ما كتبتش حاجة لاني لو كتبت حطلع اللي في قلبي كله، ومش عايزة اطلعه دلوقت، عايزة البنت طلعت

بس والنبي ومن نبى النبي نبي لو البت ما خرجتش اللي في قلبي كله حيخرج..... بلا رجعة
وقع للافراج عن طل ملوحي
ارسل رسالة لاسماء الاسد للافراج عن طل ملوحي
مجموعة طل ملوحي على الفيس بوك

عمر طاهر خرب بيتي عياط

بالنيابة عن المسلمين الجدد «3»

* عمر طاهر

سيدي رسول الله

أما بعد..

فإنها الحيرة.. تختلط علي الأمور وتهاجمني الوساوس وتضغط علي صدري علامات استفهام لا حل لها سوي رحمة ربي.

أنا لا أفهم الحكمة الكاملة من وجودي علي كوكب الأرض، ولا أفهم لماذا سأُحاسب علي أعمال مقدرة من قبل، ولا أعرف لماذا يجب أن أكون شخصا جيدا بكل ما في هذه المهمة من مشقة إذا كان مقدراً مسبقا مصيري في الجنة أو في النار، وكيف لي أن أعرف الطريق الصحيح إلي الله والطرق من حولي شتي؟، أنا لا أعرف هل كنت سأختار الدخول في الإسلام إذا ما كنت موجودا بين أهل قريش عند هبوط الرسالة أم أنني كنت سأبتعد حرصا علي الدين الذي وجدت عليه آبائي، مثلما أنا حريص حاليا علي الإسلام الذي وجدت عليه آبائي أيضا؟، وكيف سيحاسب الله الأقباط واليهود والشيعة؟، وهل بعد الموت سنخرج من هذا السجن الكبير ونعود إلي الأصل كعودة نقطة الماء إلي البحر أم أننا سنخرج من سجن إلي سجن أجمل إذا كان الجنة أو إلي سجن أسوأ إذا كان النار والعياذ بالله؟، أنا المحب لفيروز القبطية التي تدخل علي قلبي قدرا من الطمأنينة والسكون يعيد لي بعضا من آدميتي لا أعرف هل الاستماع لها حلال أم حرام؟، أنا الذي يضع في غرفته صورة لجدته الراحلة لا أعرف التصوير حلال أم حرام؟، لم يفتني أحد في أموالي القليلة التي أضعها في بنك ما، و لا أعرف هل مهنة الصحافة التي أكتسب منها رزقي حلال أم حرام وهي مهنة قائمة علي النميمة وسيرة الناس.

أسير علي حبل مشدود محاولا الحفاظ علي توازني في هذا الزمن الصعب، وعزائي الوحيد أن «الامتحان صعب علي الكل»، الجميع يتحدثون ويفتون وكلما أدرت محطة تليفزيون وجدت من يتحدث باسم الدين في كل شيء من السياسة إلي تفسير الأحلام، مئات الفتاوي المتناقضة نحن ضحيتها، ومئات من علماء الدين الذين يصلحون لكتابة أفلام الرعب، هل يطلب منا الله عز وجل أن نعبده خوفا وهو الذي سبقت رحمته غضبه «أي رحمة فقط وإلي الأبد» أم أنه يريدنا أن نعبده محبة منا وطمعا في محبته؟، لماذا تخبئ السماء أسرارها عنا؟، ولماذا ينقطع عنا أحيانا النور الذي يطمئن قلوبنا ويمنحنا الونس؟

سيدي رسول الله..

نحمد الله علي نعمة الحياة ولكنها أحيانا تصبح ثقيلة مالم يبعث الله أنواره فينا..

وأنت الوسيلة عند الدعاء..

ياالله.. أتوسل إليك بأحب مخلوقاتك ونور أكوانك سيدنا محمد عليه الصلاة والسلام..

اللهم إني أسألك أنوارك الساطعة، وأسألك الجنة بلا عمل عملته، اللهم إن كنت عصيتك فقد تركت من معاصيك أبغضها إليك وهو الإشراك بك، وإن كنت قصرت عن بعض طاعتك فقد تمسكت بأحبها إليك شهادة أنك الواحد وأن رسلك جاءت بالحق عندك لا نفرق بين أحد من رسلك، اللهم لا تحرمني خير ما عندك بسبب شر ما عندي، اللهم لا تكلني إلي نفسي أو إلي الناس فأضيع، اللهم امح ما في قلبي من كذب أو خيانة واجعل مكانهما صدقا ونورا، اللهم إني أعوذ بك من الضلال ومن وسوسة الشياطين ونغزات النفس، أعوذ بك من أن يجنح قلبي إلي الظلام، اللهم أتمم علي نعمتك حتي تهنأ لي معيشتي واختم لي بخير حتي لا تضرني ذنوبي، يا لطيف يا من علوت بعظمتك وخضع كل شيء لسلطانك اجعل لي من كل هم وغم أصبحت أو أمسيت فيه فرجا ومخرجا إنك علي كل شيء قدير، و صلي الله علي سيدنا محمد الفاتح لما أغلق والخاتم لما سبق، ناصر الحق بالحق والهادي إلي صراطك المستقيم وعلي آله حق قدره ومقداره العظيم.

ما احنا عارفينا يا ايما.. ما عندكوش مستشفيات؟

هو ايه ياختي ده؟ مجنون مجنون

طب نعمل لكوا ايه؟ مجنون بيتعالج على قفانا يعني؟ على الله يموت لكوا واحد منكوا عشان تدخلوه المصحة، هو فيه حاجة اسمها مجنون مطلوق كده على مخاليق ربنا؟ ما عندكوش مستشفيات؟ ابعتوه علينا واحنا ندخله مستشفى العباسية لما حيبقى عبرة لكل من يعتبر، ده احنا اسم الله العاقل بيعدي من جنب المستشفى دي يتجنن

مدام مطلوق كده يبقى السلطات الامريكية مش شايفة انه عيان لهذه الدرجة، طبعا، لانه لحد دلوقت مش جاي غير على الحيطة المايلة، لكن لما ان شاء الله يدور بسكينة ويجيب بطونكوا واحد واحد ساعتها تعرفوا ان الله حق وتدخلوه مستشفى

وبعدين ايه حكاية الناس اللي ربنا بيكلمها كتير في امريكا دي؟ بوش ربنا بيكلمه، وتيري جونز ربنا بيكلمه

استغفر الله العظيم، حرام دي امراض، الحمد لله الذي عافانا.. يا جماعة خلوا بالكوا بقى، ربنا ما بيكلمش حد كده، اللي يسمع صوت يعرف انه مش ربنا ويروح لدكتور، دي نصيحة اخت، وبعد كده يعملوا حملة توعية في امريكا مدام الموضوع ده منتشر عندهم، حاجة كده زي وقفة مصرية عندنا: "لو سمعت صوت ربنا.. اتصل بالمستشفى عندنا" ويعملوا خط ساخن للناس اللي بتسمع اصوات ويتهيالها ان ده ربنا

او يكون دي بسم الله الرحمن الرحيم؟ يمسحوا امريكا بعرق حلاوة ومية وملح ويشغلوا سورة البقرة في مكبرات الصوت لمدة شهر حتنضف من كل اللبس والاعمال واي حاجة وتبقى زي الفل

او يمكن تكون دي ارواح الناس الكتير اللي قتلوهم، ايشي يابان على فيتنامايين على اكوادوريين على عرب على افغان اسم الله مش عاتقين، اكيد عفاريتهم حضرت عندهم

قال ابويا مجنون قال... هي كمان عايزانا نتعاطف معاه؟ ده ايه البجاحة دي؟ مش مجنون طول ماهو برة المستشفى، لما تدخلوه المستشفى ساعتها يبقى مجنون

وبعدين هو مجنون

فوكس نيوز اللي عملوا له الدعاية والهيصة والبوليكة كمان مجانين؟ الاعلام الامريكي اللي حوله لواحد اشهر من بيل جيتس كمان مجانين؟ اوباما اللي اتصل بيه واداله اهمية مجنون؟ الناس اللي سمعت كلامه وماشية وراه كلهم مجانين؟ هي الحدوتة دي كلها ايه غير صناعة اعلام امريكي عشان تتسلوا علينا، وكل ما تتزنقوا في حد تهزأوه ما تلاقوش غيرنا

عمر طاهر: بالنيابة عن المسلمين الجدد 1 و2

المقال الاول يضحك
:)
المقال التاني يعيط
:"(
المقال الاول
بالنيابة عن المسلمين الجدد «1»
سيدي رسول الله...

أنا من أحدث أجيال المسلمين، تعرفت علي كيفية أداء مناسك العمرة من خلال مقاطع علي الـ
YouTube
، ولم أسافر إلي الأراضي المقدسة علي ظهر «ضامر» ولكن علي متن إحدي طائرات الإيرباص، وكنت أقف أمام قبرك للمرة الأولي مرتديا جينز فاتح وتي شيرت كتب عليها بحروف إنجليزية بارزة
adidas
، أنا من المسلمين الجدد الذين فرحوا لوجود فرع لـ
Starbukcs
بالقرب من مسجدك حيث يمكن تناول بعض الأكسبريسو بين صلاتي المغرب والعشاء وأزاحوا عن عقولهم هم البحث عن الطعام لوجود فرع لـ
KFC
وآخر لـ
Pizza hut
في المكان نفسه.

أنا من مسلمي الألفية الجديدة استعنت بالـ
Red bull
لمنحي القوة اللازمة لأداء مناسك العمرة مرتين في اليوم واستعنت بال صن بلوك لاتقاء شر الشمس الحارقة أثناء الطواف بين صلاتي الظهر والعصر، وشربت ماء زمزم مثلجا من الكولمنز المنتشرة في الحرم وتوجهت من الفندق إلي الكعبة عبر السلالم المتحركة، مسلم من الألفية الجديدة غلبه النعاس قبل صلاة الفجر وهو يستند إلي أحد جدران الحرم بفعل نسمات الهواء الباردة التي هبت عليه من أجهزة التكييف المنتشرة في كل مكان، وتفكر كثيرا عقب كل صلاة في مهندس الصوت الذي صمم خريطة السماعات في الحرم بحيث يهب عليك صوت الإمام من كل صوب قويا ونقيا ومؤثراً، وسأل عن نوع السماعات فلم يصل إلي إجابة لكنه عرف أن مهندس الصوت فرنسي «أكيد فرنسي مسلم» ، وتجول عقب صلاة العشاء في المولات الضخمة واضعا سماعات الإم بي ثري في أذنيه باحثا عن الهدايا التي طلبها منه أصدقاؤه وأقاربه وهي ليست سبحة وسجادة وقارورة زمزم لكنها آي فون وميموري كارد 50 جيجا وزجاجة بريفيوم دانهيل لندن50 مللي، وأحدث مؤلفات الكاتب الأمريكي جون جريشام من مكتبة جرير، جدير بالذكر أنني اشتريت من المكتبة نفسها أفلاماً غير متوافرة في مصر مثل هيتش لويل سميث وذا سمبسونز الموفي.

أنا التطور الطبيعي للمسلمين أخرجت من ملابس الإحرام فوق الصفا قائمة بالدعوات التي كلفني بها الأصدقاء، لم تكن مجرد دعوات مطلقة بالصحة والستر والرضا لكنها كانت محددة بدقة ...طلب مني صديق أن أدعو له أن يبعد حماته عن شئون بيته ودعوت لآخر أن يعينه الله علي تسديد أقساط بيته الجديد في التجمع الخامس، ودعوت لصديق بنجاح فيلمه الذي سيعرض في الصيف، ودعوت لصديق آخر مطرب أن يصبح «بنص طلبه» أنجح مطرب في مصر، ودعوت لقريب أنه «يلاقي شغل في إيطاليا»، ودعوت لآخر أن يكسب القضية التي رفعها علي المصنع الذي استغني عن خدماته دون مبرر، ودعوت لصديق «حسب طلبه» أن يعينه الله علي الإقلاع عن تدخين الحشيش «لم أكن أعرف أنه يدخنه قبل أن يوصيني بالدعاء..لذلك أخلصت في الدعاء له.. بس شكله هو اللي مش عايز يبطل» ، دعوت لصديقة أن يوفقها الله في قضية الخلع التي رفعتها علي زوجها ولأخري أن يرزقها بطفل لا حبا في الأطفال لكن حتي لا يتزوج رجلها الذي تعشقه بأخري، دعوت لقريبة «حسب طلبها» أن «تخس شوية علشان تعرف تتجوز» ويبدو أن الله استجاب حيث أصيبت بفيروس في المعدة جعلها تعيش الشهرين الماضيين علي الطعام المسلوق والفاكهة الأمر الذي أفقدها عدة كيلوجرامات أغرت قريباً لنا أن يطلب يدها بعد أن رآها في عزاء والدته.

أنا من المسلمين الجدد الذين يقاطعون المنتجات الدنماركية ويطلبون الفتوي بالتليفون ويصلون علي سجاد صيني الصنع مزود ببوصلة لتحديد القبلة ويستخدمون الأدعية المسجلة في الحرم وأغاني سامي يوسف كرنات للموبايل وآية «ولسوف يعطيك ربك فترضي» كخلفية لشاشته ويبدأ الدي جي أفراحهم بأسماء الله الحسني لهشام عباس ويذهبون إلي الحسين من أجل الشيشة التفاح وإلي السيدة زينب من أجل كفتة الرفاعي وكلما ذكرت أمامهم رابعة العدوية تذكروا نبيلة عبيد أو شارع الطيران علي أقل تقدير.

المقال الثاني
بالنيابة عن المسلمين الجدد 2
* عمر طاهر


أنا من المسلمين الجدد الذين يديرون قصصهم العاطفية بصلاة الاستخارة، ويربطون بين مشاريعهم التجارية والدين قدر استطاعتهم، فصاحب محل العصير يضع لافتة (شرابا طهورا) وصاحب مناحل العسل يصدر بضاعته بأنه فيه شفاء للناس، وهناك المبالغون الذين يربطون تجارتهم بالدين بالعافية مثل الحلاق الذي كنت أسكن إلي جواره في الهرم وكان يضع لافتة (وجوه يومئذ ناعمة)، أو صاحب كشك الحلويات علي طريق إسكندرية الصحراوي الذي كتب علي الواجهة (كشك النبي) (لن أتحدث عن كشري الصحابة وحاتي المدينة المنورة)، بعضنا يستعين بآيات القرآن عن وعي وإيمان ومنا الجاهل الذي وضع علي خلفية فراش الزوجية استيكر (دعاء الركوب)، منا المستسلمون للمشيئة بقلوبهم ومنا من يتعامل مع المشيئة بجهل مثل صاحب محل البقالة الذي يرد علي التليفون قائلاً: (سوبر ماركت مجدي إن شاء الله)، بعضنا يكره التعصب لأنه ضد روح الدين وبعضنا يتمسك بالتعصب كأهم مظهر للتدين، بعضنا يعالج بالقرآن والبعض بالرقية الشرعية والبعض متمسك بالأعشاب والبعض متمسك بالعلم الحديث ويري كل ما فات جهلاً، لكن وللأمانة كلنا مرضي.
أنا من المسلمين الجدد الذين يبحث بعضهم عن عظمة الخالق في غابة شجر في ألمانيا نبتت الأشجار فيها بطريقة تشكل جملة (لا إله إلا الله)، وفي الأردن حيث صور الفتاة التي تحولت إلي مسخ لأنها سبت النبي، وفي أعماق المحيط حيث عثروا علي سمكة نقش علي جسمها لفظ الجلالة، وعبر القمر الصناعي الذي اكتشف نوراً يخرج من الكعبة، لا يبحثون عن عظمة الخالق في المعجزات التي تحدث من حولهم طوال اليوم مثل أن يخرج من بيته ويعود إليه سالما في بلد مثل الذي نحيا به، يبحثون عن عظمة الخالق في التشفي (تسونامي وتشرنوبيل وإنفلونزا الخنازير) وكأن غرقي السلام 98 كانوا من عبدة الأوثان.
أنا من أحدث أجيال المسلمين الذين لم يحظوا بشرف رؤيتك وآمنوا بك عن بعد، نحن الذين لم نذق حلاوة الدخول في الإسلام علي يديك سرا أو جهرا، ولم نصل خلفك ولم نشاركك طعاما أو غزوة أو مجلس علم وإن كنا شاركناك علي البعد في العذاب الذي مازلنا نلقاه علي يد الكفار، بالمناسبة معظمنا لا يقوي علي حمل سيف ليضرب به أعناق المنافقين أو الكافرين نحن نحمل السيوف فقط لنرقص بها في الزفة الدمياطي وفي الأفراح الشعبية، ولا أحد منا يقدر أن يتحمل لسعة سوط من يد أحد المشركين دون أن يتخلي عن إيمانه، فالحقيقة أن قلماً واحداً من مخبر جاهل يجعل التخين فينا يتخلي عن أعز ناسه، نحن الذين فاتنا شرف تلقي العلم علي يد سيدنا علي لكننا للأمانة نتلقي بعضاً منه بطريقة كوميدية علي يد سيدنا حسين يعقوب، ولم نر بأعيننا الشيطان وهو يهرب من طريق سيدنا عمر بن الخطاب لكننا رأيناه - بعد أن هرب- يستقر بيننا متيقظا 24 ساعة، لم يسعفنا الحظ لنقف عند مدخل المدينة المنورة لنستقبلك أنت والصديق بعد رحلة الهجرة لكننا سهرنا الليل كله في مطار القاهرة ننتظر عودة بعثة المنتخب الوطني بكأس أفريقيا.
أنا من المسلمين الجدد الذين شهدوا ازدهار الصين وبلوغها أوج مجدها كما قلت منذ زمن بعيد عندما أمرتنا أن نطلب العلم ولو من الصين، يؤسفني أن أقول لك إننا لم نطلب العلم ولكننا طلبنا بضاعة، طلبنا الفوانيس وأجهزة الموبايل والخلاطات وكل ماهو استهلاكي، أنا من المسلمين الجدد الذين يفعلون ما هو بعد المستحيل لحفظ فروجهم خاصة بعد أن أصبح (الجنس الآمن للجميع) بالبيع العلني للعوازل والفياجرا وحبوب الإجهاض، الأمر الذي يفسر فشلنا في المهمة أحيانا، نحن الذين شهدنا انهياراً جزئياً في نظرية تزويج من ترضون دينه مقابل نجاح نسبي لنظرية الراجل مايعيبوش إلا جيبه، نحن الذين أطلق بعضنا لحيته تأسيا بتامر حسني، أما من أطلقها حسب السنة فهو موضع تفكير إما من جهة مباحث أمن الدولة أو من جهة البسطاء الذين خدعوا كثيرا بمحتالين كانت اللحية هي عدة عملهم الوحيدة، نحن الذين انحزنا عند تطبيق السنة لـ (التيمن) و(العقيقة) أكثر من تحيزنا لوصيتك بالإحسان للجار وأن نتقن عملنا.
:"(

عايزين صباع تاني ولا كفاية عليكوا كده؟

هههههههههههههههههههههههههههههه 

حط الانكل ع الركبة تبقى اهبل من دي ركبة

ايه الخبر ده؟ وبعدين ينفع نعرف اخبار بلدنا من القدس العربي؟ انا الخبر ده مكيفني اخر حاجة، ولا باصدقه ولا باكدبه، بس عامل لي دماغ وعشان كده حانشره مش بس حاسيب لنك

الليلة عمالة تحلو.. وانا عمالة اكرهكوا كلكوا كل يوم اكتر من التاني، عشان اللي يسيب نفسه يبقى ممسحة لشوية مخرفين يعملوا في دماغه زي الناس ما يستاهلش غير الاحتقار

خدوا.. 

(انظر الصباع في البوست قبل السابق)

نجل شقيق البابا شنودة أشرف على تصويرها
ظهور كاميليا شحاتة في شريط فيديو تؤكد فيه مسيحيتها لا ينهي الجدال الطائفي في مصر
القاهرة - 'القدس العربي' ـ ـ من حسام ابوطالب: ظهرت الخميس عبر شريط فيديو زوجة راهب دير مواس كاميليا شحاتة لكن ظهورها لم يسفر إلا عن مزيد من الغموض والارتباك ووفقاً لتصريحات خاصة لـ'القدس العربي' نقلاً عن هاني عزيز المستشار الخاص للبابا شنودة الثالث وعضو الأمانة العامة للحزب الحاكم فإن نجل شقيق البابا الكاهن بطرس جيد كاهن كنيسة العذراء بحي الزيتون شمال القاهرة هو الذي قام بتصوير الشريط الذي ظهرت فيه المرأة التي تحولت لأشهر إمرأة في مصر. (اشهر امرأة في مصر ههههههههههههه يا فضيحتنا وسط الامم المتحدة)
وقد فوجئ المصريون أمس بالشريط الذي تظهر خلاله كاميليا شحاتة زوجة كاهن دير مواس لتؤكد أنها باقية على ديانتها دون تغيير، وتظهر في الفيديو وخلفها صورة السيد المسيح، وتتحدث لمدة 11 دقيقة، وتروي قصتها بالتفصيل وحرصت على أن تقوم برسم علامة التثليث كناية عن تشبثها بالمسيحية.


ونفت كاميليا أنها قد تعرضت لأي نوع من الضغوط أو التعذيب من جانب الكنيسة، فالكنيسة - حسبما قالت - تحمل لواء التسامح والعفو والمحبة، ومن المستحيل أن تتعامل مع أبنائها وفق منهج التعذيب كما أكدت تمسكها بحياتها الأسرية والاجتماعية مع زوجها القس تادروس سمعان وابنها أنطون وأشارت إلى أنها لن تتخلى عن الأسرة.
وفي أول رد على الشريط نفت الكنيسة المصرية أي علاقة لها به وشدد الأنبا مرقص على أن الكاتدرائية موقفها ثابت ولن تهتز إزاء أي ضغوط تمارس عليها من أي جهة.(هههههههههههه الجبن سيد الاخلاق، امال مين اللي مصورها؟ ما الراجل قايل اهو ابن اخو البابا شنودة اللي مصورها، انا بقى اقول لكوا، هم قالوا مش حنظهر كاميليا، جات الدنيا اتقلبت كده، قاموا قالوا في نفسهم، طب نصورها ونطلعها بس نسرب الفيديو عشان ما يبقاش شكلنا وحش واننا رجعنا في كلامنا، واهي تبقى ظهرت، واحنا في نفس الوقت ما رجعناش في كلامنا، عمار يا مصر)
بينما قال سلفيون ونشطاء يهتمون بالقضية إن الشريط مفبرك وان المرأة التي تقمصت شخصية زوجة الراهب كومبارس وقد أراد الذين قاموا بتصوير الشريط تبديد الغضب المتنامي بين الرأي العام. (ايوة صح هي كومبارس واحنا شفناها في فيلم دعاء الكروان بتمثل دور الباشمهندز، لا بالصلاة ع النبي لاقيين على بعض اخر حاجة، واحد يعمل عملة ويقول مش انا يا بيه، والتاني فتاي وبيتكلم بثقة كده على حاجة هو ما يعرفهاش، طب قولوا حتى مش متأكدين لو هي طلعوها على الهوا مثلا، عشان الواحد ما يفتيش بس، ده كل واحد فيهم بيتكلم على اساس انه جوزها وحافظ وشها وجتتها حتة حتة.. والله حرام، انا باحط نفسي مكانها والناس عمالة تمقق في خلقتي كده وتتكلم على دقني وكتافي، كل ده وسلفيين؟ امال لو كانوا مديري كباريه الوردة الحمرا كانوا عملوا ايه؟ ولا معينين ستات هي اللي تعمل الشغلانة دي؟)
وحذرت الكنيسة من تكرار تلك المظاهرات واثرها السلبي على الوحدة الوطنية، معتبرة في الوقت نفسه أن البابا شنودة، بابا الاسكندرية وبطريرك الكرازة المرقسية، خط أحمر لا يجوز الاقتراب منه. (لا والله.. يعني المظاهرات دي مش حتتكرر خالص؟ لا في جامع ولا في كنيسة؟ هي الوحدة الوطنية دي بتطلع وقت اللزوم بس؟ ولا مظاهرات الكاتدرائية ما بتأثرش على الوحدة الوطنية؟ اه اه، عشان العدد اقل يعني، طب وايه خط احمر واخضر دي؟ هههههههههههههههه خط احمر بمناسبة ايه يعني؟ عند البراميل مثلا؟)
وقد رفض كبار رجال الكنيسة الأرثوذكسية التعليق على تكرار المظاهرات المطالبة بظهور كاميليا، وأكد مرقص أن الكنيسة 'لن ترضخ لمطالب ظهور كاميليا في وسائل الإعلام'. (ده احنا جامدين قوي، احنا مش حنرضخ، احنا بس حنسرب فيديو)
واعتبر قضية كاميليا 'شأناً كنسياً خالصاً'، وحذر من خطورة 'العبث بأمن الوطن'، مؤكداً أن البابا شنودة والكاتدرائية 'خط أحمر لا يمكن المساس به'. وهو ما أكد عليه عدد من القساوسة.(يالهوي ياما؟ هي الست شأنا كنسيا ازاي؟ ثم هو مين اللي عمل هلولة من الاساس؟ واحدة طفشت من جوزها زي اي ست مصرية صميمة عملتوا بوليكة على الموضوع، هو مين اوحى اساسا للناس انها اسلمت غير الكنيسة؟ وطلع لنا بقى ابو يحيى وابو معتز وابو جلمبو كل واحد يقول على يااااادييييي)
وقد عمت حالة من الفرح في الشارع القبطي فور ظهور كاميليا وقال أحد مستشاري البابا: إننا نهدي ذلك الشريط للأخوة المتظاهرين من المسلمين بمناسبة عيد الفطر
وفي تصريحات خاصة لـ'القدس العربي' أشار الداعية أبو يحيى بطل قضية كاميليا والذي كان قد استقبلها وتوجه بها نحو الأزهر لتشهر إسلامها قبل أن يختطفها أشخاص تابعون للأجهزة الأمنية وفق شهادته قال (إن الشريط الذي جرى تداوله مفبرك ولا يمثل الحقيقة وشدد على أن المرأة التي ظهرت فيه ليست كاميليا وقد عرفت ذلك منذ الوهلة الأولى).(اه طبعا ما انت خبرة، هي عشرة يوم ولا اتنين؟ ده ياما كلت شاي وبسكوت مع كاميليا، بامارة ما نسيت تصور اقرارها بالاسلام)
وأشار أبو يحيى الذي اعتقل فور إعلانه إسلام كاميليا ثم أفرج عنه لاحقاً إن رجال الكنيسة يعيشون مأزقاً ولا يعرفون كيف يتصرفون بسبب تنامي الغضب في اوساط الرأي العام المطالب بفتح ملف المتحولات للإسلام اللواتي تم تسليمهن للكنيسة وعلى رأسهن كاميليا ووفاء قسطنطين.
ومن المقرر أن تنطلق اليوم مظاهرة ضخمة أمام مسجد مصطفى محمود بعد صلاة العيد ينظمها حقوقيون وناشطون وسلفيون يطالبون الكنيسة بالإفراج عن كاميليا
وكان مصدر كنسي مقرب من البابا شنودة، أكد في وقت سابق أنه لن يسمح لكاميليا شحاتة، بالظهور العلني مجددا حتى لو حدثت مظاهرة كل يوم، لأنه لن يرضخ لضغوط أحد'.
كما رفض أساقفة المجمع المقدس التعليق على ما نشرته عدة مواقع إلكترونية مؤخراً حول إسلام كاميليا شحاتة، وارتدائها النقاب، فضلاً عن حفظها بعض أجزاء القرآن الكريم بعد إشهار إسلامها.
واعتبروا أن هذا 'شأن عائلي لا يستحق كل هذه الضجة (الطم؟ الطم؟ هو مش الراجل جوزها قال الحقوني مراتي مخطوفة؟ وخلا الناس تتجنن ونزلوا الكنيسة يعملوا مظاهرة؟ لما هو شأن عائلي كان ليه البالو ده كله؟)، وأكد مصدر بالمجمع المقدس أن البابا شنودة قرر بشكل نهائي منع ظهور كاميليا في الإعلام لأجل غير مسمى، كما تم إرجاء إيداعها أحد الأديرة مؤقتاً، على أن تستقر في أحد دور الخدمة بعين شمس فترة من الزمن.(بس اسكت.. حياخدوا بعضهم ويطلعوا على عين شمس يفلوها حتة حتة)
كانت عدة مظاهرات اندلعت في القاهرة وعدد من المحافظات، تطالب بظهور كاميليا حية أو ميتة (ههههههههههههه حية او ميتة؟ هي عليها تار؟)، فقد نظم نحو 500 من النشطاء المتضامنين مع كاميليا شحاتة، وقفة احتجاجية، مساء أمس الأول، عقب صلاة التراويح في الليلة الختامية بمسجد عمرو بن العاص . وشدد هؤلاء على ضرورة تحرير كاميليا.(خمسمية بس؟ طب كويس،اتلمت شوية بدل الالاف اللي كانوا بيطلعوا)
وحاصرت عشرات السيارات التابعة للأمن المركزي المسجد، وحاولت قوات الأمن منع المصلين من المشاركة في المظاهرة، وفرضت طوقاً أمنياً حولها لمنع انضمام الأعداد الغفيرة من المصلين في ليلة 27 رمضان.
وأعلن النشطاء (كلمة النشطاء دي اتبهدلت خالص) خلال المظاهرة اعتزامهم تنظيم مظاهرة رابعة عقب صلاة عيد الفطر بمسجد مصطفى محمود، الجمعة المقبل، مهددين بالدعوة إلى 'مظاهرة مليونية فى ميدان العباسية لمحاصرة مقر البابا شنودة بالكاتدرائية' (حقة لو حصلت مظاهرة مليونية عشان التفاهات دي يا شعب مش عايزة ابص في خلقتكوا تاني)، إذا استمرت الكنيسة في 'تعنتها ورفضها إظهار كاميليا'. وطالب المتظاهرون البابا شنودة الثالث، بابا الإسكندرية، بطريرك الكرازة المرقسية، بـ'الإفراج' عن كاميليا وإظهارها لتعلن بنفسها ما إذا كانت مسلمة أم لا.

هذا وقد اعلنت فايزة احمد من جانبها ان ياما القمر على الباب نور قناديله

وقد صرح ابو يحيى ان اللي ما يحبناش ما يلزمناش وقال ان المسيحيين بربر وامازيغ

بينما اكد البابا شنودة ان المسلمين شعب لقيط وكفاية طبطبة كفاية تحسيس

ومن المعروف ان حرب ستة وخمسين كانت بسبب افضال المسلمين على المسيحيين بينما حرب تلاتة وسبعين كانت من ضمن افضال المسيحيين على المسلمين

ههههههههههههه

ده الجزائريين داعيين علينا دعوة ولية ساعة مغربية، عشان اول مرة المسلمين والمسيحيين يتفقوا في مصر كان على الجزائر ياعيني

البلد اتجننت وبقت برخصة وشهادة مختومة وممضي عليها من اتنين موظفين
يالا البسوا بقى انتوا الاتنين تستاهلوا بعض والله العظيم  

السودان حتتقسم يا بتوع الحسنة في دقن كاميليا

مرة الازاز في تي شيرت محمد فؤاد، ومرة الحسنة في دقن كاميليا

حسبي الله ونعم الوكيل 

حسبي الله ونعم الوكيل

السودان حتتقسم خلاص

والنهاردة السودان وبكرة مصر، بس يا ترى لما الصعيد ينفصل عن بحري العاصمة حتبقى ايه؟

انا عايزاكوا تتخانقوا مع بعض الخناقة دي، سيبكوا بقى من ان خطة تقسيم مصر اتنشرت قبل كده واحنا ما التفتناش، وسيبكوا ان العالم بيشتغل على السودان لما هلهلها ودمها في رقبتنا، وسيبكوا من ان تقسيم السودان يعني عطشنا احنا، واتخانقوا مع بعض على العواصم، بتوع بحري يتخانقوا حتبقى اسكندرية ولا دمياط ولا بورسعيد وبتوع الصعيد يتخانقوا حتبقى اسيوط ولا قنا ولا سوهاج 

مش عايزاكوا تفتوا فرصة ما تتناقشوش في حجم رجل الفيل زي البيزنطيين

بس لسه لسه، لسه عندنا استفتاء، وبعدين تقسيم، واحنا لسه حنتقسم كمان كام سنة، يعني عندكوا وقت تدوروا على الحسنة في دقن كاميليا من هنا لسنتين تلاتة

هيلاري كلينتون‏:‏ انفصال جنوب السودان حتمي
واشنطن ـ من هدي توفيق‏:‏




هيلاري كلينتون‏:‏ انفصال جنوب السودان حتمي
توقعت وزيرة الخارجية الأمريكية استقلال وانفصال جنوب السودان عن الشمال‏,‏ ما سمته هيلاري كلينتون المحتوم‏.‏


وأعلنت لدينا تحديات صعبة في السودان‏,‏ وقالت إن الوضع في الشمال والجنوب هو بمثابة قنبلة موقوتة سوف تترتب عليها عواقب هائلة وتحديات رهيبة كما قالت‏.‏
كانت هيلاري ترد علي سؤال خلال لقاء مع مجلس العلاقات الخارجية في واشنطن‏.‏
وقالت إن الولايات المتحدة تعمل جاهدة مع شركاء لضمان اجراء الاستفتاء في جو من الهدوء والسلام والاعداد لما وصفته بالنتيجة الحتمية باستقلال الجنوب وانتقدت هيلاري عدم وجود الاهتمام الضروري لموضوع الاستفتاء في الموعد المحدد‏..‏ والسبب كما قالت‏..‏ هو أن الجنوب ليست لديه الخبرة والامكانية لاعداد متطلبات اجراء الاستفتاء أما الشمال كما قالت لا يريد وليس متحمسا لبذل الجهود لاجراء الاستفتاء لأن النتيجة واضحة إزاء ما سوف يسفر عنه الاستفتاء‏.‏
أعلنت اهتمام الولايات المتحدة البالغ بموضوع السودان وقالت إن الإدارة كثفت وجهودها في جوبا في الجنوب‏.‏
وأنشأت من الآن ما يعتبر قنصلية أمريكية ولها الآن قنصل أمريكي في جوبا عاصمة الجنوب‏.‏
وأوفدت الدبلوماسي الأمريكي السابق بريتستون ليمان للمساعدة في الإعداد للاستفتاء بين الشمال والجنوب‏..‏ بالتحديد لبحث القضايا الرئيسية بشأن اقتسام الثروة والسلطة‏..‏ ودخل البترول‏.‏
أضافت أن الإدارة تحاول إقناع شمال السودان الخرطوم والجنوب بإجراء الاستفتاء تنفيذا لاتفاق السلام الشامل‏..‏ كما قالت‏.‏
أشارت الي أن الفترة الزمنية الباقية قصيره للغاية لاجراء الاستفتاء وسوف نحتاج للكثير من المساعدة وسوف يساعد مركز كارتر الرئيس السابق في ذلك‏.‏
إلا أن هيلاري أكدت أن المشكلة الرئيسية هي عندما يحدث المحتوم علي حد قولها بإعلان استقلال الجنوب وتجري واشنطن مفاوضات مع الجنوب والشمال حول كيفية التعامل مع نتائج الاستفتاء واستقلال الجنوب‏.‏
وذلك بالتركيز علي التعامل مع دخل البترول وقالت إذا كنت في الشمال‏,‏ وتجد فجأة أنه سيتم رسم خط حدودي وسوف يفقد الشمال‏80%‏ من دخل البترول‏.‏
وما هي الصفقات التي يمكن أن تعقد؟‏!‏
حتي يتم تخفيف العنف الذي سيحدث‏!‏
أضافت واذا نجحنا في وضع اتفاق جيد فإنه سيكون صعبا جدا بالنسبة للشمال‏.‏
كما قالت هكذا تعد الولايات المتحدة لاستقبال العالم لدولة إفريقية جديدة في جنوب السودان في الوقت الذي يحتدم الصراع الإفريقي حول مياه النيل من المنبع الي المصب‏..‏ والصراع حول البترول بين الشمال والجنوب‏.‏


--------
عشان نبقى واضحين مع بعض، مصر اسمها في المشروع الكبير: الجائزة الكبرى
يعني بعدها مافيش تاني
احنا مش حرين نعمل في بلدنا اللي احنا عايزينه فيه ناس معلقة في رقابينا كفاية اللي عملناه في الناس قبل كده