tag:blogger.com,1999:blog-27205305133128896122024-03-14T14:15:26.276+02:00جبهة التهييس الشعبيةAnonymoushttp://www.blogger.com/profile/13861105695847033353noreply@blogger.comBlogger3220125tag:blogger.com,1999:blog-2720530513312889612.post-14446951173750671892014-07-07T13:41:00.001+02:002014-07-07T14:00:53.368+02:00احترس.. الاخوان ترجع الى الحكم<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">يا خراب بيتك يابو العربي</span></b></div>
<div dir="rtl" style="text-align: right;">
<b><span style="font-size: large;">هو عمل كده ليه؟ </span></b></div>
<div dir="rtl" style="text-align: right;">
<b><span style="font-size: large;">يا سيادة المشير.. هو انت عملت كده ليه؟ صدقني انا عايزة اساعدك.. بس انت لازم تساعد نفسك، ومش عايزة اساعدك حبا فيك، بس عشان البلد منهكة ومرهقة ولازم بقى حالها يتعدل باي شكل من الاشكال، طب بلاش حالها يتعدل، حالها يستقر طيب، شوية كده، الناس ترتاح، تاخد هدنة، تبلع ريقها، تنام لها ساعة.. انما ايه ده؟ ايه ده بجد؟</span></b></div>
<div dir="rtl" style="text-align: right;">
<b><span style="font-size: large;">ويحضرني هنا مقولة سيادتك: هذا الشعب الذي عانى كثيرا ولم يجد من يحنو عليه.. صح.. فايه؟ فاضرب الاعمى وكل عشاه ما انتاش ارحم م اللي عماه ولا ايه؟</span></b></div>
<div dir="rtl" style="text-align: right;">
<b><span style="font-size: large;">اللي بيحصل ده حيرجع الاخوان للحكم وش، مافيش جدال، والاخوان اذا كانوا السنة اللي فاتت غير صالحين للحكم، فهم دلوقت، وبعد اللي حصل لهم، غير صالحين للاستخدام الآدمي، وخارجين من مستشفى المجانين، ولو رجعوا للحكم مش حيعملوا اوكازيون الاعدامات اللي حاصل دلوقت، هم لسه حيستنوا محكمة ومحامين وجلسات؟ دول حيموتوا في الشارع وخلصت.. دبح كده.. دبح</span></b></div>
<div dir="rtl" style="text-align: right;">
<b><span style="font-size: large;">وده ليه؟ لان مافيش حد يعمل اللي اتعمل ده بصراحة.. ﻻﻻﻻﻻ.. ده كتيييييير.. ايتس اوووووفر</span></b></div>
<div dir="rtl" style="text-align: right;">
<b><span style="font-size: large;">هو ليه كده؟</span></b></div>
<div dir="rtl" style="text-align: right;">
<b><span style="font-size: large;">انا كنت متخيلة انه حيعمل الحد الاقصى للاجور ويستنى شوية لما ياخد عاصفة المعترضين على الحد الاقصى للاجور ويسيب عليهم الناس اللي مش لاقية 42 جنيه يقرقشوا عضمهم ويقولوا لهم مش عاجبكوا 42 الف جنيه في الشهر يا ولود ويا ولود</span></b></div>
<div dir="rtl" style="text-align: right;">
<b><span style="font-size: large;">وبعدين ييجي بوراحة كده يحاول يحط على رجال الاعمال، الاول بالحب، وبعدين بتحمير العين والتهديد، وبعدين يحط عليهم الحطة التمام، وكنت متخيلة ان في مقابل كده حيبقى فيه قمع، وكنت.. تصدق وتؤمن بالله يا مؤمن.. كنت مستعدة اتقبل القمع ده في مقابل الحط على رجال الاعمال وشركات الدعاية والاعلان اللي بتاكل عيش من ورا مرضى السرطان والجعانين والفقرا وفي ذات نفس الوقت بتقول للي معاهم فلوس: chill out</span></b></div>
<div dir="rtl" style="text-align: right;">
<b><span style="font-size: large;">وقلت وماله.. خليه يحط عليهم واحنا نيجي على نفسنا في موضوع الحريات دي، المهم الغلابة تاكل.. واحنا لازم نقعد نرغي؟ ما رغينا كتير بقى.. دقيقة سكوت لله، وبالمرة بقى حطة حلوة ع الداخلية مدام قام</span></b></div>
<div dir="rtl" style="text-align: right;">
<b><span style="font-size: large;">انما انما انما اصحى الاقي الهرم في الغردقة ونهر النيل تحت السرير اهو ده اللي... ده اللي... ده اللي..</span></b></div>
<div dir="rtl" style="text-align: right;">
<b><span style="font-size: large;">شاذجة انا.. شاذجة وطول عمري شاذجة</span></b></div>
<div dir="rtl" style="text-align: right;">
<b><span style="font-size: large;">حضرتك النهاردة واحدة ست غلبانة قوي، بتفك الخط بالعافية، من الصعيد الجواني، بتكره الاخوان كراهية التحريم لدرجة انها صوتت في استفتاء 19 مارس ب"لا" ولما سألناها ليه قالت: "عشان الجماعة السنية ما يجوش الحكم، وكانت عايزة الاخوان يمشوا ولما مشيوا كان الود ودها تتحزم وترقص في الشارع، وقالت لي: انا مافيش حاجة كرهتني في الاخوان قد كلامهم على المسيحيين، الواحد يبقى قاعد كده يلاقيهم نازلين شتيمة في المسيحيين والواحد جنبه جار مسيحي ولا عنده ضيف مسيحي، مش اصول كده ابدا.. واكيد الست دي ما يهمهاش حرية العقيدة قوي، هي بس حست ان دي قلة ذوق ومش اصول.. اهي الست دي بقى قالت لي النهاردة: احنا شكلنا كده ظلمنا مرسي... على الاقل كان بينزل تومين للناس.. دول لغوا التومين اللي بنستناه من الشهر للشهر.. والفراخ بقت ب25 جنيه والسمك حيزيد 50%.. ناكل ايه؟ طوب؟ والنهاردة الصبح الناس كسرت عربية ميكروباظ.. السواق قال لهم الاجرة اتنين جنيه ونص قالوا له اتنين جنيه بس قالهم طب انزلوا راحوا نازلين مكسرين له العربية وعمالين يقولوا وهم بيكسروا له العربية: هو غلبان مالوش ذنب.. بس احنا كمان ذنبنا ايه؟ </span></b><b><span style="font-size: large;">ما ياخد من الاغنيا.. هو مش قادر عليهم بياخد مننا احنا؟ هو احنا عارفين نعيش لما يصعب علينا العيشة اكتر؟"</span></b></div>
<div dir="rtl" style="text-align: right;">
<b><span style="font-size: large;">ايه بقى؟</span></b></div>
<div dir="rtl" style="text-align: right;">
<b><span style="font-size: large;">ايه ده؟</span></b></div>
<div dir="rtl" style="text-align: right;">
<b><span style="font-size: large;">وبعدين قالوا القضاة رافضين الحد الاقصى للاجور.. وهنا جاتلي الصدمة، هم بياخدوا اكتر من 42 الف جنيه في الشهر؟ طب ما لهم حق بقى يعدموا الناس، انا لو باخد عشرتلاف جنيه حاقتل كل الشعب عشان عامل لي زحمة في البلد ومش مخليني استمتع بفلوسي</span></b></div>
<div dir="rtl" style="text-align: right;">
<b><span style="font-size: large;">طيب..</span></b></div>
<div dir="rtl" style="text-align: right;">
<b><span style="font-size: large;">رجال الاعمال ناس مفترية، وبلطجية، وعندهم ناس مسلحة، وعندهم عمال يقدروا يخلوهم يعتصموا ويوقفوا حال البلد، وعندهم فلوس يقدروا يطلعوها برة مصر ويوقعوا البلد، وعندهم اعلام يقدر زي ما حبب الناس فيك يحولك لشيطان رجيم ويعمل فيك اللي عمله في مرسي.. صح؟ طب ما انت برضه مش قليل يعني سيادتك، معاك فلوس، ومعاك سلاح، ومعاك قوات، ومعاك سلطة، ومعاك ناس، وتقدر تطلع على الناس كده بمنتهى البساطة تقولهم: انا عايز اخد من رجال الاعمال بالحب بس هم هددوا يوقعوا البلد ويعملوا ويسووا، وانا عايز اخد الشركات بتاعتهم دي واتعهد للعمال انهم حياخدوا حقوقهم تالت ومتلت ومالهمش علاقة بقى بالخناقة اللي حتحصل دي، ومحتاج الجماهير معايا.. تقوم الجماهير تبقى معاك، الى جانب السلاح والفلوس، ومش مهم الرأي العام العالمي على فكرة خالص، عشان في الاخر الرأي العام العالمي ما يهموش غير امن اسرائيل اللي متخلص في اتفاقية كامب ديفيد اللي ماحدش يقدر يفعلها او يلغيها غيرك</span></b></div>
<div dir="rtl" style="text-align: right;">
<b><span style="font-size: large;">انما تيجي على الناس الفقرا وتسود عيشتهم زيادة ماهي سودا.. حيبقى لك مين طيب؟ هو ماحدش بيسند ويشد الضهر غير الفقرا، انما تلغي لهم الدعم، وترفع الاسعار، وتلغي التموين، وتغلي العيش وبعدين معتقد ان الجماهير حتفضل تحبك؟ يحبوك ليه هم ما يعرفوكش، ولا يعرفوا اي حد خالص، كلام المؤامرة على مصر واستهداف مصر والهري بتاع احمد موسى ده ياكل مع الناس وهي قاعدة بالليل بتقزقز لب لكن حتشقيهم وتجوعهم ولا يعرفوك ولا يعرفوا المؤامرة ولا يعرفوا مصر ولا يعرفوا امهم حتى</span></b></div>
<div dir="rtl" style="text-align: right;">
<b><span style="font-size: large;">انت حضرتك متخيل ايه؟ يعني متخيل ايه تحبس الشباب، وتعدم الناس، وتلغي الدعم، وترفع الاسعار، وفي نفس الوقت تعمل حد اقصى للاجور وتشتري عداوة الغني والفقير واللي مالوش فيها الى جانب خصومك السياسيين اللي اساسا اشتريت عداوة بعضهم بلا مبرر كمان، يعني مش كل خصم سياسي ينفع انك تحبسه وتنكل بيه وتطسه احكام، انت كده بتوحد المعارضة ضدك والمعارضة اساسا بينهم خلافات جذرية، ليه مصمم تخليهم كلهم صف واحد؟ </span></b></div>
<div dir="rtl" style="text-align: right;">
<b><span style="font-size: large;">وبعدين؟ وبعد كده حتعمل ايه يعني؟</span></b></div>
<div dir="rtl" style="text-align: right;">
<b><span style="font-size: large;">يعني حنحبس الاخوان، واللي كانوا ضد الاخوان بس ماهماش بيحبوني موت موت موت</span></b></div>
<div dir="rtl" style="text-align: right;">
<b><span style="font-size: large;">وحنعمل حد اقصى للاجور عشان ننكد على الموظفين الهليبة، وفي نفس الوقت نرفع الدعم وننكد على الفقرا</span></b></div>
<div dir="rtl" style="text-align: right;">
<b><span style="font-size: large;">وحنرجع الداخلية زي ما كانت تنكد على سواقين التاكسيات والميكروباصات</span></b></div>
<div dir="rtl" style="text-align: right;">
<b><span style="font-size: large;">والوحيدين اللي مش حنيجي ناحيتهم رجال الاعمال عشان نابهم ازرق.. وطبعا اعلام المطبلاتية</span></b></div>
<div dir="rtl" style="text-align: right;">
<b><span style="font-size: large;">طيب رجال الاعمال واعلام المطبلاتية كانوا موجودين ايام مبارك وما نفعهوش في حاجة</span></b></div>
<div dir="rtl" style="text-align: right;">
<b><span style="font-size: large;">كل ده اعتمادا على ايه؟</span></b></div>
<div dir="rtl" style="text-align: right;">
<b><span style="font-size: large;">اعتمادا على ان الشعب بيحبني.. مافيش حاجة اسمها الشعب على فكرة، احنا 100 مليون، يعني عشر شعوب في بعض، ولازم تنحاز الى فئة معينة تسندك، واكيد الفئة اللي فشلت في دعم اللي قبلك مش حتنفعك، اللي هي رجال الاعمال وقنواتهم الفضائية، والداخلية اللي كانت سبب رئيسي في خلع مبارك.. طب حنعمل اللي احنا عايزينه واللي مش عاجبه حنقمعه، ونعمل مجزرة.. مافيش مجزرة في الدنيا قضت على شعب، خصوصا شعب الفقرا ده، ربنا فاقرهم ومصعب عيشتهم ومخلي اي حد ييجي عليهم بس ساندهم بالخلفة، الفقرا دول هم الوحيدين اللي نسوانهم بتحبل على اللولب، وعددهم كبير.. كبير قوي، وما عندهمش وقت يتفرجوا على احمد موسى، ولو عندهم وقت يتفرجوا على حاجة حيتفرجوا على فيلم يضحكهم عشان ينسوا قرفهم.. ليه تعمل فيهم كده؟ ما تشتريهم وتجبر خاطرهم عشان ربنا يجبر خاطرك كده ويسترها معاك ومعانا</span></b></div>
<div dir="rtl" style="text-align: right;">
<b><span style="font-size: large;">ما اظنش ان في حد في البلد دي كلها، على اختلاف مشاربها، من مصلحته ان الاسلاميين يرجعوا الحكم، على فكرة ولا الاسلاميين نفسهم، للسبب المذكور اعلاه: بقوا خارجين من مستشفى المجانين.. وهم اساسا ما بيفهموش، واللي حصل لهم قضى الجزء الضئيل اللي شغال في مخهم، يعني مافيش حد يقول: بس انا كنت ضد فض رابعة.. بس انا قلت على السيسي انقلاب.. بس انا تضامنت معاهم.. دول ما بيفهموش دول، دول ضربوا خالد داوود بالمطاوي وهو كان متضامن معاهم، ومصممين اني شمت في فض رابعة مع اني قعدت اسبوع في التحرير <a href="http://www.masress.com/tahrirnews/346765">اكتب ان الاعتصام مش لازم يتفض</a> والا حتبقى مجزرة وبعدين لما الاعتصام اتفض كتبت المقال <a href="http://www.masress.com/dostor/145861">ده</a> ثم كتبت المقال <a href="http://www.dostorasly.com/columns/view.aspx?id=9a55d040-e677-4912-b195-8343c6618c8a">ده</a></span></b></div>
<div dir="rtl" style="text-align: right;">
<b><span style="font-size: large;">واللنكات دي بس عشان اكبس ابوهم.. بس هم مش نافعين خلاص مش نافعين، ولا هم بيفهموا، من الاصل لما كانوا بعقلهم ما كانوش بيفهموا، فما بالك لما عقلهم طار</span></b></div>
<div dir="rtl" style="text-align: right;">
<b><span style="font-size: large;">وما ينفعش ان اللي يمسك البلد بعدهم يجازف بان الناس تضج بيه وتمشيه.. وماحدش يقول انا ماحدش يقدر يمشيني.. وسمعني سلام اغنية محمد رشدي: دامت لمين</span></b></div>
<div dir="rtl" style="text-align: right;">
<b><span style="font-size: large;">صلي ع النبي كده يا سيادة المشير.. الناس مش حتاخد الاوامر وتسكت، الناس تعبانة، وجعانة، وقرفانة، وحرانة، ونكدت عليهم في الصيام، والعيد داخل عليهم، واماني الخياط بتزعق لهم انهم بيشتروا ياميش، مع ان للعلم انا والله العظيم ما اشتريت ياميش غير بس عشان الحلفان اشتريت ربع كيلو زبيب وربع تين وربع قراصية من الجمعية التعاونية.. وانا كده اعد مقتدرة، في ناس ما اشترتش حاجة </span></b></div>
<div dir="rtl" style="text-align: right;">
<b><span style="font-size: large;">وبمناسبة الجمعية التعاونية انتوا حتعملوا فيها ايه؟ انا ما باشتريش الا منها عشان الاسعار فيها ارخص.. اللي هي سموها فاميلي ماركت دي، هي الجمعية التعاونية يعني</span></b></div>
<div dir="rtl" style="text-align: right;">
<b><span style="font-size: large;">احنا حنعيش ازاي كده؟ حنعيش ازاي؟</span></b></div>
<div dir="rtl" style="text-align: right;">
<b><span style="font-size: large;">وليه رجال الاعمال ما بيتحطش عليهم؟</span></b></div>
<div dir="rtl" style="text-align: right;">
<b><span style="font-size: large;">على فكرة انا والله العظيم باحاول الاقي لك مبررات لدرجة ان جوزي النهاردة اتخانق معايا وقال لي انت بقيتي عاملة زي احمد موسى انا اتصدمت فيك.. بس انا عايزة الاقي لك مبررات لاني متخوفة من الانهيار، وبصراحة مش لاقية لك اي مبررات خالص.. خالص</span></b></div>
<div dir="rtl" style="text-align: right;">
<b><span style="font-size: large;">يعني على رأي اللي قال لي: ما معاه سلاح، ما ينزل القوات اللي أمنت له الانتخابات يحط بيها ايده على مصانع رجال الاعمال ويدي الامان للعمال ويورونا رجال الاعمال حيعملوا ايه ساعتها، والناس كلها حتقف معاه</span></b></div>
<div dir="rtl" style="text-align: right;">
<b><span style="font-size: large;">بس دلوقت ماحدش حيقف معاك كده.. لانهم مش حيبقوا فاضيين يقفوا معاك.. حيبقوا واقفين في الشارع يثبتوا بعض عشان يلاقوا ياكلوا، والنكتة ان المتثبت مش حيبقى معاه حاجة يديها للي بيثبته، وبكده حنضحي بسلامة الثابت والمثبوت... ولا حول ولا قوة الا بالله</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">احترس.. الاخوان ترجع الى الحكم</span></b></div>
<div dir="rtl" style="text-align: right;">
<b><span style="font-size: large;">انا قلت انصحك لوجه الله ولسلامة الوطن، زي ما نصحت مبارك قبل كده ونصحت مرسي بعده.. تعالى بقى خد البوست ده واحبسني بيه بدل ما تتعظ... حتحبس البلد كلها؟ يعمل ايه جتل الشيخ ابراهيم؟</span></b></div>
<div dir="rtl" style="text-align: right;">
<b><span style="font-size: large;">-----</span></b></div>
<div dir="rtl" style="text-align: right;">
<b><span style="font-size: large;">يا بتوع الاستشكرار والتصدي للمؤامرة.. انتوا منكوا لله، قعدتوا تقولوا لنا هو الامل، ده خليفة عبد الناصر، الباز افندي قاري ومطلع ومستوعب الاشياء وعليه كرافاتة ترد الروح لما شككتوني في نفسي.. عبد الناصر؟ عبد الناصر كان ييجي على الغلابة كده؟ هو حد سند عبد الناصر غير الغلابة اللي هو جبر خاطرهم؟</span></b></div>
<div dir="rtl" style="text-align: right;">
<b><span style="font-size: large;">ما تسيبوا عبد الناصر في حاله بقى الراجل ده اتبهدل معانا قوي، مش كفاية عليه جمال سليمان وابنه عبد الحكيم؟ </span></b><br />
<b><span style="font-size: large;">واستقرار ايه بقى؟ هو في مع الجوع استقرار؟ اذا كان هو معتمد على ان الفقرا غلابة ومخهم على قدهم والثورة دي فعل سياسي وهم مالهمش في السياسة، وانا بقى حاقبض على كل الناس اللي بتحاول تنظمهم في عمل سياسي عشان ما يعملوش ثورة.. فهم كده حيعملوا ثورة على مقاسهم: حيقفوا يثبتوا الناس في الشارع، وحيهجموا على البيوت.. اذا كانوا كسروا عربية سواق ميكروباص وهو صعبان عليهم وهم بيكسروا عربيته كانوا بيقولوا هو غلبان بس احنا مالناش ذنب، امال حيعملوا ايه في العربيات الفخيمة الضخيمة؟ </span></b><br />
<b><span style="font-size: large;">وبمناسبة انا حاقبض على كل الناس اللي بتتكلم في السياسة عشان ما ينظموش الناس</span></b><br />
<b><span style="font-size: large;">النظام عشان يبقى قوي لازم يبقى له معارضة سلمية قوية وحاضرة ولها لسان... غير كده حتقلب فوضى فظيعة وكل واحد حيعبر عن غضبة باللي يقدر عليه: سنجة.. مطواه.. سيف.. مية نار.. اللي ييجي تحت ايده بقى</span></b></div>
<div dir="rtl" style="text-align: right;">
<b><span style="font-size: large;">----</span></b></div>
<div dir="rtl" style="text-align: right;">
<b><span style="font-size: large;">انا برضه عندي امل يتراجع في رفع الدعم ورفع الاسعار ويحط على رجال الاعمال.. في فرصة.. اقولك.. هاتها في محلب، واقيل الوزارة بتاعته، والغي قراراته، وبعدين حط على رجال الاعمال... هاه؟ حلتها لك اهو</span></b></div>
<div dir="rtl" style="text-align: right;">
<b><span style="font-size: large;">شوف انا طيبة ازاي؟</span></b><br />
<b><span style="font-size: large;">ولحد ما يعمل كده حافضل اقول عليه المشير.. لحد اما يعرف الفرق بين ادارة بلد فيها شعب وادارة جيش فيه ظباط وعساكر ما يقدروش يعملوا حاجة غير تنفيذ الاوامر</span></b></div>
</div>
Anonymoushttp://www.blogger.com/profile/13861105695847033353noreply@blogger.comtag:blogger.com,1999:blog-2720530513312889612.post-50341443089178052992014-05-29T02:43:00.001+03:002014-05-29T03:02:37.499+03:00على بركة الله<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">هو انا ممكن اكلم الزملاء الخونة العملا الجواسيس النوشتاء اللي خربوا البلد بس وماحدش اساسا يرد عليا غيرهم؟ عشان انا مش ناوية اوجه اي خطاب لبتوع كيد الضراير... ولو انهم حينفعونا بعد شوية.. حينفعونا قوي</span></b></div>
<div dir="rtl" style="text-align: right;">
<b><span style="font-size: large;">السادة الزملاء الخونة الجواسيس العملا النوشتاء اللي خربوا البلد
انتوا زعلانين ليه بجد؟ ده حتى مش حاجة كويسة ليكو وعليكو </span></b></div>
<div dir="rtl" style="text-align: right;">
<b><span style="font-size: large;">اكيد متضايقين عشان حق الشهدا اللي ما جاش، وعشان الحزب الوطني اللي رجع وبيرجع، والمعتقلين الكتير اللي ما عملوش حاجة، والاعدامات الكتير، والكلام المنحط اللي بيتقال عنكوا في الاعلام من انكوا جواسيس وعملا وخونة ونكسجية</span></b></div>
<div dir="rtl" style="text-align: right;">
<b><span style="font-size: large;">واكيد زعلانين مش عشان المرشح اللي نجح من خلفية عسكرية وخلاص، بس عشان ده كان في المجلس العسكري، وكان رئيس المخابرات الحربية وقت ما طنطاوي دخلكوا المشارح على صحابكوا</span></b></div>
<div dir="rtl" style="text-align: right;">
<b><span style="font-size: large;">وعشان قال مش حاترشح واترشح، وعشان كلامه في الحوارات التلفزيونية خوفكوا</span></b></div>
<div dir="rtl" style="text-align: right;">
<b><span style="font-size: large;">واكيد كمان زعلانين عشان حاسين بالعجز وحاسين ان مالكوش ضهر واي حاجة حتعملوها حيركب عليكوا الاخوان وانتوا مش عايزين الاخوان تاني وتفضلوا تلفوا في الحلقة المفرغة</span></b></div>
<div dir="rtl" style="text-align: right;">
<b><span style="font-size: large;">طيب مبدئيا حابدأ من النقطة الاخيرة، اللي له ربنا له كل حاجة، فمش مفروض تحسوا ان مالكوش ضهر لان لكوا ربنا</span></b></div>
<div dir="rtl" style="text-align: right;">
<b><span style="font-size: large;">اللي استشهد واللي اتصاب واللي اتبهدل واللي اتحبس عمل ده كله ليه؟ حبا في البهدلة؟ ولا عشان البلد تبقى كويسة</span></b></div>
<div dir="rtl" style="text-align: right;">
<b><span style="font-size: large;">يا رب تبقى كويسة</span></b></div>
<div dir="rtl" style="text-align: right;">
<b><span style="font-size: large;">وحتبقى كويسة ان شاء الله، لان فيها ناس</span></b></div>
<div dir="rtl" style="text-align: right;">
<b><span style="font-size: large;">انا مش فاهمة انتوا خايفين من ايه؟ انا لو مكان السيسي المفروض انا اللي اخاف مش انتوا</span></b></div>
<div dir="rtl" style="text-align: right;">
<b><span style="font-size: large;">وانا مش عايزة اسمع كلام شعب عبيد والكلام الفارغ البايخ الوسخ ده، ماحدش يكرر كلام الاخوان، الاخوان السنة اللي فاتت الشعب كان عظيم عشان انتخبهم والسنة دي شعب عبيد عشان مشاهم</span></b></div>
<div dir="rtl" style="text-align: right;">
<b><span style="font-size: large;">مالناش دعوة بالناس اللي بتقول الكلام ده</span></b></div>
<div dir="rtl" style="text-align: right;">
<b><span style="font-size: large;">الشعب ده كويس.. وكويس قوي كمان، واظنه اخدنا على عقلنا بقاله تلات سنين</span></b></div>
<div dir="rtl" style="text-align: right;">
<b><span style="font-size: large;">انت اكيد برضه زعلان عشان حاسس ان الانتخابات اتلعب فيها شوية، وهي اتلعب فيها، مش عشان ينجحوا السيسي، لان كلنا عارفين انه ناجح ناجح وعارفين الناس انتخبته ليه؟ ولا مش عارف؟ مش عارف انهم حاطين امل عليه عشان يعيشوا وياكلوا عيش ويرتاحوا من وجع الدماغ شوية وانهم خايفين ولهم حق يخافوا؟ بس انهم يمدوا يوم ويفضلوا يشحتوا الناس ويمشوا في الشوارع يشتموا الناس عشان ينزلوا ينتخبوا ويقولوا حنعمل غرامة للي مش حينتخب ويقولوا للعجايز في الفلاحين لو ما انتخبتوش حيخصموا من المعاش بتاعكوا.. كل ده عشان يزودوا عدد المصوتين مش عشان ينجحوه.. والحقيقة انا شايفة ان ده لعب في الانتخابات ما كانش له لازمة، وحاجة مش مبشرة</span></b></div>
<div dir="rtl" style="text-align: right;">
<b><span style="font-size: large;">واهو نجح بالعدد اللي كان نفسه فيه والناس بتحتفل</span></b></div>
<div dir="rtl" style="text-align: right;">
<b><span style="font-size: large;">يبقى نقول ايه؟</span></b></div>
<div dir="rtl" style="text-align: right;">
<b><span style="font-size: large;">نقول يا رب يطلع كويس</span></b></div>
<div dir="rtl" style="text-align: right;">
<b><span style="font-size: large;">وقبل ما بواسيرك تنزل وانت بتحزق وتقولي: حيبقى كويس ازاااااااااااي بس؟ </span></b></div>
<div dir="rtl" style="text-align: right;">
<b><span style="font-size: large;">زي الناس</span></b></div>
<div dir="rtl" style="text-align: right;">
<b><span style="font-size: large;">ماهو مافيش حاجة تانية ينفع تتقال دلوقت</span></b></div>
<div dir="rtl" style="text-align: right;">
<b><span style="font-size: large;">احنا قلنا ايه على مرسي لما نجح؟ قلنا يا رب يبقى كويس، وقعدنا نهشك فيه وندلع فيه ونعمل له هاشتاج جدع يا مرسي ونحايل في امه عشان يعمل اي منظر بتلاتة نكلة، قعد اول ست شهور يصلي والست الشهور التانية يضرب فينا</span></b></div>
<div dir="rtl" style="text-align: right;">
<b><span style="font-size: large;">يالا اهو راح مع اللي راحوا في سبعة وستين</span></b></div>
<div dir="rtl" style="text-align: right;">
<b><span style="font-size: large;">بس في النهاية لما مرسي نجح قلنا ربنا يوفقه مع انه من جماعة الاخوان اللي عملت معانا كل الوساخات الممكنة ايام حكم طنطاوي</span></b></div>
<div dir="rtl" style="text-align: right;">
<b><span style="font-size: large;">يبقى ما ينفعش دلوقت، وهو اول يوم يبقى رئيس ومتحمل مسئولية مباشرة قصاد العالم كله اننا نقول حاجة تانية غير: ربنا يخلف ظنونا فيه ويا رب يطلع كويس.. وما ينفعش تقول كل اللي عمله قبل كده لان اذا كنت انت او انا او اي حد تاني حاسس انه هو الحاكم الفعلي الفترة اللي فاتت فده مش رأي كل الناس، ومش رأي اللي انتخبوه، وكويس انه يبقى رئيس ويواجه الناس بنفسه بدل ما نقعد نضرب اخماس في اسداس ونقول هو الحاكم الفعلي يقولوا لنا لا مش هو</span></b></div>
<div dir="rtl" style="text-align: right;">
<b><span style="font-size: large;">والله طلع كويس وجاب حق الغلابة من الاغنيا وفك اسر المظلومين وحقق عشم الناس فيه، خير وبركة، احنا نكره؟ هي الثورة للثورة؟ احنا عايزين نسب الدين لاي حد كبير وخلاص؟</span></b></div>
<div dir="rtl" style="text-align: right;">
<b><span style="font-size: large;">ولو طلع وحش.. ذنبه على جنبه، هم اللي انتخبوه دول كتع؟ مهاطيل؟ بريالة؟ دول عاملين ثورتين قبل كده.. وعادي يعني يبيعوا ابوهم لو طلع مش قد كده، ماهم انتخبوا مرسي ومشوه</span></b></div>
<div dir="rtl" style="text-align: right;">
<b><span style="font-size: large;">بس مرسي بقى كانوا عاصرين عليه لمون، وما كانوش عشمانين فيه ولا حاجة، هم جابوه عشان ما يجيبوش نظام مبارك اللي هم مشوه</span></b></div>
<div dir="rtl" style="text-align: right;">
<b><span style="font-size: large;">لكن المرة دي هم عشمانين في السيسي، ودي حاجة مش كويسة عليه خالص.. خااااالص، خصوصا لو نيته وحشة</span></b></div>
<div dir="rtl" style="text-align: right;">
<b><span style="font-size: large;">لو نيته كويسة مش حيقلق من عشم الناس فيه وحيستعين بالله ويقول: اللهم لا تؤاخذني بما يقولون واغفر لي مالا يعلمون، واجعلني خيرا مما يظنون</span></b></div>
<div dir="rtl" style="text-align: right;">
<b><span style="font-size: large;">ولو نيته كويسة حيشوط كل الطبالين اللي قاعدين يطبلوا له طول الفترة اللي فاتت</span></b></div>
<div dir="rtl" style="text-align: right;">
<b><span style="font-size: large;">ولو نيته كويسة حيشوط كمان كل شبكة المصالح اللي عمالة تترقص له عشان يهبشوا في مصالحهم، وانا شخصيا لو مكانه اول حاجة اعملها انزل منشور للاعلام بحظر النفاق والكلام عني بالاسلوب المقزز ده... واقعد احمد موسى ع الخازوق في ميدان عام</span></b></div>
<div dir="rtl" style="text-align: right;">
<b><span style="font-size: large;">ولو نيته كويسة حيراجع مواقف الناس اللي مقبوض عليها ظلم ويعمل لهم عفو عام </span></b></div>
<div dir="rtl" style="text-align: right;">
<b><span style="font-size: large;">ولو نيته كويسة حياخد من الحرامية اللي فاكرينه جاي يرجع لهم مجدهم البائد ويدي للفقرا</span></b></div>
<div dir="rtl" style="text-align: right;">
<b><span style="font-size: large;">ولو نيته كويسة حيبقى عمله كويس ولو عمله كويس الشعب حيستجدع معاه جدعنة خياله الواسع اللي بيكلمه عن العجب مش حيعرف يصور الشهامة اللي المصريين حيبقوا فيها معاه</span></b></div>
<div dir="rtl" style="text-align: right;">
<b><span style="font-size: large;">وفي الحالة دي ماحدش له حق بقى يقول الثورة مستمرة، هو مش شعار وخلاص، وحق الله اللي مات مات عشان العدل والحق</span></b></div>
<div dir="rtl" style="text-align: right;">
<b><span style="font-size: large;">كل ده لو ربنا حقق عشم الناس فيه وخلف ظنونا ومخاوفنا.. ويا رب يا رب يا رب ربنا يخلف ظنونا ومخاوفنا</span></b></div>
<div dir="rtl" style="text-align: right;">
<b><span style="font-size: large;">لكن لو نيته وحشة وظننا فيه حقيقي وجاي عشان يرجع نظام مبارك وينتقم من الثورة والثوار وكله على قديمه يا ولود ويا ولود وعلى الله حد يفتح بقه ويظبط مصالح بتوع المصالح</span></b></div>
<div dir="rtl" style="text-align: right;">
<b><span style="font-size: large;">خليه يعمل كده بقى</span></b></div>
<div dir="rtl" style="text-align: right;">
<b><span style="font-size: large;">حيحصل ايه يعني؟ انا وانت وكام واحد حناخد اعدام مثلا؟ في داهية على فكرة، عادي، يا ريت، نبقى استريحنا وريحنا.. يا عيني عليه هو بقى</span></b></div>
<div dir="rtl" style="text-align: right;">
<b><span style="font-size: large;">بص بقى يابني.. ماحدش بيتجرح قوي الا لما بيحب قوي، وقد ثبت علميا ان الناس مش بتوقع شيك على بياض لاي حد</span></b></div>
<div dir="rtl" style="text-align: right;">
<b><span style="font-size: large;">ومش حقولك حيشيلوه زي مبارك ومرسي.. نووووووووووووو... ابسلوتلي.. ده لو خيب ظن الناس وغدر عليهم اللي اتعمل في مبارك ومرسي كوم واللي الناس اللي انتخبته بايدها حتعمله فيه كوم تاني</span></b></div>
<div dir="rtl" style="text-align: right;">
<b><span style="font-size: large;">وانت ما نزلتش في الثورة ودفنت صحابك عشان اي حاجة تانية غير عشان ترجع ارادة الشعب للشعب، واهي رجعت له، وهو بيحدد ارادته بنفسه، واختار، كونه اختار حاجة مش عاجباك والله هو مش بيشتغل عندك، وانت ما كنتش بتتصدق عليه لما نزلت في الثورة، انت كنت بتعمل حاجة مقتنع بيها، وثمرتها جات اهي، دي سادس انتخابات في 3 سنين</span></b></div>
<div dir="rtl" style="text-align: right;">
<b><span style="font-size: large;">الناس بتنزل وتشارك وتتكلم في السياسة وعارفة هي عايزة ايه وبتحدد مواقفها وساعات تسلم ودنها لاي حد يشخ فيها وبعدين ترجع في كلامها وتصحح مسارها</span></b></div>
<div dir="rtl" style="text-align: right;">
<b><span style="font-size: large;">المصريين مش مثقفين قوي ولا متعلمين، بس هم عارفين كده عن نفسهم، وبيحاولوا على فكرة، بيحاولوا يتعلموا وبيحاولوا يفهموا وبيعافروا مع نفسهم وفي الاخر عارفين مصلحتهم، وخلاص بقى عرفوا سكتهم، انت حتقعد تنحر في نفسك انت خلفتهم ونسيتهم؟ لما ما كانوش عارفين السكة نزلت بنفسك وغامرت بحياتك وعرفتهم السكة، واهم عرفوها، وسيبك من كلام بتوع "النكسجية" والهذيان ده، الناس عارفة كويس ان لولا ثورة 25 يناير ما كانوش عرفوا ينزلوا ينتخبوا النهاردة، والسيسي كمان عارف كده، والناس مش عايزين حاجة غير يعيشوا كويس وبكرامة، واهم حيدوله فرصة، على الاقل فرصة زي اللي اخدها مرسي، ويشوفوه، اكيد مش متوقعين يعني ان كل واحد فينا يبقى مرتبه خمستلاف جنيه في الشهر اول سنة، بس متوقعين انه يشتغل ويحسوا ان فيه شغل وفيه تغير حصل، وموضوع خوفهم من الاخوان ده هم لهم حق فيه، وهم حيعرفوا ازاي ياخدوا حقهم لو حقهم اتهضم من غير ما الاخوان ينطوا على مجهودهم وانت ساعتها حيبقى لك دور، وحيعرفوا انهم غلطوا في حقك لما سلموا ودنهم لاحمد موسى.. وحقك حيرجع لك.. </span></b></div>
<div dir="rtl" style="text-align: right;">
<b><span style="font-size: large;">ايه؟ ما حصلتش قبل كده؟ ما حصلش انهم سلموا نفسهم للاعلاميين ايام ماتش الجزائر وبعدين رجعوا ندموا؟ طب فيها ايه؟ ماهم بيحاولوا يتعلموا كل شوية وبيتعلموا بسرعة.. بس الصبر</span></b></div>
<div dir="rtl" style="text-align: right;">
<b><span style="font-size: large;">الصبر</span></b></div>
<div dir="rtl" style="text-align: right;">
<b><span style="font-size: large;">لو طلع كويس حقك حيرجع لك بأمان، ولو طلع وحش الناس حترجع لك حقك وفي كل الاحوال الحق مع ربنا وربنا اللي بيرجعه</span></b></div>
<div dir="rtl" style="text-align: right;">
<b><span style="font-size: large;">لكن ما تتصرفش تصرفات توحي للناس انك عايز تنكد عليهم وهم فرحانين.. ما تسيبهم يا اخي يفرحوا حد عارف الدنيا شايلة لهم ايه؟ </span></b></div>
<div dir="rtl" style="text-align: right;">
<b><span style="font-size: large;">يا رب الدنيا ما تبقاش شايلة لهم غير كل خير.. وما نقولش غير يا رب ما يحصلش للبلد وللناس غير كل خير</span></b></div>
<div dir="rtl" style="text-align: right;">
<b><span style="font-size: large;">وانت المفروض يبقى عندك امل النهاردة اكتر من اي يوم تاني</span></b></div>
<div dir="rtl" style="text-align: right;">
<b><span style="font-size: large;">بالنسبة لبتوع كيد الضراير واللي فرحانين بغل دول.. فوكك منهم، مش كل الناس زيهم، الحقيقة هم اقلية بس صوتهم عالي، الناس اغلبيتها عايزة تعيش، مش عايزة تموت غيرها</span></b></div>
<div dir="rtl" style="text-align: right;">
<b><span style="font-size: large;">والحقيقة اني قلت في اول التدوينة ان بتوع كيد الضراير حينفعونا.. آه، ده في حال ما اذا كان السيسي نيته سودا، فطبعا حيئني بتوع كيد الضراير دول، وبتوع كيد الضراير مسخة تلك الاصل من الاخوان بتوع كلنا مع القرار، وماحدش وقع مرسي غيرهم</span></b></div>
<div dir="rtl" style="text-align: right;">
<b><span style="font-size: large;">سيدنا محمد قال اذا لقيتم المداحين فذروا في اعينهم التراب، او كما قال، ليه؟ لان المداحين دول هم مقتل كل سلطة، وسيدنا عمر كان بيجيب الناس ويقول لهم انصحوني وشدوا علي في النصيحة.. بالبلدي يعني هزأوني.. وكل واحد عقله في راسه يعرف خلاصه</span></b></div>
<div dir="rtl" style="text-align: right;">
<b><span style="font-size: large;">وماحدش بيكسر عرق بلد</span></b></div>
</div>
Anonymoushttp://www.blogger.com/profile/13861105695847033353noreply@blogger.comtag:blogger.com,1999:blog-2720530513312889612.post-10850727708099387842014-05-11T13:07:00.000+02:002014-05-11T13:07:09.395+02:00حسبنا الله ونعم الوكيل <div dir="ltr" style="text-align: left;" trbidi="on">
<div dir="rtl" style="text-align: right;">
<span style="font-family: inherit; font-size: large;">تحديث:</span></div>
<div dir="rtl" style="text-align: right;">
<span style="font-family: inherit; font-size: large;">الاخوان بيقولوا ان عبد الرحيم علي كان اخوان.. انا برضه قلت التربية دي ما تخرجش من حد غير منهم.</span></div>
<div dir="rtl" style="text-align: right;">
<span style="font-family: inherit; font-size: large;">----</span></div>
<div dir="rtl" style="text-align: right;">
<span style="font-family: inherit; font-size: large;">الإعدام لما يزيد عن 600 مواطن في قضية قتل 55 شخصا
</span></div>
<div dir="rtl" style="text-align: right;">
<span style="font-family: inherit; font-size: large;">السجن ل40 طالبا بتهمة قتل زميل لهم
</span></div>
<div dir="rtl" style="text-align: right;">
<span style="font-family: inherit; font-size: large;">براءة عبد الرحيم علي من تهمة السب والقذف
لا تعقيب على أحكام القضاء. لا معقب لحكم الله. وليس لما نحن فيه من دون الله كاشفة.
</span></div>
<div dir="rtl" style="text-align: right;">
<span style="font-family: inherit; font-size: large;">إن كنت لا أعقب على أحكام القضاء، فلي تساؤلات مشروعة ربما يقتضي ببعض القانونيين أن يوضحوها لأمة الله الفقيرة:
</span></div>
<div dir="rtl" style="text-align: right;">
<span style="font-family: inherit; font-size: large;"> كيف يمكن لـ600 أن يقتلوا 55 شخصا ؟ وكيف يمكن لأربعين طالبا أن يقتلوا طالبا واحدا ؟
من هو شاهد - أو شهود الإثبات-، الذين تمكنوا من التعرف على أربعين طالبا، و تمييز وجوههم، والتأكد من أنهم جميعا تشاركوا في قتل مواطن واحد؟
</span></div>
<div dir="rtl" style="text-align: right;">
<span style="font-family: inherit; font-size: large;">في الحكم الذي وصفه "آكل الجيف" بأنه تاريخي، اعتبرت المحكمة أن إذاعة مكالمات خاصة لبعض المواطنين ليس تدخلا في الحياة الشخصية، وأن الصحفي لا يسأل عن مصادره، وأن من واجبه تنبيه المجتمع للأخطار المحدقة.
</span></div>
<div dir="rtl" style="text-align: right;">
<span style="font-family: inherit; font-size: large;">طيب جميل.
</span></div>
<div dir="rtl" style="text-align: right;">
<span style="font-family: inherit; font-size: large;"> باللغة العامية الفصحى: يا تحبسوه يا تحبسوا اللي هو أذاع لهم المكالمات.
</span></div>
<div dir="rtl" style="text-align: right;">
<span style="font-family: inherit; font-size: large;"> لا نحتاج لأن نسأل الصحفي عن مصدره لأننا نعرفه و هو جهاز أمن الدولة، وهذه طبيعة الأمور، فليس في مصر جهاز منوط به تسجيل المكالمات سوى الجهاز المذكور، ولا يبدو أن الأطراف التي كانت تتحاور في هذه المكالمات كان أحدهم يسجل المكالمة للآخر، مثال: في المكالمة التي كانت بين عبد الرحمن يوسف ومصطفى النجار: يا كبير طلعت بتاع نسوان يا كبير..هاهااهاهاااااي.. تعتقد أي الطرفين كان يسجل للآخر؟ وأي الطرفين سلم هذه المكالمة التافهة لعبد الرحيم علي؟ إذن هناك طرف ثالث كان يسجل الحوار، وهو ذاته الطرف الذي سلم هذه المكالمة لعبد الرحيم علي.
</span></div>
<div dir="rtl" style="text-align: right;">
<span style="font-family: inherit; font-size: large;"> السؤال الأول: ما هو الخطر المحدق بالوطن الذي يكمن في أن مصطفى النجار اكتشف أن عبد الرحمن يوسف "بتاع نسوان"؟ أو ربما الخطر يكمن في كون مصطفى النجار ينادي عبد الرحمن بلقب: يا كبير.. الأمر الذي يستدعي التفكر والتأمل، ينكن ياخويا الاتنين في تنظيم الماسونية العالمي، وعبد الرحمن يوسف هو الكبير بتاع التنظيم؟
</span></div>
<div dir="rtl" style="text-align: right;">
<span style="font-family: inherit; font-size: large;"> السؤال الثاني: كيف تكون مكالمة كهذه، أو مكالمة أذيعت لأسماء محفوظ وهي تبكي أو تسب أمن الدولة، أو مكالمة أذيعت للبرادعي وهو يطلب من أخيه في رجاء يثير الشفقة : ما تبعلتيش ناس زبالة تاني يا علي، لا تندرج تحت بند المكالمات الشخصية؟ وكيف يكون إذاعة رأي البرادعي، الذي يبثه لشقيقه، في بعض الشخصيات، بإنهم "زبالة" و"لايصين كومبليتلي" خدمة للوطن وتحذير للمجتمع من خطر محدق؟ أي خطر؟ خطر أن البرادعي مستزبل نص البلد؟ طيب ماذا عن رأيي الشخصي في إنه محق في ذلك؟ وكيف يكون إذاعة المكالمات الشخصية المسجلة عبر أمن الدولة والتي تحتوي على أراء شخصية، وانفعالات، وتهريج، وهري، ليس تدخلا في الحياة الشخصية؟ هو لازم يبقى بيكلم الجو بتاعه من ورا مراته عشان تبقى شخصية؟
</span></div>
<div dir="rtl" style="text-align: right;">
<span style="font-family: inherit; font-size: large;"> السؤال الثالث: طالما إن عبد الرحيم علي بريء من تهمة السب والقذف، بعد أن قال عن الناس الذين يذيع لهم المكالمات: جتكم القرف يا ولاد الكلب، وطالما أن التفاهات التي يذيعها ليست تدخلا في الحياة الشخصية، وطالما أنه حر في التعامل مع أمن الدولة، بما أن جهاز أمن الدولة حر بدوره في تسجيل مكالمات المواطنين دون إذن من النيابة، وطالما أنه يحذر المجتمع من خطر محدق، فلماذا لم يتم تسليم هذه المكالمات للنيابة؟ طيب لماذا لم تستدع النيابة الشخصيات التي أذيعت لها هذه المكالمات ووجهت إليهم التهم بالخيانة والعمالة وتقاضي أموال من الخارج، أو بالأحرى تهم الألش والبكاء ووصف الناس بالزبالة؟
</span></div>
<div dir="rtl" style="text-align: right;">
<span style="font-family: inherit; font-size: large;"> إما أن عبد الرحيم علي مذنب يشهر بالناس ويسبهم ويغتالهم معنويا ويستحق السجن أو الغرامة على أقل تقدير ووقف برنامجه، أو أن الشخصيات التي أذيعت لها هذه المكالمات مذنبة تستحق المحاكمة. </span></div>
<div dir="rtl" style="text-align: right;">
<span style="font-family: inherit; font-size: large;">السؤال الثالث: كلنا يعلم أن جهاز أمن الدولة يسجل جميع المكالمات لكافة الناس، ونحن نعلم ذلك أثناء إجراءنا مكالماتنا الهاتفية، وكنا ضمنا، نأتمن أمن الدولة على هذه المكالمات، الصراحة يعني، حيث إننا لا نملك أن نتقدم بشكوى للنيابة لأن أمن الدولة يقوم بتسجيل مكالماتنا دون إذن منها، ولو أننا تقدمنا بهذه الشكوى فلن يلتفت إليها أحد. بس للأسف، مافيش صاحب يتصاحب، حتى أمن الدولة اللي كنا بنسليه بمكالماتنا سربها... ما عدناش نقولك حاجة تاني يا أمن.
</span></div>
<div dir="rtl" style="text-align: right;">
<span style="font-family: inherit; font-size: large;"> هناك مكالمة أخرى أذيعت للبرادعي، قال عنها "آكل الجيف" إنها مكالمة بين البرادعي وضابط مخابرات أمريكي. حين تستمع إلى المكالمة تجد أن البرادعي يتحدث مع شخص اسمه دان، ولم يحدث أثناء المكالمة أن ذكر دان هذا اسمه بالكامل، ولا أن قال عن نفسه إنه ضابط مخابرات أمريكي، أو قال عنه البرادعي ذلك، ولا أن قال للبرادعي: خالتي بتسلم عليك. إذن ما الدليل على أن دان هذا هو ضابط مخابرات أمريكي؟ وبفرض صحة ادعاء "آكل الجيف"، ما المشكلة العويصة والمعضلة الفظيعة فيما قاله البرادعي لدان؟ المكالمة كلها عبارة عن سرد لمعلومات كانت قد نزلت كعناوين في الصحف المصرية والعالمية، كما أن دان أوضح للبرادعي أنه يعلم كل ما يقول، ولم يسأل أحد من أين علم دان كل ما يقوله البرادعي؟ الراجل بسم الله الرحمن الرحيم مخاوي وبيقرا الجرايد. أو ربما يكون على اتصال بأحد المسؤولين الذين يتحاورون كل يوم مع شخصيات أجنبية، ويطلعونهم على ما يطلعونهم عليه، ولا يريد عبد الرحيم علي إذاعة مكالماتهم.
</span></div>
<div dir="rtl" style="text-align: right;">
<span style="font-family: inherit; font-size: large;"> ثم ما هي الضمانة التي تؤكد بأن هذه التسجيلات لم يتم العبث بها عن طريق المونتاج، بالنسبة لي الضمانة الوحيدة هي أن التسجيلات بلهاء ولا تدل على شئ.. مش معقولة يتعبوا نفسهم في المونتاج عشان يسمعونا الهبل ده.
</span></div>
<div dir="rtl" style="text-align: right;">
<span style="font-family: inherit; font-size: large;"> السؤال الأخير: المكالمات التي زعم "آكل الجيف" أنها بين البرادعي وضابط مخابرات أمريكي يعود تاريخها إلى سنة 2011. وقت أن كان مرشح الرئاسة حاليا، المشير السابق، رئيسا للمخابرات الحربية! فهل كان المرشح الحالي والمشير السابق ورئيس المخابرات الحربية الأسبق يعلم بتعاون البرادعي مع المخابرات الأمريكية حين ظهر معه في خطاب 4 يوليو وقبل بالتعاون معه؟ أم أنه كان آخر من يعلم ولم يكتشف هذه العمالة المروعة إلا بعد أن كشفها له المحروس بتسجيلاته؟
</span></div>
<div dir="rtl" style="text-align: right;">
<span style="font-family: inherit; font-size: large;"> المشكلة ليست مشكلة هذا المسكين البائس "آكل الجيف" الخائض في الأعراض المقتات على تشويه الناس وقتلهم معنويا، فهو شخص مغمور، شديد الطموح مع انعدام الموهبة، أراد شهرة فجاءته عن طريق خطة لأمن الدولة، هذا الجهاز الذي راقب الناس على مدى سنوات، ولما فشل في إثبات افتراضه المسبق بأن مؤامرة تحاك ضد مصر، وأن من ينشطون سياسيا ما هم إلا مأجورين، قرر أن يشهر بهم، وأن يلعب على شهية وضيعة في الطبيعة الإنسانية، ألا وهي شهية النميمة، ولو أن جهاز أمن الدولة وجد في هذه المكالمات ما يثبت الخيانة والعمالة وتقاضي أجرا مقابل شم الغاز وحمل الجثث ودخول المشارح، لما لجأ إلى هذه الحيلة الرخيصة، ولما سمعنا بعبد الرحيم علي إلا ربما في إحدى قنوات المنوعات والأغاني، وإنما لسارع الجهاز بتسليم هذه التسجيلات إلى النيابة، لمقاضاة أصحابها ومحاكمتهم فورا، لكنه لما فشل في إيجاد دليل ضدهم، قرر أن يغتال سمعتهم، وهذه أيضا ليست بالمشكلة الكبيرة، فهو أسلوب الأجهزة الأمنية المتبع تقليدا في كل أنحاء العالم.
</span></div>
<div dir="rtl" style="text-align: right;">
<span style="font-family: inherit; font-size: large;"> المشكلة الكبرى تكمن في المزاج العام، هؤلاء الملايين من المتفرجين الذين ينطبق عليهم قول أمير الشعراء في مسرحية مصرع كليوباترا:
</span></div>
<div dir="rtl" style="text-align: right;">
<span style="font-family: inherit; font-size: large;"> أنظر الشعب ديون كيف يوحون إليه***ملأ الجو هتافا بحياتي قاتليه
</span></div>
<div dir="rtl" style="text-align: right;">
<span style="font-family: inherit; font-size: large;">أثر البهتان فيه وانطلى الإفك عليه***ياله من ببغاء عقله في أذنيه
</span></div>
<div dir="rtl" style="text-align: right;">
<span style="font-family: inherit; font-size: large;"> إن كان قضاء الدنيا قد برأ "آكل الجيف".. فانتظر عبد الرحيم على قضاء الله عليك في الدنيا والآخرة، اللهم إنا نجعلك في نحر عبد الرحيم علي والأجهزة التي تحركه ونعوذ بك من شره... ربنا حيخرب بيتك يا عبرحيم. </span></div>
<div dir="rtl" style="text-align: right;">
<span style="font-family: inherit; font-size: large;"> وأنت خاف من ربنا يا شعب.</span></div>
</div>
Anonymoushttp://www.blogger.com/profile/13861105695847033353noreply@blogger.comtag:blogger.com,1999:blog-2720530513312889612.post-51552166972586855652014-05-06T15:04:00.001+02:002014-05-06T15:48:40.795+02:00ارض الخوف<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">وكالعادة كنت ناوية اسكت واحط لساني جوه بقي، لان اللي حاقوله تحصيل حاصل، ولا حيزود ولا حينقص ولا حيفرق في حاجة ولا مع حد، وما قدرتش التزم بالفكرة ومش قادرة، قلت ابعبع وافضفض</span></b></div>
<div dir="rtl" style="text-align: right;">
<b><span style="font-size: large;">المقدمة دي بخصوص تعليقي على حوار السيسي</span></b></div>
<div dir="rtl" style="text-align: right;">
<b><span style="font-size: large;">انا خفت قوي يا جماعة</span></b></div>
<div dir="rtl" style="text-align: right;">
<b><span style="font-size: large;">لا بجد خفت قوي... وبما اني خفت فانا مش ناوية اتجاوز في الكلام احسن ده بيزعل وقال حاستحمل وراح جازز على سنانه</span></b></div>
<div dir="rtl" style="text-align: right;">
<b><span style="font-size: large;">ويبدو ان مش انا بس اللي خفت، ناس كتير خافت، بما فيهم لميس الحديدي واستاذي ابراهيم عيسى... وبصرف النظر عن الخلاف في الرأي مع الاستاذ ابراهيم عيسى، هو استاذي وحيفضل استاذي ومش حانسى فضله مش عليا انا بقى، على الصحافة المصرية كلها اللي هو انجز فيها انجاز بالمشاوير، واللي انجازه ده يبدو انه حتذروه الرياح عقب نجاح المرشح اللي هو كان بيحاوره امبارح.. وكنت متضايقة قوي وانا شايفاه بيحاول يدجن نفسه، ولما حب يقول كلمتين من الفلسفة اللي عادة بيقولهم الراجل شخط فيه وقال له ما اسمحلكش، وحب يصحح له جملة لما قال اننا نزعنا الانسانية من الاسلام فقاله له من المسلمين فراح شاخط فيه وقال له الاسلام فقال له خلاص الاسلام.. المسألة تتجاوز اني متضايقة عشان استاذي لانها نذير شؤم علينا كلنا</span></b></div>
<div dir="rtl" style="text-align: right;">
<b><span style="font-size: large;">اضطريت انزل اثناء اذاعة الحوار لاول مرة والشوارع كانت فاضية كأنها رمضان ساعة الفطار، وده طبيعي، ده المرشح اللي حينجح، واللي الناس متشبثة بيه عشان حيخلصهم، بس ده المرشح اللي ماحدش يعرفه ولا سمعه بيتكلم باستفاضة ولا يعرفوا حاجة عن برنامجه، هم حينجحوه عشان خايفين من الاخوان، فطبيعي انهم يرابطوا في البيوت عشان يعرفوا مصيرهم</span></b></div>
<div dir="rtl" style="text-align: right;">
<b><span style="font-size: large;">رجعت وسمعت الحوار في الاعادة، ولفتني انهم بيقولوا له "سيادة المشير" مع انه استقال من الجيش، وحتى لو عرفا الناس بتفضل تنادي الشخص بلقبه حتى بعد ما بيسيب منصبه زي ما كانوا بيقولوا للملكة فريدة: جلالتك، وزي ما بيقولوا لمبارك ومرسي دلوقت: يا ريس، وزي ما بيقولوا لاي لواء متقاعد: يا سيادة اللواء.. فده مفهوم لما يبقى بينهم وبينه، لكن في حوار تلفزيوني بيقدم فيه نفسه على انه مرشح مدني، ما كانش المفروض يقولوا له سيادة المشير، حتى لو قبل ما تدور الكاميرا بيقولوها له، كانوا يقدروا يتحايلوا على لقب سيادة المشير ويقولوا له "سيادتك"، لان الرسالة الاعلامية اللي وصلت للناس من لقب "سيادة المشير" في اللقاء، انه مترشح بوصفه سيادة المشير، وما اظنش اني ينفع اقول الكلام ده لحد علم ناس كتير قوي، مش بس علم الصحفيين، علم كمان اللي بيكتبوا في الصحافة الالكترونية والشعبية، (هامش: بالمناسبة يا استاذ ابراهيم عيال كتير من اللي بتشتمهم دلوقت طالعين من كمك وولادك وتربيتك.. حتى "المتجاوزين" منهم) ومن ثم، فانا ما اظنش انه ما كانش واعي للرسالة دي، وبناء عليه فانا اتساءل: ليه توجيه الرسالة دي للرأي العام؟ هو احنا ناقصين رعب؟ مش كفاية كان بيشخط طول اللقاء؟</span></b></div>
<div dir="rtl" style="text-align: right;">
<b><span style="font-size: large;">النقطة التالتة:</span></b></div>
<div dir="rtl" style="text-align: right;">
<b><span style="font-size: large;">بصرف النظر عن الاداء العسكري الصارم اللي تبناه المرشح اثناء اجرائه الحوار، وبصرف النظر عن تساؤلي اللي عارفة اجابته: ليه الناس بتحبه وهو بيخوفهم كده؟ في كام حاجة اثارت فضولي:</span></b></div>
<div dir="rtl" style="text-align: right;">
<b><span style="font-size: large;">انا مش الناس اللي مش عارفة تلاقي عذر لتشبث الناس بالسيسي بالطريقة دي، بالعكس، انا عارفة الاقي لهم كل الاعذار، وشايفاها اعذار وجيهة جدا، ويمكن اعذار الناس المتشبثة بالسيسي ومتحمسة له اقوى كتير من اعذار الناس اللي عصرت لمون على مرسي، لان الناس اللي عصرت لمون على مرسي كانت عايزة تحرز هدف في مرمى طنطاوي، بظنهم، وتوصل له رسالة ان انت مش حتمرر مرشحك العسكري والشعب مش عايز حكم عسكري، حتى لو اضطروا للتضامن مع شخص هو جزء بالفعل من النظام القديم، وجماعة اقل ما توصف به هو النذالة والبيع، ده اذا افترضنا فيها حسن النية، اللي متشبثين بالسيسي بقى، رغم ان الراجل مرعب قوي، بس هم مرعوبين من حاجة تانية اقوى، في كائنات شكل البني ادمين بالظبط دايرين في الشوارع يقولوا مرسي راجع وحننتقم منكوا كلكوا ونشنقكوا واحد واحد يا شعب عبيد يا كفرة، وآنيا، هم بينفذوا جزء من تهديداتهم وبيعملوا تفجيرات وبيقتلوا ناس، وفوق البيعة مش متقنين لاجرامهم، يعني مثلا عندك الارهابي رامي قشوع اللي كان محتاس بالقنبلة اللي في ايده مش عارف يوديها فين، فلمح وهو ماشي عربية نيفا فيها كاب جيش راح حاطط القنبلة في الدواسة بتاعتها عشان الفائدة تعم، يعني هم مش بس اشرار، دول كمان معاتيه، الانسان تستحمله لو طيب واهبل، او شرير وذكي، لكن لما يبقى شرير اهبل... يبقى نتذكر هنا المثل المصري المأثور: لا تستحمل العبيط ولا تخلي العبيط يستحملك (بتصرف)</span></b></div>
<div dir="rtl" style="text-align: right;">
<b><span style="font-size: large;">اظن ان خوف الناس من الموت اكثر وجاهة من خوفهم من انجاح نظام قديم... ولا ايه؟</span></b></div>
<div dir="rtl" style="text-align: right;">
<b><span style="font-size: large;">بس ده بالنسبة للناس العادية</span></b></div>
<div dir="rtl" style="text-align: right;">
<b><span style="font-size: large;">لكن بالنسبة مثلا لرموز اليسار والتيارات الليبرالية والمدنية اللي بتدعم السيسي، بجد... نعم؟ الراجل امبارح ما قالش انه ضد الدولة الدينية، ابدا، بالعكس، ده مع الدولة الدينية، وناوي يعلم الشعب اخلاق ودين ويخليهم يذاكروا ويناموا بدري، ويصحوا بدري، ويقصوا ضوافرهم، وبيقدم نفسه بوصفه الممثل للاسلام الصحيح اللي اتعلم على ايد الشيخ الشعراوي!!!!!!!!!!! الشيخ الشعراوي وهو من هو ومش عايزة افسر اكتر من اني اقول ان الاخوان كمان كانوا بيعتبروا الشعراوي مرجعية زيه بالظبط. اما بخصوص خوف الناس العادية المشروع من الموت، فده لا ينسحب على التيارات السياسية المدنية اللي بتدعم السيسي، لانهم بوصفهم سياسيين مش مواطنين ماشيين جنب الحيط، فهم مهددين بالاعدام هم كمان، سيادته قدم نفسه بوصفه مواطن مصري مسلم، ودي جملة موجهة للمسيحيين والكنيسة اللي بيدعموه، انتوا زعلتوا من السادات لما قال: انا مواطن مسلم لدولة مسلمة، طب ايه؟</span></b></div>
<div dir="rtl" style="text-align: right;">
<b><span style="font-size: large;">وكون السيسي رجل مسلم صالح مصلي وبيقول اوراد كتير، وعلى حسب ما سمعت من ناس جوه الجيش، انه لما كان بيروح اي وحدة قبل ما يبقى رئيس مخابرات يدور على الجامع وينضفه ويصلحه وياخد العساكر والظباط يصلي بيهم، فدي حاجة كويسة، كويسة قوي قوي قوي، بس كويسة له هو، ده شئ ما يخصناش احنا في حاجة، والا زعلتوا ليه بقى من مرسي اللي قضى اول ست شهور من حكمة رايح الصلاة جاي من الصلاة وما بيعملش حاجة غير انه بيوقف الطريق عشان يصلي، والاخوان كل شوية يكتبوا: عااااجل.. الرئيس دخل الحمام يتوضى، عااااجل... الرئيس يتوضأ بخشوع وقد بكى كل من في القصر.. عااااجل.. الرئيس فسى وحيجدد وضؤه تاني... يا عم بتصلي ولا ما بتصليش، احنا مالنا انت بتصلي لنا احنا؟</span></b></div>
<div dir="rtl" style="text-align: right;">
<b><span style="font-size: large;">وزعلتوا ليه من دستور الاخوان اللي كان كل مضمونه: احنا حنعلم الشعب الاخلاق والادب؟</span></b></div>
<div dir="rtl" style="text-align: right;">
<b><span style="font-size: large;">وزعلتوا ليه من نبرة التعالي بتاعة الاخوان: احنا بنعرف ربنا وجايين نهديك يا شعب؟</span></b></div>
<div dir="rtl" style="text-align: right;">
<b><span style="font-size: large;">انا بجد عندي معضلة في فهم بالذات التيارات السياسية المدنية اللي بتدعم مرشح عسكري، وفوق انه عسكري كمان طلع مرشح عسكري ديني.. طب ايه مشكلة الاخوان دلوقت؟ انهم كانوا عايزين يطبقوا رؤيتهم للدين على المجتمع كله بقوة عناصرهم المسلحة.. طيب ما هو معاه سلاح كمان، وسلاح جيش بقى مش مجرد سلاح بلطجية ينحصر في الخرطوش والطبنجات، وانا مش شايفة ان خلافه مع الاخوان خلاف اصيل، كل الحكاية ان كل واحد فيهم شايف نفسه بيقدم الاسلام الصحيح واللي ضده هو الاسلام المشوه</span></b></div>
<div dir="rtl" style="text-align: right;">
<b><span style="font-size: large;">وما عنديش نفس المعضلة مع فهم المواطنين العاديين اللي بيدعموه، لانهم لو كانوا في ظرف غير الظرف، ووقت غير الوقت، وما كانش ربنا خلق لنا الاخوان يفشلوا كل محاولة، ويجهضوا كل امل، ما كانوش تحمسوا كل الحماس ده لواحد طالع يشخط فيهم ويبرق لهم، انا فاهمة ومتفهمة اضطرارهم، وتعبهم، واجهادهم، وربما يأسهم كمان، لكن مش فاهمة ان ده كله يبقى حال ناس شغلتها تقدم بدايل للناس بدل ما تضللهم وتخيب جنبهم</span></b></div>
<div dir="rtl" style="text-align: right;">
<b><span style="font-size: large;">وطول ماهو مافيش بديل قوي مطروح للسيسي غير الاخوان السيسي حينجح باكتساح، والناس معذورة في ده... الاخوان فعلا حاجة فظيعة... مس لانهم فاشية دينية وفقط، ولكن لانهم فاشية دينية غبية ومتخلفة وانتقامية وجاهلة، دي ناس وهي مهزومة ومحبوسة بتهدد الشعب وتقوله: شلوه من فوقي لاموته.. امال لو شموا نفسهم حيعملوا في الناس ايه؟</span></b></div>
<div dir="rtl" style="text-align: right;">
<b><span style="font-size: large;">ينجح باكتساح... ودي مشكلة اخرى، ده معناه انه مش حيبقى له معارضة قوية على الارض يعمل لها حساب، ومن ثم، فكل التبريق والشخط ده حيتحول لافعال.. وكلنا حنزعل ونجيب ناس تزعل، واولهم التيارات السياسية المدنية اللي عمالة تطبله دلوقت، هو قال انه مش مديون لحد غير لربنا والشعب، وربنا والشعب الاتنين عادة السياسيين بيتكلموا باسمهم عشان يحققوا اغراضهم، واثبت له بقى ان اللي بيعمله او بيقوله ده مالوش علاقة لا بربنا ولا بالشعب... الاخوان بيتكلموا باسم ربنا والشعب، والسيسي بيتكلم باسم ربنا والشعب.. بس الجملة دي تعني انه مش ناوي يشيل لحد جميلة انه وقف جنبه، وعلى فكرة، مافيش حاجة في تاريخه تقول انه عمل حاجة بناء على امتنانه لفعل حد وقف جنبه، على العكس تماما.. عايزة اقول ايه؟ عايزة اقول ان حضراتكوا ياللي بتطبلوا وقاعدين زي التلامذة قدامه، وبالعين له الظلط، في النهاية لما يحب يخلص منكوا حيقول لكوا دي ارادة ربنا والشعب اللي انتخبني، ولانكوا شتتوا ناس، وبلبلتوا ناس، واجهضتوا احلام ناس، فتتوا المعارضة اللي ممكن تقف قصاده لو عمل حاجة زي دي، وعلى فكرة هو حيخلص منكوا آجلا أو عاجلا، ومش حيشفع لكوا اللي بتعملوه دلوقت، ومش حيشفع لكوا انكوا تنكرتوا لشباب انتوا اعلم الناس انه بريء ومش اخوان خلايا نايمة ولا طابور خامس ولا ممول وفي يوم من الايام اعتبركوا مثله الاعلى واخلص للي اتعلمه منكوا اكتر من اخلاصكوا انتوا للي كنتوا بتمثلوه من قيم ومبادئ، ومش حيشفع لكوا انكوا تنازلتوا عن كل الشعارات اللي كنتوا بترفعوها وفوتوا جمال من خرم الابرة، لان ببساطة السيسي عارف اكتر منكوا ان انتوا مش صادقين في اللي بتقولوه، وانكوا في مرحلة من المراحل تصوارتكوا حتتنافر مع تصوراته، حتعملوا ايه بقى ساعتها؟ حتيجي مرحلة عشان ينفذ تصوراته مش حينفع يسمح لحد يقف على الحياد، واللي مش معاه حيبقى عليه، والمرحلة دي بشايرها اساسا موجودة دلوقت، واي حد بيسكت او يلتزم الحياد بيتشتم، وبيتشتم منكوا انتوا كمان، لكن حتيجي لحظة حتلاقوا نفسكوا مش قادرين ولو قدرتوا وحاولتوا تقلعوا تاريخكوا كله وتلبسوا توبه حيبقى مشحلط عليكوا وهو مش حيقبل ان يبقى معاه داعمين ومؤيدين لابسين لبس العميان في اخر مشهد في وجهة نظر.. حتعملوا ايه؟</span></b></div>
<div dir="rtl" style="text-align: right;">
<b><span style="font-size: large;">هو اصدق لانه ما عملش تنازلات ولا لجأ لحلول وسط... انتوا بتعملوا كده ليه؟</span></b></div>
<div dir="rtl" style="text-align: right;">
<b><span style="font-size: large;">كنت ناوية اقاطع، بعد ما شوفت الحوار لقيت ناس كتير بتقول: احنا كنا ناويين نقاطع بس بعد اللي شوفناه حننتخب حمدين.. والحقيقة وانا باتفرج امبارح فكرت نفس الفكرة وبعدين رجعت قلت ما هو حيبقى تحصيل حاصل وهو حينجح حينجح، بس محمد قال لي: لما ينجح بستين في المية وله معارضة تقيلة غير لما ينجح بخمسة وتمانين في المية، وده رأي وجيه، لسه بافكر فيه وما اخدتش قرار، ولو اخدت قرار مش حاقوله... عشان ماحدش يرجع يقولي انت السبب، لان حاليا دلوقت السياسوية بيقولوا لي انت السبب في ان الاخوان يعملوا ارهاب، والاخوان بيقولوا لي انت السبب في مصر رجعت لحكم عسكري، ولما باتكلم بيقولوا لي: اتكلمتي؟ كله من كلامك، ولما باسكت بيقولوا لي: يعني سكتي دلوقت؟ كله من سكوتك</span></b></div>
<div dir="rtl" style="text-align: right;">
<b><span style="font-size: large;">وللانصاف مش انا الوحيدة اللي باتعرض للابتزاز ده، اي وجه من الوجوه اللي اتعرفت بالتزامن مع ثورة يناير بتتعرض لنفس الابتزازات، بس انا عندي مشكلة شخصية اني على طول عندي احساس بالذنب حتى لو ما عملتش حاجة، فعشان اراعي نفساويتي، مش ناوية اقول حاعمل ايه بخصوص انتخابات الرئاسة، بس انا فعلا لسه ما قررتش</span></b></div>
<div dir="rtl" style="text-align: right;">
<b><span style="font-size: large;">الحاجة الوحيدة اللي قررتها اني خايفة فعلا.. احنا واقعين بين اتنين بيبرقوا لنا ويشخطوا فينا، والحالة دي انتقلت للناس في الشارع وبقوا يبرقوا لبعض ويشخطوا في بعض، ده غير طبعا استخدام الطرفين للعنف، سواء عنف بالقانون او عنف خارج القانون، المحصلة ان في ناس بتموت، ولسه ناس حتموت اكتر، كنت قلت لكوا احنا في ايام سودا.. احنا بقى داخلين على ايام كحل، وكل املي من الله ولا يكتر على الله ان يبقى فيه جبهة واحدة بس قوية وكبيرة، ما تناضلش ولا حاجة، ولا تهتف ولا نيلة لان الهتاف ما بقاش يأكل عيش، والناس بقى يجيلها غثيان لما تسمع هتاف، سواء هتاف حقيقي او هتاف معنوي بمعنى انك تطرح افكار اقرب للشعارات منها للحقيقة، انا بس عايزة من الجبهة دي انها ترفع شعار واحد: استهدوا بالله يا جماعة</span></b></div>
<div dir="rtl" style="text-align: right;">
<b><span style="font-size: large;">لان من اللي شوفته امبارح، كده ماحدش ناوي يستهدى بالله، وكده غلابة كتير حيروحوا في الرجلين بذريعة الامن القومي والاستقرار او بذريعة الثورة ودايما بذريعة ربنا والشعب</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
<div dir="rtl" style="text-align: right;">
<b><span style="font-size: large;">ليس لها من دون الله كاشفة</span></b></div>
</div>
Anonymoushttp://www.blogger.com/profile/13861105695847033353noreply@blogger.comtag:blogger.com,1999:blog-2720530513312889612.post-28878927753036515432014-01-22T15:13:00.000+02:002014-01-22T15:13:23.369+02:00قوتنا في ركوبتنا<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">عارفين العميان في مسرحية وجهة نظر لما طول المسرحية بياكلوا بالجزم واول ما جات ميسز بوكس لبسوهم هدوم انتيكة وحموهم وقعدوا يشرحوا قد ايه هم بيحبوهم وبيعطفوا عليهم؟ اهم ثوار 25 يناير زي العميان دول... على فكرة هم زيهم في كل حاجة، حتى في تصرفاتهم وهبلهم وطيبتهم، حتى في قلة عقلهم لما يصدقوا على بعض ادعاءات كدب، حتى في غباوتهم لما يتهموا بعض وكل واحد فيهم اعمى ويقول شوفت بعيني.... ده حتى رياض الخولي عامل زي مطربي الثورة</span></b></div>
<div dir="rtl" style="text-align: right;">
<b><span style="font-size: large;">ثوار 25 يناير عاملين زي اليتيم في ملجأ اللي بياكل بالجزم من كل الناس، واللي اصلا دخله الملجأ، مرات ابوه اللي طمعت في فلوس ابوه بعد ما مات، ودخلته الملجأ عشان تصرف ورثه على الرجالة اللي بتتجوزهم ولما اتزنقت بعد ما الرجالة قشطوها راجعة تدور على ابن جوزها الاولاني وعايزة تجيبه من الملجأ عشان تشغله وتكسب من وراه، والعيل ده بينضرب من اللي في ادارة الملجأ، واول ما تيجي الكاميرات يلبسوه ويحموه ويبوسوه وهم بيتصوروا جنبه</span></b></div>
<div dir="rtl" style="text-align: right;">
<b><span style="font-size: large;">امبارح مرات ابونا... قصدي الاخوان، طلعت بيان سموه بيان اعتذار باين، وانا مش عارفة الاعتذار فين غير ان جماعة الاخوان بتقول زي يسرا: عيبي اني قلبي كبير ومتسامحة... اكتر غلطة ندمت في حياتي اني عملتها اني وثقت في ناس ما يستاهلوش</span></b></div>
<div dir="rtl" style="text-align: right;">
<b><span style="font-size: large;">والبجاحة ان الاخوان بيقولوا: الكل اخطأ! وفي ثوار شايفين ان الاهانة دي مقبولة، مقبول انهم يتساووا بالاخوان، طب وما يتساووش بالداخلية كمان بالمرة ليه؟ الكل اخطأ في ايه؟ والثوار اخطأوا في ايه غير ان غلطتهم الاساسية اللي بيدفعوا تمنها لحد دلوقت انهم وثقوا في الاخوان، ومن ساعتها والمصايب نازلة ترف عليهم، والاخوان بيسموا جرايمهم دي اخطاء؟</span></b></div>
<div dir="rtl" style="text-align: right;">
<b><span style="font-size: large;">والله بيان امير الاحزان بتاع الاخوان ده في الاول كان حيغيظني، وبعدين قعدت اضحك، دول كان ناقص يكتبوا في اخر البيان: مافيش صاحب يتصاحب، وبيبرروا كل الوساخة والقذارة والجرايم والخيانة اللي عملوها من ساعة ما ربنا بلانا بيهم في الثورة لحد هاذوها اللحظة التي تتم فيها كتابة هذه السطور بأحرف من ذهب على صفحات التاريخ القرمزية بلون الكاتشب، بإنهم "أساءوا التقدير" وإنهم "أحسنوا الظن"، وناس علقت على الهراء ده بإننا ما ينفعش نخش في نوايا الناس، مدام قالوا اساءوا التقدير ما يينفعش نكدبهم! هههههههه خلاثي لاثي لاثي يا ناس... نخ ضهرك بقى عشان مرات ابوك تركب</span></b></div>
<div dir="rtl" style="text-align: right;">
<b><span style="font-size: large;">مرات ابونا بقى عايزة اللي بيحب يستحمر نفسه ينزل معاها يوم 25</span></b></div>
<div dir="rtl" style="text-align: right;">
<b><span style="font-size: large;">في ذات نفس الوقت الذي اصدرت فيه مرات ابونا بيان آه يا دنيا، أصدر أبد الفتاهـ أوميجا تصريحا بإنه لن يسمح بتشويه ثورة يناير... صباح الخييييييييير</span></b></div>
<div dir="rtl" style="text-align: right;">
<b><span style="font-size: large;">صباح الخير صباحنا... وخروفين دبحنا... صباح الخير أنا أقول... يا رب زيد العمر طول</span></b></div>
<div dir="rtl" style="text-align: right;">
<b><span style="font-size: large;">ملحوسة: ده سجع امي كانت بتقولهولي وهي بتصحيني اروح المدرسة، احسن حد يفتكر ان خروفين دبحنا ده المقصود بيهم الاخوان في فض الاعتصامات ولا حاجة، حاكم البهايم كتير</span></b></div>
<div dir="rtl" style="text-align: right;">
<b><span style="font-size: large;">انا كنت باقول لأبد الفتاهـ صباح الخير... صباح الخير يا وش الخير... حبيب هارتي، أنت سابوك يروح عليك نومة من 3 يوليو ولسه صاحي امبارح؟</span></b></div>
<div dir="rtl" style="text-align: right;">
<b><span style="font-size: large;">لن تسمح بايه؟ إيه تاني يا خد الجميل؟ لن تسمح بتشويه ثورة يناير؟ كنّ كل اللي كان بيحصل الشهور اللي فاتت واللي وصل ان ام تبلغ عن ابنها ده كان حاصل غصب عنك؟</span></b></div>
<div dir="rtl" style="text-align: right;">
<b><span style="font-size: large;">ماهو لو كان عكاشة وبس كنا قلنا امن الدولة مش عارف ينضف، لو كان احمد جاموسة بس كنا قلنا رجال الاعمال عايزين ياكلوا عيش، لو كان عبد الرحيم علي معاهم وخلصت كنا قلنا ممكن تتلم، الا حضرتك مافيش قناة،</span></b><b><span style="font-size: large;">ما عدا روتانا سينما وموجة كوميدي،</span></b><b><span style="font-size: large;"> من شق صباح الخلاق لحد ظلمة الليل البهيم الا ونازلة شتيمة في ثورة يناير، وثوار يناير العملا، الجواسيس، القبيضة، بتوع امريكا، وانا لما فتحت زوري لما حد حب يدوس لي على طرف رجعوا قالوا لا نوارة مش من الثوار القبيضة، نوارة من الثوار العبط، على اساس ان ثورة يناير دي ماحدش شارك فيها الا يا عميل يا عبيط، وخلاص الناس كلها اقتنعت، واستقر الامر على كده، وكل اصدقائي من "النوشتاء" اللي الكل عمال يتريق عليهم، امهاتهم خلاص اقتنعوا انهم طابور خامس وابتدوا يتعاملوا معاهم على انهم بيدعوا الفقر، والولية راحت عملت محضر في ابنها، والواد لبس قضية الانتماء لتنظيم ارهابي، والولية دلوقت حاليا عندها احساس انها رأفت الهجاص وضحت بابنها عشان ماسر، وتعيشي يا بلدي يا بلدي تعيشي وزاد الفجر ان ناس من اللي شاركوا في ثورة يناير ينزلوا فيها شتيمة وتشكيك، وناس محسوبة على الثورة بقت تستخدم ضدنا وحجة علينا، ومن كتر ما بذل جهد خرافي لتشويه ثورة يناير الثوار نفسهم شكوا في بعض، وبقوا يفسروا خلافاتهم انهم قبيضة، يعني اللي قرر ينحاز للدولة ابتدا يقول على غيره عميل وقبيض، واللي قرر ينحاز للاخوان ابتدا يقول على غيره جبان وامنجي... ناس واكلين مع بعض عيش وملح وواجهوا الموت مع بعض، يعرفوا بعض اكتر ما امهاتهم تعرفهم لانهم شافوا بعض في مواقف حصرية امهاتهم ما شافتهمش فيها... خسروا بعض ويا ريتها وقفت على الخسارة، خسروا بعض بوساخة، وسخوا مع بعض قوي، قوي قوي قوي، وسبب الوساخة ان الاعلام، اللي حضرتك ما سمحتلوش ومش حتسمح له، واللي منه ناس المفروض كنا بنثق فيها ومحسوبة علينا، اقنعتهم انهم مكريين على بعض... وانا شخصيا، وفريق اخر من الثوار، سبب اننا قررنا اعتزال الفرق المتصارعة - وليس اعتزال الحياة السياسية احسن الناس فهمت كلامي غلط المرة اللي فاتت - هو الوساخة اللي عملها الناس في بعض، وبعدين يزعلوا لما قلت الثورة فيشلت.. فيشلت امال ايه؟ هي الثورة دي مش فكرة؟ طيب اذا كان حملة الفكرة تخلوا عنها وبقى كل واحد فيهم بيتهم زميله اما بانه جاسوس وقبيض او انه امنجي وجبان... تبقى فيشلت ولا ما فيشلتش، ومين السبب في التخبيط الفظيع ده اللي خلا كل الناس تخسر بعض وتوسخ مع بعض؟ مش تشويه ثورة يناير اللي ابد الفتاهـ اوميجا مش حيسمح بيه؟</span></b></div>
<div dir="rtl" style="text-align: right;">
<b><span style="font-size: large;">وانت حضرتك مش حتسمح بيه امتى؟ ده الفرخة مدبوحة، ولو سياستك حبيت تصلح، حتصلح كل ده ازاي؟ حتصلح ان مبارك بريء وما عملش حاجة والشرطة ما ضربتش حد ازاي؟ حتصلح المكالمات اللي اذاعها عبرحيم علي واللي هي عبارة عن: ابقى هاتلي ربع حلاوة ونص كالاماتا... بس عنوانها: فضيحة الناشط فلان... والناس لان الاعلام عمال يأهلها طول الفترة اللي فاتت ان النشطاء دول ناس انجاس، فبقت تسمع هاتلي ربع حلاوة ونص كالاماتا على اساس انه فضيحة وتمصمص شفايفها وتقول شوفتوا النشطاء طلعوا ايه؟ </span></b></div>
<div dir="rtl" style="text-align: right;">
<b><span style="font-size: large;">طلعوا ايه يا حيلتها؟ طلعوا ايه يا عميان مسرحية وجهة نظر؟ عاملين زي الشيخ عبد الباري: عرفة لابس احمررررر والعياذ بالله</span></b></div>
<div dir="rtl" style="text-align: right;">
<b><span style="font-size: large;">واحد بيقول للتاني: يا كبير طلعت بتاع نسوان يا كبير وبيضحكوا... دي فضيحة في ايه؟</span></b></div>
<div dir="rtl" style="text-align: right;">
<b><span style="font-size: large;">واحدة بتشتم في امن دولة، بقت فضيحتها هي؟ ولا فضيحة مقدم البرنامج اللي قال: امن الدولة اكبر جهاز وطني في مصر، اسماء محفوظ بتتآمر على أمن الدولة المصري، مش الاسرائيلي</span></b></div>
<div dir="rtl" style="text-align: right;">
<b><span style="font-size: large;">والنبي حد يقول للافندي ان اسرائيل مافيهاش امن دولة.. وان جهاز امن الدولة وما شابهه موجود بس في الدول المتخلفة اللي ما بتعملش سعر لمواطنيها ولا لحياتهم ولا امنهم</span></b></div>
<div dir="rtl" style="text-align: right;">
<b><span style="font-size: large;">وبعد ده كله، وبعد ما الناس وقعت في بعض وقعة ما تسمحش ابدا، ابدا، ابدا، انهم يرجعوا يبصوا في وش بعض تاني</span></b></div>
<div dir="rtl" style="text-align: right;">
<b><span style="font-size: large;">"لن نسمح بتشويه ثورة يناير"؟ </span></b></div>
<div dir="rtl" style="text-align: right;">
<b><span style="font-size: large;">حضرتك ثورة يناير على وش ولادة</span></b></div>
<div dir="rtl" style="text-align: right;">
<b><span style="font-size: large;">ادارة الملجأ اللي بتعلقنا من رجلينا لن تسمح بتشويه صورتنا وعايزانا ننزل معاها يوم 25</span></b></div>
<div dir="rtl" style="text-align: right;">
<b><span style="font-size: large;">يا دين النبي يا محمد</span></b></div>
<div dir="rtl" style="text-align: right;">
<b><span style="font-size: large;">كل ده عشان يوم 25 يناير قرب؟</span></b></div>
<div dir="rtl" style="text-align: right;">
<b><span style="font-size: large;">بقى الاخوان والسيسي اللي ما كانوش طايقين وش الثوار اتحوجوا لقفاهم دلوقت عشان كل واحد فيهم عايز الثوار الخونة العملا الجواسيس اللي بياخدوا 200 جني وترامادول ينزل معاه هو ما ينزلش مع ضرته؟</span></b></div>
<div dir="rtl" style="text-align: right;">
<b><span style="font-size: large;">سبحان من له الدوام... طب وليه كده؟ ده الثوار دول المفروض يعرفوا حجمهم ويعرفوا انهم مالهمش وجود في الشارع وينزلوا من على التويتر وكده يعني</span></b></div>
<div dir="rtl" style="text-align: right;">
<b><span style="font-size: large;">بالنسبة للاخوة الثوار</span></b></div>
<div dir="rtl" style="text-align: right;">
<b><span style="font-size: large;">اوعى تفتكر اني باحاول امنعك انك تتركب... ابسلوتلي.. انا قررت ما احاولش امنع اي حاجة تحصل لاني مش حاقدر امنع حاجة.. وخصوصا بعد الوساخة اللي وسخها كتير مننا مع بعض.. وسلمت ودنك ودماغك يا للاخوان يا للفلول.. حضرتك عايز تتركب من الاخوان، عايز تتركب من السيسي، براحتك، ما انت حمار اصلا، وهو لازمة الحمار ايه غير انه يتركب؟ </span></b></div>
<div dir="rtl" style="text-align: right;">
<b><span style="font-size: large;">انا اللي عايزة اقولهولك ولكل انسان مصري مكافح حاجة واحدة: </span></b></div>
<div dir="rtl" style="text-align: right;">
<b><span style="font-size: large;">معقم البيبرونات... اوعى تشتريه، ده عبارة عن تنظيف بالبخار، هات حلة فيها مية وحط عليها مصفى وحط البيبرونات في المصفى وغطيهم... ولا انك تدفع الفلوس دي كلها، وماحدش يقول لجوزي الكلام ده، عشان انا اللي دبسته في الفلوس دي كلها، وهو حاسس انه جاب حاجة مهمة، بلاش تحسروه على اللي دفعه</span></b></div>
</div>
Anonymoushttp://www.blogger.com/profile/13861105695847033353noreply@blogger.com0tag:blogger.com,1999:blog-2720530513312889612.post-3411872337238036942014-01-15T23:53:00.001+02:002014-01-16T11:51:51.222+02:00صوت صمت نزف نصف طائر<div dir="ltr" style="text-align: left;" trbidi="on">
<div dir="ltr" style="text-align: left;" trbidi="on">
<div dir="rtl" style="text-align: right;">
<b>ملحوظة:</b></div>
<div dir="rtl" style="text-align: right;">
<b>البوست ده طويل بشكل غبي ومتعمد بهدف ان ماحدش يقراه غير اللي مهتم فعلا وعنده طاقة يقرا بوست طويل، لان من عادة اللجان الالكترونية - سواء اخوان او فلول - انهم ما يقروش حاجات طويلة، الوقت اللي حيستهلكوه في قراية بوست طويل، يخشوا فيه على تلاتين صفحة ويشتموا اكبر عدد ممكن من البشريات، ومن ثم، فما فيش وسيلة لتعجيزهم غير انك تقطع نفسهم في القراية فييأسوا، وانا سيد من يقطع نفس القارئ وانا مش قاصدة، فما بالك وانا قاصدة، زي مثلا اني اكتب ملحوظة المفروض عرفا لا تتجاوز سطرين واعملها لحاف زي ما انتوا شايفين كده، ثم ان التجربة علمتني ان اللي مالوش خلق يقرا حاجة طويلة ما بيبقاش شخص ينفع تحترم مخه... الواحد طلع ميتين اهله في الثورة دي، وانا ما كنتش كده قبل الثورة، ده انا كنت برنسيسة، وياما طلعت ميتين مبارك في اطار البرنسسة بتاعتي، بس بعد الثورة آمنت بان الثورة دين جديد زي ما مالك مصطفى بيقول، واخدت على نفسي عهدة الكرازة، ومشيت حافية ولابسة خيش وعرضت نفسي لكلاب السكك وفيران البلاعات وعرس الجراجات عشان ابشر بالدين الجديد... لكن خلاص.. زمن الللللللللل.... خلاص انتهى، وحارجع تاني للدايرة المحدودة بتاعتي اللي كنت باتحرك فيها، لان الدين الجديد حسينه اتقتل، وكتابه اتركن، ومشايخه بقوا بتوع فتة بدري بدري، وانا ما ارتدتش... بس... ولا على ايه؟ اقرا البوست عشان تعرف</b></div>
<div dir="rtl" style="text-align: right;">
<b>توكلنا على الله</b></div>
<div dir="rtl" style="text-align: right;">
<b>بسم الله الرحمن الرحيم</b></div>
<div dir="rtl" style="text-align: center;">
<b>***</b></div>
<div dir="rtl" style="text-align: right;">
<b>لسه لما باتصل برقم بابا باتوقع ان ام زينب ترد عليا وتدي ابويا التليفون</b></div>
<div dir="rtl" style="text-align: right;">
<b>لسه لما احتار في حاجة اقول في مخي: ابقى اسأل بابا... وبعدين افتكر اني مش حاقدر اسأله</b></div>
<div dir="rtl" style="text-align: right;">
<b>لسه لما اقابل حاجة تضحك ابقى عايزة احكيها لبابا، في جزء من الثانية مخي يقولي: ابقي قولي لبابا، وبعدين يرجع يفتكر اني مش حاقدر اقولها لبابا</b></div>
<div dir="rtl" style="text-align: right;">
<b>لسه يا بابا.. لسه في كلام كتير ما قولتوش، حكاوي كتير ما حكيتهاش، اسئلة كتيرة ما سألتهاش، ضحك كتير كنت شايلاه عشان اضحكه معاك، اغاني كتير كنت عايزة اغنيها معاك.. لسه في حيرة كتير عايزاك تفصل لي فيها.. لسه في نبوءات كتير عايزاك تتوقعها لي.. ولسه لما حد يقول اسم ابويا ويتبع الاسم بعبارة: الله يرحمه، ابقى مش فاهمة هو بيتكلم عن ايه؟ لسه يا بابا... خليت بيا وانا لسه مش عارفة اتعامل مع الفكرة</b></div>
<div dir="rtl" style="text-align: right;">
<b>الاب ما يتعوضش</b></div>
<div dir="rtl" style="text-align: right;">
<b>والاستاذ ما يتعوضش</b></div>
<div dir="rtl" style="text-align: right;">
<b>والصاحب ما يتعوضش</b></div>
<div dir="rtl" style="text-align: right;">
<b>والمثل الاعلى ما يتعوضش</b></div>
<div dir="rtl" style="text-align: right;">
<b>ولما يبقى الاب هو الاستاذ والصاحب والمثل الاعلى حاستعوض ربنا في ايه ولا ايه؟ العوض على الله عموما، بس اللي انا عارفاه كويس اني ما بقتش زي الاول، ومش عارفة حاقدر ارجع زي الاول ولا لا؟ بس هو فيه فجوه حصلت في قلبي كده او حفرة، مش عارفة حتتردم ازاي؟ </b></div>
<div dir="rtl" style="text-align: right;">
<b>الناس ممكن تستغرب ان ابويا عمره 84 سنة ومع ذلك ما توقعتش انه يموت... الحقيقة اني ما توقعتش خالص، عمر ما عرفت اعمل رابط بين ابويا والموت، ولحد دلوقت مش عارفة اعمل الرابط ده، حاسة كأنه مسافر مثلا، طفشان في حتة من الحتت اللي كان بيهج فيها وحيرجع تاني</b></div>
<div dir="rtl" style="text-align: right;">
<b>احساس الفقد الفادح ده مغير كتير من نظرتي للحياة والامور على الاقل دلوقت، ما اعرفش بعد كده حابقى عاملة ازاي؟ بس عندي احساس كده ان كله محصل بعضه، وعندي احساس كمان اني اتعمل فيا مغرز وان الدنيا مالهاش امان وممكن تعمل فيا مغرز تاني، والغريبة اني مش عارفة ايه الاحتياطات اللي الواحد ممكن يتخذها عشان يتجنب مغارز الدنيا اللي شبه كده، ثم انا مش متعودة اني اقابل موقف ما يبقاش له حل، ودايما بافكر في حل، او تصرف، يا تحل المشكلة، يا تخلينا نتجنب اسوأ نتائجها</b></div>
<div dir="rtl" style="text-align: right;">
<b>اللي اكتشفته بقى بعد تجربة الفقد دي ان مافيش حل لاي حاجة، وان مافيش منطق في اي حاجة، وان غالبا احنا لا بنحل ولا بنربط، والمرواح والمجي اللي احنا بنعمله ده مجرد دوشة عشان نوهم نفسنا اننا عملنا حاجة، والحقيقة ان ربنا هو اللي عامل كل حاجة بنسبة 100%، وكل اللي احنا بنقول عليه حلول او تصرفات مجرد غرفشة كده عشان نعمل حس لبعض، يعني مثلا، ابويا جات له جلطة من حوالي 12 سنة، والمفروض انه كان يموت، ليه بقى؟ لان ابويا لما جات له الجلطة، جاله الدكتور عشان يلحقه، فابويا ولع سيجارة، ونقلوه العناية المركزة، وابويا كان بيدخن في العناية المركزة، جواها يعني، ولما ام زينب حاولت تمنعه، قال لها: انت مالك؟ قالت له: انا مراتك ولازم احافظ على صحتك.. قالها: لا انت مش مراتي.. انت طالق اساسا... وراح مولع سيجارة تانية... مارلبورو احمر... علبتين تلاتة في اليوم... جوه العناية المركزة، لا انا ولا مراته ولا الدكاترة ولا الممرضات عرفوا يمنعوه... ام زينب قالت للدكتور ده رمى عليا يمين يا دكتور.. قال لها انت شايفة ان ده يجوز له اي حاجة من اللي بتجوز على الناس العادية؟ ده بيولع سجاير في العناية المركزة</b></div>
<div dir="rtl" style="text-align: right;">
<b>الاول دخل مستشفى صديقه محمود عبد الظاهر، وكان بيجيب صحابه ويسهروا في المستشفى، ويدخن عادي، بعدين نقلناه المعادي، وبعدين السلام، بعدين مستشفى تانية في شارع سوريا، انا مش فاكرة الترتيب بتاع المستشفيات، بس احنا دخلناه العناية المركزة بتاعة كل المستشفيات، يخش مغمى عليه، يدوبوا له الجلطة، اول ما يفوق يولع سجاير ويجيب صحابه يسهروا في الرعاية</b></div>
<div dir="rtl" style="text-align: right;">
<b>الطبيعي ان واحد بيعمل التصرفات دي يموت... امال يعيش ازاي يعني؟ واحد بيلف سجاير في العناية المركزة وهم معلقين له المحاليل اللي بتدوب الجلطة، لا وجايب صحابه وحرافيشه وقالبين الرعاية مجلس قيادة السطوح... يعيش ازاي بقى؟ </b></div>
<div dir="rtl" style="text-align: right;">
<b>بس هو عاش... الغريب انهم لما عملوا له اشعة مقطعية على المخ قالوا له ده انت كان عندك اثر جلطة قبل كده... فام زينب افتكرت انه من كام سنة قبلها جات له حالة شبه الحالة اللي جات له وقت الجلطة، بمعنى بقه اتعوج واغمى عليه وايديه ورجليه اتيبسوا، وام زينب قعدت تفوق فيه، وبعدين فاق وبقى كويس من غير دكتور ولا مستشفى</b></div>
<div dir="rtl" style="text-align: right;">
<b>وغير الجلطة اللي خف فيها ذاتيا دي، وغير الجلطة المشار اليها، جات له بعد كده جلطتين، يعني اربع جلطات، ولا مرة فيهم بطل تدخين وشاي وقهوة وسهر... وعاش عادي، ما ماتش</b></div>
<div dir="rtl" style="text-align: right;">
<b>ابويا بقى قبل ما يموت بسنتين كان مبطل التدخين خالص، وكان بينام بدري، وقبلها بخمس ايام كان عامل فحص كامل والدكتور قال له: ايه يا عم احمد ده؟ دي تقارير طبية بتاعة شاب عنده عشرين سنة... ده انت اصبى مني</b></div>
<div dir="rtl" style="text-align: right;">
<b>بس مات</b></div>
<div dir="rtl" style="text-align: right;">
<b>مات بطريقة غريبة قوي، صحى ام زينب وعمل لها كوفي ميكس، وقال لها انا حاروح اجيب بانادول عشان الخنفرة اللي بتجيله كل لما يسافر مع تغيير الجو.. ام زينب سمعت صوت هبدة، راحت له لقته واقع مكان ما كان واقف وجنبه البانادول، بتقلبه على ضهره لقته بياخد نفسه بصعوبة قامت تجيب له مية ورجعت لقته رافع صباعه وبيتشاهد... وخلاص</b></div>
<div dir="rtl" style="text-align: right;">
<b>كده</b></div>
<div dir="rtl" style="text-align: right;">
<b>بمنتهى البساطة</b></div>
<div dir="rtl" style="text-align: right;">
<b>واحد قضى حياته كلها في قلب الخطر، كان المفروض يموت وهو بينضرب في السجن، او وهو واقف في مظاهرة قصاد الامن، او وهو هربان من القبض عليه، او يموت من الجوع اللي ما كانش بيفارقه، او يموت من الجلطات، او من اهماله في صحته، او من حياته اللي مش مستقرة... تجاوز ده كله وعاش... ومات بعد ما الدكتور قال له صحتك زي شاب عنده عشرين سنة</b></div>
<div dir="rtl" style="text-align: right;">
<b>حتتعب نفسك وتسأل طب ليه؟ مافيش اجابة غير: ربنا بقى</b></div>
<div dir="rtl" style="text-align: right;">
<b>حاجة كده زي الحاجات اللي بتحصل في الدنيا ومالهاش اجابة غير ربنا، زي مثلا ان اتنين متجوزين تحاليلهم الاتنين زي الفل ومع ذلك ما يخلفوش، بينما ناس تانية تمنع الحمل وتخلف، او تقاريرها الطبية تقول انها محتاجة علاج وتخلف... ازاي؟ ربنا بقى</b></div>
<div dir="rtl" style="text-align: right;">
<b>ويبدو ان اجابة "ربنا بقى" هي الاجابة الوحيدة الصحيحة على كل حاجة، حتى الحاجات اللي احنا شايفين لها اسباب مباشرة، زي مثلا ان الثورة فشلت بسبب الاخوان.. دي الاجابة المباشرة، بس الحقيقة هو ربنا بقى</b></div>
<div dir="rtl" style="text-align: right;">
<b>ربنا اللي بيعمل كل حاجة... وده في حد ذاته الشئ المريح الوحيد في حياتي دلوقت</b></div>
<div dir="rtl" style="text-align: right;">
<b>انا ما حضرتش حفل تأبين ابويا، ومش السبب اني لسه والدة، السبب ان ابويا نفسه مات... حاعمل ايه بحفل التأبين؟</b><br />
<b>انا اتحرمت من الحضن ده</b><br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiVva2_GyvkI5adU0H7XK8ikqPLdXj865_-nPz895idU0NvxVpovs94ezQrN8WSPrzpKQYE0Aec8srmadH2XFsZ9EX5Cojijg-035WY2MFm6DPj2gEdLTm8SqASecfFVPz4zE546jUQPZQ/s1600/%D8%A7%D9%86%D8%A7+%D9%88%D8%A8%D8%A7%D8%A8%D8%A7.jpg" imageanchor="1" style="margin-left: 1em; margin-right: 1em;"><b><img border="0" src="https://blogger.googleusercontent.com/img/b/R29vZ2xl/AVvXsEiVva2_GyvkI5adU0H7XK8ikqPLdXj865_-nPz895idU0NvxVpovs94ezQrN8WSPrzpKQYE0Aec8srmadH2XFsZ9EX5Cojijg-035WY2MFm6DPj2gEdLTm8SqASecfFVPz4zE546jUQPZQ/s1600/%D8%A7%D9%86%D8%A7+%D9%88%D8%A8%D8%A7%D8%A8%D8%A7.jpg" height="320" width="320" /></b></a></div>
<b><br /></b></div>
<div dir="rtl" style="text-align: center;">
<div style="text-align: right;">
<b>ومافيش حاجة حتعوضني عنه</b></div>
<b>***</b></div>
<div dir="rtl" style="text-align: right;">
<b>حضراتكوا عارفين ان انا نفسة وكده، ومن ثم فمتابعتي للاشياء اللي بتحصل في الحياة مش على مستوى الاحداث</b></div>
<div dir="rtl" style="text-align: right;">
<b>وعموما احسن</b></div>
<div dir="rtl" style="text-align: right;">
<b>عشان كل ما اعرف حاجة بالمصادفة او اسمع طراطيش كلام الاقي اخبار تغم وتقرف الكلب الاعور الحزين، والزعل وحش على اللي زيي... وحرام عليا الانسانة المسكينة دي اللي ربنا ابتلاها بيا، كفاية من ساعة ما خلفتها دايرة بيها على المستشفيات والدكاترة والحضّانات، والحمد لله على كل حال</b></div>
<div dir="rtl" style="text-align: right;">
<b>وانا كل ما الاقي نفسي متضايقة اقول ربنا اللي عمل كده فارتاح</b></div>
<div dir="rtl" style="text-align: right;">
<b>وانا مش باحاول اريح نفسي ولا حاجة، هو ربنا فعلا اللي عمل كده، اهو ما انا لخصت لكوا حياة ابويا اهو، ما ماتش وقت ما كان منطقي يموت، ومات وقت ما كان مش منطقي يموت</b></div>
<div dir="rtl" style="text-align: right;">
<b>على كل حال</b></div>
<div dir="rtl" style="text-align: right;">
<b>سمعت طراطيش ان الجيزاوي اتحكم عليه وبيتجلد تقريبا، او حاجة كده، عرفت الموضوع ده من اخوانجي كان بيزايد عليا ويسألني مش حتقولي طظ في ذاتك الملكية زي ايام الاخوان</b></div>
<div dir="rtl" style="text-align: right;">
<b>وانا مش عارفة ليه هو عرص، غير انها حكمة ربنا برضه، لان حملة طظ في ذاتك الملكية دي كانت فترة حكم طنطاوي، مش مرسي، بس يبدو ان الاخوان شايفين ان طنطاوي جزء من حكم الاخوان</b></div>
<div dir="rtl" style="text-align: right;">
<b>هم ادرى... بس هم سربوا للسيسي تسجيل بيقول فيه ان طنطاوي هو اللي ورا كل ده وما معناه احنا عايشين بحسه</b></div>
<div dir="rtl" style="text-align: right;">
<b>حية مولفة طنطاوي ده.. وحيموت على سريره عشان تبقوا عارفين يعني، اهو ده الوحيد اللي مش حيجرا له حاجة على كل الدواهي اللي عملها، كلنا لابسين في حيط وداخلين على ايام سودا، والسواد اللي شوفناه قبل كده كوم واللي جاي علينا كوم تاني، وحيطول كل الناس بما فيهم اللي رقصوا قدام اللجان، الا طنطاوي.. حيفضل في مأمن، وبكرة تشوفوا، وحتى في الاخرة مش عارفة ربنا حيحاسبه ازاي؟ اصله الراجل مقتنع انه بيعمل ده كله عشان الوطن وخير الانسانية، ومقتنع تماما انه انقذ البلد من مؤامرة كونية هو نفسه مش عارفها... وواضح ان السيسي كمان مش عارفها، بدليل انهم عمالين يدوروا عليها في تسجيلات عبد الرحيم علي، بس واضح كمان انهم مقتنعين فعلا ان فيه مؤامرة، يعني بيشتغلوا نفسهم كمان مش بيشتغلونا احنا بس</b></div>
<div dir="rtl" style="text-align: right;">
<b>احنا ايه للي جابنا هنا؟</b></div>
<div dir="rtl" style="text-align: right;">
<b>اه.. الجيزاوي</b></div>
<div dir="rtl" style="text-align: right;">
<b>فانا بقى هاذوها الكائنات الاخوانجية بتزايد على ايه مش عارفة؟ اذا كان احنا تظاهرنا عشان الجيزاوي ايام طنطاوي، واللي راح يلحس شبشب الملك كان الكتاتني ومحمد حسان ومصطفى بكري رجل كل العصور، وبعدين مرسي مسك الحكم وما عملش حاجة للجيزاوي، واحنا ما عملناش مظاهرات ولا حاجة، عملنا ندوة بس، ثم انا حاتظاهر عند السفارة ازاي وانا والدة وبطني مفتوحة؟</b></div>
<div dir="rtl" style="text-align: right;">
<b>من الحاجات المؤلمة جدا اللي حصلت وعرفتها برضه طراطيش كلام لاني ما كنتش في حالة تسمح لي اعرف، ان باسم محسن مات</b></div>
<div dir="rtl" style="text-align: right;">
<b>مات تاني يوم ما ولدت، وما حدش قال لي... عرفت بعد كده، ومن غير تفاصيل، باسم بقى ده عبارة عن ملخص للثورة المصرية، باسم داخلية مبارك اصابته في 28 يناير 2011، طنطاوي طير له عينه في محمد محمود، مرسي حاكمه عسكريا وسحلوه في جمعة كشف الحساب وعذبوه، واخيرا السيسي قتله وريحه من الشقا المتواصل ده</b></div>
<div dir="rtl" style="text-align: right;">
<b>وعرفت ان الاخوان اتصنفوا جماعة ارهابية، وعموما احنا حندفع تمن القرار الاحمق ده، زي ما دفعنا وبندفع تمن فض اعتصام رابعة بالقوة</b></div>
<div dir="rtl" style="text-align: right;">
<b>انا مش عايزاكوا تقلقوا من حاجة.. احنا لابسين لابسين، كلنا، يعني اللي بيقرن وبيوسخ وبيطبل عشان فاكر انه بينجي نفسه مش حينجو من حاجة، حيلبس معانا... طرفين في منتهى الشر والغباوة بيتصارعوا، واحنا في النص زي سرحان عبد البصير، والحقيقة اللي انا شايفاه ان الطرفين المتصارعين قرروا يولعوا في نفسهم وياخدوا بعض بالحضن ويدفسونا معاهم... فكلنا مولعين بجاز وسخ، ومافيش اي جندلة ولا وساخة حتنجي حد من حاجة.. وعلى رأي امي: اللي يروح في داهية ما يتوهش، ومش عايزاك تقلق، انت تقلق لو رايح في داهية لوحدك، انما مدام كلنا رايحين فيها يبقى فيه ونس ان شاء الله، مش حتبقى لوحدك</b></div>
<div dir="rtl" style="text-align: right;">
<b>هو ايه سبب انهم صنفوا اي حد يتقال عليه اخوان انه ارهابي غير انهم مش عارفين يسيطروا؟ الاخوان جماعة ارهابية.. طيب، حتعرفهم منين الاخوان دول؟ ما عندهمش قوائم عضوية، وما عندهمش كارنيهات، انت ناسي دي جماعة محظورة؟ ثم ان دول لما كانوا في الحكم كانوا بيبقوا اخوان ويقولوا انا مش اخوان على فكرة، يبقى حتعرف منين الاخوانجي؟ هو القاسم المشترك اللي بين الاخوان كلهم انهم لزجين ودمهم تقيل، بس دي خاصية لا ينفرد بيها الاخوان بس.. يعني لو قررت تعتمد الصفتين دول عشان تحدد الاخوانجي، يبقى حتقبض على عبد الرحيم علي ومصطفى بكري بتهمة انهم اخوان</b></div>
<div dir="rtl" style="text-align: right;">
<b>عرفت كمان ان احمد ماهر ومحمد عادل واحمد دومة انطسوا تلات سنين، وناس بتقول عليهم احسن يستاهلوا عشان محمد عادل واد رخم واهبل، وفي ناس بتستشهد بكلامي لما اتخانقت معاه وقلت له انت اخوانجي.. طيب يعني هم ناويين يحبسوا كل اللي انا باتخانق معاهم مثلا؟ انا موافقة على فكرة، لو معيار الحبس اي حد نوارة تتخانق معاه، يبقى قشطة... بس الحقيقة انا مش فاهمة هم التلاتة اللي عكس بعض دول انطسوا تلات سنين ليه؟ والاهم هي الناس شمتانة فيهم ليه؟ بالنسبة للاخوان هم قاعدين يشمتوا على روحهم عادي، بس الطرف التاني اللي انا مش عارفة اطلق عليهم اسم ايه بالتحديد، ما ينفعش اقول عليهم فلول بس لان مش كلهم فلول، وما ينفعش اقول سيساوية بس لان مش كلهم سيساوية، هم ينفع يتقال عليهم الوجه الآخر لعملة الاخوان، ومع عدائهم المريع للاخوان، بس هم فولة واتقسمت نصين من الاخوان الحقيقة، دول حتى هم الاتنين شمتوا ان علاء عبد الفتاح اتقبض عليه، والاتنين قالوا ان ربنا انتقم من علاء عشان شتم الشعراوي! والطرفين بيحبوا الشعراوي ومسميين نفسهم الثائر الحق، ممكن يكونوا بيشمتوا من نفس المنطلق اللي خلا ام علي الزيات تبلغ عنه.. وانا الحقيقة ما اقدرش اهاجم الطرفين فقط واتجاهل بقية الاطراف بما فيهم ناس انا محسوبة عليهم او هم محسوبين عليا.. عشان فيه حالة وساخة عامة</b></div>
<div dir="rtl" style="text-align: right;">
<b>يعني اللي بيأخون بيأخون بوساخة، اللي بيفل بيفل بوساخة، اللي بيثور بيثور بوساخة، حتى اللي عامل عنده ضمير بيضمّر بوساخة برضه... انا كنت باقول فسية شيطان، بس واضح ان الموضوع تطور والشيطان جاله اسهال وطرطش ولغوص الكل، عشان كده مش متشجعة قوي اشارك في ما يحدث في الحياة.. اولا انا عارفة ديتها وعارفة اننا لابسين لابسين، ثانيا، انا مش لاقية طرف مش متعاص كاكا... حتى اللي عاملين ثوار واصحاب مبادئ... طبعا مش لانهم عملا وجواسيس، بس لانهم متلخبطين، والواحد لما يتلخبط يعتزل... زي ما انا قررت اعتزل كده، لان فعلا المشهد مربك</b></div>
<div dir="rtl" style="text-align: right;">
<b>وقد تكون دي اخر نبوءة لابويا، اصل ابويا كل اللي حصل قبل كده هو تنبأ به، وقد يكون موته في حد ذاته نبوءة للي جاي... خلع، ابويا خلع</b></div>
<div dir="rtl" style="text-align: right;">
<b>وعرفت ايه تاني؟ عرفت ايه تاني؟</b></div>
<div dir="rtl" style="text-align: right;">
<b>عموما مش مهم... ممكن اكون مش فاكرة، وممكن اكون ده كل اللي عرفته، بس انا الحقيقة مش حاعرف اعمل حاجة حيال اللي انا عرفته ده، غير اني اتضايق، لان كلها اخبار تضايق، وردود افعال الناس اللي مع واللي ضد كمان تضايق</b></div>
<div dir="rtl" style="text-align: right;">
<b>زي ما قلت: في روح وسخة لابسة البلد كلها... وفي ظلم كتير، قتلى كتير، مساجين مظلومين كتير، افترا كتير، وامهات بتبلغ عن عيالها... اظن مافيش اوسخ من كده، واظن قرب قوي الوقت اللي لما حد يتقال له يابن الوسخة يفرح، او يقول للي بيشمته: انا ابن وسخة وبنت وسخة كمان</b></div>
<div dir="rtl" style="text-align: center;">
<b>***</b></div>
<div dir="rtl" style="text-align: right;">
<b>بالنسبة للاستفتاء، فانا من اول ما ابتدوا يعملوا الدستور وانا متوقعة ان نسبة المشاركة حتبقى كبيرة قوي وان نعم حتكتسح ايا كان اللي مكتوب في الدستور، مش لاني مكشوف عني الحجاب، ابويا ومالك مصطفى بس هم اللي مكشوف عنهم الحجاب، لكن لاني عندي دم وباحس بالناس</b><br />
<b>الناس تعبت، وعلى راي امي حين تردد المثل الشهير اللي كانت بتقوله جدتي تعليقا على اي حد زهقان وعايز يخلص: إخري في طاقيتي خليني امشي</b><br />
<b>اولا الناس مستفزة جدا، بفتح الفاء، وكان ممكن الغباوة اللي بيعملها النظام الحاكم ضد الاخوان تخلي الناس تتعاطف مع الاخوان تاني، لولا الغباوة اللي بيعملها الاخوان ردا على الغباوة اللي بيعملها النظام، وكل واحد فيهم عمال يجيب اجوان في نفسه، بس لحد دلوقت هداف الاخوان اللي بيجيب اجوان في نفسه مكتسح، فطبيعي الناس حتصوت بنعم وحتشارك بنسبة كبيرة، ومش عارفة اي حد كان متوقع حاجة تانية كان متوقعها ازاي؟ البعيد ما عندوش دم؟ ما هو لو كل انسان حس بغيره كان مشاكل كتير اتحلت... لكن اظن ان اغلب المشاكل اللي حصلت لنا سببها ان ماحدش حاسس غير بنفسه هو وبس، وبخسائره هو بس، ومش عارف يحس بغيره، لو فكرت تحس بغيرك حتعرف تتوقع حاجات كتير من ردود افعال الناس... اما موضوع الرقص ده، فسببه انهم عايزين يكيدوا الاخوان... وعموما النسبة العالية بتاعة المشاركة والتصويت بنعم دي مش في مصلحة النظام الحاكم خالص... مع انها مش متزورة ولا حاجة، بس تنم عن عشم يودي في الداهية، اصل الشعب ده ماشي بمبدأ: ماحدش بيثور قوي الا لما يتعشم قوي... زي ما اتعشم في الاخوان وبعدين اتغابى عليهم</b><br />
<b>انا ما نزلتش طبعا، مش عشان مقاطعة لا سمح الله... بس عشان السبب ده</b><br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEjLPS_26Oq2ugLZuhZ_SgQUnLWYspJRBZU-M-vuE8ylhBBNosdzMKEiHCdRwy8Dxy_ywXNbdnLrGMl4LN2nGr1OAwzPhHi1SWINoRIi5bQ7-fiPDdB_eLyffU_-9RkBPeDzm1A1WcHvMN0/s1600/%D8%B1%D9%88%D8%A8%D9%8A.jpg" imageanchor="1" style="margin-left: 1em; margin-right: 1em;"><b><img border="0" src="https://blogger.googleusercontent.com/img/b/R29vZ2xl/AVvXsEjLPS_26Oq2ugLZuhZ_SgQUnLWYspJRBZU-M-vuE8ylhBBNosdzMKEiHCdRwy8Dxy_ywXNbdnLrGMl4LN2nGr1OAwzPhHi1SWINoRIi5bQ7-fiPDdB_eLyffU_-9RkBPeDzm1A1WcHvMN0/s1600/%D8%B1%D9%88%D8%A8%D9%8A.jpg" /></b></a></div>
<b><br /></b>
<b>الاستفتاء مش متزور</b><br />
<b>ونسبة المشاركة فعلا كبيرة والناس فعلا قالت نعم نعم نعم نعم نعم نعم نعم من جوه القلب</b><br />
<b>بس ده الاستفتاء الاول في تاريخ البشرية اللي بيتقبض فيه على اللي بيصوت بلا مع ان لا مكتوبة في البطاقة.. يعني لو التصويت بلا عيب او خيانة... كاتبينه ليه في البوطاقة؟ عاملين كمين للخونة</b><br />
<b>الايام بينما</b><br />
<b>بكرة حيعملوا انتخابات ويرصدوا اللي ما نزلش يصوت ويقولوا عليه مقاطع ويقبضوا عليه.. احسن تفتكر نفسك يعني حتفلت لما ما تشاركش في عملياتهم الانتخابية... آه... ده احنا مصحصحين قوي</b><br />
<b>طبعا ياعيني الوجه الاخر لعملة الاخوان اللي هم مجموع اللي ضد الاخوان بس عاملين زيهم ماسكين في الثوار وعمالين يقولوا لهم عشان تعرفوا حجمكوا يا نكسجية، انزلوا من التويتر على ارض الواقع... انا سمعت الكلام ده فين قبل كده يا اخواتي؟ اه... بعد انتخابات مجلس الشعب اللي كسب فيه الاخوان باكتساح... يا فندم احنا عارفين حجمنا كويس، وماحدش فينا قال اننا من الاغلبية الصامتة ولا الناطقة، احنا من الاقلية اللي مالهاش لازمة.. المهم تعرفوا انتوا حجمكوا... هيييييييييه... سبحان من له الدوام، الملايين اللي نزلت تصوت بنعم دي هي هي ذات نفسيتها اللي نزلت انتخبت الاخوان باكتساح في مجلس الشعب.. هو الشعب كده زي الخيارة</b><br />
<b>بالنسبة للبوس اللي اكله الظباط على صداغهم... بجد صعبوا عليا، ربنا ما يحكم نسوان المصريين على ظباط</b><br />
<b>اما يا عيني الاخوان، فهم عايشين في عالم موازي، وبيقولوا ان مافيش اقبال على الاستفتاء هههههههههههه وبيقولوا الشرعية للشارع مش للصناديق.. الاخوان بيشككوا في الصناديق بعد ما كانوا بيقولوا لنا الصناديق هي لعبتنا وانتوا منعزلين عن الشارع واعرفوا حجمكوا... ياعيني ع الحلو اما تبهدله الايام، لا ونازلين يعملوا لبش في اللجان.. هو في حد بيعمل ثورة على شعب يا عم انت؟ والاخوان مسميين الدستور ده "دستور الدم" على اساس ان مجلس الشعب اللي كانوا فرحانين بيه ما كانش مجلس شعب معمول على الدم برضه.... اظن يعني انتخابات مجلس الشعب كان على دم ضحايا محمد محمود واحنا ما نزلناش نحاول نمنع اللجان انها تشتغل زي ما الاخوان عملوا المرة دي؟ مش لاي سبب، غير لان اي حد عنده الحد الادنى من المفهومية ما يصحش يتحدى الشعب، سوا شايفه غلطان ولا صح.. على الاقل لان دي معركة مش متكافئة</b><br />
<b>كانت فاطمة عابد قالت لي: انت مش ملاحظة ان الناس في سنة واحدة بالغت قوي في كره الاخوان اكتر ما كرهوا مبارك في 30 سنة؟ فقلت لها: السبب الاساسي هو التعالي</b><br />
<b>مافيش انسان في الدنيا يكره قد اللي يتعالى عليه ويحسسه انه زبالة وانه جاي ينضفه</b><br />
<b>وده الاحساس اللي وصله، ومازال بيوصله، الاخوان للناس.. احنا جايين ننضفكوا.. احنا الساجدين الحرائر وانتوا العبيد، ووصل الامر بصفحة اخوانية تكتب تقول: احنا اللي عملنا لكوا صوت وفي الاخر تشيعونا! هم جايببين الاوهام دي منين والنبي؟</b><br />
<b>ده حتى المهفوف محمد الجوادي بيقول ان الاخوان مهمين للامن القومي وانهم هم اللي حيبنوا مصر زي ما البيوريتانز بنوا امريكا! احنا عايشين في عنبر العقلاء والله</b><br />
<b>والحقيقة احنا في مصيبة كبيرة... مصيبة كبيرة.. والثورة فيشليت زي اللمبي بالظبط، ومافيش سبب لكل اللي بيحصل لنا دلوقت غير الاخوان حصرا... حصلت لهم معجزة منزلة من السما، خرجوا من السجن على الحكم، وبدل ما يتواضعوا لله ويتقوا ربنا، وسخوا اوسخ وساخة</b><br />
<b>والحقيقة كمان، فيه اجماع على وساخة الاخوان، حتى الاخوان نفسهم مقرين انهم وسخين، انت عمرك سمعت حد من الاخوان، غير محمد الجوادي المهفوف، لما تقول له: انتوا اوساخ، يقولك: لا مش اوساخ؟ والله ما حصل... كل دفاعهم: مش احنا الاوساخ الوحيدين في البلد</b><br />
<b>طيب اذن بما ان فيه اجماع على وساخة الاخوان، بما فيهم الاخوان نفسهم، ايه اللي موقع الناس في بعضها ومخليهم يخونوا بعض، ويضربوا بعض، والامهات تبلغ عن عيالها؟ الخلاف الاساسي في كيفية التعامل مع هذه الوساخة</b><br />
<b>في ناس شايفة اننا لازم نبيد الاخوان.. والحقيقة ان الحل ده، فوق انه متوحش، مش عملي، وكمان مكلف، احنا ما عندناش ميزانية ابادة، الى جانب ان نتائجه مش مضمونة، هتلر عمل محرقة لليهود وبرضه ما عرفش يبيدهم، وكانت النتيجة ان اليهود استغلوا الهولوكوست، وكان الهولوكوست في مصلحتهم... زي ما فض اعتصام رابعة في مصلحة الاخوان كده</b><br />
<b>وفي ناس كرد فعل للناس اللي عايزة تبيدهم بتنضم ليهم وهي سادة مراخيرها.. ولما تقولهم: بتعصروا لمون تاني ليه؟ يقولك: ما احنا واضح اننا حنضطر نعصر لمون في كل الاحوال، وهي وجهة نظر برضه، بسبب حالة الوساخة العامة، فهم حاسين انهم لو حيعصروا لمون في كل الاحوال يا اما على الاخوان يا اما على ناس بتقول عليهم نكسجية، يبقى على الاقل ما يتضامنوش مع اللي في السلطة</b><br />
<b>بس انا عندي امكانية اني اعتزل كل الاطراف وانا ضميري مرتاح، انا مش محتاجة اثبت حاجة لحد، ومش عايزة اخالف ضميري، ولا حاقدر اخالف ضميري، وماعنديش حاجة عايزة اكسبها</b><br />
<b>عارفة ان كان فيه ناس بتسأل عليا كنوع من انواع الاستعباط والوساخة، وفي ناس بتسأل عشان نتونس ببعض زي ما انا باسأل عليهم</b></div>
<div dir="rtl" style="text-align: right;">
<b>بس انا عايزة اقول لكوا اني فعلا مش عارفة</b></div>
<div dir="rtl" style="text-align: right;">
<b>ربنا اللي بيعمل كل حاجة فعلا.. وانا ما عنديش اي اجابات تانية</b></div>
<div dir="rtl" style="text-align: right;">
<b>يعني ابويا مات، والثورة فشلت، والناس اتهبلت في تزامن تاريخي عجيب</b></div>
<div dir="rtl" style="text-align: right;">
<b>وزي ما حفل تأبين ابويا ما حضرتوش لان الحفلة مش حترجع لي اللي مات، حفل تأبين الثورة اللي بيحصل دلوقت مش ناوية احضره</b></div>
<div dir="rtl" style="text-align: right;">
<b>ممكن كلمة "الثورة فشلت" تكون خبطت في وش حد ضايقته دلوقت</b></div>
<div dir="rtl" style="text-align: right;">
<b>بس انا ما اقدرش اغش حد، ولا اضحك على نفسي... ومش ناوية اشهد زور مهما حصل</b></div>
<div dir="rtl" style="text-align: right;">
<b>فاجتنبوا الرجس من الاوثان، واجتنبوا قول الزور</b></div>
<div dir="rtl" style="text-align: right;">
<b>بصراحة: مافيش امل حاليا دلوقت.. ومبارك قالها لنا كلمة حكمة من سنين طويلة: احنا داخلين على ايام سودا</b></div>
<div dir="rtl" style="text-align: right;">
<b>مش حتلاقوني عندي الامل اللي ممكن ناس يكون نفسها اديهولها عشان نتونس ببعض... انا اسفة</b></div>
<div dir="rtl" style="text-align: right;">
<b>انا كنت قاعدة اقول ايام سودا واحنا داخلين على ايام سودا، ومالك مصطفى زعق لي وقالي ما تقوليش كده للناس وتحبطيهم</b></div>
<div dir="rtl" style="text-align: right;">
<b>وبعدين مؤخرا قال لي: اللي جاي اسود من اللي فات</b></div>
<div dir="rtl" style="text-align: right;">
<b>فكده خلاص بقى... الحاجة الوحيدة اللي محيراني، اللي قاعدين شمتانين في "النكسجية" دلوقت، حيلبسوا معانا ذات نفس الخازوق، واللي بيبلغ عن عياله عشان خونة، هو نفسه حيتهم انه خاين كمان شوية، واللي فرح في اسراء عبد الفتاح انها تم الاعتداء عليها، حينضرب هو كمان... يعني حتى اكثر الناس فلولية وسياسوية حيلبسوا في الحيط... وصعبانين عليا</b></div>
<div dir="rtl" style="text-align: right;">
<b>محيراني ليه؟</b></div>
<div dir="rtl" style="text-align: right;">
<b>لاني بطلت انبسط لما ربنا ينتقم من الظالم</b></div>
<div dir="rtl" style="text-align: right;">
<b>بطلت ادعي على الظلمة ربنا يوريهم في نفسهم وعيالهم اللي هم قابلينه على المظلومين</b></div>
<div dir="rtl" style="text-align: right;">
<b>لان بقالنا 3 سنين ربنا لما بينتقم من الظالم انا اللي بازعل</b></div>
<div dir="rtl" style="text-align: right;">
<b>لما دخلت اودة العمليات وانا باولد دعيت الدعوة الآتية: يا رب انصف المظلوم على خير وانت اعلم بيه، واهدي الظالم على خير وانت اعلم بيه</b></div>
<div dir="rtl" style="text-align: right;">
<b>بصراحة لان الكل بقى ظالم والكل بقى مظلوم، ومش حاقدر اقول اني مش حيرانة، ومش محتاسة، وان الامور واضحة وضوح الشمس بالنسبة لي</b></div>
<div dir="rtl" style="text-align: right;">
<b>كنت الاول باقول جانب المستضعف دايما امان... جانب المظلوم دايما امان</b></div>
<div dir="rtl" style="text-align: right;">
<b>بس دلوقت الكل بقى مستضعف وغلبان ومظلوم، والكل بقى مفتري وجبار وظالم في ذات نفس الوقت، نفس الشخص في مشهد 1 ظالم، في مشهد 2 مظلوم</b></div>
<div dir="rtl" style="text-align: right;">
<b>حتى ابد الفتاهـ اوميجا هههههههههههههههههههههههههه</b></div>
<div dir="rtl" style="text-align: right;">
<b>يا عيني</b></div>
<div dir="rtl" style="text-align: right;">
<b>والله لما سمعت التسجيل صعب عليا</b></div>
<div dir="rtl" style="text-align: right;">
<b>هو ازاي يعمل كده؟ ازاي يبقى فيه تسجيل في الاودة وهو عارف، وبيكلم صحفي، ويحكي حاجة زي دي ويقول له خليها بيني وبينك؟ وكان رئيس مخابرات؟ مبدئيا موضوع انه بيشوف حاجات بتتحقق دي انا سمعتها من زمان، من ايام مرسي، دي حاجة مترددة في محيطه على الاقل، عرفت من حد من ظباط 8 ابريل انه معروف في الجيش بانه بيشوف فعلا حاجات وبتتحقق.. اه والله قال لي كده، وقال لي كمان انه شاف ان طنطاوي حيبقى وزير دفاع في اليوم الفلاني وحكى له لما كان بيمر على وحدة، ولما اتحققت طنطاوي دور عليه وبقى يتفائل بيه، بس الحاجات اللي هو شافها دي تفسيراتها مش حلوة على فكرة، لها معاني كان اصول يسأل عليها لو مهتم بدل ما يحكيها لياسر رزق في تسجيل... مش قلت لكوا كل الناس غلابة </b></div>
<div dir="rtl" style="text-align: right;">
<b>اوميجا يعني النهاية</b></div>
<div dir="rtl" style="text-align: right;">
<b>والسادات مات مقتول</b></div>
<div dir="rtl" style="text-align: right;">
<b>وانا مش حافسر اكتر من كده</b></div>
<div dir="rtl" style="text-align: right;">
<b>عموما جيران سيدنا الحسين منفوحين كلهم... ربنا ما يحرمناش منه</b></div>
<div dir="rtl" style="text-align: right;">
<b>وبمناسبة سيدنا الحسين، ده قعد شهر قافل على نفسه.. سيدنا الحسين، يعني حتى سيدنا الحسين كان قافل وفين وفين لما فتح.. </b></div>
<div dir="rtl" style="text-align: right;">
<b>الخلاصة اني انا شخصيا مش مبسوطة</b></div>
<div dir="rtl" style="text-align: right;">
<b>بس حالة الوساخة دي او اسهال الشيطان مطرطش على الصورة ومخليني مش عارفة اتخذ موقف واضح وابقى ضامنة ان ضميري مرتاح ومش ظالمة حد... الموقف الوحيد اللي مريح ضميري اني اعتزل كافة الاطراف... طبعا ما عدا الاسرى المظلومين</b></div>
<div dir="rtl" style="text-align: right;">
<b>ولحد ما حد يجيب مية وصابون ويمسح اسهال الشيطان انا بارضع بنتي بقى</b><br />
<b>دلوقت انا مافيش حاجة شغلاني غير اني ارجع لوزني اللي كنت عليه قبل الحمل، واشد حيلي لان الحمل والولادة والرضاعة بجد هدوني هدة غير مسبوقة، ده كنت فريد شوقي زمان.. الحمل والولادة خلوني ولا الاخوان</b><br />
<b>----</b><br />
<b>اخيرا</b><br />
<b>كلمة حق: انا جربت انواع كتير من الشقا، بدءا من الجري ورا المدرعات او الجري من المدرعات مرورا بالنوم على الرصيف وشم الغاز وانتهاءا بالاضراب عن الطعام والوقوف وسط الجثث، النوم على البلاط في السجن... كل ده كوم وتعب وشقا الحمل والولادة كوم تاني... بجد يعني الاخوة الرجالة عايشين كومبارس صامت في الدنيا دي، اللي ما حملش وولد ما شافش شقا ولا تعب</b><br />
<b>ومن هنا نفسي اعرف ام علي الزيات بعد التعب ده كله بلغت عنه ازاي؟</b></div>
</div>
<b><iframe allowfullscreen="" frameborder="0" height="315" src="//www.youtube.com/embed/M1RLvdcxdYM" width="560"></iframe></b><br />
<b>نسيت صحيح... للي بيسال عن العنوان.. ده عنوان رواية امي قالت لي عنها، دورت عليها بس هي مختفية... لكن عجبتني الصورة اللي في العنوان
</b></div>
Anonymoushttp://www.blogger.com/profile/13861105695847033353noreply@blogger.comtag:blogger.com,1999:blog-2720530513312889612.post-20014828233484608582013-09-01T11:55:00.000+02:002013-09-01T11:55:01.281+02:00وثائق ويكيليكس تاني 1<div dir="ltr" style="text-align: left;" trbidi="on">
<div dir="rtl" style="text-align: right;">
<b>شرفت باني ابقى اول حد يترجم وثائق ويكيليكس اول لما نزلت، ونشرتها على الدستور الاصلي، بس يبدو إنه في سبب تقني خلا الوثائق تطير من على الموقع</b></div>
<div dir="rtl" style="text-align: right;">
<b>عموما انا عندي الوثائق، جزء منها على الجهاز ده وجزء تاني على جهاز تاني عايز يتصلح بس انا وراه حاصلحه وانشرهم كلهم</b></div>
<div dir="rtl" style="text-align: right;">
<b>وحابتدي باول وثيقة ترجمتها</b></div>
<div dir="rtl" style="text-align: right;">
<b><br /></b></div>
<div dir="rtl" style="text-align: right;">
<b>ليه كده؟ </b></div>
<div dir="rtl" style="text-align: right;">
<b>فضيحة ويكيليكس تكشف ولاة عكا </b></div>
<div dir="rtl" style="text-align: right;">
<b>الوثيقة الأولى
ترجمة : نوارة نجم </b></div>
<div dir="rtl" style="text-align: right;">
<b>العناوين الفرعية:
- مصر لديها خلايا نائمة في إيران وسوف تستمر في "تجنيد العملاء الذين يفعلون كل ما يطلب منهم"
- أولويات مصر في الملف الفلسطيني: إضعاف حماس ودعم عباس
- دعم حكومة المالكي أفضل وسيلة للقضاء على النفوذ الإيراني
- الرئيس مبارك أقنع الملك عبد الله عاهل السعودية بـ"عمد البحث عن رجل آخر" والاستمرار في دعم المالكي
- سليمان يتفاخر أمام باتريوس بأن مصر هي من أضعفت حماس بقطع المال والسلاح عنها
- سليمان يطلب من باتريوس عدم الانسحاب من العراق "لأن ذلك سيقوي النفوذ الإيراني"
- سليمان: الضغط على حماس بقطع السلاح، وعلى إيران بالخلايا المصرية، وعلى حزب الله بدعم الحريري، وعلى سوريا سيجبر كل هذه الأطراف على اتخاذ "مواقف أكثر مرونة"
السفارة الأمريكية في مصر
الصراع العربي الإسرائيلي </b></div>
<div dir="rtl" style="text-align: right;">
<b>سري </b></div>
<div dir="rtl" style="text-align: right;">
<b>الموضوع: مقابلة الجنرال بايتريوس مع رئيس المخابرات المصرية سليمان
المرسل: السفيرة مارجريت سكوبي</b></div>
<div dir="rtl" style="text-align: right;">
<b> 1- النقاط الرئيسية:
- تمت المقابلة في 29 يونيو بين الجنرال بيتريوس، والرئيس المخاربات المصرية السيد عمر سليمان. كان موضوع المقابلة هو استعراض وجهة نظر السيد سليمان فيما يخص كل من العراق، وإيران والجهود المبذولة بشأن إتمام المصالحة الفلسطينية - الفلسطينية.
- فيما يخص العراق، وصف سليمان موقف القادة العرب بأنه "موقف جديد" ينطوي على دعم لرئيس الوزراء العراقي نوري المالكي، وذلك بعد ما حدث في الانتخابات الإيرانية، كما أكد أن خطة مصر هي زيادة التعاون مع الحكومة العراقية.
- يعتقد سليمان أن الانتخابات الإيرانية، وهزيمة حزب الله في الانتخابات اللبنانية فرصة جيدة لتقليل التدخل الإيراني في المنطقة، بما في ذلك تحسين علاقة سوريا بالعالم العربي.
- على صعيد المصالحة الفلسطينية الفلسطينية، كان سليمان متشائما ويظن أنه من الصعوبة الوصول لاتفاق، إلا أنه وعد بأن مصر "لن تيأس" وستستمر في جهودها للتقليل من سطوة حماس، بما في ذلك منع المال والسلاح من الدخول إلى غزة.
التفاصيل:
العراق: مد اليد العربية</b></div>
<div dir="rtl" style="text-align: right;">
<b> 2- قال سليمان أن الدول العربية تحاول إيجاد سبل لـ"دعم رئيس الوزراء المالكي" في هذه الفترة الحرجة بالعراق. وقد شكر الجنرال باتريوس مصر لدعمها الحكومة العراقية، بما في ذلك تعيين سفير مصر للعراق وتشجيع الدول العربية لـ"مد يد الصداقة" للعراق. أما عن تعليمات الرئيس مبارك، فقد شرح سليمان أن مصر ستعتمد زيادة التعاون مع العراق على المستويات السياسية، والأمنية والاقتصادية.
3- يقول سليمان أن الموقف العربي قد تغير بعد ما حدث في الانتخابات الإيرانية. ويعتقد أن القادة الإيرانيين سيغيرون من سلوكهم تجاه الدول المجاورة وستتغير سياستهم في "دعم الإرهاب" في الخارج، وسيضطرون للتركيز على قضياهم الداخلية. فإيران الآن ليس لديها الإمكانية "لتحدي المجتمع الدولي" كما يرى سليمان. التحدي الذي نواجهه، كما يرى سليمان، هو "إعادة العراق مرة أخرى للعالم العربي" وتعزيز الدعم للمالكي. يقول سليمان بأن الرئيس مبارك أخبر الملك عبد الله عاهل السعوية بـ"ألا يبحث عن رجل آخر"، وعليه القبول بالمالكي كزعيم عراقية ودعمه.
إيران: الانتخابات والفرص الجديدة المتاحة أمام العرب.
أكد سليمان على أن مصر تعاني من التدخل الإيراني، وذلك من خلال حزب الله وحماس، ودعم إيران للجماعة الإسلامية والأخوان المسلمين. ستواجه مصر التهديد الإيراني، كما يقول، وذلك من خلال مراقبة عملاء إيران في كل من حماس وجماعة الأخوان المسلمين، إلى جانب الخلايا المصرية التي تدعم تحسين العلاقات بين سوريا والعالم العربي، ما من شأنه التقليل من النفوذ الإيراني في المنطقة. وقد قال سليمان بأن هناك "تغير طفيف" في السياسة السورية في علاقتها بالعالم العربي، وأضاف أن الملك عبد الله يتفق معه في هذا الرأي، ويخطط لزيارة دمشق في وقت قريب لـ"المساعدة في تغيير السياسة السورية".
- وقع سليمان أن هزيمة حزب الله في الانتخابات البرلمانية سيلزم الحزب بأن "يلزم الصمت لفترة" وذلك لاحتياجهم لبناء دعم داخلي وتغيير التصور بأن حزب الله "أداة في يد قوى خارجية". ومع اضطرار إيران للتركيز على القضايا الداخلية، كما يقول سليمان، فإنها فرصة جيدة لإحداث تغيرات داخل لبنان والتقليل من النفوذ الإيراني. ستدعم مصر حكومة سعد الحريري، والجيش اللبناني، وهذا ما أكده سليمان.
- يقول سليمان أن إيران التفتت لتحذير مصر من الخلط بين قضاياها الداخلية ودعم جماعات كالأخوان المسلمين. وقد تلقى "رسالة إيجابية جدا" من رئيس المخابرات الإيانية تؤكد أن إيران لن تتدخل في الشأن الداخلي المصري. تخطط مصر بأن تظل كامنة داخل إيران "في الوقت الحالي" إلا أنها ستستمر في تجنيد عملاء "ينفذون ما يطلب منهم" في حال ما إذا أصرت إيران على التدخل في السياسة المصرية. وأضاف سليمان: "نأمل أن تتوقف إيران عن دعم حماس وجماعة الأخوان المسلمين وخلايا أخرى داخل مصر، لكن إذا لم يحدث ذلك، فإننا مستعدون". قال سليمان أن الرئيس الإيراني أحمدي نجاد كان يريد حضور مؤتمر كتلة عدم الانحياز في مصر في شهر يوليو. وإذا حضر بالفعل، فإن الرئيس مبارك سيقابله ويشرح له بوضوع أن التدخل الإيراني في "القضايا العربية" أمر غير مقبول. وأكد سليمان: "نحن مستعدون لعلاقات جيدة مع إيران، فقط إذا توقفت إيران عن التدخل في شئوننا وأقلعت عن دعم الإرهاب في المنطقة".
- بسبب المشاكل الداخلية، فإن سليمان يعتقد بأن إيران ستحاول السعي لتحسين علاقاتها مع العالم العربي وتتوقف عن تطوير برنامجها النووي لفترة، ذلك لتتجنب الحرب. كما توقع أن إيران ستحاول أن تدعم مزيدا من "التوازن" بين دعم حماس وحزب الله، وستحاول أن تبني علاقات أفضل مع العرب. عبر سليمان عن قلقه من أن النفوذ الإيراني في العراق يمكن أن يستشري بعد إعادة انتشار القوات الأمريكية خارج المدن العراقية تمهيدا لانسحابها. إلا أن الجنرال باتريوس أشار إلى أن هناك 130,000 من القوات الأمريكية ستظل موجودة في العراق، وأن الانسحاب سيتم بالتدريج، وقال الجنرال باتريوس أنه واثق من قدرة العرب على احتواء النفوذ الإيراني في حال ما إذا دعموا الحكومة العراقية بقوة.
المصالحة الفلسطينية/ الفلسطينية، وإسرائيل:
قال سليمان أن الثلاثة أهداف الرئيسية فيما يخص الملف الفلسطيني هي استعادة الهدوء في غزة، إضعاف حماس، وبناء دعم شعبي للرئيس الفلسطيني محمود عباس. فيما يخص غزة، قال سليمان أن مصر تعمل مع إسرائيل لتوصيل المعونة الإنسانية وكانت مصر تحث إسرائيل على السماح بمزيد من الإعانات الإنسانية داخل غزة. كما أضاف سليمان أنه مازال يسعى للوصول إلى اتفاق تهدئة بين حماس وإسرائيل، وأشار إلى أن افتقار إسرائيل لاستراتيجية داخل غزة ورغبتها في أن تظل حماس تحت الضغط حال دون اتمام الاتفاق. أما بشأن إضعاف حماس، فيقول سليما بأن مصر أوقفت دخول المال والسلاح إلى غزة.
يقول سليمان: "حماس تشعر بأنها تفقد كل قدراتها"، بما أنهم غير قادرين على إعادة تسليح أنفسهم من خلال شبكة الأنفاق الموجودة على الحدود بين مصر وغزة. الضغط، خاصة بنجاح مصر في تفكيك شبكة دعم حماس، ربما يجبر حماس على تبني مواقف "أكثر مرونة" من السابق.
- يؤكد سليمان بأنه يجب أن يعتقد الفلسطينيون أن عباس قادر على تأمين دولة فلسطينية، وأشار إلى تطورات إيجابية جديدة في الضفة الغربية، بما فيها تطوير قوات الأمن الفلسطيني وإزالة بعض نقاط التفتيش الإسرائيلية لتسهيل التجارة والحركة. عبر سليمان عن قلقه من استمرار النشاط الاستيطاني، وخطابات رئيس الوزراء الإسرئيلي الأخيرة والتي تتسم بالراديكالية، وعدم التطوي الكافي للاقتصاديات في المناطق الفلسطينية، وقال أن ذلك من شأنه أن يقلل من فرص استمرار محادثات السلام. أضاف سليمان أن الرئيس مبارك ربما يدعو نتانياهو وعباس للقارة في حال ما إذا تعثرت مفاوضات السلام.
- قام سليمان بإطلاع الجنرال باتريوس على مجهوداته من أجل المصالحة الفلسطينية. إلا أن الوصول لمصالحة مازال صعبا، كما أشار، حيث أن لا حماس ولا فتح يريدون الوصول لاتفاق. وقال أن الفصائل الفلسطينية الآن في مصر لمناقشة إطلاق سراح المحتجزين. إلا أن المحادثات وصلت إلى طريق مسدود، إذ أن حماس قد جمدت المصالحة حتى يطلق عباس سراح المحتجزين الحمساويين في الضفة الغربية، وعباس لن يقبل بذلك أبدا كما قال سليمان.
كما شكك سليمان في احتمالية الوصول لاتفاقية في 7 يوليو كما أعلنت مصر من قبل، وتوقع أن المحادثات سيتم تجميدها لشهر أو شهرين. بالرغم من التحديات والإحباطات، فإن سليمان وعد بأن مصر "لن تيأس" من المصالحة الفلسطينية وقال: إنها صعبة.. لكنني دوما متفائل. ثم أكمل: أعتقد بأنني رجل صبور، إلا أن صبري بدأ ينفد.
سوريا، اليمن،
- عبر سليمان عن أمله بأن تقوم سويا بتحسين علاقاتها مع العالم العربي والولايات المتحدة الأمريكية وتتوقف عن القيام بدور "حبل النجاة الإيراني" في المنطقة. كما أكد أن سوريا يجب أن تتعاون مع العراق لتأمين الحدود والسيطرة على تدفق المقاتلين. كما أضاف سليمان أن على سوريا أن تسقط فكرة حل النزاع الفلسطيني الإسرائيلي قبل حل المشكلة مع سوريا، وعليها أن تتوصل لاتفاقية بشأن هضبة الجولان مع إسرائيل.
- عبر سليمان عن قلقه بشأن عدم الاستقرار في اليمن، وقال أن مصر بذلت جهدا لمساعدة علي عبد الله صالح، الرئيس اليمني، بما في ذلك تقديم معلومات عن الدعم الذي تقدمه إيران وقطر لجماعة الحوثيين. كما أشار الجنرال باتريوس لجهود الولايات المتحدة الأمريكية لدعم قدرات اليمن لمحاربة المتطرفين. فيما يخص الشأن الباكستاني، قال الجنرال باتريوس أنه يثمن العملية العسكرية الباكستانية في إقليم سوات وفي الإقليم الشمالي الغربي على الحدود بما في ذلك إعادة إعمار المناطق المنكوبة. وقد عبر سليمان عن تقديره لجهود الحكومة الباكستانية لإقناع الناس بأن المتطرفين يشكلون خطرا حقيقيا على أمن باكستان القومي. في الشأن الأفغاني، شدد الجنرال باتريوس على أهمية وقف دوامة العنف، وتحسين نظم الحكم بعد الانتخابات الأفغانية الكائنة في 20 سبتمبر.
قام الجنرال باتريوس بمراجعة هذه الوثيقة. </b></div>
<div dir="rtl" style="text-align: right;">
<b>سكوبي.
</b></div>
<div dir="rtl" style="text-align: right;">
<b>--------------</b></div>
<div dir="rtl" style="text-align: right;">
<b>والبقية تأتي</b></div>
<div dir="rtl" style="text-align: right;">
<b>ملحوظة:</b></div>
<div dir="rtl" style="text-align: right;">
<b>انا غبية قوي على فكرة ولما باتغابى على حد ربنا ما يوريك</b></div>
</div>
Anonymoushttp://www.blogger.com/profile/13861105695847033353noreply@blogger.com0tag:blogger.com,1999:blog-2720530513312889612.post-43203481833658991752013-07-02T13:02:00.002+02:002013-07-02T13:33:22.300+02:00عن السيسي والفرح الهيستيري والنكد البوز الاخصي<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">ده انتوا ناس مبالغ فيكوا... هو يا الناس تفرح كاننا حررنا فلسطين يا الناس تزعل كأننا خسرنا كاس الامم الافريقية؟</span></b></div>
<div dir="rtl" style="text-align: right;">
<b><span style="font-size: large;">على فكرة كلنا مش عايزين حكم عسكري... حتى الناس اللي بتقول الجيش والشعب ايد واحدة مش عايزين حكم عسكري.. هم عايزين الجيش يتعامل مع مصر زي ما الظباط المتقاعدين بيتعاملوا مع مجلس ادارة نادي هليوبليس... او مجلس ادارة العمارة: يظبطها، ويوفر الفلوس اللي اتسرقت، ويشد على البواب شوية عشان ابتدا يتمرع، ويصلح الاسانسير، ويبيض مدخل العمارة، ويعمل كشف حساب لصندوق العمارة، والست اللي بتيجي تمسح السلم تخاف منه عشان تمسح كويس بفنيك مش بمية ريحتها وحشة وتكروت... هم ده تخيلهم، بيتعاملوا مع الجيش من واقع النادي والعمارة مش من واقع السياسة، ده بجد، زي ما بيتعاملوا مع الشرطة من واقع انهم بيخشوا مكتب الظابط في المرور يجيب لهم عصير ويخلص لهم تجديد الرخص... دي ناس ما تعرفش حاجة دي... واللي احنا خايفين منه ليحصل هم مش عايزينه يحصل.. هم عايزين يصلحوا الاسانسير ويبيضوا المدخل</span></b></div>
<div dir="rtl" style="text-align: right;">
<b><span style="font-size: large;">بالنسبة للجيش نفسه، ما اظنش ان من مصلحته يمسك الحكم، كلنا خايفين من حكم عسكري، وكلنا مش عايزين السنة والنص اللي قضيناها مع المدرعات المرتبكة تتعاد تاني، وما اظنش الجيش عايزها تتكرر، ولا عايز يتشتم تاني، ولا عايز يتقال له: وميزانيتك.. وفين الفلوس.. ويا بتاع الحلل والمكرونة، وكل المرمطة دي... حد في الدنيا بيعوز يتمرمط؟ الا الاخوان بقى..</span></b></div>
<div dir="rtl" style="text-align: right;">
<b><span style="font-size: large;">اذن.. الناس امبارح نزلت تهيص في الشارع.. وبعض الثوار انهاروا من الرعب والنكد ودي كلها مخاوف مشروعة، الى جانب احساس المرارة اللي هو مشروع برضه بصراحة.. سنة ونص مشارح وصحاب بيموتوا.. والاهم من ده كله الصدمة العصبية، احنا ما كناش معشمين في الاخوان عشان نتصدم في وساختهم، بس بعد 11 فبراير عشمنا كتير في ابناء الصمت وعشان كده كانت صدمة كبيرة لحد دلوقت ماحدش فينا عارف يتجاوزها</span></b></div>
<div dir="rtl" style="text-align: right;">
<b><span style="font-size: large;">بس احنا لازم نتجاوزها عشان المشوار لسه طويل</span></b></div>
<div dir="rtl" style="text-align: right;">
<b><span style="font-size: large;">بقى هالله هالله ع الجد والجد هالله هالله عليه:</span></b></div>
<div dir="rtl" style="text-align: right;">
<b><span style="font-size: large;">بالنسبة للناس اللي فاكرة ان الحكم العسكري ده زي رئاسة ظابط متقاعد لمجلس ادارة العمارة.. لا هو مش كده على فكرة.. لا مصر عمارة، ولا دول ظباط متقاعدين، وحق الله اللي فعلا بيحب القوات المسلحة ودايب في هواها يدعي ربنا ان السيسي بعد ال48 ساعة يتبنى خارطة الطريق اللي طارحاها تمرد ويلتزم بوعوده اللي قالها في البيان وما يقعدش ولا ثانية في حكم البلد.. لو ده حصل السنة ونص الدمار بتوع طنطاوي حيتمسحوا من ذاكرة الشعب المصري... مش حيتمسحوا من ذاكرة صحاب اللي ماتوا.. بس احنا مش مهمين.. طول عمرنا مش مهمين، ومش مهتمين اننا نبقى مهمين، احنا عايزينكوا انتوا تبقوا بخير وتمام.. مسيرنا نموت واحزانا وكوابيسنا تندفن معانا... لكن مافيش داعي تطالبوا بحاجات تخلي الاحزان والكوابيس تصحى من جديد.. والا ويمين الله ننكد عليكوا وعلى البلد كلها.. ارحمونا شوية، شوية انسانية</span></b><br />
<b><span style="font-size: large;">انتوا بتحبوا المجلس العسكري حبوه... بس هو قال احنا ملتزمين بمطالب الشعب، ومطالب الشعب دولة مدنية لا دينية ولا عسكرية، والراجل كتر خيره قال احنا مش حنبقى طرف في السلطة ولا اللعبة السياسية، ساعدوه بقى انه ينفذ التزامه ده وما تورطوهوش في حاجة هو مش عايزها</span></b><br />
<b><span style="font-size: large;">والمفروض ان اي جيش في الدنيا مش صايع وبندور له على شغلانة، ده جيش اهم دولة في الشرق الاوسط ومحاطة بمشاكل وشغلته والقسم بتاعه الحفاظ على حدود مصر وقناة السويس.. يبقى ساعدوه يعمل شغلته</span></b><br />
<b><span style="font-size: large;">تساعدوه ازاي؟</span></b><br />
<b><span style="font-size: large;">اولا: من هنا لحد لما المهلة بتاعة السيسي تخلص الميادين لازم تتملي</span></b><br />
<b><span style="font-size: large;">ثانيا: حنشوف خارطة الطريق بتاعة الجيش.. والله لو زي ما احنا كلنا احسنا الظن وتوقعنا وزي ما هو قال، وتبقى خارطة طريق واضحة ومحددة بتواريخ وكل تاريخ متحدد فيه حيتعمل ايه ومافيهاش حكم عسكري، وانما حكم مدني زي ما فيه اقتراح ان رئيس المحكمة الدستورية يبقى رئيس شرفي وتشكيل حكومة مدنية وتشكيل لجنة لكتابة الدستور</span></b><br />
<b><span style="font-size: large;">ابوس ايديكوا</span></b><br />
<b><span style="font-size: large;">الدستور اولا</span></b><br />
<b><span style="font-size: large;">الدستور اولا</span></b><br />
<b><span style="font-size: large;">الدستور اولا</span></b><br />
<b><span style="font-size: large;">وبعدين انتخابات في ست شهور</span></b><br />
<b><span style="font-size: large;">والله لو كده وبتواريخ... يبقى نروح بيوتنا بقى ونجيب ياميش رمضان ونتابع المسلسلات وننبسط ونعيش حياتنا</span></b><br />
<b><span style="font-size: large;">ما كانش.... يبقى احنا مضطرين، حماية لنا، وحماية للقوات المسلحة نفسها، اننا نفضل في الشارع لحد ما مطالبنا تتحقق من غير خستكة</span></b><br />
<b><span style="font-size: large;">وجع ساعة ولا كل ساعة... خلينا نخلص بقى</span></b><br />
<b><span style="font-size: large;">وعايزة اقولكوا حاجة.. اوعوا تفتكروا ان لما كلكوا تروحوا وتسيبوا الشارع قبل ما المطالب كاملة يبقى فيه ضمانة انها تتحقق الشارع حيفضى ولا عجلة الانتاج حتدور ولا اي هلاوس من دي... كانت دارت بعد ما روحتوا وسيبتونا بعد 11 فبراير</span></b><br />
<b><span style="font-size: large;">في مجموعة كده قلبها محروق ومتنكدة ومش فارق معاها موت ولا سجن.. مش حتهني حد.. ومش حتسمح لحد اننا ينضحك علينا تاني.. ومش حينوبكوا ولا ينوب اي حد غير ان السنة والنص بتوع طنطاوي يتعادوا تاني ومصر مش مستعده لده خصوصا ان فيه ارهابيين متربصين... فلازم كده الامور تتظبط وتتستف بحيث ان حتى الجيش يبقى فاضي يحمي البلد من اي ارهاب خارجي او داخلي.. دي شغلته: الجيش يحمي ولا يحكم، وما اظنش انه عايز يحكم، وما اظنش انه مستفيد حاجة من الحكم، بس لو استموتوا له وقلتوا له حواش شيلني يا حواش يبقى بتدبسوه وتدبسونا وتلبسوا البلد كلها</span></b><br />
<b><span style="font-size: large;">----</span></b><br />
<b><span style="font-size: large;">بالنسبة للزملاء الثوار اللي قاطعين ابونيه مع النكد:</span></b><br />
<b><span style="font-size: large;">ابوس ايديكوا افرحوا شوية.. شوية</span></b><br />
<b><span style="font-size: large;">افتكروا كده من اول الثورة، الكام لحظة اللي سيبنا فيها نفسنا للفرح هي دي اللحظات اللي كسبناها.. ما احنا كده كده الحياة ناوية تنكد علينا.. يبقى ننكد علينا في لحظات الفرح ليه؟</span></b><br />
<b><span style="font-size: large;">احنا كسبنا فرحة يوم 11 فبراير بصرف النظر عن اللي حصل بعدها، ماهو اللي بعدها نكد اتنكدناه في وقته، ما كانش في داعي نستبق النكد.. وكسبنا حتى لما فرحنا بسقوط شفيق ورحيل المجلس العسكري.. والنكد اللي بعده اتنكدناه في وقته.. نفرح دلوقت بسقوط الاخوان، ولما الدنيا تجيب لنا النكد لحد عندنا نبقى نتكنده.. احنا ورانا ايه؟ بس ما ينفعش نكد كونتينوس كده</span></b><br />
<b><span style="font-size: large;">وقال على رأي السيسي: هذا الشعب الذي عانى كثيرا ولم يجد احدا يحنو عليه</span></b><br />
<b><span style="font-size: large;">اي والله.. والنبي صحيح.. (ملحوظة: الجملة دي مأثرة في كل الشعب من اول الحافي لحد اللي ريحة برفانه جايبة من اول الشارع.. شعب محروم من الحنان هههههههه)</span></b><br />
<b><span style="font-size: large;">ارحموا نفسكوا وارحموا الناس... الموقف اللي حيتفرض علينا حنواجهه زي ما اتعودنا.. بس على الاقل افرح بانجازك يا اخي.. انت عارف انت عملت ايه؟ انت عملت معجزة حتخلي بتوع العلوم السياسية يحطوا لك نظريات جديدة لوحدك، انت في ظرف سنتين ونص اسقطت حكم بوليسي، ثم حكم عسكري، ثم حكم ديني... دي لو بلاي ستيشن ما كانتش بقت كده</span></b><br />
<b><span style="font-size: large;">توكل على الله وافرح.. اذا ما كانش عشان انجازك، يبقى عشان مسيرك تتنكد ومن حقك تاخد بريك تفرح شوية، مش ممكن حتفضل سنتين ونص تحس بشكل مستمر بالخذلان والخزي والطعن في الضهر والخيانة والمرارة والظلم... كتير عليك ارحم نفسك.. لازم تحس شوية انك فرحان وانك عملت حاجة.. والله العظيم انت عملت حاجة.. ما تقعدش تنحت في نفسك وفي اعصابك مشوارك لسه طويل</span></b><br />
<b><span style="font-size: large;">وادي احنا بنعمل اللي علينا وبنحاول نحذر الناس من ان ينضحك عليهم تاني</span></b><br />
<b><span style="font-size: large;">وادي احنا محددين المرة دي احنا عازين ايه:</span></b><br />
<b><span style="font-size: large;">حكم مدني، دستور اولا، انتخابات </span></b><br />
<b><span style="font-size: large;">عشان ماحدش يقولنا ما انتوا اللي ما كانتش مطالبكوا واضحة احنا فهمنا انكوا عايزين تمشوا مبارك واهم مشوه... مع ان والله العظيم ده مش صحيح، مطالبنا كانت واضحة وكنا معلقينها في الميدان، لكن يالا العايط في الفايت نقصان عقل</span></b><br />
<b><span style="font-size: large;">وادي احنا اتعلمنا والمفروض ان كل الناس تكون اتعلمت: ما نستعجلش.. ما نعصرش لمون.. نقعد على البساط وناخد سيد الرؤساء</span></b><br />
<b><span style="font-size: large;">وفي كل الاحوال احنا مكملين ان شاء الله لحد ما تتعدل، والله المطالب اتحققت في 48 ساعة، نروح احنا كمان نشتري ياميش.. ما اتحققتش نقول للناس اقعدوا لحد ما تتحقق، قعدوا اهلا وسهلا، ما قعدوش احنا صيع ما ورناش حاجة</span></b><br />
<b><span style="font-size: large;">عشان كده كنت باقول ممنوع موت الثوار البتة في المعركة دي مع الاخوان.. ما تصدرش نفسك في مواجهات الاخوان دلوقت عشان توفر نفسك لبعد كده، والله ما احتاجتش يبقى خير، احتاجت اديك موجود.. معركة دلوقت اي حد يسد فيها، معركة ما بعد كده (ويارب ما يبقاش في معارك ولا حاجة خالص) ماحدش يسد فيها غيرك</span></b><br />
<b><span style="font-size: large;">----------</span></b><br />
<b><span style="font-size: large;">الاخوان والمتأسلمين:</span></b><br />
<b><span style="font-size: large;">ابوس ايديكوا امشوا على خير</span></b><br />
<b><span style="font-size: large;">والله العظيم والله العظيم والله العظيم دي نصيحة خالصة ليكوا ولمصلحتكوا انتوا اكتر من مصلحة اي حد تاني وربنا شاهد على قلبي وعلى نيتي.. انتوا مصريين وانا ما ارضالكوش اي حاجة وحشة من اللي مستنياكوا لو ارتكبتوا حماقات</span></b><br />
<b><span style="font-size: large;">ارجوكوا حافظوا على تاريخ وتعب وشقا وبنا تمانين سنة</span></b><br />
<b><span style="font-size: large;">ارجوكوا امشوا.. امشوا.. ما توصلوش الناس انها تمشي تصطادكوا في الشارع</span></b><br />
<b><span style="font-size: large;">انا من ست شهور قلت في فيديو للاخوان: حرام عليكوا اللي بتعملوه حتيجي لحظة انا نفسي مش حاعرف امشي بحجابي ده.. واللحظة دي بتقرب قوي</span></b><br />
<b><span style="font-size: large;">حرام عليكوا</span></b><br />
<b><span style="font-size: large;">حرام عليكوا نفسكوا وتعبكوا ومجهودكوا وفلوسكوا.. خلصوا قبل ما ال48 ساعة تنتهي بكرامتكوا</span></b><br />
<b><span style="font-size: large;">وما كانش مفروض ابدا تستنوا لما السيسي يعمل كده.. ابدا ابدا.. كل ساعة بتتأخروها مش في مصلحتكوا، كل ساعة بتتأخروها بتخصم منكوا تاريخ وفلوس ودم.. دم</span></b><br />
<b><span style="font-size: large;">وانتوا لو حتفضلوا تبرقوا للناس وتهددوهم وتقولوا لهم الشهادة والجهاد والكلام ده الناس حتموتكوا.. انا مش عايزة الناس تموتكوا.. بس انتوا كده بتخوفوا الناس، وكام حد من الثوار اللي دخلوا معاكوا في مواجهات بس اللي عارفين انكوا بق وان اخركوا شوية طوب يجريكوا، بقية الناس متأثرين بافلام وحيد حامد ومتخيلين انكوا عتريس وبلوة وسودا وحيخافوا فعلا.. واوحش حاجة تتعامل مع حد خايف.. مافيش اكثر عدوانية ولا عنفا من الخايف</span></b><br />
<b><span style="font-size: large;">انتوا فاكرين لما الناس حتخاف حتخش في بيوتها؟ يستحيل.. انتوا وصلتوا لهم احساس انكوا حتخشوا عليهم البيوت، واستفزيتوهم، ومليتوهم غل عمرهم ما حسوا بيه ناحية حد، انتوا ازاي تعملوا كده؟ ازاي تعملوا كده مع الناس؟.. الخايف دايما بيبقى متوحش ودموي وعنيف وغير عقلاني في مواجهاته... ما ترجعوش تزعلوا ان الناس بتسحلكوا في الشارع بعد ما تقضوا ليلة كاملة تضربوا عليهم نار من الشباك وتموتوا لهم ولاد البوابين الغلابة.. ما ينفعش كده، حاولوا تصعبوا على الناس شوية.. انتوا مش مدينهم فرصة تصعبوا عليهم ابدا</span></b><br />
<b><span style="font-size: large;">خلاص الناس مش عايزاكوا، وما جراش حاجة لما تعترفوا انكوا فشلتوا، خلوها فشل في جولة بدل ما تبقى فشل في معركة، خليها انكوا فشلتوا اول مرة عشان مالكوش خبرة بدل ما تبقوا فشلتوا الى الابد عشان غير صالحين للاستخدام الادمي</span></b><br />
<b><span style="font-size: large;">ما ترجعوا خطوة لورا وتضحوا بالرئاسة عشان تفضلوا فصيل سياسي متواجد في الساحة يصحح ويجود وينافس ويعارض ويحاول الكرة تاني بدل ما تتحولوا لمطاريد الجبل وتنطردوا من جنة المصريين الى غير رجعة</span></b><br />
<b><span style="font-size: large;">وما تقعدوش تقولوا للناس جبريل وحلمنا بسيدنا النبي والكلام ده.. الكلام ده بيضايق الناس قوي.. المصريين معتزين بدينهم وانتوا بتطعنوهم في اعز حاجة عندهم لما بتقللوا من ايمانهم وتعاملوهم بازدراء كأن ان انتوا مؤمنين وهم لا</span></b><br />
<b><span style="font-size: large;">امشوا، ووانتوا بتمشوا حاولوا تتصعبنوا شوية، المصريين طيبين والله.. وحتصعبوا عليهم، بس ما تستفزوهمش وتسخنوهم عليكوا</span></b><br />
<span style="font-size: large;"><b>الا هل بلغت.. اللهم فاشهد</b></span></div>
</div>
Anonymoushttp://www.blogger.com/profile/13861105695847033353noreply@blogger.com6tag:blogger.com,1999:blog-2720530513312889612.post-34632460655927150302013-07-01T12:43:00.003+02:002013-07-01T12:43:26.827+02:00كده مش حينفع<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">كده مش حينفع.. كده مش حينفع.. هو مش احتفال بكاس الامم الافريقية </span></b></div>
<div dir="rtl" style="text-align: right;">
<b><span style="font-size: large;">فرحانين قوي عشرين مليون نزلوا عشرين مليون نزلوا.. وبعدين؟ عندهم هانج اوفر من ليلة امبارح؟</span></b></div>
<div dir="rtl" style="text-align: right;">
<b><span style="font-size: large;">مش حينفع كده</span></b></div>
<div dir="rtl" style="text-align: right;">
<b><span style="font-size: large;">وانا مش فاهمة تمرد راحت فين؟ المفروض تطلع بيان تقول للناس فيه الخطوة الجاية</span></b></div>
<div dir="rtl" style="text-align: right;">
<b><span style="font-size: large;">الناس لو ما نزلتش النهاردة حتبقى اقل من هوجة، حتبقى احتفال بماتش، وحتبقى مجزرة، وقبل ما الناس تلحق تلم نفسها عشان تنزل تاني حيتعمل حملة اعتقالات</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">اذا كنا احنا فرحانين بامبارح وقاعدين نستمتع بنشوة العدد... فالاخوان دلوقت مش قاعدين ساكتين</span></b></div>
<div dir="rtl" style="text-align: right;">
<b><span style="font-size: large;">لو تلاحظوا الاخوان مش طالع لهم حس خالص... عارفين ليه؟ عشان كامنين يشوفوا احنا اخرنا ايه وينقضوا علينا في اللحظة المناسبة</span></b></div>
<div dir="rtl" style="text-align: right;">
<b><span style="font-size: large;">امبارح الاخوان قتلوا 12 واحد.. 8 عند المقطم، و4 في المحافظات، وتقريبا العدد زاد عن كده كمان دلوقت</span></b></div>
<div dir="rtl" style="text-align: right;">
<b><span style="font-size: large;">وده ما كانش غير عشان يحفزوا العنف ويرجعوا ينتقموا</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">كده مش حينفع... كده مش حينفع</span></b></div>
<div dir="rtl" style="text-align: right;">
<b><span style="font-size: large;">احنا بنقرا في سورة عبس؟ امال عمالين نرغي في ايه من امبارح ونقول ما ينفعش حد يروح ولازم تصعيد</span></b></div>
<div dir="rtl" style="text-align: right;">
<b><span style="font-size: large;">ايوه الاخوان اتفاجئوا بعدد الناس اللي نزلت ضدهم</span></b></div>
<div dir="rtl" style="text-align: right;">
<b><span style="font-size: large;">بس هم مش حيقضوها متفاجئين بقى.... هم حيحاولوا ينتقموا.. وبعد اللي شافوه امبارح عداءهم ما بقاش مع المعارضة ولا جبهة الانقاذ ولا الشعوعيين ولا النصارى الصلبيين والماسون والشيعة والشواذ والفلول.. عداءهم بقى مع الشعب.. ده بجد، وعلى فكرة هم مستعدين نفسيا جدا انهم يكرهوا الشعب ويتعاملوا مع مصر على انها القرية الظالم اهلها وهم الثلة المؤمنة واهل الكهف والصحابى وحق علينا القول ولو ربنا ما جابلناش صيحة من عنده يبقى هم يفرقعونا ويجاهدوا مافيش مشكلة.. يعني مش حيقفوا مع نفسهم ويقولوا يعني معقول الشعب كله غلطان واحنا اللي صح؟ ايوه حيقولوا احنا اللي صح ويحطوا القرآن في غير مواضعه ويرجعوا لاستشهادات الجهاديين عشان يبرروا ان المجتمع يستحق النقمة</span></b></div>
<div dir="rtl" style="text-align: right;">
<b><span style="font-size: large;">يعني المرة دي مش محمود بدر وعلاء ودومة ونوارة ومالك وكل الناس اللي انتوا بتسترخموهم وتقولوا عليهم "نوشتاء" وتألسوا عليهم اللي حيتشمطوا وياكلوا كاكا زي كل مرة وخلاص... المرة دي وبعد اللي شافوه امبارح المجتمع كله كافر وعدو الله يعني حتتشمطوا معانا كلكوا يا حلو منك له ومش حيبقى عندكوا فرصة تألسوا علينا واحنا بنتجرجر في المحاكم، لاننا لا احنا ولا انتوا حنبقى عايشين عشان نتجرجر في ايتها حتة.. وعشان تبقى عارف، بعد موضوع العباسية الاهالي في العباسية كانوا متحفزين ضدنا، واحنا بنهرب في العباسية كان الاهالي كل ما يشوفوا حد بدقن يضربوه ويسلموه للجيش، واحد من حازمون قالي: واحنا بنموت عشان الناس دي؟ فقلت له: بس احنا بنموت عشان المبدأ.. فقال لي: لا الناس دي ما تستاهلش</span></b></div>
<div dir="rtl" style="text-align: right;">
<b><span style="font-size: large;">هو صحيح احنا كلنا كتير بنقول عليكوا شعب ما يستاهلش عشان بتعملوا معانا حركات قرعة كتير وساعات كتير بيبقى اللي يوضيكوا زي اللي ينجسكوا.. بس ده كلام من ورا قلبنا.. زي ما الواحد كتير يتغاظ من امه ولا ابوه ولا ابنه ويقول والله ما انا سائل فيه تاني، ويرجع ما يهونش عليه</span></b></div>
<div dir="rtl" style="text-align: right;">
<b><span style="font-size: large;">انما هم دي عندهم عقيدة عندهم مؤمنين بيها انهم الصح والباقي ضالين</span></b></div>
<div dir="rtl" style="text-align: right;">
<b><span style="font-size: large;">فهم مبدئيا كده يعني مش محتاجين مجهود كتير عشان يكرهوا الشعب ويهون عليهم يعملوا فيه اي حاجة.. هم مؤهلين لده اوريدي.. هم الجماعة الربانية اللي جاية تهديكوا.. ما رضيتوش تهتدوا تتقتلوا.. </span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طيب هم مش حيقدروا يعملوا حاجة طول ما الاعداد كبيرة في الشارع</span></b></div>
<div dir="rtl" style="text-align: right;">
<b><span style="font-size: large;">انا نفسي افهم الناس روحت ليه؟ تعبت؟ تعبت من اول يوم؟ طب ما كنتوش تنزلوا بقى</span></b></div>
<div dir="rtl" style="text-align: right;">
<b><span style="font-size: large;">ما ينفعش تعور وحش مفترس ولا كلب مسعور وتسيبه.. يا تجهز عليه يا كنت تسيبه في حاله من الاول</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">اذا كنت حران تعتصم الصبح يبقى ما تروحش الشغل وده اضعف الايمان... خايف تترفد من الشغل، وحران تعتصم الصبح.. يبقى ما كنتش تتشملل وتقول مش عايز الاخوان... كنت تقعد في بيتكوا وتقول الشرعية خط احمر وخلاص... بتتصرف تصرفات مش قدها ليه؟</span></b></div>
<div dir="rtl" style="text-align: right;">
<b><span style="font-size: large;">احنا مش نازلين نهزر احنا... ده دم ناس.. ولو الناس فضلت في بيوتها كتير الدم حيزيد، وحيجيلك القتل دليفري لحد البيت</span></b></div>
<div dir="rtl" style="text-align: right;">
<b><span style="font-size: large;">اسمعوا وعوا...</span></b></div>
<div dir="rtl" style="text-align: right;">
<b><span style="font-size: large;">الميادين لو ما اتملتش في مجزرة حتحصل</span></b></div>
<div dir="rtl" style="text-align: right;">
<b><span style="font-size: large;">ما تشحطوطناش وراكوا وبوري رايح وبوري جاي.. اللي ياخد موقف يتحمله ويبقى قده ويتصرف على مستواه</span></b></div>
<div dir="rtl" style="text-align: right;">
<b><span style="font-size: large;">والله الموفق والمستعان</span></b></div>
</div>
Anonymoushttp://www.blogger.com/profile/13861105695847033353noreply@blogger.com3tag:blogger.com,1999:blog-2720530513312889612.post-4210280095214056412013-06-30T16:04:00.001+02:002013-06-30T16:04:31.417+02:00دليل المصريين في فشخ المتأسلمين<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">ونحب نتوجه بخالص الشكر والعرفان لكل مواطن مصري انقذ رقاب الثلة ام لسان طويل من حبل المشنقة بنزوله النهارده</span></b></div>
<div dir="rtl" style="text-align: right;">
<b><span style="font-size: large;">بصوا انا شخصيا الشعب المصري ده انقذني من حبل المشنقة مرتين، مرة ايام مبارك، لانه لو كان خستك ولا روح قبل ما مبارك يمشي كان في كام واحد كده لسانهم طويل قوي وناطحين في الحيط حيتشمطوا ويتحاكموا عسكريا ويتشنقوا ومن ضمنهم الفقيرة الى الله</span></b></div>
<div dir="rtl" style="text-align: right;">
<b><span style="font-size: large;">المرة التانية النهاردة.. بس مازال الخطر قائم، خصيمكوا النبي تكملوا جميلكوا ده انا ولية غلبانة وصحتي ما بقتش تستحمل زي زمان </span></b></div>
<div dir="rtl" style="text-align: right;">
<b><span style="font-size: large;">D:</span></b></div>
<div dir="rtl" style="text-align: right;">
<b><span style="font-size: large;">الى جانب ان الكام واحد اللي لسانهم طويل واللي من ضمنهم "البنت اللي بتشتم دي ترضى ان ابوها ال.. ابوها ال... ابوها الشايب ده يتهان كده"؟ هو كان عايز يقول ابوها الحشاش ومش عارفة ليه تردد؟ وبعدين هو مرسي بيخاف يقول اسمي؟ امال حيعمل ايه مع رشا عزب؟</span></b></div>
<div dir="rtl" style="text-align: right;">
<b><span style="font-size: large;">الكام واحد دول حيمتوا ويرتاحوا</span></b></div>
<div dir="rtl" style="text-align: right;">
<b><span style="font-size: large;">بقية الشعب بقى هو اللي حيعيش تحت حكم الاخوان يتعذب لو خستك ولا تهاون</span></b></div>
<div dir="rtl" style="text-align: right;">
<b><span style="font-size: large;">مافيش تهاون</span></b></div>
<div dir="rtl" style="text-align: right;">
<b><span style="font-size: large;">مافيش تهاون</span></b></div>
<div dir="rtl" style="text-align: right;">
<b><span style="font-size: large;">مافيش تهاون</span></b></div>
<div dir="rtl" style="text-align: right;">
<b><span style="font-size: large;">لا حر.. ولا رمضان.. ولا عجلة انتاج.. ولا حترفد من الشغل.. ولا اي ابن كلب في الليلة ينفع يبقى عذر</span></b></div>
<div dir="rtl" style="text-align: right;">
<b><span style="font-size: large;">الاخوان لو ما مشيوش المرة دي قول على نفسك وولادك واحفاد واحفاد اولادك واحفاد احفادك يا رحمن يا رحيم.. واوعى تفتكر انهم حيرجعوا عبط زي ما هم كده.. دول حيرجعوا في منتهى التوحش والدموية ومش حيخافوا من ايتها لوم ولا حيعملوا حساب اي حاجة... وعلى الله نفس حد يطلع في البلد</span></b></div>
<div dir="rtl" style="text-align: right;">
<b><span style="font-size: large;">يعني المرة دي لو لا قدر الله فشلنا الشوية اللي حيتشنقوا مننا هم المحظوظين وبقية الشعب حيتمنى الموت ما يلاقيهوش</span></b></div>
<div dir="rtl" style="text-align: right;">
<b><span style="font-size: large;">يا ريت بقى نسمع الكلام الله يكرمكوا، عشان انا كتبت تعليمات وتحذيرات <a href="http://tahyyes.blogspot.com/2013/06/30.html">هنا</a> بخصوص التأمين والاكل والمية ومافيش فايدة ماحدش سمع الكلام والناس ما أمنتش وانابيب الباعة الجائلين والمية المسممة وكل اللي حذرت منه حصل.. حرام عليكوا يعني.. ده اسمه اهدار بلا مبرر ده لما ناس تموت في تفجير ولا تسمم وخصوصا اننا متوقعينه ومحذرين منه وقايلين نعمل ايه عشان نتجنبه</span></b></div>
<div dir="rtl" style="text-align: right;">
<b><span style="font-size: large;">------</span></b></div>
<div dir="rtl" style="text-align: right;">
<b><span style="font-size: large;">طيب.. مشيان الاخوان وصفته وصفة سهلة جوي جوي وصفة هايلة جوي جوي</span></b></div>
<div dir="rtl" style="text-align: right;">
<b><span style="font-size: large;">ولخصها لنا الحاج سعد الدين ابراهيم الله يكرمه ويبارك له في حسنته اللي بتطلع له بوصفه الوكيل الوحيد لامريكا في مصر</span></b></div>
<div dir="rtl" style="text-align: right;">
<b><span style="font-size: large;">قالك ايه؟ قال: لو اعتصم المصريون 5 ايام ستتخلى امريكا عن الاخوان، ولو اعتصموا 10 ايام سيهرب الاخوان من مصر</span></b></div>
<div dir="rtl" style="text-align: right;">
<b><span style="font-size: large;">الكلام ده صح مليون المية</span></b></div>
<div dir="rtl" style="text-align: right;">
<b><span style="font-size: large;">ليه؟</span></b></div>
<div dir="rtl" style="text-align: right;">
<b><span style="font-size: large;">لان احتياطي مصر ما يسمحش بانها تتعطل 10 ايام... احنا الاحتياطي بتاعنا تقريبا نص الاحتياطي ايام مبارك، واللي وقع مبارك هو العصيان المدني اللي عمله العمال اخر يومين فالجيش اضطر انه ينحيه عشان يحافظ على تماسك البلد</span></b></div>
<div dir="rtl" style="text-align: right;">
<b><span style="font-size: large;">يعني ايه؟</span></b></div>
<div dir="rtl" style="text-align: right;">
<b><span style="font-size: large;">يعني هم ما يقدروش يسيبونا معتصمين في الشارع نتفلق</span></b></div>
<div dir="rtl" style="text-align: right;">
<b><span style="font-size: large;">اللهم الا اذا كان عددنا قليل والبلد ماشية عادي الناس بتروح اشغالها وكل الحكاية ناس قاعدة في الشارع وخلاص.. كده ممكن يسيبونا الف سنة ولا يسألوا فينا</span></b></div>
<div dir="rtl" style="text-align: right;">
<b><span style="font-size: large;">بص بقى يا سيدي</span></b></div>
<div dir="rtl" style="text-align: right;">
<b><span style="font-size: large;">بقى امريكا عايزة الاخوان قوي وميتة عليهم زي مبارك ويمكن اكتر لانهم بالنسبة لها فرخة بكشك من حيث انهم بيضمنوا لها مصالحها في سوريا وغزة ومصر، الى جانب ان لهم قواعد على الارض يقدروا يحركوها، حاجة تالتة امريكا بتحبها قوي: طائفيين... واي وقت امريكا تتزنق في شوية صراع اهلي ولا حرب اهلية يقدروا يعملوها لها بصباع رجلهم الصغير، الحاجة الرابعة، حيساعدوها في الصراع الناشب في المنطقة وحيتقلوا المحور بتاعها قصاد ايران</span></b></div>
<div dir="rtl" style="text-align: right;">
<b><span style="font-size: large;">تمام كده؟</span></b></div>
<div dir="rtl" style="text-align: right;">
<b><span style="font-size: large;">وعلى هذا الاساس قام الدكتور سعد الدين ابراهيم بالوساطة ما بين الاخوان وامريكا سنة 2005 كما هو مذكور في كتاب سر المعبد لثروت الخرباوي، وكما هو مذكور في وثائق ويكيليكس اللي انا مترجماها</span></b></div>
<div dir="rtl" style="text-align: right;">
<b><span style="font-size: large;">طيب.. بس امريكا الشهادة لله ماهياش شباطة زي روسيا، يعني روسيا من النوع اللي لما يشبط في عميل ما يسيبوش الا بالدم زي ما احنا شايفين في ايران وسوريا... لكن امريكا من النوع اللي ما تحبش تحجر دماغها، باظ العميل ده... نرميه ونشتري غيره، زي ما حصل مع الشاه، وزي ما حصل مع مبارك، وده حيحصل مع الاخوان ان شاء الله بس احنا نشد حيلنا</span></b></div>
<div dir="rtl" style="text-align: right;">
<b><span style="font-size: large;">امريكا، والجيش، والشرطة كمان، حيشوفوا مدى جدعنتنا وعلى اساس جدعنتنا دي حيحددوا موقفهم... يدبح زكي قدرة ويخلص على الكام عيل المعتصمين ويحرق لهم الخيم؟ ولا يقول لمرسي امك في العش ولا طارت؟</span></b></div>
<div dir="rtl" style="text-align: right;">
<b><span style="font-size: large;">يعني في الاول والاخر القرار في ايدنا احنا بعد ايمانا بقدر الله طبعا، بس نعمل اللي علينا</span></b></div>
<div dir="rtl" style="text-align: right;">
<b><span style="font-size: large;">ايه هو اللي علينا:</span></b></div>
<div dir="rtl" style="text-align: right;">
<b><span style="font-size: large;">1- الاعتصام بشكل مكثف وبتعداد كبير بحيث يتجاوز الكتلة الحرجة، ايه هي الكتلة الحرجة عشان ما نقعدش نفتي كتير في العدد؟ الكتلة الحرجة هي الكتلة اللي ما تسمحش بالهجوم عليها، وتبص عليها في التلفزيون تقول: الناس كتير في الميدان.. ويبقوا ناس.. ناس بجد مش خيم</span></b></div>
<div dir="rtl" style="text-align: right;">
<b><span style="font-size: large;">2- الحفاظ على الكتلة الحرجة بشكل خاص في الاوقات الحرجة، ايه هي الاوقات الحرجة؟ من الساعة 8 صباحا وحتى الثالثة عصرا، وقت شغل الموظفين.. اللي اذا كنا مش حنعرف نخليهم يعملوا عصيان مدني، يبقى على الاقل ننكد عليهم وهم رايحين اشغالهم ما يعرفوش يوصلوا </span></b></div>
<div dir="rtl" style="text-align: right;">
<b><span style="font-size: large;">الفترة التانية وهي خطرة جدا وممكن تجيب ضرف الاعتصام: من الساعة الثانية صباحا وحتى الساعة الثامنة صباحا</span></b></div>
<div dir="rtl" style="text-align: right;">
<b><span style="font-size: large;">يعني من 2 الصبح لحد 3 العصر تاني يوم الميدان لازم يبقى مليان بكتلة حرجة اولا: ما تسمحش باقتحام الميادين ولا فض الاعتصام من قبل لا بلطجية ولا داخلية ولا جيش ولا جن ازرق، لان العدد كبير وماحدش بيضرب عدد كبير، ثانيا: توقف حال البلد، بحيث ان حتى اللي رايح شغله بالعند فينا يتنكد... </span></b></div>
<div dir="rtl" style="text-align: right;">
<b><span style="font-size: large;">بالنسبة للي نازلين اول مرة: فاكر لما كنت بنتفخ وتقول الله يخرب بيوتكوا منكوا لله خربتوا البلد؟ الله ينور عليييييك.. اهو احنا عايزينك تخرب البلد كده معانا زي الشاطر وتقرف اللي ما نزلش معانا لحد ما الاخوان يمشوا</span></b></div>
<div dir="rtl" style="text-align: right;">
<b><span style="font-size: large;">يا تنكد على نفسك والناس كام يوم (في الرينج اللي اداهولنا سعد الدين ابراهيم من 5 الى 10 ايام) يا تستحمل نكد العمر ليك ولعنات احفاد احفادك من بعدك: الله يخرب بيتك يا جدي مطرح ما رحت.. كان جرا ايه لو كنت اعتصمت كام يوم بدل الدمار اللي احنا في دلوقت</span></b></div>
<div dir="rtl" style="text-align: right;">
<b><span style="font-size: large;">3- طبعا رمضان جاي.. مش عارفة اقول لكوا ايه.. يعني مش معقولة تسلم البلد للاخوان عشان تشتري ياميش، يا سيدي لما تصوم في الحر مع الجهاد ربنا يضاعف اجرك، وعلى كل حال، قول يا رب يمشوا قبل رمضان.. وربنا قادر يحسن الجو علينا واحنا صايمين، المهم فترة الصبح بتاعة رمضان لو احنا لسه معتصمين ما تبقاش فاضية</span></b></div>
<div dir="rtl" style="text-align: right;">
<b><span style="font-size: large;">ارجوكوا.. ارجوكووووووووووووووا... حرام عليكوا</span></b></div>
<div dir="rtl" style="text-align: right;">
<b><span style="font-size: large;">اصبروا شوية</span></b></div>
<div dir="rtl" style="text-align: right;">
<b><span style="font-size: large;">الصبر طيب، وان الله مع الصابرين</span></b></div>
<div dir="rtl" style="text-align: right;">
<b><span style="font-size: large;">عشر ايام بس.. عشر ايام نرابط في الشوارع بكثافة عالية، مش حيستحملوا</span></b></div>
<div dir="rtl" style="text-align: right;">
<b><span style="font-size: large;">وما تخافوش من الاخوان، طول ما عددنا كبير مش حيهجموا علينا، الحالة الوحيدة اللي حيهجموا علينا فيها لما العدد يبقى قليل</span></b></div>
<div dir="rtl" style="text-align: right;">
<b><span style="font-size: large;">4- ازاي ممكن تملا الميدان ليل نهار بالطريقة دي؟</span></b></div>
<div dir="rtl" style="text-align: right;">
<b><span style="font-size: large;">بتقسيم الورديات، شوف يا سيدي، الخيمة الواحدة بيبقى فيها اتنين تلاتة على الاقل، تتناوبوا الورديات، خصوصا في التوقيتات الحرجة اللي احنا قايلين عليها، وتقسموها، من 2 صباحا لتمانية الصبح، ييجي تمانية الصبح زميلك يستلم منك الخيمة لحد 3 العصر</span></b></div>
<div dir="rtl" style="text-align: right;">
<b><span style="font-size: large;">واللي ما لوش خيمة برضه ييجي.. يعني مثلا انت بتنزل انت ومراتك وولادك.. خلي الولاد من 8 ل3 وانت والمدام من 2 ل7 او العكس، بدل ما تنزل انت ومراتك وعيالك كلكوا في نفس التوقيت</span></b></div>
<div dir="rtl" style="text-align: right;">
<b><span style="font-size: large;">طبعا ده في حالة ان الولاد فوق سن 15 سنة</span></b></div>
<div dir="rtl" style="text-align: right;">
<b><span style="font-size: large;">انت عارف لما تيجي تاخد اجازة من الحكومة يوم يقولك هات لي زميل يمضي انه مكانك؟</span></b></div>
<div dir="rtl" style="text-align: right;">
<b><span style="font-size: large;">اهو انت كمان تقعد في الميدان قد ما تقعد، لازم تلاقي حد من قرايبك، صحابك، جيرانك، تتفق معاه وتتأكد ان الوقت اللي انت مش فيه في الميدان هو موجود، وتكلمه لو مش حيقدر يروح تبعت حد تاني</span></b></div>
<div dir="rtl" style="text-align: right;">
<b><span style="font-size: large;">احنا كنا بنعمل كده على طول، بس احنا عددنا قليل، لو كل واحد عمل كده الميدان مش حيفضا</span></b></div>
<div dir="rtl" style="text-align: right;">
<b><span style="font-size: large;">5- واخيرا بنكرر: ممنوع اكل وشرب من الباعة الجائلين</span></b></div>
<div dir="rtl" style="text-align: right;">
<b><span style="font-size: large;">بالذوق كده طلعوا الانابيب بتاعتهم، ولو عددنا كبير حنعرف نطلعهم</span></b></div>
<div dir="rtl" style="text-align: right;">
<b><span style="font-size: large;">لما تلاقي جسم غريب الاول تبعد عنه وبعدين تحذر الناس بهدوء انهم يبعدوا عشان ما تفزعش الناس وتشوفوا حد في الميدان يعرف يتعامل مع الجسم ده، اكيد حتلاقوا حد </span></b></div>
<div dir="rtl" style="text-align: right;">
<b><span style="font-size: large;">6- مش حينفع الاعتصام يبقى في التحرير والاتحادية وبس.. لازم المحافظات تطبق الكلام اللي بنقوله ده</span></b></div>
<div dir="rtl" style="text-align: right;">
<b><span style="font-size: large;">انا عارفة ان الاعلام عنصري وما بيهتمش الا بالقاهرة، بس انتوا لو عطلتوا المحافظات كده تمام</span></b></div>
<div dir="rtl" style="text-align: right;">
<b><span style="font-size: large;">7- يا ريت الاعلام يهتم بكل المحافظات ويتابعها زي ما بيتابع التحرير والاتحادية</span></b></div>
<div dir="rtl" style="text-align: right;">
<b><span style="font-size: large;">وأخيرا...... لو لا قدر الله الثورة دي فشلت، التدوينة اعلاه حتتاخد وتتقدم للقاضي العسكري واتشنق بتهمة قلب نظام الحكم وحيبقى دمي في رقبتكوا كلكوا</span></b></div>
<div dir="rtl" style="text-align: right;">
<b><span style="font-size: large;">D:</span></b></div>
<div dir="rtl" style="text-align: right;">
<b><span style="font-size: large;">والله الموفق والمستعان</span></b></div>
<div dir="rtl" style="text-align: right;">
<br /></div>
</div>
Anonymoushttp://www.blogger.com/profile/13861105695847033353noreply@blogger.com5tag:blogger.com,1999:blog-2720530513312889612.post-40716577296570423512013-06-26T14:30:00.000+02:002013-06-26T14:30:07.607+02:00ممنوع موت الثوار البتة<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">كان في واحد على التويتر من محبي الجيش كاتب يقول ان الجيش مش حينزل ويخلصنا من الاخوان الا لما يحصل دم كتير.. فانا سألته: ويا ترى ده حيبقى دم مين؟ دمنا احنا برضه؟ ماهو لا انتوا ولا الاخوان بتموتوا.. فما ردش عليا</span></b></div>
<div dir="rtl" style="text-align: right;">
<b><span style="font-size: large;">الحوار ده كان من ايام الاتحادية</span></b></div>
<div dir="rtl" style="text-align: right;">
<b><span style="font-size: large;">المهم سكت كده على الموضوع وانا حاطاه في بالي</span></b></div>
<div dir="rtl" style="text-align: right;">
<b><span style="font-size: large;">وجه موضوع تمرد ده، اصحاب فكرة تمرد والداعين ليوم 30 اربعة من شباب الثورة كلنا عارفينهم ما تخلفوش عن ولا مظاهرة ولا اشتباكات.. وانا بنفسي شايلة محمود بدر ده من قدام مدرعة في العباسية.. ومحمود بدر من عاصري اللمون بالمناسبة</span></b></div>
<div dir="rtl" style="text-align: right;">
<b><span style="font-size: large;">جات الدعوة لقت لها صدى، والناس استجابت بسهولة ويسر، لان الموضوع مش في عبقرية وبساطة الفكرة بس الموضوع في اختيار التوقيت.. وقت اعلان تمرد كان وقت احساس الجميع بالخطر وان الاخوان سايقين العربية وبينطوا بيها من فوق الجبل</span></b></div>
<div dir="rtl" style="text-align: right;">
<b><span style="font-size: large;">وزي ما شوفنا امبارح في مؤتمر الراجل اللي واقف ورا عمر سليمان، للمرة الالف بعد المليون ناس مصلحجية غير مرغوب فيهم بيبرشطوا على شقا الثوار وتعبهم عشان يركبوا ويستفيدوا</span></b></div>
<div dir="rtl" style="text-align: right;">
<b><span style="font-size: large;">ماشي.. على فكرة ماشي.. نتركب مش مشكلة</span></b></div>
<div dir="rtl" style="text-align: right;">
<b><span style="font-size: large;">بس اذا كنا غلطنا قبل كده واتركبنا من الاخوان بدون وعي منا وده تسبب في ان اغلب اللي نعرفهم يا اما الله يرحمهم يا اما الله يشفيهم يا اما الله يفك سجنهم وفي الاخر الاخوان طلعوا على كتافنا عشان يوصلوا للحكم وزقوا برجلهم السلم اللي طلعوا عليه اللي هو احنا وبعدين طبعا فشلوا فشل ذريع مريع شنيع، لانهم لا هم متمكنين من مفاصل الدولة عشان يسيطروا، ولا طبعا حد حيسمح لهم يتمكنوا، ولا هم اتركنوا علينا عشان نسندهم في وحلتهم دي، واحنا ركن شديد، والكل عارف ان عددنا قليل وكتفنا ناشف</span></b></div>
<div dir="rtl" style="text-align: right;">
<b><span style="font-size: large;">وبما ان الكل عارف ان عددنا قليل وكتفنا ناشف فقد قرر الفلول انهم يركبونا: مش دي العيال اللي بتحب تموت؟ يالا قشطة.. نخلص بيهم المعكرة وبالمرة نخلص منهم عشان ما يوجعوش دماغنا بعد اما نوصل للحكم</span></b></div>
<div dir="rtl" style="text-align: right;">
<b><span style="font-size: large;">انا مش باقولك لك ما تتركبش.. ابسلوتلي.. اتركب بس وانت واعي.. يعني ما ينفعش تموت المرة دي</span></b></div>
<div dir="rtl" style="text-align: right;">
<b><span style="font-size: large;">الاخوان لازم يمشوا واحنا لازم نمشيهم لان المسئولية الاخلاقية تحتم علينا اننا زي ما وحلنا البلد فيهم لازم ننشلها منهم</span></b></div>
<div dir="rtl" style="text-align: right;">
<b><span style="font-size: large;">لكن ما ينفعش اللي عايزين الجيش يحكم يقولوا لنا في وشنا: اصله مش حينزل الا لما انتوا تموتوا فياريت تموتوا!</span></b></div>
<div dir="rtl" style="text-align: right;">
<b><span style="font-size: large;">لا احنا مش حنموت المرة دي.. ما تموتوا انتوا ياللي بتقولوا لنا موتوا</span></b></div>
<div dir="rtl" style="text-align: right;">
<b><span style="font-size: large;">اخي الثائر اختي الثائرة... انتوا اه عضمكوا ناشف، بس عددكوا قليل ومشواركوا طويل.. لسه لسه، بعد ما الاخوان يمشوا لسه في مشوار طويل مع الفلول</span></b></div>
<div dir="rtl" style="text-align: right;">
<b><span style="font-size: large;">الاخوان لما يلاقوا الدنيا ضلمت عليهم من كل ناحية حيعملوا صفقة مع الفلول زي ما كانوا بيتفقوا مع مبارك ومع المجلس العسكري عادي زي الزبادي</span></b></div>
<div dir="rtl" style="text-align: right;">
<b><span style="font-size: large;">لو مرسي عمل حملة اعتقالات حيعتقلنا احنا</span></b></div>
<div dir="rtl" style="text-align: right;">
<b><span style="font-size: large;">ولو مرسي مشي والفلول مسكوا برضه حيرازونا احنا</span></b></div>
<div dir="rtl" style="text-align: right;">
<b><span style="font-size: large;">هو فيه غيرنا في البلد دي مش لابس الطاقية؟</span></b></div>
<div dir="rtl" style="text-align: right;">
<b><span style="font-size: large;">انا لما كتبت على التويتر الثائر اللي حيخش مواجهات لا هو ابني ولا اعرفه وحاحرمه من الميراث حق الله بقى المرة دي اللي نازلين يقولوا لنا كفاية عك على اساس اننا احنا اللي بقالنا سنتين بنعك هم اللي يخشوا مواجهات وهم اللي يقدموا تضحيات مش احنا.. الله هو مش احنا برضه العكاكين؟ ما اللي مش عكاكين يموتوا هم بقى شوية.. هو مافيش غيرنا؟</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">تصوروا بقى رد فعل اللي حاطين افتار كفاية عك ايه؟</span></b></div>
<div dir="rtl" style="text-align: right;">
<b><span style="font-size: large;">انا شخصيا.. انا نوارة نجم يعني.. لو انا في موقفهم وحد قالي الكلام ده، رد فعلي الطبيعي والتلقائي: بالسلامة يا قطر.. ومين قالك احنا محتاجينكوا في حاجة.. مواجهات ايه يام مواجهات اللي بترجعوا نصكوا ميتين.. احنا بقى حنوريكوا الرجالة لما تنزل مواجهات بتعمل ايه وتقفوا تتعلموا...</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">صح كده؟ واظن اي حد فينا كان حيبقى رد فعله كده.... ده لو هو مخلص ونيته سليمة</span></b></div>
<div dir="rtl" style="text-align: right;">
<b><span style="font-size: large;">الغريبة بقى ان رد فعلهم ما كانش كده خالص.. هم شتموني اه، بس مش من المنطلق اللي قلته، من منطلق: انت ليه بتقولي لهم ما يموتوش؟ انت اخوان وعايزة اليوم يبوظ! يا عم انت ايه اللي مزعلك؟ انا باكلم اللي ليا وباقوله انت ما تموتش المرة دي... خلي غيرك يموت... تقوم تقولي لا سيبيهم يموتوا؟ ما تموت انت يا اخي</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طبعا في بعض الشباب اللي قالي: لا حرام عليكي يا نوارة انا عايز استشهد، بعدين الفلول والكنباوية مش حيعرفوا يعملوا حاجة، ده قدرنا ان احنا اللي نواجه!</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">لا يا روح خالتك مش قدرك ولا حاجة، عشان تبقى عارف، في المحلة لما السلفيين نزلوا مسلحين على الثوار وضربوهم بالنار اللي خلص الموضوع ناس من الفلول ضربوا نار على السلفيين اللي كانوا بيضربوا نار.. يعني هم معاهم سلاح زي الاسلاميين... مالنا احنا ومالهم بقى؟ احنا وش سلاح؟ احنا بقالنا سنتين ونص بيتقال علينا بلطجية عشان مولوتوف وطوب... لو الاسلاميين ضربوا نار ماحدش حيعرف يقف لهم غير حد معاه سلاح... انت معاك سلاح؟ انا معايا سلاح؟ ولو معانا.. حنعرف نستعمله؟ اذا كنا لما بنحدف الطوب بنخبط بعض.. سلاح ايه بقى ده احنا ممكن نموت بعض بيه</span></b></div>
<div dir="rtl" style="text-align: right;">
<b><span style="font-size: large;">ايوه لا الاخوان ولا الفلول عندهم روح الفداء اللي تخليهم قابلين على نفسهم الموت.. بس انت ليه تموت المرة دي؟ مافيش اي مبرر</span></b></div>
<div dir="rtl" style="text-align: right;">
<b><span style="font-size: large;">الاخوان حيمشوا حيمشوا.. احنا لو نزلنا باعداد كبيرة واعتصمنا باعداد كبيرة لمدة اسبوع واحد بس الاخوان حيمشوا</span></b></div>
<div dir="rtl" style="text-align: right;">
<b><span style="font-size: large;">وماحدش عايزهم، الناس كلها ضدهم، وامريكا اللي كانت شبطانة فيهم ابتدت تطلع تصريحات تملص منهم لما لقت كل الشعب مش عايزهم، امريكا كده... اللي يتجوز امها تقول له يا عمها</span></b></div>
<div dir="rtl" style="text-align: right;">
<b><span style="font-size: large;">وفر نفسك.. وفر نفسك</span></b></div>
<div dir="rtl" style="text-align: right;">
<b><span style="font-size: large;">احنا الاول كنا بنعرف بعض بالوش.. دلوقت بقينا نعرف بعض بالاسم.. بعد كده حنعرف بعض بالريحة.. بعد شوية لو شوفت نفسك في المراية يبقى كتر خير ربنا.. حرام عليك</span></b></div>
<div dir="rtl" style="text-align: right;">
<b><span style="font-size: large;">الاخوان ماشيين ماشيين بامر الله.. بامر الله ماشيين.. دول كيان مهزوز وعناصر مكرشة وجبانة وقيادات مصلحجية وفاشلين ولولانا احنا، الله يسامحنا ويغفر لنا، ما كانوش وصلوا لحكم مصر ولا كانوا يحلموا بيه، دايما كانوا متداريين فينا، وطول السنتين ونص بنخوض المعارك اللي مفروض يخوضوها عشان يوصولوا للحكم بالنيابة عنهم من غير وعي مننا... صحابنا ماتوا واتشتمنا واتهانا واتصاب منا ناس واتضرب منا ناس واتحبس منا ناس.. احنا اسفين يا احنا</span></b></div>
<div dir="rtl" style="text-align: right;">
<b><span style="font-size: large;">اذا كان كل الناس ضد الاخوان، الشعب ضدهم، والثوار، واجهزة الدولة كلها ضدهم، والفلول ضدهم، والكنباوية ضدهم.. ومش ناقص غير الشجر والحجر ينطق ويقول ورايا اخواني</span></b></div>
<div dir="rtl" style="text-align: right;">
<b><span style="font-size: large;">يبقى خلاص ماشيين ماشيين ان شاء الله.. لازمتها ايه تموت وتحرق قلب امك وتوجع قلبي انا؟ طب عايز ترازي امك عشان قاطعة عنك المصروف ولا بتقول لك خليك ماشي ورا الثوار الصيع لما يتلفوا املك.. طب انا عملت لك ايه طيب تعصر قلبي عليك؟ ولا انت مش عامل حسابي؟ حرام عليك ومش مسامحاك لو ما عملتش حسابي وانت بتعرض نفسك للخطر.. حرام عليك</span></b></div>
<div dir="rtl" style="text-align: right;">
<b><span style="font-size: large;">مش الفلول والكنباوية قالوا لنا اللي شبكنا يخلصنا؟ ادي احنا بنخلصهم.. لازم نموت؟</span></b></div>
<div dir="rtl" style="text-align: right;">
<b><span style="font-size: large;">اللي عايز دم كتير عشان الجيش ينزل ينزف هو من دمه ودم عياله.. ما يزقكش انت وصحابك على الموت</span></b></div>
<div dir="rtl" style="text-align: right;">
<b><span style="font-size: large;">واحد يقولي: يعني افرضي الاخوان فرضوا علينا مواجهات.. حنعمل ايه؟</span></b></div>
<div dir="rtl" style="text-align: right;">
<b><span style="font-size: large;">حتعمل انك حتقف ورا.. عادي جدا... ايه ما شوفتهمش قبل كده اللي اول ما الضرب يبتدي يرجعوا ورا؟ ما تتصعبنليش كده وتقولي: انا؟ انا اعمل كده؟ </span></b></div>
<div dir="rtl" style="text-align: right;">
<b><span style="font-size: large;">اه.. انت تعمل كده عادي.. الدنيا كر وفر.. مش ممكن تفضل تكر على طول.. فر شوية.. اشمعنى الناس كلها طول الوقت بتفر وانت اللي طول الوقت بتكر؟ </span></b></div>
<div dir="rtl" style="text-align: right;">
<b><span style="font-size: large;">مستعجل ليه على الموت؟</span></b></div>
<div dir="rtl" style="text-align: right;">
<b><span style="font-size: large;">لسه المشوار الطويل مع الفلول بعد الاخوان والموت مافيش اكتر منه في مصر... </span></b></div>
</div>
Anonymoushttp://www.blogger.com/profile/13861105695847033353noreply@blogger.com5tag:blogger.com,1999:blog-2720530513312889612.post-42150814725617200952013-06-20T11:02:00.001+02:002013-06-20T11:20:26.680+02:00تحذيرات ومراجعات قبل يوم 30 يونيو<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="color: yellow; font-size: large;">التحذيرات التالية واجبة لكل اللي نازلين سواء مستجد او قديم:</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">لازم نحط في الاعتبار ان اللي بنواجههم لاول مرة يحسوا انهم بيخلصوا فعلا، وهم مش جيش ولا شرطة، فمواجهاتهم حتختلف عن كونهم جيش او شرطة، الجيش خلاص عرفنا ان مدرعاته مرتبكة، والشرطة بتخزق العينين بالخرطوش</span></b></div>
<div dir="rtl" style="text-align: right;">
<b><span style="font-size: large;">الجماعة وتوابعها مختلفين من حيث التنظيم واسلوب المواجهة وطريقة التفكير، هم تشكيلهم اقرب للمافيا منه لكتلة نظامية زي الجيش او الشرطة</span></b></div>
<div dir="rtl" style="text-align: right;">
<b><span style="font-size: large;">يعني صحيح هم بيجروا بسرعة في المواجهات زي ما شوفنا في الاتحادية واسكندرية والمقطم ورشا عزب... لكن مين قال انهم حيعتمدوا على المواجهة المرة دي.. المرة دي ممكن يلجأوا للمواجهة ويجروا من قدامنا عشان نجري وراهم عشان يخلوا ساحة التظاهر او الاعتصام لمجموعة تانية شغلتها تندس عشان تزرع حاجة، تسمم حاجة... تعمل حاجات كتير انا شخصيا جات في بالي لما قعدت تقمصت شخصيتهم وحاولت افكر بطريقتهم لقيت نفسي طلع في دماغي افكار شريرة كتير، مش لازم اقولها ولا لازم انت لو جه في بالك افكار شر تقولها على النت لان ببساطة ممكن نكون بنديهم افكار.. اه هم بالعبط ده، واظن بعد عشرة سنة رئاسة وست شهور برلمان اتأكدنا انهم بالعبط ده، واوحش انواع الشر الشر الغبي</span></b></div>
<div dir="rtl" style="text-align: right;">
<b><span style="font-size: large;">طيب مبدئيا كده:</span></b></div>
<div dir="rtl" style="text-align: right;">
<b><span style="font-size: large;"><span style="color: yellow;">الاعاشة</span>:</span></b></div>
<div dir="rtl" style="text-align: right;">
<b><span style="font-size: large;">الاعاشة اكل وشرب لازم تبقى من اماكن معروفة ومراكز معروفة ومعلن عنها في الاعلام، القنوات والصحف يقولوا ان مصادر اعاشة الاعتصام المركز الفلاني، الشخص الفلاني.. والصناديق اللي تيجي يبقى محطوط عليها اسم او لوجو او اي حاجة، والمجموعة اللي بتسلم الاعاشة والمجموعة اللي بتستلم الاعاشة تبقى معروفة ومعلن اساميهم واشكالهم للجميع.. مسئولين الاعاشة في الاعتصام يبقوا معروفين بالاسم والشكل ويعلن عنهم عبر وسائل الاعلام</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">ممنوع منعا باتا تجيب باكو بسكوت ولا حتى ازازة مية خارج مجال الاعاشة.. </span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">ما تشتريش من باعة جائلين.. </span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">ما تجيبش من اكشاك حوالين الاعتصام، لو حتجيب لنفسك حاجة وانت جاي تبقى حاجة بعيدة قوي عن الاعتصام، يعني تبقى جاي من الهرم مثلا واعتصامك في الاتحادية تجيب من الهرم</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">مافيش ست عجوزة تيجي تقول يا حبايبي جايبة لكوا سندوتشات وما تصدق وتقعد تاكل يا طفس زي حواوشي مجلس الوزرا... الست العجوزة اللي جايبة لحبايبها تروح خيمة الاعاشة وتتكلم معاهم وهم يشوفوا حياخدوا منها ولا لا.. ويستحسن ما ياخدوش منها حاجة الا لما تاكل قدامهم من الاكل</span></b></div>
<div dir="rtl" style="text-align: right;">
<b><span style="font-size: large;">لو حتتكسف تقول لست كبيرة كلي من الاكل يبقى ما تاخدش منها حاجة، لو حتتكسف تكسفها وما تاخدش منها، يبقى خده منها وارميه... </span><span style="color: lime; font-size: x-large;">مافيش اي تهاون في تأمين الاكل والشرب بتاع الناس</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;"><span style="color: yellow;">اللجان</span>:</span></b></div>
<div dir="rtl" style="text-align: right;">
<b><span style="font-size: large;">كل اعتصام يبقى له مجموعة مسئولة عن اللجان الشعبية لتأمين الاعتصام ده كلنا عارفينه، المرة دي المجموعة دي بقى لازم اسماءها وصورها يتم الاعلان عنها في الصحف والفضائيات عشان يبقوا دول مسئولين الامن في الميدان ويبقى لهم خيمة مكتوب عليها الامن، عشان اللي عايز يتطوع يأمن في اللجان يروح لهم ويسلم بطاقته هناك يصوروها ويبقوا عارفينه، واللي يشوف حاجة غلط في الميدان او مقلقة يروح يبلغ امن الميدان</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">الحاجة التانية لازم يتم عمل مسح بشكل دوري الصبح وبالليل للاعتصام، ولازم يتم تفتيش الخيم</span></b></div>
<div dir="rtl" style="text-align: right;">
<b><span style="font-size: large;">عشان نبقى واضحين مع بعض، تفتيش الخيم مش عشان مصادرة الحاجات اللي الناس جايبها تحمي بيها نفسها لو الاخوان هجموا.. يعني مش معقولة الاخوان يهجموا زي يوم الاتحادية بالالي والناس ما يبقاش معاها براشوت حتى تدافع بيه عن نفسها</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">تفتيش الخيم ده المقصود منه ان لو مزروع حاجة مش تمام في المكان ممكن تئذي المعتصمين</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;"><span style="color: cyan;">ملحوظة هامة</span>: اهلا وسهلا باي مستجدين، بس الاعاشة واللجان ممنوع منعا باتا اي حد من المستجدين يبقى مسئول عنها.. اولا ما عندهمش خبرة، ثانيا احنا عارفين دول مين؟</span></b></div>
<div dir="rtl" style="text-align: right;">
<b><span style="font-size: large;">القدام هم اللي يبقوا مسئولين عن الحاجات دي.</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;"><span style="color: yellow;">التشكيلات</span>:</span></b></div>
<div dir="rtl" style="text-align: right;">
<b><span style="font-size: large;">في حاجة دي مخصوص للقدامى المحاربين بس</span></b></div>
<div dir="rtl" style="text-align: right;">
<b><span style="font-size: large;">انت لازم تقعد مع نفسك نص ساعة كده، تتخيل نفسك انسان وسخ ومجرم، وخلاص بتتسلم وتفكر لو حصل ده معاك حتعمل ايه؟ فكرت؟ اهي كل الافكار السودا دي حطها احتمال ان الاخوان ممكن يعملوها.. وما تنشرهاش على النت زي ما بنعمل كل مرة، هات مجموعة من صحابك، افصلوا باطريات الموبايلات، وحطوا الاحتمالات دي في ورقة، وحلول الاحتمالات دي، وشكلوا مجموعة للتصدي لهذه الاحتمالات.. لما الناس تعتصم ويبقى في خيمة امن الميدان، تروح انت والمجموعة بتاعتك ويا اما تطرحوا الحلول، يا اما تتطوعوا تأمنوا</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">----------</span></b></div>
<div dir="rtl" style="text-align: right;">
<b><span style="font-size: large;"><span style="color: yellow;">تعليمات هامة للمستجدين</span>:</span></b></div>
<div dir="rtl" style="text-align: right;">
<b><span style="font-size: large;">1- تمشي شايل خطين موبايل كل موبايل يبقى مشحون للآخر، ويبقى معاك لكل موبايل بطارية احتياطي مشحونة.. الموبايل الاولاني ده العادي بتاعك اللي كل الناس عارفاه ويبقى في ايدك.. الموبايل التاني يستحسن يكون جديد خالص، لسه شاريه وماحدش يعرفه غير القريبين بس، مامتك.. مراتك.. المحامي بتاعك.. كده المهم ما تديهوش لاكتر من تلاتة اربعة بالكتير قوي</span></b></div>
<div dir="rtl" style="text-align: right;">
<b><span style="font-size: large;">الخط ده، تبقى مخبيه بحيث لو لا قدر الله اتخطفت ماحدش يعرف يوصل له غيرك.. وتبقى محضر فيه رسالة: انا اتخطفت، وتبعتها لاهم شخص ممكن يعرف يتصرف وتبقى محضرها على الارسال</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">2- ما تمشيش لوحدك مهما حصل.. تمشي في مجموعة، لو مروح يبقى ما تمشيش لوحدك ابدا، حتى لو رايح تركب مواصلة او تاكسي او عربيتك، يبقى معاك اتنين يوصلوك للركوبة ويرجعوا هم </span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">3- تجنب الشوارع الجانبية على قد ما تقدر</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">4- ما تركبش تاكسي ولا مواصلة من قدام الاعتصام.. اطلع على الشارع وخد مواصلتك</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">5- تمشي شايل في جيبك ورقة فيها اسمك وعنوانك واهم تليفون الناس تتصل بيه لو حصل لك حاجة، وفصيلة دمك</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">6- في حالة الاشتباكات اقف ورا المشتكبين وما تجريش.. ما تجريش ما تخافش.. مش حيحصل لك حاجة، اللي واقفين قدام دول مش كاوركات عشان تخاف يخطوهم ويوصلوا لك، دول وقفوا في وش جيش وشرطة ورانين الاخوان سبعين قفا على سهوة.. بس نفسيتهم بتحبط لما يبصوا وراهم يلاقوا كل اللي نزلوا روحوا.. بلاش ندالة، مش تبقى ما بتتصدرش في الاشتباكات وكمان تروح.. ما تكشفوش ضهر الناس ويموتوا عشان خاطركوا وبعدين ترجعوا تشتموهم وهم ميتين وتقولوا عليهم بلطجية ومنهم لله خربوا البلد... فاكرين؟ حق الله المفروض انتوا اللي تتصدروا في الاشتباكات دي</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">كمان احتمال تكون الاشتباكات دي بهدف اخلاء الساحة الخلفية لناس يزرعوا اي حاجة خطر.. وهروبكوا بيسهل مهمة المتسلل، لما العدد يبقى كبير صعب حد يتسلل</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">ملحوظة للمشتبكين:</span></b></div>
<div dir="rtl" style="text-align: right;">
<b><span style="font-size: large;">بص يابني.. حق الله اللي نازلين جديد ورافعين شعار "كفاية عك" على اساس ان احنا بقالنا سنتين ونص بنعك هم اللي يتصدروا في الاشتباكات، مش احنا اللي عكينا وهم اللي نازلين يصلحوا عكنا؟ طب ما يشتبكوا ولا مافيش غيرنا يموت يعني؟ بس بما ان انا وانت وهم عارفين انهم لا حيشتبكوا ولا نيلة، يبقى اقل واجب عليهم انهم ما يجروش ويقفوا في ضهرك.. </span><span style="color: cyan; font-size: x-large;">بصيت وراك لقيتهم روحوا وقف الاشتباك وروّح</span></b></div>
<div dir="rtl" style="text-align: right;">
<b><span style="color: cyan; font-size: x-large;">روّح</span></b></div>
<div dir="rtl" style="text-align: right;">
<b><span style="color: cyan; font-size: x-large;">انت تموت عشان ناس بتسيبك ليه؟</span><span style="font-size: large;"> هو انت نازل مستفيد حاجة؟ هم نازلين عشان اكل عيشهم، وانت نازل عشان اكل عيشهم لان اكل عيشك انت اتقطع خلاص من زمان.. يبقى يقفوا زي الناس في ضهرك لو مشيوا خد بعضك وارجع............... بجد</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">المرة دي مش حينفع مية ميتين بني ادم يفضلوا في الاشتباكات والاعتصامات والباقي روّح.. </span><span style="color: cyan; font-size: x-large;">المرة دي لو العدد الكبير روح العدد الصغير اللي بيلزق في كل اعتصام واشتباكات لازم يرجع فعلا.... لازم يرجع فورا ما يفضلش مخلوق.</span><span style="font-size: large;">. يا نعيش عيشة فل يا نموت احنا الكل</span></b></div>
<div dir="rtl" style="text-align: right;">
<b><span style="font-size: large;">لان اولا وجودك مالوش لازمة ومش حيحل حاجة مدام العدد قليل ومش حتمشي الاخوان بالعدد القليل</span></b></div>
<div dir="rtl" style="text-align: right;">
<b><span style="font-size: large;">ثانيا حتموت.. وبصراحة، المرة دي بالذات ماحدش لا من النازلين ولا من اللي منزول لهم يستاهل تموت عشانه.. مش كل ما يتزنقوا في دور واحد ميت يجيبوك انت وصحابك.. وياريتهم لما بتموت بيترحموا عليك حتى</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">وتاني بكرر: </span><span style="color: lime; font-size: x-large;">عايزين تمشوا الاخوان تفضلوا باعداد كبيرة في الاعتصامات والاشتباكات ليل نهار.. عايزين تتسلوا وتنزلو ياي مزاهرة سو كووووول وبعدين تروحوا اخر النهار عشان تاخدوا الشاور بتاعكوا وتشربوا الاربال تي قدام ام بي سي ماكس.. يبقى قولوا لنا عشان نوفر تعبنا وشقانا ودم اللي نازلين شايلين اكفانهم</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">الاعتصام بالليل لازم يبقى عدده زي عدده بالنهار.. مش زي اعتصام الاتحادية اللي الصبح مدارس الولاد، والضهر باحضر الغدا، والعصر باودي العيال التمرين، وبعدين تنزلوا انتوا والعيال الاعتصام من المغرب للعشا تاكلو فشار وغزل البنات وتروحوا وتسيبوا الناس.. كده مش حينفع.. كده مش حينفع</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="color: lime; font-size: x-large;">وباقول للثوار الكلام ده لو حصل من اول يوم لم خيمتك وامشي يابني.. انت مش كسبان لو الاخوان قعدوا ولا كسبان لو مشيوا.. انت فقري اساسا وعمرك ما كسبت وبس نازل عشان المبدأ والاخلاق والبلد اللي ضاعت والبيوت اللي اتخربت.. لو الناس مش حتدافع عن بيوتها اللي اتخربت وتقعد وترابط انت كده كده بيتك مخروب.. لو مشيوا روّح</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">شوفوا انا عمالة اكرر في نفس المعنى بعدة صياغات ازاي؟ </span></b></div>
<div dir="rtl" style="text-align: right;">
<b><span style="font-size: large;">على الله بقى اللي بحذر منه ده يحصل بعد كل اللت والتكرار ده</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">7- <a href="https://www.facebook.com/fdep.egypt">جبهة الدفاع عن متظاهري</a> مصر حتنزل ارقام تليفونات محامين قبل الاعتصام بيوم او يومين تابعها وسجل الارقام دي على التليفونين اللي معاك واكتب اسمك وبيانات في رسالة ومعاها كلمة انا اتخطفت وحطها على الارسال مع رقم التليفون اللي انت حتبعته لاي حد من قرايبك</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">8- ما تتصحابش على حد من النت.. خصوصا لو انت في الفترة الاخيرة نشط ضد الاخوان وحد باعت لك على الفيك بوص او الطنيطر يقولك ازيك سلامات حاشوفك في المظاهرة.. مش وقت شقط الله يكرمك خالص.. ولا وقته تضرب صحوبية مع ناس ما تعرفهمش.. مهما كان بيشتم في الاخوان، اغلب صحابنا اللي اتخطفوا كانوا متصاحبين على ناس من النت بيشتموا في الاخوان وقبل لما ينزلوا كانوا مدينهم معاد يقابلوهم</span></b><br />
<b><span style="font-size: large;"><br /></span></b>
<b><span style="font-size: large;">9- في ناس بتندس في الاشتباكات شغلتها تجري.. اه.. بتبقى واقفة ورا المشتبكين بس قبل الناس اللي ورا خالص، وفجأة تروح جارية عشان تجرّي الناس... طول ما انت مش شايف قدامك حاجة، لا قنبلة ولا رصاص ولا براشوت قريب منك يبقى ما تجريش.. واقف مع كذا حد رافع ايدك وقول: اثببببتتتتت... اثثثبتتتت... الا اذا سمعت صوت طلق رصاص قريب منك.. يبقى تنتحي جانبا ناحية الرصيف وترجع ورا شوية... مش كتير.. واوحش حاجة الجري.. ممكن تموت تحت رجلين الناس مش من الرصاص</span></b></div>
<div dir="rtl" style="text-align: right;">
<b><span style="font-size: large;"><br /></span></b>
<b><span style="font-size: large;">10- احنا نازلين نمشي الاخوان... مش كل واحد ينزل يطالب بجوز خالته رئيسا.. اي حد يرفع صورة لحد، او شعار غير اسقاط النظام يترن علقة ما اكلهاش حرامي في مولد</span></b></div>
<div dir="rtl" style="text-align: right;">
<br /></div>
<div dir="rtl" style="text-align: right;">
<b><span style="font-size: large;">--------</span></b></div>
<div dir="rtl" style="text-align: right;">
<b><span style="font-size: large;">دي <a href="http://dostorasly.com/news/view.aspx?cdate=19062013&id=8cf08049-cc8f-4621-ae9d-78d4cd3bbbc5">تعليمات حركة تمرد</a> نزلتها برضه اطلع عليها مفيدة للمستجدين</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">دي <a href="http://7orreiia.3abber.com/category/31263">اسعافات اولية</a> برضه للمستجدين اللي مش عارفين الاسعافات</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">أخيرا للمستجدين:</span></b></div>
<div dir="rtl" style="text-align: right;">
<b><span style="font-size: large;">ما تخافش.. دي تعليمات أمان ضروري وفي الاخر ربنا بيسلم، ما احنا قدامك اهو نزلنا ورجعنا زي القرد اغلبنا... يعني فيه ناس استشهدت وناس اتصابت بس اغلبنا رجع سليم.. بعدين اللي اتصاب واستشهد ده كان عشان هو انسان كويس... كويس قوي بطريقة تخليه اصلا ما يخافش من الموت... لكن مدام انت خايف مش حيجرا لك حاجة.. عشان انت كده تبقى مش كويس قوي يعني لدرجة انك تستشهد :)</span></b></div>
<div dir="rtl" style="text-align: right;">
<b><span style="font-size: large;">ما تخافش ربنا مش حيقدر عليك الا المكتوب لك، والله حاولنا نموت اكتر من مرة وفشلنا، العمر ده زي الصاحب اللزج مهما تزق فيه ما يسيبكش</span></b></div>
<div dir="rtl" style="text-align: right;">
<b><span style="font-size: large;">وبعدين انتوا حتبقوا ورا.. يعني ان شاء الله مش حيجرا لك حاجة</span></b></div>
<div dir="rtl" style="text-align: right;">
<b><span style="font-size: large;">ومعاك رجالة ويعرفوا يحموك كويس.. بس ما تكشفش ضهرهم</span></b></div>
</div>
Anonymoushttp://www.blogger.com/profile/13861105695847033353noreply@blogger.com10tag:blogger.com,1999:blog-2720530513312889612.post-48622982696072061662013-06-15T22:45:00.002+02:002013-06-15T22:45:21.976+02:00مرسي في ماتش اعتزاله: زمن اللللللللللل خلاص انتهى<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">انتوا قافشين قوي في موضوع اننا نمشي الاخوان ده؟ اصل انا راجعت نفسي ولقيت ان ماحدش ممكن يضحكني كده... طب ممكن تمشوهم وتعملوا لهم قناة فضائية مخصوص يطلعوا عليها 24 ساعة؟</span></b></div>
<div dir="rtl" style="text-align: right;">
<b><span style="font-size: large;"><br /></span></b>
<b><span style="font-size: large;">استغفر الله العظيم.. ليه يا رب كده العبيط ده؟ احنا كنا عملنا ايه عشان ده كله؟ يا رب ده احنا غلابة يا رب</span></b><br />
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">شوفتوا ال.... هو ده كان ايه؟ مؤتمر ولا احتفال ولا اجتماع ولا ايه؟</span></b></div>
<div dir="rtl" style="text-align: right;">
<b><span style="font-size: large;">هو مما لا شك فيه ماتش اعتزال مرسي بالصالة المغطاة... : <a href="http://www.youtube.com/watch?v=W4nMskmjv0g">الف شكر.. الف شكر.. الف شكر.... الف شكر.. الف شكر</a></span></b></div>
<div dir="rtl" style="text-align: right;">
<b><span style="font-size: large;">ده بالنوسبة للخطيب... بالنوسبة لك انت يا مرسيخ.. تسعين مليون شكر حصلت في هاذوها الماشت</span></b></div>
<div dir="rtl" style="text-align: right;">
<b><span style="font-size: large;">ماشت الاعتزال ده يليق بمرسي وجماعته</span></b></div>
<div dir="rtl" style="text-align: right;">
<b><span style="font-size: large;">والملحوظ ان حزب النور ما شاركش في حفل التأبين ده وواحد اخوان كتب على التويتر عاتبا على حزب النور: حد يقول لحزب النور ان المؤتمر ده معمول ضد الشيعة</span></b></div>
<div dir="rtl" style="text-align: right;">
<b><span style="font-size: large;">هو الحقيقة المؤتمر مش معمول ضد الشيعة... ولا السنة، هو معمول عشان يخطب ود امريكا عشان ما تتخلاش عنه يوم 30/6 الجاي</span></b></div>
<div dir="rtl" style="text-align: right;">
<b><span style="font-size: large;"><br /></span></b>
<b><span style="font-size: large;">اهبل ان اذا كانت امريكا بتمشيه فاحنا اللي بنمشي امريكا واللي يتشدد لامريكا... هو حييجي اغلى من مبارك؟ </span></b><br />
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">حفل التأبين بدأ براجل لابس خليجي بس بيتكلم مصري وبيقول الحمد لله الذي امد في عمري حتى حكمني رئيس مسلم! </span></b></div>
<div dir="rtl" style="text-align: right;">
<b><span style="font-size: large;">يا دين النبي وكل المحمدات اللي حكمونا دول طلعوا هندوس؟ على كده مرسي سيخ... محمي</span></b></div>
<div dir="rtl" style="text-align: right;">
<b><span style="font-size: large;">وطبعا قعدوا يشتموا في الشيعة شوية لدرجة حتضايق امريكا نفسها لان ده خطاب كراهية وامريكا عندها ناخبين بيحاسبوها على الكلام ده</span></b></div>
<div dir="rtl" style="text-align: right;">
<b><span style="font-size: large;">لا ومحمد عمارة بيقول نظام سوري فاشي.. على اساس ان النظام المصري بيرأسه فنان تشكيلي، وعاصم عبد الماجد الارهابي بينظر لمصر وبيتكلم عن سيادة الدولة وكدزه.. قال محمد عمارة بيتكلم عن الفاشية وقاعد جنبه عاصم عبماجد... ده ربنا له حاجات يا جدع</span></b><br />
<b><span style="font-size: large;">وبالمناسبة مرة عاصم عبد الماجد قال على البلاك بلوك ارهابيين... </span></b><br />
<b><span style="font-size: large;">ثم ختمت بخطبة محمد حسان</span></b><br />
<b><span style="font-size: large;">ولي هنا عتب على كل الحضور الكريم... ازاي ماحدش سأله: فين الفلوس اللي لمتها يا شيخ حسان؟</span></b><br />
<b><span style="font-size: large;">هاه؟ هاه؟ هاه؟ ده انا كنت حانط جوه التلفزيون عشان اسأله</span></b><br />
<b><span style="font-size: large;">حسان بقى قال ان الجهاد في سوريا واجب شرعي بالمال والسلاح والنفس... طب ما تروح يا حسان، ما معاك الفلوس اللي لمتها ولو اخدت في ايدك الاربعين الف اللي كانوا في الصالة المغطاة ورحتوا سوريا احنا مسامحينك في اللي لميته ولك عندي انشك في لساني ان سألتك فين الفلوس اللي لمتها يا شيخ حسان تاني لو خدت بعضك ورحت جاهدت.</span></b><br />
<b><span style="font-size: large;"><br /></span></b>
<b><span style="font-size: large;">انا عايزة افهم هم كانوا بيعملوا ايه؟ كانوا بيحاولوا يحببوا المصريين في الاخوان عن طريق سوريا ولا بيكرهوا المصريين في سوريا واللي جاب اللي جابها؟</span></b><br />
<b><span style="font-size: large;">انا اكاد اجزم ان نص الشعب المصري لما سمع الخطاب ده بقى شيعي وبعد ما بقى شيعي ألحد وبعد ما ألحد قعد يدعي على سوريا وهو كاشف راسه.. ده بيقول ادعم سوريا بالمال!</span></b><br />
<b><span style="font-size: large;">مال ايه يافنجري البق احنا لاقيين ناكل؟ بقى تخلي كيلوا الخيار باربعة جنيه وكيلو العنب بتمانية جنيه وكيلوا البصل بخمسة جنيه وتشفط السولار وتقطع الكهربا وتضيع المية عشان تدفع فلوس لسوريا؟ طب وبالنسبة للشعب المصري الشقيق؟ مالوش حاجة ده؟</span></b><br />
<b><span style="font-size: large;">انت بتوقع بينا وبين السوريين؟ المصريين كده حيكرهوا السوريين</span></b><br />
<b><span style="font-size: large;">مش كفاية اللي عملتوه في فلسطين؟ السادات عمل معاهدة سلام مع اسرائيل والمصريين ما نسيوش القضية الفلسطينية، مبارك بذل كل جهده عشان يكره المصريين في الفلسطينيين لمدة تلاتين سنة اكمنه كان حبيب اسرائيل وكنزها الاستراتيجي وفشل فشل ذريع واحد اسباب الثورة عليه موقفه من الفلسطينيين.. المصريين اول ما مشي مبارك راحوا عند سفارة اسرائيل واتشعلقوا وشالوا علم اسرائيل... واول ما مرسي مسك في ظرف سنة واحدة مش لاقية مصري طايق سيرة فلسطين ولا الفلسطينيين... والجديد اني بقيت اقابل فلسطينيين عايشين في مصر بقوا مش طايقين سيرة فلسطين.. كرهت الناس في قضيتها</span></b><br />
<b><span style="font-size: large;">طب دمرتوا القضية الفلسطينية.. ايه اللي بتعملوه في السوريين ده؟ احنا بينا وبين سوريا تاريخ مشترك.. عايز الجيش المصري يحارب الجيش السوري بعد ما كانوا بيحاربوا مع بعض في 73؟ احنا نحارب السوريين احنا؟ ننشك في معاميعنا لو عملنا كده... لما يبقى في حرب اهلية في مكان والمكان ده غالي زي سوريا ما نروحش نساهم في القتل خصوص ان الناس مش ناقصة كل من هب ودب داخل بلدهم يقتل اي حد يشوفه معدي... وبعدين يقول لا مكان لحزب الله داخل سوريا.. صح.. بعدين يقول احنا مش بنتدخل في الشأن الداخلي، بعدين يقول انه بيعلن الجهاد لنصرة سوريا وعايز يبعت الجيش يحارب في سوريا.. طب انت البعيد مضروب على دماغك من زمان، الاربعين الف معتوه اللي قعدوا يصقفوا على الكلام وعكسه دول كلهم مخبوطين على دماغهم؟ هو شرط للانضمام للجماعة؟</span></b><br />
<b><span style="font-size: large;">وجيش ايه اللي عايز تبعته سوريا؟ هو احنا حنبعت الجيش سوريا ولا اثيوبيا ولا القدس؟ وهو الجيش ده ساكت كده ليه؟ مالوش قيادات تقول له اقف عند حدك انت كل اسبوع تعلن الحرب على بلد شكل؟ ولا هم اخوان راخرين؟ </span></b><br />
<b><span style="font-size: large;">وبعدين هو مش لما راح لروسيا قالهم احنا موقفنا من سوريا زي موقفكوا بالظبط؟</span></b><br />
<b><span style="font-size: large;">الابعد عارف موقف روسيا ايه؟ بتبعت سلاح لبشار... </span></b><br />
<b><span style="font-size: large;">وشفتوا الشيخ عبد المقصود الامنجي اللي اخوه ظابط امن دولة وبيخوض في اعراض الناس على شاشات الفضائيات وطالع يدعي علينا كأننا اسرائيل؟ </span></b><br />
<b><span style="font-size: large;">اسرائيل ايه؟ دول ما جابوش سيرة اسرائيل خالص.. وعبمقصود اللي حرق سعرات حرارة في الدعا علينا ده ما جابش سيرة اسرائيل </span></b><br />
<b><span style="font-size: large;">لا الفارة طاهرة ولا دعوتها مستجابة يا عبمقصود.. والدعاء اللي دعيته علينا بالافتراء علينا ووصفنا اننا دعاة الكفر مردود عليك بأمر الله وعلى كل من أمن وراك.. ولكم بمثله</span></b><br />
<b><span style="font-size: large;">وعبمقصود قالك مصر اهلها في رباط الى يوم القيامة ههههههههههههه ناس ما عندهاش اخلاق ولا دين... السلفيين كلهم بيكذبوا الحديث ده، وبيكذبوا كل الاحاديث في فضل مصر... دلوقت بقيت تعتبر بحديث كلكوا بتكذبوه عشان لك مصلحة؟ </span></b><br />
<b><span style="font-size: large;">وكله كوم والمطرب الاوبرالي اللي غنى وقال سنرفع السبابة.. ساعتها كل الشعب رفع له الوسطى</span></b><br />
<b><span style="font-size: large;">بس انا عرفت الناس بتنضم للجماعة ازاي؟ بيبقوا اصلا ناس عندها وهم انها موهوبة في الشعر او الغنا او التمثيل، وطبعا بيفشلوا، لما بيفشلوا بيخشوا الجماعة واخوة الاسلام بقى يستحملوهم... طب واحنا نستحملهم ليه؟ ده حتى عبمقصود قال علينا وهو بيدعي علينا اننا دعاة الكفر والالحاد.. ذنبنا ايه احنا نستحمل الابداع الفني بتاع مطرب السوبرانو الاول مرة ورقصة المغير مرة وشعرم <a href="http://www.elwatannews.com/news/details/200905">انا مش خروف مرة</a>؟ </span></b><br />
<b><span style="font-size: large;">ثم إن مرسي لو ما مشيش عشان هددنا وحرض بالعنف علينا كلنا وقال علينا فلول وهم اساسا اللي قالوا احنا مش حنشارك يوم 25 <a href="http://www.youtube.com/watch?v=xS3xynR6Mx8">واللنك اهو</a> لتكونوا نسيتوا ولو مامشيش عشان بيهلوس ولو ما مشيش عشان عامل جيشنا ملطشة وكل شوية يعلن الحرب من دماغه... يبقى يمشي عشان قال: الآنُ بالضمة</span></b><br />
<b><span style="font-size: large;"><br /></span></b>
<b><span style="font-size: large;">ابلغ رد مؤقت عليك يا مرسي الدبانة اللي عفت عليك وعرفتك انت ايه بالظبط</span></b><br />
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">واجمد حتة لما قال: المسلمين والمسيحيين في مصر يدعمون سوريا</span></b><br />
<b><span style="font-size: large;">هو المؤتمر ده كان فيه مسيحيين؟ ولا اكتفوا بمحمد الصاوي؟</span></b><br />
<b><span style="font-size: large;"><br /></span></b>
<b><span style="font-size: large;">سؤال الحلقة:</span></b><br />
<b><span style="font-size: large;">ما هي الدولة التي سيعلن عليها مرسي الحرب في الاسبوع القادم؟ ده اذا فضل للاسبوع القادم</span></b></div>
</div>
Anonymoushttp://www.blogger.com/profile/13861105695847033353noreply@blogger.com6tag:blogger.com,1999:blog-2720530513312889612.post-9110228890592803412013-06-15T12:33:00.003+02:002013-06-15T12:44:52.069+02:00حسن مصطفى اخد سنة وانا جاي في بالي اهزأنا<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">حسن مصطفى للي ما يعرفوش هو اللي طلع صورة خالد سعيد واول من نشر حكايته</span></b></div>
<div dir="rtl" style="text-align: right;">
<b><span style="font-size: large;">وحسن مصطفى عمره ما تخلف عن وقفة ولا فاعلية من قبل الثورة وكان من اللي بيحشدوا للوقفات اللي بالاسود.. فاكرين لما كنا بنقف بالاسود عشان خالد باصين للبحر او النيل ومديين ضهرنا للشارع؟ واحمد موسى بتاع الجمهورية كتب يقول اننا ماسون؟ كان حسن من اللي بيحشدوا وبيدعوا الناس للوقفات دي</span></b></div>
<div dir="rtl" style="text-align: right;">
<b><span style="font-size: large;">وحسن عمره ما اتأخر عن حد، ووقف جنب ناس كتير</span></b></div>
<div dir="rtl" style="text-align: right;">
<b><span style="font-size: large;">وحسن نوارة اسكندرية فعلا</span></b></div>
<div dir="rtl" style="text-align: right;">
<b><span style="font-size: large;"><a href="http://www.almasryalyoum.com/node/1846121">اخد سنة في قضية تحمير خدود وكيل النيابة </a></span></b></div>
<div dir="rtl" style="text-align: right;">
<b><span style="font-size: large;">كان اتقبض عليه يوم 27 يناير اللي فات في احداث اسكندرية، ولسبب ما قرروا يتبلوا عليه بانه اهان هيئة قضائية وقالوا انه ضرب وكيل النيابة والطب الشرعي قال ان وكيل النيابة خدوده حمرا! </span></b></div>
<div dir="rtl" style="text-align: right;">
<b><span style="font-size: large;">الحكم الاول كان سنتين، ولما اتخفف بقى سنة</span></b></div>
<div dir="rtl" style="text-align: right;">
<b><span style="font-size: large;">حسن قضى 5 شهور، كده يبقى فاضل له 4 شهور ويخرج مظلوم من سجن ظالم في قضية ظالمة</span></b></div>
<div dir="rtl" style="text-align: right;">
<b><span style="font-size: large;">وده لان الثورة نجحت الحمد لله، ولان العدل بياخد مجراه زي ما كلنا شايفين</span></b></div>
<div dir="rtl" style="text-align: right;">
<b><span style="font-size: large;">والاخوان بيبرروا الكلام ده باننا احنا اللي حوشناهم يطهروا القضاء، وهم بينسوا ان احقاقا الحق القضاء مالوش دعوة.. النيابة هي اللي بتحول للقضاء قضايا فستك... بادلة فستك.. والنيابة بالذات هي الحاجة الوحيدة اللي تحت ادارتهم وادارة المرشد بالتحديد.. والا ازاي في احداث المقطم احنا نتحول جنايات والمغير وعبد الشاطر هز مطلوقين على البشر؟</span></b></div>
<div dir="rtl" style="text-align: right;">
<b><span style="font-size: large;">الخلاصة... حسن اتحبس</span></b></div>
<div dir="rtl" style="text-align: right;">
<b><span style="font-size: large;">السجن للجدعان، وكلها اربع شهور ويطلع لنا بالسلامة.. بس الظلم مر يا ناس.. الظلم مر قوي</span></b></div>
<div dir="rtl" style="text-align: right;">
<b><span style="font-size: large;">ربنا ما يوري حد.. اقصد ما يوري حد غيرنا، بالنسبة لنا احنا خلاص اتعودنا على موضوع الظلم ده وحبينا الموضوع قوي من اغسطس 84</span></b></div>
<div dir="rtl" style="text-align: right;">
<b><span style="font-size: large;">ليا رجاء:</span></b></div>
<div dir="rtl" style="text-align: right;">
<b><span style="font-size: large;">والنبي.. سايقة عليكو النبي، وموسى نبي عيسى نبي محمد نبي وكل من له نبي يصلي،</span></b></div>
<div dir="rtl" style="text-align: right;">
<b><span style="font-size: large;">والنبي ما تقعدوش تقولوا على حسن "ايقونة الثورة" و"رمز" البتنجان وحبظلم الافشخانات</span></b></div>
<div dir="rtl" style="text-align: right;">
<b><span style="font-size: large;">عشان حيطلع من السجن وبعدها بشهر حتقعدوا تشتموا فيه زي ما عملتوا مع علاء ودومة ومالك وغيرهم وغيرهم.. ما انتوا اصلكوا ناس قليلة اصل... معلش احنا بنتكلم يعني مافيش حاجة ومافيش داعي للزعل يعني الواحد يزعل من الافترا لكن انا باقولكوا الحقيقة</span></b></div>
<div dir="rtl" style="text-align: right;">
<b><span style="font-size: large;">انتوا ناس قليلة اصل</span></b></div>
<div dir="rtl" style="text-align: right;">
<b><span style="font-size: large;">دلوقت عاملين افشخنات عشان حسن مصطفى وبس يطلع من السجن تطلعوا ميتين ابو اللي جاب اللي جابه وتقعدوا تشتموا فيه وتتبلوا عليه ولو طلع في التلفزيون وهو لسه خارج من السجن تقولوا له نشطاء التلفزيون زي ما عملتوا مع كل الناس.. كل الناس، وياريته كلام حقيقي، الا كله افترا وصرم ابوكوا اللي مولع ازاي ده يطلع في التلفزيون وانا ما اطلعش</span></b></div>
<div dir="rtl" style="text-align: right;">
<b><span style="font-size: large;">ايوه ايوه.. المرة دي باهزأ الثوار مش الاخوان ولا الفلول ولا الكنباوية</span></b></div>
<div dir="rtl" style="text-align: right;">
<b><span style="font-size: large;">تصدقوا انا حبس حسن ده اخدته وبلعته من ضمن المصايب اللي بتحط علينا، لكن اول ما شوفتكوا على الفيك بوص والتويتر عاملين المناحة اللي اتعملت على علاء اللي بتشتموه دلوقت، واتعملت على دومة اللي ما بيلحقش يخرج عشان يخش تاني، ومع ذلك في العشر دقايق اللي بيخرج فيهم من السجن بتألفوا عليه قصص وروايات وناس تانية كتير، شوية فاكراهم ومش عايزة اقول اساميهم، وشوية مش فاكراهم بس فاكرة احساسي وانا باقول بيني وبين نفسي: يا واطيين يا قلالات الاصل ياللي الصرم ولع لكوا في ذواتكوا المتضخمة</span></b></div>
<div dir="rtl" style="text-align: right;">
<b><span style="font-size: large;">قعدت ابص على النواح اللي على حسن واقول استنى بس يا حسن لما تطلع وتشوف حيعملوا فيك ايه لو بس فتحت بقك</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">وعلاء اللي كان افتار لكل البشريات بقى هو السبب في كل حاجة حصلت للبلد.. هو السبب في الموجات الحارة</span></b></div>
<div dir="rtl" style="text-align: right;">
<b><span style="font-size: large;">ودومة ده بيبقى بطل وهو في السجن واول ما يعتب برة السجن تقولوا عليه امنجي </span></b></div>
<div dir="rtl" style="text-align: right;">
<b><span style="font-size: large;">اسماء محفوظ جدعة وهي بتشم غاز.. وبنت ستين في سبعين لما تبقى حامل ومش قادرة تتحرك وعايزينها تنزل مظاهرة وهي حامل.. لو فيكوا راجل ينزل مراته المظاهرة وهي حامل يبقى يشتم في اسماء محفوظ.. ولا هي لازم تعمل اعلان انها حامل وظروفها صعبة؟ وما عكمتش ولا حاجة، والا لو كانت عكمت ما كانش جوزها اضطر يسافر في عقد عمل عشان يجيب فلوس لابنه ولا بنته اللي جايين</span></b></div>
<div dir="rtl" style="text-align: right;">
<b><span style="font-size: large;">حتى رشا عزب.. رشا عزب ذات نفسها.. تضرب المغير تبقى جدعة، تخش تنام ساعة تبقى ندلة</span></b></div>
<div dir="rtl" style="text-align: right;">
<b><span style="font-size: large;">وانا لما انضرب، كالعادة، ابقى بميت راجل، ولما يعدي عليا اسبوع ما حصليش اي مصيبة ابقى بنت ستين كلب وليه اتحقق معاها وما اتحبستش! حاضر.. حنبقى نوصي على الموضوع ده في جلسة 6 يوليو</span></b></div>
<div dir="rtl" style="text-align: right;">
<b><span style="font-size: large;">هو انتوا متخلين ان المصايب حتبقى كونتينوس؟ </span></b></div>
<div dir="rtl" style="text-align: right;">
<b><span style="font-size: large;">طب وانتوا مصايبكوا مش كونتينوس ليه؟ </span></b></div>
<div dir="rtl" style="text-align: right;">
<b><span style="font-size: large;">ده بدون ذكر اسماء ناس قعدت تقول على ناس ما: هو عشان اتصاب في الثورة حتعملوه زعيم؟ مش معنى انه اتصاب انه بيفهم في السياسة وتحطوه في مجلس ولجنة وبلا بلا بلا</span></b></div>
<div dir="rtl" style="text-align: right;">
<b><span style="font-size: large;">ده كان ايام محمد محمود...</span></b></div>
<div dir="rtl" style="text-align: right;">
<b><span style="font-size: large;">وهو احمد حرارة بدون ذكر اسماء.. اقترحنا اسمه في لجنة تتكلم باسم الميدان هو ومالك مصطفى وعلى اللي اتعمل فينا بسبب الصرم والذوات المتضخمة.. بس انا ما بارضاش اقول عشان ما اتعبش نفسيتهم.. وما يحسوش انهم ضحوا باغلى حاجة ممكن يضحي بيها انسان عشان ناس ما تستاهلش.. هو انا قلت؟ انا قلت اه</span></b></div>
<div dir="rtl" style="text-align: right;">
<b><span style="font-size: large;">وارجع واقول يابت معلش.. حوشي لسانك عنهم.. استحمليهم.. ماهم برضه جدعان.. ماهم برضه شافوا كتير.. ماهم برضه اتبهدلوا كتير.. ماهم برضه كل اللي يعرفوهم يا الله يرحمهم يا الله يشفيهم يا الله يفك سجنهم.. ماهم برضه بيسمعوا كلام يسم بدنهم من اهاليهم وجيرانهم وزمايلهم لمجرد انهم ثوار</span></b></div>
<div dir="rtl" style="text-align: right;">
<b><span style="font-size: large;">طب بس كلنا بنسمع كلام زي السم.. نطلعه على بعض ليه؟</span></b></div>
<div dir="rtl" style="text-align: right;">
<b><span style="font-size: large;">انا بس حبيت اقول الكلمتين اللي في قلبي دول عشان اقول لكوا حاجة واحدة:</span></b></div>
<div dir="rtl" style="text-align: right;">
<b><span style="font-size: large;">لايموها بقى.. اوعى تفتكر ان "الثورة بتكسب مؤيدين جدد" والخيالات اللي انت عايش فيها دي.. مافيش مؤيدين جدد.. كل واحد بيركب علينا بيبقى عايز مصلحته.. ومن الاخر احنا مالناش الا بعض، والذوات المتضخمة دي مالهاش اي معنى ولا قيمة خصوصا لما نمارسها على بعض، وكفاية علينا اللي بيتعمل فينا ولسه حيتعمل فينا</span></b></div>
<div dir="rtl" style="text-align: right;">
<b><span style="font-size: large;">ولا انتوا فاكرين البهدلة حتخلص بالخلاص من الاخوان؟ هأ</span></b></div>
<div dir="rtl" style="text-align: right;">
<b><span style="font-size: large;">انسى يا عمرو.. ده قضاء الله وقدره.. فبلاش نعمل في بعض حاجات تشيلنا من بعض عشان في الاخر كل واحد فينا حيتزنق ويحتاج للتاني</span></b></div>
<div dir="rtl" style="text-align: right;">
<b><span style="font-size: large;">وانت النهاردة متضامن مع حسن مصطفى.. بكرة تحتاج حسن زي ناس ياما احتاجوه وما كسفهمش</span></b></div>
<div dir="rtl" style="text-align: right;">
<b><span style="font-size: large;">وعشان بس ما نقعدش نلوم في كل الناس اللي حوالينا، الاخوان اوساخ، والكنابوية اندال، والفلول انجاس.. واحنا مخاليل رسمي وعندنا جنون العظمة وكل واحد شايف نفسه جيفارا وماو تسي تونج وهوشي منه وكيندي ومانديلا مجمعين على بعض.. وكل واحد شايف نفسه هو اللي خرطه الخراط واتمدد مات</span></b></div>
<div dir="rtl" style="text-align: right;">
<b><span style="font-size: large;">ولاننا ماعندناش فرصة نطلع غلبنا لا في اخوان ولا فلول ولا كنابوية فبنطلعه على بعض... شاطرين</span></b></div>
<div dir="rtl" style="text-align: right;">
<b><span style="font-size: large;">انا حاكتب اسماء اللي حاطين صور حسن مصطفى دلوقت واذا ربنا كتب لي عمر حراقبهم عشان ابقى اقفش ابوهم لما يطلع ويقعدوا يشتموا وينظروا عليه</span></b></div>
<div dir="rtl" style="text-align: right;">
<b><span style="font-size: large;">ومش معنى ان واحد اتحبس يبقى فوق البشر، ما كلنا بنتحبس واتحبسنا.. المعنى المقصود ان بلاش قلة اصل... ده اخوك ده.. واكيد له اعذار.. وفي الاخر مالكوش الا بعض.. وفي فرق انك تختلف معاه وانك تجرسه.. وافتكر له ايام حلوة</span></b></div>
<div dir="rtl" style="text-align: right;">
<b><span style="font-size: large;">اكتر من واحد طلع عميل للاخوان وشهد زور على حاجات انا شوفتها ودلوقت بيقرن لهم واتفضح قدام الكل وانا مش باحفل عليه؟ عشان فيه عيش وملح.. وعشان كان حيموت اكتر من مرة.. اه ما عنديش ثقة فيه، بس مش لازم افرش لحمة على السفرة واقعد اكل فيه</span></b></div>
<div dir="rtl" style="text-align: right;">
<b><span style="font-size: large;">بلاش ده كله.. مش حاقول بقى على الثوار اللي نزلوا واتبهدلوا معانا.. حد سمعني باشتم في وائل قنديل على كل دفاعه عن الاخوان؟</span></b></div>
<div dir="rtl" style="text-align: right;">
<b><span style="font-size: large;">عارفين ليه؟ عشان وقف جنبنا في الاضراب عن الطعام بتاع مجلس الشعب وقت ما كل الناس اتخلت عنا.. وانا مش قليلة اصل عشان انسى حاجة زي دي.. مش حاسمع كلامه، ولا اثق فيه تاني.. لكن مش حاشتمه كرامة للي عمله معانا</span></b></div>
<div dir="rtl" style="text-align: right;">
<b><span style="font-size: large;">يبقى احنا اولى ببعض نرحم بعض شوية</span></b><br />
<b><span style="font-size: large;">نرحم بعض شوووووويييييييييييةةةةةةةةةةةة</span></b><br />
<b><span style="font-size: large;">فلان انت عارف انه جدع ومش بيتأخر.. جه في يوم اتأخر.. مش لازم تفتري عليه وتطلع ميتين امه انت ما تعرفش ظروفه، بدل ما تجرسه على النت اتصل اسأل عليه واطمن عليه... او ارحمه من لسانك حتى</span></b><br />
<b><span style="font-size: large;">فلان انت عارف اخلاصه... عمل موقف مش ولابد.. انصحه في المداري.. سمع سمع ما سمعش خلاص ما كفرش يعني.. هو انت منزل؟ ما يمكن انت اللي غلطان.. ويمكن الايام تثبت لك ان الموقف اللي انت قلت عليه وسخ طلع صح.. الله اعلم</span></b><br />
<b><span style="font-size: large;">وبلاش مسح كل حاجة كده عشان موقف واحد... واحد طول عمره هاري نفسه جه في يوم وخستك.. تبني على الموضوع ده نظريات: وانت شربت شاي بالياسمين.. وانت بعت.. وانت بتحشد الناس وتتخلى عنهم.. واحنا لازم نبتدي نغير دم.. ايه ايه ايه ايه؟ ايه القرف ده؟ لما احنا بنتربص ببعض كده امال العدو له حق بقى يعمل فينا اكتر من كده</span></b></div>
<div dir="rtl" style="text-align: right;">
<b><span style="font-size: large;">لو سمحتوا.. بلاش افترا وصرم.. واحنا بنغير من بعض على ايه؟ على الاملة؟ الا مافينا حد مسك رئيس مراجيح مولد النبي حتى</span></b></div>
<div dir="rtl" style="text-align: right;">
<br /></div>
</div>
Anonymoushttp://www.blogger.com/profile/13861105695847033353noreply@blogger.com3tag:blogger.com,1999:blog-2720530513312889612.post-54475670223173223062013-06-15T11:27:00.001+02:002013-06-15T11:27:32.130+02:00انا عمري ما كنت خروف.. ولا ف مرة طلعت صوف<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;"><a href="http://www.elwatannews.com/news/details/200905">الاخوان نزلوا عصيدة جديدة</a> عشان يرفعوا من روح الاخوان المعدنية.. والشخص اللي سمع العصيدة دي وفضل في الاخوان يستاهل اي حاجة تحصل له بعد كده</span></b></div>
<div dir="rtl" style="text-align: right;">
<b><span style="font-size: large;">العصيدة بعلوان انا اخوان:
</span></b><br />
<b><span style="font-size: large;">أنا إخوان.. أنا عمرى ما كنت خروف.. ولا بمشى ورا الإجرام.. وأنا عمرى ما هشتم حد.. وأنا عمرى ما اكفر حد
أنا إخوان.. وكل المسلمين إخوان.. ما دام السنة منهجهم مع القرآن.. وأنا إخوان وكنت الصاوى بالميدان.. وبفلسطين أنا الياسين وأنا الرنتيسى والقسام.. وأنا اللى جاهدت فى الشيشان.. وبالأفغان أنا عزام.. وأنا إخوان رفضت الظلم والطغيان فى عهد فاروق وقبله فؤاد.. وبعده جمال وبعده سادات.. ومات الكل وأنا عايش.. وأنا إخوان
أنا إخوان طريقى جهاد وأمنيتى أنا استشهاد.. وأنا إخوان أنا سلفى وأنا صوفى وأنا سياسى وأنا رياضى وأنا فنان.. وأنا بالليل مع الرهبان. وفى الجبهة مع الفرسان.. أنا إخوان وبتحارب من اللى خان وم الإعلام وكان بيقولى يا محظور.. وكان خايف من السلطان وكان قبلى مهوش قادر يقول كلمة.. ودلوقتى يقول خرفان ويرمينى بميت تهمة وميت صفقة
</span></b></div>
<div dir="rtl" style="text-align: right;">
<b><span style="font-size: large;">انتهت العصيدة</span></b><br />
<br />
<b><span style="font-size: large;">لا حول ولا قوة الا بالله... </span></b><br />
<b><span style="font-size: large;">هي دي عصيدة تأبين الاخوان زي تأبين مدام كوثر كده؟</span></b><br />
<b><span style="font-size: large;"><br /></span></b>
<a href="http://www.youtube.com/watch?v=WWJlxjmEioE"><b><span style="font-size: large;">يا مدام كوثر يا مدام كوثر</span></b></a><br />
<b><span style="font-size: large;">انا متعكنن انا متحسر</span></b><br />
<b><span style="font-size: large;">جاي بعزي بنتك سامية</span></b><br />
<b><span style="font-size: large;">يا احسن واحدة بتعمل بامية</span></b><br />
<b><span style="font-size: large;">مين في المكتب مش متأثر</span></b><br />
<b><span style="font-size: large;">حتى الماج بتاعك اتكسر</span></b><br />
<b><span style="font-size: large;">يا مدام كوثر يا مدام كوثر</span></b><br />
<b><span style="font-size: large;"><br /></span></b>
<b><span style="font-size: large;">احنا لو ما شيلناهمش عشان كل الفشل اللي هم فيه لازم نشيلهم عشان الشعرم اللي كتبوه</span></b></div>
</div>
Anonymoushttp://www.blogger.com/profile/13861105695847033353noreply@blogger.com2tag:blogger.com,1999:blog-2720530513312889612.post-5591282414641642822013-06-14T11:35:00.001+02:002013-06-14T11:51:51.633+02:00كن مع الثورة<div dir="ltr" style="text-align: left;" trbidi="on">
<div dir="rtl" style="text-align: right;">
</div>
<div dir="rtl" style="text-align: right;">
<b><span style="font-size: large;">بالنسبة للي عاملين ثوار وبيقولوا مش حننزل مع الفلول:</span></b></div>
<div dir="rtl" style="text-align: right;">
<br /></div>
<div dir="rtl" style="text-align: right;">
<b><span style="font-size: large;">والله اذا ما كنتوش اخوان خلايا نايمة، وانا اشك في ذلك، فحضراتكوا ناس خونة وانانية... انتوا خايفين الاخوان لو مشيوا ييجي نظام يعمل فيكوا مصيبة</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طيب انا اقولكوا... انا ما عنديش اي مشكلة ييجي نظام يشنقني في ميدان عام، بس يأمن منابع النيل، ويرجع سينا، ويأمن قناة السويس</span></b><br />
<b><span style="font-size: large;">وللاسف السبب في ان مطالبي تدنى كده هم الاخوان اللي انتوا بتدافعوا عن استمرارهم، ولما تقول مش نازل عشان فيه فلول نازلين تبقى بتدافع عن استمرار الاخوان</span></b><br />
<br />
<span style="font-size: large;"><b>احنا كان مطلبنا عيش حرية عدالة اجتماعية، بعد سنة ونص من الحكم العسكري بقى مطلبنا: خرج المعتقلين يا مرسي وعيد المحاكمات، بعد سنة من حكم الاخوان بقى مطلبنا: دوروا لنا على مصر ورجعوها تاني.. وقعت منا في البلاعة</b></span></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">انما انتوا ما اتئذيتوش من الاخوان، وغالبا مش حتتئذوا لانكوا غالبا اخوان.... او مش اخوان بس بتحترموهم... ويمكن لو جه نظام تاني نعيد الكرة من جديد والمرة دي امن الدولة والمخابرات عارفة اساميكوا وشوشكوا فانتوا خايفين على نفسكوا، طبعا دي خيالاتكوا المريضة، ان شاء الله مش حيحصل لمصر غير كل خير، انما موقفكوا بيبين وساختكوا.. ومش مهم البلد دي تنقرض باستمرار حكم الاخوان فيها.. صحيح احنا مالنا؟ هي كانت بلدنا؟</span></b><br />
<b><span style="font-size: large;"><br /></span></b>
<b><span style="font-size: large;">انا ما عنديش ادنى ثقة في اللي عامل ثوري وبيقول مش نازل يوم 30/6 ولا حاوقع تمرد عشان في فلول نازلين</span></b><br />
<b><span style="font-size: large;"><br /></span></b>
<b><span style="font-size: large;">وعندي تصور شبه يقيني انهم اخوان، بصرف النظر ان فيه منهم ناس نزلت معانا اشتباكات فعلا، ممكن نازلين يراقبونا، او ده دورهم يندسوا وسطنا <a href="http://elbadil.com/egypt-followups/2013/06/13/158068http://elbadil.com/egypt-followups/2013/06/13/158068">زي الواد ده</a>... بس هم اخوان، والا ايه معنى الكدب والتضليل ده؟</span></b><br />
<b><span style="font-size: large;">هم عارفين كويس قوي ان فكرة تمرد والحركة كلها والتوقيعات اللي عاملها مجموعة من الشباب ثوار عارفينهم بالاسم وبالاشتباكات اللي شاركوا فيها من اول الثورة ومن قبل الثورة كمان، ممكن نستخرج منهم الغاز في حال ما اذا حصلت ازمة من كتر ما شموه، وفي منهم محمود بدر اللي عصر لمون على مرسي، وبقية زملاؤه قاطعوا</span></b><br />
<b><span style="font-size: large;">وهم عارفين كويس ان الشباب دول هم اللي حددوا معاد 30/6 وانه لاقى قبول عند الناس</span></b><br />
<b><span style="font-size: large;">وعارفين كويس ان اللي نازل وهو انتخب مرسي اضعاف اللي نازل من اللي انتخبوا شفيق، ولو ان ضميري ما يسمحليش اصف كل من انتخب شفيق بانه فلول</span></b><br />
<b><span style="font-size: large;">فلول دي يعني من فلول النظام السابق، بمعنى مستفيد بشكل مش شريف من النظام السابق، وكان له يد في استمراره بشكل او بآخر... انما واحدة قاعدة في البيت مع عيالها وبتشتم في اللي خربوا البلد عشان مش عارفة تودي عيالها التمرين دي فلول في ايه؟ دي حمارة بس.. ايه اللي عملها فلول؟</span></b><br />
<b><span style="font-size: large;">الحاجة التالتة اللي هم عارفينها وبيضللوا الناس فيها ان الاخوان مافيش فيهم فايدة</span></b><br />
<b><span style="font-size: large;">هم ليه حاطين تنظيم الاخوان الدولي اللي ماسك السلطة في كفة وشوية ناس غير منظمين كان لهم وجهات نظر مبنية على الفرجة على القناة الاولى في كفة تانية وهم عارفين ان ده ظلم بين... الناس دي على الطراش اللي كانت بتقوله طول السنتين ونص مافيش في ايدهم حاجة يعملوها عشان يئذوا بيها حد، ولا يقتلوا حد، ولا يحرضوا على حد</span></b><br />
<b><span style="font-size: large;">الناس دي اللي كانت بتدافع عن المجلس العسكري من البيت على اكاونت الفيس بوك، مش هي اللي راحت عملت صفقة مع المجلس العسكري عشان تستلم منه السلطة ولا هي اللي خرجته خروج آمن وادته قلادة</span></b><br />
<b><span style="font-size: large;">الناس دي اللي كانت بتقول منكوا لله خربتوا البلد مش عارفين نروح مارينا، مش هي اللي نزلت ناس بدقون يوم ماسبيرو يمشوا مع الجيش عشان يبينوا ان الموضوع خناقة ما بين مسلمين ومسيحيين، واللي نزل يوم ماسبيرو شاف الناس اللي بدقون اللي كانوا ماشيين مع تشكيلات الجيش، ومش هم اللي قالوا لمحمد حسان يطلع على التلفزيون يكدب ويقول ان المسيحيين بيضربوا الجيش</span></b><br />
<b><span style="font-size: large;">الناس دي مش هي اللي حرضت علينا واحنا في محمد محمود، واللي اقنع الناس دي ان اللي في محمد محمود بلطجية هم الاخوان نفسهم، ثم الناس دي مش هي اللي جرجرتنا على محمد محمود وخلعت ابتداءً... افتكروا كده اللي اتسبب في احداث محمد محمود كلها كان حازم ابو اسماعيل اللي جرنا وخلع منا.. واللي طلع انه هو وحركته اخوان.. مش اللي قاعدين في البيت يقولوا منكوا لله خربتوا البلد</span></b><br />
<b><span style="font-size: large;">الناس دي اخرها شوية رغي خايب، وندالتهم في انهم ما نزلوش طول السنتين اللي فاتوا.. والحمد لله.. دول كانوا حينزلوا في اشتباكات دول؟ ده احنا دلوقت بنقنعهم انه لما يحصل اشتباكات ما يروحوش.. بس يقفوا ورا الشباب</span></b><br />
<b><span style="font-size: large;">واللي عاملين ثوار وبيقولوا مش نازلين مع الفلول بيطرحوا ايه المقابل؟ استمرار حكم الاخوان؟</span></b><br />
<b><span style="font-size: large;">ده على اساس انهم ثوار؟</span></b><br />
<b><span style="font-size: large;">الاخوان اللي كانوا سبب مباشر في قتل صحابنا طول فترة الحكم العسكري؟ </span></b><br />
<b><span style="font-size: large;">هم الاخوان امتى كانوا ثوار ولا حتى كانوا حلفاء ثورة؟ دول نزلوا عشر ايام بس في الثورة عشان يطلعوا اللي لهم في السجن وشكرا، واتفقوا بعد كده مع المجلس العسكري انه يصفي القوى الثورية في الشارع عشان يخلى لهم الجو في الانتخابات</span></b><br />
<b><span style="font-size: large;">طب معلش بقى </span></b><br />
<b><span style="font-size: large;">العيش والملح والاشتباكات مش اغلى من بلدي</span></b><br />
<b><span style="font-size: large;">اللي عامل ثوري وبيقول مش نازل عشان الفلول علموا على وش امه.. ده اخوان وش</span></b><br />
<b><span style="font-size: large;">عشان ده ما بيعملش حاجة غير انه عايز الاخوان يستمروا في الحكم</span></b><br />
<b><span style="font-size: large;">والاخوان ما ينفعش يستمروا في الحكم عشان مصر تستمر، ما يا تختاروا مصر يا تختاروا الاخوان</span></b><br />
<b><span style="font-size: large;">والكلام بتاع احنا اصلنا مش جاهزين ببديل للاخوان وحييجوا الفلول.. طب انت جاهز ببديل لمصر لما الاخوان يستمروا؟</span></b><br />
<b><span style="font-size: large;">واحد سايق اتوبيس ودايس بنزين وحينط بالاتوبيس من على حافة الجبل... اديله فرصة لما نقع من فوق حافة الجبل وبعدين اجيب غيره؟</span></b><br />
<br />
<div>
<b><span style="font-size: large;">الاخوان مش نافعين لا باليمين ولا بالشمال ولا من فوق ولا من تحت.. خالص.. ولو كان الاخوان مش نافعين وزي قلّتهم كنا سيبناهم يكملوا المدة وشوفنا غيرهم، انما المصيبة البعدا كل يوم قالبين حتة في البلد خرابة جديدة... افتتاح الخرابات، من اهم انجازات الرئيس مرسي والفنان محمد بديع والمطرب خيرت الشاطر... بيفتتحوا كل يوم خرابة جديدة في مصر، كل ما كان عمران، ولو بقوة الدفع الذاتي، يسعوا وراه لحد ما يخربوه... طب في كل ده كله سيبك من الاكل والغلا والكوى والسولار والبنزين وقطع الكهربا والمية... كل ده نستحمله، ما نستحملوش ليه؟ استحملنا اوسخ منه</span></b></div>
<div>
<b><span style="font-size: large;">ونستحمل الشعور المرير لما احنا يتقبض علينا ونتقدم لمحاكمات وجنايات وكمان يتهم جزء منا بالارهاب، ومن مين.. من عاصم عبد الماجد، في نفس ذات الوقت اللي علاء وجمال مبارك وحسن عبد الرحمن يطلعوا براءة... ويبقى البغل احمد المغير ابو شومة "فنان" وتبقى رشا عزب اللي ما شافتش بيتها الا طشاش من قبل ما تقوم الثورة وهي يا في مظاهرة يا في مشرحة يا في مستشفى يا على المعبر تبقى هي البلطجية اللي عايزة دولة ظلامية! اه وربنا احمد المغير قال على رشا انها عايزة دولة ظلامية، ولما رشا قالت له ما تبص على نفسك وعلى الكلام الخرا اللي بتقوله ريهام السهلي قالت لها من غير الفاظ تخدش الحياء! يعني انت يا ريهام مش مخدوش حياءك تطلعي المغير في التلفزيون على مرأى ومسمع من الاطفال والقصر والمراهقين والعذراوات ومخدوش حياءك من كلمة "خرا" اللي هي اقل توصيف لكل اللي احنا فيه؟ طيب لو كانت قالت كاكا؟ لو كانت قالت براز؟ خلاص.. نبقى نقول براز يا ولاد</span></b></div>
<div>
<b><span style="font-size: large;">احنا نستحمل ده كله، ونستحمل وساخة اكتر من كده، ونستحمل نبقى مأكلوين مذمومين، والجدعان اللي بيتمرمطوا عشان اللي قاعد في البيت يعيش عيشة احسن ما طلبش شكر.. بس بتشتموا ليه؟ ومع ذلك نستحمل.. ونستحمل خوض في الاعراض، وافتراءات، وكوابيس وشوش صحابنا اللي ماتوا.... كل ده نستحمله وماله</span></b></div>
<div>
<b><span style="font-size: large;">نستحمله يا اخوان الشياطين.. ياللي لو قلت عليكوا كفرة الكفرة تزعل.. في ناس كفرة محترمين، اشتمهم ليه؟</span></b></div>
<div>
<b><span style="font-size: large;">لكن نستحمل ازاي ان حدود مصر يتلعب فيها؟ وان سينا تضيع منا؟ وان قناة السويس تخرب؟ والاهم من كل ده نستحمل ازاي النيل يروح؟</span></b><br />
<b><span style="font-size: large;">ده مرسي كل اما يتكلم اثيوبيا تطلع قرار ناقص تختم بيه: وربنا ما انتوا شايفين بق مية يا مصريين عشان تبقوا تنتخبوا بغل زي ده</span></b></div>
<div>
<b><span style="font-size: large;">ولما نقولهم النيل راح يقولوا لنا ده مبارك الخاين الوحش هو سبب المشكلة، ما احنا مشينا مبارك الخاين الوحش.. هو انتوا اللي يهمكوا تنفوا التهم عن نفسكوا ولا يهمكوا اننا نشرب؟ ما انتوا حتتوكسوا معانا ولا قطر حتبعت لكوا كراتين مية معدنية؟</span></b></div>
<div>
<b><span style="font-size: large;">احنا حاولنا مع الاخوان بكل الوسائل والطرق والكباري.. مافيش فايدة</span></b></div>
<div>
<b><span style="font-size: large;">يعني الاخوان اذا حدث كذب واذا وعد اخلف واذا عاهد غدر واذا خاصم فجر... وبلعناها</span></b></div>
<div>
<b><span style="font-size: large;">اوساخ وما نزلوش في الثورة كلها عن اخرها غير عشر ايام كل هدفهم فيها كان يطلعوا المساجين بتوعهم ويخشوا الانتخابات ومتشكرين على كده... وسكتنا</span></b></div>
<div>
<b><span style="font-size: large;">عملوا الفعل الفاحش مع المجلس العسكري على قارعة الطريق قدامنا كلنا وخونونا وكفرونا وشتمونا واحنا واقفين قصاد المدرعات والرصاص وشتموا صحابنا المتمددين في المشرحة.. وقلنا عند الله</span></b></div>
<div>
<b><span style="font-size: large;">خدوا السلطة بالغش والخداع والوعود الكاذبة.. وقلنا حسبنا الله</span></b></div>
<div>
<b><span style="font-size: large;">حنثوا باليمين اللي اقسموا عليه... وقلنا لا حول ولا قوة الا بالله</span></b></div>
<div>
<b><span style="font-size: large;">لكن كل يوم طالع بمصيبة تضرب الامن القومي في مقتل؟ وانت يا مرسي اول ما مسكت الحكم ما مسكتش ليه ملف اثيوبيا واول حاجة تعملها انك تروح وتحل المشكلة وتطول وتقصر وتعمل كل ما في وسعك عشان تحل المشكلة دي بشكل ناجع ونهائي ليه بدل ما قضيت سنة كاملة تطرقع بالقبقاب عشان تغيظ ضرايرك وده كل هدفك في الحياة؟</span></b><br />
<b><span style="font-size: large;">طب مش بلاش سؤال ليه ما حاولتش يا مرسي تحل، لانه سؤال متخلف.. طب ليه يا مرسي بتعقد؟ ليه؟</span></b><br />
<b><span style="font-size: large;">طب اثيوبيا قفشت علينا وحولت مجرى النيل.. ليه يا مرسي تستفز الناس وتذيع على الهوا لقاء يخليها تقول لو ضربتوا سدنا حنضرب لكوا السد العالي، طب ما خدتش بالك، ليه يا مرسي تعمل بعدها مؤتمر تهدد فيها الناس تهديد اهبل تقول بالدم بس اثيوبيا حلوة مافيش كلام وتهديدات كده لا تحارب ولا تخلا من النجاسة وتخلي الناس تعمل اجتماع توافق بيه بالاجماع على اتفاقية عنيتيبي؟ طب ما تسكت يا مرسي.. مش عارف تحل اسكت، بتعقدها ليه؟ اللي حييجي بعدك حيحل العك ده ازاي؟</span></b><br />
<b><span style="font-size: large;">وبعدين نقولهم ما ينفعش كده ونعترض ينزلوا يضربونا.. نقولهم طب امشوا يقولوا لنا رصاص حي... وانت تقولي نستنى لما نحضر بديل وما ننزلش احسن فيه فلول نازلين</span></b><br />
<span style="font-size: large;"><b>تمرد حركة ثورية اللي اسسها ثوار، واللي دعا ليوم 30/6 هم الثوار... ولو فيه ناس حست بغلطها انها قعدت في البيت سنتين ونص من حقهم ينزلوا ومش من حقك تقصيهم كأنك ملكت الشارع وعامل لي كأن الاخوان هم اللي ثوار</b></span><br />
<span style="font-size: large;"><b>ثم انت اخوان حضرتك</b></span><br />
<span style="font-size: large;"><b>اللي بيقول كده اخوان</b></span><br />
<span style="font-size: large;"><b>لو شفتوه في المعركة تفوا لي عليه</b></span><br />
<br />
<div>
<b><span style="color: lime; font-size: large;">اخيرا:</span></b></div>
<div>
<b><span style="color: lime; font-size: large;">الكلام اللي <a href="http://malekadly.blogspot.com/2013/06/30.html">كاتبه مالك عدلي ده</a> مهم جدا وحيحط النقط على الحروف بالنسبة ل30/6 يا ريت تقروه وتوزعوه على اوسع نطاق</span></b></div>
</div>
</div>
</div>
Anonymoushttp://www.blogger.com/profile/13861105695847033353noreply@blogger.com0tag:blogger.com,1999:blog-2720530513312889612.post-76506353920008484122013-06-14T09:14:00.002+02:002013-06-14T09:14:22.113+02:00خاف يا عيد<div dir="ltr" style="text-align: left;" trbidi="on">
<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">بصوا والنبي الاهبل ابن الامريكانية وتاجر العملة بيقول ايه؟</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
</div>
<b><span style="font-size: large;"><iframe allowfullscreen="" frameborder="0" height="315" src="http://www.youtube.com/embed/KjGXtx3aDiE" width="420"></iframe>
</span></b><br />
<b><span style="font-size: large;"><br /></span></b>
<div dir="rtl" style="text-align: right;">
<b><span style="font-size: large;">يامي يامي يامي يامي... تصدق اتخضيت؟</span></b></div>
<div dir="rtl" style="text-align: right;">
<b><span style="font-size: large;">والنبي من ايام الاتحادية وصوت الرصاص الحي وحشني.. خصوصا انكوا غشم وبتضربوا بعض بيه</span></b></div>
<div dir="rtl" style="text-align: right;">
<b><span style="font-size: large;">والرصاص الحي ده اجمد من رصاص الامن المركزي ولا من رصاص الجيش؟</span></b></div>
<div dir="rtl" style="text-align: right;">
<b><span style="font-size: large;">ويا ترى الرصاص ده حتطلقه من الشاحن، ولا حتشوطه برجلك اللي فيها كرامب</span></b></div>
<div dir="rtl" style="text-align: right;">
<b><span style="font-size: large;">وبيقولك: خلاص تقرر!</span></b></div>
<div dir="rtl" style="text-align: right;">
<b><span style="font-size: large;">احنا ربنا رازجنا بابن امريكانية تاخين ورغاي يا مولانا ربنا ما يوريك</span></b></div>
<div dir="rtl" style="text-align: right;">
<b><span style="font-size: large;">نفسي اعرف "تقرر" دي يعني ايه؟ عملوا اجتماع الافيال هو والمغير وخريت وقرروا ياكلوا كرنب ويبهدلونا معاهم؟</span></b></div>
<div dir="rtl" style="text-align: right;">
<b><span style="font-size: large;">طيب يا ريت تآنسنا يوميها بس واحتياطي كده حنبقى جايبين معانا شواحن عشان لو نسيت شاحنك، ورباط ضاغط عشان رجلك... ولا حضرتك بتشتغل في المظاهرات كتاليست.. يعني مجرد عامل مساعد على التظاهر لكن لا تتظاهر؟</span></b></div>
<div dir="rtl" style="text-align: right;">
<b><span style="font-size: large;">---------</span></b></div>
<div dir="rtl" style="text-align: right;">
<b><span style="font-size: large;">الا بهذه المناسبة السعيدة متقدمة للجنايات ومتهمة باني فاعل رئيسي ضربت 125 واحد وكام ضابط شرطة وحرقت التوحيد والنور ومسجد بلال ومسجد الحمد وعدد اتوبيسيات وسيارات شرطة، وادلة الثبوت اللي النائب الخاص اداني بيها وعلى اساسها حولني جنايات تويتة كاتبة فيها: ولما انتوا غلابة كده امال بترغوا وتهددونا بحرب اهلية ليه!</span></b></div>
<div dir="rtl" style="text-align: right;">
<b><span style="font-size: large;">فاعتبر النائب الخاص ان ده اكبر دليل على اني قتلت كل الشعب</span></b></div>
<div dir="rtl" style="text-align: right;">
<b><span style="font-size: large;">والبغل ده طالع يقول حنستخدم رصاص حي لحسم الامور وماحدش بيسحب رخصه حتى... </span></b></div>
<div dir="rtl" style="text-align: right;">
<b><span style="font-size: large;">وهو ده تطهير القضاء اللي عايزه الاخوان</span></b></div>
</div>
Anonymoushttp://www.blogger.com/profile/13861105695847033353noreply@blogger.com1tag:blogger.com,1999:blog-2720530513312889612.post-56729737850357025582013-06-13T22:51:00.001+02:002013-06-13T22:51:12.988+02:00كل سنة واحنا طيبين بيك يا سيدنا الحسين<div dir="ltr" style="text-align: left;" trbidi="on">
<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">في هاذوها الظرف اللي مزاجي فيه متعكر، مناسبة سعيدة: النهاردة خمسة شعبان، عيد ميلاد سيدنا الحسين</span></b></div>
<div dir="rtl" style="text-align: right;">
<b><span style="font-size: large;">كل سنة وانت طيب يا جدو</span></b></div>
<div dir="rtl" style="text-align: right;">
<b><span style="font-size: large;">:)</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
</div>
<b><span style="font-size: large;"><iframe allowfullscreen="" frameborder="0" height="315" src="http://www.youtube.com/embed/s_AtTxg9Z9s" width="420"></iframe>
</span></b><br />
<b><span style="font-size: large;"><br /></span></b>
<div dir="rtl" style="text-align: right;">
<b><span style="font-size: large;"><a href="http://www.dorar.net/h/7f22cd8254c4b674fa1264d10fdae5a9">أحب الله من أحب حسينا</a></span></b></div>
<div dir="rtl" style="text-align: right;">
<b><span style="font-size: large;">يالا بالمرة الاخوان والسلفيين يتضايقوا عشان بنجيب سيرة سيدنا الحسين... مش عارفة بيتضايقوا من سيرته كده ليه؟ بس بالعند فيهم المصريين بيحبوا اهل البيت وحيفضلوا يحتفلوا بموالدهم دايما.. واهل البيت حيفضلوا معانا واللي مش بيحبهم هو اللي حيمشي</span></b></div>
<div dir="rtl" style="text-align: right;">
<b><span style="font-size: large;">D:</span></b></div>
</div>
Anonymoushttp://www.blogger.com/profile/13861105695847033353noreply@blogger.com7tag:blogger.com,1999:blog-2720530513312889612.post-87005160371874367102013-06-12T13:37:00.002+02:002013-06-12T13:41:08.199+02:00دليل المتظاهر الجديد <div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">احنا المرة دي نازلين مع مجموعة تعل قوي يا عيال.. </span></b></div>
<div dir="rtl" style="text-align: right;">
<b><span style="font-size: large;">بصوا.. عشان بس ما تنزلوش مزاجكوا متعكر اكتر ماهو ، هم مش افظع من الاخوان ولا حازمون اللي اتدبسنا في النزول معاهم قبل كده، يعني مثلا دمهم مش تقيل، اقفال شوية بس ممكن لو خدت واديت معاهم في الكلام تجيب نتيجة لانه ما بيسمعش كلام مسئول ولا ماشي ورا حد، هم ميزتهم انهم على باب الله زينا... بس العبط اللي هم فيه محتاج صبر </span></b></div>
<div dir="rtl" style="text-align: right;">
<b><span style="font-size: large;">مبدئيا الاخ والاخت المتظاهرين الجدد.. حضراتكو يمكن لو كنا قابلناكوا من سنتين ونص كنا عشنا مع بعض قصة حب جميلة، لكن الحقيقة انتوا لازم تراعوا انكوا نازلين من بيوتكوا لسه فريش، بينما احنا طلع ميتين اللي جابونا على مدى سنتين ونص، ده غير ان حضراتكوا برضه اتفرجتوا كتير على القناة الاولى، وقعدتوا تقولوا علينا بلطجية، وطول السنتين ما سمعناكوش بتشتموا في الاخوان خالص اللي كانوا متحالفين مع المجلس العسكري، كنتوا بتشتموا فينا احنا وتقولوا علينا عملا وجواسيس وفريدم هاوس وماسونية وخربتوا البلد وحرقتوا المجمع العلمي والمسيحيين ضربوا الجيش وبتوع محمد محمود بلطجية وانتوا تغنوا والاخوان يطبلوا لكوا ويروجوا كلامكوا وما كنتوش على خلاف معاهم في حاجة.. لحد ما اختلفتوا على المرشح وده لانكوا مستكبرين ان واحد خارج من السجن يمسك البلد، وبعدين مسكوا الحكم فالبلد كده داخلة في حيط، فحضراتكوا قررتوا تنزلوا كتر خيركوا.. طبعا كل ده في الخلفية فمش حتلاقي نفوسنا صافية من ناحيتكوا يعني عشان نبقى واضحين مع بعض وما تطالبوناش نصفى من ناحيتكوا زي ما نزلنا نحتفل بسقوط شفيق كده وما كناش صافيين للاخوان وقعدنا نشتمهم في وشهم اول ما شوفناهم داخلين محمد محمود.. معلش اتعاملوا معانا على اننا حالات واقبلونا زي ما احنا كده لانكوا محتاجينا.. لكن احنا نصفى؟ صعب، لان انتوا طول ما احوالكوا كانت كويسة ما كنتوش مهتمين ابدا بان في ناس تعبانة في البلد... احنا بقى كانت احوالنا كويسة وكنا تعبانين عشان كان في ناس تعبانة في البلد.. كمان حضراتكوا على نياتكوا وبتتفرجوا على القناة الاولى كتير وما انتوش عارفين مثلا ان الاخوان على اتصال بالمجلس العسكري وامريكا من 2005 على اساس انهم يبقوا بديل مبارك لو الناس رفضت جمال، وان مبارك هو اللي كان سايبهم يتغلغلوا في العشوائيات والقرى والنجوع ويعملوا مليارات من جوه السجن، وان المجلس العسكري كان كل شهر يعمل لنا مدبحة عشان يخلي الجو للاخوان ويستعدوا للانتخابات بينما حضراتكوا كنتوا بتشتمونا، وان وصول الاخوان للحكم وفشلهم ده مصلحة احسن ما كانوا يفضلوا يتسولوا ويقولوا انهم مظلومين، وان الاسلام السياسي ده سؤال اجباري كان ضروري الاجابة عليه عشان نخلص بقى ونخلص الى الابد، لا عبد الناصر ولا السادات ولا مبارك عرفوا يقضوا على الاخوان... بعون الله شوية البلطجية اللي ريحتهم غاز دول هم اللي عرفوا يقضوا عليهم: مش انتوا عندكوا مشروع.. اتفضل وريني نفسك، ورانا نفسه.. ويا ريته ما ورانا.. بس بس.. البس البس بلاش فضايح.... معلش، انتوا ما تعرفوش الحاجات دي، انتوا اللي تعرفوه انكوا عايزين تعيشوا كويس وتاكلوا وتشربوا وتودوا الولاد النادي، ولما كان ده متوفر ايام مبارك كان مش مهم عندكوا ابدا ان فيه ناس بتاكل من الزبالة ولا اطفال نايمة تحت الكوبري ولا ان مبارك عميل اسرائيل، والمجلس العسكري والاخوان حلفاء امريكا.. مش احنا، واحنا لا ماسون ولا امريكان ولا فريدام هاوس، اللي بياخد فلوس من امريكا هم المجلس العسكري والاخوان وكان مبارك.. كل ده ما تفكروش فيه ومش مهم مدام انتوا عايشين مبسوطين</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طبعا الاخوان دلوقت مش حيخلوكوا لا انتوا ولا غيركوا تاكلوا ولا تشربوا ولا تعيشوا، فحل من اتنين، يا تهاجروا يا توقعوا تمرد وتنزلوا معانا... واحنا شاكرين قوي انكوا ما هاجرتوش وقررتوا تنزلوا معانا</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طيب... طبعا احنا ممتنين ان فيه ناس اخيرا قررت تنزل تسعف البلد معانا.. بس زي ما قلت لكوا، احنا مش احنا اللي كنا من سنتين ونص، من سنتين ونص كنا نازلين عندنا امل وخطط لمصر واقبال على الحياة او الممات مش مهم المهم اننا عندنا امل... دلوقت حضرتك بعد خيبات امل كتير، النفسية مش هي النفسية، بنعمل الواجب اللي علينا، بس ما تنتظروش يعني نبادلكوا الهيبرة وكدزه. بشكل عام احنا في كل الاحوال ميتين.. يعني انا مثلا بشكل شخصي، واحدة من الناس سواء الاخوان قعدوا حتحبس، او الاخوان مشيوا اللي حييجي ورا الاخوان حيحبسني اساسي.. ليه؟ لاني ما بسكتش لحد، يعني ماحدش بيشوفني بمصلحة ويسكتني وخلاص، انا بقى والصنف اللي انتمي له في كل الاحوال مش بندور على مكسب، لكن البلد لازم تاكل وتشرب وتفضل هي مصر دي المربع اللي مرسوم على الخريطة بكل حدوده متكاملة ومتماسكة وبيجري في نصها نهر النيل.. ومع استمرار الاخوان في الحكم ده مش حيتحقق، المربع يمكن يتقسم مثمنات ومثلثات ومخمسات، وكلها كام شهر ومافيش نيل، وطبعا مافيش اكل</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">بس حضراتكوا اذا كنتوا نازلين يبقى تسمعوا الكلام شوية، معلش، اتظاهر منك بيوم يعرف عنك بسنة</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">يعني:</span></b></div>
<div dir="rtl" style="text-align: right;">
<b><span style="font-size: large;">1- موضوع انكوا تفضلوا تحرجموا على الجيش والشرطة باعتبارهم المخلص اللي حيقف جنبكوا ده تنسوه خالص... الجيش والشرطة مؤسستين تابعتين للدولة، وفي الدول الاستبدادية اللي شبهنا تابعين للحاكم، الجيش يهمه فلوسه وحاجته ومشاريعه ومعونته اللي بتوصل، والشرطة يهمها سلطاتها وتسمع كلام اللي في السلطة عشان يحبها.. وطبعا الاتنين ما يتنوش كلمة لامريكا</span></b></div>
<div dir="rtl" style="text-align: right;">
<b><span style="font-size: large;">امريكا بقى بالجيش بالاخوان بالشرطة بابليس نفسه مالهمش سلطان على شعب قرر ينزل باعداد غفيرة ويصبر</span></b></div>
<div dir="rtl" style="text-align: right;">
<b><span style="font-size: large;">يصبر</span></b></div>
<div dir="rtl" style="text-align: right;">
<b><span style="font-size: large;">يصبر</span></b></div>
<div dir="rtl" style="text-align: right;">
<b><span style="font-size: large;">يصبر</span></b></div>
<div dir="rtl" style="text-align: right;">
<b><span style="font-size: large;">ماشي يا امور انت وهو؟ يعني مافيش حاجة اسمها مش عارفة اودي ولادي التمرين منكو لله خربتو البلد.. ماهي الثورات يعني خراب للبلد، او بالاحرى خراب للنظام اللي حاكم البلد</span></b></div>
<div dir="rtl" style="text-align: right;">
<b><span style="font-size: large;">مافيش حاجة اسمها يالا بقى خلصونا عشان عجلة الانتاج</span></b></div>
<div dir="rtl" style="text-align: right;">
<b><span style="font-size: large;">مافيش حاجة اسمها تلزقوا في ودننا: انتوا عايزين ايه دلوقت؟ انتوا عايزين ايه دلوقت؟ انتوا عايزين ايه دلوقت؟</span></b></div>
<div dir="rtl" style="text-align: right;">
<b><span style="font-size: large;">لو كنا ما مشيناش يوم 11 فبراير وفضلنا بنفس العدد لحد ما نعمل دستور ومجلس رئاسي مدني زي ما كان مكتوب في مطالب الثورة ما كانش كل ده حصل لنا.. بس زن حضراتكوا ووساخة الاخوان اللي نزلوا يقولوا الشعب يريد اخلاء الميدان لدرجة ان تلاتين واحد شالوني هيلا بيلا ورموني برة الميدان.. يالا بقى.. العايط في الفايت نقصان عقل</span></b></div>
<div dir="rtl" style="text-align: right;">
<b><span style="font-size: large;">ملحوظة كمان: لما نزلنا الاتحادية وطبعا الناس اللي حاطين برفان خدوا بعضهم ومشيوا وفضلنا كام واحد بس، ظابط شرطة قال: مشيوا.. شعب خ***ت... بصراحة معاه حق</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">2- الموضوع مش صعب... المهم نحافظ على الكتلة الحرجة ليل نهار، ونقسم نفسنا نبتشيات زي ايام ال18 يوم، والاخوان مش حيستحملوا 18 يوم.. انا باقولكوا، بس مش حيستحملوا 18 يوم لو العدد في الشوارع كبير ليل نهار وموقفين لهم البلد... لكن احتفالات كاس افريقيا ونروح دي.. يارب انشالله ننزل كل يوم، هم خسرانين ايه؟ الشعب فرحان وبيتفسح</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">3- في حال ما اذا الناس مشيت وما فضلش الا ال150 200 واحد بتوع كل مرة، واللي تقريبا نصهم مات فحتى ما بقوش مية وخمسين ميتين، الاخوان مش بس حيقعدوا، دول حيتوحشوا وماحدش حيعرف يكلمهم تاني بعد كده.. حشدتوا ضدنا وجمعتوا توقيعات وبرضه ما عرفتوش تمشونا.. وطبعا مش حيقبضوا عليكوا انتوا.. هو انتوا بيجرالكوا حاجة؟ احنا اللي حنتشعلق من رموشنا زي كل مرة، ماهو احنا اصلنا ملطشة، مبارك يضرب، مجلس عسكري يضرب، اخوان يضرب... بس مش مهم احنا نتشعلق من رموشنا لان ده قدرنا حتى لو الاخوان مشيوا، المهم ان حيبقى عصر قمعي الى ابعد الحدود، حتبقى حاجة اوسخ من ايران والسعودية مجمعة، زايد عليهم الجوع والفقر والعطش... ده غير ان الناس حيبقى عندها يأس تاريخي، حتبقى حاسة انها عملت اقصى ما في وسعها وفشلت</span></b></div>
<div dir="rtl" style="text-align: right;">
<b><span style="font-size: large;">والحقيقة انها ما عملتش اقصى ما في وسعها</span></b></div>
<div dir="rtl" style="text-align: right;">
<b><span style="font-size: large;">اذا ما كناش نوقف البلد ونقعد في الشارع بكتلة حرجة لا تقل ان مليون واحد في الشارع ليل نهار يبقى استمارات تمرد دي نبرمها ونحطها فييييييي عينا.. آه، ويبقى نزولنا كرنفال</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">4- معلش.. لو حصل ضرب ما تمشوش.. مش باقول اتصدروا في الضرب، بس اقفوا في ضهر الشباب ما تمشوش وتسيبوهم بحيث يبقى وراهم ناس... زي ايام محمد محمود كده فاكرينها؟</span></b></div>
<div dir="rtl" style="text-align: right;">
<b><span style="font-size: large;">لا وانتوا حتفتكروها ازاي انتوا نزلتوها؟</span></b></div>
<div dir="rtl" style="text-align: right;">
<b><span style="font-size: large;">طيب ايام محمد محمود كان اللي بيواجه بتاع 300 400 واحد، نصهم مات، ودلوقت نص نصهم مات.. بس الميدان بيتراوح من ما يقرب من مليون لحد اقل وقت كان بيبقى 50 الف.. فاللي بيواجه حاسس ان وراه ناس... واللي بيضرب حاسس ان بيضرب كتله حرجة وان فيه خطورة ما يقدرش يكسح اللي بيواجهوه</span></b></div>
<div dir="rtl" style="text-align: right;">
<b><span style="font-size: large;">اقفوا ورا وما تمشوش</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">5- كام حاجة كده لازم تعرفوها عشان التغييب بس: </span></b></div>
<div dir="rtl" style="text-align: right;">
<b><span style="font-size: large;">مش الجيش اللي مشى مبارك ولا الجيش اللي حمى الثورة. الناس فضلت في الشارع بكتلة حرجة وباصرار واستمرار ووقفوا البلد خالص وده اجبر الجيش انه يمشي مبارك والا يبقى بيجازف بان البلد تنهار.. </span></b></div>
<div dir="rtl" style="text-align: right;">
<b><span style="font-size: large;">ماحدش جاب الاخوان وسلمهم البلد الا المجلس العسكري، والشرطة حتفضل تحمي الرئيس لحد ما احنا في الشارع بكتلتنا نقرر نخليه مش رئيس</span></b></div>
<div dir="rtl" style="text-align: right;">
<b><span style="font-size: large;">الجيش والشرطة والامريكان مش بيحبوا حد ولا بيكرهوه، هم بيحبوا مصلحتهم.. لو حسوا ان الاخوان مش في مصلحتهم حيبيعوهم، ماحدش يقدر يوصل لهم الاحساس ده غير تواجدنا المستمر في الشارع</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">6- يا ريت ما تقلوش ادبكوا علينا... عشان ما نسيبكوش انتوا والاخوان ونقعد في بيوتنا.. وزي ما تيجي تيجي احنا في كل الاحوال ميتين ميتين.. وانتوا والاخوان مش بتوع مواجهات، بس الداخلية في صف الاخوان، ومع اول فسية.. مش قنبلة، حتجروا</span></b></div>
<div dir="rtl" style="text-align: right;">
<b><span style="font-size: large;">فمعلش احنا عاصرين عليكوا غيط لمون بحاله فما تطلعوش قرفنا وتفضلوا تقولوا لنا جبتوا لنا الاخوان ونجيب الجيش ونفتح السجون والطراش ده</span></b></div>
<div dir="rtl" style="text-align: right;">
<b><span style="font-size: large;">اللي جاب الاخوان هو الجيش اللي انتوا عايزين تجيبوه.. والسجون لو اتفتحت مش حيخشها اللي انتوا مستتقلين دمه بس.. انتوا كمان حتخشوا.. </span></b></div>
<div dir="rtl" style="text-align: right;">
<b><span style="font-size: large;">ما تقرفوناش كتير.. انتوا محتاجينا في المواجهات.. امال مين اللي حيموت؟ انتوا لا سمح الله؟ اذا كنتوا كرهتوا الثورة عشان مش عارفين تودوا العيال التمرين.. حتموتوا؟</span></b></div>
<div dir="rtl" style="text-align: right;">
<b><span style="font-size: large;">----------</span></b></div>
<div dir="rtl" style="text-align: right;">
<b><span style="font-size: large;">اخيرا:</span></b></div>
<div dir="rtl" style="text-align: right;">
<b><span style="font-size: large;">الزملاء الثوار....... معلش</span></b></div>
<div dir="rtl" style="text-align: right;">
<b><span style="font-size: large;">الصبر..</span></b><br />
<b><span style="font-size: large;">حنعمل ايه يعني؟ ما هو لو ما عملناش كده الاخوان حيخلوا مافيش مصر اساسا، وبعدين اجيب لكوا شعب منين يعني؟</span></b><br />
<b><span style="font-size: large;">ماهو ده شعبكوا.. يا بيحب عم الشيخ ولاغي عقله وبيسمع كلامه، يا بيحب المجلس العسكري وفيلم ابناء الصمت... واحنا مش كتير</span></b><br />
<b><span style="font-size: large;">احنا مش كتير</span></b><br />
<span style="font-size: large;"><b>رمانة ميزان اه... بس عمالين نخس</b></span><br />
<span style="font-size: large;"><b>وعلى فكرة ده الطبيعي في كل المجتمعات، البني ادمين يا اما دوجمة يا اما مصلحة... الناس اللي عايشة عشان تخلي الانسانية اسعد دي بيبقوا النسبة الضئيلة، وبيبقوا عصابيين كمان ومخهم لاسع.. امال يعني حيخش في مدرعة وهو مخه طبيعي؟</b></span><br />
<span style="font-size: large;"><b>واللي احنا بنعمل ده اسعاف لبلد بتحتضر...</b></span><br />
<span style="font-size: large;"><b>الصبر</b></span></div>
</div>
Anonymoushttp://www.blogger.com/profile/13861105695847033353noreply@blogger.com32tag:blogger.com,1999:blog-2720530513312889612.post-4690964197710367492013-06-11T11:33:00.001+02:002013-06-11T11:33:53.289+02:00بالراحة شوية/ الثورة الاسلامية/ الشرطة/ لنكات مهمة<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">خلاص بقى.. الشنا على الراجل وشردنا له بما فيه الكفاية</span></b></div>
<div dir="rtl" style="text-align: right;">
<b><span style="font-size: large;">قال كلام مالوش لازمة في اجتماع الحوار الوطني، وبعدين غلط غلطة كبيرة قوي قوي قوي قوي لما قبل يبقى وسيط بين الاخوان والفلول</span></b></div>
<div dir="rtl" style="text-align: right;">
<b><span style="font-size: large;">واتهاجم على التصرف ده واتألش عليه بما فيه الكفاية... خلاص</span></b></div>
<div dir="rtl" style="text-align: right;">
<b><span style="font-size: large;">ما تبقوش كده اذا خاصم فجر، ايمن نور ده رشح نفسه قدام مبارك وقت ما كان الترشيح قدام مبارك عملية انتحارية، اللهم الا الحاج الصباح والناس اللي كانت بتترشح وتقول انا حنتخب الرئيس مبارك</span></b></div>
<div dir="rtl" style="text-align: right;">
<b><span style="font-size: large;">واتحبس خمس سنين وهو مريض بلا اي مبرر واتهموه بالتزوير في حاجة كل الاحزاب كانت بتعملها لانها روتين، زي ما بتغمز الساعي بعشرين جنيه عشان يخلص لك ورق في اي مصلحة حكومية، وما حدش يقولي ما خيرت الشاطر ومرسي اتحبسوا، عشان هم مسكوا سلطة، لما يبقى ايمن نور يمسك سلطة ويفشل ويصمم يكمل بغلاسة والناس مش عايزاه ابقوا قطعوه ستين حتة وانا اقف اشفي.. لكن هو مش سلطة، هو حيالله رئيس حزب وسياسي مرموق وغلط وهاجمناه عليها والموضوع خلص، وفي ده كله ما تنسوش برضه انه قدم تضحيات وما اخدش تمنها، لما يبقى ياخد تمن تضحياته سلطة يبقى لكوا حق تشردوه</span></b></div>
<div dir="rtl" style="text-align: right;">
<b><span style="font-size: large;">انا مختلفة معاه في كل حاجة خصوصا في افكاره فيما يخص التعامل مع الاخوان وامريكا، هو متسامح معاهم قوي... عمل مصيبة انه يوفق بين الاخوان والفلول.. بس ربنا مش رايد لهم الستر والحمد لله اتكشفوا</span></b></div>
<div dir="rtl" style="text-align: right;">
<b><span style="font-size: large;">خلاص بقى.. ما تمسكوش في الراجل هبد والرقع.. وهو قال اعتزلت العمل السياسي.. يا ريت كل سياسي يتعرض للهجوم يبقى حسيس كده.. طب ده احنا مبهدلين مرسي والمرشد مش عايز يخليه يعتزل</span></b></div>
<div dir="rtl" style="text-align: right;">
<b><span style="font-size: large;">----------</span></b></div>
<div dir="rtl" style="text-align: right;">
<b><span style="font-size: large;">خلينا في المهم... الحمد لله تمرد قربت على 15 مليون، ولو اني زعلانة انهم اعلنوا قبل ما يكملوها ويروحوا للدستورية.... لان ده حيهيج عليهم الوحوش الكاسرة. شفتوهم ياعيني امبارح في المؤتمر؟ مؤتمر الوحوش الكاسرة الهابلة... وشفتوا الراجل اللي بيغني؟ طب شوفتوا مرسي وهو بيقول: "<span style="color: yellow;">ولأجل من اجل ذلك ولأجل هذا</span>"... انا عايزة احفظها العبارة دي.. كل ما اجي اقولها اتلخبط وارجع لها تاني.. اصلي كتبتها وراه اول ما قالها </span></b></div>
<div dir="rtl" style="text-align: right;">
<b><span style="font-size: large;">المهم دلوقت اخر تهديد لهم: </span></b></div>
<div dir="rtl" style="text-align: right;">
<b><span style="font-size: large;">لو اسقطوا مرسي حنعلن ثورة اسلامية ونطبق الشريعة</span></b></div>
<div dir="rtl" style="text-align: right;">
<b><span style="font-size: large;">سؤال: هي الناس دي مدركة بتقول ايه؟</span></b></div>
<div dir="rtl" style="text-align: right;">
<b><span style="font-size: large;">ده كده كأنهم بيقولوا لنا ان الاسلام والشريعة دي عقوبة وحاجة وحشة نتهدد بيها... طب ولما هي حاجة وحشة انتوا رافعين شعارها ليه؟ ولو هي حاجة حلوة وعشان كده رافعين شعارها.. طب المفروض تطبقوها على اللي بتحبوهم ولا بتكرهوهم؟ انت لو شايف الاسلام والشريعة حاجة كويسة كنت قلت: لو عملتوا ثورة عليا انا حالغي الشريعة الاسلام واحرمكوا منهم... مش العكس</span></b></div>
<div dir="rtl" style="text-align: right;">
<b><span style="font-size: large;">وحاجة كمان.. حازم ابو اسماعيل قال انه حيقتحم مدينة الانتاج الاعلامي ويعلن مرسي رئيسا</span></b></div>
<div dir="rtl" style="text-align: right;">
<b><span style="font-size: large;">D:</span></b></div>
<div dir="rtl" style="text-align: right;">
<b><span style="font-size: large;">بحبهم قوي.. شوفتوا الارهابيين بتوعنا حلوين ازاي؟ في ارهابيين في الدنيا كمالو كده غير عندنا؟</span></b></div>
<div dir="rtl" style="text-align: right;">
<b><span style="font-size: large;">--------------</span></b></div>
<div dir="rtl" style="text-align: right;">
<b><span style="font-size: large;"><a href="http://www.shorouknews.com/news/view.aspx?cdate=11062013&id=b5b2ff21-0022-4ff3-ba0a-fce73cc32211">ظباط الشرطة وقعوا تمرد</a> وكانوا بيهتفوا النهاردة ضد مرسي في جنازة شهيد الشرطة الله يرحمه</span></b></div>
<div dir="rtl" style="text-align: right;">
<b><span style="font-size: large;">متشكرين قوي.. مش عايزين منكوا حاجة غير تبطلوا تضربونا</span></b></div>
<div dir="rtl" style="text-align: right;">
<b><span style="font-size: large;">منين بتوقعوا ضد مرسي ومنين لما بتجيلكوا الاوامر تحموا مقر الارشاد بتنزلوا فينا ضرب كأنكوا اسرائيل واحنا فلسطين؟</span></b></div>
<div dir="rtl" style="text-align: right;">
<b><span style="font-size: large;">حلوا عنا شوية.. لو عايزين تخدمونا فعلا، لا توقعوا تمرد ولا تتظاهروا... بس تاخدوا اجازة يوم 30 يونيو، ولو ما نفعتش الاجازة لما تجيلكوا اوامر تضربونا ما تضربوناش... بطلوا تضربونا بقى.. ولو انت جبان وخايف تكسر الاوامر، يبقى ياريت لما تضرب ما تبقاش تضرب بذمة واخلاص وتفاني كده كأنك بتضرب في جوز امك انا مش فاهمة الغل اللي جواكوا وانتوا بتضربوا ده سره ايه؟... على الاقل لو خلاص مش قادر تكسر الاوامر يبقى اضربنا كده وكده واحنا حنعمل نفسنا موجوعين</span></b></div>
<div dir="rtl" style="text-align: right;">
<b><span style="font-size: large;">ايه اللي مخلي الظباط قالبين على مرسي كده.. اكيد مش عشان احنا صعبانين عليهم </span></b></div>
<div dir="rtl" style="text-align: right;">
<b><span style="font-size: large;"><a href="https://www.facebook.com/afifi6/posts/398948173548574">بس عشان كلام زي ده وارد جدا يكون حقيقة</a>.. بصراحة انا مصدقاه، هو الراجل ده اداؤه سكندلينا شوية، بس بيقول حاجات كتير بتحصل</span></b></div>
<div dir="rtl" style="text-align: right;">
<b><span style="font-size: large;">طيب يعني مدام هم اللي بيسلموكوا ويموتوكوا... بتموتونا احنا ليه؟ احنا مالنا احنا؟ </span></b></div>
<div dir="rtl" style="text-align: right;">
<b><span style="font-size: large;">----------</span></b></div>
<div dir="rtl" style="text-align: right;">
<b><span style="font-size: large;">ده <a href="https://www.facebook.com/Azmi.bishara/posts/10151460551168803">مقال مهم لعزمي بشارة</a> بيعرف ايه هي الفاشية... وطول ما انت بتقرا تحس انها منطبقة على واحد صاحبي انت ما تعرفوش</span></b></div>
<div dir="rtl" style="text-align: right;">
<b><span style="font-size: large;">ودي تلات مقالات مهمة لخالد الحروب عن ضرورة حل جماعة الاخوان المسلمين <a href="http://www.ahewar.org/debat/show.art.asp?aid=329104">الجزء الاول</a> الضرورة الوطنية و<a href="http://www.ahewar.org/debat/show.art.asp?aid=330955">الجزء التاني</a> الضرورة الاقليمية و<a href="http://www.ahewar.org/debat/show.art.asp?aid=332877">الجزء التالت </a>الضرورة التنظيمية</span></b></div>
<div dir="rtl" style="text-align: right;">
<b><span style="font-size: large;">--------- </span></b></div>
<div dir="rtl" style="text-align: right;">
<b><span style="font-size: large;">للمرة المليون ومش حازهق من اني اقولها: احذروا الناس اللي في النص.. احذروا الناس اللي في النص.. احذروا الناس اللي في النص.. دول اخوان والاخوان حيستخدموهم كبوابة طوارئ يعاودوا الدخول منها لما ينطردوا</span></b></div>
<div dir="rtl" style="text-align: right;">
<b><span style="font-size: large;">ارجوكوا... <a href="http://www.4shared.com/office/OEIVJhRT/________3_.htm">ده كتاب مهم عن طائفة الحشاشين الاسماعيلية مهم قوي تقروه</a> بتاع برنارد لويس وترجمة المرحوم محمد العزب موسى.. لازم تقروه عشان تعرفوا الاخوان بيشتغلوا ازاي.. تقريبا حسن الباندا قرا عن الحشاشين الاسماعيلية وقرر يعمل تنظيمه شبههم</span></b></div>
<div dir="rtl" style="text-align: right;">
<b><span style="font-size: large;">جزء مهم جدا من طائفة الحشاشين: الناس اللي مش منهم بس "محايدين".. دول مش بس بيبقوا اعضاء، دول بيبقوا قيادات مفتاحية... </span></b></div>
<div dir="rtl" style="text-align: right;">
<b><span style="font-size: large;">خلوا بالكوا من الناس اللي في النص</span></b></div>
<div dir="rtl" style="text-align: right;">
<br /></div>
</div>
Anonymoushttp://www.blogger.com/profile/13861105695847033353noreply@blogger.com1tag:blogger.com,1999:blog-2720530513312889612.post-82884998525799458002013-06-09T20:22:00.000+02:002013-06-09T20:43:57.286+02:00انا النمساوي ملك الليل<div dir="ltr" style="text-align: left;" trbidi="on">
<div dir="rtl" style="text-align: right;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgX_MJG93vlloxlQO0cJHw6GupFMRh7FuMuTFOiJ0LD2FWr_uUNRO5bRfQtmKsvfwDJWv7gWTTp7S1WufK8JhqUw22jr9efe3Wt_PQjo2sZomL2erJYiZQaemlfI-yruWTwm8uH-u7pSlU/s1600/supernawara.jpg" imageanchor="1" style="margin-left: 1em; margin-right: 1em;"><img border="0" height="640" src="https://blogger.googleusercontent.com/img/b/R29vZ2xl/AVvXsEgX_MJG93vlloxlQO0cJHw6GupFMRh7FuMuTFOiJ0LD2FWr_uUNRO5bRfQtmKsvfwDJWv7gWTTp7S1WufK8JhqUw22jr9efe3Wt_PQjo2sZomL2erJYiZQaemlfI-yruWTwm8uH-u7pSlU/s640/supernawara.jpg" width="385" /></a></div>
<b><span style="font-size: large;"><br /></span></b>
<b><span style="font-size: large;">وتقريبا دومة ميمو يااااض</span></b></div>
<div dir="rtl" style="text-align: right;">
<b><span style="font-size: large;">هو انا مش فاهمة القضية بتاعتنا ماشية ازاي؟ ولا فاهمة طبيعة تطورها ونموها... حاسة ان فيه كيماويات في الموضوع</span></b></div>
<div dir="rtl" style="text-align: right;">
<b><span style="font-size: large;">القضية ابتدت بضبط واحضار خمسة واستدعائي انا لسماع شهادتي في قضية المقطم، ولما علاء عبد الفتاح راح يشوف ايه الحكاية ما اتوجهلوش تهمة لا تحريض ولا ضرب ولا حاجة.. سألوه عن علاقته بالاميرة جومانة، واخد اخلاء سبيل</span></b></div>
<div dir="rtl" style="text-align: right;">
<b><span style="font-size: large;">القضية دي غابت وظهرت علينا فجأة في ثوبها الجديد حيث تم احالتنا جميعا الى الجنايات، والتعامل مع دومة المحبوس وحازم عبد العظيم والشاعر وعيد بوصفهم هاربين، والتعامل معايا انا وعلاء بوصفنا حاجة تانية مش عارفين هي ايه، مع ان دومة كان مقبوض عليه يبقى هارب ازاي، والتلاتة التانيين ما راحوش يتحقق معاهم لكنهم ما هربوش هم قعدوا في البيت وقالوا تعالوا خدونا، والشرطة ما حاولتش تروح تاخدهم ومثلا اتشعلقوا على المواسير</span></b></div>
<div dir="rtl" style="text-align: right;">
<b><span style="font-size: large;">طب علاء واخد اخلاء سبيل وانا شاهدة.. ازاي نتحول جنايات؟</span></b></div>
<div dir="rtl" style="text-align: right;">
<b><span style="font-size: large;">قالوا ان تهمتنا جميعا محرضين..</span></b></div>
<div dir="rtl" style="text-align: right;">
<b><span style="font-size: large;">بعدين فجأة، وبدون سابق مقدمات اتضح اننا فاعلين اساسيين مش محرضين</span></b></div>
<div dir="rtl" style="text-align: right;">
<b><span style="font-size: large;">ومحسوبتكوا المتهم التامن في القضية، حيث اني ضربت 125 اخوانجي، وحرقت التوحيد والنور، واتلفت مسجد بلال ومسجد الحمد وعدد من الاتوبيسات وسيارات الشرطة، وضربت ظباط شرطة</span></b></div>
<div dir="rtl" style="text-align: right;">
<b><span style="font-size: large;">واذا كان دي تهم المتهم التامن فلك ان تتخيل المتهم الاول عمل ايه؟ انا مش عارفة بقية الزملا ايه نظامهم، بس عرفت ان حازم عبد العظيم طلع مازنجر زيي كده برضه</span></b></div>
<div dir="rtl" style="text-align: right;">
<b><span style="font-size: large;">الجلسة حتبقى في دورة اول يوليو.. وحنخش المحكمة نقول: انا النمساوي ملك الليييييييل... وانا ميمو ياااااااااض</span></b></div>
<div dir="rtl" style="text-align: right;">
<b><span style="font-size: large;">سؤال بريء: الاخوان مش مكسوفين من نفسهم ولو بينهم وبين نفسهم كده؟ بجد وربنا</span></b></div>
<div dir="rtl" style="text-align: right;">
<b><span style="font-size: large;">ويحضرني هنا مقولة محمد النفس الزكية لعمه جعفر بن الحسن لما طلب منه يدعي ان ربنا يخرجهم من السجن فقال له: يا عم.. إن لنا منزلة في الجنة لا نبلغها الا بمظلمتنا هذه، وإن لجعفر المنصور موقعا في النار لا يبلغه الا بمظلمته لنا هذه.. فإن شئت صبرت وإن شئت دعوت الله.</span></b></div>
<div dir="rtl" style="text-align: right;">
<b><span style="font-size: large;">فعمه قال له: بل نصبر</span></b></div>
</div>
Anonymoushttp://www.blogger.com/profile/13861105695847033353noreply@blogger.com7tag:blogger.com,1999:blog-2720530513312889612.post-38158272489248745902013-06-09T12:31:00.002+02:002013-06-09T13:33:35.036+02:00تام ترارام تام تام<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">انا قلت استنى شوية وبعدين اكتب بوست عن موضوع الفلول ومشاركتهم في الثورة ال.... هي دي الثورة الكام يا ولاد؟ التالتة دي ولا الرابعة.. كتروا، بقوا عاملين زي عبورات مرسي، الراجل ينجح في الانتخابات يقول ده العبور التاني، يحضر مؤتمر يقول ده العبور التالت، يخش الحمام يقول ده العبور الرابع</span></b></div>
<div dir="rtl" style="text-align: right;">
<b><span style="font-size: large;">بس احنا نقدر نقول ان دي الثورة التالتة، الاولى على مبارك، والتانية على العسكر، والتالتة على الاخوان</span></b></div>
<div dir="rtl" style="text-align: right;">
<b><span style="font-size: large;">المهم انا كان ليا وجهة نظر في الموضوع ده وقلت اخش اكتبه.. بس ما اقدرش اتعرض لهاذوها الموضوع دون المرور على <a href="http://www.elwatannews.com/news/details/197004?utm_source=&utm_medium=&utm_campaign=">الخبر ده</a></span></b></div>
<div dir="rtl" style="text-align: right;">
<b><span style="font-size: large;">ايه ده؟ ايه ده يا ولاد ده؟ ايه الهلاوس دي؟ العيال بتوع الاخوان بيقولوا للقيادات احنا خايفين قالوا لهم ما تخافوش حينزل لنا جند من السما! هو من حيث جند من السما فنحس مرسي اجدع جند من السما ضده.. طب والله العظيم راجل نحس والطبيعة كلها رافضاه، وايام الرسول ايه؟ وصحابة ايه؟ ده على اساس اننا قريش؟ مش باقولكو الناس دي عايشة في مسلسل على هامش السيرة ما خرجتش منه؟</span></b></div>
<div dir="rtl" style="text-align: right;">
<b><span style="font-size: large;">وهم الاخوان بيشبهوا نفسهم بالصحابة؟ هم الصحابة كانوا فشلة وكدابين ومنافقين وحانثين بالعهود ويظهروا غير ما يبطنوا وخونة وخايبين ومش عايزين يعترفوا انهم خايبين؟ هم </span></b><b><span style="font-size: large;">الصحابة كانوا اندال واوساخ وعملوا صفقة مع ناس بتقتل الابرياء بشكل دوري كل شهر؟ هم الصحابة لما بنت تتعرى قدامهم يقولوا عليها ايه اللي نزلها؟ هم الصحابة لما ناس اتسجنوا عشان بيدافعوا عنهم ينزلوا يتظاهروا ضد الحكم العسكري يطلعوا بيان يقولوا عليهم: جمعة الوقيعة بين الجيش والشعب؟ هم الصحابة بيخوضوا في اعراض الناس بالباطل وبيضربوا الستات؟ هم الصحابة والناس واقفة تموت في محمد محمود يبعتوا يهددوهم بحرب اهلية ويطلع الكبير بتاعهم يقول: اللي خالفوا اوامري وراحوا محمد محمود رجعوا <a href="http://www.youtube.com/watch?v=59rD-uN2SKQ">اعتذروا لي وقالوا لي احنا شوفنا مهازل</a>! مهازل ايه اللي شافوها يا بديع في محمد محمود والناس ما بين قتيل وجريح؟ هم الصحابة لما ناس تنضرب عشان بتدافع عن جزء منهم يقولوا احنا ما نعرفش مين دول؟ هم الصحابة نزلوا شايلين شوم على النسوان اللي كانوا بيتداروا ورا ضهرهم في العباسية؟ هم الصحابة بيخونوا الامانة؟ هم الصحابة بيقعدوا هم في التكييف ويطلعوا ينبروا على الناس عشان عندها تكييفات ويقطعوا عنهم النور؟ <a href="http://www.elwatannews.com/news/details/197028">هم الصحابة يخونوا البلد ويبعتوا معلومات سرية لمؤسسات اجنبية</a>؟ هم الصحابة لما يتولوا امور الناس بدل ما يشوفوا حيأكلوا الناس ويشربوهم ازاي ويهتموا بالقضايا الملحة يقعدوا يرازوا في معارضينهم كأنهم ضرايرهم وبعدين يقولوا اتفاجئنا بالنيل اصل كنا مشغولين في الثورة؟ مشغولين في الثورة ولا مشغولين تسلطوا المغير يضرب النسوان؟ هي الناس دي مصدقة نفسها وشايفين نفسهم صحابة ودعوة ربانية وملايكة حتنزل لهم؟ يا رب تنزل عليهم زبانية تديهم بالجزم </span></b></div>
<div dir="rtl" style="text-align: right;">
<b><span style="font-size: large;">ابسط قواعد الامانة اني لما احس اني مش كفء في عمل اتنحى عنه مش اقاوح وارمي فشلي على غيري... يا.. صحابة.. هأ</span></b></div>
<div dir="rtl" style="text-align: right;">
<b><span style="font-size: large;">----</span></b></div>
<div dir="rtl" style="text-align: right;">
<b><span style="font-size: large;">عود لموضوع الفلول</span></b></div>
<div dir="rtl" style="text-align: right;">
<b><span style="font-size: large;">الاضحوكة التانية اني كنت ناوية اقول ان الفلول انواع، وانك لو تقصد الفلول هم بتوع الحزب الوطني والمستفيدين من النظام السابق فدول فلول فعلا ولازم ما نقبلهمش وسطنا.. خصوصا يعني واحد زي ملك الفياجرا اسطورة الترامادول سيد سرنجة.. او عمرو موسى اللي راح قابل خريت الشاطر والشاطر عمل له كمين وفضحه، مع انها فضيحة للشاطر اللي طول النهار يقول على موسى فلول</span></b></div>
<div dir="rtl" style="text-align: right;">
<b><span style="font-size: large;">وكنت حاقول في نوع تاني من البشر ناس عادية بس تخوفت من الثورة الاول، مش مستفيدين من النظام ولا حاجة، واحدة ابوها ظابط جيش متقاعد وميت وبتحب الجيش عشان كده، واحد ما عرفش يروح مارينا لما الثورة قامت، واحد سواق تاكسي حاله وقف بعد الثورة فانتخب شفيق.. وكنت حاقول ما تقولوش عليهم فلول.. بس لقيتهم بيقولوا على نفسهم فلول </span></b></div>
<div dir="rtl" style="text-align: right;">
<b><span style="font-size: large;">اه وربنا</span></b></div>
<div dir="rtl" style="text-align: right;">
<b><span style="font-size: large;">واحد بيقول الفلول غير مرحب بيهم، فواحدة قالت له: انا فلول ونازلة!</span></b></div>
<div dir="rtl" style="text-align: right;">
<b><span style="font-size: large;">اوختشي.. كلمة فلول دي كلمة وحشة.. الا اذا كنت حضرتك مثلا بنت عمر سليمان، او عضو سابق في الحزب الوطني، او في امانة السياسات، او من نواب القروض، او واحدة حرامية ما، او جوزك ظابط شرطة بيعذب الناس وبيموتهم في الاقسام، او حماكي طنطاوي</span></b></div>
<div dir="rtl" style="text-align: right;">
<b><span style="font-size: large;">اذا كنت من الناس اللي اصلا ما نزلتش في الثورة في الاول وكانت بتقول الكلام الوسخ بتاع منكو لله خربتوا البلد وتشكر في المجلس العسكري، اللي وضح لكل الناس انه هو اللي باع البلد للاخوان وانه مجلس خاين، وانتخبتي شفيق عشان خايفة من الاسلاميين وبعدين قررتي تبقي ايجابية وتحلي الوحلة اللي الناس فيها وتنزلي فده ما يعملش منك فلول.. ده يعمل منك عبيطة بس</span></b></div>
<div dir="rtl" style="text-align: right;">
<b><span style="font-size: large;">وعادي كلنا عبط بشكل او بآخر</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">هو طبعا الواحد بيصعب عليه نفسه قوي.. مش انا بس.. عدد كبير، يعني واحد صعبان عليه نفسه قوي وعمال يحذر من مشاركة الفلول</span></b></div>
<div dir="rtl" style="text-align: right;">
<b><span style="font-size: large;">وبيقول ان الاعتماد على الفلول زي عصر اللمون، وهو معاه حق فعلا.. طب بس احنا نعمل ايه؟ اولا ما تخليش الاخوان يبتزونا بان الفلول راكبين علينا، لانهم هم نفسهم ركبوا علينا.. والاخواني اللي يقولك نازل معاكوا فلول، قول له: ما انتوا نزلتوا معانا قبل كده.. حنعمل ايه يعني؟ حنطردهم؟</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">اذا كنت تقصد فلول من اساطين النظام زي سيد سرنجة وموسى وغيرهم، فدول احنا مش ماشيين وراهم، ولا احنا ماشيين ورا جبهة الانقاذ اساسا.. جبهة الانقاذ لما كنا عند الاتحادية خذلتنا وطلبت اقالة قنديل! ودلوقت تو ما عرفت ان الاخوان نظامهم سقط.. واحنا دايما سابقين عليهم، وكون جبهة الانقاذ تبقى ماشية في ديلنا ده مش وحش.. مش احسن ما احنا اللي نمشي في ديلها وهي لامة فلول؟</span></b></div>
<div dir="rtl" style="text-align: right;">
<b><span style="font-size: large;">اذا كنت تقصد اللي كانوا قاعدين في البيت يشتمونا واحنا بندفن صحابنا.. فدول مش فلول، دول مهاطيل، طبعا حاجة تضايق، بس ده مش معناه نشتمهم ولا نطردهم، هم ما عملوش جرايم ولا سرقوا ولا قتلوا عشان نمشيهم، والا كنا مشينا الاخوان من اول يوم 28 يناير.. ده شارع، واحنا مش ملاك الشارع ولا حتى الثورة عشان نمشي ناس ونجيب ناس... احنا حننقي؟ ناس معترضة على حكم ما من حقها تنزل تعبر عن نفسها.. انت حتفتشهم وتقولهم انتوا فلول ولا ثوار؟ ولا حتشمهم لو ريحتهم برفان يبقوا فلول لو ريحتهم غاز يبقوا ثوار.... وطبعا لو ريحتهم حلبة او شرابات يبقوا اخوان مدسوسين</span></b></div>
<div dir="rtl" style="text-align: right;">
<b><span style="font-size: large;">دي حاجة صعب التحكم فيها، وما ينفعش نعمل فيها حاجة</span></b></div>
<div dir="rtl" style="text-align: right;">
<b><span style="font-size: large;">انا متفهمة تخوفات الثوار من اننا نلف في حلقة مفرغة... بس احنا لازم نكمل طريقنا، ومافيش رجوع لورا، والتخوفات بتاعة ان العسكر يرجع تاني مش حتحصل.. والنظام القديم مش حيرجع تاني، خلاص.. المرحلة اللي خلصناها مش حنرجع لها ومش مفروض نتخوف اننا نرجع لها.. المفروض نبص قدامنا ونخلص المرحلة اللي احنا فيها دي لانها خطرة ولازم باسرع وقت تتحل.. احنا موحولين وحلة سودا، والعسكر مش عايز يمسك البلد، لانه مش حيستفيد حاجة ده دماغه حتتوجع وهو كده مبسوط بنفسه وبحاله وبفلوسه وبعيشته مش عايز هو يحكم البلد، ولا امريكا عايزاه يحكم البلد عشان شكلها ما يبقاش وحش قدام الناخبين بتوعها... فده تخوف اظنه مبالغ فيه</span></b></div>
<div dir="rtl" style="text-align: right;">
<b><span style="font-size: large;">موضوع ان لو حصل انتخابات مبكرة شفيق هو اللي حينجح.. ده احتمال، طب بس نعمل ايه يا ولاد طيب؟ حنعمل ايه؟ ماهو مرسي اهو الناس نجحته وعصروا لمون عليه قطع مية وكهربا حرفيا عن البلد.. واحتمال شفيق يا اخي ما ينجحش قول يا رب وربنا يسترها معانا</span></b></div>
<div dir="rtl" style="text-align: right;">
<b><span style="font-size: large;">النقطة التالتة واللي انا متفهماها جدا، ان الثوار صعبان عليهم نفسهم.. يعني هم يتبهدلوا ايام مبارك وايام العسكر وايام الاخوان وكل شوية حد عامل ضهرهم مطية وياخدها على الجاهز؟ ماهو زي ما الاخوان اندال وسابونا ننضرب سنة ونص وهم متحالفين مع العسكري اللي كان بيضربنا مخصوص عشان يستنزفنا ويخلي الساحة للاخوان حسب اتفاقه مع امريكا.. ماهو برضه لما يحصل ضرب الفلول دول حيخلعوا ويسيبونا نشم غاز لوحدنا برضه.. ماهو ده اللي كان بيحصل في الاتحادية.. </span></b></div>
<div dir="rtl" style="text-align: right;">
<b><span style="font-size: large;">والله انا حاسة بموضوع الصعبانية دي.. انا ساعات نفسي بتصعب عليا قوي، يعني انا واحدة من الناس طلع ميتين امي في الثورة.. طلع ميتين امي.. بكل المقاييس، وما كسبتش اي حاجة غير الشتيمة وقلة الادب من كل الاطراف.. وجات لي مراحل كتير نفسي اتسدت وبقيت اقول انا اشوف اللي ورايا ونفسي بدل المرمطة عشان شوية ناس قلالات اصل الواحد ما بياخدش من وراهم غير البهدلة واخرتها لا حمد ولا شكرانية وكمان شتيمة واتهامات باطلة واللي يقولي انت السبب في كل اللي احنا فيه، واللي يقول لي بقى معاكي فلوس، مع اني ما فلستش وفلوسي قلت الا بعد الثورة، واللي يقولي معاكي فلوس بادعي له من قلبي يبقى معاه قد اللي معايا.. طيب ده انا وانا لا استشهد لي ابن، ولا عيني طارت، ولا ماشية على عكاز، وما قعدتش في السجن الا اسبوعين، ولا اتكهربت في لاظوغلي، اتضربت بس.. لكن الحمد لله ما اتكهربتش.. امال بقى اللي اتحبس بالشهور، واللي اتكهرب، واللي عينه طارته، واللي عينيه اللي اتنين طاروا، واللي مش قادر يمشي، واللي واللي واللي.... دول احساسهم ايه بقى لما بعد البهدلة دي كلها ينزل مظاهرة جنبه سيادة الباشا لابس ومشيك وريحته مهفهفة وبيهتف جنبه؟ وهاذوها الباشا كان بيقول عليه بلطجية من سنة... هي حاجة تحرق الدم... قوي.. خصوصا انه لسه قايم من ضربة ان الاخوان الاندال اللي هو قعد سنة ونص ينضرب ويدفن صحابه من تحت راسهم عشان العسكري يمهد لهم نجاحهم في الانتخابات من غير ما يبقى فيه منافسة هم اللي خدوا الحكم وكمان بيزايدوا عليه بالثورة، لا وايه؟ بيقولوا عليه فلول عشان في ناس فلول نازلين معاه.. حاجة فظيعة.. فظيعة.. فظيعة وانا حاسة باحساسكوا كلكوا والله العظيم.. لما الاخواني يقول لاحمد حرارة يا فلول ولما احمد حرارة يمشي جنب واحد كان بيقول عليه بلطجي في مظاهرة، وحتختم في الاخر يا تنتصر الثورة دي ان شاء الله وبأمر الله تعالى وفجأة حرارة يلاقي اللي كان بيقول عليه بلطجي محمول على الاعناق، او لا قدر الله بعد شر الف بعد الشر ربنا ما يكتبها علينا ابدا ما تنتصرش والاخوان يطلعوا يقولوا انتصرت الثورة على الفلول.. اللي هم احمد حرارة ومالك مصطفى واحمد عبد الفتاح ورضا عبد العزيز وام خالد سعيد وابو جيكا وام كريستي وخطيبة الحسيني ابو ضيف</span></b></div>
<div dir="rtl" style="text-align: right;">
<b><span style="font-size: large;">انهيار يعني</span></b></div>
<div dir="rtl" style="text-align: right;">
<b><span style="font-size: large;">بس مهلا مهلا... (بايخة قوي مهلا مهلا دي.. اخوانجي فشخ) يا شباب انت بتعمل لله ولا بتعمل عشان الناس تشكرك.. الناس ولاد كلب مبدئيا.. دي القاعدة عشان نبقى واضحين مع بعض، وانت صعبان عليك ان الروس تتساوى واحيانا انت اللي بتتشتم والنطع اللي كان قاعد في بيته هو اللي بياخد كل الشكرانية.. بس ده عند الناس لان الناس ظلمة اصلا، الحياة دار ظلم، بس الخير لازم يفضل كده يعافر ويقاوح، يعني حنشوف الظلم ونسكت؟</span></b></div>
<div dir="rtl" style="text-align: right;">
<b><span style="font-size: large;">اولا انت مش لازم تضايق من حاجة.. استمرارك على نهج واحد وتغير الركيبة عليك يقول انك متسق مع نفسك وانك مش بتعمل مواءمات ولا انك ماشي ورا مصلحتك انت ماشي ورا الصح وبس.. انت ضد الظلم وفقط، الظلم ده لما كان مبارك والاخوان لهم مصلحة ركبوا عليك، الظلم ده لما بقى الاخوان والفلول لهم مصلحة ركبوا عليك.. لكن انت ماشي زي القطر على خط واحد مش بتغيره ودي حاجة تخليك تحترم نفسك.. واذا كان الناس ولاد كلب دلوقت، التاريخ بيكتب.. هو حيقع من الضحك، بس حيكتب</span></b></div>
<div dir="rtl" style="text-align: right;">
<b><span style="font-size: large;">واذا كانت الروس اتساوت هنا وساعات روس المصلحجية عليت عليك.. عند ربنا الروس مش متساوية يا زميل.. عند ربنا كل واحد واخد مقامه صح.. </span></b></div>
<div dir="rtl" style="text-align: right;">
<b><span style="font-size: large;">وانت تزعل على نفسك ليه؟ وتصعب عليك نفسك ليه؟ وانا مش باقولك انت بس كده، انا باقول لنفسي... تزعل ليه؟ ماهو انت لو عايز حاجة كنت اخدتها من الاول.. انت اخترت الطريق الصعب، انت اخترت تعرض حياتك وعينك وامنك للخطر مش عشان اي حاجة غير عشان انت بتحب الحق وبتكره الظلم.. تزعل ليه لما تنور وتزهزه لناس ما تشوفش وشها الا ساعة جمع الغنايم، ما لو عايز الغنايم كنت مديت ايدك اخدت.. وهم بياخدوا الغنايم عشان هم عايزينها.. يبقى ايه اللي يزعلك لما ده اختيارك</span></b></div>
<div dir="rtl" style="text-align: right;">
<b><span style="font-size: large;">واحمد ربنا ان ماحدش بيقولك شكرا هنا</span></b></div>
<div dir="rtl" style="text-align: right;">
<b><span style="font-size: large;">عشان الشكر عند ربنا يبقى مضاعف.. وانت لو بصيت في حياتك كده الناشفة اللي مليانة كوابيس ووشوش صحابك الميتين وكلام الناس الجارح واللوم والتقريع المستمر، حتلاقي ربنا من عنده بيجبر بخاطرك في حاجات كتير قوي.. من غير ما تتحوج لبني ادم، والموضوع مالوش علاقة بنشطاء مشهورين والله... اي شاب عنده 18 سنة كان بينزل من يوم 25 ولحد يوم 30 وفي عيلته فلول ولا اخوان ولا حتى كنبة بياخد في جنابه كلام ولوم وتقريع، مبدئيا بيتعاملوا معاه على انه رئيس عموم الثورة، ويفضلوا يقولوا له: وانتوا ناويين على ايه؟ وانتوا عايزين ايه؟ وبعدين يفضلوا يشتموه ويلوموه ويحسسوا الواد ابو 18 سنة ده ان هو اللي مسئول عن كل الفياضانات والزلازل اللي حصلت في الكون</span></b></div>
<div dir="rtl" style="text-align: right;">
<b><span style="font-size: large;">وفوق ده كله لو اتسجن ابوه يشتمه وهو في السجن ويقول للمحامي بتاعه: انا ابني قليل الادب وما عرفتش اربي</span></b></div>
<div dir="rtl" style="text-align: right;">
<b><span style="font-size: large;">معلش... معلش والنبي.. والنبي ما تزعل.. وما تنكرش خير ربنا عليك، انا واثقة ان دايما ربنا بيجبر بخاطرك في حاجات بينك وبينه وبيفكرك دايما انه بيحبك وبيقولك ما تزعلش</span></b></div>
<div dir="rtl" style="text-align: right;">
<b><span style="font-size: large;">احنا مالناش دعوة مين بيعمل ايه؟ ولا بيقول ايه؟ ولا بيهبب ايه؟ احنا حنفضل ماشيين على قضبان القطر نعمل الصح وبس</span></b></div>
<div dir="rtl" style="text-align: right;">
<b><span style="font-size: large;">يعني ماهو من اول لحظة واحنا شايفين الاخوان بيركبوا علينا.. كنا نخلي مبارك يعني؟ من اول لحظة واحنا شايفين صفقة العسكري مع الاخوان.. كنا نخلي الحكم العسكري يعني؟ </span></b></div>
<div dir="rtl" style="text-align: right;">
<b><span style="font-size: large;">طيب انت خايف من ركوب الفلول... نخلي الاخوان يعني؟ حنروح من ربنا فين لو خليناهم؟ والفقرا؟ والضعفا؟ والجعانين؟ والعطشانين؟ والمحبوسين؟ والمصابين؟ والمقتولين؟ نسيب كل دول ونتخلى عنهم عشان خايفين لناس تنزل معانا غير مرغوب فيهم؟ حنروح من ربنا فين؟ حنروح من ربنا فين؟</span></b></div>
<div dir="rtl" style="text-align: right;">
<b><span style="font-size: large;">جانب الضعيف هو دايما الامان</span></b></div>
<div dir="rtl" style="text-align: right;">
<b><span style="font-size: large;">جانب الضعيف هو دايما الصح</span></b></div>
<div dir="rtl" style="text-align: right;">
<b><span style="font-size: large;">------------</span></b></div>
<div dir="rtl" style="text-align: right;">
<b><span style="font-size: large;">سيبنا بقى من موضوع الفلول ده وياريت بقى نفتكر جميعا الناس اللي في النص.. هذه الكائنات الرخوة، اللي عادة بيبقوا اكس اخوان، او تربية اخوان بس مش في الجماعة.. وتلاقيهم ماسكين العصايا من النص وعمالين يقولوا لك: اصل الطرفين بلا بلا بلا</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طرفين ايه يا ناقص يا رمة يا عرة البشر انت وهي؟ طرف معاه سلطة وسلاح وامكانات، وطرف اعزل مش معاه الا صوته وتقولي استقطاب والطرفين غلطانين؟ تصدق انك راجل او ست رمة؟ ولا الاسلوب اللزج ده بتاع حبو بعض يا ولاد، وعارفين الكلام الدمث المهذب بلزوجة اللي يخليك عايز تتطرش في وش اللي بيتكلم.. وعامل او عاملة لي فيها عقلانيين.. عقلاني ايه يا روح خالتك في ناس ماتت وناس اتحبست وناس اتصابت وناس الاخوان عذبوهم في الاتحادية منهم شاب فقد قدرته على الزواج بسبب تعذيبهم.. لو ده ضناك ما كنتش قلت الطرفين والاستشيكتاب.. استشيكتاب ايه يا حيلتها.. </span></b></div>
<div dir="rtl" style="text-align: right;">
<b><span style="font-size: large;">اهو الصنف الوسخ ده بالنسبة لي انجس من مبارك ومن مرسي ومن خريت ومن بدين ومن نتنياهو نفسه</span></b></div>
<div dir="rtl" style="text-align: right;">
<b><span style="font-size: large;">بل انجس من ابليس.. عشان كل من سبق ذكرهم لهم مواقف واضحة ومحددة وباينة</span></b></div>
<div dir="rtl" style="text-align: right;">
<b><span style="font-size: large;">انما الاخوة اللي في النص بتوع حاذنبكوا انتوا الاتنين دول مافيش انجس منهم</span></b></div>
<div dir="rtl" style="text-align: right;">
<b><span style="font-size: large;">والغريب ان معظمهم فعلا يا اكس اخوان يا تربية اخوان يا متعاطف مع الاخوان... فعلا، جماعة الاخوان مركز تفريخ النفاق والمنافقين</span></b></div>
<div dir="rtl" style="text-align: right;">
<b><span style="font-size: large;">اهم الناس اللي في النص دول اخطر من الناس اللي بتنزل بالكلب اللولو في المظاهرة وحاطين نقركوا من نقرهم ومسمينهم فلول وهم مسميين نفسهم كده بعبطهم </span></b></div>
<div dir="rtl" style="text-align: right;">
<b><span style="font-size: large;">عارفين ليه؟ لان دي الناس اللي عايزة تكسب على طول، دي الناس اللي نطبق عليهم:</span></b></div>
<div dir="rtl" style="text-align: right;">
<b><span style="font-size: large;">"الذين يتربصون بكم، فإن كان لكم فتح من الله قالوا ألم نكن معكم، وإن كان للكافرين نصيب قالوا ألم نستحوذ عليكم ونمنعكم من المؤمنين"</span></b></div>
<div dir="rtl" style="text-align: right;">
<b><span style="font-size: large;">والحقيقة ان الاخوان لعبوا الدور ده في صراع الثوار مع العسكري</span></b></div>
<div dir="rtl" style="text-align: right;">
<b><span style="font-size: large;">ودلوقت في ناس مش اخوان بس بيحترموهم برضه بيلعبوا الدور ده.. حاسبوا منهم</span></b></div>
<div dir="rtl" style="text-align: right;">
<b><span style="font-size: large;">عشان دول ممكن يبقوا الورقة الاخيرة للاخوان لو حسوا انهم لازم يمشوا، ويبقى الناس اللي في النص دي هي البوابة اللي الاخوان حيخشوا منها تاني</span></b></div>
<div dir="rtl" style="text-align: right;">
<b><span style="font-size: large;">-------</span></b></div>
<div dir="rtl" style="text-align: right;">
<b><span style="font-size: large;">اخيرا... بصراحة مصر نكتة.. حتى في مصايبها، تحس انك بعد ما تقرا اي خبر في الجرنال او اي مقال او اي تعليق او تصريح لاي مسئول او شخصية عامة تبقى عايز تقول:</span></b></div>
<div dir="rtl" style="text-align: right;">
<b><span style="font-size: large;">تام ترارارام تام تام</span></b></div>
</div>
Anonymoushttp://www.blogger.com/profile/13861105695847033353noreply@blogger.com3tag:blogger.com,1999:blog-2720530513312889612.post-56253919993124434122013-06-08T23:03:00.000+02:002013-06-09T09:24:33.350+02:00تحضيرا ل30/6.. الرهان على غباء العدو<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="color: cyan; font-size: large;">تحديث:
اهو <a href="http://almogaz.com/news/politics/2013/06/09/947786">عمرو عبد الهادي اعترف ان الميل ده مبعوت من ميله وقال</a> "الهاكرز" هو اللي بعت الميل
وانا في كل ده كله مش هاممني انه كداب اخر ستميت حاجة.. اللي خانقني انه بيقول "هاكرز" وبعدها يقول "هو" زي اللي بتقول انا بشتغل مودلز واللي بيقول انا باشرب كانز
واحنا من موقعنا هنا بنشكر الاستاذ هاكرز على الميل ده
مش قلت لكو الرهان على غباء العدو؟ المتخلف بعت سند اوول فوصل بالغلط لناس ما كانش المفروض يشوفوا الميل وبعدين قالك الهاكرز ضاع الهاكرز بصباع.. ربنا يديم عليهم الغباوة ويزيدها ويبارك فيها ويجعلها دايما في مصلحتنا</span></b></div>
<div dir="rtl" style="text-align: right;">
<br /></div>
<br />
<div dir="rtl" style="text-align: right;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiRSG7-JHh-GZefnHtC5Dmt_xgw90WWxA40CiGob1jIRXFOYn4f0KFN1BU4zBzRSD4Fa2iCZeBNLoMn8BviPd_csyVbOtwG_QTcO9PdSZNC9_DTWwfE_qgrYNPHciV6hI3TVEN0N99JL_g/s1600/%D8%AC%D8%A8%D9%87%D8%A9+%D8%A7%D9%84%D8%B6%D9%85%D9%8A%D8%B1.png" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEiRSG7-JHh-GZefnHtC5Dmt_xgw90WWxA40CiGob1jIRXFOYn4f0KFN1BU4zBzRSD4Fa2iCZeBNLoMn8BviPd_csyVbOtwG_QTcO9PdSZNC9_DTWwfE_qgrYNPHciV6hI3TVEN0N99JL_g/s1600/%D8%AC%D8%A8%D9%87%D8%A9+%D8%A7%D9%84%D8%B6%D9%85%D9%8A%D8%B1.png" /></a></div>
<br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiAWlhFseF9wrxCipxDp-9g1Souj9BP8NJbIlEvXdXYBl2D1IpurfVO374Uazrnss6JZ1TN1vTt2iB6HCt7X1WwRiMqTWP6aOhdhkJthyphenhyphenJIng0Rew4RzCY70DQDT4pd_Dy0d6v9OidMnuU/s1600/%D8%AC%D8%A8%D9%87%D8%A9+%D8%A7%D9%84%D8%B6%D9%85%D9%8A%D8%B12.png" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEiAWlhFseF9wrxCipxDp-9g1Souj9BP8NJbIlEvXdXYBl2D1IpurfVO374Uazrnss6JZ1TN1vTt2iB6HCt7X1WwRiMqTWP6aOhdhkJthyphenhyphenJIng0Rew4RzCY70DQDT4pd_Dy0d6v9OidMnuU/s1600/%D8%AC%D8%A8%D9%87%D8%A9+%D8%A7%D9%84%D8%B6%D9%85%D9%8A%D8%B12.png" /></a></div>
<b><span style="color: red; font-size: large;"><br /></span></b><b><span style="color: yellow; font-size: large;">الايميل اللي فوق ده نشرته دينا يوسف وبتقول انه وصلها على ايميلها من جبهة الضمير</span></b><br />
<b><span style="color: yellow; font-size: large;">طبعا حيطلع لنا ناس بيتناصحوا، وانا بقيت اكرههم قوي قوي قوي الناس دي، عشان الحاجة بتبقى باينة وهم بيبقوا عايزين يسفسطوا، حيطلعوا ويقولوا طب وايه الدليل على ان الميل ده وصلها فعلا، وايه الدليل على ان عمرو عبد الهادي بعته فعلا.. وكل الهلاوس دي</span></b><br />
<span style="color: yellow;"><b><span style="font-size: large;">طبعا لو كانت جلسة الحوار الوطني اتفرغت ونزلت في جرنال وما كنتوش سمعتوها بودانكوا كنتوا برضه ضيعتوا وقتنا في ايه الدليل ومين قال وايه اللي يضمن وبلاش هري ولازم تتأكدوا واصل لما بتقولوا الكلام ده بيخلي ناس ما تتعاطفش معانا وكل الطراش ده بتاع الناس اللي حاطة ايدها في المية الساقعة وغالبا ما بينزلوش لا هم ولا اللي هم خايفين عليهم ليبطلوا يتعاطفوا معانا، ابوهم على ابو اللي بطل يتعاطف معانا احنا دفنا صحابنا وهم قاعدين دفيانين.. كل ده عشان تغفيلنا وعشان ما حطيناش كل الاحتمالات قدامنا، </span></b><b><span style="font-size: large;">مش لازم يبقى في دليل.. لازم نحط كل الاحتمالات ونخليها واردة في اذهاننا...</span></b></span><br />
<b><span style="color: yellow; font-size: large;">الكلام المكتوب ده وارد جدا، ووارد جدا ان عمرو عبد الهادي اللي مرة قال في تصريح انتوا مش حتعرفوا قيمة مرسي الا "لما نجيب لكوا ابو اسماعيل"! انه يكون بالهطل اللي يخليه يبعت الكلام ده في ميل، واللي يعمل اجتماع سري على الهوا يهذي فيه ممكن يبعت ميل بالطريقة دي ويوصل للناس.. المهم الخطة دي واردة بنسبة 99%.. ولما نحط حاجات في الحسبان وما تحصلش احسن من لما ما نحطش حاجة في الحسبان ونتفاجئ بيها زي ما بيحصل لنا بقالنا سنتين لما ورمنا </span></b><br />
<b><span style="color: red; font-size: large;"><br /></span></b>
<b><span style="color: red; font-size: large;">تحذير:</span></b><br />
<b><span style="color: red; font-size: large;">عرفت دلوقت ان الاخوان ناويين يوم 30/6 يندسوا وسط المتظاهرين ويكتبوا او يرفعوا شعارات شتيمة في الاسلام والرسول، وعرفت كمان ان بالفعل الاخوان عملوا اكاونتات على الفيس بوك والتويتر بيعملوا فيها هاشتاج تمرد ويشتموا في الاسلام والرسول عشان يبينوا ان اللي بيتمردوا دول كفار وكدزه</span></b><br />
<b><span style="color: red; font-size: large;">بائسين... يعني مش كفاية حيخسروا الدنيا، وكمان بتخسروا الاخرة؟ على فكرة اللي بتعملوه ده حرام، والشتايم اللي بتكتبها دي ربنا حيحاسبك عليها بصفتك ومافيش غاية تبرر لك الوساخة دي</span></b><br />
<b><span style="color: red; font-size: large;">المهم.. التحذير ده وجب التنويه عنه لانه جالي من كذا مصدر واي حد تشوفه بيعمل كده اعمل معاه السلمية</span></b><br />
<b><span style="font-size: large;">------------</span></b><br />
<b><span style="font-size: large;">بصوا انا محرجة قوي اتكلم عن تحضيرات تلاتين ستة وانا عارفة اني مش حاحضرها لاني حابقى في الجنايات والله اعلم هم حيعملوا فينا ايه؟ بس شكلهم ناويين على حبسنا.. فحاسة اني يعني باعمل جنرال كازوزة وانا اغلب الظن حابقى في الحبس ومش حاحضر مع الناس لكن رجعت وقلت اهو اساهم بكلمة وانا يعني مش حابقى في مارينا ده انا حابقى في الحبس</span></b></div>
<div dir="rtl" style="text-align: right;">
<b><span style="font-size: large;">:)</span></b></div>
<div dir="rtl" style="text-align: right;">
<b><span style="font-size: large;">بالنسبة لتلاتين ستة انا ان شاء الله متفائلة جدا على عكس بقية الايام اللي نزلناها قبل كده وكنت بانزلها عشان باعمل الواجب مش عشان عندي امل </span></b></div>
<div dir="rtl" style="text-align: right;">
<b><span style="font-size: large;">ليه بقى المرة دي متفائلة؟ لان الاخوان والاسلاميين بشكل عام ناويين يتغابوا، او هم ابتدوا يتغابوا فعلا ويمعنوا في الغباوة.. وزي ما كان مبارك عن جدارة مفجر الثورة ضده، الاخوان المرة دي بقى يا ولاد مش بيركبوا على الثورة.. ده هم اللي بادعين الثورة ضدهم من اساسها</span></b></div>
<div dir="rtl" style="text-align: right;">
<b><span style="font-size: large;">سيبك من انهم استدعونا للجنايات انا وعلاء ودومة وحازم عبد العظيم وكريم وعيد وغيرنا.. طبعا السلوك ده حيسخن الناس عليهم، مش عشان احنا ناس مهمين، بالعكس، عشان احنا ناس مش مهمين</span></b></div>
<div dir="rtl" style="text-align: right;">
<b><span style="font-size: large;">الاخوان من غير ما يحسوا وجهوا اهانة لكل الناس اللي ضدهم ووصلوا لهم رسالة انهم بيقولوا لهم: انتوا شوية خرفان واحنا لما نقبض على الروس بتاعتكوا (بتصورهم يعني) حتتلموا.. ودي اهانة بالغة، خصوصا ان في اخبار ان الاخوان بيتصلوا بالكنيسة عشان تمنع المسيحيين ينزلوا 30/6! منتهى الاستفزاز والاستهتار وجر الشكل والتسخين.. كده اللي ما كانش ناوي ينزل حينزل... طبيعي يبقى الرد عليهم: احنا لا احنا خرفان، ولا ماشيين ورا حد، ولا دول الروس بتوعنا، ولا غيرهم، ولا انتوا ولا عشر جماعات من عينتكوا يعرفوا يقعدونا في البيت لو لنا مزاج ننزل.. ومافيش مانع من شوية ذكورية: هو انا حرمة زي نوارة اللي بتنزلني يا روح امك؟ او شوية عنجهية: هو علاء اللي مربي شعره ده اللي بيتحكم فيا يا روح خالتك؟ هو انا خروف زيك.. الخ</span></b></div>
<div dir="rtl" style="text-align: right;">
<b><span style="font-size: large;">فكده كتر خيرهم.. يعني جم على الوجيعة لكل الناس لان اي مصري بطبيعته بورمجي وما يحبش يبان قفا ولا ماشي ورا حد... في شوية حاجات كده في نفساويات المصريين ما يعرفهاش الا حد مصري، وفي شوية زراير كده في نفسية المصري ما ينفعش تدوس عليها الا لو انت قررت تجر شكله، وزراير تانية تسخنه، زي مثلا انه ينزل في ثورة عشان تونس مش احسن مننا، خصوصا ان تونس دي بتنافسه في الكوره، طبعا دي تفصيلة ماحدش يحس بيها ولا يحسبها الا حد مصري، وانتوا زي ما انتوا عارفين دول مش مصريين.. دول عايشين في مسلسل على هامش السيرة وما خرجوش منه</span></b></div>
<div dir="rtl" style="text-align: right;">
<b><span style="font-size: large;">وموضوع الكنيسة ده حرقة دم لغير المسيحيين لابعد الحدود... سيبك من انها اهانة للمسيحيين اللي خلاص اتعودوا على حرقة الدم في زمن الاخوان، بس المسلمين حيتغاظوا قوي لان برضه الاخوان بيوجهوا لهم اهانة انهم مستهترين بيهم وبحجمهم وبصوتهم، وبيوصلوا للناس احساس ان الاخوان دول مافيش فيهم فايدة، عايشين في وهم ان اللي ضدهم شوية مسيحيين على شوية نشطاء ماسون وخلاص كده، ومش عايزين يواجهوا ولا يسمعوا.. عاملين زي اللي متجوز واحدة بتقوله انا بكرهك يقولها: انت بتحبيني بس انت اللي مش واخدة بالك.. ده هي حماتي هي اللي بتكرهني</span></b></div>
<div dir="rtl" style="text-align: right;">
<b><span style="font-size: large;">فكده اول خطوات الغباوة نشكرهم عليها وعلى الحشد التاريخي</span></b></div>
<div dir="rtl" style="text-align: right;">
<b><span style="font-size: large;">ده غير بقى حرق مقر تمرد... انا لو مكان حملة تمرد ابعت لهم جواب شكر.. والله العظيم ما باهرج</span></b></div>
<div dir="rtl" style="text-align: right;">
<b><span style="font-size: large;">لا في غباوة كده؟ بجد وربنا؟</span></b></div>
<div dir="rtl" style="text-align: right;">
<b><span style="font-size: large;">انا بقى اللي ضحكني اكتر واحد من حملة تمرد قال: احنا عندنا مقرات سرية</span></b></div>
<div dir="rtl" style="text-align: right;">
<b><span style="font-size: large;">D:</span></b></div>
<div dir="rtl" style="text-align: right;">
<b><span style="font-size: large;">افتكرت سنية في وجهة نظر وهي بتقوله: يا عررررففففةةةةةةةة اوعى تقولهم على مكان الورق يا خوووووويااااااا.. ماهو احنا فينا دقة عبط الحقيقة</span></b></div>
<div dir="rtl" style="text-align: right;">
<b><span style="font-size: large;">لا احنا فينا دقات عبط كتير... واحنا لو مش عبط كنا اتفتشنا في ثورتنا كده واحنا واقفين؟</span></b></div>
<div dir="rtl" style="text-align: right;">
<b><span style="font-size: large;">تاني غباوة بيعملوها الاخوان التهديد والوعيد بتاعهم </span></b></div>
<div dir="rtl" style="text-align: right;">
<b><span style="font-size: large;">وبعدين هم مرعبوين وركبهم بتخبط في بعضها.. ودي اوحش طريقة تتعامل بيها مع الخوف.. انك تهدد.. اتعلم كده سواء في الحياة السياسية او الحياة الشخصية، لما تبقى خايف ما تهمبكش في الكلام ولا تكتر، ولا كمان تطلع تجري، لما تخاف اثبت واتعامل مع خوفك بالعقل.. انما التهليل ده حيضحك عليك الناس ويستنزف طاقتك ويشل مخك </span></b></div>
<div dir="rtl" style="text-align: right;">
<b><span style="font-size: large;">هو انا بنصحهم ولا ايه؟ ههههههههه عموما عادي يعني هم مش بيسمعوا نصايح، ما انا ياما كنت باقصد انصحهم باخلاص وبحسن نية ولا عمرهم سمعوا.. الحمد لله يعني.. لو يستاهلوا الخير كان ربنا رزقهم بيه.. المهم</span></b></div>
<div dir="rtl" style="text-align: right;">
<b><span style="font-size: large;">الاخوان بقى مثلا مرة يقولوا لنا كل نفس ذائقة الموت.. ودي حقيقة كلنا نعلمها، وزي ما هي سارية عليهم هي سارية علينا</span></b></div>
<div dir="rtl" style="text-align: right;">
<b><span style="font-size: large;">ومرة يبايعوا مرسي بالدم.. ودي حركات بلدي قوي.. واستنزاف طاقة</span></b></div>
<div dir="rtl" style="text-align: right;">
<b><span style="font-size: large;">ومرة يقولوا لنا احنا محضرين مفاجئات وحنبهدلكوا وحنعمل ونسوي فيكوا.. اللي محضر مفاجئات وناوي يعمل ويسوي ما بيقولش على فكرة</span></b></div>
<div dir="rtl" style="text-align: right;">
<b><span style="font-size: large;">واخيرا.. وتكليلا للرعب اللي هم عايشين فيه، قالوا احنا حنضطر نستخدم العنف عشان اتهددنا.. قالوا مين اللي هددكوا؟ قالوا: نوارة</span></b></div>
<div dir="rtl" style="text-align: right;">
<b><span style="font-size: large;">والله العظيم تلاتة.. ورحمة شرف مرسي وخريت مع بعض.. قالوا نوارة هددتنا وعشان كده مضطرين ندافع عن نفسنا</span></b></div>
<div dir="rtl" style="text-align: right;">
<b><span style="font-size: large;">قالوا لهم نوارة؟ نوارة هددتكوا بايه؟ قالوا: هددتنا بالقتل</span></b></div>
<div dir="rtl" style="text-align: right;">
<b><span style="font-size: large;">عليا انا</span></b></div>
<div dir="rtl" style="text-align: right;">
<b><span style="font-size: large;">D:</span></b></div>
<div dir="rtl" style="text-align: right;">
<b><span style="font-size: large;">انا هددتهم بالقتل... طب بعيدا عن شناباتهم ودقونهم وكروشهم وعيبتهم ان واحدة ست، طريحة الفراش بقالها ما يقرب من شهر، وحتتحبس قريب، تخوفهم وما يتكسفوش يقولوا دي هددتنا بالقتل </span></b></div>
<div dir="rtl" style="text-align: right;">
<b><span style="font-size: large;">انا ما هددتهمش بالقتل الحقيقة ههههههههههههههههه انا مش متعودة اهدد بحاجة ما اعملهاش</span></b></div>
<div dir="rtl" style="text-align: right;">
<b><span style="font-size: large;">اللي حصل اني كتبت على التويتر الاخوان يمشوا بالذوق وبانتخابات مبكرة بدل ما يوصل الامر انهم يتدبحوا في الشوارع يمشوا بالذوق احسن ما يمشوا بالعافية... او بالدم حاجة كده مش فاكراها</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">طيب انا مصدقة فعلا ان الاخوان خافوا من التويتين الخايبين بتوعي دول وفعلا افتكروني ان انا اللي بهددهم بالقتل مش باستشرف الواقع واللي حيحصل... لانهم بالجبن ده.. هم كده بيخافوا من العزل والستات والاطفال.. والا ما كانوش ضربوهم.. وحبسوهم</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">هم الاخوان متخيلين ان احنا بنئذيهم لما بنجمع ضدهم توقيعات وبننزل نطالبهم بانتخابات مبكرة؟</span></b></div>
<div dir="rtl" style="text-align: right;">
<b><span style="font-size: large;">هم الاخوان متخيلين انهم لو خلصوا على كل الافندية في البلد بتوع التوقيعات والمظاهرات والصوصو نونو هم عارفين مين اللي حيواجههم بعدنا؟ </span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">والله العظيم والله العظيم والله العظيم الاخوان دول لو عندهم ذرة مخ مش بس يشكرونا اننا بنمشيهم بالذوق، دول يبوسوا ايدينا ورجلينا ويعرفوا انهم مدينين لينا بحياتهم</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">في راق تاني من الشعب المصري، اوسع، واعمق، واكبر، واقوى، ومستني اما يشوف الافندية حيعملوا ايه وحيحلوها ازاي؟ لو الافندية دول فشلوا يحلوها.. هم بقى حيتصدروا ويحلوها، ولو اتصدروا هم مش كويس على الاسلاميين خالص.. ده مش كويس على اي حد، انا بنفسي مش حاعرف امشي في الشارع بحجابي ده.. كل واحد بدقن حتتنف له في الشارع</span></b></div>
<div dir="rtl" style="text-align: right;">
<b><span style="font-size: large;">هم مدركين هم عاملين ايه؟ النهاردة اشترينا الخضار بتاع اكل يومين.. يومين بس، عارفين بكام؟ واحنا بنوفر.. 68 جنيه.. ده غير الكهربا المقطوعة، والمية المقطوعة، واللي لسه حتتقطع اكتر واكتر.. وهم خايبين وسرقاهم السكينة ومعيشين نفسهم في خيالات ان ماحدش بيعاديهم غير اعداء الاسلام اللي هم احنا.. والكنيسة طبعا</span></b></div>
<div dir="rtl" style="text-align: right;">
<b><span style="font-size: large;">انا لولا بس اني بحب البلد دي كنت دعيت ربنا ان الاخوان يموتونا كلنا عشان يواجهوا مصيرهم ويعرفوا ان الله حق ويترحموا علينا</span></b></div>
<div dir="rtl" style="text-align: right;">
<b><span style="font-size: large;">وايوه باكررها تاني، الاخوان يمشوا بالذوق احسن ما يمشوا بالدبح</span></b></div>
<div dir="rtl" style="text-align: right;">
<b><span style="font-size: large;">ومش احنا اللي حندبحهم.. واكيد مش انا هههههههههه.. لاننا لو كنا بندبح كنا دبحنا من زمان، وياريتنا كنا بنعرف ندبح من الاول، يمكن لو كنا بنعرف ندبح ما كناش وحلنا البلد الوحلة دي.. ولسه مستمرين فيه احنا مش عايزين البلد تروح لمصير سوريا مهما كان.. احنا مش خونة للبلد زيكوا يا اخوان، دي بلدنا وبنحبها وحنحافظ عليها من الدم والنار اللي انتوا عايزينهم.. ويا ريتكوا قد الكلام يعني هههههههه غلابة قوي</span></b></div>
<div dir="rtl" style="text-align: right;">
<b><span style="font-size: large;">بس في ناس تانية الجوع عضها خلاص وفاض بيهم ومش حيحصل طيب لو ما لحقناهمش.. وهم دول اللي حيدبحوكوا في الشارع</span></b></div>
<div dir="rtl" style="text-align: right;">
<b><span style="font-size: large;">فانا والله ما كنتش باهددهم انا كنت بانصحهم لوجه الله واعرفهم اننا بننقذهم من ناس ما بتعرفش تتفاهم ولا تحب تتفاهم خصوصا لما تحس ان التفاهم قلة رجولية مع ناس ما تستاهلش التفاهم</span></b></div>
<div dir="rtl" style="text-align: right;">
<b><span style="font-size: large;">هم لازم يعترفوا انهم فشلوا ويمشوا بالراحة من غير مشاكل.. لان ماحدش حيحصل له مشاكل غيرهم، وهم عارفين كده كويس وخايفين قوي... وخوفهم شالل تفكيرهم ومخليهم يطبشوا</span></b></div>
<div dir="rtl" style="text-align: right;">
<b><span style="font-size: large;">وعموما مصلحة.. يا رب يطبشوا كمان وكمان</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">بالنسبة لنا احنا بقى....</span></b></div>
<div dir="rtl" style="text-align: right;">
<b><span style="font-size: large;">على فكرة الناس اللي نازلة كوم، والملايين اللي بيتفرجوا علينا ومستنيين يشوفوا "الافندية" حيحلوها زي ما وحلوها ولا لا كوم تاني...</span></b></div>
<div dir="rtl" style="text-align: right;">
<b><span style="font-size: large;">السيدة في ضهركوا ما تكسفونا... </span></b></div>
<div dir="rtl" style="text-align: right;">
<b><span style="font-size: large;">عشان تبقوا عارفين، زي ما دي اخر فرصة للاخوان يخرجوا وروسهم فوق كتافهم، دي اخر فرصة لينا نحاول نحلها بتحضر وبشغل السيس بتاعنا ده</span></b></div>
<div dir="rtl" style="text-align: right;">
<b><span style="font-size: large;">الغلابة خلاص... روحهم بقت في مناخيرهم، وحاسين ان كل حاجة خسروها، وسايبينا لما يشوفوا اخرنا وبعدها عليهم وعلى اعدائهم بقى</span></b></div>
<div dir="rtl" style="text-align: right;">
<b><span style="font-size: large;">بمعنى</span></b></div>
<div dir="rtl" style="text-align: right;">
<b><span style="font-size: large;">يعني حضراتكوا مش الناس تنزل يوم يومين تلاتة وبعدين رمضان داخل واحنا رايحين نشتري حاجة رمضان ومرحب شهر الصوم مرحب وسلامو عليكو</span></b></div>
<div dir="rtl" style="text-align: right;">
<b><span style="font-size: large;">مش نعمل زي المرة اللي فاتت والناس تبقى على باب الاتحادية وشوية ال...... مش عارفة اقول ال ايه، اللي بيقولوا عليهم قيادات المعارضة يتكلموا عن "تغيير حكومة قنديل" وشغل الخواجات ده</span></b></div>
<div dir="rtl" style="text-align: right;">
<b><span style="font-size: large;">ما تخيبوش امل الناس اللي بتبص علينا.. قصدي عليكو.. انا حابقى خلف القضبان وحتجيبوا لي البرنامج وحقول لا تنحرف ولو الاخوان سرقوا ثورتك اشكرهم وبوس ايد شعر ودقن</span></b></div>
<div dir="rtl" style="text-align: right;">
<b><span style="font-size: large;">او خيبوا املهم بقى وواجهو مصيركوا مع الاخوان... الاخوان واخدين البلد على حاجة كده شبه الشدة المستنصرية واوسخ.. على الاقل في الشدة المستنصرية كان النيل قليل بس كان فيه نيل.. احنا كلها كام شهر والنيل حيبقى بح.. وحنبقى زي الخليج اللي كانوا نازلين نبر على نيلنا.. اهو طار، على الله يكونوا اتبطوا بقى</span></b></div>
<div dir="rtl" style="text-align: right;">
<b><span style="font-size: large;">ولو دخلنا على حاجة شبه الشدة المستنصرية اللي حينزل يثبت الناس عشان ياكل مش حيبص لك ويشوف انت اخوان ولا ثوري، وهو في سكته عشان يخش الاتحادية غصبانية واقتدار حيكسر عربيتك المية تمانية وعشرين، ومش بعيد يشرح وش مراتك عشان ياخد منها النوباين</span></b></div>
<div dir="rtl" style="text-align: right;">
<b><span style="font-size: large;">الا هل بلغت؟</span></b></div>
<div dir="rtl" style="text-align: right;">
<b><span style="font-size: large;">اللهم فاشهد</span></b></div>
</div>
Anonymoushttp://www.blogger.com/profile/13861105695847033353noreply@blogger.com10tag:blogger.com,1999:blog-2720530513312889612.post-52132407305937255312013-05-12T17:31:00.000+02:002013-05-31T11:12:02.757+02:00تمرد.. سحب الثقة<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">ولو اني ما منحتش مرسي اي ثقة، ولا غير مرسي، وافخر اني عملت كل حاجة غلط في حياتي الا اني انتخب واحد اخوانجي.. لا في شعب ولا في شورى ولا في رئاسة</span></b></div>
<div dir="rtl" style="text-align: right;">
<b><span style="font-size: large;">ومع ذلك وقعت اهو على استمارة سحب<a href="http://tamarod.com/"> الثقة هنا</a>.. وبالنسبة للي عصروا لمون، وانا بالمناسبة متعاطفة معاهم ومتفهمة موقفهم.. فباب التوبة مفتوح للذين عملوا السوء بجهالة، وممكن توقع على الاستمارة، وتكفر عن خطيئتك بإنك تسحب على الاقل عشر نسخ وتمضي عليها الناس.</span></b></div>
<div dir="rtl" style="text-align: right;">
<b><span style="font-size: large;">ممكن كمان لو تليفونك فيه نت مش بالمنافيللا زي تليفوني تنزل تمضي الناس برقمهم القومي على تليفونك وده حيضمن لك انك تاخد اكبر عدد من الموقعين.</span></b></div>
<div dir="rtl" style="text-align: right;">
<b><span style="font-size: large;">واظن كمان كل من ساعد مرسي في انه يجتاز مرحلة الاعادة ملزوم انه يساعد في ان الاستمارة دي توصل للعدد اللي هم عايزينه واللي هو 15 مليون. سواء كتاب كبار، او مقدمين برامج، او نشطاء.</span></b></div>
<div dir="rtl" style="text-align: right;">
<b><span style="font-size: large;">في كذا حاجة لازم نتكلم فيها في موضوع الاستمارة دي واهميتها:</span></b></div>
<div dir="rtl" style="text-align: right;">
<b><span style="font-size: large;">أولا: </span></b></div>
<div dir="rtl" style="text-align: right;">
<b><span style="font-size: large;">الناس اللي حتتكلم عن الوضع القانوني للاستمارة، هو ايه كان الوضع القانوني للتوقيعات اللي اتجمعت لسعد باشا زغلول تحت الاحتلال؟ ايه الوضع القانوني لثورة يناير نفسها اللي مشت مبارك؟ وايه التكييف القانوني لرحيل مبارك؟ هو بشكل عام مافيش وضع قانوني لاي حاجة في مصر، مصر نفسها في اللي هي فيه دلوقت وضعها مش قانوني، صدقني. الارادة الشعبية لها قوة القانون والدستور كمان. </span></b></div>
<div dir="rtl" style="text-align: right;">
<b><span style="font-size: large;">ثانيا: </span></b></div>
<div dir="rtl" style="text-align: right;">
<b><span style="font-size: large;">الحملة دي مهمة في كونها سلمية وبتدفع في اتجاه تأمين البلد والحفاظ على أمنها القومي، لاني زي ما قلت قبل كده، وباكررها تاني، الاخوان ما عندهمش اي مانع من اشعال حرب اهلية في البلد، <a href="http://new.elfagr.org/Detail.aspx?nwsId=338869&secid=1&vid=2">وكل شوية يسلطوا الجهاديين يهددوا الناس ان لو مرسي مشي حننزل بالسلاح</a>... ولاد القرعة اللي كانوا هربانين وقعدنا نشحت لهم عشان يرجعوا البلد وقعدوا يتمسكنوا ويقولوا احنا مرضى ومافيناش حيل نعمل حاجة، قال سلاح قال.. السلاح ده تحطه فييييييي عينك.. آه.. والمصريين ما بيحبوش كده، وعندهم هسهس من ان الوضع يقلب لسوريا، وبصراحة انا كمان زيهم... سلاح ايه بقى؟ احنا ما بنحبوش السلاح ده.. فأنت لو سبت الناس فريسة لتهديدات الجهاديين، وفي نفس الوقت انت ما بتقدمش لهم اي بديل غير انك تنزل مظاهرة تقلب في الاخر بان الاخوان ينزلوا لك فتجري وراهم بالطوب كده هم حيقعدوا في البيت ويستنوا فرج ربنا، والحقيقة معاهم حق، حد في الدنيا يدفع بلده لحرب اهلية الا اذا كان خاين؟ لكن حاجة زي دي حتشجع الناس انهم يتخذوا اجراء ايجابي يضمن لهم تماسك البلد.</span></b></div>
<div dir="rtl" style="text-align: right;">
<b><span style="font-size: large;">ثالثا:</span></b></div>
<div dir="rtl" style="text-align: right;">
<b><span style="font-size: large;">دي مش اول مرة نجمع توقيعات، احنا قاومنا الاحتلال الانجليزي بالتوقيعات والاكتتابات ونجحت، واكتر مقاومتنا ضد الاحتلال كانت سلمية بالاعتصامات والتوقيعات والاضرابات والعصيان المدني، ودي الطريقة اللي مشينا بيها كل احتلال جالنا واللي مشينا بيها مبارك.. بإننا نزهقهم ونوقف لهم البلد لحد اما يمشوا.. احنا اصلا حبسنا زكريا عزمي وفتحي سرور وصفوت الشريف بميت الف توقيع.. والتوقيعات دي تسهل بعد كده اي تصعيدات ثورية سلمية</span></b></div>
<div dir="rtl" style="text-align: right;">
<b><span style="font-size: large;">رابعا:</span></b></div>
<div dir="rtl" style="text-align: right;">
<b><span style="font-size: large;">ما تشغلش بالك كتير بردود افعال الاخوان والاسلاميين بشكل عام، طبيعي انهم يعملوا رد فعل، امال يعني عايز تجمع توقيعات ضدهم وهم يقعدوا ساكتين؟ ليه يعني ماسك عليهم صور؟ ثم دول مش مبارك، دول فاهمين كويس ان التوقيعات دي بتجيب نتيجة ولها قوة القانون ومهمة وبتهددهم فعلا.. انت ناسي انهم هم نفسهم شاركوا في جمع توقيعات ضد مبارك؟ طبيعي انهم يعملوا حملة توقيعات مضادة، وطبيعي انهم ينزلوا يضربوا اللي بيعمل حملة التوقيعات، وطبيعي ان داخليتهم تقبض على الشباب وهم بيجمعوا التوقيعات، وممكن يركتبوا حماقات كتير... كويس.. ده كله كويس، كويس قوي، وحيخسرهم، ويصغرهم، ويهيفهم زيادة ماهم هايفين</span></b></div>
<div dir="rtl" style="text-align: right;">
<b><span style="font-size: large;">لانهم لما يعملوا حملة توقيعات مضادة وهم ماسكين السلطة حيظهروا قدام الناس انهم مرتبكين ومش عارفين يعملوا ايه</span></b></div>
<div dir="rtl" style="text-align: right;">
<b><span style="font-size: large;">لما يقبضوا على الناس او يضربوهم ده حيكره الناس فيهم زيادة وحيزيد اقبال الناس على التوقيعات</span></b></div>
<div dir="rtl" style="text-align: right;">
<b><span style="font-size: large;">وبالعكس ردود افعالهم العصبية دي حتخلي الناس تثق في حملة التوقيعات لانهم ممكن الاول يقولوا لك: يعني التوقيعات دي حتعمل حاجة؟ لكن لما يشوفوا الاخوان بيعملوا ردود افعال عصبية حيحسوا انها حتعمل حاجة</span></b></div>
<div dir="rtl" style="text-align: right;">
<b><span style="font-size: large;">واول الحماقات اللي ارتكبت ان حملة حازمون عايزين يعملوا حملة توقيعات لحازم قوامها 50 مليون توقيع هههههههههههههههههههههههههه</span></b></div>
<div dir="rtl" style="text-align: right;">
<b><span style="font-size: large;">اذا كان كل اللي له حق التصويت، يعني معاه بطاقة، عددهم كله على بعضه 50 مليون، وايه حازم ده اللي بيستخدموه بعبع؟ يعني هم مش مكسوفين انهم يتعاملوا مع ابو اسماعيل على انه العو؟ "لو مشيتوا مرسي حنجيب لكوا العو".</span></b></div>
<div dir="rtl" style="text-align: right;">
<b><span style="font-size: large;">كل ده كويس.. ومش عايزة حد ينجر لمعارك جانبية، ولو هم حيلجأوا للعنف يا رييييييييييييت.. خليهم يغلطوا، واحنا ما نغلطش، اول ما يلجأوا للعنف من طرف واحد حيتحاصروا والناس تتعامل معاهم بوصفهم مجرمين.</span></b></div>
<div dir="rtl" style="text-align: right;">
<b><span style="font-size: large;">خامسا:</span></b></div>
<div dir="rtl" style="text-align: right;">
<b><span style="font-size: large;">ما تشغلش بالك برضه بالاشاعات، يعني مثلا حتلاقي ان الاخوان مطلعين اشاعات ان اللي بيجمعوا توقيعات دول بيجبروا الناس على التوقيع، وبيهددوهم، وبيسرقوا بطايقهم، وبيدفعوا لهم فلوس.. الخ الخ الخ.. دمااااااااااااااااااااغك... دماغك خالص، الناس كلها عارفة مين اللي بيدفع فلوس وزيت وسكر ومين اللي بيهدد عيانا بيانا.</span></b></div>
<div dir="rtl" style="text-align: right;">
<b><span style="font-size: large;"><a href="https://www.facebook.com/Tmrood">دي ارقام حملة تمرد</a> انا عايزاك دلوقت وانت قاعد تسجل، وتطبع اللي في اللنك ده عشر نسخ، واذا كان الانسان العادي حيطبع 10 نسخ، فاللي عصر لمون حيطبع 20 نسخة، واللي شجع الناس تعصر لمون حيطبع 50 نسخة على الاقل... كفر عن خطيئتك، ايا كان مكانك، وتمضي الناس عليه وتبعت للحملة، واذا كانت الحملة في عز ضعفها لمت 2 مليون، احنا نقدر نعدي ال15 مليون، لكن ما تتوقعش ان المهمة حتبقى سهلة، حتبقى صعبة، وحيبقى فيه اعتقالات، وحيبقى فيه ناس تنزل تضرب الشباب في الشارع، وحيبقى فيه تشويه، وحيبقى فيه حملات مضادة... عااااااادي.. عادي، ياما دقت على الراس طبول.. يعني هم اتخن من المدرعة المرتبكة؟</span></b><br />
<b><span style="font-size: large;">وده لنك تاني للتواصل مع <a href="https://www.facebook.com/notes/%D8%AA%D9%85%D8%B1%D8%AF/%D9%83%D9%8A%D9%81%D9%8A%D8%A9-%D8%A7%D9%84%D8%AA%D9%88%D8%A7%D8%B5%D9%84-%D9%85%D8%B9-%D8%AD%D9%85%D9%84%D8%A9%D8%AA%D9%85%D8%B1%D8%AF/569924513047704">حركة تمرد</a></span></b></div>
</div>
Anonymoushttp://www.blogger.com/profile/13861105695847033353noreply@blogger.com14tag:blogger.com,1999:blog-2720530513312889612.post-10526426680649512172013-05-10T21:26:00.000+02:002013-05-10T21:26:15.176+02:00جزاء سنمار<div dir="ltr" style="text-align: left;" trbidi="on">
<div dir="rtl" style="text-align: right;">
<b><span style="font-size: large;">قريت خبر القبض على احمد ماهر من المطار، وافتكرته تهييسة او اشاعة لحد لما لقيت الوطن والمصري اليوم وكل المواقع كاتبة ان ماهر اسمه كان على قوائم ترقب الوصول وهو راجع من امريكا اتقبض عليه في المطار... </span></b></div>
<div dir="rtl" style="text-align: right;">
<b><span style="font-size: large;">انا مش عارفة اقول ايه.. اي كلام حيتقال حيبقى حاجة مش حتعبر عن الاحساس اللي جوايا.. قعدت على التويتر اتف على مرسي وبعدين دخلت نمت وانا نايمة حلمت اني باكلم واحدة صاحبتي في التليفون وعمالة ازعق واقولها: احمد ماهر يتقبض عليه من المطار زي المهربين؟ احمد ماهر اللي لولاه كان زمان شفيق رئيس جمهورية دلوقت مرسي يحبسه كده؟ البلد دي لو فيها رجالة وناس بتعرف ربنا وبتخاف منه مرسي ما يقعدش فيها النهاردة قبل بكرة.. وفضلت ازعق لحد اما صحيت على صوتي.. صحيت لقيت خبر ان<a href="http://www.elwatannews.com/news/details/179284"> احمد اخد اربع ايام على ذمة التحقيق والتهم الموجهة له التحريض على التجمهر وقطع الطريق العام ومقاومة السلطات اثناء ضبطه واهانتهم</a></span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">بصوا، انا في اللحظة دي مش حادي حد امل، ولا حاقوله بكره احسن، ولا حاطلب منه الصبر، انا صابرة وناوية اكمل صبر ان شاء الله لان انا اصلا زملكاوية وواخدة على الصبر.. لكن اللي مش عايز يصبر او مش قادر يصبر مش حاقدر الومه، ولا حاشحته كمان</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">انا مش ندمانة على حاجة، اقصد مش ندمانة اني حشدت ليوم 25 ونزلت فيه ووقفت قدام المجلس العسكري وقدام الاخوان.. ده انا حتى مش ندمانة اني دافعت عن الاخوان ايام مبارك... انا عملت الواجب، ووقت ما كنت باعمل الواجب ما كانش عندي امل ولا حاجة، كنت باعمل الواجب عشان ده واجب ولازم يتعمل، يمكن بعد الثورة بقى عندي امل، بس انا رجعت لمرحلة اني اعمل الواجب عشان ده واجب.. وحافضل اعمله</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">لكن انا كمان لازم اعبر عن نفسي، انا حاسة بخزي، وخذلان، وطعن في الضهر، ومرارة، واحساس كده بحتمية انتصار الشر في نهاية المطاف، وان الاعمال النبيلة دايما ما يحصدش نتائجها غير الناس الخسيسة، وإن دي سنة الحياة، يموت احسن ناس، عشان يبكيهم رفقاؤهم، واللي خانوهم يحصدوا ثمرة مجهودهم، وقاعدة عشان اخفف عن نفسي اقرا كتاب مقاتل الطالبيين اللي بيرصد قتل سلسال سيدنا النبي وابو طالب.. طبعا حد حيقولي عشان تخففي عن نفسك تقري تاريخ قتل اهل البيت؟ جدا... على فكرة وانت كمان لو مكتئب وحاسس بالخذلان والخزي زيي لازم تقراه.. انت كمان لو جات لك لحظة قلت فيها وانا كان عليا من ده كله بايه؟ <a href="http://search.4shared.com/q/CCAD/1/%D9%85%D9%82%D8%A7%D8%AA%D9%84%20%D8%A7%D9%84%D8%B7%D8%A7%D9%84%D8%A8%D9%8A%D9%8A%D9%86">لازم تقراه اهو حمله</a> لانه حيديك امل.. اه وربنا زمبؤلك كده..</span></b></div>
<div dir="rtl" style="text-align: right;">
<b><span style="font-size: large;"><br /></span></b></div>
<div dir="rtl" style="text-align: right;">
<b><span style="font-size: large;">هو صحيح انت حتقعد تقرا في ناس كل شوية حد يستغيث بيها تروح جري تغيثه فيطلع اللي بيستغيثوا دول اندال او عاملين لهم كمين، وكل شوية حد يكدب عليهم، وهم ما يرضوش يكدبوه عشان عيب.. افرض طلع صادق؟ يعني اخد ذنب اني كدبت صادق؟ ودايما قبل ما يتقتل اي حد فيهم، ربنا يمكن كل واحد فيهم من قاتله، بس هو ما يرضاش يقتله، ما يرضاش يقتله عشان ما بيحبش القتل غيلة وغدر، او عشان اترجاه وهو اشفق عليه، او عشان ما كانش ساعتها رافع سلاح عليه وهو مش عايز يعتدي في القتل، او عشان توسم ان لو اداله فرصة يعيش يمكن يتوب ويشوف الحق.. فتكون النتيجة، ان المعفي عنه اللي الاخ ما رضاش يقتله هو بالذات اللي يقتل هذا الشخص اللي عفا عنه... ده ملخص سير اهل البيت بالتسلسل، والغريب ان كل واحد فيهم بيعمل اللي ابوه وجده عمله بالظبط، ولما واحد قال لسيدنا زيد بن علي زين العابدين ما معناه: هو انتوا يا اخي ما بتتعلموش من اللي بيتعمل فيكوا؟ قال له برضه ما معناه: احنا بنعمل الصح.. وابويا وجدودي ما غلطوش في حاجة عشان اتعلم انا.. هم صح وانا باقتدي بيهم</span></b></div>
<div dir="rtl" style="text-align: right;">
<b><span style="font-size: large;">وعلى فكرة برضه على طول الناس كانت بتلوم عليهم، اللي منهم يتصالح يقولوا له يا مذل المؤمنين، يا جبان، يا متخاذل ياللي عصرت لمون منك لله انت السبب في اللي احنا فيه.. ييجي حد منهم يقول خلاص بالاها عصر اللمون نتخانق.. يقوموا يخلعوا منه ويلاقي نفسه لوحده وبعد اما يموت يفضلوا هم هم نفس الناس يقولوا عنه: وهو ايه اللي وداه هناك؟ اه وربنا وربنا وربنا زمبؤلك كده.. مش مصدقني اقرا الكتاب.. وبرضه الناس تفضل تقولهم انتوا السبب، منكوا لله خربتوها.. انت بقى لما تقرا الكتاب ده حالتك حتتحسن كتير، لانك حتحس انك مش لوحدك، واهي ناس اهي.. اظن بقى دول احسن ناس في الدنيا كلها في الاولين والاخرين بعد سيدنا النبي والانبيا مافيش حد احسن منهم.. صح؟ اهم برضه حصل لهم اكتر من اللي بيحصل لك، وبنفس الطريقة، وبرضه بيعملوا الواجب والمبدأ حتى لو هم عارفين النتائج، وبرضه بيغيثوا اللي بيستغيث بيهم حتى لو هم عارفين انهم اندال وكدابين وامهم امريكانية، وبرضه ماشيين بمبدأ من خدعنا خدعنا له، ولما حد يقولهم: فلان ده كداب، يقولوا له عيب ما تكدبش الناس، لما يتبين كدبه ابقى كدبه انما من غير دليل ما تظلمش، وبرضه الناس طول الوقت تلوم عليهم وتقولهم انتوا السبب.............................. وبرضه عمرهم في حياتهم ما وصلوا للسلطة، ولو ربنا عارف ان السلطة فيها خير ما كانش ضن بيها على اهل بيت نبيه</span></b></div>
<div dir="rtl" style="text-align: right;">
<b><span style="font-size: large;">طبعا مالكش دعوة بالسلفيين اللي حيقعدوا يقولوا لك ابو الفرج شيعي وكل الهلاوس بتاعتهم دي.. خليهم كده يقعدوا يطاردوا اشباح في خيالهم لحد اما يتجننوا زيادة ماهم مجانين، وقالك حزب النور لقى بؤرة شيعية مكونة من تلاتين واحد في معبد الكرنك وفي الاخر طلعوا ناس من قبيلة الجعافرة اللي مكونة حوالي نص الصعيد وممكن الموضوع يقلب بغم لان الصعايدة في الحاجات دي مش حيتفاهموا وياخدوا ويدوا في الكلام... المهم، ابو الفرج ده لا سني ولا شيعي، وما كانش بيستحمى اصلا عشان خاطر يتوضى ويصلي حتى، ده كان راجل صايع، الله يرحمه بقى، ومالوش غير في اللت والعجن في سير النسوان وفتنة الغلمان، بس كان من جهابذة الثقافة في وقته وجليس الخلفاء وكتب كتاب تأريخي، حتلاقي في النص كده مش قادر يقاوم ميوله للت في سير النسوان بس عموما دي بتبقى جملة او جملتين، حكاية او اتنين في وسط الاحداث التاريخية اللي بيسردها واللي موجودة عند الطبري وابن كثير وابن سعد في الطبقات، لان دي احداث ما يقدرش يزور فيها، وهو عمل الكتاب ده لإنه جزء من منجزه الثقافي ولإن دي شغلانته اللي بياكل منها عيش</span></b></div>
<div dir="rtl" style="text-align: right;">
<b><span style="font-size: large;">مش قصدي انكد عليك.. انا عايزاك بس تعرف انك لازم تفضل تعمل واجبك، وتعمل الصح يا حزلئوم، ومالكش دعوة بالنتائج.. احنا كنا بنقف خمسين واحد على سلم النقابة، وساعات كنا بنبقى عشرة، ومرة ظبطت عمر اسد ومعاه اتنين صحابه هم التلاتة عاملين وقفة على سلم النقابة، وكان بيبقى قدامنا قد عددنا 1000 مرة عساكر امن مركزي، وما بطلناش ولا يأسنا، مش عشان كان عندنا امل ولا حاجة، عشان ده واجبنا اللي عملناه وحنفضل نعمله، وعشان انت مش لازم تندم انك عملت الواجب، وعشان مش لازم يوجعك ان لما قرايبك وجيرانك يبقوا عارفين انك "الواد او البت بتوع المظاهرات" فيفضلوا يقولوا لك: عاجبكوا كده؟ انتوا السبب في اللي احنا فيه... لان اللي بيقولك كده ما عملش حاجة، وبيلومك عشان عملت حاجة، واللي يقولك انتوا السبب قول له: انا اتسببت في الحاجة الوحشة اللي حصلت.. حضرتك بقى ما اتسببتش ليه في حاجة احسن؟ ولا انت قاعد في البيت مستنينا نغلط عشان تلومنا؟ وانت ما غلطتش في حاجة.. انت عاملت ضميرك، وفي كل الاحوال انت كسبان، لو مت تبقى شهيد، لو اتصابت يبقى جزء منك سبقك للجنة، لو اتحبست يبقى ارتاحت من وشوش عكرة قارفاك في عيشتك باللوم والتقريع.. وانا عايزاك تعرف ان ناس احسن منك وحصل لهم اوحش من اللي حصل لك، وفي جملة جميلة قوي في الكتاب ده بتوصف الناس اللي من اهل البيت اللي حبسهم ابو جعفر المنصور - وبالمناسبة العباسيين استغلوا اهل البيت عشان يوصلوا للسلطة وبعد كده قتلوهم وحبسوهم زي واحد صاحبي انت ما تعرفوش - الجملة بتقول: كانوا صبرا.. كسبيكة الذهب، كلما اوقد عليها النار ازدادت خلاصا</span></b></div>
<div dir="rtl" style="text-align: right;">
<b><span style="font-size: large;">اذا كان احمد دومة اتحبس ولما الاخوان حبوا يشوهوا سمعته ما لقوش حاجة يقولوها غير: ده كان اخوان وسابهم.. كويس انهم عارفين ان الانتماء للاخوان معرة يتعاير بيها الانسان، واذا كان احمد ماهر اللي ساند مرسي بكل قوته، واللي فعلا لولا ان ستة ابريل ساندت مرسي في الاعادة كان زمان شفيق هو اللي رئيس دلوقت، واذا كان احمد ماهر كل الناس لامته، وبعضهم نبذوه، واتهموه في شرفه الوطني، وقالوا له يا خاين يا عميل يا امنجي يا اخوان خلايا نايمة ياللي اتفقت مع الامريكان عشان تجيبوا الاخوان ياللي طمعان في وزارة... واحمد حيطمع في وزارة من الاخوان ليه؟ لو كان طمعان في وزارة ما خدهاش من مبارك ولا المجلس العسكري ليه؟ اللي فاكراه ان ستة ابريل قالوا احنا حندعم مرسي رغم اننا عارفين ان المجلس العسكري حينجح شفيق، يعني هم وقتها كانوا معتقدين انهم بيراهنوا على الحصان الخسران، وللتذكرة، اكتر حد قدم شهداء في العباسية كانت ستة ابريل.. بس حازمون الانطاع نسيوا.. اذا كان جو الاسطورة مقبوض عليه، اذا كان جيكا وكريستي انتخبوا مرسي وقتلهم.. اذا كان علاء عبد الفتاح اتمرمط ايام مبارك عشان بيدافع عن الاخوان، وهو في محبسه ايام المجلس العسكري انتخب الاخوان في مجلس الشعب، ولما خرج عمل مسيرة تسليم السلطة لمجلس الشعب والاخوان ضربوه وعصر لمون وانتخب مرسي واخرتها يعملوا له ضبط واحضار عشان الاميرة جومانا... اذا كنت انت قاعد مستني دورك في القتل او الاصابة او الاعتقال... ما تزعلش... احسن منك وحصل لهم كده، وفي الاخر، مين اللي الناس خلدت اسمه؟ مين اللي ناس عملته ولي بتتبارك بيه؟ يعني انت حتموت ومرسي هو اللي حيعيش؟ ما كلنا ميتين... وكلنا مقابلين ربنا</span></b></div>
<div dir="rtl" style="text-align: right;">
<b><span style="font-size: large;">"هذا يوم ينفع الصادقين صدقهم"</span></b></div>
</div>
Anonymoushttp://www.blogger.com/profile/13861105695847033353noreply@blogger.com5