دعوة هامة وعاجلة

دعوة دي جات لنا على الميل

نا دي عايدة على المدونين يعني

اتفضلوا اقروا وأمانة عليكو

كلمة كلمة

وامنعوا الضحك

(ملحوظة: اللي بالاحمر تعليقي انا)
بسم الله الرحمن الرحيم
مسيرة المليون مصرى
نرجوك ساعدنا ولو بدقائق قليلة
ترسل فيها هذا الإيميل لأصدقائك
أو تخبر به أقرانك وزملائك
كن إيجابى أخى المصرى.....
مرة واحدة قد تكفينا .....

دعوة لوقفة كبرى بشارع صلاح سالم أول أيام العيد
لا حظ يا محترم تكرار هذه الجملة بدون داعي

إلى كل إخوانى الغاضبين من الحكم الغاصب فى مصرنا الحبيبة....

إلى كل من عانى من الظلم والقهر وبطش الحكم فى مصرنا الحبيبة...

إلى القضاة الشرفاء .......
إلى كل الاخوة الصحفيين الشرفاء االمقهورين.......
إلى جمهور الأحزاب (الوفد-الغد-التجمع)....

طيب ليه ما جابش سيرة الحزب الناصري؟ او حزب التكافل؟ او حزب الخضر

دي تفرقة عنصرية
إلى الشرفاء تحت قبة البرلمان المصرى.......
إلى الإخوان المسلمون الشرفاء فى مصرنا الحبيبة......

أمال إلي دي بتعمل إيه؟ دي تجر عربية بحمارها
إلى المدونين المصريين الثائرين.......
إلى إخواننا المسيحيين الذين يكرهون الظلم والبطش ويكرهون الفساد الذى وصلت إليه أجهزة الحكم.....

كده عرفت انه من الحزب الوطني امال ايه اخوانا دي ما حدش بيقولها غيرهم
إلى كل مصرى شريف يعانى من الذل والقهروالمحسوبيات و الغلاء وتجارة رجال الاعمال الموالين للسلطة فى قوته وقوت أولاده ...
إلى كل مصرى حر يكره الظلم و يقول ( لا) فى وجه سلطان جائر
ندعوكم جميعا
أول أيام عيد الفطر المبارك بعد صلاة العيد مباشرة ادي تاني مرة يقول نفس الجملة إلى وقفة إحتجاجية ضد وجود الرئيس مبارك فى الحكم وضد التوريث فى مصر بشارع صلاح سالم.
ولقد تم التنسيق مع كبرى القنوات الفضائية لتبث على الهواء مباشرة ليرى العالم كله فى نفس الوقت واللحظة

يابن الكدابة...قنوات ايه اللي نسق معاها؟ اكيد القناة دي اللي فيها واحدة ست حاطة جنبها بلورة سحرية وبتفك اعمال
إخوانى نحن نحشد مسيرة "مليون مصرى محتج" لفضح هذا الرئيس الكاذب , الذى يكذب على العالم أنه لدية قاعدة شعبية كبيرة فى مصر.
هيا نفضحه أمام العالم .....

لقد تم التنسيق مع كافة الطوائف المظلومة والتى ضغط عليها النظام المصرى فى الفترة الأخيرة وسنحشد الحشود فى أول أيام عيد الفطر المبارك بعد الصلاة مباشرة والمكان شارع صلاح سالم بيفكرني باغنية عبحليم: روحت انا روحت روحت انا انا روحت روحت انا روحت روحت انا انا روحت (لاتنسوا ولا تتخاذلوا)
الاهداف

افهم من كده انه نسق مع ام وائل وام علي وام لاللو؟ ماداهية يكون راح ينسق في نادي الصيد
1- فضح الرئيس مبارك إعلاميا خارج مصر أنه شخص غير مرغوب فيه وتم الاتفاق مع القنوات التى ستغطى الحدث.
2- ثورة ضد الظلم الذى زاد فى الايام الاخيرة ( تلفيق تهم للشرفاء – تفتيت أحزاب المعارضة- التخطيط للتوريث – الاعتقالات بدون مبرر- تحويل المدنيين لمحاكم عسكرية – السكوت عن فساد الحرس القديم – قانون الطوارىء- إستخدام أجهزة الدولة لتصفية الحسابات مع المعارضين –الغلاء الفاحش – بيع شركات القطاع العام بأقل من قيمتها الحقيقية لرجال جمال مبارك)

إلى كل مصرى حر شريف حاول أن تكون إيجابى ضد الفساد الذى يحيط بك ولو لمرة واحدة
شاركنا هذه الوقفة فنحن نرجوا أن تكون وقفة المليون مصرى ضد الظلم والفساد
أخى نرجو أن لا تقف هذه الرسالة عندك , حاول إرسالها لأكبر عدد من أصدقائك وأقاربك وحاول مناقشة أقاربك وأهلك فى أهمية أن نقف ولو لمرة واحدة ليرى العالم ويعرف مأساتنا الكبرى فى مصر.

نحن ننتظرك أول أيام العيد لنكون يد واحدة ضد البطش وضد التوريث

نسي يقول بعد الصلاة في صلاح سالم
===

طبعا انتوا عارفين احنا عالم سو وما بنسترش وبعشر تلسن ويتفات لنا بلاد

مسكنا مرسل الدعوة سلخان سلخون سلخين

قام اللي فرورد الدعوة بدون ذكر اسماء عشان فعلا صعب عليا

كتب لنا الرسالة دي:

انا المجرم اللى فرورد الرسالة ديه
الرسالة ديه وصلتنى من ايميل معرفوش تحت أسم برضه معرفوش
بتعلن عن مظاهرة منظمها مجهول

واحد صاحبي انت ما تعرفوش
أشك بالتأكيد أنه أمن لأنهم عاوزين ياخدوا أجازة فى العيد مش يشتغلوا
وهو المفروض ان الامن ح يعمل استعدادات للمظاهرة دي وللا ايه؟ وربنا لو عملوا كده

لاجرسهم في كل حتة واطلب ان كلية الشرطة تقبل المعاقين ذهنيا مدام ده مستوى تفكير الشرطة
ومع إنى مش هاحضرها لعدة أسباب
أهمها إنى مش فى القاهرة وكمان مبحضرش حاجة هتكون ضعيفة
أى فعالية سياسية فى مصر وفى العالم بتكون قوتها من نفس قوة الجهة الداعية إليها
يعنى لو دعت لهذه المظاهرة حركة كفاية بشكل رسمى هتكون فى ميدان التحرير مثلاً وبنفس قوة كفاية
ولو دعا إليها نشطاء ومدونون (زى ما بتنزل فى الأخبار) هتكون على سلم النقابة
ولو دعا إليها حزب جيل 2000 هتكون من نفس حجمه

لكن اللى دعا للإفتكاسة ديه ، مواطن مصرى ، حجمه السياسى 7000000 مواطن
بمعنى أنها لا تحمل بصمة فئة سياسية

يا عم انت مش لسة بتقول ضعيفة ومش ح تحضرها عشان ضعيفة
يمكن ده يكون عامل قوة ويمكن يكون عامل ضعف
لكن يا ترى مين اللى مفروض ينظمها (متقوليش المواطن المصرى برضه لأنه مش هيحصل ولا حتى فى الأحلام) بس الفكرة لا هى صعبة ولا بعيدة ، هى محتاجة تنظيم وتفكير وبس

أفتكر كان فى عندنا فى أسكندرية من سنتين يمكن وقفة على طول شارع الكورنيش
كانت علشان العراق تقريبا أو فلسطين
وكانت شبة مليونية ممكن تكون كملت ألوفات مش عارف كام بالضبط

يعني حوالي خمستلاف عشرين ميت الف مليون ونص مليار الا ربع كده
(قعدت أدور على النت إنى ألاقى وصلة للخبر مش لاقى كلها اتمسحت من المواقع)
اه ماهو عشان مش متأكدين من العدد

الموضوع مش بعيد ومش صعب فيه فكرة جديدة وهى إستغلال أيام عيد وزحمة صلاة العيد
ولكنه كلياً فاشل ما لم يدرس وينظم تنظيم محصلش فى مصر قبل كده
وايه اللي ح يخليه يحصل في مصر بعد كده؟
أنا بعتها من باب عدم فقدان الأمل

وانا قريتها من باب الذل بالشيء
لأنى أظن أن المستقبل المصرى هو مالا عين رأت ولا أذن سمعت ولا خطر على قلب بشر

طبعا الجنة ونعيمها ان شاء الله ماهو الصابرين اجرهم الجنة
يمكن
يمكن
يمكن
يحضر مليون
منكونش إحنا فيهم :-)

على رأيك يعني احنا كام يعني مش ح نأثر في المليون اللي ح يحضروا

===

نياها نياها نياهااااااااااا

قامت ندى القصاص جات لها شبه ازمة قلبية وشبه ضغط وشبه سكر وشبه جلطة وشبه ذبحة صدرية

وردت عليه بما معناه طيب ادارى او استخبى او اتكسف يا اخي حرااااام علييييييك وما سمعتش عنها حاجة

تقريبا كتبت الرسالة واغمن عليها بعد كده وانا بافكر جديا اسأل عنها في المستشفيات

=====

طيب يرضي مين ده؟ يعني أنا لاقية صحتي في الشارع؟ احصابي اللي بتتحرق دي

مين اللي ح يندهلي المطافي

===

ايه بقى اكتر حاجة غايظاني؟

إنه كاتب "إلى الإخوان المسلمون" طيب ازاااااااااااااي

اصل انا هايفة وحاجات كده تضايقني قوي

بس بقى ما اقولكوش والله كتر خيره ضححكنا ضوووووححك

واتفقنا ان صاحب الدعوة واخد مجموعة مختلفة من البراشيم

ومالوش حل غير ان وشه ينطس بمية مجاري وياكل حاجة حادقة

كاكا واحد واكل طرشي

وانا اللي باقول على نفسي مهيسة؟

والنبي ده انا قمر قمر قمر

ستش العاقلين اسم الله عليا

====

ياللا يا شباب استعدوا للمظاهرة المليونية بعد صلاة العيد

كل واحد ديل جلابيته في سنانه ومعاه كيلو كحك بالعجمية

وترمس شاي ومرتبة من اللي بتتطبق عشان ده بعد الصلاة وح نحتاج نقيل لنا ساعة