Thursday 14 October 2010

حادثة تاريخية


انا عادة لما باعمل اي حاجة في الدنيا باتضايق بعدها، على طول يعني، عشان كده لا باحب اتفرج على صوري، ولا باشوف نفسي لما باطلع في التلفزيون، ولا لما باكتب حاجة باقراها تاني، والنهاردة في المعهد قرينا حاجة كنت كاتباها من زمان وقعدت ازعق لنفسي في الفصل والناس تضحك عليا
اول مرة في حياتي من ساعة ما اتخلقت اقول حاجة واحس اني مبسوطة اني قلتها، لما قلت في برنامج مانشيت في مداخلة تليفونية مع جابر القرموطي ان صحفيين الدستور مش معتصمين عشان علاوة ولا مرتب، ومع احترامي وتقديري لكل الاعتصامات، الاعتصام ده الوحيد من سنين اللي عشان مبادئ مش عشان لقمة عيش 
وبصراحة بقى حسيت اني زحت هم من على قلبي قد كده، اصل انا بقالي سنين شايلة في قلبي قوي من هتاف: بالروح بالدم رزق عيالنا اهم، وكنت ساكتة وصارة في قلبي، بس فيه اكتر من ميت صحفي منهم اللي عنده عيال وشايف ان المبدأ اهم من رزق عياله، وماهماش مرفهين، ولا محوشين، ولا على قلبهم قد كده، دول صحفيين الدستور، فاهمين يعني ايه صحفيين الدستور؟ يعني خمسميات وسبعميات وسلف بقية الشهر، ومعروض عليهم الافات، ومع ذلك معتصمين عشان متمسكين بمبادئ مهنية واخلاقية
والناس دي افضل منحنية لهم احتراما لحد ما ضهري يتقطم

28 comments:

سواح في ملك اللــــــــــــــــــه- said...

؟؟؟

محمد said...

نوارة
وفعلا الاسطوانه الى شغاله ال 120 صحفى هباكلوا منين ,وال يعنى خايفين على شباب الدستور ,النقيب مكرم محمد أحمد صعبان عليه الشباب وانه بيعتبر نفسه مكتب تشغيل والصحفيين و الاخ جابر القرموطى ومنى الشاذلى ومعتز الدمرداش والسيد على وخلافه
كلهم بيلفوا ويدوروا علشان استبعاد أبراهيم عيسى وفصل قضيه أبراهيم عن الصحفيين , وكده يتحقق الهدف ( التخلص من أبراهيم عيسى) ويتم المراد
لكن الى أحرج الكل ولخبطهم
شباب الدستور بيدور على المبادىء
أولا لأن الرزق من الله تعالى
ثانبا لأن اتمسك بالمبادىء يحقق المبادىء والمصلحه لكن التمسك بالمصالح لا يحقق لا مصلحه ولا مبدأ
تسلمى يا نوارة أكتوبر
يا ابنه العظيمه صافيناز كاظم
ويا ابنه الرائع أحمد فؤاد نجم

المهدى said...

صح ..صح ..وألف مرة صح الواحد كره العيش من كتر كلمة أكل عيش المليونير الحرامى بيشخط فينا عشان بياكل عيش ومصلحته وحقوقه والبيوت اللى فاتحها والفقير المظلوم ساكت وقابل برضه عشان أكل العيش وكله مش عارف يعيش لا بالحلال ولا بالحرام
الكلمة دى لازم تتلغى ونرجع ناس بنى أدم زى ما ربنا خلق البنى أدم
عارفة يا نوارة فيه جملة فى فيلم أم العروسة لما مرقص أفندى دفع للأستاذ حسين الفلوس من جيبه قاله ( دى عملة تعملها دى يا أستاذ حسين ده أنت نسيت إن عندك عيال صغار عايز تخيب أملهم )
إحنا نسينا كل قيمنا وكل القيم الإنسانية عشان أكل العيش ويا ريت كلناه

من مغربي said...

"رجل الأعمال محمد أنور السادات يمهل إدوارد 5 أيام للرد على عرض شراء الدستور"

جميييييل ........

عباس ابن فرناس said...

كل حوادثك تاريخية بس انتى الى مش واخدة بالك

عباس ابن فرناس said...

مبادءى ....
ياااه من ذمان محسناش بطعم الكلمة دى

عباس ابن فرناس said...

الفاجومى انضم الى حزب الوفد تضامنا مع الديمقراطية
واستقال من حزب الوفد تضامنا مع الحرية
ولاكن شتان ما بين هذه وتلك

Ahmed Fawzi said...

http://www.facebook.com/video/video.php?v=168758429806484

إتفضلى أخر إبداعات الحكومة ... خلاص سوريا و إيران بقوا قدوتنا فىالتعامل مع الإنترنت حسب التلفزيون المصرى

Nicholas Urfe said...

بيقولو ان لما ربنا يحب يفرح بني ادم يضيع له جحشتو وبعدين يخليه يلاقيها !

Unknown said...

Vétéran de la guerre d’octobre 73 et victime de l'ignorance

أسامة الديب - من مقاتلى أكتوبر 73 مبتور الساق ومريض وينام على رصيف ش إسماعيل أباظة فى السيدة زينب

من ينوى فعل شىء معنا لهذا البطل المنسى نرجوه الاتصال على

http://egyptelibre.blogspot.com/

أو - على -

http://www.facebook.com/Prof.Dr.MohamedFahmyHUSSEIN?ref=name

أما إذا كان الشخص المتصل معندوش غير شوية كلام لمجرد تطيب الخاطر أو لمجرد التعجب مما وصلنا إليه فى هذا البلد فنرجوه رجاءاً حاراً عدم الاتصال

إنسان said...

howa so2al mafhoush wala estenkar wala estehgan... estefham bass... leih ibrahim 3issa kan morataboh fo2 el-sab3in alf wel-sa7afeyiin kanou byakhdo fotat ma3 enn men aham el-7agat elly mebawazah el-balad welly beyhagemha el-dostor zayyo zay so7of el-mo3arda, heyya el-tawzi3 gheir el-3adel lel-sarwa ?

hala said...

كلمة مبادىء اصبحت من المقدسات لا يعمل بها الا كل قديس
وانا شايفه انه ماااا في قديسين
عشان هيك الكلمه اتلغت من قاموس البشر والقديسين إندثروا من زمااااان زي كلمة مبادىء بالزبط

hala said...

الناس الان عايشه على الضحك على الدقون وتمسيح الجوخ
والفهلوه ,,,,والقوي اللي بيقول ..اذا انت معي ..انت صاحبي ..واذا انت مش معي إذا إنت حتماً ولا بد انت ضدي وعدوي الى يوم الدين

سجل .. أنا مصرية said...

فعلا الإسطوانة المشروخة الباردة بتاعة هما الصحفيين حيروحو فين ونظام يا عينى وصعبانين علينا والنظام البايخ ده كسروه صحفيين الدستور بموقفهم الرائع

ahmedelebyary said...

مقال جامد فحتتتتتتتتتتتت
لأستاذ فهمي هويدي
http://fahmyhoweidy.blogspot.com/2010/10/blog-post_14.html
والله العظيم اشاذ فهمي هويدي ده عسسسسسسل

hala said...

على فكره يا نواره ضهرك مش هيتقطم
لان اصحاب الخمسميات والسبعميات رح يعرفوا بسرعه شو يعني شظف العيش
واللي عنده عيال رح يكسر قلمه وينكسر قلبه اما يشوف نظرة عياله المحتاجه
ولاتقولي احنا صامدوووون,,,,
الصمود بحاجه لظهر قوي يتسند عليه كوني واقعيه الحريه بحاجه لوقفة شعب ثائر مش لصحفييين متضامنين

hala said...

شو يعني صحافييييين الدستور؟؟؟؟؟؟؟؟
زي ما عملتوا جريدة الدستور اعملوا جريده معارضه تكون اقوى من سابقتها ويكون فيها نفس صحافيييييين الدستور
لاتفضلوا تبكوا على اللي راح
الدنيا ما خربت من اجل صحيفه
لو انتوا بجد مناضلين من اجل الحريه....لازم كل مره تقعوا ...تقفوا على رجليكم بثبات وقوه اكبر,,,هيك الدنيا كر.. وفر

مواطن مصري said...

يا حجة ب النسبة

ل المعونة الي زادت


فاكرة المشروع الي بعتهولك


مصر رجعت رحلات طيران مع ايران و امريكا حذرت مصر قامت مصر تستورد بتروكيماويات من ايران قامت امريكا رفعت المعونة بس دة الي حصل

حسن على said...

سمعت تعليقك على استقالة الاستاذ احمد فؤاد نحم من حزب الزفد. كروان فصيح مفعم بالعفوية والصدق

محمد نور الدين said...

إلى ست الكل
لما يتدخل المدعو مصطفى بكري ويتوسط هذا يعني أن هناك رائحة كريهة بدأت تنبعث من بعيد ولا أريد أن استرسل في الحديث لأني أعرف جيدا من هو العراب مصطفى بكري
و إذا قبلت الدستور هذه الوساطة فهذا يعني كما يقول أهل الشام ما فيه حدا أحسن من حدا

محمد نور الدين said...

إلى ست الكل
لما بدأت حملة الاكتفاء الذاتي قلت لك هو قرار سياسي وأن أمريكا و إسرائيل لا يوافقان
لقد وصلت المسألة إلى حد الطماطم
اسمعي
مزارعون: أزمة الطماطم وراءها أيد خارجية


أكد عدد من مزارعى الطماطم بمحافظة المنيا أمس أن ندرة الطماطم وارتفاع أسعارها وراءه مخطط خارجى تم الإعداد له منذ سنوات.

وقال المزارعون، خلال اجتماع عقدته الغرفة التجارية فى المنيا بحضور عدد من مزارعى وتجار الطماطم بالمحافظة ومصدريها لمناقشة أزمة الطماطم وكساد الأسواق، إن «المخطط الخارجى» بدأ تنفيذه منذ سنوات، حيث دفعوا المزارع لإدمان رش الطماطم بمحلول إسرائيلى ممنوع من التداول بالأسواق، وكان يباع بالسوق السوداء، لكن المزارعين كانوا يفضلونه لأنه يعطيهم محاصيل أوفر، رغم رداءتها.

وأضافوا أن المزارع لم يكن وقتها مدركا للمصيبة المقبلة والتى حلت هذه الأيام فالطماطم تموت فى عرشها وفى موسم إنباتها.

وطالب المزارعون بمحاسبة المسئولين عن إدخال هذه الأدوية والبذور غير المنتقاة، مؤكدين أن عددا من المزارعين «الشرفاء»، قد قدموا بلاغات خلال تلك السنوات، يحذرون فيها من خطورة ما نعانى منه الآن.

Ahmed Mohamed said...

مبادئ علي لقمة عيش علي زيادة مرتبات وضرائب وابراهيم عيسي علي كواليس غامضه وحقيقه مش كامله
حاجه تلخبط

كل الي يهمنا مصيبة استخدام سلطة المال في التسلط والتخريب والتحكم في
خلق الله
بس بصراحه حاسس ان ابراهيم لا يختلف عن البدوي وادوارد وخصوصا بعد مقال الصاوي في المصري اليوم وما نشر فيه الكلام دا لو صحيح يبقي ابراهيم عيسي حد عادي زي غيره
الله اعلم

***
هاله
بالظبط او الضبط مش بالزبـــط

mido said...

أحمد علام

http://dostor.org/economy/news/10/october/14/31319

خلاصة الكلام said...

لسه فى ناس محترمة فى البلد دى

Ahmed Mohamed said...

وما زاد الطين بله في نظري ! معلش يا ميدو هوه ازاي رئيس تحرير يقبض مرتب بالكم ده
ايه 22,500الف جنيه قبل البيع كمان
وبعد البيع بقي كام
هوه ده مرتب ولا مشاركه في الربح ولا ايه
؟؟؟؟؟؟
وبعد بحث وجدت ان مجدي الجلاد بيعمله 50 الف في الشهر

دا ايه الجنان ده
وبعد كده تقولو مفيش رجل اعمال مش حرامي ؟؟
دا في السنه ممكن يعمله بالميت 100الف جنيه
لايا جدعان انا لازم اعرف هما بيعملو ايه بالظبط
مش حقد والله انا عارف ان النظام كله بايظ حتي في العالم كله بالشكل ده

dr.lecter said...

علشان باباكي راجل محترم

mido said...

علام

بعد البيع قلشوه

ههه

بقى مرتبه صفر

:D

mostafa said...

يا استاذه نواره انا لم افهم معني ان تحدثي الاستاذ جابر عن(المبادئ) فالاستاذ مع كل الاحترام لانسانيته مثال واضح لفكرة اكل العيش وما عليك الا ان تشاهدي حواره مع البابا شنوده ذلك الرجل الذي يعرف ماذا يقول ولمن يقوله, كما اتمني ان تشاهدي احدي حلقات الاستاذ جابر عن حرب اكتوبر عندما قال احد القادة العسكريين انه عندما علم بمرض ام احد جنوده ارسل لها طبيب من الجيش فصاح الاستاذ جابر ياه.. ياه ..ياه لدرجة انني تصورت ان القائد السابق ابلغه بانه نزل بطائرته وخطف رئيس وزراء العدو وعاد به الي مصر