حد كان متوقع اي خير من انتخابات مجلس الشورى؟ ده ايه السذاجة دي؟
اقول؟
اللي راح سافر وقعد شهر برة ده... مش احنا كنا اولى بالشهر ده يقعد هنا ويحشد الناس قبل الانتخابات ويعمل اي حاجة؟ انشالله يحاول يحشد مراقبة شعبية على الانتخابات، يقترح علينا نهبب ايه في الانتخابات؟ مش لو كان قاعد وعمال يشحن في الناس كان زمان الانتخابات دي هيصة وبوليكة وفضيحة عالمية بدل ما احنا قاعدين كده اتخيطنا وماحدش حاسس بينا؟
حنعمل ايه احنا دلوقت؟ حيسافر شهر قبل انتخابات مجلس الشعب؟
انا حاسة ان في اشتغالة، يعني اذا انتخابات مجلس الشورى راحت مننا حتى من غير ما نعمل عليها هلولة لان طبيعي اي هلولة حتتعمل عليها الناس حتضحك... حتقول امال كنتوا متوقعين ايه؟ ما لو كان واقف جنبنا كنا نتوقع، على الاقل نتوقع مظاهرات
خلاص بقى؟ نفضها سيرة يعني؟
30 comments:
أى حديث عن البرادعى مضيعة للوقت فهو شخصية غير جديرة بالإهتمام - وإلا كنا إهتمينا بكل خواجة يزور مصر كام يوم - الأجدى بنا أن نلتف حول شخص شجاع مستعد للتضحية - مصرى حقيقى يعيش مشاكلنا ويتنفس همومنا من نوعية حمدين صباحى مثلاً
البرادعى قال فى حديثه للعربية إن إنتخابات الشورى والشعب لاتهمه - وإن التغيير لن يحدث قبل جيلين أو ثلاثة - مش عارف ليه حسيت من الكلام ده إن ريحته مش كويسة - فيه إحتمالين لا ثالث لهما: ياإما الراجل دة مجنون رسمى - ياإما متفق مع مبارك علينا
انتخابات شورى اية بس
و ربنا انا حاسس يكون حوار السفينة دة
تمويه على الأنتخابات مساعدة من اسرائيل للي بيدعوله بالشافاء
بس المصيبة ساعتها ساعة انتخابات مجلس الشعب هيعملوا فينا اية
خخخخخخخخخخ
نظرية مؤامرة على اصولها انا قعدة البيت هتجنني قريب
مصيبة ليكون حضرتك تقصدي مستر برادعيييييييي
الراجل دة مش عارف حا فيه سنة مياصة
مش عارف لية
من زمان من ايام الوكالة بتاعة البلح اللي كان شغال فيها دي
في راجل يقول انه لأمر مشين
و بعدين بصراحة هوا فين المرشحين اللي يستاهلوا الواحد يديلهم صوتوا
ما اهو يا اخوان يا وطني و ما اخم من سيدي الا ستي
تعرفى الى غايظنى ايه ان الموضوع بتاع التزوير بقى عادى كده وبيتقال حتى فى التليفزيون المصرى الحكومه قلعتلنا ملط وبتقولنا انا بحب الصياعه هاتوا اخركم واخرنا جبناه من زمان وبجد كده الموضوع عايز ثوره ونسيبنا من الافلام الحمضانه دى وعايزين بجد اى حد محترم يبدا فى موضوع الاغتيالات ده من دلوقتى والشعب هايتاثر بيه لغايه ما العالم دى تحل عن دماغنا بجد انا مش متنرفز من التزوير ولا من المقاعد الى هاتتوزع على المعارصه ولا اى حاجه الى خانقنى ضحكه احمد موسى وهو بيتكلم عن التزوير وضحكه تامر امين وهو بيقول العمليه كان فيها بلاوى مش عارف اقول ايه حسبى الله ونعم الوكيل فيك يا مبارك
و يا خوفي لا يسافر قبل انتخابات الرئاسة بيوم
رحمتك يا رب
نعيب زماننا
عندك حق فى كل اللى قولتيه وانا متفق معاكى تماما
وضح كثيرا فى الفترة الأخيرة أن البرادعى رجل نخبة وصالونات إن صح التعبير
مع أن المفروض أن رجل النخبة وأهل الثقافة هم أول الناس الذين ينفرون للشارع ويشعرون بنبض الناس ويحركون فيهم مكنوناتهم
لكن لن أفقد كل الأمل فى البرادعي حتى نرى ما يمكن أن يقدمه فى المرحلة القادمة
عاوزك تقري الموضوع ده وتقوليلي رأيك
وركزيلي فى النقطة الخاصة بإيران :)
http://www.h-alali.org/m_open.php?id=d10694ca-6d8e-11df-a9a1-bd3f014b735f
الله المستعان
السلام عليكم
ملاحظة انك متحاملة على البرادعي مع ان اللي بيعمله يبين انه فاهم كويس قوي الدنيا في مصر ماشية ازاي...
اللي بيطالب بالإصلاح لحد دلوقتي ومستعد يشتغل عشانه بجد ما هي إلا فئات مازالت لم تصل ولا تستند إلى القاعدة العريضة من الشعب .. سواء كنا بنتكلم عن الأحزاب، عن العمال، عن مراكز حقوق الانسان أو عن البلوجرز...
يمكن عشان الناس دي مش بتكلم أو بتتصل غير ببعضها فبتتصور ان كفاحها بيأييده عدد كبير من الناس... وده صح لكن لسه برضه الغالبية العظمى من الشعب المصري بتعاني في صمت ومش مستعدة -وبالأصح مش متربية ومش في ثقافتها- انها تشارك في التغيير ...
البرادعي فاهم الكلام ده وبالتالي معندوش استعداد يكافح "من أجل" الناس أو "باسم" الناس ولكن عاسز يتأكد الأول أن الغالبية العظمي من الشعب المصري مستعدة تشارك في التغيير بمعنى ان التغيير يتبني على قاعدة قوية الأول من تحت (واللي هو بيقيسها بعدد التوقيعات اللي لحد دلوقتي ماكملتش سبعين ألف من اجمالي خمسة وتمانين مليون مواطن) ويطلع لحد فوق مش العكس
و الله المشكلة مش عنده , المشكلة عند الناس اللى تصورت فيه أوهام مش موجودة غير فى دماغهم
يعنى انا مش قادر افهم ايه المنتظر من رجل المنصب عنده كان اهم من تسجيل موقف , و آثر انه يفضل فى منصبه ذى المكانة المرموقة و يتفرج على البلد اللى مقالش فى حقها كلمة حق بشكل شبه واضح الا ذرا للرماد فى العيون و فقط بعد اكتمال تحضيرات التحالف الغربي لغزو عسكرى اصبح من المستحيل التراجع عنه , آثر يتفرج عليها و هى بتنسحق .و هو احنا ناقصين متشبسين بالكراسي؟؟
و بعدين الراجل عنده زهو بالجوايز اللى بيحصل عليها من قادة العالم فى الهند و فى المانيا و فى غيرهم من دول العالم , و بيستشهد بالتقدير الدولى للتدليل على دوره و مكانته فى مواجهة حجمات التشهير و التشويه من الصحافة الحكومية المصرية , طب ايه المتوقع من واحد بيستمد ثقته فى نفسه من خلال ثقة الجهات الدولية اللى هى اكبر ظالم لينا و منتهك لحقوقنا , اومال مين هيقف قصاد الجهات الدولية المسخرة لسحقنا ,مين هيقول لأ للمؤامرات الدولية الممررة علينا فى شكل اتفاقات و قوانين دولية مفعلة بس ضد الحق العربي , من الطبيعى انه راجل عاش طول عمره متماهى و متصالح من الهيئات الدولية انه يكون واحد جديد ممن يتشدقون باحترام الاتفاقيات الدولية مهما كانت مقيدة لابسط حقوقنا.
و بعدين الراجل يعنى مفتكرش انه ليه تصورات عن مصر المستقبل غير بعد ما بلغ من العمر عتيا , و بعد زوال المنصب الدولى؟ طب يعنى احنا قبل كده كنا فى نعيم مثلا و فى غنى عن تصورات أصحاب مشاريع التغيير؟, وبعدين دا موجود بره بشكل مش مناسب لاى حد يفترض انه بيعمل على تغيير الداخل ,هل التغيير هيتم فى اوقات الفراغ مثلا؟
* لأول مرة بكتب على مدونة رأيى فى كون الرجل لم يقدم شيئا حقيقيا فى السابق أو الآن يجعله مؤهلا للزعامة ,عشان لا يفسر كلامى على انه دعم للصحافة الغبية اللى ستفت مقالات التشوية للراجل و كأن غيره ممن كانت حملات التشوية لحسابهم فى الاساس خالين من العيوب ,و هما مصايبهم ادهى و امر
بدأت أفقد الأمل فى البرادعى
كلمتك جت فى الصح أوى - أنتخابات الشورى أتحنتفت وأتظبطت وهما شوية تقارير وشوية ناس أشتكت وقضيت على كده ؟
ياترى أيه اللى هايحصل فى انتخابات الشعب يخلى الناس تسيب اللى حصل ده كله وتتابع الجزيره 24 ساعه علشان تتفرج على تركيا وأسرائيل ويمصمصوا شفايفهم ويقولوا شوفوا اللى عندهم كرامه ؟
أحنا شعب غلبان أوى - وأهبل أوى أوى
لا حياة لمن تنادي
واللي اختشوا ماتوا
وعلي رأي نكته قليلة الأدب كنت سمعتها من واحد
" قال يا خد مصر قال "
الراجل ده متفائل بشكل يخض
http://www.youtube.com/watch?v=XDaMtjI7ils&feature=player_embedded
هو حد مفهمه ان شعب مصر كله بيدخل على اليوتيوب والتويتر ولا هو اتورط ومش عارف يخلع واما بيصدق يسافر علشان يستريح مننا شوية؟؟
العيال مقطعة نفسها علشان تلم توقيعات وهو لغاية دلوقت ماقالش عايز يعمل ايه
حد يفهمنى انا باثق فى رايكم لانى هاتجنن بجد
واللى بيقول حمدين ولا ايمن نور ماهم بقالهم عشروميت سنة فى مجلس الطراطير
هو حد كان ماسكهم اللى عايز يعمل حاجة يعملها هو احنا هانعزم عليهم
ابوس ايديكوا حد يقولهم كفاية يشتغلونا احنا زهقنا بقااااااااااااوعلى راى الاخ احمد
نعيب زماننا
عارفة يانوارة .. المشكلة مش فى البرادعى ومواقفه المشكلة فى المثقفين الواعين اللى صدقوا ان التغيير ممكن يحصل بسهولة لمجرد أن شخصية مصرية عالمية بتدعو اليه
زويل ومجدى يعقوب وفاروق الباز وغيرهم كتير من علماء مصر طالبوا بالتغيير ولم تستجب السلطة المنعفنة والمتحجرة فى مصر بمنتهى البساطة لأنها لن تستجيب بالذوق والنداءات والمطالبات وإلا مكانش حد غلب
الحاجة الوحيدة اللى هاتجبر هذا الديكتاتور عن التنحى هى ثورة شعب
وده الطريق اللى لازم ندعو اليه ونسعى له
سر اقبال والتفاف المصريين - ع الفيس بوك بس بالمناسبة - حول البرادعى انهم فاكرينه هايجيب لهم التغيير لحد باب البيت (هوم دليفرى) وهما منهم بأنه يستطيع
من زعم ذلك ؟ حتى هو لم يدعى انه سيفعل
اكتر من مناسبة قال ان اى تغيير هايكون بالشعب وبارادته ، محدش صدق وافتكرتوا ان عنده خطة وخريطة بس هايطلعها بعدين وفى الوقت المناسب
النهاردة وبعد الصورة مابقت أوضح .. لازم نفوق من وهم البرادعى والحرج المصرى والضغط العالمى
مفيش حاجة كده على رأى نانسى عجرم
فيه كفاح والتفاف حول قيادة وطنية وجهد فى اقناع العامة بتحركات جماعية زى العصيان المدنى أو اضرابات أو محاولة ربط تظاهرات واضرابات العمال والموظفين بمطالب التغيير السياسى وده دور المثقفين الواعين اللى زيك واللى ليهم قراؤهم ومحبيهم ، هو ده دورك يانوارة مهما طال الوقت هانوصل مع جهد غيرك لأول الطريق
مندهشة جدا انك للنهاردة لسه مستغربة من موقف البرادعى مع انك من أول يوم وانت مش مسلمة ولا مطمنة وده كان واضح فى تعليقاتك على تويترز وعلى مدونتك
اتبعى حدثك يانوارة وأنا متأكدة انه هايوصلك فى النهاية لمين اللى يستحق دعمك وتأييدك ودعم وتأييد كل المهمومين بحق الفقير والعامل والطبقة المتوسطة اللى انقرضت فى الحياة
تحياتى واحترامى لقلمك الشريف
على فكرة أنا متابعة دائمة لماتكتبين ومن أشد المتحمسين لك
هدى عبد الباسط
فيديو تعليق البرادعى على مجزرة قافلة الحرية و كلام خطير
البرادعى فى الفيوم الجمعة القادمة
ليس بالضرورة يا سيدتى الفاضلة ان تقولى كل اللى فى قلبك
ولأن احوالنا ينطبق عليها "انها الحرب والرأى والمكيدة"؟
فما تفضلت به من رأى
يمكن ان يصب فى التشتيت وليس التحشيد
لكل القوى الطامحة فى التغيير
وانا احد المتابعين باعجاب لمدونتك الرائعة الصادقة، واشعر بمجى تأثيرها
على الكثيرين...فاتمنى ان نفكر فى الاولويات التى تستدعى منا ، تجاوز خلافاتنا وتنحية عواطفنا وايديولوجياتنا جانبا بشكل مؤقت
فمهما كانت عيوب البديل فلن تكون
اسوء مما نحن فيه
هذا رأى المتواضع احببت ان ادلو به
خاصة وان أهل السكاكين التى تنهش فى البقرة كثيييييرة
فنجد انفسنا مع اهل السلطان وان كانت نوايانا حسنة
لك تحياتى وكامل تقديرى
و الله يا نواره انا عمال أكلم نفسي
و كنت بقول عليك شكاكه و متشائمه
بس دلوقتي بدأت اقول ما داهيه لنكون احنا اللي طيبين و متفائلين زياده
ربنا يستر
بيتهيألي جه الوقت إننا نعرف إزاي نسحب التفويضات وتوقيعاتنا علي بيان البرادعي
كل حاجة صارت خيار وفوس ورغم ارتفاع الأسعار إلا أن الكوسة هي صاحبت النصيب الأكبر
http://www.bbc.co.uk/arabic/middleeast/2010/06/100602_flotilla_turkey_israel_gaza_blockade_tc2.shtml
تركيا تشترط رفع الحصار عن غزة لتطبيع العلاقات مع إسرائيل
قالت تركيا إنها مستعدة لإعادة العلاقات مع إسرائيل إلى طبيعتها إذا رفعت السلطات الإسرائيلية الحصار المفروض على قطاع غزة.
ونقلت وكالة رويترز تصريحات لوزير الخارجية أحمد داود أوغلو قال فيها "حان الوقت لأن يحل الهدوء محل الغضب" في أعقاب الهجوم الإسرائيلي على أسطول مساعدات غزة، والذي خلف عشرة قتلى على الأقل معظمهم أتراك.
تحية الي اردوغان
و اناا بشجع الدور التركي عن الدور الأيراني
@mohamad
عايز تسحب التوقيع يا محمد ؟
لما نتحرك بجد
النكوص و الاحباط
يبدأ
عادة المصريين اللى نفسهم قصير
بدل متقول عايز انسحب
شارك معانا و ادعوا غيرك
زيارة البرادعي للفيوم الجمعة القادمة
وانا ايضاً اشجع الدور التركي على الدور الايراني، وطز في الدور العربي وتحمل مسئولية دماءنا بيدنا
طز في النضج وتحمل المسئوليات الوطنية والقومية.
طز في الصدق والتضحية وبذل الغالي والنفيس من اجل الانسان الذي نؤمن انه وديعة الخالق وامانته وخيرنا انفعنا له وسعياً من اجله
محمود احمدي نجاد مطلوب منك وعلى الفور، ان تقيم علاقات مع اسرائيل وان تنضم لحلف شمال الاطلسي، وان تقيم قواعد امريكية على ترابك الوطني، وان تؤجر حدودك مع سوريا لشركات اسرائيلية تستثمرها لمدة عقود
لا نريد منك سلاحاً ولا ذخيرة ولا مواقف سياسية وديبلوماسية وتحمل ضغوط تنؤ بحملها الجبال
لا نريد منك خلافات مع النظام الرسمي العربي من اجل طفار وكفار وخارجين عن طاعة اولياء الامور في حزب الله وحماس والجبهة الشعبية والوية الناصر صلاح الدين وكتائب ابو الريش وشهداء الاقصى و الجهاد الاسلامي وفصائل المقاومة العراقية والافغانية
لا نريد منك كل هذه الترهات والسخافات
كل مانريده منك واسمع جيدا...اسمع يامحمود :
اذا جلست بجانب المجرم شيمون بيرز في دافوس قل له انا احترمك لان سنك مثل سن والدي وارفع صوتك عليه لمدة دقيقة كاملة ثم تعال لنستقبلك استقبال الابطال ونرفعك على الهامات ونناديك كما تستحق: فاتح دافوس العظيم.
يامحمود اسمعني جيداً افتح بلاك للانضمام الى الاتحاد الاوربي، انت والفرس آريون والعرب واليهود ساميون، ونحن ابناء عمومتهم وكما تعلم انا وابن عمي على الغريب
وانت غريب يامحمود مالك ومالنا يارجل ؟
من قال لك اننا نستهضم ماتفعلونه لنا؟
او نستعذب تضحيات امتكم من اجلنا؟
هل تظن اننا نصدق انكم وعلى مدى ثلاثة عقود حولتم وجه ايراني الغربي الى عربي وتحولت قبلتكم من واشنطون الى القدس وتحملتم ماتحملتم في تمثيلية لا تنطلى علينا نحن مفخرة البشرية واذكى من عليها؟
يامحمود ارسل سفينة ايرانية الى غزة قبل موعد اجراء مناورة مشتركة مع الصهاينة، تماما كما فعلت اليونان والجزائر والكويت وغيرها من الدول الحية ودعها تسير الى قدرها
اغمض عينيك عن رؤية التهديد الاسرائيلي لسفينتك وضع اصبعك في اذنك ولا تسمع الوعيد الاسرائلي باعتراض واعتقال مواطنيك قبل آيام من وصولهم، واترك مواطنيك يواجهون بالعصى نار المعتدين وبحريتك المسلحة على مرمى حجر منها
وعندما يسقط منهم شهداء ويصبغ الدم الزاكي علم بلادك
قف امام نواب بلادك وتوعد بتحويل صداقة بلادك القوية لاسرائيل الى عداوة قوية اذا لم :
تفرج اسرائيل عن مواطنيك
وتدفع تعويضات مالية لعائلاتهم
وتعتذر لعائلاتهم
هذا كل مانريده منك
هل فهمت يامحمود او نعيد الكلام؟
يامحمود انا غيرت رأي
وحتى هذا لا اريده منكم
ارغب في رؤيتكم غزاة ومحتلين لبلادي
وقتلة لاطفالي
وسارقين لمواردي
واعدك عندها
ان يخرج من يعجب بتجربتكم الحضارية
ويشيد بكونكم الديمقراطية الوحيدة في المنطقة
وان يكون كل مايريده الاكثر تطرفاً بيننا
ان تعطينا جزءاً مما اخذته منا
وعندها سننجب طفلاً منك
ونعتز بنسبه
ولا سلام ولا تحيات
انا لا اطيق شهامتك
ولا اعترف بصدق عواطفك
ومتأكد ان مايدور في رأسك
وماتنويه لي
لا يروق لي
هل تعرف كيف عرفت ذلك يامحمود ؟
لاني كذلك وظني بالناس
مستخرج من معرفتي لنفسي
ملاحظة جدية : كل الاحترام لاردوغان وعودة حميدة لتركيا الى حضنها الدافيء واهلا بكتف جديد يحمل معنا هذا البغل الحرون
الذي لا يتوقف عن رفس حامليه من حظيرته المشتعلة
ميدو
انا معك واعتقد ان الحكم على البرادعي قبل ان نفعل ماعلينا امر يخلو من الحكمة
هو مين اللي شجع الدور التركي على الدور الايراني؟
الدور التركي مهم جدا
والدور الايراني مهم جدا
وانا مبسوطة انهم بيتعاونوا
وماحدش يقول لي الدور العربي واحنا فين والكلام ده
اللي في ايده يسعف ويساعد يساعد
هي مش مسابقة عنصرية مين احسن من مين
المهم المصلحة العامة تتحقق وخلاص
انا معاكى يانوارة
النكبة وقيام دولة الصهاينة ماحصلش الا بعد نسف الخلافة العثمانية وقبلها وأد محاولة محمد على فى مصر واحتلالها من انجلترا
وبما ان مصر ملهاش دور دلوقتى بسبب حاحا منه لله يبقى نرحب باى دور يقف مع الفلسطينيين والمقاومة
حتى لو كان الدور ده كلام اردوغان شديد
اللهجة والتحركات الدبلوماسية
ده لو كان رئيس عربى عملها كان قلبى وقف من الفرحة
ومش لازم ننسى ان اللى ورط تركيا مع اسرائيل كمال اتاتورك الله يولع فيه فى تربته بجاز وسخ ومش سهل تركيا تتحول من الصداقة والحلف مع الصهاينة
للعداوة مرة واحدة
معلش يا نوارة مش بحب اعلق كتير بس
غصب عنى
كان ليا تعليق واحد بخصوص نقدك المستمر ل د. محمد البرادعي
جتك حزن
شكرا
خلاص البرادعى بقا من الاعداء
خاين
الى يشوفه فى المعركة يقتله
ــــــــــــــــــــــــــ
من رئيس منتظر
الى
خدعة ووهم و لا شئ
كيف حولتم الرجل من ........ الى
الله الله الله على الناس الحكيمة
ـــــــــــــــــــــــــــ
ناس عايشة على ارض مصر ولكنها للاسف لا تعرف واقع مصر و قوانينها و مراكز القوى فيها و الممكن و المتاح فيها
ـــــــــــــــــــــــــــــــ
فعلا عندهم حق الراجل ليه حوالى 8 او 9 شهور و لسه بركاته مبانتش
ازاى ده حتى ميصحش
ـــــــــــــــــــــــــــــــ
سؤال البوست :
التغيير النتظر يتم وفق عناوين الصحف و آمال المعلقين ... ام يتم وفق الوسائل المتاحة فى الوضع الحالى
ــــــــــــــــــــــــــ
استفتاء البوست :
تشجع الدور التركى
ولا
تشجع الدور الايرانى
انا عن نفسى بشجع الالمونيوم ... و ان شاء الله السنة الجاية فى الممتاز
ــــــــــــــــــــــــــ
تحت الكبرى
تحياتى
و النبى قولى تانى علشان الى مكنش معنا
بركات ايه يابو بركات
انتوا كدبتوا الكدبة وصدقتوها؟
البرادعي جاي على حراك واعتصامات في الشارع وناس مستعدة للتغيير بالفعل
كل اللي عليه انه يفضل في الصورة ويحفز الناس ويديهم امل ويشجعهم
مش كل يوم وتاني ناطط لنا في حتة
هو البرادعي هو اللي بيحرك الناس؟ انت حتستهبلوا وللا ايه؟ الناس متحركة ونايمة في الشارع لو ما عندكوش فكرة
وكل الفئات بتتحرك
الميزة الوحيدة اللي في البرادعي ان عليه اجماع وطني وممكن المجهودات المتفرقة دي يجمعها ويدي الناس امل وهم ينطلقوا
ويقدر يحشد في سكة تضامن فئات الشعب مع بعض بدل ما العمال يعتصموا لوحدهم والموظفين لوحدهم والفلاحين لوحدهم
يقدر يجمع ده كله مجرد بحضوره
مش تويتاته وانه لامر مشين وكل شوية مسافر
كده الحال حيبقى على ما هو عليه والناس حتفضل تعتصم لمطالب محددة مش لتتغيير
انما لا البرادعي حرك الشارع
ولا وعى الناس
ولا عمل مجهود ولا مطلوب منه اي مجهود
مطلوب يبقى في وسط الناس كده زي صاعق الناموس يلم الناس حواليه
بس هو مش فاضي
وراه سفريات
شمس العصاري
ااااااااااااااااااه
لسه شايفة عصام العريان بيدعم البرادعي دلوقت في الجزيرة
هيييييييييييييه
نفسي تقول كلام من دماغك مرة واحدة
انتوا كدبتوا الكدبة وصدقتوها
هو البرادعي هو اللي بيحرك الناس؟ انت حتستهبلوا وللا ايه
الا مين دول يا نوارة
انا مثلا
ههههههههههههههههههههههه
تعليقى ليس مدح فى الرجل ولا زم فيه
انما لبيان مدى اختلاف الاراء لنفس الفئة بمبوب فترة بسيطة
لانى فعلا مستغرب من الكلام الى كنت بسمعه عنه و الكلام الى بيتقال دلوقتى
و فعلا مش عارف تعليقك القبل الاخير ده ليا انا اصله ده رد على كلام انا مقلتهوش
ــــــــــــــــــــ
مين عصام العريان ده
ههههههههههههههه
بس وحياة الاخوة يا نوارة انا ليا حوالى 3 او 4 ايام مكلمتش المرشد و لسه مش عارف يقولولى اروح احضر مناقشة الموضوع ده فى مكتب الاشارد
ثم انا بفكر بدماغى لكن بتكلم بلسانى
لكن مش بتكلم بدماغى هههههههههه
بس اعمل ايه يا نوارة دايما فاقسانى كده و عارفة انا بفكر فى ايه
لا و كامن عارفة دماغى رايحة و جاية منين
هههههههههههههههههههه
زمان لما قلت على اردوغان حبيبى انه قائد تركى اسلامى عثمانى سنى مخلصتش و اخدت كلام قد كده
و لما دافعت عن ايران برضه معجبش
اتكلم على البرادعى برضه ميعجبش
ههههههههههههههه
انا احترت و الله
مشكلتك يا نوارة ان فاكرة نفسك محتكرة الحقيقة ولا قول يعلو فوق قول نوارة
يا نوارة انا عاوزك تفوقى من الغيبوبة دى ههههههههههه و تبصى للواقع باعمق من كده
ــــــــــــــــــــــــــــــــ
على فكرة انا مش بشوف تليفزيون و اخرى اخبار النت و مشفتش الجزيرة النهاردة
ــــــــــــــــــــــــــــــــ
يمكن انا بعيد اليومين دول
بس مدحش يقدر ينسى تربيته
و محدش يقدر ميقراش الواقع الحقيقى
و بلاش تبكتينى كده كل ما اقول كلمتين
حبيبى اردوغان و يمكن البرادعى هههههههههههه
برضه كونه بيسافر ومش قاعد في مصر دليل تاني على واقعيته... هو عنده التزامات معينة في عالم الواقع مش مستعد يخل بيها على اعتبار ما سيكون (ان التوقيعات تعدي المليون)... التأييد الشعبي للتغيير ده بالنسبة له حاجة يا تحصل يا ماتحصلش... ومش من الواقعية أبداً انه يضيع حاجة في أيده عشان حاجة ممكن تيجي أو ممكن ماتجيش...
حاجة تانية... البرادعي ما هو إلا رمز وهو مصر يأكد الكلام ده ومش ناوي يصنع من نفسه فرعون آخر تلتف حوليه الجماهير وتجعل نجاح عملية التغيير متوقفة على وجوده بالأساس... الراجل طول عمره واخد على نظام المؤسسات وان مافيش حاجة بتفضل متوقفة على وجود شخص... عشان كده وجوده في مصر مش أولوية
البرادعي بالنسبة لي حد بيفكر وبيشتغل صح...
أولا : على ما يبدو أن الهدف لم يتم تحديده بوضوح لدى البعض منّا.
- هل نحن نريد التغيير؟ أم نريد البرادعى تحديدا؟
إن كان التغيير هو تعريفنا للهدف، فيجب أن يتم العمل للوصول له سواء بالبرادعى أو غيره، وإلا تصبح الكلمة "الحمضانة" بتاعة النظام أن لا بديل مناسب فى مصر صحيحة.
أما إذا كنا نريد البرادعى تحديداً، فنحن (الشعب) لم نقل له ذلك صراحة وبوضوح (أعنى لم تخرج مظاهرات عارمة لتنادى به).
وواضح أننا فى الحالتين لم نعمل الواجب عمله فى أى من الاتجاهين.
ثانيا: أنا مش متفق معاكى يا نوارة على أن البرادعى يستطيع تحريك الشارع. فالرجل لم يوهب الملكات اللازمة لتحريك الشارع.
ومش متفق معاكى فى أن عليه "إجماع وطنى". ولعل رد الفعل السلبى من الشارع تجاه البرادعى يدعم ذلك.
قد يكون البرادعى مقبول من النخبة، ولكن هذا لا يكفى. لأن النخبة نفسها تحتاج للشارع بأكمله فى أمر كهذا.
فلماذا لا تجرب النخبة شخصية أخرى قد تكون أكثر قبولا فى الشارع؟
فأرجوكى راجعى فكرة (قبول رجل الشارع لشخص البردعى). فهذا افتراض ليس هناك أبدا ما يدعمه. سيكون هناك ما يدعمه فقط عندما تخرج مظاهرات بالألوف تطالب به.
العيب مش في البرادعي ، العيب في اللي نصحوه أنه يسينا في الوقت ده .
أكيد هو مش عيل صغير أنه يسمع الكلام بس أعتقد إن فيه ناس أخدت منه موقف خلاه يصحى وخاصة بعد موقف جبهة التغيير في الفيوم .
Post a Comment