Wednesday 16 December 2009

ولقد انتصرنا على الكافرين

والله الشعب ده محتاج حرب، بيقول لك انابيب البوتجاز اسلحة بيولوجية اه وربنا قال كده
انما ان جيتوا للحق انا حاسة انها ح تتلم بسرعة وح يراضوا السكان وشعرة مبارك اللي شعرة معاوية ما تجيش فيها حاجة ح تطلع لنا، ليه بقى، لان قالوا على التويتر ان الناس كانت بتهتف: انت فين يا جمال
لا مش جمال عبد الناصر جمال مبارك
ودي اسمها حاجة كده ناشفة، زي ما واحدة يبقى عينها من واحد وترمي بلاها عليه كده، انت فين يا جمال؟ هو ايه يخصه جمال؟
طبعا خالص اعتذاري للي تحمسوا وحسوا ان البلد بتتغير، يارب ياخويا يارب، بس بلاش الامل عشان ما نتصدمش بس زي كل مرة
هو فيه حالة فلتان دي حقيقة، لكن ثورة؟ ما اعتقدش
دي فيديوهات بتاع الاسلحة البيولوجية انابيب الغاز









بس انا اتكيفت قوي من "هجمات الحكومة المصرائيلية الكافرة" دي ما الجزائريين طلعوا ملهمين اهم
لا حول ولا قوة الا بالله، الناس حاطة شقاها في الشقق دي يا ناس، لا حول ولا قوة الا بالله، ورايحين للسلاب؟ ده واحد اسمه السلاب السلاااااااااااااااب
هههههههههههههه الواد بيقول الحكومة بتخش ما بيفهموش، ههههه يا حبيبي انت لسة واخد بالك انهم ما بيفهموش؟ امال احنا بنقول ايه بقالنا سنين
ربنا يحميه الواد ده... ح يودي نفسه في داهية زي علي طه بتاع القاهرة تلاتين

3 comments:

مواطن مصري said...

ههههههههههههه انا عجباني قوي موضوع اسلحة البيلوجية

تفتكري بعد الاعتراف بوجود اسلحة بيلوجية في عزبة الهججانة

دة هيخلي الامم المنحلة و وكالة الطاقة الذرية تطلب تفتيش الهجانة على الاسلحة دي؟؟؟؟؟؟؟؟؟؟؟؟؟

بس انا مش عارف لية افتكرت دكان شحاتة

شكل الجيش هيتدخل و يراضي الناس زي ما قولتي

ربنا يستر و يهدي الكل

مواطن مصري said...

اة لينك الاغنية مش شغال عندي انا بستخدم كرووم

طنطـــا واى said...

وحياة ربنا كان نفسى ااقولك كلام من الحلو الناعم بتاع العيال صووووووحابك بتوع عظمة على عظمة واية الجمال دة واعد يا ست على اساس النظرية الرياضية السياسية اللى بتقول ان ( ام كلثوم هى اللى بتكرر او تقريبا بتكركر )كنتى ماشية عال العال وقلت نمدح بالصلاة على النبى لغاية ما لقيتك وكالعادة قلبتيها خل وكاتشاب لما جبتى سيرة اللى مايتسماش دة بدل من كلمتين شكر فى المناضل الثورى الذى اضاء الطريق لكل السياسين العرب الشهيد المفدى محجوب عبد الدايم صاحب اكبر حزب ومدرسة سياسيةنضالية مصرية اوروبية اسيوية مشتركة