خلصوا ليلة حرق القرآن دي

 تحديث:
القس المجنون لغى حفلة الحريقة والكداب الكداب قال انه عمل كده عشان المسلمين حينقلوا المركز الثقافي الاسلامي من جراوند زيرو، والمسلمين الامريكان اللي حيبنوا المركز نفوا الكلام ده 
المهم يعني الموضوع اتلغى الحمد لله
-------------
عشان احنا هنا لسه خارجين من علقة وكفاية بقى

معلش احنا بنتبهدل

القس المجنون قال انه مستعد يلغي الحفلة اللي هو عاملها لو البيت الابيض طلب منه كده

البيت الابيض ما يعملش حاجة غير بالتهديد

احنا مش لينا ناس في العراق وافغانستان مقطعين البطاقة؟ ما يبعتوا للبيت الابيض تهديد علني ان لو ده حصل حيولعوا في ميتين اهلهم ويجروهم قدامهم زي الخرفان وخلاص

ولا فيه ناس من المسلمين عايزة الموضوع ده يتم عشان يتاجروا بيه كويس؟ لا والنبي.. لا والنبي، مش عشان فيه كام واحد بيسترزقوا مليار ونص يتمرمطوا وتجيلهم الحالة اللي جات لهند صبري في اخر مسلسل عايزة اتجوز.. كفاية بهدلة بقى، وكفاية هوجات

انا زهقت من الهوجات، يعني القرآن اتعمل عليه بيبي وحارسة امريكية مسحت دم الحيض بورق القرآن في ابو غريب قدام المساجين (جتها القرف في شكلها مش محرجة طيب ان حد يشوفها بالمنظر ده؟) وماحدش عمل حاجة

رجالتنا طلعوا متصورين عريانين مالط وراكبين فوق بعض وماحدش عمل حاجة

نسوان نتانياهو دخلوا بالجزم الجوامع بتاعتنا وماحدش عمل حاجة

والاهم من ده كله، بلدين احتلوا تحت سمع وبصر العالم، وتلاتة ونص مليون اتقتلوا وحداشر مليون اتشردوا وبرضه ماحدش عمل حاجة

ليه؟

عشان ما كانش فيه هوجة اعلامية، احنا خلاص، بقينا حيوانات اعلامية، والقنوات الفضائية عربية وعالمية بتنططنا الليل الليل اللي يا ميمون واحنا ننط معاها

الاعلام الامريكي هو اللي عمل هوجة اعلامية على قصة حرق القرآن والبيت الابيض هو اللي بيدين الحدث واللي عامل القصة كنيسة امريكية والفاتيكان ادلت بدلوها برضه، وكل ده معمول عشان يغسلوا وشهم من الاسلاموفوبيا

لا

مش دليل على الاسلاموفوبيا دي

الاسلاموفوبيا انتشرت وهم عاملين حاجة صادمة مبالغ فيها عشان ناس كتير تستنكرها واللي له رزق في حتة يعمله، ويتحسب للبيت الابيض انه ندد بحرق القرآن ويتحسب للفاتيكان انها قالت لهم اخص عليك، ويتحسب للامريكان "المحترمين" انهم ساندوا المسلمين، والموضوع يخلص على ان: الغرب كويس وبيحبنا ووقف معانا ضد حرق القرآن ودي كانت كنيسة صغيرة وقس واحد وكان فيه ناس كتير كويسين، وبرضه ده ضمن خطة تحسين صورة امريكا والغرب في العالم الاسلامي، ماهم عاملين بروجيكت طويل عريض ومكلفينه قد كده ولحد دلوقت مش جايب نتائج وهم عايزين ينجزوا

وميمون بينط عندنا هنا، ويالا نهيص ونخرج من مظاهرات كاميليا على مظاهرات حرق القرآن وقبلها كانت مظاهرات الرسومات المسيئة وسبحان الله تزامنت الرسومات المسيئة مع صور رجالتنا العريانين في ابو غريب، والناس كانت بتصوت على كاريكاتير وماحدش صوت على تعذيب ناسنا وتصويرهم والامعان في التنكيل بيهم بنشر الصور

ولا تكونوا فاكرين الصحافة الامريكية صحافة حرة مستقلة وقال ايه المعلومات اتسربت واتنشرت الصور غصب عن البنتاجون وتفاجأوا بيها؟ الامامير قالوا لك ما بيخافوش من الموت وعمالين يقولوا حنستهشد وسبعين حورية وبتاع، طب احنا حنوريهم اننا حتى الموت مش حيطولوه، كارت ارهاب عشان كل من تسول له نفسه مقاومة الاحتلال يفتكر صور الرجالة العريانة، وفي نفس الوقت ما اتعملش عليها هوجة اعلامية عشان مش عايزين المسلمين يعملوا اي رد فعل اعتراضي او ثوري على الموضوع.. ولا ايه؟ ولا دي كمان محتاجة شرح يا ميمون؟

ايه يا ميمون؟ 

والنبي والنبي.. والنبي والنبي.. طالبان والقاعدة ينجدونا من الزار اللي احنا داخلين عليه ده احنا ورانا اشغال وورانا حاجات مهمة نعملها

فيتيون كده تهديد على صغير: لو عملتوا كده حنطلع ميتين ابوكوا لمدة سنة قدام جوة وبرة.. قوم البيت الابيض يخاف، قوم يقول للقسيس المجنون يلم تعابينه

بس بسرعة بقى.. والنبي القاعدة طلع لها لازمة اهو، واهو برضه ياخدوا بنط عند الناس ويبقى حرق القرآن اتلغى بدراع القاعدة وطالبان بدل ما البيت الابيض يحملنا جميلة "تسامحه" معانا ومنعه لحفلة الحريقة، حيعملوا كده؟ ولا هم كمان حاكتشف انهم بيسترزقوا على قفانا

ياااااااالا.. هي جات عليهم؟

انتخبوا مرشحكم الطبيعي

خدوا

وايا كان تفسيرات الفيديو ده

المسيحيين والمسلمين اللي عملوا مظاهرات في الكنائس والجوامع ما يستاهلوش غير اهديهم الصورة دي

الشبكة العربية تقدم بلاغا للنائب العام بشأن احتجاز كاميليا شحاتة

ولحد دلوقت ماحدش غيرهم هم اللي اتحركوا، وكانت المبادرة المصرية طلعت بيان، لكن لحد دلوقت ماحدش عمل مؤتمر وقدم بلاغ غير الشبكة العربية لمعلومات حقوق الانسان، وعلى فكرة ده مش مجال اختصاصهم، بس هم الوحيدين اللي عملوا شغل في الموضوع ده، ونسجل بقى الموضوع ده معانا في النوتة عشان الحاجات دي حتستخدم بعد كده

متهيالي ماحدش دلوقت له حق يتكلم في الحريات الدينية غير الشبكة العربية لانها الوحيدة اللي حاولت تحتوي الفتنة الطائفية رغم ضغط الامن انه يشعللها

الخبر هنا

ونص البلاغ اهو

نص البلاغ المقدم من الشبكة العربية للنائب العام حول اختفاء كاميليا شحاتة


السيد المستشار / النائب العام






تحية طيبة وبعد ،،،






مقدمه لسيادتكم / محمد محمود حسن المحامى بوحدة الدعم القانوني لحرية التعبير بالشبكة العربية لمعلومات حقوق الإنسان.






بخصوص ، طلب فتح تحقيق طبقا لنص المادة 25من قانون الإجراءات الجنائية






الموضوع






بتاريخ 18 /7/2010 طالعتنا الصحف باختفاء المواطنة المصرية / كاميليا شحاتة زاخر ، 24 عاما ،وهي زوجة أحد رجال الدين المسيحيين في محافظة المنيا ، حيث خرجت في ظروف غير معلومة من بيت زوجها الكاهن بكنيسة دير مواس وترددت أخبار أن الأمن المصري قام بتسليمها لأهلها الذين سلموها بدورهم إلي الكنيسة وقامت الكنيسة باحتجازها رغماً عن إرادتها في أحد الأديرة حيث تتحفظ عليها
الكنيسة منذ قرابة شهر وهو ما يعد ، إذا صدقت هذه الأخبار، أختطاف يعاقب عليه القانون ويدخل في حالات الاختفاء الغير طوعي التي جرمهاالقانون المصري و جرمتها الأمم المتحدة لا سيما وان العديد من الصحف قد نشرت أقوال منسوبة لبعض رجال الدين المسيحيين تزعم أن المواطنة كاميليا شحاتة المختفية بشكل غير طوعي ، تقيم الآن فى أحد الأماكن التابعة للكنيسة فى القاهرة بغير رغبتها تحت إشراف لجنة من الكنيسة.






ولما كان ما تقدم وكان كل هذه الوقائع تعد انتهاكا صارخا لنصوص القانون والدستور والمواثيق الدولية والتي نصت على حماية الحريات الشخصية والأمان الشخصي لكل المواطنين ، لاسيما وأنه ليس هناك أي جرم منسوب لها.


وقد نصت المادة (41) :من الدستور المصري على أن:






"الحرية الشخصية حق طبيعي وهى مصونة لا تمس وفيما عدا حالة التلبس لا يحوز القبض على أحد أو تفتيشه أو حبسه أو تقييد حريته بأي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع ويصدر هذا الأمر من القاضي المختص أو النيابة العامة وذلك وفقا لأحكام القانون"










كما تنص المادة (57) على:






"
كل اعتداء على الحرية الشخصية أو حرمة الحياة الخاصة للمواطنين غيرها من الحقوق والحريات العامة التي يكفلها الدستور والقانون جريمة لا تسقط الدعوى الجنائية ولا المدنية الناشئة عنها بالتقادم ، وتكفل الدولة تعويضا عادلا لمن وقع عليه الاعتداء ."










كما تنص المادة 9 /1 من العهد الدولي للحقوق الخاص المدنية والسياسية على أن:






لكل فرد الحق في الحرية وفى الأمان على شخصه ، ولا يجوز توقيف أحد ، أو اعتقاله تعسفا ، ولا يجوز حرمان أحد من حريته إلا لأسباب ينص عليها القانون، وطبقا للإجراء المقرر فيه.






وأيضا نصت المادة 18 من العهد الدولي الخاص للحقوق المدنية والسياسية :






1-
لكل إنسان حق في حرية الفكر والوجدان والدين. ويشمل ذلك حريته في أن يدين بدين ما، وحريته في اعتناق أي دين أو معتقد يختاره، وحريته في إظهار دينه أو معتقده بالتعبد وإقامة الشعائر الممارسة والتعليم، بمفرده أو مع جماعة، وأمام الملأ أو على حدة.






2- لا يجوز تعريض حد لإكراه من شأنه أن يخل بحريته في أن يدين بدين ما، أو بحريته في عتناق أي دين أو معتقد يختاره






3-
لا يجوز إخضاع حرية الإنسان في إظهار دينه أو معتقده، إلا للقيود التي
يفرضها القانون والتي تكون ضرورية لحماية السلامة العامة أو النظام العام أو الصحة العامة أو الآداب العامة أو حقوق الآخرين وحرياتهم الأساسية










كما تنص المادة 40 من قانون الإجراءات الجنائية على :






"لا يجوز القبض على أي إنسان أو حبسه إلا بأمر من السلطات المختصة بذلك قانوناً، كما تجب معاملته بما يحفظ عليه كرامه الإنسان، ولا يجوز إيذاؤه بدنيا أو معنويا "ً






ونحن نقدم هذاالبلاغ بموجب نص المادة(25)من قانون الإجراءات الجنائية التي نصت على:-






لكل من علم بجريمة,يجوز للنيابة العامة رفع الدعوى عنها بغير شكوى أو طلب أن بلغ النيابة العامة أو أحد مأموري الضبط القضائي عنها






لذلـــــــــــــــــــــــــــــــك






نلتمس من عدلكم اتخاذ اللازم قانونا نحو تحقيق الشكوى واتخاذ اللازم نحو مرتكبيها ،مع رجاء موافاتنا بما تم فيها من تحقيق ونتائجه.










وتقبلوا وافر الاحترام والتقدير






مقدم لسيادتكم






محمد محمود حسن المحامى


بوحدة الدعم القانوني لحرية التعبير بالشبكة العربية لمعلومات حقوق الإنسان.
---------------
وفي المحكات الناس بتبان، وانا شخصيا مش بانسي خالص
اظن واضح اني مش عارفة انسى لحد هوجة الجزائر، وفاكرة كويس مين اللي كان محترم، ومين اللي كان واطي، ومش ناسية المحترم، ومش مسامحة الواطي
وده محك شبه موقف الجزائر بالظبط، وكل واحد بان على حقيقته، اللي بيشتغل مع الامن بان، وكلب النظام بان، والنصاب بان، والمتسق بان، واللي بيتهم غيره بحاجة ولما يتحط في المحك هو نفسه يعملها بان، واصل الفتنة الطائفية ومصدرها اتعرف، واللي بيدعي التقدمية واعلاء القيم الانسانية وهو في حقيقته متعصب وبيخفي تعصبه وتخلفه واحساسه بالتفوق على الاخر بان، وابن الاصول بان، وابن الكلب بان، واللي بيزايد بالزور بان، والصادق بان، كله بان
كل الناس في الموقف ده بانوا على حقيقتهم
وانا قلبي اسود كالعادة، ومش بانسى لحد اي حاجة، ولا بانسى افضال الناس كمان
وده لقاء جمال عيد مع قناة الحرة اللي اتكلم فيه عن كاميليا شحاتة

البرادعي مسافر تاني

ايوة ايوة.. راجل وراه اشغال ومؤتمرات وتكريمات ومش فاضي لنا ولا لرغينا وكلامنا الفارغ، لازم يسافر يشوف مستقبله، بس على حسب ما وصلني الخبر انه مسافر يتفسح.. وماله، حبيب قلبي، ربنا يسعده يارب، ماهو لازم يفك عن نفسه شوية بعد التعب والارهاق والمجهود الفظيع اللي عمله، هو الراجل ون من ساعة ما جه، عمل فطار وبكرة عامل سحور واكيد اتفرج على زهرة وازواجها الخمسة ويمكن يكون شاف نادية الجنسي وهي بتضرب بالشلاليت وده مشهد مرهق جدا على فكرة، اسألوني انا، نادية بتقضي على الصحة البدنية والنفسية والعقلية، انا اللي متخصصة فيها بابذل جهد كبير عشان اتفرج عليها

بس انا خلاص.. مش حاقول له خليك هنا خليك بلاش تسافر، ولا حاقول له ليه خليتني احبك، ولا حاقول له جاي في ايه وسافرت في ايه وما ريحتش عندنا ليه

كلمة واحدة حارد بيها على كل اللي عمله فيا

اهو

مين اللي قتل صافي سليم؟

ايه ده؟ الظابط؟ والله ابراهيم عيسى قال لي من فترة تفتكري مين اللي قتلها قلت له الظابط راح ضاحك عليا

بس ما يتهيأليش، يمكن الصحفية

ابراهيم عيسى بيقول يمكن ابوها

وزنوبيا بتقول الوزير السابق السكران اللي ظهر في اول الاحداث لانه طول الاحداث ما ظهرش لحد دلوقت وماحدش جاب سيرته

ومعتز بيقول حتطلع عايشة في الاخر

وماما بتقول صاحبتها اللي هي كارولين

وانا قلت لهم دلوقت على التويتر يمكن يكونوا كلهم اتفقوا مع بعض عشان يقتلوها، يعني نديم كمال والظابط وصاحبتها والصحفية ورئيس التحرير كلهم كلهم اتفقوا مع بعض وخططوا لقتلها

هههههههههههههههههه ودي تخاريف صيام طبعا، احنا اخر الشهر ورمضان فحتنا

بس والله تخمين زنوبيا معقول

حنشوف

النكتة لو طلعت انتحرت هههههههههه

عموما لازم تقولوا لي المواعيد الجديدة ليلة العيد اللي هي الحلقة الاخيرة، ليلة العيد المواعيد بتتلخبط فلازم تقولوا لي الحلقة الاخيرة مواعيدها امتى يوم تلاتين

مش انا شفت حلقة من حلقات نادية الجنسي... ايه العظمة دي؟ دي تفوقت على نفسها بصراحة، وانضربت.. اه والله انضربت بالشلاليت، والحمد لله لحقت اشوف الحلقة اللي هي بتنضرب فيها، اكيد فاتني ضرب كتير، بس للاسف ما قالتش لاعااااا بس اكيد حتقول لاعاااا في اخر حلقة

جلال عامر القمر

لا إله إلا أنت سبحانك إني كنت من الظالمين

همممممممممممممم

المفروض اني عاملة البوست ده عشان اصالحكوا، بناء على تأنيب طنط محسنة توفيق وماما على البوست اللي قبل اللي فات، قعدوا يقولوا لي حرام عليك، دول غلابة، بتعملي فيهم كده ليه؟ وحسسوني انهم بيتكلموا عن مراهق عنده اربعتاشر سنة واني عقدته وهدمت تصوره عن نفسه وما راعتش السن الحرجة اللي هو بيمر بيها وقلت له وشك فيه حبوب ودمك تقيل ومستوى ذكاءك اقل من المتوسط، مما قد يؤدي انه لما يروح المدرسة يضرب زمايله وممكن ينحرف ويشرب سجاير بسبب الكلام القاسي اللي قلتهوله، ومش بعيد يطفش ويسيب البيت

وطنط محسنة قالت لي: لما هم شعب واطي حارقة نفسك عليهم ليه؟ قلت لها: عشان انا واطية زيهم.. فبهتت

كانت خالتي الكبيرة الله يرحمها، عبقرية في الرياضيات البحتة، كانت دايما تقول: كله زيفت كله أرف وأنا كمان حمارة. ماما قالت لي انت عملتي زي خالتك: كله زيفت كله أرف وأنا كمان حمارة.

قلت لها ما كان معاها حق، فقالت لي: وذا النون إذ ذهب مغاضبا فظن أن لن نقدر عليه فنادى في الظلمات أن لا إله إلا أنت سبحانك إني كنت من الظالمين

بتوجع لي قلبي أمي.

فتحت المدونة عشان اصالحكوا، بس غبائي خلاني افتح الريدر وابص على كام مدونة على كام موقع على كام جرنال على كام تعليق من تعليقات الناس اللوز......... اففففففففففففففففف استغفر الله العظيم، له حق اسامة غريب يطلب من الدستور تقفل التعليقات وقال لي: ده اللي بيشكروني على المقال بيغيظوني اكتر من اللي بيشتموني عليه، بالاقيهم بيشكروني على عكس اللي انا كاتبه

وانا اياميها كنت حنينة وقلت له: ليه؟ ما تسيب الناس تنفس عن نفسها، انا في الاول كنت باقرا التعليقات على مقال الدستور واهتم ارد عليها، وبعدين لما اكتشفت ان جل المعلقين عصابيين بطلت ابص عليها، بس ما قلتش يقفلوا التعليقات لان دي ناس محتاجة تنفك

بعد ما اتغميت من الجولة النتية قفلت وقلت ابقى اصالحهم بعدين، لما انزل الشغل وارجع

نزلت الشغل فطبعا قابلت ناس... مشكلة دي اني اقابل ناس، هلاوس سمعية وبصرية

بس سواق التاكسي قال لمحمد ان العيد يوم السبت عشان رمضان السنة دي 31 يوم، وما كانش بيهزر، كان بيتكلم جد، اصل محمد مهتم يعرف العيد امتى، وقال لي انه سألني عشان مسلمة وسأل صلاح عشان شيوعي وسأل التاكسي عشان من السكان الاصليين زي ما بلال بيقول عليهم، ومن خلال تجميع اجاباتنا يقدر يعرف الاجابة الصحيحة من خلال معرفة المتوسط، ومش عارفة محمد مهتم ليه بالعيد مع انه مش صابم، ومش مسلم اساسا، وطبعا زي اي واحد مش مسلم وجاي من اسرة مسلمة رأيه المسلمين هم الغلطانين في كل حاجة وغلطانين اساسا انهم اتولدوا

وطبعا زي اي مسلم مولود في اسرة مسلمة قرر غيره من بقية الزملا ان المسلمين اصلا ما بيغلطوش لان معاهم توكيل من ربنا يعملوا اللي هم عايزينه وبتاع الامن قرر ان بتوع النت كدابين، وان الريس ما قالش اسرة حسنة، ده بتوع النت هم اللي فبركوا له الفيديو، واذاعة القاهرة الكبرى افشل اذاعة في التاريخ، وصاحبتي المسيحية بتقول هلاوس عن جدي اللي من الف سنة اللي كان فقير وعشان كده دخل الاسلام لانه ما دفعش الجزية واللي يضحك ان المسلمين بيزعلوا من كلامها ده، واللي يضحك اكتر انها بتزعل من زعلهم، وكلهم مصدقين حكاية خطف البنات، بس كل واحد فاكر ان التاني بيخطف البنات من عنده، والمدير رايح جاي بدفتر الامضا كأنه متجوزه على مراته عرفي، والعيال كلهم بيتخانقوا على صياغة خبر ماحدش حيقراه اساسا لان ماحدش بيشوف القناة بتاعتنا، وصاحبتي التانية بتتابع مسلسل العار وتقريبا هي الوحيدة اللي ممكن تتابع مسلسل زي ده،

المهم يعني...

ما تزعلوش

اكتئاب

خلاص.. جه، شرف الاكتئاب، كنت عمالة اقاومه، بس هجم، دايما بيجيلي بعد حالات الغضب الشديدة، وما عرفتش اسيطر

عندي قرف وعمالة اكل زي الجاموسة.. مافيش حاجة بتضحكني دلوقت غير لما سمعت خطاب الرئيس وقال: لقد كان لنا في رسول الله اسرة حسنة

بس انا قرفانة

:((

آه يا واطيين يا رمم يا عرة خلقه

واياك ثم اياك شيوعي يدخل لي ويقول لي الناس ونبض الناس وليه بتتكبري على الناس وانتوا النخبة العفنة عملتوا ايه للناس، انا اساسا مش نخبة، انا اوشة اخت مليجي.. وده شعب واطي، بس هه.. اييييييووووووة ايوة ايوة ايوة

واذكر فيما اذكر ان ايام الجزائر انا قلت ماليش دعوة بام الناس دي خلاص، ورجعت بقلبي الوسخ ما هانش عليا وصعبوا عليا تاني وقلت غلابة وانضحك عليهم

الافندية الدلاديل اللي ما شفناش خلقة امهم على قطع كهربا ولا مية ولا ازمة عيش ولا بوتجاز ونازلين يهللوا على موضوع كاميليا وما عندهمش مخ يشغلوه: ازاي امن الدولة يسلم كاميليا وازاي في نفس الوقت فاتح لنا الجوامع نعمل فيها مظاهرات احتجاجا على تسليمه لها

ما عندهمش مخ؟ ده انا اللي ما عنديش مخ وهابلة وبريالة كمان

انا حاتصدم في مين ولا في مين، لا بس انا بطلت اتصدم في الناس، لا بصراحة اتصدمت، اصل كنت فاكراهم اغبيا، طلعوا اشرار

الافندية عملا وش كده لامريكا وامن دولة في ذات نفس الوقت، ما لقتوش اوسخ من كده تعملوا خدكوا مداس ليه؟

اللي عاملين الحملة بتاعة كاميليا على حسب المصري اليوم والدستور بعتوا جواب لاوباما يقولوا له عايزينك تعلم المسلمين والعرب درس في الديمقراطية

قال لك ده بعض الناشطين مش كل الناس

طب وبعض الناشطين مش كل الناس اللي لما واحد هتف ضد امن الدولة سكتوه وهتفوا ضد الكنيسة؟

هم صحيح الافندية التانيين هتفوا: يا جمال حتبقى الريس خطف بناتنا مش كويس، بس انا قلت عادي، اقصد يعني ومن غير ما المسيحيين يزعلوا.. (ولا يزعلوا في داهية انا مش طايقاكوا كلكوا يا شعب ماتشات الكورة يارب سيد معوق يبقى رئيس جمهوريتكوا)، بس المسيحيين انا واخدة منهم على الهتافات الخرا لانهم اصلا بيعملوا مظاهرات خرا لاسباب خرا ومافيش حاجة هماهم غير المدام اسلمت الانسة نزلت تجيب ورقة بوستة وما رجعتش... وواخدة ان الاسلاميين ما بيحبوش يهتفوا ضد مبارك، عادي متعودة منهم على كده، لان طول عمرهم اندال وجبنا ومتعودين على الندالة وفنجرة البق اللي في السليم وما تعورش واول ناس ساعة الجد يخلعوا، انما توصل انهم يسكتوا اللي بيهتف ضد امن الدولة؟ في وشنا كده؟ في وشنا بتقولوا لنا ان امن الدولة حبيبكم وخايفين على زعله؟ ليه؟ طب ده حتى امن الدولة ده شتيمته ما بتعورش وامير وباله طويل وصابر على الشتيمة يعني، حتى كنتوا تعملوا بق نضالي من ابو بلاش اللي انتوا متخصصين فيه والناس حمالة أسية يعني طول عمرها... ليه الوساخة دي؟ ليه الوساخة المجانية دي؟ 

هو انا ايه اللي كان رجعني اهتم بالعالم الوسخة دي تاني بعد ما كنت اعتذرت لمبارك وابنه عن تهوري؟ فكروني كده؟ فكروني؟

جواب لاوباما؟ وده مين اللي بعته ده؟ طب الحمد لله بقى ان بتوع حروق اللسان كانوا مديين الطرشة للموضوع من اوله والا كانوا لبسوها عشان سمعتهم الخرا هم راخرين وبصراحة تلبس فيهم وتليق عليهم بس ما تجيش منهم عشان هم مش بالغباء ده، هم بيعملوا اوسخ من كده

مين بقى اللي ماسك حملة كاميليا وبعت الجواب ده؟ انهي اتجاه يعني؟ اخوان ولا سلفيين ولا الاتنين مع بعض؟ مش مهم، اهي ناس قذرة وواطية ودون ورمة وخلاص

اييييييييييييييييييييه القرررررررررررررفففففففففففففففففف دهههههههههههه

ايه البلد الوسخخخخخةةةةةةةةةةةةةةةةة دييييييييييييييييييييييييييي

اوووووووووووووووووووووووووعععععععععععععععععععععععععععععععععععع

طراااااااااااااااااااااااششششششششششششششششششششش

وما اسمعش حس حد من بتوع الناس والشعب والجماهير والكلام الفارغ ده في ام المدونة دي، ده عمالين يتطوروا في الوساخة اسم الله عليهم، ده ايام وساخة الجزائر كانوا لسه فيهم خير، دلوقت بقوا مأجورين رسمي نظمي فهمي ومأجورين ببلاش على فكرة، يعني لا اوباما ولا امن الدولة دافع لهم... يا سلام؟ وانا مالي واثقة قوي كده؟ هو انا مش حابطل غباء وحمورية انا راخرة بتخلفي وعتهي ده جتني نيلة في حموريتي، ايه الثقة الفظيعة اللي باتكلم بيها دي؟ "لا اوباما ولا امن الدولة دافع لهم" يا سلاااام، يا سلام ياختي انت ايش ضمنك؟ مش عارفة حاجة ما تفتيش فيها يا فتاية يا فتاية يا متخلفة جتك نيلة في وساخة مخك يا شيخة انت كمان

انا حارجع تاني اعتذر لمبارك وابنه ولا ايه؟ الناس طولت بالها عليا كتير على فكرة، وانا عيلة وكل شوية ارجع في كلامي وانسى المقلب اللي عملتوه فيا وارجع اعاديهم عشانكوا تاني.. وانا كويسة، انا مالي؟ كويسة، الراجل ما أذانيش في حاجة

لا هو ولا ابنه... انا عرفت دلوقت الكردي قلب مية وتمانين درجة ليه؟

هو انا كل شوية حاتصدم؟ والله مش ذنب الناس، ماحدش ضحك عليا وقال لي احنا ناس كويسة، انا اللي حمارة وغبية ومخي زنخ ومتخلفة ومعتوهة.. بارمي بلايا على الخلق ليه انا راخرة جتني ونش يشيلني

ياربي اروح فين ياربي؟ ياربي اروح فين؟ لا مسلمين نافعين ولا مسيحيين فالحين ولا ملحدين يتخيروا عنهم، ولا اعلام محترم ولا مؤسسات دينية نضيفة ولا قانونيين عليهم الطلا ولا عارفين يعملوا حاجة ياربي اعمل ايه؟ لا عارفين يشجعوا كورة زي الناس ولا عارفين يعارضوا زي الناس من غير ما يشتغلوا اراجوزات ومرتزقة ولا عارفين حتى يبقى عندهم دين زي الناس؟ وانا راخرة متخللللللللللللفففففةةةةةةةةةةةةة متخلللللفففففةةةةةةةةةةةةةةة نموذج للتخلف العقلي والفكري والشعوري والسمعي والبصري... وقاعدة زي اللي اخد 176 قفا على سهوة، وكل شوية اتخض واتضايق واحرق في دمي واتصدم، لا والمصيبة دمي بيتحرق بجد والله، معتوووووهةةةةةةةةةةةةةةةةةةةة 

قال وقاعدة انظر بمؤامرة على البلد، والشخاخ اللي مخ الناس ده مؤامرة على البلد؟ ولا هي شبكة صرف صحي ربنا خالقها كتطور جيني طبيعي للكابنيهات اللي كانت في امخاخ جدودهم؟  اه.. جدودهم الفراعنة.. فراعنة.. فرحانين قوي بالفراعنة، على الله كل اللي فرحان بيهم يتشوي معاهم في جهنم الحمرا.. بس كده

انا مالي ومالكوا؟ ها؟ مالي ومالكوا؟ وانتوا مالكم ومالي؟ بتقروا ام المدونة ليه دلوقت؟ ما تقوموا تعملوا لكوا حاجة مفيدة في حياتكوا بدل قراية اللت والعجن ده.. ومافيش افيد من النوم، الايام الخرا ديتها النوم ونوم الظالم عبادة.. يالا فز اتخمد.. وانا رايحة اتخمد قادر الكريم ما اصحاش

اوباما وامن الدولة وجمال مبارك في ساعة واحدة يا شعب؟ طيب يا بني ادمين

هو العشا امتى؟

أورأور اللي هو سيف الله مختار في عماشة في الادغال باعت رسالته... هو العشا امتى، بس اوعى بقى.. اوعى، ده اوراور... اكسلانت ناوناو.. لا تقول لي محمد ولا علي ولا ابراهيم، على الاقل التعاون اللي بين محمد وعلي وابراهيم بيخليهم يكتبوا جمل مفيدة، انما اوعى بقى من ابداعات اكسلانت.. اوعى

مأزق حرج للإسرائيليين بعد مقال الرئيس
(اهو الاستفتاح لبن.. ولما مقالات بسلامته بتحرجهم كده ما كتبلناش موسوعة بحالها وموتهم من الاحراج من زمان ليه؟)
ممتاز‮ ‬القط‮ ‬يكتب من واشنطن‮ :‬


أختتمت أمس الأول في واشنطن الجولة الأولي لمفاوضات السلام المباشرة بين الفلسطينيين والإسرائيليين،‮ ‬والتي سوف تتواصل كل أسبوعين خلال المرحلة القادمة‮. ‬بدأت المفاوضات وسط توقعات كثيرة بأنها لن تؤدي إلي نتائج ملموسة،‮ ‬لتضاف إلي السجل التاريخي لمحاولات التوصل إلي حل عادل للقضية الفلسطينية‮.‬
تاريخ طويل من الفشل والفرص الضائعة،‮ ‬استمر عقدين من الزمن،‮ ‬ليصبح أطول وأعقد تاريخ للتفاوض منذ مؤتمر مدريد عام ‮١٩٩١‬،‮ ‬وحتي مؤتمر أنابوليس في عام ‮٧٠٠٢. ‬ورغم مئات الجولات من التفاوض المباشر وغير المباشر،‮ ‬ظلت المشكلة بلا حل،‮ ‬بل شهدت مزيداً‮ ‬من التعقيد والتوقف استمر ما يقرب من عامين،‮ ‬في أعقاب الاعتداء الإسرائيلي الوحشي علي‮ ‬غزة عام ‮٨٠٠٢.‬
(مش حاسألك رايح ليه مدام يائس، لأن أورأور كان دايما يسأل: هو العشا إمتى؟)
وجاءت الجولة الجديدة من المفاوضات،‮ ‬في إطار تعهدات الرئيس الأمريكي أوباما بسرعة التوصل إلي حل يقوم علي أساس إقامة الدولتين،‮ ‬متوافقاً‮ ‬مع القرار ‮٥١٥١ ‬الصادر من مجلس الأمن (وايه قرار خماشر خماشر ده يا معلم؟ مش كان 242؟ لحستوه؟ ولا مسحتوا بيه.... الترابيزة اللي حتقلبوها على اسرائيل في مقال محمد وعلي وابراهيم؟)،‮ ‬وهو أول قرار يطالب بإقامة دولة فلسطينية بجانب إسرائيل‮.‬
خيار المفاوضات المباشرة التي بدأت في واشنطن،‮ ‬جاء في أعقاب فشل عملية التفاوض‮ ‬غير المباشر (فطبعا قلتوا نكمل الفشل مدام العشا حاضر)،‮ ‬التي قام بها الوسيط الأمريكي جورج ميتشيل،‮ ‬والتي وضح من خلالها زيادة تباعد المواقف بين الطرفين الفلسطيني والإسرائيلي،‮ ‬وتزايد إحساس المجتمع الدولي بخطورة الموقف الذي يهدد التوازن بالمنطقة‮. ‬ويمكن القول إن تلك الجولة من المفاوضات المباشرة،‮ ‬تمثل حصيلة لضغوط اقليمية ودولية علي الطرفين،‮ ‬من أجل التوصل إلي حل عادل،‮ ‬ودون أي شروط مسبقة،‮ ‬ودون استثناء لأي من الملفات المعلقة،‮ ‬مثل الحدود النهائية واللاجئين والأمن والقدس والأسري والمستوطنات‮.
(كان زميلك اللي حاطط ايده تحت الترابيزة عشان يقلبها قال ان الحاجات دي مش حتتناقش)‬ 
وقد ثارت في الأيام القليلة الماضية‮ - ‬ولاتزال‮ - ‬تساؤلات عديدة حول مشاركة مصر والرئيس مبارك،‮ ‬في مفاوضات محكوم عليها سلفاً‮ ‬بالفشل (هههههههه اهو جابها لكوا على بلاطة.. امال انا باحبه من شوية؟)،‮ ‬غير أن ثوابت الموقف المصري الداعم للفلسطينيين،‮ ‬والذي يمثل نوعاً‮ ‬من المؤازرة،‮ ‬وعدم ترك الفلسطينيين فرادي في مواجهة الطرف الإسرائيلي،‮ ‬وخبرة مصر الطويلة في التفاوض،‮ ‬تؤكد أهمية وضرورة هذه المشاركة (يعني رايحين تجاملوهم في الافراح؟ هي حفلة طهور؟ ولا رايحين يولدوا وانتوا ماسكين طشت المية السخنة؟ احزق يا عباس احزق.. وبعدين خبرتنا ايه اللي في التفاوض اللي حنفيدهم بيها؟ حنبيعهم حدودهم وغازهم ونعمل زي المرحوم ما خرج الاسرائيليين من سينا ودخل الامريكان مصر كلها؟ يا قلب امهم هي اقصى امانيهم انهم يبقوا زينا؟ طب ما يقولوا كده يعني هي امريكا حتتأخر عن احتلالهم؟ هو العشا امتى؟)،‮ ‬بالإضافة إلي الارتباط الوثيق بين الأمن القومي المصري،‮ ‬وأي نتائج أو اتفاقات قد تتم من خلال هذه المفاوضات‮ (انت مش بتقول محكوم عليها بالفشل؟ نتائج ايه بقى؟ ااااااه امن قومييييي، يعني حنساعدهم يقبضوا على حماس ازاي؟ حنساعدهم ينزعوا سلاح المليشيات الفلسطينية ازاي حنساعدهم يكسروا نفس الناس ويخنقوا جواهم الكرامة ويحولوهم لشعب تافه اقصى اهتماماته الكورة والحريم اللي بتطفش من اجوازها بسبب خبرتنا الطويلة في دعك مناخير الصعايدة في الرصيف وخصي الرجالة وتجنين الستات وتحويل الاطفال الى مشاريع مجرمين ناجحة وخلق فتن طائفية من الهوا، واللي يقدر على تمانين مليون يجننهم ويهبلهم ويمشيهم يكلموا نفسهم يقدر يفرم سبعة مليون بصباعه الصغير... صح؟ هو العشا امتى؟).‬ لا شك أن مشاركة مصر في هذه المفاوضات تدحض أي محاولات إسرائيلية للتنصل من التزامات تحقيق السلام،‮ ‬وفق مبدأ الدولتين،‮ ‬فقد تحججت إسرائيل بأن الانقسام،‮ ‬وعدم تحقيق المصالحة الفلسطينية بين السلطة وحماس،‮ ‬يعني تحميل الجانب العربي والفلسطيني المسئولية عن فشل التفاوض،‮ ‬وتبرئة ساحتها أمام الجانب الأمريكي،‮ ‬وأمام المجتمع الدولي (فإيه؟ فمشاركة مصر حتعمل ايه للانقسام الفلسطيني اللي بتحجج بيه اسرائيل؟)‮.‬ ولأن الاجتماعات تتم في‮ ‬غرف مغلقة (فممكن نتانياهو يستفرد بعباس ويسلبه أعز ما يملك واحنا رايحين نحافظ على شرفه)،‮ ‬ولأنه يصعب أحياناً‮ ‬الحكم علي النوايا،‮ ‬ولأن المناورات جزء من سياسة إسرائيل في التفاوض،‮ ‬فقد جاء مقال الرئيس مبارك الذي نشرته صحيفة النيويورك تايمز‮ - ‬صباح الأربعاء الماضي‮ - ‬لكي‮ ‬يضع النقاط علي الحروف،‮ ‬في بادرة تمثل نوعاً‮ ‬من الحكمة والرؤية الثاقبة للرئيس مبارك،‮ ‬ومواقف مصر الواضحة والصريحة،‮ ‬وتمسكها بالشرعية الدولية،‮ ‬وبكل الثوابت العربية‮ (هو القطقوط نتائجه ليه مش مترتبة على مقدماته؟ لأن الاجتماعات في غرف مغلقة والنوايا مش سليمة والمناورات الاسرائيلية مش مضمونة فالرئيس كتب مقال في النيويورك تايمز، لأن رمضان كان حر السنة دي، ولأن كان فيه ناس كتير فاطرين، ولأن مسلسل الجماعة بضان، فأنا حطيت الموبايل في الشاحن). المقال الذي حمل عنوان‮: »‬خطة السلام في متناول يدنا‮«‬،‮ ‬يمثل جزءاً‮ ‬من سياسة الشفافية التي تنتهجها مصر في سياستها الخارجية،‮ ‬وفي تعاملها مع القضية الفلسطينية بالذات،‮ ‬وعدم قبولها لأي تناقضات بين ما يقال في العلن،‮ ‬وما يقال في الغرف المغلقة (آآآآآه يعني عشان اسرائيل بترواغ وبتقول كلام وبتعمل كلام ومش معرفة حد خططها وبتشتغل في السر ومش بتعلن نواياها فالرئيس قرر يفضحنا كلنا فضيحة المطاهر يوم طلوعه على المعاش ويكتب كل نوايانا وخططنا آآه آه آه.. عشان يكسف الاسرائيليين من نفسهم يعني، ايه الحداقة دي كلها)‮.‬ وعلي حين اختلف كل المراقبين،‮ ‬وحتي كبار المسئولين المشاركين في هذه المفاوضات،‮ ‬حول ما يمكن بحثه وما يمكن التوصل إليه،‮ ‬جاء مقال الرئيس‮ ‬يحمل خطة سلام مصرية (وبإذن الله حتنجح نفس نجاح وقفة مصرية بالظبط، فلوس كتير تتصرف عليها وبرضه الناس بتخلف)،‮ ‬تضمن عدم تكرار الفشل الممل إن خلصت النوايا (صح.. ربنا يديكوا على قد نيتكوا وكفى بها دعوة)،‮ ‬وكان الإيمان بالسلام نابعاً‮ ‬من العقل والقلب والمنطق (ومدام اسرائيل جابت كوفرتينا ‮يبقى الفرح علينا).‬ وقال بعض المراقبين الأمريكيين إن المقال‮ ‬يضع إسرائيل في مأزق حرج،‮ ‬وينزع منها كل الذرائع التي قد تبديها خلال عملية التفاوض‮ (وينزع عنها ملابسها حتى ما اذا قلب عليها محمد وعلي وابراهيم الترابيزة لم تجد حائلا بينها وبين الشوربة السخنة.. طب وحياة حبيبك النبي لتقول لي من بعض المراقبين الامريكيين دول؟ الروم سيفريس بتوع الاودة صح؟). ‬وأشاروا إلي أن المقال كان مفاجأة أربكت الجانبين الإسرائيلي والأمريكي (ليه كده؟ كان واكل فجل قبلها ولا ايه؟)،‮ ‬لأنه تضمن رؤية للسلام لا‮ ‬يمكن لأحد الاختلاف حولها،‮ ‬وزعموا أنها أعطت للفلسطينيين حقوقاً‮ ‬أكبر بكثير من تلك التي تمثل حدوداً‮ ‬قصوي،‮ ‬لأي تنازلات‮ ‬يمكن أن تقدمها إسرائيل خلال التفاوض‮ (إيه؟ مين؟ فيكما كذلك ياربي؟ فيكما كذلك؟). ‬وقالت وسائل الاعلام الأمريكية أن مقال الرئيس مبارك،‮ ‬حوّل عناصر الضعف الفلسطيني إلي عناصر قوة (وحول الحبل لتعبان، وحول الجلة لكراملا، وحول المكالمة على حساب نتانياهو وكارته خلص وبقى منظره سيس خصوصا لما الست طلعت وقالت له لقد نفد رصيدكم)،‮ ‬ستجد أمريكا نفسها مضطرة لقبولها‮. ‬وأشارت إلي أن الرئيس مبارك طرح بقوة فكرة السلام الشامل (يعني راح رازع السلام الشامل على الترابيزة جامد كده.. ماهو خلوا بالكوا الترابيزة دي حتتقلب كمان شوية)،‮ ‬وبما‮ ‬يشكل ضغطاً‮ ‬علي الجانبين الأمريكي والإسرائيلي،‮ ‬في ضرورة البحث الجاد حول ضرورة وسرعة بدء مسارات التفاوض مع السوريين واللبنانيين‮ (كل ده عشان كتب مقاله؟ ده انا كان زماني حليت وسط الكرة الارضية بامتار المقالات اللي باكتبها).‬ ‮أول الثوابت التي أكدها الرئيس مبارك في مقاله،‮ ‬ودحض بها الموقف الإسرائيلي المسبق من التخوف من الانقسام الفلسطيني،‮ ‬ما أكده من استعداد مصر لاستئناف جهودها لتسوية القضايا الصعبة المرتبطة بقطاع‮ ‬غزة،‮ ‬وذلك من خلال التوسط لإنجاز اتفاق لتبادل الأسري بين إسرائيل وحماس،‮ ‬وربط الرئيس ذلك بضرورة وضع نهاية للحصار الإسرائيلي المفروض علي‮ ‬غزة‮ (هههههه قام الاسرائيليين وقعوا على ضهرهم من الضحك وقالوا له: آه يا نمس.. ما احنا دافنينه سوا).‬ وشدد الرئيس مبارك علي أن استبعاد قطاع‮ ‬غزة من إطار السلام،‮ ‬يعني بقاءه كبؤرة للصراع،‮ ‬تقوض أي اتفاق مستقبلي للتسوية‮.‬ وأعتقد جازماً،‮ ‬أن هذه الرسالة إن كانت تدحض موقف إسرائيل فإنها‮ - ‬أيضاً‮ - ‬تمثل رسالة لحركة حماس،‮ ‬التي حاول بعض قادتها الإيهام بمحاولة استبعادهم من ملفات التسوية‮ (ونص الرسالة بيقول: خشوا اتعشوا وناموا يا حماس واحنا حنتفق ونبلغكم بالاتفاق وتسلمونا الاسير اللي عندكم نسلمه لاسرائيل وتدخلوا اودتكوا تذاكروا عشان عندكوا شهادة السنة دي).‬ ثاني هذه الثوابت،‮ ‬والذي يمثل رسالة واضحة لإسرائيل ولكل الأطراف العربية،‮ ‬وينبع أساساً‮ ‬من موقف مصر الذي كان واضحاً‮ ‬منذ البدايات الأولي لعملية السلام،‮ ‬وهو ضرورة تحقيق السلام الاقليمي الشامل بين العرب وإسرائيل،‮ ‬انطلاقاً‮ ‬من المبادرة العربية للسلام‮.‬ مصر سعت‮ - ‬ولاتزال‮ - ‬منذ اليوم الأول لانطلاق عملية السلام بينها وبين إسرائيل،‮ ‬لأن يكون السلام شاملاً،‮ ‬غير أن الفرص الضائعة من العرب كانت‮ - ‬للأسف‮ - ‬كثيرة (بيقول ايه يا ناس؟ بيقول ايه؟ انا باعيط.. دي ولا قصيدة أممكن بتاعة محمد هنيدي: حبيبتي، تعالي.. انت يا بت.. يووووووه أممكن)‮.‬ ‮ثالث الثوابت التي شدد عليها الرئيس مبارك في مقاله هي أن السلام والاستيطان أمران متعارضان،‮ ‬وأنه من الضروري وقف هذا الاستيطان،‮ ‬وتجديد فترة تجميد بناء المستوطنات التي تنتهي يوم ‮٦٢ ‬سبتمبر الحالي (لا يا قطقط انا قريت المقال وهو ما اتكلمش خاااااالث عن وقف الاستيطان، هو اتكلم عن تجميد الاستيطان، عارف الفرق؟ والنبي شكلك ما عارف حاجة، دي حاجة كده زي الفرق ما بين احتفالك بعيد ميلاد الريس وبين ازازة الفانتالوب بتاعة مصيلحي)‮.‬ وجاء رابع الثوابت التي أكد عليها الرئيس مبارك،‮ ‬لتدحض نظرية دواعي الأمن التي لا تمل إسرائيل من ترديدها،‮ ‬وتجد صدي وهوي (هوييييي؟ هوييييييي؟ وحياتك يا سي الافندي اقفل شباكك احسن جاي منه هويييييي) كبيراً‮ ‬لدي الإدارة الأمريكية،‮ ‬ولا نبالغ‮ ‬عندما نقول لدي المجتمع الدولي كله‮.‬ للمرة الأولي يتم التوافق بين مطلبي حاجة إسرائيل للأمن،‮ ‬وحاجة الفلسطينيين لضرورة الانسحاب الكامل من الأراضي المحتلة‮ (واد يا دقدق بييت الكتاكيت؟ حميت العيال وفليتهم؟ وديت الغسيل لام محروس؟ ايوة، وبتقولك عدي عليها عشان فيه غسيل تاني). ‬وذلك من خلال ما طرحه الرئيس من إمكانية تواجد قوات دولية في الضفة الغربية،‮ ‬لمدة زمنية محددة يتفق عليها الجانبان،‮ ‬وتوفر الثقة والأمن للطرفين (وبدل ما الفلسطينيين والاسرائيليين يتخانقوا على حتة ارض والاخوات يقعوا في بعض، نديها للقوات الدولية وهي تطردهم هم الاتنين)‮.‬ ‮حقيقة أخري أكد عليها الرئيس مبارك،‮ ‬وتمثل ركيزة أساسية يمكن من خلالها تحقيق تقدم سريع في المفاوضات،‮ ‬وهي أن تبدأ من حيث انتهت (لهو انتوا كنتوا ناويين تبتدوا من الاول خالص؟ من ايام ايه؟ السادات ولا عبد الناصر ولا هرتزل؟)،‮ ‬خاصة المفاوضات التي تمت في منتجع طابا عام ‮١٠٠٢‬،‮ ‬التي اقترب فيها الطرفان أكثر من أي وقت مضي (استغفرررررر الله العظيم.. وين هنادي ياماي)‮.‬ وشدد الرئيس علي أن الإطار العام للتسوية واضح،‮ ‬ويتمثل في إقامة الدولة الفلسطينية علي الأراضي التي احتلتها إسرائيل عام ‮٧٦٩١‬،‮ ‬علي أن تكون القدس عاصمة لكلتا الدولتين (ما قالش كده ما قالش كده يا كداااب يا كداااااب المقال اهو)،‮ ‬كما أن جولات المفاوضات السابقة حسمت الكثير من التفاصيل الخاصة بالتسوية النهائية،‮ ‬لقضايا اللاجئين والحدود والقدس والأمن‮.‬ حقيقة،‮ ‬البداية من حيث انتهت المفاوضات تضع إسرائيل في موقف يصبح من الصعب الفرار منه‮.. ‬فلا شك أن المفاوض الإسرائيلي يسعي‮ - ‬دائماً‮ - ‬إلي العودة للمربع رقم صفر،‮ ‬وتضييع الوقت في جدال عقيم،‮ ‬يساهم في زعزعة الثقة لدي الطرف الآخر،‮ ‬وبما يؤدي في النهاية لفشل المفاوضات‮ (لكن مقال الرئيس حيخليهم يبطلوا يعملوا كده، عشان شد لهم عضلهم).‬ لكن فطنة وذكاء القيادة المصرية،‮ ‬انتزعت من إسرائيل أحد أهم أساليبها في المفاوضات،‮ ‬وأبدي الرئيس مبارك استعداد مصر لاستضافة الجولات التالية للمفاوضات،‮ ‬بالتعاون مع الولايات المتحدة،‮ ‬وذلك انطلاقاً‮ ‬من موقف مصر الثابت والداعم للفلسطينيين،‮ ‬وقدرتها علي حفز الطرفين لتحقيق النجاح‮ (ايوة احنا اساتذة في التشجيع.. شجع شجع.. من قلبك).‬ ‮لم يكن‮ ‬غريباً‮ ‬أن يسارع بعض النشامي من تجار القضية الفلسطينية،‮ ‬بالهجوم علي المفاوضات الخاصة بالسلام،‮ ‬والتي بدأت في العاصمة الأمريكية واشنطن‮.‬ أسرع تجار حماس إلي قاموسهم المعتاد،‮ ‬في الشجب والإدانة،‮ ‬والاتهام بالعمالة والخيانة لمحمود عباس والسلطة الفلسطينية،‮ ‬وقالوا إن وجود‮ ‬غطاء عربي للمفاوضات،‮ ‬يمثل‮ ‬غطاءً‮ ‬لجرائم إسرائيل ضد الشعب الفلسطيني،‮ ‬وهو نفس الموقف الذي اتخذه بعض القادة الإيرانيين،‮ ‬والذين يجدون‮ - ‬دائماً‮ - ‬في القضية الفلسطينية ساحة خصبة لتصفية حساباتهم الوهمية مع واشنطن‮ (ههههههههههههههههههههه وهمية؟ وتجار حماس؟ والهجوم على المفاوضات؟ انت يابو ريالة انت ومحمد وعلي وابراهيم مش واخدين بالكوا ان انتوا اكتر اتنين هاجموا المفاوضات واستفتحتوا بوصف المفاوضات بأنها فاشلة من غير ما نبتدي فيها واحنا عارفين كده كويس احنا بس رايحين نبري عتب الامريكان عشان يبقى عدانا العيب ونجامل حبايبنا في الافراح؟ هو اي حد في الكون ده لما يقرا مقالات عماشة واوراور اللي انتوا كاتبينها دي يحتاج تجار حماس ولا ايران عشان يقنعوه؟ ده انتوا اقنعتونا ان المفاوضات دي ولا زلزال تسونامي وحسستونا انكوا رايحين تضحوا بالام والجنين والاب والدكتور والممرضين وتحرقوا اودة العمليات عشان علبة البيرة اللي في اودة حنفي اللي في العمارة اللي بعد المستشفى بشارعين تعيش).‬ هذا الصخب والضجيج كان أمراً‮ ‬متوقعاً،‮ ‬وقد حذر كل القادة المشاركين في إطلاق مفاوضات السلام،‮ ‬من تأثيره علي عملية السلام‮ (ايوة صح، طول عمر حماس وايران عينهم وحشة وتفلق الحجر). ‬والغريب أن يحدث ذلك في الوقت الذي كانت فيه المواقف العربية واضحة للعيان (ربنا يشفيه)،‮ ‬وحملتها كلمات القادة العرب،‮ ‬وفي مقدمتهم الرئيس مبارك،‮ ‬الذي جاءت كلمته في احتفال إطلاق المفاوضات صارمة وحازمة (وصارمة وحازمة ايه اللي وداهم هناك؟ هو مش قال واخد جمال بس معاه؟)،‮ ‬وحملت خطوطاً‮ ‬حمراء تمثل في مجملها حقيقة المواقف المصرية،‮ ‬الداعمة والمؤيدة لحق الشعب الفلسطيني،‮ ‬في وضوح لا لبس ولا‮ ‬غموض فيه (هو فعلا ما كانش فيه لبس.. بس زي بعضه الدنيا حر، مدام كان لابس الشورت ما جراش حاجة)،‮ ‬ولا‮ ‬يمكن لأحد المزايدة عليه‮.‬ ‮لقد وقف الرئيس مبارك ليعلن‮ - ‬أمام الرئيس الأمريكي‮ ‬أوباما،‮ ‬ورئيس الوزراء الإسرائيلي نتنياهو،‮ ‬وأمام عيون العالم كله التي كانت تتابع وقائع إطلاق المفاوضات‮ (ماحصلش الكلام ده، الناس كانت بتتابع الجماعة عشان اياد نصار مز)- ‬أن مصر سوف تستمر في دعمها للشعب الفلسطيني الصابر،‮ ‬ولقضيته العادلة‮. ‬وقال إننا سنواصل جهودنا،‮ ‬وعملنا المخلص من أجل تحقيق تطلعات الشعب الفلسطيني،‮ ‬واستعادة حقوقه المشروعة‮. ‬قال لمحمود عباس سنظل إلي جانبكم إلي أن تقوم الدولة الفلسطينية المستقلة،‮ ‬علي الأراضي المحتلة منذ عام ‮٧٦٩١‬،‮ ‬وعاصمتها القدس الشرقية،‮ ‬كما سنواصل السعي لرأب الصدع الفلسطيني تحقيقاً‮ ‬للمصالحة الوطنية الفلسطينية‮.. ‬وأكد الرئيس بوضوح أن الاستيطان يتم بالمخالفة للقانون الدولي،‮ ‬وهو لن ينشئ لإسرائيل حقوقاً،‮ ‬أو يحقق لها سلاماً‮ ‬أو أمناً (واللي يقبل على نفسه الحرام ياخد.. بس المال الحرام عمره ما بيروح عشان تبقوا عارفين)‮. ‬وطالب الرئيس نتنياهو بتحقيق كل تعهداته علي أرض الواقع‮ (هو الراجل تعهد بحاجة انتوا حتجننوني انت ورئيسك؟). ‬وأكد أن الاحتلال يسبب للشعوب العربية،‮ ‬قدراً‮ ‬هائلاً‮ ‬من الغضب والإحباط‮ (خليك في نفسك.. مالك ومال الشعوب العربية؟ هي حصلت نجيب سيرة الام؟).‬ الآن يدور سؤال مهم‮.. ‬هل تضاف هذه المفاوضات إلي‮ ‬سجل الفرص الضائعة لتحقيق السلام؟‮! ‬وهل يستمر قادة حماس في تنفيذ مخططاتهم لإفشال المفاوضات (ههههه عامل زي سنبل لما اتسرق منه فلوس في الاتوبيس فقال: اشوف فيك يوم يا لطفي.. هي مالها حماس؟ انتوا مش قفلتوا عليها بالمفتاح من برة عشان ما تعركوش قدام الضيوف؟ بقى تخبيطها على الباب هو اللي حيفشل المفاوضات؟)،‮ ‬من خلال القيام بعمليات اعتداء علي الإسرائيليين،‮ ‬ليقدموا لإسرائيل‮ - ‬وعلي طبق من ذهب‮ - ‬صك‮ ‬غفران وتنصل من أي التزامات (صك غفران؟ مش عارفة حاسة ان شبه الجملة دي وقعت من مقالة تانية على المقال ده، لموا غسيلكوا ياللي فوق بينقط علينا)‮. ‬مثلما قدموا في عملياتهم الأخيرة ضد المستوطنين الإسرائيليين،‮ ‬التي استغلها نتنياهو في حديثه خلال إطلاق المفاوضات،‮ ‬ونال بها تعاطف العالم كله‮.‬ أعتقد أنه قد آن الأوان لكي‮ ‬يعود قادة حماس إلي‮ ‬رشدهم،‮ ‬بعيداً‮ ‬عن أي مزايدات رخيصة (نلم من بعض ونجيب لهم مزايدات غالية تليق بمقامكوا)،‮ ‬يدفع الشعب الفلسطيني وحده ثمناً‮ ‬باهظاً‮ ‬لها (انت مش لسه قايل رخيصة؟ ولا الدليفيري بيسمسر ولا ايه؟)،‮ ‬وكم أتمني أن تدعو جامعة الدول العربية إلي اجتماع طارئ،‮ ‬يتم خلاله إعلان موقف عربي واضح،‮ ‬في دعم هذه المفاوضات،‮ ‬وتأكيد العرب علي رفضهم‮ ‬القاطع لمحاولات قادة إيران التدخل السافر في الشأن العربي،‮ ‬حتي وإن كان هذا التدخل بالمزايدة،‮ ‬و»دق‮« ‬الأسافين،‮ ‬و»جعجعة‮« ‬الميكروفونات‮.
(ايران ايه يا منيل دلوقت؟ انت رايح مفاوضات انت بتقول عليها فاشلة والراجل ماسكوا ماسح بيكوا البلاط، وبيقول لكوا دي ارض الشعب اليهودي واجداده، وانت رايحين بالين نفسكوا ونقعتوا على المرتبة وقاعدين مستنين اسرائيل تقعد على الترابيزة عشان تقلبوها عليها وفرحانين بحتة مقالة لا راحت ولا جات وعاملين خايلة كدابة مالهاش اي لازمة، وعمالين تقولوا لنا لا اسراف في التوقعات، احنا رايحين بس عشان يبقى عدانا العيب، مافيش حدود، مافيش عاصمة، مافيش لاجئين، مافيش بنطلون مافيش شبشب مافيش فالنة حننزل كده كاجوال ما احنا في مصيف وفي الاخر تقول ايران وحماس هم السبب في الفشل اللي احنا متوقعينه من قبل ما نسافر؟ ثم الجامعة العربية باجتماعتها دي بتعمل ايه؟ هو انت عايز تتعشى في واشنطن وتيجي تتعشى هنا كمان؟ انت فيه حنش في بطنك؟ هو العشا امتى؟)‬

تسقط الحرية عدوة العدل

تحديث:
ده ايه الوساخة والتسول دول.. جواب لاوباما؟ هو خلاص التسول ده بقى نمط حياة؟
تحديث:
اتفرجوا على هوجة الجزائر الجديدة... ولسه ولسه ولسه، امن الدولة اللي مانع تظاهرات عشان خاطر فلسطين في المساجد مسلم البت للكنيسة وفاتح الجوامع للمسلمين يعملوا فيها مظاهرات عشان كاميليا ومعيشنا في احلى اجواء للجزائر
ولسه ولسه
حسبي الله ونعم الوكيل في اللي يقدر ينقذ البلد دي من المصيبة اللي هي داخلة عليها ومش بيتصرف عشان وسخ ابن ... اقول ايه انا صايمة، حسبي الله ونعم الوكيل فيكوا واحد واحد، في كل اللي بيشارك في المصيبة دي بالشعللة او بالظلم او بالسكوت
تحديث:
يا سلااااااااااااااااام.. وسعت قوي.. وسعت قوي قوي قوي، انا مش حمارة للدرجة دي
تحديث:
اتفضلوا.. حد بقى يقول لي ان كل الاحداث دي عادية... عادية ازاي؟ ازاي كل يوم والتاني بت مختفية؟ مين اللي بيعمل كده بقى؟ لو الموضوع ان الناس بتطفش عشان تسلم او تتنصر، اشمعنى الستات بس اللي بيغيروا دينهم؟ ليه الرجالة ما بيغيروش دينهم ويطفشوا؟ 
------------
أنا محتاجة أرتب افكاري لأني في حالة انفعالية عالية.. ليه؟ عشان كنت عميا وفتحت، وغلطت ولازم اعترف بغلطي، وربنا يعلم حسن نيتي

النهاردة كان فيه مظاهرة في الازهر عشان كاميليا، عماد عرب قال لي عليها قلت له مش جاية مظاهرات في جوامع انا عشان مواطنة مختطفة، لما تبقوا تعملوها عند النائب العام ابقى اجيلكم

فقال لي معاك حق.. بس ماحدش اتقدم ببلاغ للنائب العام

هممممم، كل اللي رفعوا قضايا لمحمد حجازي والعائدين للمسيحية وللبهائيين وقدموا بلاغ للنائب العام بعد مذبحة نجع حمادي وعشان خالد سعيد وساندناهم طبعا وقمنا بواجبنا ماحدش فيهم قدم بلاغ للنائب العام عشان كاميليا، مع انها انسان يعني ما تقلش عنهم في الانسانية حاجة

احنا عايزين بقى الستات هم اللي يحكموا العالم عشان هم اللي عندهم نظرة بانورامية للاوضاع، وهم اللي عندهم الشجاعة يعتذروا لما يغلطوا

الحملة العالمية على المسلمين المسماة بالاسلاموفوبيا عنوانها كده: نحن لسنا في حرب مع المسلمين وانما نحن في حرب مع الاسلام.

الحملة دي بتقول نفس الرطانة اللي كانت بتتقال على النظام الشيوعي وعن الاتحاد السوفييتي: السوفييت ناس كويسين، والشيوعيين مضحوك عليهم، احنا ضد الفكرة نفسها مش ضد معتنقيها وعايزين نحررهم منها، طبعا دي سفسطة استعمارية، مافيش الكلام ده، الكلام ده فارغ، الفكرة في كتاب وما بتتحولش لحقيقة غير لما يعتنقها انسان، انت ضد الكتاب؟ يعني حتحارب الكتاب وتقدمه للمحاكمة وتشنقه في ميدان عام؟

الحملة على الاسلام هي هي نفس الحملة على الشيوعية بنفس البنطلون بنفس الفانلة، مش باذلين حتى مجهود انهم يغيروا السكريبتات القديمة جابوا هي السكريبتات القديمة وشالوا كلمة شيوعية وحطوا مكانها كلمة اسلام

"أنا متعاطف مع المسلمين لكنني لست متعاطفا مع الإسلام كفكرة"

كلمة استعمارية امبريالية معناها: احنا عايزين نغزو المسلمين فكريا زي ما غزوا الشيوعيين فكريا

وبرضه هي نفس الخطة وتحت نفس الشعار وبنفس العنوان: الحرية

هي نفس الجهة: الفريدم هاوس.. بيت الحرية، بيت الحرية اللي اسقط الشيوعية كمنظومة وكقوة هو اللي بيسقط الاسلام كفكرة من اساسه

حيسقطها ولا المسلمين يا عيني حيقولوا: لاااااااااااااااا احنا نفديه بارواحنا والكلام ده، ما يخصنيش، اللي يخصني اني ما اشاركش في حملة استعمارية على اهلي وناسي، وان ما كانوش اهلي وناسي هم ناس غلابة ومستضعفين ومظلومين

ايوة عارفة ان المسلمين شاركوا في الحملة على الشيوعية واكلوا يوم اكل الثور الاسود، وتحت نفس الشعارات، واتخدعوا بكلمات حق كتيرة اريد بها باطل زي ما بيتنصب لهم فخ بكلمات حق كتيرة يراد بها باطل

بس ايه؟ حنعاقبهم يعني؟

انا شخصيا مش حاعاقبهم.. مش بس عشان غلابة ومظلومين وعزيز قوم ذل ومش وش البهدلة اللي هم شايفينها دي ابدا (المسلمين مش زي اليهود، مش واخدين على المرمطة علاولة كده، عشان كده تلاقي عودهم طري شوية ومش قادرين يستحملوا زي الامريكان المسلمين اللي مش حيحتفلوا بالعيد عشان خايفين) بس عشان عيب كده، وعشان مش في الصالح، وعشان اي انتقام او "تستاهلوا انتوا اللي عملتوا في نفسكوا كده" معناه انتصار للقوى الامبريالية والرأسمالية في العالم وحيصب في مصلحتها، ثم يعني مش معقولة يعني كل ما يعوزوا يجيبوا اي عدو ارضا كده ينجحوا بمنتهى السهولة ولا كأن لهم كبير.. إيه إيه إيه؟ ماحدش عارف يوقفهم خالص؟ طب ماحدش عارف يوقفهم بس على الاقل مش حاشارك معاهم

ايه دخل ده كله بكاميليا.. مالوش دخل بشخص كاميليا، له دخل بالدلالات اللي تبينتها بما يحيط بحدث كاميليا

كل الناس بتوع حملة حرية العقيدة تغاضوا او تراخوا عن التصدي لقضية شبه قضية محمد حجازي والعائدون للمسيحية والبهائيين وخالد سعيد... ليه؟

اي كلام عن انه "لم يثبت اسلام كاميليا" كلام هجص وتهجيص واستهبال.. امال الكنيسة طلقت عيالها يعملوا مظاهرة عشانها ليه؟ ولا انتوا فاكرين ان نملة تقدر تتحرك داخل الكاتدرائية من غير اذن الكنيسة؟ امال امن الدولة عكشها وسلمها للكنيسة ليه؟ امال الكنيسة متحفظة عليها وخافياها وبتقول مش حنطلعها ليه؟ عشان غضبت من جوزها وقرفت منه؟ كل الستات المصريات قرفانين من اجوازهم على فكرة، والمسيحيين قبل المسلمين لان المسيحيين ما عندهمش طلاق، طب ما فيه مسيحية ضربت جوزها سكينة، ما اتسلمتش للكنيسة تشأمظها ليه؟

احنا عندنا طرفين مش باصين لابعد من ارنبة انفهم، الازهر والكنيسة، فعلا يعني عساكر امن مركزي او امناء شرطة لما الواحد يكارمهم قوي، الاوامر العليا اللي بتجيلهم بينفذوها، ولو جات للكنيسة اوامر عليا بان سيبوا كاميليا حيسيبوها، ولو جات لهم اوامر بان اسكتوا حيسكتوا، مين فهمكوا ان الكنيسة عندها القدرة انها تضغط على النظام؟ ده يضغط على اللي يتشدد لها، هي تحت رحمته اساسا، النظام في اي لحظة يطلق عليهم السلفيين يقطعوهم فرافيت فرافيت، والسلفيين نفسهم ما بيتحركوش من غير ارشادات من النظام

طب انا مش حاعيش بقى مشغولة في الهبل واساند مخطط اوسع عشان فيه كام عبيط في ام البلد دي خايفين من بعض وتعيش كل طايفة من التانية خايفة وتنزل ستاير بداير وشيش.. اللي مخوفهم من بعض هو النظام، والنظام ده مش ماشي من دماغه ده برضه بتجيله اوامر، وبينفذها من غير مناقشة على فكرة

واهو الراجل ساحب ابنه ورايح يبيع الفتافيت اللي باقية من فلسطين عشان يركب الواد علينا واحنا قاعدين هنا نعمل مظاهرات في كنايس وجوامع

الصورة البانورامية الاوسع ان عجل المسلمين وقع وكترت سكاكينه، وخلاص بقى خطاب معترف ومعتبر ان الناس تقول حربنا مع الاسلام والقاعدة هي اللي فاهمة الاسلام صح وبقية المسلمين سذج مش فاهمينه صح وعشان كده واجب علينا تنويرهم وتوعيتهم وعلى الجانب الاخر شوية صراصير يطلعوا لنا من الجحور يتكلموا بكلام حق يراد به باطل ويبرطعوا لنا في حرية العقيدة

طبعا.. حرية العقيدة عشان نسن قانون يفتح الباب على مصراعيه لاي حد عايز يسيب الاسلام وفي نفس الوقت اللي يدخل الاسلام يتعاقب وماحدش يسانده، وفي نفس ذات الوقت حملة شعواء على الاسلام بانه ديانة شيطانية شريرة ضد الحريات

الحرياااااات

الحريااااااااااااااااااات

احا على الحريات.. انتوا بوظتوا لي رمضان السنة دي خالص.. احا على الحريات دي اللي وقعت الاتحاد السوفييتي وفتته ستين حتة وخلت العالم كله تحت رحمة قوة واحدة

والحريات هي اللي ورطت المسلمين وخلتهم يروحوا حرب افغانستان وادي اللي حاربوا في افغانستان اترموا زي ورقة كلينكس اتنف فيها وما بقاش لها عازة، لا وشوفوا البجاحة، يقولوا: اسامة بن لادن السحر الذي انقلب على الساحر.. بقى مين اللي انقلب على مين؟ الراجل كان مصدق ورايح يجاهد فعلا، وهم ساعدوه، وبعد ما استخدموه فرموه هو واللي معاه، يبقى مين اللي اتقلب على مين؟

يعني نفس اللي اتعمل مع الاتحاد السوفييتي بيتعمل دلوقت مع المسلمين، والمسلمين مش الاتحاد السوفييتي دول ماشيين يزكوا، هو هو بالمللي:

خطاب كراهية في العالم كله ضد الفكرة نفسها، وفي نفس الوقت اختراق داخلي تحت يافطة الحرية.. هي هي طبق الاصل العلقة الاولانية، مافيش اي ابداع

وعشان نبقى واضحين مافيش حاجة اسمها ديانة وحشة وديانة حلوة.. مافيش اصلا حاجة اسمها فكرة وحشة وفكرة حلوة.. الافكار افكار. والديانة هوية ثقافية، والاديان كلها زي بعض، اول إن اول كده كلها زي بعضها، وبتؤدي لنفس النتائج، وبتستحث نفس المشاعر، وبتستخدم نفس الاستخدامات - ايجابا او سلبا - وبتحمل نفس المبادئ والاخلاقيات كمان - برضه سواء اتوظفت في الاتجاه السلبي او الايجابي - والكلام عن ان الاسلام وحش او اليهودية وحشة او المسيحية وحشة او الهندوسية او البوذية او حتى الالحاد - وهو ديانة غصب عن عين الملحدين والله - ده خطاب عنصري وخطاب كراهية ولما يكون معتنقي اي من الديانات دي واقع تحت ظلم او بيعاني من الضعف او اضطهاد او استهداف بداية من السنج وانتهاء بالقنابل العنقودية، يبقى خطاب تحريضي

وزي ما انا متأكدة مليون في المية ان الحركة السلفية الجديدة صناعة احتلال، ومصممة اسميها السلفية الجديدة عشان فيه سلفية قديمة مالهاش علاقة بالسلفية الجديدة

وقبل ما حد يقول لي مالك ومال السلفيين دول امامير والله هو انت قعدتي معاهم؟ دول حتى بيوزعوا بطاطين واكل في رمضان، دول مش كلهم زي بعض

الاتجاه السلفي على اختلاف اطيافه مؤمن بتفوق المسلم على غير المسلم وعدم المساواة بينهم ولا لأ؟ الاتجاه السلفي بيتهم المتصوفة بالبدعة وبيطعن في عقيدة الشيعة ولا لأ؟ الاتجاه السلفي مؤمن بعزل الاقليات الدينية في المجتمعات اللي فيها اغلبية مسلمة ولا لأ؟

طيب كل دي اهداف استعمارية لتفتيت لحمة المنطقة وتسهيل السيطرة عليها بعد كده، بمعرفتهم او غير معرفتهم ما يخصنيش واساس اتجاههم ما بيخدمش غير الامبريالية، وانا شايفاهم صهاينة المسلمين، ولا اتهم افرادهم بالعمالة، بس الاتجاه صناعة امبريالية، وانضمام افراد له نابع من الاضطهاد العالمي للمسلمين، وتخفيف حدة الاتجاه ما يجيش بالقمع وانما برفع اسباب الظلم اللي ادت بناس انها تنتمي للاتجاه ده كرد فعل للمذلة اللي شايفينها، وان كنت برضه احب انبه المنتمين للاتجاه بانهم بيخدموا الاحتلال وعقلهم في راسهم يعرفوا خلاصهم

بس زي ما انا شبه متأكدة ان الاتجاه ده صناعة الامبريالية

انا كمان دلوقت، وبعد المحك اللي اتحط فيه دعاة الحقوق المدنية في قضية كاميليا، بقيت متأكدة كمان ان شبورة الحريات الدينية دي صناعة استعمارية، وهدفها تحقيق الهدف الاكبر المعلن للناس اللي بيقول عدونا هو الاسلام مش المسلمين وعلينا اننا نوعي المسلمين بحقيقة دينهم الوسخ

ايييييوةةةة.. حريات دينية حريات دينية، ومع الحصار العالمي للمسلمين والتنكيل بيهم مش حيبقى فيه اكتر من الناس اللي بيخرجوا من الاسلام عشان يدخلوا اي حاجة تانية، ومش حيبقى عندنا حتى ملحدين محترمين زي فنكلستاين وتشومسكي اللي بيقولوا احنا ملحدين عقائديا يهود ثقافيا، لان اللي حيخرج من الاسلام حيبقى هدفه اساسا الهروب من الحصار المضروب عليه في كل العالم، مش عايز هو يتشتم ويتفتش في المطارات وينضرب بقنابل ويتقال عليه متخلف وبيرجم الستات وبيقطع ايدين الناس (قال يعني رجم الستات مش موجود في كل الكتب المقدسة وقال يعني حرق الناس بالفسفور اكثر انسانية من قطع ايدين الناس) وحيحصل مع المسلمين اللي حصل مع الشيوعية وبقت الناس دلوقت تتكسف تقول انا شيوعي، وعلى رأي ياسمين عبد العزيز: انا مش شيوعيييييةةةةة انا يساااار معتدل

وبعد شوية يتكسف الناس يقولوا انهم مسلمين

بعد شوية ليه؟ ما قبل شوية اهو، ناس كتير بتتكسف تقول انها مسلمة

طيب انا شاركت بعزم مافيا في قضايا الحريات الدينية، لا اخفيكم سرا، انا كنت يعني مستعجبة شوية من الانفجار المفاجئ لقضايا التحول من الاسلام لاي دين تاني ولقضايا الحريات الدينية اللي فجأة فرقعت في وشنا، بس انا قلت الحق احق ان يتبع، حق الانسان يختار دينه، وحقه يتكتب في البطاقة، وبرضه كنت مستغربة من انفجار الاعتداءات على المسيحيين كل ما يرمموا كنيسة في وشنا ده، ما بيرمموا كنايس وبيبنوا كنايس، ايه الانفجار المفاجئ ده؟ بس قلت عليا واجب الحق حق، وتوقعت ان ده مبدأ

يعني في اي حالة وتحت اي ظرف المبدأ ده ساري، سواء واحد خارج من الاسلام او داخل الاسلام، سواء واحد واقع تحت ارهاب سلفي او ارهاب كنسي

وسبب انضمامي اساسا للحملات دي مش الحرية.. مش مؤمنة انا بالحرية دي، مالهاش معنى اساسا، انا مؤمنة بالعدل، بمعنى، زي ما مسموح لمن هو خارج الاسلام ان ينضم له، من حق من هو داخل الاسلام انه يخرج منه، ده العدل، والعدل هو اللي يهمني

بس الظاهر اني هابلة ومسكوها طبلة، والظاهر ان الموضوع اكبر مني بكتير، وان الحكاية لا فيها مبدأ ولا فيها اخلاق، ولا فيها حق، ولا فيها عدل

وحيث اني مش مهتمة غير بالعدل، مش من العدل اني اشتغل في حتة بازل صغيرة تبان كأنها عادلة بينما انا باحطها في صورة اكبر ظالمة، يعني باحط حتة من صورة ست الحسن عشان اكمل صورة الغول وهو بياكلها؟ لا.. مش حاعمل كده انا

طب حاعمل ايه؟ مش عارفة والله.. انا دلوقت محتاجة اتوقف وافكر شوية، انا ماليش هدف في الدنيا غير العدل وبس. ومحتاجة ادور عليه واكمل بحتة البازل اللي في ايدي صورة عادلة مش صورة ظالمة، او اموت وانا في ايدي حتة البازل وانشالله ما حاجة كملت

انا كل حاجة حواليا بتصب في مصلحة الامبريالية العالمية، كلها، مش عارفة اروح فين... وطبعا مسلمين معاتيه حيقروا الكلام ده ويمسكوا في خناق المسيحيين مع ان المسيحيين لا يقلوا عتها عنهم والله والاتنين اهبل من بعض وعاملين زيي كده وهابلة ومسكوها طبلة هم راخرين.. بدليل انهم يا قلب امهم ما عملوش مظاهرة واحدة عشان يرأسوا أقسام النسا مثلا، دول ما يعرفوش حاجة دول، سوا دول ولا دول، يعني مما لا شك فيه ان الاعتداء على الكنائس كان وراه حاجة، بس اللي اعتدوا على الكنائس ما يعرفوش حاجة، ومما لا شك فيه ان المظاهرات في كنائس عشان مرات كاهن بينما عمرهم ما عملوا مظاهرة عشان اندرو وماريو مثلا اللي اتخطفوا من حضن امهم كان وراها حاجة بس هم ما يعرفوش حاجة

والموضوع شكله كده فيه ظروطة وقرف وعك وكلنا اتلطينا ولا ايه...

بس ليه يعني بتوع حروق اللسان ما قدموش بلاغ للنائب العام عشان كاميليا؟ بجد يعني والله العظيم سؤال يعني

ومش حاقول ليه المسيحيين ما تضامنوش ولا ليه المسلمين بيعملوا مظاهرات في الجامع عشان دول مخهم على قدهم اساسا، وعلى فكرة هم مش عايزين دولة مدنية، بجد، ولا عايزين مواطنة، هم كانوا راضيين بحالهم زي ماهم، ومش متضايقين، لا دول ولا دول، هو بس فيه حاجات معينة حصلت خوفتهم من بعض، او بالاحرى فيه ناس كانت ورا حاجات معينة تخليهم يخافوا من بعض، دولم بغبغانات قعدوا يرطرطوا على موضوع الحرية الدينية ده وهم فعلا مش عايزينه، ودوكهمة بغبغانات قعدوا يرطرطوا كلام عن حرق النصارى عباد الصليب وهم لا يعنوا الكلام ده فعلا... فيه حد مرمر لهم عيشتهم وخوفهم من بعض

بس ليه بتوع حروق اللسان ما قدموش بلاغ للنائب العام؟

بس ليه بتوع حروق اللسان ما قدموش بلاغ للنائب العام؟

بس ليه بتوع حروق اللسان ما قدموش بلاغ للنائب العام؟

بس ليه بتوع حروق اللسان ما قدموش بلاغ للنائب العام؟

بس ليه بتوع حروق اللسان ما قدموش بلاغ للنائب العام؟

بس ليه بتوع حروق اللسان ما قدموش بلاغ للنائب العام؟

ها؟ ها؟ ها؟ ها؟ ها؟

رد رد رد رد رد رد رد رد رد رد رد رد رد رد رد رد رد رد رد رد رد

حصريا: عماشة يكتب لكم من الأدغال

اليكم شعار مصر في المفاوضات: اكرف البت تحبك حب البت تكرفك

حكايات اسبوعية

رسالة واشنطن ــ محمد علي إبراهيم

شعار مصر في المفاوضات المباشرة .. أمل حذر دون إسراف في التوقعات

بدأت معركة السلام الأخيرة .. وانطلقت مدافع الحق والباطل

مصر القانون والزعامة والخبرة والدبلوماسية .. خير سند للفلسطينيين

القاهرة تسعي ألا تكون المفاوضات المباشرة مجرد صورة وحفل عشاء!

 أخطر مشكلة .. الخطوط الحمراء لنتنياهو هي نفسها الثوابت العربية

(طب بالذمة ده انسان طبيعي في نهار رمضان؟ المفاوضات مش حتكون مجرد حفل عشان ويرجع يقول لنا خطوط نتانياهو الحمراء هي نفسها الثوابت العربية؟)

أنا في واشنطن بعد 17 عاما.. الأولي كانت في سبتمبر 1993 عندما تصادف وجودي في العاصمة الأمريكية لشأن شخصي. فإذا بي أشاهد في التليفزيون اللحظة التي وصفها العالم كله بأنها تاريخية.. عرفات يصافح اسحق رابين وبينهما كلينتون مبتسما ومبشراً بأن السلام بات أقرب إلينا من حبل الوريد.

واليوم أتوقع مصافحة تاريخية أخري بين أبومازن ونتنياهو ورغم أنها ليست الأولي بينهما (طب لما هي مش الاولى ايه التاريخي اللي فيها؟). لكنها وطبقا للدعاية الأمريكية ستكون مقدمة للحل النهائي.. لكنها أيضا قد تكون المصافحة الأخيرة.(الترامادول كتير كده في اموركا؟)

في نوفمبر 1991 وقف الرئيس جورج بوش الأب ومعه وزير خارجيته جيمس بيكر يعلنان عقد مؤتمر مدريد للسلام بين العرب وإسرائيل لتكون المرة الثانية بعد كامب ديفيد التي يجلس فيها الطرفان لبعضهما البعض.. وجاء بعده كلينتون ثم جورج بوش الإبن ثم أوباما.. وطوال عقدين من الزمان وقع الإسرائيليون والفلسطينيون اتفاقيات أوسلو والخليل وواي ريفر والقاهرة وقبلها غزة أريحا أولا. وعرفوا "خريطة طريق" و"تفاهمات تينت" ومؤتمر أنابوليس.. لكن النتيجة النهائية مازالت صفراً.. المحصلة لم تتقدم بعد.

لكن أتدرون لماذا تظل إسرائيل قوية وفلسطين ضعيفة؟! السبب أن فلسطين منذ عام 1948 وحتي الآن هي قضية وليست مشروع دولة.. وبالتالي فإن كل من يتحدث عنها كقضية يجد نفسه يطالب بدولة بينما الذي يطالب بدولة يقولون له إنها قضية!

(أفهذا أنا مت؟ أم هكذا ياللعجب لسه ليا عمر في هذا الدنيا)

والصعوبة الثانية في المفاوضات إن إسرائيل تمتلك واقعية الأرض والمياه والجيش والسيطرة السياسية "الاحتلال". في حين تمتلك فلسطين "الوهم".. وهم أنها محبوبة من جانب الجميع في أنحاء العالم.

(انا باعتذر للاخوة الفلسطينيين.. احنا مستأسفين بالنيابة عن كل هذا الحتة)

وأعود لما طرحته فأقول إنه قد آن الأوان أن تتحول فلسطين من "قضية" إلي "مشروع سياسي".. المشروع صعب جدا أما القضية فسهلة.. القضية لاتحتاج إلا إلي التعاطف ومواعظ رجال الدين ومظاهرات التأييد. أما المشروع السياسي فيحتاج إلي جهد سياسي وقانوني.. لقد عاش الفلسطينيون في هاوية التوقعات ولم يصلوا إلي جبل الإنجازات.. التوقع أشبه بالانزلاق إلي السفح وهو سهل.. أما صعود الجبل فيعلم الجميع مدي صعوبته.

(حسسسسسسسبيييييي الله ونعم الوكيييييييييييييل، ايه حوار عماشة في الادغال ده؟ اللي يفهم حاجة ييجي يتف في وشي وبعدين يشرح لي)

هل سأل أحد نفسه لماذا تتحدث إسرائيل كثيرا عن الحدود ولا يتحدث الفلسطينيون إلا عن حدود 1967؟ الإجابة ببساطة أن إسرائيل مازالت تفتقر حتي الآن إلي دستور. ولا هي تمتلك حدودا معترفا بها من العالم كله.. وبالتالي حدودها محل شك وكذلك حدود الفلسطينيين ومن ثم يشتد الكلام علي حق كليهما في حدود تتفق مع ثوابته.

الحلول المصرية للعقدة

(ولماذا هذا كذلك هكذا ياللعجب؟)
إن مشكلة السلام والتسوية والأمن حاليا أن الجميع يرددها.. الأمريكيون والفلسطينيون والإسرائيليون والعرب. لكن كل طرف يقصد بها معاني مختلفة! لكن ما الذي يقصده نتنياهو؟! إنه يرفض تماماًً أي تنازلات حول القدس ويريد الاحتفاظ بمعظم المستوطنات باستثناء النائية.. وهو يريدها دولة فلسطينية منزوعة السلاح تكون أكثر شبها بنوع من الإدارة المحلية منها إلي حكومة مستقلة تتمتع بالحكم الذاتي.

لقد صرح مصدر مصري مطلع ل "الجمهورية" بأن هناك 3 تصورات للخروج من المفاوضات المباشرة بنتيجة طيبة. أولها تدخل أوباما بنفسه ليلعب دوراً مركزيًا بالاشتراك مع ثلاثي التفاوض روس وشابيرو وهيل وبإشراف جورج ميتشيل مبعوثه للشرق الأوسط (اوباما حيتدخل عشان يجيب حق الفلسطينيين؟ وانتوا رايحين على هذا الاساس؟ اااااه.. يا اهل هذا الحتة، فيه حاجة حتقل مقامي وتقلق منامي لو كنتم اولاد حتة اصلا دلوني على هذا الحرامي.. الله يرحمك يا محمد يا رضا).. والتصور الثاني هو مساعدات مصرية للفلسطينيين في الصيغ القانونية وإخراجهم من أي مطب إسرائيلي. (لو كان الـ... بينفع كان نفع ....، كنا انقذنا نفسنا من مطبات كامب ديفيد) كما أن القاهرة والأردن سيكونان اللاعب الرئيسي في الملف الأمني وملف الحدود وهما من أخطر الملفات التي قد تواجه المفاوضات.
(فين التصور التالت؟ هو مش قال تلات تصورات؟ ولماذا هذا كذلك هكذا ياللعجب؟)

وقد نبهت مصر الفلسطينيين إلي ضرورة إشراك الأردن في ملف القدس علي اعتبار أن هناك أحد البنود في اتفاق وادي عربة بين الملك حسين ورابين يقر بذلك.. وتخشي مصر من أن اليهود سيحاولون دق إسفين بين الأردنيين والفلسطينيين كمحاولة للتهرب من اعلان القدس عاصمة موحدة لفلسطين والاقتصار علي زيارة الأماكن الدينية للمسلمين فقط.

وتري القاهرة أنه رغم اجواء التشاؤم التي تحيط بالمفاوضات المباشرة إلا أن هناك بعض الايجابيات وهي أنها تتم بطريقة علنية وليست سرية وأن الإدارة الأمريكية التي كانت تتابع مفاوضات أوسلو من بعيد أصبحت تراقبها عن كثب وباستخدام منظار مكبر.

إيران وحماس

غير أن إيران وحماس بدآ (ايه؟) علي الفور الهجوم علي المفاوضات حتي قبل أن تبدأ ورفض علي لاريجاني رئيس مجلس الشوري الإيراني مواقف الدول العربية التي تنتقد التدخل الإيراني في الملف الفلسطيني باعتباره قضية عربية. معتبرا هذا الوصف غير صحيح لأن القضية عربية وانسانية واسلامية وعلي البشرية ان تتحمل مسئوليتها.(طب غلط في ايه؟ هو انتوا كلكوا بقيتوا عاملين زي مسلسل الجماعة؟ تيجوا تشتموا الناس تقوموا تمدحوهم؟ دي استراتيجية جديدة؟)

ويبدو أن الأوامر الفارسية قد صدرت إلي حماس لتعلن العصيان والتمرد فقد دعت الحركة إلي الثورة علي المفاوضات المباشرة وعلي محمود عباس واعتبر عضو المكتب السياسي للحركة أن المفاوضات تهدف بشكل أساسي إلي توفير غطاء لتصفية القضية وتهويد القدس وشطب حقوق اللاجئين بالعودة والاستمرار في الاستيطان.(انت يا راجل مش لسه قايل مافيش امل وجينا نبعد قالوا لنا نقعد جينا نقعد شدوا الكراسي؟ ومش عارفين حنعمل ايه في موضوع اللاجئين والقدس؟ ومش عارفين حنعمل ايه في موضوع الاستيطان؟ طب رايحين ليه؟ ولما الناس تقول لكوا رايحين ليه تبقى الاوامر الفارسية؟)

القاهرة بحثت مع الفلسطينيين مواقف الرافضين للسلام واتفق الجانبان علي أنه إذا كان هناك من يعتقد أن المفاوضات المباشرة مع إسرائيل فاشلة فيتعين علي الفلسطينيين علي الأقل أن يبينوا أنهم ليسوا المسئولين عن هذا..(عملا بقول الشاعر عماشة الذي قال في هذا شعرم: نيم عدوك حتى تسمع تشاخيره ولو جدع قوم واقطش له مناخيره)

القاهرة تنصح بعدم التفريط في ثوابت الحقوق الفلسطينية وعدم النكوص عن التفاوض لأنها تتفق مع نوايا إسرائيل بإجراء التفاوض بدون شروط مسبقة. ولكن ينبغي النظر إليها باعتبارها كسراً لجمود موقف وتحريكه. خاصة أن العنف والإرهاب قد ينفجر إذا ما استمر هذا الوضع..(يعني انتوا رايحين تلحقوا اسرائيل من انفجار العنف والارهاب في وشها؟ لا والله فيك الخير جروحك والدموع بخير)

أيضاً تتبني مصر وجهة نظر بأنه يمكن أن يستغل العرب هذه المفاوضات لزيادة عزلة إسرائيل وقلب المائدة عليها (ايوة، والشوربة تقع على حجرها سخنة وتجيب لها التهابات، وماحدش يلحقها بمرهم، وحجرها و... يتسلخوا، وما تعرفش تخلف تاني، نقوم نخلص منها). بدلاً من أن تكون جسراً تعبر عليه تل أبيب لإنهاء عزلتها..

ويتلخص الموقف المصري من المفاوضات المباشرة في النقاط التالية:

أولاً: القضية الفلسطينية هي جزء هام من الأمن القومي المصري بحكم عوامل التاريخ والجغرافيا والحدود. وبالتالي فإن القاهرة وزعيمها يجب أن يتواجدا باستمرار علي مقربة من كل تحرك للسلام.
(وقال على رأي المثل قرد يسليني ولا غزال شارد)

ثانياً: تعتقد مصر أن الرئيس الأمريكي أوباما رغم تخاذله الواضح في مواجهة تعنت نتنياهو وإسرائيل. إلا أنه مازال يحتاج نصراً خارجياً يعزز به سياسته الخارجية. خصوصاً أنه لم يحقق إلا نجاحاً واحداً في الجبهة الداخلية هو قانون الرعاية الصحية.. أوباما رغم انخفاض شعبيته يستطيع أن يفوز بولاية ثانية إذا استطاع أن يلعب دور المنقذ للسلام (والراجل جه زارنا لحد عندنا، ومن جالك دارك جاب الحق عليك، وكل عيشنا وملحنا، وما يصحش نتخلى عنه في الظرف ده، محتاج مساعدتنا، نروح نعمل له خايلة كدابة ونتمشكح له يمين وشمال في مفاوضات احنا اول ناس عارفين انها يائسة عشان نرفع شعبيته ونظبطه، ولو انه قل اصله معانا بس احنا ولاد حلال).. وحتي علي أسوأ الفروض فإن أوباما إذا لم يقنع إسرائيل بمواصلة جهود السلام. فإنه في هذه الحالة لا يمكن أن يتغاضي عن أعمالها العدائية في المنطقة التي يمكن أن تعيد التوتر وتسبب تهديداً مباشراً للمصالح الأمريكية في الشرق الأوسط. خصوصاً بالنسبة لإمدادات الطاقة..

ثالثاً: مصر تريد الذهاب إلي آخر الشوط مع الولايات المتحدة وتستنفد كل سبل الحل. وإذا فشلت كل الحلول واستطاع اليمين والتطرف اليهودي أن يجهض التسوية. فلن يلوم أحد العرب علي الذهاب لمجلس الأمن والأمم المتحدة لإعلان قيام الدولة الفلسطينية من جانب واحد (هههههههههههه والنبي انا متخلفة، لجزء من الثانية لما قريت "لن يلوم أحد العرب" افتكرته حيقول: على مساندة المقاومة المسلحة واعلان حرب التحرير.. يا حلوة؟ خايفة من ملام الناس لما تروحي مجلس الامن وتطلبي دولة فلسطينية من جانب واحد ومجلس الامن ما يوافقش كالعادة؟ خايفين من ملام الناس على طلب حيترفض؟). خصوصاً أن هناك اتفاقاً أمريكياً أوروبياً روسياً علي المرجعيات الأساسية بإقامة دولة فلسطينية ممتدة جغرافياً وتجاور إسرائيل!

إذن مصر لا ترفض أي محاولة جادة للوصول إلي حل وفي الوقت نفسه لا تتنازل عن الثوابت والحقوق العربية.. وهي في هذا مستعدة أن تمضي إلي نهاية الشوط في مساندة إعلان قيام دولة فلسطينية بقرار من مجلس الأمن يرسم حدودها وينظم مرجعيتها إذا ما فشلت المفاوضات المباشرة خلال عام واحد..

خطاب مصري رصين
(كلنا معالرصين)

إن الرئيس حسني مبارك عندما تحدث إلي الرئيس الأمريكي أوباما أمس قبل جلسة المفاوضات المباشرة. ركز علي أن السلام يمكن أن يكون رصيداً هائلاً له في مسألة إعادة انتخابه.. فالرئيس أوباما إذا أقنع اليهود الأمريكيين أنه يتطلع لإنجاز سلام يحقق لإسرائيل أمنها ويفتح الأبواب لمصالحة نهائية بين العرب والدولة العبرية ينهي بها عزلتها في المنطقة ويقلم أظافر المتشددين الذين يريدون تهديد أمن إسرائيل بإيعاز من إيران بحيث تعيش تل أبيب في أمان دائم. فإن فرص نجاحه ستكون كبيرة 

(عااااااااااا الراجل ده معتوه؟ بيقول ان الريس رايح يمسح جوخ للوبي الصهيوني في امريكا ويتعهد لهم بالحفاظ على امن اسرائيل واخراجها من عزلتها ويدق اسفين في ايران والمقاومة؟ فيكما كذلك يارب هلبت هذا العربية مش راضية تتعتع ليه؟ فيكما كذلك؟) .

غير أن أهم عقبة أمام المفاوضات المباشرة من وجهة النظر المصرية أن كل طرف يذهب للمفاوضات بمرجعية مختلفة عن الآخر. فالإسرائيلي رفض بيان الرباعية الدولية ويريد الذهاب للمفاوضات علي أساس بيان هيلاري كلينتون وزيرة الخارجية الأمريكية. والفلسطيني ذاهب علي أساس بيان الرباعية الدولية الذي عملت مصر علي إصداره بشكل متوازن من خلال جهود مكثفة للخارجية المصرية.. وبالتالي فليست هناك أرضية مشتركة يقف عليها الجميع..(انت كنت فين انت ولا جيت منين انت ولا رحت فين انت؟ انجليزي ده يا مرسي؟ رايحين ليييييييييييييييييييييييييييييييييييه؟ لما مافيش ارضية مشتركة، ومافيش امل، ومافيش اتفاق، ومافيش اوباما، رايحييييين ليييييييه؟ عشان تقنعوا اللوبي الصهيوني ان ايران وحشة؟ هي بقت كده؟)

باختصار شديد هناك بعض الأمل لكنه أمل حذر دون إسراف في التوقعات (طبعا فيه امل، طول ما ربنا موجود فيه امل، وربنا على الظالم والمفتري وابن الحرام، قادر الكريم يقلب عليكوا كلكوا كل الترابيزات والشوربة تقع على.... رجلكوا وتقطعوا الخلف).. خصوصاً أن رئيس الوزراء الإسرائيلي بنيامين نتنياهو قال في محادثات مغلقة في نهاية الأسبوع الماضي: إنه يريد إحراز تقدم ولكن لديه بعض الخطوط الحمراء التي سيحرص عليها خاصة في الموضوع الأمني..

غريب أمر نتنياهو.. هو فقط لديه خطوط حمراء.. ألا توجد خطوط حمراء لدي الفلسطينيين؟! (يا عم انت رايح يتستغرب في واشنطن؟ ماله الاستغراب هنا؟ ناقص ملح؟).. هل عليهم القبول بما يلقي إليهم حتي لو كان سُماً؟!.. هل مطلوب منهم أن يشاهدوا أراضيهم تتقلص أمام ناظريهم ويصمتوا؟! (نهار اسود.. ده بيزعق لنا كأننا احنا اللي رايحين نتفاوض معاه).. ثم هل عليهم القبول بضياع القدس واستمرار الاستيطان وتقويض الحدود في سبيل التوصل لدولة مستقلة ستولد ميتة؟!

الطريق للقدس يمر عبر إيران

ورغم قناعتي بأن الإدارة الأمريكية تبذل جهداً فوق الوصف لإتمام عملية السلام (هو كان ضارب ايه وهو بيكتب المقال ده؟ طب انا مجنونة، المقال قدامكوا اهو، هو مش قايل من تلات ثواني ان اوباما متخاذل وابن تيت؟ وبيستغل المفاوضات دي عشان يزود شعبيته؟ واحنا رايحين نجامله في الافراح؟). إلا أن هناك من يري أن إسرائيل ستستغل هذه المفاوضات كستار لتحقيق أهدافها في ضرب إيران أو حلفائها بالمنطقة مثل حماس أو حزب الله ويدلل البعض علي هذه النظرية بأن مؤتمر مدريد للسلام بدأ فور تحرير الكويت وضرب العراق.. كما أن توقيت المفاوضات المباشرة الحالية يجيء عقب إتمام الانسحاب الأمريكي من العراق.. وفي الوقت الذي تعلن فيه واشنطن عن السلام يكون وزير الدفاع الإسرائيلي إيهود باراك هو أكثر مسئول إسرائيلي يزور واشنطن خلال ال 20 شهراً التي تولت فيها إدارة أوباما الحكم.. في الوقت ذاته زار إسرائيل أكبر عدد من المسئولين الأمريكيين من الدفاع والمخابرات لبحث سبل مواجهة البرنامج النووي الإيراني..
(بسم الله الرحمن الرحيم.. اشتاتا اشتوت.. يجعل كلامنا خفيف عليك يا عماشة، انت مش لسه قايل رايحين ندق اسفين في ايران ونقول للوبي اليهودي اننا لو حققنا السلام حنفشخ ايران هي ودلاديلها في المنطقة؟ وبتقول ايران مالهاش حق ابدا انها تقول الكلام الواعر اللي جالته في حق المفاوضات؟ وبعدين ترجع تقول لنا المفاوضات دي ستار لضرب ايران؟ يعني ايران لها حق تقول الكلام الواعر.. وانتوا رايحين تعملوا ايه؟ تشجعوا اللعبة الحلوة؟ يا عاطف كل الناس بتحب سعاد حسني، طب انا حافرج الناس دي، يا عاطف بابا متضايق من موضوع سعاد حسني ده، وابويا كمان بيحبها؟)

علي أي حال هناك أسباب كثيرة تجعل البعض يعتقد أن حفل الإفطار الذي أقيم أمس بالبيت الأبيض بمناسبة بدء المفاوضات المباشرة لن يخرج عن كونه حفل عشاء. بينما يري آخرون أن واشنطن جادة هذه المرة في التقدم نحو سلام جيد.. لقد أعلن جورج ميتشيل مبعوث أوباما إلي الشرق الأوسط "أن السعي وراء اتفاق سلام سيظل يفشل إلي حين نصل إليه".. وأكد "أنه لا يمكن للجهود السابقة الفاشلة للوصول للسلام أن تردعنا".

هل ربح الفلسطينيون والإسرائيليون؟

المفاوضات والإملاءات .. وحلول الأزمات!

تكتنف المفاوضات المباشرة التي بدأت اليوم- الخميس بين الإسرائيليين والفلسطينيين في واشنطن صعوبات جمة لعل أكثرها خطورة هو اتفاق الجانبين علي الضمانات الأمنية .. نتنياهو يريد ان يتعهد الفلسطينيون بعدم إطلاق قذائف صاروخية علي تل أبيب وساعتها يمكن التوصل إلي اتفاق سلام! (ياااااا رااااااااااااجل، بقى كل اللت والعجن والمشوار الطويل العريض ده وحفل عشا وحفل غدا، طلع كل ده عشان الكام صاروخ؟ قول قول، قول يا عاطف والنبي انت قعدتك حلوة.. انت مش حتقول حاجة، انت حتسيبني استعبطك واجرجرك في الكلام)

ذكرت مصادر مطلعة في واشنطن ان نتنياهو أوضح للرئيس باراك أوباما أنه إذا حصلت إسرائيل علي الترتيبات الأمنية التي يريدها فإنه سيتساهل كثيراً مع الفلسطينيين في مسألة الحدود..

وقد كرر رئيس الوزراء الإسرائيلي في واشنطن شروط الترتيبات الأمنية فقال : إنه لابد من بقاء قوات إسرائيلية شرق حدود الدولة الفلسطينية في غور الأردن لفترة 10 15 سنة علي الأقل لضمان عدم دخول أسلحة إلي الدولة الفلسطينية..

ويقول المراقبون في واشنطن ان هذه الترتيبات يجب ان يشارك فيها الجيش الإسرائيلي وهي المسألة الأهم للدولة العبرية وليس المستوطنات .. نتنياهو يستخدم الاستيطان ورقة للضغط لكنه لا يري ان المستوطنات علي نفس درجة الأهمية (واحنا ايه ورق الضغط بتاعنا يا موكوس يا منحوس يا ملبوس؟ ايران وحماس اللي انتوا رايحين تسلموهم تسليم اهالي؟).. هذا لا يعني أنه سيقوم بإخلاء المستوطنات (هاااااااااااااااااااااااهاهاهاااااااااااااااااااااايييييييييييييييييييييي والله العظيم وقعت على ضهري من الضحك لما شفت الجملة). ولكنه ربما يتنازل عن عدد منها في مقابل الموافقة علي ترتيباته الأمنية فإنه سيمنح الفلسطينيين دولة فلسطينية في حدود "مؤقتة" علي أن يتم بحث القضايا الجوهرية في المستقبل ..(خلاص، تنزل المرة دي، انما اعملي حسابك المرة الجاية لا ممكن تنزل الارض ابدا.. يعني رايحين تبيعوا قوة اقليمية زي ايران، وحركات المقاومة كلها، وتبوسوا اللوبي الصهيوني من بقه وتطمنوه كل ده عشان حدود مؤقتة؟)

إذن نتنياهو لن يتفاوض ولكنه يضع "العقدة" في المنشار .. ومن ثم فإن الفلسطينيين يقولون إن المفاوضات في هذه الحالة ستكون "املاءات" .. وانه إذا لم يتوقف الاستيطان فسينسحبون من التفاوض..(مع كامل احترامي لرمضان وللقراء، بس دي اسمها علوقية ناشفة، مالهاش اسم تاني والله العظيم، والله العظيم كمان مرة لو فيه اي مصطلح تاني كنت استخدمته)

الوزير سلفان شالوم قال في واشنطن إن أي اتفاق يجب أن يرتكز لثلاث لبنات رئيسية أولاها ترتيبات أمنية متينة وواضحة ميدانياً والاعتراف بإسرائيل دولة قومية لليهود. وهذا يعني ان حل قضية عودة اللاجئين يتم في تخوم الدولة الفلسطينينة والإعلان عن إنهاء الصراع .. أضاف الوزير نحن نتحدث عن اتفاق سلام بين إسرائيل ودولة فلسطينية منزوعة السلاح .. هذه الدولة عندما تنشأ يجب ان تنهي الصراع لا أن تكون سبباً لمواصلته بطرق غريبة!(طرق غريبة؟ طرق غريبة ازاي يعني؟ حيمنعونا نشتم اسرائيل في الجرايد مثلا باعتبار ان الصراع انتهى والدولة منزوعة السلاح وخلاص مافيش حرب ومافيش داعي للطرق الغريبة بتاعتنا دي؟ ولا حيصدروا قانون ضد انكار الهولوكوست؟)

واشنطن اقترحت من قبل موعداً لإقامة الدولة الفلسطينية 2011 وهي لا تريد الإخلال بهذا الوعد .. لأن البديل زيادة التطرف الفلسطيني والإسرائيلي .. وكلما طالت المشكلة زادت تعقيداتها .. فالإسراع سيكون لصالح الطرفين ولصالح الاهتمامات الاستراتيجية لأمريكا .. والأمر الثالث ان هناك عناصر وجوانب متطرفة في الشرق الأوسط رسمية وغير رسمية وميليشيات تهدف جميعها لنشر الحروب لتخريب السلام مهما كلفهم الأمر .. هدفهم قطع التفاوض وتبادل الاتهامات الأمر الذي يهدد بنشر الاضطراب .. ويشجع الذين يريدون منع التسوية علي محاولة ذلك بالصدامات الداخلية "حماس وفتح" أو مع إسرائيل..

من ناحية أخري يطمح المتطرفون الإسرائيليون لشن حروب من أجل "الأمن" علي حزب الله وإيران..

والحقيقة ان الضغوط تتصاعد علي الفلسطينيين من أوروبا وروسيا وأمريكا واللجنة الرباعية بحيث بات مستحيلاً علي أبومازن أن يرفض .. لكن هل يمكن النجاح؟!
(وقال على رأي عادل أدهم: انت مين ياااض؟)

فلسطين تسعي لإعلان دولة مستقلة علي حدود 1967 وانسحاب إسرائيلي وإطلاق سراح الأسري .. هذه هي المشاكل الصعبة .. هناك مشاكل أخري نتيجة لفترة الاحتلال الطويلة مثل الكهرباء والأمن والتداخل السكاني والتبعية الاقتصادية والنقدية بالإضافة لمشكلات الحل النهائي وهي الحدود واللاجئون والقدس والمستوطنات .. لكن هناك حلول .. ويعتمد الفلسطينيون علي فريق مفاوضات مصري قوي وضليع في القانون لحلها (ايوة زي ما انت ضليع في الجرير واصول البقدونس والفجل الرومي) .. المستوطنات يمكن حلها بتبادل الأراضي أي أن تعطي إسرائيل أراضي في النقب للفلسطينيين بدلاً من أراضي المستوطنات الخمس الكبري .. قضية اللاجئين يمكن حلها أيضاً من خلال عودة عدد منهم إلي فلسطين القديمة وعدد آخر أكبر إلي فلسطين الجديدة والباقي يأخذ تعويضات ويعيش في دول المهجر أو يبقي في مكانه بجوازات سفر فلسطينية..(ههههههههههههههههههه)

وتبقي الحدود .. وهي المشكلة الحقيقية فإسرائيل مازالت مصرة علي البقاء علي الحدود مع مصر والأردن .. وهي لا تقبل ضمانات يقدمها البلدان لدواعي الأمن .. القدس معقدة جداً فإسرائيل تراها عاصمتها الموحدة وهجرت ربع سكانها العرب وحاصرتها بالمستعمرات الضخمة .. ورغم ان القدس أرض محتلة طبقاً للقرارات الدولية إلا أن إسرائيل لا تعترف بذلك .. ويرغب الفلسطينيون في الحصول علي الأحياء العربية بالمدينة لإعلانها عاصمة لهم..

والغريب ان الإسرائيليين يعتقدون أنهم "ربحوا" لانهم دخلوا هذه المفاوضات بشروط مسبقة تقيد الفلسطينيين (غريب ليه؟ ما معاهم حق.. ما قلت لك تعالى استغرب في بلدك وسط اهلك وناسك انت رايح تستغرب وسط الخواجات؟ يقولوا علينا ايه؟). ويعتقد الفلسطينيون أيضاً أنهم "ربحوا" لانهم لم يتنازلوا عن ثوابتهم (ده مين اللي اقنعهم بكده؟). واستجابوا للضغط الدولي وذهبوا للمفاوضات المباشرة. وانهم سيظهرون في نظر العالم كله حينئذ وليس أمريكا فقط أبرياء من ذنب تعطيل السلام واضاعة الفرصة التاريخية . وعلي إسرائيل ان تتحمل ذلك نيابة عنهم..

(حاضر... انت تؤمر، بس كده؟ يعني المشوار ده كله عشان تحملوا اسرائيل ذنب اضاعة السلام؟ ومتوقعين من امريكا واوروبا انهم يبصوا لها بصة يوسف وهبي لليلى مراد في فيلم ليلى بنت مدارس ويقولوا لها: وانا اللي كنت فاكرك... آه يا سافلة.. ويروحوا لاطشينها بالقلم وماشيين.. صح؟ طب غطيها كويس وانت نايم، الظاهر التكييف مع الصيام عامل عمايله معاك انت واللي ساحبينك)

لمشاهدة رحلة فرقة الجوع الكافر في واشنطن كاملة اضغط هنا  

انا مش عايزة ادهم صبري

مين اللي علق بوسترات عمر سليمان في الشارع؟

مين اللي عمل كده؟ انت اللي عملت الصوت ده؟ يا لئيم... ده بالون اختبار؟ طب لا لا لا 

مش عايزين اي حاجة من ريحة رأفت الهجان وجمعة الشوان، رأفت وجمعة عندهم مهمة يقوموا بيها، مش شغلتهم يبقوا رؤوساء جمهورية، وبعدين انتوا مالكوا ومالنا؟ مالكوا ومالنا بقى ما تسيبونا في حالنا، مرة تقولوا لنا جمال ومرة تقولوا لنا عمر سليمان، ما تسيبونا بقى، سيبونا بقى... فين عماد اديب مش كان اتنيل اتكلم عن الخروج الآمن؟ برضه كان بالون اختبار؟ طب احنا وافقنا على فكرة على ما اذكر، ايه؟ عشان وافقنا انتوا ما رضيتوش؟ سيبونا بقى

حرام عليكوا يعني ايه الافترا ده؟ ايه يا شيخة.. ايه يا شيييييخةةةةةة كشفت راسي ودعيت عليكم

عموما بيقولوا فيه حظر نشر على بوسترات عمر سليمان بعد ما الخبر ده اتنشر في اللنك 

الحمد لله.. ايوة كده اعقلوا، كل واحد يخلي باله من لغاليغه