لقيته لقيته، العيال جابوهولي على التويتر:
استمع الى الالبون الجديد لعيلاء مبارك: اللي ما يحبناش ما يلزمناش
وبدأ بالعزاء للاخوة المصريين وباقول الاخوة المصريين في نجع حمادي، حبيت بس اقول دي عشان احنا كده يعني...
كده يعني ايه؟ كده يعني في السليم؟ وبعدين ادوس انا وللا تدوس انت
وبيقول لنا في وشنا ان فيه تعليمات بتهدئة والا انا لو اتكلمت انت ما تبقاش في الاستوديو :((
ده احتراف من الاخ عيلاء ان التصعيد كان باوامر، وبيقول لنا بقى دوقت الاوامر الجديدة والا خالد الغندور مش ح يبقى في الاستوديون
هو عمره العقلي كام سنة؟
ولو سمحت ما تضحكش كده عشان احنا بنهدي!!!!!!!!!!! قلتوا له الاي كيو كام؟ وللا كلهم بقوا بيستحطوا نفس الصنف وللا ايه؟
وقال: فيه انجازات في مصر تانية غير الكورة...
ايوة، انا كنت فاكراه ح يتكلم عن الصناعة
قال لك: فيه العاب تانية كتير غير الكورة عايزين نركز فيها ونشجع
هههههههههههههههههههههههههههههههههههههههههههههههههههههههه
الله يسعدك يا امور
اولا انا سمعت مكالمة علاء مبارك مع مدحت شلبي وعلاء مبارك بيقول لمدحت شلبي: والله انا كان نفسي اكلم حضرتك من زمان
:)
بصراحة صعب عليا، كان نفسه يكلم مدحت شلبي ليه؟ عشان مشهور؟ ما داهية يكون لما بيقابل اللعيبة بيخليهم يمضوا له على الجبس، وللا لما قال انا لما جه الجون الرابع كان ح يغمى علي!!!! ده كبير، عنده تمانية واربعين سنة
المهم، انا احب اشوف حفلة اللي ما يحبناش ما يلزمناش، عشان عبد الله كمال كان على التويتر امبارح وفيصل بيقول لي ده قال نفس الكلمة
---------
المهم بس، ياريت حد يكون سجل الاعترافات الخطيرة لتامر امين
انا مش مصدقة الطفرة الجينية اللي حصلت دي، تامر امين طالع امبارح يقول: الحكومة لازم تشكر المنتخب لان الناس اللي خارجة دي فرحانة فيها واحد جعان فيها واحد فقير
الكلام ده واحد كتبه على التويتر، رحت فاتحة على برنامج البيت بيتك
تصدقوا بلا إله إلا الله؟
عادها تاني عشان ربنا كاتبهالي
سمعته بودني بيقول الآتي: انا باكرر فعلا الحكومة لازم تشكر المنتخب، لان دي الحاجة، مش عايز اقول الحاجة الوحيدة اللي بتفرح الناس، بص على الناس، الناس دي فيها اللي مش لاقي يعالج ابنه، اللي مش لاقي يعلم ابنه، اللي ح يروح مش ح يلاقي العشا، وكلهم فرحانين فعلا الحكومة لازم تشكر المنتخب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
وفعلا انا لازم اشكر تامر امين
استمع الى الالبون الجديد لعيلاء مبارك: اللي ما يحبناش ما يلزمناش
وبدأ بالعزاء للاخوة المصريين وباقول الاخوة المصريين في نجع حمادي، حبيت بس اقول دي عشان احنا كده يعني...
كده يعني ايه؟ كده يعني في السليم؟ وبعدين ادوس انا وللا تدوس انت
وبيقول لنا في وشنا ان فيه تعليمات بتهدئة والا انا لو اتكلمت انت ما تبقاش في الاستوديو :((
ده احتراف من الاخ عيلاء ان التصعيد كان باوامر، وبيقول لنا بقى دوقت الاوامر الجديدة والا خالد الغندور مش ح يبقى في الاستوديون
هو عمره العقلي كام سنة؟
ولو سمحت ما تضحكش كده عشان احنا بنهدي!!!!!!!!!!! قلتوا له الاي كيو كام؟ وللا كلهم بقوا بيستحطوا نفس الصنف وللا ايه؟
وقال: فيه انجازات في مصر تانية غير الكورة...
ايوة، انا كنت فاكراه ح يتكلم عن الصناعة
قال لك: فيه العاب تانية كتير غير الكورة عايزين نركز فيها ونشجع
هههههههههههههههههههههههههههههههههههههههههههههههههههههههه
الله يسعدك يا امور
اولا انا سمعت مكالمة علاء مبارك مع مدحت شلبي وعلاء مبارك بيقول لمدحت شلبي: والله انا كان نفسي اكلم حضرتك من زمان
:)
بصراحة صعب عليا، كان نفسه يكلم مدحت شلبي ليه؟ عشان مشهور؟ ما داهية يكون لما بيقابل اللعيبة بيخليهم يمضوا له على الجبس، وللا لما قال انا لما جه الجون الرابع كان ح يغمى علي!!!! ده كبير، عنده تمانية واربعين سنة
المهم، انا احب اشوف حفلة اللي ما يحبناش ما يلزمناش، عشان عبد الله كمال كان على التويتر امبارح وفيصل بيقول لي ده قال نفس الكلمة
---------
المهم بس، ياريت حد يكون سجل الاعترافات الخطيرة لتامر امين
انا مش مصدقة الطفرة الجينية اللي حصلت دي، تامر امين طالع امبارح يقول: الحكومة لازم تشكر المنتخب لان الناس اللي خارجة دي فرحانة فيها واحد جعان فيها واحد فقير
الكلام ده واحد كتبه على التويتر، رحت فاتحة على برنامج البيت بيتك
تصدقوا بلا إله إلا الله؟
عادها تاني عشان ربنا كاتبهالي
سمعته بودني بيقول الآتي: انا باكرر فعلا الحكومة لازم تشكر المنتخب، لان دي الحاجة، مش عايز اقول الحاجة الوحيدة اللي بتفرح الناس، بص على الناس، الناس دي فيها اللي مش لاقي يعالج ابنه، اللي مش لاقي يعلم ابنه، اللي ح يروح مش ح يلاقي العشا، وكلهم فرحانين فعلا الحكومة لازم تشكر المنتخب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
وفعلا انا لازم اشكر تامر امين
43 comments:
تعليقاً على كلام تامر أمين
النبي عليه الصلاة والسلام بيقول: إن الله ليؤيد هذا الدين بالرجل الفاجر
وأنا أقول من عندي (ومش بقصد تحريف الحديث ولا حاجة): وإن الله ليؤيد هذا الشعب بالمذيع الحكومي
تامر امين اظنه هو تاع البيت بيتك نقولك اختي هو نفسه لدعا للاعاب تاع كوت ديفوار كي دخل على المنتخب الجزائري الهدف في الدقائق الاخيرة و قال بالمصرية الله يبشبش الطوبة لي تحت راسك ياكيتا كي فرحتنا بالهدف يعني متشمت و فرحان لو الجزائر خسرت مع كوت ديفوار يعني هل هذا اعلامي عربي مسلم المهم ساكتب لك هذا الكلام اختي حاولي قرائته خاصة اني مش هدفي الماتش تاع لبارح و لو اني ساحكي عليه شوية اما هدفي فهو شيء اخر ستجيدينه في نهاية هذه الرسالة لان قلوبنا وجعتنا جدا..ساقول فقط ان الاجواء في الجزائر احتفالية كانت البارحةالى غاية اوقات متاخرة من الليل فلم نحس بالهزيمة و نقول ما دام مقر الكاف في مصر زاهر و شحاتة و علاء مبارك يستطيعو يربحو حتى البرازيل مع ضمان ان تكون الكاس مصرية الى ما لا نهايةو نقول ايضا مادام مقر الكاف في مصر لن تكون اي نزاهة في الكرة الافريقية تماما مثل مقر جامعة الدول العربية لي هو في مصر و مع الحكم تاع لبارح لي كان قمة في الوضاعة و الدناءة و هذا مش غير راي فقط بل راي معظم الصحافة الاجنبية و خاصة الفرنسية و الحكم كان كريم جدا في اعطاء الكارتات الحمراء للجزائريين و ماهوش جديد عليه لانو حكم معروف بعدم النزاهة كما نستغرب كيف انتم فرحانين بفوز 11 لاعب على 8 لاعبين و مثلما قلت لك المرة لي فاتت بدات طبول الغندور و حجازي و علاء مبارك تشتغل و الرئيس يهاتف الفريق القومي المصري يبارك على هزمه للفريق الجزائري قوليلو يا اختي روح يا حسني مبارك علاه راك عايش في الدنيا يا معذب اطفال غزة بالجدار الا تخجل من نفسك مهتم بشحاتة و انتصاراته على اشقائه المسلمين الجزائريين اما ناس فلسطين ربي يهديهم فرحانين بماذا؟ بماتش و غزة دون كهرباء و الله عجب اما الشعب المصري و الله نحكي صح بدل ما يخرج فرحان في الشوارع لما انتقم و هزم الجزائر قوليلو اختي الكريمة يروح ينتقم من الذين بنو الجدار و يخرج في مسيرات احتجاجية في الشارع ضد حسني مبارك و ليس فقط حسني مبارك المسوؤل على الجدار الشعب المصري ايضا ساكت جدااااااااااا لماذا ساكتين علاه تخافو من حكومة ظالمة ربي معاكم و حنا ايضا معاكم والله ربي مايرضى بجدار مبني على اطفال و شيوخ عجز و الشعب المصري ساكت و قنواتكم لاهية بالغناء و الافلام الماجنة و مباريات كرة قدم المختصة في صنع الضغينة و التفرقة بين شعبين مسلمين قلبي وجعني و شيء مؤسف جدار قد الدنيا و شعب فرحان بانتصاراته على شعب شقيق و لا حول و لا قوة الا بالله
من الجزائر@
يا ريت تجيبى روابط للصحافة العالمية اللى قالت ان الحكم ظالم
!
@ من الجزائر
بالمناسبة
الجزائر صعدت على حساب كوتديفوار على الرغم من تسجيل كوتديفوار هدف التعادل ( الصحيح) و احتسبه الحكم تسلل
ايه رأيك ؟
فعلاً الحكومة لازم تشكر الرئيس المنتخب على إنه آخر انتخابات نزل عن التسعة وتسعين في الميه وحبس واحد بس من المنافسين
ميدو
اة الحكم ظالم و نص و كمان حمار فيه حد يطرد 3 و كمان ماعملوش شئ يسحق الطرد
ومن الجزائر - احنا بنحبكم - و الله امبارح- انا على فكرة شفت 10 دقائق اخر 5 فى الاول و اخر 5 فى التانى و كنت بشجع الجزائر فى الشوط التانى واتمنى الجزائر تجيب هدف والا 2 علشان اخواتناالجزائريين ما يزعلوش قوى
عموما ان شاء الله تاخدوا التالت و امامكم فرصة فى العالم
المفروض يلغوا الكورة دى خالص و يريحوا الناس علشان يشوفوا نفسهم على حقيقتها
انا بكره الكورة جدااااااا
@ Said: stop mixing politics with religion with football. You lost fair and square and every single card was merited and if you are one of those who apply objective thinking plz go and check what every single sports report in EU, US ect said about the match. Egypt dominated before the first card and showed good sportsmanship. Algerian players lacked on proper behavior, good sportsmanship and at some points they were trying to make sure they injure the Egyptian players badly, some attacks couldve ended a players career. Have some decency and acknowledge that your team was a mess and the entire attitude of war-like propaganda is wrong and there is huge lack on proper morality by most of the players and their coach. There is a clear issue regarding unacceptable violence by some in the team, condoned and encouraged by the coach and also by some fans. A friend of mine watching in London, in a place full of Algerians was threatened to be attacked if she doesnt stop showing her happiness after every game. She couldve simply called in the police but she didnt as a fav. The one threatening her wasnt a young unwise guy but was a man in his later 40s, youd think he would be more sensible, but nope.
In the end, this reflects on your country, when the national team is so irresponsible and so mean like that.
يا سبحان الله مفيش أي صحافة قللت من قيمة الحكم و خطأته سوى الصحافة الجزائرية
و هل لما خسرنا قبل كده من الجزائر كان مقر الإتحاد الافريقي مش في القاهرة
!!!!!!!!!!!!!!!!!!!!!!!!!!!!!!!!
حجج فارغة
اللاعبين الجزائرين لو كانوا لعبوا بدون عنف ما كانش حد إنطرد منهم
لكن لعبوا بعنف شديد و لما الحكم طردهم جزاء وفاقاً لعنفهم في الملعب بقى الحكم وحش و كخة
دا على اساس انهم المفروض يضربوا لعيبتنا بدون اي عقاب
دا الجرائد البريطانية و كذا موقع عالمي إنتقدوا الحكم إنه ما طردش حارس مرمى الجزائر لما إعتدى عليه في الشوط الاول
عموماً كله مكتوب هنا
http://news.google.com.sa/news/section?cf=all&ned=ar_eg&topic=s&ict=ln&safe=active
@ wahat_alshohada
و انا كمان بحبهم
بس متبقاش شفت 10 دقايق و تفتى
:))
و اقسم بالله العظيم اني بأحب الجزائر إخواتنا المسلمين
و باركت لهم بعد تأهلهم لكأس العالم
و ممكن تراجعوا أرشيف مدونتي وقتها
لكن امبارح فعلاً الجزائر لعيبتها كانوا في منتهى العنف و إستحقوا الطرد
فما تفتيش يا أستاذة إيمان غير لما تشوفي الماتش بحاله
يا ميدو مانا شفت ليه انطرد 2 منهم على الاقل شفت اللى عملوة مكنش يستحق طرد طرد يعنى
ياللا ربنا يرحمنا من الكورة
وسنينها
بس بصراحة اكتر حاجة بحبها فى الكورة
ان المترو بيبقى فاضى و بقعد وانا مروحة :) و دة السبب الوحيد اللى بيسعدنى لما بعرف انه فيه مباراة
تامر امين مكانش فى حالته الطبيعية
انتى مشفتيهوش عامل ازاى
شكله واخد دور برد جامد
و الفرحة لحست مخه
عشان كده قال الكلام دا
دا مسك الطبله و العصاية و قعد يطبل فى الفاصل
بس برضة نحييه و نقوله شكرا يا تمورة على مشاعرك النبيلة
لقطة نادرا ما تحدث فى ملاعب كرة القدم
حارس مرمى الجزائر يضرب الحكم برأسه و الحكم يكتفى بانذاره
http://www.youtube.com/watch?v=sJ8Iu2KcpHs
:D :D :P
الأخ من الجزائر
كل الحب و التقدير للشعبين المصري و الجزائري المطحون ف بلادة المهضوم حقة المغيب تماما و المسيطر عليه بالتفاهات
و دعنا نتسائل
كسبنا
كسبتم
حد من الشعبين اللى طلعان روحهم حياخد حاجه من الملايين و المليارات اللى بتتصرف على شويه لاعيبة
كلها كام يوم
وكل لاعب فى الفريق الجزائري يروح على ناديه فى اوروبا
و ينسااااااكم تماما
و المثل عندنا
و لا عزاء للمطحونين
يا عالم
فكرواااا
حد من اللاعييبة حيديله جنيه يشتري بيه لقمة تسد جوعة ؟؟
و بعدين الاخ من الجزائر
... يفكه من شغل الدكن دا و يحل عن سمانا شويه ...
دا اللى ميشوفش من الغربال يبقى أعمي .. كل اللى حصل من اللاعيبة الجزائريين مشفتهوش ؟؟؟
بصراحة فريق لا يستحق المكانة العريقة للشعب الجزائري عندنا و لا يعبر عن مشاعر الاخوة بين الشعبين
فريق لا يستحق ان تذرفوا من أجله دمعة واحدة
هل رايتي اختي نوارة العيب اين في مصر في الشعب الساكت .. انا كتبت لك رسالة من جزئين و كنت اركز على الجانب تاع الجدار اكثر لكن اظن ان جميع الردود تاع الاخوة المصريين رايحة تكون على المباراة فالجدار لا يهمهم و لا يهمهم ايضا صانع الجدار ... وعلاه ؟ لماذا يا اخواني المصريين ؟ لو كان هذا قبل ما نكتشفو الجدار ممكن معليش رايحين نخوضو مع الخائضين و ننساو مشاكلنا مع الماتش لكن راهو كاين جدار مبني على غزة مكانش احساس عندكم الم تحسوا بقساوة هذا المشروع الشيطاني تاع حسني مبارك و ابنه علاء هو مستغفلكم بالرياضة يعني الم يتالم قلبكم لما سمعتو علاء و هو يقول للغندور تفرجت الماتش مع الوالد و الوالد عندو وقت يتفرج في ماتشات و مشروع الجدار مستمر ؟؟؟ تقول حنا الجزائريين واش دخلنا بيكم سوف اجيبكم لان الحكومة عندكم عملت خطة حسب رايي هي تبني في الجدار و حتى تربح سكوت الشعب عندكم على هذا العار العظيم وجدت الجزائر كبديل تفرغو فيه غضب الشعب المصري و احنا صاي هذه المرة ملينا
غزة يا مصريين علاه مش حاسين بيها انساو الجزائر و تفكرو غزة و حنا معاكم كلنا اخوة و الله فيقو شوية و اكثر مثال الاخ لي اسمو ميدو عيب و الله مهتم نجيبلك لينك على الصحافة الاجنبية لي حكات على المباراة حنا اخوانك جزائريين افضل نجيبلك لينك على الجدار و الجوع لي في غزة و السيول لي غرقتها بسبب فتح اليهود للسدود عليها http://www.ikhwanonline.com/Article.asp?ArtID=59562&SecID=231
بصي هو اللي عبد الله كمال قاله بالضبط كان كالتالي:
الكئيبون يمتنعون عن التوتره الليله دى ..ناموا ياجماعه http://twitter.com/abkamal/status/8340827343
وعمل ريتويت لشقير وهو بيقول:
RT @Shokeir RT @cocy ها أقول تانى " اللى مالوش فى الفرحة الليلة يخليه فى كوزه على ما نعوزه" http://twitter.com/Shokeir/status/8341029585
انا كدا مش هكتب مقالى تصبحوا على خير جميعا ..والكئيبين يمتنعون http://twitter.com/abkamal/status/8341714963
بس بقه وشرب الزبادي ونام
لقد حدد القرآن الكريم طبيعة العلاقة العامة بين المؤمنين والمسلمين بأن تكون علاقة أخوة، وعلاقة الأخوة هي فوق علاقة المصالح المشتركة، وفوق العلاقة الوطنية، فأخوّة المسلمين يجب أن لا تحدد بقومية، أو وطنية، بل يجب أن تكون أقوى رابطة تربط المسلم بأخيه المسلم...لكن رغم انى جزائرية وعجبنى لعب المنتخب الوطنى في مقابلة كوت ديفوار من حيث المتعة الكروية لكن صراحة قلت يا ريت تربح مصر لسبب وحيد الجزائريين ما يبكوا ولا يقفوا بزاف مع الخسارة يعني ما يتكلموا بزاف اما هذوك عمرو اديب وشلبي وحجازى وقنوات النفاق راح تصدعنا راسنا و ينكدوا عيشتنا اقصد الشعبين واحنا مش ناقصين ...صحيح فيه شماتة لكن لا يهم المهم حقا ان تخلص هذه الهم تاع الكاس وتعود ريمة لعادتها لقديمة ونتمنى الكاس عربية مصرية
المفاجأة الولد الجزائري اللي بسيجل تعليقاته في المطبخ على اليوتيوب بعد كل مباراة
المرةدي بيعلق من حجرة اخري
و بكل هدوء
على كل حال
هارد لك الجزائر
مبروك مصر
لا حكم مش بيفهم خالص
تقريبا و كلنا عمي برده
:)))))))))
http://www.dailymotion.com/video/xc0zyk_algeria-violence-against-egypt_sport
يا أستاذ من الجزائر
====================
رفض الجدار شئ مفروغ منه
فلا يوجد مسلم واحد عاقل يوافق على هذا الجدار و الا يكون ناقص عقل او دين
و معظمنا كتب يستنكر و يرفض الجدار
أما السيول فهي أصابت غزة و سيناء ايضاً
و مازال المنكوبين في سيناء مشردين بسبب حكومة لا تهتم حتى بشعبها فكيف تهتم بالاشقاء في غزة
بصوا على ضربة الجزاء ..سيبكو من المذيع بيقول إيه.... إبن الذين عماد متعب طليع ممثل أوسكار..... والله الكورة دي لعبة واطية بصراحة
look at 2:30
http://www.youtube.com/watch?v=-mMcJY6ftGc
الأخ الجزائري
انا للاسف مش عارف اقيم اللي انت بتعمله ده كلام حقيقي و صادق ولا مجرد مزايدة
ان كنت عايز تعرف موقف كل واحد من الجدار اقرا التعليقات على المدونة نفسها و في كل حتة
ان كنت عايز تعرف اقرا التعليقات بخصوص فرحة اهل غزة بفوز منتخب مصر امبارح , انا باقول اقرا تعليقاتنا بخصوصها مش باقول لك شوف الخبر نفسه
انت عايزنا يبقى لنا دور و معاك حق , لكننا للاسف مقموعين في كل حاجة زينا زي اهل غزة بالظبط
بلا مبالغة
انت لو مش مقموع ممكن يبقى لك دور
اضغطوا على حكومتكم عشان بدورها تضغط على اللي هنا عشان يفك الحصار , بصورة مباشرة كده
احنا هنا مقموعين
بلا مبالغة
فينا ناس مش في دماغها
لكن الواقع ان الكل مقموع
مش كان ناس من عندكم بيقولوا ان الحاكم عندكم بيمثل الشعب فعلا و ان فيه حرية ؟؟
خلاص
فين ارادة الشعب ؟
اضغطوا على الحاكم عشان يضغط على اللي هنا
و ده واجبكم تجاه اهل غزة
و مش الجزائريين بس
ده كل العرب و كل المسلمين
لازم كل حاكم يضغط لرفع الحصار عن غزة
مش باستثنى الشعب المصري من المسئولية
بس الفكرة ان هنا فيه ناس بتتكلم مش بتسكت , و فيه يائس , و فيه اللي مش في دماغه
فين بقى باقي المسلمين و العرب اللي عايشين في دول حرة ؟؟؟
خد بالك انا ما اتكلمتش عن الماتش خالص اهو
اه والنبي
بلاش حد يتسلى على مواجعنا
احنا اه عندنا وضع سيء، واللي زاد من سوء وضعنا موقعنا الجغرافي وتوقع الناس مننا اشياء بناء على الموقع ده
لكن بالنسبة لاننا ساكتين، فالكل ساكت يعني، انا ما سمعتش عن ثورة عربية ضد الظلم والطغيان، يعني الجدار خيانة وقرف وكل حاجة، بس الطبيعي ان الناس بتثور على ما يمسها اولا زي الفقر زي القهر زي الحكم بالحديد والنار
وماحدش ثار على كل ده وكل ساكت عليه، سواء في مصر او خارج مصر
واحنا متضايقين هنا في مصر من الاوضاع دي بس اللي بايدنا هو اللي بايد اي مقهورين في اي دولة عربية
اما بالنسبة لملحوظة ان الناس سابت الرد الطويل العريض وما ردتش غير على المباراة والحكم
بصراحة الاخ من الجزائر معاه حق
يعني انا بصراحة اتضايقت من الكلام، بس اللي ضايقني هو اللوم على اننا ساكتين وكأن في ايدنا حاجة او كأننا سمعنا عن ثورة عربية ضد الطاغية في اي بلد عربي تاني واحنا اللي مقصرين
قام كل اللي دخلوا سابوا كللللللل الكلام ده كله وعلقوا على الماتش والحكم والمباراة
وده اصله ايه؟ تبلد مشاعر وللا سرحان وللا ايه بالظبط؟
ماهو البني ادم ما ينفعش يبقى ما بيحسش خالص كده
لازم يكون بيزعل ولو شوية صغيرين رد الاخ من الجزائر فيه كلام كتير يوجع
معقولة مافيش خالص كده؟ مراكز الاحساس ضربت؟ وللا انا اللي باكبر الامور وللا ايه؟
ثانية واحدة يا شباب
الى اللي ما يتسمى
تخش بالاكاونت بتاعط تخش بانونيمس برررررضه مش ح انشر لك تعليقاتك
هش من هنا بقى
وعلى فكرة تعليقا على ان الاخوة المشجعين ههههه قصدي المعلقين، مافيش حاجة زعلتهم غير التشكيك في الحكم
تامر امين كان معاه حق ان مبارك لازم يشكر المنتخب
وانا كان معايا حق لما قلت ان ده منتخب مبارك
بالذات الجيل ده من المنتخب
ايوه يا ستى تامر امين واعى لكلامه يعنى عاوزة واحد من ديول النظام يقول ايه غير كده
مش انا حذرتك قبل كده و قلتلك بطلى طيبة
و بعدين خالد الغندور مشروع مذيع كويس هو بس يتدرب و ياخد كورسات فى التقديم خلال عشرين سنة و بعدها يتدرب فى قناة فضائية للفشلة و بعد كده يشتغل عند اسياده عيلاء و جيمال ولا البيه صاحب العزبة
ولا انتى اتضايقتى من الغندور لما حددك و قال لعيلاء ايه رايك فى الحملة الى اتعرضلها بعد المتش الى فات على النت زعلتى من خالد علشان قال انك صاحبة الحملة هههههههههههههههههههههههه
نيجى بقا لعيلاء بيه باشا امين شرطة اصمله ههههههه
واحد بيتفرج على الماتش فى مدرج منزلى و مع الاسرة الغير كريمة و بيشوف و يشجع المنتخب بتاعه لغاية كده كويس و عادى
لكن انا عاوز افهم هو القصور بتاعت مبارك و عياله فيها استادات مخصوص ليهم و شاشات عرض عملاقة ... خبر اسود و منيل يعنى فيها ما لا عين رأت هههههههههه
على راى واحد صاحبى - بعد ما شفنا - لقاء لمبارك متصور فى حديقة القصر - قال صاحبى " و الله الى يقعد فى المكان ده - مكان التصوير - ينسى الدنيا يبقى ليه حق مبارك ينسى الدنيا ههههههههه
بس ايه رايك مش عيلاء زوق اهه و عزى الناس و تصدقى طلع بيفهم فى الكورة قال الجون بتاع عماد متعب فى مباراة الجزاير - الا هو نوع المشروب الى كان بيشربه اثناء المباراة ايه بالظبط ههههههههه- ولا يكنش احنا شوفنا الماتش من غير جون عماد متعب و هو علشان الشاشة العملاقة شاف جون عماد متعب ... و الله جايز
لا و ايه كمان منتخب ملاوى عجبه - علشان كسب الجزاير - طيب بلغة الكورة يا بيه يا باشا الفريق الى يفوز تلاته و ينهزم مباراتين و يخرج بره البطولة ميبقاش فريق .. يعنى الجزائر احسن من ملاوى لانها كملت فى البطولة
بس تصدقى حلوة تعليقات الاخوة على البوست ههههههههههه
و انا مش عادتى انى اتدخل فى راى معلق او اناقشه فيه او اصححله - طالما انه لم يوجه لىّ الكلام - بس بصراحة اتضايقت من الى جاب كلمتين - اقتباس : النبي عليه الصلاة والسلام بيقول: إن الله ليؤيد هذا الدين بالرجل الفاجر. انتهى - و بيقول عليهم حديث
لم نسمع بحديث مثل هذا الشكل و النبى لم يقل هذا والا هات لنا الدليل من كتب الصحاح و بعدين بالعقل كده طول التاريخ الاسلامى لم نرى و نشاهد رجل فاجر ايد هذا الدين .. هل عجز الله ان ييسر لدينه ما يشاء من الصالحين و الابرار هل عجز عن ذلك حتى يستعين بالفاجر
حاشا لله
اللهم ارشدنا للصواب و الحق و احفظ سنة رسولك من الافتراء
نلتقى بعد المعلقين
نوارة
انا داخل اعلق على الموضوع بتاع البوست
ايه علاقة الجدار بالكرة ؟
هى الفكرة ان اختنا من الجزائر عايزة تاخد بونط علينا فى النقطة دى حتى لو بعيد عن الموضوع
و ده بيؤكد حالة الانكار النفسى عندها
و كأنها بتقول اذا كنتم محاصرين غزة يبقى مش حتعرفوا تشتروا الحكم؟
مزايدة واضحة
شمس العصاري
حديث إن الله ليؤيد هذا الدين بالرجل الفاجر
فى البخارى ومسلم
ومش شرط الفاجر يكون كافر
ممكن يكون مسلم وعامل معاصى كتير زينا كدا
طب انا عايز حد يفهمني
ليه معتبرين المنتخب ده بتاع النظام مش بتاع مصر ولا بتاع نفسه حتى ؟
تامر أمين إيه دا اللي نشكره ؟!؟
هو ولا اتغير ولا حاجة
كلمتين في لحظة عاطفية لفرحته بالفوز
وهو ولا حاسس بيهم ولا هما من قلبه ولا حاجة
شوية ويرجع لطبيعته الدنيئة عادي
واه على فكرة
علاء فرحان بإنه بيكلم حد من التلافازيون
عشان هو لسه مابقاش نجم إعلامي
هو لسه نجم صوتي بس
:D
بالنسبة بقى لإنك شايفة إن الحكم مخطئ ومتجني ومبالغ في كروته الحمراء
أنا متفهمة رؤيتك دي
وعارفة إنك مستهيفة الناس ومستنكرة الفرحة "الهبلة" المبالغ فيها دي
لكن الحكم مش غلطان
المنتخب الجزائري معتمد على تفويت الحكام كل مرة
المرة دي الحكم كان صارم
وهم يستاهلوا الصرومية دي
:D :D
بسبب الدور اللي بيلعبه
انا عمري ما شفت منتخب كل ما يفوز في ماتش الناس تحب رئيس الجمهورية وولاده وتبقى فرصة انه يروج للاسرة الحاكمة
والجيل ده بالذات في المنتخب
اوحش فترة استغلت فيها الكورة وباوحش طريقة
حاجة خرا
عزيزي شمس العصاري
بما أن البينة على من ادعى (وهو أنا) فسوف أسوق لك نص الحديث الذي ورد فعلاً في الصحيحين
الحديث ورد في صحيح البخاري كالآتي
حَدَّثَنَا أَبُو الْيَمَانِ أَخْبَرَنَا شُعَيْبٌ عَنْ الزُّهْرِيِّ قَالَ أَخْبَرَنِي سَعِيدُ بْنُ الْمُسَيَّبِ أَنَّ أَبَا هُرَيْرَةَ رَضِيَ اللَّهُ عَنْهُ قَالَ شَهِدْنَا خَيْبَرَ
فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِرَجُلٍ مِمَّنْ مَعَهُ يَدَّعِي الْإِسْلَامَ هَذَا مِنْ أَهْلِ النَّارِ فَلَمَّا حَضَرَ الْقِتَالُ قَاتَلَ الرَّجُلُ أَشَدَّ الْقِتَالِ حَتَّى كَثُرَتْ بِهِ الْجِرَاحَةُ فَكَادَ بَعْضُ النَّاسِ يَرْتَابُ فَوَجَدَ الرَّجُلُ أَلَمَ الْجِرَاحَةِ فَأَهْوَى بِيَدِهِ إِلَى كِنَانَتِهِ فَاسْتَخْرَجَ مِنْهَا أَسْهُمًا فَنَحَرَ بِهَا نَفْسَهُ فَاشْتَدَّ رِجَالٌ مِنْ الْمُسْلِمِينَ فَقَالُوا يَا رَسُولَ اللَّهِ صَدَّقَ اللَّهُ حَدِيثَكَ انْتَحَرَ فُلَانٌ فَقَتَلَ نَفْسَهُ فَقَالَ قُمْ يَا فُلَانُ فَأَذِّنْ أَنَّهُ لَا يَدْخُلُ الْجَنَّةَ إِلَّا مُؤْمِنٌ إِنَّ اللَّهَ يُؤَيِّدُ الدِّينَ بِالرَّجُلِ الْفَاجِرِ تَابَعَهُ مَعْمَرٌ عَنْ الزُّهْرِيِّ وَقَالَ شَبِيبٌ عَنْ يُونُسَ عَنْ ابْنِ شِهَابٍ أَخْبَرَنِي ابْنُ الْمُسَيَّبِ وَعَبْدُ الرَّحْمَنِ بْنُ عَبْدِ اللَّهِ بْنِ كَعْبٍ أَنَّ أَبَا هُرَيْرَةَ قَالَ شَهِدْنَا مَعَ النَّبِيِّ صَلَّى اللَّهُ عَلَيْهِ وَسَلَّمَ حُنَيْنًا وَقَالَ ابْنُ الْمُبَارَكِ عَنْ يُونُسَ عَنْ الزُّهْرِيِّ عَنْ سَعِيدٍ عَنْ النَّبِيِّ صَلَّى اللَّهُ عَلَيْهِ وَسَلَّمَ تَابَعَهُ صَالِحٌ عَنْ الزُّهْرِيِّ وَقَالَ الزُّبَيْدِيُّ أَخْبَرَنِي الزُّهْرِيُّ أَنَّ عَبْدَ الرَّحْمَنِ بْنَ كَعْبٍ أَخْبَرَهُ أَنَّ عُبَيْدَ اللَّهِ بْنَ كَعْبٍ قَالَ أَخْبَرَنِي مَنْ شَهِدَ مَعَ النَّبِيِّ صَلَّى اللَّهُ عَلَيْهِ وَسَلَّمَ خَيْبَرَ قَالَ الزُّهْرِيُّ وَأَخْبَرَنِي عُبَيْدُ اللَّهِ بْنُ عَبْدِ اللَّهِ وَسَعِيدٌ عَنْ النَّبِيِّ صَلَّى اللَّهُ عَلَيْهِ وَسَلَّمَ
المصدر
http://www.al-eman.com/hadeeth/viewchp.asp?BID=12&CID=379
وسأذكر لك مثالاً واحداً على ذلك هو الحجاج بن يوسف الثقفي الذي كان يوصف بالتجبر ومع ذلك كان له فضل فى بعض الفتوحات، وفي تشكيل حروف القرآن
أعتذر لصاحبة المدونة عن الخروج عن الموضوع ولكن الاتهام بالكذب على رسول الله أو تأليف الأحاديث ليس اتهاماً بسيطاً
وكان يكفي عزيزنا الذي اتهمني بذلك ـ ببساطة ـ أن يبحث في جوجل عن هذا الحديث قبل أن يتهمني بذلك بكل بساطة.. وعندها كان سيجد 13,700 صفحة فيها نص هذا الحديث وأنه حديث صحيح
طب هاقول لك حاجة
انا معاكي ان النظام بيستغل المنتخب و لعيبته في رفع شعبيته اسوأ استغلال
بس الواقع انه بيستغله بنظرية سارق الفرح
بالظبط زي ما ادوا البرادعي وسام النيل كده زمان قبل ما يغلط يا عيني و يقول الكلمتين بتوع الرئاسة دول
:)
و زي برده لما كام واحد من اللي طلعوا الاوليمبياد من كام سنة اخدوا ميداليات , و كانت النتيجة ان صورهم اتعلقت في كل شوارع القاهرة و اتصل بيهم البيه الباشا الوزير المحافظ العمدة برده
اي حد هايجتهد في البلد دي و هايبان او هايحقق انجاز هايحاولوا يستغلوا انتصاراته دي و يسرقوها و ينسبوها لنفسهم
و مش الحل اننا نبقى عايزين ماحدش يعمل حاجة خالص عشان خاطر ما يلاقوش حاجة
هاتقولي لي الكورة مش حاجة بتفيد البلد
صح
لكن اللي حصل ان الجهاز الفني ده و اللعيبة دي اجتهدوا
و انا عن نفسي مقتنع ان هزيمة ام درمان سببها الجوز اللي راحوا هناك يسرقوا الفرح
ربنا اراد يخزيهم
:)))
بس ايا كان
لا الناس هاتحب العوكل ولا ولاده عشان المنتخب كسب ولا ما كسبش
اللي رفع صورة جوجو بعد اي ماتش محضرها من قبل كده و لو هانعرف ده مين هانلاقيه حزب وثني
سارق الفرح برده
العيب اللي حاصل حاجتين
اولها ان الناس فعلا بتتلهي و بتاخد مخدر اسمه الكورة عشان تنسى
الاختراع ده مش عارف عوكلي و لا من ايام السادات , بس اهو ده اللي حاصل من ايام عايز تغيظه هات له بيبو
و تانيها ان الناس عشان الكورة دي بتتعصب تعصب غبي
زي برده اللي كان بيقول لو الزمالك بيلاعب اسرائيل هاشجع اسرائيل
في الحالتين ده مش ذنب المنتخب نفسه انه بيعمل حاجة و اجتهد فيها
و عموما بكرة يغضبوا على حسن شحاتة و يطيروه , و ترجع ريما لعادتها القديمة في البطولات دي
:)))
طب ماهو سارق الفرح انا موافقة معاك
بس هو خلاص اتسرق ما احنا اخدنا كاس افريقيا قبل كده وطلعنا كاس العالم قبل كده وكنت لسه باكلمهم الصبح لا عمرنا سمعنا الجوهري بيتكلم في السياسة زي سماحة السيد حسن شحاتة اللي طالع كان يتكلم في السياسة
وبعدين هم بيستغلوا بمزاجهم يا تامر
احمد حسن يطلع يتكلم في مشكلة الصحارى ما بين المغرب والجزائر؟ هو ماله هو
هو جلال امين وللا فهمي هويدي اتكلموا في الكورة؟ ليه حسن شحاتة واحمد حسن يتكلموا في السياسة؟
وبعدين يعني اللعيبة دول بياخدوا ملايين حضرتك
مش عشان متخلفين وبيتكلموا زي الميكانيكية بقوا ممثلين للشعب وهم قابلين يتحشروا في اللي مالهمش فيه ويستغلوا وبقوا زعماء سياسيين وقادة دينيين ومنتخب الساجدين واولياء الله الصالحين
ماطول عمر لعيبة الكورة بيسجدوا لما يجيبوا جون
اختراع يعني سجدة الشكر دي؟
وعشان بس ما نضحكش على نفسنا
المنتخب ده عمل لنا ازمة دبلوماسية مع دولة تانية
دي حقيقة وللا احنا بنتبلى؟
وبعدين خلاص الطوبة جات في المعطوبة
انا بس عايزة اعرف، لما اللعيبة، اللي عملوهم زعماء سياسيين واوليا، لما يعتزلوا الناس ح تعمل ايه؟
اه
بالنسبة للي بيقول انه اتكلم في الماتش عشان ده موضوع البوست
سلامة الشوف
ده مش موضوع البوست
موضوع البوست تامر امين وعلاء مبارك
حالة الانكار دي كانت عندنا برضه ومافيش داعي بقى للكلام في المزايدات عشان هم اتقال عليهم كلام عنصري وقذر وافترا برضه عشان كسبوا ماتش
وبصراحة انا قرفانة منكوا كلكوا
الله يخرب بيتك يا مبارك
الله يخرب بيتك يا علاء مبارك
انا عمري في حياتي ما كرهت بني ادم قد علاء مبارك ده
وعلى فكرة طول عمرنا كنا بنلعب مع الجزائر وفيه منافسة قوية وكانت المغرب معقدانا والماتشات بتقلب بضرب وخناق وكل حاجة
بس حتى الجزائريين متغيرين في طريقة تعاملهم مع الكورة
يعني اه الجزائريين والمصريين كتير كان بيحصل بينهم عنف، عمرهم ما جابوا سيرة كامب ديفيد مثلا اثناء الماتش
واول مرة اسمع الامازيغ دي عندنا
حاجة خرا
لأ يا أستاذة
مين اللي قال أن عمرنا ما سمعنا سيرة كامب ديفيد في اللي بيحصل بيننا وبين الجزائريين؟؟
دي أول علقة في التاريخ أخدناها في الجزائر في الملعب كانت سنة 1978 وعلى خلفية سفرية السادات الشهيرة إلى القدس
وبالمناسبة الجزائر كانت ساعتها هي الدولة المضيفة
يعني مش طرف في المباراة بس الخناقة كانت في الملعب بين لعيبة مصر وليبيا بعد ما منتخب مصر جاب جون
والشرطة الجزائرية بدل ما تنزل تفصل الفرقتين نزلت ضرب في الفريق المصري
وطبعاً التفسير الوحيد للي حصل ده هو السياسة وسفرية السادات للقدس
الله عليكى يا نوارة انتى وواحة الشهداء انا دخلت بس عشان احييكم لان كلامكم محترم وعاقل
هو الحقيقة الحكومة هتشكر المنتخب فعلا وهتديله ملايين
مش كفاية دة؟؟؟؟؟!
افرحوا يا مشجعين الكورة حارس مرمى غانا دخل المستشفى
الحقيقة حظ .....
نورا
كويس قوي الاعتراف بالكورة كمخدر شعبي لشعوب مهيأة للابادة، عقبال الاعتراف بالدور الرائد لدعاة الفضاء وبرامج مؤتمرات النسوة الصيع، ثلاثي التعاطي الشهير الذي نتجت عنه حالة الوعي المصري
تحياتي
أؤيد الأستاذة نوارة بشدة فى حديث سارق الفرح ونفسى أبعت تعليقى وأضيف للأستاذ تامر ولكن حظ الكابتن العجيب يمنع حتى التعليق
الحمد لله التعليق اتبعت أما الإضافة يا أ / تامر فهى أنه لا يوجد أى إجتهاد فقط حظ مطلق ولك أن تراجع الآتى لتتأكد
1- تستطيع أن تقابل الكابتن محظوظ فى أى وقت بقهوة الحصن بالمهندسين حيث ينفق جل وقته فى الشيشة ولعب الطاولة مع أى من رواد المقهى ( وتستطيع أن تلاعبه لتكتشف حظه بنفسك ) ولا يتابع حتى مباريات الدورى
2- السر فى القماشة فقد توافرت بشكل قدرى للمحظوظ عناصر تمثل أقوى فريق فى تاريخ مصر حيث جمع القدر بين الحضرى 37 سنة والمحمدى 23 سنة فى فريق واحد وبينهما 5 أحترفوا فى الدورى الإنجليزى يتبتر الكابتن على 3 منهم و2 آخرين رشحوا للعب فى الدورى الإنجليزى وواحد فى الألمانى وواحد راجع من البلجيكى والباقى فضلوا الملايين فى مصر بدون تعب أو جهد ومع ذلك لم يصل بهم لحلم كأس العالم
3- خناقات اللاعبين مع أنديتهم للإنتقال للأهلى حتى يكونوا تحت أنظار الكابتن فى القهوة مثل شريف عبد الفضيل ووليد سليمان وأوكا حتى معجزته الأخيرة جدو 27 سنة متلقح قدامه من 5 سنين لم يراه إلا الأن وميدو الذى ترك مليون جنيه شهريا وعاد على أمل أن ينال الرضا السامى ويلعب فى كأس العالم ليسترد ملاينه مضاعفة
4- كويس إن نوارة جابت سيرة الجوهرى الذى وصل لكأس العالم بلاعب واحد محترف فى بيرامار البرتغالى وأجتهد ليقدم آخر من الدرجة الثانية مثل هشام عبد الرسول وقدم أيضا للمحظوظ لاعب كان مغمور فى 2000 مثل وائل جمعة فى المحلة أشرف على وضع برنامجه التدريبى ليكون أقوى مدافع فى مصر حتى الأن وفاز بكأس الأمم ب 2 فى الدورى الألمانى وواحد إحتياطى فى الإيطالى والأهم لم يكن ليسمح بالدجل الحالى وأن يكون وفريقه مطية لفساد سياسى ومالى ومشروع توريث شعب وبعد 15 سنة شغل وعمل شاق لم تعرف حتى أسم ابنه الوحيد ( اللى أختشوا ماتوا )
5- لا مانع من أن يكون الكابتن محظوظا أو موفقا ولكن الغير مقبول أن يكون البقرة الحلوب للسياسيين ورجال الأعمال والتنفيذيين وأرباب الفساد ولو على حساب عمله الأصلى كمدير فنى وعلى أيده تحول المنتخب إلى عالمة بتلف فى موالد السودان والإمارات وعمان ويلموا وراها النقطة والعلب مجهولة المحتوى ولك فى معسكر فتحى سرور -قابوس السبب الحقيقى فى الهزيمة من الجزائر أكبر دليل
6- الكابتن أصبح ضالع بل وغارق فى منظومة الفساد حين يفوز ( وهو الطبيعى والمتوقع ) تنفجر مظاهر فرحة هوجاء عارمة مشبوهة أخر أمثلتها قرار رئيس قنوات مودرن عدم التعرض للكابتن أوأى من عائلته للرد على نقد محمد شبانة لتصريحات الكابتن الغبية وانفراد ابنه بتغطية كواليس المنتخب
الأغرب هو حين يخسر حيث ينفجر العبث نفسه فى صورة فضيحة أو خناقة دولية مفتعلة للتغطية على القصور الفنى
أخيرا للأسف لا يوجد أى اجتهاد فقط حظ وعشوائية وفساد حجب حتى جمهور الكرة الحقيقى عن الخريطة القذرة وخلط بين الكرة والسياسة والدين والقومية والوطنية وجعل من السياسيين كرويين ومن الجهلة منظريين لمستقبل بلد منكوب
انسان افتراضى
اصبت انت
و اخطأت انا
الحديث موجود فعلا فى الصحيحيين
يمكن انا اتسرعت لانى تمثلت قول الرسول صلى الله عليه وسلم: إنا لا نستعين بمشرك
تقبل اعتزارى
شكر الله لك
Post a Comment