Friday 20 November 2009

عاجل: تجمعات غاضبة تهتف: يا حكومة وسخة/ اعتداءات على المصريين في السودان

تحديث:
كلمة للتاريخ اللي هو مش ح يبقى كتير، كلها تلات اسابيع

المظاهرات حول السفارة الجزائرية اكبر دعم لمبارك واولاده المظاهرات حول السفارة الجزائرية اكبر دعم لمبارك واولاده المظاهرات حول السفارة الجزائرية اكبر دعم لمبارك واولاده 
اهو 
إهانة العسكري ليست مشكلة. يولع العسكري بعيلته بأبوه بولاده. العسكري تتم اهانته داخل الكتيبة يتم مسح بلاط الحمام بوجهه ومؤخرته، لا يهم. يتم فشخه أو بعبصته طالما كان هذا من قبل ضابط نفس الكتيبة، لكن حينما تتم إهانة عسكري المراسلة من قبل ضابط آخر أو من كتيبة آخري... يثور الضابط فإهانة العسكري في هذه الحالة هى إهانة للضابط، ولا شئ أهم من هيبة الضابط ونايشنه
يااااااااااااااااااااااارب اطلع غلطانة
-----------.


تحديث:
سبحان الله... سبحان الله... سبحان الله... انا مش مصدقة نفسي، مش مصدقة نفسي ان حد قال كل اللي جوايا بطريقة على الله توصل للناس احسن مني، ومش مصدقة ان الحد ده
هو ده!!!!!!! مش معقول، ده ممكن هو اللي يولع في نفسه لو عرف ان كلامه عجبني وضحكت وعيطت:

هيبة الضابط هى هيبة الدولة هى هيبة العلم هى هيبة الوطن هى كرامة الوطن هى كرامة الدولة هى كرامة الضابط. إذا لم تكونوا ضباطاً وتقرآون هذه المدونة فولع في نفسك يا ابنى، بدل ما تجري وراء أوامر الضابط بدعوى الدفاع عن هيبة الوطن.

-------------



تحديث:
فيه مظاهرة دلوقت عند السفارة الجزائري... ههههههههه، والامن بيحميها، والبيض بيضك بيذيعها بفخر.. وانس الفقي بيقول على المتظاهرين: ولادنا متحضرين، كاتبين بالعربي والانجليزي مش زي الهمج بتوع السنج.
دلوقت المتظاهرين بقوا متحضرين؟ والامن بيحميهم؟ انا في سويسرا يا اخواتي؟ وبيطالبوا بمنتهى التحضر، بتكسير السفارة الجزائرية او قفلها على حسب اقوال واحد على التويتر
احنا ح نحارب الجزائر؟ اصل الجزائر اعلنت نفسها تاني اقوى جيش في القارة الافريقية بعد مصر، والاتنين بيتسلحوا من امريكا، فممكن يعني امريكا تحب تجرب الاسلحة بتاعتها وللا حاجة
اديني اكتر... انا عايزة دم

وفيه حالة من الجنون الكامل، جنون كامل، انا مش قاعدة في بلد دلوقت، انا قاعدة في مستشفى مجانين حاليا، ومافيش، مافيش، لا بيفهموا ولا بيسمعوا ولا بيعقلوا ولا اي حاجة، والعاقلين شوية عندهم حالة ارتباك، يقولوا الكلام وبعدين يرجعوا يقولوا عكسه، بس هم مخضوضين بشكل عام من الحالة الجنونية دي
وانا مش متوقعة ان حد في الحالة الجنونية دي لا يسمع ولا يفهم ولا يستوعب، مافيش حد في حالته الطبيعية ولا عارف يفصل نفسه شوية ويركز ويسمع الكلام الخرا اللي هو عمال يقوله ويقول لنفسه: ايه الخرا ده، بس ياريت حد يسجل كلامه. عشان لما يهدا، وماحدش ح يهدا غير لما مصيبة تقع
وح تقع
ح تقع
المصيبة ح تقع
على دماغنا كلنا
بس ياريت ساعتها المخابيل بتوع دلوقت يبقى عندهم الشجاعة انهم يقولوا احنا ما كناش في حالتنا الطبيعية، على الله يتقبل عذرهم
هي اسرائيل فين؟ هابلة دي وللا ايه؟





تحديث:

بيان من المثقفين الجزائريين


تحديث:
يقال على التويتر ان الامن تدخل وانضرب :) وبعدين الامن فرق المظاهرة اللي لسة برضه ح استنى الصور والفيديو عشان اتأكد. او خبر على وكالات الانباء
شوفوا منى الشاذلي دلوقت

تحديث:
فيه ناس هناك، او بيقولوا انهم هناك وبيبعتوا من الموبايل بيقولوا ان مافيش شرطة خالص بتمنع المظاهرة والناس بتقول: واحد اتنين حكومة مصر فين. وبرضه نستنى الفيديوهات عشان ما يتعملش فينا زي اشتغالة السفارة بتاعة امبارح

تحديث:
على التويتر اخبار عن مظاهرة من 200 الى 300 متظاهرين في شارع شريف ضد الجزائر ومافيش امن بيمنعهم ولا واقف قدامهم
ده كلام من على التويتر مش مؤكد لان اللي على التويتر دول نسبة كبيرة منهم مؤلفين وساعات يقولوا اخبار على انها حاصلة عشان ناويين ينزلوا يعملوها
----------------

تحديث:
علاء مبارك: شوبير اللي طالع يقول انا باحترم كابتن روراوة وللا هاوهاوة! وخالد الغندور بيعيط إهيء إهؤ أهأ
انا مش مصدقة الجنان ده
ولا وبيرهب خالد يوسف عشان بيقول: ده مش الشعب الجزائري
وقال: وانا اتشرف ان الرئيس هو مبارك، واتشرف انك انت وجمال ولاد الرئيس
ملحوسة: انا عمالة اجمد قلبي واحاول ابقى عقلانية والحاجة اللي مش نافع فيها العقل (وده ينطبق على اغلب المهازل اللي حاصلة) اتعامل معاها بسخرية تتناسب مع عبثيتها. بس مش قادرة انا حاسة ان كل مشاعري ح تنهار
ايه ده ايه ده؟ ايه اللي بيحصل ده؟ ايه اللي بيحصل في الاعلام المصري ده؟ وايه اتصالات الناس دي؟ وايه ردود افعال البشر دول؟ وايه اللي على التويتر دول؟ وما رضتيش انزل الشغل عشان ما اشوفش بؤس اكتر من كده؟
للدرجة دي الناس مهزومة ونفسها مكسورة؟ انا... لأ... اجمدي، مش ح يصعبوا عليا، بس انا ما كنتش اتخيل ابدا ابدا ابدا ان الناس مكسورة كده وايه كم الشفقة على الذات والاحساس بالظلم والرغبة الهيستيرية في الصريخ واختلاق خيال مآتة ينزلوا فيه بوكسات وشلاليت عشان مش قادرين يضربوا اللي مفروض ينضرب، والكلام ده ينطبق على الجزائريين كمان. بس الايليت اللي بيعرفوا فرنساوي ما بيقولوش الكلام ده، انا نشرت كذا تدوينة وكذا مقالة وكذا فيديو لمن يعتبروا ايليت الجزائر، ومع ذلك فيه ناس مصممة تستعبط بمزاجها وتقول مافيش جزائري واحد اخد موقف من اللي بيحصل ده، عشان عقدوا العزم على فش الغل خلاص
من شوية قالوا لنا: سيبونا نفرح بالماتش
ودلوقت بيقولوا لنا: سيبونا نفش غلنا
وعلاء مبارك بيزايد على الناس في الامهم وبيقول: احنا كمصريين لازم نقول كفاية بقى؟
هههههههههههه ده ناقص يشتكي لنا من صعوبة المعيشة في مصر وغلاء الاسعار
والمصيبة ان فعلا ردود افعال الاغلبية انهم حبوا علاء
بس برضه ح ادوس على قلبي وماحدش يصعب عليا، لا دول ولا دول، يعني ابو تلفيقة بعت العيال اللي كانوا بيضربوا الجيش بتاعه عشان يفشوا غلهم في السودان، ماحدش يقول لي ان دول جهلة واغبيا وسهل يساقوا، لا معلش، بالوعي الكافي اللي يخليهم يضربوا الجيش والقوات الخاصة، ايه اللي يخليهم يبيعوا القضية؟ الا اذا كانوا زهقوا
وبرضه ماحدش يقول لي ان حالة الهيستيريا المصرية دي سببها الجرح في الكرامة والناس كلها بقت تشتم فينا، واتفضحنا، وايام حرب غزة كل اللي رايح واللي جاي يزألنا بالطوب، وكنا عايزين حاجة تنشلنا، واحنا زهقنا من التهزيء
عشان هم عارفين مين اللي بيهزأهم ومصممين ياخدوا صفه لانهم مش عايزين ما ياخدوش صفه، لان مواجهته ح تبقى اصعب، الخناقة مع الشعب الامازيغي المجرم "المرتزق" زي ما علاء قال، اسهل بكتير من الخناقة مع اللي مسود عيشتهم فعلا
ده اختيار
كل واحد عقله في راسه يعرف خلاصه، وخبر ضرب الشريط الحدودي اتأكد في كل وكالات الانباء ومافيش عليه رد فعل.
لا برضه، ماحدش صعبان عليا.
--------

تحديث:
نسيت اقول لكوا ان علاء لما اتصل بخالد الغندور قال: والناس اللي بتقول لو الجزائر راحت كاس العالم ح نشجعها، ليه ماسكين علينا ذلة؟
انا عايزة من ده يا حزمبل... ده احنا ح نعيش احلى ايام، الا اذا كانت الفرشة دي كلها عشان جمال مبارك ياخد خطوة يضرب بيها شعبية الكل
واااااااااااااو سو اكسايتنج

تحديث:
طب اه، انا عايزة علاء يا ريس، هات علاء وخلي جمال وزير اقتصاد، ماشي؟ انا طول عمري احب سواقين التاكسي، واللي علمني السواقة سواق التاكسي

تحديث:
علاء مبارك بيتكلم على دريم وان، ما شاء الله، انا عايزاه رئيس ده، بيتكلم ولا سعد الصغير
طب والله العظيم سعد الصغير كان بيقول كلام عاقل وراقي عنه، انا ما عنديش مشكلة في الرأي انا عندي مشكلة انك تقول الكلمة وعكسها
علاء مبارك: هم معذورين، اصلهم غيرانين من مصر ومعقدين منها
علاء مبارك: بس ده مش جمهور الجزائر، جمهور الجزائر على عينا وعلى راسنا
علاء مبارك: احنا كمصريين بنقول كفاية تيجي على كرامتي ح اديك على دماغك
علاء مبارك: ما احنا بنلعب ماتشات زي الفل مع دول الخليج
ههههههههههههههههه لا الاخرانية دي جامدة موت
طب ما تجيبه ده يا ريس بدل الصغنن؟
علاء مبارك: انا باتكلم بوصفي شاب مصري
(ملحوظة: علاء مبارك عنده تمانية واربعين سنة)
ثم بعد ما قفل، خالد الغندور بيعيط ويشن وينتف في عينيه

-----

تحديث:
هي الناس مش طايقانا بس ما ينكروش اننا شربات، القناة الاولى جايبة واحد اسمه اشرف العشري
- استاذ اشرف، حالة المشجع الجزائري في الماتشات العادية ايه؟
اشرف العشري: هو شعب عنيف بطبعه، يعاني من هوس كرة القدم، غير متصالح مع نفسه، قاسي مع نفسه ومع غيره.
!!!!!!!
عريض المنكعين مشرئب الفلنكات شلولخ، يقدس الحياة الزوجية، لا يشترط السن.
ثم اردف: واتهموا المصريين بانهم آل فرعون
!!!!!!!
كحك، هو احنا اللي مش هرينا قلبهم، منتخب الفراعين منتخب الفراعين لما حبسنا دمهم؟
ايه حكاية الفراعين دي؟ احنا فراعين؟ هو فيه فراعين دلوقت؟ يعني الحاكم بتاعنا تبع معبد آمون رع واسمه الفرعون؟ بنلبس جيبة وصندل ونحط كحل بشرطة؟ الفراعنة دول ماتوا من اربعتلاف سنة
طب الحمد لله، يعني احنا خلصنا من مولد الماتش وح ندخل في تحليل نفسية المشجع الجزائري من سكان العشوائيات اللي بيشيل سنج وسيوف زي كل سكان العشوائيات في مصر، انتوا ح تسيبوا اس البلا وتتخانقوا مع الشعب الجزائري وتحللوا له بول؟
الجيش الجزائري ازاي يلم الصيع والبلطجية ومسجلين الخطر ويبعتهم على حسابه في اي حتة؟ انتوا مش قادرين على ابو تلفيقة والجيش الجزائري ح تمسكوا في سكان عشوائيات الجزائر؟ ماهم زي اللي بيتحرشوا في العيد، يعني كل المصريين بيتحرشوا في العيد؟
وبعدين ايه الهبل والهوس ده؟ اذا ما شتمتش كل الجزائريين واحد واحد بنظام تبقى مش وطني

------


تحديث:
صحيح مهند فكرني بكلمة لوائل الابراشي، بعد يومين من السودان الشقيق واحنا شعب واحد ومتنيلين من نيل واحد وائل الابراشي قال بمنتهى الامبرمبشاق:
يجب محاسبة الاهبل اللي اختار السودان
ههههههههههههههههه
هو انا كنت باسأل الناس مش طايقانا ليه؟ دايما اسأل اسئلة غبية
ههههه والنبي ما تزعلوا مننا، دي مش قلة اصل، هو احنا كده مبالغين شوية في الانفعال، يعني حبيب قلبي روحي نور عيني... يلعن ابو شكل اللي جابك غور في داهية
بس مش بنبقى قاصدين والله

------

تحديث:
ابراهيم حجازي، بعد ما قعد يصرخ سبع ساعات ويتصل بالناس واول ما يفتحوا بقهم يقول: اسمعنييييي اسمعنييييي اسمعنييييي، الله انت متصل بيه عشان تسمعه وللا يسمعك؟ ودخل القومية العربية، واحنا مش اخوات عرب، واحنا محتاجين نقف وقفة بقى مع نفسنا
ايوة
احنا محتاجين نقف وقفة مع نفسنا، ايه الوقفة بقى؟ شوف التفكير العبقري
الاستاذ ابراهيم حجازي بيحمل المعارضة المصرية مسئولية ان مسجلين خطر ضربوا اتوبيسات الحزب الوطني، عشان احنا انتقدنا بلدنا و"ده اللي خلانا هنا ع الناس" الراجل ده عبكري عبكري عبكري: الناس من حقها تطالب بتداول السلطة، بس لازم تفرق ما بين النقد وما بين انك تسيء لوطنك
طيب حد كان قال لكوا ابعتوا اعضاء الحزب الوطني وفردوس عبد الحميد؟ ما انتوا لو بعتوا الصيع اللي كانوا في الماتش الاولاني كانوا قابلوا الصيع التانيين، وهم بيخافوا منهم
دلوقت بقت المعارضة المصرية هي المسئولة عن وجود صيع في الجزائر، زي اي بلد في الدنيا فيها الصيع، ومسئولة عن ان ابو تلفيقة عايز يخلص من ثورتهم فبعتهم يفشوا غلهم في اي حد غيره، ومسئولة انكوا بعتوا الحزب الوطني اللي وشوشهم تستفز اي حد عشان يضربهم حتى لو كان خريج السربون، وكل ده عشان اتكلموا بالبطال على مشي مصر وسيرتها، وقال على رأي المثل، البلد اللي معارضتها تقول لها يا عورة يلعبوا بيها الكورة
هرانا وقفة مع النفس وقفة مع النفس وفي الاخر اتحفنا بالبقين دول الى جانب موت العرب والوحدة العربية والمؤامرة الصهيونية اللي العيال الجزائريين عملاء ليها، ده غير طبعا انهم فرنساويين ونسيوا العروبة ونسيوا اننا ياما ساعدناهم واكلناهم وشربناهم وقمصاني وشراباتي وفانلاتي، ويا عيني يا مصر، يا غلبانة يا مصر، يا حمالة اسية يا مصر، يا سبعي يا مصر، يا جملي يا مصر، ما كانش يومك ياختي لما حسسني انه بياخد عزا مصر

وبعدين يرجع يقول: "ماهم كسروا الدنيا في سوسة في تونس"، الله، دول كل ما يروحوا حتة يتآمروا بقى؟ شوية يقول: بيكرهو مصر وبيغيروا منها، وشوية يقول: هم اصلا شعب عنيف وكل ما يروحوا في حتة يكسروا الدنيا، وشوية يقول: دي مؤامرة صهيونية واجنحة السلطة، وشوية يقول: احنا مش ح تقوم لنا قومة الا اذا اتوحدنا واتعملنا، ويرجع يقول: العروبة ماتت، وشوية يقول: دول صيع الجزائر، ويرجع يقول: كل الناس بتكره مصر
انت يا عم انت واعي بتقول ايه؟ حد في الدنيا يقول على بلده ان كل الناس بتكرهها؟ انت اهبل يا راجل؟ ماهو انا لما اقول كل الناس بتكرهني يبقى حاجة من الاتنين: يا انا مجنونة وعندي برانويا، يا اما انا بني ادمة زبالة قوي عشان كل الناس دي تكرهني
ثم كل التنظيرات دي هريتنا بيها وانت قاعد تاكل بسكوت على الهوا وتتكلم في التليفون وتفتفت وتفتف؟
المسألة بسيطة

ماهو برضه احنا لو كنا بعتنا بتوع الدويقة واسطبل عنتر واقنعناهم ان الجزائريين قتلوا مصريين والجزائر بعتت عيال ابو تلفيقة والشاب خالد والحزب الحاكم كنا احنا اللي ح نبقى ضاربين وهم المضروبين
ماهو وائل الابراشي من قبلها وبيقول اهو: الاصدقاء الجزائريين حذروني وقالوا لي الحكومة باعتة نوعية مشجعين للانتقام ولازم نبعت ناس تأمنا، وبيقول ان فيهم واحد قال له انه طلع الباسبور في نص ساعة، والحمد لله اننا خسرنا والا كانت ح تبقى فيه مذبحة
وبيقول ان العلاقات الجزائرية السودانية شعبيا وحكوميا اقوى بكتير من علاقتنا بالسودان وان الجزائريين محبوبين قوي هناك، وان اللي فهم المنتخب المصري انه بيشجع على ارض صديقة واداله امان لازم يتحاسب لانه غشه، دول كانوا كأنهم بيلعبوا في الجزائر

ايه دخل ده باننا هنا على الناس؟ طب ما هناش على الناس ليه عشان مالناش سفارة تساعدنا في اي داهية نروحها؟ ليه ما هناش على الناس عشان جعانين في بلدنا؟ عشان محوجين نتشرد في كل حتة؟ عشان مضطرين نرمي نفسنا في البحر؟
والجزائريين يعني دول كانوا انجلترا؟ ماهم مش لاقيين ياكلوا هم كمان
ثم الجزائريين بيكرهونا (على حسب قولك يا امور)، والسودانيين متعاطفين معاهم (حسب شهادة وائل الابراشي.. متعاطفين مع ناس ماسكين مطاوي وسيوف ضدنا، للدرجة دي احنا مزعلين الناس منا)، وتونس والمغرب كانوا بيشجعوا الجزائر
doesn't this ring a bell?
مافيش اي محاسبة للنفس من نوع تاني غير اتهام المعارضة وشتيمة العرب اللي بيغيروا من شعر مصر الاصفر وعينيها الزرقا يا عم الكتكوت ببسكوتك وتفافتك دول؟ ماحدش كان بيشجع فريق مصر غير الفلسطينيين المازوخيين دول راخرين هههههه بقية العرب يا اما ضحكوا على هبلنا احنا والجزائر يا اما شجعوا الجزائر... مش ملاحظين حاجة؟ الوووووووووووووووو، الوووو، يعني نص الناس مستهيفانا احنا والجزائر مع بعض، واللي فيهم هايف بيشجع الفريق التاني، ده حتى اسرائيل اللي قاعدين على حجرها (لا مؤاخذة بجملة الاساءة لمصر ما بتوع الحزن الوثني انضربوا كده كده) شمتانة فينا شماتة الاعمى ومش عارفة تخبي مشاعرها خااااااالص، خاااالص، وصحف فرنسية قالت مصر اللي ساعدت الجزائر ضدنا اهم وقعوا في بعض

يا ترى ليه؟ ايه اللي يخلي الناس تحمل ماتش كورة فوق طاقته بالطريقة دي وتبقى قاعدة تهري وتنكت في نفسها مننا؟ يعني كل الناس غلط واحنا اللي صح؟ مش نقف بقى مع نفسنا ونعرف ماحدش طايقنا ليه؟ من احبه كل الناس فهو منافق ومن كرهه كل الناس فهو فاسق
بس ما قالوش بقى: من ضحك عليه كل الناس فهو ايه يا عم براهيم، اصل ما تآخذنيش كل الناس على اختلافاتها ضحكت عليك
اه ونسيت اقول لكوا، ان القطقوط حمل الافلام المصري كمان المسئولية هههههه
لوذعي

-----------------------------------

تحديث:
هالة صدقي على نايل سبورت: دول باعتين صيع الجزائر، اللي جم دول ولا يقدروا يشتروا تذكرة طعمية مش تذكرة سفر، وجايين في طيارات الجيش
!!!!!!!!!!!!!!!!!!!!!!
ياللهول! ايه ابو تلفيقة، باعت لنا اللي كانوا بيضربوا البوليس عشان جعانين عشان يضربوا الناس في ماتش كورة؟ على رأي حسن نصر الله: ليش بتفش خلقك علينا؟

تحديث:
اليوم الساقع اكدت انهم بلطجية ما كانوش في الماتش، بس حد يجيب لي مصدر موسوء

تحديث:
كذا حد اتصل على التلفزيون وقال ان الحكومة الجزائرية تعمدت تبعت مسجلين خطر وناس خرجتهم من السجن مخصوص وما بعتتش جمهور عادي. انا عايزة اعرف مدى صحة الكلام ده لو حد حضر الماتش، اكيد اللي حضروا قدامهم يومين ونفهم منهم ايه الحكاية
-----

خطة ساندمانكي فشلت، ما عرفش يلم ناس كتير والناس اللي راحت معاه ما رضيتش تكسر حاجة والمولد انفض، يعني اصلا ما كانش فيه تجمعات وقت ما انا قلت ولما حاولوا يجمعوا فشلوا، الحمد لله، انا قلت الناس اتجننت، بس الحمد لله، هم مجانين اصلا بس ما اتجننوش للدرجة دي


ده الفيديو بتاع صدمة الماشت: يا حكومة وسخة
تحديث:
ساندمانكي كلمني دلوقت وبيقول لي ان حوالي اربعين خمسين واحد عند السفارة عشان يكسروا سفارة الجزائر وانهم ح يكلموا ناس عشان ييجوا
يعني اصلا اللي كان على التويتر ان الناس رايحة تكسر السفارة ده ما كانش حقيقي ده لسة لامين اربعين خمسين واحد بعد ما قالوا كده على التويتر وقال ح يلم ناس!
----

والله وباضت لك في القفص يا اوووووساااااااااا
فيه واحد على التويتر بيقول ان فيه مئات بيحاصروا السفارة الجزائري، هذا والله اعلى واعلم
بصوا تحت، انا جايبة لكوا اللنكات اللي عليها القصف الاسرائيلي للشريط الحدودي المصري وعليها التطورات اول باول
الملحوظة بس انا مش متأكدة من موضوع حصار السفارة ده، ده كلام على التويتر والتويتر عليه مؤلفين كتير

-----


تحديث:
يا اسرائيليين يا عثثثثثثثثثثثثثثل: قصف اسرائيلي يستهدف الشريط الحدودي في رفح
ايه الحلاوة دي؟
اضرب يا عبد الهادي، اضرب يا عبد الهادي، كل قوتي يا عبد الهادي، ما احنا اللي عملنا في نفسنا كده

تحديث:
ابراهيم حجازي: انا باسحب كلمة مبروك للمنتخب الجزائري... انا مؤمن بالقومية العربية.. واحنا مش ممكن يبقى لنا قوة الا اذا اتفقنا واتحدنا و"اتعملنا"..

تحديث:
اي مصري تايه في السودان يتصل بوزير الاعلام على
0121600000

تحديث:
ابراهيم حجازي بيتصل بمسئول الوفد المرافق ومش مديله فرصة يتكلم، هيثم شاكر واللي معاه خلاص وصلوا لهم وحطوهم في الفندق

تحديث:
طبعا احنا كلنا بنجيب الاخبار من اتصالات تليفونية، يعني مافيش حاجة مؤكدة بالصور ولا من وكالات الانباء لحد ما نعرف ايه الحكاية، ح تلاقوا الكلام متناقض
يعني
خالد يوسف:

محدش فتح سلاح والموضوع بسبب التلاحم والزحمة
اشرف زكي

المجموعة اللى معانا مافيش اي مشاكل
سكرتير الاتحاد السوداني:
كان حادث وحيد، وتم احتواءه
ابراهيم حجازي جايب فيديو على اليوتيوب وعمال يقول: انا حذرت. هههه



تحديث:
ابراهيم حجازي:
لو تشوفوا القنوات العربية كلها شمتانة فينا ازاي؟ فعلا يا حبيبتي يا مصر، يا حمالة الاسية، ياللي شيلتي الفيلم ده كله من الاول، ياللي قدمت الشهدا كلهم
ملحوظة: انا ناقلة الكلام نصا مش بما معناه
ابراهيم حجازي:
فعلا فيه مؤامرة، فعلا فيه مؤامرة، مين اللي عمل كده؟ هم سمموا لنا الجو؟ بقينا كلنا ما بنفهمش؟ وامريكا قالت عايزين الفوضى الخلاقة
------

تحديث:
ههههههه، انا اسفة، اسفة اني باضحك، بس الموضوع ضحك كالبكاء
- اسامة الشيخ بيقول: مافيش داعي للمبالغة هم تلات اتوبيسات انضربوا بالطوب وبس، بس يا ريت يا استاذ ابراهيم اي حد من اللي في الاتوبيسات دول يتصل بيك يقول لك العنوان اللي هو قاعد فيه عشان نبعت له حد
- تامر عبد المنعم: هم بيقولوا لنا يا يهود ليه؟
- هيثم شاكر: احنا مستخبيين في بيت سوداني
ابراهيم حجازي: طيب ما تخلي اصحاب البيت مشكورين يتصلوا بالسفارة
هيثم شاكر: اصحاب البيت سابوا لنا البيت ومشيوا.. كل السودانيين جريوا مننا
هههههههههههه اه يا قلبي، ح اموووووت
- واحد مش فاكرة اسمه: احنا لازم نشتكي ونقدم بلاغ للنائب العام ضد الصحف الجزائرية اللي حرضت علينا
ابراهيم حجازي: ح نشتكي مين وللا مين؟ الظاهر مصر غايظة ناس كتير واحنا مش عارفين
- تامر حسني: ايوة يا استاذ ابراهيم انا اتصلت بوزارة الدفاع وباطمنك واطمن الشعب المصري ان كافة الاجراءات تم اتخاذها والرئيس مبارك مهتم بالموضوع بنفسه
يا ما شاااااء الله، يا زين ما خلفتي يا زينب، عالمة وبلانة، ابطالنا القوميين لعيبة كورة والمتحدثين باسم الرئيس ووزارة الدفاع مطربين ما بيعرفوش يغنوا ولا يستحموا
اضحك وللا اعيط؟ اتنح
-----

تحديث:
دلوقت وزير الاعلام اتصل بالبيت بيتك، وبعدين هيثم شاكر وتامر عبد المنعم اتصلوا بنايل سبورت وبيقولوا ان اتوبيس البعثة المصرية انضرب ورموا عليهم حجارة وسكاكين والامن السوداني سابهم ومشي وهم جريوا واستخبوا في البيوت وبيتصلوا بالسفارة المصري مش بترد عليهم ومافيش حد سائل فيهم
حد يلحق الناس دي بسرعة قبل ما تحصل كارثة
هم مش كسبوا الماتش؟ بيضربوا تاني ليه؟

-------

انا مش عارفة مدى صحة الكلام ده، بس انا جايباها من مدونة ميت، اكيد لو فيه حاجة فيه ناس ح تصور

114 comments:

Unknown said...

هههههههههههه
بوتفليقه رماها على عوكل وخلللععععععععع

أحلى حاجه لما الحكام العرب يلبسوها لبعض
بوتفليقه أكيد هايروحلهم المطار ويلتحم بجماهير الشعب الهاتفه بأسمه
هههههههههههههههه
مسخره


ثم هو الحوار المنيل ده مش هايخلص
ماتبطوا بأه

lily said...

ما تحاولوش تقنعوا نفسكوا بحاجة مش هتحصل
_______

ردا على التدوينة السابقة
:

يعني انا ممكن أفهم ان الواحد يتقبل الهزيمة و مايزعلش
بس مش قادرة أفهم الناس الفرحانة
بتحاولوا توهمو نفسكم بحاجة مش هتحصل
المصريين مش هيقومو بكرة يثوروا على مبارك وابنه
مش هيحصل بكرة ولا بعده ،، و مش الفوز هو اللى كان هيمنعهم وينيمهم
كان هيبقى مجرد نقطة بيضة في حياة سودة كلها متقفلة في وشهم
يستاهلوا الحياة دي عشان هم اللى عاملين كده في نفسهم ؟؟
اه يستاهلوا
بس الفوز ما كانش هيقدم في موقفهم حاجة ولا هيأخر حاجة
و ان الواحد يكره الحاكم والحكومة في أي بلد ،ميخلهوش يفرح قوي ان منتخب بلده يخسر
جزائريين كتير بيكرهوا رئيسهم وحكومتهم ،بس فرحانيين بمنتخبهم اللى كسب وكانوا هيزعلوا لو خسروا
انا بشجع منتخب مصروهفضل أشجع منتخبنا و لو ده هيصب فى مصلحة مبارك برده هشجع بلدي
مش خسارة المنتخب هي اللى هتعمل المعجزات
في الاخر الناس كانت هتفرح يومين ولا اتنين وفي الاخر كل حاجةكانت هترجع مكانها

عبد الزهراء المصري (علي الحسيني) said...

نوارة ممكن سؤال ؟؟؟
المصريين بينضربوا في كل حتة وأحنا بنضرب في بعض والأمن بيضرب في الكل .
ممكن حد يفهمني ليه وصلنلا لحالة الذل والإنكسار دي ؟؟؟
ليه بجد والله ده سؤالي وعايز أي حد يجاوبني .
أنا قرفان أوي يانوارة والله بجد قرفان لدرجة أني ممكن أقتل فعلاً أي حد بعد كده هيبص لي بطريقة ماتعجبنيش .
غير كده المصريين اللي بينضربوا دول ليه مش بيحاولوا حتى يدافعوا عن نفسهم ...
إيه اللي بيحصل ده ؟؟؟
مكسورين ليه ؟؟؟
مذلولين بإيه ؟؟؟ فهموني يابشر .
الله يخرب بيت 50 سنة ذ وقهر مع أنظمة ذلت الناس وكسرت نفوسهم ومرغت رأسهم في التراب .

lastcrazyboys said...

خـــــبر عـــاجل وصلني ...لا اعرف مدى صحــته

http://www.youtube.com/watch?v=5BKNixzvM1Y

الرئيس مبارك يتدخل وأرسال سرب طيران مصري للجماهير المصرية .. ومصر تهدد بأرسال قوات عسكرية للسودان

Anonymous said...

موش شغلوا اغاني الحرب علشان الماتش

لما نخسر تبقا هزيمه

يشربوا بقا

الجنود ينضربوا من العدو

والشعب يثور ضد الحكومه والنظام

احسن

Unknown said...

أيوه
الجزائريين بيكسروا الأتوبيسات المصريه والفنانين اللى راحوا هناك مستخبيين فى فيلة رجل أعمال مصرى هناك

Unknown said...

اسامة الشيخ ده مؤكد عبيط

اسامة الشيخ بيقول: مافيش داعي للمبالغة هم تلات اتوبيسات انضربوا بالطوب وبس،

الزنارى said...

ربنا يرحمنا
أنا دمى بيغلى
اللهم صبرنى
أحمد الزنارى

lily said...

مين اليهود دلوقتي ؟
ده لو كنا كسبنا كانت هتبقى مجزة

lastcrazyboys said...

الراجل الاهبل ابن الهبلـــة السوداني المرافق لبعثة مصر

بيقـــول الناس بخير ..وبياكلوا في مطعم "جـــاد" ايييه اللي خدناه احنا من المطعم ولا من السندويتشــات

Sahran said...

نوارة

بصراحة الهزيمة سدت نفسي عن التعليق وحاسس باكتئاب , وأنا بأقولها بصدق لأني كنت متوقع فوز مصر وتمنيت ذلك ,, بس شو العمل يعني ,, خلي الجزائر تروح تتتبهدل قدام الوحوش الكروية

هارد لك

Asmaa mahaba said...

خدى عندك دى كمان واحد اتصل من شمال الجزائر بيقول انه هو و200 شخص محاصرين يا جماعه حرام اللى بيحصل دا

الخوجة said...

algerian supporters in sudan are
attacking egyption..no security forces.help them.
الجماهير المصرية تقتل وتجرح الان فى السودان
http://alkoga.blogspot.com/2009/11/blog-post_19.html

supporters algériens au Soudan sont
attaquer egyption .. pas de sécurité forces.help eux.



SOS. HELP Egyption Anhänger in SUDAN IMMEDIATELY.ALGERIAN UNTERSTÜTZER ARET sie anzugreifen NOW.WOUNDED EGYPTIONS IM SUDAN

http://alkoga.blogspot.com/2009/11/blog-post_19.html

مي ثابت said...

حيدر عبد الحق مراسل الجزيرة من الخرطوم

قال إن الوضع دلوقتى أصبح تحت سيطرة الأمن السودانى اللى كان متواجد على طول الطريق المتجه للمطار

و إنهم رجعوا جمهور الجزائر و أجلوا سفرهم للصباح حتى يتمكن المصريين من العودة

و بيأكد إن الموضوع كان تكسير فى زجاج بعض السيارات المصرية لكن دلوقتى الحمد لله الأمور هدأت

Unknown said...

ِشوفتى نصر القفاص و هو بيقول ارسال بعثة طبية لعلاج المصابين مصدوم ازاى
!!!

overdose said...

مش احنا اللي مرمطناهم هنا عندنا
هو مش الفلاحين بيقولوا من جه دارك جاب الحق عليك
http://www.youtube.com/watch?v=ELRkAGvViHQ

lastcrazyboys said...

مصــــدررررررك اييييييه

بخصوص خـــبر رفح ده
!!!!!؟؟؟

بهيج الشرير said...

على فكرة ياأبلتي اللي يعرف ياخد بؤجته ويتوكل على الله ويسيب البلد يلحق يخرج وبسرعة لأن الفترة الجاية حتكون مايعلم بها إلا ربنا وحتى الموت حيكون بالواسطة

Asmaa mahaba said...

نواره مين قالك على موضوع رفح طمنينى بلله عليكى

أبو عمر - الصارم الحاسم said...

ما باتكلمش من منطق انا مصري...انا باتكلم من منطق اننا ريحناهم على الآخر وما اتعاملناش معاهم بالطريقة الهمجية اللي هما بيتعاملوا بيها...وكسبوا الماتش...ومع كووووووووول ده بيضربوا في الناس وبيموتوهم ! ...انا باتكلم من منطق الامر بالمعروف والنهي عن المنكر...طالما كده وطالما هما كده حتى لو كانوا كويسين معانا في العادي زي ما انا نفسي كنت بقول لكن طالما وصلت لكده وبالهمجية والعصبية المقرفة دي عشان جتة ماتش لا راح ولا جه يبقى الحق والعدل انها لو وصلت نضربهم ضربة عسكرية فليكن


وعلى حكومتنا الوسخة انها تتحرك والا المرة دي هتواجه سخط وغضبة جمهور الكرة المصري المقدر بالملايين مش مئات من النشطاء السياسيين

wahat_alshohada said...

مصر ترحّل إسرائيليا نشر صورا مفبركة لقتلى جزائريين وحرّض على الفتنة

http://www.alwatanvoice.com/arabic/content-143951.html

مش قلنا الكلام دة من الاول

Unknown said...

انا حاطة لنكات المصادر

أبو عمر - الصارم الحاسم said...

ضربة تليفزيوينة ممنهجة من اسرائيل في توقيت مختار بعناية...طبعا هما شغالين ضرب علطول بس المرة دي هي شتيمة موجهة للعرب...وسخين طول عمرهم

Unknown said...

الصارم الحاسم

احنا كنا كول ومؤدبين؟

انت كنت نايم وللا ايه؟

ضربة عسكرية؟

لا ده انت فاضي بقى

dr.lecter said...

فيه ايه؟

ايه اللي بيحصل

لو ده صحيح يبقي يارب النظام يقع ودي تكون البدايه

أبو عمر - الصارم الحاسم said...

كنا مؤدبين اكتر منهم

خالد الدخيل said...

د. ممدوح على المستشار الطبى لسفارة مصر بياكد انه مش لاقى اى اصابات ومفيش غير اصابات طفيفة من القاء للطوب فقط ولم يكن هناك اى سلاح او اصابات خطيرة وانه يبحث داخل الخرطوم عن اى مصابين

Unknown said...

بص على الكول
http://www.facebook.com/photo.php?pid=114241&id=1736638000

بهيج الشرير said...

والنبي ياأبلتي أنا عندي سؤال، هل الثعبان الأقرع له علاقة بالواد إبن عرس الأقرع أم تشابه قرعات

أبو عمر - الصارم الحاسم said...
This comment has been removed by the author.
أبو عمر - الصارم الحاسم said...

ايه علاقة الصورة دي باللي بقوله
؟؟؟؟

هو سيادتك كنتي معاهم - في صفوف الأمن المركزي اعني


هو العبد لله كان معاهم

هو اي حد من اللي انضربوا انهاردة دول كان معاهم

هل حد راضي عن ما فعلته الحكومة سواء بيعمل حاجة او لأ لكن هل حد رضي عما حدث - طبعا فيه ناس رضيت كأي شعب فيه ناس وسخة لكن الاغلبية العظمى

دي حكومة لا تفرق في قذارتهما بين شعوبها وبين البغي على اي مستضعف

لكن الناس...الناس...الناس اللي هي بتنضرب دلوقت ده اللي انا باتكلم عليه

lastcrazyboys said...

هم بيقولوا "حكومة وسخــة " ...ولا " لعيبـــة وسخــة"

!!!!؟؟

خدي الفيديو ده هدية من مدرجات الجزاير

بهيج الشرير said...

على فكرة ياأبلتي أنا أول مرة أعرف أن الجنيه المخري قصدي الجنيه المصري يساوي ٤٤ قرش سوداني، طيب الناس دي مازعلتش ليه من الخسارة الرهيبة اليومية في الإقتصاد المخري

lastcrazyboys said...

معلش انا نسيت ابعت لينك الفيديو

يمكن من الخضــة

:)
http://www.facebook.com/video/video.php?v=102901473062317&ref=nf

lastcrazyboys said...

طيب ابراهيم حجازي ده مش غلبـــان والنبي

!!!!


بيسأل البت انتي مستخبيــة فين..بتقوله قدام بوتيك النور

طب البوتيك ده الناس كلها ممكن تكون عارفاه

سييييبك من الجزائريين

اي واحد سكــران من المنطــقة..ولا شاربله سيجارتين ومبسوط
وبت لوحدها في الشارع في بلد غريبــة

والفجــــــــــر
!!!!!!

تخيلي اللي هيحصــل

مواطن مصري said...

يا ريت تقولي رائيك في الففيديو

Ahmed Fawzi said...

عاااااارف مش بتحبى اليوم الساقع بس معلهش المرة دى
هم عملوا تغطية لوصول الطيارات من السودان
و دول كانوا أول ناس يخلعوا من الليلة و يسيبوا الناس و يرجعوا
http://www.youm7.com//News.asp?NewsID=157900&

muhanad said...

النيل رياضة
وائل الابراشى وشوية كتير كده معاه معرفهمش
قالواااااا

طلعت فى الاخر اوسا هى السبب
والمصيبة الكبرى هى اختيار السودان

ويجب محاسبة الاهبل اللى اختار السودان باللفظ كده

وطلع السودانين مشتركين مع الجزائرين

ومحدش حسد السودان ونبر عليها علشان الشرف العظيم اللى اخدته غير واحده بس

الله يسامحها اللى حسدت اوسا

يا شعب تقدمه الوريث فى المعركة وعاد وحده بعده الهزيمة المنكرة

وغدا على رقابكم سيكون القائد السكرة

هبة السماء للتافهين ونحن سنظل المعيرة

يا امة ياتى استنفارها فى الكورة وفى العظام توافه

الا لعنة الله على التافهين

Raja A. said...

أختي العزيزة. هذه أول مرة أكتب رد على أي blog.
و لكن أحييكي على وطنيتك الاصيلة.
انا لست مصريا، و لكنني اشعر بعظمة و المصريين فيكي!

Tamer said...

سلام عليكم

انا بصراحة مش متفق مع حضرتك خالص في اغلب النقط , مش في كلها
و شايف ان رأيك مبني على جلد مفرط للذات

ايه علاقة الجزائريين باللي اتعمل في اللاجئين السودانيين ؟
ما أسوأ من ده و ده اتعمل في بتوع كفاية وفي الاخوان

حضرتك بتتكلمي عن انهم بعتوا مسجلين خطر للسودان و كأن ده تصرف عادي و طبيعي جدا و من حقهم , في حين انه تصرف اشبه بفرق الكاراتيه اياها اللي بيندسوا وسط المظاهرات بالظبط

يا استاذة نوارة
حضرتك بتتكلمي كأن اللي انضرب من مصر حكومتها , و الواقع ان اللي انضرب من مصر شعبها

يسري said...

http://www.youtube.com/watch?v=mdgXYpiyJ8A

طيب شوفى كده .. مش هو دا نفس الشخص اللى نشرتيله فيديو من يومين ؟؟؟

و ابقى امسحى التعليق لو الكلام مش عاجبك

mido said...

افكرك بحاجة واضح انك نسيتها:

لما قلتى المصريين شتموا الجزائريين و قلوا ادبهم عليهم بزيادة و ان الجزائريين خايبيين

قلتلك مهم اللى بدؤا!!

يستحملوا بقى

رديتى و قلتى:

كل حاجة ليها حدود احنا مش لازم نبقى خرارة

فاكرة ؟

بعديها بكام يوم قلتك :

ربنا عوض الجزائريين عن لسانهم بدراعهم

رديتى و قلتى :

و لما انت مش قدهم بتقف قصادهم ليه

!!!!!!!!!!!!!!!!!!!

ساعات بتناقضى نفسك جامد و لازم حد ينبهك لكده عشان تعرفى و تبطلى ازدواجية

Rateb said...

هو فى الماتش امبارح السودانيين كانوا بيشجعونا وكان واضح انهم متعاطفين معانا مش عارف جت منين حكاية ان علاقة الجزائر بالسودان احسن مننا دى
ثم احنا بعد اللى حصل فى الماتش الاولانى خفنا واتلمينا وحسينا ان الحكاية مش مستاهله وقعدنا نتكلم عن العروبة والاخوة وكل حاجة
لعيبتنا كانوا فى منتهى الادب طول الماتش بطريقة مستفذه وزياده عن اللزوم واتغلبنا
وبعد ده كله نضرب كمان وانتى جايه تقولى ليه حسنى مابعتش بلطجية عشان لو حصلت مذبحة كنتى هتقولى بردو ليه حسنى باعت بلطجية احنا اتصرفنا بعقل لكن طالما الموضوع بقى كده يبقى ام العروبه على ام الاخوة على ام الجزائر كلها وياريت نبعت الجيش وتبقى مجزره بجد

Rateb said...

بس الجرايد السودانيه مش كاتبه حاجة خالص هو فيه حاجة حصلت بجد ولا فرقعة بردو

يسري said...

انتى متأكده من موضوع ضرب الشريط الحدودى فى رفح ؟؟

عشان انا مش شايف له اى صدى خالص تقريبا على النت

Unknown said...

يا سيدتي الفاضلة
ليه بس كدة
أنا مش شايف أي داعي للسخرية الغريبة دي من المصريين والناس الظريفة جدا اللي داخلة تقول هههه إيه ده
شوفي اللينك ده وشوفي بلال فضل بيقول
إيه
http://www.youtube.com/user/alyawmyat#p/u/5/MmJ_CaD2nP0
ده إجرام منظم من قبل الدولة الجزائرية
وياريت بغض النظر عن رأيك في عمرو أديب شوفي الحلقات من أولها وبعدين أتمني أسمع رأيك لأني بالفعل أحترمه جدا ومداوم علي قراءة تدويناتك
شكرا لك

أبو ريان said...

السلام عليك
احب اولا ان اقول لك ولكل المصريين هاردلاك)وحظا طيبا في المنافسات القادمة انا مغربي واتاسف فعلا لما آلت اليه الأمور بين شعبين شقيقين .. لكن اعجبني انك لم تنساقي وراء الإنجراف الاعلامي الذي يصب في تاجيج الوضع
ولم استطع متابعة ابراهيم حجازي لان كلامه كان غير موزون
انا احب مصر والجزائر
واكره ان يتسبب احد بخلق وزيادة التفرقة بيننا خصوصاان هناك شكوك حول تدخل اعداء الامة في الامر

على فكرة اختي نجيبة "خواطر شابة متابعة ومشجعة غير عادية لمنتخب مصر والاهلي
نحبكم في الله www.naciri.doc.ma

عبد الزهراء المصري (علي الحسيني) said...

نوارة ... أخبار متعلقة ياليمن والحرب بين الحوثيين وقوات العميل الخائن عبد الله صالح
http://14massoum-egyptsfatimid.blogspot.com/2009/11/blog-post_19.html

Unknown said...

هو انا طبعا متوثعة ثورة المدينة تنفجر في وشي

على فكرة يا ميدو

مش انا اللي جبت الجون بتاع الجزائر عشان تخش تتخانق وتشتم من غير سبب

وكمان مش فاهمة بتقول ايه


والى الجميع

لما كان فيه خطورة نزلت متابعة وارقام

وبعدين من حقي اعلق على تغطية الاعلام المصري المريض

جايبين ولايا تعدد مش اعلاميين تتكلم

Unknown said...

سبحان الله يا ميدو

عمالة اعيد وازيد في التعليق بتاعك

عشان افهم كلمة واعرف انا متناقضة وعايزة اخد المين على وشي ليه؟ مش عارفة والله

اجيبها يمين اجيبها شمال مش لاقية غير انك عايز تشتم وخلاص

طب على الله تكون ارتحت

أبو عمر - الصارم الحاسم said...

معلش...جت من السادات

http://www.facebook.com/notes/ahmed-mohamed-hossam/lrjl-mmd-nwr-lsdt/182266316988

Unknown said...

يا تامر

انا قلت ده تصرف طبيعي؟


طب قول لي فين انا قلت كده؟

اللي افتكره اني كاتبة باللفظ: ازاي الجيش الجزائري يبعت بلطجية ويشحنهم ويوديهم في اي حتة؟

موضوع اللاجئين ده خارج الموضوع انا كنت باتكلم مع الصارم الحاسم

يا تامر اللي بيحصل ده جنان

المصور طالعة تقول كلام زي كلام مواطن مصري كده، الفرنساويين الامازيغ
ههههههههههههههههه

طيب انا في وسط شتيمة الجزائريين دي كلللللللللها

ما سمعتش حد جاب سيرة ابو تلفيقة والجيش بتاعه اللي اجر على البعثة المصرية بلطجية

ده يعقل ده يا ناس

تتخانقوا مع شعب بحاله

ده الامريكان اللي فشخونا قاعدين تخطبوا ودهم وتقولوا مش كل الامريكان وحشين فيه منهم مضحوك عليهم

يعني احنا لو كنا اجرنا ناس من الدويقة ما كانوش عملوا كده؟

اللي يتحاسب مش الشعب الجزائري ويتشتم كله عن بكرة ابيه

اللي يتحاسب رئيس الجمهورية والجيش بتاعه اللي اجرو بلطجية للماتش

وانا مستغربة جدا من تصرف الحكومة المصرية

جدا يعني

من اول الازمة دي مش عارفة الحكومة سلبية ليه؟ وبتساعد في الشحن وخلاص

Unknown said...

القصف انا شفته في الجزيرة

بس ما كانش فيه قتلا

بس احنا ما عملناش رد فعل كالعادة المهم الجزائر

Ahmed Mohamed said...

هههههههههههههه
ال قلة ادبنا ال
انتي ملكيش في حاجه غير انك عاملة زي
صاحب الحمار والحمار شايل حمل تقيل وانتي ماسكه عصايه ونازله ضرب فيه شي يا حماااااااار شي يا حمارر
بطئ ليه ياحماررر امشي ياحمار
انت السبب ياحمار
وتقومي راكبه فوق الحمار وتقولي
دا انت لكع ياحمااااااار
ما اتمشي بقي ومستمره في الضرب فيه
ومش حاسه ان فيه ناس كتيره مش قادره تفرق هوه مين الحمار
*******
عارف ان موضوع حسن سي نصرا الله ده شائك
بس هوه مين الي حرض الناس دي لما في الاخر بقت تقول علينا خونه وعملاء وكفار وصهاينه
مين غير الناس دي الي بقت تقوم العرب علي المصرين
ما طول عمرنا خدامين للي جابوهم
قلنا مليون مره مفيش زفت حاجه اسمها عروبه وانتهت من 30 سنه وماتت خلاص
وكل دوله ليها نفسها
قوليلي عملنا ايه احنا العرب بالاتنين وعشرين دوله لنفسنا ولا للعالم كله
****
انا مش بحاسبك بس بقولك خفي شويه عن قفانا احنا مش ناقصين ناس تقرفنا وتطلعنا غلطانين حتي لما ننضرب
ما ولاد الوسخه الجزائريين جم هنا واحترمانهم
طب وحياااااة ربنا بعد المباره كان فيه واحد جزائري بيهزر مع مصري وبيقوله هنكسبكم واحنا كنا بنضحك وعادي خالص دا ايه الطيبه دي
دا هناك متحاصرين وطلعين عين ابوهم
فيه حد يستجري يقول كده هناك ولا كان ادبح
في ليبيا طالع عين مصر
في السعوديه طالع عين مصر
في الادرن طالع عين الي جابو مصر
وسوريا كمان وقنواتهم بقت نازله فينا شتيمه ايام غزه
الكويت وانهم يشوفو كل مصر صعايده اقفال
ناقص مين لبنان بتاعت النسوان
*****
الغلطه مش غلطة لعيبه دا الواد كان ماسك رقبة احمد حسن كأنه عايز يقتله
ولا غلطة مدرب عايز يلعب كوره مش عايز يتخانق عشان ام كاس العالم
ولا غلطة جمهور اضحك عليه ورايح فاكر ان السودان دي بلدنا
مع انهم اكسل خلق الله حتي في الحرب اكسل خلق الله
الغطلة فينا احنا فعلا مش عرفنا نتعامل مع ناس ليهم طريقه معينه في التعامل
بالجزمه القديمه واذا اكرمت اللئم تمرد
*********
من يومين شايفك بتتاجري بدم الشعب الجزائر
يعني بروح امهم كان بيدافعو عن مصر
هما ماتو لبلدهم وارضهم وشعبهم
ماتو عشان الجزائر مش عشان مصر
مش نتاجر بدمهم ونقول دول شافو ايام سوده اكتر مننا
***
مع الاعتزار ليكي في النهايه برود الديموقراطيه ليها انياب

Unknown said...

هي مستشفى الامراض العقلية دي كلها من تأثير الماتش؟

كل ده من تأثير الماتش؟

يعني مثلا اخر تعليق ده نموذج للذهان العقلي

احمد علام

العريضة دي تقدمها لحد يعرف يشخص حالتك انا والله العظيم تلاتة مش فاهمة ولا حاجة

والحقيقة انا مش عارفة لا اشفق عليك ولا على ميدو ولا على كل العيانين بسبب الماتش ومصدومين

مش شايفة انها حاجة تستدعي الشفقة والمصدومين بسبب الماتش ثم العلقة اللي شفعته بصراحة بيثيروا قرفي اكتر من شفقتي

Ahmed Mohamed said...

ومن امتي يا اختي بتفهمي

mido said...

ايه اللى مش فهماه فى كلامى بالظبط ؟

نقول تانى :

لما انت تقولى كل حاجة ليها حدود

لما المصريين فى المنتديات شتموا الجزاير ردا على شتيمتهم للعيبة من شهر 7

و قلتى اي علاقة جميلة بوحريد بالكرة و ازاى يشتموها

و ايه الفجر ده !

وافقتك

و لما المصريين اتفشخوا فى الجزاير بسبب اشاعة

و لما المصريين اتفشخوا امبارح بسبب البلطجية اللى بعتهم بوتفليقة فى طيارات عسكرية مجانا

كل ده و برده احنا ولاد الكلب ؟

و لما اقولك مشجعى الجزاير زودوها اوى

تقومى تقولى لما انت مش قدهم بتقف قصادهم ليه

mido said...

والحقيقة انا مش عارفة لا اشفق عليك ولا على ميدو ولا على كل العيانين بسبب الماتش ومصدومين

ماتش ايه ؟

انا جبت سيرة الماتش خالص ؟

انا بتكلم على البلطجة و القتيل المصرى و البنت اللى عينها اتفقعت

و الشركات اللى اتحرقت و اتنهبت و المصريين اللى انطردوا من الجزاير



كللللللللل ده بسبب طوبتين فى ازاز الاتوبيس؟


مش انا اللي جبت الجون بتاع الجزائر عشان تخش تتخانق وتشتم من غير سبب

انا شتمتك كمان؟

لو سمحتى طلعى كلمة واحدة فى تعليقى فيها اهانة ليكى

!

Unknown said...

والله يا ميدو انا مش عارفة امتى قلت احنا ولاد كلب

وايه الحالة الهيستيرية اللي عندكوا والابتزاز بتاع اني لازم اشتم كل الجزائريين والا يبقى ضمنيا باشتم المصريين

انتوا مرضى؟

وللا كل ده من حالةالماتش؟

بجد يعني؟

واطلع من دماغي لحد ما ترجع لعقلك وتهدا كده واعصابك ترتاح

عشان انت مش في حالتك الطبيعية والله العظيم

ومش لوحدك

ناس كتير مش في حالتهم الطبيعية

وبصراحة مش صعبانين عليا خالص ولا متعاطفة معاكوا

فعشان كده ما توقعش نفسك في الغلط

استنى كده لما تهدا واعصابك ترتاح وترجع لعقلك وبعدين ابقى قول كلام له راس ورجلين مبني على فهم صحيح مش هيستيريا

وانا مش ناوية العن ابو الجزائريين الامازيغ الفرنساويين اللي ما تمرش فيهم اللي عملناه فيهم وكل الكلام الواطي ده مش ناوية ابلعه ولا استحمله

والابتزاز والهيستريا والمزايدات والكلام المقرف اللي شاربينه منكوا بقالنا كتير مش ح يجبرني اني ابلع حاجة مش بالعاها

ومش ح يجبرني اني اقول كلام مش محترم مبني على احباطات وامراض وعقد تفوق ودونية مع بعض


وعايز انت وللا اللي فوقك ده تهستروا براحتكوا

ما البلد كلها في حالة هيستيرية

بس انا مش قادرة اتعاطف معاكوا

انا قرفانة منكوا

وانا حرة

ما تدخلش بقى ترمي عليا اتهامات عشان انا مش متعاطفة مع حالتك

مش قادرة اتعاطف الحقيقة

اعمل ايه يعني؟

انت اللي ح يريحك اني انضم لجوقة: الجزائريين غوروا كلكوا في داهية زي المدون المريض اياه
واني اقول الفرنساويين الامازيغ واشتم في شعب بحاله

واظن تبقى فقدت عقلك كله لو تصورت اني ممكن اقول كلام زي ده وللا ابلعه

ودماغي بقى

انا اصلا الماتش ده صدمني في الشعب كله

لا الحقيقة هو صدمني في شعبين

بس الجزائر ما يخصونيش
اللي يخصني اللي انا عايشة معاهم وطلعوا مرضى

والله العظيم لولا اهلي كنت رحت في اي داهية انشالله التبت

Hoda said...

الراجل ابراهيم حجازى دا فعلا شلنى امبارح فضلت قاعده اتابعوه لغاية الساعه 6 الصبح وما روحتش الشغل علشان اوصل معاه لكلمه مفيده ما عرفتش الاخر حسبنت ودخلت نمت ... والا البت ندا اللى اتصلت بيه وتقولوا انا مستخبيه ورا عربيه وكل اللى كانوا معايا اختفوا وابعتولى حد ياخودنى ،شوفتى قعد يشخط فيها ازاى وساب القصه كلها ويقولها وانتى رايحه لوحدك تقولوا لا معايا صحابى يقولها طيب وانتوا رايحين ليه ياللى تنحشوا هههههه رجل مسخره صحيح .. عمال يتعصب على الناس طيب ايه اللى غصبوا المستفذ دا

Unknown said...

انا عايزة اعرف يا حنين

دلوقت الجزائريين اتشتموا
والمنتخب الجزائري اتشتم
والامازيغ اتشتموا
وكمان شككوا في نسب شعب بحاله وقالوا عليهم ولاد حرام وثمرة اغتصاب الفرنساويين للجزائريات

الوحيد اللي ما اتشمتش لحد اللحظة دي


الحكومة الجزائرية اللي بعتت بلطجية للماتش ما حضروش الماتش اصلا وعلى حسابها

حد يديني عقله


يعني مافيش حد يطالب بتفسير حتى من الحكومة الجزائرية؟

ليه تبعت بلطجية مش رايحين يتفرجوا على الماتش وما دخلوش اصلا الماتش رايحين مخصوص يضربوا

بطيارات الجيش الجزائري وعلى حساب الحكومة الجزائرية

لا

مش الحكومة الجزائرية هي الوحشة

الشعب الجزائري كله ابن حرام

ويا تقولي كده يا تبقي مش وطنية

mido said...

زى مامرعى قالك مش عايزينك لا تسبى كل الجزائر و لا

تستهونى باللى حصلنا فى الجزاير او السودان

mido said...

القاهرة أستدعت سفيرها للتشاور

و ده رد على كلامك من موقفنا بخصوص الحركة الوسخة بتاعة بوتفليقة

alboursah_family said...

وكالة أنباء الشرق الأوسط المصرية تقول إن مصر استدعت سفيرها في الجزائر للتشاور

LiNa Sh said...

السلام عليكم

----------

اللي حصل بكل المقاييس مهزلة وكارثة
على جميع المستويات الرياضية والسياسية والتاريحية والدينية
:(
غلطات بالجملة

اولها سماح الفيفا للجمهور من البلدين بحضور هذه المباراة

ثانياً سماح السودان لدخول الجزائريين بدون فيزا زي المصريين علشان كدة بعتوا الصايعين اللي عندهم

ثالثاً: فتح الأبوب للجمهور الجزائري قبل تأمين خروج الجمهور المصريين تماما

رابعا: هروب القوات السودانية وتقاعسها عن توفيرالحماية للمصريين

خامساً: عدم ارسال قوات مصرية لتامين المصريين برغم علم الجهات الأمنية شراء الجزائريين لأسلحة بيضاء واعتزامهم تدبيح المصريين بعد المباراة نتيجة الاحتقان من المبارة السابقة

سادسا: سكوت الحكومة الجزائرية على المشهد وكأن الموضوع مرتب من قبلهم وبعلمهم

سابعا: محاولة التخفيف من حدة الكارثة من جانب بعض المسئولين المصريين والتعتيم بينما برامج اعلامية تشعل النار اكثر واكثر ولا يوجد جهة معتدلة صادقة


----------
الرد دا مقتبساه من زميلة من ع الفيس بوك

Unknown said...

طيب انا عايزة حد يشرح لي

انا واحدة جاهلة وتعليم خامسة ابتدائي


حد يجاوب لي على الاسئلة دي:

1- ليه لما عمرو اديب شتم الجزائريين مافيش حد من الحكومة اتدخل؟

2- ليه لما الشروق الجزائرية قعدت تلات اسابيع تصعد وتقول كلام مالوش اي علاقة بالكورة زي حرب غزة ومعاهدة كامب ديفيد والخرا ده مبارك ما اتصلش بنفسه
(زي ما بيتصل بالتليفون على كل هايفة وزي ما راح زار المنتخب)
ببوتفليقة وقال له: اذا كان عندك مشاكل داخلية وانتفاضة عشوائيات يا ريت م ترميش بلاك علينا احنا

3- ليه لما الشروق قالت ان فيه قتلى ما اتدخلش بنفسه؟

كلنا عارفين ان مبارك وبوتفليقة او اي منهما كان يقدر يحل المشكلة بمكالمة تليفون

وماحدش يقول لي دول رؤساء جمهورية
عشان رئيس الجمهورية راح زار المنتخب

مدام مهتم بالكورة يبقى كان متابع المعركة

ليه ما حلهاش قبل ما تتفاقهم؟

4- وائل الابراشي قال ان الصحفيين الجزائريين حذروه وقالوا له امنوا البعثة المصرية كويس لان الحكومة باعتة بلطجية مش باعتة جمهور

ليه ما امنوش البعثة؟

طب لما عرفوا ان الحكومة باعتة على حسابها بلطجية مش جمهور عادي

ليه ما حصلش تحقيق في الموضوع ده؟
بلاش
ليه ما بعتوش هم كمان صيع؟ ليه بعتوا الحزب الوطني؟

بلاش

ليه ما بعتوش ناس تأمنهم، ناس من الداخلية يلبسوهم مدني وكأنهم من الجمهور

ما اوباما لما جه عندنا جه بطقم التأمين كله بتاعه

وجمال وعلاء نفسهم جم بطقم التأمين بتاعهم

طب يعني هو جمال وعلاء ناس والتانيين دول صراصير مثلا؟

بلاش
ليه مصر ما طلبتش بالتحقيق من الفيفا على اثر المعلومات دي؟

هم ما خبوش انهم ح يبعتوا بلطجية

جايين دلوقت فاكرين يستدعوا السفير بعد ما خربت مالطا؟

Tamer said...

طب حلو اوي , كده فيه نقط نتكلم فيها
انا اولا مش باقول اشتمي في الشعب الجزائري كله و اعملي و سوي , كل واحد حر طبعا
انا لحد قبل الماتش بنص ساعة كنت عمال الف جروبات الفيس بوك اللي فيها جزائريين , و لما كنت الاقي مصري بيشتمهم كنت باكتب له بصراحة عيب عليك اتلم , سيبك من دي

المهم

الموضوع شق عندنا , و شق عندهم

الحكومة هنا
كانوا قادرين يحتجوا من اول لحظة , و كانوا قادرين يتدخلوا من اول لحظة , و كانوا قادرين يكتموا كل ده من اول لحظة , و ده ما حصلش
انا مش فاهم الاسباب , و في نفس الوقت مش باعفيهم من المسئولية , كما هي عادتهم يعني , و حتى رد فعلهم اللي شفته النهارده ضعيف جدا ولا فيه اي تناسب بينه و بين الاحداث , و ادي الواحد بيصبر نفسه و بيقول مش عايزين يصعدوا الموقف حرصا على المصريين اللي في الجزائر

و الأرجح بالنسبة لي انهم ما كانوش مديين خوانة للجزائريين في السودان , هما لو صدقوا اللي قال و توقعوا غدر ما كانوش راحوا هما نفسهم بربطة المعلم كده من الاصل , ده غير ان باقي اللي راحوا اغلبهم حزب وطني , و كانوا سابوا ناس عاديين خالص تروح , سواء اتضربوا بقى ولا ما اتضربوش
هما كان املهم في المكسب كبير اوي , و كانوا رايحين يسرقوا الفرح , و ربنا خزاهم
ده برده ما يمنعش ان فيه ناس راحت مالهاش ذنب في ده كله , و اتبهدلت من غير ذنب خالص

انا ملاحظ حاجة كمان , لفة على مواقع جرايدنا النهارده الصبح ما لقيتش فيها حرف واحد شتيمة في الجزائر , ده معناه انهم ساعتها كانوا لسه ما اخدوش الضوء الاخضر

مش هانختلف كمان ان الطقم الاعلامي اياه اللي عندنا , عمرو اديب و مودرن و الحياة و نايل سبورت و الاشكال دي كلها لبخوا في الجزائريين من الاول كتير اوي اوي اوي , و ان التلبيخ كان متبادل اعلاميا من هنا و هنا و كلنا قلنا ان ده استهبال رسمي

نيجي للناحية التانية
انا عمال ادور على ايجابية لحد دلوقت عندهم مش لاقي , و لو فيه قولي لي عليها و نوريني , انا نفسي يبقى فيه

الاعلام
اكيد لفيتي على مواقع الصحف الجزائرية و عارفة انها مكرسة كل صفحاتها تقريبا حاليا و بقى لها شوية لشتيمة كل ما هو مصري
ده غير الكلام الظريف بتاع القتلى بتوعهم اللي انا عن نفسي لا سمعت لهم عن اسامي ولا عن اهل ولا عن جنازات ولا اي حاجة , غير قتلانا قتلانا , و النفاق المصري و الفخ المصري

المشجعين
حدث ولا حرج , مش محتاجين نقول كلام كتير , ما شاء الله في كل انحاء العالم , في الجزائر و السودان و غيرها و غيرها و غيرها

الحكومة
دي بقى عجيبة الدنيا التامنة
انا بفهمي اللي على قدي ممكن اصدق انهم يلهوا شعبهم في حاجة فيسخنوا الامور
انما لدرجة بهدلة العلاقات مع دولة تانية ؟
لدرجة انهم بدل ما يبعتوا مشجعين يبعتوا بلطجية رايحين مبيتين النية على الاعتداء على المصريين ؟

فاضل ايه في الجزائر الواحد يقف يدافع و يقول ما تظلموهمش يا جماعة ؟
لو فيه قولي لي بالله عليكي

Hoda said...

بصى يا نوارة بلدنا .... انا بحترم وجهة نظرك ومعاكى 100% فى كل اللى انتى بتقوليه ان اللوم كله طبعاً على الحكومه الجزائريه والسفير الجزائرى امبارح ابراهيم حجازى بيكلموا ويقولوا طيب انت ما كدبتش كلام الجريده اللى قالت ان مات ناس بعد الماتش يقولوا هو احنا على الهوا اصل انا عندى زكام . هما اساساً بعتين لنا راجل عبيط باين ولا ايه ويقولوا انا خلاص انا بكدب اهوه كلام الجريده فى البرنامج بتاعك ايه الاستخفاف دا لازم كان يبعت الراجل دا هو وسفارته تقرير ينفى اى اعمال عنف او قتل ويقفلوا الموضوع قبل ما يتوسع ويبقى حرب كده . بس كله سكت وصدق ولا هما كل المسئولين هنا وهناك لا بيحلوا ولا يربطوا وكمان كان المفروض زى ما الطياره بتاعت بسلامتهم متأمنه ومشيوا اساساً قبل المنتخب من هناك كانوا يامنوا كمان الناس كلها اللى رايحه معاهم ولا الناس دى مودينها علشان تطحن ... بس اقسم بالله العظيم انتى لو شفتى الجزائريين بيقولوا عننا ايه لتستفزى وتلعنى ابو اللى خلفوهم عالم واطية انا لسه كنت بتخانق دلوقتى مع جماعه منهم ولاد تييت وما قدرتش امسك نفسى وردحت وفرشتلهم الملايا برضوا الواحد بيصعب عليه يا نواره ان بلده تتهان وانا طبعاً مش هقولك الكلام دا لانى عارف انا بقوله لمين ... بس همه بصراحه كحكومه وشعب وجمهور كلهم ولاد وسخه خساره فيهم اى مبادرات .. انا سحبت نفسى من مبادرة الاقصى يجمعنا واعلنت الحرب عليهم وندمت انى قعدت اقول يا جماعه احنا اخوات ودم وزفت .. دا اليهود بقوا احسن منهم

Unknown said...

حد كمان يشرح لي

ليه كل ما مصري عايش في الجزائر يتصل باي اعلامي

شوبير، عمرو اديب، حمادة امام...إلخ

طول ماهو بيحكي على اللي حصل من بعد المباراة يسيبوه

واول ماهم هم نفس الناس اللي عايشين في الجزائر دول، ومصريين يعني مش مسيحيين ولا حاجة

:)
يقولوا: ده اول مرة يحصل معانا، احنا عشنا هنا سنين والناس كانوا شايلينا في عينيهم والجزائريين مش بيكرهونا

يروح كل الاعلاميين دول بلا استثناء يقطعوا المكالمة

حد يشرح لي ليه؟

muhanad said...

من الريس الى نوارة

انتى تاخدى اللى ادهولك وما تفتحيش خاشمك

شعب نمرود صحيح
مديله الصغير علشان يرحمه عاوز الكبيرة علشان يدمره

بلاها نادية وخد سوسو دى فى المسرحيات لكن انا راجل بتاع افلام

سبهللة said...

علاء مبارك عجبنى جدا جدا
فعلا ابن بلد
وكلامه صح
وايه يعنى لما يوقل انا بتكلم كأى شاب مصرى
حتى لو عنده خمسين سنة فهو مازال شاب سنا وشكلا وروحا
والله ياريت يجيوه بدل جيمى
انا اول مرة اسمعه بيتكلم فى اى حاجة
بس بصراحة
مختلف تماما عن اخوه

Anonymous said...

طيب خلاص حطي بانر الجروب بتاع الكبير اولى :)

تحياتي

الحلم العربي said...

أنا مع الاقتراح ده على فكرة ...ده حتى وشه سمح بدل التاني التنك المكشر ده
سبحان الله يا اوختى صحيح البطن قلابه :))

Ahmed Mohamed said...

http://img39.imagefra.me/img/img39/1/11/19/ahmed3lam/f_3m_607b470.jpg

مش عارف الرابط هينزل كله ولا ايه
بس دلوقتي فقهت ليه الشروق الجزائريه عملت كده
اكل العيش يحب الخفيه طبعا

Ahmed Mohamed said...

3lam/f_3m_607b470.jpg


هههه تكملت الرابط

lastcrazyboys said...

تصـــدقي انا دلوقتي بسسس

كان نفسي تكــوني وسط النــاس دي

ماهو من الحاجات اللي تغيــظ اننــا كلنــا بتكلم بنفس واحــد

وانتــوا عشان واخدين مواقف مسبقــة ..بتوقفوا عالواحدة

muhanad said...

طيب والله دى اقوى خطة
لمنع التوريث

نكبرها فى دماغ علاء ونعمله اكبر جروب على الفيس بوكوالياهو وجوجل وكام مدونة جامدين يطالبوا به كرئيس

اووم علاء يمسك فى خناق جمال

اووووووووم ابوهم يموت بالنقطة من الزعل عليهم
قبل ما يورث حد فيهم

اوم احنا نخلص من الكل
اوم البلد ترجع لينا

naalco72 said...

اللهم اغفر للمسلمين والمسلمات والمؤمنين والمؤمنات الأحياء منهم والأموات

lily said...

مش ملاحظة انك مطلعة نفسك من الموضوع زيادة عن اللزوم
و واخدة موقف حيادي مش في وقته
انت دايما كده
خالف تعرف

الخوجة said...

طالبوا بالغاء نتيجة المباراة

طالبوا بالغاء نتيجة المباراة

سامي said...

مهند
نياهاااااااى حموت من الضحك

Unknown said...

lily

والله المجانين كتير وماليين النت والتلفزيون والشارع والتويتر

يعني تقدري تنقي منهم اي مجنون يستثير كل مشاعر الرومان وهم بيتفرجوا على الاسد وهو بياكل المصارع

وده وقته قوي
مافيش وقت انسب من ده ان يبقى على الاقل فيه صوت واحد محايد في وسط هذا الجنون

Unknown said...

وبالمناسبة يا ليلي

والله شهادتك اعتز بيها كوني نجحت في اني اخرج نفسي من الموضوع ابقى نجحت في اللي انا عايزاه

lily said...

يمكن تكوني قدرتي تطلعب نفسك من الموضوع و عايزة تبصي من فوق
بس انت مصرية ، واي اهانة بتوجه لبلدك هتبقى تباعا اهانة ليك لأنك مصرية
و دي حاجة مش هتقدري تهربي منها ولا تطلعي نفسك منها
لو مش شايفة ان في أي اهانة اتوجهت لبلدك ، تبقى دي وجهة نظرك وانت حرة فيها

محمد صبرى said...

طبعا أنا و غيرى من الناس اللى كانت معترضة على السيرك اللى كان معمول فى الإعلام المصري و الجزائري , و بنقول إنه فيه طرف تالت مستفيد على حساب الشعب العربي في مصر و فى الجزائر مبقاش فيه مجال انه يطلعلنا صوت بعد اللى حصل فى المباره لأنه الناس مش مستحملة اى كلمة كويسة فى حق غير المتعصبين و المهاويس فى الجزائر ,واضح جدا جدا بكل أسف انه الطرف التالت ده نجح , فى كل الأحوال مفتكرش انه فى موقف زى ده هينفع اسكت لدرجة انى لا انشر رسالة خاصة من صديقة جزائرية-أرسلتها لي ردا على رسالة منى طلبت فيها تبعتلى هى شايفة الصورة ازاى كمواطنة و كصديقة جزائرية- بتقول فيها وجهة نظرها فى اللى بيحصل , لأنه الرسالة افتكر إنها على قدر كبير من الوعي و يمكن تساعدنا نفكر شوية بموضوعية قبل نحكم حكم عام على كل أهل الجزائر

نص الرسالة

*وبخصوص الحرب النفسية القائمة بين الاخوة المصريين والجزائريين فبرأيي الخاص الذي أعتقده منذ بداية الأحداث أنهم جميعا ضحايا طرف ثالث وهو اللوبي المصري اليهودي والذي يمثله بارونات الاقتصاد المصري وهم رجال في الدولة ويحتكرون التبادل التجاري السرّي والعلني مع اسرائيل ، وهؤولاء هم الذين يملكون الاعلام الخاص في مصر ، وتعلم أن شركائهم الاسرائليون لا يستسيغون أن تستثمر رؤوس أموال المصريين في العالم العربي ومنها الجزائر ، فكانت المباراة المصرية الجزائرية هي المناسبة الأكثر ملائمة لاثارة الفتنة بين البلدين عسى يذهب الأمر الى تعطيل الاستثمار المصري في الجزائر وتحويله الى اسرائيل ..
أم بالنسبة للجزائر، فالأمر مشابه الى حدّ كبير، فاللوبي الفرنسي الأمازيغي هنا ينتهز نفس الفرصة لاذكاء الفتنة وذلك لعزل الجزائريين عن أحضان الوطن العربي والاسلامي ..
ولكن يمكرون ويمكر الله والله خير الماكرين ..

lily said...

الموقعين 11 بس
وده مايعتبرش موقف كل المثقفين الجزائرين
بعدين هم زعلانين من التغطية الأعلامية ليه؟
محدش جاب حاجة من الهوا ... هم بعتوا بلطجية ، الاعلام مجبش حاجة من عنده

Unknown said...

نوارة ..
أنا لسه راجعة من الزمالك ...
وكان فيه مظاهرات فعلا
ناس عمالة تشتم في الجزائريين وتطلب ا،هم يطلعوا بره ...
هم كانوا جنب السفارة والأمن حركهم لحد ما وصلوا 26 يوليو ...
وكان فيه عربيتين أمن مركزي ومدرعة ...
وشوية ضباط بيوقفوا الشارع ويعدوا الناس ..
وتليفزيون بيصور ...
وكل العربيات اللي في الشارع بتزمر ومطلعة أعلام !!!!

Rateb said...

الموقف مش متساوى ولو اللى حصل ده من مصريين كانت البلد كلها وقفت تعتذر دلوقتى لكن الجزائريين اجرموا فى حقنا وبيانات الاخوة والصداقة دلوقتى بقت عامله زى اكليشيهات الوحدة الوطنية فى مصر المسلمين بيضربوا المسيحيين وى الاخر احنا اخوات اخوات لما نكون احنا الاتنين بنضرب بعض لكن واحد بيضرب والتانى بينضرب دى حاجة غريبة والناس بتفش غلها فى الجزاير غل مين ده يا ماما احنا اتكتمنا بعد الماتش وكنا بنضحك وخلاص لكن نضرب ونسكت دى مصيبة ايه دى يعنى انا عاوز اعرف بنفسيتك المحبة للقومية العربية دى المفروض كنا نبعت جواب شكر لبوتفليقة وورده لكل جزائرى ضرب مصرى ولا ايه يعنى ؟؟
الا بالحق هو احنا غلطنا فى ايه كشعب باستثناء الاعلام بس عشان تقولى علينا بنفش غلنا من حاجات تانيه عشان مانواجهش العدو
على فكره الناس فى الشارع بتشتم مبارك عشان ماخلاش للمصرى كرامة فى اى حته
اللهم لا قهر

lastcrazyboys said...

ايييييوة

بالصـــلا عالنبي ..اعمــلوا قعدة عــرب حلوة كــده ..مع الاخوة "المسئفـــين"..الدزائرين

==
وياريييت حضرتك تقـوليلهم ..الشيعب -اللي هو احنا - اللي الحكومتين عاملين الحــوا ده عشــان يخــدروه

اتخـــدر خلاااص..فيا حبــذا لو متتعبوش نفسكم..ومايصعبــش عليكــم غالي

اصل اهتمامات "الشيعب " غير اهتمامات "المسئفين " الجامدين
بالـــذات لما يكون شيعب هايف وفاضي وعطلان وماوراهمش حاجة

عنــده حــاجة أهم من الأكــل والصحة والكحــة
==

هلخصهالك في كلمــة مهمــة قوي "يمكن "
ماتستوعبوهاش

في مكالمة ابراهيم حسن لابراهيم حجازي

"المصــري مايجـريش..احنا نجّــري التخييين"

محمد فوزي said...

بتدايق قوي من اللي بياخد موقف ولما يبان انه غلط يصر برضه وميرضاش يتراجع فيه !!
انتي لسه بتدافعي وتبرري ؟

Shady Shrif an Egyptian Software engineer said...

نوارة بعد اذنك شوفي اللنك ده

http://last-femtosecond.blogspot.com/2009/11/blog-post_20.html

الجزائرين بيكلمونا في بتنا و بتهجموا علينا في التلفوووووووووووووون

ولاد ال

لو سمحتي اسمعية و انشرية علشن بجد كده اصبحوا لا يطاقوااااااااااااا

Unknown said...

الناس بقت مقرفة قوي

خلاص بقى

مش ح ينفع الواحد يكلم حد في القرف ده

Os Ansary said...

اقري هالخبر نوارة :

على غرار فتح وحماس ..شماتة إسرائيلية بأجواء مباراة مصر والجزائر


جزء من الخبر :

وفي ظل تركيز الصحافة الإسرائيلية على تغطية "الحرب" العربية - العربية بات المتابع الإسرائيلي على دراية بالتطورات، فماذا قال الجمهور الإسرائيلي؟. الأخبار المكثفة حول خلافات البلدين الشقيقين بسبب مباراة كرة قدم، وفرت لبعض الإسرائيليين مساحة للشماتة والسخرية ليس من البلدين فقط ولكن من العرب عامة. وبدا ذلك من خلال التعقيبات في عدد من المواقع.وتساءل أحد المعقبين:"أي عقلية حمقاء هذه؟ بدل أن تطعموا شعوبكم تقومون بإرسالهم إلى الملاعب؟. وقال آخر ساخراً :"هذا يوضح كم الأمة العربية موحدة". وذهب ثالث للقول: "أي أشخاص صغار (حقيرين) هؤلاء العرب؟ فعلا هم متخلفين ودون المستوى".


http://www.arabianbusiness.com/arabic/573737

سامي said...

حمدى رزق مبهدل تامر امين دلوقتى على البيض بيضك

تامر جايب فيديو قديم من سنه84 وعمال يشتم فى الجزائر ويقول دا مخطط حقد من زمان نياهاااااااااااااى

بيقول لو كنت انا فى السودان مكانش حد جرؤ من المشجعين الجزائريين عمل اللى عمله

يرد عليه خيرى شلبى بمنتهى الجدية ويقول له الكترة تغلب الشجاعة يا تامر
هههههههههههههههههاااااااااى

مي ثابت said...

الموضوع أشبه بلعب العيال اللى قلب لخناقة و تار بايت بين الكبار .. و أصبح من الضرورى أن نعالج نتائجه برغم علمنا إنه بدء لعب عيال

فمما ذُكر فى الإعلام أنه كان من الخطأ إختيار السودان

طيب حد يقولنا إسم بلد تانية علاقتنا بيها تتيح لنا إننا نبقى محترمين و آمنين على نفسنا ..و لا أحنا كسرنا السفن بينا و بين كل الدول العربية .. و نظامنا خلى قيمتنا بقت فى الحضيض



نتخيل إن نظامنا كان له موقف مساند بحق و حقيق للفلسطينى و ليس دور التواطئ أثناء مذبحة غزة

تفتكروا ده كان حيبقى حالنا لو لم ننضم بل و نؤسس محور الإعتلال .. و نروج ليه .. و أصبحنا كالذى يجر الآخرين للرذيلة




لو لم يكن عندنا هذا الكم من الفساد اللى كان سبب فى إن أكثر من
40%
من شعبنا تحت خط الفقر .. و أصبح منا الخادمات و غرقى الجوع على الشواطئ و المتسولين

و بعد ده كله لسه بنطالب الدول إنها تعاملنا كالأخت الكبري
!!!


أتفقت الأقوال بأن النظام الجزائرى أرسل عسكر و حرامية و بلطجية بدلاً من المشجعين.. و أننا علمنا ذلك قبل اللقاء بفترة .

لماذ لم يُتخذ قرار يمنع مهزلة السودان أو حتى على الأقل التحوط لها
!!
أم أننا بقينا نمشى بالبركة فى القرارات بعد أن إفتقدناها فى المعيشة

doctor soly said...

انا بقالي اكتر من 6 شهور متابع المدونة بتاعتك كل يوم تقريبا بدخل اقرأ المواضيع و التعليقات و كنت متفق معاكي تماما في كل اللي بتكتبيه و اي حد كان بيقرا مواضيعك كان بيدخل يقول امين بس المرة دي انا مش فاهم يعني الاف المصريين اللي رايحين الخرطوم يحصل فيهم كدة والفنانين المصريين كانوا هيموتوا و عندك محمد فؤاد كان هيموت عايزك تسمعيه وهوه بيتكلم عن اللي حصل و ازاي كان مخبي ابنه الصغير تحتيه خايف عليه من الموت و انا مش حاسس من اللي بتكتبيه اي نبرة غضب من اللي حصل ده انتي ناقص تقولي احنا اللي غلطانين ده لما بيحصل اي حاجة لاي حد عربي في اي حتة بتقلبي الدنيا مناحة علي اللي حاصل وانا مش باعيب فيكي ده بالعكس ده واجبك و انا باحترم فيكي ده جدا بس مش فاهم موقفك من اللي حاصل ده , ده حصل لمصر (شعب) مش حكومة يعني المفروض تحسي بشوية غضب ولو علي استحياء ده الاقربون اولي بالمعروف يا نوارة

lily said...

اكيد اكيد اكيد احداث الشغب بتحصل في كل البلاد ، حتى بين النوادي المحلية زي ما حصل في الفيديوهات الللا انت حطاها
بس الفرق ان دول ناس كانت جايه تنتقم عمدا .. بدليل ان الللى حصل كان في الشوارع مش في الملعب
أغلب احداث الشغب بتحصل في الاستاد نفسه بعد الماتش ما بيخلص
على فكرة فيه بلطجية ماحضروش الماتش اصلا ، كانوا مستنيين في طريق المطار


http://www.facebook.com/video/video.php?v=101724116518753&ref=nf

lily said...

اكيد اكيد اكيد احداث الشغب بتحصل في كل البلاد ، حتى بين النوادي المحلية زي ما حصل في الفيديوهات الللا انت حطاها
بس الفرق ان دول ناس كانت جايه تنتقم عمدا .. بدليل ان الللى حصل كان في الشوارع مش في الملعب
أغلب احداث الشغب بتحصل في الاستاد نفسه بعد الماتش ما بيخلص
على فكرة فيه بلطجية ماحضروش الماتش اصلا ، كانوا مستنيين في طريق المطار


http://www.facebook.com/video/video.php?v=101724116518753&ref=nf

أحمد عتمان - Ahmed Etman said...

متى يدرك الناس أن هذا الدعم الكبير و الشحن الإعلامي الهائل لكرة القدم ما هي إلا إحدى وسائل السيطرة على الشعب و تنفيس غضبه و تهدئة ثورته و توجيه طاقته نحو شيء آخر غير الظلم الفادح الذي يعيشه يومياً، إنه المخدر الذي يعطي للشعب بجرعات محسوبة لكي يبقى تحت السيطرة دوماً، و إن اهتمام السلطة بالتأهل لكأس العالم لهذه الدرجة لا نفهمه إلا اذا انتبهنا لتزامن توقيت كأس العالم 2010 مع انتخابات مجلس الشعب، هذه الانتخابات التي تمثل للحزب الوثني ضرورة ملحة في أن يتم تسويتها و تضبيطها بطرد نواب الإخوان منها لإحكام قبضة الحزب علي المجلس، هذا المجلس الذي سيمر عليه ضمن فترته القانونية انتخابات الرئاسة القادمة، بما تمثله من نقطة خطيرة جداً للحزب، يجب فيها أن يتم تسيير الأمور كما هو مخطط بالضبط، لضمان استمرار المصالح لفترات قادمة. لا نستغرب إذاً اهتمام السلطة و وريثها و أخيه بهذه البطولة، إنها جزء من الجرعة المخدرة الكفيلة بسطل الشعب خلال الانتخابات، فلا يدرك ما يساق إليه من هاوية و يشاهد المسرحية الهزلية معتقداً أنها عمل جاد.
أما مكالمة السيد علاء مبارك التليفونية المسرحية، فاعتقادي الأولي أنها ربما تكون محاولة لاستبدال العنصر المخدر الذي فشل بعنصر آخر أكثر تخديراً و أشد فتكاً، و هو إدخال الناس في عداءات خارجية قوية و تصفية حسابات، تبدو فيها القوى الحاكمة و كأنها في معركة من أجل كرامة الوطن، مما يضمن التفاف الناس حولهم و تأييدهم، و ربما يضمن كسب تأييد للوريث المفتقد للقبول الشعبي، بجعله يظهر بمظهر البطل المدافع عن كرامة المواطن البسيط.
المشكلة الكبرى أن هذا المخدر ربما يكون قوياً للغاية و زائداً عن الحد بحيث قد يقتل آخذه بسبب الجرعة الزائدة. أم لعله يا ترى يدفع آخذه لارتكاب جريمة ضد أخيه، يدرك بعدها حجم الكارثة التي وصل إليها فيلجأ أخيراً للعلاج بالانقطاع عن المخدر فجأة و القضاء على مورده؟؟

لا أرجو أن يكون هذا هو الطريق للعلاج، جريمة تاريخية!!!

lastcrazyboys said...

أللينك الاولااااااني

مش شغاااااااااااال

!!!!!!!!!!!!!!!!

بهيج الشرير said...

والنبي ياأبلتي أنا عندي سؤال، ياترى الحج هيكون فين السنة دي، أهم حاجة مايكونش في السودان

Unknown said...

شوفوا كده اللنك اشتغل

Rateb said...

على فكره يا نواره عندك حق هو الموقف اتقلب بس هما دلوقتى بيقولوا محصلش حاجة خالص زى ما كنا بتقول ساعة الاتوبيس بالظبط يعنى والشرير منهم بيقول ضربناهم زى ما ضربونا بس الاعلام بتاعنا وسخ اوى
ماشى طالما اننا ضاربين فى جوله مش مشكله وهمدوا ده فيه واحد كاتب فى جرنان الهداف المتخلف بتاعهم ان مصر امنا وشقيقتنا الكبرى يلا بقى من نفسنا يعنى احنا اقل من الجزاير ناخد يومين شغب وخلاص

lastcrazyboys said...

!!!..هو في ايييييه

طب احنا بتوع الكورة عنــدنا هسهس

ومعترفين بكــده..وبالذات انتي ملاحظة اللي بيحصل فينا

اللينكين بيدوا نفس الصفحة ...يعني كل الطرق تؤدي الى روما

مااالك ركزي

ده انتي الأمل الوحيد اللي فاضلنا

===

ملحــوظة صغيرة ..وانا بكتب الكومنت ده جالي تليفون من الواد أخويا بيقوللي "الزمــالك خربـــاااانة.." بقوله : الحكــومة نزلت ,,!!.؟

قالي : بقولك خربااانة

وانا سمعت بأم ودني حاجة زي : احنا المصريين

......يا ولود المتـ

انا قلت له يصور ..وزمانه جي في السكة

lastcrazyboys said...

وصــل ..وصـــل


بســأله : حصــل حــاجة للسفــارة

قال لي : معرفتش اجمع حاجة ..بس انا شفت "بوكس " مولعين فيه


==

العهــدة عالراوي ..وعلى فكرة مفيش صور برضه
للأسف

بهيج الشرير said...

على فكرة ياأبلتي، القصة الدرامية العاطفية اللي من الكوميديا الإلهية لدانتي وشركاه بتاعة الخروفان والدرة والبطاطا أثرت فيا جامد، ومن ساعتها وأنا مش عارف أنام، وده طبعا من كتر الضحك، ياريت بس تسمعي كلامي وتبدئي مشروع السيف والقرمة

فلاشاوي said...

أنا مقدرتش أستحمل بجاحتهم أكتر من كده
وعملت الفيديو ده يبين كدبهم من وجهة نظري

http://www.youtube.com/watch?v=F6F3gIC42cw

عارف مش هيعجبك

بهيج الشرير said...

على فكرة ياأبلتي، إحنا عندنا حي السادات وحي الحسينية وحي الجمالية، وعلشان كده علاء مش ممكن يكون الريس لأنهم لسه ماعملوش حي العلوئية

Unknown said...

أولا انا بأعتذر لو كلامي حيطلع بصورة حادة شوية. أفتكر أنا من يومين كنت رسلت تعليق و قلت ان بعد المباراة السودانيين حيرجعوا يتشتموا و يتسب ليهم من تاني لأن الكلام من نوعية السودان الشقيق و المشاعر الأخوية الجياشة دي كلها كلام فارغ بيطلع وقت اللزوم بس لكن في العادي السودانيين بوابين و عبيد و أكسل خلق الله زي ما واحد من المعلقين هنا قال

و فعلا في أقل من يوم بقت المصيبة اللي حصلت دي بسبب تقصير الأمن السوداني و ان البلد دي ما فيها أمن أصلا هم قادرين يحموا نفسهم لما حيوفروا لنا الأمن و اختيار السودان اختيار خاطئ لازم يعاقب المسؤولين عنه و بقى السودانيين و الأمن السوداني متواطئين مع المشجعيين الجزائريين ده غير قلة الأدب و أنا اسفة إني بأستعمل الكلمة دي لكن هي فعلا قلة أدب اللي ظهرت في قنوات مصرية في كلامهم عن السودانيين و الجزائريين

و بعدين أنا عايزة أسأل..أنا ما بأتابع كورة أصلا لكن هل بيحصل ان في دولة في العالم بتحصل على أرضها مباراة بتحول قوات أمنها لقوات حماية للمشجعين تجيبهم من المطار للاستاد و بعدين توصلهم تاني للمطار و تخطط بحيث إنه بعثات مشجعين الفريقين يكون خط سيرهم مختلف و ينشروا قوات أمنهم على الطرق؟؟؟ هل ده شئ وارد و طبيعي؟؟؟؟ طيب الأمن مقصر و غير مستعد و تعاملوا مع الموضوع بغباء و ده وارد لأنهم أمن لكن باقي السودانيين ذنبهم شنو يتهانوا؟؟؟ الناس اللي حموا او ساعدوا او حتى شجعوا المصريين برضو جبناء و أولاد كلب؟؟؟ و حتى اللي شجعوا الجزائريين ليه دي عاملة صدمة عند بعض الناس؟؟؟ هو لازم كل السودانيين يشجعوا مصر يعني؟؟؟

معليش أنا عارفة انه التعليق بقى طويل و بايخ لكن بس عايزة أقول انه سودانيين كتير متضايقين جدا جدا جدا من الكلام اللي بيتقال عليهم و على السودان في بعض القنوات المصرية و من المصريين لدرجة انه في ناس بيقولوا إنهم كانوا بيشجعوا الجزائر برغم إنهم ما عندهم أي مشاعر تجاهم أصلا عشان المصريين بيتعاملوا مع السودانيين باحتقار و متوقعين ده يحصل من الأول. ده غير طبعا صدمة اللي كانوا بيشجعوا مصر و اللي ما كانوا بيشجعوا حد أصلا إن بعد اللي إتعمل و اللي حاولوا يعملوه برضو طلعنا غلطانيين و جبناء و مقصرين و أكسل خلق الله طبعا..اسفة تاني

lastcrazyboys said...

السيــدة الفاضلة انا فوجئت بلقـاء تلفزيوني مع احد اقاربي ..وسرعان ما اتصلت به..والرجل أكــد ان التقصير كان غير متعمد..لكن امكانيات الدولة لم تكن مهيأة للمفاجأة لعدم توقعهم للأومة من مجرد مباراة كرة قدم
ثانيا :هو قال انه كان مع رابطة مشجعي الكرة ..اكرر رابطة المشجعين ..وانهم استطاعوا التعامل مع شوية الرعاع الذين قذفوهم بالحجارة ..لكن الفنانين كان الامر بمثابة الصدمة بالمسبة لهم ..لانهم كانوا يتوقعون فسحة ..اما هم فقد أكد انهم -بعد تصرفهم مع اطفال ازقة وهران- كانوا في احد البيوت السودانية معزومين على العشاء ..واكد انه لم يكن يعلم بما يحدث للفنانين وقتها
ولكنه اكد ان الارتباك حدث مما ادى لتأخر موعد الطائرة
واما بالنسبة للتشجيع فقد كان -كما ذكر - بين جماهير الكرة كما يحدث بين جمهوري الهلال والمريخ

ثم ان موقف المصريين الحالي ..صدقيني لا يحمل اي ضغينة للسودانيين ..لكن الموقف الشعبي العــام يسير نحــو " لنا أعمالنا ..ولكم أعمالكم"..كلها دول ..لكن الجديد ان الناس ترغب في حذف كلمة "شقيقة" من قاموسنا ..فقــط

اي ان تكون الجزائر مثل فيتنام..مثل السودان مثل جزر المالديف
مثل رومانيا
لا عــداوة بيننا ..ولا كره
وانما تحكم العلاقة الاحترام المتبادل
فـــــــــــــــقــــط

اي انها دول نتعامل معها حسب الاستراتيجيات
والمصالح المشتركة ..دون دخول في موجة العواطف ..والشوائج وما الى ذلك

ارجو ان يكون توضيحي قد وصل

lastcrazyboys said...

صح يا نــوارة ...هو احنا مرغيناش في الموضوع ده لييييه لحد دلوقتي


http://www.alarabiya.net/articles/2009/11/19/91792.html

amr220 said...

الي بهيج الشرير

يابني ما تخف علي أبلتك شوية ربنا ما يصلطك علي حد

:)

هو في الواقع يعني الحاجة نوارة معاها حق في الموضوع دا

احنا اللي ابتدينا بقلة الأدب في الصحافة و في الفضائيات برئاسة المنافق عمرو أديب و المنافق أحمد موسي و المنافق أحمد شوبير و كل شلة المنافقين و المنتفعين في الاعلام المصري

و ضربنا اتوبيس منتخب الجزائر لما جم مصر و حرقنا علمهم و جمهورنا شتمهم في الاستاد

و كان في تحرشات في الشوارع و سب دين للجمهور الجزائري بعد مباراة القاهرة

ايوه فيها ايه لو حسني مبارك كان راح استقبلهم في المطار؟ مش بيروح يستقبل الصهاينة و يبوسهم و يحضن فيهم في مطار شرم الشيخ؟؟؟

بلاش دي

علي الأقل يستقبلوا استقبال مشرف و محترم كعرب و كامسلمين و كشعب شقيق

و نحترم وجودهم في بلدنا و نقف احترام للنشيد الوطني الجزائري

يعني نتعلم من الشعب السوداني اللي فتح بيوته و دخل المصريين عشان يحميهم من اعتداء البلطجية بتوع الجزائر

أنا قابلت واحد جزائري امبارح و قلت له الف مبروك و عقبال الكاس

الراجل ابتسم و سلم عليا و زي الاخوات

في ايه؟

انما احنا اتعلمنا الفشل في كل حاجة من ابونا الحنون حسني مبارك اللي فشل في كل حاجة علي مدار 30 سنة

لا عرفنا نتعامل بالأدب
و لا عرفنا نكون قلالات أدب زي بتوع الجزائر

و النتيجة؟

خدنا علي قفانا

و دفعنا تمن الملعوب اللي بابا حسني عاملة فينا

الراجل حايموت عاوز يقنع الناس ان المحروس ابنه ينفع ريس

جمال عبدالناصر بني السد العالي

السادات قائد الحرب و السلام

حسني قائد الضربة الجوية

جمال مبارك عمل ايه؟

و لا حاجة

و لا عاوز و لا يقدر و لا عنده ايه نية انه يعمل اي حاجة مفيدة لل 80 مليون غلبان

يقوم نظام السيد الوالد يستغل مباراة مع فريق عربي مسلم عشان يهيج الناس و يبعت المحروس الاستاد و يحضروا الكاميرات عشان اول ما يدخل جون تقوم الكاميرات متحولة عليه قال يعني الواد هو اللي جاب لنا كاس العالم

يشاء السميع العليم انه يقلب السحر علي الساحر و كل ال مبارك يلبسوا في العامود و لا مصر تكسب و لا الشعب يحب جمال

و احلي حاجة انه السيد جمال مبارك و السيد علاء مبارك كانوا اول الفارين من الخرطوم و طبعا ركبوا طيارتهم الخاصة و سابوا الناس تنضرب في الشوارع كأن الأمر لا يعنيهم

و دا مثال حي علي القيادة الرشيدة اللي حانقع تحت ايدها في القريب العاجل انشاءالله

و شجع شجع

ماهو مافيش اي حاجة تانية مفيدة نعملها

اللي بيحب مصر فعلا يتمني و يدعي و يعمل اي حاجة ان البلد تتخلص من الحاكم الظالم اللي قاعد علي قلبنا 30 سنة و حتي لما يموت مش حانعرف نخلص من ابنه

اللي بيحب مصر فعلا يشجع مصر انها تقوم تاني علي رجليها و يبقي فيها أخلاق و أمانة و تعليم و حقوق انسان و زراعة و صناعة و تكنولوجيا

اللي بيحب مصر فعلا يدعي من ربنا ان نشوف يوم يقدر فيه المصريين لأول مرة في التاريخ انهم ينتخبوا حكامهم

مش مهم ماتش كورة

داحنا حالنا بقي يصعب علي الكلب الحزين علي رأي الأستاذة نوارة

Unknown said...

الأعلام المصرى بكل قنواته الحكوميه والخاصه فتح النار لأخر طلقه
الجزائريين بلطجوا فى الجزائر محدش قال حاجه بس أعلامنا تصرف زى الطفل اللى أبوه قاله أضرب أبن الجيران وموته لو جه جنبك فى حاجه

هو ليه دور الأعلام المصرى تحول لفزاعه فى أيد النظام
فاكرين أيام هوجة نصر الله
شفته النظام أستخدم كلاب الصحافه وكتبوا حاجات مفيش اعلامى محترم يكتبها خصوصا" محمد على ابراهيم قلبوظه الصحافه المصريه
ده أيام النكسه وفى عهد عبد الناصر وما أدراكم أيام ماكانت الصحف تحت رئاسة ظباط الثوره كانت العناوين متوازنه وكنا مهزومين ومحدش كان بيشتم اسرائيل كانوا بيقولوا بس ضربنا العدو - قصفنا العدو

أمبارح فى حلقة البيت بيتك شفت تامر أمين شيخ المهرجين الأعلاميين وهو مبهدل الشعب الجزائرى و والله والله كان نفسى أشوف أستاذ حمدى رزق فى الشارع علشان أبوس راسه بجد راجل فى منتهى الأحترام والفهم والتوازن - جه فى لحظه وبهدل تامر خلاه يعدل من لهجته شويه .

بس برضه اللى حصل فى السودان يحزن أى حد
أب وأبنه يتفرق عن أم وبنتها علشن الصيع كانوا بيجروا وراهم بالسكاكين فى الشوارع .

Unknown said...

أحب أقول لأختى دينا أنا نوبى وليا أصحاب كتير فى الخرطوم وحكولى أنه أزاى السودانيين عرضوا نفسهم وبيوتهم للخطر علشان يخبوا المصريين فى بيوتهم
بس حركه كويسه أنه مبارك أتدخل ووجه وزير الخارجيه لشكر أخواتنا فى السودان وكان شكر بلهجة أعتذار بسبب نفس الوسخين بتوعنا اللى ممسكينهم شوية برامج يهللوا فيها