ولكنكم تحرقون أغصان الزيتون رجلك والأمن العام
بيمر بظروف نفسية...أحصابه تعبانة شوية وبيتكدر بسرعة
ما جراش حاجة يا شباب نشيل بعدشينا
وبعدين ما الامن العام يا قلب امه ياما شال واستحمل
ايشي عبارة
وايشي قطارات تطقش في بعض
وايشي حصبة انتشرت بشكل مريب
وفلفلوزة طيور سابت العالم وبركت عندنا
وخصخصة التعليم والصحة
يعني ده لو جبل كان انهد يا اخواتي
مش ناقص بقى عم منعم يكدره ويعصبه ينرفزه..اف
وبعدين...قالك منعم بينشر تصاوير
اخص عليه
وانا اللي كنت فاكراه مؤدب
طبعا خدش حياء الامن العام ووشه احمر وفرهد ورقع بالصوت: يا ناااااااااس غيتوني
مش عيب يا منعم؟
تتكلم عن التعذيب اللي انت اتعرضت له في اخر حبسة؟
مش تخليك راجل كده وتاخد اللكاكيم في وشك وما تنطقش
ايه يا اخواتي العيال الورق دول
فين رجالة زمان....يفضل متعلق لحد ما يموت ولا يقول أي
ده الانصاص قامت والقوالب نامت صحيح
الظاهر بتوع اسكندرية دولم كسر
لسنتهم طويلة كده ولوك لوك لوك لوك
وبتوع فضايح ورغي
احنا بقى لازم نقف وقفة من اللي هي كده مع المدونين دولم
يعني عبد الكريم وعبد المنعم الاتنين مدونين والاتنين اتعمل لهم قضية
الاتنين اسماءهم مما عبّد
يعني ما عنتش يا مخيمر تسمي ابنك عبد ....لا الكريم والمنعم والرحيم
من هنا وجاي سميه عبد المنتقم عبد الجبار عبد القادر عبد الخافض عبد القهار عبد القابض عبد المذل
يمكن تحل البركة واللي يمد ايده على ابنك تتشل باذن الله
كمان ما حدش يروح اسكندرية دي
نحس
المدون الاسكندراني يعرف كده على طول انه حبسجي عشان بس ما يكترش في الكلام
والاتنين انسحبوا من لسانهم وجابوا سيرة الاستفتاء والانتخابات
بيمر بظروف نفسية...أحصابه تعبانة شوية وبيتكدر بسرعة
ما جراش حاجة يا شباب نشيل بعدشينا
وبعدين ما الامن العام يا قلب امه ياما شال واستحمل
ايشي عبارة
وايشي قطارات تطقش في بعض
وايشي حصبة انتشرت بشكل مريب
وفلفلوزة طيور سابت العالم وبركت عندنا
وخصخصة التعليم والصحة
يعني ده لو جبل كان انهد يا اخواتي
مش ناقص بقى عم منعم يكدره ويعصبه ينرفزه..اف
وبعدين...قالك منعم بينشر تصاوير
اخص عليه
وانا اللي كنت فاكراه مؤدب
طبعا خدش حياء الامن العام ووشه احمر وفرهد ورقع بالصوت: يا ناااااااااس غيتوني
مش عيب يا منعم؟
تتكلم عن التعذيب اللي انت اتعرضت له في اخر حبسة؟
مش تخليك راجل كده وتاخد اللكاكيم في وشك وما تنطقش
ايه يا اخواتي العيال الورق دول
فين رجالة زمان....يفضل متعلق لحد ما يموت ولا يقول أي
ده الانصاص قامت والقوالب نامت صحيح
الظاهر بتوع اسكندرية دولم كسر
لسنتهم طويلة كده ولوك لوك لوك لوك
وبتوع فضايح ورغي
احنا بقى لازم نقف وقفة من اللي هي كده مع المدونين دولم
يعني عبد الكريم وعبد المنعم الاتنين مدونين والاتنين اتعمل لهم قضية
الاتنين اسماءهم مما عبّد
يعني ما عنتش يا مخيمر تسمي ابنك عبد ....لا الكريم والمنعم والرحيم
من هنا وجاي سميه عبد المنتقم عبد الجبار عبد القادر عبد الخافض عبد القهار عبد القابض عبد المذل
يمكن تحل البركة واللي يمد ايده على ابنك تتشل باذن الله
كمان ما حدش يروح اسكندرية دي
نحس
المدون الاسكندراني يعرف كده على طول انه حبسجي عشان بس ما يكترش في الكلام
والاتنين انسحبوا من لسانهم وجابوا سيرة الاستفتاء والانتخابات
وفخامة عظمة جلالة سمو حضرة قداسة فضيلة الحاكومة وبسم الله الرحمن الرحيم كمان
ومصخوا في الحديت وجالوا كلام واعر اكبر من سنهم
ايه قلة الرباية دي؟
منعم والده في العناية المركزة حزنا عليه
وكريم والده ح يتنقط منه
بس الشهادة لله الحكومة عندنا بتحاكم الاتنين لاسباب مختلفة خااااااااااااالث
واحد عشان ملحد
والتاني عشان مسلم
طيب ممكن نعرف ايه هي الديانة المطلوبة؟
يعني بوذي مثلا؟ هندوسي شغال؟ سيخي ما يضرش؟
يعني اذا كان الموضوع مسألة دين وبس محلولة ان شاء الله
ما هي الحكومة طلعت دين المواطنين
وبما انه طلع في ايديها فتقدر تفرمته زي ما هي عايزة
من غير مشاكل
ومن غير ما كل شوية يمدوا ايدهم في عشة المدونين ويطلعوا منها شمورت وباسم الله الله اكبر
ويدبحوا معاه اب وام واخوات مالهمش ذنب غير انهم تعبوا على عيالهم وربوهم
وللا هه؟
بس الشهادة لله الحكومة عندنا بتحاكم الاتنين لاسباب مختلفة خااااااااااااالث
واحد عشان ملحد
والتاني عشان مسلم
طيب ممكن نعرف ايه هي الديانة المطلوبة؟
يعني بوذي مثلا؟ هندوسي شغال؟ سيخي ما يضرش؟
يعني اذا كان الموضوع مسألة دين وبس محلولة ان شاء الله
ما هي الحكومة طلعت دين المواطنين
وبما انه طلع في ايديها فتقدر تفرمته زي ما هي عايزة
من غير مشاكل
ومن غير ما كل شوية يمدوا ايدهم في عشة المدونين ويطلعوا منها شمورت وباسم الله الله اكبر
ويدبحوا معاه اب وام واخوات مالهمش ذنب غير انهم تعبوا على عيالهم وربوهم
وللا هه؟
13 comments:
انا تعبت قوي يا نوارة
يعني انا لا شفت اللي انتوا بتشوفوه و لا حصلي اللي حصلكم ... بس مجرد قعادي قدام الكمبيوتر اقرا الكلام ده بيتعبني قوي ...
هما عايزين ايه ؟؟
عايزين يبنوا جيل محطم و مكسور و محبط و معندوش امل ؟؟
طب و بعدين ؟؟
هما فاكرين إنهم حيعيشوا كام سنة كمان ينهبوا فيها البلد ؟؟
كام يعني ؟؟
طب ما انتوا مش حتلحقوا يعني ... سيبوا الجيل ده يمكن يعرف يصلح اللي انتوا بوظتوه
انا قاعدة دلوقتي و اخويا فاتح التليفزيون و الاستاذ جمال مبارك قاعد يشرح المزايا الرهيبة للنظام الجديد للتأمين الصحي !! و إن احنا لازم ننظر نظرة مختلفة للتعديلات الدستورية !!
و انتوا اديتونا فرصة ننظر اصلاً
هو حد عارف يرفع عينه !!!
الصراحة يا نوارة انا مش قادرة فعلا اتعاطف مع كريم ... رغم إني فهمت إن موضوع كريم ده كان بداية و الكلام ده بس فعلاً من جوايا مش قادرة اتعاطف معاه و لا ادعمه و مافتكرش ان انا حاقدر ... لا عاطفيا و لا عقليا
إنما بالنسبة لعبد المنعم ففعلاً انا متنكدة من ساعة الموضوع ده ... ربنا يصبر أهله
أجمد حاجة بقى المهزلة اللي كانت مكتوبة في الجرايد القومية
كلام مايدخلش عقل عيل صغير
ماعرفتش اضحك و لا ابكي
شكل اصل مش حاعرف اضحك أو ابكي بعد كدة !!!
حاجة نونا..متكبريش الموضوع بس يا خالتي..
ده حتة مدون مصري لا راح ولا جه..لا وتلاقيه مواطن كمان(تفتكري صدفة؟)!!
يعني الموضوع بسيط يا أوختشي متاخديش في بالك!!
وعلى رأي فتكات بنت بابي ساحب الهزبة..
دول مطونين بيهولوا كلام أيّا..
التعليق اللي فتا ده مسسسسسسسخرة موتني من الضحك
لا وتلاقيه مواطن كمان
ههههههههه
المفروض نعمل عداد
جنب عداد الزوار
ونحسب فية عدد المدونين
اللى هايتضبطوا
انا كنت بفكر نخلى الموضوع عام
ونحسب ضحايا النظام
بس العداد مش هايلحق يعد
حتى العدادات زهقت
الديانة المطلوبة مش مهم, أهم حاجه الأخلاق ويكون شعارك حاضر طيب نعم , وكمان القناعة مهمه جدا يعني محدش يبص للراجل في الكرسي ولا اللقمه اللي بيكلوها, وبعدين تمشي بخفة ودلع بس جوه الحيط, بس لو نعمل حاجه واحده واحنا كلنا جوه الحيط نتفق علي هدف واحد وبلاش الأيدلوجيات دي اللي هتفرق جهودنا أمام نظام فاسد مستبد قدر يكون شريحة من المنتفعين واحتكر السلطة والمال
انا غصب عني اترميت علي الارض من الضحك وانا بقرأ البوست دا
لا والكومنتات كمان تحفه
انتي فعلا مكبرة الموضوع شويتين
وشاغله نفسويتك كدا بحجات ملهاش لازمه يا شيخه
ايه يعني ابو منعم في العنايه المركزة حزنا عليه...طب دا طلع بقي موضوع القبض علي المدونين دا فكرة حلوة ..نخفف بيها الازمه السكانيه ..ونخلص من كام مواطن ..يعني انتي تشدي الواحد من دول ..يروح في الرجلين الاب والام ..يبقي كدا اتخلصتي من اتنين مواطنين دفعه واحدة ..دا غير بقي ان اللي اتاخد دا غالبا مش هاينفع تاني من اللي شافه ...يبقي ادي كمان تحديد نسل مجاني
انتي بس اللي شريره وبتبصي للجانب الفارغ من الكوب
حروق اللسا
seriousely neevr thought of us in this way but it fits gedan :)
هو الكوممينت كان يضحك بجد؟
بس انا والله ما عارف اضحك عليه، دانا كاتبه من قرفي!!
هموما، ربنا يرجهك بالسلامة يا منهم من باغي!!..
سؤالك مهم جدا ايه هيا الديانه المطلوبه
انا اقترح انهم يعملو بطاقه وتكون خانه الديانه مكتوب فيها حب الحكومه وحب جمال حب حوسني حب علاء
او انا مواطن بيحب العيله الحوسنيه
او انا بحب مامتي حبيبتي سوزي وبحب تانتي خدوجه
اه
يعني انا اصحى الصبح اقول اللهم اني اسألك حب جيمي وحب من يحبه وحب كل عمل يقربني الى حبه
طيب مش يقولوا كده
ويعلقوا على محطات المترو: اذكر حسني مبارك
ويوزعوا في الاتوبيس اذكار آل مبارك؟
ونقول بسم جيمي الذي لا يضر مع اسمه امن في قصر النيل ولا في بولاق؟
استغفر الله العظيم
طيب ايه يعني
بالنسبة لعداد المدونين
الله يرحمه بقى انور وجدي
كان ح ينفعنا في الظروف دي
ممكن نحط صورته ونكتب جنبها: الاول
الثاني
الثالث
عرفتوا ليه انا مش عايز اعمل مدونة
علشان انا اسكندراني وبحاول اشغل دماغي وكمان مش قابل الديانة الحسنية يبقي حيكون مصيري ايه لو عملت مدونة
يخرب بيت فقرك
ايوه انا عرفته .. ده الواد التافه اللى اسمه احمد ناجى.. ده اكيد مبسوط جدا لانه عامل زى الهوا و الشتيمه بتحسسه انه موجود
Post a Comment