خطة النسناس الشعبوي للتعليم الابتدائي

انا تصنيفي النسناس الشعبوي، لمزيد من التفاصين انقر هنا

كان السيد جمال مبارك قال اللي عنده بديل يقدمه، وماما قالت لي ما انتوا بتشتموهم عشان كده هم متعصبين ما تكلموهم بالراحة، طيب ح نكلمهم بالراحة، انا باسمع كلام ماما

انا وضعت خطة للتعليم الاساسي
اولا: انتوا بتصحوا العيال بدري كده ليه؟ يصحى الساعة خمسة الصبح؟ ده ربنا مش فارض عليه صلاة، ربنا اللي هو ربنا مش مكلفه بحاجة، ما يصحى متأخر شوية سبعة تمانية، ويدخل الفصل عشرة الصبح ح يجرا ايه؟

ثانيا: ليه المناهج بتاعتهم ما يحطهاش واحد بتاع قصص اطفال؟ وتبقى بالرسومات الحلوة والملونة؟ وليه ما يبقاش معاها شريط وللا سي دي عليه اغاني راقصة فيها الدرس؟
زي احمد حلمي لما كان بيحفظ البنت الصغيرة في مطب صناعي:
اتنين في اتنين باربعة
اتنين في اتنين باربعة
لولولولولوليييييييي
انا مش باخرف على فكرة، ابن خلدون في المقدمة قال كل تلميذ له مدخل في فهم الدرس فيه اللي بيحفظ باعمل له الدرس على شكل قصيدة، فيه اللي بيفهم بالرسم بارسم له، فيه اللي بيفهم بالعلاقات باعملها له قصة شيقة. ده ابن خلدون من 600 سنة، كان بيكلف نفسه ويشوف كل عيل بيفهم بانهي طريقة عشان يفهمه.

ثالثا: الواجب يبقى انه يحفظ الشرايط اللي فيها الاغاني، ولما يكبر شوية والدرس يتعقد يبقوا يعملوه فيلم قصير كوميدي عشان العيال بيحبوا الضحك، ما تروحوش تعملوا له الفيلم رخم، يعملوه كارتون كوميدي

رابعا: يبقى تسميع الواجب انه يسمع الاغنية او يمثل هو وصحابه الفيلم تاني يوم

خامسا: الامتحان ما يبقاش خضة وتسييب ركب بالطريقة دي، يبقى كأنه مسابقة ويتقسم على مراحل بعدد الاسئلة وكل مرحلة بعدها يقعد يلعب ويغني ويدوله شيكولاتة
هو ده مش طفل ومن حقه ينبسط؟ ما الدنيا شيلاله بلاوي كتير لما يكبر

وبالطريقة دي ماحدش ح يسقط ابدا، وماحدش مش ح يعمل الواجب وعليه فيبقى المدرس مش مضطر يطلع تلاتين العيال لحد ما يموتهم

خديجة ماتت من الخوف

انشالله ما عملتي الواجب يا خديجة، انشالله ما نجحتي اصلا، لو سقطتي سنة وللا اتنين ح يجرى ايه المواصلات ح تقف؟ الدويقة ح تتهد تاني؟ عبارة تانية ح تغرق؟ قطر عاشر في الصعيد ح يعمل حادثة؟ يا خديجة ما نظيف نجح يا خديجة، نجح وطلع الاول وكان شاطر في الرياضيات واكيد عمل الواجب ودخل هندسة ومن ساعة ما حل علينا والكوارث مصاحباه. وامبارح كان بيقول: والارقام ما بتكدبش، ومدام نظيفة دايما تقول: القطنة ما بتكدبش...اذن الارقام قطنة....يعني مش مهم واجب الحساب، ده قطنة
خديجة، عندها عشر سنين، مدرس النيلة الحساب قال مين اللي ما عملش الواجب، وقفت وبعدين داخت وطبت ميتة
طبت ميتة من الخوف
فيه ايه؟ ايه لازمة ام الواجب اصلا، ينعل ابو التعليم على ابو اللي المدارس على ابو الواجب على ابو اللي بدع الواجب
تاني، ايه لازمة الواجب اصلا؟ امال العيال طول اليوم بيعملوا ايه في المدارس؟ ماحدش بيعمل واجب في الدنيا غير في عالمنا العربي، يعني ايه طفل عنده كل يوم واجب؟
ده امريكا اللي اخترعت ابو غريب وجوانتانموا بيدوهم واجب مرة في الاسبوع وما بيبقاش واجب تعذيبي زي اللي عندنا دي بتبقى حاجة اقرب للابحاث، ومش بيبقى عندهم عشر سنين
عشر سنين ده المفروض يلعب
يعني ايه نفسية الطفل يتزرع فيها الخوف لدرجة انها لما ما تعملش الواجب تطب ميتة
واجب ايه ده يعني؟ ح يعمل منها اينشتاين؟
ايه الهلع ده؟ طب اطفال قانا كانوا بيدفعوا امانهم تمن تحرير وانتصار
احنا اطفالنا بيقعوا منا ليه؟
لو حكمت اقفلوا المدارس، والله اقفلوا المدارس يروحوا ورشة، على الاقل لما الميكانيكي ينفخهم ويموتهم يبقى مفهوم، اهو ميكانيكي جاهل...مش مربي اجيال
او بدل ما تهزأوا المدرسين في كادر المعلم وتمتحنوهم (انا مش فاهمة بيمتحنوهم في ايه؟ مدرس ابتدائي يعني المفروض يبقى معاه دكتوراه؟) ما تعملوا لهم اختبارات نفسية
صحيح المدرس ما ضربهاش، وصحيح ممكن البنت تكون خايفة عشان سمعت عن اسلام اللي امي عاملة لي عليه مناحة وحاطة صورته في برواز ومعلقاها وانا رايحة جاية اشوف وشه لما ح اموت انا من القهرة
بس ده معناه ان البنت مش عارفة المدرس ممكن يعمل فيها ايه؟ مش واثقة فيه، كونها تخاف انه ممكن يعمل فيها كده ده معناه انها مش حاسة بامان من ناحيته
فين المدرسين بتوعي، انا ح اروح المدرسة وادور عليهم ولو طلعوا من التدريس ح اخد عناوينهم من المدرسة...بس عشان ابوس ايديهم
فين المدرسين اللي كنا بنحس انهم اقرب الناس لينا؟
اطفاااااااااااااااال يا نااااااااااااااااااااااس اطفاااااااااااااااااااااااااااااااااااااااااااااااااااااااااااال
اطفاااااااااااااااااااااااااااااااااااال

غصب عنكوا المحلة أم الرجال

يعني لما ينقلوا كريم البحيري ومحمد العطار وامل ووداد نقل تعسفي كده خلصت المحلة من الجدعان؟ عمال المحلة لا بيخافوا ولا بيتهتوا وكلهم جدعان ستاتهم ورجالتهم وعيالهم والارض اللي انتوا ماشيين عليها بتلعنكوا يا واكلين حقوق الناس
انا كلمت كريم، هو راح يقدم بلاغ بالنقل التعسفي، خصوصا انهم ما ادهوش قرار نقل في ايده ولا بدل انتقال ولا عملوا اي اجراءات، بقيقي كده قالوا له روح القاهرة
كريم بيقول لي انهم امبارح كسروا بيت على اللي فيه
ايه بقى؟ ايه الفكر الجديد العظيم ده؟
هو ده بقى الفكر الجديد يا شباب، بدل ما نحارب برة و"نعادي المجتمع الدولي" زي ما جمال قال امبارح، خللي الحرب منا فينا كده، وهم مش ح يخلوا في نفسنا حاجة، نفسنا في اسرائيل، ح يعملوا في الناس زيها بالظبط
عايزين ايه تاني؟ يعملوا لنا ايه تاني عشان نبطل بطر؟
---
تحديث:
كريم اتنقل القاهرة
محمد العطار اتنقل اسكندرية
امل ووداد اتنقلوا قسم حضانة اطفال العاملين برغم خبرتهم في خطوط الانتاج
على فكرة الناس مش مبسوطة
لا بجد الناس عمرها ما كانت ما بسوطة، بس فيه ناس شقيانة، تكنس وتمسح وتسرح في الاشارات وتشقى وتعلم عيالها ومش حاطة في بالها اي حاجة
ولا شاغلة نفسها بالبلد، البلد بالنسبة لهم العيال، ومصاريف العيال وبس
وفيه منهم بياخدوهم بالزوفة بعشرين جنيه عشان ينتخبوا الحزب الوطني وهم مش فاهمين اصلا ايه ده؟ هم فاهمين انهم اخدوا حسنة من اهل الخير عشان يقولوا نعم: هو فيه يا ابلة احلى من كلمة نعم؟ربنا يزيد نعمه علينا
الناس دهين بقى




مش مبسوطة...

لسة النهاردة واحدة منهم بتقول لي: هو فيه ايه؟ ايه اللي ح يحصل؟ فيه حاجة غريبة
فعلا حاجة غريبة...لان الغلابة متعودين يستحملوا وما يستغربوش...ياما دقت على راسهم طبول، معنى انهم يستغربوا يبقى البلد قطعت شوط طويل من الهطل

يعني ايه رسايلي مدمرة

الرسالة الاتية وصلتني من استاذ مدحت الزاهد:

نورا .. مساء الخير

الرسائل المرسلة منك تصل مدمرة ورسائلك تتعرض للاتلاف ، عدا عندما يكون النص فى ملحق مستقل وليس متن الرسالة .. وحرصا على استفادتنا اتمنى لو ارفقت النصوص فى ملاحق لان هناك هجمة منذ فترة على بريدك وبريد بعض الزملاء .. مع خالص التحية

مدحت الزاهد
----
معناتو ايه الكلام ده؟ حد من اللي بيفهم يقول لي اعمل ايه؟

السيد جمال مبارك بيهزأ الصحفيين

وفي اللي في وشه نقطة دم كان يمشي

طبعا الفيديو من محطة المدونين العليا للصوتيات والمرئيات طفاطيفو

فيه بني ادم عنده كرامة يرضى حد يكلمه كده؟

ده لو جوزنا اللي بيصرف علينا وعلى عيالنا وبيأكلنا ويشربنا وح نبات في الشارع من غيره كنا اطلقنا

فما بال احنا اللي بنصرف عليه
الفيديو من عند طفاطيفو طبعا

الرأسمالية والشذوذ عن الفطرة

بقلم: رضا الزاير
لا يخفى على ذي اطلاع أن النظام الرأسمالي يتعدى معناه الإقتصادي, فهو شبكة متشعبة سياسية, واجتماعية بحاجة الى مجتمع ذي قيم خاصة يثق إلى حد ما بحكومته. الرأسمالية بمفهومها الإقتصادي تحتاج إلى أسواق حرة من جهة ومستهلك حر من جهة أخرى. يربط بين هذا وذاك مؤسسات مالية وبنكية تحظى بثقة المودِعين. الجانب الإقتصادي يظل قاصراً إن افتقر إلى نظام إجتماعي همُّه البحث عن المادة وسعادته الإستهلاك حتى قيل عن العامل الأمريكي بأنه "يكدح في عمل يكرهه ليشتري مالايحتاجه" (والله العظيم لسة قايلة الجملة دي - هي جملة شهيرة - على الجايكو). يفترض في الرأسمالية أنها نظام فعال بحد ذاته تفسده الحكومة كلما تدخلت بما يعرف في علم الإقتصاد بقانون عدم التدخل
(assz-far)
فوظيفة الحكومة المالية في هذا النظام التوفيق بين مصلحة أصحاب رأس المال من ناحية والمجتمع ككل من ناحية أخرى (تبادل ازواج يعني). جدير بالذكر أن أي تدخل للحكومة في النظام الرأسمالي هو أما فشل أو اشتراكية. هذه المقدمة العريضة ضرورية لتقييم النظام الرأسمالي الذي يمر بأقسى فتراته منذ مايعرف بالكساد العظيم
(Gra Drsso)
فما هو سبب سقوط هذه المؤسسات المالية اللتي تقدر أصولها ببلايين الدولارات؟ قد أشبع الخبراء تحليل الخلفية الإقتصادية لهذا الإنهيار ولكن ,كما ذكرت آنفا ً, الرأسمالية شبكة متصلة متفرعة لا يصح فصل الإقتصاد فيها عن الإجتماع والسياسة. وبما أن الطبيعة البشرية تبحث دائما وبشكل فطري عن احترام المجتمع نرى التنافس والتدافع المحموم بين أركان هذا المجتمع. وخصوصية المجتمع الرأسمالي أنه يحترم الغني المقتَدِر فهو من حيث يدري أو لا يدري يشجع جمع المال ولا يشغل نفسه كثيراً ب"من أين لك هذا؟ ".(اللي هو بالبلدي: اللي مش ح يعمل فلوس في عهدي مش ح يعمل فلوس ابدا...بس طلع كلامه غلط) هذه الظاهرة الإجتماعية هي التي سببت الكساد العظيم في عشرينات القرن الماضي وهي سبب ما تمر به الولايات المتحدة والعالم الآن. لهذا الإنهيار سبب واحد هو الطبيعة البشرية وذلك من وجهين: المؤسسات المالية: يعود السبب في سقوط كبريات المؤسسات المالية إلى تنافسها المحموم للحصول على أكبر قدر من المقترضين الذين يدرُّون عليها بالفائدة
(rs)
وعندما بدأت بعض الشركات بتخفيض شروط الحصول على قرض من حيث الحد الأدنى لراتب المقترِض وكذا ,قامت الشركات الأخرى بتخفيض شروطها أيضا ففي هذا السوق إما أن تنافس أو تعلن إفلاسك. وحدثت المشكلة عندما عجز الكثير من المقترِضين عن دفع مستحقاتهم. المجتمع والمقترِضين: ذكرنا بأن المجتمع يحترم الغني ويعلم أن الغني يملك فيما يملك بيتاً كبيراً فاخراً. وبما أن المؤسسات المالية لا تعارض إقراض الفقير, قام هذا الفقير بشراء ذلك المنزل الذي لا يملك قيمته ولا قيمة الأقساط المستحقة عليه. (بالظبط زي اللي ساكن في العشوائيات وفي ايده موبايل) وسبب هذا الوجه وذاك هو ظاهرة التدافع الموجودة في كل مجتمع. وهذا "الفشل" الرأسمالي تكرر عدة مرات وليس هناك ما يدعوا للقول بأنه لن يتكرر بالعكس فالوقاية من هذا الفشل هي سباحة عكس تيار الفطرة. ومن هنا نلاحظ أن النظام الرأسمالي كالنظام الإشتراكي يحمل خنجره في قلبه لإهماله الطبيعة البشرية. فما الحل؟ [انتهى]

يا سيد جمال مبارك ابوس ايدك ما ينفعش كده

يعني انت بجد نجحت في انك تنكد عليا اول ما صحيت ع الصبح وانا ماليش مزاج اتنكد. ولا ليا مزاج اكرهك على فكرة انا مش باكره الناس بسهولة، لازم يبذلوا مجهود مضاعف عشان اكرههم.
يا سيد جمال انت طلعت تكدب علينا عيني عينك وتقول ان الشعب وافق على التعديلات الدستورية وتقول انكم اوجدتوا فرص عمل بينما الشباب متلقحين على القهاوي، ده مهندسين الاتصالات متلحقين على القهاوي يا بتوع القرية الذكية، امال اللي خريج تجارة بيعمل ايه؟ وللا اللي مش معاه شهادة عليا اصلا، وتقول انك عايز دولة ترفع ايدها عن المواطن، وطبعا ترفع ايدها عن المواطن يعني ترفع ايدها عن خدمته، لكن تفضل حاكماه بقانون الطوارئ وتفضل واقفة له بمصفحات الامن المركزي عند جامعة القاهرة وعين شمس بحيث ان العيل اللي عنده تمنتاشر سنة لما يخرج من المدرسة ويروح الجامعة اول حاجة يشوفها تبقى مصفحة الامن المركزي. عايز دولة ترفع ايدها عن المواطن بمعنى انها لا تعلمه ولا تعالجه وان لما واحدة يتم التحرش بيها وترقع بالصوت ما تلاقيش عسكري يقول لها مالك يا انسة، لكن مجرد ما محمد عبد القدوس ياخد الميكروفون بتاعه ويقف لوحده على سلم النقابة نلاقي الشارع ادرز قدامه بمئات من عناصر الامن.
وتقول لنا في وشنا احنا الحزب الداعم للقطاع الخاص وللاستثمار الاجنبي. وتضحك علينا وتقول لنا: العدالة الاجتماعية دي شعارات....مافيش غير فكر جديد! طيب يعني انت بتستغبانا ليه؟ هي فكر جديد ده مش شعار؟ العدالة الاجتماعية وعرفناها، ايه الفكر الجديد دي؟ معناتو ايه الحديت الماصخ دهون
ماشي يا سيد جمال...مافيهاش حاجة اما تكدب علينا عادي ما احنا كل اللي حكمونا كدابين ده سلو بلدنا
اكدب براحتك وما تخليش في نفسيتك حاجة
بس بتشخط فينا ليه؟
يا استاذ جمال مش ح ينفع كده لو سمحت، اذا كنت انت قدرنا الميتافيزيقي يبقى ارجوك حاول تغير معاملتك معانا
ما تزعلقناش احنا ما نحبش حد يزعق لنا: سوبوكو (يقصد سيبوكوا) من الشعارات والآديولوجيات (الايديولوجيات يعني) ما تقوليش رأسمالي واشتراكي قول لي اوفر فرص عمل ازاي؟ احنا اوجدنا فرص عمل
طيب انت تقدر تقول نفس الجملة بتون اوطى شوية، من غير زعيق، احنا بنسمع على فكرة، وافرد وشك وما تكلمناش من طرف مناخيرك وتبص لنا بقرف
حاول تبقى ابسط من كده وما تقعدش حاطط رجلك في وش وزراء في سن والدك، احنا مش بنحبهم بس المنظر ده مؤذي لينا، خدنا على عقلنا يا سيدي احنا ناس هايفة والحاجات دي بتفرق معانا، انت بتكلم صحابك كده؟ وبيستحملوك يعني؟ طيب احنا ما نستحملش حد يكلمنا كده انا وانا في بيتنا متنكدة قوي من الزعيق ده وحاسة اني عايزة اعيط
يا سيدي احنا شعب بيكره الجليطة وقلة الذوق، ده اضراب 4 مايو فشل عشان التوقيت كان فيه جليطة...وقول لابوك كده عشان ما يفتكرش يعني انه ضحك علينا بالتلاتين في المية، ده ذوقنا احنا بس
ما تشوف ابوك عمل ايه امبارح على رأي مصطفى فرح طهور ابن العمدة
بلاش ياسيدي مش عايز تعيش في جلباب ابيك....مش انت بتحب الخواجات موت موت موت؟
ما تشوف اوباما يا اخي، اقول لك، قلده، اوباما ده ابن ستين كلب، ومنسحق، وعنده استلاب عقائدي، ومريض، وذليل، ولا يمثل الافرو امريكان باي حال من الاحوال، واوسخ من كوندوليزا، وعنصري ضد نفسه وضد اهله ومتنصل منهم ولاعق احذية الفكر الابيض وفعلا فعلا جلد اسود اقنعة بيضاء، هو اصلا الموديل اللي اتكتب عشانه الكتاب ده، المفروض في الطبعة الجديدة ينزلوا صورته ويقولوا: كالمبين بالشكل.
ومع ذلك، نصاب، عرف يضحك ع الناس ويخلي ناس كتير تحبه ويخيل عليهم الشويتين بتوعه مش بس من الناس العادية ومن النخبة كمان واقنعهم النصاب الكداب المسنود من السي اي ايه انه مناضل
ده مرة واحد دخل وساب لي لنك لفيديو لاوباما وهو بيرقص وبيقول لي: بقى جمال يرقص كده؟
طب ما ترقص يا اخي...ما ترقص
بلاش ترقص ...اضحك في وشنااااااااااااااااااااااااااااااا..مكشر في وشنا ليه؟
بلاش تضحك...وطي صوتك...وطي صوتك ما تعليش صوتك علينا
انا ما استحملش المعاملة دي وانا فلاحة، ما بالك بقى و75 في المية من المواطنين صعايدة، شخطتين زي دول ويبجوا بطنك بجيج واحنا مش عايزين قلق في القعدة بقى لو سمحت، الراجل اياه لما شخط فينا وخبط على الترابيزة ما سلمش في ظرف كام يوم كان الصعايدة اتلموا عليه وعملوه مصفى، وماكانش بسبب الاعتقالات، ما الناس ياما اعتقلت واكتر من كده، بس فعلا السبب الوحيد انه طلع يزعق لنا ويشتمنا
احنا وقتها كان فينا حيل نستحمل حاجة زي دي، دلوقت احنا مش عايزين توتر من فضلك، ده الدنيا لما بتمطر مصر بتتحول لمنطقة كوارث، سيبنا بقى نعيش في حالنا ماحدش عايز منك حاجة ولا حد من الناس البسيطة في نيته انه يعوق مسيرتك في ام التقدم، بس لا تتحرش بالناس وتضايقهم وتهينهم، اذا ما كنتش عارف تتكلم بذوق معانا ما تطلعش خالص
اذا كنت مصمم انك تكبس على نفسنا وتخلف ابوك واحنا مش في ايدنا اننا حتى نضمن انتخابات مش مزورة ومصمم تركب رجال الاعمال على قفانا، ومصمم ما تاخدش منهم ضرايب، ومصمم تجوعنا، ومصمم تكدب علينا كدب مش محبوك وتستغبانا واحنا انبه منك ومن الخواجات اللي انت مبهور بيهم لدرجة الانصعاق كهربائيا
اذا لم يكن من ذلك كله بد، يبقى لو سمحت خليك حبوب ومتواضع واضحك في وشنا
كل حاجة مقدور عليها ما احنا ياما استحملنا انت ح تيجي ايه في اللي شفناه قبلك؟ الا قلبة الوش واللوية
يا اخي لاقينا ولا تعلمنا وتعالجنا وتأكلنا
لاقينا احنا
وغدي رجال الاعمال بتوعك
----
تحديث عاجل:
وطلعت ما بتكلمش صحابك زي ما بتكلمنا
يعني يا استاذ جمال بتعرف تبقى لطيف وتحترم اللي قدامك لما تحب اهو، حضرتك في الجلسة الاولى كنت قاعد مع الحرس القديم حاطط رجلك في وشهم بعد ما شخطت فينا في الخطبة، ثم اشفعتهما بمؤتمر صحفي مسحت فيه البلاط بالصحفيين
الجلسة التانية قاعد مع صحابك بقى، غالي ورشيد ومحي الدين ومدير البنك المركزي، ولامم رجلك قدامهم، وعمال تتلاطف معاهم، وهم كمان اللي بيشخطوا فيك وبيكلموك بندية وقاعد قدامهم زي التلميذ ووش تاني غير اللي بتديهولنا
الله
ده انت قاصد بقى؟ جليطة مع سبق الاصراري والترصدا مع الشعب الجربوع؟ يعني ده انا كنت فاكراك مدلع ودي طريقتك في التعامل مع الناس كلها، طلعت بتتعامل معانا احنا بالذات بقرف، ده انت جايلنا احنا بقى
طيب يا سيد مدام قرفان منا شيل ده من ده يرتاح ده عن ده
قلت لك
قلت لك
احنا ماحدش يكلمنا كده...تااااااااااني باقول لك اهو: العيل في الصعيد اللي عنده تلات سنين، بيبقى مش لاقي اكل والدبان على وشه ومش لابس ملابس داخلية وجلابيته مقطعة، وامه ما تقدرش تزعق له، وابوه بيعامله على انه راجل زيه، في الفلاحين بقى لو ام الواد ضربته تنضرب هي على طول من ابوه، انا مش باقول لك صح ولا غلط انا باقول لك واقع
لقد اعذر من انذر..انا مش خايفة عليك انا خايفة على بلدي..ماحدش ح يستحملك كده لو بقيت رئيسنا
وبعدين انت بتهزأ الصحفيين ليه؟ ايه المؤتمر الصحفي المقرف ده وهم مالهم ما عندهمش دم كده؟ لو عندهم كرامة كانوا سابوا لك المؤتمر ومشيوا
بس لو فيه صحفيين ما عندهمش كرامة...الفقرا عندهم كرامة
وكمان طالع مع صحابك تكيدنا عشان توصل لنا ان الناس مقامات يا جرابيع؟

بمناسبة الحزق الوثني: اقيلوا وزير التعليم

لا بيحترم مدرس ولا بيرحم عيل
والنتيجة....عيالنا بيموتوا

تضامن مع الاضراب للافراج عن السجناء السعوديين

انا اتضامن مع الاضراب في السعودية للافراج عن المسجونين السعوديين اللي بقالهم سنين في السجون بدون محاكمة
تفاصيل الاضراب على الفيس بوك
وانا عرفت اخبار الاضراب من مدونة تميم
وقبل ما نغمة الندالة اللي بقت ثقافة عامة عندنا تشتغل
اولا: المدونين العرب بشكل عام، والمدونين السعوديين بالذات بشكل خاص تضامنوا معانا في اضراب 6 ابريل واضراب 4 مايو اللي حتى المصريين ما تضامنوش معانا فيه
ثانيا: فكرة الاضراب اصلا احنا اللي ابتديناها مش معقولة نعيش عمرنا كله نطرطش وندبس الناس في افكار ونخلع منهم يعني ياريت الاخلاق دي تتغير شوية
ودي تفاصيل الاضراب اللي نقلتها من الفيس بوك لاني مش ح اقدر انضم لاي مجموعة لان الاكاونت بتاعي مهجور:

بسم الله الرحمن الرحيم

لما استنفذت فرق الدفاع عن سجناء تيار العدل و الشورى و حقوق الإنسان (الإصلاح الدستوري و المجتمع المدني) وسعها في حصولهم على مطالبهم الأساسية التي كفلها نظام الإجراءات الجزائية ؛ قرروا الدخول في إضراب عن الطعام لمدة 48 ساعة يومي الخميس و الجمعة 8 و 9 /ذو القعدة / 1429 (الموافق 6 و7/نوفمبر/2008) و ذلك احتجاجاً على انتهاك حقوق المعتقلين وعموم السجناء في المملكة العربية السعودية، الذين حرموا من ما أوجبه نظام الإجراءات الجزائية، وهو:
1- أن تكون هيئة التحقيق و الادعاء العام هي المشرفة على التحقيق.
2- الحق في توكيل محامي يحضر مرحلتي التحقيق و المحاكمة.
3- المعاملة بما يحفظ كرامة السجين و عدم ايذائه نفسياً أو جسدياً، وعدم ممارسة أي نوع من أنواع التعذيب ضده.
4- إبلاغ المتهم بسبب القبض عليه و التهمه الموجهة له رسمياً.
5- أن لا يتجاوز الحبس الانفرادي شهرين.
6- أن لا يتجاوز الحبس الاحتياطي الستة أشهر.
7- أن يحول المتهم إلى محاكمة عادلة و علنية أو يطلق سراحه بعد انتهاء فترة الحبس الاحتياطي.
8- حق السجين في الزيارة سواء من الأهل أو المحامي أو الأصدقاء.

و السجناء من تيار العدل و الشورى و حقوق الإنسان (الإصلاح الدستوري و المجتمع المدني)، الذين نعلن إضرابنا عن الطعام تضامناً معهم:-
1- البروفيسور متروك الفالح/ أستاذ جامعي، من دعاة العدل و الشورى و حقوق الإنسان, أعتقل في 19/5/2008
2- المحامي سليمان بن إبراهيم الرشودي/ قاضي سابق، من دعاة العدل والشورى وحقوق الإنسان, أعتقل في 14/1/1428هـ، الموافق 2/2/2007م
3- المحامي الدكتور موسى بن محمد القرني/ أستاذ جامعي سابق لأصول الفقه، من دعاة العدل والشورى وحقوق الإنسان, أعتقل في 14/1/1428هـ، الموافق 2/2/2007م
4- البروفيسور عبدالرحمن بن عبدالله الشميري/ أستاذ جامعي سابق للتربية الاسلامية، من دعاة العدل والشورى وحقوق والإنسان, أعتقل في 14/1/1428هـ، الموافق 2/2/2007م
5- الدكتور عبدالعزيز سليمان الخريجي/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
6- سيف الدين بن فيصل الشريف/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
7- فهد الصخري القرشي/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
8- عبدالرحمن بن صديق/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
9- الدكتور سعود بن محمد الهاشمي/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
10- علي بن خصيفان القرني / من دعاة العدل و الشورى و حقوق الإنسان.
11- منصور بن سالم العوذه/ من دعاة العدل و الشورى و حقوق الإنسان, أعتقل 2/12/2007 م الموافق 23/11/1428 هـ
وغيرهم من سجناء الرأي الآخرين الذين يعانون من انتهاك حقوقهم في السجون السعودية دون الحصول على فرصة في الدفاع عن أنفسهم من خلال تطبيق نظام الإجراءات الجزائية والحصول على محاكمة عادلة ونزيهة.

وحيث أن الإضراب لمصلحة مشروعة جائز في الشريعة الإسلامية، وبما هو تعبير سلمي راقٍ، والأدلة عليه متوافرة، من ذلك إقرار النبي صلى الله عليه وسلم في حادثة أبي لبابة الأنصاري رضي الله عنه الذي امتنع عن الطعام والشراب لتحقيق مقصود شرعي، وهو براءته، حتى نزلت الآية بتوبته، ثم فك النبي قيده، (رواه أبو داود في سننه، وابن جرير وابن كثير في تفسيرهما).
و قد استجاب بعض الحقوقيين والناشطين (الذين سوف يتم الإعلان عن أسمائهم في وقت لاحق) للدخول في هذا الإضراب.
كما أن باب المشاركة فيه مُشْرَع لكل ذوي الضمير الحي من الناشطين والمواطنين على حد سواء، تضامناً مع كافة المعتقلين المنتهكة حقوقهم في السجون السعودية، وعلى الراغبين في الانضمام للمضربين الاتصال بفرق الدفاع المبينة أرقام هواتفهم أدناه.

والله و لي التوفيق

المضربون عن الطعام من فرق الدفاع الموقعون على البيان التضامني مع السجناء:
1- أيمن محمد الراشد/ من دعاة العدل والشورى وحقوق الإنسان.
0505288354
2- سعود أحمد الدغيثر/ من دعاة العدل والشورى وحقوق الإنسان.
0559201964
3- أ.د.عبدالكريم يوسف الخضر/ أستاذ الفقه المقارن في كلية الشريعة في جامعة القصيم.
0503331113
4- د.عبدالرحمن حامد الحامد/ أستاذ الاقتصاد الإسلامي.
0503774446
5- عبد الله محمد الزهراني/ من دعاة العدل والشورى وحقوق الإنسان.
6- عبد المحسن بن علي العياشي/ من دعاة العدل والشورى وحقوق الإنسان.
0553644636
7- فهد عبدالعزيز العريني/ من دعاة العدل و الشورى و حقوق الإنسان.
0502566678 email:fahadalorani@gmail.com
8- فوزان محسن الحربي/ من دعاة العدل و الشورى و حقوق الإنسان.
0501916774 email: fowzanm@gmail.com
9- د. محمد فهد القحطاني/ أستاذ جامعي و إعلامي.
0555464345 email: moh.alqahtani@gmail.com
10- مهنا بن محمد الفالح.
0505388205
11- ناصر بن سالم العوذة.
12- هاشم عبد الله الرفاعي/ كاتب من دعاة العدل والشورى وحقوق الإنسان.
13- وليد سامي أبو الخير/ كاتب وباحث وقانوني من دعاة العدل والشورى وحقوق الإنسان.
0567761788 email: abualkair@gmail.com

فاكس 014272168

أسماء الدفعه الاولى من المستجيبين لنداء الإضراب عن الطعام احتجاجا على إنتهاك حقوق سجناء الرأي
1. إبراهيم مقيطيب المقيطيب جمعية حقوق الإنسان أولا – السعوديه
2. إيمان عبدالرحمن الشميري إبنة سجين الرأي الدكتور الشميري
3. ثامر عواض الطويرقي من دعاة العدل و الشورى و حقوق الانسان
4. حسين مهدي اليامي ناشط في حقوق الإنسان
5. حمد سالم آل سالم ناشط في حقوق الإنسان
6. ريم عبدالله القحطاني مدونه و معلمه و شاعره
7. سعيد هادي آل منصور ناشط في حقوق الإنسان
8. سليم معزي العوذه مهتم بالشأن العام
9. سميره بيطار ناشطه إجتماعيه
10. صالح ابراهيم الصويان ناشط في حقوق الإنسان
11. صالح علي عامر ناشط في حقوق الإنسان
12. صفاء عبدالرحمن الشميري إبنة سجين الرأي الدكتور الشميري
13. صلاح الدين عبدالرحمن الشميري إبن سجين الرأي الدكتور الشميري
14. أ.د عبدالله الحامد/ أبو بلال أستاذ جامعي سابق في جامعة الإمام
15. عبدالرحمن علي حركاتي من دعاة العدل و الشورى و حقوق الإنسان و مدون
16. عصام أحمد مدير إعلامي و باحث في مقارنة الأديان
17. علي محمد اليامي ناشط في حقوق الإنسان
18. عمر عبدالرحمن الشميري إبن سجين الرأي الدكتور الشميري
19. محمد حديجان الحربي ناشط من دعاة العدل و الشورى و حقوق الإنسان
20. محمد عبدالله الدريبي مهتم في الشأن العام
21. مسفر صالح الوادعي كاتب من دعاة العدل و الشورى و حقوق الانسان
22. مها عبدالرحمن القحطاني ناشطة في حقوق الإنسان
23. لينا عبدالرحمن الشميري إبنة سجين الرأي الدكتور الشميري, طالبه جامعيه
24. نجلاء عبدالرحمن الشميري إبنة سجين الرأي الدكتور الشميري
25. نورة علي الرويتع طالبه جامعيه
26. د. وجنات عبدالرحيم الميمني أستاذة أصول فقه و زوجة سجين الرأي د. الشميري
---
هذه مدونات مصرية متضامنة مع الاضراب للافراج عن المسجونين السعوديين:
http://egy-press.blogspot.com/2008/11/blog-post_01.html

http://afkaar-bella.blogspot.com/2008/11/blog-post.html

http://berktalsaba.blogspot.com/2008/11/blog-post_01.html

http://dawar-anas.blogspot.com/2008/11/blog-post_5745.html

http://alkoga.blogspot.com/2008/11/blog-post_02.html

http://conspiracytheoryandyou.blogspot.com/2008/11/blog-post_01.html

http://14massoum-egyptsfatimid.blogspot.com/2008/11/blog-post_8380.html

http://hafar.blogspot.com/2008/11/blog-post_2066.html

http://hablstan.blogspot.com/2008/11/blog-post.html

http://theegyptionempirering.blogspot.com/2008/11/blog-post.html

http://almarsdalmasry.blogspot.com/2008/11/blog-post_02.html

http://telespy.blogspot.com/2008/11/48-hours-hunger-strike-in-saudi-arabia.html

http://adham2009.blogspot.com/

http://wantedbyus.blogspot.com/

اقروا الفاتحة لصامويل بيكيت

ايها الاخوة المواطنون، اننا نواجه لحظة فاصلة، ومنعطفا تاريخيا في مسار مسرح العبث
ايها الاخوة المواطنون، اننا في هذه المناسبة الابداعية العظيمة نفتقد اكثر ما نفتقد ابانا الذي في مسرح العبث صامويل بيكيت
قبل ما تتفرجوا اقروا له الفاتحة
الفصل الاول:
بقالة الامانة
مازال مصطفى يحمل الفصلين الاخرين...ونحن في انتظار جودو
فليبق كل في مكانه...فليبق كل في مكانه....ايها الاخوة المواطنون
تشك تشك تشك تشك تشك
ايها الاخوة المواطنونو هاهو الفصلو الثانيو من المرسحيتو الابداعيتو التاريخيتو مهداتون الى روحو صامويلو بيكيتو
الفصل الثاني:
يو سولوم؟
ايها السادة كوفي بريكو ونعودو...كولوا سالازون وبيتي فورو
ايها الاخوة المواطنونو هل اكلتمو البيتي فورو؟
طيب على ما نغير الديكور اقروا البانفيليط بتاع المسرحية
وعشان تعرفوا ان الرئيس محبوب في كل حتة ادي واحد اهو بيقول له انت ما بتجيش ليه؟ مش تبقى تيجي؟ انا بابقى هناك
فاصل ونواصل
اعزائي المشاهدين مع هذه الاغنية لحد ما مصطفى يخلصنا بقى ويحمل كلمة احمد عز
الفصل الثالث:
وشووووووووووبش

فاعليات مؤتمر الدسة المنقلة

اتسلوا في دول على ما ييجي البهروز الكبير...ياللا يا مصطفى بقى..انت يابني بتعمل عمل تاريخي

الافتتاحية

كل شباب مصر ح يشتغلوا وبكرة تشوف بعنيك

الصراحة راحة يا روحي

اي كلب من الدسة المنقلة

هو عارف نفسه كويس

مش شايفين الخدمة المميزة
وعجبي

ياللا بقى نقضي وقت لطشيف مع بعضشينا

بصي بصي بص....بص على الحلاوة بص..بص على الطعامة بص...احنا احنا احنا اللي ولا تحتحنا احناااااااااا
الجلسة الاولى لمؤتمر الحزق الوثني:

للاسف للاسف للاسف ما حضرتش الجلسة من الاول، مصطفى بعت لي ع الجايكو وقال لي ح يفوتك نص عمرك لو ما شفتيش مؤتمر الحزق الوثني
دخلت لقيت:
الاول:
صفوت الشريف بشعره وحواجبه اللي مصبوغين احمر وشنبه الرفيع في ذات الوقت وكريم اساسه اما الكحل رباني، وكعادته بيتكلم لغة عربية فصيحة وقوية من غير ولا غلطة نحوية واحدة ومن غير ولا جملة مفيدة واحدة.
مثال:
"لقد تفاعل الحزب الوطني مع كارثة الدويقة من خلال التعايش مع الكارثة".
وبعدين فتح جرنال ايبو وقعد يقول:
امانة الحزب الوطني امانة المرأة امانة الشباب امانة الترابيزة امانة الكرسي امانة الحمامات امانة المطبخ امانة عليك يا ليل طول امانة ما تجرحني امانة لتفرحني امانة يا بكرة امانة امانة يا بكرة امانة
وقال ان الحزب حائط صد، وقد قال وقوله الحق
وقال ان الرئيس حسني مبارك مفجر طاقات الحزب الوطني
مصطفى بينزل الفيديوهات وح تشوفوا وتنباساطوا
ولزمن ولابد تشوفوا، وانصح كل من يمر بفترة اوكتوئاب انه يتفرج
وبمناسبة اوكتوئاب:
الثاني:
زكريا عزمي اتكلم بعد صفوت الشريف، والظاهر انه قبل ما يحضر المؤتمر دار بينه وبين مراته الحوار التالي:
هي: مش صفية خلعت جوزها...
هو: ليه؟
هي: عشان بقه كبير
هو: يو سولوم؟

وبعدين راح المؤتمر وهو عارف ان المدام بتتفرج عليه فقال كده:

ولقدو كانتو سياسيتو الحزبو الوطنيو خيرو معينون، وذلكو يعكسو دقتو ....عن فوزو الحزبو الوطنيو ...
(ويبدو انه افتكر موضوع الخلع ده قوي وابتدى يكتكت في الكلام زيي بالظبط):
وعليهمو ان يقدموا بناناتهم .....ونعمل لمسارارت التقدم...وكنجيتة طبيعية....
بس يا جاهل انت وهو...انتوا ما تعرفوش ان كورسات اللغة الهيروغليفية ابتدت؟
ثم اردف قائلا: ولقدو لوحظو في الفترتو الاخيرتو ....وبعدين قال لنا ان نسبة تمثيل الاطباء في الحزب: نص في المية في المية
كام دي؟ الله اعلم. وتقدم باقتراح اعقبه تعليق صفوت الشريف: نرجو الموافقة، راحوا رافعين ايديهم،
صفوت: موافقة
على غرار: هل انت من المؤيدين لي ولحكمي...وانظر لي وفي ذلك حكمة
وكانت اخر كلمة قالها الضاكتورو زكريو عزمو: عدوية الحزب الوطني...ونحن نحرس كيل الحرسو على خدمتو حزبونا تحتو رعايتو زعيمو حزبونا الرئيسو حسنيو مباركو
وبعدين...
الثالث:
احمد عز احمد عز جوم ترابولتا جوم ترابولتا
اوعى اوعى اوعىىىىىىىىىىىىىىىىىىىىىىىىىىىىىىى:
كان فيه واحد مشكل له الخطبة، فابتدى كويس، وبعدين في الاخر بقى زهق وابتدى يقول عيدوية الحزب برضه.
واللهم صلي على حضرة النبي، ايه الحلاوة دي؟
مين اللي قال ان احمد عز من رجال الاعمال المنفصلين عن الشعب؟ ده ابن الشعب...ده هو الشعب ذات نفسه، خاصة الشعب اللي من حوش بردق...ده ادى وصلة ردح مفادها:
احنا مش ديمقراطيين؟ احنا ديمقراطيين وحزب شعبي وبننزل وسط الناس (قفزة مع رقصة) والناس بيحبوناااااا...بيحبونا يا اخويا بيحبوووووووووونااااااااااااااا....قال احنا مش ديمقراطيين قاااااااااااااااال....حووووش يا حوااااااااااااش (ضم الشفة مع احداث الصوت المتعارف عليه لدى المصريين وللتوضيح للاخوة العرب بيبقى شبه صوت البوسة العالي، مع رفع اليد اعلى الرأس في حركة كأنه بيبخر نفسه)، (ثم تصفيقة بالكفين) امال اللي عندهم مرشد عام دول يبقوا ايييييييييييييييييييه
يبقوا ايه يا اخويا يبقوا اييييييييه؟
احنا ما عندناش غير مشكلة واحدة، وهي مشكلة التمويل...زينا زي اي حزب تاااااااني..آآآآه
(صباع فوق الحاجب مصاحب لعوجة في الوش وشهقة عالية): ايهههههههههه...حححححححححححككككككممم
ثم قال نصا دون مبالغة: وبعدين يقولوا الحزب الوطني مش فاهم الشارع وهم اللي فاهمين الشارع وعجبي.
!!!!!
اه والله ح تشوفوا الفيديو
واذا ما كانش اللي بيعمله الحزب هو العدالة الاجتماعية امال ايه العدالة الاجتماعية (تصفيق بالقبقاب) مش ذنبنا والله اننا ناجحين....روحوا شوفوا نفسكوا وشوفوا احزاب المعارضة اللي "اذا اجتمعوا تشابكوا واذا اختلفوا تقاضوا" واحنا استحملنا منكوا كتير...فوق القبة وتحت القبة (ابتسامة كيد مع هزة خفيفة في الرأس من خلال الرقبة يمينا ويسارا) واحنا عندنا ستات زي الفل وعندنا مسيحيين (ضرب بالقبضة اليمنى على الكف اليسرى) انكادوا واهروا وانكتوا في نفسكم، خليكوا كده لحد ما تموتوا من الغيظ (ابتسامة دلال مصاحبة لهزة في الكتف الايمن) واحنا ما بنزعلش من المعارضة...احنا واثقين من نفسنا، ماهو ده دوركوا..(تحريك لليدين اليسرى واليمنى على شكل دائري متناوب) اهري يا مهري وانا على مهلي
وشوووووووووووووووووووووبششششششششششششش
لولولولولولولولوللليييييييييييييييييييييييييي
ثم حيا في الاخر صفوت الشريف مرتين، وعلي الدين "الهلال" هو ده غير علي الدين هلال؟ وبعدين اتنهد تنهيدة من القلب وسرح ببصره بعيدا وقال بصوت كله حنين وحنان وعيون بتقول:
واحيي...جمال (كده من غير القاب)....مفجر طاقات الشباب في الحزب
هي ايه حكاية مفجر مفجر؟ واكلين كرنب وقرنبيط بقى وح يبهدلونا معاهم
انتظروا الفيديو اولا مصطفى بينزله، لاني مهما اتكلمت عن هذا العرض الرائع، عمري ما ح اوفيه حقه
ثم انتظروا جلسة بعد الظهيرة حيث ان السيد الرئيس المفجر الاول ح يتكلم
ونأمل ان خليفته في التفجير يتكلم
نينتنا فن
----
هوامش:
* اعضاء الحزب الوطني الظاهر فاكرين نفسهم في الحجاز لان كل ما الكاميرا تعدي من قدامهم يشاوروا لها
* الجمل المظللة بالاخضر مأخوذة نصا من الجلسة

ياللا بقى نقضي وقت لطشيف مع بعضشينا

بصي بصي بص....بص على الحلاوة بص..بص على الطعامة بص...احنا احنا احنا اللي ولا تحتحنا احناااااااااا
الجلسة الاولى لمؤتمر الحزق الوثني:

للاسف للاسف للاسف ما حضرتش الجلسة من الاول، مصطفى بعت لي ع الجايكو وقال لي ح يفوتك نص عمرك لو ما شفتيش مؤتمر الحزق الوثني
دخلت لقيت:
الاول:
صفوت الشريف بشعره وحواجبه اللي مصبوغين احمر وشنبه الرفيع في ذات الوقت وكريم اساسه اما الكحل رباني، وكعادته بيتكلم لغة عربية فصيحة وقوية من غير ولا غلطة نحوية واحدة ومن غير ولا جملة مفيدة واحدة.
مثال:
"لقد تفاعل الحزب الوطني مع كارثة الدويقة من خلال التعايش مع الكارثة".
وبعدين فتح جرنال ايبو وقعد يقول:
امانة الحزب الوطني امانة المرأة امانة الشباب امانة الترابيزة امانة الكرسي امانة الحمامات امانة المطبخ امانة عليك يا ليل طول امانة ما تجرحني امانة لتفرحني امانة يا بكرة امانة امانة يا بكرة امانة
وقال ان الحزب حائط صد، وقد قال وقوله الحق
وقال ان الرئيس حسني مبارك مفجر طاقات الحزب الوطني
مصطفى بينزل الفيديوهات وح تشوفوا وتنباساطوا
ولزمن ولابد تشوفوا، وانصح كل من يمر بفترة اوكتوئاب انه يتفرج
وبمناسبة اوكتوئاب:
الثاني:
زكريا عزمي اتكلم بعد صفوت الشريف، والظاهر انه قبل ما يحضر المؤتمر دار بينه وبين مراته الحوار التالي:
هي: مش صفية خلعت جوزها...
هو: ليه؟
هي: عشان بقه كبير
هو: يو سولوم؟

وبعدين راح المؤتمر وهو عارف ان المدام بتتفرج عليه فقال كده:

ولقدو كانتو سياسيتو الحزبو الوطنيو خيرو معينون، وذلكو يعكسو دقتو ....عن فوزو الحزبو الوطنيو ...
(ويبدو انه افتكر موضوع الخلع ده قوي وابتدى يكتكت في الكلام زيي بالظبط):
وعليهمو ان يقدموا بناناتهم .....ونعمل لمسارارت التقدم...وكنجيتة طبيعية....
بس يا جاهل انت وهو...انتوا ما تعرفوش ان كورسات اللغة الهيروغليفية ابتدت؟
ثم اردف قائلا: ولقدو لوحظو في الفترتو الاخيرتو ....وبعدين قال لنا ان نسبة تمثيل الاطباء في الحزب: نص في المية في المية
كام دي؟ الله اعلم. وتقدم باقتراح اعقبه تعليق صفوت الشريف: نرجو الموافقة، راحوا رافعين ايديهم،
صفوت: موافقة
على غرار: هل انت من المؤيدين لي ولحكمي...وانظر لي وفي ذلك حكمة
وكانت اخر كلمة قالها الضاكتورو زكريو عزمو: عدوية الحزب الوطني...ونحن نحرس كيل الحرسو على خدمتو حزبونا تحتو رعايتو زعيمو حزبونا الرئيسو حسنيو مباركو
وبعدين...
الثالث:
احمد عز احمد عز جوم ترابولتا جوم ترابولتا
اوعى اوعى اوعىىىىىىىىىىىىىىىىىىىىىىىىىىىىىىى:
كان فيه واحد مشكل له الخطبة، فابتدى كويس، وبعدين في الاخر بقى زهق وابتدى يقول عيدوية الحزب برضه.
واللهم صلي على حضرة النبي، ايه الحلاوة دي؟
مين اللي قال ان احمد عز من رجال الاعمال المنفصلين عن الشعب؟ ده ابن الشعب...ده هو الشعب ذات نفسه، خاصة الشعب اللي من حوش بردق...ده ادى وصلة ردح مفادها:
احنا مش ديمقراطيين؟ احنا ديمقراطيين وحزب شعبي وبننزل وسط الناس (قفزة مع رقصة) والناس بيحبوناااااا...بيحبونا يا اخويا بيحبوووووووووونااااااااااااااا....قال احنا مش ديمقراطيين قاااااااااااااااال....حووووش يا حوااااااااااااش (ضم الشفة مع احداث الصوت المتعارف عليه لدى المصريين وللتوضيح للاخوة العرب بيبقى شبه صوت البوسة العالي، مع رفع اليد اعلى الرأس في حركة كأنه بيبخر نفسه)، (ثم تصفيقة بالكفين) امال اللي عندهم مرشد عام دول يبقوا ايييييييييييييييييييه
يبقوا ايه يا اخويا يبقوا اييييييييه؟
احنا ما عندناش غير مشكلة واحدة، وهي مشكلة التمويل...زينا زي اي حزب تاااااااني..آآآآه
(صباع فوق الحاجب مصاحب لعوجة في الوش وشهقة عالية): ايهههههههههه...حححححححححححككككككممم
ثم قال نصا دون مبالغة: وبعدين يقولوا الحزب الوطني مش فاهم الشارع وهم اللي فاهمين الشارع وعجبي.
!!!!!
اه والله ح تشوفوا الفيديو
واذا ما كانش اللي بيعمله الحزب هو العدالة الاجتماعية امال ايه العدالة الاجتماعية (تصفيق بالقبقاب) مش ذنبنا والله اننا ناجحين....روحوا شوفوا نفسكوا وشوفوا احزاب المعارضة اللي "اذا اجتمعوا تشابكوا واذا اختلفوا تقاضوا" واحنا استحملنا منكوا كتير...فوق القبة وتحت القبة (ابتسامة كيد مع هزة خفيفة في الرأس من خلال الرقبة يمينا ويسارا) واحنا عندنا ستات زي الفل وعندنا مسيحيين (ضرب بالقبضة اليمنى على الكف اليسرى) انكادوا واهروا وانكتوا في نفسكم، خليكوا كده لحد ما تموتوا من الغيظ (ابتسامة دلال مصاحبة لهزة في الكتف الايمن) واحنا ما بنزعلش من المعارضة...احنا واثقين من نفسنا، ماهو ده دوركوا..(تحريك لليدين اليسرى واليمنى على شكل دائري متناوب) اهري يا مهري وانا على مهلي
وشوووووووووووووووووووووبششششششششششششش
لولولولولولولولوللليييييييييييييييييييييييييي
ثم حيا في الاخر صفوت الشريف مرتين، وعلي الدين "الهلال" هو ده غير علي الدين هلال؟ وبعدين اتنهد تنهيدة من القلب وسرح ببصره بعيدا وقال بصوت كله حنين وحنان وعيون بتقول:
واحيي...جمال (كده من غير القاب)....مفجر طاقات الشباب في الحزب
هي ايه حكاية مفجر مفجر؟ واكلين كرنب وقرنبيط بقى وح يبهدلونا معاهم
انتظروا الفيديو اولا مصطفى بينزله، لاني مهما اتكلمت عن هذا العرض الرائع، عمري ما ح اوفيه حقه
ثم انتظروا جلسة بعد الظهيرة حيث ان السيد الرئيس المفجر الاول ح يتكلم
ونأمل ان خليفته في التفجير يتكلم
نينتنا فن
----
هوامش:
* اعضاء الحزب الوطني الظاهر فاكرين نفسهم في الحجاز لان كل ما الكاميرا تعدي من قدامهم يشاوروا لها
* الجمل المظللة بالاخضر مأخوذة نصا من الجلسة

على لطفي: الاجانب- غياب العدالة - تهرب الاغنياء من الضرائب هم السبب في الازمة

ده حوار مفيد مع الدكتور علي لطفي وهو مش شيوعي ولا اشتراكي ولا حاجة بالعكس ده رأسمالي على ابوه وهو صاحب فكرة الخصخصة والاقتصاد الحر بس قال ان:
اعتماد البورصة على الاستثمار الاجنبي (واللي سحب فلوسه فجأتن من بورصتنا لاحتياج امريكا واوربا لسيولة في الوقت الحالي مما ربطنا بالازمة العالمية غصب عن بوزنا)
وعدم عدالة توزيع الناتج القومي على الناس
وتهرب الاغنياء من الضرائب بسبب غياب الرقابة
وفرض ضرائب باهظة على الفقراء
هم سر الازمة الاقتصادية وما يبدو كأنه انهيار في البورصة...ده واحد كان وزير وبعدين رئيس وزراء وبعدين كان رئيس مجلس الشورى، يعني تبع الحكومة وبيدافع عن حسني مبارك وبيقول انه مش بيحمي رجال الاعمال ولا حاجة وبعض رجال الاعمال غلطانين عشان اذا راحت ست فيه الف غيرها
:D
طيب الاربع نقاط اللي فوق دول واللي هو اشار ليهم انهم سبب الازمة الاقتصادية دايما بيبقوا مصاحبين للنظم الرأسمالية، يمكن النقطة الاولى مش لازم تبقى مصاحبة طول الوقت اللي هي الاستثمار الاجنبي، بس بقية النقط ده العاتشي يعني في اي نظام رأسمالي
امممممممممم
اهو ده عيب الاكاديميين بقى، فاكرين ان الكلام المثالي اللي مكتوب في الكتب ح ينفع يطبق في الواقع

على لطفي: الاجانب- غياب العدالة - تهرب الاغنياء من الضرائب هم السبب في الازمة

ده حوار مفيد مع الدكتور علي لطفي وهو مش شيوعي ولا اشتراكي ولا حاجة بالعكس ده رأسمالي على ابوه وهو صاحب فكرة الخصخصة والاقتصاد الحر بس قال ان:
اعتماد البورصة على الاستثمار الاجنبي (واللي سحب فلوسه فجأتن من بورصتنا لاحتياج امريكا واوربا لسيولة في الوقت الحالي مما ربطنا بالازمة العالمية غصب عن بوزنا)
وعدم عدالة توزيع الناتج القومي على الناس
وتهرب الاغنياء من الضرائب بسبب غياب الرقابة
وفرض ضرائب باهظة على الفقراء
هم سر الازمة الاقتصادية وما يبدو كأنه انهيار في البورصة...ده واحد كان وزير وبعدين رئيس وزراء وبعدين كان رئيس مجلس الشورى، يعني تبع الحكومة وبيدافع عن حسني مبارك وبيقول انه مش بيحمي رجال الاعمال ولا حاجة وبعض رجال الاعمال غلطانين عشان اذا راحت ست فيه الف غيرها
:D
طيب الاربع نقاط اللي فوق دول واللي هو اشار ليهم انهم سبب الازمة الاقتصادية دايما بيبقوا مصاحبين للنظم الرأسمالية، يمكن النقطة الاولى مش لازم تبقى مصاحبة طول الوقت اللي هي الاستثمار الاجنبي، بس بقية النقط ده العاتشي يعني في اي نظام رأسمالي
امممممممممم
اهو ده عيب الاكاديميين بقى، فاكرين ان الكلام المثالي اللي مكتوب في الكتب ح ينفع يطبق في الواقع

سفيه الجحش والولية المجنونة على الفضائية المصرية

قال وسفيه الجحش عايز يطلع قانون ضد اللي تلبس لبس يساعد التحرش!
طيب البنت اللي غاسلة وشها بالمية والصابون وغاسلة شعرها بالشامبو وحتى مش حاطة فيه كريم ولاماه ولابسة بلوزة واسعة وكم طويل دي ايه القانون اللي ح يطبق ضدها؟ وايه مسوغاته؟
ان ربنا خلقها حلوة؟ طب دي خلقة ربنا يعني تعمل ايه طيب؟ ترمي على وشها مية نار؟ وللا تستحمى مرة كل شهر مثلا؟
يا شباب انتوا مش غرب .... دي حتى مش عاملة حواجبها
طب ما يلبّس المحامية اللي قاعدة قدامه
انا قرفانة قوي على فكرة، قرفانة والله العظيم تلاتة نفسي غامة عليا والله بطني قالبة وحاسة اني فعلا عايزة ارجع مش مجازا
على فكرة الولية المهفوفة دي في المجلس القومي للامومة والطفولة..يعني تبع ماما سوزان
ادي جيجي يا طنط سعاد..ادي طنط سعاد يا جيجي
والكدابة...الكدااااابةةةة...
الكدااااااااااااااااااااااااااااااابببببببببببببببببببببببببببببةةةةةةةةةةةةة تقول ان نهى قالت لها ح ارفع قضية تعويض ومحامي نهى طلع في العاشرة مساء تقول انها مش عايزة تعويض مادي وكفاية عليها ان حقها المعنوي رجع لها
هي الولية دي مش مكسوفة من نفسها؟ مش محرجة؟ مناخيرها ح تبقى تلاتة متر من كتر الكدب
ثم ثغرات ايه اللي هي سدتها في القضية البلوة اللي اتحدفت علينا دي؟ ده القاضي قعد يقول لها: يا استاذة ادخلي في الموضوع..يا استاذة اتكلمي قانوني
على فكرة انا مش قادرة...والله العظيم حاسة اني عايزة ارجع ما اعرفش ايه ده اللي حصل لي؟ ضغط عالي وللا ايه؟
خلاص عرفنا ان الولية دي واخدة اوامر عليا عشان تعمل في نهى كده
السر بقى؟ عايزة اعرف السر...هل التحرش سياسة عليا والدولة عايزة تحافظ عليه؟ طب ليه؟ وللا في كارثة ح تحصل وهم بيلهونا بالموضوع ده وهم متأكدين انهم ح يخسروا القضية بس تكون الحكاية اتمررت؟ طب حكاية ايه؟ انهي حكاية؟ قضية هشام طلعت؟ ح ياخد براءة مثلا؟ بس دي قضية ديتها ماتش اهلي وزمالك وخلصنا، مش محتاجة يعني كل التشويه ده للبنت والمصاريف دي كلها، وللا حاجة لها علاقة باسرائيل وحديث الريس الجامد مع سمدار الجامدة بخصوص ليفني الجامدة؟ وللا حاجة احنا مش عارفينها لسة؟ وللا تنكيل بنهى عشان مافيش واحدة تتجرأ تعمل كده تاني؟
انا دماغي لفت على فكرة
تصبحوا على خير

ردود فعل ابداعية عربية وعالمية على حديث السيد الرئيس

اولا دخل جو من لبنان بعد ما قرا الحديث وقال تعليق مختصر وعبقري: ***اخت الحب شو بيذل
ويمكنكم متابعة اصداء حوار الرئيس التاريخي هنا
هذا وقد ارسلت المواطنة ليلى من سوريا برسالة حب وتقدير واعزاز بعنوان منك لله ياللي في بالي (اللي هو انا طبعا) جاء فيها:

و الله يحق له النصيحة للاسرائيليين بالصبر و طول البال ,بعدما نجح بأن خلا شعبه صبور أكتر من النبي أيوب .

بس هو شكله متغاظ ليه من تدخل فرنسا؟؟؟

و ليه كل شوي يقول اللي عايز يساعد يتفضل؟؟شو هو عم يساعد مع ناس بيزقوا عربية عطلانة في نص الاوتوستراد!!!!!!!!!

بعدين بيطمن اهل شاليط بناء على شو؟؟ أظن و أعتقد اطن و اعتقد , احسس و اعتذر!!!!!!!!

و هل هو موظف في الصليب الاحمر و لا بيضرب في الودع؟

ههههههههههههههههههههههههه واضح كتير أنه متفائل.

بعدين كل شوي الطرفين الطرفين الطرفين الطرفين, طيب طالما مؤمن بالثنائية ليه بيحبكم من طرف واحد؟؟؟

هو قال تُجلسون العرب كأنهم تلاميذ؟؟ليه هو شاف كليب "شاطرشاطر" هههههههههههههه

" وكان هناك اتفاق انهم يتركوا لكم حي ويأخذوا الأحياء الأخري‏," هههههههههههه بيذكرني بحلقة شفتها من زمان لأنيس و بدر في مسلسل افتح يا سمسم.

و راضي بالسفير الاسرائيلي؟؟؟ رضينا بالبين و البين ما رضي فينا

--------------
هي دي الريادة
عرفتوها؟

الرئيس مبارك: ليفني جامدة

تحديث:
جابر اختار لنا كام بانر من كام فنان ...وده احسن رد على حوار السيد الرئيس مع الصحفية الجامدة للجرنال الجامد في الكيان الجامد
فنان يا جابر

وفيما يلي نص حديث الرئيس حسني مبارك مع صحيفة يديعوت أحرونوت‏.‏
السيد الرئيس‏,‏ أريد أن أبدأ بموضوع الجندي الإسرائيلي لانه يشغل الرأي العام الإسرائيلي‏.‏
‏*‏ الرئيس‏:‏ مثل هذه الامور تحتاج إلي وقت‏,‏ نحن نبذل جهودا للإفراج عنه‏,‏ ولم نتوقف عن الحديث في هذا الموضوع‏,‏ وعليكم التحلي بالصبر وطول البال لانكم مقبلون علي تغيير حكومة‏,‏ وهذا قد يعطل الامر‏.‏

حكومة أولمرت ستبقي لغاية الانتخابات‏,‏ يعني ثلاثة أو أربعة أشهر‏.‏
*‏ الرئيس‏:‏ المشكلة أنه لا أحد يريد أن يتخذ قرارا في قضية المسجونين‏,‏ المسألة مرتبطة بالاسري الفلسطينيين‏,‏ وهذه هي المشكلة الموجودة في المباحثات‏,‏ نحن حريصون ونبذل كل جهدنا لكي نفك أسري الفلسطينيين ونفك أسر شاليط‏.‏

لقد قلتم سيادة الرئيس ان المسئولية في الاخفاق‏'‏ الفشل‏-‏ الجمود‏'‏ ليست علي‏.‏
‏*‏ الرئيس‏:‏ هذا كان سؤالا لأحد الصحفيين من طرفكم‏,‏ سأل هل فشلنا؟‏,‏لا يوجد شيء اسمه فشل مادمنا نعمل ونبذل جهدنا‏,‏ الفشل يعني أن يقفل الباب ولا نتحدث في هذا الموضوع ونقول‏(‏ انه انتهي‏).‏

بس فيه محادثات تجري الآن مثلا في هذه المشكلة؟
‏*‏ الرئيس‏:‏ بصفة مستمرة‏,‏ في أي لقاءات مع الفلسطينيين ومع الإسرائيليين‏,‏ الاجهزة عندنا تتناول هذا الموضوع‏.‏

لكن سيادتك قلت ان المسئولية تقع علي الطرف الآخر‏,‏ فمن هو الطرف الآخر‏,‏ إسرائيل أم الفلسطينيين؟
‏*‏ الرئيس‏:‏ الواقع أن المسئولية تقع علي الطرفين‏,‏ فحين نحاول الحل مع الفلسطينيين‏,‏ يقولون نريد أن تفرجوا عن عدد كبير‏,‏ ثم إسرائيل تقول لا لن نفرج عن فلان وفلان وفلان‏,‏ وهكذا‏,‏ ونحن نحاول أن نوفق بين الجانبين من يستطيع المساعدة فليتفضل‏.‏

وما هي أفضل نصيحة للجانب الإسرائيلي من أجل حل هذه المشكلة؟
‏*‏ الرئيس‏:‏ أفضل نصيحة للجانب الإسرائيلي‏,‏ لاتشتتوا جهودكم‏,‏ تعدد الأطراف التي تقوم بالوساطة في هذا الأمر ليس في صالح القضية‏,‏ اذا شعر بعض الأطراف الوسيطة أن هناك عددا من الدول الوسيطة يتولي الوساطة قد يقرر أنه لا داعي للجهود ودعنا نركز علي أمور أخري‏,‏ لكن طالما أن هناك دولة واحدة مسئولة‏,‏ اذا كانت فرنسا مسئولة وتستطيع حل المشكلة‏,‏ فلتتقدم‏,‏ ليس لدينا أي اعتراض‏,‏ من يستطيع أن يحل المشكلة فليتفضل‏,‏ فهي ليست حكرا علينا‏,‏ نحن نساعد‏,‏ ونساعد بأمانة وعارفين بنعمل إيه‏,‏ وأي طرف يمكن أن يدخل في الوساطة في هذه القضية لابد أن يكون له علاقة مع الفلسطينيين‏,‏ لأنها مرتبطة بالإفراج عن فلسطينيين والافراج عن شاليط‏.‏

هل الرئيس ساركوزي أرسل‏.‏
‏*‏ قاطعها الرئيس‏:‏ أنا لا أتحدث عن الرئيس ساركوزي‏,‏ هناك كثيرون غير ساركوزي‏,‏ كلهم علي استعداد أن يبذلوا جهودا للحل‏,‏ اللي يقدر يحل يحل‏.‏

يحل ولا يجي لنفس الطريق المسدود؟
‏*‏ الرئيس‏:‏ لا‏,‏ اذا كان لن يصل إلي طريق مسدود ويستطيع حل المشكلة أنا شخصيا سأصفق له‏.‏

هل تحملون سيادة الرئيس في هذه المناسبة‏,‏ بمناسبة الحديث‏,‏ بشري سارة لوالدي جلعاد شاليط؟‏,‏ أخبار في موضوع حالة شاليط الصحية؟
‏*‏ الرئيس‏:‏ شاليط بخير‏-‏ علي حد المعلومات المتوافرة لدي‏-‏ وأظن أنه كان هناك خطاب وصله من والده وقام بالرد‏,‏ رد عليه بمعاونة من الرئيس ساركوزي‏,‏ ولا أعتقد أنهم يعاملونه معاملة سيئة‏.‏
لاخطر علي حياة شاليط

حسب تقديرات سيادتكم‏,‏ متي يكون الإفراج؟ هل هي مسألة أسابيع‏,‏ شهور سنوات؟‏,‏
‏*‏ الرئيس‏:‏ هذا أمر يتوقف علي الطرفين‏.‏ وهناك حوار ومفاوضات‏,‏ الجانب الفلسطيني يطلب زيادة عدد الأسري الذين سيتم إطلاق سراحهم‏,‏ وإسرائيل تعترض علي اسماء بعضهم‏,‏ وهكذا‏,‏ نحن نتمني أن يحل هذا الأمر اليوم قبل غد‏.‏

وماذا تقولون لوالدي شاليط؟
‏*‏ الرئيس‏:‏ أقول لا أعتقد أن الفلسطينيين يمكن أن يضروا بالولد إطلاقا‏ (هو انت راخر بقيت تقول ولد؟),‏ وتحت أي ظروف‏.‏ لأنه شخص‏,‏ بني آدم عادي‏.‏

لكن شاليط محجوز من سنتين بدون زيارات بدون كل شيء‏,‏ هل ما في خوف علي حياته؟
‏*‏ الرئيس‏:‏ لا‏.‏

أكيد‏.‏
‏*‏ الرئيس‏:‏ أكيد‏,‏ لماذا يقتلونه؟ هيفكرو‏,‏ ويعرفون أنهم إذا قتلوه فستكون العواقب سيئة‏,‏الفلسطينيون ليسوا جهلاء‏,‏ والفلسطينيون بيفكروا تفكير كويس‏,‏ ويفكروا أنهم يستطيعون المقايضه به علي ألف سجين‏.‏ أما موت شاليط فيعني أن إسرائيل لن تفرج عن فلسطيني واحد‏,‏أنتم في إسرائيل أحيانا بتحسبوا حسابات غلط‏(ممكن اعرف هو بيتطوع يقول معلومات زي دي ليه؟ يعني هم قالوا لنا معلومات عن اسرانا؟).‏

هناك ناس تقولك من وراء الكواليس في إسرائيل إن العملية لن تتم أبدا بسبب التعنت الإسرائيلي وبسبب إن شاليط أصبح ورقة مساومة بأيدي الفلسطينيين‏.‏
‏*‏ الرئيس‏:‏ ورقة مساومة عشان الفلسطينيين مسجونين‏,‏ يعني يفرجوا عن الفلسطينيين المسجونين‏,‏ حيفرجوا عنه‏,‏ المفاوضات كلها تتم في هذا الإتتجاه‏.‏

حضرتك متفائل يعني؟
‏*‏ الرئيس‏:‏ أنا بطبعي متفائل‏,‏ ولكن بعد أن أقوم بتقدير الموقف‏.‏
مرة أخري هل فهمها صعب

في موضوع مبادرة السلام العربية‏,‏ رجل الشارع الإسرائيلي لا يعرف ما هي مبادرة السلام العربية‏.‏
‏*‏ الرئيس‏:‏ مرة أخري تسأليني عن مبادرة السلام العربية‏,‏ هل فهمها عملية صعبة جدا ياسمدار؟؟

لا‏,‏ هل ممكن أن تشرحها سيادتكم بكلمات بسيطة؟
‏*‏ الرئيس‏:‏ بكلمات بسيطة‏,‏ جامعة الدول العربية في مؤتمر القمة العربية في بيروت وكررتها في الرياض قالت‏:‏ إذا تم حل القضية الفلسطينية فإن الدول العربية لن يكون أمامها مانع من التطبيع مع إسرائيل‏-‏ بدل ما فيه بعضهم كده يقوم بتطبيع غير ظاهري‏-‏ سيكون تطبيعا عاديا وتبادل سفراء وتعاونا وزيارات وهكذا‏,‏

عندي ملاحظة سيادة الرئيس‏,‏ المبادرة بتقول إن الانسحاب لخطوط‏67,‏ مش بس الموضوع الفلسطيني‏.‏
‏*‏ الرئيس‏:‏ التفاوض عادة ما يتم بما يرتضيه الطرفان‏,‏ وهو السبيل لحل الموضوع‏,‏ السلام مع إسرائيل مرتبط بحل القضية الفلسطينية بالطريقة اللي ترضي الطرفين‏,‏واذا ما تم ذلك‏,‏ أي طرف عربي سيقول اذا كان الفلسطينيون والإسرائيليون ارتضوا هذا الحل فما الذي يمكن أن أضيفه؟ بمجرد أن يتحقق السلام بين الفلسطينيين وإسرائيل سيصبح من حق الدول العربية أن تعيد النظر‏.‏

فيه موضوعين يعرقلان ذلك‏,‏
‏*‏ الرئيس‏:‏ انتم تعقدوا الامور‏,‏ وتقولون لابد وأن نتفاوض مع الدول العربية‏,‏ تكلموا كلاما منطقيا يقبله العقل‏,‏ لن يجلسوا معكم‏,‏ يعني انتم تريدون ياإسرائيل أن تجيئوا بالدول العربية كلها وأنتم تفاوضونهم‏,‏ فلنكن منطقيين مع التاريخ يا جماعة‏.‏ لاتطلبوا شيء حاجة يبدوأ كأنكم تجلسون العرب وكأنهم تلاميذا‏,‏ ستكون مهينة‏,‏ لذلك أنا قلت الاتفاقية واضحة‏,‏ واذا حدث السلام مع الفلسطينيين سيحل الامر مع العرب تلقائيا‏.‏ بس في موضوعين‏,‏ موضوع حق العودة الفلسطيني‏,‏ السؤال‏,‏ يعني الحل هو كالمتفق عليه بين الطرفين‏.‏

ماهو عدد اللاجئين الفلسطينيين؟ والي أين يرجعون؟
‏*‏ الرئيس‏:‏ موضوع اللاجئين الفلسطينيين والقدس كان محل مفاوضات بين عرفات وباراك‏,‏ ونحن كنا حاضرين في طابا‏,‏ وقبل أن يترك كلينتون بثلاثة أسابيع وصلوا لمعادلة لحل المشكلة واتفق عليها الطرفان‏,‏ لكن الطرفين كانوا طامعين في المزيد وقالوا لننتظر الادارة الجديدة‏,‏ وجاءت الادارة الجديدة وقالت لا مش عايزين حاجة مما أتفق عليه بمعرفة كلينتون‏,‏ لدرجة أنا قلت لكوندوليزا هنا في مصر خلال احدي الزيارات‏,‏ ياكوندوليزا ده كان فيه حل موجود من أيام طابا‏,‏ مخدتوش ليه من الاول‏,‏ من بدري أوي من سنتين ثلاثة منذ أن توليت‏,‏؟ (هههههههههه) قالت لا‏,‏ الإسرائيليون كانوا رافضين‏,‏ قلت لها اتفقوا‏,‏ الفلسطينيون ونحن كنا شهودا علي ذلك‏,‏ وأبوعمار وباراك والوفدان اتفقوا في طابا‏,‏ ونحن لدينا شهود‏.‏ وارتضوا الاثنين الطرفين‏.‏ لو كانوا أخذوا بهذه المعادلة وقتها لحلت القضية‏.‏

مدينة مفتوحة
وماهو الحل الأمثل في مشكلة القدس‏,‏ الحل الأمثل في تصور سيادتكم؟
‏*‏ الرئيس‏:‏ هناك اقتراحات كتيرة منذ أيام الرئيس السادات مثل أن تكون القدس مدينة مفتوحة وتكون هناك عدة أحياء‏,‏ حي أرميني وحي إسرائيلي وهكذا‏,‏ وكان هناك اتفاق انهم يتركوا لكم حي ويأخذوا الأحياء الأخري‏,‏ وبعد أن توقعوا وتتفقوا علي هذا الحل والعملية تمشي فالحياة ستصبح طبيعية بينكم‏.‏

بس سيادتكم شايف القدس مدينة مفتوحة‏,‏ يعني مع رئيس بلدية إسرائيلي في الجانب الغربي ورئيس بلدية فلسطيني في الجانب الشرقي؟ ومدينة مفتوحة ولا؟
‏*‏ الرئيس‏:‏ أعتقد أنها قد تنتهي بأي حال كمدينة مفتوحة‏,‏ ولأن فيها الأقداس هناك تشدد من الطرفين‏,‏ ولكن بعد أن يصلوا لاتفاق ستصبح الأمور سهلة جدا‏,‏ سيتفقوا وسيطوروا أسلوب ادارة القدس وهكذا‏.‏

لقد مرت‏30‏ عاما علي توقيع اتفاقية السلام بين مصر وإسرائيل؟ ما هي طبيعة العلاقات بيننا اليوم؟ هل الإسرائيليون يفكرون انها هي ليست إلا علاقات رسمية علي المستوي الرسمي؟
‏*‏ الرئيس‏:‏ ياسلام‏,‏ من الذي يفكر عندكم هكذا؟؟

في ناس كتير‏,‏ من الرسميين‏.‏
الرئيس‏:‏ من الرسميين؟‏,‏ لا‏,‏ هناك رجال أعمال شغالين مع بعض باستمرار‏,‏ وفي إسرائيل بيحضروا لمصر باستمرار‏,‏ وبعض المصريين أيضا يذهبون‏,‏ عليكم ألا تعقدوا الأمور‏,‏ وتظلوا تقولون انها مجرد علاقات رسمية‏,‏ العلاقات تتطور حسب طبيعية الشعوب‏,‏ وتحتاج إلي وقت لكي يندمجوا‏,‏ أيام رابين كان رجال الأعمال كنت أقابلهم كثيرا جدا‏,‏ ورجال أعمال من جانبنا كانوا يذهبون لإسرائيل كثيرا‏ (ايوة...ستوب هنا لو سمحت...مين بقى؟ عشان نبقى على نور كده).‏
عندي مصدر يبرهن ببرودة العلاقات‏,‏ السفير الإسرائيلي في مصر انتهت مدة خدمته من شهور ولا أحد في إسرائيل يريد أن يحل محله‏.‏
‏*‏ الرئيس‏:‏ الراجل مبسوط هنا‏,‏ دعوه هنا‏,‏ احنا السفير اللي عندنا هنا راجل كويس وراضيين به (هههههههههههههههه لا مش ممكن)‏.‏

إنتم شكاكون
بالرغم من المحادثات غير المباشرة بين سوريا وإسرائيل‏,‏ فإن إسرائيل تشكك في نيات الرئيس السوري بشار الاسد وعلاقاته الوطيدة مع ايران وحزب الله ونياتهم؟
‏*‏ الرئيس‏:‏ أنتم نتيجة الظروف التي مررتم بها شكاكون‏,‏ والله هو عاوز يتفاوض معك فلنتفاوض‏,‏ متي نقول لا‏,‏ لم يكن لديه نية حين يتوقف فجأة عن التفاوض‏,‏ اعتقد سوريا مثل أي دولة تريد أن تعيش في سلام‏,‏ وتريد سلاما مع إسرائيل‏.‏

وفي تصوركم إسرائيل بدها تيجي لاتفاقيات سلام مع سوريا ولا هي لعبة؟
‏*‏ الرئيس‏:‏ لعبة من إسرائيل؟ ولا لعبة من الجانب السوري؟

لا‏,‏ من الجانب الإسرائيلي؟
‏*‏ الرئيس‏:‏ لا أفتكر‏,‏ الجانب الإسرائيلي عايز يعمل اتفاقية سلام مع سوريا‏,‏ وإيام رابين كانوا وصلوا لاتفاق‏,‏ كل الاوراق كانت خلصت‏,‏ أنا متذكر جيدا‏,‏ كل الاوراق كانت خلصت‏,‏ لولا أن رابين جاء وقال لي‏-‏ علي حد قول رابين‏-‏ جالي يوم صباحا هنا‏,‏ كلمني بالتليفون سبعة صباحا وقال لي عايز أجيلك‏,‏ جلسنا وسألني وبعيدين أعمل ايه بقي مع سوريا‏,‏ أنا اديتهم كل حاجة‏,‏ كل الارض وكل الحدود‏

‏ محجزتش ملليمتر من الارض‏,‏ وبعدين أمال ايه الموضوع؟ قال عايزين حاجة أفضل عشان يقدروا يقنعوا الرأي العام في سوريا لماذا لم يوقعوا اتفاقية مثل اتفاقية مصر بعد‏20‏ سنة منذ أن وقعت مصر الاتفاقية‏,‏ فيريدون حاجة مميزة عشان يقولوا للرأي العام احنا اتأخرنا عشرين سنة وخدنا حاجة أحسن من مصر‏,‏ قال أديهم ايه؟ قال دول مش عايزين سفارة عندنا ولا سفارة عندهم‏,‏ وهذه هي الحاجة الوحيدة التي يصمم عليها الكنيست الإسرائيلي‏,‏ وأنا لدي أغلبية بصوت واحد فقط‏61‏ ضد‏59‏ السفارات هي التي ستقنع البرلمان الإسرائيلي بأن يوافق علي الاتفاقية‏,‏ ظلوا مترددين حتي قتل رابين‏,‏ والذي قتل رابين لم يكن يريد رابين أن يسلم الجولان‏,‏ أظن كلكم عارفين ذلك‏,‏ لما قتل رابين كل رئيس وزراء يجيء بعده يخاف أن يأخذ قرارا‏,‏ بعدها نيتانياهو قال لا أعرف وديعة رابين‏,‏ أنا قابلت نيتانياهو هنا‏,‏ وقلت له رابين قال لي أنا شخصيا‏.‏ قال‏'‏ أنا ماليش دعوة‏,‏ مقدرش أسيب جبل الشيخ (قال له انا ماليش دعوة؟)‏.‏

لست جهة تحقيق
عماد مغنية كان مستهدفا من عدة أجهزة مخابرات في العالم‏,‏ هل؟
‏*‏ الرئيس‏:‏ بس مش الأجهزة المصرية‏.‏

هل تعتقدون سيادة الرئيس ملابسات القتل ومن الجهة المسئولة؟
‏*‏ الرئيس‏:‏ أولا‏,‏ أنا لست جهة تحقيق‏,‏ ثانيا‏,‏ نحن سمعنا أن مغنية قتل في منطقة صعب الدخول فيها‏,‏ لا أستطيع أن أتكهن من الذي قتله‏,‏ إسرائيليون أم سوريون أم غير الجنسيات دي‏,‏ لأني لست جهة تحقيق ولم يكن حتي يهمني أن أسأل عن ملابسات الحادث‏.‏

من المعروف سيادة الرئيس أنه كانت علاقات حميمة بينكم وبين رئيس الوزراء أولمرت‏.‏ماذا تقولون لأولمرت وهو يودع منصبه؟‏‏ (!!!!!!!!حميمة ازاي يعني؟)
‏*‏ الرئيس‏:‏ أشكره علي الفترة اللي قضاها كرئيس وزراء‏ (العفو يافندم ده مذبحة قانا2 اقل واجب...نفسك في مذبحة تانية قبل ما يمشي؟),‏ وحقيقة كان هناك تعاون كبير بيننا وبينه‏ (آه ما احنا واخدين بالنا..خصوصا في 2006 ايام حرب البتاع ده),‏ وكان دائما عند كلمته وإذا قال كلمة ينفذها‏,‏ وهذا ماأتوقعه دائما من القادة الإسرائيليين‏,‏ عندما يعطونني وعدا يلتزمون به‏,‏ هذا ما قلته من قبل لشامير‏,‏ ( :-0....:-0.....:-0!!!!!ها؟ اه ماهم الاسرائيليين صعايدة طول عمرهم ومعروفين بانهم قد كلمتهم، حتى بامارة ما اتفقنا على وقف اطلاق النار يوم 13 اكتوبر والتزمنا بيه احنا وهم التزموا بيه يوم 28 اكتوبر بعد ما فحتوا ابونا ضرب لولا الفدائيين كتر خيرهم كان زمانا في البلالا...اكيد فاكر ماهو صاحب اول طلعة جوية فتحت باب الشعرية)أذكر أيام طابا وحكم المحكمة وكلهم قالوا إذا حكمت المحكمة سنلتزم بحكمها وبالفعل حكمت المحكمة ولكن بعد‏15‏ يوما وجدت أنه لا أحد يريد أن يسلم طابا‏,‏ فقلت الله يا مستر شامير‏:‏ أنا أعرف إن اليهود لهم كلمة‏,‏ وإذا قالوا نعم في حاجة بينفذوها‏ (يا اخوانا حد يشيلني من هنا),‏ رد علي وقال‏,‏ علي طول في ساعتها‏,‏ أنا ملتزم بهذا وأعطي تعليمات بالتنفيذ‏.‏ فالحقيقة أولمرت كان التعاون بيننا وبينه كبيرا والتقينا ببعض كثيرا جدا‏,‏ وتعاون معنا في مجالات كثيرة جدا‏,‏ ولذلك أنا أحييه وأشكره علي المدة اللي قضاها كرئيس حكومة وعلي التعاون الذي تم بيننا وبينه (ومعلش بقى الله يجازي حزب الله اللي افشل التعاون ده...على رأي طارق حبيب: خيرها...غيرها..ده ظابط جيش؟ ده حارب؟ حد يشيلني من هنا يا نااااااااس)‏.‏

هل تنتظرون من أولمرت أخذ قرارات حاسمة في آخر ولايته‏.‏
‏*‏ الرئيس‏:‏ كيف؟
الموجود لتسير العمل فقط
إنه يأخد قرارات حاسمة في الأيام المقبلة في المسار السوري والمسار الفلسطيني لتمهيد الطريق‏‏
الرئيس‏:‏ طبيعة إسرائيل رئيس الوزراء المستقيل والموجود فقط لتسيير العمل‏,‏ بطبيعته لا يتخذ قرارا حاسما‏,‏ وإلا يتعرض لانتقاد شديد‏,‏ فلا أستطيع القول أنه يمكن أن يأخذ قرارات حاسمة‏,‏ لازم يتفق مع الرئيس المنتظر‏,‏ وخصوصا إذا لم تتمكنوا من تشكيل حكومة وحتدعوا لانتخابات‏,‏ فلا أحدا يعرف من سيفوز بالانتخابات‏.‏

وما دام إسرائيل ماشية في طريق الانتخابات‏,‏ حيصير بصورة طبيعية جمود علي عملية السلام؟
‏*‏ الرئيس‏:‏ طبعا‏.‏

فسيادتكم مش شايف حاجة‏.‏
‏*‏ الرئيس‏:‏ والله مش كويس‏.‏ فعملية السلام ستظل جامدة لأربع شهور‏.‏ بعد أن كنا في زخم والمسألة ماشية دلوقتي‏,‏ وبناخد وندي‏.‏ الآن لن يكون أحد حريص علي الإستمرار‏,‏ وقد مررنا بهذه الظروف من قبل عند تغيير الحكومة بإسرائيل‏,‏

إذا فشلت ليفني في تشكيل الحكومة‏,‏ فتشاهدون منافسة قوية بين ليفني وبين نتيانياهو‏,‏ أيهما يكون أكثر مفيدا لعملية السلام؟
‏*‏ الرئيس‏:‏ الشعب الإسرائيلي يختار من يختاره‏,‏ هذا قرار الشعب الإسرائيلي‏,‏ أنا لا أستطيع أن أتدخل فيه‏,‏ ولا أفضل أحدا عن الآخر إطلاقا‏,‏ ليفني عملنا معها عن قرب‏,‏ وهي سيدة حازمة‏,‏ وأعتقد أنها إذا أعطت كلمة بتنفذها‏,‏ حقيقي‏-‏ الستات بيبقوا جامدين ياسمدار‏-.‏ (احم...شالله تسلم يا ريس كأنك قلت لنا يا دكتور...لا وخصوصا ليفني: جامدة جامدة يعني..ناعمة وقوية وكلها حنية) وكما ترين أنها بتشكل حكومة‏,‏ كانوا عاوزين يبتزوها لكن لم تقبل الإبتزاز‏,‏ وقالت لن أشكل حكومة وسأدعو لانتخابات‏.‏ ليفني سيدة قوية وأنا أحب التعامل مع الأقوياء‏.‏
لا أميل للحزب إطلاقا

وإذا فاز نيتانياهو‏,‏ فكيف تسير الأمور بينكم؟‏.‏
‏*‏ الرئيس‏:‏ يجيء نتنياهو‏,‏ يجيء أي حد غيره‏,,‏ محدش حياخد منا حاجة‏.‏

هل تعرف سيادة الرئيس ماذا يفكر الإسرائيليون فيكم؟ لما الإسرائيلي يسمع اسم الرئيس حسني مبارك‏,‏ ماذا يخطر في باله؟
الرئيس‏:‏ في بال الإسرائيلي‏,‏ يخطر في باله السلام والسلام والسلام‏,‏ أنا رجل يحب السلام‏,‏ أنا رجل حارب من أجل السلام ولا أميل للحرب إطلاقا‏,‏ إنما الحرب كانت مفروضة علينا لنحرر أرضنا‏,‏ أما والارض قد حررت لابد وأن نحل أي قضية بسلام‏,‏ وعندكم طابا مثالا‏,‏ طابا لما كانت موجودة كانت ممكن تنشأ حرب‏,‏ قالوا تحتاج منك إلي طول بال‏,‏ وتكلمت وأصريت علي التفاوض عليها والتحكيم‏,‏ولذلك أنا في هذه المناسبة أحيي شيمون بيريز‏,‏ كان رئيس وزراء في ذلك الوقت‏,‏ واتفقنا علي سؤال التحكيم تفاديا لأي تعقيدات للمشكلة والوصول إلي حد خطير‏,‏ الحقيقة أنا لا أنسي لشيمون بيريز هذا‏.‏

في موضوع سيناء‏,‏ هناك انذار بالغ الخطورة للإسرائيليين‏.‏
‏*‏ الرئيس‏:‏ ليس لهذه الدرجة‏,‏ انتم بتتخضوا لو فيه نملة ماشية بتخافوا منها‏,‏ هيعملوا لكم ايه؟‏!!‏ لا‏,‏ فيه انذارات عندنا من خطف وقتل إسرائيليين‏.‏
‏*‏ الرئيس‏:‏ اتقتل إسرائيلي قبل كده؟‏.‏ (لا والله يا ريس...اتقتل مصريين قبل كده....بس مش مهم فداهم يعني وفدا ستاتهم الجامدة)

اتقتلوا طبعا في طابا‏.‏
‏*‏ الرئيس‏:‏ العملية بتاعة طابا كانت عملا ارهابيا‏.‏
الشواطئ آمنة

ولكن هل سيادتكم تنصحون الإسرائيليين بأن يتريثوا الآن قبل السفر إلي سيناء بسبب الانذارات؟
‏*‏ الرئيس‏:‏ هم يريدون أن يذهبوا إلي أي جزء من سيناء؟ عايزين يجلسوا مع القبائل‏,‏ يقوموا بشغل مخابرات‏,‏ أم سياحة؟
لا‏,‏ علي الشواطيء‏.‏
‏
*‏ الرئيس‏:‏ علي الشواطيء‏..‏ الشواطيء آمنة‏,‏ ولو ذهبوا إلي الشواطيء لن يحدث لهم أي ضرر‏,‏ لكن يشتغلوا شغل مخابرات حتبقي مصيبة‏,‏ لما بييجوا جنوب سيناء أنا بشوفهم في جنوب سيناء مش انتو بتقولوا لهم متروحوش‏,‏ بييجوا جنوب سيناء وجايين في طيارات شارتر جاية من بره‏,‏ وجايين في الخطوط اللي جاية من بره‏,‏ سواء أردنية أو ألمانية وهذا أمر عادي‏.‏

وفي سيناء مش حيكون أكتر من اللي بيجرالكوا في العراق‏,‏ عندكو إسرائيليين في العراق كتير‏,‏ الخطورة في العراق أكتر ولا في سيناء؟؟‏.‏
(ههههههههههههه يا عثل يا عثل انت يا عثل هم مش عايزين يقولوا انهم في العراق يا عثل...احسن ههههههههههههههه...والعراقيين بياخدوهم مننا ليه خطافين الاسرائيليين اللي عينيهم فارغة دول)
شو بيسووا الإسرائيليون في العراق؟
‏*‏ الرئيس‏:‏ أنت بتسأليني؟ الإسرائيلي اللي عنده باسبور أمريكاني يقدر يدخل أغلب البلاد‏,‏ بتسأليني السؤال ده‏,‏ صعب اني أجيب عليه‏!!!.‏ (انا عارفة يا اخويا؟ محن نسوان، قال شو بيسووا في العراق قال...ما انتوا زي القرع تمدوا لبرة...قصرنا معاكوا في ايه عشان تبصوا للعراق؟ شواطئ عراة وعاملين لكوا، بتدخلوا بالباسبور بس وبتتشالوا ع الراس بينما بنموت السودانيين في الميادين وعلى الحدود، كل ما تتخضوا نقبض لكوا على كل عيالنا...نساعدكوا في حرب البتاع ده وساعدناكوا، نجوع لكوا الفلسطينيين وجوعناهم....نعمل معاكوا ايه اكتر من كده؟ نملا عيونكوا الزايغة دي بايه؟ بس عموما ح تلفوا تلفوا وترجعوا لنا)

يعني أخطر؟
‏*‏ الرئيس‏:‏ لا يمكن أن تكون سيناء أخطر من العراق‏,‏ لا لا لا‏,‏ بييجوا سيناء علي الشواطيء‏,‏ لا أعتقد أن أحدا يمكن أن يتعرض لهم‏,‏ حادثة طابا كانت عملا استثنائيا‏,‏ مش كل يوم هناك حادثة في طابا‏,‏ الأمن شغال كويس جدا هناك (شغااااال يونيفيرسال)‏.‏

كل أسبوع‏,‏ مكتب رئاسة الوزراء في إسرائيل بينشر انذارا للإسرائيليين من سيناء‏.‏
‏*‏ الرئيس‏:‏ بيخولوا مسئوليتهم‏,‏ اخلاء مسئولية علشان لو أحد تعرض لأي شيء يقولوا احنا قولنا‏,‏ النظام ده معمول بيه في العالم كله‏,‏ لكيلايتهم أحدا الحكومة أو يدينهم‏.‏

السادات كان سابقا لعصره
لنعود إلي أيام نوفمبر‏1977,‏ خطاب السادات في مجلس الشعب‏.‏
‏
*‏ الرئيس‏:‏ هل أعجبكوا خطاب السادات في الكنيست؟‏.‏
أستمعت للخطاب مثل كل زملائي الصحفيين‏,‏ مكنتش فاهمة اللغز‏.‏
الرئيس‏:‏ مش فاهمة ايه؟ اللغز‏,‏ عندما قال انه أنا مستعد أروح لأقصي مكان في العالم وحتي القدس من أجل مبادرة السلام‏.‏ لا‏,‏ هو مقلهاش في القدس‏,‏ قالها في البرلمان المصري‏.‏ آه‏.‏ قال اذا كان من أجل السلام أنا مستعد أروح لاقصي بلد في العالم‏.‏ اذا كان ذلك سيؤدي إلي السلام‏,‏ وأنا كنت من المشجعين لذهابه‏,‏ أنا كنت في المغرب والجزائر في مهمة لحل مشكلة بينهم‏,‏ ورجعت يوم في الاسبوع كان يوم الاثنين (يا سلااااااام!)‏

فقالي والله ياحسني أنا بفكر في كذا وكذا كذا‏,‏قلت له والله مش حيجري حاجة‏,‏ اذا كان ده سيؤدي إلي السلام ونحل المشكلة‏,‏ ظل يتكلم (هههه اه ماهو كان دايما بيظل يتكلم يمكن حتى وهو نايم) وقال أنا لو جاتني دعوة سأذهب (اه طبعا امال هو جابك ليه يعني؟ ح اموت واعرف اللي طلعت السادات والاضيشه واللي مسميين نفسهم ساداتيين بيكرهوك ليه؟ اذا كنا احنا في امتداد عصر السادات، ده حتى على كل الخرا ده انت احسن على الاقل عارفين نقول لك البقين دول)‏,‏ وجاءه بعدها السفير الامريكي بخصوص الدعوة ثم جاءته دعوة من بيجن وقال لا ده يوم السبت مبيشتغلوش‏,‏ قعدنا نتكلم في الموضوع ده يوم الثلاثاء‏,‏ وأنا نصحته أن يذهب لسوريا‏,‏ وبالفعل ذهب لسوريا لست ساعات وحدث ماحدث وعاد‏.‏ ثم قال لي يوم السبت مبتشتغلوش‏,‏ قلت له‏:‏ هم عندهم أجازة السبت وأنت عندك العيد الاحد‏,‏ اقترحت عليه أن يسافر يوم السبت بعد آخر ضوء‏,‏ أي بعد غروب الشمس وقلت له تطلع من هنا عند آخر ضوء بربع ساعة تكون هناك تصبح الصبح تصلي العيد في القدس‏,‏ قال‏:‏ والله فكرة ياحسني كويس‏,‏ (يا اخواتي...جوز كناريا) وطلع فعلا الساعة السابعة مساء علي ماأتذكر من مطار أبوصوير‏,‏ وانا كنت هناك‏,‏ الطيارة اتحركت وأنا أخذت الهيلكوبتر راجع القاهرة‏,‏ وقبل ما انزل القاهرة كان هو وصل تل أبيب‏-‏ بعد ثلث ساعة كان في تل أبيب (ههههههه يا منوفي....دبسته وخلعت انت؟)‏.‏

وبعد أن عاد كان هناك‏2‏ مليون واحد في إستقباله‏,‏ أنا كنت معاه‏,‏ الناس عاوزه سلام‏,‏ الشوارع من أول مطار القاهرة لحد بيتهم ماتقدريش تشوفي الحيطة من عدد الناس اللي موجودة في الشوارع في الاستقبال‏,‏ أستقبلوه لأنه رجل جرئ وعاوز سلام‏,‏ والسادات كان سابقا لعصره في كل حاجة‏ (لا اسم الله عليك انت وهو وسابقين سنكوا كمان...الا بيقولوا انكوا انتوا الاتنين مشيتوا في سن عشر شهور اسم الله عليكوا).‏

لا أحد يكره السلام
أنا فاكرة أنه في البرنامج اللي قبله‏,‏ قال أن الرئيس السادات يرجع من القدس إلي الإسكندرية‏.‏
‏
*‏ قاطعها الرئيس‏,‏ يرجع منين؟
يرجع من القدس إلي الإسكندرية‏.‏
الرئيس‏:‏ لا الطيارة متقدرش تنزل الإسكندرية‏.‏

هذا مكتوب في الكتب‏,‏ وسيادتكم نصحتم الرئيس السادات بأن يغير المسار‏.‏
قاطعها الرئيس قائلا‏:‏ مطار الإسكندرية ماتنزلش الطيارة البوينج‏,‏ الطيارة مليانة ركاب ماتقدرش تنزل هناك لان المطار كان وقتها صغير‏,‏ أما هو كان طالع من الإسماعيلية ونازل القاهرة‏,‏ كان لازم يعود إلي القاهرة ليشرح للقيادات المسئولة ماذا تم في إسرائيل‏.‏

وسيادتكم بصفتكم طيارا في القوات الجوية قبل الإحالة إلي الحياة المدنية‏,‏ هل كنتم مقتنعين من أول لحظة بمسيرة السلام‏,‏ وبمبادرة السلام مع إسرائيل؟ (يعني حتى الولية استغربت)
قال الرئيس‏:‏ لا أحد يكره السلام‏,‏ السلام هو الحياة وتربية أولادنا ونعيش في أمان ونتحرك في أمان ونعيش في الدنيا‏,‏ أما الحرب فهي الدمار والقتل والرعب والإرهاب‏,‏ فرق كبير جدا بين الاثنين مين مش عايز سلام؟

من أجل السلام
سيادة الرئيس متي سمعتم وعلمتم أول مرة عن مبادرة السلام؟
‏*‏ الرئيس‏:‏ كما سبق أن قلت‏,‏ أنا كنت في المغرب والجزائر‏,‏ وحين عدت قال لي أنا مستعد أروح إسرائيل في بيتهم‏,‏ كان قبلها في جولة‏,‏ في رومانيا والسعودية‏,‏ والشام ولم يقولوا له روح القدس‏,‏إنما مامعناه إن ممكن إسرائيل في أي حاجة ممكن يستمعوا لأنهم عاوزيين سلام هم أيضا‏,‏ فجاء لي وأنا كنت في المغرب والجزائر‏,‏ ما كنش فيه كلام معاه ومع أي دولة من الدول إنه ينوي الذهاب لإسرائيل‏,‏ قال لي ارجع فورا‏,‏ رجعت ورحت له علي القناطر‏,‏ قال لي أنا والله بفكر أعمل مبادرة قوية لأننا مش حنفضل نحارب طول عمرنا‏,‏ قلت له طيب ميجراش حاجة‏

ده ممكن تجيب نتيجة‏,‏ أنا بطبعي أصلي كطيار هادي‏,‏ نجرب هيجري ايه‏,‏ ظل الرجل يفكر ليوم الثلاثاء والكلام ده كان يوم الاثنين‏,‏ كان عنده أظن وفد أمريكي‏,‏ وقال لهم أنا لو جالي دعوة من مناحم بيجن أنا مستعد أروح في إسرائيل وفي عقر دارهم وأكلمهم عن السلام‏,‏ ايتس قال له علي طول إنت سيادتك ناوي تروح؟ قال له والله لو جاتلي دعوة أنا هاأروح‏,‏ وإحنا هانخسر ايه‏,‏ هو أنا رايح أحارب‏ (لا العفو هو فيه تليفونيست بيحارب؟ ها وايه كمان يا سيادة الطيار الهادي قول قول..ده احنا نينتنا فن),‏انا رايح عاوز سلام وبعدين جت له الدعوة أخر النهار‏,‏ قلت له أنا بأقترح عليك تروح سوريا علشان سوريا ممكن بعد لو لم تقل لهم سيقولوا‏(‏ لو كنتم قلتوا لنا كنا ساندناك ومشينا معاك‏).‏كان رد الفعل السوري هو أن الرئيس المصري إتجنن (امممم وصلت لهم المعلومة متأخر قوي)‏.‏
‏*‏ رد الرئيس قائلا‏'‏ لنكن مجانين‏,‏ ولكن من أجل السلام‏' (لا ومن غير السلام هو دي حاجة بايده يعني؟ ده مرض والعياذ بالله يعني ربنا يشفي كل مريض).‏

عندما كان الرئيس السادات في القدس خلال الزيارة لإسرائيل‏,‏ هل كنتم تخافون علي حياته؟
‏*‏ ضحك الرئيس وقال‏:‏انتم كنتم خائفين منه حسب ماقرأت في الكتب‏,‏ والبعض ظن أن الطائرة ستصل وجيمس بوند سينزل منها ويضرب العالم كله (والله كتر خيرهم دايما يحسنوا الظن بينا كانوا خايفين منه عشان كده استقبلوه بالملايين في المطار)‏,‏ أقول لكم انكم شكاكين دائما نفتعل المؤامرات أبدا‏,‏ حين قرأتها ظللت أضحك قلت ان الجماعة الإسرائيليين جالهم حاجة في دماغهم‏.‏ كيف يظنوا أن السادات سيخرج من الطائرة ووراءه الصاعقة ورشاشات تقتل الناس‏.‏ وحين يموت هؤلاء الناس سيعني ذلك أن إسرائيل خلصت‏,‏ وأننا حققنا السلام؟؟‏!!!‏ ظللت أضحك طبعا‏,‏ السادات نزل بكل احترام‏.‏

وبعد‏30‏ سنة من السلام بعد ماتقابلوا الإسرائيليين وتشوفوا الإسرائيليين وتحكوا مع الإسرائيليين‏,‏ من هم الإسرائيليين؟
‏
*‏ الرئيس‏:‏ من قابلتهم كلهم الحقيقة قادرين دائما علي أن نتفاهم‏,‏ حين نتناقش في أي موضوع يمكن أن نصل لحل‏,‏ وحين نصل إلي كلمة فهم دائما يحترمونها‏.‏
(طب ربنا ما يحرمك منه...الاسرائيلي يعني)
شكرا سيادة الرئيس‏.‏
(العفو يا ستي ابقي تعالي دايما...مش الاخت جامدة برضه؟)