Saturday 30 July 2011

إن الله لا يهدي كيد الخائنين

تحديث:
اه صحيح نسيت.. واللي بيقولوا ما وقعناش دول، هم ملتزمين بكلمة، وفجروا في الخصومة لما انكروا كلامهم معانا ومع ابراهيم وبانت نية خيانتهم
لكن هم ما يقدروش ينكروا اللي هم قالوه ونزل على لسانهم في الجرايد: لن نتظاهر لدعم المجلس العسكري.. ونفاجأ بيهم بيقولوا يا مشير يا مشير الف تحية من التحرير، بعد ما الناس في الاعتصام التزمت بكلمتها وشالت اليفط اللي فيها هجوم على المجلس
وبرضه ما يصحش ان حد يندم انه التزم بكلمته وان غيره طلع خاين.. المهم اننا نعلم عليهم.. وكل الناس تعرف انهم خونة وانهم ياكوف بنيامين حنانيا وانهم تبع المذهب الاشكينازي.. وتفضل ملزوقة فيهم طول العمر.. واللي يدافع عنهم يبقى خاين زيهم
-------------
تفجيييير... الاااااااااااااااااااااااااهوووو اكبااااااااااااااااااااااااار
هههههههههههههههههههههههههههههه انا واقعة من الضحك، قالك ولا شفناكم، ولا اتفقنا معاكم، ولا مضينا، من أنتم؟ او كما قال اللمبي: مش فاكرك ياض
طب انا حاحكي من الاول بقى مدام الحكاية بقت كده عشان نشتغل كلنا على مية بيضا
الموضوع وما فيه ان فيه مجموعة ناس راسهم والف جزمة قديمة يعملوا اجماع شعبي.. ليه؟ عشان حق الناس اللي ماتت واتصابت واعتقلت وطلع تلاتينها ما يروحش هدر، وعشان عدم اللامؤاغزة انا ما كانتش هدومي بتغرق بدم الشهدا عشان ييجي العسكر ياكلوها والعة ونعيش ستين سنة كمان نقول: يسقط يسقط حكم العسكر
واذا كان مصر فيها خير اجناد الارض - وما قالش جنرالات طبعا - فهي فيها اوسخ سياسيي الارض، ولو وسخين وربنا منور لهم مخهم زي السياسيين اللبنانيين اهي تبقى مبلوعة.. سياسي نيته وسخة ومخه نضيف، شغال، او سياسي نيته نضيفة ومخه وسخ، برضه شغال، لكن نيتهم وسخة ومخهم وسخ؟ اونلي إن ايجيبت وهو ما ادى بنا الى حكم عسكري اكتر من ستين سنة قابل للزيادة، وقال على رأي المثل: سياسي بنى له بيت عسكري سكن له فيه
يبدأ الموضوع من الاول خالص، من ساعة مبادرة الوحدة الوطنية بتاعة مرشحي الرئاسة اللي لفينا عليهم انا وتميم البرغوثي - اللي ان شاء الله حيسود عيشتي لاني حكيت بس معلش.. سماح المرة دي - رحنا لعبد المنعم ابو الفتوح - بعدين انضم لنا ابراهيم الهضيبي - وبصراحة الراجل عسل، من قبل ما نكمل كلام وهو موافق ومستعد يعمل اي حاجة عشان يوحد الصف، لو كنا طلبنا منه ينزل يكنس ميدان التحرير عشان يوحد الصف كان نزل والله
الفكرة كلها كانت ان مرشحين الرئاسة من تلات اتجاهات رئيسية: اسلاميين، ليبراليين، يساريين، يطلعوا مع بعض على التلفزيون ويقولوا يا جماعة كفاية خناق، احنا اهو مرشحين للرئاسة، وبينا منافسة، وبنقولكم كلنا ايد واحدة يا بهجت لتحقيق مطالب الاجماع الوطني وهم على تلات محاور: 1- الاستقلال الوطني وهوية الدولة العربية والاسلامية. 2- الحرية المطلقة، حرية العقيدة، والتعبير، وممارسة الحياة السياسية. 3- العدالة الاجتماعية. 
كويس كده؟ رحنا قابلنا الدكتور البرادعي، والشهادة لله الراجل ساحر، ولطيف، ومهذب، وحبوب، واي بنت تتمناه. وقالنا انه موافق على المبادرة. 
رحنا للمستشار البسطويسي فقال لنا كلام كتبه بعد كده في وثيقة المواد فوق الدستورية، وان اهم حاجة دلوقت فك الارتباط ما بين الجيش والاخوان بإننا ندي الجيش صلاحيات اكبر ونعرض عليه عرض احسن من عرض الاخوان
رحنا لحمدين صباحي طلع فاهم الفولة، قالنا انا موافق بعدين قالنا ما معناه بس شوفوا البرادعي طاه.. قلنا له الدكتور البرادعي تمام موافق
طبعا اللي دفعنا اصلا للف ده كان بعد موضوع "جمعة الوقيعة" والخناق الفظيع اللي حصل، وفوجئنا ان الصف الوطني بيتفتت والنظام القديم بيرجع ويتحد والداخلية داخلة علينا بصدرها
المهم البرادعي سافر ولسبب ما بقى الاتصال بينا وبين اطراف في حملته. 
قلنا كده قشطة، يطلع البرادعي وابو الفتوح وحمدين مع يسري فودة يقولوا الكلمتين دولم قبل يوم 8 يوليو والله الموفق و"البوستعان" على رأي عمر سليمان، جم حملة البرادعي قالوا لنا لا.. البرادعي مش حيدعي لمليونية 8 يوليو عشان احنا مبدأنا انه لا يدعو لاي مظاهرة عشان لو طلعت صغيرة ما يبقاش شكله وحش. قلنا لهم قشطة، بلاش يدعي للمليونية، يطلع مع ابو الفتوح وحمدين يقولوا مطالب المليونية من غير ما يقولوا انزلوا المليونية.. قشطة؟ 
قشطة
بعدين الاخوان قالوا مش نازلين، فرحنا قابلنا الدكتور البلتاجي يوم الاتنين، فوعدنا خيرا.. وبصراحة الراجل ده محترم قوي ومافيش حاجة قالها لنا الا وعملها والتزم بيها، بس انا باتكلم على البلتاجي بس كشخص مش كممثل للجماعة، هو كشخص اي حاجة بيتعهد بيها بيعملها... لحد دلوقت.. والله اعلم برضه ماحدش ضامن عمره
جم بقى حملة البرادعي يوم الثلاثاء فجأتن قالوا لنا البرادعي مش حيطلع البرنامج مع يسري فودة.. ليه بس؟ اصله قافش، وبعدين هو مش معقول يطلع يركب على المليونية.. يا عم يركب ايه؟ ده حيساعدنا، المهم من هنا لهنا من هنا لهنا.. هاه هاه.. طيب حاطلع، قعدنا نرتب مع احمد رجب معد برنامج يسري، على اساس التلاتة حيطلعوا بقى، وابو الفتوح كان وراه سفرية لتونس واجلها، حمدين كان في كفر الشيخ باين وقال حيدخل بمداخلة تليفونية، ثم إذ فجأتن قالوا لنا بعد ما اشتغلنا معدين برامج كلنا انا واحمد رجب وتميم وابراهيم الهضيبي: البرادعي لو حيطلع يبقى يطلع لوحده ما يطلعش مع حد.. وقالوا كده ليسري، ثم اختفوا جميعا من حياتنا، نكلمهم ما يردوش، تميم ضغطه علي، وانا عمالة اطاردهم زي ما اكون باطلب منهم يصلحوا غلطتهم
جم يوم الاربع البلتاجي نفذ وعده والاخوان اعلنوا مشاركتهم يوم 8 يوليو
ثم فجأة ظهر بتوع حملة البرادعي قبل البرنامج بحبة صغيرين، بعد ما بقينا مش عارفين ايه اللي حيحصل، فاضطر عبد المنعم ابو الفتوح يا عيني يسافر، ثم قالوا لنا حيطلع لوحده، قلنا لهم طب بلاش يطلع بقى خالص، هي الفكرة انهم كلهم يطلعوا مع بعض، لو طلع لوحده تبقى المبادرة بتاعة البرادعي وده حيشق الصف مش حيوحده زي ما احنا عايزين
فطنشونا وراحوا مكلمين يسري واحمد، وطبعا يسري واحمد عندهم حلقة، وكانوا عاملين حسابهم على ضيوف، ودول بيكلموهم قبلها بساعة وابو الفتوح خد بعضه ومشي.. فراح البرادعي طالع لوحده، ودعا الناس لمليونية 8 يوليو بعد ما كانوا في الحملة قالوا لنا مش حيدعي للمليونية، وقال الكلام اللي اتفقنا عليه من غير الشكل اللي اتفقنا عليه، والشكل اهم من الكلام، لان الكلام كلنا عارفينه
ومافيش داعي اكمل بقى ايه اللي حصل بعد كده، انا اصلا على الكلمتين اللي قلتهم دول تميم وابراهيم واحمد رجب حيبهدلوني اني اتكلمت عشان كانوا قالوا لي اسكتي بقى مافيش داعي للفضايح
بس انا شايفة بقى ان فيه داعي للفضايح
ايها الاخوة.. انا عندي مبدأ في حياتي قلته لاحمد حلمي لما كنت باكلمه عن المجلس العسكري:
انا ما افهمش يعني ايه راجل كبير، وظابط جيش، وعلى كتفه رتب ويقول اتعهد.. ويرجع يحنث بعهده.. لو مش مكسوف من الناس، حيبص في وش عياله تاني ازاي
طبعا احمد حلمي بص لي بشفقة، وبعدين قالي: انا مش فاهم يا نوارة اللي بتقوليه ده خاااااالص.. انت اتجننتي يا حبيبتي
بس انا ما اتجننتش.. 
اللي اتجنن في مخه صحيح، هو اللي بيشتغل لحساب المجلس العسكري وبيعمل حماقات وخيانات بعلم او بغير علم عشان يسلم البلد على المفتاح لحكم عسكري مبرر وكمان بإرادة شعبية
ايه اللي السلفيين عملوه ده؟ وماحدش يطلع يقول لي ما تعمميش عليهم.. اعمم واللي منهم مش موافق على اللي حصل امبارح هو اللي ملزوم يبرأ نفسه قدامنا
احنا بعد مليونية 8 يوليو اعتصمنا مع اهالي الشهداء اللي كانوا اصلا معتصمين من يوم 24 يونيو وبعدين انضربوا واتقال عليهم بلطجية يوم 28 يونيو 
جه الاخوان انسحبوا.. قشطة خلاص هم احرار
جه الاعلام قال علينا طبل وزمر وعلاقات جنسية كاملة في الخيم
جه ممدوح حمزة عين نفسه المتحدث الرسمي باسم الاعتصام وقعد يشيش ويقول مطالب مالهاش اي تلاتين علاقة بالاعتصام
جه فجأتن الاسلاميين كلهم بربطة المعلم قالوا لنا حنعمل جمعة الشريعة، لا جمعة الارادة الشعبية، لا بصراحة بقى.. احنا جايين نطهر الميدان من الملاحدة والكفرة وولاد الحرام وعلاقات جنسية كاملة في الخيم
جم القوى السياسية اللي متضامنة في الاعتصام اتفزعت طبعا، خصوصا بعد خطبة جامع الفتح الجميلة دي، وقبلها الرويني بيقول 6 ابريل جواسيس، فاللي هو ميتين ميتين يعني
واذا كان على الموت يا ريت.. المشكلة انهم حيخشوا يولعوا في خيم الدعارة بقى ويعملوا لنا هيئة الامر بالمنكر والنهي عن المعروف 
جات القوى الموجودة في الاعتصام قعدت تجتمع وتقول: عايزين نفض الاعتصام من غير ما يبان اننا خفنا من السلفيين.. عايزين نفض الاعتصام من غير ما يبان اننا اتهزمنا.. عايزين نفض الاعتصام من غير ما يبان اننا فضينا الاعتصام
انا شخصيا مش عايزة افض الاعتصام.. عشان احنا سألنا اهالي الشهدا وقالوا لنا فضوه انتوا.. احنا قاعدين، فاللي حيمشي يبقى بيسلم اهالي الشهدا تسليم اهالي للسلفيين، وبعد ما بقوا بلطجية، حيبقوا علاقات جنسية كاملة في الخيم وحق اللي ماتوا حيضيع
قعدت اختكوا بقى تلطم وتصوت وعملت هليلة وهيصة وطبيلة، وقلت لهم بتسلمونا تسليم اهالي وويك ويك ويك ويا ولود كذا ويا ولود كذا
جه حزب النور السلفي طلع بيان وقال لا لا لا خلاص.. مش حنفض الاعتصام، احنا بس حننزل لمطالب الثورة وضد المبادئ فوق الدستورية
اهي.. ابتدت تندع اهي
جه ابراهيم عيسى قالي حاكلم خيرت الشاطر
جه ابراهيم الهضيبي كلم ابراهيم المعلم وقال له ايه بقى؟ ما تلم الناس.. فلم الناس
جات رباب المهدي كتبت بيان بالتشارك مع واحد من الجماعة الاسلامية
جم حزب النور وبتوع عبمنعم الشحات قالوا طب زودوا الغاء المطالب الفوق دستورية - والفوق لا مؤاغزة دستورية دي حاجة فاكسة اخر تلات حاجات - فقالوا لهم عداكوا العيب بس ده مطلب مش توافقي واحنا عاملين وثيقة توافقية
قالوا لنا.. طب قشطة، احنا ملتزمين بالوثيقة دي، ومش حنرفع شعارات خلافية، بس احنا نازلين ضد الفوق دستورية.. وبصراحة اكتر، ما تخافوش، لا شريعة ولا اسلامية اسلامية ولا الكلام ده.. قشطات؟ قلنا لهم قشطات.. الراجل بيتمسك من كلمته
الراجل بقى
اساسا ولا جابوا سيرة الفوق دستورية الا مرة او مرتين، وهاتك يا جعير كأنهم داخلين على قريش، وحنثوا بكل تعهداتهم وخالفوا وعودهم، وخانوا الامانة، وفجروا في الخصومة كمان وقالوا ولا نعرفكم ولا عمرنا شفناكم ولا اتفقنا معاكم على حاجة واللي عاجبه ع الكحل يتكحل واللي مش عاجبه يترحل ولو تعرفوا تلموا ناس زينا ابقوا تعالوا جنبنا
يعني الاربع خصال بتاعة النفاق فيهم.. منافقين خالصين ولله الامر من قبل ومن بعد
المكاسب من امبارح:
- انتزعنا من السلفيين اعتراف ان المعتصمين مش طبل وزمر وعلاقات جنسية كاملة ومش بلطجية وصرحوا بان المعتصمين من خيرة ثوار مصر وزادوا ان لولاهم ما كناش خرجنا من السجن - اللي بالمناسبة حترجعوه وترجعونا معاكم باللي بتعملوه ده وحسبي الله ونعم الوكيل
- انتزعنا من الاسلاميين كلهم ان المطالب اللي في الوثيقة مطالب توافقية وهم قابلين بيها وملتزمين بيها.. فيه اللي خانوا اللي الالتزام، وفيه اللي احنا مستنيين منهم موقف تعليقا على خيانة الالتزام من ناس المفروض انهم ضامنينهم.. اقصد الاخوان، الاخوان هم اللي جروا لنا السلفيين من ايدهم وقعدوهم على حجرهم في كل قعدة نقعدها معاهم مع ان السلفيين دول، وتحديدا حازم رجل الاستعراض، كانوا بيقولوا علينا خارجين عن الحاكم، ويمكن عشان كده مش سائلين في اهالي الشهدا ربما يكونوا مش معترفين انهم شهدا بالاساس مدام خارجين عن الحاكم.. ومسئولية الاخوان دلوقت انهم يا يفصلوا نفسهم عن السلفيين بدل ما يقصروا رقبتهم في كل مرة كده، يا يسيطروا عليهم، يا يدينوا موقفهم، يا حنحسبهم معاهم بقى
- الاعتصام ما اتفضش، صحيح ان واحد صاحبي بيقول لي ان فيه سلفيين قالوا له انهم زعلانين ان ما حصلش اشتباك وانهم كانوا جايين على خناقة، بس الحمد لله، ماحصلتش الخناقة، وما حرقوش الخيام زي ما بعضهم توعد، والاعتصام اخد زخم اكتر بعد الجمعة دي، اولا بسبب اللي السلفيين عملوه، ثانيا لان الخطاب الاعلامي تجاه الاعتصام اتغير بسبب محاولات التوافق
الخسائر:
ابراهيم الهضيبي ضغطه كان 150 على 110 ولو كان حصل له حاجة كنت ولعت في السلفيين كلهم وعليكوا على الثورة وعلى البلد.. حتموتوا لي صاحبي
الناس خافت، وبالذات المسيحيين، وجات لهم حالة هيستيرية، وابتدوا يخبطوا بلا مبرر، يخبطوا في بعض، ويخبطوا فينا، ويخبطوا في اي حد الا اللي خان العهد، والخوف كل الخوف ان بعضهم يروح للمجلس ويتوقع في عرضه ويقول له اقعد بقى حكم عسكري احسن من دول.. وهو المطلوب اثباته، واذا كنا افشلنا خطة فض الاعتصام مش لازم ننجح خطة الحكم العسكري تحت اي ظرف
ناس زي محمد واكد ندموا على ان كان عندهم اخلاق.. بذمة النبي ده اسمه كلام يا ناس؟ فيه حد يندم انه عنده اخلاق وبيلتزم بتعهداته؟ 
الحل:
احنا نفضل ملتزمين بمطالب التوافق الوطني.. وبصراحة بقى نبطل لهجة التعالي على البشرية، الفوق دستورية والدستور اولا تحمل في طياتها تعالي على الناس، احنا ملزمين بالمطالب التوافقية، ودي اللي مفروض نشتغل عليها، ولازم نفضل متمسكين بالمطالب اللي ماحدش يقدر يقول عليها لا حتى لو مبيت النية للخيانة، عشان يبقى هو اللي خاين
والمفروض نشتغل على المطالب دي مع الناس، وبقالي ست شهور اقول محتاجين فواعلية ينزلوا يبرموا في الشارع زي ما انا بابرم كده، ولا حماة لمن تهاتي
وممدوح حمزة يسكت بقى شوية
واهالي الشهداء يتصدروا الصورة وبيانهم هو اللي ينزل، ماحدش يتكلم باسمهم، وماحدش يتاجر بقضيتهم عشان يحقق مكاسب سياسية، وهم لهم لسان وبيعرفوا يتكلموا
ومافيش عاقل في الدنيا يندم انه عمل وثيقة توافق وطني ولم شمل، ومافيش عاقل في الدنيا يندم انه التزم بتعهداته وطلع عنده اخلاق، ومافيش عاقل في الدنيا لما يواجه ناس خونة للعهد يقوم يتخانق مع اللي ما خانش العهد.. دي هيستيريا دي
نهدا كده ونشتغل صح
الموضوع محتاج طولة بال
اليوم ما وقفش على امبارح، امبارح كان البداية، بداية محاولات العسكر للانقضاض على الحكم، يا نسيبها للعسكر يا نقاوم، والمقاومة تبقى باننا نتمسك بالتوافق الوطني والخاين يتعلم عليه ويتحاصر ويتفضح 
انا شخصيا دلوقت حاليا ما وراييش بقى شغلانة غير اني اقول على المجلس والسلفيين انهم تعهدوا بحاجات وما عملوهاش.. 
واللي عمله السلفيين مش بس خيانة للعهد، ده خيانة للبلد وللثورة وبيسلموا البلد للحكم العسكري، ولو فيهم تلاتة مش موافقين على اللي حصل يبقى يعلنوا عن نفسهم وينفوا التهمة عن نفسهم مش احنا اللي حنمشي نحسس ونعتذر
ولسه الشغل كتير
احنا مكملين في الاعتصام
وملتزمين بوثيقة الوفاق الوطني، وحنشتغل عليها، ولازم الكل يشتغل عليها في الشارع ومع الناس، انشالله تطبع ميت نسخة وتمشي توزعها على الناس
ولازم الناس كلها تعرف مين اللي خان العهد ويتفضح 
والله الموفق

108 comments:

mostafa alzanaty said...

خليهم يلعبوها سياسة بوساختها
واحنا نلعبها ثورة بنقاءها
ومنهم الله مش الهضيبى بس الى ضغطه ارتفع انا من يوم البيان (69)وضغطى مش راضى يوطى
والله الموفق

mostafa alzanaty said...

خليهم يلعبوها سياسة بوسختها
واحنا نلعبها ثورة بنقاءها
وعلى فكرة مش الهضيبى لوحده الى ضغطه ارتفع, من يوم البيان(69)والكل دماغه هتفرقع
والله الموفق

EgyptFreedom said...

أى حاجة فى أى كلام وإسمها الاااهو اكباااار إيه الهبل ده

رسامة said...

يسلم فمك يا نوارة
ربنا يحميكي يا رب

Abeer Ahmed said...

يسلم قلمك

Muhammad Abdelfatta7 said...

والبوستعان

Muhammad Abdelfatta7 said...

والبوستعان

ابن حـجـر الـعـسـقـلانـى said...

الله ينور .. واضح إن كبت السنين اللى غرق فيه السلفيين انفجر الأيام دى و مش قادرين يسيطروا عليه

بس المشكلة يا نوارة فى السلفيين إنهم مش زى الإخوان ليهم كبير .. الإخوان لما نروح نكلم كبيرهم و يتفق معانا دة يعنى بالتأكيد التزام كل الإخوان .. لكن السلفيين مش كدة .. دول شيوخ كتير و كل شيخ و له طريقة

اللى يتهم بخيانة الاتفاق هو الفصيل اللى اتفق فعلا و خالف اتفاقه لما نزل الميدان و دول على حد علمى حزب النور و الجماعة الإسلامية

شباب من السلفيين اللى أتوا من المحافظات و اللى استعدوا من أكتر من أسبوع لما يسمى بـ"جمعة الشريعة" قالوا إحنا مانعرفش بالمطالب التوافقية غير فى وسط اليوم .. و دول لا يلاموا فى شىء .. اللى يلام هو اللى ما وصلهمش المطالب دى من شيوخهم لو كانوا من اللى وافقوا على الاتفاق

أنا أعتقد إن كتير من شباب السلفيين عندهم استعداد يتبنوا المطالب الوطنية و يعملوا لها بإخلاص لو تم الوصول إليهم بشكل مباشر بعيدا عن شيوخهم

ابراهيم رزق said...

نوارة يا بطلة
كل سنة و انتى طيبة

و اوفوا بعهد الله اذا عاهدتم و لا تنقضوا الايمان بعد توكيدها و قد علتم الله عليكم كفيلا
ان الله يعلم ما تفعلون

صدق الله العظيم

بقلوب صافية ذهبت الى الجمعة و انا ارفع عبارة قالها متحدث عنهم لكى اثبت لهم ان مصر اولا و يجب ان ننحى لكنهم لم يريدوها جمعة لم الشمل و انما جمعة فرد العضلات فرد العضلات بالحشد الذى حشدوه و انا كتبت بوست عن ما حدث اسمه ديمقراطية القطيع و سياسة الترويع نعم هم لا يسيرون الا كالقطيع انا سألت كثيرون منهم لماذا حضرت هذه الجمعة و لماذا لم تحضر الجمعة السابقة كانت الاجابة موحدة لان شيخى لم يأمرنى الجمعة السابقة و قال لى احضر هذه الجمعة لنصرة الاسلام اقسم بالله هذا حدث اذا هم لم يحضروا من اجل مصر و للاسف اغلب من تكلمت معهم طلبة جامعات و خريجيها
اما الشحات فقد وقف مزهوا و هو يتحدث و يدعو اللى مش معاه الى الهداية اصبحوا هم فقط المسلمين
اما حازم ابو اسماعيل فقد ارسل ابنه ولى العهد تقريبا طفل كبير و وقف على منصة اخرى لانهم احتلوا كل المنصات

المشكلة يا نوارة مش فى التحرير و مش فى اهالى الشهداء و مش فى محاربة المخلوع المشكلة فى سؤالين وجهوا لى و لكثيرين امس لكن المشكلة لو وجهوا الى البسطاء فى نجوع و قرى مصر و هم الاغلبية الصامتة التى اصبحت مؤثرة

السوال الاول انت مش مسلم
السوال الثانى الا تريد ان يحكم شرع الله
اذا لماذا لا تنصر الاسلام
هى دى النقطة المهمة مش التحرير يولع التحرير هم سيسيطرون على مصر و احنا نايمين فى التحرير و لو مش مصدقانى أسالى جيرانك و البواب و البقال و كل واحد يقابلك دول ناس كويسين و بيوزعوا رز و اللى زيك و اللى زيى نايمين فى العسل قصدى فى التحرير

جاوبى يا نوارة يا بنت نجم
كل سنة و انتى طيبة
كل سنة و مصر طيبة

من اجل مصر حره بجمهوريه برلمانيه said...

ياعمنا عسقلاني يبقي يطلعوا يعلنوا عن نفسهم ويقولوا لا احنا ضد الي حصل من الاحزاب دي واحنا عنقعد نلف في الشوارع نقول فين السلفي الشريف الواعي يا ولاد الحلال احنا مكانا معروف في الميدان ييجوا ونتكلم بفهم ووعي مش منقادين ورا الشيوخ بتوع يعني ايه دوله مدنيه يعني امي وامك يشربوا كولا علي اخر الزمن ...ويتبرؤوا بقي من الي حصل ويقولوا مصر اولا اه والتوافق اولا والي نتفق عليه يمشي ولاعزاء للي بيفتحوا احزاب في الاوتيلات علي الاغاني

محمد على طيلون said...

فى سؤال كمان الاستاذ اللى قبلى نسى يسأله انتو خايفين من الاسلام ليه ؟؟؟؟ على اساس اننا كفرة
على فكرة بقى اللى حصل امبارح انا بحمل مسؤليته لكل القوى السياسية المشاركة والغير مشاركة الثورة قامت وكل واحد بقى رايح عايز يلحقله حته من التورتة واللى اتعك فى الناس الشباب واسر الشهداء والناس العادية اللى ملهاش فيها
نداء لكل القوى السياسية اتقو اللى حرام عليكم ولم نفسكم وتعالو على مصالحكم شوبة وغلبو المصلحة العامة والله الموفق والبوستعان

hardway said...

يا حنحسبهم معاهم بقى
.........
لسه يا نرنر فيك حيل تهددي..ولا دي حلاوة الروح...بطلي التهديد انتم مش قوة و لا حشد وليس لكم اي ارضية او رصيد مع المصريين...انت متصورة انك ومن تعرفيه علي شاكلة تميم وبلال وعيسي والهضيبي دول رصيد او ارضية تقدروا تحكموا مصر.....
انت عبيطة كده ..هي مصر هتتحكم بالطريقة الي انت حكيتيها كده..رحنا و جينا و قابلنا واتفهمنا وتعاهدنا ويجتمع الرؤساء المحتملين مع يسري والفضائية يتكلمو ا....والكل حلف والكل اتفق والكل أقر....مين دول
مين دوووووووول
انت قاعدة تسوي حلة محشي.......
عيب..عيب..والله عيب

qqq said...

ياختي اتوكسي جتك خيبة، يعني حمقاء و قلنا ماشي لكن كدابة كمان؟ طب و الله ابتديت اشك فيكي شاكلك و الله طابور خامس للجيش،و هو انا حانسى لما كنتي على الجزيرة بتعيطي و تقولي عايزين سامي عنان؟ و لا لما اللوا قعد يقوللك سيبوني مع نوارة أنا عايز نوارة، هو فين نوارة، يا كدابة نسيتي جمعة الغضب لما الناس صدقوكي إن ما مافيش مطالب غير مجمع عليها و لما راحوا كان الهتاف "الدستور أولا" "و الاخوان فين الميدان أهة" لا و بعد كدة كان أول تعليق ليكي هو "الحمد لله" و كنتي فرحانة و حتى ما اعتذرتيش للبسطاء الي خدعتيهم و اتخدوا على خوانة في التحرير، بقوللك ايه نقطينا بسكاتك و الله يكرمك متشكرين على مجهودك لحد دلوقتي و بكفاية كدة، انضمي لحزب الكنبة الله يرضى عنك و انزلي من على ودانا عشان زهقنا، و انا اللي كنت بدافع عنك واقول معلش مضطربة فكريا، مشوشة عاطفيا، طيش شباب، قلبها واكلها على البلد، و في الاخر تطلعي كدابة عيني عينك، يالا حلي شوية عن سمانا و كفاية دعاية سوداء و شغل الطابور الخامس ده و الله ما بقيت عارف انتي عايزة ايه، الله يخربيت الحشيش و اللي بيحششوه.

hardway said...

يا حنحسبهم معاهم بقى
.........
لسه يا نرنر فيك حيل تهددي..ولا دي حلاوة الروح...بطلي التهديد انتم مش قوة و لا حشد وليس لكم اي ارضية او رصيد مع المصريين...انت متصورة انك ومن تعرفيه علي شاكلة تميم وبلال وعيسي والهضيبي دول رصيد او ارضية تقدروا تحكموا مصر.....
انت عبيطة كده ..هي مصر هتتحكم بالطريقة الي انت حكيتيها كده..رحنا و جينا و قابلنا واتفهمنا وتعاهدنا ويجتمع الرؤساء المحتملين مع يسري والفضائية يتكلمو ا....والكل حلف والكل اتفق والكل أقر....مين دول
مين دوووووووول
انت قاعدة تسوي حلة محشي.......
عيب..عيب..والله عيب

mounir said...

اصدق واشجع مقالة ...الشعب المصري سينتصر في النهاية علي كل خائن

محمد نبيل said...

محاولات العسكر للانقضاض على الحكم بدأت من ساعة ما تسلموا البلد بدون وجه حق أصلا من ساعة التنحى مش من امبارح بس

متفائل said...

أحب بس أدحرج المسا وأفكرك إني تنبأت بهذا قبل وقوعه وذلك في التعليق الذي أرسلته لك ولم تنشريه .. مساء الفل يا نونو .. عشان بس تعرفي إنه لسه بدري عليكي .. لسه بدري عليكي قوي

شمس العصارى said...

طبعا لا شئ فى السياسة ثابت
يغيروا موقفهم بدون اعلام ولا اعلان
26/7 كنا مع عبدالمنعم ابو الفتوح وقال ان فعلا هو وشخصيات عامة تانية حاولوا التقريب
بس غريبة انك بقيتى مش بتحبى المجلس العسكرى مش ده كان حبيب العمر برضه ههههه

qqq said...

نوارة نسيت أسألك، اللا هو انتي بتقبضي فلوس من ابراهيم عيسى عشان البرنامج بتاعك زي ما جمال سلطان قال في المصريين؟ الله يخليكي لو فيه سبوبة أنا اعجبك و ابن بلد مخلص و اعرف اجيب القرش من حنك السبع، هو اينعم يعني تخين حبتين بس ممكن أعمل ريجيم و أبقى و لا أجدعها نجم شباك، و بعدين محسوبك حدق و يفهمها و هي طايرة و بيعرف يظبط الانتنا علي الموجة، و الموجة بتجري ورا الموجة، لو ليا غلاوة عندك كلمي لي الرفيق ابراهيم عيسى و ليكي الحلاوة بعد أول مرتب (موافق على 30 ألف يعني موش مشكلة كبداية) و ليكي علية أحليلك بقك. هة كلمتي هيكا و لا لسة؟ أنا مستني أهة.

howaida shahin said...

Ibrahim Risk,
This is what I call "Islam el Galaleeb": (by the way I am a Muslim! But for sure I do not want Egypt to be ruled by the Galaleeb!)
السوال الاول انت مش مسلم
السوال الثانى الا تريد ان يحكم شرع الله
اذا لماذا لا تنصر الاسلام
هى دى النقطة المهمة مش التحرير يولع التحرير هم سيسيطرون على مصر و احنا نايمين فى التحرير و لو مش مصدقانى أسالى جيرانك و البواب و البقال و كل واحد يقابلك دول ناس كويسين و بيوزعوا رز و اللى زيك و اللى زيى نايمين فى العسل قصدى فى التحرير

sabrafamily76 said...

المشكلة يا نوارة إن احنا كنا فاكرين إن إلي بيخطط للكلام ده كله عايزين ينفذوا النموذج التركي القائم على وضع دمية في الحكم واللي يحكم من وراها الجيش بمساعدة أمريكا .لكن بعد إلي حصل امبارح أنا أعتقد انهم عايزين يكرروا تجربة الجزائر .دعاية للاسلاميين بإسم الدين ،يكسبوه في الإنتخابات ثم يقوم الجيش بانقلاب على إرادة الناس ثم تقوم الحرب الأهلية أو ما شابهها .يا رب يكون تفكيري ده غلط لكن مشهد امبارح ده ميطمنش .

Alok Ray said...

مليونيه 8 يوليو الى انت قلتى عليها فى ناس راحت للمجلس العسكرى كلمتهم فى حاجات تانيه خالص وقالولهم احنا الى نزلناهم وهنفضل مهيجيين الدنيا لحد كلامنا ميتنفز . وبعديين للمره المليون السلفيين دول مش تنظيم علشان حد يسيطر عليهم . ياعنى لو رحتى لحد من شيوخهم وخدتى منه كلمه كلمته دى مش هيلتزم بيها غيره والكام واحد الى حواليه. وهما اساس اتحشدوا من 10 ايام علشان موضوع الهويه ياعنى الناس نازله اصلا على الى هى اتحشدت علشانه . مينفعشى قبليها بيوميين يعدوا يفهموا فى ناس مش منظميين اصلا

hardway said...

اه صحيح نسيت.. واللي بيقولوا ما وقعناش دول، هم ملتزمين بكلمة، وفجروا في الخصومة لما انكروا كلامهم معانا ومع ابراهيم وبانت نية خيانتهم
...............................
ايه يانرنر ده. . ..احنا بنلعب عريس و عروسة...وأنت ليه بتلعبي معانا يا وحشة
ياكخة.أنت ليه عايزة اننا نلعب بمزاجك انت وصحابينك في المراجيح..احنا مخاصمينك انت وصحابينك وش هنلعب تاني معاكم علشان انتم عيزين المرجيحة ليكم وبس...واحنا هنشتكي لعمو بلتاجي منك أنت يانرنر ياوحشة
..........................
أنت شميتي كولة من محطة البنزين اللي عاملين أجتماع فيها امبارح.......
أفيقي..أفيقي..أفيقي..
الناس دول لهم قيادات وكوادر علشان تجلسي بس معاها عايزة 10سنين بس علشان تحضري جلسة وبدون كلام..تعرفي الاسماء فقط

hardway said...

اه صحيح نسيت.. واللي بيقولوا ما وقعناش دول، هم ملتزمين بكلمة، وفجروا في الخصومة لما انكروا كلامهم معانا ومع ابراهيم وبانت نية خيانتهم
...............................
ايه يانرنر ده. . ..احنا بنلعب عريس و عروسة...وأنت ليه بتلعبي معانا يا وحشة
ياكخة.أنت ليه عايزة اننا نلعب بمزاجك انت وصحابينك في المراجيح..احنا مخاصمينك انت وصحابينك وش هنلعب تاني معاكم علشان انتم عيزين المرجيحة ليكم وبس...واحنا هنشتكي لعمو بلتاجي منك أنت يانرنر ياوحشة
..........................
أنت شميتي كولة من محطة البنزين اللي عاملين أجتماع فيها امبارح.......
أفيقي..أفيقي..أفيقي..
الناس دول لهم قيادات وكوادر علشان تجلسي بس معاها عايزة 10سنين بس علشان تحضري جلسة وبدون كلام..تعرفي الاسماء فقط

elzahraamegahed said...

الخطر الأكبر على الثوره هو إننا نلبس فى صلاحيات للمجلس فى المواد الحاكمه للدستور وبكده ولا أى هدف من أهداف الثوره هتتحقق وهيبقوا مشوا وما مشوش
الحل هو تكثيف الكتابه والكلام والتوعيه عن خطورة صلاحيات للمجلس العسكرى ولو هنحشد للموضع ده،
وأعتقد إن لو المجلس حقا وصدقا مشى من غير ما ياخد صلاحيات وجه رئيس منتخب وحكومه منتخبه هيبقى الضغط عليهم لتنفيذ مطالب أهالى الشهداء والثورة أسهل كتير،

أهم مطالب الثوره دلوقتى هى إن المواد الفوق دستوريه ما يبقاااااااش فيها صلاحيااات للمجلس أهم من أهالى الشهدا كمان لأنه لو حصل ولا أى حاجه هتحصل ويا ريت أى اعتصام أو مليونيه يبقى ده من أهم شعاراتها وأهدافها

elzahraamegahed said...

أهم مطالب الثوره دلوقتى هى إن المواد الفوق دستوريه ما يبقاااااااش فيها صلاحيااات للمجلس أهم من أهالى الشهدا كمان لأنه لو حصل ولا أى حاجه هتحصل ويا ريت أى اعتصام أو مليونيه يبقى ده من أهم شعاراتها وأهدافها

mohamed ragab said...

يارب

mohamed ragab said...

برضه انا متفائل

mohamed ragab said...

برضه انا متفائل

mohamed ragab said...

يارب

mohamed ragab said...

يارب

samysalah7 said...

يا نوارة السلفيين ما خانوش العهد بس هم كده زي الأطفال اللي في قلبهم على لسانهم على سجيتهم وكمان عشان كتار جداً بيبقى صعب السيطرة على الجمع كله.وكمان هما بيمثلوا نسبة كبيرة جداُ من الأغلبية الصامتة لأن الأغلبية الصامتة ديه هي ياإمة سلفية يا إمة صحبهم يا معارفهم يابيتأثروا بيهم عشان كده أي مليونية عايزين تكتيروا فيها العدد أدعوا السلفية. على فكرة اللي شفتوهم في التحرير دول عينة بس والله أنا ما ببالغ، الجو لو حلو شوية ولو الناس كانت عملت شغل شوية كمان كنتي هتشوفي مصر كلها ميدان تحرير. وعلى فكرة أسلوب كلامك عنهم وعن المسيحيين مزعلني قوي لأنهم هما اللي يستحقوا تتكلمي عنهم بالشفقة اللي إتكلمتي بيها عن المسيحيين، السلفيين فيهم كتير إتظملوا في عهد المخلوع وقبله وطلع عنيهم في أمن الدول والسجون ولولا دعاهم ليكوا يمكن مكنتوش ربنا وفقكم والثورة بقت ثورة وليها أهداف وتحقق بعضها لحد دلوقتي أرجوكي راجعي نفسك في موضوع السلفيين لأن أي حاجة السلفيين براها يبقى أنتي بتخسري جزء كبير من الشعب المصري وجزء طيب ونقي وعلى نياته قوي وجدع وبينفع وقت الشدة والله ... والله الناس ديه جدعان أقوي بس كل همهم يرضوا ربنا ويطبقوا شرع ربنا ومش عايزين يفوتوا الفرصة زي الإخوان ما فوتوا الفرصة بتاعة الثورة اللي فاتت مع عبد الناصر.. هما بيفكروا كده. أخيراً يا نوارة ما ترميش طوبة السلفيين هما دول اللي بيجروا على الموت وقت تقهقر الناس عندما يحمى الوطيس لأنهم بيبقوا شايفين الجنة قدام عينيهم ولإن عيشتهم كده كده ممررة فما فيش حاجة يبكوا عليها. مرة أخيرة راجعي نفسك في هؤلاء الرجال وأعرفي إزاي تتعملي معاهم هتكسبيهم

haroon said...

يمكن تعليقي مالوش علاقة باساس وصلب الموضوع بس ياريت بلاش تعبير ( والله الموفق والبوستعان ) لان كلمة المستعان المقصود بها الله عز وجل فلا يجوز ان نحرفها الي البوستعان ...حتي وان كان عمر سليمان بينطقها كدة ...وشكرا

kiki said...

What about the saudi arabian flags??? who's the schmuk who did that?

utopia said...

اعتقد ان ما فيش وقت للاسف قبل الانتخابات عشان تنفيذ مطالب اكتر
اعتقد دلوقتى الضغط يبقى لتعجيل الانتخابات ورفض اى وثائق او مواد دستورية لتمييز اى فئة فى المجتمع بما فيها الجيش والضغط عشان حبس مبارك والظباط قتلة الشهدا بما فيهم القناصة حتى ولو حبس احتياطىوجعل الدستور بعد انتخابات الرياسة عشان نخلص من مجلس البلاوى اللى عمال يوقعنا فى بعض ده؟؟؟ اه وياريت نلغى من حساباتنا الاحزاب القديمة اللى شعبيتها فى الشارع مالهاش لازمة وماوراهمش غير الفرقة زى حزب سىء لبلوى وساويرس والتجمع والناصرى والل الحركات الشبابية لها مصداقية عنهم فى الشارع
بس بجد كنت متوقعة من السلفيين ايه انتى عارفة ان اغلبهم كده للاسف..

torero said...

يا نوارة " على بن ابى طالب اتهزم من معاوية عشان كان شريف وهو بيلعب معاه سياسة وحرب و الحسين اتقتل عشان لعب سياسة برده بشرف مع يزيد بن معاوية ولغاية انهارده احنا عايشين مشكلة بقالها اكتر من 60 سنة فى حكم العسكر
قصدى من ايام معاوية و حتى الان.

يا نوارة قنصوه الغورى اتهزم من سليم الاول عشان لعب سياسة بعبط وانه فاهم انه بيتبع سنة رسول الله لما مارضيش يسلح جيشه ببنادق وقال لازم احارب بسلاح رسول الله و كان يقصد السيف والرمح والاسلحة البدائية في حين ان فى الوقت ده كانت البنادق كانت تسليح الجيوش الحديثة
يا نوارة انتوا غيرتوا البلد بالتكنولوجيا ولا يصح ان تنهزموا امام فلول السلفيين او اى حد فانتم الاعلى منهم وانا واثق فى ذكاءك وانشاء الله تنتصرى عليهم
يا نوارة مصر محتاجة لك وللشرفاء امثالك والشعب واقع فى عرضكم انقذوه من الاغبياء حتى لو لبسوا عباءة الدين ومن الذين صنعتهم القتل و الطعان على راى عنترة بن شداد
وربنا معاكو
ونصر من الله وفتح قريب

omar said...

المهم كل واحديطلع يقلك انا مش ضد الشريعه وكلنا مع الشريعه
طب لما كلنا مع الشريعه يبقى ايه المشكله
معنى كده ان الهتافات انبارح كانت توافقيه
لكن للأسف مش دى الحقيقه وبتفكرنى بقصه صغيرهكلكم يبكي فمن سرق الكتاب ؟ ؛
ــــــــــــــــــــــــــــــ​ـــــــــــــــــــ

يروى أن واعظا وعظ الناس في مجلسه حتى بكوا جميعا،،

فلما انتهى وأراد أن ينصرف وجد أن كتابه قد سرق !!!

فنظر في وجوه الحاضرين فإذا كلهم يبكي !!

فقال: كلكم يبكي فمن سرق الكتاب ؟ !

هكذا حالنا مع الشريعة !

أينما يممت وجهك وسألت الناس عن تطبيقها قالوا هذا عين ما نريدة !!

فلماذا إذا لا تطبق، وهم هم الناس ؟؟

الجواب ؛ أن بعضهم يقول بلسانه ما ليس في قلبه ولا شك ، فانتبه !!

وبعدين الدكتور عمرو حمزاوى قال ان السلفيين ممضوش اساسا
يعنى مفيش خلف وعد
والشعب يريد تحكيم شرع الله

Ehab said...

كلنا عايشين فى مرحله الشك فى العسكر والشك فى الفصائل الاخرى وحلها م ش حا يكون الا بالانتخابات ...... الانتخابات هى الحل لرجوع كل واحد الى مكانه

يا نواره ::: المظاهرات خلصت ... والحل دلوقت الحل السياسى عن طريق تشجيع حزب معين والوقوف وراءه ... تصدقى بالله انا معجب برجال 6 ابريل .. لكن ما عرفش ايه الطريق لانهم يدخلوا الحكم .. ماعرفش لهم حزب .. حا يفضلوا طول حياتهم يعتصموا ويعملوا مظاهرات .. الثوره خلصت والبدايه انهم يتلموا فى حزب
..فين بقى الحزب

ملكش دعوة said...

بصي يا ست الكتكوته .... اذا كان اللي عملوه السلفييين مش عاجبك... عدي ..عادي بأه منتي سكتي علي الجرس والفضايح بتاعه اخونا النصاري في ماسبيرو ... مع انها تصرفات ترقي لمستوي الخيانه العظمي وبدل ما تنقضيهم اعدتي تنوحي عليهم وتهرتلي بكلام لا يسدكه عقل
وبعدين اذا كانوا خلفوا الوعد فهم معزوريين طيب ما باقي القوي الوطنيه عملت زيهم لما نزلوا ينادوا بالدستور اولا رغما عن اراده الشعب ... وكان عادي ...
وبعدين اذا كانوا غلطوا فالغلط مردود هما مطلبوش حمايه دوليه ... دول كانوا بيأيدوا العسكريين لانهم شافوا انهم هيكونوا ارحم من غيرهم اللي عايزينها علمانيه برجوازيه... ملوخيه خلي قلبك كبير زي ما بتعدي لدول عدي لدول
بس عجبني انك غيرتي رايكم في البلتاجي بعد ما كنتي بتقولي بصراحه الراجل ده مبطقوش
شوفيت بأه ان اللي يمشي وراكي يتعب....انشري وحياه الغالي لتنشري

DIY CNC said...

جمعة الأمس بداية النهاية لجميع
استعدو للنموزج الباكستانى
انا حبطل تعليقات
انا حشوفلى سبوبة اعملها
انا بكره مصر
وبكره المصرين
ربنا يولع فيكو بجاز وسخ

Dr.issamo said...

ارتكبوا حماقة كبرى برفعهم هذه الشعارات وخروجهم عن الاتفاق
ببساطة لقد خسروا المصريين
وخسر الاخوان معهم ايضا

Ahmed . M . Abdulrahman said...

اه اه اه اه

مش عارف اقولك ايه

او مش لاقى اقولك ايه

الصور ابلغ من الكلام

الى حصل امبارح دخل تحت بند " الفُكاهة المره "

مسخره

نازلين لبسنلى جلاليب مزيته و قصيره ع شباشب حمام

وكل واحد دقنه قدامه ولا قرون الاستشعار

سيبك من الشكل احنا فى دوله ديمو قراطيه

ينفع ناس محترمين ينزلوا شيلنلى اعلام سوده مكتوب عليها لا الله الا الله
والشعب يريد تطبيق شرع الله
و الشريعه فوق الدستوريه

هم فاكرين نفسهم فين

فاكرين نفسهم فى كابل

ولا فكرين نفسهم فى غزوه الميدان

مهى اصلها سايحه

انتى عاوزه الناس دول يتصلح حالهم ازاى ويفوا بوعدهم وفيهم واحد زى

ابو اسحاق الحوينى
الى كان عاوز يرجع زمن النخاسه و تجاره العبيد

والاخ التانى بتاع غزوه الصناديق

و د/ حازم شو مان

شيخ الايدز الاول

زى مبيقول " بوحه " راجل مبالغ فيه

راجل شو صحيح

داغير الفتاوى العجب الى بسمعها

واحد بيقولك يجوز اكل لحم الجن

لا الله الا الله

الله هم ثبتنى على هذا الدين

بيقولى لحم الجن

هو انا عارف اكل لحم حمير علشان اكل لحم الجن

دا غير الاستاذ الى بيقولك ان الديموقراطيه من افعال قوم لوط

البقاء لله

خلاص دى ناس مفقود فيها الامل

انا ك مسلم برئ من الناس دى

انا مسلم بس

مسلم حاف

مسلم خالى من الدسم

مسلم بدون اضافات

مسلم ساده

مسلم أورديحى

انا مسلم لله لله لله

انا مؤمن لله لله لله

انا حر و دماغى حره


ونشكر السلفيه الوهابيه على الافصاح عن نفسها

ونعدهم بحمله تطهير و غسيل مخ

علشان المجتمع مش مستحمل + انهم اساساً مغيبين

انا اسف ان كنت تطاولت كثيراً او استخدمت الفاظ بذيئه

بس انا خلاص اللمبه الحمره نورت عندى

و العددات قلبت

وحاسس انى " اوفر لود "

حرام بجد

دا ميرضيش ربنا

دحنا لو كفار مش حيعملوا فينا كده

الخلاصه

اثبتى و تشبثى بالشعب

نحن مجمعون على مطالب الاجماع الوطنى

ولن نتنازل عنها

ولى مش عاجبه يروح .....انتى عارفه يروح فين

يروح اسلام اباد

والخلاصه

متحطيش ايدك " النضيفه " فى أيد وسخه

ربنا معاكى و معانا و مع الشعب

وبعتذر مره اخرى عن الالفاظ

وسلام مؤقتاً يا نواره
___________________________
http://misr25jan2011.blogspot.com

Mortada Shendy said...

أعتقد الآن أن كل الأحزاب الليبرالية تفكر مليا فى نتائج مصيبة جمعة الهوية التى حلت فوق رؤسهم حزب حزب .. فرد فرد

Mortada Shendy said...

أعتقد الآن أن كل الأحزاب الليبرالية تفكر مليا فى نتائج مصيبة جمعة الهوية التى حلت فوق رؤسهم حزب حزب .. فرد فرد

Mortada Shendy said...

وانا على حدود علمى أن نتائجها كارثية على مخططاتهم .. أولها أنهم لن ينجحوا فى ما يسمى بمليونية لأى غرض بعد ذلك من الآن فصاعدا خاصة فى ظل رمضان وبعد العيد ستبدأ الانتخابات .. مصيبة .. زحلقتين اتزحلق فيهما الأحزاب الليبرالية .. موقعة العباسية وموقعة الهوية السلمية الإسلامية .. خسارة إبريل لقد كنا نحبكم ونتعاطف معكم أنت ومن كل من فى الميدان .. بس إنساحبكم البارحة فصلكم عنا تماما .. إبريل .. إنت طالق بالتلاتة

Mortada Shendy said...

أعتقد الآن أن كل الأحزاب الليبرالية تفكر مليا فى نتائج مصيبة جمعة الهوية التى حلت فوق رؤسهم حزب حزب .. فرد فرد .. وانا على حدود علمى أن نتائجها كارثية على مخططاتهم .. أولها أنهم لن ينجحوا فى ما يسمى بمليونية لأى غرض بعد ذلك من الآن فصاعدا خاصة فى ظل رمضان وبعد العيد ستبدأ الانتخابات .. مصيبة .. زحلقتين اتزحلق فيهما الأحزاب الليبرالية .. موقعة العباسية وموقعة الهوية السلمية الإسلامية .. خسارة إبريل لقد كنا نحبكم ونتعاطف معكم أنت ومن كل من فى الميدان .. بس إنساحبكم البارحة فصلكم عنا تماما .. إبريل .. إنت طالق بالتلاتة

Mortada Shendy said...

نجاح أمبارح فوق فوق ما كنا نتصور .. عشان كده كلهم كانوا عوازين يخلوها جمعة الوحدة .. وجمعة لم الشمل وجمعة الإرادة الشعبية .. لخوفهم من أن تتحول غلى جمعة الهوية الإسلامية مما جعل كل الأحزاب الليبرالية تفر من ميدان التحرير حتى لا تتلطخ بالشعارات الإسلامية فتخسر بعد ذلك الدعم من الدول الأجنبية .. شوفت بقى التحليل دا .. والله لقد ألقاه الله على قلبى الآن وكتبته .. وهذا لن تجده فى أى قناة ولا جرنان ممن يبحثون عن تفسير لما حدث أمس

Mortada Shendy said...

وعلى فكرة كان فى تنديد إمبارح كتير بالتباطؤ العسكرى ومطالبين بحق الشهيد والدليل ه1ا الرابط : http://www.youtube.com/wat​ch?v=KkNpbm7aiCY&feature=p​layer_embedded#at=18

Mortada Shendy said...

واتهموا البارحة أن السلفيين وسخوا الميدان .. بصوا بقى ما نقلته شبكة رصد: http://www.youtube.com/wat​ch?v=ktu4SYe5hcg

Mortada Shendy said...

يا ريت يا نوارة تبقى شجاعة وتنشرى كل التعليقات اللى بعتها ليك وعلى فكرة انا مش سلفى ولا إخوانى .. انا مدرس أول ألمانى

Dr.issamo said...

كان الجميع ينحدرون بقوة و بسرعة الى الهاوية

حدث الانقسام والتفتت بين المصريين

واتسعت الهوة بين الجيش والشعب

ثم جاءت موقعة العباسية لتشعل النار في باقي الثقة الباقية

ثم تشنج الاصوليون واستعدوا للمواجهة

ولكن بقدرة قادر !!!!؟

نعم انها قدرة الله وعنايته فقط

أن تتنظم الجمعة التالية لتكون جمعة وحدة وتوحد بدون اي بادرات !!! ما كل هذه الحكمة التي يحملها الثوار

وكانت الجمعة الحاشدة المهيبة التي أفقدت العدو توازنه ويأس أو كاد من محاولات شق الصف

ولم يكن ما حدث من لافتات خارجة عن الاجماع الا كل خير

فقد ارتكبوا حماقة كبرى برفعهم هذه الشعارات وخروجهم عن الاتفاق
ببساطة لقد خسروا المصريين

ان الله لا يهدي كيد الخائنين

هراء لا داعى له ..... said...

من باب الأمانة بس الإخوان المسلمين مش مسئولين عن هبل السلفيين

لإنهم أصلا صعب السيطرة عليهم

ياسر كامل said...

انتى فاكرة ان السلفيين دول يعنى
مجرد ناس مختلفين عنا فى الفكر
لالالالالالالالالالالالالالالالالالالا
دول ناس مختلفين عنا فى الاهداف يا ماما
والحقيقة اللى لازم السلفيين يعرفوها عشان يتحرق دمهم
ان المسيحيين كانوا اكتر منهم فى الثورة
هههههههههههههه
لان السلفيين لم يشاركوا لان الخروج على الحاكم فتنة
ولا نسيتوا؟
وربنا جاب النصر على ايدين غيركم
بس انتى يا نوارة خلى عندك مبدأ
يعنى مينفعش مرة تهاجمى السلفيين
ومرة تلجأيلهم
ده انتى معملتيش كدة مع النظام السابق
فيه ايه؟
والله يا شيخة ان السلفيين دول انتهازيين
انا اعرف ناس راحوا فى اتوبيسات السلفيين المدعومة طبعا
وطلعوا من عندنا من سوهاج
رغم ان الناس دى قبل كدة كانوا فراااااااااااااااااخ
دجاااااااااااااج
باك باك
لكن تقولى ايه فى الوساخة
عالم تقرف

hayat ank said...

بصى انا اقدر لكى مجهودك بس مين يضمن اى حاجه من الى انت بتقوليه انا اوقع على وثيقه عارفه ان مفيش اى ضمان لتحقيقها لا بقى الدستور اولا احسن حتى يضمن بان السلفيين والاخوان ما يخطفوش البلد ولا يخوفونا وبلاش الجيش يبقى الضامن الضامن هو القضاء دا بعد ما ينضف ان كان باينله ضمانه بس كمان انا عندى احساس انك ما بتقريشتعليقات الناس على بوستاتك انا عارفه انك مش فاضيه وعلى طول بره بس مش شايفالك اى تعليق كده فى النص زى ما كنتى بتعملى قبل كده لانك لو بتقرى كنتى سمعتى الكلام من زمان لما ضيعتى كام شهر وانتى عماله تلاقى اعزار للمجلس السنكرى واحنا نقولك لا وانتى مصممه على الى انتى فيه وبرضوا على تويتر انا شفت تامر موافى اولامبارح بيقولك لا مش هايحصل وانت برضه مصممه تمشى فى الطريق لللاخر انا عارفه ان كلنا سنه اولى سياسه ولازم نغلط علشان نتعلم الصح صحمافيش حد عنده حل للى احنا فيه بس عايزه اقولك كراهيه الناسفى الشارع للى فى التحرير لانهم مش بيقولوا ان فى ثوره بيقولوا بتوع التحرير كل يوم بتزيد

صلاح الدين said...

إخص عليك وعلى زير النسوان الحشاش اللي جابك
إخص عليك وعلى زير النسوان الحشاش اللي جابك

mohamed samy said...

ربنا يهديكى
من سابه اباه فما ظلم
كنت بحسب المثل صحيح"اقلب الإدرة على فومها تتطلع البنت لأمها" لقيت البت طلعت لأبوها وعمالة تخترع ..لأ وايه بتفنن فى دين ربنا وتفسروا على مزاجها..طب ياريت تردى على السؤال ده..هو ربنا م زعللك فى ايه عشان متوافقيش على شريعته؟

Anonymous said...

فعلا ان لالله لايهدي كيد الخائنيين ياخاينة انت وامثالك لن تحقق خياناتكم لمصر ماترمون الية انتم واعداء مصر فالله حافظ مصر وسيعلم الظالمين اي منقلب ينقلبون ياة فكرتيني بابوكي سب عبد الناصر وشتم السادات وسب مبارك يعني ابوك دة ملاك من السماء ولا حشاش عيبنا في مصر ان الراقصة تتكلم في الحلال والحرام وكانها الشيخ الشعراوي ويتكلم الحشاش ويخوض في اعراض الشرفاء

M_A said...

قال تعالى " فل موتوا بغيظكم" ان شاء الله مصر ستظلها الشريعة الاسلامية ... انا عايز اسأل سؤال ... هو ربنا عملكوا ايه عشان ترفضوا شريعته ؟؟ .. وهل دستور حاطه انسان المعروف بالنقص هيبقى زي دستور حاطه الخالق سبحانه وتعالى الكامل ؟؟!! وفى النهايه احب اذكركم بقوله تعالى "فلا وربك لايؤمنون حتى يحكموك فيما شجر بينهم ثم لا يجدوا فى انفسهم حرجا مما قضيت ويسلموا تسليما "

Talaat said...

رغم غضبي مما فعله "السلفيون" إلا أنني مقدر لتلك "الغشومية" السياسية. هؤلاء ليس لهم باع في السياسة "أو حتى الكياسة" كالإخوان، وهم أيضا جوعى لعدم المشاركة في العمل العام منذ عصور مضت، وكل همهم كان إعلان حرب على الإخوان "المبتدعين" وعلى من يخالف "الحاكم" بدعوى وجوب عدم الخروج عليه. علينا نحن الآن تجنب النقاط الخلافية، ومحاولة إشراك "السلفيين" في صناعة القرار الثوري بصورة فعلية حتى يتعلموا تحمل جزء من المسئولية وبالتالي تعلم لغة الخطاب السياسي، مش خطاب الأوس والخزرج.
ملحوظة: لي تحفظ شديد على استخدام لفظ "السلفيين" لأن المصطلح فضفاض جدا بصورة يصعب معها تحديد تيار بعينه (كل المسلمين سلفيون)، وثانيا لأني أرفض المشاركة في العمل السياسي على أساس تمييز ديني (وهذه ملاحظتي على الإخوان أيضا). وأنا على فكرة مسلم سني وأعتز بديني جدا، ولست لبيراليا ولا علمانيا "بالمعنى الذي يفهمه السلفيون"، يعني ببساطة كده أمي لابسة حجاب!!!

Talaat said...

I forgot to say "Thanks" Nawwarah for all that you do, I wonder if the whole team of persons like you, Tamim and Ibrahim al-Hudeiby can work towards establishing a political party, as that may help in concentrating and circulating your noble efforts among the public. I also promise I would join that party.

saranagi said...

ياا نوارة انا دمي بيتحرق من اليوم الاستفتاء الغبى دة و جبولي السلفين الضغط و انا لسة صغيرة و بصراحة الغلطة غلطة اللي رااح تعب نفسه و اظهر اللبرالين بشكل ضعيف و كاننا خايفين منهم هيعملونا اية هو في اكتر من تحريمهم الخروج علي الحاكم ايام ما كنا بنتسرق و ناس بتموت من التعذيب انتى منتظرة من دول اية اساؤا للاسلام و للثورة و الرسول و السلف الصالح بريء منهم

المهندس said...

سنقيم دولة اسلامية ترتكز على .. الكذب .. والخداع .. والانتهازية
http://kashfhesab1.blogspot.com/2011/07/blog-post_29.html

يا ريت تنشريها يا نوارة

mido said...

انا مش اخوان ولا اى حاجة تانية
بس اللى ملاحظة ان الاخوان فقط هما القوة المنظمة اللى ليها كلمة على افرادها فى الجماعة وليهم مصداقية عند كل الناس وليهم ثقل وكلمة على المجلس العسكرى ومؤثرين فى الناس وكمان لما بيتكلموا او يوعدو بيحترمو كلامهم
لكن السلفيين كانو مخترقين من امن الدولة وفيهم ناس من امن الدولة للآن ومالهمش كلمة عند الناس فى الشارع ومالهم قيادة موحدة وكل شيخ فيهم ليه اتباع بيسمعو كلامه ومافيش توحيد ليهم بإسم السلفيين
الجو كده بيتجه ان الناس والسياسيين كمان هايحطو ثقتهم فى الاخوان واسهمهم هاتعلى

thirteenoclock said...

لم ارى فى كتابات ن.ن هذا الكم من التناقض فى "مقال" واحد .. اههوا ده التهييس بجد .. تؤكد الكاتبة ان احد كبار العلمانيين و ممثلى الليبرالية (البسطويسي) حاول رشوة المجلس العسكرى بنصوصه الفوق دستورية اى انه و من معه حاولوا تسليم البلاد للعسكر لاجيال قادمة و ذلك قبل 29\7 بكثير ثم تقول فى نفس الوقت ان ما فعله السلفيون سيؤدى الى " ان بعضهم يروح للمجلس ويتوقع في عرضه ويقول له اقعد بقى حكم عسكري احسن من دول" .. هما عملوا كده خلاص و كل جهدهم موجه فى هذا الاتجاه اومال هوه ايه موضوع فوق الدستورية ده و ليه الاسلاميين قرروا يخرجوا من القمقم ..و بماذا نفسر اذن مطالبة المجلس العسكرى بتأجيل الانتخابات و الاستمرار اى تأجيل تسليم السلطة لمدنيين لا يمكن الا ان يكونوا منتخبين (مهو يا عسكرى بالدبابة يا مدنى بصناديق الاقتراع.. ما الذى يدفع العسكرى لاعارة دبابته لمدنى غير منتخب يتسلم بها السلطة عشان راجل ساحر، ولطيف، ومهذب، وحبوب، واي بنت تتمناه) و هم يخشون ان تحصل القوة الاسلامية على اغلبية فى الانتخابات و لكن عندما ادركوا تعذر التأجيل لأن مصر اصبحت مثل لبنان بلد فيها "استحقاقات" و الاستحقاق الانتخابى لا يمكن تلافيه( ينسى البعض ان ثورة شعبية قد حدثت) فوجدوا انه لا مجال الا الاتاتوركيه فاذا كنا لا نستطيع استعارة الدبابة فلتبقى اذن مع العسكر هى و الدولة اذا وقفوا فى مواجهة الاسلاميين (و هم يتوهمون ان العسكر قادرين على استخدام دبابتهم متناسين ان العسكر يحكمون الان بشرعية عدم استخدامها) .. و قد تجنب الاسلاميون الظهور منذ بداية الثورة حتى لا يستعدوا الخارج عليها (و يمكر الله) و ذلك طالما مشى المجلس العسكرى على الصراط المستقيم و لم يظهروا الا عندما اشتموا رائحة انحراف المجلس اولا بتأجيل الانتخابات (و قانونها) و ثانيا و هو الاهم عندما اعلن المجلس موضوع "المبادئ الحاكمة" و ما فى ذلك اما من نية مبيتة او رضوخ ل"مطالب مالهاش اي تلاتين علاقة بالاعتصام" طالب بها و بغيرها صاحب او اصحاب اكبر خيمة و منصة فى اعتصام فى جانب منه يستخدم ببعض النجاح دم الشهداء للحشد و الايحاء بالفوضى (و من هنا عداء بعض الاسلاميين للاعتصام بصرف النظر عن صحة ذلك) .. و لكن عندما وصل الامر ان يشير صراحة المجلس العسكرى عن نية للاخذ بفوق الدستورية من هنا وجب التحرك الاسلامى لدرء اكبر فتنة و خطر استراتيجى على الثورة و مستقبل مصر و هى تلك المبادئ فوق المؤخذة لانه ليس من شأن دستور و نظام كهذا (فى ظل الحالة التى اوصلنا اليها السادات و امتداده مبارك و استمرار اختلال التوازن التكنولوجى) إلا إعادة انتاج "الازمة" بين الدولة و الشعب .. اى اجهاض اهم منجزات 25 يناير و هى فتح الباب لكى تكون الدولة معبرة و متناغمة مع شعب من المواطنين على عكس الوضع السابق اى وجود دولة متسلط و رعايا لكل منهم هويته و مصالحه و حسابته (المتضاربة) .. و يمكن تخيل حجم المعاناة التى ستحل على الملايين من ابناء مصر بل الامة من جراء ذلك ناهيك عن الحاجة لثورة اخرى لا يمكن ان تكون سلمية فى ظل لاءاتهم الفوق دستورية المريضة .. هناك صراع صراععععع على مصر مصر ام الدنيا .. انسوا بقى التوافق و الاجماع و " الاستجابة للمطالب" و الاوهام دى ..الحقوق لا تأخذ بمطالبة من لا تثق فيه ان يغير نفسه و يصلح نفسه بنفسه الحل فى العمل على نقل السلطة للشعب و ليس اعاقته و وضع قيود و وصايا عليه و هو ما خرج الاسلاميين من اجله و ما كانوا ليخرجوا الا بذلك الشكل و لمن يتوهم غير ذلك هذا هو الواقع و على الجميع التكيف معه .. و اخيرا على الاستاذة نوارة ان تتوب و تعتذر عن سقطة "تفجيير!!" و السلام على من اتبع الهدى

بذل الخير said...

الأخت أولا فاكرة نفسها ظريفة جدا جدا ودمها خفيف ومحسسانا انها اللى بتعمل كل حاجه فى البلد والمركز الرئيسى للاشعاع الثورى والوكيل الحصرى له

أما الغدر والتوافق فقد اتفق من اتفق على ألا يُمس أحد ولم يُعتدى على أحد
اتفقوا على عدم الهتافات المفرقة لم يقم هتاف واحد ضد المسيحيين مثلا
لم يقصوا أحد بل دعوا للاحتكام الى صناديق الانتخاب

أما اذا كان الله اكبر واسلامية ..اسلامية تفرق فهذا فراق بيننا وبينكم

وأما الخيانة
قال تعالى: يَا أَيُّهَا الَّذِينَ آمَنُوا لا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ [الأنفال:27]

فاللهم افرق بيننا وبين من ابغض شرعك اللهم من كان أخوننا لك سبحانك ولرسولك صلى الله عليه وسلم ولدينك فأرنا فيه عجائب قدرتك

واعلموا يافجار الخصومات أننا لانريد حكم العسكر فليس الاسلاميين من دعا لمد المرحلة الانتقالية , وتنصيب المشير رئيسا , وتأجيل الانتخابات للتضييق على الاسلاميين ولو باعادة الديكتاتورية.

kbahey said...

اكبر خطر دلوقت هو ما يبدو انه نية المجلس في البقاء، او ان يكون له سلطة لانقلاب على حكومة مش عاجباه

المبادئ الفوق دستورية مافيش فيها مشكلة بشرط انها تطرح لحوار، و لا تعطي المجلس او أي طرف ميزة خاصة او سلطة خاصة

اهم شئ ان النموذج التركي اللي بيقولوا عليه دة تركيا نفسها بطلت تستهمله من ييجي 12 سنة

الاشكال في ناس بدأوا يخافوا من الاسلاميين و يقولوا الجيش احسن، كالمستغيث بالرمضاء بالنار

دة اكبر خطر دلوقت

لازم نمسح الفرض دة من مخ الناس بكل الوسائل و نفكرهم باللي حصل في الجزائر سنة 1992، و توابعه من عنف و قتل و فوضى بجد

و ان دة بيعيد انتاج ديكتاتورية العسكر اللي عانينا منها 60 سنة
و ان المستفيد هو امريكا لان اسهل لهم يتعاملوا مع ديكتاتور احسن من ارادة شعبية حرة

الوسيلة هي اننا نرفض اي محاولة للنموذج التركي سابقا

و ان المجلس يقدم خارطة طريق زمنية واضحة، بكل الخطوات و اية قبل ايه

و ان المجلس لا يصدر اي قانون الا بحوار جدي و تعديله بناءا على الحوار، مش طسلقة زي قانون الاحزاب و قانون مجلس الشعب

Abu Marwa said...

بذمتك مش مكسوفة من نفسك وانتي بتقولي البرادعي موافق وبعدين اتصلنا بيه لقينا مسافر - حلو قوي الرئيس الترانزيت ده وحلو قوي الكلام غير اللائق يامحجبة ويامتدينة ياريت لسانك يتحجب يعني يقول التي هي أحسن

حاجات جوايا said...

تمام يا ريسة
يا بنتى انتى لو مرشحتيش نفسك فى مجلس الشعب انا هعمل وقفة واعتصام
ربنا يعديها على خير

بالنسبة لكلامك عن حملة البرادعى احنا كنا عارفين ان د البرادعى جاى مع يسرى فوده قبلها بيومين وعاملين ايفنتات عالفيس يعنى مش فجاة ولا حاجة


بس فعلا كلامهم صح ان البرادعى مكانش عايز يركب عالميليونية .. لأنه حساس اوى فى النقطة دى .. مش بيحب حد يقول عليه مخلص ومنقذ .. مش بيحب حد يقول عليه مفجر الثورة .. ده غير انه فى لقاء يسرى فوده اول سؤال يسرى سألهوله هتنزل الميدان قاله لا .. انا كان دورى الاول انى انزل عشان اشجع الناس لكن دلوقت الناس عرفت طريق الشارع مش محتاجينى وانا عندى اسبقيات تانية زى تنمية الاقتصاد وعودة الامن والكلام ده .. بس بدعو الناس انها تنزل للحفاظ على مطالب الثورة

يعنى كلام فى السياق مش دعوة متعمدة وموجهة


ما علينا
المهم انى بحييكى جدااااجدااا جداااا على دورك الوطنى المخلص الجميل ربنا يعينك ويقدرك يارب انتى وشرفاء الوطن ومصر ترجع على ايديكوا وايد شبابها الواعى عروسة .. وربنا يحفظها يارب


كل سنة وانتى طيبة يا نوارتنا
رمضان كريم

احلام جوليا said...

النبي عليه افضل الصلاة والسلام قال للصحابة انه في اخر الزمان ياتي جماعات تدعو الى دين الله بضع وسبعون شعبة كلهم في ضلال الا قلة منهم ونصح من يوجد من المسلمين في عهدهم ان يبتعد عنهم ولا ينضم الي اي منهم وعندما سئل عنهم قال انهم سياتون في زمن كله نزاعات وحروب وقلاقل واظن ان الجماعات الدينية في مصر هي المقصودة هي نذير يوم القيامة الاخوان سبق وخانوكم وكذلك السلفيين لذلك حذرتك من قبل يا نواره وقلتي انك عارفة انك حتتشتمي وانك بتعملي الصح وانهم معرفش مكنوش فاهمين صح وانا بقولك انهم فاهمين صح وفاهمين صح قوي كمان بس بيستعبطوا عن تعمد الخاين لا يؤمن له يا نواره هم واثقين في نفسهم لانهم ماسكين ال 65% من الشعب المصري والي هم نسبة الفقراء والجهلاء في مصر كلهم كده سهل السيطر ة عليهم بالدين وهم ما يعول عليهم الاخوان والسلفيين لذلك هم يستطيعوا شحن الشارع عليكم بسهولة احذروهم يا نواره واعدوا لهم ما استطعتم من حكمة ولؤم فهم لئام ولا تثقوا بهم

احلام جوليا said...

محدش يقول كان في مجموعة متعرفش حاجة عن الموضوع لان حتى الي برا مصر زي حالاتي عندهم فكرة عن الموضوع والي ميعرفش معناه مبيتابعش اخبار مصر لا بيقرا جرايد ولا بيشوف نت ولا تليفزيون وده معناه يروح يقعد في الصحراء احسن له مش ينزل مظاهرات للمطالبة بحقوق مصر والمصريين وبعدين في قانون بيقول لا يعذر احد بالجهل بالقانون وانا بقول " لا يعذر فصيل بالجهل بالاتفاقات المعلنة في كل مكان "

Hesham Mehrem said...

إنتظرت تعليقك بعد أن شربنا المقلب
تعرفي إيه اللي فارسني؟ إني شايف الحفرة قدامي وفضلت ماشي لغاية ما وقعت فيها
عندي نقطتين عايز أوضحهم: أولا الإسلاميين طول عمرهم بيتحالفوا مع أي حد في سبيل مصالحهم وتاريخيا عمرهم ما كسبوا من التحالفات دي أي حاجة
ثانيا مسألة القدرة التنظيمية للإخوان والطاعة المطلقة للجماعات الإسلامية لا خلاف عليها لكنها في الوقت نفسه تبين لنا حجمهم الحقيقي يعني لو قلنا إن كان في الميدان واحد أو اتنين أوحتي تلاتة مليون فهي دي كل قوتهم يعني ما كانش فيه سلفي واحد خارج ميدان التحرير يوم الجمعه. ما أريد أن أقوله إننا أكتر وبكتير جدا منهم ومعنديش أي شك في دي
تالت حاجه إن اللي حصل يوم الجمعه بين للناس الوجه المتشدد القبيح لهذه الجماعات مما جعلهم يفقدون الكثير من التعاطف الذي حققوه من قبل

mohammed said...

رب ضرة نافعة يا نوارة. السلف واضح إنهم بيكرروا نفس أخطاء الإخوان بعد ثورة 52. أعتقد العدد الكبير دايما بيصيب الإنسان بالغرور و التعالى على خلق الله. بس الحمد لله إن ده حصل عشان ينكشفوا على حقيقتهم و يظهر غبائهم السياسى الأحمق. ربنا معانا إن شاء الله

حاجات جوايا said...

انا قلبت صفحتى فى الفيس لغاية ما وصلت لموعد قبل حلقة البرادعى مع يسرى فوده

ولقيت الفوتو دى

ومكتوب فيها

الدكتور محمد البرادعى .. ضيف برنامج آخر كلام
مع يسرى فوده
غدا الخميس
الساعة 11 مساءا
على قناة ontv


تابعونا على
و اسم صفحة للبرادعى عالفيس مكتوبة

الصورة من قبل الحلقة بيوم
يعنى معروف انه جاى لوحده
من اول ما اتنفذت البانرات

ايه بقى النظام ؟

Anonymous said...

بصي يا ختي يا نوارة
عايزين سلفيين في الموضوع يبقى لازم تقبلوا أنهم ملايين زي الرز ولا يمكن حتقوليلهم اقف هنا يلا اقف هنا ياض

وكلام الشيخ اللي اتفق معاكو مش حيوصلهم حتى لو وزعوا بيانات بعدد شعر راسهم

فياريت بلاش اللهجة دي لحسن السلفيين أقدر ناس في أنهم يلفوا الناس حواليهم، يا تروحوا تتكلموا مع قياداتهم العليا في بيوتهم في كفر الشيخ والمنوفية والحتت دي يا تسيبوا البلد كده
وبرضه حتى لو اتكمتو معاهم مش حتسيطروا عليهم كلهم

وبعدين انتي ليه كنتي فرحانة لما الناس كانت عمالة تشتم في الإخوان في الميدان قبل جمعة 8/7
مش ده برضه شق للصف الوطني؟؟؟

Anonymous said...

مشكلتك يا نوارة انتي وابراهيم عيسى انكم بتقلبوا الحقايق وبتخلوا الباطل حق والحق باطل وبتلبسوا الناس عمم

وبصراحة فيه مواقف كتير جدا جدا منيلة بنيلة للقوى السياسية والنصارى بالذات محتاجة ولولة أسبوع بحاله الواحد مسمعش منكم كلمة غير يا حرام لأ يا ولاد كده عيب

El Bamby said...

بغض النظر عن بقية النقاط. الإسلاميون لا يريدون أن يسلموا الحكم للعسكر. على العكس تماما مظاهرة الجمعة كانت رد فعل لإعلان وثيقة حاكمة لأعضاء لجنة تشكيل الدستور. من الآخر جمعة أمس كانت كارت أصفر من الإسلاميين للجيش بغض النظر عن الشعارات

شكرا جزيلا على شجاعتك في فضح هشام البسطويسي أنا أتذكر أنك ذكرت هذا الموقف قبل ذلك بدون ذكر أسماء

khmaoda said...

التيار الاسلامى يريد الشريعه والاقباط يريدون دوله لنفسهم والليبراليون والعلمانيين يريدون اقصاء الجميع ويحكمون بمبادىء شطبت من الدنيا لتحقيق مزرعه حيوانات جورج اورويل والمجلس العسكرى فى حبائل العواجيز المخرفين والشمطاوات بتوع مبارك وسوزان(تهانى من محاميه فاشله لمجلس قضاء اعلى وفرخنده ومنى واقبال بركه الخخخخ ..وما صدقنا خلصنا من الجمل ليخرج مليون جمل...حت الفلول انشأو قنوات ليخرجوا علينا الوجوه القميئه نفسهاخيرى ولميس والجلاد ...واسفخس على كده ..انا مش سلفى ولا اخوان ويادوبك كده بصلى لكن الربكه التى اصابت صبيان رجال الاعمال المنتفعين فى الاعلام بسبب شويه سلفيين اللى فى قلبهم على لسانهم ...تدل على الوهم الذى اصاب النخبه وجعلهم يتأمرون على الشعب المطالب بالاستقرار وان الجيش يروح على امه والنخب يرحوا يشربوا شيشه وحشيش وخمره بعيد عنا واللى عايز يتجوزواحد صاحبه يغور فى داهيه ويلموا فلوس بعيد عنا ...ويسيبوا لنا ملتنا فلقد هرمنا ياولا الجزمه ومش مستنيين بقر يخرجوا يهينواديننا بداعى الوحده الوطنيه (ارفع راسك انت قبطى ..بالروح والدم نفديك يا صليب ) هذه الشعارات لا تثيرنا ولكن الذى يثيرنا هو انكار ثوابتنا علينا وغض الطرف فى مناطق اخرى
انت ضحيه يا نواره واللى فى قلبك على لسانك ولكن مفكرتيش مره انك ممكن تكونى غلطانه...ماشفتيش الراجل اللى رجال العادلى اكلوه برازه وهتكوا عرض مراته دستور ايه والنخبه تريد استنساخ مبارك اخر ملعون ابو الدستور ..اعملوه فى 20 سنه واستفتو عليه كلمه كلمه لكن خلصونا

mahmoud said...

الجماعات السلفية كلام كتير انهم بيتمولوا من السعودية والسعودية راس الثورة المضادة ومقصدش الشعب السعودي انا اعرف اللي عايز ينشر الاسلام يمون مشاريع لكده لكن يمول مسلمين عشان يصبغ مصر بصبغة سعودية ده مش مقبول مش عشان السعودية وحشة بس عشان حكامهم بيدوروا في فلك امريكا ومش حيمولونا لنصرة الاسلام والسلفيين مصداقيتهم ضعيفة بعد التخلي عن الكلام عن كاميليا واخواتها مما يدل علي ان الكلام اصلا كان لهدف سياسي ده غير عدم شرعية الثورة علي الحاكم وهم اخوهم سيد بلال بيموت من التعذيب انا مش مرتاح للسلفيين

khmaoda said...

بدأت الفلول فى الاعلام استنكار كتابه الشهاده على العلم والتصيد بان النسرشالوه طب ده نسر ولا صقر ! مع انهم لم يستنكروا كتابه ثوره 25 يناير على العلم يا جماعه ده النسر رمز اسلامى والصقر ايضا والشعارات معظمها فى اعلام العالم الليبرالى رموز دينيه صلبان والدكتوره المحزوقه بفلول سى بى سى لم تسمع عن نسر صلاح الدين او صقر قريش او الصلبان المليىء بها اعلام الغرب الا يعلمون ان المتطرفين الاسلاميين يرفضون كتابه لفظ الجلاله هكذا لشبهه تعرضه لآهانه ...ان الهجوم العنيف على الاسلاميين سيعود عكسيا على الشعب العبقرى وربما انتقم ليأتى اليكم بمجلس كله سلفيين كما فعلها من قبل ودعم الاخوان نكايه فى العهد العاهر البائد

sleem said...

اللي عايز يفهم أسباب ما فعله السلفيون يقرا البوست ده بعنوان جمعة 8 يوليو هي الغدر الحقيقي
http://www.facebook.com/notes/mostafa-sleem/%D8%AC%D9%85%D8%B9%D8%A9-8-%D9%8A%D9%88%D9%84%D9%8A%D9%88-%D8%A7%D9%84%D8%BA%D8%AF%D8%B1-%D8%A7%D9%84%D8%AD%D9%82%D9%8A%D9%82%D9%8A/217153444996956

Mahmoud Mortada said...

بصى يا نوارة
انا من يوم الجمعة بتاعت شق الضف وانا قرفان ومتضايق وخاف اوى على البلد دى
حاسس ان البلد رايحة للمجهول ؟؟
انا على استعداد كامل اتمرمت فى تراب البلد وهكلم الناس واوزع البيانات ....بس كله دة لازم وحدة فيه وانا اول منضم معاكم
م / محمود مرتضى
0122946829
0119177689
http://mortada3.blogspot.com/

ahmedfito said...

السؤال الذى يشغل عقول المصريين جميعاً خلال الفترة القادمة:
كيف سيكون مستقبل هذا البلد؟ ومن سيحصل على أغلبية البرلمان؟ ومن هو الرئيس المنتظر؟
جائت إجابة هذه الاسئلة خلال الجمعة الماضية كيف هذا؟
حسناً:
ماحدث خلال الجمعة الماضية أوضح للجميع ان الأغلبية القادمة (برغبة المجلس الأعلى والولايات المتحدة الأمريكية) ستكون للتيارات الدينية (اخوان وسلفيون وغيرهم).
لذا فليس من المستبعد ان يقوموا بتشكيل الحكومة ولا أحد يعترض على ذلك لأنه اختيار الشعب (حتى وان كان عن جهل).
ولكن:
ماذا سيحدث بعد ذلك؟
بمنتهى البساطة سستحول مصر إلى غزة وستتعرض لحصار تماماً كحصار غزة بعد فوز حماس بالأغلبية وتشكيلها للحكومة.
وسيستمر الحصار (الاقتصادى والسياسى) لمصر حتى لايكون هناك حل سوى الانقلاب العسكرى.

ahmedfito said...

لوجه واحد أحد ماتبيعونا رخيص
ساندونا وسيبكو من وسوسة ابليس
طريقنا واحد ومسامحين عاللى فات
كل اللى عايزينه نجيب حق اللى مات
اللى مات اخويا واخوك وولادكو
اللى مات كان عشاننا وعشانكو
اللى مات ابن بلدك ودمه فى رقبتك
ده جابلك كرامتك وحقك لحد عندك
كان بيموت قدامك وانت بتتفرج
كان بيضحى فداك ماكانشى بيهرج
روحه طلعت لمولاه وهايقبله شهيد
خليكو جنبنا وبلاش حكم النار والحديد
نمسح من وش مصرنا الحزن والالم
نعيش أحرار ونرفع بفخر العلم
30 سنه كان معيشنا فيران
30 سنه ببنداس ونتهان
يا مجلس انتو قادتنا واحنا عارفين
وكلنا زمان غلطنا بس مسامحين
هما بيسيبوها ويسافرو واحنا اللى قاعدين
خليكو بجد فى صفنا ونضحى فداكو ملايين

ahmedfito said...

يا مصرى بيحاولو يفرقوك وينفردو بيك
تعالى ننسى مصالحنا وحط ايدى فى ايديك
ليه نفترق ودم اخواتنا لسه مابردش
ليه نفترق و طريقنا واحد مايفترقش
تعالى ننسى مصالحنا ونفكر فى بعضينا
ننسى الخلافات سوا نحقق أمانينا
يد الله مع الجماعة واحنا اخوات
ايدى فى ايدك نجيب حق اللى مات
اخوانى سلفى ليبرالى و 6 ابريل
سيبك من اللى يقولك ده خاين وده عميل
خلينا نرجع صف واحد تانى
دم اخوك واخويا قدامك وقدامى
يوم الجمعة يجمع الجميع
سوا نخلى خريف مصر ربيع.

صلاح الدين said...

حارقك قوي نداء الله أكبر يا بنت الحشاش؟؟؟ النداء دة إلي انتصرنا بيه في حرب أكتوبر يا جاهلة يا أغبى الناس... بتتريقي على كلمة الله أكبر؟؟؟؟ قد كده العلمانيين صم بكم عمي؟؟؟ إخص عليكي وعلى الكلاب اللي حواليكي... امال مزعلتيش ليه يا ننوسة من نداء بالروح بالدم نفديك يا صليب؟؟؟؟ وكنتي معاهم كمان ومتعاطفة قوي!!!!!! هاقول إيه!!! حسبي الله ونعم الوكيل فيكي وفي أمثالك.. وللعلم يا أم جهل.. أنا لا إسلامي ولا سلفي ولا اخواني... بس انتي فعلاً انسانة وضيعه!!!! تتريقي على كلمة الله أكبر؟؟؟؟ وتشتمي السلفيين على التويتر وتقولي عليهم ولاد وسخة؟؟؟؟ أنا ملاقيتش أوسخ منك ومن أمثالك... اتفووو

صلاح الدين said...

حارقك قوي نداء الله أكبر يا بنت الحشاش؟؟؟ النداء دة إلي انتصرنا بيه في حرب أكتوبر يا جاهلة يا أغبى الناس... بتتريقي على كلمة الله أكبر؟؟؟؟ قد كده العلمانيين صم بكم عمي؟؟؟ إخص عليكي وعلى الكلاب اللي حواليكي... امال مزعلتيش ليه يا ننوسة من نداء بالروح بالدم نفديك يا صليب؟؟؟؟ وكنتي معاهم كمان ومتعاطفة قوي!!!!!! هاقول إيه!!! حسبي الله ونعم الوكيل فيكي وفي أمثالك.. وللعلم يا أم جهل.. أنا لا إسلامي ولا سلفي ولا اخواني... بس انتي فعلاً انسانة وضيعه!!!! تتريقي على كلمة الله أكبر؟؟؟؟ وتشتمي السلفيين على التويتر وتقولي عليهم ولاد وسخة؟؟؟؟ أنا ملاقيتش أوسخ منك ومن أمثالك... اتفووو

كيوبيد said...

حسبى الله ونعم الوكيل فى كل خاين عايز يبيع البلد دى علشان قضية خاص او اجنده خاص حتى لو كانت هذى الاجندة بتاعت جماعة الاسلام هو الحل هو ده لم الشمل وكلام الرجاله؟؟ هما مش مكسوفين من نفسهم رجاله ومشايخ وبدقون ويخون العهد والكلمة دول اثق فيهم ازاى يحكمو البلد والى يضعو لنا دستور جديد؟؟؟؟؟؟؟؟؟؟؟؟؟؟؟؟ دول لا عهد لهم ولا كلمة دول خوارج هذا الزمان لكى الله يامصر وياشعب مصر من نار هاولاء

متفائل said...

على فكرة .. مقالك المنشور في جورنال (التحرير) بعنوان : عفواً لقد نفذ رصيدكم .. والذي تهاجمين فيه الجيش وتتهمينه بالتآمر لإستمرار حكم العسكر وبالسعي لحرمان الثورة من حلمها بالدولة المدنية الديموقراطية .. هو مقال أهبل عبيط .. لأن ضياع حلم الدولة المدنية - إذا ضاع - لن يكون على يد الجيش أيتها العبيطة بل سيكون على يد هولاء الملايين الذين إحتشدوا في الميدان يوم الجمعة الماضي رافضين وبصراحة دولتك المدنية هذه وأي ضوابط تضمنها (وأعني وثيقة المباديء الحاكمة) التي لم يكن ليضعها الجيش لو كان سيء النية كما تدعين .. ثم حتى لو كان الجيش سيء النية ومتآمر .. هل لو أحبطنا (مؤامرته) ستقوم دولتك المدنية الحبوبة التي تتمنين ونتمنى جميعاً ؟ الجواب هو : كلا ثم كلا ثم كلا .. والسبب هو تلك الملايين من (شعبنا الفاهم الواعي) .. والتي لا تقتصر فقط على الإتنين مليون بتوع الجمعة اللي فاتت بل حوالي تسعة وتسعين بالمائه من الشعب .. ولا تكونيش فاكرة إن الشعب كله أبراهيم عيسى والبرادعي وعلاء الإسواني وإئتلاف الثورة ؟ وبتقولي إنك عماله تلفي وتبرمي وتنزلي البلاعات ؟ واضح أإن اللف ده ماعلمكيش أي حاجة

Mohamed Atef said...

هو ايه الى انتى كاتباه ده
انتى كاتبه اي كلام في اي تهريج
ايه الى انتى عماله بتتكلمي فيه ده
اتكلمتي على يوم الجمعه الى فات و الخساير و المكاسب و الى حصل
و ايه بقه النص الاولاني بتاع ابو الفتوح و سفره و تأجيله و لقائه ولا البرادعي طالع لوحده ولا طالع معاه حد
انا شايف ان انتى كابته شويه هبل يا نواره مع احترامي ليكي
يعني انا مش كاتب و لكن انا بكتب مقالات بصفه دوريه مش عارف انتى ايه الى انتى كاتباه ده ولا تنسيق ولا ترتيب و الكلام و الدنيا داخله في بعضها و مليون حاجه في مليون حاجه

Mohamed Atef said...

ايه الهبل و التخاريف الى انتى عماله بتقوليها دي
مليون حوار في بعض
على مليون كلام في بعضه
ايه علاقه ابو الفتوح بسفره بالحلقه مأجله و سافر قبل الحلقه
و ايه علاقه البرادعي بالحلقه برضه
انا شايفك كاتبه شويه تاخريف ملهاش اي لازمه هو ده اسلوووب كتابه اصلا ؟؟
مين بقه متفق كده مع الجيش و مين معارضه انا مش فاهم بصراحه يعني انتى بتتكلمي بناء على اساس ايه ولا ايه الى بيدور في دماغك

ashtayea said...

قاطعوا امريكا .. فبعد اعلان اليوم عن فرض الوصاية علي مصر .. من يتعامل مع السفارة الامريكية فهو خائن لمصر ؟ وننتظر الرد الرسمي المصري .. قرر مجلس النواب الأمريكي الذي يقضي بتعيين مبعوث أمريكي مكلف بحماية الأقليات الدينية ، بأغلبية كاسحة تعيين مبعوث خاص بشئون حقوق الإنسان وحماية الأقليات الدينية فى مصر والعراق وباكستان ودول أخرى فى الشرق الأوسط وجنوب آسيا.

وتمت الموافقة بـ 402 صوت قالوا "نعم" و 20 قالوا" لا"، ويتبقى موافقة مجلس الشيوخ الأمريكي الذى يؤيد أغلب أعضائه تعيين هذا المبعوث.

وسوف تتلخص مهمة المبعوث الجديد فى إثارة قضايا حقوق الأقليات الدينية وعلى رأسها الأقباط مع المسئولين فى مصر ، وقال قرار مجلس النواب إن الأولوية للمبعوث هى الأقباط المسيحيين فى مصر، وخصوصا بعد أن عبر عدد كبير من أعضاء الكونجرس بمجلسيه النواب والشيوخ عن قلقهم الشديد من أوضاع المسيحيين الأقباط فى مصر وسلامتهم عقب خلع الرئيس حسنى مبارك من السلطة.شوفتى بقى اهو دول أصحابك و حبايبك جايبين لنا أمريكا لحد عندنا علشان تمص دمنا اكتر ماهو ممصوص ربنا ينتقم منهم يااااا رب ... لو عاوزة تقرئى الخبر كامل خدى اللنك هو...وحسبى الله ونعم الوكيل www.alwakei.com//news/11885/index.html

Mohamed Kadah said...

ايه حكاية ياكوف بنيامين حنانيا ؟
هل تقصدى بكلامك ان رفعت الجمال ( رأفت الهجان ) كان خائن و عميل ؟
و ما دليلك على ذلك ؟


عذرًا ، أنا عارف إن السؤال بتاعى مش فى سياق الموضوع إللى بتتكلمى فيه دلوقتى ، بس على ما أعتقد إن دى تانى مره تذكرى فيها رأفت الهجان فى كتاباتك .

أرجو الرد وشكرًا

المهدى said...

كل سنة وانت طيبة وسلامة ابراهيم البرئ الواعد اهدوا كدة وراجعوا قراءة المشهد بهدؤ ومتشتوش عن تميم المصرى الأعقل بينكم
1- كل التيار الإسلامى ( بإستثناء عبد المنعم أبو الفتوح ) يصطف فى مربع واحد2-لا يظهرون ولا يحتشدون إلا عند نقاط الإختلاف (حتى الأستاذ العلامة طارق البشرى الذى ينبغى أن يعتذر لكل شعب مصر عن ما فعله بنا ) لم يظهر إلا عندما حاول العسكر أن يوفقوا بين دعاة الإنتخابات ودعاة الدستور
3-مصر مش صغيرة ومش شوية ومش لوحدها فيه أمريكا والسعودية وكمان إسرائيل والثلاثة مش بعاد عن أمن الدولة الحاضر دائما ومعه خريطة لكل القوى الوطنية وخاصة السلفية
4- كل ما شاهدتيه هو بقايا من وساخة المخلوع مش بس نهب وسلب وقتل كمان قيم فاسدة وأمخاخ ضلمة وكل ده يحتاج وقت أما أن نصحوا على إنتخابات وبرلمان ودولة جديدة فده مجرد تغيير لغلاف الدولة اللى قدم واتهربد من فجر 40 سنة هوان

المهدى said...

جهدكم مشكور ولو كان تم على خير كان حيبقى نصر عظيم ولكن برضة إحنا مش لوحدنا والقوى الإقليمية والعالمية مش قاعدين يستنوا مين اللى حيكسب منكم عشان يلاعبوه
الدنيا مش عسكر وليبراليين وسلفيين1- وفلول وبس
2-العسكر مش عايزين يحكموا اللى عايز يحكم لازم يحاكم اللى قبلوا ويمنح الناس بعض من مطالبهم ليكتسب شرعية ( ده حتى حسنى مبارك عمل كدة ) العسكر عواجيز محافظين من مؤسسة محافظة ولم يعيشوا عصر المخلوع كما عشناه هم يميلون للإصلاح والأمريكان قالولهم الإصلاح وندعمكم والسعودية قالولهم إلا المخلوع وندعمكم وعملاء الداخل والمجانين قالولهم أمشوا بسرعة وده برضه إصلاح وإحنا معاكم وأخيرا يبايعهم الإسلاميين للإمارة طيب حتمشى ثورة إزاى حيسمعوا كلام نوارة نجم اللى عايزاها ثورة وبتقولهم أعملوها ثورة وأمشوا بسرعة ؟ والا كلام شباب الثورة اللى مش عايزين يكلموهم عشان اليسار بيخون اللى بيكلم الجيش
الرحمة ضغوط الخارج مخيفة ودعمه عظيم والداخل مش مش عارف أنهى الأول إعادة هيكلة الأمن والا وجدى غنيم
فيه حاجة واحدة مؤكدة أن إستمرار الخلاف والعته هو طريق حكم العسكر ويبقى كمان كتر خيرهم
كمان جنون جنون التيار الإسلامى ودجله وعجلته هو طريق لحكم العسكر
وبرضه يبقى كتر خيرهم أظن شهداء يناير وشهداء أكتوبر وشهداء مصر على مر العصور لا ترضى أرواحهم أن يستبدل علم مصر بعلم الشقيقة الكبرى

ملكش دعوة said...

ا لي الاخ .... احمد محمد عبد الرحمن
بصراحه كلامك بهرني وثبتني .... بس نصيحه تشيل صوره بروفايلك او تغيرها لان هي في حد ذاتها معيبه
وبعد كده اطرش كل اللي في دماغك

hosam mohareb said...

نوارة يا للهول قريت نص التعليقات,هذة جريمة, اوعي....اوعي حد يفرقنا.مجنونة

elzahraamegahed said...

سامى عنان فى موقع اخبار مصر بيصرح أن القوات المسلحة سوف تبقى بعد إستتباب الامور وإجراء الانتخابات حارسا وضامنا لحقوق الشعب وحماية الدستور ومصالح البلاد، قائلا "لن نسمح لأى سلطة ان تتجاوز فى يوم من الايام وتجور على حقوق وكرامة وحرية هذا الشعب" ده تمهيد لصلاحيات للجيش فى المواد الحاكمه؟؟؟؟؟؟ ولا بالونة اختبار ؟؟؟ عموما أنا بقوله الجيش وظيفته الحدوود والدستور الشعب هو اللى يحميه والتجربه التركيه بعد ما فشلت هناك مش هتنجح هنا ومش هنسمح بيها اساسا

elzahraamegahed said...

عنان فى موقع اخبار مصر بيصرح أن القوات المسلحة سوف تبقى بعد إستتباب الامور وإجراء الانتخابات حارسا وضامنا لحقوق الشعب وحماية الدستور ومصالح البلاد، قائلا "لن نسمح لأى سلطة ان تتجاوز فى يوم من الايام وتجور على حقوق وكرامة وحرية هذا الشعب" ده تمهيد لصلاحيات للجيش فى المواد الحاكمه؟؟؟؟؟؟ ولا بالونة اختبار ؟؟؟ عموما أنا بقوله الجيش وظيفته الحدوود والستور الشعب هو اللى يحميه والتجربه التركيه بعد ما فشلت هناك مش هتنجح هنا ومش هنسمح بيها اساسا

Menna Mohammad said...

نوارة انا أختك فى عشق مصر واضع عليك آمال عريضة انت والمخلصين مثلك ليكون لك دور فى الفترة القادمة مثل عضوية مجلس الشعب مثلاً وانا من اشد المعجبين بك والمدافعين عنك لكنى أراك كل يوم تكسبين أعداء جدد بصراحتك المطلقة .. اعرف قولك انك تحبى وتكرهى فى مصر .. لكن يجب ان يكون هناك كياسة بلاش براءة الأطفال اللى عندك دى ومش أى حد نجاهر له بالعداء وده مش نفاق لكنه ذكاء إجتماعى قد يؤدى بنا الى كسب أعداءنا لصفنا يوما ما فالمواقف تتغير والأشخاص يتغيرون فليكن لك رصيد من الود يضمن لك خط رجعه عند الضرورة

elzahraamegahed said...

هو انتى ليه يا نواره ما تكتبيش عن خطورة صلاحيات الجيش وليه يسرى فوده وابراهيم عيسى ما بيتكلموش على الموضوع ده ، اذا كان اللى عنان قاله ده بالونه لازم نفرقعها ف وشهم بسرعه

elzahraamegahed said...

ارجوكى يا نواره تركزى شويه فى عمل جرسه لصلاحيات الجيش دى ، لانها مصيبه سوده انتى كتبتى عن الموضوع ده فى تويتر و فى المدومه بس لازم برامج التوك شو تتكلم فى الموضوع ده وتجرسه

arabian_faithful said...

السلام عليكم ورحمة الله وبركاته

أزيك يا أستاذة نسأل الله أن تكونى فى تمام الصحة والسعادة
أنا حأحط لحضرتك خبر يمثل تعليق الأخوان على ما حدث يوم الجمعة الماضية وأرجوك أفترضى فيهم حسن النية إلى أن يصدر منهم خلاف ذلك

http://www.shorouknews.com/contentdata.aspx?id=516114

والأخوان أصدروا بيان رسمى على موقعهم يوضحوا فيه رأيهم المماثل لرأى دكتور البلتاجى بس مش عارف ألاقيه :)

رجاء أخير يا أستاذة مش حضرتك بتقابلى تميم كتير والنبى تسلملنا عليه وتبلغينا أخباره ويارب يارب يارب أسلوبه ينضح عليك لأنك مبهدلنا على الأخر والله :)

أنا مش عاوز أبقى غلس بس لوجه الله لازم أقولها
أسمها
الله أكبر والله المستعان

أرجوكى مينفعشى حتى لو حد نطقها غلط نكتبها أحنا غلط ونقول هما بيقولوها كده

Passant said...

الله ينور عليكى: فين الوثيقة انا حطبع و اوزع فى اسكندرية ابعتيلى لينك ليها

محمد نبيل said...

هل الشريعة ثابتة أو متغيرة ؟ وهل يجب تطبيق الحدود فى عصرنا الحالى ؟

الاجابة فى هذا الكتاب

http://www.alfikra.org/book_view_a.php?book_id=15

hardway said...

أنت فين يا نرنر..؟؟؟؟؟؟؟؟
العيال بتتضرب بالجزمة في التحرير.......
وأنت في البيت التكييف شغال وعايشة في دور الصائمة المكيفة..عادي مش غريبة عليك ما أنت في الجد بتبلغي فرار.......
زي يوم الجمعة 7/29..الميان هايج وانت في محطة البنزين مع عمو بلتاجي بيمونك بنزين 98

hardway said...

أنت فين يا نرنر..؟؟؟؟؟؟؟؟
العيال بتتضرب بالجزمة في التحرير.......
وأنت في البيت التكييف شغال وعايشة في دور الصائمة المكيفة..عادي مش غريبة عليك ما أنت في الجد بتبلغي فرار.......
زي يوم الجمعة 7/29..الميان هايج وانت في محطة البنزين مع عمو بلتاجي بيمونك بنزين 98

khaled said...

أتق الله يا نوارة ما يلفظ من قول الا لدية رقيب عتيد أتق الله أتق الله أتق الله فهو حسبنا ونعم الوكيل ان العبد ليلقي بالكلمة من سخط الله لا يلقي لها بالا فيهوي بها في النار سبعين خريفا , انت في تويتر سبيت المسلمين بأقذع الالفاظ ووصفتيهم باحط الصفات والان تسخرين من هتاف التكبير والله لسوف تقفين أمام الله وحدك ولسوف تسألين عما كتبت وعما قلت وعن أفترتاءاتك علي عباد الله وحينها ستكونين وحدك فأنظري ماذا ستقوليين لله عز وجل.

Unknown said...

عمى فى عنيك انكشفت على حقيقك انت وشلة يا خونة واغبياء