Monday 20 July 2009

كفى بك ذلا أن تعيش وترغما

أيها الناس، إن رسول الله صلى الله عليه وسلم قال: من رأي سلطانا جائرا مستحلام لحرم الله، ناكثا لعهد الله، مخالفا لسنة رسول الله صلى الله عليه وسلم، يعمل في العباد بالإثم والعدوان فلم يغير ما عليه بفعل ولا قول، كان حقا على الشيطان أن يدخله مدخله. ألا وإن هؤلاء قد لزموا طاعة الشيطان، وتركوا طاعة الرحمن، وأظهروا الفساد، وعطلوا الحدود، واستأثروا بالفئ، وأحلوا حرام الله، وحرموا حلاله، وقد أتتني كتبكم ورسلكم ببيعتكم، وأنكم لا تسلمونني ولا تخذلونني، فإن أقمتم على بيعتكم تصيبوا رشدكم، وأنا الحسين بن علي بن فاطمة بنت رسول الله، نفسي من نفسكم وأهلي من أهلكم، فإن لم تفعلوا ونقضتم عهدي، وخلعتم بيعتي، فلعمري، لقد فعلتموها بأبي وأخي وابن عمي مسلم بن عقيل، والمغرور من اغتر بكم.
.............
سأمضي وما بالموت عار على الفتى
إذا ما نوى خيرا وجاهد مسلما
وواسى رجالا صالحين بنفسه
وخالف مثبورا وفارق مجرما
فإن عشت لم أندم وإن مت لم ألم
كفى بك ذلا أن تعيش وترغما
الامام الحسين في خطبته لاهل الكوفة

الظلم ظلمات يوم القيامة
كل اسراء ومعراج وانتوا طيبين

 

28 comments:

Unknown said...

لا مؤاخذة ماحدش علق غير بهيج وانا مضطرة ارد عليه عشان سعادته منزل لي ايات قرآنية زي ما يزيد كده كان بيستشهد بالقرآن عشان يثبت ان له حق يقتل الحسين

انت يا عم بهيج راجل مليونير وزعلان من الشعب عشان مش مديلك فرصة تسرقه زيادة؟

شقق ايه اللي ندفع ايجارها؟

حضرتك على قلبك فلوس قد كده والله اعلم بتشتغل في انهي جهاز وتتجسس على الناس وترازيهم وفيه ناس في البلد دي وكلاء وزارة ومالهمش سكن

عشان انتوا بتاخدوا فلوسهم
اراضي ايه اللي ترجع لكوا يا حرامية يا نصابين هي كانت الاراضي دي جبتوها منين غير من شغلكوا مع الانجليز وتملقكوا لافندينا وافتراكوا على مخاليق ربنا وتقولوا اصل الفلاحين ما يستاهلوش غير المعاملة دي والا يتمرعوا

قال يرجعوا الاراضي قال
هاتوا الفلوس اللي عليكوا

Unknown said...

ما تشوف لك شغلانة في ولاية فيرجينا اللي انت قاعد فيها دي
دي من اكتر الولايات عنصرية ضد العرب والمسلمين
بدل ما انت قاعد تقرف فينا كده

مش عندك فلوس
ما تصرف فلوسك على خدمة اهلك بدل ما انت نازل لعن فينا وتقرفنا احنا

هو احنا ناقصينك انت واللي مشغلك؟

Kalimalhus said...

أولا .. اى تذكير بكربلاء و إستشهاد إبن بنت الرسول عليه الصلاة و السلام .. بتخنقنى خنقة غير عادية .. يعنى أشكرك شكر مالوش آخر على زيادة نكدى و حرقة دمى..

ثانيا .. أنا لسه قارى المقال ده لفهمى هويدى
http://fahmyhoweidy.blogspot.com/2009/07/blog-post_20.html
حاجة تجيب الذبحة و السكتة الدماغية لولا ستر ربنا..

ثالثا.. إنتى إنسانة مفترية و ظالمة و سادية و إحنا نستاهل إننا بنيجى المدونة بتاعتك لأننا يا إما عالم ماسوشيين يا إما شلت و ما بنحسش..

رابعا .. مفيش رابعا.. و ألا أقولك رابعا .. الضرب فى الميت حرام لأنك مهما رفستى فيه مش هيقوم .. إردمى علينا و صوتى و ألا أقولك ماتصوتيش خسارة تتعبى صوتك ..

into said...

ده حديث ولا تهييس ؟؟ علشان أنا بحثت عن أي مصدر له و لم أجد شيئا

Unknown said...

شوفى ده مهم اووووووى
http://ielsakka.blogspot.com/2009/07/blog-post_19.html

و انصحك تنشريه فى بوست خاص

mohamad said...

اللهم صلي وسلم على رسول الله وعلى آله وصحبه وسلم تسليما كثيرا

Unknown said...

helpF1

ده حديث
وانت مش لاقيه عشان بحثت عليه على النت مش من مصادر كتب

بسبب سيطرة الوهابيين على المواقع الدينية احاديث كربلاء وتفاصيلها وخطبها خفيانة خالص
دور في الذهبي وابن كثير والطبقات
وتحقيقات بنت الشاطئ والفتنة الكبرى لطه حسين وعند العقاد وجودة السحار

الخطبة دي موجودة عندهم كلهم

الخطبة دي الشيوخ السلفيين مش بيحبوها

اذا كان فيهم بهايم بيقولوا الحسين كان غلطان

اقول لك
اعمل سيرش على كلمة: هل أخطأ الحسين

وانت تقرا العجب

لما الحسين يبقى غلطان
امال مين اللي صح؟
يعني الحسين غلطان ويزيد راجل صالح، يقتل الناس ويقتل ابن الرسول ويقتل الصحابة والتابعين ويبقى مسلم برضه
طب الاسلام جه ليه بقى؟ ايه لازمته يعني؟

كل ده عشان حكامهم شبه يزيد، الله، طب ما خليهم يدافعوا عن حكامهم انما يوصل الامر انهم يغلطوا الحسين عشان يدافعوا عنهم؟

mohamad said...

helperF1

http://www.rafed.net/books/tarikh.html

كتب تاريخ بتحكي عن فترة إضطهاد أهل البيت وسيرتهم

أكيد هتلاقي فيها حاجات مفيدة

سبهللة said...

وانتى طيبة يا ختى

مواطن مصري said...

تصدقي ب اية يا نوارة انا عمال ادور على كتب عن الامام علي و مقتل الحسن و الحسين

سواء مكتبات او

نت
كل المواقع اما شيعة

اما وهابية

مواطن مصري said...

مش نجحت الترم الثاني

Unknown said...

مواطن
الوهابيين قافشين على الحسين كأنه حسن نصر الله مثلا

عشان يبرروا اللي هم فيه ويحرموا على الناس اي محاولة للتغيير للاحسن طالعين لنا في مودا جديدة ان الحسين كان غلطان وان يزيد كان راجل كويس
عشان هم بيحرموا الثورة على الحاكم او اي محاولة لتغييره، فطبعا الطبيعي اي انسان مسلم طبيعي ح يقول: يعني الحسين كان غلطان؟ يقوموا بمنتهى البجاحة يقولوا ايوة
بس مش عارفة ح يقولوا على سيدنا محمد غلطان امتى؟

!!!!!!!!!!!!!!!

السؤال: طب احنا مسلمين ليه؟
وللا ضحكوا علينا كل العمر وده وفهمونا ان سيدنا محمد هو النبي بينما طلع الحقيقة ان ابو سفيان هو النبي؟

بعيد عنك، الشره على السلطة وتبرير قهر الناس افسد لهم مخهم

امال هم سمنة على عسل مع اسرائيل ليه؟ عشان نفس المخ

مواطن مصري said...

العيب على الانتين

خلو الثورة ثورتين و الامام امامين


دة عيب اقحام الدين في لسياسة

يعني

انا مؤمن بسيدنا محمد و اصحابة و ماشي على كتاب الله و سنة

انما انا ارفض الوهابيةالي تكفر الشعية

كما ارفض الشيعة الي بتشتم في الصحابة

عشان كدة بقول ان احنا مسلمين و بس

ولا اعترف ب المسميات المذهبية

Unknown said...

مين الاتنين اللي العيب عليهم؟

مواطن مصري said...

الوهابية و الشيعة

Unknown said...

ااااه

استغفر الله العظيم ان بعض الظن اثم، انا قلت مواطن اتخبط في عقله وح يقول الحسين غلطان
معلش سامحني على سوء الظن احنا اصلنا في زمن كل حاجة فيه ممكن تحصل

مواطن مصري said...

انتي تعرفي عني كدة يا نوارة

Unknown said...

والله يابني انا بقيت اشك في نفسي
يعني مثلا عندك اذاعة القرآن الكريم

اسمع علك تستفيد:

"وكان الرسول صلى الله عليه وسلم رياضي، لأن العقل السليم في الجسم السليم ولان الرياضة بها منافسة شريفة" وبرنامج طويل عريض بيتكلم عن الرسول على انه لعيب كورة استغفر الله العظيم

وبعدين برنامج تاني: وكان زياد ابن ابيه يتميز بالذكاء وهذا لا يعني انه كان غير تقي ثم ان من حكمة يزيد!!! ما سمعتش الباقي
الدنيا قطعت مية وكهربا بس تقريبا كانوا بيقولوا: يزيد ما كانش بيشرب خمرا وكان بيصلي
وما عملش ذنب غير هو قتل الحسين بس ح تمسكوهاله بقى؟

طب دي اذاعة القرآن الكريم
قول لي انت
تثق في مين بعد كده
لو قالوا لك ظبطنا نوارة لابسة بدلة رقص وبترقص عشرة بلدي في ميدان التحرير ممكن تصدق بعد كده

into said...

طيب ممكن لو سمحتي تنشري سند الحديث ؟

Unknown said...

حاضر ح اطلع الطبقات وانزل السند

حسن على said...

سؤال لم اعرف لة اجابة:اية هية حجية ال رسول اللة فى ان يكون لهم مكانا مميزا بين الناس ,غير قولنا فى التشهد"اللهم صلى على سيدنا محمد, وعلى ال سيدنا محمد" بما يعنى اننا نطلب عون اللة لهم ولحمايتهم من اعداء الدين. اما باقى ايات القران كذلك الاحادبث فهى تساوى بين المسلمين جميعا؟؟؟ فلو ان فاطمة بنت محمد سرقت لقظعت يدها" ولافضل لعربى ,والناس سواسية كأسنان المشط الخ..... فمنين بقى جائت العصمة لأل رسول اللة وابناؤة بل واحفادة. نورى المحكمة من فضلك واحسانك

Unknown said...

الاخ هلب اللي طلع تلاتيني تدوير عشان هو مش عايز يدور

البداية والنهاية لابن كثير
الجزء الثامن
صفة مقتل الحسين
بداية من ص 544 ال ص 573
الحديث مذكور من عدة اوجه وبعدة صيغ

Anonymous said...

كل سنة و أنت طيبة
يا نوارة

حسن على said...

السؤال رقم واحد وعشرين ممكن اعرف اجابتة مش من باب الغلاسة واللة بس حاسس ان عندك اجابة ولوتقريبية من غبر اسناد يعنى

into said...

الاخت نواره

معلش يا ستي ، و الله مش قصدي اتعبك ابدا.
انا دورت قبل ما اسئلك و لكن لم اجد شيئا, و بعدين هي الاصول كده
من يقول شيء و يريد ان يؤخذ على محمل الجد يجب ان يذكر المصدر.

و بعدين انا دورت في البدايه و النهايه في الجزء الثامن و لم اجد شيئا

نعم انا بحثت في نسخ الكترونيه و لكن ده مش معناه انها غير موثق بها
مثلا موقع الدرر السنييه اللي اوصي باستخدامه احد العلماء الثقات
دكتور طارق سويدان
كذالك نسخة البداية و النهاية من موقع اسلام واي
و عدة مواقع اخرى
و لم اجد شيئا

كتاب من امهات الكتب مثل البدايه و النهايه موجود على النت عشرات ان لم يكن مئات المرات
اختاري اي سطر بصورة عشوائيه من الكتاب و ابحثي عنها بجووجل و ستجدي عشرات النتائج
و لكن ابحثي عن نص روايتك ولن تجدي شيئا!!

هل هي نظرية المؤامره؟؟؟

http://www.islamway.com/index.php?iw_s=library&iw_a=bk&lang=1&id=1170

http://www.al-eman.com/islamLib/viewchp.asp?BID=251&CID=130#s2

http://dorar.net/

into said...

و كمان ويكي مصدر مافيهوش حاجة
http://ar.wikisource.org/wiki/%D8%A7%D9%84%D8%A8%D8%AF%D8%A7%D9%8A%D8%A9_%D9%88%D8%A7%D9%84%D9%86%D9%87%D8%A7%D9%8A%D8%A9/%D8%A7%D9%84%D8%AC%D8%B2%D8%A1_%D8%A7%D9%84%D8%AB%D8%A7%D9%85%D9%86/%D9%81%D8%B5%D9%84_%D9%85%D9%82%D8%AA%D9%84_%D8%A7%D9%84%D8%AD%D8%B3%D9%8A%D9%86_%D8%B1%D8%B6%D9%8A_%D8%A7%D9%84%D9%84%D9%87_%D8%B9%D9%86%D9%87

Unknown said...

لا مش معقول يكونوا مغيرين في النسخة الالكترونية

الكتاب جنبي اهو، معقول يكونوا شالوها لما حملوها على النت؟

ده يبجى كلام واعر جوي

طب نزل الطبقات بقى ودور في الجزء الرابع والخامس

ح تلاقيه اكيد

حسن على said...

فى رواية "عزازيل" للدكتور يوسف زيدان ,الترقيم الالكترونى وحجم الصفحة مختلف عن النسخة المطبوعة فى دار الشروق مثلا