Tuesday 26 May 2009

الضراير اتصالحوا

ايوة كده، الراجل جاي كمان كام يوم تعبان من الشغل ومش عايز يسمع خناقاتكوا بقى، هو بيعمل ده كله عشان مين؟ مش عشانكوا انتوا وعيالكوا؟ ما تنكدوش عليه بقى، تحضروا له لقمته وتبخروا له الاودة وتمسحوها بالجاز وتشيشوها عشان يتغدى ويشرب الشاي ويرتاح له ساعة. الحكومة الشاطرة الشاطرة هي اللي تراضي ولي نعمتها وما تحسسوش انها تعبانة ولا متضايقة، ما يبقاش برة البيت شقا وجواه شقا ومشاكل بقى، وهو ما كانش ح يتجوز عليكوا سعد الدين ابراهيم الا اذا كنتوا قصرتوا معاه، لو لاقي الراحة في بيته ما كانش بص برة، وبعدين اهو ابو السعود بقى من العيلة، هي صحيح حاجة تحرق الدم، عشان كده اسمها ضرة، بس مشوا حالكوا بقى، يعني ح يطلقه؟ ربنا ما يرضاش بخراب البيت، لو عايز يطلقه ما كانش اتجوزه، ولما عينه زاغت ما عملش غير شرع ربنا، مش احسن ما كان يمشي في البطال؟ ولو مش عايزكوا كان طلقكوا برضه بشرع ربنا واداكوا حقوقكوا، بس هو باقي عليكوا الراجل وعلى العشرة
خلاص بقى، ارضوا بنصيبكوا انتوا الاتنين، وسعد برضه يعرف انه كان داخل على عليكوا، ويراعيكوا بقى عشان يعيش، والا بقى اوباما يزهق منه ويطلقه لان القديمة تحلا ولو كانت وحلة، وانتوا برضه ام العيال
انا مش قلت لكوا سيبوني احلم يا خبر بفلوس بكرة يبقى ببلاش؟ قعدتوا تنكدوا عليا في الحلم والخبر بقى ببلاش اهو، حرام عليكوا، كنتوا سيبوني اصدق انه ح يتعظ لمدة يومين بس، كان لزومها ايه الواقعية دي؟ يا باي

35 comments:

سيف said...

ربنا يحرقهم كلهم فى بعض


------------

على فكرة تفاصيل لقاء اوباما موجودة فى جريدة الدستور القاهرية

مش عارف ليه المصرى اليوم عاملة دوشة فى الصفحة الاولى

كأنه انفراد ليها ؟

Kalimalhus said...

أنا مش قادر أعرق باضبط إيه اللى مضايقك المرة دى..

يعنى زيارة أوباما و خبر قديم و اللى إتعمل لإرضاء بسلامته و إرضاء الصهاينة من قبله أهم ميت مرة من الحكم بتاع سعد..

فى نهاية المطاف كل القضايا المرفوعة على الراجل هجص و بالتالى كونهم يطلعوه من واحدة مش منافى للعدالة فى حد ذاته.. موقف الراجل الوطنى سليم أو مش سليم ده قصة مختلفة.. لأنه لا أسوأ من النظام و لا أفضل ما دام تحت جناح أمريكا فالصنف واحد..

الخلاصة دى أمور عائلية ما لناش دعوه بيها و مش لازم نشغل نفسنا كتير بسببها.. يعنى ياريت النظام كل ما يحب يراضى أمريكا يبقى يفنجر من جيبه.. يطلع أيمن نور و يدى سعد براءة فى قضية و كلام من ده..

الفنجرة اللى على قفانا هى اللى فعلا تستاهل نهتم بيها زى تشديد الحصار على غزة و مقابلة النتن و الصمت الرهيبى على موجة الإستيطان المسعورة و الحفريات تحت الأقصى .. و تلبيس قضايا جديدة للمقاومة و كل هاذوها الإشيا..

و المفروض نفرح لإخوانا يتامى الليبرالية الأمريكانى.. و إرجع يا ميمى أمك إصطلحت..

مهندس مصري بيحب مصر said...

مش المثل بيقول
بكرة نقعد جنب الحيطة و نسمع الزيطة

دا الأيام الجاية و خصوصاً يوم الزياة و الخطاب حنسمع زيطة كتير قوي
:)

Unknown said...

شوفتى لما منى الشاذلى كلمته
فى التليفون
قالها لو اتسجنت رابع مراتى حتطلب الطلاق
ترضى تتجوزى واحد سجين
لو ترضى انزل مصر فوراً
تيييييت عليك يا سعد الدين

سجلت الفقرة ديه و حبقى ارفعها
ههههههههههههه

TAFATEFO said...

على فكره فيلم "دكان شحاته" ده حلو جداً .. جداً جداً

الفيلم رهيب .. ميتسابش فيه مشهد واحد من أول تترات البداية العبقرية ولغاية آخر لقطه

الفيلم يوصلك لقمة الانفعال وينزلك على مفيش بإفيه عبقري من عمرو عبدالجليل أو من "النص" فيلم رهيب فعلاً

حتى أي حد هينكر عليه إقحام مشاهد (سرقه) في آخر الفيلم للجماعات الإسلامية وأنها بتفرض النف و"بتحجب" الستات عافية ده جاي في وسط مشاهد لانفلات أمني

الفيلم رهيب فعلاً .. غادة عبدالرازق أحسن واحدة مثلت في الفيلم .. وخالد يوسف أكثر من رائع

اللهم إلا إقحام ماهد الإغراء لهيفاء وهبي .. وحاجه كمان .. أنا نفسي أفهم ازاي خالد يوسف يخليها تمثل ويقول عليها موهبة جباره وهي من غير فايشيال اكسبرشنز؟؟ والله وشها تقريباً مبيتحركش كله سيليكون .. ده حتى شفتها اللي فوق مبتتحكش نهائياً .. ده حتى عمرو سعد يا عيني كان بيعاني وهو بيـ*** .. هو عمرو سعد كان كويس جداً برضه لكن موضوع اطيب بزياده (على وزن المر بزياده ) فااااااااااااكس .. مش كده أبداً يعني

الفيلم جميل جداً .. وواقعي أوي بقى

والرقابه لو كانت حفت منه مشهد واحد (غير مشاهد هيفا هانم واللي جزئين فقط من أجزاء جسمها قاموا بدورها في الفيلم) تبقى رقابه متخلفه

هو فعلاً الفيلم كان يا يتوافق عليه كله يا يترفض كله والحمد لله انهم وافقوا عليه

هو آي نعم أقحم آراؤه الناصرية بس معقوله ومفهومه ومبلوعه (طبعاً مش مبلوع ان عبدالناصر هو اللي هيداري الشرخ ولا ان يدعيله بالرحمه وأكنه الـ-----) لكن برضه الفيلم كله "كتير مهضوم" وعيبه الوحيد هيفا

TAFATEFO said...

على فكره صحيح

أي عيل ماشي في الشارع يقولك ان أي حكم غير رفض القضية لرفعها من غير ذو صفة وإلغاء الحكم الجائر بغباوة بحبس وغرامة سعد الدين إبراهيم ده اللي اسمه منافقة للسلطة وظلم بين

أصلاً القاضي الحيوان الحمار اللي اداله حكم في أول درجه ده حيوااااااااااااااااان حكومه

رحلتنا في الحياة said...

بس على الرغم من كل ده يانوراة الراجل قال كلمتين حق المرة دى فى برنامج العاشرة مساء قال ان اوباما مينفعش يلقى خطابه الموجه للعالم الاسلامى من مصر ليه بقى علشان هى دولة مش ديمقراطية والمفروض لما يكون فى تركيا او اندونيسا لانهم بلاد اسلامية ديمقراطية :))

سبهللة said...

ههههههههههههه
انتى فظيعة
عايزة جنازة وتشبعى فيها لطم
البوست دة كأن اللى كاتباه واحدة فاتحة باب البيت وقاعدة قدامه على الارض وفى حجرها صينبة رز بتنقيها
وعمالة تعدد
انتى مصيبة
ههههههههههههههههه

مواطن مصري said...

عمرو سعد هو خليفة احمد زكي في لقطة في الاعلان بتاع الفلم تيبكال احمد زكي في فلم الهروب


انا بس اخلص ام الامتحنات دي و ادخل الفلم

هندسة وصفية said...

انا علي فكرة شايف احسن انهم يعملوله ديكور للجامعة في مدينة الانتاج الاعلامي
و يفكوه بعد ما يمشي

مواطن مصري said...

شوفي صورة مبارك خان لقيتها ع مدونة طفاطيفو


ههههههههههههههههههههههههههههههههه


هههههههههههههههههههههههههههههههههههه

http://picasaweb.google.com/To3giboni/MubarakKhan#5261262598462560194

Kalimalhus said...

أيوشة
-----
دول مش كلمتين حق و لا حاجة.. أوباما أدرى بالخطاب بتاعه و عارف إن المكان المناسب قوى جدا خالص ليه هوه بلد المحبوب..

و على فكرة الخطاب بتاع أوباما ما لوش دعوة بالديموقراطية و لا غيرها.. هوه بيقول للدول العربية و الإسلامية إحنا عايزينكم كلكم تظبطوا نفسكم كده و تبقوا من عينة النظام الحبوب اللذيذ المسبسب ده..

أما سعد و غيره من حبايب ماما أمريكا فمش ممكن ينالوا رضاها إلا بالمزايدة على النظام فى الحب و الوله و الغرام.. وبما إن ده دلوقت مستحيل.. يبقى ما لهومش قيمة أو عازة و أهى مناظر فى خلفية الصورة لزوم الكادر يبقى متزن..

TAFATEFO said...

والله أنا مستغرب جداً

انتوا عارفين ان القضية اللي بتتريقوا على ان سعد الدين إبراهيم كان واخد فيها حبس سنتين وغرامة ممكن أي كلب معدي في الشارع يرفعها على معظم اللي موجودين هنا (ودول أقل حاجه) وممكن تترفع على معظم اللي بتنقلوا عنهم ابتداء بمهندس محمد سيف الدولة ولغااااااية السفير إبراهيم يسري والخضيري وفهمي هويدي كمان

الإساءة لسمعة مصر

ماحنا اللي بايتين فيه بنصبح فيه .. وكلنا بيقول مصر بتعزز و و و و و و و .. ده حتى المعظم طالب بقطع المعونة الأمريكية (مع اختلاف الدوافع) .. سعد الدين إبراهيم بيطالب بقطع المعونة الأمريكية لأنها دعم لنظام ديكتاتوري قمعي .. والمعظم انتقد زيارة أوباما واعتبرها دعم لنفس النظام الديكتاتوري القمعي

سعد بيطالب بربط المعونة بإصلاحات ديموقراطية

أنا مش قادر أفهم بجد .. ممكن حد يفهمني

بس من غير شوية كلام الإنشاء بتاع الحكومة من عينة الإستقواء بالخارج .. واللي ساب البلد دي ملوش حق يفتح بقه والكلام اللي لا يودي ولا يجيب ده

Unknown said...

اي كلب معدي مش ح يرفع قضية على اي كلب هنا لان اي كلب فينا مش بياخد معونة من امريكا ولا محطوط على حجر امريكا ولا داخل في منافسة عند امريكا مع النظام

هو بيطلب بقطع المعونة وهو بياخد منها ده من حيث الاخلاق

من حيث القانون بقى
النظام عمل فيه كده مش عشان هو مناضل اسم الله عليه اسم الله عليه فتوة بقوة اسم الله عليه

بس عشان هو بينافس النظام على ثقة امريكا
النظام بيقول لامريكا لو انا مشيت مافيش غير الاخوان وماليش بديل علماني
وده رايح يقول لامريكا انا بديل علماني بس ساعدوني يساعدكوا ربنا وما تساعدوش الواد التاني الوحش
قاموا عافقينه من رقبته

غيرة نسوان يعني

مهندس مصري بيحب مصر said...

شوفي الفيديو ده
http://www.youtube.com/watch?v=5SzjBNTJpkU
بن أفليك يدافع عن العرب

Kalimalhus said...

مصطفى
-----
شوف إن كان ده ينفع رد مقنع
http://egysoothsayer.blogspot.com/2009/05/blog-post_26.html

TAFATEFO said...

آه .. طب وبعدين

منا بسأل عن الجديد

مش مصادفه غريبه شويه ان ده نفس كلام النظام؟؟ كلام التمويل الأجنبي ده كلام قديم أوي واترد عليه بدل المره عشرين من 2005

منها مثلاً بيان مركز ابن خلدون اللي طلعه في بداية الكلام ده.
وشوية الكلام الجاهز زيالعمالة والخيانة والتخابر اللي بيقولوه وبعدين يسحبوه حسب الطلب

الجديد يا نواره هو القضية المتخلفة اللي رافعها واحد متخلف بتهمة الإساءة بسمعة مصر والإضرار بالاقتصاد بالمطالبة بسحب المعونة .. وده اللي بسأل عليه

أما موضوع أنا علماني مش الإخوان بس اللي على الساحه .. فأعتقد ان ما في مره كان في خطاب من خطاباته المنشوره بيتكلم فيها عن انه عايز يمسك السلطه (,إن كان ده مش معيب) لكن كلامه عن ان النظام بيخدعكم وبتدعموه باعتبار البديل ليه هو الإخوان .. فمش فاهم (وده سؤال وعايز أفهم) ايه اللي يعيب ده؟؟

TAFATEFO said...

ملحوظه .. كلامي عن الكلب كنت بقول أي كلب معدي في الشارع مش أي كلب هنا زي ما حضرتك فهمتي

الكلاب اللي أقصدهم زي مثلاً الششتاوي بتاع قضية إبراهيم عيسى والأخ بتاع القضية دي

BlackIceNo said...

حاجة بنت مرة وسخة اقسم بالله

Kalimalhus said...

و كلام عمومى.. ياريت كل واحد مننا يتعالج من دراع مرس اللى بيوجعه..

يعنى ناس عندها كل اللى يقول النظام كخه يبقى راجل مناضل و شجيع..

و ناس اللى يقول الإسلام هو الحل يبقى ها يحيى أمجاد الإسلام و ربنا ها يكرمنا على إيديه..

و ناس كل اللى يشيل سلاح يبقى مقاوم و أى مقاوم يبقى ملاك و لا يجوز عليه الخطأ..

فيه مبادئ و أساسيات ممكن كلنا نتفق عليها و نحكم من خلالها على أفعال الناس.. و فيه أفكار و أيديولوجيات ممكن نختلف عليها و نؤجل خلافنا لوقت لاحق لكن نساند من يعمل فعلا من أجل الهدف المشترك وطنيا و عربيا .. أما أصحاب الأهداف الشخصية فمافيش فايدة من مساندتهم و منهم للنظام يصطفلوا و مش ها نبقى أحن عليهم منه..

Unknown said...

حضرتي ما فهمتش انك بتقول على حد هنا كلب
حضرتي فهمت صح وحضرتي باستطرد حضرتي

بقاله تلاتين سنة يعرفني ولسة وبيقول لي حضرتك

mido said...

حتعملي ايه يا بنت يا نوارة _من غير حضرتك_لما أوباما يجي و يقفل البلد؟

mido said...
This comment has been removed by the author.
lastcrazyboys said...

اللي عامله سعد الدين ابراهيم معروف..اهو من زمان بيعمله

اللي انا بستغربه بقى انك ماسكة "بتلابيب"الراجل اللي جي ومستقبلاه استقبال مفيش بعد كده
والراجل الكبير طبعا مفهوش حيل واللي فيه مكفيه ..بس مظنش برضه انك هتتجاوبي مع ده
"الا بالحق هو حد شاف المؤتمر بتاع الوزراء ..سمعت انه كان مسهم ومش مركز..بس انا مبصدقش كلام الناس عندنا ..عشان هم بيبقوا مهيئين يشوفوه كده"
المهم ..اللي لاحظته ان هناك طرف غايب عن القضية..ومع انه الورقة الي بيلعب بها كل الاطراف
فيييين بقى الشعب من كل ده
الحكومةواخدة توكيل ضمني للقيام بدور مرات الأب
وسعد الدين عامل لنفسه توكيل محدش ماضي عيه طبعا
عشان لو اتقفش كله هيعمل فيها السادات في انقلاب 52
لأنه لو كسب خير وبركة ..حصل حاجة لا سمح الله .والنبي ولا عمره شفته ولا اعرفه
المهم اننا بعد اكتر من 1400 سنة

لسة مع من غلب

Unknown said...

هو بيطلب بقطع المعونة وهو بياخد منها ده من حيث الاخلاق

من حيث القانون بقى
النظام عمل فيه كده مش عشان هو مناضل اسم الله عليه اسم الله عليه فتوة بقوة اسم الله عليه

بس عشان هو بينافس النظام على ثقة امريكا
---
كويس انك قولتى رأيك فى سعد الدين ابراهيم
لأن الصراحة تصورت ان حضرتك شايفه بطل قومى

اصله شخص هفأ اى كلام و لا مؤاخذة

mido said...

هو سعد الدين قالكوا عايز يبقي رئيس مثلا ؟ طيب هل الراجل خبي مصادر تمويله و جاب بيها كازورة مثلا؟ و اوعي حد يقولي أصله بيكرس التدخل الخارجي في شئوننا

TAFATEFO said...

ها ها ها ها 1.

هي هي هي هي 2

Anonymous said...

3ala fekra obama mesh we7esh bel3aks

احمد سعيد said...

ياااااااااااااااجمااااااعه

كون امريكا بتلعب بالكل

فدة شىء معروف

سواء ايمن او سعد
وانها بتبتز النظام المعفن بتاعنا بيهم

علشان يقدم تنازلات اكتر

وبيقولوله ياعوكل لم نفسك

احنا مش هنغلب فى طرطور جديد

واديهم موجودين اهم


بدل الطرطور عشرة

يعنى مش البديل اخوان وبس

زى مانت بتوهمنا

ومش هنخبط دماغنا فى الحيط زى مانت عايز


دى ناحيه

يقوم النظام المحترم

يقول كدة

طيييييييييييييييييييييب

انا بقى محدش يزايد عليا ابدااااااا

دى تبقى عيبه فى حقى

طيب

انا واطى

وابن ستين تييييت

وبمسك الفوطه كمان

وبقرون

وديل

يلا بقى

ادينى جيبت اخر الخط

ورينى ياسعد انت وايمن هتزايدوا تانى علينا تانى فى ايه


دى ناحيه تانيه


سعد وشلته

الناس دى عنها مخطط
اللى هو

انهم بيحاربوا النظام

وعاوزين يقلشوة

طيب

يقلشوة ازاى

شغل الجماهير والوطنيه مينفعش عندنا

لاننا بصراحه

شعب سيس

وميسترش

واخرة الكلام

حتى الكلام بقينا نخاف منه

والحكومه ياعينى

قاسيه ومفتريه

واديها طارشه

والخوازيق المقلوظه على ... من يشيل

كدة قدامى حاجه من اتنين

اما انى اقعد اجعر

وكل شويه اتسك على قفايا

زى الاخوان ما بيعملوا كدة

ياخدوا كل قلم والتانى

ويقولوا

معلش

مسيرها تروق وتحلى

الله يسامحك يامحسن


اما انى اتسند على حد تقيل

رقبه النظام الجعر دة

تحت صباع رجله الصغير

اللى هو ميييييين

اييييييوة

اسمالله عليكم

امريكا

طيب

نيه سعد وشلته الله اعلم بيها

بس يعنى بالعقل كدة

مش متصور انه مثلا يكون طمعان يبقى رئيس جمهوريه

ايمن اة

وبصراحه

انا حاسس انه هينولها


اما بالنوسبه لسعد

الراجل فى مصر مكانش شحات

وكان ممكن يدلع نفسه هنا

او كان ممكن يزغزغ النظام شويه

وكان هيتاخد على الحجر

يعنى الراجل مكانش لازمه شغل البهدله والكرشه برة البلد

يعنى الراجل عندة قضيه

هو عايز الخير

دة من وجهه نظرة

ومش شرط ان اى حد عندة اراء ليبراليه يبقى ابن كلب عميل

انا عن نفسى مش ليبرالى

وبكرهها كمان

بس من حق كل واحد يبقى له وجهه نظرة

انا مش هبص للاسلوب

هبص للهدف النهائى

هل هو مشترك ولا لأ


يعنى انت عايز اللى انا عايزة ولا لأ

_____________

بس النقطه هنا

ان اونكل سعد حسبها غلط

هو فاكر ان الامريكان ممكن يدوروا على مصلحه البلد دى

ودة مش صح

لانهم اكتر ناس عايزة خرابها

علشان حبيبه القلب اسرائيل

تنام وهى مطمنه
يعنى هما هيستغلوة هو وامثاله

فى حاجتين ملهمش تالت

الاولى انهم يضغطوا على عوكل لو زمزأ

الثانيه ان لما ربنا يئذن وعوكل يغور مع فرعون وهامان اصدقاؤة

لو جيمى معرفش يلم الليله والامور بهوئت منه

نجيب صمام الامان بتاعنا

علشان الاسلاميين الوحشين ميمسكوش البلد

اللى هما ميييييييييين

ايوة

سعد ونور وشلتهم

كصمام امان وبديل مناسب يعنى


طيب

دى الصورة

انا مش بشكك فى ذمه ايمن ولا سعد

وان كنت مختلف معاهم

بس هما عرفوا من اين تؤكل الكتف

وحطوا النظام تحت ضرسهم

وفين يوجعك

علشان كدة هما مفلوقين منهم

_____________________

دلوقت السياسه قدامك خيارين

الاول تعيش دور النفخه الكدابه والجعير

زى عبناصر كدة

والناس تهلل وتصقف


وتنزل تقف فى وسط الحارة

وتقلع بنطلونك

واة ياحارة وسخه مافيكيش راجل

وكل شويه

تترزع قلم على قفاك

اسخن من اللى قبله

والله يرحمه بقى

كان عليه حته قفا

انما ايييييييه

فدانين ونص



الحل التانى

انك تبقى صايع

مراوغ

زلنطحى

يعنى تحقق اللى فى دماغك
باى اسلوب

ومع الاسف دة الاسلوب المعتمد دوليا دلوقت

واللى بيجيب نتيجه

وهى السياسه كدة

لعبه قذرة

واللى بيلعبها لازم يكون صايع

وبرجماتى

انما بقى شغل الاخوان

واحسن من الشرف مافيش

ولما حد يلطشك على قفاك اليمين

دورله الشمال كمان

ومش ملاحقين من الضرب

دة هبلللللللللل

انا على فكرة بحب الاخوان

ومش بستريح للاتجاة المعاكس
بتاع سعد

بس بصراحه

دة هو اللى ياكل مع ناس زى عوكل

لان مع الاسف

الشعب مش موجود فى المعادله اساسا

علشان حد يتسند عليه

لما الشعب المصرى يبقى له دور وكلمه

اللى يروح برة بعد كدة

ابقوا اعدموة رميا بالبراطيش

Jannah said...

عفوا دخلت اقرى في المدونة لقيت ولتحيا البليساريو كمان

مافهمتش علاقتك انت كمصرية او مصري بانفصاليين فجنوب المغرب حتىتاخدي هذا الموقف
انت لا اسبانية ولا جزائرية فليش هذا الموقف

اذا كان عاجبك موقف تشافيز مع فلسطين فهذا لا يعني انكتتوسعي اكثر لانه اتوقع من موقفك هذا انه ماعندك فكرة واضحة عن الموضوع وتاريخ المنطقة

موقف تشافيز ايام عدوان غزة كان نكاية فامريكا
وموقفه من البوليساريو تاييد للجزائر لحسابات اقتصادية بترولية بالاساس

ان شاء الله مايكونش تضيقت انا بحاول اوضح انك بطريقة
ما بتحيي الخلافات والانشقاقات برغم انه ماعندك مصلحة لانه عادةاللي عنده مصلحة سياسية او اقتصادية متل تشافيز هنا هو اللي بيتدخل ويشجع ويولعها اكتر وياخد مواقف يعني

مواطن مصري said...

مصراوي - خاص - أكد عدد من نواب مجلس الشعب في بيانات عاجلة تلقاها وزراء الصحة والزراعة والبيئة والري والموارد المائية أن الكثير من أصحاب المزارع السمكية يعتمدون على مواد غير آمنة في تغذية الأسماك حيث يؤدي رغبتهم في التوفير إلى خسائر فادحة في الثروة السمكية.
وطالب النواب بتكثيف الحملات الرقابية على كل من المصانع المنتجة لعلف الأسماك والمزارع السمكية محذرين من استخدام فضلات الخنازير والدواجن في تغذية الأسماك للحيلولة دون انتقال العدوى.

http://www.masrawy.com/News/Egypt/Politics/2009/may/26/fishes.aspx
بعد الطيور والخنازير .. تحذيرات نيابية من أنفلونزا الأسماك


ازاي يعني انفلونزا الاسماك


يعني لا فراخ ولا فسفور

Unknown said...

Jannah

لا الحقيقة انا كمبدأ مش مع الانفصاليين
ولو ان البوليساريو لهم ظروف معينة لكن انا شايفة انها تتحل من داخل المغرب احسن من الانفصال
اقصد انا مش مع الانفصاليين في الوطن العربي بالذات بس باقر بان الناس اللي عايزة تنفصل واقع عليها ظلم يتحل ضمن اطار الدولة
لكن انا مع الانفصاليين الايرلانديين مثلا

بالنسبة لتحيا البوليساريو
والله يا حبيبتي انا ما عملتش كده عشان شافيز طرد السفير الاسرائيلي ايام حرب غزة

انا عملت كده عشان تاني يوم ما شافيز طرد السفير الاسرائيلي المغرب طردت السفير الفنزويلي بحجة انه بيساعد البوليساريو
طب بذمتك ودينك يا شيخة
يعني ملك المغرب وللا رئيس الوزرا ما افتكروش ان شافيز بيساعد البوليساريو غير لما طرد السفير الاسرائيلي؟

بقى ده اسمه كلام ده؟

دي حاجة تكسف وتعر

Anonymous said...

الجلابية ع السرير يا سيد الناس..!!
:D

Kalimalhus said...

أحمد سعيد
--------
أنا شخصيا مشكلتى مع سعد و نور و أمثالهم إنهم بيمثلوا وهم الديموقراطية و ليس الديموقراطية الحقيقية.. لأن ببساطة أى نظام يقوم فى مصر لتحقيق مصالح أمريكا لن تكون له شعبية و سيضطر للحفاظ على بقائه أن يمارس الإستبداد و بعد الإستبداد ييجى الفساد.. يعنى النهاية هى هى..

حكاية الهدف الواحد دى مش صحيحة.. لأن الهدف الحقيقى مش التخلص من النظام الحالى و إستبداله بأى حد.. الهدف هو إقامة نظام حكم يمتثل لإرادة الشعب و يعمل لتحقيق مصالحه و مصالح الوطن ..

أى حد عايز يغير النظام و يستبدله بحاجة تانية سواء كانت ديموقراطية خرفانية أو دولة مستبدة بإسم الدين أو ما شابه فهو لا يعنينى و ما يفرقش معايا..

احمد سعيد said...

مهندس

ايوة كلامك مظبوط

مش بختلف معاك

بس فيه فرق بين حاجتين

اول حاجه هم متخيلين ان اسلوبهم دا هيصلح البلد

تانى حاجه
الاسلوب دة حقيقه مش هيعمل اختلاف كتير
على راى الثلاثى
شالو الضو
جابو شاهين

انا لما اتكلمت قلت الناس دى عايزة المصلحه
بس الحقيقه ان دة مش هيحصل

لان الخيوط المحركه فى ايد الامريكان
مش فى ايديهم

بل انهم نفسهم مربوطين بالخيوط دى

يعنى بحاول افرق بين انهم عايزين ايه

واسلوبهم هيؤدى لايه


يعنى شايف ان شغل الشتيمه والتخوين والاتهام بالعماله والبين الفارغين دول

ظلم

ومالهمش لازمه

خالص يعنى


ارجو انك تكون فهمتنى