Tuesday, 26 April 2011

المركز المصري للحقوق الاقتصادية والاجتماعية يستقبل شكاوي العمال الفلسطينيين والسودانيين

رجاء النشر على اوسع نطاق، خدوا كوبي من عندي وانشروها على مدوناتكم:

قام المركز المصري للحقوق الاقتصادية والاجتماعية
ecesr.com
بمقابلة وزير القوى العاملة احمد البرعي, بناء ع شكاوي عديدة وصلت للمركز عن ظروف عمل مجحفه لاشقاء فلسطينيين وسودانيين, وقد تعهد السيد احمد البرعي, بحل كل تلك المشكلات.
وعليه يتقدم المركز لكل الاشقاء الذين لديهم مشاكل خاصة بظروف العمل التقدم بشكاوي مكتوبه له لحلها.
عنوان المركز
1ش سوق التوفيقية وسط البلد الدور الرابع القاهرة
at

14 comments:

  1. محمد نور الدين26 April 2011 at 14:10

    ست الكل مساء الخير


    إلى أين أنت ذاهبة باللغة العربية

    "خذوا كوبي "هل يوجد في اللغة العربية شيء يسمى كوبي .يا نوارة نقول نسخة.
    هذا أولا ثانيا أين تعليقي عن سوريا وغسان بن جدو و الا ما عجبكش الكلام
    الشهادة لله منذ أن التحقت بالمدونة عفوا منذ أن سكنت بالمونة لم أتعرض للمقص أتمنى أن تستمر هذه التقاليد

    أجمل التحيات

    ReplyDelete
  2. Unknown26 April 2011 at 14:13

    السلام عليكم معلش أنا اسف على الإزعاج بس فيه قضية مهمة واعرف انك سباقة فى الخير فيه واحدة يمنية كانت منتجوزة مصرى فى العراق قتلته القوات الامريكية لانه كان زعيم تنظيم القاعدة هناك هيه من يوميها محتجزة ومحكوم عليها بالاعدام وهيتنفذ قريب ولادها صغيرين معاها فى السجن وهما مصريين وعايزين نعمل حاجة http://bit.ly/hwEk11 ده فيديو امه قدام المجلس العسكرى ست فلاحة شرقاوية زيى العسل http://bit.ly/f7ODpz وده فيديو تعريفى بقضيتها هو معمول بوجهة نظر واحد متعاطف مع تنظيم القاعدة بس دى مش قضيتنا
    أنا تعريف بنفسى كنت معتقل سابق لمدة 3 سنين على خلفية محاولتى الذهاب للعراق وطلعت مع الثورة كنت مع الشيخ محمد خضر بالمناسبة فى نفس العنبر وانا من دمياط زيه ليا اكاونت على تويتر بس بعتلك منشن ومعرفتش ابعتلك ماسج عشان لازم تكونى بتعمليلى فولو @vendetta4egy

    ReplyDelete
  3. utopia26 April 2011 at 16:49

    مبرووووووك رجوع امن الدولة فى ثوبها الجديد(الامن الوطنى)
    انا متشوق لرجوعهم لنشاطهم القديم فى التعذيب والتخريب
    كل ثورة وانتوا طيبين ولا اراكم الله مكروها فى ثورات لديكم
    "الأمن الوطنى" يتسلم مقر "أمن الدولة" بمدينة نصر
    http://www.youm7.com/News.asp?NewsID=399107
    وبالنسبة لأتلاف شباب الثورة احب اقول لهم
    والنبى ما انتوا قايمين ما تتعبوش نفسكوا بلا ثورة بلا بتاع

    ReplyDelete
  4. hangesa26 April 2011 at 17:09

    نوارة آسف ان تعليقى بعيد عن موضوع التدوينه بس بعد اذنك ممكن نتأكد منك من صحة هذة الوثيقة ومعلش هبعت اللينك كمان على حسابك على تويتر عشان انا شايف انه خطير لو كان صح و يارب يكون غلط اللينك اهو
    http://www.dp-news.com/pages/detail.aspx?l=1&articleid=81486

    ReplyDelete
  5. ameen26 April 2011 at 19:40

    حاضر .... لعله خير

    ReplyDelete
  6. ساعي الخير26 April 2011 at 19:53

    يا نوارة أنتي ندلة ندلة ندلة بجد حقيقي يعني و هذة هي الأسباب من الاخر للأول
    الأول : جنابك عمال أحايل فيكي علشان حقوق العمال في مصر من المصريين و كل من يشتغل علي أرضها و أن لازم يكون فيه حد أدني للجور يقيم بالذهب علشان الأسعار ما تغلاش و حد يضحك علي الغلابة و ياخد الزيادة و كمان قولنا كل عامل يعرف الواجب اللي عليه ببطاقة عمل تحدد شغله بالتفصيل علشان يعرف يطلع انتاج و يجيب مرتبه محدش يقول انه عواله و كل شئ ينكشف و يبان و انتي و لا سألتي .
    و الآخر : أنتي ندلة لأن في أحداث المحلة زمان فاكرها لما الناس أطحنت هناك و مات طفل في بلكونة بيتهم سعادتك جيبتي ورا و قولتي ما كونتش فاكرة الموضوع يوصل لكدة و لما الناس كلها ثارت دلوقتي دايرة تهيصي الحق هنا و اجري هناك و لا شايلة هم عمال و لا نظام جديد يتبني هد هد و بس و ما فيش مواجهة للحقايق و ان الناس لازم تشتغل صح و لازم انتي قبل الكل تدعي الناس للتفكير في نظام صح يجيب الخير للكل مش تدعي للهد و بس
    و علي فكرة موضوع كامليا شحاتة اللي أسلمت أنا عرفته من عندك أنتي و بعدين زعلت أنا طبعاً علشان حرية و دين و انسانية و كل حاجة
    و أنتي بقي بعد ما شردتي لمنظمات حموم النسان و الكل كليلة و قولتي يللا نعملهم صياح و أول لما الأمور سخنت خلعتي من الموضوعو راحت المسكينة اللي مش عارفين لها أراضي و اللي حتي لو كانت بتحب واحد ما كانش ينفع يتعمل فيها كده
    القصد يعني لابد من مواجهة الأمور ووضع حلول حاسمة مش الهرب و الندالة و مشاكل العمال يبقي أسمها مشاكل فئوية فئوية يا نوارة
    القصد ان كنا زعلانكي سامحينا بس الصدق معاكي ينجينا من الفلول يشمتوا فينا بطلي ندالة بقي النظام لسه لا سقط و لا اتغير

    ReplyDelete
  7. ساعي الخير26 April 2011 at 20:16

    كيف يسقط كيف يسقط النظام كيف يسقط النظام
    آآآآآه ..... أهه
    النظام يسقط عندما يقوم نظام جديد
    و كيف يقوم نظام جديد كيف يقوم نظام جديد
    آآآآآآآآه .... أهه
    لما نتناقش في أفكار واضحة لتحقيق أهداف محددة
    زي أيه زي أيه زي أيه
    زي أن العدل لازم يسود في أقصر مدة ممكنة لأن ليل المظلوم طويل
    يعني أيه يعني مثلا أقصي مدة للحكم في أي قضية يكون تلات شهور مثلاً يعني مثلاً
    تلات شهور آه تلات شهور فيه حاجة هو احنا قولنا تلات أيام
    يا ريت لو نطول ندي كل واحد حقه في يوم دي فكرة مثلا قابلة للنقاش لتحديد هدف مين عايز حقه بجد يا تري ؟

    ReplyDelete
  8. yasmeen selim26 April 2011 at 22:52

    مساء الخير على اجدع بنات مصر طلب شخصي ياريت يانوارة تبقي تنشري قصة الجندي البطل المصري ايمن اللي نفذ عملية رد االاعتبار لمصر بعد ما الجندي الاسرائلي نزل علم مصر من فوق وحدة على اراضى مصر على الحدود وداس علية الراجل ده شفتة فى برنامج تسعين دقيقة انهردة يخلي الواحد يعيض ويفرح في نفس الوقت

    ReplyDelete
  9. احلام جوليا27 April 2011 at 07:58

    لا مؤاخذه انت بتدافعي عن حقوق العمال الفلسطينين والسودانين في مصر يا نهار ابيض طب الاول دافعي عن حقوق العمال المصريين في مصر ده اكتر حاجة محببة الاجانب في مبارك انه كان خلي مصر بلد الاجانب سواء عرب او غير عرب ده اقل مرتبات للمصريين في مصر وكل العالم العربي يعامل المصري كمقيم درجة 10 راتبة اخر القائمة المميزات لاهل البلد ثم لاهل الخليج ثم اخر شئ لمصر

    ReplyDelete
  10. احلام جوليا27 April 2011 at 08:08

    لا مؤاخذه انت بتدافعي عن حقوق العمال الفلسطينين والسودانين في مصر يا نهار ابيض طب الاول دافعي عن حقوق العمال المصريين في مصر ده اكتر حاجة محببة الاجانب في مبارك انه كان خلي مصر بلد الاجانب سواء عرب او غير عرب ده اقل مرتبات للمصريين في مصر وكل العالم العربي يعامل المصري كمقيم درجة 10 راتبة اخر القائمة المميزات لاهل البلد ثم لاهل الخليج ثم اخر شئ لمصر

    ReplyDelete
  11. hassn hamdi27 April 2011 at 13:34

    نعلن عن تشكيل جبهة وطنية لادارة المرحلة الانتقالية بمجلس رئاسي مدني وتضم كافة أطياف المجتمع المصري وتياراته ونطالب الأستاذة نوارة نجم بالانضمام للجبهة ودعمها والدعوة لها

    ReplyDelete
  12. hassn hamdi27 April 2011 at 13:34

    نعلن عن تشكيل جبهة وطنية لادارة المرحلة الانتقالية بمجلس رئاسي مدني وتضم كافة أطياف المجتمع المصري وتياراته ونطالب الأستاذة نوارة نجم بالانضمام للجبهة ودعمها والدعوة لها

    ReplyDelete
  13. hassn hamdi27 April 2011 at 13:36

    نعلن عن تشكيل جبهة وطنية لادارة المرحلة الانتقالية بمجلس رئاسي مدني وتضم كافة أطياف المجتمع المصري وتياراته ونطالب الأستاذة نوارة نجم بالانضمام للجبهة ودعمها والدعوة لها وسيتم الاعلان قريبا عن الموقع الرسمي للجبهة وعلى من يريد الانضمام إلى الجبهة أن يدعو فقط للفكرة وينتظر

    ReplyDelete
  14. حمكشه27 April 2011 at 19:31

    اكيد انتوا لاسعين الجنسيتين دول اكثر ناس بتطارد المصريين بالدول العربيه علنا كمان يتهموننا بأعراضنا وده تسألى عنه اى غلبان طافح المر فى الدول العربيه

    ReplyDelete

Note: only a member of this blog may post a comment.