Sunday, 24 April 2011

محمد الظواهري بيتعدم ليه؟ ليه؟ ليه؟

تحديث:
كذا حد قال لي ان الاجراء ده اجراء روتيني عشان يديهم فرصة يطعنوا على الحكم
يا رب
يا رب
بس اهم حاجة يوكلوا اي حد غير منتصر الزيات، انشالله يوكلوني انا، اكيد مش حاجيب لهم اعدام زي منتصر الزيات
---------
الخبر ده صحيح ولا دي افتكاسة من اليوم السائع؟
ليه تم التصديق على اعدام محمد الظواهري؟ عمل ايه محمد الظواهري؟ اصلا المحاكمة اللي هو اتحاكمها مش شرعية
ايه جريمته يعني؟ 
يتعدم ليه؟ ليه؟ ليه؟ 
لا.. لا.. احنا لازم نعمل حاجة، دي حياة انسان، اهي دي بقى لا حبس عسكري ولا متحف ولا منع اعتصامات.. دي حياة انسان
حياة انسان ما عملش حاجة اصلا، ايمن هو اللي عمل وهو مش في مصر، اخوه بيتعدم نيابة عنه يعني؟
وبعدين بقى الجماعات دي ما تشوف لها محامي تاني غير منتصر الزيات.. ده انت لو وكلته في قضية كمبيالات وشيكات حيجيب لك اعدام
at

26 comments:

  1. Anonymous24 April 2011 at 01:45

    ان كان صحيحا,فللابد من مراجعة هذا الحكم الظالم. د. شريف عبد الحكم

    ReplyDelete
  2. Gii7824 April 2011 at 01:56

    مش معقول هيتعدم من غير سبب حتى لو تلفيق ... بس ياريت حد يوضح

    ReplyDelete
  3. الميدان24 April 2011 at 02:04

    واضح ان الاحكام دي كانت صادره ضدهم من ايام المخلوع وكانت ناقصه علي التصديق والمجلس العسكري لما يصدق عليها تبدأ مدة الطعن ويقدر محاميهم يطعن عليها وده لمصلحتهم مش ضدهم

    ReplyDelete
  4. علان العلانى24 April 2011 at 02:32

    نوارة لو الخبر صحيح فهو شكل من أشكال فرض هيبة الدولة فالإعدام بالنسبة للسلطة أحد أشكال إشهار السيادة وتطبيع السلطة راجعي الإعدامات في بداية انقلاب 23يوليو وعقب الحرب الأهلية في لبنان وكذلك عقب استيلاء حكومة الإنقاذ على السلطة في السودان، وعلى أية حال سنري
    فكل القضايا التي تتعلق بالنشاط السياسي وكل ما له صله بملف الإرهاب المشبوه من العدل والإنصاف أن يعاد النظر فيها على ضوء ما تكشف من معلومات وعلى أساس أن النظام المخلوع كان مجرد أداة لقوي الهيمنة ووسيلته وأداته التنفيذية في هذا الشأن كانت هي جهاز أمن الدولة

    ReplyDelete
  5. بهيج الشرير24 April 2011 at 02:47

    والنبي ياأبلتي أنا عندي إقتراح! إيه رأييك نوكل الزيات للدفاع عن اللبو المخلوع ملك الفياجرا وقاهر الهكسوس هو وعيلته

    ReplyDelete
  6. Choclate Cake24 April 2011 at 02:55

    لو هاتدافعوا عنه لازم تنحو العواطف - دورو على الحقائق

    ReplyDelete
  7. Leonardo24 April 2011 at 03:30

    هوه إنتى سمعتى عن قانون منع الإضرابات والاعتصامات اللى تم الموافقة عليه واعتماده ونشره فى الجريدة الرسمية يوم 12 إبريل وللا لسه ؟
    أنا مجرد مواطن بافكر بعقلى وعقلى بيقول لى إن قانون زى ده لما يطلع بالشكل ده يبقى فيه حاجه مش مظبوطه وللا إيه ؟

    ReplyDelete
  8. Leonardo24 April 2011 at 03:30

    هوه إنتى سمعتى عن قانون منع الإضرابات والاعتصامات اللى تم الموافقة عليه واعتماده ونشره فى الجريدة الرسمية يوم 12 إبريل وللا لسه ؟
    أنا مجرد مواطن بافكر بعقلى وعقلى بيقول لى إن قانون زى ده لما يطلع بالشكل ده يبقى فيه حاجه مش مظبوطه وللا إيه ؟

    ReplyDelete
  9. Admin24 April 2011 at 07:16

    الكلام ده في مصلحتهم

    لأن التصديق على القرار هو الخطوة الأولى إن شاء الله للطعن عليه ثم يتم محاكمتهم محاكمة مدنية، وياخدوا براءة بإذن الله

    ReplyDelete
  10. Admin24 April 2011 at 07:17

    الكلام ده في مصلحتهم

    التصديق على الحكم هو الخطوة الأولى للطعن عليه، ثم يتم محاكمتهم محاكمة مدنية وياخدوا براءة بإذن الله

    ReplyDelete
  11. كيوبيد24 April 2011 at 08:12

    نواره فيه قصة عندنا فى الصعيد احب اقوله لك تعليق على ها الموضوع القصة دى حقيقى حصلت بالفعل فيه واحد قاضى او مستشار كان حاضر حكم اعدام على شخص فى جريمة قتل فارجل قاعد يزعق انا مظلوم انا مش قتلتو فالقاضى قعد بيهدى ويتكلم معه قبل تنفيذ الحكم وبيقول انت فاكر يعنى ان صوتك العالى ده هايمنع التنفيذ احتسب عند الله والمظلموم حقو لا يضيع عند الله فارجل ضحك فسالو انت بتضحك على ايه قالو اصلى انا قاتل 3 وخدت فيهم كلهم برى والى مش عملتو له حاجه ده خدت فيه اعدام فرد عليه المستشار او القاضى ده شوفت بقا ان ده حق لا يضيع العين بالعين والسن يالسن الاخ الظوهرى لو برى ربنا هايظهر البرى لكن لو مش برى يبقى لا يجب ان نعلق ذلك على شمعة النظام السابق اهو فرصة للنقض وهايظهر الحق مع انى اشك فى برى مثال هذا الرجل

    ReplyDelete
  12. استراحة مصرية24 April 2011 at 11:35

    أنا معاكى اننا لازم نهتم بكل اللى بيحصل حوالينا لكن
    فيه عندنا مشاكل ياريت ياريت نهتم بيها ونركز عليها فى نفس الوقت
    أول المشاكل دى وأهمها مشكلة التعليم
    أنا بعتبر مشكلة التعليم دى أهم من الأكل والشرب والحرية والمساواة الاجتماعية ..مشكلة التعليم دى مشكلة حياة أو موت ..يعنى يااما نبقى بنى آدمين يااما نفضل قطيع مواشى أى حد يضحك علينا بكلمتين ..التعليم فى مصر ياسادة فيه فساد يعكر المحيط ..ياريت نركو الضوء على الفساد اللى فى التعليم واللى معشش فى وزارة التربية والتعليم لأن زى ماقلت التعليم فى مصر زى الماء والهواء الملوث ولأن التعليم لمصر مسألة حياة أو موت .. والمصحف الشريف التعليم أهم من الأكل والشرب
    ياريت نفهم ونستوعب

    ReplyDelete
  13. استراحة مصرية24 April 2011 at 11:35

    أنا معاكى اننا لازم نهتم بكل اللى بيحصل حوالينا لكن
    فيه عندنا مشاكل ياريت ياريت نهتم بيها ونركز عليها فى نفس الوقت
    أول المشاكل دى وأهمها مشكلة التعليم
    أنا بعتبر مشكلة التعليم دى أهم من الأكل والشرب والحرية والمساواة الاجتماعية ..مشكلة التعليم دى مشكلة حياة أو موت ..يعنى يااما نبقى بنى آدمين يااما نفضل قطيع مواشى أى حد يضحك علينا بكلمتين ..التعليم فى مصر ياسادة فيه فساد يعكر المحيط ..ياريت نركو الضوء على الفساد اللى فى التعليم واللى معشش فى وزارة التربية والتعليم لأن زى ماقلت التعليم فى مصر زى الماء والهواء الملوث ولأن التعليم لمصر مسألة حياة أو موت .. والمصحف الشريف التعليم أهم من الأكل والشرب
    ياريت نفهم ونستوعب

    ReplyDelete
  14. -_-24 April 2011 at 12:14

    اشك في براءته

    ReplyDelete
  15. Unknown24 April 2011 at 12:19

    أنا مش فاهم الناس بتهاجم نوارة نجم ليه؟
    نوارة نجم بنت صافيناز كاظم
    وصافيناز كاظم من أكبردعاة التشيع
    وصافيناز كاظم كلت من خير العراق وخانته لصالح ايران والتاريخ موجود ومثبت
    ونوارة بنتها مثلها الأعلى حسن نصر الله الشيعى وابراهيم عيسى المتشيع

    وحاليا مصدر تمويلها قناة الجزيرة ومؤتمرات قطر

    وأبوها نجم لا مبدأ له واتسجن فى قضية رشوة واختلاس اتعرف خلال حبسه على العملاق الشيخ امام وطلع على قفاه والشيخ امام قاطعه فى أواخر حياته وقال عليه متسلق ومدعى
    وحاليا هو يسير فى ديل ساويرس يلتقط مايلقى اليه

    هى دى نوارة نجم اللى موافق عليها يعلق اللى رافضها مايعلقش

    ReplyDelete
  16. hardway24 April 2011 at 12:31

    ايه ياريــســـه...خط الميكروباس أتغيـر
    هانشتغل جوه البلد...ما الخط الدولي أحسن
    عامل معانا شغل حلو درهم..ريال..ليرة..
    اوكي..أوكي..أنت صاحبت الميكروباس......
    وأحنا خدامين الـقـــمــــــــر يا أحلي قمر
    دار القضاء..ش فؤاد .القضاء .القضاء..
    عباسية.. شمال القاهرة..عباسية....
    جنوب..جنوب..ش بورسعيد....مجمع محاكم....
    المجمع..القاهرة الجديدة..هاتشوف الناس الكبيرة..كبيرة..كبيرة
    عسكرية..عسكرية..هاتروح وماهترجع....
    ماهـتـرجع..ما هـتـرجع

    ReplyDelete
  17. hardway24 April 2011 at 12:32

    ايه ياريــســـه...خط الميكروباس أتغيـر
    هانشتغل جوه البلد...ما الخط الدولي أحسن
    عامل معانا شغل حلو درهم..ريال..ليرة..
    اوكي..أوكي..أنت صاحبت الميكروباس......
    وأحنا خدامين الـقـــمــــــــر يا أحلي قمر
    دار القضاء..ش فؤاد .القضاء .القضاء..
    عباسية.. شمال القاهرة..عباسية....
    جنوب..جنوب..ش بورسعيد....مجمع محاكم....
    المجمع..القاهرة الجديدة..هاتشوف الناس الكبيرة..كبيرة..كبيرة
    عسكرية..عسكرية..هاتروح وماهترجع....
    ماهـتـرجع..ما هـتـرجع

    ReplyDelete
  18. nosseir24 April 2011 at 12:46

    يا ريت المجلس العسكرى يعمل عفو عام فى كل الاحكام العسكرية اللى صدرت بالتلفيق فى عصر مبارك...فى ناس كتير مش قادرة تخش البلد عشان حكم عسكرى صدر ضدها بالتلفيق فى عصر مبارك...زى الشيخ وجدى غنيم...حرام بجد راجل زى دة وقف قدام مبارك كتير ونطق بالحق فى وقت عز مبارك...واتحبس كذا مرة ...والان مش عارف يدخل البلد ..ويشارك مع اهلة وناسة

    ReplyDelete
  19. Dr.issamo24 April 2011 at 13:38

    ما تصدقوش اليوم(السافل) الساقع

    ReplyDelete
  20. Unknown24 April 2011 at 14:45

    وقفة احتجاجية سلميّة أمام السفارة السورية في القاهرة - الثلاثاء 26-4-2011
    التجمع الساعة 11:30 صباحا أمام سينما التحرير - الدقّي
    وفاء لدماء الشهداء الأبرار الذين سقطوا بيد نظام القمعي القاتل
    https://www.facebook.com/Syrian.Revolution

    ReplyDelete
  21. Early bird 24 April 2011 at 16:34

    هو امن الدوله رجع تانى والا ايه
    يا عم ياللى بتشتم..... نواره ماشى براحتك.....اهى فيها ميت لسان ويا ترد يا ماتردش بقى انت ونصيبك لكن مامتها لا ولا باباها كمان دول ناس زى الفل

    حكايه ان الحكم لازم يبقى اعدام علشان الناس تطعن عغليه طيب ما كانش ينفع يبقى تابيده اصل الاعدام دى حاجه تخض قوى

    ReplyDelete
  22. Early bird 24 April 2011 at 16:35

    هو امن الدوله رجع تانى والا ايه
    يا عم ياللى بتشتم..... نواره ماشى براحتك.....اهى فيها ميت لسان ويا ترد يا ماتردش بقى انت ونصيبك لكن مامتها لا ولا باباها كمان دول ناس زى الفل

    حكايه ان الحكم لازم يبقى اعدام علشان الناس تطعن عليه طيب ما كانش ينفع يبقى تابيده اصل الاعدام دى حاجه تخض قوى
    عموما ربنا فوق الكل

    ReplyDelete
  23. أمينة سمير24 April 2011 at 19:00

    ربنا يبارك فيك يا نوارة كمان وكمان

    الراجل ما صدقوا اهله فرح يوم بيه والا اتخطف من غير اي توضيح


    الناس بتتعدم عشان تفكيرها يا ستي ،، اصل احنا ممنوع نفكر وممنوع نقول ءارائنا

    ولا يمكن يعدموه مجاملة لأمريكا عشانه بقى اخو الظواهري

    ممكن اي سبب اصل الاعدام ده حاجة سهلة اوي

    بعدما الراجل عاش نص عمره في السجن هيتعدم

    ReplyDelete
  24. Arafawy24 April 2011 at 22:27

    http://www.facebook.com/photo.php?fbid=210294318990825&set=a.191412130879044.43504.191115070908750&type=1&theater

    دي رسالة تكذيب من القوات المسلحه يا نواره

    ReplyDelete
  25. Amr Ebaid24 April 2011 at 23:26

    نوارة.. طلعت اشتغالة

    http://www.facebook.com/photo.php?fbid=210294318990825&set=a.191412130879044.43504.191115070908750&type=1&ref=nf

    ReplyDelete
  26. mr_adham25 April 2011 at 00:00

    طلعت افتكاسه يانوارة المجلس الاعلي نفي ده علي صفحته

    ReplyDelete

Note: only a member of this blog may post a comment.