Friday 18 February 2011

الجيش متضايق من الاضرابات... تاهت ولقيناها

حلو قوي.. الاضرابات فعلا معطلة البلد وموقفة عجلة الانتاج
الاضرابات دي ممكن تخلص في نص ساعة زي السحر، من غير ما حد يتخن صوته علينا، وذلك من خلال الآتي:
1- احنا واخدين حكم بحصول العاملين في الدولة على حد ادنى للاجور 1200 جنيه، الحكم ده لسه ما اتنفذش، يتنفذ، وطبعا عشان يقدر الجيش ينفذ الحكم القضائي ويلاقي موارد يعمل حد اقصى للاجور، يعني ما ينفعش رئيس القطاع ياخد مليون جنيه في الشهر والعمال والموظفين بياخدوا ميتين جنيه
2- القيادات الفاسدة يتم فتح التحقيق معاها، وقيادات النظام البائد، اقصد رؤساء القطاعات ورؤساء مجالس الادارة يتحولوا للتحقيق 
باااااس كده
والاعتصامات خلصت... سهلة اظن
at

84 comments:

  1. أبو أمك18 February 2011 at 23:23

    أو ممكن نسيب عجلة الإنتاج خالص
    ونجيب موتوسيكل

    ReplyDelete
  2. أحمد سيف18 February 2011 at 23:23

    يا نواره الحل سهل ... بس مافيش نيّه عند شفيق يحلها ... هو عايزها تفضل كده عشان يقول للجيش شوفوا الثوره عملت ايه في البلد ... كفايه عليهم لحد كده

    ReplyDelete
  3. Unknown18 February 2011 at 23:26

    Nawara , they will not leave on their own, and the army doesn't look like firing them (the ministers) their must be a new effective method of pressure

    ReplyDelete
  4. أحمد سيف18 February 2011 at 23:26

    يا نواره الحل سهل بس شفيق مش عايزها تتحل ... هو هدفه الاحتجاجات تفضل كده وتزيد عشان يقول للجيش شوفوا الثوره موقفه الدنيا ازاي ... كفايه عليهم لحد كده

    ReplyDelete
  5. Moataz Medhat18 February 2011 at 23:27

    من التويتر
    :D :D
    RT @Hebaaboueleid ​بالنسبه لاخواننا بتوع "أنا أسف يا ريس" احنا في انتظار كمان جروب "معلش يا عادلي" وبالمرة سامحني يا عز و لا مؤاخذه يا صفوت

    ReplyDelete
  6. عمرو فكرى18 February 2011 at 23:28

    :)

    ReplyDelete
  7. Unknown18 February 2011 at 23:28

    خلينا الناس تشتغل لان كدا مالوش اى لازمة ولازم نحترم الجيش لانة احترمنا جدا ياجماعة اشتغلوا وميدان التحرير موجود حصل اى حاجة هننزل تانى واظن الكل شاف النهاردة

    ReplyDelete
  8. lastcrazyboys18 February 2011 at 23:30

    يا سلااااام ..طب عليا النعنة انا عرفت دلوقتي انتي سخنتي العالم دي

    وخليتيم يطلعوا من يوم 25 ليييه

    عييينك عالكرسي بتــاع عيوشــة ..يا لئيييمة

    ReplyDelete
  9. Perfection Seeker18 February 2011 at 23:35

    تفتكري يا نوارة محاولات حسني و الاضيشه دول بترمي لايه؟ فاكرين انه ممكن يرجع مثلا هو ولا جيمي و السيدة الفاضلة؟
    و كانك يا ابو زيد ما غزيت؟
    هما لسة فاكرينا غير ناضجين سياسيا زي نظيف و الامور سليمان ما بيقولو علينا و لا ايه؟
    و حياة النبي ترددي عليا

    ReplyDelete
  10. Anonymous18 February 2011 at 23:37

    طيب فيه صفحة للقوات المسلحة على الفيس بوك, يا ريتك تبعتيلهم عليها. الواحد مش عايزالشيطان يوزه ويجيله تهيؤات ان الجيش بيغطى على حد. اعوذ بالله من الشيطان الرجييييييييييم
    :)

    ReplyDelete
  11. Unknown18 February 2011 at 23:44

    هى لسة فى ناس بتاخد ملايين فى الشهر!! هى كانت ثورة هزار و لا ايه

    ReplyDelete
  12. محمد نور الدين18 February 2011 at 23:44

    ست الكل وأنا أيضا متضايق منها
    كما قلت لك أكثر من مرة هذه الاضرابات القطاعية وذات المطالب الاجتماعية تؤثر في هذه المرحلة الدقيقة على مسار الثورة
    لأنها تنهكها وتشتتها ويمكن أن تكون مدخلا للثورة المضادة.
    الثورة الان مهمتها الأساسية حل المسألة التاريخية و ليس الاجتماعية الآن القضية المركزية هي حل مسألةالحكم، وهي القطيعة مع الاستبداد ومؤسسات الاستبداد مثل البوليس السياسي، وهذا الذي يسمى الأمن المركزي الذي لايوجد إلا في مصر، رفع حالةالطوارئ حريةالمساجين السياسيين .
    وتأسيس دولةعصرية ومؤسسات عصرية ممثلة في دستور ديمقراطي يؤكد على فصل السلطات ويحدد الصلاحيات ويؤكد بشكل واضح ودقيق على الحريات العامة والفريدة. هذه هي المهام الأساسية في هذه المرحلة إذا أنجزت تكون فعلا قطيعة حقيقية
    تجعل مصر تقطع ليس مع نظام سياسي إنما مع مرحلة تاريخية وتؤسس لأخرى جديدة
    هذا هو المطلوب

    ReplyDelete
  13. Mouri18 February 2011 at 23:51

    حلني بأه !!

    الأحكام القضائية دي زي مايكون حد حالف عليها ماتتنفذ

    ReplyDelete
  14. Unknown18 February 2011 at 23:51

    el idrabat dih mosh betenfa3 el balad fi ai 7aga, awel 7aga el 7ad el adna 600 LE mosh 1200, tani 7aga zeyada el 2ogour mara wa7da hata3mel tadakhom gheir tabi3i, lazem kol haga teb2a metrateba sa7

    ReplyDelete
  15. Kalimalhus18 February 2011 at 23:52

    أضيفى لذلك
    3 - حل إتحاد العمال التابع للنظام البائد و إتاحة الفرصة لإنتخاب مجالس نقابية عمالية جديدة يثق فيها العمال و بالتالى يمكنها التفاوض لتحديد جداول زمنية لتحقيق مطالبهم.

    4 - فتح المجال بتعديل القانون لإنشاء لجان نقابية و نقابات عمالية فى كافة المؤسسات العامة و الخاصة التى لا يوجد بها لجان نقابية الآن حتى يجد العاملون فيها من يمثلهم أيضا

    ReplyDelete
  16. safy18 February 2011 at 23:57

    this is a very good idea, ezay makhataretsh fe balhom.. i LOVE your blog nouara, as i used to love ur mum & dad..
    i want you to spread my apology to all your 25 Jan friends : ana wa7da men el gyle eli abloko, sorry enena ma 3amalnash el thawra de leko !! kona (-ve) awy & (self centered)..begad ento a7san menena keteeeer awy, we naga7ko da leena w le awladna, ya3ni e7na kaman estafadna men 3'er maghood :( begad sorry..ana 7awelt ab3at el 'e3tezar da leeko bas mesh 3arfa wasal wala la'...sam7ona

    ReplyDelete
  17. abodoma19 February 2011 at 00:01

    استاذ احمد النجار ريق اهله نشف وقالهم اكتر من حل بس ياريت ينفذو الحد الادني من الاجور علشان يسيطروا علي اضرابات العمال والبلد ماتخربش..والاهم ملف الدم والشهداء حتي تنتهي المظاهرات

    ReplyDelete
  18. Unknown19 February 2011 at 00:03

    لا مش سهلة يا ست نوارة - معلش طلعت أوت منك المرة دى - ليه؟ سؤال حلو - لأننا معندناش مجلس قيادة ثورة عشان يعمل الكلام ده - إحنا عندنا شعب ثائر وجيش جبر خاطر ثورة الشعب إلى حد كبير لغاية دلوقتى - لكن هذا الجيش لن يُقدم تنفيذ إجراء مثل هذه التغيرات الآن - وبالذات فى المرتبات وتطهير البلد من مئات الألوف من أركان النظام الذين وضعهم ثنائى الحزب الوطنى وأمن الدولة فى مواقعهم القيادية فى المصانع والشركات والجامعات ... الخ - فهو يظن أن مثل هذه التغيرات هى مسألة ترجع إلى خطوات سوف تتخذها حكومة مدنية بعد حدوث إنتخابات تشريعية ونجاح حزب أو إتلاف أحزاب لكى يمسك الحكم ويؤلف وزارة - ده أصلاً إذا حد سمع كلامنا وأرسى دعائم نظام برلمانى بدلاً من نظام رئاسى - والكلام الأخير الخاص بإرساء نظام برلمانى بدلاً من نظام رئاسى مش داخل خالص فى تعديلات الدستور التى يتم إعدادها الآن من أصله - وإذا استمرت مصر فى نظام الحكم الرئاسى فسوف يتحول الرئيس الجديد تدريجياً إلى فرعون جديد - غصب عن عين أبونا كلنا - ما هو مبارك فى أول سنة له فى الحكم ما كنش لسه بقى فرعون - ياإخوانا لازم الناس تركز شوية فى موضوع المطالبة بتأسيس نظام برلمانى فى مصر (ولاحظى تركيز كل الخلق على ترشيح إسماء رئيس جديد لمصر مثل عرو موسى أو حمدين صباحى أو البرادعى أو عم شرشر مش مهم – المهم أنه كله مش واخد باله من حكاية نظام برلمانى دى خالص – ولا كلمة واحدة عنها فى أى مكان فى مصر كلها وكأننا عاوزين نحط على دماغنا فرعون تانى بس يكون حنين علينا شوية ويزغر لإسرائيل شوية وخلاص خلصت الحدوتة – ويظل فساد سلطة أركان ودعائم نظام مبارك ونظام كل فرعون حكمنا قبله عايش فى شوارعنا وفى شغلنا وفى سرايرنا – وبعد عشر سنين نصرخ تانى من شدة فرعنة الفرعون الجديد – ما حدش عايز يفهم خطورة النظام الرئاسى خالص ولا مهتم بها من أصله نهائى – فى حين انها أهم قضية الآن – وإذا لم تتحقق الان فلن تتحقق فى مصر ولا فى القرن السبعة وسبعين) – إن إرساء نظام برلمانى تسقط فيه الوزارة فوراً ويستقيل فيه رئيس الوزارة فوراً لما قطر يولع - والا لما عمارة تقع - والا لما مركب تغرق - والا لما حرامى كبير يسرق الشعب - والا لما كلب يزور انتخابات - هو الضمان (النسبى – النسبى – النسبى – بركز على النسبى دى جداً جداً – لأنه لا شىء مؤكد فى مصر – لأن الناس عندها استعداد يكاد يكون فطرياً للصبر غير النهائى على احتمال الظلم والفساد) -هو الضمان النسبى الوحيد لمنع نشوء فرعون جديد فى مصر - أما المرتبات كحد أعلى وحد أدنى وتثبيت المؤقتين وغيره من كل المطالب الفئوية فلن تحدث سوى بعد سنة من الآن على الأقل - ولذلك سوف تظل الإضرابات والاحتجاجات سوف تستمر على ما يبدو برغم غضب الجيش - إلا إذا شكل الجيش حكومة مجلس ثورة تتخذ قرارات ثورية - وهذا موضوع آخر تماماً - وربما يدخلنا فى شرعية حكم عسكرى كنظام 1952 - وهذا الاحتمال آخر - وهو شىء لا يتمناه أى مصرى بيحب البلد حب بحجم حبة رمل واحدة

    ReplyDelete
  19. Unknown19 February 2011 at 00:09

    allah ma3kom ya rab o ma3 kol el sho3ob el arabia

    ReplyDelete
  20. 3nkaboot19 February 2011 at 00:10

    الخبر دا يجوز يكون تسريب من الثورة المضادة
    ما فيش أي حاجة بتقول كده رسميا أو على صفحة فيسبوك الجديدة بتاعة الجيش

    ReplyDelete
  21. iman19 February 2011 at 00:14

    ياااا رب تعليقى يتنشر : فكرة عسل :) انتى رائعة مش علشان الفكرة ,ده عامة :)1

    ReplyDelete
  22. محمد نور الدين19 February 2011 at 00:16

    مع الاعتذار لنزار قباني
    مهداة إلى معمر القذافي

    متى ترحل

    أيا جملا من الصحراء لم يلجم ..
    ويا من يأكل الجدري منك الوجه والمعصم ..
    متى ترحل
    يا من يعبق..
    البترول من عباءاتك
    وبالعربات تطرحها على قدمي عشيقاتك
    بلا عدد .. فأين ظهور ناقاتك؟؟
    وأين الوشم فوق يديك ؟؟
    أين ثقوب خيماتك؟
    أيا متشقق القدمين يا عبد انفعالاتك
    ويا من صارت الزوجات بعضا من هواياتك
    تكدسهن بالعشرات فوق فراش لذاتك ..
    تحنطهن كالحشرات ..
    في جدران صالاتك
    متى ترحل

    متى أيها المتخم ؟
    ويا من تخجل الصحراء حتى من مناداتك
    متى ترحل

    ReplyDelete
  23. مواطنة مصرية19 February 2011 at 00:22

    أكيد الحل سهل بس مش عارفة ليه مش عايزين يقبضوا على الفاسدين بقى ويخلصونا وشفيق ده بتاع البون بوني يمشي زي الي عينه
    ايوة والي طلعوا النهاردة دول بتوع معليش ياريس رفعوا ضغطي بجد والتلفزيون المصري لسه بيقل أدبه برضو

    ReplyDelete
  24. محمد نور الدين19 February 2011 at 00:24

    مع الاعتذار لنزار قباني
    مهداة إلى معمر القذافي

    متى ترحل

    أيا جملا من الصحراء لم يلجم ..
    ويا من يأكل الجدري منك الوجه والمعصم ..
    متى ترحل
    يا من يعبق..
    البترول من عباءاتك
    وبالعربات تطرحها على قدمي عشيقاتك
    بلا عدد .. فأين ظهور ناقاتك؟؟
    وأين الوشم فوق يديك ؟؟
    أين ثقوب خيماتك؟
    أيا متشقق القدمين يا عبد انفعالاتك
    ويا من صارت الزوجات بعضا من هواياتك
    تكدسهن بالعشرات فوق فراش لذاتك ..
    تحنطهن كالحشرات ..
    في جدران صالاتك
    متى ترحل

    متى أيها المتخم ؟
    ويا من تخجل الصحراء حتى من مناداتك
    متى ترحل

    ReplyDelete
  25. مش فاهمه19 February 2011 at 00:30

    خدنا ايه من الشكر للشعب لأ بجد الشعب عمل ايه يانوارة هو العمر فيه كام جمعه
    لأ بجد بقه بيان الجيش ده مش علشان الأحتجاجات الفئويه لأ ده صدر يوم الجمعه يبقى علشان جمعة النصر ماهى باينه لأ بجد حانستنى جمعه فى ديل جمعه لأ النظام بيشتغلنا يا قطاقيط نوارة تتطلع فى المحور و بلال فضل على دريم و علاء الأسوانى على اوتىفى و كلكم بتقوله ان الدستور لازم يتنسف و قاعدين توضحوا لنا يعنى ايه شرعيه ثوريه و ابصر ايه و فى الأخر بخ الحكومه هى هى و الدستور بيتعدل بس ولا بقه فيه شرعيه ثوريه ولا نيله انا خلاص يئست الحقيقه مش عايزينكم تكلمونا تانى روحوا كلموا الجيش كفايه كتابه الشعب عمل اللى عليه و طلع الدور و الباقى على اللى بيعرفوا يتكلموا يتكلموا و يتفاوضوا باسمنا بقه

    ReplyDelete
  26. ساعي الخير19 February 2011 at 00:40

    الحمد لله رب العالمين إلي نوارة الأنتصار يرجي الأطلاع عن طريق جوجل علي حادثة خميس و البقري و اللتي حدثت في ثورة يوليو 1952 لمعرفة الشبهات اللتي تحوم حول أعدامهما مظلومين لمحاولة الحفاظ علي الأمن و الأنضباط و كيف أن هناك مستفيدين في تحريك هذة الأحداث من النظام الملكي البائد و هي ذات الشكوك التي تساور المعلقين في مدونتك بأن هناك أضطرابات ملفقة و ليست حقيقية كموظفي البنوك و غيرهم من أصحاب الأجور المرتفعة مقارنة بالغالبية العظمي من العمال و عليه يرجي منك القيام بمبادرة فردية_ أو من تندبيهم و تحرضيهم من المعروفين للناس _ للمرور علي المصانع و الشركات المختلفة لأستقصاء آراؤهم و جمع مظالمهم و شكواهم و فهرستها مع تقديم وعد باتخاذ مبدأ ينص عليه في الدستور المزعوم برفع مطلب الحد الأدني للأجور _ أقصد الأجر الأساسي _ إلي ما يعادل (جنيه و ربع ذهب) يعاد النظر فيه كل ثلاث سنوات علي ضؤ سعر الجنيه الذهبي و ذلك هرباً من التضخم و الغلاء مع مراعاة تغيير نظام الأجور و المرتبات و القائم علي الأساسي الضعيف ثم الحوافز و البدلات_ الذي يجعل العمال تحت رحمة الأدارة لا يستطيعون رفض الظلم و الفساد خوفاً من التلاعب بالحوافز كعقاب _و بذلك تهدأ الأمور دون ظلم للعمال و الموظفين أو أغفال لمطالبهم و يغلق الباب أمام حدوث أضطرابات مفتعلة تزهق فيها أرواح كخميس و البقري نتيجة فتنة أذناب النظام للوقيعة بين الناس و الجيش أو الأضرار بالبلاد عن طريق الأضرابات فتخيلي انقطاع المياه و الكهرباء مثلاً أو أنعدام قلة الأقوات بالأسواق لا سمح الله و أسألي الوالد عن خميس و البقري جايز يحكي لك و ليكن هناك شئ من التنظيم الجيد و التعاون علي رفع الظلم و لنتعلم من التاريخ موفقين إلي الخير

    ReplyDelete
  27. -_-19 February 2011 at 00:47

    لا لسة
    كتفي مين هيعالجه ؟
    ه انا اطلع في كل المظاهرات محدش يعالجني

    !!!

    طب جيبولي شريط كيتوفان

    !!!

    والله مش بعيد يا نوارة بعد كل اللي بنسمعه يطلع في الاخر مرتب الموظف المصري مفروض يبقى 3000 جنيه !!!

    ReplyDelete
  28. aly19 February 2011 at 00:47

    يا أستاذة نوارة
    إحنا عندنا أحلام كبيرة أوي للمستقبل
    والاضرابات دي بتعطل الاحلام دي لأنها لها أهداف شخصية
    وقبل ماتحمري عينك لي اقولك ان الهدف هو كرامتنا ولقمة عيش كريمة
    مين قال ان الحل هو المرتبات ومين قال ان تفاوت المرتبات عيب
    مايمكن يكون الحل في رفك كل البطالة المقنعة والموظفين الزيادة بالعشرات في كل مكان
    وطبعا مش دي الصورة بس
    فيه جهات تانية مسؤليتها توفير مناخ عمل من غير عمالة زايدة
    فتح مشاريع صغيرة
    قروض
    اعانات البطالة
    الغاء الجمارك والضرايب وتسهيل مشاريع الافراد
    يعني الحل اقتصادي بحت بس في ظل عدالة سياسية واجتماعية
    اللي انتي بتطلبيه ده هو تكسير لعضم اقتصادنا اللي تعبان في الوقت اللي لسة مارجعناش مليم من اللي اتسرق يساعدنا في ازمتنا
    الحل أننا نصبر لغاية مانحط اساس كويس لحياة سياسية عادلة
    بعدها نبص لحكومة محترمة تاخد قرارات سليمة اقتصاديا واجتماعيا

    كمان فعليا طلبات العمال مش مفهوم هي لها أصل ولا هيصة بعد غياب الامن
    ومش عايز اقول لحضرتك ان كل اللي خرجوا يطلبوا مرتبات زيادة في مصنعي مافيش شخص منهم راح التحرير علاوة على ان كتير منهم شتمونا وقالوا لنا اننا معطلين البلد
    لكن اشتغلوا بنظرية ان خرب بيت ابوك خد منه قالب علاوة على ان فيه قطاعات بتستهبل لو اتكلمت في اجورها مقارنة بالقطاعات التانية زي البنوك والبترول وسواقين النقل

    ياريت نسيب الكفاءات تقول لنا هنعمل ايه لكن في ظل محاسبة نزيهة من برلمان منتخب بتاعنا

    ReplyDelete
  29. Unknown19 February 2011 at 00:54

    يا نواره مين قالك انه ده الحل و فى المرحلة ده و لسه مش قادرين يظبطوا الاسواق الاسعار هترتفع بشكل جنونى لانه من الاخر مش كل الناس شرفاء فى مصر حسنى صحيح مشى بس الفساد الى زرعه اتوطن فى نفوس ناس كتير مشاركوش فى الثوره فعليا و لا تعاطفا حتى بالعكس دول كانوا بيدعوا على الشباب دول ليل و نهار فى ناس بتستغل الفرصه و ما صدقت عمال كل المصانع و الشركات وقفوا كل حاجه عشان علاوة و فتافيت مش قادرين يستوعبوا انه الاهم المجموع ثورة 25 يناير منجحتش عشان المطالب الفؤيه يا نواره نجحت عشان كان فى ايثار للنفس و الذات محدش دخل فى الثورة ده و هو نيته مش طيبة
    محدش قال يا نواره انهم يفرطوا فى مطالبهم مفهاش حاجه لما يشتغلوا و ينتجوا و يفوضوا كل مصنع و شركه كام واحد منهم يوصل مطالبهم للحكومه
    دلوقتى فى استفتائات على تعديل الدستور تقدرى تقولى الناس الى بتطالب بحقوقها ده هتلتفت ازاى للمرحله التاريخيه ده و هم مشغولين بمطالب فئويه لو استمر الوضع على ما هو عليه من غير اصلاح حقيقى مش هيستفيدوا منها غير شهرين تلاته

    لازم نسعى الاول اننا نشتغل الثوره متعملتش و الناش استشهدت عشان فى الاخر نختصرها فى مطالب فئويه مش هتحقق غير باصلاح حقيقى فى الدوله و الحكومه

    ده مرحلة عمل و انتاج يا نواره

    و المطالب الفئويه هتحقق تدريجا

    انتى نفسك لمتى على العمال انهم مشاركوش فى الثورة و مطالبها من البدايه

    دلوقتى جايين على جثث الشهداء كل واحد طالب علاوة و حلاوة الثورة

    ده وقت العمل و الانتاج و فى نفس الوقت تظل المطالبات باصلاح المؤسسات و القضاء على الفساد ده ميلغيش ده

    ReplyDelete
  30. سهـــل19 February 2011 at 00:55

    احنا اسفين ياريس عشان مقدرناش نستحمل غير 30 سنه بس سرقة من خيرنا وتضييع في اخلاقنا وتوجيهنا الى الانحطاط في كل مجالات الحياة

    احنا اسفين ياريس عشان مسبناش المحروس ابنك يورثنا مع ان ده حقه الشرعي في تكية ابوه

    احنا اسفين ياريس عشان خلناك تمرض في منتجع شرم والمصريين بيموتوا وبيطردوا من ادام المستشفيات العامة

    احنا اسفين يا ريس لاننا قررنا ننتزع حقنا وفلوسنا وحق شهدائنا منكم

    احنا اسفين ياريس عشان ادركنا قد ايه مصر كبيرة وازاي العالم احترمنا واننا بقينا القدوه لشعوب تانية بعد ما كنت بكسف من كوني مصري

    ReplyDelete
  31. محمد صبرى19 February 2011 at 01:05

    شفيق لازم يرحل و يجي حد من اختيار الثورة

    ReplyDelete
  32. حسن على19 February 2011 at 01:07

    يساورنى الكثير جدا من الشك من بطىء اجرائات التغير خاصة السهلة التنفيذ ,وزارة شفيق (بون بون) ياراجل ابطاء من السلحفاة,ومنع رحلات الطيران الخاص تم اليوم فقط -يعنى اللى سارق سريقة حولها من زمان,وكل مساعدى المرحوم ما زالوا فى كل مكان يرتعون , هو اية الحكاية بالضبط؟؟؟؟؟؟؟؟؟؟؟؟؟؟ مهلة لحرق المستندات وتهريب الاموال وتغيير اشكال الملكية عدة مرات حتى تتوة السرقة والتربح فى الزحمة؟؟؟؟؟

    ReplyDelete
  33. utopia19 February 2011 at 01:18

    انا موافق ابو هاجر فى كلامه
    الاضرابات دى مش بريئة يا نوارة
    ازاى كل دول طلعوا فى نفس اليوم كأنهم مخططين اده مع بعض؟؟
    وهى حبكت اضرابات دلوقتى
    وحتلى بتوع البنوك مضربين!!!
    بالنسبة للجيش محتاجين مظاهرات مليونية اكتر تكرارا مش حفلات علشان ينفذوا
    طول ما احنا فى البيوت ولا حاجة هاتحصل

    ReplyDelete
  34. Jareer19 February 2011 at 01:20

    This comment has been removed by the author.

    ReplyDelete
  35. mutargim19 February 2011 at 01:23

    أمانة والنبي تقري المدونة بتاعتي يا أستاذة
    والله هايعجبك كلامي

    http://al-agenda.blogspot.com/2011/02/blog-post_18.html

    ReplyDelete
  36. مش فاهمه19 February 2011 at 01:44

    لأ بجد مطلوب ايه من الشعب تانى الشعب اتقتل منه اكتر من 500 واحد و اتبهدلوا فى اللجان الشعبيه و قاوموا اللصوص و المساجين و فيه الاف مفقودين او معتقلين و بيطلعوا بالملايين فى الشوارع لما بيتم دعوتهم و فيه ناس انضرت فى اشغالها كل ده علشان نعمل الثورة دى طب و بعدين فين النخبه بقه يتكلموا و يجيبوا حقوق الشعب ده فين الشرعيه الثوريه و ليه طارق البشرى ساهم فى ترقيع الدستور بدلا من الخطوات المعروفه لأى ثورة فى العالم فيه ايه فين سليم العوا و اسامه الغزالى و ائتلاف الثورة مش بيتفاوضوا مع الجيش ليه و فين وسائل الضغط عندنا ايه اللى حصل على رأى المجنون مرتضى منصور ماتقولوش عليها ثورة لأن الثورة بتيجى تغير كل ما قبلها و ده حصل جزئيا لكن كل شئ بيسير زى ماكان قبلها علشان كده دى مش ثورة دى انتفاضه و خلاص و الدليل المظاهرات اللى بتطلع لسه شايله صور مبارك و دم الشهدا ماحدش اخد بتارهم و الشرطه عملت جروب على الفايس بوك و دمتم

    ReplyDelete
  37. Jareer19 February 2011 at 01:47

    This comment has been removed by the author.

    ReplyDelete
  38. sass19 February 2011 at 01:48

    يا نواره انا عارف انك حتقولى الحق و لو على رقبتك ممكن اعرف ليه طردتوا وائل غنيم من الميدان ما هو اذا كانت الثوره من اولها قله اصل يبقى ربنا يستر على اللى جاى منها بعد كده

    ReplyDelete
  39. PRIEST19 February 2011 at 01:48

    مش بس كده يا نوارة
    فيه لسه طلبات تانيه محصلش فيها غير قرارات بدون نتائج وحاسس انها بدأت تمشى فى سكة تانيه، يعنى العادلى التهم بتاعته الرسميه دلوقتى تربح وغسيل اموال و حاجات ملهاش علاقه بالتهمة الاساسية وهى القتل العمد والتحريض على القتل، قيسى بقه على كده حاجات تانية، عندك تعديلات الدستور دى مشكلة ولسه عليها استفتاء و ممكن نقعد فيها مدة مش قليلة ، وبعدين فيه شوية ناس متجابس سيرتها ومينفعش نسكت عليهم امثال حسن صقر ويوسف والى و زكريا عزمى... من الأخر لسه الموضوع طويل ولازم كلنا نكون عارفين ده كويس

    ReplyDelete
  40. Unknown19 February 2011 at 01:51

    ايه ده ايه ده؟
    مين طرد وائل غنيم من الميدان؟ مافيش حاجة زي دي حصلت.. يستحيل

    ReplyDelete
  41. Unknown19 February 2011 at 01:53

    انا رجعت دلوقت لناس ومافيش حاجة من دي حصلت في الميدان
    ماحدش طرد وائل غنيم من الميدان
    رجاء التأكد من المعلومات قبل ترويجها

    ReplyDelete
  42. Lawyer 201219 February 2011 at 02:01

    يانوارة الكلام ده حصل ومنشور في الشروق ...
    حرس القرضاوي منعه من إعتلاء المسرح

    ReplyDelete
  43. aly19 February 2011 at 02:13

    الكلام منشور في الشروق نقلا عن مصور اسمه ايه وبتاع
    لكن مش معناه أنه حقيقي لأن الشروق مش قرآن
    ده بيفكرني في ناس غاوية لامؤاخذة تقلب في ال....اليومين دول ومقال ضخم في جريدة بتقول أن الاخوان عملوا كذا وكذا وتحاشوا الكلام عن ماعرفش ايه
    ارحمونا بقى من شغل الاشاعات ودق الاسافين ده

    ReplyDelete
  44. شريف طلال19 February 2011 at 02:15

    بقولك يا نواره عشان نخلص من ذيول الزفت النظام ده و نتصدى للثوره المضاده دى و نخلص من الرعب اللى عايشين فيه منهم فلازم مسيره واضحه بأسباب و طلبات واضحه
    الشباب عاملين دعوه ليوم الجمعه الجايه أسمها جمعه قطع ذيول النظام
    الأسم و الأهداف واضحين و المطالب الأربعه موجوده فى الدعوه على الفيس بوك و أنا عارف أن يوم الجمعه لسه بدرى المفروض تبقى قبل كده بس ده لكذا سبب عشان المره دى يبقى فعلاً عاملين ليها دعايه كبيره و غير طبيعيه و كمان عشان نستفيد من زحمه الجمعه بعد الصلاه و عشان ندى فرصه للقوات المسلحه انها تقف معانا و تنفذهم قبل ما نعملها و عشان كمان محدش يقول موقفين حال البلد
    فالموضوع فى يوم الجمعه الأجازه الرسميه للدوله
    يا ريت تعلنى عن اليوم ده و تتبنيه عشان نعرف نخلص من نظريه المؤامره اللى مش بتنيمنا الليل دى

    http://www.facebook.com/event.php?eid=190058857691044

    ReplyDelete
  45. aly19 February 2011 at 02:15

    بالمناسبة صفحة كلنا خالد سعيد واللي انا فاهم ان وائل غنيم بيكتب فيها بتشيد بخطبة القرضاوي فيما يخص الجزء بتاع الوحدة الوطنية

    ReplyDelete
  46. aly19 February 2011 at 02:18

    بالمناسبة ماحدش لسة شرح لي يعني ايه ماسوني

    ReplyDelete
  47. Shoukry19 February 2011 at 02:20

    Osama Saraya beta3 el AlAhram el ta3beri montadab fe el Bahrain
    http://www.facebook.com/photo.php?fbid=10150103452217520&set=p.10150103452217520&ref=nf

    ReplyDelete
  48. خالد19 February 2011 at 02:24

    انا اشيف ان فيه طلب اختفى رغم اهميته
    ضرورة ترشيح نائب مع الرئيس
    يعني كل مرشح للرئاسة يقدم فى نفس الوقت نائب معاه ويجرى الاقتراع على الاتنين لكشة واحدة

    ReplyDelete
  49. Unknown19 February 2011 at 02:27

    سياسة مفهومه من ام الحكومة

    الشارع بتاعنا و هو بينا و بينكم
    الشارع بتاعنا .. واحنا عارفينكم
    تدونا بالقطارة ما البخل دا دينكم
    بالنا طويل عالتناحة و فهمنا خطتكم
    و الخوف عليكوا لو نفد صبرنا منكم
    ساعتها تستاهلوا من القفا نجيبكم

    ReplyDelete
  50. helal19 February 2011 at 02:55

    انت كنت بتحبي الجيش من كام يوم ايه اللي حصللك

    ReplyDelete
  51. Anonymous19 February 2011 at 03:39

    Dear all,

    Please see this news link men el youm el sabe7

    http://youm7.com/News.asp?NewsID=354236&SecID=203

    This is the second "ta7arosh" incident in Tahrir since Mubarak stepped down. The first one was with the CBS journalist.

    I am wondering if this is an organized act as a part of the "counter-revolution" or maybe it is random...

    The organizers have to be careful if there are plans for more Friday gatherings.

    ReplyDelete
  52. Shosho19 February 2011 at 04:15

    نواره انا قلقانه جداً....... الحكومه دي بتعمل ايه وليه ماحدش جاب سيرة محاكمة صفوت الشريف ولا فتحي سرور ولا زكريا عزمي..هما بيحموهم على أساس دول رجالة مبارك ولا ايه. وبعدين أحمد شفيق كان مع لميس الحديدي بتقوله انت اخر مره كلمت مبارك امتى قالها من يومين..تفتكري مبارك بيحكم من شرم الشيخ..و بعدين في هجوم عنيف على ال facebook على وائل غنيم و شباب الثوره و انا خايفه لينجحوا في تضعيف الثوره.دا انا بسأل و احد اعرفه انت ليه بتدافع عن نظام مبارك بيقولي يمكن اوصل في يوم من الايام ..في ايه هي الدبابير لسه موجوده و بتحكم.

    ReplyDelete
  53. Shosho19 February 2011 at 04:18

    نواره انا قلقانه جداً....... الحكومه دي بتعمل ايه وليه ماحدش جاب سيرة محاكمة صفوت الشريف ولا فتحي سرور ولا زكريا عزمي..هما بيحموهم على أساس دول رجالة مبارك ولا ايه. وبعدين أحمد شفيق كان مع لميس الحديدي بتقوله انت اخر مره كلمت مبارك امتى قالها من يومين..تفتكري مبارك بيحكم من شرم الشيخ..و بعدين في هجوم عنيف على ال facebook على وائل غنيم و شباب الثوره و انا خايفه لينجحوا في تضعيف الثوره.دا انا بسأل و احد اعرفه انت ليه بتدافع عن نظام مبارك بيقولي يمكن اوصل في يوم من الايام ..في ايه هي الدبابير لسه موجوده و بتحكم

    ReplyDelete
  54. 4freee19 February 2011 at 04:59

    الحمد لله الاعداد كانت كويسة جدا النهاردة بس لازم تاخدوا بالم لان فعلا فى ثورة مادة زى ماسماها استاذ ابراهيم عيسى لانى شوقت حملة لامؤاخذة ياريس وهنرد الجميل عالفيس بوك واللى انا شايفاة انهم سايبين احمد شفيق زى مسمار جحا المشكلة فالجيش انة محتاج ئورة داخلية تنضفة من الكبار اللى فية طنطاوى عمرة ما هيبيع مبارك لازم نخلى بالنا

    ReplyDelete
  55. 4freee19 February 2011 at 05:12

    يوجد كثير من الشواهد أن مبارك لا يزال يحكم مصر أو ربما عمر سليمان
    أرجوك أكمل الرسالة
    1- السلطة التنفيدية كلها بيد رجال مبارك من وزارات ومحافظين ومجلس محلي
    2-حسني مبارك لم يغادر مصر وعلى اتصال مستمر برئيس الوزراء والحكومة
    3- لا يوجد أي مسئول غيرهؤلاء الدين غضب عليهم مبارك وحاكمهم قبل الاستقالة التي لم يعلنها بنفسه
    4- لم يتم حتى الآن تقديم أي أحد للمحاكمة بتهمة قتل شهداء الثورة أو الجرحى
    5- لا يوجد الغاء لقانون الظوارئ ولا نية للافراج عن المعتقلين
    6- تحليلي لقرار مجلس الأمن اليوم بالفيتو ضد المستوطنات التي قادته مصر وعباس ابو مازن رغم ان الحكومة من المفترض أنها تسيير أعمال والسماح بعبور سفينتين ايرانيتين لقناة السويس هما أمران خطيران لجدب تأييد أمريكا للثورة المضادة والضغط عليها ودلك في حد داته دليل أن النظام يمسك بالحكم بقوة من وراء ستارة الجيش
    7-مثال صغير يؤكد محاولة وزير الداخلية شراء الأمن ليقفوا بجانبه في أقرب فرصة زيادة راتب الأمن 100% في حين لا تعامل مع أي من مطالب الغلابة اصحاب الاعتصامات
    8
    -لم يتم المطالبة بثروة حسني مبارك والتي تقدر ب 620 مليار دولار طبقا لما نشرته الأنباء في عددها الأخير مع صور للمستندات التي تؤكد كيفية تحريك الثروة لمنع تتبعها وموثقة بالمستندات

    * يجب التنبيه أنه في الفترة الحرجة الآن يجب تغليب المصلحة العامة ويجب توحيد جهود كل القوى السياسية ومنها الحركات الشبابية والأخوان والجبهة الوطنية للتغيير وكفاية والأحزاب ويجب توحيد المطالب وتركيزها في عناوين أساسية للمجلس العسكري حتى لا تفشل الجهود وتدهب ريحنا. ويجب أن نتنبه للأفعال وليس الأقوال الصادرة من المجلس العسكري وحسن النية لا يكفي.

    * ان قيام الانتخابات في ظل حكومة شفيق أمر مرفوض ويجب أن يعلن من الآن أن كافة القوى السياسية (بالتنسيق مع الأحزاب , الاخوان, حركة 6 ابريل وحركة 25 يناير وحركة كفاية ومنظمات المجتمع المدني وحركة شباب الثورة) ويجب الاعلان من الآن للضغط أن كل القوى موحدة ستقاطع تللك الانتخابات وستدعو للتظاهر في حال أصر المجلس العسكري على بقاء تلك الحكومة في فترة الانتخابات والاستفتاء على الدستور.

    وأنا آسف أعتقد الوقت ليس في صالح الثورة وصالحنا الآن ويجب التحرك والضغط وبسرعة

    شواهد الثورة المضادة خطيرة

    خارجيا الفيتو والسفن

    اعلاميا التليفزيون المصري يديع مظاهرات لمبارك

    المجلس العسكري يكرس حكم حكومة مبارك ومبارك يحرك اللعبة من وراء الستار

    اللهم قد بلغت اللهم فاشهد

    ReplyDelete
  56. مدير التحرير19 February 2011 at 05:24

    حتى سوريا شوية
    http://www.khaberni.com/more.asp?ThisID=50210&ThisCat=7

    http://www.youtube.com/watch?v=zrRBELwyFhU

    ReplyDelete
  57. Unknown19 February 2011 at 05:54

    فيه حاجة متخلفة اسمها مخصصات او نسبة من كل حاجة او عقد..ودي كارثة الكوارث ..ﻷن حسني مبارك ممكن كان بياخد ملايين من وراء كل عقد شراء أسلحة بيوقعه، وهكذا، كل مدير مديرية "له نسبة قانونية" في كل شيك أو عقد..وهكذا
    الحل يكون: حد أقصى
    لو الجيش عمل قرار زي ده، حد أقصى للبدلات حد أقصى ﻹجمالي الراتب، يبقى البهوات اللي مستعبدين مصر بفلوسهم هايتظبطوا، ومرتبهم "مش هايزيد" عن كذا، والباقي يوفي الحد الأدنى اللي بنتكلم عليه

    ReplyDelete
  58. Unknown19 February 2011 at 07:03

    مانتي مش فاهمة يا نوارة اللعبة الجديدة! قالوا ال ايه البودي. جاردز بتوع القرضاوي نزلوا وايل غنيم من علي المسرح لما حاول يطلع قام هو يا عيني لف وشه في العلم و روح!! طبعا ريحة نظلة مفحفحة و بداية تلميحات لبعبع الاخوان و علي فكرة غنيم نفسه ما جابش سيرة الموضوع دة حالص لا هلي لفيس بوك ولا تويتر
    البلد لسة فيها زبالة كتير و الفنيك شاحح

    ReplyDelete
  59. Argenda19 February 2011 at 07:06

    كل مطمن و اقرالك أحس برعب
    و كل مكون خايف و أقرالك أطمن

    ReplyDelete
  60. Unknown19 February 2011 at 08:03

    عايزين فلوسنا

    ليس كل نهب في مصر يتم من وراء ظهر الحكومة، ولكن هناك نهبا تمارسه الحكومة ذاتها، لا أقصد تربح الوزراء من مناصبهم، لكن ما أعنيه نهب من نوع آخر يستهدف مواردها المالية التي تستقطعها السلطة من بسطاء الناس، وتصب بعد ذلك فيما يسمى بالصناديق الخاصة، التي تمثل أحد مبتكرات النهب الرسمي. وهذه الصناديق بمثابة أوعية موازية تتبع الوزارات أو الهيئات العامة وتنشأ بقرارات جمهورية، لتستقبل حصيلة الخدمات والدمغات والغرامات وغير ذلك من الموارد لتحسين الخدمات التي تقدمها الهيئات العامة.
    لكن تلك الحصيلة لا تدخل إلى خزينة الدولة ولا علاقة للموازنة العامة بها، ومن ثم فلا تعرض تفاصيلها على مجلس الشعب، رغم خضوعها المفترض لرقابة الجهاز المركزي للمحاسبات،

    أمثلة لحصيلة الصناديق الخاصة:

    1. تذكرة مواقف السيارات العامة (التابعة للحى والمحليات) parking
    2. تذكرة زيارة مريض فى اى مستشفى حكومى
    3. تعرفة سيارات السرفيس (الكارتة)
    4. المصاريف الإدارية والدمغات المدفوعة للحصول على بطاقة رقم قومى
    5. المصاريف الإدارية والدمغات المدفوعة للحصول على رخصة قيادة
    6. المصاريف الإدارية والدمغات المدفوعة للحصول على رخصة بناء
    7. المصاريف الإدارية والدمغات المدفوعة للحصول على ترخيص سيارة
    8. المصاريف الإدارية والدمغات المدفوعة للحصول على ترخيص محل تجارى او ورشة او مصنع
    9. المصاريف الإدارية والدمغات المدفوعة للحصول على خدمات من نوع توصيل وتركيب عداد كهرباء ، عداد مياه ، عداد غاز طبيعى.


    باختصار: كل ماتدفعة داخل اى مؤسسة او هيئة حكومية خلاف الضرائب والجمارك.


    أصبح عدد تلك الصناديق نحو عشرة آلاف صندوق، طبقا لتقدير الجهاز المركزى المحاسبات.



    الجديد في الموضوع أن تقرير جهاز المحاسبات الذي قدم إلى مجلس الشعب وقتها ذكر أن جملة أرصدة الصناديق في العام المالي (2008 - 2009) قدرت بمبلغ

    1272 مليار جنيه (تريليون و272 مليارا(،

    وأن قيمة المخالفات فقط التي تم حصرها (فى إنفاق حصيلة هذه الصناديق) عن نفس العام

    3955 مليون جنيه (نحو 4 مليارات(،



    هل تصدق ان كل هذه المبالغ لا تدخل فى الموازنة العامة للدولة!!!!!! وحسبى الله ونعم الوكيل

    ReplyDelete
  61. واحد19 February 2011 at 09:03

    http://arabic.cnn.com/2011/middle_east/2/18/pprs.feb18_ah/
    طل الملوحى جاسوسه امريكيه..
    نفس الاسلوب القذر للحكومات الديكتاتوريه

    ReplyDelete
  62. Diaa19 February 2011 at 10:26

    http://www.youtube.com/watch?v=F52vq6TQGYU&feature=player_embedded

    ReplyDelete
  63. Diaa19 February 2011 at 10:31

    aly
    الماسونية هي حركة مرتبطة باليهودية و تهدف إلى هدم الأديان الأخرى غير اليهودية
    هناك مقرات عظمى ومحافل منتشرة في عدد من دول العالم. ومن اهم المحافل الماسونية المتخفية في شكل نوادي اجتماعية نادي الليونز الذي اتخذ من الاسد شعارا له والمركز الرئيس له بمدينة(اوك بروك)بولاية ايلنوي الامريكية والجدير بالذكر ان كلمة الليونز تعني(حراس الهيكل) إشارة إلى الهدف الماسوني الأكبر وهو بناء هيكل سليمان

    ReplyDelete
  64. e19 February 2011 at 10:41

    ﻳﺎ ﻧﻮﺍﺭﺓ ﻣﻮﺿﻮﻉ ﻻﺭﺍ ﻟﻮﺟﺎﻥ ﻻﺯﻡ ﻳﺘﺮﺩ ﻋﻠﻴﻪ ﺑﻤﻌﻨﻲ ﺍﻟﺠﻴﺶ ﻻﺯﻡ ﻳﺤﻘﻖ ﻭﻳﺼﺪﺭ ﺑﻴﺎﻥ ﻋﺎﻳﺰﻳﻴﻦ ﻧﻌﺮﻑ ﻟﻮ ﺩﻩ ﺣﺼﻞ ﺑﺠﺪ ﻻﺯﻡ ﻳﻮﺿﺢ ﺍﻥ ﺍﻟﻠﻲ ﻋﻤﻟﻮﺍ ﻛﺪﻩ ﺣﺜﺎﻟﺔ ﺍﻟﻨﻈﺎﻡ ﺍﻟﺴﺎﺑﻖ ﺍﻟﻠﻲ ﻛﺎﻧﻮﺍ ﻫﺪﻓﻬﻢ ﺗﺮﻭﻳﻊ ﺍﻟﺼﺤﻔﻴﻴﻦ ﻟﻜﻦ ﻭﻻﻭ ﻭﺑﻨﺎﺕ ﺍﻟﺜﻮﺭﻩ ﻫﻤﺎ ﺍﻟﻠﻲ ﺍﻧﻘﺬﻭﻫﺎ ﻭﻟﻮ ﺍﻟﻤﻮﺿﻮﻉ ﻣﺘﺨﻀﻢ ﻭﺍﻟﻬﺪﻑ ﻣﻨﻪ ﺍﻟﺪﻋﺎﻳﺔ ﻟﻠﻘﻨﺎﺓ ﺍﻻﻣﺮﻳﻜﻴﺔ ﻭﺍﻇﻬﺎﺭ ﻟﻮﺟﺎﻥ ﻋﻠﻲ ﺍﻧﻬﺎ ﺑﻄﻠﺔ ﺍﻟﺠﻴﺶ ﻻﺯﻡ ﻳﻮﺿﺢ ﻟﻠﻌﺎﻟﻢ ﻭﻟﻮﻛﺎﻻﺕ ﺍﻻﺧﺒﺎﺭ ﺑﺮﺿﻪ ﻋﻠﺸﺎﻥ ﺳﻤﻌﺔ ﺍﻟﺜﻮﺭﺓ
    ﺍﺑﻦ ﺍﻟﻛﻠﺐ ﺍﻟﻠﻲ ﺍﺳﻤﻪ ﺭﻭﺑﺮﺕ ﻣﺮﺩﻭﺥ ﻣﻔﺮﻭﺽ ﻳﺘﻤﻨﻊ ﻣﻦ ﺍﻧﻪ ﻳﻌﻤﻞ ﺍﻱ ﺑﻴﺰﻧﺲ ﻓﻲ ﻣﺼﺮ ﻋﻨﺪﻩ ﺣﻘﺪ ﻭﻛﺮﺍﻫﻴﺔ ﺷﺪﻳﺪﺓ ﺿﺪ ﺍﻟﻌﺮﺏ ﺗﺨﻴﻠﻲ ﻋﻨﻮﺍﻥ ﺍﻟﻨﻴﻮﻳﻮﺭﻙ ﺑﻮﺳﺖ ﺍﻟﻠﻲ ﺑﻴﻤﺘﻠﻜﻬﺎ ﻳﻮﻡ ﺍﻟﺘﻼﺕ ﻛﺎﻥ ﺑﺎﻟﺒﻨﻂ ﺍﻟﻌﺮﻳﺾ ﺍﻧﺎﻣﻴﻠﺰ ﻳﻌﻨﻲ ﺣﻴﻮﺍﻧﺎﺕ ﻋﻠﺸﺎﻥ ﻣﻮﺿﻮﻉ ﻟﻮﺟﺎﻥ ﻭﻃﺒﻌﺎ ﺍﻟﻌﻨﻮﺍﻥ ﻣﻌﻤﻢ ﻋﻠﻲ ﻛﻞ ﺍﻟﻤﺼﺮﻳﻴﻦ ﻧﻤﻧﻊ ﻋﻦ ﻃﻴﺰﻩ ﺍﻟﺪﻭﻻﺭ ﻋﻠﺸﺎﻥ ﻳﺘﻌﺪﻝ ﻭﺍﻟﻌﺮﺻﺎﺕ ﺍﻟﻠﻲ ﻏﻲ ﺍﻟﺴﻔﺎﺭﺓ ﺍﻟﻤﺹﺮﻳﺔﻭ ﻣﻔﺮﻭﺽ ﻳﻌﻤﻠﻮﺍ ﺍﻋﻻﻥ ﻣﺪﻓﻮﻉ ﺍﻻﺟﺮ ﻓﻲ ﺍﻟﺘﺎﻳﻤﺰ ﺍﻭ ﺍﻱ ﺟﺮﻳﺪﺓ ﺗﺎﻧﻴﻪ ﻏﻴﺮ ﺟﺮﻳﺪﺗﻪ ﺿﺪ ﺍﺳﻠﻮﺏ ﺍﻟﺼﺤﻒ ﺍﻟﺼﻔﺮﺍ ﺍﻟﻘﺬﺭ ﺍﻟﻠﻲ ﺑﻴﺴﺘﺨﺪﻣﻪ

    ReplyDelete
  65. واحد عادى19 February 2011 at 10:42

    نانا - مش ان الاوان بقى نفرح بيكى زى ما فرحنا بمصر

    ReplyDelete
  66. الفت سلطان19 February 2011 at 10:48

    فين عزمي بشارة يحلل لنا الموقف الحالي؟ النظام الامني هو المشكلة الرئيسية حاليا و طول ما عمر سليمان و المصيبة صفوت الشريف في الكواليس انا مش مطمنة.

    ReplyDelete
  67. Diaa19 February 2011 at 10:52

    الجيش حفظ التحقيق مع الرائد احمد شومان

    http://www.facebook.com/Egyptian.Armed.Forces#!/photo.php?fbid=191909237496000&set=a.191412130879044.43504.191115070908750&theater

    ReplyDelete
  68. KB19 February 2011 at 10:55

    تقلا عن جريدة الشروق علي تويتر ..

    المجلس الأعلى للقوات المسلحة يقرر حفظ التحقيقات مع الرائد أحمد شومان بعد تضامنه مع المتظاهرين بميدان التحرير

    الساعه 10:04 صباحا توقيت القاهرة
    خبر ممتاز

    ReplyDelete
  69. mohamed elbanna19 February 2011 at 11:02

    فلتقرى عينا يا نوارة
    المجلس الأعلى للقوات المسلحة يقرر حفظ التحقيقات مع الرائد أحمد شومان بعد تضامنه مع المتظاهرين بميدان التحرير

    ReplyDelete
  70. mohamed elbanna19 February 2011 at 11:03

    فلتقرى عينا يا نوارة
    المجلس الأعلى للقوات المسلحة يقرر حفظ التحقيقات مع الرائد أحمد شومان بعد تضامنه مع المتظاهرين بميدان التحرير

    ReplyDelete
  71. Diaa19 February 2011 at 11:05

    aly
    كل إللي إنت عايز تعرفه عن الماسونية

    http://ar.wikipedia.org/wiki/%D9%85%D8%A7%D8%B3%D9%88%D9%86%D9%8A%D8%A9

    ReplyDelete
  72. حسن على19 February 2011 at 11:30

    ارجو من المجلس العسكى الاعلى ان يراجع ملفات جميع منتسبى امن الدولة وامخابرات العامة والحرس الجمهورى ,وذلك بهدف تطهير هذة الاجهزة ممن يستغلون مناصبهم المتنفذة فى جرائم تتعلق بالابتزاز وفرض السبطرةبل و رعاية الدعارة وفرض الحماية عليها مقابل مزايا مادية او عينية

    ReplyDelete
  73. Unknown19 February 2011 at 11:31

    ما انا لسه باحب الجيش

    ReplyDelete
  74. يقول أنى امرأة19 February 2011 at 11:37

    تم حفظ التحقيق مع احمد شومان يا نوارة ... لازم نعرف بقى اننا طول ما احنا متحدين هنغير الدنيا ... و لو مسكنا قضيه قضيه و ركزنا فيها هننجز و مصر هتحلو ان شاء الله ... دى حاجه التانيه الصفحة بتاعت القوات المسلحه الجديدة ع النت لازم نحدد الطلبات فى نقاط قليله الكلمات و مباشرة تتصاغ بطريقه كويسه عشان كلنا نكتبها عندهم مرة واحدة فيتعرف انه مطلب جماعى و يكونو تحت ضغط زى موضوع احمد شومان دة و يتنفذ

    ReplyDelete
  75. Anonymous19 February 2011 at 11:46

    اتهام الضابط أحمد شومان بالإهمال في سلاحه وعصيان الأوامر مسألة مقبولة ومبررة قانوناً، ولكن اتهامه بمحاولة قلب نظام الحكم يحمل في طياته مدلولات بالغة الخطورةلأنه يدل على أن من أصدر هذا الحكم يدين بالولاء للنظام السابق وما زال يرى أنه نظام شرعي. نريد من المؤسسة العسكرية المسؤولة عن إصدار هذا الحكم تفسيراً منطقيا يزيل تلك الشكوك من نفوسنا.

    ReplyDelete
  76. Unknown19 February 2011 at 11:49

    تعرفى يا نوارة الثورة انا كمان بحب الجيش وحبيته اكتر لما رفض يضرب على الثوار و اكتر و اكتر لما ضغط على مبارك ليرحل قبل البلد ما تولع لكن حازز فى نفسى الموقف المحايد اللى هو واخده من أول يوم و لغاية دلوقتى كأنه بيقول للشعب و النظام اصطفلوا مع بعض وانا جيش اللى يكسب

    ReplyDelete
  77. Unknown19 February 2011 at 14:24

    ايه التهم الفشنك المتوجهة للعادلى وعز وجرانة دى وخصوصا العادلى ؟!! قصدى كريه الظلمى يعنى ايه استغلال نفوذ
    دا فى رقبته دم ناس

    ReplyDelete
  78. Unknown19 February 2011 at 17:07

    نواره في مشاكل كتير الجيش مش هيقدر يحلها لوحده الناس ديه مش حكومه والناس ديه عسكريين يعني مهمتهم تامين الوطن لازم تركزوا علي الحكومه الجديده ولازم يبقي فيها الشباب وانتوا كائتلاف ثوره اكتر ناس تقدر تعمل كدة نواره انا عندي حلول ومقترحات كتيره جدا لكل المجالات ونفسي اقولها واشارك بيها في الزراعه وفي الصناعه واهم حاجه في الرقابهعلي السلع والرقابه الاداريه ونفسي اقول كلام كتير قولييلي اعمل ايه واوصل صوتي ازاي من غير ما الناس تاخد افكاري بليز
    ده ايميلي لو حد يحب يتواصل معايا
    ahmadelhendawy@hotmail.com

    ReplyDelete
  79. Unknown19 February 2011 at 17:07

    نواره في مشاكل كتير الجيش مش هيقدر يحلها لوحده الناس ديه مش حكومه والناس ديه عسكريين يعني مهمتهم تامين الوطن لازم تركزوا علي الحكومه الجديده ولازم يبقي فيها الشباب وانتوا كائتلاف ثوره اكتر ناس تقدر تعمل كدة نواره انا عندي حلول ومقترحات كتيره جدا لكل المجالات ونفسي اقولها واشارك بيها في الزراعه وفي الصناعه واهم حاجه في الرقابهعلي السلع والرقابه الاداريه ونفسي اقول كلام كتير قولييلي اعمل ايه واوصل صوتي ازاي من غير ما الناس تاخد افكاري بليز
    ده ايميلي لو حد يحب يتواصل معايا
    ahmadelhendawy@hotmail.com

    ReplyDelete
  80. aly19 February 2011 at 19:12

    بخصوص موضوع وائل غنيم ناس النهاردة اكدوا لي انه حصل وانهم شافوه بعينهم لكن ماعندهمش تفسي ومايعرفوش مين اللي منعه أو ليه
    أنا بس قلت طالما انا طعنت في كلام جريدة الشروق واجب اني اقول اللي سمعته

    ReplyDelete
  81. karem21 February 2011 at 22:46

    يا نواره احنا عمليين نتكلم وى محدش سمعناوالناس العاديين بقو ضضنا لان محدش قراء حاجه على احمد شفيق وبلويه احن اليى موقفين عجله الانتاج اعملى حزب ائتلاف اى حاجه توصلى للناس كلامك الجميل ده بدل الناس بتوع الحزب الوطنى ماعملين ينظمو نفسهم ويلتفون على الثوره وبيعملو حزب منظم وهيرجعو تانى ليهم صوت وبعدين كريم خطاب

    ReplyDelete
  82. karem21 February 2011 at 22:47

    يا نواره احنا عمليين نتكلم وى محدش سمعناوالناس العاديين بقو ضضنا لان محدش قراء حاجه على احمد شفيق وبلويه احن اليى موقفين عجله الانتاج اعملى حزب ائتلاف اى حاجه توصلى للناس كلامك الجميل ده بدل الناس بتوع الحزب الوطنى ماعملين ينظمو نفسهم ويلتفون على الثوره وبيعملو حزب منظم وهيرجعو تانى ليهم صوت وبعدين كريم خطاب

    ReplyDelete
  83. karem21 February 2011 at 22:49

    يا نواره احنا عمليين نتكلم وى محدش سمعناوالناس العاديين بقو ضضنا لان محدش قراء حاجه على احمد شفيق وبلويه احن اليى موقفين عجله الانتاج اعملى حزب ائتلاف اى حاجه توصلى للناس كلامك الجميل ده بدل الناس بتوع الحزب الوطنى ماعملين ينظمو نفسهم ويلتفون على الثوره وبيعملو حزب منظم وهيرجعو تانى ليهم صوت وبعدين كريم خطاب

    ReplyDelete
  84. karem21 February 2011 at 22:50

    يا نواره احنا عمليين نتكلم وى محدش سمعناوالناس العاديين بقو ضضنا لان محدش قراء حاجه على احمد شفيق وبلويه احن اليى موقفين عجله الانتاج اعملى حزب ائتلاف اى حاجه توصلى للناس كلامك الجميل ده بدل الناس بتوع الحزب الوطنى ماعملين ينظمو نفسهم ويلتفون على الثوره وبيعملو حزب منظم وهيرجعو تانى ليهم صوت وبعدين كريم خطاب

    ReplyDelete

Note: only a member of this blog may post a comment.