Saturday, 19 February 2011

ميرسي يا جيشنا :) الحد الادنى للاجور بقى والنبي

تم حفظ التحقيق مع البطل احمد شومان
:)
متشكرة يا جيشنا متشكرة متشكرة متشكرة
والنبي بقى الحد الادنى للاجور ومحاسبة القيادات الفاسدة عشان اعتصامات العمال تخلص على خير
اه.. وحد اقصى للاجور، مش حينفع يبقى فيه حد بيقبض مليون جنيه دي تاني ابدا، لان حتى لو رفعتوا الحد الادنى للاجور لالف وميتين جنيه ولسه رئيس القطاع بياخد مليون جنيه ده حيرفع الاسعار وحتبقى القوة الشرائية للاجر الجديد زي الاجر القديم
ودي هدية مني كمان يا جيشنا


"مالناش صناعة غير الشجاعة وللجهاد ربنا خلقنا"
:*
at

74 comments:

  1. aly19 February 2011 at 12:02

    ده انتي سرك باتع
    بس الله يكرمك بلاش قصة ماينفعش حد ياخد مليون جنيه دي
    نركز على المهم وهو انه كل شخص يبقى بيشتغل في مكانه لكفائته فقط لا غير ويكون شغله بعد تنافس متكافئ مع كل الناس
    وكمان الشعب مسئولية الحكومة يعني الفقير لازم يعيش حياة كريمة ولو كلفت ان الحد الادني للاجور يكون عشرالاف مش الف وميتين

    احنا في عصر السوق المفتوحة يانوارة مش في عصر الاشتراكية والضمانة الحقيقية هي العدالة مش تحكم الحكومة في السوق

    ReplyDelete
  2. Magdy El-Serafy19 February 2011 at 12:02

    نطالب المجلس الأعلى الموقر بإعلان خطته فى الاصلاح بترتيب الأولويات كما يراها (اصلاح جهاز أمنى- وضع معتقلين- اصلاح اعلام- مجالس نقابية- عدالة أجور- أحكام قضاء-...). و رؤيته للتنفيذ. حتى لو كان بمجرد العمل على تشكيل لجان منخصصة لبحث كل نقطة. و موافاتنا بالتطورات فى كل مجال منها حتى لو كان بالصعوبات و التأجيل.

    ReplyDelete
  3. أحمد البستاوي19 February 2011 at 12:04

    بالراحة شوية يا نوارة
    كله بالعقل
    لو الحكم بتاع 1200 حد أدنى للأجور اتنفذ ح تكون كارثة
    أولا ميزانية مصر ما تستحملش الزيادة دي لأنها كلها 300 مليار
    يعني الصرف على المواطن لا يتعدى 250 جنيه شهريا لو أخدنا منهم عشان نصرف على الموظفين موش ح نلاقي فلوس للدعم إلا لو عملنا خطة لتقليل الإنفاق على الجيش و الجيش موش ح يقبل بكده
    ثانيا لو اقتصرت الزيادة على اللي شغالين في الحكومة ح تكون كارثة تانية لأن الأسعار ح تزيد على الكل يعنى زودنا الأسعار على العمال اللي شغالين في القطاع الخاص
    و لو تم تطبيق الحكم على العمال اللي شغالين في القطاع الخاص ح تكون الكارثة أكبر لأن ده معناه موش زيادة الأسعار بس و تسريح العمال كمان
    ---
    الحل هو تنفيذ إجراءات لخفض الأسعار
    وقف طبع العملة من غير ما يكون فيه أصل ذهب في البنك المركزي
    زيادة مخزون الذهب في البنك المركزي
    تعزيز استخدام الجنيه المصري في المعاملات الدولية . . مثال فرض استخدام الجنيه لدفع رسوم عبور قناة السويس
    قوانين و جهات لمراقبة الأسعار
    تخفيض الجمارك على السلع الغذائية
    اعتماد مشاريع قومية للأمن الغذائي بصورة اساسية و باقي السلع في مرحلة لاحقة
    ---

    ReplyDelete
  4. Unknown19 February 2011 at 12:05

    واحدة واحدة...
    كل حاجة هاتيجي واحدة واحدة بإذن الله...

    ReplyDelete
  5. Unknown19 February 2011 at 12:07

    l7l ya rab
    really ya nawara enty 3amalty maghood gamed awy for this

    ReplyDelete
  6. Unknown19 February 2011 at 12:08

    l7l ya rab
    really ya nawara enty 3amalty maghood gamed awy for this we 3o2bal el ba2y

    ReplyDelete
  7. Unknown19 February 2011 at 12:10

    معلش معلش

    احنا بنحبه وهو بيحبنا ومدلعنا وحيعمل لنا اللي احنا عايزينه ان شاء الله

    ReplyDelete
  8. aly19 February 2011 at 12:23

    طيب حيث إن سرك باتع
    ما تركزي مع الجيش في موضوع المعتقلين وموضوع أمن الدولة
    اصلهم بيفكروا يحولوا أمن الدولة لجهاز مكافحة الارهاب
    أحمد زي الحاج أحمد

    ReplyDelete
  9. Unknown19 February 2011 at 12:28

    اولا نشكر جيشنا العظيم على الموقف الانسانى الرائع تجاه الرائد احمد شومان
    ثانيا نطلب - وبشدة- سرعة حل الحزب الوطنى حتى لا نترك فرصة لأذناب النظام يلعبوا فى الخفاء

    ReplyDelete
  10. Unknown19 February 2011 at 12:30

    معلش ياجيشنا العظيم هاتقل عليك شوية كمان ارجوكم سرعة الافراج عن المعتقلين السياسيين اللى ماعليهومش احكام.....انا باحبك قوى ياجيش وعمرى ماهازعل منك ابدا

    ReplyDelete
  11. KB19 February 2011 at 12:42

    ده من احسن الاخبار اللي سمعناها النهار ده الصبح ..
    ارجوكم بلاش الضغط علي الحد الادني للاجور ده ..لان الوقع لا يحتمل ..والميزانية معروفة ..ممكن يتنفز بسياسات اقتصادية مدروسة ..بس اللي يحط السياسات دي حكومة منتخبة وطنيه لانها حتكون سياسات طويلة ومحتاجة نفس ووطنية ..الحكومة الحالية ممكن ترفعه وهي عارفة انها مش مسئولة بل بالعكس حتسيبها مصيبة للحكومة اللي جاية وتقول ادي حكومة الثورة غرقت ..الصبر واللي عوز يرفع الحد الادني للاجور يطالب بعوده الاموال المنهوبة ويدور معانا ..النهارده جهاز الكسب غير المشروع وجه نداء للناس كلها ..ده نص الخبر "" ناشد المستشار عاصم الجوهرى مساعد وزير العدل رئيس جهاز الكسب غير المشروع المواطنين تقديم الشكاوى والبلاغات الخاصة بتضخم ثروة مسئولى الدولة السابقين بطريقة غير مشروعة إلى الجهاز للبدء فى التحقيق فيها، مؤكدا أن القانون يضمن سرية التحقيقات وعدم إعلان هوية الشاكى أو تفاصيل المخالفات المنسوبة للمشكو فى حقه لحين انتهاء التحقيقات.""
    ممكن نطالب ان الاموال المعاده يتعمل بيها وديعه وطنية لمدة عامين عوائدها لرفع تدريجي للحد الادني للاجور لغاية ما يوصل للرقم اللي عاوزينه ..
    وكل ما زاد العائد من الاموال المنهوبة يقصر الوقت اللازم للوصول للحد الدني المراد اليه .. يللا شدوا حيلكم ..النهارده احنا بنعمل علشان خاطر بلدنا احنا والعائد لينا مباشرة

    ReplyDelete
  12. Magdy El-Serafy19 February 2011 at 12:49

    http://www.youtube.com/watch?v=CfJMVC5DjyM

    ReplyDelete
  13. mafarag19 February 2011 at 12:49

    ميه ميه يانوارة يام سر باتع احلى خبر سمعته اليوم هو الأعفاء عن شومان عقبال الباقى

    ReplyDelete
  14. lastcrazyboys19 February 2011 at 12:53

    الصفحة الرسمية للمجلس الأعلى للقوات المسلحة

    كله لزززمن يشيــر الصفحــة دي

    ReplyDelete
  15. المهدى19 February 2011 at 12:54

    نوارة الثورة
    الخطوة دى لو تعرفى قد إيه عظيمة المؤسسة العظيمة التى لم تنحنى أمام جبروت النظام الساقط ولم تتلوث بل على العكس حافظت على تقاليدها وإنضباطها وعقيدتها تنحنى فقط أمام إرادة شعبها
    الجيش من الأول حسم الإختيار ولا داعى للوساوس بعد الأن
    كل الحكاية أن داخل المؤسسة تيارين على ما أعتقد
    الأول يريد تهيئة البلاد بأسرع ما يمكن لحياة مدنية و ترك الفرصة للقادم أن يحاسب ويرتب ويبنى و ذلك يظهر فى لجنة تعديل وليس تغيير الدستور وتحديد الستة أشهر والإنزعاج من المطالب الفئوية و تجاهل التعرض لأذناب النظام البائد
    والثانى يريد تسليم البلاد لسلطة مدنية ولكن بعد تطهير الفساد ووضع أساس يدعم إستقرار القادم وأسس الأمن القومى ويظهر ذلك فى وقف ضخ الغاز وفتح معبر رفح وسجن أكابر فاسدى العصر البائد
    أعتقد أن الثانى هو الأفضل لنا وإن طالت الفترة الإنتقالية و ذلك لأن الجيش هو المؤسسة الوحيدة الباقية والقادرة فى مصر الأن
    وأعتقد أن الثانى هو الذى سيغلب لضرورات الأمن القومى و خاصة مع وجود الضغوط الخارجية ( أمريكا و الكيان الصهيونى ) والداخلية ( أذناب وأيتام الرئيس المخلوع )

    ReplyDelete
  16. حسن على19 February 2011 at 12:58

    حفظ التحقيق مع البطل احمد شومان ,تصرف قيادى ذكى عاقل ومحترم يعلى قدر من اصدرة وينزهة فى عيون المدنين والعسكريين سواء بسواء

    ReplyDelete
  17. Rowaa19 February 2011 at 12:58

    شكرا نوارة على هذا الخبر
    لكن عندى نقطة هامه
    احنا مش عايزيين نخلص من حكم الفرد الواحد ونقع فى العبودية لامريكا وانجلترا والسعوديه من خلال قبول معونات مالية منهم يستطيعون من خلالها شراءنا. اعتقد كفاية كدة. احنا ماصدقنا واتحررنا.
    مش فاهمة ليه ايضا ما سمعناش عن محاكمة الرئيس المخلوع وليه ماسمعناش عن طلب مصر تجميد الاموال التى اغتصبها هو العائلة الكريمة. وليه ما سمعناش عن محاكمتة

    كمان تحسين الحالة المالية واضح انه ممكن يتم سريعا لو هناك جهود جادة وسريعة من اجل استرجاع هذه الاموال لخزينة الدولة. فمنها نرفع المرتبات ومنها ندفع بعجلة الاقتصاد فى نفس الوقت نحتفظ بكرامتنا واستقلالنا بدون مد اليد لقبول الاموال من هؤلاء الذين اتضح لنا مواقفهم الملتوية اللى بوشين اثناء الثورة
    والحقيقة عرض كل من امريكا والسعودية واى دولة خليجية او اوروبية بمدنا بمعونة يعتبر اهانة لنا

    ولا ايه رايك يانواره؟

    رواء

    ReplyDelete
  18. حسن على19 February 2011 at 13:08

    مرة اخرى ارجو من المجلس العسكرى الحاكم ان يراقب عن كثب وباهتمام الممارسات غير المشروعة -الباقية من الدولة البوليسية التى ثرنا عليها-خاصة مراقبة اجهزة التجسسى على التليفونات وغيرة والتى تكون بحكم المهنة فى حوزة افراد وقيادات اجهزة الامن وسوء اسنتعمالها فى فرض السيطرة بالقوة والابتزاز والرشوة بالجنس مقابل منافع -ساقطة- مادية او "عينية" وبسخلاص

    ReplyDelete
  19. Moataz Medhat19 February 2011 at 13:11

    بصي يا ستي:
    **1-بخصوص حد للأجور:
    الحد الأدنى ده مطلب إنساني قبل ما يكون إقتصادي،و موجود في كل الدول المحترمة.

    أما الحد الأقصى فأفضل زيادة الضرائب على الدخل في الشرائح العليا بدلا من ذلك، أسوة بالدول المحترمة و المتقدمة.

    ملحوظة مهمة:
    مصر تعتبر من الملاذات الضريبية، لأن فقراءها هم الذين يدفعون ضرائبها،في صور متعددة في حين لا تزيد الضرائب على الأغنياء بما يناسب دخلهم.

    **2-بخصوص إضرابات العمال:
    ياريت نشكل لجان تسمع طلباتهم و مظالمهم، فميلجأوش للإضرابات عشان الناس تسمعهم.
    و فعلا البلد دلوقتي حالها صعب، لينا فلوس عند ناس، و لينا فلوس هتبطل تتنهب إن شاء الله، بس في اللحظة الحالية هنجيب منين؟ حتى إستعادة المسروقات هياخد وقت.

    أنا بقول نطلب من العامل يبطلوا إضرابات مش يبطلوا مطالبة بحقوقهم، مع مساعدتنا ليهم في الحصول على الحقوق دي.
    و بكرة لما البلد تنضف و تنصلح الخير هيعم إن شاء الله.

    ايه رأيك؟

    ReplyDelete
  20. lastcrazyboys19 February 2011 at 13:17

    نشيد الجيش المصري

    عــارف اني خنقتـك باللينكــات

    بس جيشنــا يستــاهل :)

    ReplyDelete
  21. مش فاهمه19 February 2011 at 13:47

    طيب و فين حل جهاز امن الدوله و الغاء الطوارئ ياجماعه تخيلوا ان مدير امن السويس اللى ابتدت فيها الثورة بحق و حقيق هو الوحيد اللى ما تغيرش

    ReplyDelete
  22. مصدق الهواري19 February 2011 at 14:07

    لكل من يتكلم عن السوق المفتوحة و بلا الأشتراكية و كل ش~ من هذا القبيل من فضلكم لحظة اللي علوز ياخد مليون أو اكثر من حقه و لكن في الحكومة و القطاع العام و دي فلوسنا احنا الشعب ما ينفعش ما يعقلش ابدا حد ياخد و لا عشر المباغ ده اساسي أو بدلات أو مكافأت لأن كده يبقى حرام علينا أحنا أننا نقبل قبل ما يكون حرام عليه ياخدهم
    دي مش اشتراكية و لا دياولو اللي يقبل كدة بعد الثورة يبقى البعيد يبقى بيستعبط

    ReplyDelete
  23. Unknown19 February 2011 at 14:13

    مبروك

    مع ان المفروض يتعاقب

    عدم اطاعة الامر العسكرى ..؟؟!!

    مدام هى جبهة التهييس

    يبقى الحد الادنى للاجور 2000 ج لية 1200

    بس خدو بالكو
    ان لو اتعمل الحد الادنى للاجور 1200 ج هيبقى فى ايد الناس فلوس كتير دا هيخلى ان المعروض من النقد اكتر هيؤدى فى الاقتصاد لارتفاع الاسعار الو المعروف بالتضخم

    يبقى ك اللحمة ب 200ج

    و الزيت ب 20ج

    ويبقى الضريبة 30 %
    ودا تقريبا الى هيحصل لانهم للمعلومية مش اكتر هما كانو بيرفعو الاسعار فى فايدة البلد اقتصاديا

    بس الاجور هتزود عاجز الموازنة الاحسن من الحد الادنى للاجور

    تسريع 4 مليون موظف من العاطلين بتوع الحكومة

    وتديهم قرض يعملو بية مصنع ونفس الموضوع الشعب خدلك قرض وحتة ارض و اشتغل بتسهيلات

    مش الحد الادنى للاجور

    دول نصهم مبيشتغلش

    فيها مليون موظف

    و 5 مليون مدير ومشرفين و رئس مجلس ادارة و اعضاء ومستشارين

    الفوضة الخلاقة

    ReplyDelete
  24. Unknown19 February 2011 at 14:15

    تقديرى واحترامى

    ReplyDelete
  25. Unknown19 February 2011 at 14:21

    شكرا لجيشنا العظيم و هم دول خير اجناد الارض
    انتم شيلتم امانة الوطن فى الخارج و شيلينها الان فى الداخل و ان شاء الله تسلم لادارة مدنية و طنية بسلطات و محددة و برقابة فعلية افضل من اي دولة مدنية دمقراطية متقدمة
    انا من ايام 1973 لم احس بفخر اننى مصرى مثل اليومين دول و يارب على طول
    يارب يحفظ جبشنا و يسدد خطاه و شكر للبطل احمد شومان و شكر لكل اللى ساهم فى ده

    ReplyDelete
  26. قارئة19 February 2011 at 14:25

    Al Hamdulillah hamdan la yanqati3 abdan.

    What are we going to do to support the Libyan, Jordanian and Bahraini protests. There must be something that we can do for them- I heard calls by Libyan men and women upon their neighbouring Egyptian and Tunisian revolutions to help. We must not be inward looking only. Egypt is destined to be the heart of the Arab nation. Everywhere in the world, we could have pan Arab demonstrations in soildarity with all Arab revolutions and protests against tyranny, repression and violation of our basic human freedoms. Do people have any thoughts?

    ReplyDelete
  27. يقول أنى امرأة19 February 2011 at 14:32

    ع فكرة يا نوارة وزير الماليه لما عمل مداخله تليفون ف واحد من الناس الحلق الى طلع فيها بلال فضل قال ان مفيش حكم صدر بالمبلغ بتاع الحد الادنى دة و ان القضاء ملوش انه يحط مبلغ و قال انه عمل دراسه مش عارفه يبقى الحد الادنى فيه 600 و كام كدة الخلاصه يعنى انه قال ان مفيش حكم قضائى

    ReplyDelete
  28. م/ الحسيني لزومي19 February 2011 at 14:34

    نرجو المساعده في نشر هذه الحمله

    "الحملة الشعبية: أغلقوا أمن الدولة"، تطالب بإغلاق الجهاز الأمن سيء الصيت ومحاسبة أي مرتكب لجرائم جنائية وإنسانية ضد المواطنين، مؤكدين أن الجهاز كان يعمل للأمن السياسي وللنظام الفاسد فقط، وتعرض الحملة قصصًا لأولئك الذين عذبوا داخل "سلخانات" أمن الدولة ووسائل التعذيب وطرق تلفيق القضايا لهم.
    http://www.facebook.com/pages/%D8%A7%D9%84%D8%AD%D9%85%D9%84%D9%87-%D8%A7%D9%84%D8%B4%D8%B9%D8%A8%D9%8A%D9%87-%D8%A7%D8%BA%D9%84%D9%82%D9%88%D8%A7-%D8%A3%D9%85%D9%86-%D8%A7%D9%84%D8%AF%D9%88%D9%84%D9%87/185270821511920?sk=wall

    ReplyDelete
  29. Unknown19 February 2011 at 14:47

    موضوع مهم جدا يانوارة ... كان فيه نقيب جيش كان معانا في اول ايام الاعتصام .. كان معتصم معانا في التحرير، وفضل معانا لأيام. الراجل ده راح فين. لو ممكن تنشري الموضوع ده على بوست منفصل أو حتى في الدستور. الشاب كان في منتهى الرجولة والثبات وده كان اول فرد من الجيش ينضم للثورة.

    ReplyDelete
  30. Mahmoud19 February 2011 at 14:51

    يا نوارة ممكن لو سمحتي تشغلي خدمة التلقيم (RSS-Atom) على الصفحة عشان تسهلي متابعة البوستات الجديدة؟

    ReplyDelete
  31. Unknown19 February 2011 at 15:15

    والنبي يا نوارة عمرو موسي بقاله اسبوع بيقابل ناس معرفهمش ويقول انا هبقي الريس بعد 40 سنة في النظام وسكوت مر في وعمره ما قال كلمة لأ جاي دلوقتي بيقول هبقي الريس وبيتفضل علينا سيادته عايز افهمه انه لا يستحق هذا المنصب واقوله كفاية كده بس مش عارف اوصله احساسي وهو يبدو مش مقتنع وفي ناس ساذجة للاسف مصدقاه فارجو يا نوارة تفهميه الحكاية دي من بقك اللي بينقط عسل يمكن يقتنع

    ReplyDelete
  32. Ahmed Mohamed19 February 2011 at 15:23

    ولا مليون ولا نص ولا ربع ولا الهوي
    كلو ينزل تحت الخمسه وعشرين
    دا حتي انا مش فاهم ازاي ياخد خمسه وعشرين دي اساسا
    عام وخاص كلو زي بعضو
    الي يتعب اكتر يلاقي اكتر هوه دا العدل يا سيدي القاضي
    بالنسبه للعمال الي بالاجر اليومي
    انا بقترح اذا مكنتش بفتي عشان انا معرفش في الليله دي حاجه
    انه يتم منح العمال حتي لو في القطاع الخاص حتي لو محلات او اي حاجه شهريا
    بجانب اجرته اليوميه

    المهم
    الي بيتعب يلاقي

    ReplyDelete
  33. محمد نور الدين19 February 2011 at 15:25

    ست الكل يسعد يومك
    مادام المسألة أصبحت عند أتحداك أذا تطلعي قرارالمحكمة بحكاية 1200 جنيه
    المحكة طالبت بإعادة النظر في الرواتب
    ولم تحدد سقفا لا أدنى و لا أعلى.
    هذا أولا أما ثانيا، أنا كنت أعتقد أنني أعرف عنك كل شيء حتى نوع الطعام الذي تفظلينه لكن لم أكن أعرف أنك فيلسوفة إلا أمس لما قرأت مقال أسامة غريب يتحدث فيه عن عمر سليمان وقد استشهد بالفيلسوف اليوناني حيث قال وقال أرسطوز ثم مباشرة ،وقالت نوارة نجم. يعني الند للند مع أرسطو.
    لكن حتى أسامة غريب الذي أحترمه كثيرا لم يسلم هو الآخر من المركزية المصرية إلى درجة تزويره للتاريخ
    عندما استشهد بتلك الحادثة المعروفة في التاريخ التي وقعت مع أبي حنيفة لكنه نسبها للشافعي .وللتأكيد .المقال بعنوان :آن لشعب مصر أن يمد رجليه
    لك اجمل التحيات وبلاش حكاية ميرسي الله يخليك

    ReplyDelete
  34. Anonymous19 February 2011 at 15:41

    الله يابلدنا الله على شعبك والجيش معاه .. يابلدى يا مصر يا حرة ... أنا سعيد جداً جداً وفخور بمصر جداً جداً ... يارب أحفظ مصر من كل سوء ومن أعداء الحرية والحياة ... عصابات الحزب الوطنى الفاسد وعصابات مبارك السفاح وأعوانه ... يارب أحفظ مصر

    ReplyDelete
  35. تونسي19 February 2011 at 15:55

    فعلا لا أفهم تعامل الناس مع الجيش على أنه حكومة
    .
    CIAال
    و عناصر النظام السابق شغّالة للالتفاف على الثورة و إعادة الإمساك بزمام البلد والناس منشغلة بمطالب نقابية وحقوقية.

    الإصلاح ليس من أولويات المرحلة الإنتقالية. المهمة الأولى والأخيرة في هذه المرحلة هي توفير الأرضية لانتخابات حرة و شفافة (تنظيف مؤسسات الدولة، تنشيط الأحزاب والجمعيات وضمان استقلال القرار السياسي).
    الإصلاح، محاسبة النظام السابق و تحقيق العدالة كلها تأتي في مرحلة ثانية وبحكومة تتمتع بشرعية انتخابية.

    في نظام ديمقراطي الإصلاحات الجذرية (حد أدنى و أقصى للأجور؟!) تتم بعد دراسات
    (feasibility studies)
    و نقاشات شعبية طويلة و لا تأتي بمرسوم من حكومة غير منتخبة أصلا.

    ملاحظة: عندنا نفس المشكلة في تونس فيما يخص الأولويات.
    أحيانا لدي انطباع أن البعض غير ضامن لما سيأتي في المستقبل وبالتالي فهو يسعى لتحقيق ما أمكن من مكاسب اجتماعية خلال هذه الفسحة من الحرية.

    ReplyDelete
  36. واحد عادى19 February 2011 at 15:58

    نانا - نفسى اقترح اقتراح - هل ممكن انك تعملى ركن كده فى المدونه بحيث كل واحد يسجل فيه نفسه ايه فى مصر يتغير - بجد - يعنى على سبيل المثال - انا نفسى ان كل غطيان البلاعات فى الشارع تتعمل بطريقه هندسيه سليمه بحيث تكون فى مستوى الشارع - نفسى انه يكون فى كل حى فرقه متخصصه لترميم مطبات الشوارع - نفسى تفعيل الاجهزه الرقابيه بوزاره الصحه لانه مش معقول كل مره اكل فيها فى الشارع يجينى تسمم او نزله معويه - نفسى ان الاعلانات الاستفزازيه بتاعه 0900 تتلغى من التليفزيون - نفسى فى حاجات كتير اوى ممكن انا وغيرى نكتبها - ايه رايك؟؟

    ReplyDelete
  37. ميمو الجن19 February 2011 at 16:22

    السادة ثوار مصر الكرام
    عندما بزغ فجر حريتنا الوليدة من اشد لحظات اليأس واظلم ساعات الليل الذي أطبق على حياتنا ورقصنا فرحا لرؤية السيد/ عمر سليمان يقرأ خطاب التنحي ومن ورائه السيد المحترم الذي لم يخبرنا احد عن دوره حتى الآن ، في تلك اللحظة لم أجد نفسي مطمئنا كما هو حال الكثيرين من أبناء وطني فأنا بطبعي إنسان يجيد القلق. حاولت مراراً أن أتناسى قلقي الفطري واندفع نحو الفرحة والاحتفال بالنصر ولكنني لم أستطع إلا أن أكثر من القلق.
    فهذا الرجل "حسني مبارك" أجاد باحترافية شديدة لعبة الحاكم والمحكوم لثلاثة عقود واستطاع بمهارة يحسدها عليه كل بهلوانات السيرك الرقص على كل الحبال من اجل الإبقاء على مؤخرته ملتصقة بكرسي الحكم ، هذا الرجل لن يستسلم بسهولة ولن يقر بالهزيمة ويقر بانتصار شعبه الذي اعتاده خانعاً مسلوب الإرادة ولكن هذا الشعب انتفض ثائراً في لحظة صنع فيها تاريخه بنفسه واستعاد مفاتيح البلاد ممن سطا عليها دون وجه حق. لا أعتقد أبداً أن مبارك قد استسلم لهذا القدر.
    إن مبارك ليس مجرد فرد أو أسرة ، واقتصار فكرة تغيير النظام على مجرد التخلص من رأس هذا النظام هو خطأ استراتيجي. مبارك هو مؤسسة تضم الكثيرين ممن نراهم ومن لا نراهم. المستفيدون من عصر مبارك والمتخوفون على مصالحهم مما سيأتي بعد هذا النظام ليسوا فقط "العادلي وعز وجرانة والمغربي" ومن يخططون للانقضاض على الثورة وتغيير مسارها ليسوا فقط "عمر سليمان ورجاله في المخابرات وذئابه في امن الدولة وكلاب الحزب المحروق" وهم جميعا باقون في جحورهم يعضون أناملهم من الغيظ على هذا الشعب الذي ثار عليهم واسترد ما كانوا يعتبرونه عزبة مملوكة لفرعنوهم الإله وابنه نصف الإله يجودان منها عليهم بما يشاءا وقتما شاءا.
    كذلك فأنني أرى أن إغفال التأثيرات الخارجية على الشأن المصري هو أمر جد خطير. وأعتقد أيضا أننا مقصرين في دراسة ردود أفعال الآخرين ونياتهم تجاه مصر وثورة شعبها وكذلك موقفهم من الجيش وانحيازه للشعب. فالكيان الصهيوني لم يخفي امتعاضه من الأمريكان والأوربيين لعدم مساندتهم مبارك حتى النهاية ولتفويتهم الفرصة على سليمان للانقضاض على الحكم وقد ذكرت "ويكيليكس" أن الأمريكيين والإسرائيلي 10;ن غير راضين بالمرة عن الجيش ودوره ولم يخفوا شكوكهم تجاه قادته.
    إن انشغال الرأي العام بتتبع رؤؤس الفساد وذيوله لا يكفي لاستمرار الثورة. ولكن حماية مكتسبات الثورة يقتضي أيضا الانشغال بتتبع نوايا ومخططات أتباع مبارك والمستفيدين من نظامه في الداخل والخارج. ولذلك وان كنت اتهم نفسي أحيانا بالسوداوية وسوء الظن فإنني لا أعتقد أنني أبالغ إن أنا رأيت أننا نجازف كثيرا إن نحن اكتفينا فقط بمتابعة ما يجري الآن من تحقيقات تجريها النيابة العامة وأعمال لجنة تعديل الدستور ، وان نحن أهملنا مبدأ الشك في نوايا هؤلاء وتناسينا عن حسن ظن منا أن لهم قدرات هائلة وما زال في أيديهم الكثير من الإمكانات التي ينوون بلا شك تسخيرها للانقضاض على الثورة وهم من هم في عالم الدسائس والفتن والأعمال القذرة.
    أيها الثوار الكرام ، لا يوجد في علم السياسة ما يسمى الصدفة. لذلك أرجو من الجميع الإبقاء على حالة اليقظة التامة ورفع درجات الاستعداد والقلق والانتباه إلى كل شاردة أو واردة مهما كانت صغيرة أو بدا أنها غير ذات شأن ، فالمرحلة شديدة الدقة والانتقال من حكم العصابة إلى حكم الشعب محفوف بالمخاطر.
    حفظ الله مصرنا وثورتنا.

    ReplyDelete
  38. e19 February 2011 at 16:35

    ﻳﺎ ﺟﺪﻋﺎﻥ ﺍﺩﺧﻠﻮﺍ ﻋﻠﻲ ﻣﻮﻗﻊ ﺍﻟﺠﺰﻳﺮﺓ ﺩﻭﺕ ﻧﺖ ﻭﺷﻮﻓﻮﺍ ﻓﻀﺎﻳﺢ ﺍﻟﻜﺒﺎﺭ ﻓﻲ ﻣﺼﺮ ﺍﺳﻒ ﻣﻌﻨﺪﻳﺶ ﺍﻟﺮﺍﺑﻂ ﻻﻧﻲ ﺑﺎﺳﺘﻌﻤﻞ ﺍﻟﻤﻮﺑﺎﻳﻞ ﻟﻠﺒﻮﺳﺖ ﺣﺎﺟﺎﺕ ﺗﺸﻴﺐ ﺍﻟﺸﻌﺮ ﻳﺎ ﺟﺪﻋﺎﻥ ﻳﺎﻟﻬﻮﻱ ﻳﺎ ﻣﻪ ﺩﻥ ﻧﻬﺐ ﻋﻠﻨﻲ ﻣﻨﻈﻢ ﻳﺎ ﺧﺮﺍﺑﻲ ﻳﺎ ﻣﻪ ﺩﺍﻧﺎ ﺿﻐﻄﻲ ﻋﻠﻲ ﺍﻟﻘﺼﺎﺹ ﻳﺎ ﺟﺪﻋﺎﻥ

    ReplyDelete
  39. bang88719 February 2011 at 16:40

    @أحمد البستاوي

    كلام صح 100%، زيادة الأجور ستكون ذات أثر كارثى. والبديل هو السعى جاهدين لوضع الخطط والسياسات لخفض الأسعار ومراقبتها. خصوصا وأن معظم ارتفاعات الأسعار حاليا ناتجة عن الاحتكار، والجشع.

    ولقد كان للدكتور أحمد جويلى سابقة عملية فى السيطرة على وتخفيض الأسعار أيام حكومة الجنزورى. . . والمقصود أن تخفيض الأسعار ليس حلما، وليس أمراً مستحيلا. ... فقط نية صادقة وعمل دؤوب من الجميع، وأولهم إحنا "الشعب".

    ReplyDelete
  40. Lawyer 201219 February 2011 at 16:44

    أنا فرحان أوي يانوارة ...
    هموت من الفرحة بجد
    مبروك ياأحمد ألف ألف مليون مبروك
    ألف ألف ألف مليون شكر للقوات المسلحة

    عبد الزهراء المصري

    ReplyDelete
  41. عندما ينطق القلم19 February 2011 at 16:45

    "مالناش صناعة غير الشجاعة وللجهاد ربنا خلقنا"
    الله الله الله . منين بتجيبي الكلام ده؟! عموما خلي بالك من نفسك، إللي أظن إنك بعتيها من زمان، أقصد بعتيها لله، وعلى فكرة أنا ممن يلتقطون لك ومضات من كلامك، فاكرة لما اتسألتي في برنامج علمتني الحياة إيه أقصى أمنياتك، فقلتي إني أموت شهيدة، وبالرغم من إني أنا أتمنى لك ما تتمنين لنفسك، ولكني أدعو الله أن تظلي معنا نتنفس بمواقفك الشُّجاعة هواء الشَّجاعة والجهاد والحرية، وقد عاهدت نفسي، رغم انشغالي الشديد بإنهاء رسالتي للدكتوراه، ألا أفوت لك، أو أحرم نفسي من حرف مما تكتبين، وأن أكون ممن يدعموك دائماً وإن اختلفت معك أحيانًا، وأنا بصدد إعداد مدونة خاصة لمحاورتك في كل ما تكتبين، أرجو منك رجاااااااااااااااااااءً حااااااااااااااااااااااارًّا
    أن تقترحي أنت اسم هذه المدونة، وأقسم لك بالله، وأعاهدك باسم الشجاعة والجهاد إن لم تعجبك، فلك مطلق الحرية أن تأمريني بحذفها، وسأختم ردودي عليك من الآن بقولك "مالناش صناعة غير الشجاعة وللجهاد ربنا خلقنا"، وسأترجمها وأجعلها عنوانًا فرعيًا للمدونة الذي أنتظر منك اقتراح اسمها.

    ReplyDelete
  42. Lawyer 201219 February 2011 at 16:50

    الأخ أحمد البستاوي:-
    حضرتك كنت بتقول إنه ماينفعش المرتبات تزيد ، أقول لحضرتك لأ ممكن يحصل ده وأنا مقر عملي زود مرتبي 300 جنية .

    عبد الزهراء المصري

    ReplyDelete
  43. الخوجة19 February 2011 at 17:23

    http://t.co/9oj0LG0نوارة نجم.. ثائرة بالوراثة

    ReplyDelete
  44. Jareer19 February 2011 at 17:32

    This comment has been removed by the author.

    ReplyDelete
  45. AME19 February 2011 at 17:37

    Salamou alikoum, Alf mabrouk for Shuman w alf shoker legyshna al3azeem.

    Now I received the follwing and do not know where if true we can be purchasing each at least one sahm.
    Please those who know better confirm if true, and if yes how can we help. I mean where to buy. have a nice day all.

    السلام عليكم ورحمة الله وبركاته
    ادعوا الله لكم جميعا بالسلامة والامان
    يذاع نبأ هام مؤخرا بأن الاجانب بانتظار عودة فتح البورصة المصرية
    لماذا؟؟؟؟؟؟؟؟؟؟؟
    لشراء اكبر كم من الاسهم للشركات المصرية لان اسعارها ستكون بأدنى مستوي منذ فترة طويلة لان اغلب معظم حاملى الاسهم المصريين والعرب
    سيقومون بالبيع لتجنب المزيد من الخسارة بعد سقوط اسعارها
    ولعدم استقرار الاحوال في مصر
    بالنسبة للاجانب هذه فرصة ممتازة لشراء الملايين من هذة الاسهم وبالتالي المشاركة او الانفراد بتملك كبري الشركات المصرية
    مثل شركات البترول والحديد والصلب والاتصالات والتعمير والادوية
    لو البورصة بدأت بالعمل يوم الاثنين القادم سيسارعون بشراء اسهم شركاتنا

    الفكرة التي اناشدكم بها

    هي انه اذا قام مثلا مليون مصري بشراء اسهم
    ولو حتى سهم واحد لكل مواطن يوم الاثنين والثلاثاء القادم من اقرب شركة لتداول الاوراق المالية فسوف ننقذ اقتصاد مصر ومواردها من الاحتكار الاجنبى

    ارجوكم شاركوني الفكرة بآرائكم
    والمبادرة بالتنفيذ ونشر الموضوع
    شكرا لسعة صدوركم

    ReplyDelete
  46. AME19 February 2011 at 17:38

    Salamou alikoum, Alf mabrouk for Shuman w alf shoker legyshna al3azeem.

    Now I received the follwing and do not know where if true we can be purchasing each at least one sahm.
    Please those who know better confirm if true, and if yes how can we help. I mean where to buy. have a nice day all.

    السلام عليكم ورحمة الله وبركاته
    ادعوا الله لكم جميعا بالسلامة والامان
    يذاع نبأ هام مؤخرا بأن الاجانب بانتظار عودة فتح البورصة المصرية
    لماذا؟؟؟؟؟؟؟؟؟؟؟
    لشراء اكبر كم من الاسهم للشركات المصرية لان اسعارها ستكون بأدنى مستوي منذ فترة طويلة لان اغلب معظم حاملى الاسهم المصريين والعرب
    سيقومون بالبيع لتجنب المزيد من الخسارة بعد سقوط اسعارها
    ولعدم استقرار الاحوال في مصر
    بالنسبة للاجانب هذه فرصة ممتازة لشراء الملايين من هذة الاسهم وبالتالي المشاركة او الانفراد بتملك كبري الشركات المصرية
    مثل شركات البترول والحديد والصلب والاتصالات والتعمير والادوية
    لو البورصة بدأت بالعمل يوم الاثنين القادم سيسارعون بشراء اسهم شركاتنا

    الفكرة التي اناشدكم بها

    هي انه اذا قام مثلا مليون مصري بشراء اسهم
    ولو حتى سهم واحد لكل مواطن يوم الاثنين والثلاثاء القادم من اقرب شركة لتداول الاوراق المالية فسوف ننقذ اقتصاد مصر ومواردها من الاحتكار الاجنبى

    ارجوكم شاركوني الفكرة بآرائكم
    والمبادرة بالتنفيذ ونشر الموضوع
    شكرا لسعة صدوركم

    ReplyDelete
  47. AME19 February 2011 at 17:38

    Salamou alikoum, Alf mabrouk for Shuman w alf shoker legyshna al3azeem.

    Now I received the follwing and do not know where if true we can be purchasing each at least one sahm.
    Please those who know better confirm if true, and if yes how can we help. I mean where to buy. have a nice day all.

    السلام عليكم ورحمة الله وبركاته
    ادعوا الله لكم جميعا بالسلامة والامان
    يذاع نبأ هام مؤخرا بأن الاجانب بانتظار عودة فتح البورصة المصرية
    لماذا؟؟؟؟؟؟؟؟؟؟؟
    لشراء اكبر كم من الاسهم للشركات المصرية لان اسعارها ستكون بأدنى مستوي منذ فترة طويلة لان اغلب معظم حاملى الاسهم المصريين والعرب
    سيقومون بالبيع لتجنب المزيد من الخسارة بعد سقوط اسعارها
    ولعدم استقرار الاحوال في مصر
    بالنسبة للاجانب هذه فرصة ممتازة لشراء الملايين من هذة الاسهم وبالتالي المشاركة او الانفراد بتملك كبري الشركات المصرية
    مثل شركات البترول والحديد والصلب والاتصالات والتعمير والادوية
    لو البورصة بدأت بالعمل يوم الاثنين القادم سيسارعون بشراء اسهم شركاتنا

    الفكرة التي اناشدكم بها

    هي انه اذا قام مثلا مليون مصري بشراء اسهم
    ولو حتى سهم واحد لكل مواطن يوم الاثنين والثلاثاء القادم من اقرب شركة لتداول الاوراق المالية فسوف ننقذ اقتصاد مصر ومواردها من الاحتكار الاجنبى

    ارجوكم شاركوني الفكرة بآرائكم
    والمبادرة بالتنفيذ ونشر الموضوع
    شكرا لسعة صدوركم

    ReplyDelete
  48. Unknown19 February 2011 at 17:41

    احلى تحية لاحلى نوارةمن واحد يحب مصر و كل اهل مصر باستثناء الي بالي بالكم
    يا ستي انا واحد ما كنت با احب الا واحد مصري اسمة د سعيد الصباغ بس بعد مقابلة لحضرتك على " يمكن كانت في "ON TV كنت تاني انسان كويس في مصر طبعا الاستاذ عيسى كان كويس بس كان فيه تحفضات علية لانه الشائع في اعلامنا العربي انه لازم من وجود ما يبرز الديمقراطية العربية بس بعد 25 يناير الشعب المصري و حصوصا سبابةاستحقوا التحية و الاحترام واسف على الانطباع القديم
    محمد من اليمن

    ReplyDelete
  49. AME19 February 2011 at 17:43

    I agree with Ahmed el bestway. We cannot just raise el had el adna. lazem Khota salyma. we leky yatem zalek lazem el*3ad el ahkam el 3orfya we ta3een hokoma enteqyalia hata low feyha nas min zat hazhi el hokouma, el zaher eno wazeer el malya el 7aly kwyes mathlan. 3andoko kaman el mohndes Mamdouh Hamza afkaro kwyessa. Nahyto nahar sa3eed 3alyko.

    ReplyDelete
  50. AME19 February 2011 at 17:43

    I agree with Ahmed el bestway. We cannot just raise el had el adna. lazem Khota salyma. we leky yatem zalek lazem el*3ad el ahkam el 3orfya we ta3een hokoma enteqyalia hata low feyha nas min zat hazhi el hokouma, el zaher eno wazeer el malya el 7aly kwyes mathlan. 3andoko kaman el mohndes Mamdouh Hamza afkaro kwyessa. Nahyto nahar sa3eed 3alyko.

    ReplyDelete
  51. Unknown19 February 2011 at 17:50

    أرجو من الاخوان المسلمين أن يتنبهوا لما يحاك الآن من مؤامرة على الثورة الوليدة من النظام الذى لم يرحل بعد، فسدنة النظام ما زالوا يعثون فى الأرض فساداً، و كل ما تم حتى الآن هو تغيير وجوه بوجوه أخرى من نفس النظام لا أكثر.
    رأيى أن ما يحدث حالياً من تركيز للأضواء على جماعة الاخوان المسلمين اعلامياً و اٍبرازهم بشكل قد يثير المخاوف، ليس داخلياً فقط و لكن بالأخص خارجياً، هو شىء مقصود و متعمد، فالاٍعلام المصرى و الشيطان وجهان لعملة واحدة، و سأوجز لكم بعض الأشياء التى تثير الريبة:

    تنحية لجنة تعديل الدستور التى عينَّها مبارك رغم تشكيلها من أعلام القانون و فقهاء الدستور مثل د. يحيى الجمل و د. أحمد كمال أبو المجد و غيرهم مِمَّن يُشهد لهم بالكفاءة و النزاهة، و تعيين لجنة أخرى برئاسة المستشار طارق البشرى ذو المرجعية الاسلامية و بعضوية أحد رموز الاخوان و هو الأستاذ صبحى صالح، و هذا التغيير يدعوا الى الريبة.

    الظهور الاعلامى المكثف الحالى لأعضاء الاخوان على قنوات التلفاز المصرى أو بالمداخلات الصوتية، و هو أيضاً شىء مُستغرب و يدعوا الى الريبة.

    بعض الجرائد المستقلة ظاهرياً و لكنَّها تتبع النظام مثل "اليوم السابع" بدأت فى كيل المديح الى الاخوان و القول بأنه لولاهم لفشلت الثورة.

    اعتزام الجماعة السلفية المتشددة و الجماعة الاسلامية ذات التاريخ العنيف على تأسيس أحزاب سياسية و ذلك مما يثير المخاوف عند بعض أطياف المجتمع.

    ما زال النظام، حتى بعد تنحى مبارك، يسير على نفس الدرب من تعذيب و تنكيل بالمواطنين، فما زال جهاز أمن الدولة يعتقل و يعذب العشرات (برنامج "نافذة على مصر" قناة الجزيرة، الخميس 17 فبراير)

    و لنتعلم من الماضى القريب فى مصر سنة 2005 حين ترك النظام الاخوان لينجحوا فى أول مرحلتين ليرى العالم الخارجى أن البديل هو الاسلاميين، ثم نكث بعهده فى المرحلة الثالثة و عاد الى التزوير، غير أنَّ هذه المرة سيكون هناك ضحايا بالآلاف مثلما حدث بعد انتخابات الجزائر 1990، والذى أدى الى سيطرة الجيش الجزائرى على البلاد.


    و الحل فى رأيى المتواضع أن يظل الاخوان بعيداً عن الأضواء بقدر الامكان مع تأكيدهم الدائم على الديموقراطية و الحريات، و ألا يرشحوا أنفسهم فى أكثر من 20% من المقاعد البرلمانية، و أن تكون هذه الدوائر موزعة على مراحل الانتخابات أياً ما كان عدد هذه المراحل.
    أما بالنسبة للسلفيين و الجماعة الاسلامية فأرجوهم أن يبتعدوا عن الثورة الوليدة التى طال انتظارها، و ليكن تركيزنا الآن على الهدف الموحد و هو ازالة النظام و أذنابه و لا نترك أى ذريعة للنظام بأن ينقض على الثورة فى ظل مباركة من عالم خارجى مُتربص و متآمر، و لتتخيلوا أنكم تعيشون فى دولة أوروبية، ألن يقتصر نشاطكم على الدعوة فقط؟ فالأولى اذن أن تفعلوا نفس الشىء فى مصر و ذلك فى سبيل العيش فى حرية و عدالة و ان كانت دولة مدنية علمانية.

    أرجو أن أكون مخطئاً فى ظنونى هذه، و لكن النظام الشيطانى ما زالت أذرعه منتشرة كالاخطبوط

    ReplyDelete
  52. عيله مفتريه سابقا19 February 2011 at 18:14

    نوارة
    اللى بيحصل من نقل مدراء الامن دة غلط
    كل واحد منهم عنده كلكوعة مصايب قد كدة
    يعني ايه محمد ابراهيم مدير امن اسكندريه يتنقل بورسعيد؟؟؟؟؟؟؟
    واصلا دة فاسد ومبهدل اسكندريه؟
    هو احنا نخلص من صلاح البرادعي يجيلنا دة؟
    طب هل دة حل؟؟؟؟؟؟
    الناس دي مبتتحاكمش ليه؟
    هل نقدم بلاغات للنائب العام؟
    هل نخرج في مظاهرات؟
    ولا نلطم ونلم علينا الناس؟

    كدة مينفعش خالص

    ReplyDelete
  53. Shoukry19 February 2011 at 18:25

    3ayzeen ne3mel mozahrat 2odam el sefara beta3et libya ... ebn el kalb 3amal yedrab el nas be el madafe3 wi kanaseen :(
    wi shaklaha keda fe mazba7a 7asalet henak :S

    ReplyDelete
  54. Anonymous19 February 2011 at 19:15

    انا فرحت زيك كده وبعدين البارانويا اشتغلت
    انا صراحة ما توقعتش ان الطلب ده يتنفذ توقعت انه يتاخد في الاعتبار وياخد حكم مخفف او مع ايقافف التنفيذ لكن احنا نوقول عفو يقولوا وماله ياخويا مش عيب ويحفظوا التحقيق .. هما بياخدونا على قد عقلنا ولا انا بيتهايئلي
    امبارح قالو ان مبارك زي القرد وان طنطاوي عقد معاه صفقة يتنازل في مقابل ان محدش يحاكمو
    http://abcnews.go.com/International/hosni-mubarak-dying-breakfast-beach-today/story?id=12933233
    و النهاردة الشروق تقولك حسنى لسه شايف نفسه رئيس مصر وبيكلم ملوك السعوديه والامارات و بيحول فلوسه عندهم
    http://www.facebook.com/l.php?u=http%3A%2F%2Fwww.shorouknews.com%2FContentData.aspx%3FID%3D392580&h=0bb19

    ReplyDelete
  55. بهيج الشرير19 February 2011 at 19:27

    والنبي ياأبلتي أنا عندي إقتراح! الواد المخبول مرتضى منصور زعيم قبائل البورنو والسيديهات الطازجة، لابد من جلوسه على المزبرة المسننة

    ReplyDelete
  56. Unknown19 February 2011 at 19:59

    يا نوارة أنا هتخنق من اللى بيحصل
    شوفتى وزير الداخلية الجديد عمل إيه
    أقر اللواء محمود وجدى، وزير الداخلية، حركة ترقيات وتعديلات جديدة على مستوى الجمهورية، حيث قرر نقل اللواء أحمد عبد الله خميس من مدير أمن سوهاج، إلى مدير أمن كفر الشيخ، ونقل اللواء أحمد عبد الباسط من مدير أمن الدقهلية إلى مدير أمن الإسكندرية، ونقل اللواء محمد إبراهيم مدير أمن الإسكندرية إلى منصب مدير أمن بورسعيد.

    ترقيات وتنقلات لمديرى الأمن اللى ضربوا المتظاهرين بالنار
    وقبل كده اعتبروا اللى ماتوا منهم شهداء وزودوا مرتباتهم
    يا اخوانا حد يفهمنى هو إحنا اللى كسبنا الثورة والا ضباط الداخلية
    والله أنا خايف إنهم يحاكموا الشهداء من الشباب لأنهم وقفوا أمام رصاص القناصة

    أرجوكى فهمينى اللى بيحصل

    ReplyDelete
  57. Unknown19 February 2011 at 20:09

    أعيد اللى كتبته ع الفيسبوك
    ...........................
    بصى ياستى....كنت باقول لو عايزة تتناقشى بدون فرض رأيك - كالعادة - فيبقى لازم نعترف ان مافيش حاجة اسمها حد أدنى وحد أقصى فى الأجور...فبه حاجة اسمها كل واحد يبقى أجره متناسبا مع كفاءته وامكانياته وقدرته على الانتاج والتطوير.... وللأسف أكتر من 90 فى المية من اللى بيتظاهروا فئويا دول ولا عندهم امكانيات ولا قدرات ولا قدرة أو رغبة فى الانتاج ومعظمهم عمالة زايدة ولو اديتيهم 1200 جنيه برضه مش حايعجبهم وحانبقى جينا نكحلها عميناها..الحل السريع هو تخفيض الجمارك والضرائب لأقصى حد وتسعير السلع جبريا مع احكام الرقابة على الأسواق...فى نفس الوقت يتعمل نظام جديد ع المدى الطويل لاعادة تقييم الموظفين وربط الأجور بالكفاءة

    ReplyDelete
  58. Unknown19 February 2011 at 20:17

    أنا مزقططة... الحمد لله الحمد لله.... يارب عقبال بقية المطالب

    ReplyDelete
  59. hassn hamdi19 February 2011 at 20:35

    بلاش تأليه للمجلس العسكري...
    مش هو جيشنا؟
    يبقى يبنفذ اوامرنا من غير كلام والا نشيل المجلس العسكري ونجيب غيره
    بطلوا خنوع..
    حرام عليكم
    كل ما نقضي على فرعون تربولنا غيره؟

    ReplyDelete
  60. Moataz Medhat19 February 2011 at 20:44


    الأهرام عاملين تصويت على موقعهم بخصوص المادة التانية، أكيد هما عارفين انه مش وقتها دلوقتي،و محبكتش معاهم.

    أنا شامم ريحة مؤامرة وسخة؟

    ReplyDelete
  61. علان العلانى19 February 2011 at 20:47

    لا يفوتكم الربط بين الأشياء

    لماذا يستجيبون لمطالب الشعب المصري بالقطارة؟

    هل يعتقدو أن ذلك سوف يشغل الشعب المصري بنفسه عن أخوانه واصهاره وابنائه وانصاره في العالم العربي؟

    هل دور مصر الأقليمي صنعته الحقبة الناصرية أم انها من فعل الجغرفيا والتاريخ والعقائد والمقدسات والقيم واللغة؟

    هل ما يحدث في ليبيا والبحرين واليمن والجزائر وبقية العالم العربي ليس له علاقه بما يحدث في مصر بين فلول النظام ومطالب الشعب؟

    كيف نستطيع أن نحدق في الثورة المصرية بدون ان ننتبه للمدارات التى تدور فى فلكها المدار الأسلامي والمدار العربي والمدار الأقليمي والمدار العالمي؟

    الحرية لنا ولغيرنا

    ReplyDelete
  62. hassn hamdi19 February 2011 at 21:06

    يا نوارة
    عاوزين مظاهرة ضخمة بكره قدام سفارة ليبيا علشان نساند اخواتنا الليبييين
    القذافي المجرم بيعمل مجازر ضد اخواتنا دلوقتي
    الدعاء يا إخوة
    اللهم انصر اهل ليبيا وأهلك القذافي ومن عاونه
    اللهم أنزل عليه سخطك ومقتك واقذف الرعب في قلبه وقلوب كل من عاونه

    ReplyDelete
  63. أحمد البستاوي19 February 2011 at 21:41

    الأخ العزيز
    Lawyer 2012
    ---
    أنا ما بقولشي المرتبات ما تنفعشي تزيد
    أنا بقول المرتبات ما تنفعشي تزيد مرة واحدة
    و أعتقد إن حضرتك بتشتغل شغل خاص موش حكومي
    فكر في زيادة رواتب 8 مليون موظف حكومة
    أنا معاك إن مكتبك زودك 300 جنيه بس مرتبك في الأصل كان كام
    مستحيل يكون 300 بقى 600 إلا لو كنت أثبت كفاءة غير عادية
    أنا لا أشكك في إستحقاقك للزيادة
    لكن حضرتك استحقيتها بمجهودك
    بمعنى إن المكتب بيديك من شغلك
    تقدر تقولي إيه الحاجة العبقرية اللي عملها موظفين الحكومة عشان الزيادة دي
    و لا حاجة
    و ما تقولشي العدالة الإجتماعية
    لأن المقصود بيها ساعتها هو الوجاهه الإجتماعية و الإستقرار و السلام الإحتماعي
    و الإستقرار هو الخدعة اللي مبارك ساقنا بيها زي اللامؤاخذة 30 سنة
    موظفين الحكومة عواطلية و مرتباتهم إعانات إجتماعية . . إلا من رحم ربي
    و أي إصلاح حقيقي لازم يبتدي بتصفية العمالة الزايدة و تخفيض الإنفاق الحكومي
    أنا عارف إني بافتح على نفسي أبواب جهنم بالكلام ده بس للأسف هيا دي الحقيقة
    ---
    إحنا محتاجين نظرية إقتصادية جديدة
    عاوزين رأيكم
    http://afkar-soda.blogspot.com/

    ReplyDelete
  64. أحمد البستاوي19 February 2011 at 21:55

    الأخ العزيز
    Lawyer 2012
    ---
    من ضمن التصورات للمرحلة القادمة تحديد طريقة لتوزيع الأرباح بالنسبة للقطاع الخاص
    --
    يعني مثلا . . محامي عنده مكتب شغال و فيه محامين شغالين معاه . . بتيجي قضية المحامي الصغير هوا اللي بيشتغلها و يطلع عين اللي خلفوه فيها و هوا اللي بيحضر الجلسات . . و في أحوال كتيرة المحامي الكبير صاحب المكتب ما يعرفشي عنها حاجة . .
    في الآخر المحامي الصغير بياخد مرتبه و لو المحامي الكبير افتكره بحاجه من اتعاب القضية تبقى كرامة
    ---
    مثال تاني
    واحد صاحب محل . . نقول ملابس مثلا . . عنده عمال شغالين و طالع دين اللي مخلفهم و بيشتغلوا زي العبيد و لا سبعين ساعة في الأسبوع . . و في الآخر ما بياخدوش غير مرتباتهم . . و حسنة من وقت للتاني
    ---
    المشاهد دي موجوده و لا لأ
    ---
    الحل هو تحديد نسب توزيع الأرباح
    لا القضية ح تييجي للمحامي الصغير و لا المحامي الكبير ح يشتغلها لو جات له
    لا راس المال ينفع يشتغل لواحده و لا العمال بتو ع المحل ينفع يشتغلوا من غير راس مال
    --
    يبقى الحل هو العدل
    ---
    خمسين في المية مكسب لراس المال و خمسين في المية مكسب للعمال
    ---
    و دي موش اشتراكية و لا راسمالية . . إحنا ما بنرجحشي كفة عن كفة . .
    موش عاوزين غير العدل
    ---
    ساعتها ح تلاقي إن الـ 300 جنيه اللي إنتا زدتهم موش حاجة
    و إن حقك أكبر من كده بكتير
    ---
    محتاجين نظرية اقتصادية جديدة
    شاركونا
    http://afkar-soda.blogspot.com/

    ReplyDelete
  65. iman19 February 2011 at 22:11

    الحمد لله و الشكر لله الجيش بدأ يتكلم و بيقول كلام حلو هيلغى قانون الطوارىء خلال 6 شهور مع إحترامى للكفاءة و السوق المفتوحة و الاشتراكية شكلها ايه كفاءة الإنسان اللى بياخد مليون جنيه فى الشهر ده!؟!؟

    ReplyDelete
  66. torero19 February 2011 at 22:40

    مبارك مازال يحكم مصر من وراء الستار
    كل ما يحدث الان هو انه ابعد د حمال و شلته وقام بتغيير الوزارة و طلب تعديل الدستور
    وبخلاف ذلك لا يوجد جديد
    الطوارئ كما هو قائم
    المعتقلين مازالوا بالسجون حتى لو انتهت مدة احكامهم
    رؤساء التحرير الخونة مازالو على كراسيهم
    التليفزيون كذلك
    وهلم جرا

    ReplyDelete
  67. dalia19 February 2011 at 23:09

    انا هطرشق من الغيظ , يعنى ايه الشعب يعمل مظاهرة ٤ مليونية و يجى رئيس وزراء تسيس اقصد تسيير الاعمال يشيل وزراء ويحط فى ناس جديدة ؟ لأ و كمان يقول ان الحكومة مستمرة فى عملها ؟ هو ناوى يحكمنا بالعافية ؟ طيب يعنى ننزله الجنين و هو فى بطن امه يحلفله ان هو مش عايز يشوف الحكومة دى لما يتولد و لا نخليه هو كمان يعمل اعتصام و يحلف انه ما هو نازل اللا لما يسيبوا الحكم؟ ا يخلصونا بقى علشان نشوف هنعمل ايه لاخوانا اللى بيدبحوا فى ليبيا واليمن و البحرين , و بعدين لو الحكاية تحدى يبقى اهلا بالصمود اصل الجمعات كتير يعنى لسه فيه جمعة البقاء و التحدى و الصمود و التأكيد و العناد و الكرامة و الكبرياء وعدم الاستسلام و كتير غيرهم و احنا بصراحة كده بقى لينا اصحاب و اهل فى الميدان و محببب على قلبنا ننزل التحرير ان شاء الله كل يوم علشان القعدة نضيفة و شريفة و كمان بندعى فيها على اللى مزعلنا و بنأمن جمعاء , ولما نشوف مين هيزهق الاول !

    ReplyDelete
  68. سامية جاهين19 February 2011 at 23:23

    طيب والنبي يا شخية عندي سؤال مهم ماحدش عارف يجاوبني عليه. بقية الضباط اللي انضموا للثورة مصيرهم إيه. تحفظوا على التحقيق معاهم ولا الرائد شومان بس؟ عايزين نتأكد ونعرف ومش عايزين ننساهم هما كمان

    ReplyDelete
  69. سامية جاهين19 February 2011 at 23:24

    طيب والنبي يا شخية عندي سؤال مهم ماحدش عارف يجاوبني عليه. بقية الضباط اللي انضموا للثورة مصيرهم إيه. تحفظوا على التحقيق معاهم ولا الرائد شومان بس؟ عايزين نتأكد ونعرف ومش عايزين ننساهم هما كمان

    ReplyDelete
  70. سامية جاهين19 February 2011 at 23:24

    طيب والنبي يا شخية عندي سؤال مهم ماحدش عارف يجاوبني عليه. بقية الضباط اللي انضموا للثورة مصيرهم إيه. تحفظوا على التحقيق معاهم ولا الرائد شومان بس؟ عايزين نتأكد ونعرف ومش عايزين ننساهم هما كمان

    ReplyDelete
  71. Unknown19 February 2011 at 23:51

    البطبش والقمع و التوحش لدى الانظمة العربية اللي فيها بوادر ثورات كل مالو بيزيد من نظام لنظام؟

    القذافي مجنون فعلا الله يلعنه
    الله يستر ليبيا..

    هذه الانظمة تفكر انو لما بيقتلو كتير في امل انو يستمرو.... انا خايفه نوصل لمرحلة الشعب البائد .. الله يستر

    ReplyDelete
  72. Ibn Barhoma20 February 2011 at 00:12

    شفيق صرح اليوم ان تلت الوزاره مفروض عليه !!!! .... مفروض عليه من مين؟؟؟ .... مين اللي بيحكم مصر ؟؟؟؟ .... يا تري حسني مبارك وديوله بتحكم مصر من جمهوريه شرم الشيخ؟؟؟ .... أنا كل ماشوف عائشه عبد الهادي وأبو الغيط وشهاب اشعر بالإهانه .... كما لا كانت مصر مفيهاش ناس محترمه وذات كفاءة!!!!

    ReplyDelete
  73. bang88720 February 2011 at 00:48

    @AME
    منذ متى يستثمر الخوجات فى أسواق وبورصات بلدان غير مستقرة؟

    كل الحكاية إن الأسهم فى أيدى الحيتان الكبيرة، وهم يريدون استعادة أموالهم المحبوسة فى الأسهم منذ إغلاق البورصة،

    وبعد استعادتها -ببيع أسهمهم- سيقومون بتحويل أموالهم إلى دولارات ويحولوها للخارج، وبذلك نخسر كمان رصيد البلد من النقد الأجنبى.

    ReplyDelete
  74. Rowaa21 February 2011 at 22:01

    Dear Nawara
    Please, please how can we communicate urgently to urge our Military forces to do something urgently to stop Ghaddafi' slaughter to his people. Please how can we communicate with our army to facilitate egyptian medical convoys and to send military aeroplanes
    to stop that crasy man

    ReplyDelete

Note: only a member of this blog may post a comment.