Wednesday, 19 May 2010

حصوة في عينك ياللي ما تصلي ع النبي

انما ايران وتركيا خمسة وخميسة ما شاء الله لا قوة الا بالله يعني
حصوة في عين اللي ما يصلي ع النبي بكرة الخميس الساعة خمسة 
ناس ليها بخت وناس ليها مبارك
واظرف حاجة في اللي ليهم مبارك انهم قاعدين زي الكحيت صباعهم طالع من الشراب ويقولوا على نجاد ديكتاتور واردوغان نصاب
جامدين جامدين يعني... تحب اولع لك السيجار يا مون بيه؟
بصراحة والشهادة لله... انا مش قادرة اسمع من الركن بتاعنا اي تخريف من التخريف ده.. خالص بقى
ادعو لهم ربنا يوفقهم وينجح لهم المقاصد
at

14 comments:

  1. (ست* جنى* الحسن)19 May 2010 at 17:24

    سلامو عليكو..
    انت شايف الدنيا سودة كدة ليه مين عارف يمكن يكون مبارك احسن من اللى بعده؟؟؟
    برجاء قبولى صديقة للمدونة

    ReplyDelete
  2. Unknown19 May 2010 at 17:42

    @ست* جنى* الحسن)
    حزبى الله ونعمل الوكيل

    ReplyDelete
  3. Unknown19 May 2010 at 17:49

    واااااكيييييل

    ReplyDelete
  4. أنا - الريس19 May 2010 at 17:55

    كثيرا ما عجبني مواقف اردغوان البطولية .. لدرجة اعتذار الصهاينة ليهم .. وموقف مقابلته لزويل ورفض مقابلة السفير الأمريكي اللي راح مع زويل لانه مفيش معاد مسبق .

    نجاد في عيوب .. بس مش أمر من البني أدم اللي عندنا طبعا أقصد عم الحاج فبروش ..

    تحياتي .

    ReplyDelete
  5. مي ثابت19 May 2010 at 19:04

    إيران تركيا و معاهم البرازيل لعبوها بحرفنة عالية.. بالدرجة اللى خلت أمريكا و ذيولها تقع فى حيص بيص

    حتى لما أسرعت الدلوعة الصهيونية بإعلانها إن لابد من فرض عقوبات على إيران برغم الإتفاق الذى لم يكن حبره قد جف .. عشمانة بكدة إنها تغشش حلفائها الإجابة فيمشوا على خط سيرها فى الرفض .

    أسرعت تركيا بالإعلان عن إن كل خطوة كان يسبقها تنسيق مع الأمريكى "الموحول فى العراق و أفغانستان" و الذى لن يستطيع دخول حرب مع إيران فى الوقت الحالى كما تريده دلوعته الصهيونية .
    و إن أى عقوبات حتُفرض على إيران .. حتكون نتيجتها خروج تركيا من الإتفاق و لتذهب السياسة الأمريكية إلى الجحيم .

    و بكده قدرت تركيا تسحب البساط و تسد الذرائع عن فرض عقوبات "غبية" على إيران .. برغم الدلوعة و أهلها و معاهم لاعبيَ الإستربتيز السياسى روسيا و الصين

    و سلملى على العقوبات الذكية التى يجرى الحديث عنها الآن

    ReplyDelete
  6. qrique19 May 2010 at 19:18

    مين؟

    ReplyDelete
  7. مصطفى عبدربــه19 May 2010 at 21:20

    إنهم يكرهون الحكام !

    بشكل عام
    الحاكم هو شخص متسلط ومستبد إلا ف حالات معينة

    والشيء المهم
    ان مش كل حاكم زعيم ولا كل زعيم حاكم
    غاندي وعبد الناصر ونهرو وكينيدي
    زعماء وليسوا حكاما

    وحتى لو كان الشخص كويس
    بعدما بيركب ع الكرسي بيبقى بني آدم تاني
    هي دي طبيعة البني آدم
    فما بالنا لو كانت نفسه ضعيفة

    أردوغان ونجاد ينجحوا فعلا
    لو قدروا يعملوا حاجة لشعوبهم ويحركوها لقدام
    ده المقياس الوحيد للحاكم الجيد في نظري

    تحياتي

    ReplyDelete
  8. ola19 May 2010 at 21:53

    طب مش نفهم هو إيه الموضوع الأول؟
    ّّّّ!!!!!!!!

    ReplyDelete
  9. lastcrazyboys20 May 2010 at 00:45

    بصــي يا ســت الحـــاجـــة ..ملخــص الموقف العربي مع ايــران ..كاتبه دكتــور سعـــودي في ادارة الأعمـــال اسمه "صنهـات العتيبي" ايــوة هو اسمه كــده - عشان قبيلة عتيبة من البـدو الذين يسمون اسماء غير متداولة- ..المهم اني اكتشفــت ان احنا "الحضــر المتحضــرة " معرفنــاش نجيب حتة داكتووور يحلل التداعي العربي بالاسلوب ده

    خدي مش هرغي اكتر ..المقال أهـــو

    الويـل لأيـران من شـر قد أقـترب؟!

    ..عييييييشوا

    ReplyDelete
  10. Unknown20 May 2010 at 01:19

    lastcrazyboy

    ايه يا عم قبيلة العتيبي بتسمي اسامي غريبة

    ما ابوه اسمه بدر اهو زي بقية البني ادمين.. ايه صنهات ده؟ ينم عن ايه؟
    :)

    ReplyDelete
  11. Unknown20 May 2010 at 01:39

    http://www.aljazeera.net/NR/EXERES/4767B538-6891-410E-A64B-B0DA7BF18A80.htm

    ReplyDelete
  12. Ahmed Al-Sabbagh20 May 2010 at 01:39

    انا متضايق ان السايد بار نزل تحت
    مبقاش جنب البوستات
    :(

    ReplyDelete
  13. Anonymous20 May 2010 at 02:16

    لا اعرف عن هاولا الاثنين الا ان احدهم اوقف قناه السي ان ان من البث المباشر في 2003 وخطابة لشعب الامريكي ليودي صلاه العشاء غير ابه الي تحسين الصوره امام الغرب ل مدعين تحسين صوره المسلمين امام الامريكان..ولا اخر بعد انتقاده الاسرائيل وسماهم قتله الاطفال في وجود شمعون بيريس
    ونسحابة من موتمر دافوس و من جلسه النقاش كنت
    أتمنى أن يكون هناك دواء إسمه أردوغان يعالج الخنوع و العمالة و الإستسلام عند بعض الأنظمة .
    و لكن أخشى أن يكون لدى هؤلاء مناعة ضد الشرف و العزة و الكرامة.

    ReplyDelete
  14. lastcrazyboys21 May 2010 at 17:18

    اه يا استــاذة ..الظاهر امه ماكناتش بتخلف عشان كده سمته "بدر" عشان يعيييييش

    :))

    ReplyDelete

Note: only a member of this blog may post a comment.