Friday, 5 February 2010

انا ح افتح المدونة مبرة محمد علي

المنقبات
كل المنقبات اللي اعرفهم بيتعرضوا دلوقت لاضطهاد شعبي رهيب، حط بقى امن الجامعة وامن الشغل وامن العمارة والامن الغذائي على جنب وهات الناس، انا عمري ما شفت ببغاء عقله في اذنيه بالشكل ده، دلوقت مافيش منقبة اعرفها الا وكل ما حد يشوفها يقول لها: على فكرة النقاب غلط... على فكرة النقاب ده مش من الاسلام في شيء... وانا ايش عرفني بقى انك ست؟ ما يمكن راجل متخفي!!! وهكذا كذا فزورة
والنهاردة واحدة صاحبتي منقبة قالت لي قبل كلام شيخ الازهر والحملة دي ما كانش حد بيتعرض لي
وبعدييييييين
وبعدييييييييييييييييييييييييييين
وبعديييييييييييييييييييييييييييييييييييييييييييييين وبعدين وبعدين وبعدين وبعدين؟ انا زهقت
انا ح الاحق على النصارى وللا الروافض وللا الجزائريين وللا الفلسطينيين وللا المنقبات، وكله كوم واللي بيتشتموا في وشهم بالجرأة دي كوم تاني، يعني ايه؟ مش ح يعرفوا يدخلوا حتة من غير ما يتهزأوا وللا ايييييييييييييه؟
الله يخرب بيتك يا عوكل
at

20 comments:

  1. مواطن مصري5 February 2010 at 23:39

    بس المنقبات ميعترضوش على الي لابسين عادي او قصيرر حرية اختيار لبسهم

    و ميقفوش جمبهم في المترو و يزنو على دماغتهم

    ReplyDelete
  2. مواطن مصري5 February 2010 at 23:42

    و بعدين النقاب بيستخدم في جرائم و كان

    عملية سرقة محل الذهب الزيتون

    استخدم فية النقاب

    و كان المحل يملكة مواطن مصري مسيحي

    و السعودية اعتقلت شاب عبر الحدود اليمنية في محاولة تفجير نقطة تفتيش سعودي كان يلبس نقابببب

    ReplyDelete
  3. نعناعة6 February 2010 at 00:08

    ما هي دي البدايه .. الاول الجامعه تقفل باباهها في وشهم و بعدين المصالح الحكوميه الاول المواطنين وبعدين الموظفات و بعدين الموصلات العامة ماهو يمكن تكون راجل وطالع يتحرش .. يعنى في الاخر عزل تام
    الحكومه بنابهتها بقى عايزها تعزل المنقبات ليه ؟؟يعنى يا تتمسك بنقابها وتتحبس في بيتها يا تخلعه ووتتبقى داخله خارجه تلعن سلسفين الحكومة .. هي و ابوها واخوها وعمها وخالهاالى ممكن اويو احد منهم يلم على كام واحد من عند كام واحده تانيه و من كتر الكبت يتجمعواعلى قلب رجل واحد ويقرروا يعملوا عمليه كده ولا كده وتبقى الحكومه الى قلبها النقاب

    ثم فرضنا النقاب مش من الاسلام في شيء ما تسيبها تلبسه يا اخي هي كانت عملتلك ايه يعنى هي الى ماشيه بجيبه مفتوحه من الركبتها لحد زورها كان يعنى لبسها من الاسلام في شيء و لا حتى من الحياء في شيء ولا احنا مانفتركش الى من الاسلام والى مش منه غير لما نبقى عايزين نصادر على الناس ونضيق عليهم

    ReplyDelete
  4. Unknown6 February 2010 at 00:41

    المنقبات ما بيزنوش على دماغ حد انت بتألف؟
    وممكن راجل يعمل ست، وللا ست تعمل حامل وتحط في بطنها متفجرات

    بطل الفاشيستية دي يا مواطن

    نعناعه
    لا هو شيخ الازهر اللي جرأ الكل على البنات بالطريقة دي

    حسبي الله ونعم الوكيل فيه

    ReplyDelete
  5. Anonymous6 February 2010 at 00:55

    هو موضوع النقاب مش من الاسلام دة جديد اوي وظرييييف اوي وبجد يضحك

    والمفتي نفسه قبل ما يبقى مفتي ويفتي كان بيقول ان اللى يقول ان النقاب مش فرض دة محض خرافة http://www.youtube.com/watch?v=nrX5Tps86vo

    اما بالنسبة لان النقاب ممكن يستعمل في جرائم فلبس الظباط مثلا ممكن يستعمل في جرائم يبقى نمنع الظباط والعيال الصغيرة يلبسوا بدلة الظابط؟؟؟؟

    ReplyDelete
  6. مهندس مصري بيحب مصر6 February 2010 at 00:55

    نشرت منذ بضعة أيام جريدة الاهرام وجريدة الاخبار وكثير من المواقع الإخبارية المعنية بأخبار الجريمة خبرا عن شاب تنكر في ملابس فتاة وارتدى باروكة ليؤدي الامتحان بدلا عن حبيبته

    وقال الخبر

    شهدت إحدى الجامعات المصرية واقعة مثيرة، تنكر شاب فى زى فتاة ودخل الامتحان بدلا من محبوبته الطالبة بكلية التجارة تعليم مفتوح .

    وكانت أجهزة الأمن بمحافظة القليوبية "50 كم شمال القاهرة" قد تلقت بلاغا من عميد كلية التجارة بجامعة بنها يفيد بقيام شخص بانتحال صفة فتاة لأداء الامتحان بدلا من محبوبته.

    وعلى الفور انتقل رجال المباحث إلى مكان البلاغ، وتبين من التحريات أن طالبة بكلية التجارة شعبة تعليم مفتوح اتفقت مع حبيبها على أن يتنكر فى زى فتاةويدخل اللجنة لأداء الامتحان بدلا منها فقام بارتداء ملابس فتاه ووضع باروكةعلى رأسه وأثناء الامتحان شك مراقب اللجنة فيه وطلب منه تحقيق الشخصية فارتبك ورفض إخراج الكارنيه وحاول الهروب إلا أن الملاحظين أمسكوا به. تحرر محضر بالواقعة رقم 1182 لسنة 2010 وأحيلا للنيابة للتحقيق .

    لكن صحيفة المصري اليوم حولت الخبر لهجوم على النقاب في كذب فاضح و مستفز فكتبت تقول

    محمود الزواوى، مدير نيابة قسم بنها، قرر حبس شاب 4 أيام على ذمة التحقيقات بتهمة النصب وانتحال صفة الغير بعد ضبطه متنكراً فى زى منتقبة، ليؤدى الامتحان بدلاً من طالبة تربطه بها علاقة عاطفية فى التعليم المفتوح بتجارة بنها.

    كان المقدم أحمد صبيح، قائد حرس الكلية، ضبط المتهم أثناء محاولته الهرب، بعدما شكت إحدى المراقبات فى تصرفاته، وشعرت باختلاف صوته.

    واعترف المتهم «إمام»، خريج سابق فى الكلية نفسها، أمام المقدم هانى أبوسريع، رئيس مباحث قسم بنها، بتنكره فى النقاب لأداء الامتحان بدلاً من «عبير» التى ألقى القبض عليها، وقرر الدكتور أحمد عبدالحليم، عميد الكلية، إحالتها إلى مجلس التأديب، كما شهدت كلية حقوق بنها أغرب وأحدث واقعة غش، حيث استخدم أحد الطلاب محمولاً على شكل ساعة تم استيراده من الخارج للغش أثناء امتحانات التعليم المفتوح فى الكلية.

    كان أحد المعيدين فى قسم القانون المدنى كشف الطالب «محمد» أثناء تفقده سير الامتحان فى مادة القانون الإدارى، عندما ارتاب فيه وهو يتحدث بشكل خافت وغريب داخل اللجنة مستخدماً ساعة لا تثير الشبهات، وتم ضبط الساعة وتحريزها وتحرير محضر بالواقعة، وإحالته إلى مجلس التأديب بالكلية




    رابط الخبر في جريدة الاهرام
    http://www.ahram.org.eg/65/2010/02/02/9/5778.aspx
    رابط لكذب المصري اليوم

    http://www.almasry-alyoum.com/article2.aspx?ArticleID=242608&IssueID=1669

    ReplyDelete
  7. علا من غزة6 February 2010 at 01:34

    استاذة نوارة ..

    تعليقي مش رد على هادا البوست بالتحديد وانما علشان اعرض عليكي تعليق وصلني على مدونتي بعد ما كتبته عندك في البوست اياه عن اسماعيل هنية ,, انا عايزة اشهّد حد بس عشان انا فعلا مش عارفة كيف ارد على كل هادا الهجوم عليا !!

    المعلق بيقول
    إلى علا - من غزة : ردا على كلام لكي في مدونة جبهة التهييس

    ا كلامك عن سوق السيارات ,,فاولله كلامك محض كذب و افتراء ,, من اين لكي بهالمعلومة الكاذبة !!!
    سيارات شريان الحياة يتم توزيعها بمنتهى الشفافية على المؤسسات الخيرية دون استثناء و من ثم الوزارات
    و كلامك ان قادة حماس يبيعون سياراتهم لاستلام سيارات جديدة من شريان الحياة فوالله كله كذب و افتراء .. اتقي الله فيما تقولين و لا ترددي ما يقولون دون تحقق

    بصراحة واضح من كلامك انك عنصرية لأبعد الحدود و محاولتك الحثيثة في مدونتك للظهور بمظهر البنت الطيبة الحكيمة التي تحاول النظر للأمور من منظور العقلانية و المنطق!! ينسفه تماما عباراتك العنصرية و بالأخص الأخيرة وواضح انك فتحاوية حتى النخاع و ان لم تكوني منتسبة لهم على أرض الواقع,, فنتي تمثلينهم قلبا و روحا بفكرك العلماني

    اتقي الله و تحري المصداقية ...
    ---
    انتهى التعليق

    بيتهمني بالعنصرية والعلمانية مرة وحدة !
    وبعدين بيقولي انتي فتحاوية كأنها صارت تهمة او مسبة!
    بالله عليكي كيف ارد عليه!؟

    انا بشهّدك بس عشان لو مرة تانية طلبتي رأي محايد تعرفي ان غزة بلد لا تقبل الحياد اصلا ..

    ..

    بجد حسبي الله ونعم الوكيل

    ReplyDelete
  8. Unknown6 February 2010 at 01:43

    يا علا

    الاخ ده جالي تحت اسم غزاوي وكتب نفس الكلام وانا ما نشرتوش

    يا اخ غزاوي

    عايز ترد على الاخت علا بكلام منطقي والحجة بالحجة اوكيه تحت امرك زي ما الاخت اشتياق ردت عليها

    وهي كمان ردت على اشتياق والاتنين كانوا محترمين

    لكن ما تجيش تشتم ضيوفي هنا انا طلبت رأي وهي قالت رأيها

    ثم انا مش فاهمة هي قالت ايه عنصري؟ بجد والله، وعنصري ضد مين؟
    انت كده بتقلل من نفسك مش منها هي لما تقول الكلام ده

    ReplyDelete
  9. mUsLiM6 February 2010 at 02:13

    مازال سائر المصائب التى تنزل على الأمة فى هذا الزمان تجري لأمرين لا ثالث لهما

    أولهما: الزعماء الخونة الذين باعوا الدين والحق والعدل والعدالة لأجل كراسيهم الفانية

    وثانيهما: علماء السوء والباطل الذين جعلوا الدين حصان سباق يركبونه لتزيين الباطل حقا وجعل الكذب صدقا ولتحقق مآرب الحكام

    ولا حول ولا قوة الا بالله

    وما يصيب الأخوات المنتقاب العفيفات هذه الأيام هو من مصائب الأمة عامة نتيجة علماء السوء فى هذا الزمان وأولهم هذا الطنطاوى الذى جعل من نفسه وبكلماته هو موظفاً لدى الحكومة يفتي بما تريد

    وحسبنا الله ونعم الوكيل

    السلام عليكم

    ReplyDelete
  10. Tamer6 February 2010 at 02:49

    انهم المصريين الجدد مرة أخرى
    الله يهديهم
    او يرحمنا منهم

    ReplyDelete
  11. Anonymous6 February 2010 at 03:18

    ههههههههههههههههههههههههههههه
    سورى انا بضحك بس على العنوان
    اصله جامد

    ReplyDelete
  12. lastcrazyboys6 February 2010 at 04:20

    على فكــرة النقــاب ده مش فرض ولا حــاجة
    .......و













    هع هع هع
    بهــزر ..بهــزر
    ماتقفشيش

    بس طلبي المرة دي مش من حضرتك ..ولا من المنقــبات
    الأخ مواطن ..العزيز جدا على قلبي..طبعا من انشط المعلقين والمتابعين

    بس يا ريييت لو يأخر الكومنت بتـاعه ..لتاني واحـد او تالت يا حبــذا

    انمـا أول ما اخطي برجلي "بسمل مح محيم" الاقيه رازع الكومنت ..من اياهم
    ومش عارف ليه يا صديقي دايما بتخيلك رافع حاجب ومنزل التاني ..وانت بتكتب الكومنت
    !!!!!

    ReplyDelete
  13. lastcrazyboys6 February 2010 at 04:51

    إلا صحــيح ..شفتي الخبر ده

    http://dostor.org/politics/world/10/february/4/5274

    ماهو ياعين امها مفيــش هناك شوبير ..ولا بنــدق يساندوها ويقفوا جنبها في موحنتها

    وكانت هتطلع بتاكل زينــا..وبتمشي
    !!..زينا ..احنا المواطنين ولــود الــ

    ReplyDelete
  14. بنت الصالحين6 February 2010 at 06:53

    منتهى التخلف والانحطاط الفكري والديني والإجتماعي والعرفي كمان


    دلوقتي بس بقت الجرايم كلها بسبب المنقبات!!!


    طيب الحوادث اللي مالية الدنيا دي كانت فين ؟؟


    تقولي ايه

    حسبي الله ونعم الوكيل في كل واحد نصّب نفسه عالم دين وهو قصده الهدم في دين الله واللهث ورا السلطات


    تسلمي يانوارة وربنا يحمي كل واحدة وكل واحد ماسك في دينه

    ReplyDelete
  15. بهيج الشرير6 February 2010 at 06:55

    والنبي ياأبلتي أنا عندي سؤال! ليه التعليقات الأيام دي بقت هايفة؟ ياترى ده بسبب أن الحشيش مغشوش اليومين دول أو لأنه شاحح من السوق

    ReplyDelete
  16. يحيى إبراهيم6 February 2010 at 08:57

    رغم كل ما يحدث و لكن انا برضه مستبشر خير

    بعد 11 سبتمبر.
    أعداد الادخلين في الإسلام في تزايد مطرد

    و ما أشبه الليلة بالبارحة
    شوفي حواليكى كام واحدة انتقبت على خلفية الأحداث.

    و انت تريد و انا اريد .. و الله يفعل ما يريد
    ***************************
    كلمتين لمواطن مصري
    تعرف الدبان ؟
    تعرف إيه هى احلي حاجه عنده و هوايته ايه ؟

    بيقف على الزبالة و القاذورات
    يقف على المساوئ و يعددها و يكبرها
    و يتجاهل كل الطيب المنظر و الرائحة

    نطالب العلمانيين و اللادينيين بأن يهتموا بالاختراع والاكتشاف والبحث العلمي والتطور التقني لقد مللنا من الطرح العلماني الخلاعي

    زهقنا خلاص بقا

    ReplyDelete
  17. Unknown6 February 2010 at 09:54

    من الأخر بأه الناس هى اللى بنت جزمه
    أى حد يعترض منقبه يبأه أبن جزمه
    سيبك من أنه من الدين ولا لأ
    هايقولوا علينا اخوان
    ناخدها من ناحية العلمانيين
    الدستور بيكفل حرية الأعتقاد طالما لا يضر المصلحه العامه

    البنات المنقبات زمان فى المترو لما يلاقوا بنات لابسين محزق زملزق وحاطين الحجاب على راسهم كانت بكل ادب بتروحلها وتتعرف عليها وتخش معاها فى حوار اقناع ودى

    دلوقتى بيستخبوا علشان الناس مشيت ورا كلام طنطاوى

    أنا شفت صورة طنطاوى وهو بيشد الخمار من على راس البنت فى الفصل
    مكنتش أعرف انهم صوروها
    الصوره دى تخلى اى واحده تكره النقاب تلبسه
    ايه الأستفزاز ده ؟!!!!

    ReplyDelete
  18. Anonymous6 February 2010 at 10:10

    سمحيلي يا نوارة اختلف معاك هاذ المرة
    معنديش مشكل مع النقاب والمنقبات وانا عندي في هنا في المغرب صحاباتي منقبات
    لكن انت زي ما بتشوفي النقاب حرية شخصية
    انا بشوف كمان انه حريتي اشوف مين اللي ساكن قدامي، مين اللي جالس جنبي في الاوتوبيس، مين اللي يقضي لي مصالحي في الادارة
    حريتي اشوف مين الدكتورة اللي انابروح عندها مين المعلمة اللي بتعلم عندها
    يعني انتي ممكن تخلي بنتك صغيرة هي و دكتورة منقبة وحدهم ؟
    الحرية الشخصية لما تتعارض مع حرية الاشخاص في المجتمع تبقى غلط
    كشف الوجه ده ضرورة مجتمعاتية يا نوارة ومعندوش علاقة بالحرية الشخصية
    انا اول مرة اختلف معاك واتفق مع مواطن مصري هههههههههه
    تحياتي
    لطيفة من المغرب

    ReplyDelete
  19. سامي6 February 2010 at 15:01

    طب واحدة بتبالغ فى ستر نفسها وانتوا مالكو؟ الجرابيع والدهماء والسوقة دول مالهم ؟ ما تشوفلك مزة تعاكسها مالك بالمنقبة اوووف

    ReplyDelete
  20. احمد خليل6 February 2010 at 20:23

    بعيدا عن الاجتهدات الدبنية المجتمع قبل الحجاب وفدرة اما النقاب فشئ مزعج حاصة للاطفال وادا كنت اخاف او اخشى ان ارى رجلا منقبااقابلة فى الطريق وكدلك الحال فى حالة المرأة المنقبة تخيلى مجتمعا كل البشر فية منقيا شئ مرعب وينفع فيلم من افلام الرعب

    ReplyDelete

Note: only a member of this blog may post a comment.