Tuesday, 24 November 2009

للي بيسألوا عن المثقفين الجزائريين


ده كاتب جزائري، بيتكلم عن اللي حصل، طب اعمل لكوا ايه اذا كان كلهم بيتكلموا فرنصاوي واحنا ما بنتكلمش فرنصاوي ولما يتكلموا عربي بيبقى الفرنساوي اسهل

الراجل بالمختصر بيقول المنتخب القومي فاز ومبروك وحصلت تجاوزات من الجانب المصري وكل حاجة بس احنا لازم نحقق في الاعتداءات اللي حصلت للاسر المصرية، ومهما وصل الاعلام المصري لادنى مستوى في الهجوم على الجزائر ده ما يعنيش اننا نتخلى عن اداب الضيافة ونظلم ناس مالهمش ذنب
at

6 comments:

  1. عمرو24 November 2009 at 23:17

    ملحوظه صغيره بعد اٍذنكم
    كلمة خدامين اللى وردت على لسانه و اللى يقصد بها المصريين فى الجزائر هى تعنى موظفين باللهجه الجزائريه .. يعنى مش مقصود بها المعنى الحرفى كما هى فى اللهجه المصريه علشان ميحصلش لبس و سوء فهم
    نرجع تانى للكليب

    ReplyDelete
  2. مواطن مصري24 November 2009 at 23:17

    القذافي يتوسط بين مصر والجزائر

    http://www.aljazeera.net/NR/exeres/8AA8E415-368D-490E-8F2E-761A1D1F32A2.htm?wbc_purpose=Basic,Basic_Current

    قبل الزعيم الليبي معمر القذافي طلبا من الجامعة العربية كي يهدئ التوتر المتواصل بين مصر والجزائر على خلفية أعمال عنف صاحبت مباراتين في كرة القدم بين منتخبي البلدين من أجل التأهل لنهائيات كأس العالم لكرة القدم.



    هههههههههههههه الحل في الكتاب الأخضر يا جماعة

    ReplyDelete
  3. lastcrazyboys25 November 2009 at 00:04

    سيبك من الحوار ده ..في حاجة مهمة جــدا احنا مش واخدين بالنا منهــا

    انتي عارفة مين اللي شايل الليلة دي كلها..!؟

    العيــال الغلابة ..الطلبة المنتمين للمعاهد والجامعات هنا
    تخيلي تلات سنين يروحوا من عمرك في غربة عن بيتك واهلك.. وفي الأخـــر..بححح كل ده هــدر

    انا مش صعبــان عليا الخساير بتاعة اوراسكوم..ولا الموظفين بتوع المقاولين اللي عاشوا في حصار ..ولا حتى الطلبة دول ذات نفسهم لما بيتعرضوا لمضايقات وشتايم
    وتهجم عليهم في مســاكنهم
    قد مانا مش قادر اتخيل منظرهم في المطار وهو بيتحــسر على تعب سنين..ومستقبل كامل بيتهــد في "شوطة" صغيرة قدام عينيه
    وكأن المستقبل ده اتحول للكورة اللي عايزين نسجلها في مرمى الجزائريين
    انا معنديش مشاكل تعيشوهم في رعـب..تضربوهم..ان شاء الله تحرموهم من الاكل..بس مستقبــل... لأ

    وهيطلعلك كام "......." يقولك : احنا مكلمناش حــد
    لأ..بقى تحالولي
    انا أول ما قريت ان في اعتداء وهجوم على الطلبة في القاهرة .."والصحيفة الجزائرية كاتبة منطقتنا بالاسم"..نزلت اشوف ايه الحكاية ..وقابلت صديقي المحامي
    بقوله :يينفع كده..سمعت..!؟
    قالي: انه كان بيوصـل اخــر دفعة من اصدقائه الجزائرين النهاردة من المطـار
    سألته : خلاص كده كلهم مشــيوا.؟؟
    حسيت انه متوجس مني خيفة..وبيقولي اه مفيش تاني
    بس انا متأكد انه خايف اني اروح اعتدي عليهم
    سييييبك من القصـــة دي كلــها
    عــارفــة آخــر كـلمــة الـواد
    :قالهاله وهو ماشي..ابتسم وقال

    ينفع كــده..!! بقى ربنــا يقول ادخــلوا مصر آمنيــن..وانتــوا تخرجوهم هربانيـــن

    ReplyDelete
  4. Unknown25 November 2009 at 00:50

    شوفى الخبر ده
    و اضحكى

    140 مثقف عربى
    عاملين بيان ينددوا بالتصعيد المصرى الجزائرى
    كلهم مصريين تقريباً
    بلا خيبة
    !!!!!

    http://www.youm7.com/News.asp?NewsID=159904&SecID=94&IssueID=0

    ReplyDelete
  5. حسن مدني25 November 2009 at 01:06

    بصي بقى

    الراجل ده جاب سيرتك على فكرة، وقال إن أكيد في مصريين مش راضيين بما حدث في مصر..

    على فكرة كلام لاست كريزي بويز جميل جداً، مؤثر جداً. وأثار نقطة الكل حرص على تجاهلها.

    وكل سنة وانتي طبية.

    تحياتي

    ReplyDelete
  6. mido25 November 2009 at 01:21

    سابقة فريدة في المجتمع المصري هاجمت مجموعة من الشباب الغاضب شقة تقطن فيها مجموعة من الطالبات الجزائريات «4 طالبات» بحدائق المعادي وأعتدوا عليهن بالضرب والإهانة دون تحرك أو تدخل من أي أحد حتي عناصر الأمن لم تتدخل لوقف هذا التصعيد

    ReplyDelete

Note: only a member of this blog may post a comment.