Thursday, 2 July 2009

لاطلاق سراح المعتقلين في ايران

محمد مرعي عمل المدونة دي لاطلاق سراح المعتقلين في ايران
هم نازلين عفق في العيال وسايبين موسوي وخروبي؟ ماهو لو فيهم عميل العيال دي - وانا اشك ان عيل فيهم عميل - يبقى على راسهم خروبي وموسوي سايبينهم ليه بقى؟ وللا هم الغلابة مالهمش حظ في اي حتة تانية؟
هو فيه في الدنيا كده؟ حصلت في الدنيا قبل كده ان فريق خسر الانتخابات قام حرك الناس في الشارع؟ وفي الاخر الناس هي اللي غلطانة كمان؟ هم ذنبهم ايه؟
وعلى رأي هيكل: لزومها ايه الشرشحة دي؟
at

25 comments:

  1. مواطن مصري2 July 2009 at 06:55

    هما لية مش بيعتقلو المرشد نازلين اعتقال في الصغيرين و سايبين لية المرشد ها


    ؟؟؟؟؟؟؟؟



    اغلب المراجع في ايران ضد نجاد و كلهم بيقولو حكومة غير شرعية

    ReplyDelete
  2. مواطن مصري2 July 2009 at 06:57

    عاوز اعرف لية الامن سايب المرشد حتى الان


    نفس المنطق بتاعك يا نوارة

    ReplyDelete
  3. Unknown2 July 2009 at 07:00

    انا عايزة اعرف مين المراجع اللي اغلبهم ضد نجاد دول؟
    وشئت ام ابيت يا مواطن
    الانتخابات مش مزورة
    ولو كانت مزورة ما كانش موسوي اتصرف بالطريقة دي
    البينة على من ادعى
    فين البينة بتاعته؟
    وعلى اي اساس انت واثق ان الانتخابات مزورة؟

    ReplyDelete
  4. مواطن مصري2 July 2009 at 07:05

    من اول ما المرش وقف مع نجاد و تدخل حرس الثوري الايراني في الانتخبات

    ReplyDelete
  5. مواطن مصري2 July 2009 at 07:14

    يبقى حسني مبارك ملعبش في الانتخبات ولا الحزب الوطني لعب في انتخبات مجلس الشعب


    نفس المنطق بتاعك

    :D

    ReplyDelete
  6. Kalimalhus2 July 2009 at 07:36

    شوف يا مواطن .. الإنتخابات المزورة دى بيبقى فيه آلاف الأدلة الموثقة على تزويرها.. حاجة كده زى أنتخاباتنا اللى فيه شهادات موثقة و أفلام فيديو و نتايج فرز مفضوحة كلها بتؤكد تزويرها بدون شك..

    هاتلى بقى أى حاجة تشبه الكلام ده من الإنتخابات الإيرانية..

    أنا ممكن إنى أقول إنه كان فيه لعب محدود الأثر و ده مجرد إفتراض لأن مفيش دخان من غير عقب سيجارة إتنسى.. بس ده مش عملية تزوير بالحجم اللى يعمل فرق أصوات 11 مليون..

    ReplyDelete
  7. Unknown2 July 2009 at 07:39

    تزوير حسني عليه ادلة
    واحنا مش مشكلتنا اننا رافضين القضاء زي ما موسوي رافضه
    احنا مشكلتنا ان القضاء هو اللي رافضنا
    وكل مرة بيبقى فيه ادلة بالصور وشهادة الشهود وكل حاجة
    فين الادلة اللي قدمها موسوي؟
    وليه بيتهرب من القضاء؟
    وايه تفسيرك للتحضير للمظاهرات والمواقع من قبل الانتخابات وايه تفسيرك لانه يعلن فوزه وفي نفس الوقت يشكك في نتائج الانتخابات قبل قفل الصناديق؟
    منين هو ناجح ومنين الانتخابات مزورة وهو عرف ده كله ازاي والصناديق ما اتقفلتش؟

    ReplyDelete
  8. Unknown2 July 2009 at 08:04

    ثم ايه اللي هم عاملينه ده يا تامر؟ ايه اللي عاملينه ده؟ ما بوش نجح بالتزوير ماحدش عمل كده؟
    يا سلام؟
    يعني لو حد حب يحرض الهومليس اللي في امريكا عشان يعملوا المناظر دي مش ح يعرف ينزل قد اللي نزلوا في الشارع عشر مرات؟
    فيه حد يخسر الانتخابات يقوم يعمل كده؟
    مش فيه ام قضاء ولما يبقى القضاء ما ينصفهمش يبقوا يعملوا اللي بيعملوه ده؟
    حد في الدنيا عمل كده؟
    ومش مسئولية الناس الغاضبة
    ما كل الناس غاضبة
    ما الناس طلع تلاتينها في امريكا من بوش ما عملوش كده ليه في الفترة التانية؟
    عشان ماحدش حرضهم وقال لهم انزلوا الشارع
    ومش عايز يلايمها اللي اسمه موسوي ده
    هو فاكر ايه يعني؟ مين دولة في الدنيا محترمة وللا ربع محترمة لما مرشح ينزل الناس الشارع من قبل ما يلجأ للقضاء ولا للعملية القضائية ح تسمع كلامه
    يمكن لو ما كانش عمل الهيصة دي كان لو فيه تجاوزات بينوها
    لكن بعد الشرشحة دي كلها ح يغلطوا نفسهم؟
    ايه اللي هو عمله ده؟
    ازاي يعمل في الناس كده؟

    ReplyDelete
  9. Unknown2 July 2009 at 08:05

    وللا الاهطل التاني اللي منزلهم قوات تضربهم بالنار راخر

    وبس اكلوا دماغنا: الايرانيين متحضرين الايرانيين متحضرين

    ولا شفت على وشهم اي تحضر اذا كان من دول وللا من دول

    امال بيتنططوا علينا ليه بقى؟
    ده احنا ابطال والله واكلين الخرا وما عملناش الفضايح دي ولا ربعها حتى

    ReplyDelete
  10. Kalimalhus2 July 2009 at 08:25

    الفرق بين الإيرانيين و بينا هو الفرق بين عنفوان الأمل و خمود اليأس .. و موسوى ماهو إلا فاسوخة علق عليها البعض آمالهم و أوهامهم و خيالاتهم..

    و على فكرة موسوى زى الكلب الحيران .. لا اللى بيحصل عاجبه و لا قادر يقاوم إغراء إستغلاله و خايف يتورط زيادة و عباية رافسنجانى ماتكفيش تغطيه.. راجل غلبان و القصة أكبر منه ..

    شوفى هما إتنين تعلب و ثعبان.. رافسنجانى و خاتمى.. فحتوها و لو خربت ها يردموا على موسوى و كروبى فيها و لو البلية لعبت و هاتلعب هيطلعوا بالحمص.. واحد يبقى مرشد و التانى يحكم من خلال رئيس إصلاحى قادم إن ماكنش هوه نفسه هايترشح بعد نجاد..

    ReplyDelete
  11. Kalimalhus2 July 2009 at 08:30

    تقرير منظمة العفو الدولية عن حقوق الإنسان فى 2009..
    http://thereport.amnesty.org/en/

    وثيقة تستحق القراءة و الإحتفاظ بها..
    make sure you download the forward as well.

    ReplyDelete
  12. Unknown2 July 2009 at 08:47

    تعريص منظمة العفش الدولية لسة قارياه على رويترز وابن وسخة فعلا
    يعني بيتهموا حماس بجرائم حرب: بالرغم من عدم وجود ادلة على انها استخدمت دروع بشرية وبالرغم من انها ما الحقتش خسائر كبير في الجانب الاسرائيلي
    بس مجرمين حرب برضه
    ليه؟
    لان هم كان في نيتهم انهم يعملوا ده كله بس ربنا ما وفقهمش

    كل ده عشان يبوسوا على .... اسرائيل
    اصل ليه وليه قالوا عليها عملت جرائم حرب
    لا العفو

    انا ماليش دعوة موسوي اهبل وللا بريالة

    هو غالبا اهبل وبريالة واللي ورطه رفسنجاني عشان ليه وليه نجاد يقول عليه حرامي

    ماهو لو ما كانش حرامي ما كانش قلب البلد كده
    وما تقوليش عنفوان
    دي على رأي هيكل اسمها شرشحة
    بسهولة جدا تقدر تنزل الناس في الشارع بانك تدوس على اكتر حاجة توجعهم
    وانك تقول لهم انا زعيمكوا ورقبتي سدادة
    ماحدش هنا عارف ينزل الناس الشارع غير الكورة
    ولو ابو تريكة بكرة الصبح قال انزلوا تلاتة مليون ح تلاقي عشرة مليون
    مش عشان الناس هايفة
    بس عشان ده اللي عرف يحوز على ثقتهم
    لان النظام عندنا في مصر مش مدي فرصة لحد انه يبقى زعيم محترم اي حد ممكن يبقى فيه الرمق بيتشيع وما يفضلش غير الكسر اللي زي اللي شعره اتحرق من السشوار
    والناس غلبانة اه بس مش غبية عشان تمشي وراه
    ثم انه مع كل اللي حصل له ده ما دعاش حد الراجل انه ينزل الشارع

    طب اهي زروطت منه سي رفسنجاني والحاج موسوي
    ح يلموها ازاي؟
    حد في الدنيا عشان كام مليون عاكمهم يقلب بلده ويحطها تحت خطر دولي؟
    هو اتجنن رفسنجاني ده وللا ايه؟

    واحمدي نجاد طول الازمة وطول الازمة في مصلحته عشان يخلص اوسع خطوات في البرنامج النووي بسرعة قبل ما امريكا تزنقه
    طيب وماله يلعب شطرنج
    بس يموت الناس؟ وفرحان قوي: ماهو عشرة من الباسيج ماتوا
    يعني المفروض دي حاجة كويسة يعني؟ نفرح يعني؟
    هو تار صعايدة؟

    ReplyDelete
  13. Kalimalhus2 July 2009 at 09:04

    سيبك من الكلام عن إن حماس إرتكبت جرائم حرب .. ده كله عشان المصداقية و الحياد الغربى اللى كلنا طبعا طبعا عارفينه زى كده ما لجنة تقصى الحقائق بتاعة الأمم المنتحرة ما ليها شقين واحد منهم بيقابل (ضحايا من المستوطنين) فى جنيف..

    دى حاجات إضطرارية.. لكن التقرير بيوثق أمور أوسع و على مستوى العالم و دى معلومات و أفكار تستحق الإطلاع عليها و الإستفادة منها.. ماتخليش كلمتين ما عجبوكيش ترمى التقرير كله..

    ReplyDelete
  14. Anonymous2 July 2009 at 12:33

    كل شوية اتأكد أكتر من صحة كلامك عن حادثة الولد وسليمان والأم المزيفة والأم الحقيقية...
    وموسوي اللي شايف كوارث بتحصل ويسقع قفاه ويطلع يقول كملوا يا ابطال
    كملوا
    انا ح احارب من أجلكم لآخر إيراني
    حاجة وسخة...!
    لكن اللي افتقدته في المشهد
    الأم الحقيقية
    تقدري تقولي لي يا نوارة فين الأم الحقيقية هنا..؟

    ReplyDelete
  15. مهندس مصري بيحب مصر2 July 2009 at 14:13

    نوارةإنتي ما بتكتبيش عن الإعتصام اللي على معبر رفح ليه ؟
    هو إنتي واخدة منهم موقف و لا حاجة ؟

    و يا مواطن إتق الله
    كل الإعتقالات بتاعة الإخوان لما توصل المحكمة بيأخدوا براءة

    يبقى بيعتقلوا ليه أصلاً إذا كان إعتقالهم غير قانوني أصلاً لإنهم ما إرتكبوش أي جريمة

    و عيب قوي تدعو لإعتقال ناس بسبب أراؤهم السياسية اللي إنت مختلف معاها

    و يا ترى حيكون إيه شعورك لو واحد من المخالفين لك سياسياً دعى الأمن لإعتقالك لمجرد الإختلاف في الأيدولوجية و بدون ما إنت ترتكب أي جريمة ؟

    ReplyDelete
  16. Unknown2 July 2009 at 16:23

    مهندس
    انا ح اخد منهم موقف برضه؟
    انا بس ما عنديش معلومات كتير
    مافيش غير المركب اللي اتخطفت دي
    والاعتصام مش عارفة قاعدين فين اصلا
    في العريش
    وللا على المعبر نفسه

    ReplyDelete
  17. مواطن مصري2 July 2009 at 16:39

    شكوى للادعاء العام ضد موسوي تتهمه بمحاربة الله ورسوله


    http://www.alarabiya.net/articles/2009/07/02/77560.html

    اية رائيك بقى


    هو نجاد بقى المحتكر للدين الاسلامي

    ReplyDelete
  18. مهندس مصري بيحب مصر2 July 2009 at 17:16

    طيب ما تخطفي رجلك لحد المدونة عندي و إنتي تعرفي كل حاجة عن الإعتصام بالصوت
    و الصورة

    او إفتحي إيميلك و شوفي رسايل إيمان بدوي و ندى القصاص

    أنا بأنشر رسايلهم في مدونتي بإستمرار بس شتان بين عدد الزوار عندي و عندك

    خشي عندي و شوفي و أنشري عندك
    لإن بقى لهم 20 يوم معتصمين
    ساعديهم بكلمة و الأجر و الثواب عند الله و هنيئاً لك يا فاعل الخير
    :)

    ReplyDelete
  19. Unknown2 July 2009 at 17:47

    من حظ موسوي اني مش في السلطة في ايران
    كان زمانه متعلق سبع ايام في الميدان ينعل ميتينه هو ومراته يا شيخ

    مهندس حالا ح اخطف رجلي والنك لك عندي

    ReplyDelete
  20. مواطن مصري2 July 2009 at 17:49

    حكم نجاد باطل يا نوارة انتي بس مش بصة للواقع بنظرة محايدة

    :D

    ReplyDelete
  21. Unknown2 July 2009 at 17:52

    لا انت اللي مش محايد
    ولو موسوي عمل كده في بلدك كان زمانك بتقول عليه ظلامي وعايز يضرب استقرار مصر
    لو موسوي ده كان ايمن نور كان زمانك انت بالذات بتلعن ابو اللي خلفوه عشان انت بتخاف :) لان موسوي ما لجأش للقانون
    وانت بتتجاهل الموضوع ده لانك مش بتحب نجاد وبتحكم على الاشياء بالحب والكره
    على فكرة
    انا ما بقتش احب نجاد بعد الغباوة اللي عملها في الشارع

    بس هو القانون معاه
    وخصمه بيتهرب من القانون

    ReplyDelete
  22. مواطن مصري2 July 2009 at 17:56

    انا متعاطف مع نور بس بختلف و بتفق معاة عادي و موسوي هو ايمن نور النسخة الايراني المعدلة


    و بعدين موسوي راح قدم شكوى ان انتخبات ايران مزورة



    انتي كمان مش بتحبي موسوي و عاجبك نجاد

    :D

    ReplyDelete
  23. Unknown2 July 2009 at 18:05

    انا في الاول كنت باحب الاتنين
    ايام الانتخابات
    دلوقت باكره واحد، وبصراحة شاكة فيه، ومستغبية التاني
    انت متأمرك، اللي بيقولوا عليه في بلادي برة بتسمع كلامهم
    لكن انا بابص لمصلحتي كعربية

    ReplyDelete
  24. Anonymous2 July 2009 at 18:50

    ربنا يفك اسر الجميع

    الصراحه تعامل بمنتهى القهر والغباء مع المتظاهريين والمعارضيين في ايران
    ويظهر فعلا انهم قدامهم شويه على الديمقراطيه الكامله ........ بس اهو احسن من مفيش

    ReplyDelete
  25. مواطن مصري3 July 2009 at 04:44

    على كدة العمال الي بيتظاهرو دول مزوقوين من أمريكا و دول شيوعية


    ما الواحد مش ضامن بقى
    :D

    ReplyDelete

Note: only a member of this blog may post a comment.