دول عربية تدرس مكافأة إسرائيل لوقف الاستيطان

مش كفاية عليا حديث علي جمعة في الإج إجك، داخل لي مهندس مصري يكمل عليا

ووفقا لأوساط مطلعة على تلك المحادثات -حسب صحيفة فايننشال تايمز البريطانية التي نقلت الخبر- فإن عدة دول عربية تعكف على مناقشة خطة عمل تتضمن تعجيل الاتصالات مع إسرائيل وإقامة شبكات اتصال والسماح للطائرات الإسرائيلية باستخدام الأجواء العربية، إذا ما تمكنت أميركا من تأمين التزام إسرائيلي حقيقي بوقف الاستيطان في الأراضي المحتلة

أنا قلت واحنا مالنا، هو احنا حيلتنا رشاوي؟ لقيت لك الكلمتين دولم:

ومن الدول العربية التي تخوض هذه المناقشات دول في الخليج وشمال أفريقيا، فضلا عن مصر والأردن اللتين تقيمان أصلا علاقات دبلوماسية مع إسرائيل.

فضلا عن مصر والاردن اللي هم ح يعملوا ايه؟ ح ننام نصحى نلاقي حريمنا حوامل من الاسرائيليين مثلا كنوع من انواع المكافئة على وقف الاستيطان الاستعماري في بلدنا؟

فيه كده يا ناس؟ فيه حاجة اسمها لو ما سرقتش محفظتي ح اديلك بيتي مكافئة؟

وياترى دي صدقة جارية على روح المرحوم؟ ماهي اسرائيل مسكينة ويتيمة

عموما ده كلام كان قبل النهاردة، انا لسة عندي امل ان الموعظة الكبيرة بتاعة النهاردة تغير مستقبل مصر والمنطقة كلها، اه والله، عندي احساس وامل كده ان شاء الله ان احنا النهاردة في منعطف تاريخي، خصوصا ان اصلنا بان واكيد عرف دلوقت اننا ما نستاهلش منه ده كله

مين عارف؟

يمكن الافترا اللي هنا ده كله يتغير ونلاقي نفسنا بتنا في حال وصبحنا في حال تاني

ربنا كبير

وللا ايه؟