You don't care about me.. that s all

الفيديو ده اول فيديو يظهر لتحقيقات جوانتانمو

والواد ده عنده - في وقت التحقيق - ستاشر سنة
لا حول ولا قوة الا بالله هم يبكي وهم..يعني هو مش يضحك بس على الاقل يثير الدهشة
الواد يا حبيبي قاعد قدام المحقق يقول له
you don't care about me that s all
مش عارفة يعني هو المفروض ان المحقق يبقى مهتم بيه وبيحبه زي ماما ما بتحبه؟ طب وابن الوسخة المحقق شايف الواد بيقول له كده، بالذمة يعني القاعدة اتخبطت في دماغها عشان تشغل معاها عيل زي ده؟ يعني ح يكونوا جندوه ازاي ده؟ بحتة شيكولاتة؟
وعمال ابن الكلب يقول له اعترف
يعترف بايه؟ ده
ده
ده بتاع يو دونت كير اباوت مي ومصدوم قوي وهو بيقولها
ده يعترف بايه؟
عايزه يقول ايه وهو ح يقول عادي عشان يروح
وعمال يقول
I want to go back to Canada
عايز يروح
الواد عايز يروح وبقاله ست سنين هناك من سن خمستاشر سنة لسن واحد وعشرين سنة وطبعا قاعد في السجن بقاله ست سنين لحد ما جاله تخلف اكيد
لا اتعلم ولا عاش عيشة بني ادمين وح يفضل عمره العقلي متوقف على سن
you don't care about me that s all
لحد ما يبقى عنده ستين سنة
سؤال اللي بيمغص في نفسيتي بجد ومن غير ضرب والنبي
اللي بيحطم حياة انسان بالطريقة دي بيعيش بعد كده ازاي؟
واتسلوا في الفيديو ده كمان
لو شفتوه شوفوه تاني
الله يخرب بيوتهم
الله يخرب بيوتهم
ربنا ياخدهم من ساعة ما عملوا عملتهم دي والشرطة عندنا اتجرأت بزيادة واكتر ما كانت متجرأة
ماهم دلاديل في كل حاجة