ما تتعوجوش يا خويا انت وهي الحقوا خلفوا

ده واجب قومي وطني، الحقوا اتجوزوا وخلفوا، بطلي تتعوجي على فلان، وبطل تصيع على علانة، بسرعة الحقوا اتجوزوا باي طريقة وخلفوا
احنا المفروض تعدادنا تمانين مليون، على مساحة مصر كلها اللي هي مليون وشوية، يعني تعدادنا مش كبير ولا حاجة، ح تقول لي الوادي يا شادي، ح اقول لك هم مش بيعمروا الصحرا؟ وللا بس فالحين يبيعوها لمستثمرين اجانب؟
اسم الله ننوس عينه، وحبايب اخواتهم بيتناقشوا في الحزب الوطني وبيدرسوا مشروع يسقطوا بيه نسوانا ويعاقبوا بيه الاسر اللي تخلف اكتر من اتنين
عارفين ليه؟
عارفين ليه؟
عشان يسرقونا اكتر، عشان مصر تفضى عليهم ويعرفوا يبيعوها كويس، عشان ما نقفلهمش زي اللقمة في زور كل ارض عايزين يبيعوها ويجرفوها ويدوها لمستثمرين، وكل مصنع عايزين يقلبوه كرخانة، وكل مصنع ملوث للبيئة عايزين يبنوه ويكسبوا منه مليارات ما نشوفش منها تلاتة ابيض
اتفضلوا الخبر اهو
وطبعا شيوخ الفتة بحتتين لحمة ضاني وطبق فتة بالشوربة ح يطلعوا ان الاجهاض حلال والخلفة هي اللي حرام
والله العظيم لولا اني اتجوزت جوازة وسخة عقدتني من الجواز الدنيا والعيشة واللي عايشينها لكنت اتجوزت تاني وخلفت اتناشر عيل في بطن واحدة بس معلش بالنوسبة لي انا..انا اوت مش ح اقدر اعمل في نفسي العملة دي تاني خصوصا انه سقطني وجاب لي رهاب من فكرة الحمل تاني الله يخرب بيته وياخده، بس نو بروبلم، الستات كتير وعلى قفا من يشيل والستات المصريات بتحمل من صباح الخير
يا ستي اتجوزي واتعقدي زي بعضه في سبيل الوطن، وخلفي لك تلات اربع عيال بسرعة وبعدين اخلعيه وللا حتى اسجنيه باي مصيبة انشالله تتبلي عليه
لا مؤاخذة ايها الاخوة الرجالة نو اوفنس
هاتوا عيال كتيييييييييييييييييييييييييييييييييييييييييييييييييييييييييييييييييييييييييييرررررررررررررررررررر
ربنا ح يحاسبنا لو ما خلفناش
دي وسيلة مقاومتنا الفعالة والاهم