ادخل على الياهو واكتب في السيرش
Luxor
ح يطلع لك لقصر لاس فيجاس
جرا ايه يا جاهل يا جهول يا مجهال يابن ابي جهل؟ مش عارف الاقصر لاس فيجاس؟
هلبت ما أمريكا عملت مدينة تقليد للاقصر وعملت كمان اهرامات وابو الهول
واخدت اسم الاقصر
copyright
عارف يعني ايه وللا ما بتعرفش لغة ماما امريكا يا بيئة؟
يعني اللي بيقولوا عليه حقوق الملكية حضرتك
يعني عشان تعمل محل فول وطعمية في لقصر بلدنا بلد سواح
وتكتب عليه مثلا فول وفلافل الاقصر لازم تاخد موافقة
الاقصر لاس فيجاس يا تديهم نسبة من المكسب يا تدفع لهم تعويض
لان اسم الاقصر ده خلاص بقى بتاعهم
ومافيش يا مواطن تاني حاجة اسمها لقصر بلدنا بلد سواح
فيه لاس فيجاس بلدنا بلد حواس
فيها اثارنا تتفبرك
وخلاص يا مصري بقيت محتاس
حتى تاريخك متأمرك
ما باعه زاهي
الفيلم اللي انا منزلاه اللي عمله الدكتور أحمد يحي جمال راشد
أستاذ ورئيس قسم العمارة بكلية الهندسة جامعة المنصورة
ويا عيني قلبه محروق على بلده وعامل موقع مسميه
الاقصر مصرية
ومصور كمان الاثار اللي متاحف العالم ضربت عليها عواف
وحتى ما بتديناش نوسبة من التذاكر
ومصور مدينة الالعاب الفرعونية اللي في دبي
اخبط هنا
الله؟
هو احنا لسة خلصنا من فلسطين عربية لما ح نبتدي نقول الاقصر مصرية؟
هو التقليب عيني عينك كده؟
واحنا نابنا ايه من الفراعنة غير وراثة الشلاضيم والبصارة والفسيخ والتوم بالليل؟
ولا حتى عرفنا نورث ذكاءهم ولا حبهم لمصر ولا حفاظهم عليها لالاف السنين
يعني يا اخوانا الاثار اتسرقت وانتهينا
كمان الاسماء بتتسرق؟
حد يسرق اسم بلد وياخد عليه فلوس؟ امال عم حواس بس
عمال يحفر في الارض ويطلع جتت يعمل بيها ايه؟
ومالناش حق نستخدم اسمنا عشان بقى بتاع حد تاني
واحنا قاعدين
وعم زاهي بيقول مافيش حاجة انتوا مكبرين الموضوع
ومش بعيد اسرائيل تطلع لنا زي الخازوق وتدعي الملكية الفكرية
للاثار الفرعونية بما انهم بيشيعوا انهم بنوا الهرم ولو مش مصدقيني شوفوا الفيلم
وشوفوا نجمة داوود اللي على قمة هرم لاس فيجاس
يعني تصحى تلاقي نهر النيل تحت السرير والهرم في الغردقة؟
الفيلم رائع وح تفهموا منه كل حاجة
بعد ما تشوفوا الفيلم ح نتكلم بقى عن الذكاء المتوقد
للقائمين على الصياعة في مصر
بقى لما قرروا يجددوا مدينة الاقصر عشان تجتذب نص العدد
اللي مدينة لاس فيجاس بتجتذبه
قوووووووم ايييييييييييه
قوم قرروا يخربوا بيوت السكان ويرحلوهم من ديارهم في القرنة
اللي هي اساسا بيوت اثرية هي كمان بس مش من ايام الفراعنة
فاكرين فيلم المومياء؟ فاكرين البيوت المتصور فيها الفيلم؟ اهم عايزين يهدوا البيوت دي
والظاهر الاخوة عندنا في مصر مش واخدين بالهم ان الحاجة الاثرية
ينفع تبقى اجدد شوية من ايام الفراعنة وتبقى اثرية برضه
بقى قرروا يهدموا البيوت الاثرية دي ويخربوا بيوت الناس ويطردوهم ويشردوهم
عشان تجديدات سعادتك
ماهو اصل لقصر لاس فيجاس مافيهاش البيوت الاثرية دي ولا فيها السكان دول
يبقى دولم جم منيييييييييييين لازمن نشيلهم طبعا عشان نبقى مسخة تلك الاصل
من المدينة التقليد ينكن ربنا يكرمنا وينفخ في صورتنا
انا عايزة اعرف الواحد لما بيتنشل في اتوبيس بيجري ورا النشال
وينزل فيه ضرب
لما بيته بيتسرق بيبلغ في القسم
لما بلده بتحتل بيلبس سلاحه ويروح يحارب
لما بلده بتتحرر بيلبس علمها ويروح يظأطط
لكن بلده تبقى مش بلده ومش بلده تبقى بلده يلبس لها ايه؟
اديدس؟ اديدس؟
وبعدين البلد دي هي اللي لمانا يعني لما تتباع حتة حتة
كده كلها وما يفضلش فيها حاجة ما حدش ح يرضى يشترينا
حتى لو وقفونا في سوق النخاسة
طيب ح يعملوا فينا ايه؟ يعني ح يوزعونا على بلاد العالم؟
ماهو مافيش بلد ح ترضى تاخدنا صدقة
وللا ح نغسل المواعين بلقمتنا ونومتنا وللا ايه؟
ح نروح فين؟ فكروا من دلوقت
بس مافيش مجال للالاطة يعني فكروا في بلد ترضى تاخدنا
مش الاقي واحد ابو منص طالع لي يقول انا عايز اعيش في السويد
وللا في انجلترا مع الامير اندرو
فكروا كده في بوركينا فاسو زنزبار جزر القمر
ده اذا رضيوا ياخدونا اساسا وياريت بقى الرجالة
يتدربوا على حمل الاثقال عشان يبقى عبد قوي يقدر على العمل الشاق
واسمه سهيل لين العريكة حلو المعشر قوي البنية مطيع مطية
والستات يا تتعلم الرقص والغناء يا جارية
يا تتعلم الطبيخ والتنضيف والحمد لله انا خيبة في الاربعة
يعني انا اخري يدبحوني ويتاجروا في القلب والكبد والكلاوي والاوانص والمنابير
ولا حتى دي ح تنفع لاني مدخنة
امال ايه؟ ح يعملوا فيا ايه؟ ممكن يحطوني في المتحف جنب جدودي ويقولوا
دي عينة من بقايا شعب بلد كان اسمها مصر قبل ما نقسم التركة
الله؟
هو احنا لسة خلصنا من فلسطين عربية لما ح نبتدي نقول الاقصر مصرية؟
هو التقليب عيني عينك كده؟
واحنا نابنا ايه من الفراعنة غير وراثة الشلاضيم والبصارة والفسيخ والتوم بالليل؟
ولا حتى عرفنا نورث ذكاءهم ولا حبهم لمصر ولا حفاظهم عليها لالاف السنين
يعني يا اخوانا الاثار اتسرقت وانتهينا
كمان الاسماء بتتسرق؟
حد يسرق اسم بلد وياخد عليه فلوس؟ امال عم حواس بس
عمال يحفر في الارض ويطلع جتت يعمل بيها ايه؟
ومالناش حق نستخدم اسمنا عشان بقى بتاع حد تاني
واحنا قاعدين
وعم زاهي بيقول مافيش حاجة انتوا مكبرين الموضوع
ومش بعيد اسرائيل تطلع لنا زي الخازوق وتدعي الملكية الفكرية
للاثار الفرعونية بما انهم بيشيعوا انهم بنوا الهرم ولو مش مصدقيني شوفوا الفيلم
وشوفوا نجمة داوود اللي على قمة هرم لاس فيجاس
يعني تصحى تلاقي نهر النيل تحت السرير والهرم في الغردقة؟
الفيلم رائع وح تفهموا منه كل حاجة
بعد ما تشوفوا الفيلم ح نتكلم بقى عن الذكاء المتوقد
للقائمين على الصياعة في مصر
بقى لما قرروا يجددوا مدينة الاقصر عشان تجتذب نص العدد
اللي مدينة لاس فيجاس بتجتذبه
قوووووووم ايييييييييييه
قوم قرروا يخربوا بيوت السكان ويرحلوهم من ديارهم في القرنة
اللي هي اساسا بيوت اثرية هي كمان بس مش من ايام الفراعنة
فاكرين فيلم المومياء؟ فاكرين البيوت المتصور فيها الفيلم؟ اهم عايزين يهدوا البيوت دي
والظاهر الاخوة عندنا في مصر مش واخدين بالهم ان الحاجة الاثرية
ينفع تبقى اجدد شوية من ايام الفراعنة وتبقى اثرية برضه
بقى قرروا يهدموا البيوت الاثرية دي ويخربوا بيوت الناس ويطردوهم ويشردوهم
عشان تجديدات سعادتك
ماهو اصل لقصر لاس فيجاس مافيهاش البيوت الاثرية دي ولا فيها السكان دول
يبقى دولم جم منيييييييييييين لازمن نشيلهم طبعا عشان نبقى مسخة تلك الاصل
من المدينة التقليد ينكن ربنا يكرمنا وينفخ في صورتنا
انا عايزة اعرف الواحد لما بيتنشل في اتوبيس بيجري ورا النشال
وينزل فيه ضرب
لما بيته بيتسرق بيبلغ في القسم
لما بلده بتحتل بيلبس سلاحه ويروح يحارب
لما بلده بتتحرر بيلبس علمها ويروح يظأطط
لكن بلده تبقى مش بلده ومش بلده تبقى بلده يلبس لها ايه؟
اديدس؟ اديدس؟
وبعدين البلد دي هي اللي لمانا يعني لما تتباع حتة حتة
كده كلها وما يفضلش فيها حاجة ما حدش ح يرضى يشترينا
حتى لو وقفونا في سوق النخاسة
طيب ح يعملوا فينا ايه؟ يعني ح يوزعونا على بلاد العالم؟
ماهو مافيش بلد ح ترضى تاخدنا صدقة
وللا ح نغسل المواعين بلقمتنا ونومتنا وللا ايه؟
ح نروح فين؟ فكروا من دلوقت
بس مافيش مجال للالاطة يعني فكروا في بلد ترضى تاخدنا
مش الاقي واحد ابو منص طالع لي يقول انا عايز اعيش في السويد
وللا في انجلترا مع الامير اندرو
فكروا كده في بوركينا فاسو زنزبار جزر القمر
ده اذا رضيوا ياخدونا اساسا وياريت بقى الرجالة
يتدربوا على حمل الاثقال عشان يبقى عبد قوي يقدر على العمل الشاق
واسمه سهيل لين العريكة حلو المعشر قوي البنية مطيع مطية
والستات يا تتعلم الرقص والغناء يا جارية
يا تتعلم الطبيخ والتنضيف والحمد لله انا خيبة في الاربعة
يعني انا اخري يدبحوني ويتاجروا في القلب والكبد والكلاوي والاوانص والمنابير
ولا حتى دي ح تنفع لاني مدخنة
امال ايه؟ ح يعملوا فيا ايه؟ ممكن يحطوني في المتحف جنب جدودي ويقولوا
دي عينة من بقايا شعب بلد كان اسمها مصر قبل ما نقسم التركة
No comments:
Post a Comment
Note: only a member of this blog may post a comment.