Saturday, 5 May 2007

لا تنسوا محاكمة اسلام نبيه يوم الاحد: عذرا للزهايمر

لا تنسوا يوم الاحد الموافق 6 مايو هو يوم

محاكمة اسلاك نبيه

اظنه ح يبقى برضه في دار القضاء العالي

واظن انها جلسة النطق بالحكم

بصوا بقى

عماد لازم يلاقي كل الدعم

ولازم يلاقينا جنبه

وربنا ينصره نصرا عزيزا مؤزرا

لو حصلت سابقة واسلاك نبيه اخد حكم شديد

ح يبقى نصر لنا كلنا

شدوا حيلكوا في الدعاء

ربنا ينصر عماد الكبير ويبرد نارنا كلنا

وينتقم من اسلام نبيه واللي زيه وياخد اقصى عقوبة

اللهم آمين
at

8 comments:

  1. Anonymous5 May 2007 at 13:40

    امييييييييييييين
    يسمع من بقك ربنا...الواحد بجد حيتنقط لو الباشا خد حكم عبيط أو مخدش من أساسه و كفايه اللي عملوه في مرتضي منصور
    تحياتي لكي

    ReplyDelete
  2. Anonymous5 May 2007 at 14:07

    السلام عليكم .. أزيك يا نواره ، انا بس عاوز أعرف المحاكمه يوم الأثنين ولا يوم 6 فى الشهر ؟؟؟؟ علشان يوم 6 ده الاحد يعنى بكـرة ، فأرجوا الأفاده أيضا بتوقيت الجلسه

    ReplyDelete
  3. Anonymous5 May 2007 at 15:08

    السلام عليكم
    يارب ينتقم من كل الظلمة والمتجبرين والطغاة..اللهم عليك بهم فإنهم لايعجزونك..اللهم أرنا فيهم آيه حتى يكونوا لغيرهم عبرة..يارب عانينا كثيرا من هؤلاء يارب إن لم ترنا فيهم آيه تشفى صدورنا يارب نخاف أن يطغوا أكثر وأكثر ويجعلوننا فى وضع سىء ...يارب هذه مناجاة عباد ضعفاء ليس لهم إلا أنت لم يلجأوا الا اليك فلا تخذلهم يالله

    ReplyDelete
  4. Anonymous5 May 2007 at 15:59

    بصى يا نوارة انا فعلا ضد اللى حصل لعماد جملا وتفصيلا ودى حاجة غير أدامية نهائى ومع محاكمة إسلام نبيه على تجاوزاته وهفرح جدا لو أخد حكم لأنه يستاهل اللى يحصل
    لكن تعالى بقه لعماد الكبير
    دا بلطجى كبير عندنا فى بولاق ما شاء الله عليه ومتعرفيش كان بيعمل ايه هو ومافيا سواقين الميكروباص فى بولاق الدكرور من الفاظ بذيئة وعدم احترام ارواح الناس واستغلال الناس وتقسيم شارع ناهيا اللى كله على بعضه ما يتعدش 2 كيلو إلى 7 محطات ورفع اسعارالأجرة على الناس وغير اللى يعترض يتشتم وممكن ينزلوا من العربية دا غير ان العربيات بتقف بعيد علشان يكون إجبارى للناس يركبوا الموجود كل دا عماد الكبير مشترك فيه قبل اللى تعرض فى القسم وطبعا دا من غياب الرقابة فى المنطقة واطلاق إيدى امناء الشرطة وفرض جباية على السواقين لكن دلوقتى صوت عماد طلع وبينادى بحقوقه طب على فكرة فى ناس كتير جدا ليها حقوق عند عماد نفسه
    وعلى فكرة برضه بتمنى ان إسلام ياخد حكم وان عماد ينتصر بكرة لأن دا حقه وأنا لا أنقصه حقه
    ولكن اتمنى ان يكون تعلم الدرس ويراعى حقوق الأخرين

    ReplyDelete
  5. Anonymous5 May 2007 at 16:20

    اللهم امين يا شباب بشكل عام

    بس انا لي رد على الاخت نورا

    يا حبيبتي الرسول نهى عن الشماتة

    معلش انا مش باقول انك بتشمتي

    بس دي قضية ما تخصش عماد الكبير

    دي تخص كل المصريين

    وتخص جهاز الشرطة

    اللي انت بنفسك ادنتيه من غير ما تحسي لما قلتي انه كان سايب عماد وزملاءه يفتروا على الناس لمجرد انهم بيدوا الامناء رشاوى

    لكن اول ما حصلت مواجهة ما بين عماد والبوليس اتعمل فيه كده

    اسلام نبيه ما عملش كده في عماد عشان افتراه على الناس

    ولو انه حتى ده مش مبرر

    بس عمل فيه كده عشان رد عليه رد مش عاجبه

    يعني عمل فيه كده عشان عنده كرامة
    مش عشان حقوق الناس اللي عنده

    ومتهيالي دلوقت

    بعد ما عماد حصل له اللي حصل له واتفضح ووالده مات لما شاف الفيديو ماحدش من اللي لهم حقوق عند عماد زي ما بتقولي يقدر يطالبه بقى خلاص

    يعني لو هم شايفين انه انتقام الهي هم احرار وربنا اخد لهم حقهم

    طيب مين ياخدلنا كلنا حقنا من اللي عمل كده في عماد

    ممكن يكون فيه ناس لهم حقوق عند عماد

    اذا كان الكلام اللي بتقوليه ده صحيح

    واذا كنتي فعلا اسمك نورا

    يعني ممكن تطلعي في الاخر الضابط وحيد فريد وكاتب الكلام ده عشان يشوشر على عماد في القضية

    يعني معلش اسمحي لي احتفظ بنسبة من الشك

    على اي حال

    الاعتداء اللي حصل على عماد بهذا الشكل وايذاء المواطن بانه يشوف المناظر دي ويتعذب بها اعتداء علينا كلنا

    واحنا عايزين ناخد حقنا

    ولو اسلاك نبيه اخد حكم يقصم وسطه مش بس ح يبرد نارنا

    كمان ح يساعد في التقليل من ظاهرة التعذيب في الاقسام

    ومش دي القضية الاولى ولا الاخيرة

    احنا وراهم لحد ما يبطلوا يعذبوا المواطنين

    ReplyDelete
  6. Anonymous5 May 2007 at 20:15

    Allahoma Ameeeeeeennnnnnnn


    Islam welly zayo dool yestahlo elwel3a ba gaz wesekh, Rabena yebarad narna we yewarena fehom yom aswad men 2alb elkafer !

    ReplyDelete
  7. Anonymous5 May 2007 at 21:54

    يا نواره انا عايزة اعرف الساعة كام المحاكمة ضرووووووووووووووورى؟ واكيد فى دار القضاء العالى؟
    حاجة كمان ...انا لا صحافةولا حقوق انسان ولامدونة ولانيلة اقول ايه عشان احضر المحاكمة؟ اصلهم مشونى اخر مرة ومش عرفت ادخل ......بلييييييييييييييييز نوارة ردى عليه بسرعة

    ReplyDelete
  8. Anonymous6 May 2007 at 10:01

    اولا انا مش شمتانة نهائى فى عماد وقلت من الأول انا ضد اللى حصله بس قلت ياريت دا يكون درس اتعلم منه ان الناس ليها حقوق زيه وقلت لك برضه انى ضد اسلام نبيه وبالعكس نفسى ياخد حكم يكون عبرة لأن دا حقنا كلنا انا مقولتش عكس اللى قوليته غير انه يتعلم من الدرس

    ReplyDelete

Note: only a member of this blog may post a comment.