Wednesday, 2 May 2007

لا تشرب مصر...مصر فيها سم قاتل

الظاهر التسمم مش في الاكل بس
التسمم الاكبر في البيني ادمين
طيب يا بيني ادمين
الا انا كان ليا نشاط في اتجاه تاني غير التدوين
كنت اشتغلت شوية كده في العمل التطوعي
وحسيت بقرف وخنقة ويأس واحباط
الدنيا شالتني من العمل التطوعي وحطتني في جنب المجتمع المدني
كنت باشتغل فيه من الباطن لظروف عوائلية
قضا يعني بلكونة ووقعت على راسي
بس شفت مصارينه
اوعى وشك
طراش
قلت الف لفة كده واخش ع التدوين
اهو الواحد يبعبر ويقول واللي ف ضميره يطلعه
وكل واحد يسمعه
ويقول اه يا ناس ولا ملام يعني ده الغرض
والكلمة ايد الكلمة رجل الكلمة ركبة الكلمة كبدة الكلمة كلاوي
وع اللي جرا من مراسيلك
وتجيلي صدمات
خلتني احس ان سكان العشوائيات بتوع زنا المحارم والعيال بتوع الاحداث اللي بيغتصبوا بعض
كعب رجلهم المقشف انضف الف مرة من الفاعلين بتوع الحراك والتحرك والمحراك
اول امبارح قلت ليه يا محمود تقفل مدونتك
بس دلوقت عرفت هو قفلها ليه
محمود
محمود
بتاع
قرف
الا هو ليه كل حاجة بتبتدي نضيفة تفضل تترب تترب لحد ما تجلخ؟
عشان كده المجلخين من الاساس احسن من اللي كانوا نضاف وجلخوا
على الاقل مش ح تتخم فيهم وتحدف على بقك وبعدين تطرش
متهيالي اللي عايز يفضل نضيف لازم يدافع عن الكيان ده
اللي في يوم من الايام عمل حاجات كويسة للبلد
حتى لو كانت قليلة
واللي قرف ونفسه قفلت حقه
واللي عايز يوسخ
يتاخر شوية بطينه
ويسيب لنا حتة نقعد فيها من غير ما نتعاص خرا
انا باقول ايه؟
at

27 comments:

  1. Anonymous2 May 2007 at 06:43

    الله يخرب بيت كدة


    هوه يا بت انتى كل ما نتكلم عن حاجة تدونيها

    فى حاجات كتير ما تنفعش للنشر


    من ضمنها ان نص المدونين ولاد وسخة


    نيهاهاهاهاهاهاهاهاها

    ReplyDelete
  2. Anonymous2 May 2007 at 12:12

    لو بنفض التراب اول بأول تفضل نظيفه

    ReplyDelete
  3. Anonymous2 May 2007 at 12:46

    مش فاهم أي حاجة يا نوارة !!
    أنا عارف أنه قرد الرمال توقف عن التدوين و هو كاتب عنده أنه أتعرض لبعض المضايقات
    مش فاهم اللي انت كاتباه علي فكرة
    يعني حاسس الكلام غامض
    في سبب تاني يعني قصدك ؟

    ReplyDelete
  4. Anonymous2 May 2007 at 12:54

    هو في أيه؟؟
    هو انا اسيب النكد والاحباط في البيت جاي القيه هنا؟
    لسه مراتي امبارح عطياني موشح هو فين الامل اللي انت واجع دماغي بيه وان لكل ظالم نهاية وان احنا بنكسب كل يوم ارض جديدة محررة ولو افتراضية في فضاء النت
    وكانت بصراحة عندها حق شوية صغيرين وانا مش عارف ارد عليها واقعد بتاع ساعتين اقنع فيها ان عمر الشعوب والاصلاح لا يقاس بجيل او اتنين ولازم يكون عندنا صبر وكده يعني
    بس انا ليا كلمة وقفة في زوري يا نوارة معلش استحمليني
    هو يا اما يكون الناس حوالينا زي ما احنا عوزين يا اما مش لعبين؟؟
    ما لازم يا بنتي حتلاقي نماذج معفنة في كل مكان
    والله ديه سنة الحياة
    ومعلش في مثل مكندش عايز اقوله
    الي يعوز ال.. ميقولش ..وفي حديث للنبي رائع جد (المسلم الذي يخالط الناس ويصبر علي أذاهم خير من المسلم الذي لا يخالط الناس ولا يصبر علي أذاهم)معلش لو طولت
    في بس ملحوظة للاخ جمال هود
    انا امبارح حاولت ادخل مدونته كانت مقفولة وأظن والله اعلم ان هو ده سبب البوست ده وان الهاكرز اللي عمل كده مدون برضه
    يا سيدي ولا يهمك
    الله يسامحهم

    ReplyDelete
  5. Anonymous2 May 2007 at 13:40

    الله عليكي
    انا فاهماكي
    جبتي التيتة والله
    صباحه فل

    راندا

    ReplyDelete
  6. Anonymous2 May 2007 at 14:34

    يا عم هكرز ايه بس


    كل الحكاية انى كتبت مقالات ضد الاهلى

    صاحب السيرفر اهلاوى طردنى

    نقلت سيرفر تانى

    اللى لسه الموقع مقفول عنده لسه الشركة اللى هوه مشترك نت فيها بتنقل البيانات من السيرفر القديم


    هكرز ايه يا عم انت شايفنى ام احمد فاتحة مدونة :d

    ReplyDelete
  7. Anonymous2 May 2007 at 14:45

    لا ام احمد ولا أبوه!!
    كل الموضوع اني حاولت ادخل عندك امبارح وكمان النهارده وبتطلع رسالة بتقول انك مدفعتش فلوس واناربط بين ده وتعليقك اللي فوق فكان طبيعي أظن ان ده هاكرز
    بس هي ده كل الحكاية
    ومعلش يا عم انا اسف اني مهتم ادخل عندك

    ReplyDelete
  8. Anonymous2 May 2007 at 14:52

    نوارة

    لو كل حتى لقينا فيها فساد سيبناها يبقى مش حنخلص !!

    ما هو طبيعي يا نوارة انك تلاقي الكويس و الوحش

    و لو سيبنا الوحشين يبرطعوا زي ما هما عايزين يبقى مش حنحل حاجة

    لأ احنا حنقعد بقى
    و حنغلس و حنرخم
    و حنستحملهم
    و نواجهمم

    لحد ما نوصل لأهدافنا ...

    ReplyDelete
  9. Anonymous2 May 2007 at 14:59

    أولا يا جماعة اللى بيعلق هنا مش جيمى هود الحقيقى ده واحد داخل باسمه
    جيمى هود ممسوك فى قسم أول مدينة نصر كان واقف فى وضع مش ولابد مع مجموعة من الشباب لابسين فلنات بيضه وفيها حاجات حمره
    والظابط قالهم يلا ياد منك له لها لها من هنا صاحبك طقت فى عروقه حكاية انه مدون وكده فرد ع الباشا فالتانى كيله ولما عرف انه زملكاوى لفقله شيشة وعليها بانجو مش سيجارة بس
    وانا لسه مكلمه وهو فى الاستيفا بتاع قسم اول مدينة نصر
    اللى يعرف محامى يكلمه عشان يشوفه أصل المحابيس اللىف الزنزانة طلعو كمان أهلاوية فكيفوه ضرب وهو متعور تحت دقنه وبيشر دم
    أنا بصراحه متعاطف معاه بس مش قادر أروحله عشان عندى مشوار ضرورى رايح اظبط ضوافرى عند الباديكير بتاعى
    أنا باعمل بانر اسمه
    انقذو محمد جمال
    لا لتعذيب الزملكاوية

    ReplyDelete
  10. Anonymous2 May 2007 at 15:09

    أنا طبعا من نص المدونين التانى
    ولاد الوسخة طبعا
    وعشان كده أنا شايف إن حكاية الانسحاب من التدوين ومجايب ضرف المدونات بقت موضه وحالة انسحاب للفشخرة الكدابة
    طبعا فيه استثناءات الاحباط وراها ودى حالات نتعاطف معاها وبنقدر المشاعر اللى بتوصل ليها
    بس فيه فرقة قررت تتعولق وتستشهد قبل ما المعركة تبدأ وعمالة تصرخ
    سهم عربى مسموم
    سهم عربى مسموم
    الله طب مانفوق بقى ونعمل جردة حساب كده ونشوف ياجدعان انتم فين م الحكاية وانسحابكم يستاهل يعنى ولا عداد الزوار قل حبتين فانتم محبطين عشان انتم نجوم ولازم جماهير وكده ولما الجماهير تفلعص تحسو انكم ولا حاجة
    طب يعنى نقفل على فكرة التدوين دى
    وبعدين الجماعة المكفراتية سارحين ورا بعض وعمالين يقولو لده ده انت ابن وسخة امن دولة والتانى يقوله انت يابن الكذا مش كنت بتتكلم مع الظابط حمكشه امبارح فيحلفله ويقوله ورحمة خالتى د هو اللى كلمنى وبعدين يلسنوا على بعض لحد ما بقى التدوين حاجة من اتنين يا تعريص يا نجومية فارغة
    الله هى الحكاية اللى نفخة التدوين حصلت فيها خلصت وانا مش عارف
    هو مبارك خلع وجمال راح سويسرا وفتح شركة تعليب هوا وفضو لجنة السياسات وانا ماعرفش
    القصة لسه مخلصتش
    اللى عاوز يخلع يخلع
    واللى عاوز نجومية يقولنا هو نجم بامارة ايه خلاص مفيش نجومية مجانا لأ لازمن تعمل حاجة نصدقها قفانا مبقاش يتقمر عليه العيش
    فيه واحد من اللى تخش مدونتهم وتلاقيه خلاص هايقولك علق صورتى والنبى بوستر فى أوضتك زعلان عشان النجومية قلت فشغال تخبيط
    طب هى دى بقى قضية ولا هى افتكاسة وفنيخة وانسحاب ملهشى لازمة
    ملحوظة
    انا فعلا متعاطف مع أى واحد تضعفه تهديدات أمن الدولة لإننا فى دولة رعب حقيقية متبوش اقسى عليهم من الظروف دى
    بس خلينا نقول متصدروش الاحباط للآخرين
    انسحبوا فى هدوء
    لإن الشبطه ملهاش سكه واحدة فيه ميت سكه اللى عاوز يخوض فيهم هايقدر بس اللى عاوز نجومية دايما قافش فى دور واحد مش عاوز يسيبه
    أنا برضه مش عارف باقول ايه
    مش قلتلكم ابن وسخه

    ReplyDelete
  11. Anonymous2 May 2007 at 15:51

    صباحو تهييس و احلى سلام على طول السلام للدماغ العالية و التهييس الاصلى

    حقيقى لو مافييش تهييس و لو مافيش تدوين كان زمان الواحد طق او طرشق من جنابه

    و حتى نتستطيع الهجرة او ينصلح حال البلد الى عايزة ولد

    يبقى التهييس هو الخيار الاستراتيجى

    سلامين وحتة

    ReplyDelete
  12. Anonymous2 May 2007 at 17:09

    نواره
    عندي سؤال..فكري فيه كويس قبل الاجابه...ليه في ناس كتيير شايفه أن نص المدونيين ولاد وسخه زي ما بيقولوا؟
    تحياتي لكي

    ReplyDelete
  13. Anonymous2 May 2007 at 17:42

    الي الاخ الحاج جمال
    ابن مصر مش ابن ال...واللي هي مصر برضه
    انا شايف كلامك جامد جدا بجد وجه علي وجيعة ناس كتيييير
    احييك من قلبي

    بس لو طبطلوا طولة لسان

    ReplyDelete
  14. Anonymous2 May 2007 at 17:52

    نوارة

    أبوس ايدك

    يا ريت في هيك بوست

    تحطي شريط ترجمة

    مراعاة لذوي العقل المحدود أمثالي

    ReplyDelete
  15. Anonymous2 May 2007 at 18:15

    ابو جمال

    ما تنساش لما اقابلك فكرنى اعورك فى وشك :@


    ------------

    يا عم بحرى انت اتقمصت ليه معلش اصل العيلة بتاعتنا كلها لسانها طويل انا بهزر معاك يا اخى

    ------------

    اى حد بقة زعلان من انى قلت نص المدونيين ولاد وسخة

    انا بسحب كلمتى

    و بغيرها ان تلات تربع المدونيين ولاد مرة وسخة

    ReplyDelete
  16. Anonymous2 May 2007 at 18:58

    يا لهوى على النكد
    حرام عليكى يا شيخه

    مصر لسه بخير
    والصوره مش سوده كده

    إنتى إيه! ما بتجبيش جرنان أخبار اليوم كل سبت؟ ولا إيه

    لو لضيق ذات اليد خشى عليه على النت
    http://www.akhbarelyom.org.eg/akhbarelyom/
    تواظبى على زيارة الموقع أربع أسابيع ورا بعض
    كل يوم
    هو صحيح بيتغير يوم السبت بس
    لكن إنتى محتاجه جرعه مكثفه شويه
    بالعلاج ده مع تمارين اليوجا و دروس الميكروبيوتك (إيه ده) هتلاقى نفسك إتحسنتى تحسن مضطرد و زى الفل
    أمارة التحسن تلات حاجات

    ودانك هاتتطول بشكل ملحوظ
    إستطاله فى الفقرات العصعوصيه
    كل ما تتكلمى تحسى غنك سامعه نهيق جاى من بعيد

    مع تحياتى

    دوكتور دارويش

    ReplyDelete
  17. Anonymous2 May 2007 at 22:53

    بس فى حاجات بتفضل نضيفة

    ReplyDelete
  18. Anonymous2 May 2007 at 22:57

    نواره والله كل يوم لازم ادخل على التهيس الشعبيه واكتشف جديد انما النهارده حاسس انى متلخبط يمكن عشان ما نمتش امبارح كويس ايه بقى حكايه لاتشرب مصر وايه حكايه الواد بتاع كفايه اللى مسكوه مع واحده طريه ست يعنى وبعديين الاهرام فضحو هل ده نوع من انواع التسمم بصرحه يانواره مش فاهم البوست بتاعك النهارده قوى

    ReplyDelete
  19. Anonymous3 May 2007 at 00:22

    العيب فينا أحنا شعبنا بجد مستفز أمتي يتحرك جماعة والله أحنا ميتين ميتين لازم نتحرك لازم ما نخفش لازم ما نبطلش

    ReplyDelete
  20. Anonymous3 May 2007 at 00:55

    هيه حاجة غريبة شوية حكاية الإنسحاب اللى ماشى فى البلد اليومين دولة.

    بس أنا مش مع كلام الحاج جمال إن الناس دى بتتمنظر، الناس دى بتكتب بقالها كام سنة و أكيد الوضع بالنسبة ليهم محبط حاليا (يا راجل ده بقى محبط للناس اللى لسه مهتمة بالموضوع ده جديد)

    هو أنا بس مش عارف ليه الناس خالطة بين التدوين و الإحباط، ما هو لو مدون بطل يكتب المدونة بتاعتة، مش حيحس بتحسن، حيفضل برضة محبط لأن اللى حوليه لسه زى ما هوه، متغيرش بعد توقفة عن التدوين.

    التدوين ده عامل زى شوية أوراق الواحد بيكتب فيها أى كلام عايز يقولة، بس الفرق، إنه بيخلى حد غيرة (يمكن ميعرفهوش يشوفها
    بس علشان كتير من المدونين (اللى هما الربع اللى مذكرهوش جيمى هود) من النشطاء السياسيين، فالتدوين فيه كتير من حال البلد المهبب المحبط

    بس يا نوارة انا شايف إنها لسه متربتش قوى، لسه فيه أمل إنها متربش أكتر من كده

    ReplyDelete
  21. Anonymous3 May 2007 at 02:12

    بصى يا نور
    النماذج اللى انا عاصرتها وهى بتتراجع لورا
    فعلا واجهت مواقف فصامية فى عالم التدوين السيبرى مأقولكيش
    منتها الفصام
    لدرجة انك تلاقى الواحد خلاص حيحرر القدس وحيفتح طشقند وسمرقند تانى وهو بيتكلم
    وفى الواقع الحقيقى
    قذارة ونتانة مأقولكيش
    يعنى بالمفتشر
    فاتح مدونة لجر رجل الزبونات

    وبرضة
    فيه حريم عاملة مدونات للموضة والتظبيط لا مؤاخذة

    دة غير انها على حسب الشواهد والأخبار المتناقلة
    وسيلة للتربح وخلاص
    وأفشخنات بقا من البيزنيس والذى منه
    يعنى اللى يغطس فى الوسط دة
    مش حيقب تانى الا بحالة من اتنين
    أما يبقا أرزقى وبتاع شيلنى وأشيلك
    أو يطلع متعقد وكارة الوسط واللى فيه

    واللى بعيد عن كل الحسابات والتربيطات دى...حيشترى دماغه وحيستمر فى طريقه لكن حيتأثر بالتأكيد باللى بيحصل حواليه من تلوث
    ودة عن تجربة شخصية
    لكن لو عن نفسى؟
    أنا شارية دماغى من كل دة
    متفرجة على الساحة التدوينية وفى الركن بتاعى بدماغى
    اياكشى تولع
    لكن محدش حيقدر يأثر عليا او أجيب ضورفها علشان خاطر عيونه
    لو زهقت بقا ومليت ومبقاش عندى جديد أقوله...فى الحالة دى حاسيبها معلقة كدة عادى...متفرقش ولا حد يعرف ولا يحزنون....قال يعنى اللى حيعرف حيطلعلى بدل فاقد من جيبه؟؟

    وادعوا للأقاليم والمهجر اللى باعدنا عن العاصمة ومش مخلينا فى بؤرة التعفن

    ReplyDelete
  22. Anonymous3 May 2007 at 02:38

    أولا مش كل اللي في العشوائيات بتوع زنا المحارم أنا قابلت ميجموعة شيباب من خيرة شيباب عزبة خير اله بيقولوا أبدا nefer
    البانجو و الحشيش مبيخلوش السخص عينيف أبدا و لا بيعتدي على أمه أو أخته
    إذا هي قلة مندسة بين سكان العيشوائيات الفلة بيتوع الحشيش و البانجو و لامؤاخذة ثم بتوعات الإحداث يا ليهوي قشف فشر يا أوختشي يا حزني طب أنا كنت أعرف واحد على طول يجيب كيريم فير أند لفلي
    نيجي بقى ليبتوع حروق اللسان يا أبلة ببتوعاتش الموجتشمع الميدني يووووه يوووه على القشف يا حوزني
    وبعدين اشتغلي من الباطن أو من الضاهر مفيش فايدة أو تطوع أو ولا مؤاخذة مدني شعبى أهلي زمالك مفيشششش فايدة
    و بعدين قومي بخري عشان النفس يمكن كله يصصلح

    ReplyDelete
  23. Anonymous3 May 2007 at 13:42

    ههههه مش عارف اقول ايه هو مافيش حاجه في لبلد عدله !!؟ حال اللبد من حال الزمالك ! ولو سمحتوا محدش هنا له دعوه بالزمالكويه لحسن بقول متطهدين !
    تحياتي

    ReplyDelete
  24. Anonymous3 May 2007 at 13:46

    يا جيمي اهمد بقي انت كل شوية خناقة فعلا دا انت ...

    مين قال ان جيمي ف القسم؟

    جيمي كان معاقب ومحبوس في كيندا جاردن التحرير والابلة مشيلاه الشنطة ورافع ايده لفوق وكل العيال زمايله بيضربوه بالشلوت لانه مصر علي ان لسه في حاجة اسمها كورة واهلي وزمالك وترسانة
    الابلة مازالت مصره علي حبسه لحد ما
    يبان له صاحب زملكاوي

    عارفين اللي هيروح يطلعه؟

    انا ف راي مسألة الانسحاب دي قناعات عاوز ترحل ارحل مع الف سلامة من غير ماتش اعتزال وافشخانات ومجاملات وحملات تبرع من الاخوة الاصدكاء سيبها متعلقة احجبها دلتها وريح دماغنا

    ReplyDelete
  25. Anonymous3 May 2007 at 13:51

    ما تقلقش يا بن ناصر
    ممكن نعمل حملة للتضامن مع الزمالكاوية لرفع الاضطهاد علي شرط يعرضوا بيع الفريق بالحتة في مزاد علي كل قطعة غيار ولو محدش رضي يشتري علي الاخوة الزملكاوية يولعوا ف الفريق او ف نفسهم
    وبرضوا هنطلع بيان ونتضامن مع الزملكاوية المحروقين


    قبل ما لسان جيمي مايطول اناولا اهلي ولا زمالك
    انا بشجع الترسانة لانه بيلبس تي شيرت لونه
    pink

    ReplyDelete
  26. Anonymous4 May 2007 at 14:38

    اللي يدون يدون واللي مش عايز يريح نفسه لان الموضوع اولا واخيرا قناعة شخصية و اللي بيكتب علشان يتمنظر هايجيله يوم و يعطل و اللي زهق لان ما فيش فايدة من التدوين اكيد هايعمل حاجة تانية لمدة طالت او قصرت بس اتصور انه هايرجع يدون تاني لان مساحة الحرية الموجودة علي النت اكبر بكثير من غيرها المهم ان الافكار ما تبقاش حبيسة في دماغنا لحد ما تتبخر و تطير فى الهوا بدون ما حد يستفيد منها سواء رفضها ام قبلها النتيجة انه هايشغل مخه للوصول لأيا من القناعتين والا بقى نحط لسانا في بقنا و نبطل تفكير و نقد و ملاحظة و نقضيها ايام و تعدي و المخ اللي ربنا اداهولنا عاشان نفكر بيه نبقي نعمله سندوتشات و اهو يبقى بفايدة برضه... الحقيقة الواحد بيزعل لما مدون يبطل تدوين بس ده قراره زي الحاج جرجس على سبيل المثال اللي بطل و شال كل التعليقات علي موضوع اعتزاله التدوين و ارجو الا تستشري العدوى للباقي و عموما يا نوارة ارجو الا تتوقفي انت كمان و احب اقولك ان مدونتك من المدونات اللي نلس كتير بتحب تقرأ المكتوب فيها و بشكل يومي و انا اولهم... تحياتي

    ReplyDelete
  27. Anonymous4 May 2007 at 15:12

    يعنى الواحد يطول لسانه بقة و لا ايه

    نيهاهاهاهاها

    خلاص خلاص ماتخافيش انا احب الترسانة اى خدمة يا رندوش


    المهم مش كل ميتين ام حتة يتقال فيها الزمالك الناس تقعد تقول يا عينى يا جيمى يا مظلوم يا جيمى

    هوه انا جربان يا جدعان و لا ايه

    لا لا بس شوفتوا شهروزة و الدماغ العالية فى الكومنتات و الله لمجوزك خالى يا بت يا شهروزة علشان تبقى مرات خالى و اقرفك كل يوم اروح اكل محشى عندكوا

    نيهاهاهاهاهاها

    ReplyDelete

Note: only a member of this blog may post a comment.