Friday, 18 November 2011

العسكري حيمشي :)

ان شاء الله
انا عارفة اننا مش طايقين بعض خالص دلوقت حاليا... بركات المجلس العسكري بالصلاة ع النبي... لا تقولي زوبة ولا زنوبة ده انت لهلوبة يا اوسطتنااااا
احنا خارجين من الميدان يوم 11 فبراير سمن على عسل.. كل مسيحي واخد في دراعه سلفي وماشيين يتمشكحوا على الكورنيش.. كل ليبرالي حاطط دراعه على كتف اخواني وماشيين يقزقزوا لب، وكنا في حالة من الحب اللزج
خدنا عشر شهور بقيت انا شخصيا ايدي اليمين مش طايقة ايدي الشمال.. وعورنا بعض جامد
وزي ما قلت لهم على التويتر، لو قلت نحب بعض حيبقى مطلب صعب.. احنا مش طايقين بعض من الاعماق.. انا شخصيا مش طايقاكم.. اه... كلكم.. من ساعة ماسبيرو وانا مش طايقة حد غير بعض اصحابي.. والباقي قلبت عليهم خلاص
بس احنا دلوقت لازم نطيق بعض مؤقتا كده لحد ما العسكري يمشي... وحيمشي.. حيمشي حيمشي حيمشي... ان شاء الله
مش حنمشي.. العسكر يمشي
قولوا يا رب.. مالناش غيره، ونستحمل بعض بقى في الميدان.. يعني نحاول بقى نتجنب نتكلم مع بعض خالص عشان لو قلنا لبعض صباح الخير حنرد على بعض وكمان بتقول صباح الخير؟ 
العسكر مش حيمشي بانفراد فصيل واحد بالميدان... اتعلمنا كده ان الناس دول بيمشوا لما كلنا بنتجمع.. تلقى السما ع الارض.. واما البشر يتفرقوا تلقى السما بتنفض
فالسلفيين مضطرين يستحملوا صلاح عناني... وانا مضطرة استحمل السلفيين.. والاخوان مضطرين يستحملوني.. والمسيحيين مضطرين يستحملونا كلنا... وهكذا 
لحد ما العسكري يمشي.. لو ما اتجمعناش العسكري مش قاعد ل2013.. حيقعد ل2064 على كده. لو فضلنا متخانقين
احنا قاعدين في الميدان ان شاء الله... لما العسكري يمشي
احنا ما كناش بنهزر معاه لما عملنا ثورة
قولوا يارب
at

31 comments:

  1. Anonymous18 November 2011 at 04:01

    أهم حاجة الناس تيجى معاها حاجتها مش يبقى اعتصام و برشطة على حاجة الخلق .. انا مش طايق حد برده -.-

    ReplyDelete
  2. Mostafa Nabil18 November 2011 at 04:01

    أهم حاجة الناس تيجى معاها حاجتها مش يبقى اعتصام و برشطة على حاجة الخلق .. انا مش طايق حد برده -.-

    ReplyDelete
  3. drkishk18 November 2011 at 04:02

    هاستحملك بس عشان خاطر مصر
    وهاستحمل البلوك الرخم
    اللى عاملاهولى على تويتر :D
    برده عشان مصر
    والله على ما اقول شهيد

    ReplyDelete
  4. احمد شريف18 November 2011 at 04:02

    ياااااااااا رب

    ReplyDelete
  5. ااربغبي18 November 2011 at 04:03

    انا سلفى وبقولك الله ينور يا بنت الراجل الجدع

    ReplyDelete
  6. KaRieMo18 November 2011 at 04:07

    ياااااااااااااااااااااااااااااااااااارب

    ReplyDelete
  7. jokaralex18 November 2011 at 04:07

    يارب انهاردة الجمعة وتكون دعوتي مستجابة

    اللهم اهدنا الى معرفة الحق ونصرة المظلوم وترك تفاهات الامور واكتب لنا زيارة بيتك الحرام وان تصبح بلدنا صاحبة الريادة في شتى المجالات

    ReplyDelete
  8. mohamed shehata18 November 2011 at 04:53

    لازم نتفق العقل والمنطق بيقول كدا لان البلد فعلا بضيع

    ReplyDelete
  9. mohamed shehata18 November 2011 at 04:53

    لازم نتفق العقل والمنطق بيقول كدا لان البلد فعلا بضيع

    ReplyDelete
  10. amal18 November 2011 at 05:02

    يارب يانوارة يارب كلامك دة رد الروح فيا ورجعلى الامل تانى ان شاء الله منصورين وربنا معاكم

    ReplyDelete
  11. mohammed18 November 2011 at 05:04

    ما حدش سأل نفسه ليه الإعلام الشيطانى بتاعنا اعلن عن مسئلة التمويل الأجنبى دى النهادة بالذات؟؟؟؟؟؟ هاه حد سأل نفسه ؟؟
    ببساطة عشان يخلى الناس ما تطيقش الإسلاميين بكرة فى الميدان و تتهمه بالعمالة و التخوين و بدال ما يبئى عدونا هو المجلس القذر نتحول للسب فى الإسلاميين.
    يا ريت نكفى ع الخبر ده ماجور و نركز فى كلاب المجلس و ننسى خاااااااااااااااااااالص الخبر الفاشل ده


    برجااااااااااااااااااااااء النشر و فهم اللعبة الوسخة دى

    ReplyDelete
  12. amal18 November 2011 at 05:12

    ان شاء الله المرة دى كمان حتبقوا زى السمن على العسل دا مافيش احن ولا أحسن من المصريين

    ReplyDelete
  13. Mohammad Sulaiman18 November 2011 at 05:38

    يارب يارب نخلص من المجلس البربرى ونخلص معاه من كل الفتن والاختلافات والكراهيه والغل الى وضعه بين الناس وفرقهم زى الشيطان بالظبط Fantastic mano

    ReplyDelete
  14. EslamMohamed18 November 2011 at 14:11

    ههههههههههه انا عن نفسي مستعد استحمل كتير واقدم شوية تنازلات كمان عشان نستمر علي كدا متوحديين اصل احنا معمولنا عمل والشيطان داخل بنا علطول وزي ما حكتلك الفجر معرفتش انام بسبب صلاح عناني والله استحملته عشان خاطر اليوم يمشي والسلفيين الله يباركلهم سابوه يرغي وراحوا نامو وهو قعد يقيس الشارع لحد ما اتهد ونام

    ReplyDelete
  15. متفائل18 November 2011 at 17:05

    بس احنا دلوقت لازم نطيق بعض مؤقتا كده لحد ما العسكري يمشي

    طب وبعد ما يمشي يا قطة الناس اللي مش طايقين بعض دول حيعملوا في بعض أيه ؟ عندك فكرة ولو بسيطة عن (شكل) دولتك الناشئة ساعتها ؟ عارفة أيه عيبك إنتي واللي زيك ؟ عيبكم أنكم لا تستطيعون النظر أبعد من موطيء أقدامكم

    ReplyDelete
  16. عاشق تراب مصر18 November 2011 at 18:18

    what after leaving army??
    I am sure that you are one from two options: whether you are psycho abnormal and having a lot of psycho troubles or
    you are a treason and corrupted person please answer me.

    ReplyDelete
  17. مهندس مصري بيحب مصر18 November 2011 at 18:55

    انتي فعلاً بقالك فترة مش طايقة حد
    ربنا يهدي الجميع و يكمل لنا ثورتنا على خير

    ReplyDelete
  18. كيوبيد18 November 2011 at 20:06

    على الله الناس تسمع انا مافيش عندى اى مانع لهذا الكلام ويارب يارب يارب الجماعه ومن اتبعه بلاش اسلوب ترقيص العضلات ده لانو واحش قوى ومستفز للناس والباقى بلاش تخوين وتكفير وخصوصا السلفين بلاش تكفير ارجوكم بلاش تكفير ويارب كلنا نكون على قلب راجل واحد

    ReplyDelete
  19. Unknown19 November 2011 at 00:16

    يا رب يمشي يا رب
    وعلى فكرة طايقك برده بالعافية
    ههههههههههههههه

    ReplyDelete
  20. koukawy19 November 2011 at 13:07

    ربنا معاكوا ياللي معتصمين انا مع انه يمشي قلبا و قالبا لأن فعلا تحسي انه مبسوط بخرابها و نفسه يقعد علي تلها و يبلبط رجليه في دم الناس اللي عماله تموت
    و موضوع ان الناس مش طايقه
    المصري بقالوا كتييييير مش طايق نفسه و بيتلكك ده شئ مش جديد
    الحياه القحطه اللي عايشينها ناس كتير لازم تخلي الناس مش طايقه
    و يسقط يسقط حكم العسكر و اللي من رحته

    ReplyDelete
  21. المواطن مصري19 November 2011 at 13:11

    العقل بيقول انه مش لازم احبك عشان نتفق مع بعض عشان مصلحتنا
    انا بتعامل بطبيعة شغلي مع تحار سيارات من جنسيات مختلفة و فيه منهم ناس ما بيطقهمش و غالبا هما مش بيطيقوني لكن المصلحة تقتضي اننا نتعامل مع بعض و نتفق مع بعض و نخاف على مصالح بعض
    و كل واحد يخلي حبه لمراته!
    لازم نكون مرنين مع بعضنا البعض اشداء في وجه اللي عايز يضرنا و يضر مصر
    طبعا دي اول مرة اتشائم من ساعة ما الثورة حصلت
    و الحقيقة قربت استسلم
    بس انا افتكرت مرة تعرضت للغرق و كنت على وشك الاستسلام و تسليم اخر نفس للبحر لكن حلاوة الروح خليتني اعافر لحد ما ربنا ستر
    يا ريت حلاوة الروح و حلاوة الثورة ما تخليناش نيأس لأننا لو يأسنا هنفشل و لو فشلنا هنرجع اسوأ من الاول بكتير و هنتهان جوة و برة
    و ربنا يستر بقى

    ReplyDelete
  22. dazzlepop19 November 2011 at 13:38

    والله انتي جبتي الخلاصة ومن الاخر كمان ... احنا فعلا لازم نستحمل لغاية ما نخلص من العسكر وبعدين نبقي نشوف احنا بقي مش طايقين بعض ليه .. وان كنت متاكد ان لما العسكر يمشي حنلاقي نفسنا رجعنا زي السمن علي العسل من تاني لان سبب الفرقة انزاح

    ReplyDelete
  23. arabian_faithful19 November 2011 at 15:22

    أنا حأرد أغرب رد ممكن تكون متوقعه فى الوقت ده
    أنا فرحان أنك رجعت تكتب تانى وخلاص ^_^ و عموماً أنا من النوع المتفائل فى وجه المولى عز و جل خير دائماً و إلى الأبد و أنا والله العظيم أيام حسنى زفت أيام الغلب اللى بجد كان عندى أمل إن ربنا حيفرجها من عنده بس مكنتش عارف أزاى و دلوقتى برده والله أنا مؤمن أن ربنا حيفرجها من عنده و برده مش عارف أزاى و يمكن ده اللى مطمنى أكتر ^_^
    يارب تكون بخير و حافظ على نفسك و يارب الداخلية تحترم نفسها شوية صغيرين حتى

    ReplyDelete
  24. Dr. M. Hassanien19 November 2011 at 17:58

    اعرف ان كلامي لن يكون محبوبا. ولكن من الواجب ان انبه بان ما يجري يفتقر الي رؤية استراتيجية. ماذا بعد ان يذهب الجيش؟ مع مراعاة ان لا دستور والخط الحالي يجعل مجلس الشعب مسئولاً بالاغلبية وليس بالتوافق عن وضع الدستور. وهذا وضع غير مسبوق يسقط من الدستور نفسه شرعيته. الدستور في كل الدنيا يتم بالتوافق وليس بالاغلبيات ولا بالكم. واذا ما حصل طرف علي اغلبية اليوم فغدا قد لا يكون الاغلبية ولكن الدستور لا يتغير. ورغم انني كنت ضد الجيش منذ البداية الا انني ازعم بان ذهاب الجيش الان هو بداية فوضي حقيقية وليست وقتية لانها فوضي مؤسساتيه كما كان الفساد مؤسساتيا في عهد المخلوع. وهذه الفوضي لا يمكن ان تكون خيراً. قد يقول احد متحمس هذا ما هدد به المخلوع ولم تحدث فوضي. ولمثل هذا الفكر اقول بانه حدثت فوضي مؤسسية فعلا انتهت بتسليم الشعب السلطة للجيش. وهذا كنت ضده في وقتها. وفوضي الشارع تم تلافيها بالتلاحم الشعبي. اليوم بتنحي الجيش ستكرس الفوضي وسيادة البلطجة مؤسسيا والشارع فقد الكثير من تلاحمه بعد ان ظهرت العورات والنوايا. اطلب من الجميع ان يفكر لمرة واحدة: ماذا بعد؟ هل يملك احد رؤية او خطة لغير مصلحته الحزبية؟ هل من احد يفكر في مصر فعلا؟

    ReplyDelete
  25. abumazen20 November 2011 at 07:11

    ايه لعب العيال ده.... خصام ايه وزفت ايه اللى انتى بتتكلمى عليه....انتم جنود الشعب بحق وحقيق....ممكن تلقنى اللى جانبك الشهادة هتلقنيه ازاى وانتم مفيش بينكم السلام حتى ....طبعا انتى اكيد بتهزرى...بس هزار ماسخ....مش وقته خلى ايدك فى ايد اخوكى اللى بيحارب جنبك...خلوا نيتكم صافية عشان ربنا يكرمكم

    ReplyDelete
  26. احلام جوليا21 November 2011 at 09:54

    وبعدين يا نواره لحد امتى حيفضل قلبنا واجعنا على مصر انا زيك مش عاجبني حكم العسكر بس كمان مش عاجبني ضرب اقسام الشرطة مش عاجبني اني يجي واد عامل صعيدي يفرجني على حته اثار ويقول انهم فتحوا مقبرة وكل واحد اخد الي فيه النصيب وانهم جاين يبيعوها هنا في الخليج بابخس الاسعار واهي لقمة عيش عامل متخلف فاكر نفسه بياخد حقه من البلد وهو بيبيع اثارها في الغربة الحقوا يانواره البلد بتتباع حته حته واوعوا تفكروا تخلوا في حكومة انقاذ وطني في وجود المجلس العسكري لازم يمشى الاول وبعدين تمسك حكومة متقسموها ش يانواره يا اما حتبقوا اسوا من مبارك شوفي اقسم بالي خلقني لو قسمتوا مصر لا نطالب عوده مبار ك انا كنت بكره فعلا لكن دلوقت فهمت ليه ربنا خلاه 30 سنة يحكمنا فببساطة عدو عاقل افضل من صديق جاهل وانتم يا ثوار عملين زي الدبه الي قتلت صاحبها علشان تموت الدبانة الي على راسه وهو نايم نواره انا بحذرك باسم المصريين كلهم اياكم وحكومتين في بلد واحده انا مش عاوزة نبقى السودان التانية فوقي يا نواره وفوقي الي حواليك ومتنساقوش ورا كلام المرشحين الي كل الي همهم انهم يكسبوا اصواتكم ويسخنوكم نواره هنا الاثارات المصرية بتتباع برخص التراب ولسه فوقوا بدل ما قسما بالله مش حنكتفي بكرهكم انتم بقيتم اسوا من مبارك

    ReplyDelete
  27. shekoobomm7 December 2011 at 02:41

    عقلاؤنا من يوم 12 فبراير اقروا ما هو اشبه بهذا البرنامج وهو الطريق المستقيم اما المشتاقين والانتهازيين وبالتعاون مع الثورة المضادة وكانت اوضح من شمس النهار وهم حصريا المجلس اياه فقهاء مبارك/جيش مبارك من زبانيةامن الدولة وبلطجيتهم/الفلول واصحاب المصالح الفسدة المفسدين/اعضاء المحليات الاتحاد العام للعمال ومع تجاهل التطهير تماما مما دل وكشف سوء النوايا وبناء عليه ندعم بيانكم تماما

    ReplyDelete
  28. shekoobomm7 December 2011 at 02:50

    عقلاؤنا من يوم 12 فبراير اقروا ما هو اشبه بهذا البرنامج وهو الطريق المستقيم اما المشتاقين والانتهازيين وبالتعاون مع الثورة المضادة وكانت اوضح من شمس النهار وهم حصريا المجلس اياه فقهاء مبارك/جيش مبارك من زبانيةامن الدولة وبلطجيتهم/الفلول واصحاب المصالح الفسدة المفسدين/اعضاء المحليات الاتحاد العام للعمال ومع تجاهل التطهير تماما مما دل وكشف سوء النوايا وبناء عليه ندعم بيانكم تماما

    ReplyDelete
  29. shekoobomm7 December 2011 at 02:50

    عقلاؤنا من يوم 12 فبراير اقروا ما هو اشبه بهذا البرنامج وهو الطريق المستقيم اما المشتاقين والانتهازيين وبالتعاون مع الثورة المضادة وكانت اوضح من شمس النهار وهم حصريا المجلس اياه فقهاء مبارك/جيش مبارك من زبانيةامن الدولة وبلطجيتهم/الفلول واصحاب المصالح الفسدة المفسدين/اعضاء المحليات الاتحاد العام للعمال ومع تجاهل التطهير تماما مما دل وكشف سوء النوايا وبناء عليه ندعم بيانكم تماما

    ReplyDelete
  30. shekoobomm7 December 2011 at 02:51

    عقلاؤنا من يوم 12 فبراير اقروا ما هو اشبه بهذا البرنامج وهو الطريق المستقيم اما المشتاقين والانتهازيين وبالتعاون مع الثورة المضادة وكانت اوضح من شمس النهار وهم حصريا المجلس اياه فقهاء مبارك/جيش مبارك من زبانيةامن الدولة وبلطجيتهم/الفلول واصحاب المصالح الفسدة المفسدين/اعضاء المحليات الاتحاد العام للعمال ومع تجاهل التطهير تماما مما دل وكشف سوء النوايا وبناء عليه ندعم بيانكم تماما

    ReplyDelete
  31. shekoobomm7 December 2011 at 02:51

    عقلاؤنا من يوم 12 فبراير اقروا ما هو اشبه بهذا البرنامج وهو الطريق المستقيم اما المشتاقين والانتهازيين وبالتعاون مع الثورة المضادة وكانت اوضح من شمس النهار وهم حصريا المجلس اياه فقهاء مبارك/جيش مبارك من زبانيةامن الدولة وبلطجيتهم/الفلول واصحاب المصالح الفسدة المفسدين/اعضاء المحليات الاتحاد العام للعمال ومع تجاهل التطهير تماما مما دل وكشف سوء النوايا وبناء عليه ندعم بيانكم تماما

    ReplyDelete

Note: only a member of this blog may post a comment.