Wednesday, 20 July 2011

مين ده اللي حيتعمل له جنازة عسكرية؟

مين ده اللي حيتعمل له جنازة اساسا؟ مين اللي حيموت اساسا.. طب على الله نسمع انه مات.. على الله
هااااا؟ حتبيعوا سامح سيف اليزل احسن وتضرب صاحبك لو هم كتير ولا هااا؟
كده يا مجلس يا عسكري؟ علم مصر يتنكس عشان خاين مصر وقاتل المصريين وشباب مصر هم اللي ينزلوا على ركبهم ويتقالهم: علم اسرائيل مش حينزل لباسك هو اللي حينزل؟ 
صبااااح التحية العسكرية


واهو ده اللي اتعلمنا على ايديه القهر وقوة غليانه
ااااه.. انا باعترف يا شباب.. انا كلت على قفايا بالقوي، كلت بالكف السخن على قفايا.. مولع نار قفايا دلوقت، ودي مش اول مرة اكل على قفايا، بس اللي جرب واداني على قفايا قبل كده عارف كويس لما باتلفت له باعمل ايه؟ وكتاب الله بيندم انه اتولد اساسا
والله العظيم تلاتة
at

37 comments:

  1. eng_archi_dode20 July 2011 at 12:30

    يا نوراة لو ده حصل يبقى البلد دى مفهاش رجاله من الاخر

    ReplyDelete
  2. Passant20 July 2011 at 12:40

    بمناسبة عيد ميلادى الرابع و الثلاثين أحب أقول للمجلس العسكرى عييييييييييييييييييييييب و أحب أقول للجيش المصرى جيشنا ده فوق الراس مرفوع و للصبر حدود للصبر حدود للصبر حدود يا حبيبى

    ReplyDelete
  3. حسن محمد على20 July 2011 at 12:49

    يانوارة ... اللى يرشك بالمية نرشة بالدم

    ReplyDelete
  4. nour197120 July 2011 at 13:44

    حسبي الله و نعم الوكيل

    ReplyDelete
  5. mohosamaa20 July 2011 at 13:56

    يا نوارة بلاش غل وخلى عندك أخلاق الفرسان ...النبى عليه الصلاة والسلام قام لجنازة واحد يهودى وقال (أوليست نفسا)بلاش الغل بتاع اليسار ده وخليكى متسامحة زى الاسلاميين اكتر ناس شافوا الذل من الرؤساء التلاتة وعلى الرغم من كده بيتكلموا عنهم بمنتهى الادب ...بلاش غل ونبص لقدام ومنقفش عند الشكليات لاننا بنكتب تاريخ يا نوارة والتاريخ بيقف باحترام مع المتسامح اللى يقدر ويعفى ش...شوفى اللى النبى عليه الصلاة والسلام عمله مع أهل مكة اللى قتلوا عمه حمزة رضى الله عنه وشوفى اللى عمله عبد الناصر وثورة يوليو من تصفيات ومحاكمات اتغلبت فيها العاطفة ونزعة الانتقام وغرقنا بعدها ستين سنة غل ...بالمناسبة يا نوارة هو ايه الفرق بين اللى حصل مع عماد الكبير واللى حصل مع البلطجية اللى ربطتوهم فى النخل عريانين هو احنا كنا بنثور على العادلى علشان نقعد مكانه ونعمل أوسخ منه ...وإيه الفرق بين الكلاب البوليسية اللى كانت أمن الدولة بتطلقها على المعتقلين وبين الكلاب اللى أطلقتها الكنيسة على اللى حاولوا الاعتصام واتهموا الكنيسة بالفساد والرشوة ...آه يا إعلام معرص

    ReplyDelete
  6. محمد نور الدين20 July 2011 at 13:57

    ست الكل مساء الخير
    جملة غير صحيحة يا النوارة
    لما باتلفت له باعمل ايه؟ وكتاب الله بيندم انه اتولد اساسا
    والله العظيم تلاتة
    هل تعلمين لماذا ؟ لأن دمعتك جراية ومن تكون دمعتها جراية وتبكي لأصغر سبب هذه ليست حقودة وقلبها مش أسود كما تؤكدين كل مرة . وطيبتك وصدقك ومواقفك النبيلة و المشرفة تجعلنا نتجاوز الكثير من حماقتك.
    أما بخصوص الجنازة هذه مسألة أخلاقية بالدرجة الأولى و الأخيرة و لا علاقة لها بالسياسة .
    تحياتي

    ReplyDelete
  7. Hadeer Ghattas20 July 2011 at 14:25

    لا حرام سيبوه..

    الراجل الغلبان ده لازم تتعمل له جنازة عسكرية..

    ده ماعملش فى دنيته حاجة..

    هو بس سرق وقتل وظلم واستبد وسخر وكان مستعد يورث..

    يعنى من الآخر دى إنجازات..

    خلينا نشوف ..

    آل جنازة عسكرية آل..

    هى الحكاية كده سايبة؟؟

    ReplyDelete
  8. Anonymous20 July 2011 at 14:32

    هو اية الا مولع نار ياقليلة الادب ما خلاص اتفضحتي والا كان كان وسلامي لاكبر حشاش فيك ياجمهورية

    ReplyDelete
  9. samy20 July 2011 at 14:51

    نواره
    انا متابع لمدونتك من فتره طويله - معجب باسلوبك وبجرأتك -استمري الله معك -احيكي انت فعلا نواره
    سامي-امريكا

    ReplyDelete
  10. شمس النهار20 July 2011 at 15:55

    ده يبقا استفزاز للناس رسمي وهيولعوها من غير داعي والجنازة حارة والميت.......اللهم احفظنا
    وساعتها اللي مانزلش قبل كده هينزل
    وقال ايه منظرنا قصاد العالم!!!!!!؟
    ماله منظرنا قصاد العالم منورين الدنيا كلها بثورتنا
    واللامبارك مش هيموت ربنا هيمد في عمره علشان يتطس حكم يطلع من نافوخه
    ونافوخ اللي يتشدد له

    ReplyDelete
  11. freedom4ever2520 July 2011 at 16:32

    على الله بقى تفوقي بقى من النومه الطويله اللي انتي نايماها انتي والنشطاء السياسيين (يارب تفوقوا بقى زي ما ابراهيم عيسى بدأ يفوق ويفهم اللعبه لما اتكلم عن الداخليه ودورها في تزوير الانتخابات واللواء اللي كان ماسك الانتخابات سنة 2010 دلوقتي بقى مساعد وزير واللي كان وكيله سنه 2010 بقى هوه اللي ماسك الادارة دلوقتي ( امتى بقى هتفوقوا وتبدأو تتكلموا عن اعادة هيكلة الداخليه والقضاء والاعلام " بأعتبارهم اداة تزوير الانتخابات القادمه " اللي ساعتها لما تتزور لصالح بعد المحسوبين على النظام بالاضافه لبعض المرشحين السلفيين ونسبة معقوله يأخدها الاخوان المسلمين --- ساعتها ماحدش منهم هيوافق ان الانتخابات مزورة سواء عن تواطؤ او عن عدم تأكد لان الدوائر اللي هينزلوا فيها هينجحوا فيها ومش هيبقى عندهم دليل على التزوير (( ده المخطط الشيطاني اللي هيعيد بيه المجلس العسكري انتاج نفس النظام القديم وساعتها هيبقى الشعب ضد الشعب مش الحكومة ضد الشعب)) وسلمي لي على الثورة

    ReplyDelete
  12. wolf20 July 2011 at 19:21

    للاسف المجلس ده هو رأس الفلول ولكن للاسف مفيش حد عارف يصده ولا يقوله عينك حمرا!

    ReplyDelete
  13. Ahmed . M . Abdulrahman20 July 2011 at 20:39

    انا بصراحه عايز اضحك

    دا حسنى غلب كل ممثلين مصر

    دا كل ما تيجى سيره الحساب و المحاكمه

    يقولك جاله تضخم فى القلب و المراره معرفش مالها و جاله استسقاء

    انا نفسى افهم حاجه هو قلبه بيكبر كام مره فى السنه

    وبعدين الى عنده استسقاء معروف كده ان يا امه عنده فيرس كبدى

    يا اما عنده تليف او فشل كبدى

    و الامراض دى كلها بتاخد فتره طويله دا غير ان بيبقى لها تاثير واضح ع الجسم

    ابسط مثال تضخم البطن ناتج عن الاستسقاء


    هو بقى قبل ما يتنحى او يخلع او يتنازل او اي مسمى اخر

    لا كانت بطنه كبيره ولا كان كبده بايظ و لا كان قلبه مبطرخ

    انا بصراحه بكلمك بالعاميه النهارده لانى اتخنقت كفايا العذاب الى معيشينا فيه

    الخلاصه يانواره

    هناك ثلاثه احتمالات

    1- إما انه كات فعلاً و هذا تمهيد حتى لا يغضب الشعب المصرى و يثور ( احتمال متوسط )

    2- إما ان قصه الجنازه العسكريه هى ستار لتهريبه الى خارج البلاد ( احتمال معقول )

    3- إما ان قصه الجنازه هى عباره عن بالونه اختبار و حركه لاستعطاف الشعب لكى لا يحاكم مبارك ويدخل القفص او لكى يقضى عقوبته فى الجناح " الملكى " لا اعلم ان كانت هى بهذا المنظر فندق ام مستشفى

    وخلاصه الخلاصه

    ان من وراء هذه الاقاويل و المقترحات الجنازه العسكريه و غيرها هما اثنين

    فريد الديب ( المحامى الساقط )

    والمجلس العسكرى

    وانا قلت لكى هذا الكلام سابقاً

    المجلس لا يريد لمبارك ان يحاكم

    لا يريد

    ونحن فى اول المعركه

    و المعركه هى معركه صمود اكثر منها معركه غلبه

    البأس بأس الصمود

    وكالعاده

    سلام مؤقتاً يا نواره
    ___________________________
    الى عاوزنى يجينى
    misr25jan2011.blogspot.com

    تويتر : @htler1993

    ReplyDelete
  14. Unknown20 July 2011 at 21:08

    يا بختهم المصريين بيكي يا نوارة ..ده فعلا مش لازم يتعملوا حاجة وما تخافيش ولا حد حيعملوا جنازة , عقبالنا بقى في فلسطين نشوف اللي باعوا البلد مخلوعين كده ده انا زهقت وانا بقلهم يلا نعمل ثورة ..اعمل ايه بقى انتحر .... يا بخنكوا بمصر وعقبالنا في فلسطين

    ReplyDelete
  15. Hamza20 July 2011 at 21:46

    ؟

    ReplyDelete
  16. Hamza20 July 2011 at 21:52

    انضف من فيكم هو ابراهيم عيسي .. فارس بجد ... انت يا عزيزتي وشك اتمقت من الغل و السواد .... يو هاف تو ليت جو.... دعوا المحاكمات و بصوا قدامكم ... عارفه الزمالك خسر الدوري ليه ؟؟ علشان بص وراه ع الاهلي ... ركزوا ف كس ام اللي جاي.. احنا داخلين علي ايام سوده و... كفوا عن الاداعاء بانكم اوصياء علي الناس و ارتداء قميص عثمان

    ReplyDelete
  17. محمد حامد20 July 2011 at 21:53

    على نفسه قال يتعمله جنازه عسكريه قال ده احنا ما نبقاش رجاله لو سبنا حاجه زى دى تحصل

    ReplyDelete
  18. elzahraamegahed20 July 2011 at 22:29

    أنا إن شاء الله راجعه مصر فى أكتوبر
    لو الانتخابات كانت فى ميعادها والمخلوع اتحاكم حبا يا زين
    ما كنش يبقى خير وبركه لأنى ندامانه أوى إنى مانولتش شرف الشهاده فى الثوره وأهى تبقى ملحوقه
    بلااااااااااااش يامجلس احنا شعب بيعشق الموت

    ReplyDelete
  19. elzahraamegahed20 July 2011 at 22:32

    هو الشيطان مش منذر؟... الشيطان ما بيموتش فمحدش يشتغلنا ويقول مبارك مات ... مبارك ده بن حرام مصفى وما متش ومش هيموت إلا لما يبقى مصيره ونهايته عبره وآيه لكل ظااااااالم

    ReplyDelete
  20. NAGWA20 July 2011 at 22:41

    فكي ام الخطوبة دى بقلك أهه هه
    قال مات قال
    ألطف تعليق واحد قال هتبقى أول جنازة ينزلها الناس ملط من انهم مش قابلين تكريمه وهتبقى جنازة مميزة
    ههههههههههههههههههههههههههه
    سمعينا أنك رمتيله الدبلة بقلك أهه
    يا قمر ما عاش من يولع قفاكى

    ReplyDelete
  21. mohamedngm200020 July 2011 at 23:09

    ربنا اكبر من الكل ..يخططوا زى ما يخططوا و امر الله نافذ
    و لا تحسبن الله بغافل عما يعمل الظالمون انما يؤخرهم ليوم تشخص فيه الابصار

    ReplyDelete
  22. torero21 July 2011 at 01:11

    انتوا ليه فاكرين ان الجنازة العسكرية دى حاجو حلوة اساسا ؟
    انتوا عاملين زى العيال و الناس العواجيز اللى فى السلطة بيلعبوا بيكوا و كل شوية يرموا ليكوا موضوع عشان تختلفوا عليه ؟ ! فوقوا بقا
    الجنازة العسكرية حلوة !! احنا اللى عودنا على كده حكومة العسكر بتاعة عبد الناصر لكن من الاخر اهي كلها موتة والسلام وبعدين تفتكرى فى حد هيطلع ويمشى فى الجنازة دى اساسا؟
    يا بنت الناس ربنا اسمه العدل و عشان كده الراجل ده مش هيموت دلوقتى . اهدى بقا وركز فى مستقبل مصر من الفلول و الجهلة والاغبياء

    ReplyDelete
  23. ماجد الجلاد21 July 2011 at 01:26

    يعنى جت على دى يا نواره؟!
    طيب انتى عمرك شفتى شعب عمل ثورة كيفت العالم كله وبعدين سابها وراح يتفرج على التلفزيون!!
    شعب استكتر على نفسه الكرامه

    ReplyDelete
  24. hardway21 July 2011 at 02:23

    مولع نار قفايا دلوقت
    ................................
    نـرنـر...معقول قفاك هو المولع نار؟؟؟
    ايه يانرنرما تبطلي الكلام المولع ده
    مرة رايحة أستحمي...ومرة قفاي مولع
    هي مش ناقصة هيجان...أحبك و أنت مولع

    ReplyDelete
  25. lailol21 July 2011 at 06:14

    يا نواره انا قلت لك من الاول ان طنطاوي والمجلس الاعلي دول رجالة مبارك ما صدقتنيش عشان كده اخدت علي قفاك الما بقي بالنسبه للي بيدافعو عن الجنازه واول من روج لهذا الكلام كان صاحبك ابراهيم عيسي بالفيلم الهندي اللي طلعه ثانيا بطلوا بقي افتراء علي الرسول عليه الصلاة والسلام فالرسول وقف لواحد يهودي مش واحد خاين وقتال قتله وحرامي بطلوا بقي الكلام ده عشان عارفين ان الشعب المصري طيب ومتدين فمره تقولوا عليه بيعيط ومره عنده اكتئاب ومره ده راجل كبير ودلوقتي بتقولوا الرسول وقف في جنازة واحد يهودي طب هو كان يهودي مدفوع لكم كام ولا وعدوكم بايه يا منافقين

    ReplyDelete
  26. lailol21 July 2011 at 06:35

    والله لو ده حصل لاجيب عربية مليانه حجاره وطوب وارجمها ولو شفت اولاده حاكلهم باسناني وبعد كده افتح الخشبه واشوفها فاضيه ولا مليان لو شفته فيها ححرقه ولو كانت فاضيه حاحرق طنطاوي

    ReplyDelete
  27. esraa21 July 2011 at 07:29

    ايه حكاية الباعة الجائلين يا نوارة و ايه الي حصل في الميدان واما انتو عارفين من الصبح ان فيه مشاكل هتحصل و انها هتحصل من جوة الميدان موقفتوش ناس محترمين ليه على البوابة و بالمناسبة الخطة كلها اتنشرت في 6 ابريل مباشر الصبح باسم الراجل المسؤول عن البلطجية وبعدين الباعة والله والله فيهم ناس زي الفل انا واحد فضل يلعب مع بنتي في الميدان ويديها شوكلاتة و مرضيش ياخد مليم دول بيجروا على لقمة عيشهم بشرف وانا عارفة ان فيهم بلطجية

    ReplyDelete
  28. فارس بني خيبان21 July 2011 at 07:31

    يا جماعة فيه سوء تفاهم .... الدين والإنسانية بيقولوا انه يتعمل له جنازة لو مات لإن اكرام الميت دفنه لكن جنازة عادية زيه زي أي مواطن عادي. ما يتعمللوش جنازةعسكرية يتلف فيها بعلم مصر ويتنكس علم مصر عليه حداداً لمدة 3 أيام لأنه لا احترم مصر ولا علم مصر ولا اليمين الدستورية اللي حلفها بل بالعكس سرق ونهب وقتل واتعامل مع العدو واهان مصر و وقزم دورها واهان الشعب المصري وقلل قيمته قدام العالم ... خلاصة الكلام تفرق كتير الجنازة لما تكون عسكرية عما تكون عادية. احنا عايزين العدل مش الانتقام والعدل انه يتعمل له جنازة عادية مش عسكرية.

    ReplyDelete
  29. AhMeD RaDy21 July 2011 at 08:02

    للاسف يا نوارة

    هذا ما جعل الثوارة

    تصرخ .. انقذونى

    لا تتروكها لاحد

    ReplyDelete
  30. هراء لا داعى له .....21 July 2011 at 13:26

    يااااااااه يا نوارة


    لسا جاية تاخدى بالك دلوقتى



    دا إحنا لسا هنشرب الكام سنة إللى جاية على ما تتجمع الكتلة الحرجة للثورة تانى


    علشان نبقى نغنى كويس لمجلس مبارك العسكرى

    ReplyDelete
  31. rasha221021 July 2011 at 14:01

    الاغنبيه هايله

    ReplyDelete
  32. Passant21 July 2011 at 14:15

    النهاردة الغاء حكم رفع اسمه و اسم الحيزبونة من على الميادين بكرة بطلان قرار التنحى بعده مات و جنازة عسكرية و بعد بعده علطول جيمى رئيس

    ReplyDelete
  33. نور الدين21 July 2011 at 17:33

    لا انتي غلطانه يا نواره احنا نعمله جنازه عسكريه ونرجع ابنه ونمسكه اليلد ونموتلوا كام الف شاب كمان ...كده زي القرابيان بتاعة زمان في العصور القديمه....نفختونه......ايه الكفر ده هما الناس دي ايه مش ناسيه انهم كانوا الكلاب بتعوه وعيزنوه ملك عليهم علي طول ايه ده يا ناس دي ثوره وقامت ضده يعني ضد الظلم والقتل والفساد والغدر والسرطان وفيرس سي والعباره عايزنه ننسي كل ده ونعمله جنازه عسكريه ده انتوا معملتوهاش للماتوا من الثوار تعملوها لابن الكلب ده ايه القرف ده..والنبي ما حد يجيب سيرت الطلعه الجويه وحرب اكتوبر والكلام النفخ ده عشان هو مكانش بيحارب لوحده ومعلومه هو نفسه محترمش التاريخ العسكري لراجل انضف من اهله هو اللواء الشاذلي اللي كان القائد بتاعه شوفوا عمله ايه في الراجل بعد كده ابقوا كلموني علي التاريخ العسكري..وعلي فكره انتوا كده بتجيبوا اخرنا معاكوا عشان للصبر حدود واتعلموا من تاريخكوا شويه بقي عشان انتوا لو بتقروا تارخيكوم كنتوا عرفتوا انكم بكده مش حتبقوا في الجانب الشريف او بمعني اوضح حتبقوا في مزبلة التاريخ عشان في البلد دي شباب مش حتسمح للي فات يرجع تاني وده مش عشان نفسهم لا ده عشان دم الناس اللي ماتت ميروحش هدر الناس اللي ضحت عشان اولادهم واهلهم يعيشوا بجد احرار مش كلاب ....زمن امشي جنب الحيط خلص ...زمن امشي جنب الحيط خلص....

    ReplyDelete
  34. حسن محمد على21 July 2011 at 19:36

    الحاكم اللص خائن - مش بس كدة -دة قاتل مأجور كمان, لايستحق اية جنازة عسكرية, دة بستحق ضربة بالنعال - هوة واللى حايعملولة جنازة عسكرية يبقوا زية تماما,والبيض الممشش بيدحرج على بعضة.

    ReplyDelete
  35. hayat ank21 July 2011 at 21:33

    ماشى يا استاذه مش المجلس ده الى قعدنا شهور نقولك عليه هو مبارك تقولى لا ماحدش يشتم فى الجيش على صفحتى والضباط بتوع 8 ابريل مش انتى الى بلغتى عنهم وسلمتيهم تسليم اهالى وقعدتى كتير تسنى اسنانك عليهم انا عارفه انك حسنه النيه بس ايه مابتسمعيش الناس ساعات اقدر تضحياتك بس انتى وناس كتير غلطوا غلط كبيييييييير والغلطه منكوا بفوره يا قمر وادينا اهو شايلين الطين بسبب انكوا صممتوا على رايكوا

    ReplyDelete
  36. حسن محمد على22 July 2011 at 09:48

    مازالت عملية اختيار وزير الطيران تتم كما فى عهد مبارك , فالمنصب محجوز لرئيس اركان القوات الجوية او لقائدها , كذلك مناصب رؤساء مجالس ادارة كل شركات الطيران الحكومية,كأبعادية ومكافئة نهاية الخدمة.المهم ان هؤلاء اللوائات اجهل من دابةفى الوظيفة الجديدة المغتصبة, و لم يتعاملوا مع الجانب الاقتصادى أوالاتفاقيات الدولية المنظمة للطيران المدنى وبالتالى فهم عالة ومرض مزمن فى قطاع الطيران المدنى

    ReplyDelete
  37. متفائل22 July 2011 at 13:16

    الجنازة لا تصير جنازة إلا إذا مشى الناس فيها .. وبقدر عدد الماشين يكون قدر المتوفي وحب الأخرين له .. خلوهم يعملوله جنازة عسكرية ولا حتى عادية .. ما تفرقش .. كده ولا كده حتبقى عرة الجنازات وأكبر فضيحة أمام العالم أجمع .. ثم ما معنى الكلام عن الجنازة دلوقتي ؟ .. مش لما يموت الأول ؟ طب أيه رأيكم بقى إن بسلامته حيقفل المائة عام

    ReplyDelete

Note: only a member of this blog may post a comment.