Monday 18 July 2011

طب على الله

 تحديث:
اتفضلوا.. ادي اخرة النومة في الشارع مخي ساح.. البلوجر عامل نظام جديد جيت انشر التعليقات بدل ما انشرها مسحت التعليقات اللي كنت نشرتها... انا اسفة لاصحاب التعليقات دي غلطة... مسحت ميت تعليق جاتني خيبة
------------
انا مش فاضية اكتب بوستات عشان انا في الميدان بايتة من يوم 8 يوليو، بس بارجع استحمى بس هههههه
بس وجدت انه من الضروري اقول كلمتين كده:
الاوشاعات كترت، وبقالهم من اول الاعتصام عمالين يرجوا اشاعات ان الجيش حيحتل ميدان التحرير بالقوة وحيضربنا ويكسرنا ويموتنا.. يامي يامي يامي... على الله يعملها
اولا: عشان يطلع اللواء الرويني انه بيقول كلام مش صحيح
ثانيا: عشان العشرين مليون اللي روحوا عشان وراهم شغل ينزلوا له تاني... وهو العشرين مليون نزلوا الا لما الامن ضربنا يوم 28؟ 
حتى لما تحب تتخض من اشاعات ابقى اعقلها شوية والنبي، الناس اللي في الميدان روحها في مناخيرها ومستبيعة على عمرها وسبب نزلتها من بيوتها ونومتها في الشارع هو حرقتها على الشهدا، وبيقولوا: يا نجيب حقهم يا نموت زيهم.. اللي حيدوس لهم على طرف هو الخسران
at

21 comments:

  1. Hamada18 July 2011 at 15:51

    اللواء الروينى قال على بلاطة ان البلد كلها فى ايد الجيش طبقا للإعلان الدستورى من حق المجلس اختيار رئيس الوزراء والوزراء ونوابهم، طبعا انا مش فاهم ده ايع علاقته بالاستفتاء والشرعية اللى خدوها بالاستفتاء، وبعدين تم الاعلان دلوقتى عن تأجيل قسم الوزراء للإختلاف على بعض الوزراء، يعنى المجلس بيأكد انه هو صاحب الكلمة العليا.

    ReplyDelete
  2. blueroseash18 July 2011 at 16:00

    تسلمي انت وكل اللي حضن جسمه التراب المسقي بدم الشهدا الطاهر على رأي بثينة كامل بتحجو في التحرير اللي يجاهد عشان بلده يبقى بمقام اللي بيحج كليوم اطلع صوركو من على التويتر اوريها لبناتي التلاته واقولها دول اشرف من في مصر عشان شايلينروحكة على كفكو زي الشهدا اللي سبقوكو بنتي الوسطانية قالتلي نفسي ابقى شهيدة ياماما واقعد معاهم يارب نولهالنا جميعا
    blueroseash

    ReplyDelete
  3. mizmawy18 July 2011 at 16:58

    الجيش ده مصرى،وفيه أخويا وأبوى وعمى،وأنا وأخويا وعمى وإبن عمى عالغريب،دول فاهمين إن الثوره دى صح،وقامت علشانهم وعلشان كرامتهم وكرامة مصر،إللي هى الوطن والسكن والحضن إللي بيضمنا كلنا،دول مش زي بتوع الأمن المركزي إللي بيتعملهم غسيل مخ وكبده وعينين وودان وبيضربوا وهم مش فاهمين بيضربوا مين وليه،لأ الجيش المصري زي ماهو صاحي للعدو ومايرضاش بالفساد،كمان هو صاحي للثورة وحيفضل يحميها للنهاية لإنها ثورته هو كمان بس الشعب إتحرك الأول سبقه بسنه صغيره.مش ممكن الأوشاعات دي تكون صحيحة وماتعديش بق إللي قايلها.ده مش فاهم جيش مصر يعني إيه.

    ReplyDelete
  4. rasha221018 July 2011 at 17:05

    ربنا معاكم و ينصركم و فخوره بيكي و بامثالك و طول ما مصر فيها منك حنبقي احسن انشاء الله

    ReplyDelete
  5. WINNER CADI18 July 2011 at 17:40

    SALAM NAWARA I WAS WORRY ABOUT YOU

    FAIZA FROM TUNISIA

    ReplyDelete
  6. Diaa18 July 2011 at 17:51

    حمد لله على السلامة

    ReplyDelete
  7. Hadeer Ghattas18 July 2011 at 18:15

    يا سلاااااااام!!

    منايا أشوف الجيش فى الميدان..

    ساعتها هايبقى التفاهم كده،، من غير اعتصامات ورسائل..

    هو يا ناس الحكاية إيه؟؟

    يعنى الجيش ما شافش إزاى الشعب كان ناسى كل حاجة حتى حياته عشان الهدف اللى قدامه..

    هم لسه ما عرفوش إن الناس خلاص صحيت وعمرهم ما هيناموا تانى؟؟

    يحتلوا الميدان؟؟

    طب على الله !!!

    ReplyDelete
  8. hossamomar10118 July 2011 at 18:38

    http://fe7obmasr-hossamomar10.blogspot.com/انا معجب بالمدونة جدا وباسلوبك البسيط وربنا يوفقك واتمني ان تقراي مقالاتي من علي هذا الرابط الخاص بمدونتي يعني مقالات علي قدي كدة بس كلة في حب مصر واتمني ان تقولي رايك بصراحة

    ReplyDelete
  9. hossamomar10118 July 2011 at 18:43

    http://fe7obmasr-hossamomar10.blogspot.com/انا معجب جدا بلمدونة واتمني ان تقرائي محتوي مدونتي
    وهذا هوا الرابط الخاص بي واتمني تعليقك علي ما اكتبية ويارب الرسالة ماتسحش اسف ماتتمسحش طول ما البلد فيها ناس زيك ناكيد الجاي احلي

    ReplyDelete
  10. Unknown18 July 2011 at 18:58

    تسلم ايدك نواره ولازم الكل ينزل

    ReplyDelete
  11. Egypt trend18 July 2011 at 20:27

    كنا مفتقدينك كتيرررررررررررررر وانتي نورتي البلوجركله وكنا عاوزين نعرف رايك في كلمة الفنجري والتعديل الوزاري الجديد ورايك في كل وزير منهم نفر نفر علي راي ريا وسكينة

    ReplyDelete
  12. biber boy18 July 2011 at 20:51

    وحشتينا اوى ................ و الله بحبك فى الله .

    ReplyDelete
  13. haroon18 July 2011 at 21:15

    والله ليكي وحشة ...وحمام سعيد ان شالله

    ReplyDelete
  14. hardway18 July 2011 at 22:52

    عاجبك طبعا النوم في الشارع..علي حريتك
    برضة تنفيس عن المكبوتات..شوية نتمشي علي الكورنيش..والخيمة قريبة لا مواصلات و لا ركن عربية..ولا زحمة وتغيير..الشباب كتير وعلي كل لون يا باطيسطا....
    عارفة يا نـرنـر لو تقدري تاخدي معاكي الدش..و تستحمي في الميدان..يااااااااه
    كده تبقي ثورجية..ثورجية علي حق ربنا
    أما حكاية الجيش حيحتل الميدان والكلام الفارغ اللي أنت نفسك بتروجيه وتحاولي أنه ينتشر..وان الجيش مهتم وقلقان جدا
    منكم وعايزه تحركي الشعور بالاضطهاد
    أنـسـي...أنـسـي..وتناسي ..الهرتلة دي
    أعتصمي..وعيشي..ونامي..وأصحي..أستحمي في الميدان كمان......ولا كأن في حاجة..
    سيرك بيتنصب في الليل والناس رايحة تغير وتتفسح والشباب جاي من أحياء القاهرة
    بيتفرج علي البنات وهي بايته في الميدان..بدليل في النهار العدد لا يتجاوز الالف بالبائعين الجائلين في الميدان.......
    خليكي في الميدان أنت وصحباتيك....
    أمانة ..أمانة عليكي..لما تجيبي معاكي الدش بلغينا بمواعيد الحموم

    ReplyDelete
  15. hardway18 July 2011 at 22:55

    عاجبك طبعا النوم في الشارع..علي حريتك
    برضة تنفيس عن المكبوتات..شوية نتمشي علي الكورنيش..والخيمة قريبة لا مواصلات و لا ركن عربية..ولا زحمة وتغيير..الشباب كتير وعلي كل لون يا باطيسطا....
    عارفة يا نـرنـر لو تقدري تاخدي معاكي الدش..و تستحمي في الميدان..يااااااااه
    كده تبقي ثورجية..ثورجية علي حق ربنا
    أما حكاية الجيش حيحتل الميدان والكلام الفارغ اللي أنت نفسك بتروجيه وتحاولي أنه ينتشر..وان الجيش مهتم وقلقان جدا
    منكم وعايزه تحركي الشعور بالاضطهاد
    أنـسـي...أنـسـي..وتناسي ..الهرتلة دي
    أعتصمي..وعيشي..ونامي..وأصحي..أستحمي في الميدان كمان......ولا كأن في حاجة..
    سيرك بيتنصب في الليل والناس رايحة تغير وتتفسح والشباب جاي من أحياء القاهرة
    بيتفرج علي البنات وهي بايته في الميدان..بدليل في النهار العدد لا يتجاوز الالف بالبائعين الجائلين في الميدان.......
    خليكي في الميدان أنت وصحباتيك....
    أمانة ..أمانة عليكي..لما تجيبي معاكي الدش بلغينا بمواعيد الحموم

    ReplyDelete
  16. Ahmed . M . Abdulrahman19 July 2011 at 00:00

    اولاً حمد الله على السلامه جزئياً ان سمعنا صوتك " مكتوب"

    ثانياً الجيش ميقدرش يفض اى اعتصام متصلت عليه الضوء و منظم و يتمتع بزخم كبير

    لان هذا معناه

    1- ان القوات المسلحه تتحدى الشعب

    2- المجلس الاعلى للقوات المسلحه فقد شرعيته

    3- الدخول فى مواجهة مع القوات المسلحه

    الجيش مش بالغباء ده ع فكره

    اما موضوع فض الاعتصامات ف دا شغل وزاره الداخليه

    وزاره الداخليه اعتمدت اسلوب جديد هو ان البلطجيه يعتصموا مع المعتصمين وذلك لتنفير وابعاد الاهالى عن الاعتصامات و تشويه صوره الثوره

    بالاضافه الى شراء ضعاف النفوس من المتظاهرين بالمال وذلك لمحاوله فض الاعتصام من داخل الاعتصام ذاته

    هذا الكلام حدث فى بورسعيد

    وخير مثال سيده التحرير التى كانت تخطف الاطفال

    جميعنا لا ننكر ان المجلس العسكرى يريد فض الاعتصامات

    ولاكن علينا جميعاً ان نعى انه لن يظهر فى الصوره لفض الاعتصامات

    وهذا حتى لا يفقد هيبته وشرعيته

    وكالعاده

    سلام مؤقتاً يا نواره
    ___________________________
    الى عاوزنى يجينى
    http://misr25jan2011.blogspot.com

    ReplyDelete
  17. Anonymous19 July 2011 at 00:07

    20 مليون اية ياقليلة الادب يعني مش كفاية انك قليلة ادب وكمان كذابة ما هو صحيح من شابة اباة فما ظلم

    ReplyDelete
  18. hazem mamdouh19 July 2011 at 00:37

    المجد للشهداء الوحريه للمصريين ونحن لن نترك حق الشهداء
    اما النصر واما الشهاده
    وسوف نسعى لتطبيق العدل والعدل اساس الملك
    سوف نسعى لمحاكمه الجناه والقصاص لدماء الشهداء الطاهره
    الله .. الوطن .. الشعب

    ReplyDelete
  19. Unknown19 July 2011 at 02:34

    الان. هجوم كاسح ومرتب علي معتصي ميدان المنشيه من كل الجوانب في محاوله مستميته لفض الاعتصام بالقوه المسلحه

    ReplyDelete
  20. Unknown19 July 2011 at 02:35

    عاااجل : ثوار بورسعيد يناشدون أهالي بورسعيد للنزول إليهم فورا ..ميدان المنشية يتعرض لهجوم من البلطجية من داخل الميدان ومن خارجه

    ReplyDelete
  21. محمد نور الدين19 July 2011 at 17:49

    ست الكل مساء الخير
    أنا غاضب منك كل الغضب يا النوارة
    طلبت منك خدمة صغيرة لا تكلفك جهدا ولا مالا فقط تمكنيني من رابط جريدة التحرير . فلا مكنتني ولا حتى رديت على الطلب .
    تحياتي

    ReplyDelete

Note: only a member of this blog may post a comment.