Saturday, 11 June 2011

الشرطة ابتدت تظبط الصحفيين

اهو صحفي اهو... مش سواق ميكروباص ولا توك توك ولا واحد غلبان، واحد صحفي.. ها؟
طب ايه؟ لو الشرطة قتلتني حتتحركوا طيب؟
طب يا رب تقتلني.. يا رب تقتلني، يا اما تتحركوا يا اما انا اكون ارتاحت
انتوا شفتوا الحلقة دي بتاعة دعاء سلطان؟


بلاش.. طب عرفتوا ان عمر سليمان رجل اسرائيل الاول في مصر، السفاح، قتال القتلا، اللي كان بيعذب بايده المعتقلين، اللي خلا واحد ليبي يقتل نفسه لما عرف ان عمر سليمان راجع يكمل عليه وصلة التعذيب حيرشح نفسه، واعلن ترشحه من جامع؟ فيه صحفية على التويتر اسمها دنيا قالت: هو عمر سليمان كان بيصلي لإله التعذيب في الجامع؟
ده كان بيضخ غاز مسمم في الانفاق.. غاز مسمم يموت بيه الناس كأنهم دبان بيرش عليهم فليت.. ده مش بس مطلوق، ده عايز يرشح نفسه رئيس وكمان فيه ناس متبنية حملته، الجاسوس اللي سنة 2007 في وثائق ويكيليكس كان بيتفق مع الامريكان والاسرائيليين على ضرب غزة في 2009 ويقولهم مصر مش حتطلب وقف اطلاق النار الا لما تخلصوا على كل سلاح حماس واحنا عندنا عملاء جوة نقدر نوافيكم بالتقارير.. عمر سليمان.. عمر سليمان، بتاع، باط هوين، هو انا باهاتي لوحدي ليه في موضوع عمر سليمان ده؟ وكل ما اسأل عليه ماحدش يرد عليا.. فيه ايه؟
طب كنيسة القديسين مش بيتحقق فيها ليه بقى مدام جبنا سيرة عمر سليمان
طب حماس مش بتقدم بلاغات ليه في عمر سليمان ده قاتل لها اخو قيادي بارز اللي هو يوسف ابو زهري
هو عمر سليمان ده شايل في بدلته حجاب المحبة والقبول ولا بيقرا سورة يس سبع مرات كل يوم ولا ايه؟ ماله محجب كده وماحدش بيعفقه ليه واخدته الجلالة وعايز يترشح؟

طب انا احب احمل القوى السياسية مسئولية كل اللي بيحصل من عودة الداخلية وعمر سليمان وبراءة مبارك وان شاء الله كلهم حياخدوا اعدام يوم ما مبارك يقول خطبة عيد العمال
عشان هم اللي قاعدين يتناقشوا في كلام في فارغ واسلامية ولا علمانية والدستور اولا ولا الانتخابات اولا.. ايه الهطل ده؟ كلكم حتموتوا
وانا حاكون مت من زمان.. بس قشطة، انا ما عنديش ادنى رغبة في الحياة
انا لا باكل ولا بانام ولو مصر دي مز باحبه وكارفني ما كانش حالي بقى عامل كده
وماحدش يقعد يشتم في الشعب ويقول بينضحك عليه ويقول عايز استقرار، بطلوا نصب وضحك على نفسكم، لو طرحتوا عليه قضايا اجماع وطني حيلتف حواليكم، لان المواطن اللي مش بيرضى ينزل في مظاهرة "الكفار اللي ضد المادة التانية" هو هو نفس المواطن القاطن بدير النحاس اللي مش بيرضى ينزل في مظاهرة الاخوان عشان "دول بيستغلونا" وحسبي الله ونعم الوكيل فيكم
ولا حادعي عليكم ليه؟ ما انت كده كده ميت ميت
والله الموفق
at

72 comments:

  1. كائن مهدد بالانقراض11 June 2011 at 04:17

    يعن انتى منتظرة ايه ؟؟؟
    والله انا عندى امل فى نزول الاقباط بعد شهر واننا ننزل معاهم نعهم ونرجع نتلم ونلم الشمل تانى معاهم
    ماهو طالما الفلاحيس بتوعنا خربوها وقعدوا على تلها يبقى نحاول مع اخواتنا المظاليم زينا واللى حقهم برده مرجعش

    ماتحاوليش يانوارة انك تعتمدى على حوادث الشرطة انها تحرك الناس تانى يا حبيبتى
    خالد سعي كان فلته
    وصعب تتكرر

    الامل دلوقت الاجماع زى ما بتقولى والاجماع هيجى من الشارع وانا عن نفسى لو الاقباط نزلوا انا هنزل معاهم


    كل مشاكل البلد مبتتحلش
    والحجة فئوية وفوزية

    خلاص احنا نرجعلكم الشارع ونحلها احنا

    ReplyDelete
  2. candy11 June 2011 at 04:18

    أنا حاسة أن الدنيا بقت فاضيييييية بعد الزحمة

    هى الناس كلها اتزاحمت على برامج التوك شو وسابت الأرش ليه ؟؟؟

    كانت أكتر حاجة بتعجبنى فى الثورة ذكائها وبُعد نظرها ؟؟؟ كانت حتى بكسفنى

    لأن كل اللى طلعوا حرامية قتالين قتلة ومنافقين أنا كنت شيفاهم ملايكة بجناحات

    بس دلوقتى الناس ساكتة على حاجات واضحة جداااااااااااا


    أسئلة كتير مالهاش إجابات ؟؟؟

    فين الحريات اللى فرحنا بيها شوية وقعدنا نقول مضى عهد تكميم الأفواه ، واللجان الشعبية عملت وسوت.

    لحد دلوقتى ثقى فى الجيش ما اتهزتش

    بس أتصدمت فى حكومة الدكتور شرف بصراحة ، كنت مستنية منها أكتر من كدة ، هما صحيح عاملين صفقة مع النظام ؟؟؟ وأسترنى إلهى يسترك يوم القيامة ؟؟ ولا مكسلين يشتغلوا ؟؟

    أنا حاسة أنى لو مكانهم بجهلى وهبلى حماستى كنت قلبت الدنيا

    أحنا عطشانين تغيير

    وطول عمرنا عارفين الحلول وحاسين أنها سهلة بس كنا عارفين ان "البلد دى مش بتاعتنا ، وماهى بلدهم يعملوا فيها اللى هما عايزينه" بس المفروض أنها بقت بلادنا خلاص

    ليه مش بنشوف "فى أوربا والدول المتقدمة" بيعملوا إيه وناخد من كل بستان زهرة ونكمل من عندنا بعبقريتنا اللى كل يوم بتبهر العالم ... فى التعليق والصحة والأمن وغيره وغيره ...

    إيمانى أن مصر هاتبقى أحسن


    بس صعبان عليا غباء الثورة من بعد ذكاءها

    وصعبان عليا برودها من بعد حماستها

    صعبان عليا تراخيها من بعد حماشتها

    صعبان عليا مصر :"(

    لكى الله يامصر

    ReplyDelete
  3. AMIN11 June 2011 at 04:19

    عمر سليمان اللي اجتمع مع قادة الاخوان بإعتراف واحد منهم ؟؟
    تقريبا والله اعلم عمر سليمان ده ماسك بلاوي سودا على خلق الله كلهم واللي هيقرب منه هيبرز السي دي اياه

    ReplyDelete
  4. Anonymous11 June 2011 at 04:23

    للأسف عندك حق يا نوارة ! .. و خايف الناس تبتدي تفكر تقوم وهي بتموت او هم عايزين يعملوا ثورة تانية يموتوا فيها الشعب كله المرة دي !

    ReplyDelete
  5. brockio11 June 2011 at 04:34

    عرفتي كمان ان كلمة الرئيس المخلوع اتمنعت في التليفزيون؟
    طيب عرفتي ان المجلس العسكري هينزل قانون للنشر الالكتروني؟
    طيب اكيد انتي عارفة ان نفس المجلس العسكري رافض يحل المحليات لحد ما مجلس الشعب الجديد ييجي عشان يصدر هوا قانون جديد

    خلاص خلصت الدنيا قلبت على اسود في اسود واكتشفنا ان كان فيه محاولة لثورة في مصر لكنها فشلت

    ReplyDelete
  6. kbahey11 June 2011 at 05:46

    طب خدي عندك كمان

    اخر مرة كنتي بتعدي قتلى الشرطة بعد الثورة كانوا كام؟ ثلاثة مش كدة؟ و واحد مرمي متكلبش في المستشفى

    خدي عندك اثنين كمان، سواق توكتوك في كوم حمادة، و اتهموه على طول انه مسجل خطر فرض سيطرة.

    شوفي شهادة قريبه هنا انه مالوش دعوة بالبنت اصلا و لا عاكسها

    http://www.facebook.com/SSLeaks/posts/179603408765246

    و في اخر الموضوع في رابط لفيديو شهادة واحد ايد نفس الكلام و قال ان امين الشرطة ضربه ثلاث رصاصات في قلبه و ان امناء الشرطة اتلموا بس ما حدش حاول يسعفه

    انا شفت الفيديو بعيني قبل ما رصد يحذفوه

    و الاعلام متخبط في الموضوع لسة، او يمكن لسة المعلومات مش متوافرة له، و قصة الداخلية بس هي اللي عندهم

    و في واحد تاني مات ضربا بالشوم في الفيوم

    بقوا خمسة كدة؟

    طب كمان: مش عايز اقول قصة سلمى الصاوي لغاية ما نتأكد انها صح، بس عصام شرف قال في حالتين تانيين، كاريمان و واحدة تانية

    طب خدي عندك كمان: المجلس العسكري بيتحجج انه مش عايز يحل المحليات ان القانون بيقول في ستين يوم لازم يعملوا انتخابات. و ان لازم حكم محكمة. طب يا بهوات كنتوا حليتوا مجلس الشعب ازاي من غير دة و لا دة؟

    طب كمان: المجلس العسكري حيطلع قانون اعلام

    طب كمان: قانون تجريم الاعتصامات

    ReplyDelete
  7. samysalah711 June 2011 at 07:01

    نوارة رغم إختلافي معاكي في بعض الأشياء وأهمها نظرتك للشيعة بس حقيقي أنا بعزك وبيعز عليها القهرة اللي إنتي فيها. بس أحب أطمنك إن شاء الله الحال هيتعدل قريب ومصر هتلبس ثوب جميل، مصر هترجع أم الدنيا وتلبس ثوب تقر به عينك وعين كل من يحب مصر، مصر يا نوارة هترجع تنور، بس أوصيك بالقرآن وكثرة الذكر.وإن شاء الله هتدعيلي على البشرى، بس أوعى تنسي الدعاء لي بظاهر الغيب

    ReplyDelete
  8. Anonymous11 June 2011 at 07:03

    http://www.facebook.com/l.php?u=http%3A%2F%2Fwww.dostor.org%2Fpolitics%2Fegypt%2F11%2Fjune%2F9%2F44651&h=abb31
    لو سمحتي يانوارة عاوزة أعرف مكان الجلسة القضائية فين عشان أنزل أنا وأصدقائي لمساندةالفخراني في قضية مدينتي

    ReplyDelete
  9. rasha221011 June 2011 at 07:20

    اصمدي ارجوكي و بلاش رنة اليادس اللي بقالها مه دي لانها معديه ،احنا محتاجينك ( ب الدات ان بلال فضل كمان بطل يكتب) ،الفساد و البلاده زادوا عارفين !!!!! زي المسئول اللي طلع يقول ليسري فوده "احترت في امركم يعني المساجين الميتين دول مش بني ادمين ؟ نرميهم؟"، مغالطه عيني عينك و بجاحه صعبه حد قال مش بني ادمين ؟ بس لو مساجين ما تلفهومش قي علم مصر و تقول شهدا ، بعني ان ده ما كانش اهانه للشهدا و للشعب فهو اهانه ليهم هما انهم ما يتسلموش لاهاليهم مع معرفة انهم هربانين من سجن الفيوم ، يعني المفروض يتعرف هما مين . ما علينا كملي يا نواره ....كملي اوعي تياسي احنا محتاجينك

    ReplyDelete
  10. Jameel11 June 2011 at 08:43

    ست نوارة صباح الخير
    مش عاجبني الإحباط و التشاؤم اللي إنتي فيه . لا شك إنو فيه أشياء كتير نود لو تتحقق بأسرع ما يمكن و أشياء أخرى أكتر يجب أن تجتث بحكم إنو حدثت ثورة. و لكن على الجانب الآخر الثورة حققت المعجزات وفي وقت قياسي, لقد أسقطت قمة النظام الفاسد و البقايا (الفلول و المنتفعين) تلقوا ضربات قوية و هم يترنحون الآن محاولين إستعادة توازنهم مستعينين بكل ما يمكن أن يحصلوا عليه من دعم داخلي و خارجي, لكنهم يترنحون.
    هناك مئات الآلاف و قد يكون ملايين من المنتفعين من النظام القديم و هؤلاء لا هم لهم غير المحافظة على مكتسباتهم و حماية أنفسهم و هم في هذا و من منطلق و حدة المصلحة و العدو المشترك ( قوى التغيير و الإصلاح ) متحدين اليوم مما يمنحهم قوة كبيرة و إن كانو يترنحون.
    المشوار طويل و قد يستمر لسنين حتى يتم التغيير السياسي و الإجتماعي اللازم لترسيخ مكتسبات الثورة و من المحتمل جدا أن تحدث إنتكاسات , لا يوجد حل آخر غير المثابرة و الضغط المستمر و تقديم التضحيات وفاء لدم الشهداء , لا مكان اليوم للإحباط و التشاؤم اللذي قد يؤدي لليأس و التخاذل. اللي كافح و ناضل و إتضرب و إنسجن قبل 25 يناير , المهمة بالنسبة له اليوم أسهل بكثير. إذا إنتو حتشكو , يقولو إيه اللي في اليمن و في سوريا؟ متجمدوا بقا !
    الخطر الأكبر اليوم و كما كان قبل الثورة من الأجهزة القمعية متمثلة بوزارة الداخلية (بكل أجهزتها ) و من الإعلام الرسمي و بعض الخاص الذي ما يزال يدس السم في الدسم بدليل عودة الوجوه الكالحة المقيتة و إن تغير الخطاب و لم يتغير الهدف منه.

    السلاح الأكبر بيد الثوار هو القدرة على الحشد و لا حشد إلا بإجماع شعبي و لا إجماع شعبي إلا على العدالة الإجتماعية و محاربة الفساد. سيبكم من جدل الدستور ولا الإنتخابات و الكلام الفاضي , ايه قيمة الدستور إذا لم يحترم و هوه الدستور الملغي كان بيسمح بالتزوير و الفساد. فلتفتح ملفات ألعدالة الإجتماعية والبداية الموازنة الجديدة وكيف أن الجميع يتفق على أنها ما تزال تنحاز بوساخة للأغنياء و ضد المواطن اللذي خرج للشارع يطالب بالحرية و العدالة. هدر المال العام و الرواتب الخيالية و الصناديق الخاصة و المحسوبية, هذه القضايا هي اللتي تمس المواطن مباشرة و يحس بها في تعاملاته اليومية وهي اللتي ستجمع الناس الآن و تسحب البساط من تحت أقدام أعداء الثورة.
    آسف على الإطالة.

    ReplyDelete
  11. حلم بيعافر11 June 2011 at 09:07

    دول رجعوا يصدروا غاز لاسرائيل يانوارة مستانية ايه؟
    ثورتنا اصبحت على المحك

    ReplyDelete
  12. Anonymous11 June 2011 at 09:10

    انا اجزم ان اللي بنشوفه ده جاي من حالة احباط عامة اصابت الجميع

    كل الشباب والناس اللي حركت وشاركت بالثورة حاسين ان مفيش أمل خلاص العواجيز مسيطرين علي البلد بغبائهم التغيير لم يطل كل القطاعات للأسف التغيير طال مجموعة من الرؤؤس فقط التلفزيون المصري مازال يغني للثورة وللجيش ليل نهار كما كان سابقآ يغني لمبارك الجرائد القومية نفس الرتم وبصراحة ربنا فيه حاجة اقوي من الثورة وهيا المصريين نفسهم

    ياجماعة اللي قاموا بالثورة ربع سكان مصر فقط باقي المصريين عايشين الجهل والتخلف شوفتوا حادثة كوم حمادة اول امبارح 4 طلعوا يخطفوا واحدة من وسط محطة قطار ولم يقاومهم احد ولما امين شرطة هاجم البلطجية وقتل واحد وهرب الباقيين راحوا جابوا اهل القرية بحجة ان امين شرطة قتل واحد منهم قوم ايه ؟؟ قوم اهالي القرية ولعوا في محطة القطار !!! بالله عليكم ده شعب مستنيين منه احلامكم ده شعب ينفع تكلمه وتقوله حقوق الأنسان زي البرادعي ولا تروح تقوله مدينة العلم زي زويل ولا تقول التنمية زي الباز ولا تقوله السياحة زي منصور عامر امبارح علي الحياة ده شعب تروح تقوله روح لم الجلة واكل الجاموسة واقعد تحتها انا اسف علي التعبيرات بس بصراحة انا اتخنقت وخلاص مبقتش فخور للأسف اني مصري !!!

    ReplyDelete
  13. الصحفى سعيد شتا11 June 2011 at 09:47

    طول ما بوز الإخص قاعد ولا رايحين ولا جايين لأنه على راسه بطحة

    ReplyDelete
  14. hosseiny shatat11 June 2011 at 09:59

    واضح ان مهمتك انك تخلينا نيأس ونقعد نولول زي النسوان ونكره نفسنا
    واضح ان حضرتك وإل زيك عايزين تفقدونا أفضل شيء إكتسبناه وهو ثقتنا في نفسنا
    لو تسرب إحساسك ده لنا مش هنمشي خطوه واحده لقدام
    فبدل مانتي قاعده تولولي إدينا أمل
    قولي عملنا كتير كتير ونجحنا كتير كتير ولسه قدامنا أكتر وأكتر
    هي دي الروح ال عايزنها
    روح الامل والتفاؤل مش روح الإنكسار والهزيمه
    حرام عليكم ال بتعملوه في الشباب والبلد

    ReplyDelete
  15. khaled11 June 2011 at 10:22

    أنا باحمد ربنا إنك بتفوقى يا نوارة
    و يارب ترمى طبة المجلس العسكرى كمان للأبد و تعرفى إنهم مش أكتر من بقية نظام مبارك فى الحكم هما مثبتينا و كل شوية يقولو إفتكروا إننا ما أصدرناش أوامر بضربكم بالنار رغم إن الأوامر صدرتلنا و بيشيلونا جمايل ولا ليها لازمة هما لو كانوا متأكدين إنهم لو أصدروا أوامر للوحدات على الأرض بضرب النار الوحدات هاتستجيب ماكانوش ترددوا ثانية واحدة لأنهم كانو عايزين ينهوا الثورة بأى شكل و إفتكرى الطيرات الحربية الأمريكانى اللى كانت بطير فوق دماغنا فى التحرير علشان ترهبنا و تخوفنا و إفتكرى خيانتهم و تواطؤهم علينا يوم معركة الجمل لما فتحوا الميدان و المدرعات فتحت السكة للحوش يهجموا علينا و دخلوا الدبابات و قفلو على نفسهم و سابوا أشرف و أنضف ناس فى البلد تتقتل و تتدبح و هى معهاش حتى اللى تدافع بيه عن نفسها تفتكرى يا نوارة لو البلطجية إنتصروا اليوم ده و الميدان كان فضى و الناس هربت أو إتقتلت كان هايبقى موقف المجلس العسكرى إيه ساعتها؟ كانوا هايكملو هما الثورة و لا كانوا هايروحو مع الكسبان؟
    يا نوارة المجلس العسكرى اللى كان شايف و عارف-لأنهم مش هبل- البلد و هى بتغتصب 30 سنة و ماحدش فيهم حرك ساكن رغم إنهم أقوى جبهة فى البلد و لو كانوا إتحركو فى أى لحظة كان كل الشعب هايبقى معاهم تفتكرى اللى عنده كل الإمكانيات دى و فضل سايب البلد بتغتصب كان ضعيف و أهبل ولا كان واكل حتة من التورتة و علشان كده كان ساكت؟

    ReplyDelete
  16. د. هانى احمد11 June 2011 at 10:51

    الحريه لم تخلق الا لمن يحملون ارواحهم على اكفهم.. فليحمل كل ثائر كفنه على رأسه مثل اخواننا فى السودان ولنطلب الموت لتوهب لمصر ولنا ولاولادنا الحياة.. لا يأس مع الحياة.. ولا حياة مع اليأس

    ReplyDelete
  17. lavender11 June 2011 at 11:19

    خذو بالكم ان اللي ضرب الصحفي و لخبطله وشه هم الطلبه المحترمين اللي عاملين مظاهره مش الشرطه - و اللي وافقم يقدموا فيه بلاغ هم برده الطلبه - حتي لو الظابط هو اللي قالهم قدموا بلاغ ما كانش في حاجه تجبرهم - و بعدين سؤال مهم هم الطلبه ضربوا الصحفي ليه اصلا يا تري؟ - في حلقه مفقوده - و خذوا بالكم الصحيفه نفسها بتاعت الصحفي هي اللي بتقول ان الطلبه هم اللي ضربوه مش الشرطه

    ReplyDelete
  18. mahmoud11 June 2011 at 11:26

    انتي غلطانة انك مش بتاكلي ومش بتنامي اعملي اللي عليكي والباقي علي ربنا وخلي عندك ثقة في الله اما بخصوص كلامك فلو شوفتي حلقة بلال فضل امبارح تعرفي ان الداخلية مشغلة البلطجية لحسابها وهم علي بعض ميليشيات مسلحة تحتل السلطة التنفيذية في مصر بقوة السلاح ويمكن لو حاولنا نفصلهم فلول الوطني ينسقوا معاهم ومع الحرس الوطني واسلحة مخازن الامن المركزي تطلع وتبقي تصفية دموية لملايين من الشعب وحرب اهلية الجيش مش عايزها ده لو نيته سليمة طب الحل السلمي ايه لو الجيش نيته سليمة تغيير جذري لكلية الشرطة بحيث نضمن ولاء الاجيال الجديدة للشرعية مش للعصابة والرمم اللي في مراكز مهمة نمشيهم واحدة واحدة يعني نطهر المؤسسات بالتدريج ولما المجموعة اللي موجودة دلوقتي سواء في الداخلية او مؤسسات الدولة عمرهم الافتراضي يخلص نجيب احنا الجيل اللي بعده بمعرفتنا بعد عمل تغيير جذري في كلية الشرطة وكده ماحدش يزعل ونستعيد بلدنا علي المدي البعيد اما لو الجيش مش عايز وامريكا قررت ان الوضع يبقي كما هو عليه ده بقي موضوع تاني وانا مش في الكواليس وماقدرش اتابع اللي حيحصل في كلية الشرطة وغيرها الا من خلال استقبالي للنتائج ومتابعتي للاعلام وربنا يستر

    ReplyDelete
  19. Magdy El-Serafy11 June 2011 at 11:33

    عمر سليمان انتهى أمره سياسيا. مش انت بتثقى فى الشارع؟ ممكن الشارع يدى أدنى اهتمام سياسى بسليمان؟ و الفضل لمبارك اللى حرق كارت سليمان و شفيق بجرة قلم. كان زماننا بنعانى من محاولة كشفهم (زى موسى و أصعب). و الديب ده ايه أهمية أى حاجة يقولها؟ ده المحامى بتاعهم. عايزاه يقول ايه يعنى؟
    ما تحرقيش دمك على تفاهات مستفزة.
    و الشرطة كمان لازم تثقى فى غبائهم. بيحفروا لنفسهم قبورهم بعنادهم و قسوتهم و إجرامهم. الأهالى اللى كانت بتقول حالتهم النفسية وحشة عرفوا حقيقتهم المتوحشة و سوء قصدهم

    ReplyDelete
  20. Human11 June 2011 at 12:43

    انا مبسوط اوي انك محبطة و يارب تكتئبي و تنتحري خلينا نخلص من هستيريا بتاعتك و التسخين و سوق الهبل على الشيطنة... هو انت الوطنية و كل الباقي قتالين قتلا و حرامية؟؟؟ و هي الوطنية تصوت في انصاص الليالي و تقول الحقينا يا جزيرة ملناش غيرك ياجزيرة الجيش ضربنا و مش عاوزنا نفرش و ننام على باب مجلس الوزرا؟؟؟ ايه ده.... بجد بجد انت و اللي زيك عااااااار على مصر و شبابها

    ReplyDelete
  21. مش فاهمه11 June 2011 at 12:56

    انتى بتكلمى مين يا نوارة مين المخاطب فى التوبيك ده اللى بيتابعوكى و صدقوكى لما قولتى نقعد بقه و نسيب المجلس العسكرى يشوف شغله فاكره لما قلنا لك بلاش نسيب الميدان الا لما الأمور تضبط و ساعتها روحتى قعدتى مع البسطويسى اهو البسطويسى وقف حملته علشان لازم الدستور اولا .......
    فاكره فخ الأستفتاء من وقتها و احنا متبهدلين .....كان وقته دلوقتى الأختلاف ده ......صدقينى يا نوارة جزء من المشكله عندك زى ماهو عندنا احنا بنصدقك و لما بنشوف حاجه غلط بنقول فى الأخر جايه تبستفينا بدل ما نشوف حانهبب ايه فى اللى بيحصل انتى مش كنتى فى فرح باين الأسبوع اللى فات ولا نعرف عملتى ايه ........نوارة موضوع الدستور تعالى نشتغل عليه مالك عدلى عامل مبدارة كتابه الدستور ننزل و نعمل توعيه و اللجنه اللى تيجى تاخد برأينا و نضغط اكتر و اكتر فى كل الميادين و النقابات دلوقتى نعمل انتخابات نقابات و جامعات و نروح نحضر المحاكمات مع اهالى الشهدا و مع الفخرانى يوم 20 تقريبا و نكتب و نهز الدنيا ده الحل مش نقعد نلوم على بعض و نلطم و خلاص ............فوقى و احنا معاكى اتغطى بينا احسن ما تتغطى بالمجلس العسكرى اللى رجع الغاز لأسرائيل تانى و قفل المعبر تانى المتغطى بيه عريان يا نو نو

    ReplyDelete
  22. Ahmad Helmy11 June 2011 at 13:19

    8 يوليو مش بعيد يا نؤنؤ
    وان كان ع القوى السياسية فهى كلها ملهاش اى 30 لازمة اصلا من غير الشعب
    يعنى قوى سياسية من غير شعب ايه لازمتها ولا اى حاجه
    بس لعلمك نزولنا الميدان او نزولى انا بلاش اتكلم عن الكل وبصيغة الجمع اللى بتجيبلى الشتيمة لو نزلت مش راجع من هناك الا لما كل المطالب اللى طلبناها ( مطالب الثورة ) كلها تتنفذ
    لان غلطتنا بجد بجد بجد اننا سيبنا الميدان يوم 11 وفرحنا وانضحك علينا من الاخر

    ReplyDelete
  23. Ahmad Helmy11 June 2011 at 13:20

    8 يوليو مش بعيد يا نؤنؤ
    وان كان ع القوى السياسية فهى كلها ملهاش اى 30 لازمة اصلا من غير الشعب
    يعنى قوى سياسية من غير شعب ايه لازمتها ولا اى حاجه
    بس لعلمك نزولنا الميدان او نزولى انا بلاش اتكلم عن الكل وبصيغة الجمع اللى بتجيبلى الشتيمة لو نزلت مش راجع من هناك الا لما كل المطالب اللى طلبناها ( مطالب الثورة ) كلها تتنفذ
    لان غلطتنا بجد بجد بجد اننا سيبنا الميدان يوم 11 وفرحنا وانضحك علينا من الاخر

    ReplyDelete
  24. Ahmad Helmy11 June 2011 at 13:23

    قررنا نحن رئيس الجمهورية باعتبار ما سيكون ان شاء الله بعد 20 سنة الغاء الكلمات الاتيه : عجلة الانتاج , الناس مش عارفه تشوف شغلها , حرام عليكوا خربتوا البلد , بتعملوا فتنة طائفية , انتوا مبتفهموش حاجه , انتوا مخربين ,الاستقرار , الاقتصاد بيقع , السياحة انضربت على اساس ان مبقاش حد يسيح لحد دلوقتى
    وعلى من ينطق بتلك الكلمات تحمل المسئولية كاااااملة والعقوبة النفى فى زريبة مع اشكال تتبنى نفس الكلمات

    ReplyDelete
  25. Ahmad Helmy11 June 2011 at 13:23

    قررنا نحن رئيس الجمهورية باعتبار ما سيكون ان شاء الله بعد 20 سنة الغاء الكلمات الاتيه : عجلة الانتاج , الناس مش عارفه تشوف شغلها , حرام عليكوا خربتوا البلد , بتعملوا فتنة طائفية , انتوا مبتفهموش حاجه , انتوا مخربين ,الاستقرار , الاقتصاد بيقع , السياحة انضربت على اساس ان مبقاش حد يسيح لحد دلوقتى
    وعلى من ينطق بتلك الكلمات تحمل المسئولية كاااااملة والعقوبة النفى فى زريبة مع اشكال تتبنى نفس الكلمات

    ReplyDelete
  26. Ahmad Helmy11 June 2011 at 13:56

    This comment has been removed by the author.

    ReplyDelete
  27. Anonymous11 June 2011 at 13:58

    عموما مفيش مز ولا راجل هيبص عليك عارفة لية لانك عميلة

    ReplyDelete
  28. mido11 June 2011 at 14:17

    الله يرحم شهداء مصر ويرحمك يا نوارة على اعتبار انك متى والله يرحم كل الشباب ثوار 25 يناير والله يرحم تمانين مليون مصرى هتتصفى حرياتهم واحدة واحدة ولكن ليه احنا ساكتين ليه بنتكلم ونتكلم وبس والميدان فاضى يمكن عشان شباب الثورة مشغول فى تقسيم التورتة اللى على فكرة هيكتشفوا قريب انها مش تورتة دى شوية دقيق مسوس وساعتها هتكون خلصت وفات الاوان يا صاحبى

    ReplyDelete
  29. wagdy11 June 2011 at 14:17

    فى هجمة شرسة على الثورة لتحجيمها زى ظهور فريد الديب وتعليقه انه يبرىء عائلة مبارك والعادلى بمنتهى البجاحةىوالستخفاف بمشاعر وعقول الناس ...عودة توجيه الاعلام لمصالح معينة... عودة اسلوب الشرطة القذر....استبدال سياسة الارشاد والنصح الرومانسية لسياسة المجلس لسياسة الامر المباشر والامر الواقع..التحدى الواضح فى لهجة رئيس الكسب غير المشروع ...برغم اعتراف بعض الدول بان هناك ارصدة لمبار ونظامة وهذا الاعتراف كان بصورة رسمية...وغيرة كتير..كل هذا بسبب انقسام القوى السياسيه ومن هنا اوجه نداء اليهم بان يتحدوا مرة اخرى لاستكمال الثورة من اجل مصر ودم الشهداء

    ReplyDelete
  30. dr_abdog11 June 2011 at 14:56

    لقوى السياسية أصرت على تقسيم الغنيمة مبكرا ... في حين بح صوت العقلاء ان وقت تقسيم التورتة لم يحن بعد... ولكن لا حياة لمن تنادي...
    فدخلت القوى السياسية مع بعضها في صراع شرس ... وتسابق الاخرون في الترشح للرئاسة ونسوا عدوهم الاصلي المتربص بهم...
    وكانت النتيجة ان الذئب صار يستفرد بالغنم واحدة تلو الاخرى ... فاليوم الاسلاميين وغدا غيرهم ... والنتيجة...؟ عاد جهاز الشرطة وأمن الدولة في ثوب جديد وتم تأجيل المحاكمات ...ووو

    : قال تعالى

    { وَأَطِيعُوا اللَّه وَرَسُوله وَلَا تَنَازَعُوا فَتَفْشَلُوا وَتَذْهَب رِيحكُمْ وَاصْبِرُوا إِنَّ اللَّه مَعَ الصَّابِرِينَ }

    ReplyDelete
  31. Hady11 June 2011 at 15:18

    انا كنت واثق يا نوارة إنك محبطة زينا كلنا و بس هقولك اني عاوز من زمان اقولك اننا نازلين يوم 8 يوليو حتى لو كنا لوحدنا اهو يمكن نموت و نخلص... الموضوع مش موضوع تغيير المجلس اللي وصلنا لده دا غير غباء و جشع القوى السياسية و خاصة الاخوان و لكن الموضوع مش استبداله بفي شهر عشان مجلس ييجي شهر لأ... الموضوع لازم انهم يتحاسبوا حتى لو مافيش مجلس مدني... بالرغم من ان زي ماقولتي انهم برضه هيلعبوا بديلهم بس مش هيكونوا مشغلين الشرطة العسكرية و القضاء العسكري و السجون الحربية و ممكن يكون فيهم اللي يخالف التانيين و يفضحهم... بلاش تتوهي الناس اكتر ما هما تايهيين اساسا... ارجوكي سواء كده او كده هنطالب بإنهم يتحاسبوا على كل اللي وصلناله... هنادي بده و لو لوحدنا خلاص الثورة كده كده ماتت و ضاعت فا مش فارقة اجماع و لا غيره... خلاص يبقى نقف جنب الحق حتى لو لوحدنا... انتهى و فكري في اللي بقوله مبررات اللي قولتيه انتهت و الخلاف و الفرقة حصلم و الاجماع راح و الجهل و الانانية و الغباء و التآمر حلوا محل حلم الثورة و التغيير و الثورة اتباهت بلاش و المجلس بددها بذكاء و اشك انهم لوحدهم انا واثق ان دا مخططات بيدعمها سليمان و أمريكا و بيستخدموا الاغبياء... خلاص.. ماباقيش غير اننا نقف جنب الحق و لو كنا قلة الثورة انتهت املنا الاخير في يوم 8 يوليو بس دحرجي كرة الجليد و يا تدهسنا يا تدهسهم بس حركيها لأن كتير بدأوا يحسوا بالظلم و القمع و التمييز و الإضهاد و رجوع كل الاوضاع رجعت اسوء من الاول دحرجيها... ماعدش الا اننا يجب ان نقف بجانب الحق زي زمان كنا قلة بس مابطلناش و مش هنبطل... فكري

    ReplyDelete
  32. garahamira11 June 2011 at 15:27

    انتى ارهابية تخريب مصر

    ReplyDelete
  33. garahamira11 June 2011 at 15:29

    هو كل واحد مش لاقى نفسة على التلفزيون عاوز يعمل ثورة اتهدى ياشيخة ربنا يهدك

    ReplyDelete
  34. Egypt11 June 2011 at 15:32

    لكي الله يامصر
    لكي الله يامصر
    انشغلوا عنك بانانيتهم ومصالحهم الشخصيه, وتفككوا وجريو وراء امجاد شخصيه وسابوكي يابلدي ياحبيبتي واقفه وحيده في الضلمه وادولكي ظهورهم لاراشد ولامعين الا الله.
    لكي الله يامصر
    لكي الله يامصر

    ReplyDelete
  35. Egypt11 June 2011 at 15:33

    لكي الله يامصر
    لكي الله يامصر
    انشغلوا عنك بانانيتهم ومصالحهم الشخصيه, وتفككوا وجريو وراء امجاد شخصيه وسابوكي يابلدي ياحبيبتي واقفه وحيده في الضلمه وادولكي ظهورهم لاراشد ولامعين الا الله.
    لكي الله يامصر
    لكي الله يامصر

    ReplyDelete
  36. محمد نبيل11 June 2011 at 16:07

    الموضوع بتاع عمر سليمان والناس اللى قالتله رشح نفسك فى الجامع من وجهة نظرى عبارة عن فيلم هندى مترتب

    ReplyDelete
  37. متفائل11 June 2011 at 16:18

    طب ايه؟ لو الشرطة قتلتني حتتحركوا طيب؟

    ما الذي تقصدينه بهذه الكلمة (تتحركوا) ؟ إذا كنت تقصدين مليونية تطالب بتجميد عمل الشرطة كما كتبتي مراراً فهذا (تحرك) مرفوض ولا يؤدي إلا إلى الفوضى وسقوط الدولة .. التحرك المشروع الذي أفهمه هو التحقيق في الواقعة ومعاقبة المذنب كما يحدث مع المنحرفين من أي مهنة من مهن المجتمع كما كتبت لك في رد سابق وسردت لك أمثلة (مدرس قتل تلميذ - طبيب سرق كلية مريض .. إلخ) فالمجتمع حينها لا يتحرك في مليونيات تطالب بتجميد عملهم بل بالتحقيق في الوقائع ومحاسبة المذنب كما يحدث في كل بلاد ربنا .. أما بالنوسبة (أنا برضه دمي خفيف زيك) للأخ عمر سليمان فهو حر تماما في ترشيح نفسه لرئاسة الجمهورية والشعب حر برضه ينتخبه أو لا ينتخبه .. مش بتقولي شعبنا واعي وبيعرف يختار ؟ لماذا تحاولين إذن فرض وصايتك عليه ؟

    ReplyDelete
  38. hassn hamdi11 June 2011 at 17:35

    عمر سليمان موجود ومحدش بيجيب سيرته بكل بساطة لأنه هو من يحكم مصر والمجلس العسكري ستار
    لكن اطمئني
    مصر فيها رجالة

    ReplyDelete
  39. الميدان11 June 2011 at 17:47

    واضح ان عمر سليمان فيه حد بحميه والجيش مش بعيد عن ده اما بضغوط خارجيه او ضغوط فلوليه ده غير من من
    وقت الاستعداد لجمعة الغضب التانيه وفيه انقلاب علي الثوره ومحاولةالقضاء علي مكتسباتها او علي اقل تقدير تفريغها من مضمونها من اول بدايه ون تقسيم القوي السايسيه لاسلاميه وليبراليه واذكاء الصراع بينهم او لشغلهم بالصراع ده ثم عودة الغاز لاسرائيل قبل تعديل الاسعار وبعدين وضع العراقيل علي معبر رفح وكل شويه يتقفل ويتفتح واحنا مش فاهمين بيتقفل ليه وبينفتح ليه ثم الانفلات الامني اللي مع سبق الاصرار والترصد واللي باين زي عين الشمس ومفيش خطوه واحده ضده والبولي عامل ما يسمي بالاضراب الجالس يعني يروحوا شغلهم وميشتغلوش وانهم يعملوا انتخابات قبل الدستور مع اذكاء الصراعات بين القوي السياسيه واللي تؤكد ان حتي لو تمت الانتخابات فالصراع هيستمر ولن تنعم مصر بالاستقرار السريع طب ليه لان الهدف ان الجيش يحكم بطريقه او باخري بصفته الضامن للدوله المدنيه وساعتها بردو الناس هتفرح وهترضي لانهم هيعتبروا ان الديمقراطيه مجابتلهمش الا الفوضي وعدم الاستقرار مفيش غير ان القوي الساياسيه تفوق لنفسها وتفكر في مصلحة مصر وبس وإلا .....

    ReplyDelete
  40. hossam11 June 2011 at 19:01

    نوارة حالة الفراغ اللى بتتولد ديه لمين ؟

    ReplyDelete
  41. lastcrazyboys11 June 2011 at 19:11

    !!..ًما للجمــــال مشيهــــا وئيــدا

    ReplyDelete
  42. عائشة11 June 2011 at 19:55

    والله انا خايفة جدا
    انا مش بخاف من مبارك اد ما بخاف من عمر السفاح
    حاسة انه بيحكم البلد وحاطتها في ايده
    وبيلعب بالشعب والمجلس والاخوان
    ربنا يستر وما نلبس السواد باقي عمرنا

    ReplyDelete
  43. حسن محمد على11 June 2011 at 20:42

    ماذا اقول عن محامى باحث عن الثروة - بأى طريقة كانت-يتنطع للدفاع عن الجواسيس الاسرائليين طمعا فى الاجر الكبير الذى سيطلبة.محامى الرئس المخلوع يتحدث بلهجة بائعى السمك فىمحاولاتة الدؤبة لأباس الباطل ثوب الحق والتأثير على القضاة بما يفتعلة من اساليب "حاوى فى ميدان شعبى,ويبدو انة استمراء مهنة الدفاع عن الخونة ووجدها طريق للثروة لا يعرف غيرة, مبارك فى الحكام...هو فريد الذئب فى المحاميين,والطيور على اشكالها تقع

    ReplyDelete
  44. المنسى 11 June 2011 at 20:43

    يانوارة ...إحنا متابعين وفاهمين بس أصبرى بس فترة الأمتحانات دى تعدى على خير لإن كل الناس مذنوقة فى دراستها الشهر ده بالذات ووعشان كده هما مبرطعين وبيعملوا إللى هما عايزينه ...نصر بس فترة الأمتحانات تعدى على خير ونشوف مين نفسه أطول
    تحياتى :)

    ReplyDelete
  45. المنسى 11 June 2011 at 20:44

    يانوارة ...إحنا متابعين وفاهمين بس أصبرى بس فترة الأمتحانات دى تعدى على خير لإن كل الناس مذنوقة فى دراستها الشهر ده بالذات ووعشان كده هما مبرطعين وبيعملوا إللى هما عايزينه ...نصر بس فترة الأمتحانات تعدى على خير ونشوف مين نفسه أطول
    تحياتى :)

    ReplyDelete
  46. hosseiny shatat11 June 2011 at 20:52

    ماحصلش حاجه حلوه خالص لحد النهارده؟
    مافيش شيئ كويس اتحقق؟
    كلها سواد في سواد؟
    ربنا يسددها فى وشكم
    قادر ياكريم

    ReplyDelete
  47. freedom4ever2511 June 2011 at 21:08

    على فكرة ماينفعش نصدق المصري اليوم وهيا بتشكر في نفسها (المصري اليوم عندي زي قناة دريم). ومع ذلك. عايزه تفهمينا ان الناس اللي ماتحركوش عشان الناس اللي بتموت على أيد الشرطه وفي الأقسام هيتحركوا عشان صحفي كان دخل القسم اصلاا متعور والظابط ياعيني سابوه 3 ساعات قبل ما يوديه المستشفى !!! مش صعبه دي شويه ... الناس عايزه قتل قتل .. عندك قتل؟
    حتى في القتل والتعذيب ما اتحركوش !!!
    أما موضوع فريد الديب فلا يستحق التعليق لأان مضمون كلامه بيتقال كتييير أوي وبيتقال كلام أوسخ عن الثورة والثوار في الاعلام الرسمي والخاص والشعب للأسف مش بيزعل ولا يستفذ ولا يتحرك عشان يكمل الثورة مش عارف ليه !!!
    أما موضوع عمر سليمان بقى فأسمحيلي اختلف معاكي (طبعاا كلنا عارفين اللي كان بيعمله في المصريين والفلسطينيين وغيرهم وانه رجل اسرائيل المفضل) بس بعد اذنك بقى طالما الناس قرروا انهم ما يكملوش الثورة ولا يضغطوا على المجلس العسكري لأستكمال باقي مطالب الثورة (خوفاا من الصدام مع العسكر وعدم استعداد لدفع مذيد من الأثمان في سبيل انجاح الثورة) وقرروا التحول الى اصلاح تدريجي من داخل النظام أو لعلهم ينتظرون ما سيحدث في الانتخابات . فأسمحي لي اقوللك ان ترشح عمر سليمان وليس فقط عدم محاكمته ستكون مكسب كبير للثورة . اه والله بجد لو الأمور مشيت كده. ومش بس هوه. لا ويريت كمان احمد شفيق يترشح. عارفه ليه عشان ياخدوا من اصوات بعض. اصوات حزب الكنبة والمواطنين البسطاء اللي ماشركوش في الثورة ولكنهم شاركوا في الأستفتاء وسيشاركوا في الأنتخابات .(وهم كثيرين) وأغلبهم الناس ضحية التضليل الاعلامي و كمان أضافة بقايا النظام والمنتفعين منه هتتوزع اصواتهم في الحاله دي على (عمرو موسى وعمر سليمان واحمد شفيق ومرتضى منصور وطلعت السادات) ده بخلاف ما اذا تجمعت اصوات هذه الشرائح كلها عند مرشح واحد هيبقى فرصه في الفوز كبيرة جداا... اما في حالة توزع الاصوات على اكثر من مرشح ساعتها يبقى المؤمنين بالثورة يضمنوا التنافس على الرئاسه لحد من المرشحين الشرفاء ده بخلاف .مش كده برضه وللا انا بخررف؟؟ للتذكير فقط السيناريو ده اذا اختارت قوى الثورة التخلي عن استكمال ثورتها والرضوخ الى الأصلاح التدريجي اللي انا لا أتمناه ولا أضمن نتائجه.

    ReplyDelete
  48. حسن محمد على11 June 2011 at 21:48

    شكوى الضباط الطيارين "الاستاذ هيكل" للنائب العام فى هذا الوقت وهذة الظروف ,لايعدو كونة "تماحك سمج"من اجل استنقاذالرئيس المخلوع من يدى العدالة.والاكثر سماجة هو احالة الشكوى للنيابة العسكرية -فى سرعة المتربص الذى يريد ان يرمى للناس موضوع يشغلهم ويلهيهم عن المشاكل الحقيقية التى تهم الجميع

    ReplyDelete
  49. salma abuzaid11 June 2011 at 22:12

    والله عندك حق يا نواره فى كل الى انتى بتقوليه انا كمان كل ماافتكر مبارك وسليمان بيجيلى حالة جنانا وببقى مش طايقا نفسى لان البلد لسه فيها حاجه غريبه ومش مظبوطه حاسا ان احنا عايزين ثوره من اول وجديد لسه فى حاجات غامضه كتيييييييير انا عماللا اقول للقوى الوطنيه والاحزاب السياسيه حرام عليهم دا مش وقتوا تقسيم التورته احنا بنتقرطس زى ما انتى بتقولى فيها ايه هيحصلهم ايه لما يصبروا شويه على تقسيم التورته شويه انا مش عندى مانع يقسموها بس يستنوا شويه فيها ايه لما يبقوا متجمعين ومتحدين الفتره دى على الاقل ويطرحوا قضايا عليها اجماع وطنى بس هنقول ايه مامعظمهم كانوا تبع امن الدوله وتبع مبارك وعاملين احزاب كرتونيه علشان يبقى فى اسما ان فى ديمقراطيه فى مصر واحنا لو كنا اتكالنا عليهم ماكنش حصل ثوره وكانوا خربوها حسبى الله ونعم الوكيل حسبى الله ونعم الوكيل

    ReplyDelete
  50. Tamer12 June 2011 at 01:01

    انتي كمان محبطة ؟
    الله يحرقهم بتوع الدستور اولا هما السبب

    منهم لله خربوا بريق الميدان , و اتقال لهم صراحة العبوا بعيد

    اظن آن الأوان لجمع الناس اللي عايزة مصلحة البلد

    و اظن ان لازم يبقى دورك كبير و لازم تاخدي زمام المبادرة

    يا ريت ليا شعبيتك يمكن كنت حاولت

    انما انا كمان واثق فيكي

    ReplyDelete
  51. بهيج الشرير12 June 2011 at 01:19

    والنبي ياأبلتي أنا عندي سؤال! هل صحيح لكي نقضي على التيفوس فلابد من إبادة الخولات ظباط الشرطة ومنايك أمن

    ReplyDelete
  52. freedom4ever2512 June 2011 at 01:41

    على فكرة ماينفعش نصدق المصري اليوم وهيا بتشكر في نفسها (المصري اليوم عندي زي قناة دريم). ومع ذلك. عايزه تفهمينا ان الناس اللي ماتحركوش عشان الناس اللي بتموت على أيد الشرطه وفي الأقسام هيتحركوا عشان صحفي كان دخل القسم اصلاا متعور والظابط ياعيني سابوه 3 ساعات قبل ما يوديه المستشفى !!! مش صعبه دي شويه ... الناس عايزه قتل قتل .. عندك قتل؟
    حتى في القتل والتعذيب ما اتحركوش !!!
    أما موضوع فريد الديب فلا يستحق التعليق لأان مضمون كلامه بيتقال كتييير أوي وبيتقال كلام أوسخ عن الثورة والثوار في الاعلام الرسمي والخاص والشعب للأسف مش بيزعل ولا يستفذ ولا يتحرك عشان يكمل الثورة مش عارف ليه !!!
    أما موضوع عمر سليمان بقى فأسمحيلي اختلف معاكي (طبعاا كلنا عارفين اللي كان بيعمله في المصريين والفلسطينيين وغيرهم وانه رجل اسرائيل المفضل) بس بعد اذنك بقى طالما الناس قرروا انهم ما يكملوش الثورة ولا يضغطوا على المجلس العسكري لأستكمال باقي مطالب الثورة (خوفاا من الصدام مع العسكر وعدم استعداد لدفع مذيد من الأثمان في سبيل انجاح الثورة) وقرروا التحول الى اصلاح تدريجي من داخل النظام أو لعلهم ينتظرون ما سيحدث في الانتخابات . فأسمحي لي اقوللك ان ترشح عمر سليمان وليس فقط عدم محاكمته ستكون مكسب كبير للثورة . اه والله بجد لو الأمور مشيت كده. ومش بس هوه. لا ويريت كمان احمد شفيق يترشح. عارفه ليه عشان ياخدوا من اصوات بعض. اصوات حزب الكنبة والمواطنين البسطاء اللي ماشركوش في الثورة ولكنهم شاركوا في الأستفتاء وسيشاركوا في الأنتخابات .(وهم كثيرين) وأغلبهم الناس ضحية التضليل الاعلامي و كمان أضافة بقايا النظام والمنتفعين منه هتتوزع اصواتهم في الحاله دي على (عمرو موسى وعمر سليمان واحمد شفيق ومرتضى منصور وطلعت السادات) ده بخلاف ما اذا تجمعت اصوات هذه الشرائح كلها عند مرشح واحد هيبقى فرصه في الفوز كبيرة جداا... اما في حالة توزع الاصوات على اكثر من مرشح ساعتها يبقى المؤمنين بالثورة يضمنوا التنافس على الرئاسه لحد من المرشحين الشرفاء ده بخلاف .مش كده برضه وللا انا بخررف؟؟ للتذكير فقط السيناريو ده اذا اختارت قوى الثورة التخلي عن استكمال ثورتها والرضوخ الى الأصلاح التدريجي اللي انا لا أتمناه ولا أضمن نتائجه.

    ReplyDelete
  53. ramsesetani12 June 2011 at 02:31

    لن ينفع التهييس او التظاهر احتجاج علي احداث بعينها. الشرطة تعود وبقسوة بالغة والمجلس العسكري بيعاند الثورة ومطالبها وعصام شرف اضعف مماكنا نتصور. المجلس يبدو انه ينفذ خطة بعينها لياتينا بالاراجوز التي تبحث عنه الست كلينتون وتضيع الثورة ومعها مصر. الحل هو الاصرار علي مطالب بعينها، قائمة بمطالب الثورة وجدول زمني ومقاطعة اي حوار مع الحكومة في خارج اطار هذه المطالب. اول المطالب هو اقالة العيسوي وتعيين احد القضاة وزيرا للداخلية والغاء المحاكمات العسكرية والغاء قانون الطوارئ والافراج عن كل المعتقلين. وثانيهما اما مجلس رئاسي مدني او مجلس رئاسي احد اعضاؤه عسكري لادارة شئون البلاد. وباقي المطالب معروفة.
    د. صلاح كمال الدين- رمسيس التاني

    ReplyDelete
  54. gogo12 June 2011 at 02:35

    طيب انا كمان محبطة ومخنوقة وقفلت خالص بعمر سليمان ، باختصار ومن غير رغي كتير
    الحل الاوحد والوحيد هو مشروع الجواز والهجرة اللي بغبائي كنسلتة لما الثورة حصلت بس المشكلة اني انا اللي هادور عليه المرة دي وهاخد وقت علي ما اقفش ف عتريس مهاجر ، اووووف الثورة دي جت علية بخسارة

    ReplyDelete
  55. gogo12 June 2011 at 02:37

    واهو بكرة نقول قامت ثورة وعيشنالنا يومين

    ReplyDelete
  56. من اجل مصر حره بجمهوريه برلمانيه12 June 2011 at 03:04

    ايه ده هي اللجمه الالكترونيه وصلت هنا كمان الله يخرب بيوتكم احنا ايه منعرفش نتنفس في حته نضيفه من غيركم نفسي اشوف مكان مفيهوش زباله سيبك انتي يا نواره وحياه ابو المخلوع وامه وكل بتوع دعاوي الاستقرار والغير اخوان والقوي الغير سياسيه باذن الله الثوره مش هتضيع ...كنت دايما بحب البوستات الي بتنهيها بكلمه قولوا يا رب

    ReplyDelete
  57. ظل الشمس12 June 2011 at 05:36

    هى حصلت لعمر سليمان ... هو الموضوع مش هايتلم بقى ؟ ولا هى ثورة اونطا ورصاص اونطا ؟

    ReplyDelete
  58. أشرف عمار12 June 2011 at 06:25

    الشعب اختار طريقة و كان عارف سكة ثورتة من البداية و لحد النهاردة .
    قضايا الاجماع الوطنى هية ببساطة اللى النظام بتاعنا بيسميها مطالب فئوية .. انا لما اعتصم فى مصنعى او اضرب عن العمل فى شركتى و اكون عارف ان الزملاء و الرفاق ف المصنع الفلانى و الشركة الفلانية هيتضامنوا معايا لانهم عارفين ان انتصارى هيكون بداية انتصارهم و ان هزيمتى فى مطالبى الخاصة بيا دى هتكون بداية هزيمتهم .. بكدة هيبقى فية تضامن و فية مطالب مشتركة و قضايا مشتركة ، و هتبقى فية ديمقراطية من القاعدة ، و التحام حتمى سريع بين "المطالب الفئوية" و المطالب السياسية .

    اى كلام تانى و اى شعارات تانية كلام فارغ و وضع للعربة قبل الحصان ( يستوى فى ذلك المطالبة بالدستور اولا ، او المناداة بملاحقة عمر سليمان ، او غيرة ) .

    اذا الشعب ما اتنظمش و اتوحد و حس بمفعول تضامنة و قوتة عبر حركة "المطالب الفئوية" ، و اذا المثقفين الافاضل بتوعنا ما التحقوش بمسيرة شعبنا الثورية دى (وجة الثورة الوحيد بعد رحيل مبارك) ، و فضلت النوستالجيا واخداهم لميدان التحرير و "فزاعة" المظاهرات المليونية لتهديد النظام او حثة او تشجيعة .. يبقى بنغامر بكل شئ .
    النظام هيلهى الشباب و المثقفين بمزيج اوهام و فتات ، و هيزرع ـ من ناحية تانية ـ الاحباط فى صفوف الشعب .. عشان من ناحية الشباب يرجعوا لمرحلة "سلم النقابة" نفسيا ، و الشعب لمرحلة "رصيف شارع مجلس الشعب" نفسيا برضة ، و ينسوا اى حاجة عن الثورة و يلفظوا هما الاتنين اى نفس ثورى .

    الثورة ما ماتتش و لا تهاوت .. الثورة بس خدت سمت جديد ، عشان كدة بعضنا مش عارفها و مستغربها ، و عمال يبص لها و يقول لها ياااة فين لما كنتى صغيرة و كنت باشوفك ف التحرير..
    الثورة لسة حية و قوية ، يجب ندرك دة و نلتحق بركبها اللى بيتمظهر حاليا فى شكل ما يسمية النظام "المطالب الفئوية" .

    ReplyDelete
  59. احلام جوليا12 June 2011 at 07:40

    شوفي يا نواره انا مش حكلمك على موضوع الصحفي لانه حتى من الموقع الي انت نشراه هو مضربهوش الشرطة لكن احتجزوه لفترة 3 ساعات يعني مأذوهوش وربما يكونوا احتجزوه خوفا على حياته حتى لا يتعرض له الطلاب خارج القسم مثلا وبعدين اسمحي لي يا نواره معلش بقى الصحافة عاوزة شوية رقابة لان حرية الصحافة بقت عاملة زي الدبة الي قتلت صاحبها قعدوا ينشروا في البلطجة والاقتصاد الواقع لحد ما السياح هربوا والاقتصاد وقع بجد على الرغم من اننا اصلا طول عمرنا عندنا حوادث بلطجة وقتل ومحدش كان بيسال فيها ولا الصحافة بتكتب عنها
    وبعدين يا نواره اصلا الصحافة والاعلام في مصر بصراحة بيعانوا من غباء مستحكم كانهم بيقولوا هيههههههههههههه من ساعة خلع مبارك بينشروا بالهبل عن الهبل في برنامج يوم الجمعة واحد مذيع حمار اقل ما يمكن ان يقال عنه وغبي لو عاوزة اكرمه ومشتمهوش طالع يتكلم عن خطة تقسيم مصر وبيعرض خرايط التقسيم يعني بيروج للفكرة بشكل غير مباشر وعلى فكرة اوعي تقولي محدش حيسمع له لان في ناس كتير حمير وبتايد الفكرة دي لللاسف وفاكرين انها الحل لمشاكلهم زي مشاكل الصعيد المهمل عاوزين يستقلوا ومشاكل المسيحين الي عندهم عقدة الاضطهاد عاوزين يستقلوا يبقى المذيع الغبي وفرقه الاغبياء الي ابتلينا بها بعد الثورة بتروج لفكرة وده المفروض يكون في رقابة لان الحرية تعني المسؤولية وحرية بلا رقابة تعني انحلال مش حرية وحرية اي حد تتوقف عندما تبدا حرية الاخر ومن الاخر كده الحرية الي يكون نتيجتها تمزيع اوصال مصر محناش عاوزينها رجعولنا القمع تاني وحافظوا على مصر حته واحدة

    ReplyDelete
  60. احلام جوليا12 June 2011 at 08:32

    حاجة مهمة جدا يا نواره لازم تعرفيها احنا مش راضيين عن الي بيحصل في مصر ولا راضين عن اختيار الثوار للحكومة من الاخر افشل حكومة لمصر هي حكومة الثورة وزير المالية الي راح خد قرض من البنك الدولي ودي محصلتش من اكتر من 60 سنة لمصر ووزير الداخلية الي مش عارف يسيطر على الضباط بتوعه ولا ينزلهم الشارع ورئيس الوزراء الشريف الي لف على دول الخليج علشان يشحت علينا بينما الاعلام كله بيتكلم ضد دول الخليج وبيتكلم عن مؤزرتهم لمبارك وطبعا محدش ساعده وبقى منظرنا زبالة ماهو يا ما يلعب هو والاعلام مع بعض ياما ميشحتش علينا وبعدين عجلة الانتاج علشان تدور لازم امن ومفيش امن يعني ايه يديهم زيادات 100% وهم قاعدين في بيوتهم يا نواره الثورة ستسقط لان من لايملك قوته لا يملك حريته والوزارة كلها بلا خبرة تتصرف بطريقة المسكنات الحالية مش بطريقة حل الامور والثوار خدتهم النشوة بكلام الاعلام الغبي وكلام الدول الغربية عن عظمة الثورة وبداوا يتقسموا ويتخانقوا مع بعض مين نزل الاول ومين له فضل على الثورة لو كنتم من الاول عملتم لكم كبير يتكلم باسمكم جميعا مكنش حصل ده كله وكنتم لميتم الحكاية بدري خسارة بداتم حلو وانتهيتم بتهبيل وتهييص ضحك علينا الدنيا كلها خسارة بجد كانت ثورة حلوة لكن قلبت عيال وحركات عيال انقسمتم واتضحك عليكم وعلينا بجد بس اوعوا تقسموها لحسن قسما بالي خلقنا لا نطالب باعدام الثوار جميعا والثورة واعدام انفسنا لاننا ساندناكم لو تركتوها تتقسم كله الا مصر اقمعونا احرقونا لكن مصر حته واحده ليوم الدين يا نواره وسيبك بقى من مناكفة الشرطة ومناكفة الحاجات الصغير ة الي انت ماسكاها وشوفي قضايا اكبر من كده يا نواره الصحافة والغلابة مش محتاجين مساعدتك ولا مساندتك الغلابة عندهم البلطجية بيحموهم والصحافة والاعلام بيعانوا من قضية غباء بصراحة ياريت يسيطروا عليهم شوية

    ReplyDelete
  61. salama12 June 2011 at 08:38

    عزيزتي نوارة
    تحية طيبة
    بصي الخبر الجميل ده
    http://www.alwafd.org/index.php?option=com_content&view=article&id=56101:%D8%A3%D9%82%D8%A8%D8%A7%D8%B7-%D8%AF%D9%88%D9%84%D8%A9-%D8%AF%D9%8A%D9%86%D9%8A%D8%A9-%D8%AD%D8%B1%D8%A8-%D8%A3%D9%87%D9%84%D9%8A%D8%A9&catid=102:%D8%A7%D9%84%D8%B4%D8%A7%D8%B1%D8%B9%20%D8%A7%D9%84%D8%B3%D9%8A%D8%A7%D8%B3%D9%8A&Itemid=105&cpage=30#axzz1P7uDVHQM
    هذا الرجل يقوم باشعال الفتنة الطائقية
    اديني رايك يانوارة
    واديني عقلك تفتكري ده هيسكت عليه الناس تفتكري قلة تتحكم في اغلبية باسم العدالة
    هل يمكن ان تحولي فرنسا لدولة اسلامية او امريكا في دولة اسلاميه
    ماعتقدشي حد يقدر يتكلم
    الناس تديهم حريةوتقولي ليهم انتم مصريين خليكم مصريين وانسوا الأقلية يخرجوا يهددونا
    يعني 5 مليون يهددو 75 مليون
    تفتكري هو كسبان ولا الناس هتسكت
    مش ده برضه مستشار بيهدم البد ويثير مشاعر الناس ونيجي في الأخر نقول السلفيين بعد مااخلصت نغمة الأخوان
    خلاص بقي سابت العملية يانوارة
    اديني عقلك
    ولااقولك اديني رايك
    تحذير هام يجب القضاء علي مثل هذا الفسل
    يجب تفتيش الكنائس كلها واخلائها من الأسلحة
    واخيرا اعتقد ماحدش هيقدر يقول غير كده
    وكده بقي اعتقد واضح مين بيشغل الفتنة الطائقية
    ياريت تديني عقلك قصدي رايك
    اشكرك
    سلامه

    ReplyDelete
  62. احلام جوليا12 June 2011 at 08:38

    حاجة مهمة جدا يا نواره لازم تعرفيها احنا مش راضيين عن الي بيحصل في مصر ولا راضين عن اختيار الثوار للحكومة من الاخر افشل حكومة لمصر هي حكومة الثورة وزير المالية الي راح خد قرض من البنك الدولي ودي محصلتش من اكتر من 60 سنة لمصر ووزير الداخلية الي مش عارف يسيطر على الضباط بتوعه ولا ينزلهم الشارع ورئيس الوزراء الشريف الي لف على دول الخليج علشان يشحت علينا بينما الاعلام كله بيتكلم ضد دول الخليج وبيتكلم عن مؤزرتهم لمبارك وطبعا محدش ساعده وبقى منظرنا زبالة ماهو يا ما يلعب هو والاعلام مع بعض ياما ميشحتش علينا وبعدين عجلة الانتاج علشان تدور لازم امن ومفيش امن يعني ايه يديهم زيادات 100% وهم قاعدين في بيوتهم يا نواره الثورة ستسقط لان من لايملك قوته لا يملك حريته والوزارة كلها بلا خبرة تتصرف بطريقة المسكنات الحالية مش بطريقة حل الامور والثوار خدتهم النشوة بكلام الاعلام الغبي وكلام الدول الغربية عن عظمة الثورة وبداوا يتقسموا ويتخانقوا مع بعض مين نزل الاول ومين له فضل على الثورة لو كنتم من الاول عملتم لكم كبير يتكلم باسمكم جميعا مكنش حصل ده كله وكنتم لميتم الحكاية بدري خسارة بداتم حلو وانتهيتم بتهبيل وتهييص ضحك علينا الدنيا كلها خسارة بجد كانت ثورة حلوة لكن قلبت عيال وحركات عيال انقسمتم واتضحك عليكم وعلينا بجد بس اوعوا تقسموها لحسن قسما بالي خلقنا لا نطالب باعدام الثوار جميعا والثورة واعدام انفسنا لاننا ساندناكم لو تركتوها تتقسم كله الا مصر اقمعونا احرقونا لكن مصر حته واحده ليوم الدين يا نواره وسيبك بقى من مناكفة الشرطة ومناكفة الحاجات الصغير ة الي انت ماسكاها وشوفي قضايا اكبر من كده يا نواره الصحافة والغلابة مش محتاجين مساعدتك ولا مساندتك الغلابة عندهم البلطجية بيحموهم والصحافة والاعلام بيعانوا من قضية غباء بصراحة ياريت يسيطروا عليهم شوية

    ReplyDelete
  63. candy12 June 2011 at 09:12

    http://www.boswtol.com/editorial/editorial-article/11/june/11/35265

    ReplyDelete
  64. واحد عادى12 June 2011 at 09:34

    مين ده اللى يقتلك يا ست البنات – دا اللى بس يفكر فى كده ح يتبخر من فوق وش الارض – يا لااااااااااااااااهوى – هوه احنا نسوى حاجه من غيرك يا ستنا – يا نواره حياتنا – يا نور عينينا – يا بهجه قلوبنا – الحب نواره والحنيه نواره والجدعنه نواره - يا ست الكل

    ReplyDelete
  65. د. هانى احمد12 June 2011 at 10:19

    كلام المهندس خيرت الشاطر فى قناة التحرير يبعث على التفائل بعودة التأم صف الثوار من اجل مصر..
    فلننقذ الثورة المصريه اولا ونرسى قواعد القانون وبعد ذلك لنبدء الاختلاف على كيف يكون مستقبل مصر افضل...

    ReplyDelete
  66. Anonymous12 June 2011 at 13:21

    أولاً : بعد الشر عليكى .
    ثانياً : أنا شفت منى الشاذلى المنافقة بعد خطاب المتعوس الرجا الثانى .. وقالت له انحنى لك يا سيادة الرئيس .. كلهعم ممثلين ومنافقين.
    ثالثاً: عمر سليمان معروف ، ولا ننسى أبو عمر المصرى.
    رابعاً : فريد الديب اراجوز

    ReplyDelete
  67. حمكشه12 June 2011 at 13:55

    لماذا النفاق ؟ لماذا لايصرح اللادينيين بانهم يريدون اقصاء التيار الاسلامى صراحه ولماذا لايقول التيار الاسلامىانه يريد تطبيق الشريعه ولماذا لايقول الاقباط انهم يريدون دوله دينيه قبطيه
    بدون مسلمين

    ReplyDelete
  68. hayat ank12 June 2011 at 15:21

    ردا على كلامك عن عمر سليمان ابشرك يا نونو بان احمد شفيق ياحبيبتى بدا حملته الاعلاميه للرئاسه وراح اسوان وبيعمل مؤتمرات هناك مع الناس وبيحشد مؤيدين وناس طالعه على حسابه من اسوان للقاهره والشغل الزباله شغال على ودنه

    ReplyDelete
  69. ياسر كامل12 June 2011 at 15:34

    اول مرة اشوف بلد تقوم فيها ثورة وبرضه قاعدة الوساخة فيها

    ReplyDelete
  70. hardway12 June 2011 at 21:06

    اول مرة اشوف بلد تقوم فيها ثورة وبرضه قاعدة الوساخة فيها
    ................................
    الاخ/ ياسر كامل
    الاجابة سهلة جدا....لانها مش ثورة...
    كانت وقفة علس سلم النقابة..وقلبت ..
    وأنقلب معها النظام لانه ضعيف جدا....
    وأرادة الله_ عز و جل _..الاجابة سهلة
    هو في ثورة ياعالم تنتج الحاج عصام...
    الا لما تكون أعضائها هم نوارة التهييس وسناريست اسبايسي وعلامة يعقوبيان

    ReplyDelete
  71. heeba_alrahib12 June 2011 at 23:35

    ههههههههههه احة يا نوارة انتى لسه واخدة بالك
    فوقى يا حاجة خلصت خلاص عمو عمر سليمان بيعمل قلة ادب في الشباب اصله بعيد عنك صحته حلوة ههههههههه
    وبعيد عنك ليه
    يمكن يجيبك يالهوووووووووووووووى هتبقى فضيحتك بجلاجيل
    وعم احمد يقول بقى
    هههههههههههههه

    ReplyDelete
  72. هراء لا داعى له .....13 June 2011 at 03:47

    برضه معرفناش رأيك الصريح فى المجلس العسكرى دلوقتى ؟

    ReplyDelete

Note: only a member of this blog may post a comment.