Tuesday, 24 May 2011

دول حقهم لسه ما جاش

ومش حييجي لو فضلنا نايمين كده وناس بتكلمنا على المصالحة


انا شخصيا نازلة عشان دول.. حيتعمل فيهم زي جرحى 73 وفي الاخر اللي ياكلها واحد نصاب ويقعد على قلبنا تلاتين سنة ويقول لنا انا صاحب اول طلعة تحريرية ويعيشوا يندموا انهم ضحوا عشان البلد زيهم زي اللي قبلهم، انا شخصيا مش حاسكت لحد ما يتعمل فيهم كده... ده واحد، وانا امبارح قابلت 19 مصاب، كلهم عانوا اكتر من كده كمان، دول بني ادمين مش قراطيس لب عشان الناس تنساهم والاسهل طبعا الاتجار بدم الشهدا عشان ما بيكلفوش علاج وسؤال ومش عايشين عشان يقولوا على اللي قتلهم
جرحى مش لاقيين اللي يسأل عليهم ومبارك قاعد في شرم الشيخ بنصرف عليه عشان يتعالج نفسيا من الصدمة العاطفية اللي احنا اتسببنا له فيها! ووزير الصحة يقول الدولة مش بنصرف عليه... ده مصلحة السجون هي اللي بتصرف عليه، على اساس ان مصلحة السجون دي بتصرف عليه من تحويشة العمر بعد ما فكت الوديعة، هو مبارك بيتكافئ انه قتلنا والجرحى بيتعاقبوا انهم ضحوا عشان البلد؟
هي دي كانت ثورة ولا نكتة بايخة؟
at

64 comments:

  1. Mohamed kharoub24 May 2011 at 12:38

    تقريبا امي هي اللي قتلت الناس دي كلها .. انا اسف يا مبارك اني شكيت فيك طول الفترة دي

    ReplyDelete
  2. ba3delthawra24 May 2011 at 12:55

    دي ابوخ نكته انا سمعتها في عمري كله
    بس الشعب المصري دمه خفيف
    و انشاء الله نكتة يوم الجمعه هاتكون دمها خفيف

    ReplyDelete
  3. احلام جوليا24 May 2011 at 12:58

    لا مؤاخذه وهي مصلحة السجون بتصرف على كل المساجين بنفس المستوى بقولك ايه يا نواره شكلكم كده لازم تكملوا محاكمات التحرير الي بدأتوها وتجيبوا حقكم بايدكم اصل المصيبة ان الثورة مكنش لها كبير علشان كده اتاكلت وضاعت الي ملوش كبير يشتري له كبير يا نواره يتفاوض باسمه

    ReplyDelete
  4. Anonymous24 May 2011 at 13:24

    من تكلم عن العفو او المصالحة هو انتم بتخترعوا اصلا مبارك لم يطلب لا عفو ولا مصالحة والا يقرأ اليوم السابع هيعرف ان موضوع الغاز لاسرائيل مبارك برائة منة ايضا والقادم مذهل اكثر شكلنا ظلمناك يا مبارك ( اقروا اليوم السابع )

    ReplyDelete
  5. mostafa24 May 2011 at 14:10

    معلش كانت نكته بس بايخه بس و الله نكتة يوم الجمعه حاتبقى حاسمه وحيضحكوا لما يموتوا

    ReplyDelete
  6. تناتيش24 May 2011 at 17:37

    مع احترامى لرئيك يانواره واحترام جميع المطالب بتاعه يوم 27 والتى اوئيدها تماماً خطر على بالى فكره بعد قرآءه رد ( احلام جوليا) لماذا لا يتم عمل قائمه باسماء 10 شخصيات نزيهه ومحترمه ولها من المصداقيه والشعبيه مايمكن لاغلبيه الشعب القبول بهم على ان يختار العشره من بينهم واحد فقط يتحدث باسم الشعب كله وبدل المليونيه ماتكون علشان مجموعه مطالب تبقى المليونيه علشان مطلب واحد بس وهو فرض هذا الوكيل عن الشعب للتحدث باسم الثوره دى فكره لسه ناطه فى دماغى حالاً - تنفع ولا فيها عيوب انا غير مدركها

    ReplyDelete
  7. yosef20007724 May 2011 at 18:08

    ؟؟؟؟؟؟؟؟؟؟؟؟؟؟؟؟؟؟؟؟؟
    نونا؟؟؟؟؟؟؟؟؟؟؟
    ايه ده؟؟؟؟؟؟؟؟؟؟؟؟؟؟؟
    امال فين نجم المدونة الاول؟؟؟؟؟؟؟؟
    الواد ابو عيون دوبلى و نعسانة
    ليه حذفتيه؟؟؟؟
    شومان شومة شوشة
    ما ادينا كنا بنتسلى
    و لا
    عشان الناس اللى زكائهم على قدهم
    ومش قادرين يقدروا بطولات سى شومان افندى كعب العزال
    يا ريت تقدرى انك فاتحة مدونة عامة كصحفية مش قهوة ليكى ولاصحابك زى بتوع الحكومة
    ثم كفاية اننا مستحملينك لوحدك كمان حتلميلنا مقاطيع

    ReplyDelete
  8. Gid-Do - جدو24 May 2011 at 18:29

    فيه كمان شهداء 1967 اللى داست عليهم دبابات اسرائل واعترفوا الاسرائلين بكده واحنا فى مصر لم نحرك ساكن -لابد من الرعاية الكاملة لكل من ضحى من اجل هذا البلد - اما مبارك فيولع بجاز وسخ

    ReplyDelete
  9. نور الدين24 May 2011 at 18:52

    بس لا عشان العباره عشان قطر الصعيد عشان السرطان علشان فيرس سي عشان كرامة المصري اللي اتبهدلة شمال ويمين وده كله عشان اهلي في مصر .....لسه انا بقي اصلي قلب اسود الراجل ده دمرني وعجزني وانا لسه شباب ..طلعت للدنيا لاقيت جهل وفقر ومرض وقلنا الحمد لله ظروف البلد بس لما كبرت وعديت علي التعليم الزباله والمستشفيات الحكوميه اللي لما كنت بدخلها عشان زيارة مريض صديقي ولا حاجه كنت بحس اني لو قعدت معاه فيها شويه صغيرين حقعد في السرير اللي الجنبه ده لو في سرير اصلا ....كميه زباله وذباب وقطط وكان ناقص كلاب والدكاتره قاعده تتفرج علي التلفزيون والمريض بيموت ولا هما هنا ...سكت وخرجت من المستشفي وقلت الحمد لله بكره احسن ...لما اخلص دراسه حشتغل واتجوز وابني مستقبل باهر ...وعدت السنين واتفرمت دروس ومذاكره ونجحت وطلعت الحمد لله مش فاهم حاجه زي زي اي شاب مصري عادي طب يا جماعه شغل مفيش شقه مفيش جواز مفيش عروسه مفيش طب اعمل ايه ...قالولي عليك وعلي شركة عطلكوا مشغله نصف شباب البلد وبقيت من شركة عطلكوا للقهوة ...وبعدين زهقت من عطلكوا ورحت حزب الكنبه ... الناس تموت في الميري وهو ومراته في مستشفي شرم الشيخ الدولي ...سبحان الله ثوره قامت وهو ولا هنا من قصر الرياسه لشرم بيصيف ....عايزين نخلص بقي مش كل يوم جمعه حننزل عشان سيته يتحاكم واشوفه في طره عشان زهقت طره...عشان العيله تتجمع...

    ReplyDelete
  10. mahmoud elsaid24 May 2011 at 19:18

    احنا كمصابين الثوره المتجاهلين عاملين إعتصام يوم 26/6 بإذن الله ياريت تدعمونا

    http://www.facebook.com/#!/event.php?eid=189310237783851

    ReplyDelete
  11. د. هانى احمد24 May 2011 at 21:20

    ارجوكم ادرسوا طلب عمل انتخابات مبكرة لمجلس الشعب ثم الرئاسه فى خلال اسابيع يبقى عندنا مجلس شعب ورئيس ونخلص من مجلس العسكر اللى نيته وضحت... وده الاخوان حيوفقوا عليه...يفضل اللى عمالين يطالبوا بتأجيل الانتخابات وطبعا المجلس عايز كده علشان يبقى عنده وقت يتكتك.. 14 مليون قالوا عايزين انتخابات والثورة لازم تحترم رأيهم بس نطلب ان الانتخابات تبدأ بعد اسبوعين..وتحت اشراف دولى ولجان شعبيه ومش عايزين الشرطه وباشراف القضاة الشرفاء... اذا المجلس رفض حيكون شكله زفت فى العالم وقدام الشعب وشباب الجيش

    ReplyDelete
  12. hardway24 May 2011 at 21:38

    الاستاذ/محمود سعد..مديرك في فضائية التحرير..مش عامل حاجة للشهداء..من الملايين التسع القبض من تليفزيون مصر المحروسة..ايام المخلوع..يــارب..يارب
    ايه الناس دي القابضة قبل الثورة ..وقابضة بعد الثورة..يـارب ساعدنا
    ماذا نفعل قبل الثورة مثل بعد الثورة
    نولع في نفسنا ..ونسيب الدنيا خالص لهم
    دنيا محمود سعد وبلال فضل و ابراهيم عيسي
    دنيا نوارة كل الموائد..يـارب الرحمة

    ReplyDelete
  13. shhab24 May 2011 at 21:42

    معلش يعني يا نواره
    انا بحترم رئيك جدا و واجبك عليا اني اناقشك لان وجهة نظرك بدأت تنتقل لمرحلة اللامنطقيه
    هو ايه علاقة الراجل ده بصاحب اول طلعه تحريريه يجي يقعد علي قلبنا انتي بتخلطي ؟
    و ايه هو بقي مطلب يوم الجمعه اللي همنع الكلام ده انو يحصل ؟؟
    انا شايف يوم الجمعه مطالب متفرقه معظم المندفعين اللاديمقراطيين عايزين مجلس رئاسي و خدي بالك حطينه مطلب اول مش مطلب هامشي بالنسبالهم و ناس كتير نازله مش عايزاه
    المطالب مش موحده يا نواره و بالتالي انا مش نازل في الهيصه اقول اي كلام زي جمعة التطهير انا عن نفسي نزلت و شفت بعيني تهليل الناس لظباط الجيش اللي عملوا مشاكل
    ناس كتير هللتلهم و انا كنت عايز اخد منه المايك و اشتمه مش نازل عشان ما احسش الاحساس ده في مطالب هتترفع كتير ضد الديمقراطيه و مستحيلة التحقيق و تبقي التفاف علي الثورة
    تقدري تحليلي المشكله دي ؟؟؟؟؟؟

    ReplyDelete
  14. صوت الحق24 May 2011 at 21:42

    يانوااارة احنا مقبليين على كارثة والتفااف على الثورة وتحطييم للثوااار

    دي مؤااامرة مقرررفة


    اولا تفتيت الثوار وتفريقنا في ميت حتة عشان مانعرفش نتجمع زي مااتجمعنا ضد مبارك


    ثانيا مفييش حاجة اسمها عدالة اجتماعية النصب هو هو والسرقة هي هي

    فيه محاولات لاجهاض اي محاولة لشيل عناصر النظام السابق زي كده ماتمت دعوتهم لمؤتمرالحمار الوطني ده

    وعمل فتنة طائفية ووقيعة بين السلفيين والاقباط والسياسين والاخوان

    وهييصة

    والجييش بيتفرج او مضغووط عليه او بيستهبل مش عاارف بالظبط
    لكن عموما الجيش المرة دي مش هيحارب لنا معركتنا احنا اللي قمنا بالثورة ولازم نكمل ولازم نجمع نفسنا تااني والا هنضيييييييييييييييييييع

    وساعتها اللي هيحبط واللي هيسافر واللي هييأس واللي هيبوظ ويستسلم

    دي اخر مفاوضاتنا احنا الدكاترة مع وزارة المالية لسة النهاردة حالا

    وبعد وعود ومفاوضات اكتشفنا اللي بيتم اعدااده مصييييبة

    ================
    http://www.facebook.com/pages/اللجنة-العليا-لإضراب-أطباء-مصر/121293441283063?sk=wall

    Mona Shafik
    بعض التفاصيل و بانتظار كل التفاصيل في بيان اللجنة
    ________________________________________

    وزير المالية يسير بنفس سياسة بطرس غالي
    و يتبع خطاه بدقة

    نفس السرقة
    و نفس النهب
    و نفس هيكل الأجور

    و مفيش أي كلام عن عدالة اجتماعية
    و حسبي الله و نعم الوكيل في الملتفين على مطالب الثورة
    مهدري دماء المصريين الشهداء بلا ثمن

    حقيقي الثورة المصرية عامة لم تنتصر بعد
    و ثورة الغضب التانية جاية في وقتها
    ________________________

    مش هطول عليكم و هسيبكم تحكموا

    الزيادة اللي بيقولوها 6 مليار !!!!!!!!!!!!!
    أموال نفقة الدولة اللي بنطالب بالغائها
    مازالت سيتم الاحتفاظ بها 5 مليار !!!!!!!!
    الأجور توتال حد أدنى لها 850 جنيه !!!!!!!!!!!

    كل العرض المقترح هو الكادر الخاص للأطباء
    و اللي مطلوب تقديم تصور له

    ــــــــــــــــــــــــــــــــــــــــــــــــــــــــــ

    نهاية أحب أقول الشعب أيضا ترك التحرير لوعود بتنفيذ مطالبه
    من تغيير و حرية و عدالة اجتماعية
    لم يتحقق منها أي شئ و ليس هناك أي بوادر لجدية النوايا للتغيير

    كلنا عامة كمصريين محتاجين نكون ورا ثورتنا
    لأنها حقيقي لم تنتصر بعد بل يبدو أنها تعود للوراء



    د/ أحمد مخلص

    0117618422

    ReplyDelete
  15. hardway24 May 2011 at 21:51

    أنسي..أنسي..المليونية
    أخوان..لالالالالالالالالالالالا
    تنزلي أنت ... تنزلي شخصيا أو خياليا
    شوفي يا حاجة تنزلي.. تطلعي
    تعيشي..تموتي ،تقومي ..تنامي
    اللي متخطط للبلد دي سوف يتم
    ليس لكي فيه رأي او تأثير او تخيل
    خليكي أنت و أصحابك مشغولين بالمخلوع
    وزوجة المخلوع وأولاد المخلوع..وهكذا
    ده مستواكم..ده مستوي طلباتكم..مستوي تفكيركم وتخطيطكم..و ضيق أفقكم
    سلام ياحاجة..انت شغلي مستوصف أحسن

    ReplyDelete
  16. محمد طنطاوي24 May 2011 at 22:04

    وما خفى كان أعظم فيه ناس ماتت من غير ما تتلقى علاج وفيه ناس عايشه بتتعذب لأنها ملقيتش العلاج الكافى حسبنا الله ونعم الوكيى فى كل كلب ضيع حق أو أهان كرامة أو شارك فى ظلم بما فيهم المجلس العسكرى والقضاء المصرى

    ReplyDelete
  17. MarwaGoogle24 May 2011 at 22:09

    الاخوان بيحشدو ليوم 27 مايو

    مازالت الثورة مستمرة حتى تتم المحاكمات
    حتى يحاكم قيادات الشرطة و قيادات أمن الدولة
    موعدنا يوم 27 مايو
    http://www.youtube.com/watch?v=nbzpFz0iw8s

    ReplyDelete
  18. adel25 May 2011 at 00:33

    ارفعوا السقف,وحدوا الائتلافات,اكشفوا اى أئتلاف مزيف,,اعملوا قائمة للفاسدين اللى خارج السجن لمحاكمتهم وازالتهم من مناصبهم,اعلنوا حل امناء الثورة وجبهة دعم الثورة ودمجها فى المجلس الوطنى,بعدها شكلوا لجان تخصصية لكل مجال,ثم شكلوا قيادة موقتة للثورة للتعامل مع المجلس العسكرى وعصام شرف,غير كدا مش حينفع

    ReplyDelete
  19. Omaymah Al-Shathily25 May 2011 at 00:37

    أين الثورة؟ آخر مقال أرجو منكم جميعاً أن تقرأوه من أجل مصر
    http://omaymahashathily.blogspot.com/2011/05/blog-post.html#comment-form أميمة الشاذلي

    ReplyDelete
  20. dalyanassar_1525 May 2011 at 00:49

    "كل يوم بيزيد اقتناعي و بالبراهين إن يوم 27مايو دا مؤامرة على إرادتنا و ان المشاركة فيه حتى لو بحسن نية خطر على الثورة"
    دا كان رأى من ضمن مجموعة أراء سلبية عن يوم 27 و أكيد قريتى من ده كتير. لو مطلب المجلس الرأسى ده مش موجود ماكانش حد قدر يهاجم اليوم ده بالشكل ده.. أرجوكى يا نوارة تحاولى توصلى للناس دى لو تعرفى يوم 27 مهم بالظبط زى يوم 25 و لو اليوم ده فشل يبقى الثورة فى خطر. و ياريت مايبقاش فى إعتصام بعديه عشان مايبقاش فى زريعة ان حد يهاجمنا لأن كل ده بيخصم من رصيد الثوار و الثورة عند الناس... يااااااااااارب خليك معانا ياااااارب و احفظ مصر من كل شر

    ReplyDelete
  21. mohyeldien25 May 2011 at 01:05

    سبحان الله لما شفتك بتركعى للبابا شنودة و تبوسى على ايده احتقرتك و عرفت ان من اعزها الله بالاسلام و تركع لبشر ما و يا ريته مسلم فهى انسانة ممكن تعمل اى شيئ من اجل مصلحتها اتقى الله يا نوارة و بلاش تشعليلها كفاية كرامتك اللى ضاعت على يد قس

    ReplyDelete
  22. toufik25 May 2011 at 02:12

    انا مستغرب ان كتير نسيوا اللي ضحوا سواء بروحهم او اتصابوا وعشان نكون وضحيين اكتر ممكن نقول ان اصلا في ناس لحد دلوقتي مفكروش فيهم من الاساس لازم نفهم الناس دي ضحت بحياتها عشانا احنا ف من الاعتراف بحقهم علينا وتأكيدا انهم مضحوش بحياتهم هباءا لازم نتعب شويه عشان نكمل اللي هما ماتوا عشانوا لاننا مهما عملنا مش هيجي اد الللي قدموه لينا ولبلدنا فبلاش نكون منستحقش اللي عملوه عشانا .... عشان كده انا نازل يوم 27 عشان اكمل اللي الشهداء بدأوه وعشان احنا قولنا ثورة حتي النصر وانا شايف ان الثورة منتهتش لان النصر هيجي مع اول رثيس مدني ..هنكمل حتي النهايه لاننا مش هنقبل بنص صورة وعشان احنا في مرحلة صعبة لو سكتنا فيها يبقا احنا بنعيد تصنيع ديكتاتور جديد

    ReplyDelete
  23. hamada galal25 May 2011 at 02:18

    صباح الخير ..يا استاذه احنا دخلنا فى دوامات ملهاش لازمه عدونا معروف الشرطه الشرطه الشرطه نخلص منهم ونسلم البلد لمجلس رئاسى واظن ان الناس كلها بانت على حقيقتها فى اليومين الفاتو دول وعرفنا العدو من الحبيب

    ReplyDelete
  24. lolamah9125 May 2011 at 03:09

    يا رب يا نوارة انتى واللى معاكى تهدو شوايا وخلونا نشوف البلد انتو شباب وعندكو حماس والبلد لا تدار بالحماس فقط

    ReplyDelete
  25. متفائل25 May 2011 at 03:18

    هي دي كانت ثورة ولا نكتة بايخة؟

    لا يا ست نوارة كانت ثورة وثورة عظيمة كمان .. أنتي واللي زيك اللي عملتوها نكته بايخة .. عملتوها نكتة بايخة لما كل خمس دقائق تعملوا مليونية .. إشي مليونية الاحتفال بمرور أسبوع على الثورة .. وإشي مليونية تأكيد مطالب الثورة .. ومش عارف أبصر أيه مليونية لدعم بياعين البطاطا بتوع الثورة .. ومليونية لمساندة المليونية اللي قبلها .. الخ ... عملتوها نكتة بايخة لما كل شوية تيجوا في الهايفة وتتصدروا (عيال بقى) .. عملتوها نكتة بايخة بعنادكم الأحمق الناتج عن إنعدام خبرتكم وطفولتكم السياسية حتى قرف منكم الناس وزهقوا ففقدتوا احترامهم أولاً واحترام المجلس العسكري ثانياً ... ما أنتم سوى (بوسطجية سلطة) وهو تعبير عبقري سمعته من صحفي في المصري اليوم (لا أتذكر أسمه) قاله في مداخلة تليفونيه مع (أحد الثوار الصناديد) على قناة التحرير ويقصد به أن دوركم الميمون لم يتخط نزع السلطة عن مبارك ونظامه وتسليمها للإخوان والسلفيين على طبق من فضة

    ReplyDelete
  26. Alok Ray25 May 2011 at 03:43

    انا شخصيا مش نازل لان حاسس ان نزولى هيتحسب لبتوع مجلس رئاسى مدنى وتاجيل الانتخابات واراهن ان الموضوع مش اكتر من اختبار لقدرتهم على الحشد حتى لو بمطالب غير المطالب الحقيقيه الى بيطالبوا بيها المجلس العسكرى. الجمعه الى بعدها ان شاء الله لما تبقى المطالب واضحه من الاول والنزول عليه اجماع وطنى ابقى انزل

    ReplyDelete
  27. بندق25 May 2011 at 03:50

    دي ابوخ نكته انا سمعتها في عمري كله
    بس الشعب المصري دمه خفيف
    و انشاء الله نكتة يوم الجمعه هاتكون دمها خفيف و هيلطشكم علي دماغكم كلكم عشان مش عارفين ان الاعلان الدستوري قال انه في سبتمبر هتتعمل او انتخابات بناء علي نتيجة الاستفتاء
    و بعدين ما هو الرائد اللي صورتيه من موبيلك قال لك المجلس العسكري خط احمر و لما تسألي بابا اذا كان كلامه يمشي علي العسكريين بس هيقول لك و العسكريين كمان يا بنتي

    ReplyDelete
  28. كيوبيد25 May 2011 at 03:59

    فعلا احنا لازم ننزل كلنا 85 مليون فى التحرير علشان ناخد حقنا حسنى قاعد فى شرم عنده صدمه نفسيه وحتى فى صدمتو النفسيه احنا الى بندفع تمنه ياسلام ده ايه الكرم ده والله دى اسخف وابيخ نكته الوحد سمعه فى حياتو قتل الشباب 30 سنة ظلم وتعذيب وفى الاخر احنا الى جبنا له صدمه نفسيه ده ايه الجمال ده لازم كلو ينزل التحرير وعتصام مفتوح بقا لحد ما نعرف المجلس العسكرى عايز ايه منا ومن البلد دى بظبط

    ReplyDelete
  29. محمد صالح كشك25 May 2011 at 04:02

    يا جماعة ده انسان ضمن كثيرين لو ما خدش حقه من اللي ظلمه حيموت شهيد الحصرة و هي اشد من كل الطلقات اللي اخدها

    ReplyDelete
  30. AYMAN25 May 2011 at 06:09

    أما أنا فنازل عشان حسابي تقل في القهوة ومش لاقي حته أقضي فيها يوم الجمعه الجايه

    ReplyDelete
  31. AYMAN25 May 2011 at 06:09

    أما أنا فنازل عشان حسابي تقل في القهوة ومش لاقي حته أقضي فيها يوم الجمعه الجايه

    ReplyDelete
  32. AYMAN25 May 2011 at 06:19

    إلا أخبار أحمد شومان أيه؟
    سمعت إنه خد حكم 10 سنين لتركه محل خدمته كان طمعان فالشهرة أه لاطال بلح الشام ولاعنب اليمن
    اللهم لا شماتة

    ReplyDelete
  33. احلام جوليا25 May 2011 at 06:43

    نواره في حاجة مهمة لازم اقول لك عليها امس كان في مستشار ورئيس محكمة الجنايات بشبرا عمل مداخلة مع منى الشاذلي على التليفون وقال لها لماذا لم يتم إدخال مبارك كمتهم في قضية قتل المتظاهرين على الرغم من ان النيابة اعلنت انه متهم فيها ؟ لماذا قضية بمفرده ؟؟
    وحاول ان يفصل كلامه ولكن منى الشاذلي لم تعطه فرصه وقاطعته وحاولت تسأله على اي حاجة تانية وتعطل كلامه والحكاية دي في منتهى الاهمية ليه اقولك لان دي لها معنيين في اعتقادي الشخصي وعلى فكرة انا اصلا دارسة قانون : 1- قضية قتل المتظاهرين الي متهم فيها حبيب العادلي تأجلت اكتر من مرة لسماع الشهود او الانتهاء من التحقيقات وعلشان لجنة تقصي الحقائق وكتير من التفاصيل الاجرائية وخلاص اوشكت على الانتهاء وبالتالي اذا ادخل مبارك وده طبعا يجوز في منتصف الدعوى فإنه سيأخذ حكم سريع في خلال شهر في تلك القضية وسيصبح المتهم الرئيسي فيها مش العادلي لوحده وبالتالي عقوبته في الغالب حتكون الاعدام شنقا وده واضح انه الي عملهم قضيتين مش عاوزه .
    2- ثاني نقطة اذا استمر الحال بان يكون لمبارك قضية لوحده فعلى ما تكون خلصت الاجراءات والتحقيقات والذي منه حيكون في الغالب اتنفذ الاعدام في كم واحد من القضية الاولى وده ببساطة حيخلي في نقص في شهود الاثبات على مبارك والناس كمان حتكون هديت وانشغلت بالانتخابات وفي الحالة دي ممكن مبارك يقدر يطلع اما لعدم كفاية الادلة واما لخطأ في الاجراءات وهو عدم ضمه للقضية الاصلية . نواره استشيري هشام البسطويسي او روحي لرئيس محكمة جنايات شبرا الراجل كان غاضب وثائر امس على التليفون واتاكدي من المعلومات دي وبعدين شوفي مستشار او محامي شاطر من المجموعات الي حواليكم كثوار او محامي اهالي الشهداء وخلوه يقدم طلب مع مجموعة محامين يطالبوا بضم مبارك للقضية الاصلية باقصى سرعة قبل النطق بالحكم على العادلي نواره انا سبت القانون من زمان بس لسه مخي مصداش وبقول لك استشيري ما خاب من استشار بس بسرعة قبل مبارك ما يفلت من قضية دم المتظاهرين الي في رقبته ورقبتنا كلنا ولو سبتوه يفلت يبقى ذنب الشهداء في رقبتك شوية تليفونات تسالي بها وكلام مع محامين اظن مش حتأخد من وقتك كتير بس حتمسك مبارك من الافلات خدي بالك شكلهم ناوين يعملوها غلطة اجراءات او عدم كفاية ادلة وده معناه براءه مسببة سدوا لهم كل الثغرات يا نواره .لو فضل الحال كما هو يبقى الي عملهم قضيتين متعمد التباطئ ومخالفة الاجراءات او يكون عاوزها اجراءات جديدة لوحدها ليه مش حيتنظر لها على انها قضية لوحدها بحكم منفرد لان صدر لها بالفعل حكم سابق ولا ايه استشيري وسارعي يا نواره

    ReplyDelete
  34. احلام جوليا25 May 2011 at 07:07

    نواره في راي بيقول ان قضية لمبارك لوحده تعني تشديد العقوبة عليه غير قضية فيها عدة مشتركين فيها ولكن لو كان هذا صحيح في تلك الحالة ما الذي اغضب رئيس محكمة جنايات شبرا ولم نسمعه ولنفترض انه صحيح لماذا الاطالة الافضل لنا جميعا ان تستشيري احد من المستشارين القانونين او القضاه في هذا الامر افضل يا نواره لنا جميعا استشيري احد قبل مكالمة المحامين لضم القضيتين انا قلت لك الرأيين للامانة وسبت لك التصرف ومعتمده عليك في البحث عن الحقيقة اللهم بلغت اللهم فاشهد

    ReplyDelete
  35. الخوجة25 May 2011 at 09:20

    وكمان الواد اللى عندة 18 سنه وكان مع والدته امام السفارة عاوزين تحقيق على الالفاظ اللى سمعتها ومعقوله فيه حد فى الجيش يقول الكلام ده عاوزين رد شرف...معقول هة احنا انقلبنا اعداء وحتى الاعداء لاتيجرأ واحد يقول الالفاظ دى هو فيه ايه هو حجم الامتيازات اللى اتحرمتوا منها كبير اوى كده
    #JAN25 #EGYPT #TAHRIR #BYEMUBARAK الحقائق المخيفة , اللى عمل كده ندعوا عليه يشرب هو واهله من نفس الكأس

    ReplyDelete
  36. الفراغ25 May 2011 at 09:24

    اوعوا تتراجعوا عن يوم الجمعة
    جايين قبليه علطول ويقولوا تحويل مبارك وعياله للجنايات
    علشان الناس تكسل وماتنزلش التحرير
    وبعديها علطول مانشيت
    ((براءة الذئب من دم ابن يعقوب ))
    وكمان حكاية علاج الزفت على نفقة الدوله...علشان احنا مانقبلش علاجه على نفقة اى حد مش مصرى ..دا طبعا علشان كرامتنا ودمنا الثائر
    ياسلام على مصر واللى بيحكموا مصر
    .........


    نفسى اعرف احنا مابنغيرش ليه النائب العام وليه مابنطلبش بتغيير بتاع الكسب الغير مشروع اللى فضل ساكت تلاتين سنه علشان مصلحته ...لا استقال ولا اتنرفز حتى
    ...حد يجاوبنى ياخلق ياهو
    طالما الست نوارة مابتردش على حد
    اصل احنا ولاد البطة السودا ...معلش اصل احنا مش اخوات شققا
    والى لقاء

    ReplyDelete
  37. maf2ou3a25 May 2011 at 11:40

    انا فعلا مش معترضة علي أي حاجة من اللي انت بتقوليها ، المجلس العسكري متباطيء ، في تواطوء ما علشان تأخير محاكمة مبارك لأسباب لا نعلمها ،
    بس أنا مش غايظني و لا فاقعني إلا حاجة و احدة كل السادة المحترمين شباب الثورة ماهبش و قام يدافع عن ثورتة لية من الناس اللي عايزة تسرقها ؟؟؟ و مش قاصدي بكدة عواجيز الفرح السياييين القدامي لا أنا قصدي الناس اللي ما صدقت أنة ما فيش أمن في البلد و بتعمل ما بدا لها زي السادة السلفيين اللي حرقولهم كام كنيسة و عملولهم كام مظاهرة أرهبوا بيها البلد مسلميها و مسييحيها و بعدين جابوا كبيرهم محمد حسان علشان يصالحهم علي الناس يعني خلاص ما بقاش في لا دولة و لا قانون كنت مستنية حد من شباب الثورة يقول أنا حأعمل وقفة أحتجاجية علشان أخواتي المسيحيين اللي أضربوا ما شفتش فيهم حد قام يدافع عن مفهوم المدنية اللي بدأ يضيع مع جلسات محمد حسان و صفوت حجازي للمصالحة العرفية و كأننا مفترشين الخيام و قاعدين في الصحرا مش في دولة فيها قانون ...
    اتمنيت ألاقي حد من شباب الثورة بيقوا أحنا هنا أحنا لسة ماروحناش و مش حنسيب الناس تتبهدل بعد من شوية إرهابيين أصلا ما وقفوش معاكوا في الثورة و بعضهم أفتي في أول أيام الثورة بخروج الثائريين عن الملة لخروجهم علي الحاكم

    سؤال محيرني أشمعني دلوقتي حتعملوا مظاهرات تاني ..... كنتوا فين من الناس المرعوبة .....

    ReplyDelete
  38. Anonymous25 May 2011 at 14:24

    فين فيديو أحمد شومان ؟؟؟؟؟؟؟؟؟؟

    ReplyDelete
  39. عندما ينطق القلم25 May 2011 at 14:25

    صرخات المصريين
    في ثورة الغضب الثانية
    قوم يا مصري قولها قوية
    حكموا بسرعة الحرامية
    قوم يا مصري قول الحق
    حيتحاكموا والا لأ
    قوم يا مصري شد الحيل
    شيلنا الراس فاضل الديل
    علو صوتكوا يا مصريين
    ليه سايبين المجرمين
    مش هنسيب ثورتنا تروح
    حتى لو بطلوع الروح
    يا سيادة النائب العام
    إللي بيحصل دوّه حرام
    سبتوا ليه الست سوزان
    بكرة تسيبوا حسني كمان
    سبتوا ليه الست سوزان
    بكره تسيبوا ولادها كمان
    بكرة تقولوا عز شَريف
    ويطلع صفوت الشريف
    ليه خرّجتوا فتحي سرور
    إزاي مصر تشوف النور
    إحنا عملنا ثورة ليه
    هاتوا المجرم من رجليه
    إحنا عملنا ثورة ليه
    حقنا لازم نصرخ بيه
    يا مجلس الوزرا اسمع
    إللي ف قلبنا ياما ويوجع
    يا مجلس الوزرا اسمع
    حق الشهدا لازم يرجع
    قالوا عايزين استقرار
    وهوا يقدم اعتزار
    مش عايزين يطفوا النار
    الثورة بجد والا هزار
    لسه الدم ف عرقنا فاير
    لساها ثورة يناير

    ضحكوا علينا وقالوا تغيير
    خلوا الفاسد يبقى وزير
    ضحكوا علينا وقالوا قانون
    والقتلة برّة السجون
    ليه ساكتين على الفساد
    في كل المؤسسات
    يا وزير داخلية مصر
    القصاص لشهداء مصر
    القصاص القصاص
    م إللي ضربنا بالرصاص
    حاكموا القتلة السفاحين
    الضباط المجرمين
    هيه هيه هيه هيه
    نفس سياسة الداخلية
    وحياة دمك يا شهيد
    الثورة راجعه من جديد
    قول لجشنا وللمشير
    دم المصري ثمنه كبير
    قول لجيشنا إحنا هنرتاح
    لما نحاكم السفاح
    قول لجيشنا مقامك عالي
    ودم المصري عندنا غالي
    دم المصري مش رخيص
    هاتوا القتلة من البوليس
    كله بيهتف للتغيير
    مصر فيها ميت بديل
    مصر بلدنا حرة حرة
    والفاسد هيطلع بره
    كل فاسد مش عايزينه
    وف وسطينا مش قابلينه
    كل فاسد عارف نفسه
    يطلع بره ويمشي بنفسه
    http://gabhataw3ya.blogspot.com/p/blog-page_25.html

    ReplyDelete
  40. mahmoud25 May 2011 at 14:36

    This comment has been removed by the author.

    ReplyDelete
  41. Rawash Amr25 May 2011 at 15:30

    عزيزتى نواره ده مش راى ده راى امى والى قالت ان لازم تعرفيه ... وهى الى هتملينى الكلام وانا كل الى عليا انى اكتب ...

    دى مقدمه للى جاى وكان لازم ابدأ بيها

    والان الى نص كلامها

    انتى قريتى رأى راى او كلام عمر عفيفى الاخرانى الى نزل النهارده 25/5/2011 شفتيه وهو بيتكلم عن اهانتنا للجيش معنى كده ان الجيش هيتكسر زى الشرطه ومعناها انكم مش بتصقتوا النظام انتوا بتصقتو الدوله
    ويعنى ايه فى 10 مجدموعات هتنزل بره الميدان معنى كده انه بياخدكوا عنصر من عناصر التدمير منعرفش هوه فين او هيكونوا فين بالظبط
    ثالثا : ازاى بيقولك فيه ناس هتستلم البلطجيه منكم, هوه بيعيد توزيع وانتشار البلطجيه بمزاجه...
    رابعا لما يجى الجيش بيدافع عن مصر والوطن تقولوا بيضرب الثوار ... الرحمة يا بنتى
    ولما انتو عارفين انها جمعه خطر اجلوها او امنعوها رحمة بمصر وبعدين بيقولك ان الجيش هوه الى عمل الفتنه وازمه الغاز وانتوا متأكدين انها اشاعات ونتج منها نتائج وبعدين الانفلات الامنى وضربه الجيش هى انهيار الدوله ووقعه لمصر ومش هاسمحكوا لو مصر حصل فيها حاجه...
    حافظوا على ثورتكوا والايام جايه وفى رئيس جديد والله يحافظ على مصر



    ده كان نص كلامها

    ReplyDelete
  42. Rawash Amr25 May 2011 at 15:32

    عزيزتى نواره ده مش راى ده راى امى والى قالت ان لازم تعرفيه ... وهى الى هتملينى الكلام وانا كل الى عليا انى اكتب ...

    دى مقدمه للى جاى وكان لازم ابدأ بيها

    والان الى نص كلامها

    انتى قريتى رأى راى او كلام عمر عفيفى الاخرانى الى نزل النهارده 25/5/2011 شفتيه وهو بيتكلم عن اهانتنا للجيش معنى كده ان الجيش هيتكسر زى الشرطه ومعناها انكم مش بتصقتوا النظام انتوا بتصقتو الدوله
    ويعنى ايه فى 10 مجدموعات هتنزل بره الميدان معنى كده انه بياخدكوا عنصر من عناصر التدمير منعرفش هوه فين او هيكونوا فين بالظبط
    ثالثا : ازاى بيقولك فيه ناس هتستلم البلطجيه منكم, هوه بيعيد توزيع وانتشار البلطجيه بمزاجه...
    رابعا لما يجى الجيش بيدافع عن مصر والوطن تقولوا بيضرب الثوار ... الرحمة يا بنتى
    ولما انتو عارفين انها جمعه خطر اجلوها او امنعوها رحمة بمصر وبعدين بيقولك ان الجيش هوه الى عمل الفتنه وازمه الغاز وانتوا متأكدين انها اشاعات ونتج منها نتائج وبعدين الانفلات الامنى وضربه الجيش هى انهيار الدوله ووقعه لمصر ومش هاسمحكوا لو مصر حصل فيها حاجه...
    حافظوا على ثورتكوا والايام جايه وفى رئيس جديد والله يحافظ على مصر



    ده كان نص كلامها

    ReplyDelete
  43. salma dodin25 May 2011 at 15:33

    ya nawara 7ad yeshoof serfa fe ele esmo 3omar 3afeefee dah!!!!......dah howa ele beyhayes!!!...........kalamo fe akher tasgeel leeh 7aynafer nas keteer men el nozool!.....mesh ma32oola el ragel dah!

    ReplyDelete
  44. Dr.issamo25 May 2011 at 15:40

    يا نوارة يا ريت كل المطالب دي اتقالت من الاول بهدوء
    من غير الدعوة لثورة غضب تانية
    او طلبات اخرى في بيانات اخرى افقدت المليونية الاجماع الوطني
    ودلوقتي كلنا راسبون في اختبار 27 مايو بسبب حماقة من دعا اليه ومن اسماه بثورة الغضب
    لان المجلس العسكري هيتمرع وهيتنك لو اليوم فشل او ماكانش بالحجم الكافي وهيقولولنا ان هم مؤيدين من جمهور الشعب العادي
    وبكدة نبقى احنا خسرنا ما كسبناش وحتى اذا كان الحشد كبير ايه اللي هيحصل هينضم اكيد البلطجية ويحاولوا يتحرشوا ويضربوا في الجيش علشان يبوظوها زي ما مبارك عايز
    وبتوع عمر عفيفي هينضموا وماعرفش هيعملوا ايه وهيقعدوا يشتموا في المشير طول اليوم وهيهتفوا ضد الجيش وطبعا ده هيسخن الجيش وماعرفش ايه اللي هيحصل
    وبعدين انتوا مستنيين ايه
    الجيش هييجي في اخر اليوم مثلا ويقوللكم خلاص هنعمل وهنعمل
    بس في ناس مش هتصدق وهتفضل قاعدة في الميدان
    وده مش كويس ابدا

    ReplyDelete
  45. BestItalianPizza25 May 2011 at 16:29

    يا نوارة عايزين طريقة تواصل معاكى اسهل من كده و اسرع من كده الله يحليكى انتى ليه ماعندكيش صفحة على الفيس بووك و لا ايميل و لا حتى نمرة تليفون .. الإخوان مش حايشاركوا فى الجمعة الجاية .. عارفة ده معناه ايه ؟؟ فى رأيى المتواضع دى تربيطات مع المجلس + استعراض قوة (احنا اللى ممكن ننجح مليونية او نفشلها) زى ما حضراك تفضلتى .. كل من تحالف مع الإخوان .. مسح بيهم الأرض بعد كده .. المهم ان المليونية لازم تنجح علشان الإخوان يعرفوا ان مش همه السبب و ان الشعب المصرى هوه السبب .. ربنا يوفقكم

    ReplyDelete
  46. arabian_faithful25 May 2011 at 16:30

    أخطر عدو


    مما لا شك فيه أن أخطر عدو يهددنا حالياً ليس فلول النظام ولا الوضع الإقتصادى والأمنى ولا حتى إسرائيل ولكن مما لا شك فيه أن أخطر عدو يواجهنا حالياً هو الغباء و مشكلة هذا العدو أنه يقتلك من حيث يعتقد أنه يساعدك فهناك إعتقاد ساذج لدى البعض بأن المجلس العسكرى يلبى طلباتهم خوفاً منهم و من المظاهرات و الإعتصامات !والسؤال الذى يفرض نفسه حالياً ما الذى سيضير المجلس العسكرى من تجدد المظاهرات أو حتى حريق البلد يا سادة أفيقوا لوجه الله المؤسسة العسكرية لا تخشى مظاهراتكم ولا إعتصاماتكم ببساطة لن تهددوا سلطتها ولا قواتها ولكن كل ما فى الأمر أنهم يخشون على البلد فيحاولون تهدئة الوضع و تلبية ما يمكنهم من طلبات مخافة الإضرار بالبلد و بالتالى فالوضع حالياً يذكرنى بطفل يطلب من أبويه لعبة جديدة فإذا لم ينصاعوا له هددهم بالإمتناع عن الطعام فإذا ما لبى الوالدان طلبه خوفاً عليه ظن أنه المسيطر و صاحب الأمر و صاحب القوة و لكن هذا قد يقبل من الأطفال و لكن ليس من أفراد بالغين فأنا لوجه الله العلى العظيم أرجوكم أن تعيدوا النظر فى رؤيتكم للأمور أنتم لا تهددون الجيش بمظاهراتكم بل أنتم تهددون مصر و الجيش لا يخشى تظاهراتكم ولا إعتصاماتكم إلا لحرصه على مصلحة البلد والسؤال الأخير والأهم حالياً ماذا لو رفض الجيش أن ينصاع لأوامركم هذه المرة ماذا أنتم فاعلون ؟!

    ReplyDelete
  47. محمد نبيل25 May 2011 at 16:37

    التدوينتين بتوع أحمد شومان راحوا فين ؟

    ReplyDelete
  48. kbahey25 May 2011 at 17:52

    نوارة

    انا شفتك مع يسري فودة امبارح
    الحوار كويس بس مشتت لان المشاركين كثير و النقاط تشعبت

    اخطر نقطة هي مداخلة اللواء سويلم
    يسري حاول يقول ان دة رأيه لوحده مش رأي المجلس العسكري، و ضياء قال ان سويلم عليه ملحوظات من زمان

    بس الواقع غير كدة، و فعلا المجلس العسكري شايف انها مؤامرة و كارثة

    شوفي مختار الملا يبقول ايه:

    الاعتصامات كمخطط لتدمير الدولة. تساءل الملا: هل ما يحدث فى مصر الآن فوضى خلاقة؟ أم أنه الشرق الأوسط الكبير أم الفتنة الطائفية؟ هل تعطيل الدراسة وطلب تغيير المسئولين فى كل الأماكن لصالح الوطن؟ هل يحق لعشرات الأفراد إعاقة وتعطيل عشرات الألوف عن العمل والإنتاج؟،

    http://www.shorouknews.com/contentdata.aspx?id=447150

    و انتي عارفة كويس ان اللواء اسماعيل عتمان قال لبثينة كامل ان الثوار كانوا قابضين بالدولار
    http://egytimes.org/2011/04/egypt-ettman-militarycouncil/

    و انتي شفتي بنفسك العينة اللي بيجتمعوا بيها و كلهم بيقولوا الكارثة اللي حصلت
    http://tahyyes.blogspot.com/2011/05/blog-post_16.html

    مثلا محمد صبحي بيقول ان مصر حتتقسم و ان الثورة طريقة للتقسيم
    http://www.almasryalyoum.com/node/436854

    الموضوع مش محتاج اعتذار الموضوع عايز تحقيق في مين اللي بينقل الصورة للمجلس و مصلحتهم ايه؟

    قبل تنحي المخلوع كان ممكن نقول في عذر، ان امن الزفت مرضع الحكومة الحدوتة دي

    بس ايه العذر دلوقت؟

    اذا شايفين الدنيا كارثة و حصلت فهما بيحاولوا بس يلموا الموضوع و رموز النظام البائد هم متصدرين في كل حاجة، ايشي محافظين و ايشي حوار و ايشي حوار تاني

    الثورة عايزة ثورة

    اللي عايز معلومات و وصلات زيادة عن تساؤلات عن المجلس العسكري يشوف هنا

    http://www.facebook.com/notes/khalid-baheyeldin/أسئلة-ملحة-للمجلس-العسكري-في-حاجة-لاجابات-سريعة-و-شافية/220793167932028

    ReplyDelete
  49. nosseir25 May 2011 at 18:41

    عمرو صلاح عضو ائتلاف شباب الثورة : ائتلاف شباب الثورة: سنشارك في جمعة الغضب تحت شعار "الدستور أولا"

    بزمتك يا نوراة دة تصريح واحد عايز الناس تشارك معاة فى مليونية؟...دة اسمة انقلاب على الاستفتاء ...الراجل دة كأنة بالظبط بيقول احنا عيال ورجعنا فى كلامنا وعايزين نغير اللى اتفقنا علية....انا
    انا اصلا من اللى قالوا لا فى الاستفتاء وكنت عايز الدستور الاول..بس اغلب الناس قالوا نعم...يبقى لو انا انسان بحترم الديمقراطية بجد احترم رائ الاغلبية ...مش احترمة شهرين تلاتة وبعدين ارجع فى كلامى

    ReplyDelete
  50. nosseir25 May 2011 at 18:51

    سبحان الله...فى الجزائر الناس اختارت الاسلاميين فى مجلس الشعب بتاعهم..راح الجيش هناك انقلب على اختيار الناس...اما فى مصر...فــ 77 % من الناس اختارت مسار مجلس شعب اولا ثم رئيس ثم دستور...يقوم بعض من الشعب نفسة ينقلب على اختيار الاغلبية ويقول لا مش لاعبين وعايزين دستور اولا...وسلملى على المتشدقين بالديمقراطية

    ReplyDelete
  51. Unknown25 May 2011 at 19:04

    لأ كانت ثورة بيضاء يانوارة. وكانت ثورة شريفة يكتب عنها منذ قيامها في اهم وسائل الصحافة والميديا وأيضاً بدأوا في تأليف مؤلفات عنها وعن شبابها وعن تجربة 18 يوم علمت الدنيا الجديد عن هذا الشعب وهؤلاء الشباب وهذا الوطن الذي ظنوا قبلها أنه أسلم الروح. كانت هي الروح التي تعود غير منتظرة العالم الآخر، كانت الروح التي تعود في نفس عالمنا ودنيتنا لأنها ببساطة لم تكن ذهبت كما ظن الذين استعبدونا وأزهقوا فينا الأمل. كانت ثورة يانوارة ظللنا هنا في غربتنا لمدة 18 يوم نحبس أنفاسنا ونحن نلهث وراء القنوات والأخبار ومدونتك لكي نتابع أخبارها ونتابع ونحن نرتعش من الخوف علي الولاد والبنات وكل شعب بلدنا وتنفطر قلوبنا ونحن نري المدرعات وعربات الإسعاف وعربات السفارة إياها تدهس شباب هم مستقبل هذه الأمة وربيعها. كانت ثورة يانوارة، لكن المشكلة هي أن معظم رجال مصر ممن تقلدوا زمام الأمور هم إفراز ثلاثين سنة من الفساد السياسي والتدني الأخلاقي، لقد دربوا علي الفساد والتربح من المنصب واللهاث وراء إرضاء من يملكون السلطة بغية تحقيق أكبر المكاسب. هؤلاء يانوارة كانوا صغاراً حين بدأ النظام في إرضاعهم حليب خيانة الأمانة وخراب الذمم وذاقوا طعم الحرام متمثلاً في اصطياد وظيفة للإبن ثم حشر الإبن في منح ومكافئات تصل للألاف من الجنيهات وهو يعلم أن زملاءهذا الإبن يتقاضون راتب يقدر بالجنيهات القليلة، واضح طبعاً أنني ألمح عن ما نشر عن ابن وزير الصحة الحالي، لكن هذه مجرد عينة من الذين تولوا المسؤلية في الثلاثة أشهر الماضية وقد يكون فيهم الشرفاء الذين تعف أنفسهم عن المكسب الحرام لكن يطغي علي الصورة كل ما يذكرنا بألم وجرح مصر في خلال 30 سنة ماضية، وهذا ما يجعل استعادة الثقة امراً شاقاً عندي وعندك وعند كل من ذاقوا عذابات وهموم الوطن من قبل. كانت ثورة يانوارة وثورة بيضاء لكن مازال الموج يجاهد كي يدفع الزبد بعيداً بكل ما يحمله من أوساخ لكي يبقي ما ينفع هذه الأرض الطيبة وشعبها الجميل. حفظ الله مصر وشعبها.

    ReplyDelete
  52. Unknown25 May 2011 at 19:15

    والله إن ما كان الشعب كله حاينزل ويشارك؛ لا حاينزل وبتساق . إن شاء الله أنا نازل نازل ومش حاسيب ميدان التحرير إلا لما تتحقق المطالب كلها؛ وبالمناسبة هناك في إدارة تعليمية واحدة سبعين مدرس ثانوي اتخصم من راتبهم من عشزة أيام إلي خمسة عشرة يوم نظير تجاوزهم للعارضة عن العام الماضي 2010 وعندهم رصيد اعتيادي يسمح لاحتسابها اعتيادي وكمان أخذوا عليهم جزاء من ثلاثة أيام إلي خمسة أيام وبيقولوا ده اللي أخذناه من الثورة ؛لسة المعينين من قبل النظام السابق وأعضاء الحزب الوطني ومرشدي أمن الدولة شغالين صح؛وبيسجلوا لزملا ئهم الأشراف وبيبعتوا أسماءهم لأمن الدولة وروءساء المجالس المحلية ومديري عموم الإدارات في جميع المصالح الحكومية مش بس في التربية والتعليم فقط؛وعلى فكرة بقى الجزاءات دي وُقِّعت في 30 مارس 2011 والله في 30 مارس2011؛ وهلم جرة وربنا يستر في الجاي أو بمعنى أوضح في الانتخابات وفي كل المجالات ؛وكل ما هو آت آت.

    ReplyDelete
  53. Unknown25 May 2011 at 20:01

    والله إن ما كان الشعب كله حاينزل ويشارك؛ لا حاينزل وبتساق . إن شاء الله أنا نازل نازل ومش حاسيب ميدان التحرير إلا لما تتحقق المطالب كلها؛ وبالمناسبة هناك في إدارة تعليمية واحدة سبعين مدرس ثانوي اتخصم من راتبهم من عشزة أيام إلي خمسة عشرة يوم نظير تجاوزهم للعارضة عن العام الماضي 2010 وعندهم رصيد اعتيادي يسمح لاحتسابها اعتيادي وكمان أخذوا عليهم جزاء من ثلاثة أيام إلي خمسة أيام وبيقولوا ده اللي أخذناه من الثورة ؛لسة المعينين من قبل النظام السابق وأعضاء الحزب الوطني ومرشدي أمن الدولة شغالين صح؛وبيسجلوا لزملا ئهم الأشراف وبيبعتوا أسماءهم لأمن الدولة وروءساء المجالس المحلية ومديري عموم الإدارات في جميع المصالح الحكومية مش بس في التربية والتعليم فقط؛وعلى فكرة بقى الجزاءات دي وُقِّعت في 30 مارس 2011 والله في 30 مارس2011؛ وهلم جرة وربنا يستر في الجاي أو بمعنى أوضح في الانتخابات وفي كل المجالات ؛وكل ما هو آت آت.

    ReplyDelete
  54. د. هانى احمد25 May 2011 at 21:22

    محمد سليمان شاب مصري عمره 20 سنة وطالب في كلية الهندسة من مصابي الثورة اللي سافروا للعلاج للنمسا على حساب الحكومة النمساوية اللي حاولت تساعد مصابي 25 يناير خاصة الحالات الحرجة!
    محمد فقد عينيه الأثنين جراء وابل من الخرطوش يوم 28 برمسيس وأصيب بشلل في جنبه اليمين بالكامل بسبب الطلق الناري
    اللي ظاهر في الصورة مع محمد هو شاب مصري عايش في النمسا راح يزور مصابي الثورة في المستشفى لما عرف بوجودهم .. وكتب على صفحته تعليق معبر عن الصورة:
    ************************************
    هناك من سيعيش طول عمره في الظلام من أجل أن يرى غيره النور
    وهناك من يرى النور لكنه يعيش حياته في ظلام الاختلاف في نوعية الإضاءة وقوتها
    *************************************
    .... ياريت المختلفين واللى لهم عينين لسه يفتكروا اللى فقدوا حياتهم وعيونهم والا للاسف اصبختوا مثل النظام السابق يدوس على جماجم ضحاياه فى مقابل تحقيق اهدافه الانانيه...
    الهدف الاسمى للثوره لم يكن اسقاط النظام ولكن كان ان يشعر شعب مصر بقدرته على التغييير وانه اصبح فعلا هو مصدر السلطات ولكنكم باحتلافكم سوف تجعلون الشعب يعود الى القمقم والذل والهوان.. هاهو يرى شهداء ومصابين ولم يأخذوا حقهم الى الان وانتم تتقاعسون عن مساندتهم فما الفرق بنكم وبين مبارك

    ReplyDelete
  55. hishamelmwafi25 May 2011 at 22:13

    أنتي يا نواره كاطلقه أ لرصاص تصيب العدو كما تصيب الصديق . لازم تعرفي أن:
    ١. مظاهره السفاره الأسرائيلية و طلب أنزال العلم مجرد استعباط . أي استفزاز لهم ضد مصلحتنا
    ٢. أي تاجيل للانتخابات قد يؤدي إلى سرقة الثورة . هناك إناس يعلمون إنه بعد ألأنتخابات لن يكون لهم أي دور ولذلك يحاولون عمل أي شي حتى يظل لهم دور
    ٣. كثير من منظمات حقوق الانسان مدفوعين من الخارج . أقسم بالله أني حضرت اجتماع مع واحد مشهور منهم مع المندوب الأمريكي أحذري منهم
    ٤. لا شك أنه بينكم الكثير من عملاء دول و كذلك أمن الدولة . لا يعني ذلك أنكم كلكم خونه و لكن أحذري حتى لا تكوني لعبه في أيد أحد منهم

    ReplyDelete
  56. hishamelmwafi25 May 2011 at 22:13

    أنتي يا نواره كاطلقه أ لرصاص تصيب العدو كما تصيب الصديق . لازم تعرفي أن:
    ١. مظاهره السفاره الأسرائيلية و طلب أنزال العلم مجرد استعباط . أي استفزاز لهم ضد مصلحتنا
    ٢. أي تاجيل للانتخابات قد يؤدي إلى سرقة الثورة . هناك إناس يعلمون إنه بعد ألأنتخابات لن يكون لهم أي دور ولذلك يحاولون عمل أي شي حتى يظل لهم دور
    ٣. كثير من منظمات حقوق الانسان مدفوعين من الخارج . أقسم بالله أني حضرت اجتماع مع واحد مشهور منهم مع المندوب الأمريكي أحذري منهم
    ٤. لا شك أنه بينكم الكثير من عملاء دول و كذلك أمن الدولة . لا يعني ذلك أنكم كلكم خونه و لكن أحذري حتى لا تكوني لعبه في أيد أحد منهم

    ReplyDelete
  57. hishamelmwafi25 May 2011 at 22:15

    أنتي يا نواره كاطلقه أ لرصاص تصيب العدو كما تصيب الصديق . لازم تعرفي أن:
    ١. مظاهره السفاره الأسرائيلية و طلب أنزال العلم مجرد استعباط . أي استفزاز لهم ضد مصلحتنا
    ٢. أي تاجيل للانتخابات قد يؤدي إلى سرقة الثورة . هناك إناس يعلمون إنه بعد ألأنتخابات لن يكون لهم أي دور ولذلك يحاولون عمل أي شي حتى يظل لهم دور
    ٣. كثير من منظمات حقوق الانسان مدفوعين من الخارج . أقسم بالله أني حضرت اجتماع مع واحد مشهور منهم مع المندوب الأمريكي أحذري منهم
    ٤. لا شك أنه بينكم الكثير من عملاء دول و كذلك أمن الدولة . لا يعني ذلك أنكم كلكم خونه و لكن أحذري حتى لا تكوني لعبه في أيد أحد منهم

    ReplyDelete
  58. muhammed25 May 2011 at 23:24

    ازيك يا نواره انا محمد مصطفى، كنت قريتلك لما قولتي ان الشرطه رجعت تقل ادبها ع الناس تاني لكن كنت بقول ان دي ممكن تكون مبالغه شويه عشان لسه منسيوش جمعة الغضب
    لكن عرفت من واحد كان محجوز في قسم منشآه ناصر ان في رائد مباحث اسمه حسام عشماوي كل يوم يدخل الحجز ويضرب كل الناس اللي جوه بكابل كهرباء من غير اي سبب ويقولهم ان هما مش هيرحموا اي حد وان الشعب هيشيل الطين
    عشان كده احنا لازم ننزل بقوه لآن الناس رجعت تخاف من الكلاب دول تاني
    وبعدين انا مش عارف ازمة ايه الاقتصاديه والشرطه راكبين عربيات رانجلر و كمان BMW X3

    ReplyDelete
  59. Anonymous26 May 2011 at 00:27

    ما حدث ويحدث في مصر هو الفوضي الخلاقة الامريكيية وبالتالي كان كل شيئ مخطط من بداية يوم 25 يناير الاسود وحتي الان ولكي نكون فعلا مصريين شرفاء ينبغي علينا ان نضحك علي الامريكان ولا ننولهم مرادهم وان نتحد ونبني بلدنا وان نعرف ان هناك اشخاص نراهم كثيرا الان ونسمعهم كثيرا الان ما هم الا عملاء الفوضي الخلاقة وبالتالي ينبغي ان نكشفهم ونبعدهم عن مسيرتنا يارب يكون حد فهم

    ReplyDelete
  60. مصري بالغربة26 May 2011 at 00:57

    للل

    ReplyDelete
  61. مصري بالغربة26 May 2011 at 00:58

    لازم يا جماعة تدخلوا تشوفوا الفيديو ده

    اغنية مش ناسيين التحرير ....... لظباط الشرطه المعاتيه
    http://www.youtube.com/watch?feature=player_embedded&v=mzAzWmJD7O8

    ReplyDelete
  62. مصري بالغربة26 May 2011 at 00:58

    اغنية مش ناسيين التحرير ....... لظباط الشرطه المعاتيه
    http://www.youtube.com/watch?feature=player_embedded&v=mzAzWmJD7O8

    ReplyDelete
  63. om26 May 2011 at 01:47

    كلام للعاقلين بقلم: أسامة عبد السلام، كاتب وباحث سياسي.

    "المطالب التي يدعو لها هؤلاء للتظاهر يوم الجمعة (27/5) هي:

    1- مجلس رئاسي مدني لتنفيذ أهداف الثورة كاملةً مع جمعية تأسيسية لوضع دستور جديد للبلاد.

    2- تطهير الشرطة من قيادات الفساد وإعادة الأمن والأمان لمصرنا الحبيبة.

    3- تطهير القضاء، لضمان تطبيق العدالة الناجزة.

    4- تطهير المحليات وانتخاب المحافظين.

    5- تطهير الإعلام بكل وسائله، فلا تقدم ولا حريات في بلد يرأس إعلامه فاسدون.

    6- الإفراج عن جميع المعتقلين السياسيين من يوم 25 يناير وما قبلها والإفراج عن ضباط 8 أبريل الأحرار.

    7- محاكمة كل الفاسدين والمفسدين، وعلى رأسهم المخلوع مبارك.

    8- استرجاع كل أموال الشعب المنهوبة، ومحاكمة كل من شارك، أو ساهم، أو تواطأ في نهب ثروات البلاد).

    هذه المطالب كما تلاحظ جميلة وممتازة، ومن السهل على الكثيرين من الشعب المصري التعاطي معها، وكل مطلب منها يعدُّ مبررًا للنزول للشارع، هذا هو العسل الذين يريدون خداع الناس به، أما السم فهو المطلب الأول الذي ينقضُّ على نتيجة الاستفتاء، ويلغيها تمامًا، وبالتالي يلغي إرادة 18 مليون مصري، فالمجلس الرئاسي، والجمعية التأسيسية والدستور الجديد الذين يطالبون به الآن وفورًا؛ قد أعلن غالبية الشعب رفضه لهذا الطرح.

    لذلك الخدعة سوف تكون كالآتي: دعوات للنزول يوم الجمعة القادمة لميدان التحرير، وسينزل الكثير من الناس بحسن نية، وقد يكونون رافضين تمامًا لمبدأ وضع دستور الآن أو فكرة المجلس الرئاسي، ولكنهم خرجوا من أجل تطهير الشرطة والقضاء والإفراج عن المعتقلين، لكن مع سيطرة الليبراليين على وسائل الإعلام سوف يكون هناك حرص على نقل الحدث وتسليط الضوء على أنهم خرجوا من أجل تشكيل جمعية تأسيسية ووضع دستور جديد الآن في انقضاض على نتيجة الاستفتاء، ويضغطون بالتالي على المجلس العسكري مع وضعه في الحرج، خاصةً مع الأزمات الأمنية والاقتصادية التي تعصف بالبلاد، وبالتالي نجد رجلاً مثل يحيى الجمل وشركاه؛ هم الذين يشكلون لجنة تأسيس الدستور، ومن ثم وضع دستور جديد على هواهم، ويتمشى مع مرجعيتهم الليبرالية العلمانية بمعزل عن الشعب الذين يخشون أن يأتي بالإسلاميين للمجلس الشعب، وبالتالي تكون لهم الكلمة الأولى في تشكيل لجنة وضع الدستور وبالتالي وضع دستور تكون مرجعيته الشريعة الإسلامية.

    هذه هي اللعبة السياسية التي تجري في مصر الآن.. ليبراليون وعلمانيون لا يملكون أيديولوجيا مقنعة للشعب أو برنامجًا نهضويًّا معتبرًا، ولكنهم يملكون التمويل والدعم الخارجي الكبير- الإدارة الأمريكية أعلنت دعم (التحول للديمقراطية!!) في مصر بـ250 مليون دولار- مع السيطرة شبه المطلقة على وسائل الإعلام، ودون رصيد شعبي يذكر لهم، في المقابل إسلاميون وفي مقدمتهم الإخوان لا يملكون مصادر التمويل الضخمة التي عندهم إلا من جيوبهم ولا يسيطرون تقريبًا على أي وسيلة إعلامية، ولكن أيديولوجيتهم الشعب المصري، يحبها ويتعاطى معها؛ لأنه متدين بطبعه، لذلك ليس أمام يحيى الجمل وأعوانه سوى تمرير دستور على هواهم بمعزل عن غالبية الشعب المصري.

    هذا هو المشكل في الموضوع، أما الكارثي فإن هؤلاء الذين ينقضُّون على نتيجة الاستفتاء يزرعون- بقصد أو بغير قصد- بذور الفتنة التي تهدم ولا تبني ويهدمون أبسط معاني الديمقراطية التي تستند إلى الاحتكام إلى رأي الأغلبية.

    أدرك أن هناك من الشرفاء من سينزل يوم الجمعة، ولم يفكر في الموضوع بالشكل الذي طرحته، إما لأنه لم تصله الفكرة، أو لعدم اقتناعه بها، وهذا حقه الذي لا تثريب عليه، لكن أخشى ما أخشاه أن يتم استخدام هؤلاء في إظهار الصورة إعلاميًّا على عكس ما يريدون، فيصبحون مفعولاً بهم وليسوا فاعلين، اللهم قد بلغت؟! اللهم فاشهد."

    ReplyDelete
  64. om26 May 2011 at 02:04

    ‏12 ائتلافا ترفض المشاركة في جمعة الغضب الثانية وتسميها جمعة الخطر...

    قرر‏12 ائتلافا وحركة سياسية عدم المشاركة في التظاهر يوم الجمعة المقبل تحت شعار جمعة الغضب الثانية‏,‏ وطالبت جميع المصريين بعدم المشاركة فيها لما تنطوي عليه من خطورة بالغة علي ثورة‏25 يناير‏,‏ وعلي مستقبل مصر‏.‏

    وقالت هذه الجهات في بيانها: إنها لن تكون جمعة غضب, ولكنها ستكون جمعة الخطر علي مصر.

    وأضافت أن الدعوات للتظاهر بعد غد الجمعة تضمنت دعوات لتخريب منطقة وسط البلد, ودعوات لتشكيل مجلس رئاسي مدني في ميدان التحرير, ودعوات لاختيار كل قيادات القوات المسلحة بالانتخاب, وهو ما لم يحدث في أي دولة في العالم, في أي وقت من قبل, علي مدي التاريخ, وتحت أي مذهب من المذاهب السياسية.
    وتضم هذه الائتلافات والحركات جماعة الإخوان المسلمين , وائتلاف ثورة مصر الحرة , وتحالف ثوار مصر ويمثله , وائتلاف الوعي المصري , ولجنة الإغاثة الميدانية , والجماعة الإسلامية , وحزب شباب التحرير, واللجنة التنسيقية للثورة , وجمعية محبي مصر السلام , ومجلس أمناء الثورة ويمثله د. هاني حنا , وائتلاف العاملين بالدولة , والدكتور مظهر شاهين خطيب الثورة.

    وفيما يتعلق بموقف الإخوان النهائي, قال الدكتور عصام العريان لـ الأهرام: إن الموقف الحالي هو التحفظ علي المشاركة, ولكن القرار النهائي سوف يصدر اليوم, وتستطيع الأهرام أن تؤكد أنهم يميلون إلي المقاطعة.

    واستطرد بيان الائتلافات والحركات أنه اتضح لها أن جهات مشبوهة تقف وراء هذه الدعوات بغرض إحداث فوضي وصدام بين الشعب والشرطة والجيش تمهيدا لتدخلات خارجية, طبقا لمسلسل الفوضي الخلاقة الذي نجت منه مصر بفضل ثورة25يناير, وحماية القوات المسلحة لهذه الثورة, وحرصها منذ البداية علي عدم إطلاق رصاصة واحدة علي المواطنين.

    كما أهاب بيان الحركات والائتلافات الإثني عشر بالمواطنين أن يأخذوا أقصي الحذر واليقظة, خاصة في منطقة وسط المدينة, وتشكيل لجان شعبية للتصدي لأي أعمال تخريبية.

    ReplyDelete

Note: only a member of this blog may post a comment.