Thursday, 14 April 2011

بالنوسبة لحملة عمر سليمان

انا بقى مش حابتدي الحملة دي.. عشان لو انا ابتديت الحملة دي كل الناس اللي بتنفسن عليا مش حترضى تخشها، وانا واحدة بتاعة مصلحة واكتشفت اني برجماتية
انا دلوقت حاشتغل مبلغاتية ويبقى حد غيري يبتدي الحملة.. وحد غيري يكلم اللي حيبتدي الحملة، واول ما تبتدي انا حاخش فيها، وحافضل طول ما انا فيها اقول ان فلان هو اللي ابتداها
بس التبليغة دلوقت هي الآتي:
اي حد من سيناء، او فلسطين، او اي دولة عربية عنده قضية تعذيب، او احتجاز بدون وجه حق، او مداهمة بيت، او اي انتهاك من انتهاكات حقوق انسان في رقبة عمر سليمان، اي حد عنده معلومات يمكن الاستناد اليها كأدلة او قرائن يتصل على
المحامي مالك عدلي
0101044264
او المحامي خالد علي (اتكلمت معاه من فترة وهو مستني اي حد يكلمه)
0121519598
لو حد متصل من خارج مصر يحط قبل الارقام دي الكود ده
002
او يبعت اي حاجة على الميل ده
fegypt20@yahoo.com
اهالي سيناء واهالي غزة اكتر ناس ممكن تيجي منهم قضايا
وانا حاسكت اهو لحد ما حد غيري يتكلم
at

54 comments:

  1. Azza Aref14 April 2011 at 17:22

    واللة كلام كويس ولسة يحيى الجمل مش عايزين ننساه

    ReplyDelete
  2. معرض ألوميتال إبراهيم حسني14 April 2011 at 17:22

    قشدة و شفيق يا راااااااااجل هنسيبه ولا إيه ؟؟؟

    ReplyDelete
  3. Unknown14 April 2011 at 17:23

    ازاى الراجل ده كان رئيس مخابرات معنى كده ان اسرائيل مخترقه مخابراتنا و بعدين ازاى هنثق فى المخابرات بعد كده و هو يعنى لواحده ماهو وراه ظباط بردو كتير لازم يبادو و الا نبقى عريانين سياسيا و زمانها زرعت جواسيس ياما هنلمهم ازاى دول؟

    ReplyDelete
  4. Ryad Shita14 April 2011 at 17:24

    نوارة كملى اللى انت ابتديته مع الثلاثى الغير المرح والحمد لله ربنا كلل جهدنا بالنجاح وشرفوا بورتو طرة ارجو منك عدم الالتفاف لاى منفسين كملى يا نوارة ارجوكى

    ReplyDelete
  5. الفت سلطان14 April 2011 at 17:24

    لااا يا نوارة, محدش فاضي يعمل الحاجات اللي مفروض تتعمل, او مفروض كانت اتعملت من زمان, كلهم بيتخانقو مع بعض او مع الجيش او بيحلمو بالمجلس الرئاسي :((, انجزي انت يا حاجة الله يكرمك و يرزقك الشهادة اللي نفسك فيها و يرزقني انا كمان :).

    ReplyDelete
  6. Ahmad Alabassy14 April 2011 at 17:29

    أنا قلتلك قبل كده الجخخخخخخخخخ صدقيني ده هتجيبو منو بلاوي أوصلولو بس .. أنا صوتي اتنبح من المهاتية ... الجخ عارفاه .. الشاعر اللي من سيناء جابته منى الشاذلي صدقيني ده هتجيبو منه بلاوي بس اوصلوله هيرسيكو عالليلة كلها الجخخخخخخخخخ

    ReplyDelete
  7. Ryad Shita14 April 2011 at 17:29

    نوارة كملى شغلك اللى ابتديته مع الثلاثى الغير مرح والحمد لله ربنا كلل جهدنا بالنجاح ومشرفين فى بورتو طرة كملى يا نوارة دة اولى واحد نشتغل عليه ماشى يا نوارة سيبك من اللى منفسنيين وغيرهم من الناس اللى عاوزنا نتفرج زيها
    كملى با نوارة ارجوكى

    ReplyDelete
  8. nader_karam14 April 2011 at 17:35

    اترررررررررررررجااااااااااكى يا نواااااااااااااررررة يا بنت الحاج فؤاد غيرى اسم المدونة بتاعتك من التهييس الى اى كلمة تانية ولتكن التجيييييش اهو معناها يبقا فى الصميم

    ReplyDelete
  9. nader_karam14 April 2011 at 17:36

    غيرى اسم المدونة وخليها اسم التجييييش بدلا من التهييييس بدال ما حد يقول علينا بنحشش

    ReplyDelete
  10. nader_karam14 April 2011 at 17:36

    غيرى اسم المدونة وخليها اسم التجييييش بدلا من التهييييس بدال ما حد يقول علينا بنحشش

    ReplyDelete
  11. الباهي14 April 2011 at 17:41

    محموق محي الدين منسي ليه من البرتيتة بتاعة طرة ولا علشان راح البنك الدولي

    ReplyDelete
  12. حاجات جوايا14 April 2011 at 17:55

    توكلى على الله وكملى انتى يا نوارة ..
    ربنا يعينك

    ReplyDelete
  13. Hisham Hanbal14 April 2011 at 18:07

    لا يعنى خروج البعض عن حدود النقاش المحترم أن تخشى من أن تبادرى بمشروع وطنى, سيرى فى ما ترينه حق, و إن إختلف معك أحدهم, فسينقدك بإحترام, أما إن وجه إليك أحدهم سبابا أو تجريح فإعلمى أنك أنتى الأعلى

    ReplyDelete
  14. hayat ank14 April 2011 at 18:52

    اسالى مسعد ابو فجر هو هايقلك تعملىايه وهايضبطك

    ReplyDelete
  15. حزب الكنبه14 April 2011 at 18:53

    سؤال بعيد عن الوضوع يا اختى
    يعنى ليه برجماتيه
    :PPPPPPP
    ماردتيش على اخر موضوع بعته استنيت الايميل فتره طويله:)))

    ReplyDelete
  16. حزب الكنبه14 April 2011 at 18:53

    سؤال بعيد عن الوضوع يا اختى
    يعنى ليه برجماتيه
    :PPPPPPP
    ماردتيش على اخر موضوع بعته استنيت الايميل فتره طويله:)))

    ReplyDelete
  17. hayat ank14 April 2011 at 18:53

    شوفى ازاى اسرائيل قدره تدخل على شركات الاتصالات واخر قضيه تجسس اتمسكت

    ReplyDelete
  18. negmat lail14 April 2011 at 19:04

    بلاش الله يخليكي النغمة دي ما احنا اهو وناس كتير معاكي وراضيين عن ادائك وانت فلة شمعة منورة .. يعني مفيش حد عليه اجماع .. اعملي اللي يرضي ضميرك ويرضي ربنا.. وبس ...يعني كفاية تبليغة زي دي كل فترة

    ReplyDelete
  19. kbahey14 April 2011 at 19:14

    الاسماء اللي تشكل خطر على الثورة هي الان

    عمر سليمان، عشان كان مسئول كبير في الدولة لما حصل اللي حصل في موقعة الجمل، و بسبب ماضيه المهبب في التعذيب و علاقته باسرائيل و تعامله مع غزة

    أحمد شفيق، لانه برضه مسئول ايامها، و له شعبية و ناس بترشحه رئيس

    محمود وجدي، لانه وزير الداخلية يوم موقعة الجمل، و مش بس كدة، قال على التلفزيون ان في قناصة اجانب هي اللي ضربت المتظاهرين

    كل دول لازم يتجابوا و يتحبسوا بعيد عن بعض و عن التانيين

    الباقيين فساد مالي و بتاع حييجي الدور عليهم واحد واحد مش مستعجلين

    ReplyDelete
  20. Unknown14 April 2011 at 19:17

    كملى إنتى يا نواره وسيبك من أى حد منفسن ، إنتى ماشيه كويس أوى كده وربنا يحميكى

    ReplyDelete
  21. emmy14 April 2011 at 19:29

    نوارة انا مستعدة اتطوع انسق اعمل اي حاجة الراجل ده مش طايقاه من ساعة ما قال نطلب منهم ان يذهبوا للبيت بطريقة خلتني احس انه هيخنق الشعب المصري كله

    ReplyDelete
  22. mr_adham14 April 2011 at 19:52

    هوصل المعلومات دي لقبيله الحويطات وان شاء الله يتعاونو لو عندهم معلومات

    ReplyDelete
  23. hardway14 April 2011 at 21:11

    لااا يا نوارة, محدش فاضي يعمل الحاجات اللي مفروض تتعمل, او مفروض كانت اتعملت من زمان, كلهم بيتخانقو مع بعض او مع الجيش او بيحلمو بالمجلس الرئاسي :((, انجزي انت يا حاجة الله يكرمك و يرزقك الشهادة اللي نفسك فيها و يرزقني انا كمان :).
    زي ماقالت ...
    olfat said.
    ياريت مع عمر سليمان..يكون عمر الشريف
    و عمر الحريري و عمر عفيفي
    و عــــــــمر أفندي
    الاخير ده أشك يرجع زي زمان
    ......................................................................
    طالما الثورة كلها حملات..حملات..حملات
    ومافيش عملات..عملات..عملات..
    هوبا يا شباب

    ReplyDelete
  24. Ahmed . M . Abdulrahman14 April 2011 at 21:36

    يا نواره ارجوكى ابدئى الحمله واحنا وراكى بدل مايخدها حد من المشعوزين السياسين الى مش فاهمين اى حاجه فى اى حاجه احنا وراكى وحنعد نصيح ونصوت فى الموضوع ده لحد ما نجيب رقابته الارض دا راجل ثعلبى و مش سهل دا غير انه وصولى و دا بشهاده احد ظباط المخابرات السابقين

    بلاش يأس

    يد الله مع الجماعه و احنا وراكى
    ____________________________
    الى عاوزنى يجينى
    http://misr25jan2011.blogspot.com

    ReplyDelete
  25. mahmoud14 April 2011 at 21:57

    كل مانقول حنبتدي صفحة جديدة وعفاالله عما سلف يطسنا المجلس العسكري قرار يقولنا فيه ان الخطة اعادة العصر الماضي والظاهر ان فيه قرار من قوي الشر في الداخل والخارج ان مصر ماتتقدمش ومن غير تتطويل القرار هو اولا ترشيح الفقي للجامعة العربية وثانيا مجلس حقوق انسان متستف عشان يداري البلاوي اللي حتتعمل في المصريين في المستقبل وبعدين لو المجلس غير قراره اطمنلهم ازاي ياريت بقي يحددوا موقفهم مع مصر جديدة قوية متقدمة حرة ولا لا والحزب الوطني ده لو فيه شرفاء يسيبوه ويمارسوا العمل السياسي في كيانات اخري محترمة ايه وجه الاصرار علي ممارسة السياسة من خلال الكيان ده بالذات مابقي فيه انفتاح والاحزاب حتبقي كتير لييه التجمع في الكيان ده بالذات ونبيل لوقا قال لو المحكمة حلت الحزب حنعمل واحد تاني بنفس الاشخاص والمباديء ده اصرار بقي وبجاحة ياريت الجيش يحدد وقفه من المهزلة دي عشان نعرف من يشارك ويصر علي استنزاف واذلال المصريين اما الرمم اللي مصرين يستعبدونا مش حتعيشوا بعرقنا وضرايبنا يارمم ومش حنشتغل ونعيش الا في بلد ملكنا او حنندفن فيها وان شاء الله ربنا حينصرنا

    ReplyDelete
  26. أرنوب14 April 2011 at 22:41

    كده إنتي ماشية صح وعلى طريق الإستشهاد الذي ترغبين فيه وتحلمين به .. إتكلي على الله
    :):):):):):):):):):):):):):):):):):)

    ReplyDelete
  27. hassn hamdi14 April 2011 at 22:43

    بالحق يا نوارة.. جت لي فكرة هايلة..
    مش انتي بتقولي ان مبارك أمر المشير طنطاوي وسامي عنان بسحق المتظاهرين وضربهم بالطيارات وهمه رفضوا؟
    خلاص..
    نطلب من قاضي التحقيقات إنه يستدعيهم للشهادة ضد مبارك في التحقيق معاه ولو رفضوا يبقوا بيقولوا أي كلام ولو شهدوا ضده هيبينوا للمصريين كلهم قد إيه همه وطنيين ويكسبوا أرضيه هايلة ضد كل اللي بيعارض المجلس العسكري زي حالاتي مثلا

    ReplyDelete
  28. محمد طنطاوي14 April 2011 at 23:15

    يا نواره متفكريش فى الحاجات دى ، أهم حاجه مصلحة بلدنا ، مهما قالت علينا الناس ، إحنا مش عايزين حد يقول علينا حاجه حلوة لكن عايزين بلدنا تبقى حلوة

    ReplyDelete
  29. Anonymous15 April 2011 at 00:47

    تجمعهم يسهل التآمر,وتسحب منهم وسائل الاتصال,فهذا لا يوجد فى سجون الدول المتقدمة يعنى أوروبا وأمريكا. د. شريف عبد الحكم-باريس

    ReplyDelete
  30. أرنوب15 April 2011 at 01:19

    إسمحي لي أن أحي الأخ : حسان حمدي على تعليقه الذكي والخبيث أيضاً .. وأرجو أن يتبناه الجميع (كطلب) موجه للمجلس العسكري

    ReplyDelete
  31. Leonardo15 April 2011 at 06:08

    معلش يانواره ؟؟؟
    استفسار مالوش دعوه بالكلام ده دلوقتى
    من كام سنه كتبتى عن ظابط فى حرب أكتوبر عمل كتاب جميل قوى بيحكى فيه عن بطولات الجندى المصرى فى الحرب وعن اللى شافه بنفسه
    أنا حاولت أوصل للتدوينات اللى إنتى كتبتيها عن الكاتب والكتاب لكن ماعرفتش للأسف فياريت لو بس تقوليلى اسم الكتاب وأقدر أشتريه منين
    لأنى هاموت وأجيب الكتاب ده وعلى استعداد أنزل القاهره مخصوص علشان أجيبه

    ReplyDelete
  32. د. هانى احمد15 April 2011 at 06:28

    منقول من تعليق فى الاهرام

    المستشار السيد عبدالعزيز عمر رئيس محكمة استئناف القاهرة لمن لايعلم إبن خالة مبارك
    هلا بالقضاء..وسوزان.. برأءة يا نوارة... وقفلى على كل المواضيع قفل قفل قفل

    ReplyDelete
  33. د. هانى احمد15 April 2011 at 06:39

    هل المحاكمات العسكريه اللى بيعملها الجيش للمدنيين ممكن تأثر على نظرة المنظمات الدوليه للمحاكمات المدنيه لعصابة الفاسد وعلى رأسها مبارك.. اعتقد اى حكم عسكرى للمدنيين لايحظى باحترام دولى..وبما ان المجلس العسكرى بيقول انه مش عايز يحاكم الفاسدين عسكرى علشان ميضيعش حقنا فى الفلوس المنهوبه.. فاعتقد عليه يفكر كويس علشان خاطر مصر انه ينهى فترة الحكم العسكر ى الحاليه باى طريقه لان اى محاكمات خلال فترة الحكم العسكرى ح يكون عليها علامات استفهام فى المجتمع الدولى... ولا ايه يا جدعان

    ReplyDelete
  34. د. هانى احمد15 April 2011 at 06:43

    فكرتك هايله يا حسن حمدى.. والله جول عالمى

    ReplyDelete
  35. Software Development and Management15 April 2011 at 09:09

    كانت فترة جميلة بعد الثورة لما الناس كانت مركزه في افكار للنظام الجديد و ازاي نصلح البلد, للاسف بقى كل تركيزنا مع النظام القديم, يا ريت نسيب القضاء ياخد مجراه و نعمل حملات بنا و نسيب الهدم شويه خلاص هدمنا كتير من الظام القديم نبني بقى, يعني حملة عشان المحافظين يبقو بالانتخاب, شيخ الازهر يبقى منتخب, ازالة التعديات من على النيل... الافكار الايجابية كتير و ده وقتها ياهنفضل محلك سر

    ReplyDelete
  36. واحد من الناس15 April 2011 at 11:10

    يا ســـلام بقى
    الراجل الغامض بسلامته هيتحقق معاه

    ReplyDelete
  37. منظور شامل للحياة السعيده15 April 2011 at 12:57

    كلنا مع فكرة حسن حمدي الخبيييييييييييييييييييييثه

    :)

    ReplyDelete
  38. Rowaa15 April 2011 at 13:36

    أمس في مصر الحبيبة عقدت قمة جامعة الدول العربية والاتحاد الاوروبي والافريقي وممثل الامم المتحدة من اجل توحيد القرارات من اجل ازمة ليبيا وللاسف كان طرح عمرو موسى مخيب جدا للأمال الشعب الليبي حيث قال نحن مع مبادرة الاتحاد الافريقي ونحن ضدها جميعا كشعب يريد الحرية وخلق الطاغية حيث أن المبادرة من تفصيل الطاغية لأنها تدعوا لوقف إطلاق النار ولكنها لا تنص على ترك الطاغية وابنائه للسلطة نريد من ثوار 25 يناير الابطال أن يتولوا الضغط على المرتزق عمرو موسى حتى يغير من هذا القرار الظالم وأن يتبنى قرارات الامم المتحدة والاتحاد الاوروبي فقط وهو تنحي الطاغية وترك الشعب الليبي لوضع دستوره وعم تقرير مصيره بحرية وكرامة وأن ينسق شباب ثورة يناير مع الليبيين في مصر الحبيبة في المظاهرات امام جامعة الدول العربية ويساندوا اخوانهم هناك ضد المرتزقة الليبيين هناك ويجب تغيير عمرو موسى لقراراته المشينة





    وجزاك الله خيرا

    ReplyDelete
  39. Shoukry15 April 2011 at 14:16

    There are some names that shouldn't be forgotten

    1. Ahmed Shafik (Leader of counter revolution)
    2. Ahmed Abo El Gheet (Assistant in counter revolution - refused to make any calls to retrieve stolen fortune)
    3. Atef Ebied (Mubarak's authorized reseller of Egypt institutions)
    4. Youssef Botros Ghali (The Publican)
    5. Youssef Wali (King of Carcinogen seeds)
    6. Sameh Fahmi (Mubarak's authorized reseller of Egypt fortunes)
    7. Mohammed Mansour (Almost all transportation disasters occurred during his ministry)

    ReplyDelete
  40. Unknown15 April 2011 at 14:18

    ابتدي ولا يهمك و سيبك منهم و ياريت تاخدي شفيق معاكي بالمرة والي مش عاجبه يخبط دماغه في الحيط

    ReplyDelete
  41. pooa15 April 2011 at 15:20

    يلا يا نورا توقيعات وانا اول من يوقع

    ReplyDelete
  42. elzahraamegahed15 April 2011 at 16:32

    يا ريت الجزيره تعمل تقرير عن الموضوع ده

    وأنا أعرف واحد من عرب 48 بيدرس هنا فى فرنسا كلمته ينشر الموضوع بين معارفه

    ReplyDelete
  43. moo15 April 2011 at 17:13

    معلش يا ست نوارة ان حأغرد خارج السرب قليلا احنا عمالين نهدم فى اركان النظام القديم وقربنا نخلص من الاعمدة الاساسية لكن لازم علينا الان نبتدى بنا ولا البيت حايقع على دماغنا
    يعنى المشاريع القومية التى سوف تبدا محتاجة دعم تعبوى علشان تبتدى بدفعة كويسة ولازم التنبيه على اهميتها مثال مشروع كان بدا فيه ممدوح حمزة من شهر فى الصحراء الغربية ومثال تانى اهم. مشروع ممر التنمية للعالم فاروق الباز وممكن نبتدى حملة لاقناع وزارة الزراعة توزع الااراضى المصادرة من الحرامية على المزارعين الصغار وشكرا

    ReplyDelete
  44. lifecollections15 April 2011 at 17:35

    عبد القوى خليفه محافظ القاهره ده افسد المفسدين و اسالوا ابراهيم سليمان فمكانه فى طره مش مكتب المحافظ وغيره كثير د شرف يجب ان تعلن من الذى يختار المتنفذين فى الدوله لتتم محاسبته

    ReplyDelete
  45. Unknown15 April 2011 at 18:41

    @Nawara:

    Check this out. Very important

    http://www.ahram.org.eg/Al-Ahram-Files/News/72815.aspx

    ReplyDelete
  46. torero15 April 2011 at 20:48

    يا نوراة
    اضغطوا عشان صدور احكام
    سريعة
    واطلبوا حكم مدنى بسرعة
    وبعدين حاكموا اللى تحاكموه

    ReplyDelete
  47. alaeldin15 April 2011 at 21:10

    الرد علي حملتك جيه اسرع مما توقعت
    اقري الخبر ده يا نوارة وشوفي اللي بين السطور
    http://youm7.com/News.asp?NewsID=391559
    اما بقي ده رابط خطير وبجد لازم تشوفيه يمكن ينفع
    http://www.facebook.com/topic.php?uid=162973688948&topic=12093
    اصل الخبر منشور في جريدة الفجر بتاريخ شهر 8 عام 2010

    ReplyDelete
  48. alaeldin15 April 2011 at 21:14

    الرد علي حملتك جيه بسرعه اوي
    اقري الخبر ده لكن اللي بين السطور
    http://youm7.com/News.asp?NewsID=391559
    اما ده بقي رابط مهم واكيد ممكن ينفع في الحمله
    http://www.facebook.com/topic.php?uid=162973688948&topic=12093
    اصل الخبر اتنشر بجريدة الفجر شهر اغسطس 2010

    ReplyDelete
  49. محمد نبيل15 April 2011 at 21:42

    عمر سليمان دة بالذات خطير جدا

    ReplyDelete
  50. Ahmed-Badr15 April 2011 at 22:07

    ممكن يعجبك المقال ده :

    http://elbadil.net/%D9%85%D8%AD%D9%85%D8%AF-%D8%AD%D8%B3%D9%8A%D9%86-%D8%B9%D9%88%D8%AF%D8%A9-%D8%B9%D9%85%D8%B1-%D8%B3%D9%84%D9%8A%D9%85%D8%A7%D9%86/

    محمد حسين : عودة عمر سليمان

    فى البديل

    ReplyDelete
  51. Hady15 April 2011 at 22:40

    ابدا كلامي بالتنويه التالي ان المثل الذي سأقوله هو للمثل و التدليل القوي و العبرة و ليس للتشبيه عشان بس عارف بعض الناس ماتفهمش اني بساوي حد بالله جل و تعالى و الذي له المثل الاعلى طبعا وفيه ناس من خبرتي اول ما تقول قصة او حكاية عن نبي او تجيب سيرة ربنا للتدليل على شئ بيتجننوا و يهيجوا و يقوله ايه ده ما تخلطش الامور ببعضها و اللي طبعا اعتقد كتير منكم عارفه و اقصد بعض الناس و مش كلهم... سيدنا ابراهيم عليه السلام من القرأن ذات مرة سأل ربنا الله جل و على بأنه يريه كيف يحي الموتى... تاني مين اللي بيسأل سيدنا ابراهيم اللي عرف ربنا بعقله قبل الوحي و ابو الانبياء سأل ربنا ان يريه كيف يحي الموتى فقال الله تعالى اولم تؤمن!!!! قال بلى و لكن ليطمئن قلبي... يعني هو اساسا ايمانه بينا كلنا و سأل يشوف علامة او معجزة او شئ من اختصاصات الله تعالى وحده اللي هو اساسا مؤمن بيه لدرجة انه رضي يترمي في النار و لم يخاف من النار لشدة ايمانه بالله و لكن سأل و ليس سؤاله يعني انه شاكك او غير مؤمن او ايمانه ضعيف و انما سأل و لذلك اجابه الله تعالى بالقصة المعروفة بتاعت خذ اربعة من الطير و صرهن اليك و اجعل على كل جبل منهن جزءا ثم ادعوهن يأتينك سعيا... و كلنا طبعا عارفين.. و من هنا ياتي سؤالي و لكن قبل سؤالي اوضح حاجتين الاولى ان المثل اللي اوردته ليس لمساواة احد بالله جل و على و انما لإيضاح انه اذا كان الله تعالى رب الكون رضي من عبده البشر سيدنا ابراهيم عليه السلام ان يسأله السؤال ده و رضي و اجابه و هو الله جل في علاه فما بالكم ان السؤال قد يكون صعب و لكن من بشر لبشر فما الحال... ثانيا ان الاسئلة الصعبة التي قد يكون احيانا لها طابع اختباري ليست دائما معناها الشك او التخوين و الدليل ان سيدنا ابراهيم خليل الله سأل ربنا عن حاجة اساسا هو مؤمن بيها و احنا طبعا كلنا و السؤال ليه شكل او طابع و ليس مضمون اختباري و تقبل الله جل و على السؤال و اجابه طبعا لسيدنا ابراهيم فقط و لكن ذلك لا ينفي ان السائل للسؤال ذو الشكل الاختباري و بقول الشكل و ليس المضمون هو بشر عبد لله مهما علت قيمته و اجابه رب الكون مالك الملك... المهم يجي السؤال ... لاي حد ممكن يلاقيله اجابة مقنعة او للمجلس العسكري نفسه دون تخوين و لا تشكيك ليه لحد دلوقتي مافيش فيديو واحد واضح و جلي لمبارك و افراد اسرته اثناء القبض عليهم او احتجازهم او نقلهم او التحقيق معهم... و التامين لا يمنع عمل الفيديو و التصوير الاخباري و محدش يتذرع بده لأن ده يبقى كلام مش مظبوط... ممكن حد من التوجيه المعنوي نفسه يصور للأخبار او من المصوريين الاخباريين الموثوق فيهم... ليه مافيش فيديو يطمن قلبنا تماما و بالذات ان فيه خبر اتنشر على الدستور ان التحقيقات معاهم هتاخد 6 اشهر و ده غريب شوية و مش زي الفاسدين الاخرين و قد يقلق ان هيتم اطلاق سراحهم على ذمة التحقيق و مش عارف ممكن الرجوع لحد بيفهم في القانون ان ممكن ده يحصل و لا لأ؟؟؟ و ليه كمان اتميزوا عن باقي اللي اتقبض عليهم زي عزمي و صفوت و العادلي و عز و غيرهم و ما ظهرتش ليهم صور ؟؟؟؟؟ هما مش رؤساء و لا معاهم حصانة و لا احسن من اي مصري في مصر و التأمين لا يمنع التصوير الاخباري... بس خطير جدا ان العملية تتم كده غميضي في غميضي و طبعا اذا تمت محاكمات هتكون سرية بحجة التأمين يعني كله عمياني في عمياني... ده مش مريح يا مصريين... و سؤالي ليس من باب التخوين و لا عدم الثقة حتى الان و افتكروا المثل اللي بدات بيه كلامي... حد عاقل يرد عليا يمكن لن من كتر ما احنا كمصريين اتظلمنا و اتغدر بينا ماعدناش بنصدق غير عنينا و نفسنا و ده احنا معذورين فيه برضه يا مجلسنا...

    ReplyDelete
  52. Unknown16 April 2011 at 02:35

    عمر سليمان تصنفه منظمات حقوق الإنسان الدولية بأنه من كبار المتورطين في جرائم التعذيب بالوكالة . حيث كانت أمريكا ترسل إليه المعتقلين لتعذيبهم وانتزاع المعلومات منهم وفعل مالا يسمح القانون الأمريكي بفعله
    وهناك كتب أجنبية حول جرائمه تلك

    ReplyDelete
  53. Unknown16 April 2011 at 07:35

    بصي انا هنشر و لو اني بنفسن عليكي الا اني بشجع اللعبه الحلوه و يا ما نفسي أشوف عمر سليمان ده في منتجع طره ولو للاستجمام

    ReplyDelete
  54. hassn hamdi16 April 2011 at 11:44

    لو عاوزين توقعوا عمر سليمان بجد يبقى توقعوه من قلب الجهاز اللي كان بيحكمه.. جهاز المخابرات العامة نفسه لأن كل حاجة كان بيعملها كانت متسجلة فيه ولازم ترفقوا باتهامات الللي عذبهم وبلاغاتهم طلب شهادة ضباط الجهاز نفسه وخصوصا مسئولي الاتصال الخارجي مع الأجهزة الأجنبية
    منها مش من براها
    بس مين هيسمع كلامكم؟
    وكمان المخابرات العسكرية عندها حاجات كتير وماعتقدش انها ممكن تقولها

    ReplyDelete

Note: only a member of this blog may post a comment.