Sunday, 10 April 2011

مبارك حيتكلم في العربية؟

تحديث:
طب يالا على التحرير بقى مؤقتا على ما نشوف حنطلع شرم الشيخ امتى
كده ما ينفعش يا مجلس يا عسكري.. كده ما ينفعش.. شوف انا مطولة بالي ازاي؟ وعمالة احايل واطبطب ازاي؟ ومستعدة استحمل وساخات من اللي كانوا مستخبيين تحت الترابيزة، واللي كانوا مسافرين يعملوا شغل فجأتن ايام الثورة ورجعوا يركبوا ويعملوا ثوريين دلوقت اكتر من كده
بس ده فوق طاقتي... كده فوق طاقتي، وفوق طاقة اي حد
احنا نازلين التحرير وحنروح شرم الشيخ نجيبه من قفاه.. خلاص.. متشكرين منكم قوي على الخدمات الجليلة، ومش عايزينكم تعملوا لا ضبط واحضار ولا نيلة، الراجل هرب فلوسه، وخلع من اتهامات القتل... متشكرين منكم
احنا بقى حنعرف نحاكمه صح بقى... اركنوا انتوا شوية
-----------------
تحديث:
الفلوس راحت
الفلوس راحت
هربها.. هربها.. الفلوس راحت.. الفلوس راحت
احنا لازم نروح شرم الشيخ.. لازم نروح شرم الشيخ
الفلوس راحت بس القتل ما بيروحش
--------------
يعني ايه واحد احنا خلعناه يطلع يتكلم في التهم الموجهة اليه على قناة العبرية؟ 
ايه التهريج ده؟ 
هو مش تحت الاقامة الجبرية؟ هي الاقامة الجبرية فيها تليفونات؟ ومين اللي سمح له يتكلم لقناة فضائية؟
متشكرة قوي يا مبارك
احنا كده كلنا طالعين لك شرم الشيخ نجيبك من ودانك فعلا.. انت كده حتخلي الناس تتوحد على مطالبها تاني.. ربنا يكتر من غباوتك
كله يحضر الشنط بقى
at

61 comments:

  1. رحب10 April 2011 at 15:29

    هيتكلم امتى؟

    ReplyDelete
  2. علا حسين10 April 2011 at 15:39

    هوه ليه لسه بيقولنا (أيها الاخوه والاخوات) عشان تعرفوا انه قاصد يستفزنا .. ماشى يا بركوتا انت اللى جبته لنفسك

    ReplyDelete
  3. Amany10 April 2011 at 15:50

    يا جماعة

    الغلط من البداية إننا قاعدين نقول الفلوس الفلوس اهو هربها مبارك يجب ان يحاسب علي أخطائه السياسية قبل السرقة مبارك كرئيس للجمهورية سابق و كرئيس للحزب الوطني هو المسئول عن كل بلاوي النظام و يجب ان يحاسب سياسيا

    ReplyDelete
  4. Aalaa Elshamy10 April 2011 at 16:00

    بصراحة ده حيوان اووووووووى حسبي الله ونعم الوكيل ..ده لسة فاكر نفسه رئيس ده حرامى ونصاب وقاتل ومجرم هوا ومراته وعياله كلهم اما نشوف اخرتها بقا معاه وانا واثقة ان ربنا هيجبلنا حقنا بس انا عندى سؤال مهم التسجيل ده ظهر دلوقتى ليه اشمعنا بعد المشاكل الى حصلت ف التحرير والمشاكل الى حصلت مع الجيش انا نفسي افهم ليه اتكلم دلوقتى بالذات

    ReplyDelete
  5. Passant10 April 2011 at 16:02

    يا نواااااااااااااااارة نورتى تانى يا قمرة كنت منقوطة و عملة زى المجنونة و كلامك امبارح نيمنى متنكدة و الله ما تعشيت بس كلامك الفللى دلقوتى مخلينى حتحزم و اجيلك بصى بقة لازم كده بالراحة نعرف ايه الخطوة اللى جايه لحسن ابن الدايخة ده هرب الفلوس و احنا قاعدين طيب حنعمل ايه و المجلس الاعلى حيتعاون معانا ولا الكلام على مين

    ReplyDelete
  6. Nibal10 April 2011 at 16:03

    بدل فيه صحة يعمل تسجيلات صوتية و يتمسك في حقه في مقاضاة من اعدي عليه و نال من سمعته

    ليه مايمثلش للقضاء زيه زي اي مواطن بدل المحاكمة الفايف ستارز اللي حايحاكموهالو في شرم الشيخ دي!!!

    بس سؤال لو في اي حد متخصص... هو في اي احتمال تكون المحادثة دي مش حقيقية و مزورة؟؟؟!!!! والله انا اتمنى ولا ان المجلس العسكري تكون صورتة بالشكل ده

    ReplyDelete
  7. elzahraamegahed10 April 2011 at 16:03

    اهدى يا نواره
    فكرى الاول شويه
    مش عايزين الجيش يعلن الاحكام العرفيه ويتحجج ويقلبها حكم عسكرى
    ومش عايزين يحصل قلق فى الجيش، وهو واضح انه فيه انقسامات اساسا

    ReplyDelete
  8. Passant10 April 2011 at 16:03

    نوارة اوعى تطلعى شرم من غيرى انا يا قاتل يا مقتول

    ReplyDelete
  9. Kontiki10 April 2011 at 16:04

    حسبى الله ونعم الوكيل فيكى بحق البلد اللى خربت حسبى الله ونعم الوكيل فيكى

    ReplyDelete
  10. mohamad10 April 2011 at 16:06

    فعلا بني آدم معندوش دم . . وطلوعه دلوقتي بعد اللي حصل في التحرير مش مصادفة . . ده بيطلع في الروح صدقوني . . محدش يستفزه كلام الخروف اللي خايف من الدبح ده

    قال خايف على سمعته وبيحتفظ بحقه في مقاضاة اللي قال

    صحيح . . مش جلد تخين . . ده جلد حمار وسخيف وعامل ناصح كمان

    ReplyDelete
  11. elzahraamegahed10 April 2011 at 16:06

    افرضى يا نواره مبارك بيستغل الموقف ويكون بيسخنا على الجيش علشان البلد تولع

    وممكن يكون هو اللى عامل القلق داخل الجيش اساسا

    نتروى الاول العمليه مش متحمله

    ReplyDelete
  12. marwa10 April 2011 at 16:10

    نوارة انا حاسه انى بموت هو ايه القرف اللى احنا فيه دة والله حرام هى ناقصه حرقه دم وفوران فى النفوخ انا من يوم الجمعه وانا بيتحرق فى دمى ياجدعان كدة كتير والله كتيرررررررررررر

    ReplyDelete
  13. محمد نور الدين10 April 2011 at 16:11

    ست الكل مساء الخير

    أولا أشكرك على لفت الانتباه لقد استمعت في هذه اللحظة للحديث أنا أجيبك على السؤال الذي طرحتيه، و الجواب سهل وبسيط ومعروف و لا يحتاج إلى جهود جبارة . إن الذي سمح له بهذا الحديث هم من كنت تبعثين لهم رسائل الحب و الأشواق المعركة الآن تجري داخل أروقة القوات المسلحة وليس في ميدان التحرير لكن ما حدث في ميدان التحرير هذه تداعياته . مرة اخرى من يقف مع مبارك و من سمح له بهذا الحديث هي نفس الجهة التي اعتدت على المتظاهرين في ميدان .ولا أريد أن أقول أكثر من ذلك حتى لا أثير حساسيتك الوطنية لأنه مهما يكن سأظل غريبا لكن عندي الكثير مما أقوله يختلف كثيرا عما كنت تروجين له.
    أجمل التحيات لأجمل نوارة

    ReplyDelete
  14. Aalaa Elshamy10 April 2011 at 16:22

    لا يا نوارة مش عاوزين نفقد الثقة ف الجيش احنا نستنى الجمعة الجاية ونشوف المجلس العسكرى هيطلع يقولنا ايه...ويا نوااااااارة احنا مش متأكدين مصدر التسجبل ده ايه وممكن يكون متفبرك لازم نهدا ونفكر ومندخلش ف صدام مع الجيش وربنا يستر

    ReplyDelete
  15. Unknown10 April 2011 at 16:24

    مفيش و لو اعتذار بقى للناس اللي كانت بتقولك ان المجلس متواطئ و انت مطلعاهم حمير و اغبياء؟، اديكي شفتي ان صاحبك المشير هو قائد الثورة المضادة زي ما قلنا، يلا انا مستني محاكمات الثوار بتهمة الاساءة لسمعة القائد العظيم مبارك، بس لما تتشنقوا، ساعتها هنبقى نقول لا لا، المجلس مع الثورة و دول فلول.

    ReplyDelete
  16. mohamad10 April 2011 at 16:25

    تحرير إيه يا نوارة ؟؟

    بالذمة ما أخدتيش بالك إنه بيستفزنا ؟؟

    سبحان المعز المذل . . بقى بيبعت تسجيلات صوتية زي بن لادن

    ReplyDelete
  17. moo10 April 2011 at 16:26

    ايه البكاسة دى
    المثل بيقول يعملوها ويخيلوا انا حاسس ان الر اجل ده بيطلع لنا لسانه بالكلام ده الخائن العميل مش عامل حساب لكل ماكشف وجاى يمن علينا تانى بالانجازات المزيفة والمواقف الكرتونية الى كان بياخذها وهو من تحت الترابيزة بيسرق ويدمر فى البلد فقط لكى يضمن يسلمها مقشرة للننوس تخيلوا انه عامل مقبرة على 80متر فى اغلى قطعةفى مصر الجديدة بتكلفة 15 مليون والكبر واصل معاه للاخر وحاطط فيها مركز اتصالات دولى هههههههههههههه
    اه حد يقول للمخلوع ده مش عايزيين نسمع صوته يتكتم لحد ما يتحاكم وامام قضاء عادى عادل ومش امام محاكم من بتاعته وحسبنا الله ونعم الوكيل

    ReplyDelete
  18. Mahmoud10 April 2011 at 16:26

    رحلة شرم

    كوتشي + بودرة إيفا عشان ريحة الرجرين عشان المشوار طويل
    اتنين تي شيرت عشان تبدل فيهم
    ام بي ثري عشان تسلي نفسك
    لو عندك موبايل بانترنت يكون كويس

    كيس شندوتشات
    علبتين عصير
    رتر مية
    نضارة شمش

    لو اﻷتوبيس بيشيل 70 نفر يبأة عايزين على اﻷقل 200 أتوبيس عشان نطلع بـ 14 ألف مواطن
    عندنا 9 محافظات وجه بحري + 3 خط الكنال
    كل محافظة يطلع منها بتاع 20 اتوبيس
    20×13=260 أتوبيس
    لو اﻷتوبيس بيشيل 70 نفر يبأة 260×70=18200 مواطن على اﻷقل
    والبحر يحب الزيادة

    عربية سماعات كبيرة ومولد قوى وشوية خيام

    درجة الحرارة العظمى 28 والصغرى 16 والرطوبة 19%
    المشوار من القاهرة ياخد له حوالي 7 ساعات

    ReplyDelete
  19. Egyptologist10 April 2011 at 16:26

    a7a وده أفضل لفظ مؤدب عندى

    ReplyDelete
  20. mohamed10 April 2011 at 16:31

    جبتيلى اكتئاب امبارح منك لله

    ReplyDelete
  21. Unknown10 April 2011 at 16:33

    نوارة حمدالله على السلامة ايه يا شيخة قلقتينا عليكى اوعى تعملى كده تانى
    نيجى بقى للباشا اللى فاكر نفسه برئ ده نهدى شويةونفتكر خطابه اللى قسم فيه الناس نصين اللى قبل موقعة الجمل ده لازم نفهم انه لما يتكلم فى حاجة بيكون قصده حاجة تانية هو شايف انه موضوع الظباط المزيف ده طلع فشنك عايز يوقعنا فى الجيش طريقة تانية هو مرعوووووووب من موضوع محاكمته هو وولاده وادى جيمى مجاش التحقيق النهاردة وان شاء الله هيتعمله ظبط واحضار وهايجى من قفاه نهدى شوية يانوارة ونفكر ونحسب كل خطوة بنخطيها التحرير مش عيد عنا وساعتها هتلاقى مصر كلها فى التحرير وفى ستين داهية الفلوس المهم نجيبه من قفاه ما احنا مش كل شوية هيموتلنا واحد وبلدنا تتحرق كفاية بقى
    نوارة ممكن تكتبى حسابك على تويتر

    ReplyDelete
  22. torero10 April 2011 at 16:37

    الراجل راجع تانى للحكم

    ReplyDelete
  23. سامي10 April 2011 at 16:37

    ما قلنا مجلس العرصات دى احذية جزم تحت رجليه محدش صدق

    ReplyDelete
  24. Egyptologist10 April 2011 at 16:39

    يعنى ايه غقامة جبرية فى شرم الشيخ ؟ هى شرم الشيخ بقت معتقل واحنا ما نعرفش ؟ طيب ماياخدوا العيال الغلابة المعتقلين دول هناك و أهه يكسبوا فيهم ثواب , ثانيا ليه كل الحراسة اللى عاملينها هناك دى ؟ هو ده مش حرامى ولا الحراميه كمان درجات ؟ ومين ده اللى بيحرسه , وبيسوق له , وبيخدمه مصريين دول ولا جنسيتهم ايه ؟ وازاى فى واحد مصرى عنده ذرة وطنية يتعامل مع الكلب ده مهما كانت الأوامر اللى عليه ؟ انا كنت بتوقع ان اللى شغالين معاه بعد اللى سمعوه عنه يسلموه للشعب أو يقتلوه ونكرمهم على كده , مش يخدموه ويطبخوله ويحموه , والله لو اتعرض عليا كنوز الأرض مقابل انى أتعاون أو أشتغل معاه فلن أقبل مجرد التفكير فيه لأن تبقى هى دى الخيانة فعلا.

    ReplyDelete
  25. Unknown10 April 2011 at 16:42

    hwa kda byzrb el mgls el 3askre 5als we lw saboh yb2o lamo2a5za 5als

    ReplyDelete
  26. moo10 April 2011 at 16:46

    مراتى بتقلوكم الرجل ده( بيتأأش )ومحدش يسالنى يعنى ايه عشان ده لفظ كفراوى عمرة سبعتة الاف سنه وعيب نييجى نفسره دلوقتى

    ReplyDelete
  27. Ahmed10 April 2011 at 16:47

    yallla beena 3ala sharm:D

    ReplyDelete
  28. Unknown10 April 2011 at 16:51

    http://elfagr.org/DailyPortal_NewsDetails.aspx?nwsId=2418&secid=1

    ReplyDelete
  29. mohamed10 April 2011 at 16:56

    انا حتشل من الراجل ده ايه التباته دى ااااااى

    ReplyDelete
  30. qqq10 April 2011 at 17:06

    جرى إيه يا نوارة؟ كل يوم بحال؟ ما قلنا تذبذب المواقف ده موش كويس و بيسسب بلبلة، كان فيها إيه يعني إنك تنتظري قليلا قبل ما تنزلى تعليقك ده على المدونة؟قلنا ستين مرة الجيش مش حلو و لا وحش و مافيش حد حنديله شيك على بياض، بس لابد من التمهل لإن الرؤية غير واضحة تماما و جميع الإحتمالات ممكنة، و بعدين فلوس إيه و هباب إيه، الراجل ده خائن خيانة عظمى و عايز يفجر البلد، التصريحات دية دليل على قرب نهايته و لازم نستمر مع الجيش كإيد واحدة، و عموما إحنا الشارع لسة بتاعنا و نقدر نزحف لشرم الشيخ لو حبينا بس لابد من التمهل و التريث لحساسية الموقف.

    ReplyDelete
  31. مصدق الهواري10 April 2011 at 17:09

    أعتقد انه شعر بضيق الحلقة عليه و اتمنى ان يكون هذا مؤشرا لأختلال ميزان القوى في قيادات القوات المسلحة ضد مبارك لأن تحركه هذا يعني انه خائف من رعاية الجيش لمطالب الثورة بمحاكمته و بعد ايام من القبض على زكريا عزمي و بعد يوم من القبض على اهم اعوانه محمد ابراهيم كامل بواسطة الجيش و في نفس اليوم المفترض للتحقيق مع ابنه اعتقد انه يريد الاستفادة من تعاطف العامة مع كلمته و من ثم تأييد بعض التابعين في خروج مسيرات للضغط على الجيش أو ضد الجيش في استكمال لما حدث يوم الجمعة أعتقد ان مبارك الأن يلاعب المجلس الأعلى بالضغط السعودي و بتأييد مجموعات مصطفى محمود و التى ستظهر في رد فعل على كلمته

    ReplyDelete
  32. مصدق الهواري10 April 2011 at 17:15

    يجب ان نقول للشعب المصري كله لا تصدقوه لقد كذب ثلاثون عاما فلماذا يصدق الأن و من اين له ثمن المنزل او القصر الذي يقيم فيه و مرتبه كله طوال عمرة لا يسدد ثمنه و ان كان هدية فالهدايا بمثل هذا الحجم لا تكون لشخص الرئيس بل لمنصبه و بالتالي يجب ان تصادر لصالح الدولة و ارجو ان يعتبر هذا بلاغا للنائب العام

    ReplyDelete
  33. محمد طنطاوي10 April 2011 at 17:19

    كويسة درجة الثورية دى يا نوارة وخليكى كده علطول لأن ده هو المطلوب الأيام دى لأن حتى الحكومة المصرية بقيادة عصام شرف لم تأخذ مسألة تجميد أموال مبارك درجة التنفيذ ، وإن كانت أعلنت عنه لكن الأعلان شيء والتنفيذ شيء آخر كما أن من دواعى التنفيذ بدء التحقيق الجدى معه وهذا لم يتحقق ، ومع ذلك أقول لكى صبرًا إلى يوم الجمعة القادم حتى نلملم أمرنا ونجمع شتيتنا

    ReplyDelete
  34. علا حسين10 April 2011 at 17:20

    هددددددددددددنننننننننه لوسمحتوا
    كل واحد يسكت شويه يومين بس نراقب اللى بيحصل ونشوف بعديها ممكن نعمل ايه عشان كده السلوك كلها لمست
    ومحدش بقى فاهم حاجه رجاااااااااااااااااء محدش ينزل التحرير دلوقتى

    ReplyDelete
  35. مصدق الهواري10 April 2011 at 17:21

    للقوات المسلحة و المجلس الاعلى كفاية تباطؤ و لا تدعوا له مزيدا من الفرص الاقامة الجبرية غير محكمة يجب التحفظ عليه في القاهرة و منع الأتصالت عنه و عن عائلته و حسب معلوماتي فأن الاقامة الجبرية هي بديل استثنائي للسجن و التحفظ على المتهمين و بالتالي تسري عليها كل احكام السجن من منع للمتحفظ عليه من ممارسة حريته كأنسان طبيعي و منها منع الاتصال و الزيارة الا بمواعيد مسبقة من السلطة التي تقوم بالتحفظ

    ReplyDelete
  36. eng_kika10 April 2011 at 17:21

    كلنا عارفين النكتة بتاعة "رايحين حلوان رايحين حلوان"

    دلوقتى بقى مع بعضينا يا ولاد ويا بنات :"رايحين شرم ..رايحين شرم"

    ReplyDelete
  37. romancy10 April 2011 at 17:23

    هههههههههههههههه ايه يا نوارة فقتى دلوئتى قلنالك انتى ال كنتى مصرة تشمى بصلة عشان تفوقى لما طنطاوى يرفض مثول جمال مبارك قدام النيابة ويقول اهو دا ال ناقص ان ابن الريس يتحقق معاه يبئا لا مؤاخذة يعنى ف الكلمة احا يا طنطاوى وانتى لسة فاكرة تقولى انزلو التحرير هههههههههههههههههه لا معلش قلبك ابيض الناس نزلت من امبارح وبعد الكلام ال اتسمع دا وعدم مثول جمال مبارك قدام النيابة ال ايه لدواعى امنية

    http://youm7.com/News.asp?NewsID=387861&SecID=65&IssueID=162

    يبئا ملعون ابو طنطاوى على ابو ام مجلس الكلاب ال معاه ومفيش صدام مع الجيش ولا حاجة لو فى عساكر هتتحرك هتكون كلاب الشرطة العسكرية ودل الجيش متبرى منهم ومن قيادتهم المعرصة
    وال خايف م الاحكام العرفية لو كان طنطاوى قدر يفض اعتصام التحرير بتاع امبارح كان فرض الاحكام العرفية ونصيحة لل خايف من الاحكام العرفية يلروح ف حضن مامته او يشد اللحاف عليه ويغور ينام لحد م الاحرار ياخدو حقهم ويبئا يصحى يقول انا مع الثورة وال بيتريق على شرم الشيخ مش بعيدة ياحلو فى ناس من يوم الجمعة ال فاتت متمركزين ف شرم الشيخ فعلا غير عرب سينا ال مستحلفين هيروحلو وهيجبوه من هناك اما انتى يا نوارة للاسف عملتى ناصحة قلبت عليكى بغم ودلوئتى جاية تصوتى وتقولى فلوسنا راحت ابقى خلى بلال فضل بئا يقولك تعملى ايه

    ReplyDelete
  38. Om Kiki10 April 2011 at 17:24

    مبارك وسخ، خد الفلوس وطمعان في الكرامة والتاريخ. إحنا عارفين من الأول المجلس العسكري إنتمائه لمين. بس ماشي .. أنا مكنتش موافقاكي في تطبيلك ليهم، بس كنت فاهمة إنت بتعملي كده ليه. الناس لازم تفهم وتعرف اللي بيحصل.. كل الناس مش بس الناس بتاعة الفيس بوك ... لازم نتحد تاني.... بعد كده مبارك هيطلع يحاكمنا ويطلب تعويض ورد شرف !!!!!!!!!!!

    ReplyDelete
  39. AME10 April 2011 at 17:24

    http://www.youtube.com/watch?v=16XdCBoSCdc

    ReplyDelete
  40. AME10 April 2011 at 17:24

    http://www.youtube.com/watch?v=16XdCBoSCdc

    ReplyDelete
  41. مصدق الهواري10 April 2011 at 17:34

    يجب على قيادات القوات المسلحة و المجلس الأعلى أبعاد كل المتعاطفين مع مبارك من اي مراكز قيادية في الجيش و ربما احالتهم للأستيداع نريد تطهير القوات المسلحة كما نريد تطهير البلاد من أذناب مبارك يجب ان يعرف المجلس الاعلى ان المواجهة مع مبارك قد حانت و عليه الا يخاف منه و من اي قوى تسانده او تساند نظامه و اولهم السعودية و بالطبع من غير تفكير ورائها امريكا لو فعلها المجلس الاهعلى سيجد في التو و اللحظة ملايين المصريين في الشارع يهتفون له و يدعمونه و يؤيدونه نريد تطهير البلاد من كل ما له علاقة بالمخلوع نريد تطهير القوات المسلحة و رفع الحرج عنها ايها المجلس الاعلى لا تهتم بالخارج عندما يتعلق الامر بالداخل حركة سريعة و مفاجئة و ستجد كل المصريين حولك
    أعتقال مبارك واجب وطني اعتقال عائلته واجب وطني اعتقال كل زبانية نظامه و اولهم عمر سليمان واجب وطني اعتقال الثلاثي المرح واجب وطني اعتقال وزراؤه و بالذات البترول و المالية والاعلام الخارجية واجب وطني اعتقال شركاؤه في مص دم الشعب المصري و قوت يومه من رجال الاعمال واجب وطني يا مجلسنا الأعلى كل ما سبق واجب وطني مقدس و اولوية قصوى قبل اي شئ

    ReplyDelete
  42. monna10 April 2011 at 17:35

    يا نواره ما تدلهمش فرصه يقولوا الدواعى الأمنيه تمنع انتقاله للتحقيق فى القاهره استنوه ييجى وننزله مليونيه تحدد اقامته غصب عن الكل ما تنسيش الجيش بيعمل ايه فى الأعداد الصغيره

    ReplyDelete
  43. Early bird 10 April 2011 at 18:04

    لو كان المجلس متواطئ مكانش الغبى ده طلع دلوقتى والدنيا اصلا مولعه على الجيش كان استنى لغايه مينيمونا هو اصلا ده بقيت المقلب اللى معمول فى الجيش علشان اصل القبض على زكريا عزمى ده مش حاجه هينه ظهوره فى هده اللحظه يشبه ظهوره فى ليله الخميس قبل التنحى علشان الدنيا تولع بس المره دى بدل ما تولع عليه تولع على الجيش اللى خلاه يتنحى
    وحيقاضيناكمان انا مسمعتش لاننى بتفادى فعلا اشوفه او اسمع صوته انا ناس قالولى وجيت اشوف هنا هو قال ايه تخيلوا بقى ادا كان صوته بيعمل كده امال الكلام المستفز ده حيعمل ايه فى الناس

    ReplyDelete
  44. Early bird 10 April 2011 at 18:06

    لو كان المجلس متواطئ مكانش الغبى ده طلع دلوقتى والدنيا اصلا مولعه على الجيش كان استنى لغايه ماينيمونا هو اصلا ده بقيت المقلب اللى معمول فى الجيش علشان اصل القبض على زكريا عزمى ده مش حاجه هينه ظهوره فى هده اللحظه يشبه ظهوره فى ليله الخميس قبل التنحى علشان الدنيا تولع بس المره دى بدل ما تولع عليه تولع على الجيش اللى خلاه يتنحى
    وحيقاضيناكمان انا مسمعتش لاننى بتفادى فعلا اشوفه او اسمع صوته انا ناس قالولى وجيت اشوف هنا هو قال ايه تخيلوا بقى ادا كان صوته بيعمل كده امال الكلام المستفز ده حيعمل ايه فى الناس اللهم اجعل تدميره فى تفكيره

    ReplyDelete
  45. Rowaa10 April 2011 at 18:57

    يا نوارة ليه ما تكلميش د عصام؟
    وتذكرى ان ايام الثورة خبر ممتلكات المخلوع هيج ملايين من الشعب اللى كانوا مترددين ينضموا لها. وبدأ وقتها العصيان المدنى واستمر وده كان سلاح فعال. اذا نزل الشعب تانى هياجا واحتجاجا على ما قيل فى خطاب المخلوع بالاضافة الى ملايين تزحف لشرم الشيخ يمكن ده يكون وسيلة ضغط تساعد القائمين على الامر على القيام باعتقاله وكل المطلوبين بما فيهم اسرته ومن والسوا معهم والثلاثى وعمر سليمان

    ReplyDelete
  46. hayat ank10 April 2011 at 19:00

    اى والنبى باين هايرفع علينا قضايا تشويه سمعه ورد شرف وحاسه ان بعد كده طبطاوى هايقول عباره القذافى نطلع عليهم بيت بيت داردار زنجه زنجه

    ReplyDelete
  47. hayat ank10 April 2011 at 19:01

    الواد بتاع امبارح الى قال على دخله الثوره المضاده كان عنده حق

    ReplyDelete
  48. hayat ank10 April 2011 at 19:13

    الولد ده كان صح بصى قال yehiahamad10 said...
    تمت أمس دخلة الثورة المضادة على ثوار 25 يناير
    بالرفاء و البنين ايه امبارح

    ReplyDelete
  49. hayat ank10 April 2011 at 19:14

    yehiahamad10 said...
    تمت أمس دخلة الثورة المضادة على ثوار 25 يناير
    بالرفاء و البنين تعليق من احد المهيسيين امس

    ReplyDelete
  50. sabrafamily7610 April 2011 at 19:57

    Too late.

    ReplyDelete
  51. Lemonada10 April 2011 at 20:20

    أخيراً رجعتي لوعيك يا نوارة... الحمدلله، ربنا يكرمك متشربيش علبة عصير الا لو كانت مقفولة

    ReplyDelete
  52. Unknown10 April 2011 at 20:42

    بالعكس...انا شايفه ان ملايين من الشعب حايعيطوا ويتشحتفوا ويقولوا آسفين يا ريس...ماخدتوش بالكم من صوته ازاى ضعيف ولهجته حزينه....خصوصا بعد اعتصامات جمعه التطهير ملايين من المصريين كرهوا اللى بينزلوا الميدان وكرهوا الثوره ودول ما اعرفش رد فعلهم لما يسمعوا الحديث ده,ممكن يحسوا بالندم والتعاطف....انا قلت كرسى الرئاسه لازم حد يقعد عليه وبسرعه ..كده ممكن يروح , العاطفيين يرجعوه ...انتوا قاعدين تخططوا للمليونيات ومسرحيات المحاكمه الشعبيه وهو عينه على الكرسى لسه فاضى....انا قلت كفايه فيلم الاطلال ده اهم حاجه مين حايكون الرئيس....ياخساره...حضيعوا كل اللى اتعمل وبكره نقولوا جت الحزينه تفرح مالقتلهاش مطرح ....شباب الثوره فاكرين ان هم اللى عملوا الثورة..لأ....الشعب كله شريك فى الثوره والجيش هو اللى نجحها...والشباب هم اللى حيضيعوها...لانهم مش عارفين ايه المهم وايه اقل اهميه...المهم هو ان حد كويس يقعد وبسرعه على الكرسى الفاضى....واى حاجه بعد كده تيجى على مهلها

    ReplyDelete
  53. hassn hamdi10 April 2011 at 21:03

    هتروحي تجيبيه من شرم الشيخ؟
    طب علشان خاطري يا نوارة ما تنسيش تاخدي تصريح من رئيس وزراء اسرائيل علشان شرم الشيخ محمية اسرائيلية..
    يا ريت تكوني فوقتي من الوهم بتاع المجلس الأعلى للكذب المسلح
    يا ريت تكوني عرفتي ليه أخّروا محاكمته لحد دلوقتي

    ReplyDelete
  54. M. Faramawy10 April 2011 at 21:38

    انا مش عارف المجلس العسكري متاخر في محاكمة الراجل ده لحد دلوقتي ليه

    لازم يتحاكم هو كل الاسرة علشان نقضي على الثورة المضادة و كل انصارها بقى

    -شدي حييلك يابلد

    ReplyDelete
  55. Unknown10 April 2011 at 22:43

    العزيزه نواره تعليقك امس علي الاحداث اصابنا انا وزوجتي واولادي باليآس لما احسسنا به من انك اصابك بعض اليأس مماجري وانك قد تحرمينا من مقالاتك وتحليلاتك ومتابعتك المحترمه الموضوعيه لما يحدث والتي نتابعها بتلهف لانها تشكل لنا اساس موضوعي لفهم مايحدث والتفاعل معه ربنايخليك انتي وكل الشرفاء امثالك لمصر والمصرين
    Sherbini And Family

    ReplyDelete
  56. Unknown10 April 2011 at 22:45

    العزيزه نواره تعليقك امس علي الاحداث اصابنا انا وزوجتي واولادي باليآس لما احسسنا به من انك اصابك بعض اليأس مماجري وانك قد تحرمينا من مقالاتك وتحليلاتك ومتابعتك المحترمه الموضوعيه لما يحدث والتي نتابعها بتلهف لانها تشكل لنا اساس موضوعي لفهم مايحدث والتفاعل معه ربنايخليك انتي وكل الشرفاء امثالك لمصر والمصرين
    Sherbini & Family

    ReplyDelete
  57. Anonymous10 April 2011 at 22:46

    جاء إعلان الرئيس المخلوع,على قناة العربية,سعودية التمويل,والنظام السعودى,يضغط على مصر,لألا نحاكم مبارك,خوفا من نفس المصير..,فملوك وأمراء الخليج,هم من أكبر قوى الثورة المضادة,ويجب الحذر الشديد منهم د. شريف عبد الحكم

    ReplyDelete
  58. Anonymous10 April 2011 at 22:47

    إسرائيل حاكمت وسجنت رئيسها..,فهل فى بيتنا مصر,من هم فوق العدالة ؟ د. شريف عبد الحكم

    ReplyDelete
  59. Anonymous10 April 2011 at 22:47

    من صاحب المصلحة,فى أن ينشغل الشعب بالحديث عن المجلس العسكرى,وأن يترك أهداف جمعة المحاكمة..؟ وقع الناس فى فخ الثورة المضادة.فلا حديث إلا عن مصادمات المعتصمين والجيش..,وضباط الجيش المتظاهرين كذا,والمجلس العسكرى كذا.ثورتنا مدنية,ثورتنا مدنية.لننظر للنتيجة المباشرة,جمال مبارك,لم يأت لاستجوابه,والأسبوع الماضى,مبارك,رفض التوقيع على إخطار محكمة جنوب سيناء. د. شريف عبد الحكم

    ReplyDelete
  60. mohandsmasry11 April 2011 at 02:30

    انا شايف انه قصده من الرسالة دى انه يولع الناس ويخليها تنقلب على المجلس العسكرى واختيار التوقيت ده بعد الاحداث الاخيرة مالوش تفسير غير انه عاوز البلد تولع ويقلب الناس على الجيش وتبقى فوضى حقيقية

    ReplyDelete
  61. مهندس مصري بيحب مصر11 April 2011 at 09:12

    مش حأقول غير الله يرحم محمد نجيب اللي عبد الناصر حطه تحت الإقامة الجبرية 17 سنة شاف فيهم الذل
    و كانت إقامة جبرية بجد مش خمس نجوم و ما كانش عمل مصايب زي مبارك

    ReplyDelete

Note: only a member of this blog may post a comment.