Thursday, 3 March 2011

بيان ائتلاف شباب ثورة الغضب بشأن استقالة الفريق احمد شفيق

يتوجه إئتلاف شباب الثورة بالتهنئة لشعب مصر العظيم الذى تواصل ثورته تحقيق أهدافها بانتصار جديد للإرادة الشعبية والوطنية باستقالة الفريق أحمد شفيق وتكليف الدكتور عصام شرف بتشكيل الحكومة .. والإئتلاف إذ يتوجه بتحية التقدير والشكر للمجلس الأعلى للقوات المسلحة على إستجابته لهذا المطلب الذى يمثل خطوة هامة على طريق إسقاط بقايا النظام ، فإننا ندعو د. عصام شرف رئيس الحكومة الجديدة الذى يأتى تكليفه بفضل الضغط الشعبى للإسراع بتشكيل حكومة تكنوقراط وطنية بالتشاور مع القوى الوطنية والشبابية والمجتمعية بحيث تخلو من أى أسماء تنتمى إلى النظام السابق بسياساته وأشخاصه وحزبه .
والإئتلاف إذ يترقب الإعلان عن تشكيل الحكومة الجديدة فى أقرب وقت ممكن فإنه يدعوها للبدء فى وضع جدول زمنى لإستكمال تحقيق أهداف الثورة وعلى رأسها :
1- حل جهاز أمن الدولة وإعادة هيكلة وزارة الداخلية برئاسة وزير مدنى .
2- الإفراج الكامل عن المعتقلين السياسيين .
3- المحاكمة العاجلة والعلنية لكل من أصدر أو نفذ أمر بإستخدام العنف وإطلاق النار ضد الثوار بدءا من 25 يناير .
4- إستكمال ملاحقة الفاسدين الذين نهبوا ثروات الشعب المصرى ومحاكمتهم .
5- الدعوة لإنتخابات مبكرة للمجالس المحلية .
6- بحث المطالب الإقتصادية والإجتماعية للشعب المصرى وأولها تطبيق الحكم القضائى بحد أدنى للأجور مع وضع حد أقصى بنسبة (1: 15) ، وحل إتحاد العمال الحالى وإعادة إنتخاب إتحاد يمثل عمال مصر بنقاباتهم المستقلة .

كما نؤكد مجددا على أهمية مد الفترة الإنتقالية بقيادة مجلس رئاسى وتأجيل مواعيد الإنتخابات التى أعلنها المجلس الأعلى للقوات المسلحة بالتوازى مع إطلاق الحريات العامة ووقف العمل بقانون الطوارئ وتعديل قانون الأحزاب بما يضمن حق تأسيس الأحزاب بمجرد الإخطار .
ويعلن إئتلاف شباب الثورة عن تعليقه للاعتصام الذى كان ينوى البدء فيه مساء الجمعة ووقف المسيرات من مناطق متعددة إلى ميدان التحرير وأشكال التصعيد الأخرى ، والإكتفاء بمظاهرة كبيرة فى ميدان التحرير إحتفالا بالإنتصار الجديد للثورة وبذكرى أربعين شهداء الثورة ، وندعو د. عصام شرف رئيس الوزراء لمشاركتنا غدا بميدان التحرير .
ويؤكد الإئتلاف على ترحيبه بالمساهمة بأى أدوار يمكنه المساهمة فيها مع الحكومة الجديدة بعد تشكيلها وفى إطار إلتزامها بإستكمال أهداف الثورة ، بما يحقق إستعادة الهدوء للأوضاع الأمنية والإقتصادية للوطن
at

64 comments:

  1. Malek3 March 2011 at 16:01

    أنباء عن ترشيح نبيل العربي للخارجية ونبيل العزبي للداخلية والبسطويسي للعدلعلم الدستور الأصلي أن هناك أسماء مطروحة لتولي حقائب وزارية مهمة في الحكومة الجديدة برئاسة الدكتور عصام شرف.

    ومن أبرز الأسماء المرشحة بقوة السفير نبيل العربي لتولي وزارة الخارجية بدلا من أحمد أبو الغيط. والعربي كان مندوبا لمصر لدى الأمم المتحدة، ثم أصبح عضوا في محكمة العدل الدولية.

    كما ترشح اللواء نبيل العزبي لوزارة الداخلية بدلا من محمود وجدي، والعزبي كان مساعد أول لوزير الداخلية ومدير أمن القاهرة في 2002، ثم محافظا لأسيوط منذ 2006.

    أما وزارة العدل فهناك عدة أسماء تتردد لخلافة ممدوح مرعي أبرزها المستشار هشام البسطويسي نائب رئيس محكمة النقض والذي كان قد أعلن عن نيته للترشح في انتخابات رئاسة الجمهورية قبل أيام قليلة.

    ReplyDelete
  2. Malek3 March 2011 at 16:01

    أنباء عن ترشيح نبيل العربي للخارجية ونبيل العزبي للداخلية والبسطويسي للعدلعلم الدستور الأصلي أن هناك أسماء مطروحة لتولي حقائب وزارية مهمة في الحكومة الجديدة برئاسة الدكتور عصام شرف.

    ومن أبرز الأسماء المرشحة بقوة السفير نبيل العربي لتولي وزارة الخارجية بدلا من أحمد أبو الغيط. والعربي كان مندوبا لمصر لدى الأمم المتحدة، ثم أصبح عضوا في محكمة العدل الدولية.

    كما ترشح اللواء نبيل العزبي لوزارة الداخلية بدلا من محمود وجدي، والعزبي كان مساعد أول لوزير الداخلية ومدير أمن القاهرة في 2002، ثم محافظا لأسيوط منذ 2006.

    أما وزارة العدل فهناك عدة أسماء تتردد لخلافة ممدوح مرعي أبرزها المستشار هشام البسطويسي نائب رئيس محكمة النقض والذي كان قد أعلن عن نيته للترشح في انتخابات رئاسة الجمهورية قبل أيام قليلة.

    ReplyDelete
  3. Jemy_King3 March 2011 at 16:03

    الله أكبر ولله الحمد .. نجاح الثورة مستمر يانوارة برغم كل اللي بيعمله بقايا وفلول النظام البائد لإجهاضها وتحجيمها .. بس بإذن الله لن يضيع حق ورائه مطالب , ولن تخمد الثورة حتي نحقق كل أهدافها ان شاء الله :)

    ReplyDelete
  4. Omar3 March 2011 at 16:04

    يا نواره انت من أكتر الناس اللى رأيها مؤثر الان... ممكن تأكدى للناس على أهمية عدم مهاجمة رئيس الوزراء الجديد لفتره و اعطاؤه فرصه حقيقيه؟!

    مش عايزين كمان يومين نلاقى اشاعات و تقارير الشباب بينشروها تطلعه فى صورة شيطان !! الناس بتنشر وهى مش فاهمه أو مش متأكده !!!!

    ReplyDelete
  5. Anonymous3 March 2011 at 16:09

    الحمد لله الحمد لله والف مبروك على تحقيق تانى مطلب من مطالب الثورة وده شعر كنت كتباه عن حكومة شفيق :
    ----------
    فرعون جديد بلون جديد
    ظهر فى السوق على الملأ
    ايده حديد نظره حديد
    فارد جناحه فى الهوا
    مش همه نار ولا تتار
    ولاشعب ولا بهدلة
    مافيش حدود مافيش قيود
    ده وعد كان وانتهى
    فجأة القناع وقع وضاع
    وظهر فرعون بسنان وحوش
    وعيون نمور وايد ذئاب
    مشى فرعون جيه فرعون
    مال الفرعون مالهوش امان
    فرعون هيموت بخبطة واحدة ياولد
    من ايد حديد واحدة وقوية
    شعب وجيش ووحدة وطنية

    ReplyDelete
  6. Perfection Seeker3 March 2011 at 16:18

    لازم يكون في حوار مع رئيس الوزرا بشان تشكيل الوزارات يسمع مننا و نسمع منه و ليكون عبر موقع رئاسة الوزرا على فايس بووك

    ReplyDelete
  7. تيييـــــــــــت3 March 2011 at 16:24

    ما بلاش بكرة يا نوارة المطلب الأول تحقق نستنى الأسبوع القادم لما نشوف المطلب الثانى

    الناس فى الشارع ابتدت تتخنق مننا و قالتلى انتوا مش عاجبكوا حاجة خالص

    ReplyDelete
  8. Unknown3 March 2011 at 16:26

    والله كلام جميل ، كلام معقول ، مقدرش أقول حاجة عنه ، بس يارب ما يطلعش حد تانى يشكك فى نزاهة رئيس الوزراءالجديد و يا ريت كل اللى بيتكلم عن تواطوء الجيش مع بعض العناصر المفسدة يتهد بأه

    ReplyDelete
  9. pooa3 March 2011 at 16:33

    بلاش تشيلو سمير رضوان والتاس الكفاءات دول وياريت تمحلسوا المجلس الاعلى وتقعدوا تشكروا فيه وبلاش قفش الصعايده ده عشان اخواتنا البعده مياخدوش بنط علينا ولان الجيش بيحب التحدي متتحدهوش دايما شكر وتقديروكده وربنا يخليك لينا وبرضه على مطالبنا هي هياها وربنا ينصر الثورة يارب

    ReplyDelete
  10. يقول أنى امرأة3 March 2011 at 16:34

    نوارة انت اذاى معلقتيش عن حلقه امبارح بتاعه الاون تى فى !!!!!!!!!!!!!!!!!!!!!!!!!!!!!!!!! دى كانت حلقه عالميه

    ReplyDelete
  11. Tears3 March 2011 at 16:36

    عصام شرف شخصية محترمة و كفاءه مش بتاع بزنس و كفاية مواقفه مع الناس من زمان و مشاركته فى اربع مسيرات للتحرير مع اساتذه الجامعة

    عايزة اسحب اقتراحى الاولانى و اويد الخروج للتحرير بكره لسبب بسيط و هو ان الله يلعنهم جماعه اسف ياريس و فلول الوطنى يتردد انهم ح يروحوا التحرير يطالبوا باقاله شرف و كأنهم شباب الثورة عشان يوقعونا فى الجيش

    ReplyDelete
  12. FATMA3 March 2011 at 16:41

    اللله معكم

    ReplyDelete
  13. Tears3 March 2011 at 16:42

    وصلنى اللينك ده ياريت تشوفى الموضوع الخطير اللى عليه و لو تقدرى تقوليلنا ده حقيقى؟

    http://www.facebook.com/photo.php?fbid=10150103917484070&set=a.10150103914349070.286853.604059069

    ReplyDelete
  14. Unknown3 March 2011 at 16:49

    اخبار عمرو ايه؟

    ReplyDelete
  15. FATMA3 March 2011 at 16:51

    لماذا لا يكون لنا الشعب دور في الفلتان الامني لماذا لايوجد افكار لحل المشكلة وحتي الوصول لحل لمااذا لا تتشكل لجان شعبية اكثر نظاما

    ReplyDelete
  16. Anonymous3 March 2011 at 16:55

    وزير مدني للداخليه

    ReplyDelete
  17. mahmoud elsaid3 March 2011 at 16:59

    أنا هنشره عندي يا نوراه علي مدونتي
    ولا ده من وكلامك أنتي
    ---
    http://activistpositive.blogspot.com/
    ----

    ReplyDelete
  18. حسن على3 March 2011 at 17:04

    اؤيد بشدة كل ما جاء فى البيان ,ولا انسى ان اشكر الروائى الوطنى الرائع الاستاذ علاء الاسوانى الذى اظهر خواء وجهل احمد شفيق المدقع بالسياسة وتشدقة ببطولات ليس لها علاقة بالسياسة

    ReplyDelete
  19. حسن على3 March 2011 at 17:08

    لغة احمد شفيق العرجاء ترشحة لوظيفة كوافير حريمى او مصمم ازياء بكاش لا تفقة لة قولا وهو يتلكلم ليخفى الحقيقة لا ليظهرها

    ReplyDelete
  20. مش فاهمه3 March 2011 at 17:14

    كلام هايل ياريت بقه مانحبطش اللى بيعتصموا او اللى بيهددوا بالأعتصام لأنه واضح انه بيجيب نتيجه اهو و لسه باقى الطلبات المهمه قبل ما يلخبطونا لاتعديلات الدستوريه
    عايزين نفضل فى الميدان لما نعرف الوزارة الجديده فيها مين
    المهم عايزين لقاء اسبوعى مع علاء الأسوانى و رئيس الوزراء علشان نعرف عمل ايه و ماعملش ايه لازم الناس دى تطلع تكلمنا و المجلس الرئاسى يشوفهم و يشوف اداؤهم لأنه واضح ان السمع غير الشوف و هم لازم يشوفوا بدل ما بيسمعوا

    ReplyDelete
  21. حسن على3 March 2011 at 17:15

    رئيس الوزراء السابق يحاول اللف والدوران بلغة (رقيقة) جعلها تبدو (ركيكة) من فرط الرقة المصطنعة التى جعلتة يبدو تقليدا بذيئا لهانى شاكر يصلح لتلفزيون لموجة كوميدى

    ReplyDelete
  22. Anonymous3 March 2011 at 17:18

    ربنا كريم

    ReplyDelete
  23. Anonymous3 March 2011 at 17:19

    ربنا كريم
    سبحان المعز الذل

    ReplyDelete
  24. Ibrahim3 March 2011 at 17:27

    يا ريت يا نواره تقوليلهم مش لازم التمسك بالمطلب بتاع مد الفترة الانتقالية
    اسمعوا رأي المستشار طارق البشري
    نستفيد بالزخم و الاتحاد اللي عملاه الثورة
    بعد سنة (( أو سنتين حسب بعد الاراء )) الزخم هيقل و الاتحاد هيقل - طبيعة بشرية - و ممكن الفلول تلم نفسها أكتر بعدين طول الفترة الانتقالية ماشي هنعمل ألفين حزب ،، بس هنغير ثقافة الناس في أد ايه ؟؟ و لا سنة و لا سنتين هيكفوا
    المستشار طارق البشري قال ثورة 1952 فشلت عشان الشعب رفض الديمقراطية بسبب إنها هتأتي بباشوات الملكية مرة آخري و نضيع مكاسب الثورة
    قوليلهم ميضيعوش وقتنا في تفاصيل فارغة
    الأهم ،، صندوق انتخابات نظيف !!!
    و الديمقراطية بعبثيتها و فوضويتها و اختلافاتها و صراعاتها هيا الضامن الوحيد
    مش البرادعي و لا علاء الأسواني و لا ابراهيم عيسي ،، مع حبي و إحترامي لأقصي درجة للناس دي ،، بس في الحكم مابثقشي في حد
    لو المجلس العسكري هيجبلينا ناس ثقة في الحكومة و مجلس رئاسي من ناس ثقة ، طب ما خلاص نجيب ناس ثقة و بالاها انتخابات و ديمقراطية
    خلينا نركز علي طلبات ميختلفشي عليها اتنين مصريين شرفاء
    * الغاء قانون الطوارئ
    * حل جهاز أمن الدولة

    ReplyDelete
  25. ليالي باريس3 March 2011 at 18:03

    أعتقد بأن كل العرب فخورين بتونس و مصر أكثر من أي وقت آخر لأن ما يحدث ربما لا يوازي أي من الأحداث التاريخية الكاذبة المصطعنة التي تدس فيما يعرف بكتب التاريخ

    أتمنى كل الخير لمصر

    ReplyDelete
  26. hoopoe bird3 March 2011 at 18:07

    مبرووووووك
    وعقبال الصنم الاكبر
    واللهو الخفي
    ومستر اكس

    ReplyDelete
  27. -_-3 March 2011 at 18:14

    الدعوة لإنتخابات مبكرة للمجالس المحلية .

    دعوة عقيمة .. المجالس المحلية هي احد اهم اسباب الفساد في مصر و دول العالم الاول لا تعرف مصطلح المجلس المحلي و لكن تعرف انتخابات العمادة - يعني ننتخب المحافظ مش يتعين من
    الرئيس

    المفروض نطالب بإلغاء المجالس المحلية مش لانتخابات لها

    ReplyDelete
  28. Unknown3 March 2011 at 18:36

    نوارة انتو ليه مش مهتمين بموضوع اتفاقية دول حوض النيل ومافيش تعليق عليه وبعدين انتى مش كنتى كتبتى قبل كده ان فيه تعليق للمظاهرات مع وجود جدول زمنى يعنى مش كل جمعة مظاهرةياريت نهدا شوية بقى عشان الناس تعبت

    ReplyDelete
  29. elzahraamegahed3 March 2011 at 18:45

    اللهم وفق جيش وثوار مصر بالحق وللحق ولما فيه خير مصر
    أنا كلى ثقة فى طلبات الثوار ، تخيلوا لو ماكناش ساندناهم واكتفينا بان حسنى عين سليمان نائب بس، طبعا دلوقتى احسن ، وتخيلوا لو ما كناش ساندناهم وراجل محترم استاذ جامعى كل القوى السياسيه الوطنيه متفقه عليه زى عصام شرف ده مجاش،
    أنا وأنا مغمضه ورا الائتلاف ، هما مش عايزين أى منصب ولا مصلحه شخصيه واتحملوا واتبهدلوا ومثابرين عشان مصر ، أقل حاجه نبقى وراهم ومعاهم ولما يعوزونا يلاقونا لحد ما كل مطالب الثوره تتحقق
    ومصر تقف على أول طريق الخير بعد ما ننفض من عليها هموم ال30 سنه اللى فاتوا

    ReplyDelete
  30. د. هانى احمد3 March 2011 at 18:55

    فين مطالب الثورة بالنسبه للدستور.. مش ممكن نستفتى على دستور فيه رئيس بكل هذه الصلاحيات بما فيها حقه فى حل مجلس الشعب.. وازاى نعمل استفتاء او انتخاب فى وجود حالة الطوارئ و عدم حرية تكوين الاحزاب و عدم حريه التعبير والاعلام والحصول على المعلومات اللى مش مصنفه اسرار عليا للدوله.. الدستور ده لازم يعبر عن دماء الشهداء و الثورة

    ReplyDelete
  31. Lomy3 March 2011 at 19:03

    مالوش داعي بقى اعتصام بكرة و نخليها مثلا لصلاة الجمعة و القداس و خلاص

    و إن حصل و تم تعيين العزبي ممكن نحاول نجد قناة للتواصل مع رئاسة الوزراء و توضيح راينا

    ReplyDelete
  32. Logaina3 March 2011 at 19:06

    ياريت حد يبلغ الجيش بسرعة : مبنى أمن الدولة بالفراعنة في الأسكندرية يتم نقل آلآف الوثائق منه و محاصر بحراسة مشددة جداً
    copied

    نوارة انتي قرأت الي كتبته النهارة الصبح؟

    ReplyDelete
  33. hassn hamdi3 March 2011 at 19:41

    والله اذا كان الدكتور عصام شرف وطني فعلا وحر فعلا ومع الثورة فعلا فلن يتردد لحظة في التشاور مع الشعب والقوى الوطنية عند تشكيل الوزارة..
    أما اذا استأثر لنفسه بالأمر..فهنشيله هنشيله..
    وطبعا لازم نراقبه ونراقب كل اللي بيحصل في البلد...والمظاهرات المليونية ما تخوفش اللي بيحب مصر ومع الثورة ولكنها بتخوف اللي ضدها.. ومش عاوزين نتحجج بإن الناس بدأت تزهق وتقول كيت وتيت.. المظاهرة بتبقى في الميدان بس وفيه ناس كتير بتسترزق من ورا المتظاهرين زي محلات البقالة وغيرها.. وكمان مفيش تعطيل للمرور ولا تعطيل لمرافق الدولة.. يبقى ايه المشكلة؟
    المظاهرات لازم تستمر علشان الكل يعرف ويتيقن اننا مراقبين ومتابعين ومصرين ومش هنسلّم بأسلوب: خلاص الرسالة وصلت روحوا بقه بيوتكوا واحنا هنعمل
    الكلام ده كان زمان

    ReplyDelete
  34. Logaina3 March 2011 at 19:54

    نوارة أرجوكي عايزة أبعتلك مباشر أو اعمل تشات انا عندي أفكار لاز اناقشها معاكي
    مش باعرف ابعت كدة وملا قيش اجابة

    انا عندي فكرة لتوحيد الشعب دلوقتي يساعدنا علي تحقيق اهدافنا ويعفينا شوية من كلام حزب الكنب
    ورجال الاعمال المحترمين طبعا الي خايفين علي شقاهم بالذات المصانع المتوسطة
    أنا اسمي لوجينا مأمون


    http://www.facebook.com/home.php?sk=group_178517552185531&ref=notif&notif_t=group_activity#!/profile.php?id=709776104

    ReplyDelete
  35. د. هانى احمد3 March 2011 at 20:03

    ارجو ان يكون قرار تعليق الاعتصام حصل على قرار ديمقراطى بالموافقه من الاغلبيه وعلى الاقليه الانصياع ولا فالتشرزم سوف يكون مدخل الاعداء لاطفاء نور الثورة.. يارب وحد كلمة الثوار لاجل مصر وشعبها..طبعا مفهوم ان بعض الثوار عايز يقول للجيش الشعب هو اللى يحكم وطلباته كلها لازم تجاب ولكن رأى الاغلبيه من الثوار هو اللى لازم يحترم حتى يثبت انه خطأ.. وفقكم الله لما فيه خير مصر

    ReplyDelete
  36. Unknown3 March 2011 at 21:19

    انما النصر صبر ساعة
    زمان جيلنا احنا (مش جيلكم العظيم) كان اكبر حاجة نكتئب نشتكى او حتى نشتم و نسيبهم يعملوا اللى يعملوه باعتبارها بلد الحرمية و احنا نتحسر على مصر وبس

    الآن بعد الشهداء و التضحيات و كسر الرهبة ومع وحدة الصف و الاستعانة بكل الاطراف جميل شباب و اساتذة الجامعات و قضاه و حرفين و نقابات و صحفين شرفاء
    كل شعب مصر بيعزف دى بلدنا كلنا

    ( يا ابت استأجره ان خير من استأجرت القوى الامين )
    نريد كل واحد فى مكان قيادى يكون قوى (اى عنده الخبرة و الكفاءة و الرؤية )عنده حلم عاوز البلد توصله
    و يكون امين و احنا كمان مش هنسيب حد يسرق تانى

    ان شاء الله نختار وزير بترول وطنى ( يمكن الدكتور احمد زهران او امثاله)

    نختار وزير اسكان وطنى يفكر فى سكان القبور و العشش و يفكر ازاى شاب عاوز يجوز و يكون اسرة يجيب شقة ( ممكن :ممدوح حمزة مثلا )

    عاوزين وزير خارجية يرجع اسم مصر ووزن مصر- يشوف موضوع المياه و افريقيا -يشوف موضوع جنوب السودان - يشوف تركيا اخذت مكان و احنا سبنا مكانا لمين

    نريد وزير زراعة يرجع مصر بلد زراعى و( برضه تكون صناعى ) نعمل جامعات للزراعة نشوف ترعة السلام و توشكا و شرق التفريعة ازاى نستفيد من مليارات مرمية فى الارض -نشوف ممر التنمية فكرةالدكتور الباز و الدكتور حليم استاذ الرى الراحل قلنا انها كانت مطروحة حتى قبل السد العالى
    و اذا كان محتاج 25 مليار فى عشر سنوات يتدبروا ازاى
    يشوف ازاى مفيش غاز نصنع سماد و فلان يستورده و نصدر احنا غاز لاسرائيل ببلاش -و نبيع مصنع سماد يكسب ذهب للخرافى بثمن بخس ليه و احنا اصلا بنستورد

    يشوف ليه بنصدر القطن بدون حلج ( ببذرته ) لامريكا و نستورد بذور من امريكا معالجة تيجى معاها الدودة الامريكية اللى مش بتموت بالرش و ندم الاقتصاد و ندمر الفلاح و مصر ده مش هيحصل تانى

    - يشوف باحثين مركز البحوث اللى عملوا ابحاث لزيادة انتاج القمح و محدش فكر يطبق الكلام ده
    يشوف الفلاح و حكايات بنك التسليف و اسعار البذور و السماد نعمله حاجة ترجعه يزرع تانى بدل ما يشتغل نفر و لا سواق توك توك

    يشوف ازاى مصر بلد زراعى و الناس ومفيش ثروة حيوانية كفاية ازاى نستورد لحوم هوا احنا مش هنعرف نربى جاموس و بقر ليه؟

    نريد وزير عدل يرجع استقلال القضاء
    نريد وزير صحة يرجع الصحة لشعب انتشر الدم الملوث و الاهمال فى المستشقفيات

    نشوف وزير داخلية مدنى يحول المسؤلين عن القمع و تعذيب شعب مصر للمحاكمة - ويعمل على الغاء كل الاجهزة الفاسدة سيئة السمعة

    يضع الشروط لاختيار افراد الشرطة ومراقبتهم مش السوابق يدخلوا امناء شرطة و يعملوا فردة و فساد و ناس تدخل الشرطة بالفلوس

    يدور على امن المواطن المفقود مفيش رشوة مفيش بلطجة - يخرج اجيال ظباط تعرف انها فعلا فى خدمة الشعب الناس لازم تفرح و تحس بالامان لما تشوف الشرطة

    احنا عندنا حضارة كبيرة ازاى ظابط الشرطة فى مصر لا يتعامل مع المواطنين كما يتعامل الشرطى فى ابوظبى او دبى بادب و دماثة خلق( مش هنقول فى لندن هنقول دول اصلا بيحترموا شعبهم من زمان)

    يتعامل معاك انك فى الاصل مواطن شريف مش مجرم محكوم عليه بقلة الاحترام.

    عاوزين تعليم بجد مش درجات و جهل

    عاوزين تعليم فنى بجد يقرأ كتالوج و دارس مش نروح نجيب فنين من الفلبين و كوريا و الصين و الهند يشغلوا المصانع و شبابنا قاعد بدون شغل
    عاوزين بحث علمى لان ده هيوفر سنين

    عاوزين وزارة تخطيط بجد مش صور القاهرة بعد خمسين سنة تلاقيها جريمة يجب ان يعاقب كل من اشترك فيها فقط ابراج على الكورنيش مكان ماسبيروا و روض الفرج و طبعا تتزحم الدنيا اكثر و عشوائيات اكثر
    ده خلاص انتهى لازم دراسات لاماكن الجذب و الاستثمار و المصانع تكون فى الصحراء مش مصانع على النيل و نقول نزرع الصحراء

    و شبكات النقل كله يكون مدروس و الحمد لله رئيس الوزراء استاذ نقل ( مش نجيب واحد كل معلوماته عن علم النقل انه بيبيع سيارات نقل دى كانت من مساخر مصر القديمة)

    علينا نعوض اللى فات و بصوا اليهود مش احسن من المصرين احنا خير اجناد الارض و اجمل شعب فى الدنيا بس نشيل باقى الغمة ( امن الدولة و الطوارئ و كل رموز النظام الفاشل الفاسد
    و اذا كانت ماليزيا تغيرة فى 10 سنوات و الرازيل تقدمت فى فترة بسيطة
    ان شاء الله احنا نخلى مصر اجمل بلد فى الدنيا

    ReplyDelete
  37. مدونة سلامتك يا دماغي3 March 2011 at 21:33

    ليه لازم نتظاهر بالملايين يوم الجمعة ؟؟؟؟؟
    لو صعب نخرج كل جمعة يبقى أقل شيء جمعة آه وجمعة لأ .. ليه يقى ؟!
    أولاً : لأن في دم شهدا مش عاوزينه يروح هدر ويبقى كانك يابو زيد ماغزيت .. عارفين يعني إيه شهدا ؟ .. يعني ناس ماتت وشباب مافرحوش بعمرهم وأهالي قلوبها أتحرقت على ولادها .. عارفين ليه ؟
    علشاني وعلشانكم وعشان البلد تبقى أحسن .. دم عمرو وإسلام ومصطفى وأحمد وكريم ومينا .. دم بسمة وأميرة ومريم وسالي .. وغيرهم دين في رقبة كل مصري عشان كده مش لازم نهدى إلا لما نضمن إن البلد هتبقى أحسن
    جمعة جمعة حتى النصر .. علشان دم الشهدا في مصر
    ثانياً : لأن الثورة لم تنته بعد .. فاهمين يعني بالعامي الثورة لسه ماخلصتش .. ولو انتم فاكرين إنها خلصت .. فاللي جاي أصعب وعشان نضمن إن البلد تبقى أحسن وتنضف بجد من الفساد واللي بيحاولوا يلعبوا بديلهم .. لازم الاستمرار بنفس الكفاح وبنفس الملايين إن لم يكن أكثر
    ثالثاً : عشان زي ما بيقول عمرو سلامة الثورات ثلاث أنواع
    ثورة إتخطفت زي ثورة إيران
    ثورة أسقطت رأس النظام بس الناس زهقت وروحت فحصل شوية إصلاحات مؤقتاً ورجع النظام لكن برؤوس أخرى واستمر الفساد
    ثورة استمرت وثابرت حتى تطهرت البلاد من أذناب النظام والفساد ودي محتاجة صبر ونفس طويل
    رابعاً : عشان الراس وقعت بس الديل لسه بيلعب وأذناب النظام اللي هيموتوا ويرجعوا ويكبسوا على أنفاس الناس من تاني
    عن طريق إنهم يزرعوا فتنة بين المتظاهرين والجيش أو بين المتظاهرين وبعضهم فالناس تبدأ تزهق حبة حبة وتقل أعدادهم تدريجياُ
    ويحصل زي ما بيقول المستشار هشام البسطويسي ثورة مضادة يخرج في يوم كده مظاهرة مليونية تطالب برجوع مبارك – والحدث ده فرصته صعبة وإن شاء الله مش هيحصل –
    أو يرجع نفس النظام بس بثوب جديد أو رأس جديد وده ممكن تكون فرصته أقوى
    خامساً : عشان المجلس الأعلى للقوات المسلحة يعرف إن إحنا ناس جد ومصممين على أهدافنا ويعرف إن المتظاهرين مش ألف أو ألفين وإن الناس مازهقتش ولسه عندها مطالب
    وكل جمعة المتظاهرين يتفقوا على مطالب محددة يقولوها في هتافهم وشعاراتهم ليكن مثلاً ( الشعب يريد مجلس رئاسي )
    سادساً : عشان يوم الجمعة أجازة رسمي والناس اللي بتتكلم عن المصالح والأشغال يبقى مالهاش حجة وكمان هو أنسب يوم لتجمع المواطنين بأعداد غفيرة بعد الصلاة
    وهو اليوم اللي تم فيه إسقاط فعلي للنظام والوقفة فيه تذكير باللي حصل وإن إحنا مش لازم نكسل إلا لما بلدنا تبقى أفضل
    سابعاً : لازم الشباب اللي شاركوا في ثورة التحرير يكون عندهم قدرة أكبر على إستمالة الناس زي الأول .. وإذا كان في حد منهم لسه بيبات في التحرير والناس متضررة من وجودهم في الميدان قيراط فهما متضررين من تعطل مصالحهم وأشغالهم 24 قيراط
    وإن كنت أتمنى إنهم يرجعوا بيوتهم مش لأنهم مضايقني أنا شخصياً في حاجة .. بس عشان اللي بتحجج بالمصالح والأشغال ما يمسكش عليهم حاجة وعشان يدخروا كل طاقتهم ليوم الجمعة
    وزي ما كانت في ناس بتتصل بالرئيس المخلوع على الفضائيات قبل التنحي وتقولوا ماتزعلش يا خويا ده انت راجل كبير وهشتكنا وبشتكنا ياريس وإلخ من المسرحيات والأفلامات الحمضانة دي
    أقول لإخواني اللي حرروا مصر ماتزعلوش .. دم الشهدا وجميلكم اللي عملتوه على راس كل مصري من فوق .. حتى الناس اللي بتقول كفاية بقى هييجي اليوم اللي يقدروا فيه جميلكم ويعرفوا إن انتم خرجتوا تجيبوا حق البلد ..
    بس لازم ترجعوا تنظموا صفوفكم وتكلموا الشارع وتستميلوا الناس تاني وده هيسهل عليكم حاجات كتير
    ثامناً : التظاهرات بالملايين في ميدان التحرير بعد صلاة الجمعة لحد الساعة 6 يعتبر واجب قومي واللي ما يعرفش يعمله يبقى مقصر .. وأنا مش بزايد على وطنية حد مش كلنا هنعرف نروح ميدان التحرير لأن في ناس ظروفها صعبة وفي ناس ممكن تكون مش عاوزة تروح وشايفة إنه كفاية وهي حرة .. وفي ناس مش مقتنعة بالموضوع من أوله وهي برضه حرة
    بس اللي مش هيروحوا .. أحب أقلهم إذا ماكناش عارفين نبقى مع اللي بيروح بلاش نبقى ضده ..
    إذا ما كناش عارفين ندعي ربنا ينور بصيرة اللي في الميدان يوم الجمعة ويثبت خطاهم بلاش ندعي عليهم عشان مصر
    لأن الناس دي خارجة تجيب حق البلد
    كلمة اخيرة بس لأصحاب المطالب الفئوية ده مش وقته .. أكيد ظروف البلد صعبة وفي ناس كتير اتظلمت بس إن شاء الله أما حال البلد يتصلح هناخد حقنا تالت ومتلت
    والناس اللي لسه معتصمة في الميدان كمان إرجعوا نظموا صفوفكم واتكلموا مع الناس وإن شاء الله ربنا هيعمل اللي فيه الصالح لمصر

    ReplyDelete
  38. Unknown3 March 2011 at 21:36

    السلام عليكم
    بخصوص تشكيل الأحزاب .. لابد من وضع شرط يضمن الجدية و النزاهة مثل موافقة )
    (5000(خمسون ألف مصري)
    و إثبات توقيعهم و أسمائهم و أرقامهم القومية و بيانات البطاقة و ذلك لضمان الجدية و ده غير تقديم خطة متكاملة توضح سياسات الحزب و مشاريعه المستقبلية و أرجوا أيضا تقديم إقرارات ذمة مالية لكل قياديه و صناع القرار داخله

    ReplyDelete
  39. Unknown3 March 2011 at 21:50

    مسئلة القبض على الشاب اسمة عمرو البحيرى دة محتاجة وقفات واعتصامات فى التحرير حتى يتم الافراج عنة دة واخد حكم خمس سنوات ازاى دة واتهامات ملفقة وراها امن الدولة اللة يلعنهم ..مش عايزين ننسى هذا الموضوع لانة خطير ومحتاج مظاهرات مليونية .. ذنب الراجل دة فى رقابتنا جميعا ..

    ReplyDelete
  40. يوميات شاب منوفى3 March 2011 at 22:44

    مبرررررررررررررررررررروك كنت خايف من يو الجمعه لكن الحمد لله جات من عند ربنا

    ReplyDelete
  41. طبيب بيطري3 March 2011 at 22:55

    رايي الشخصي:
    دلوقتي احنا علي طريق الحرية
    باقي بس التفاهم مع شباب الثورة
    نفسي نعدي تونس وميحصلش اللي بيحصل عندهم
    ياريت حملات التوعية للناس
    يااااااااااااااااارب
    انصر مصـــــــــــــر

    ReplyDelete
  42. احمد خليل3 March 2011 at 23:38

    الاعتصام المحدود فى التحرير الاسبوع الماضى لم يعطل المرور وادى الى الانتعاش الاقتصادى للميدان والمناطق المجاورة ..وايضا الى جذب سياحى ،واصبح ميدان التحرير احد المزارات السياحية ،ولا ارى اى مبرر لاحباط من يريد فى الاعتصام حتى لو استمروا اسابيع ،المهم ان العناصر الواعية تتواجد فى الميدان لرفع مستوى الاداء السياسى واقامة ندوات ونقاشات سياسية ولا يقتصر الامر على نشاطات احتفالية
    بقاء اعتصام التحرير رسالة ان الشغب متواجد دائما يراقب ويبدى رأية

    ReplyDelete
  43. مراد الباشا عمرو4 March 2011 at 00:34

    http://muradamro.blogspot.com/2011/03/blog-post_03.html

    ReplyDelete
  44. yasso.974 March 2011 at 00:36

    عظييييم عظييييييم انشاء الله كده نكون ابتدينا في الطريق الصحيح لتكون مصر

    دوله عظيمه يحكمها شعبها و ليس فرعون و خصوصا اني سمعت في قناه فضاه

    فضائيه مش فاكره اني قناه من كتر الي بنسمعه ان رئيس الوزراء الجديد حا

    يحلف اليمين بكره انشاء الله في ميدان التحرير .

    تحيه لشهداء الثوره، تحيه للثوار. و تحيه كبيره و عظيمه و نحني القبعات للدكتور

    علاء الاسواني انه بهدلنا شفشق علي الهواء ليكون عبره لكل واحد بيفكر

    انه يلتف حوالين الثوره و يكون من النظام القديم و بيستهبل و ياريت عايزين

    نعرف بالمره و النبي هو جاب ثروته من فين ده سؤال برئ لا اكثر ولا اقل

    ReplyDelete
  45. raif wasfy hanna4 March 2011 at 01:18

    مد الفترة الإنتقالية مطلب حكيم لا شك كون الفترة الحالية المعلنة لا تكفي لضمان إسترداد كافة القوى السياسية عافيتها وقدرتها على المنافسة في إنتخابات برلمانية نرجو لها أن تكون متكافئة الفرص .. لكن .. لماذا الإصرار على تشكيل مجلس رئاسي يدير البلاد خلالها بديلاً عن المجلس الأعلى للقوات المسلحة ؟ لماذا لا يستمر المجلس الأعلى ؟ هل خوفاً من أن يطمع في السلطة ويحكم للأبد ؟ هل من المعقول أن يحدث هذا بعد ما شاهده بعينية من ثورة شعب خرجت ملايينه في الشوارع وأطاحت بالنظام في أسبوعين ؟ هل من الممكن أن يُخدع مثل هذا الشعب مرة أخرى ؟ لن تقبل القوات المسلحة أن تترك البلاد إلا لرئيس ومجلس شعب منتخبين وأرى أن معها الحق في هذا .. لن يؤدي الإصرار على مطلب المجلس الرئاسي هذا إلا إصرار المجلس الأعلى على فترة الشهور السته مما يضر بتكافؤ الفرص في الإنتخابات كما أسلفت

    ReplyDelete
  46. Anonymous4 March 2011 at 01:33

    قلت سابقا أن الرئيس سقط ولم يسقط النظام ، ألأن أستطيع أن أقول سقط الرئيس وبداية سقوط النظام فهنيئا لكم حتى يُحل الحزب ويُحرق وذر رماده في كوكب أخر غير ألأرض ، نقطة مهمة حل مجلس أمن (قمع) الدولة لابد له من وزير داخلية مدني جدع وشاطر وقوي وكلمته كالرصاص لا تُرد

    ReplyDelete
  47. mahmoued abdulsattar bayomi4 March 2011 at 01:38

    انا فرحان قوي كدة مرتبي هيزيد ويبقي 3000جنية علي الاقل ومش هيبقي فية ولا عاطل فيكي يامصر والمواصلات هتبقي مريحة وفاضية والشوارع هتترصف ومش هيبقي فية فساد لاننا هنتحول لملائكة ومش هيبقة فية معاكسات وكل مصر هتبقي جنة والعيش مش هنقف علية طوابير والاسعار هتقل 500 في المية والواحد هيطلب بقي دليفري الله الله محنا نساهل مش احنا كنا بنقل ادبنا علي الا اكبر منا ومش احنا بنقول علي دة فاسد من غير دليل ومش احنا هنتخلص بقي من بتوع الحزب الوطني الحرامية وهيمسكنا ناس كلهم ملايكة ذي بلال فضل وخلافة تعيش فوضي 25 يناير لا اقصد ثورة 25 يناير علي فكرة لو لم يحدث ماسبق يكون كل من شارك في فوضي قصدي ثورة 25 يناير في رقبتة دم الشهداء

    ReplyDelete
  48. Mohamed4 March 2011 at 01:42

    i'm really happy today 3ashan shafsha2 bye bye, bas elsara7a ana etkasaftelo yesterday awy w howa odam el-aswany zay el katkout el-3'ar2an. ya rab el mozahrat bokra tkoon 7elwa w men 3'er ay mashakel isa ...I don't know but i'm optimistic :)

    ReplyDelete
  49. Anonymous4 March 2011 at 01:46

    فى تظاهرة الغد,الجمعة,نهتف:حل أمن الدولة-حل الحزب الوثنى-محاكمة رؤوس الفساد-إعادة تأهيل الشرطة ووزير مدنى لها-تغيير كل المحليات-دستور جديد بلجنة منتخبة من الشعب.بالله عليكم,يجب أن نحسن الإستفادة من هذه التظاهرة,ونسمع صوتنا,واحدا قويا,للمجلس العسكرى,وفلول حزب الفساد والكفر الصهيونى

    ReplyDelete
  50. Amal4 March 2011 at 02:16

    مطالبنا من الحكومة الجديدة المطالب العاجلة

    http://www.egyptiantalks.org/invb/index.php?showtopic=117531

    ReplyDelete
  51. M.A.M.M.G4 March 2011 at 03:30

    نوني أحنا الشعب أنا خلاص خلصت من الخوف وانا أد ابوك بس لو حصلي حاجة حتاخدى بالك من أحمد و ود ولادي ؟؟! ولا حتبيعي القضية ما فيش حد من عيلتك باع القضية يارب تبقي زيهم

    ReplyDelete
  52. أرنوب4 March 2011 at 10:36

    على فكرة أنا دخلت على مدونة (القاهرة الجديدة) التي يصف صاحبها في تعليقه ثورة 25 يناير بأنها (فوضى 25 يناير) فلم أجد فيها أية تدوينات أو مشاركات على الإطلاق مما يؤكد أنها معمولة فقط من أجل بث هذا التعليق المغرض ويؤكد أيضاً بما لا يدع مجالاً للشك إنتماء صاحبها للحزب الواطي إياه بتاع الإستقرار والفكر الجديد فخذوا حذركم من مثل هذه التعليقات .. اللي مش مصدقني يدخل على المدونة ويشوفها

    ReplyDelete
  53. ام مصريه4 March 2011 at 11:26

    ياخسارة بدأتوا بداية رائعة وكلنا كنا معاكم لكن بعد سفالة علاء الأسوانى أنتم بتخسروا لأنه أستخف بأهتمام المصريين بالأخلاق وأحترام الكبير حتى لوأنا مختلف معاه وقبل الأتهامات الجاهزة أنى حزب وطنى ولا ثورة مضاة ولا الكلام التخين ده أنا بس بشجع البلد دى ونفسى تستقر ونفسى نجنى ثمار الثورة أنا من جمعة الغضب وأنا بنزل ميدان التحرير مع ولادى ومع عائلات كتير أصدقائى لكن كده خلاص يانوارة أنا معجبة بيكى جدا وانا كأم مصرية عادية جدا نصيحةأوعوا تخسروا الشارع أوعوا تخسروا الناس العادية

    ReplyDelete
  54. ام مصريه4 March 2011 at 11:26

    ياخسارة بدأتوا بداية رائعة وكلنا كنا معاكم لكن بعد سفالة علاء الأسوانى أنتم بتخسروا لأنه أستخف بأهتمام المصريين بالأخلاق وأحترام الكبير حتى لوأنا مختلف معاه وقبل الأتهامات الجاهزة أنى حزب وطنى ولا ثورة مضاة ولا الكلام التخين ده أنا بس بشجع البلد دى ونفسى تستقر ونفسى نجنى ثمار الثورة أنا من جمعة الغضب وأنا بنزل ميدان التحرير مع ولادى ومع عائلات كتير أصدقائى لكن كده خلاص يانوارة أنا معجبة بيكى جدا وانا كأم مصرية عادية جدا نصيحةأوعوا تخسروا الشارع أوعوا تخسروا الناس العادية

    ReplyDelete
  55. Unknown4 March 2011 at 13:22

    سبحان الله يا ناس ..يمكن احنا فينا حاجة مش موجودة في باقي شعوب الارض .. الناس اللي ما تقدرش تشوف حاجة كويسة او واحد فرحان او واحد ناجح من غير ده ما ياكلهم من جوه ... ناس زي اللي اسمه "" القاهرة الجديدة "" وكاتب تعليق هنا ده ...يا ساتر ..الواحد صاحي مبسوط وفرحان ..واخيرا حنطمن اننا عطلنا الثورة المضادة واخدنا منهم حصن عتيد وشلنا منهم سلطة نافذة ... يطلعلنا واحد زي ده يسم بدنا بكلامه ..كلامه تافه ومالهوش وزن .بس حقيقة ان امثاله موجودة وسطنا هي المؤذية .. واحد عايش في بلده عيشة الحيوانات ... لا له حقوق ولا عمره مشي في طريق مرصوف عدل ..ومرتبه لا يساوي تمن الورق المطبوع عليه ..وسكنه غير ادمي ..ولا مستقبل له كما انه لا حاضر له .. وبالرغم من كده مستعد يستمر علي هذا الحال ولا انه يشوف ناس اشراف لم يقبلوا الذل والهوان وثاروا علي فرعون بكل جبروته ..واسقطوا عرشه وطردوه كمان ..
    هو عنده مش يتذل وبس .. لا دا يداس عليه بالجزم ..بس الناس دي ما تنجحش وما تكسبش وما تنيسطش ...طبعا العينة دي منها قلة ..لكن سبحان الله سمهم رعاف .. امثال اسفين يا ريس واسفين يا عز واسفين يا عدلي واسفين يا موسوليني ..
    لا يا سيدي ..احنا عارفين ان الثورة دي مش مسرحية حتخلص في تلات فصول ونلاقي البلد زي الفل ومرتباتنا وصلت السما ..
    وعارفين ان فيه ايام جاية صعبة ومش سهلة .. احنا بس ربنا يقدرنا نخلص من بواقي نظام الكلاب البائد والتعابين اللي سارحة بين رجلينا دي ..وبعدها حنبني بلدنا ..والبناء عمره ما كان حاجة سهلة ..خاصة واحنا فيه قبلنا 30 سنة كان النظام واللي زيك بيهدوا فيها البلد .. لكن في الاخر احنا حنبني بلدنا احنا ..واللي جاي حيكون خير لينا احنا ..احنا ماكناش عايشين في جنة علشان تشتكي وتنوح وتتمرغ في الطين قوي كده علي اللي راح ..كفاية ان بقي ليك صوت وما حدش يمنعك تقول رأيك ..طبعا عارف ان اللي زيك ما يقدرش كلام زي ده ..بس احنا تفرق معانا ..
    احنا حنبني بلدنا وحنتعب ونعرق ..ومش عاوزين اكتر من ان نشوف البلد كل يوم احسن من التاني ..ومهما كانت الامور صعبة مش حتبقي اصعب من اللي فات (( والدتي اتصلت بيا امبارح وبتقولي ربنا يحمي شباب الثورة جبنا اللحمة النهارده ب 45 جنيه )) .. البلد حتبقي في مكانها الصح والناس كلها عارفة قيمة مصر والامة العربية كلها عاوزانا تاني نرجع علي رجلينا لانهم عرفوا يعني ايه مصر تبقي ضعيفة .. اللي جاي احسن صدقوني ..والاكيد اننا حنطمن علي ولادنا لاننا كل واحد فينا حيورثهم بلد قوية وملك شعبها ..
    باحيي نوارة انها ما منعتش تعليق ""القاهرة الجديدة "" بالرغم من الوقاحة اللي فيه .التعدي الواضح ..ولكن هذه هي الديموقراطية التي تسمو فوق حدود الشخصنة ..ربما قتل منا الكقير لنتيح لشخص كهذا ان يعبر عن رأيه..حتي وان كان رأيه يضيع دم هؤلاء الشهداء ..

    ReplyDelete
  56. Unknown4 March 2011 at 13:46

    عصام شرف: أنا أستمد شرعيتي من الشعب
    الله عليك...إثبت على كده بقى

    ReplyDelete
  57. Anonymous4 March 2011 at 15:21

    نريد رئيسا,يرفع قامتنا,وليس ذلك,ال عمرو موسى,الذى خفض رأسه,أمام كل طغاة العرب الأقزام.نريد قامة عالية,على قد علو قامة مصر الحرية,نريد البرادعى.الرجل الذى لم تفلح كل قوى الغرب,وإسرائيل,فى التأثير عليه أبدا,فأصر على عدم وجود أسلحة دمار شامل,فى العراق,فلم تجد أمريكا مفرا,إلا شن حربها,دون أى غطاء من الشرعية الدولية.لذا تعاديه أمريكا.البرادعى,مواقف وقوة واستقلال

    ReplyDelete
  58. Unknown4 March 2011 at 16:48

    هالا هالا يا ثورجيه صبرنا ونلنا والله ادي اول حاجه اتحققت يا ريت بقي اللي كنا بنعمله طول الاسبوع اللي فات بالكلام مع الناس عن اقاله (فشيق) نكملهبس المره دي نتكلم عن حل امن الدوله وكده المجلس العسكري يبقي استجاب للجدول الزمني يبقي مش باقي غير اننا نكمل التمسك بباقي مطالبنا وف الختام اقول الله اكبر والنصر لمصر

    ReplyDelete
  59. Sherif4 March 2011 at 17:47

    للأخ القاهرة الجديدة: هو انت بتيجى هنا ليه؟

    ReplyDelete
  60. Menna Mohammad4 March 2011 at 17:55

    الله اكبر والحمد لله فقد اعطانا الله نصرا بعد نصر. واضح ياجماعة ان الثورة المضادة نجحت فى ان تعمل تيار ضد الثورة من عامة الناس بإقناعهم ان الثورة والثوار هم السبب فى الفوضى وعدم الاستقرار الموجود فى الشارع الآن. المطلوب مننا وبأقصى سرعة ان نحتوى هذا التيار ونكسب الناس دى لصفنا تانى. وده يكون بأننا نلتف حول د. عصام شرف ونسانده ونوقف طلباتنا شوية ونوقف المظاهرات ونعمل اى شئ وكل شئ عشان نعيد للشارع هدوءه ونعطى فرصة للحكومة الجديدة ان تعمل ونعطيها الثقة ونحسسها ان احنا ومن وراءنا الشعب سوف نكون فى مستوى المسئولية ونعيد لمصر فرحتها بالثورة والتى اختفت تحت وطأة القلق الموجود الان

    ReplyDelete
  61. طبيب بيطري4 March 2011 at 18:05

    مكتبتيش النهاردة يانوارة
    فيه ايه خير؟
    انا سمعت عن تعليق الاعتصامات

    ReplyDelete
  62. Egypt trend4 March 2011 at 18:34

    نوارة فيه حاجة مهمة اوي لازم تعرفيها
    والحاجة دي متعلقة بمبني لازغولي وتعذيب المعتقلين هناك والذي يتواري منه خجلا ابو غريب وجونتنامو وفيه معتقلين من وهم عندهم 11 سنة وكمان معتقل تاني اسمه عاصمة جهنم
    في واحد من المعتقلين خرج وعمل كتاب باسم عاصمة جهنم بيحكي فيه الماسي دي والكتاب ممكن تقرايه كمان علي النت
    احنا بنطالب بحل جهاز امن الدولة وفتح التحقيقات السريعة مع المجرمين اللي عملوا كدة
    ارجوكي تهتمي بالموضوع

    ReplyDelete
  63. OberonSky4 March 2011 at 19:03

    الإحترام ده يكتسب ولا يعطى كدة بلوشي ... المصريين محتاجين يتخلصوا من ثقافة ال"كبير" .. مش علشان واحد كبير يبقى نحترمه .. احنا نحترم الكبير و الصغير لو هو إحترم نفسه .. ما أبو جهل كان كبير و أخد بالجزمة و أبو لهب كان كبير و عم الرسول و اتبهدل .. محدش بيقول إن الواحد يشتم والده و والدته لكن لعلمكم اللي يغلط في واحد كبير ماهياش ذنب أكبر عند الله من اللي يغلط في واحد صغير ..

    أنا مش فاهم منين بتيجي العادات ده .. و كمان بقى .. عندكم السويد و أمريكا و غيره الرئيس ولا الوزير بياخد على دماغه و البلد كرامتها ما إتمستش .. اشمعنى احنا اللي بنعمل الوزير و الرئيس هو مصر و لو بهدلته على كدب و تزوير يبقى أنا بهين مصر .. بلا سذاجة و طيبة قلب زايدة عن اللزوم اللي بتخلي اللئيم يركب الشعب الغلبان ده .. فاكرين لما مبارك طلع و قال معلش و حرام و سيبوني... و نص الشعب المقهور المسرطن اللي مش لاقي لقمة ولا كرامة قال معلش ده كبيرنا برضه .. بصراحة يعني حاجة تقرف الثقافة اللي تخلي الواحد يبقى أهبل بالشكل ده ...

    و لما يجي حد زي شفيق يلعب في الحوار و يراوغ و ده يتسبب في موت ناس شرفاء يبقى ياخد بالجزمة على دماغهوي دماغ اللي خلفوه كمان ... و إلي شايف غير كدة ياريت يراجع نفسه و يسأل ليه مصر قعدت 30 سنة .. و كمان قبلها في الخيبة ديه .. من أيام الفراعنة و احنا نحترم فرعون الكبير و بعده السلطان الكبير و بعده مش عرف مين .. لأ يتحرقو بجاز .. و ياريت بدل مانبقى سذج نقرأ القرآن و نشوف إيه بيتقال على فرعون و هامان و كل الناس الزبالة على مر العصور ... و كمان للي بيقول إن د. الأسواني كان قليل الأدب .. مش فاهم هما شافو نفس البرنامج إلي أنا شفته ؟؟ ... أنا شفته و مش شايف قلة أدب .. أنا شايف واحد بيتكلم صح .. سواء كان بحدة ده حصل في الآخر لما شفيق غلط فيه .. و حتى وقتها كان مافيهوش قلت أدب .. د/ علاء اتكلم زي ما شفيق كلمه ... و أنا متأكد كل واحد مش متعود على ثقافة الذل و "باشا" و "بيه" و حضرتك" قال من قلبه ينصر دينك يا دكتور علاء .. و بصراحة ياريت بقى يا ريت المصريين كلهم يبقوا زي د. علاء علشان ساعتها مفيش واحد وسخ زي مبارك هييجي و يعمل علينا دكتاتور ..

    ده اللي وقف علشان مصلحة الوطن و الناس و ما ذوقش كلامه... و بعدين اللي زعلان أوي من لهجة د. علاء .. لو ابنك أو أخوك أو والدك مات يوم الأربعاء اللي شفيق كان ساعتها رئيس وزراء و هو بيقول معرفش .. لو كنت مكان د. علاء كنت مش بس بهدلت شفيق كنت ضربته كمان ..

    .. والله والله والله إذا البلد ديه رجعت تاني في الفساد و القهر لا تلومن إلا أنفسكم .....

    ReplyDelete
  64. أرنوب5 March 2011 at 01:13

    إلى السيدة المحترمة صاحبة التعليق المعنون أم مصرية: يبدو أن حضرتك لم تشاهدي البرنامج أو شاهدتيه ناقصاً .. لقد بدأ الدكتور علاء حواره مع الفريق أحمد شفيق بمنتهى التهذيب الذي يراعي فرق السن وإحترام المنصب لكن الفريق شفيق صدمنا جميعاً حين جاءت ردوده مليئة بقلب الحقائق بل وإنكار حقائق نعرفها جميعاً ثم السخرية من الدكتور علاء وإتهامه بعدم الوعي وعدم الفهم (وعلاء ماهوش عيل صغير) ثم كانت الطامة الكبرى حين قال له بالحرف : ماتلبسليش ثوب الوطنية إن لي تاريخي من قبل ما تتولد .. ماذا كنت تنتظرين يا سيدتي من علاء الأسواني رداً على هذا ؟ .. وبعدين - عذراً - ماذا تقصدين بعبارتك : أنا باشجع البلد دي ؟ تكونيش فاكراها فريق كورة ؟

    ReplyDelete

Note: only a member of this blog may post a comment.