Tuesday, 8 March 2011

حامشي اقولها في كل حتة واعلقها على ضهري زي حرم حسب الله السادس عشر

تحديث:
هههههههههههههههههههههههههههههه والنسوان راحوا عملوا مظاهرة "مليونية" من بتاع ميت ست كده في ميدان التحرير وطبعا الناس اتلمت عليهم وقعدوا يقولوا الشعب يريد اسقاط الستات، فكتبوا على التويتر الخبر كالآتي: مجموعات مناهضة للنساء تحاول تفريقنا بالقوة
هههههههههههههههههههههههههههههههههههههه
اه يا قلبي حاموووووووووووت
طب المجموعات المناهضة للنسوان دي ظهرت امتى؟ 
امبارح كان يوم الوساخة
النهاردة يوم الغباوة..
---------------------
لو عملنا دولة قانون ديمقراطية قايمة على دستور بيساوي بين الناس مش حنتكلم تاني في ومسلم ومسيحي وبهائي وملحد وراجل وست الكلام ده كنا بنتكلم فيه قبل الثورة عشان نحقق مكاسب فئوية صغيرة بمنطق الشعرة من دقن الخنزير مكسب، لكن احنا اتنيلنا عملنا ثورة، يعني الناس تتكلم في بناء دولة مش تفضل باصة من خرم الباب، انام على الخرا بتاع امبارح اصحى على الخرا بتاع كاميليا شحاتة؟ بعد بكرة حالاقي ناس بتتكلم عن ماتش الجزائر؟
----------------
حسبي الله ونعم الوكيل.. حسبي الله ونعم الوكيل.. حسبي الله ونعم الوكيل
في امن الدولة
وعميل امن الدولة
والاهبل ابو ريالة اللي ماشي ورا امن الدولة
والاهبل منه - ما اعرفش اهبل ولا مغرض ولا كوكتيل - اللي بيبرأ امن الدولة وعايز يدخلنا في دوامة
THINK BIG
THINK BIG
ايه اللي حصل؟ ايه التقزم المفاجئ وواحد يقول لي راعي مشاعرنا؟ 
لا مش مراعية مشاعر حد انا، مشاعر ايه اللي اراعيها، انت رايح لواحد ابنه مات تقول له وانا اتنشل مني تلاتين جنيه؟ 
وحسبي الله ونعم الوكيل في كل اللي مشارك في زوبعة اطفيح وكاميليا شحاتة واحد واحد
زوبعة اطفيح دي كانت ممكن جدا تنفع الثورة لو كان المطلب وطني مش فئوي: امن الدولة بيعمل فتنة طائفية حلوه
اما موضوع كاميليا شحاتة اللي صحوه فجأة ده، فحسبي الله ونعم الوكيل، حسبي الله ونعم الوكيل، ماحدش يقول لي ان اي حد من المشاركين في الموضوع ده بريء والا حاغرق وشه تفافة
الهي ينشكوا في لسانهم واحد واحد 
-------------
دي التعديلات الدستورية نقراها كويس ونشوف اللي ورانا ونحشد في بنا البلد مش هدمها 
-------------
وحد يكلم بتوع الائتلاف يقولهم اننا محتاجين نعمل دعوة عاجلة ليوم الجمعة الجاية، ده كان يوم مدوحس يوم ما قررنا نعلق الاحتجاجات، كله من تحت راس ولاد الـ... اللي عايزين يأجلوا الثورة عشان وراهم شغل بكرة الصبح بدري وبتخصم لهم لما بيمضوا تأخير.. معلش، نحاول نرجع النزول ليوم الجمعة تاني ده اقتراح يا ريت يلحقوا يدرسوه وبلاش بطء كفاية انا اتشليت بطء
لحل امن الدولة ومجابهة الطائفية، عنوانها مسلم ومسيحي ايد واحدة، حلوا امن الدولة
بعدين نبقى نشوف الدستور ده عشان الناس راخرة اللي مصرة تعمل الديل قبل الراس وتعمل انتخابات رئاسية قبل برلمانية ومستعدة تجيب لمصر فرعون ولا ان خصومها السياسيين ينجحوا في الانتخابات وعلى رأي مينا زكري: لعن الله الغرض فهو مرض
at

34 comments:

  1. nour19718 March 2011 at 17:18

    نواره فيه مقاله عليكي في الاهرام اليهود بيشكروا فيكي و بيقولوا الثوره في مصر بتنجح علشان فيه واحده فيها زي نواره نجم لو سمحححححححححت خلي بالك من نفسك كويس و متثقيش في اي حد متعرفيهوش احنا كده ابتدينا نئلك عليكي يعني مش كفايه امن الدوله كمان اليهود ربنا يهدهم كلهم يا رب

    ReplyDelete
  2. Unknown8 March 2011 at 17:28

    يا بختك يا نوارة اسرائيل بتكرهك شخصيا انتي علي الطريق الصحيح بس خلي بالك من نفسك http://gate.ahram.org.eg/NewsContent/13/71/47244/%D8%A7%D9%84%D8%A3%D8%AE%D8%A8%D8%A7%D8%B1/%D8%B9%D8%B1%D8%A8-%D9%88%D8%B9%D8%A7%D9%84%D9%85/%D8%B5%D8%AD%D9%81%D9%8A%D8%A9-%D8%A5%D8%B3%D8%B1%D8%A7%D8%A6%D9%8A%D9%84%D9%8A%D8%A9-%D8%A7%D9%84%D9%86%D8%B3%D8%A7%D8%A1-%D9%87%D9%86-%D9%88%D9%82%D9%88%D8%AF-%D8%A7%D9%84%D8%AB%D9%88%D8%B1%D8%A7%D8%AA-%D8%A7%D9%84%D8%B9%D8%B1%D8%A8%D9%8A%D8%A9-%D9%88%D8%A7%D9%84.aspx

    ReplyDelete
  3. tahrir8 March 2011 at 17:29

    انتي كمان بتبصي من خرم الباب
    هوامن الدولة يانورارة بيعمل ده لمصلحة مين ؟ مش اللي لابد لينا في شرم الشيخ و مافيش حد رفع صباعه و قال يتحبس هو و عائلته رهن التحقيق ؟
    ياست كفايه تهمة انه المسأول عن الحالة اللي وصلت ليها البلد
    لو حتطلعوا بس عشان امن الدولةانا مش حطلع
    يعني تمسكوا في ديل الكلب و تسيبه سيده اللي مسللطه علينا
    انا عارف ان حسني مش راجع الحكم , بس بيلهينا علبال ما يستف ورقه و يمسح وساخته طول الثلاثين سنه اللي فاتت

    ReplyDelete
  4. hossam8 March 2011 at 17:33

    يا نوارة موضوع الدستور ده مالوش غير حل من اثنين:
    1-الاعتصام لالغاء التعديلات الدستورية ووضع دستور جديد قبل اى انتخابات
    2-الاعتصام لاضافة تعديلات جديدة على الدستور تتضمن الحد من سلطات الرئيس قبل عمل الاستفتاء
    اعتصام او طلب للمجلس الاعلى او جمع توقيعات بس لازم قبل ميعاد الاستفتاء لان الوقت مش فى صالحنا

    ReplyDelete
  5. hossam8 March 2011 at 17:33

    يا نوارة موضوع الدستور ده مالوش غير حل من اثنين:
    1-الاعتصام لالغاء التعديلات الدستورية ووضع دستور جديد قبل اى انتخابات
    2-الاعتصام لاضافة تعديلات جديدة على الدستور تتضمن الحد من سلطات الرئيس قبل عمل الاستفتاء
    اعتصام او طلب للمجلس الاعلى او جمع توقيعات بس لازم قبل ميعاد الاستفتاء لان الوقت مش فى صالحنا

    ReplyDelete
  6. hossam8 March 2011 at 17:34

    يا نوارة موضوع الدستور ده مالوش غير حل من اثنين:
    1-الاعتصام لالغاء التعديلات الدستورية ووضع دستور جديد قبل اى انتخابات
    2-الاعتصام لاضافة تعديلات جديدة على الدستور تتضمن الحد من سلطات الرئيس قبل عمل الاستفتاء
    اعتصام او طلب للمجلس الاعلى او جمع توقيعات بس لازم قبل ميعاد الاستفتاء لان الوقت مش فى صالحنا

    ReplyDelete
  7. ihapoof8 March 2011 at 17:36

    أنا مش مع القيام بأى إعتصامات او طلب أى طلبات فى الفتره اللى جايه .. زى ماإنتى شايفه كلاب الحزب الوطنى و أمن الدوله بدأوا يتحركوا بشكل مكثف و فى وجود أى مطالب أو أعتصامات تانى فى الوقت ده خطر الفوضى و العناصر المندسه (زى ما حصل فى لاظوغلى) هيزيد.
    ده غير إن الحكايه دى بتسبب ضغط على الحكومه و الجيش فى الوقت ده ف هنشتت تركيزها أكتر و ندى فرصه للفوضى بتاعه كلاب أمن الدوله.

    أنا شايف إن المفروض نتحرك دلوقتى بشكل موازى للحكومه و نقمع الفوضى و كل تحركات أمن الدوله والحزب الوطنى اللى الهدف منها تشتيت الحكومه و إسقاطها, الهدف لازم يبقى دعم الحكومه ودعم لإستقرارها و إستقرار الأمن و الشارع فى الوقت ده.

    أى تحرك فيه مطالبات أو إعتصامات (دلوقتى) هيصب فى مصلحه الفوضى و هيتفرق دم المطالب بين المتظاهرين شكراً

    ReplyDelete
  8. salwa ibrahim8 March 2011 at 17:44

    YOU AHVE TO KNOW THAT AMN ELDAWLAY 3AMALO KAMEEN, MADE PEOPLE BELIEVE THAT THEY ARE FINISHED THAT THEY CAN MAKE THEIR MEETING MEN TA7T L TA7T, THEY ARE STILL THERE ,THE WRITE THING TO GET OUT FROM THIS IS TO CONTINUE WITH THE REST OF THE DEMANDS AND BE SERIOUS ABOUT IT
    WHAT IS HAPPENING IS SAFWAT EL SHERIEF AND SOUROUR AND FELOOL EL7EZB ALWATNEY AND AMN ELDAWLAH ARE TRYING TO CREATE A DEPREDSSED MOOD
    IN THE EPUBLIC, MOST PEOPLE UNDERSTAND THEM BUT YOU HAVE TO MOVE FAST AND DO NOT STOP TOO MUCH AT THIS LITTLE THINGS LIKE THE CHRISTIAN MOZAHRAT OR OTHER LITTLE THINGS IF YOU MOVE ON THESE DISTRACTIONS WILL DISAPPEAR ON IT'S OWN, IF YOU GIVE MUCH OF YOUR TIME TOO THESE TAFAHAT (WA ALLAH ELNASS SHAYFFENHA TAFAHAT) YEB2A EL MOKHARBIEN DOOL SUCCESSEDED IN DISTRACTING YOU, HADDY A3SSABEK AND FOCUS ON THE GOALS AND HOW TO DO THEM DO NOT MAKE THESE LOSERS (HEZB WATANY+AMN ELDAWALH) YENARFEZOUKI OR DELAY YOU, HURRY UP DO NOT LOOK BACK OR TO THE SIDES

    ReplyDelete
  9. abohusain8 March 2011 at 17:46

    بصى بقى يا نوارة الموضوع ده حصل وانا قاعد ومش فاهم ايه المقصود (اثناء جلسة مع صديق ضابط امن دولة زى ما كتاب مبارك بيقول )اشاعة طالعة ان الاخوان هيبدأوا اغتيال ضباط أمن الدولة فصيلة الارهاب الدولى من ضباط امن الدولة ودول ناس تدريبهم اعلى مما تتخيلى وبيتنقوا عالفرازة وممكن تشوفى واحد فيهم بيصطاد عصافير طايرة بطبنجة اقسموا ان ده لو حصل عندهم عنواين الكل وهيكون التار النفس بالعائلات ياريت تقرى التعليق وتمسحيه

    ReplyDelete
  10. Unknown8 March 2011 at 17:48

    يا نواره ... قلبي معاكي أنا حاسس أنك بتصرخي وسط حشود من الصم
    العقلاء في هذا الوطن معاكي في رأيك
    بس أحنا أقلية يا نوارة
    بنحاول نعمل بنصيحتك ونتكلم مع الناس بس برده فيه ناس في نجوع وقرى مين يكلمهم دول ؟؟ فيه جهلة ما بيسمعوش غير الأبواق التي تلعب بمشاعرهم مين يكلمهم دول ؟؟
    عموماً هنفضل نحاول حتى آخر نفس فينا

    ReplyDelete
  11. Egypt trend8 March 2011 at 17:56

    اعتقدان اللي عمل تفجيرات كنيسة القديسيين ويمكن كمان قبل منها تجيرات الازهر وشرم الشيخ مش بعيد عليه يحاول يعمل فتنة طائفية وده اصلا مصلحته في كده مننساش ان اي خراب في الدولة وراه امن ( دمار) الدولة وحكايه كميليا شحاته نفسها مفبركة واحدة راحت تشهر اسلامها الكنيسة تحتجزها وبعدين يطلع لها صور وهي مرة مضروبة لا وهي مرة منقبة ولا بالحجاب ايه الكلام الفاضي ده كله مع العلم ان اصلا هي كانت محتجزة لدي الكنيسة

    ReplyDelete
  12. tahrir8 March 2011 at 18:01

    حسني لازم يبات في التخشيبة الاسبوع اللي جاي .
    و ساعتها امن الدولة حيروح ستميت حته
    ثورة ايه دي اللى سايبه المجرم ده قاعد بيصيف في شرم الشيخ على حسابنا ؟
    خلينا نكسر راس التعبان بقى

    ReplyDelete
  13. Unknown8 March 2011 at 18:05

    والله العظيم تلاته اناتعبت كل يوم امن الدوله الله يخرب بيوتهم كمان وكمان يطلعولنا ف موال جديد وللاسف الاعلام الغبي العميل قادر يوصل للناس كويس احنا لازم ننزل يا نواره ونرجع نشتغل علي 10 بني ادمين كل يوم لازم نتكلم مع الناس ف الشارع والمترو والميكروباص زي ما كنا بنعمل علشان نمشي شفيق لازم نعيد الكلام ده علشان يحلوا امن الدوله ويعملولنا مجلس رئاسي مش مهم بيتكون من مين وازاي المهم يكون فيه ناس بتحب مصر مش لازم ديانه ويكون اشبه بمجمع اديان الامهم يحصل ده.........الجيش ما بيعملش حاجه غير لما احنا بننزل الشارع ونطالب لازم ننزل ولازم نكلم الناس ونفهمهم يعني ايه ثوره مضاده

    ReplyDelete
  14. ملكش دعوة8 March 2011 at 18:10

    انهرده واحد مسيحي زميلي في الشغل اتفتح فيه زي البكابورت لما حاولت افهمه ان ده مش وقت الحاجات اللي بتحصل دي والاحتجاجات وراسه والف جزمه ان الثوره هي اللي وصلتنا لكده واعد يرغي في غزو صهيو امريكي وان البلد كانت تمام اعمل ايه يا ربي في الناس دي هو الواحد هيواجه امن الدوله ولا الشرطه ولا الوطني ولا الشعب هي الناس دي مس فاهمه ولا بتستهبل

    ReplyDelete
  15. Rowaa8 March 2011 at 18:12

    نوارة
    ما رايك فى هذا
    http://www.youtube.com/watch?v=GeLKAM5Iw6Q&feature=player_embedded#at=341

    رواء

    ReplyDelete
  16. نسيم الفجر8 March 2011 at 18:38

    يا نوارة الله يكرمكم مش هينفع دلوقتي أي اعتصامات تاني احنا فقدنا تأييد الرأي العاااام يا ناس ويوميا بيتكتب عن اشتباكات في ميدان التحرير بين مؤيدين الاعتصام ومعارضيه الناس بدأت تصدق المتخاذلين بتوع الاستقرار الاستقرار لأنه ببساطة عندهم حق المجتمع هيقع نفق مظلم لازم ع الاقل يبقى فيه جهود وسعي رسمي من غير مظاهرات لتجميد عمل الجهاز الحقير أمن الدولة وعودة الشرطة للشوارع بأسرع ما يمكن عشان توقف مهازل البطلجية ويبقى فيه سعي كمان لتأجيل الاستفتاء على الدستور شويه لحد ما الشارع يستقر وبعد ما تهدى الدنيا شويه نرجع تاني نوعي الناس عن الدستور والمجلس الرئاسي. بجد احنا فقدنا تأييد الرأي العام لأن الناس البسطاء مش شايفة من الثورة غير الفوضى والرعب ووقف الحال :(

    ReplyDelete
  17. Feuercheval8 March 2011 at 18:46

    اما بالنسبة لمسألة الفتنة الطائفية دي فانا مش قلقان منها خالص زي ما أغلب المحللين ذوي النظرة الثاقبة أجمعوا ان اصرار مبارك علي البقاء في السلطة ساهم في بلورة الثورة وزيادة اصرار الشعب علي اسقاطه فاصرار أمن الدولة علي اثارة الخلافات الطائفية لن يزيد الا من تقارب عنصري الامة وعودة الوحدة الوطنية زي ما كانت قبل ماجيلنا كله يتولد

    وزي ما كان الرد السلمي علي الامن المركزي أنجع في أيام الثورة الاولي من مقابلة العنف بالعنف فأحسن طريقة لمجابهة الدسائس الطائفية لامن الدولة هو مظاهرات مليونية في التحرير وبقية المدن نشاطها الاساسي هو صلوات المسلمبن وقداس المسيحيين زي المشهد السريالي العظيم الي شفناه في التلفريون أوائل أيام الثورة

    و بكده أظن مافيش حد يقدر يعترض لما نعمل الحكاية دي كل أسبوع ونبقي مننا بنعيد بناء الشخصية المصرية الي خربت ونستفيد من ميل الانسان المصري الطبيعي للتدين في دعوته لهذا المؤتمر الاسبوعي المتجدد للصلاة والوحدة الوطنية والعمل الجماعي اذا لزم الامر

    ReplyDelete
  18. kiki8 March 2011 at 19:04

    Allah yegazy shetanik ya Nawara mawetteeny men el de7k

    ReplyDelete
  19. Dolly8 March 2011 at 19:11

    أنا معاكي أن مظاهرة يوم الجمعة لازم تستمر....لأن كده أمن الدولةهيفضل يخطط ويغرقنا في مطالب فئوية وفي مظاهرات فتنة طائفية عشان ننسى أهدافنا الأصيلة وتضيع الثورة..
    تاني حاجة احنا كان مطلبنا حكومة تكنوقراط...وهذا لم يتحقق...
    اللي حصل حكومة من الحزب الواطي ورموز الفساد من النظام السابق...
    وكمان لازم ناخد موقف واحد بخصوص رفض التعديلات الدستورية...
    أمن الدولة وكل رموز الفساد لسه بتلعب وكلهم بالمنظر ده هيرجعوا تاني..
    ان ما كنش مبارك يبقى ديكتاتور جديد من نفس العصابة يحميهم كلهم...
    هو ده اللي المجلس العسكري عاوز يعمله..
    مفيش حد اتحاكم من رؤوس الفساد ولا حداتقبض عليه...للأسف الثورة في بداية طريقها للفشل

    ReplyDelete
  20. salwa ibrahim8 March 2011 at 20:05

    lazem yekoon feeh mozahra on friday to dissolve amn eldawlah ill 7assal dah m yenfa3sh 3alashan ihna shelana amn dawlah adeem wa hommah delwa2ty beyest3addo we yegebo lina amn dawlah gdeed 3ala tary2a hadeetha wa dah akhttar bkteer, because lazem maykonsh feeh amn dawlah khales, wa 3ala fekar elli hassal dah mosh in amn eldawlah finished ,no dool beynazzmou sefofhom, lazem maykonsh feeh amn dawlah khales,

    ReplyDelete
  21. Heba8 March 2011 at 20:47

    هو ياجماعه اللي بتنادي بالاعتصام لالغاء تعديل الدستور هو مش في زفت اسمه استفتاء شعبي ولا خلاص بتوع التحرير هما اللي حايقرروا التعديلات تتقبل ولا لأ

    ReplyDelete
  22. Tears8 March 2011 at 21:03

    انتى مصرة على انتخابات برلمانية الاول و حال البلد هباب و انا خلاص مش ح حاول اقنعك و لا ح اقدر اقول احسن من بلال فضل و علاء الاسوانى

    بس انا بقولك ح تحصل مصيبة لو حصلت البرلمانية قبل الرئاسية و افتكرى كلامى و ابقى اترحمى على الثورة

    اللهم بلغت

    ReplyDelete
  23. Anonymous8 March 2011 at 23:27

    يالله هو مفيش مخ يعنى ما احنا عرفنا مين الى ورا تفجير الكنيسة بتاعت الاسكندرية ومين الى من سنين بيوقع بينا ومفرقنا فوقو ياناس الى عملو حكاية اطفيح هما هماهم بتوع زفت امن الدولة الله يلعنهم واحد واحد بالذمة بعد ماكنا متحدين وزى السمنه على العسل نشمت فينا العدوين كدهو ونفرحهم ماهما اللى ميتين بغيظهم بعدما اتكسرت شوكتهم عايزين ياخدو بتارهم ماتديهموش الفرصة ارجوكو وياسيادة الجيش العظيم ارجوك عجل بقتل الجهاز النازى ارحم مصر وعجل بالحل

    ReplyDelete
  24. Unknown8 March 2011 at 23:38

    اه ه ه ه ه ... فطست علي روحي من الضحك النهارده ... حقيقي احنا شعب لا مثيل له .. ووجدنا الحل لامن الدولة والطائفية .. الحل هو مظاهرات نسوية ..مش عارف نسوية دي صح ولا لا ..بس النهارده كان يوم الكل تضامن فيه كركعة وضحك علي الميدان ... مسلم ومسيحي كانوا واقعين علي الارض من الضحك .. الناس بتتخانق علي المدارس والبلطجية والكنيسة اللي اتهدت وكاميليا ..والكل بيتكلم علي مستقبل البلد اللي مش باين. واذ فجأتن وسط كل ده تلاقي 50 -60 ست راحوا طالعين وماسكين ورق مكتوب عليه مليونية المرأة ... وعاوزين واحدة ست تبقي ريس ... والله الميدان كان ولا كرنفال ... ولا مسرح عليه مسرحية من يتوع محمد صبحي .. ولقينا اتوبيسات بتقف عند عبدالمنعم رياض والناس تنزل منها تجري علي الميدان ..واتلموا حولين الستات وعملوا حلقة يتفرجوا ..وكله فطسان علي روحه من الضحك .. الاول كانوا فاكرين حد عامل اسكتش لغاية ما واحد خبيث طلع قايل الشعب يريد اسقاط الستات ..والناس كلها راحة هاتفة وراع الشعب يريد اسقاط الستات ..وكوميديا بقي ..واللي معاه موبايل بقي يكلم اصحايه ييجي يتفرج ويتصور مع الستات ..الستين واحدة ولا الخمسين اتلم عليهم اكتر من 300واحد ينفرجوا والستات تيجي تبص وتموت علي روحها من الضحك وتمشي ..ده الحل بتاع الطائفية ...اي حتة تظهر فيها مظاهرات طائفية نبعت الجماعه بتوع مليونية المرأة دول يطلعوا يتظاهروا هناك ..حتلاقي الكل مسلم ومسيحي مات علي روحه من الضحك وبقوا اخوات..
    هم يبكي وهم يضحك والله

    ReplyDelete
  25. Anonymous8 March 2011 at 23:48

    ماهو الجيش يخلص بقى ارجوك ياجيش سلم البلد لمجلس رئاسى هو احنا عبرة ولا متله ولا نبوعة على رأى خالتى الله يرحمها ويبشبش الطوبه الى تحت راسها ما الناس فى تونس
    الجيش حمى الثورة وما بيحكمش يا جيشنا حل امن الدولة الكافرة ولاد الكلب واقبض على حسنى خلى كلابه تتبط وتعرف انه مافيش امل للى بيعملو وسلم البلد لمجلس رئاسى وروح شوف الى وراك وشكرا وربنا مايحرمنا منك اه انا سمعت خبر يعنى هدانى شويه رئيس مباحث امن الدولة تم التحفظ عليه ووضعه قيد الاقامة الجبرية والجيش شال يفط امن الزفت عقبال ما الخبر اللى جاى قريبا يكون حل امن الدوله لازم تتحل تتحل قبل ما اتشل ويركبنى العصبى ارحم مصر ياجيش وخلص نفسك من وجع القلب ارجوك ارجوك ارجوك

    ReplyDelete
  26. Egypt trend9 March 2011 at 01:51

    من هنا نبدأ
    اخي المواطن ..اختي المواطنة.. ايها المصريون في ربوع الوطن المفّدى.. لقد اشرقت شمس جديدة في سماء مصرنا الحبيبه
    وهاهي رايات الحرية ترفرف في كل مكان فلتكن ثوره حتي النصر
    نعم انها ثوره تحرير من عصر الاستبداد والانحطاط والانهيار الذى ألّمّ بكل مؤسسات الدوله .. حيث تم اختطاف الوطن وتقزيمه واهدار القيم العليا فيه من اجل فرد واحد هو الحاكم – ومن المؤسف له_ ان نسبة لا يستهان بها كانت تعمل في اطار هذه المنظومة التي اعادت مصرنا الحبيبه الي العصور الوسطي .. .
    اننا مدعوون اليوم الي ان ننفض عنا غبار الانهزامية وان نتعالي علي الجراح التي المت بنا من هذا الحكم الطاغوتي .. وان نعمل علي النهوض بهذا الوطن كل في مجاله حتي نعوض ما فات في عصر لا يعرف التوقف عند حدود ... ولنحرص علي استخلاص الدروس والعبر من المرحله السابقه ...وان تكون لدينا اليقظة الكاملة حتي لا يتم استنساخ النظام السابق بأطر جديدة .. ووجوه ألفناها _ تأكل علي كل الموائد _وتتلون حسب مصالحها الشخصية فهي تسير في اذناب النظام الحاكم ايا كان لونه او نوعه.. وتتشبث به بل وتزايد عليه انهم كالجرذان اول من يهربون من السفينة الغارقة .. واليوم يتباكون علي مذبح الحريه وغياب قيم العدالة .. وانهم لم ينتسبوا للنظام البائد الا لإصلاحه من الداخل والقدرة علي تقديم الخدمات المطلوبه للجمهور- يالها من فجاجة لا مثيل لها_ ان هؤلاء هم سر تخلفنا عن الركب .. والعلة التي نعانيها والتي يجب ان نتعافي منها .. فهيا بنا لنضع اللبنه الاولي لاعادة بناء هذا الوطن .. ولنبدأ رحلة الالف ميل من اجل غد اكثر اشراقا .. وذلك بان نحافظ علي انجازات الثوره .. وان نحرص علي استمرارها حتي تتحقق كل المطالب المشروعه والامال المرجوه لهذا الشعب العظيم .. الله اكبر والمجد للشهداء .. ثورة .. ثورة حتي النصر .

    بيان

    ReplyDelete
  27. Egypt trend9 March 2011 at 02:03

    من هنا نبدأ
    اخي المواطن ..اختي المواطنة.. ايها المصريون في ربوع الوطن المفّدى.. لقد اشرقت شمس جديدة في سماء مصرنا الحبيبه
    وهاهي رايات الحرية ترفرف في كل مكان فلتكن ثوره حتي النصر
    نعم انها ثوره تحرير من عصر الاستبداد والانحطاط والانهيار الذى ألّمّ بكل مؤسسات الدوله .. حيث تم اختطاف الوطن وتقزيمه واهدار القيم العليا فيه من اجل فرد واحد هو الحاكم – ومن المؤسف له_ ان نسبة لا يستهان بها كانت تعمل في اطار هذه المنظومة التي اعادت مصرنا الحبيبه الي العصور الوسطي .. .
    اننا مدعوون اليوم الي ان ننفض عنا غبار الانهزامية وان نتعالي علي الجراح التي المت بنا من هذا الحكم الطاغوتي .. وان نعمل علي النهوض بهذا الوطن كل في مجاله حتي نعوض ما فات في عصر لا يعرف التوقف عند حدود ... ولنحرص علي استخلاص الدروس والعبر من المرحله السابقه ...وان تكون لدينا اليقظة الكاملة حتي لا يتم استنساخ النظام السابق بأطر جديدة .. ووجوه ألفناها _ تأكل علي كل الموائد _وتتلون حسب مصالحها الشخصية فهي تسير في اذناب النظام الحاكم ايا كان لونه او نوعه.. وتتشبث به بل وتزايد عليه انهم كالجرذان اول من يهربون من السفينة الغارقة .. واليوم يتباكون علي مذبح الحريه وغياب قيم العدالة .. وانهم لم ينتسبوا للنظام البائد الا لإصلاحه من الداخل والقدرة علي تقديم الخدمات المطلوبه للجمهور- يالها من فجاجة لا مثيل لها_ ان هؤلاء هم سر تخلفنا عن الركب .. والعلة التي نعانيها والتي يجب ان نتعافي منها .. فهيا بنا لنضع اللبنه الاولي لاعادة بناء هذا الوطن .. ولنبدأ رحلة الالف ميل من اجل غد اكثر اشراقا .. وذلك بان نحافظ علي انجازات الثوره .. وان نحرص علي استمرارها حتي تتحقق كل المطالب المشروعه والامال المرجوه لهذا الشعب العظيم .. الله اكبر والمجد للشهداء .. ثورة .. ثورة حتي النصر .

    بيان

    ReplyDelete
  28. Unknown9 March 2011 at 02:59

    نوارة ليه مايكونش ليكى صفحه على الفس بوك ذى مثلا صفحة خالد سعيد اعتقد هيكون التواصل معك عبر هذة الصفحة اسهل بكتير من المدونة وده لان مش كل الناس ضليعه فى الكمبيوتر و النت ومش بعيد 50 فى الماية من الناس ويمكن اكتر مايعرافوش معنى كلمة مدونة ايه؟ فاراجو يا استاذة نوارة فتح صفحة على الفس بوك علشان تعرفى اداى الناس بيحبوكى؟ وطبعا انت هاتسالى انا مين ؟ انا مصرى وبحب مصر واهل مصر الحقيقين . مش المزبفين . يارب يا نوارة تقراء هذا الكلام. ربنا يحميكى

    ReplyDelete
  29. Unknown9 March 2011 at 03:21

    نوارة ليه مايكونش ليكى صفحه على الفس بوك ذى مثلا صفحة خالد سعيد اعتقد هيكون التواصل معك عبر هذة الصفحة اسهل بكتير من المدونة وده لان مش كل الناس ضليعه فى الكمبيوتر و النت ومش بعيد 50 فى الماية من الناس ويمكن اكتر مايعرافوش معنى كلمة مدونة ايه؟ فاراجو يا استاذة نوارة فتح صفحة على الفس بوك علشان تعرفى اداى الناس بيحبوكى؟ وطبعا انت هاتسالى انا مين ؟ انا مصرى وبحب مصر واهل مصر الحقيقين . مش المزبفين . يارب يا نوارة تقراء هذا الكلام. ربنا يحميكى

    ReplyDelete
  30. Unknown9 March 2011 at 03:22

    نوارة ليه مايكونش ليكى صفحه على الفس بوك ذى مثلا صفحة خالد سعيد اعتقد هيكون التواصل معك عبر هذة الصفحة اسهل بكتير من المدونة وده لان مش كل الناس ضليعه فى الكمبيوتر و النت ومش بعيد 50 فى الماية من الناس ويمكن اكتر مايعرافوش معنى كلمة مدونة ايه؟ فاراجو يا استاذة نوارة فتح صفحة على الفس بوك علشان تعرفى اداى الناس بيحبوكى؟ وطبعا انت هاتسالى انا مين ؟ انا مصرى وبحب مصر واهل مصر الحقيقين . مش المزبفين . يارب يا نوارة تقراء هذا الكلام. ربنا يحميكى

    ReplyDelete
  31. Unknown9 March 2011 at 05:24

    ya gama3a ana men ra2iyy enena lazem noser 3ala rafd el ta3delat de we notalb be magles re2asyy we noser 3aleh 3alashan lazem dostor gded maienfa3sh el tar2eee3 da mesh 3agbny we ba3den maho Alaa Elaswany 2alohom koliet 7o2o2 3amla wa7ed we gahez tab maie3rdoh 3alena we nshooof leah ba2a el esrar el3'areeb da 3ala el tar2eee3 ???!!!

    ReplyDelete
  32. احلام جوليا9 March 2011 at 07:01

    نوارة اي انفعال حالي مش في مصلحة الثورة لازم الثوار يفكروا بعقلهم مش بانفعالهم شوفوا طريقة تانية غير الاعتصامات لان المعتصمين بدأوا يفقدوا الثورة تأييدها فالناس شايفة انهم بيشتتوا الحكومة وده حقيقي وكمان زهقوا الجيش وسمحوا لامن الدولة يندسوا ما بينهم والجيش مبقاش عارف مين ثوار ومين امن دولة وبدا يزهق وده زهقه وحش صدقيني ساعتها حيقول حاجة من اتنين يا اما مش لاعب ويسيبها تولع يا اما يتحول لطاغية يضرب بايد من حديد على الكل ويوقف تنفيذ الطلبات علشان تبطلوا اعتصامات لان كل الي اعرفهم بيقولوا لهم حق يعملوا اعتصام كل شوية طالما الجيش بينفذ لهم طلباتهم لو الجيش بطل ينفذ حيبطلوا يعتصموا خدي بالك يا نواره لازم تلاقوا حيلة جديدة لاجبار الجيش على حل امن الدولة بعيد عن الاعتصام الي بيخسركم كل دقيقة الراي العام وتأييد الناس خدي بالك

    ReplyDelete
  33. احلام جوليا9 March 2011 at 07:05

    في راي انفعال شباب الثورة المتحمس الي زيك ومن غير قصد يا نواره انتم بتساعدوا الثورة المضادة والمندسين هم زي الي قاعد بيستفز واحد وينرفزه لحد ما هو الي بيغلط ويطلع منتصر انتم بتعملوا كده بتاخدوا رد فعل على كل موقف دون تفكير متروي وهم عارفين ده وبيبقوا مخططين لرد فعلكم لانهم عايزين يخسروكم الناس والجيش ويرجعوا هم تحت مظلة العقلاء يقولوا شفتم مش قلنالكم حتبقى فوضى شفتم الشعب ده مينفعش معاه غير الحسم والقمع خدي بالك في اصوات في الشارع بتعلى بكده بسبب كثرة الاعتصامات خلوكم مع الحكومة الي من اختياركم ومع الجيش ودوروا على اشياء ايجابيه وساعدوا فيها واتكلموا عنها علشان تنجح الثورة وتكسبوا التأييد وبعدين في وسط ده قدموا طلباتكم بحجج مقنعة ساعتها الناس حتصدقكم والحكومة حتسمع لكم والجيش حينفذ

    ReplyDelete
  34. Unknown9 March 2011 at 14:36

    موضوع كاميليا شحاتة ده اللي ماكدلي جداً ان فييييييه ايد خفية لأن السلفييييين عارفين والمسيحيين عارفين ان كاميايا ماسلمتش وقصتها حاجة تانية اصلاً

    ReplyDelete

Note: only a member of this blog may post a comment.