Tuesday 22 March 2011

احنا فزنا..

انا شفتها في الورقي بس مش عارفة اطلعها في النت على عكس كل الناس
في صفحة "لغة العصر" الكمبيوتر والمعلومات، بتاعة الاستاذ جمال غيطاس، مكتوب عنوان: "احتلت المركز الاول في 4 من 5 لتقييم التأثير الجماهيري: مدونة جبهة التهييس الشعبية اكثر المدونات تأثيرا في صناعة الثورة"
وكتبوا يقولوا ان اصحاب المدونة دي نوارة واللي بيعلقوا عندها وان مشاركتهم في التعليق هي عملت المدونة كأنها وكالة انباء
شفتوا بقى احنا فزنا كلنا
طب السيدة في ضهركم وخصيمكم النبي لتوقعوا على التوقيعات دي وتشيروها وتطبعوها وتجمعوا عليها توقيعات من الناس العادية
والنبي والنبي والنبي 
ولما تجمعوا من الناس العادية يا تبعوا على الميل
fegypt20@yahoo.com
يا اما تتصلوا بمالك عدلي (على فكرة مالك عدلي جاله تهديد في التليفون، بس مش مشكلة، اتعلمنا ان اللي بيعوز يعمل حاجة ما بيهددش) على رقم 0101044264
ولو حتبعتوا بريد عايزين نصل العنوان:
1 ش سوق التوفيقية
مركز هشام مبارك
------
يالا وقعوا بقى، امال لما افوز بحاجة تشاركوني فيها من غير ما توقعوا :) وكاتبين يقولوا المعلقين اجمد حاجة وبتاع
انا عايزة اشوف بقى العدد الكبير خلينا نخلص من الثلاثي المرح ومن امن الدولة
-----
انا لقيت لنك الفوز بتاعنا :) 
at

56 comments:

  1. Fatma22 March 2011 at 11:03

    دي حقيقة يا نوارة واحلى حاجة لما كنتي بتبعتى المقال/النوت/البوست عالفيس بوك

    مبرووووووووووووووك يا نوارة مصر ودايما حرة في الحق ورأيك من دماغك اللي تتوزن بالدهب ربنا يحفظك ويباركلك

    ReplyDelete
  2. Unknown22 March 2011 at 11:03

    مبروووووووووووووك

    ReplyDelete
  3. negmat lail22 March 2011 at 11:05

    http://www.ahram.org.eg/AIT/News/68647.aspx
    الرابط عندك يا ستي اهو
    سؤال بخصوص التويعات فيه ناس بتتخوف من تناقل الارقام القومية على لانترنت وبين الناس

    ReplyDelete
  4. خالدة سعيدة22 March 2011 at 11:11

    نوارة انا بقدرك اوى بس فيه حمله شرسه على الناس وفيه تفرقه غريبه بين الشباب شبكه رصد اللى كل الشباب بيدخل عليها يعرف الاخبار عليها ضغط وهتتباع والله اعلم لمين وفيه صفحات كتيلرة بتتhttps://www.buydomains.com/EnterContactInfo.do?domain=rossd.com&x=1300758408103&utm_source=rossd.com&utm_medium=click&utm_campaign=TDFS-OOعرض لاختراق
    http://www.facebook.com/photo.php?fbid=143663595699127&set=a.112403468825140.14817.100001664629534&theater
    الوضع بقى خطير علينا وطنطاوى بجد بيسيطر على البلد من تحت لتحت
    انا عارفه انك عارفه كل دة بس بجد لازم الوحدة ترجع تانى بين كل الصفوف 6 ابريل والائتلاف وخالدسعيد وشباب الاخوان عشان الموضوع بقى خطير

    ReplyDelete
  5. عندما ينطق القلم22 March 2011 at 11:14

    تحياتي ليكي، ومبروك الفوز إللي أعتقد إنت ما حصلتيش عليه من مجلة فقط أيًّا كان اسمها، ولكن هذه المدونة وصاحبتها تستحق كل التقدير والاحترام، وتستحق مليون جائزة.
    وللصدق نقول إن هذه المدونة هي ما جعلتنا نغير، ونسعي لفكرة التوعية بأهداف الثورة والتي قامت من أجلها وننشأ مدونة سميناها جبهة التوعية بأهداف الثورة:
    http://gabhataw3ya.blogspot.com

    ReplyDelete
  6. Unknown22 March 2011 at 11:17

    رجاء خاص
    انا وقعت بس المشكله ان تنسيق و طريقة صياغة البيان عفويه جدا
    و ناس كتير ممكن تعترض من طولها و قلة تنسيقها فيريد تعيدو تنسيقها بس

    ReplyDelete
  7. spawn think22 March 2011 at 11:20

    mabrook ya nawara :)
    http://www.ahram.org.eg/AIT/News/68647.aspx

    ReplyDelete
  8. محمد نور الدين22 March 2011 at 11:20

    ست الكل يسعد صباحك
    سؤال شخصي أنت حاسبتني معكم والا لا

    ReplyDelete
  9. خالدة سعيدة22 March 2011 at 11:23

    نوارة فيه حمله غريبه وشرسه من طنطاوى على مواقع الاخبار اللى على النت
    http://www.facebook.com/photo.php?fbid=143663595699127&set=a.112403468825140.14817.100001664629534&theater
    وكمان بيضغط عليها للبيع

    https://www.buydomains.com/EnterContactInfo.do?domain=rossd.com&x=1300758408103&utm_source=rossd.com&utm_medium=click&utm_campaign=TDFS-OO
    الوضع بقى غريب لازم من توحيد الصف تانى بين شباب المسلمين و6 ابريل خالد سعيد والائتلاف والناس
    حتى دة ظاهر فى التصريحات بعد التعديلات ان الجيش لسه قاعد لاخر السنه وان فيه اعلان دستورى وتكوين لجنه تاسيسيه للدستور يعنى عملها كوكتيلك يافرغلى
    والناس مبقتش شايفه غير الجوامع والكنايس عشان يسمعلهم تانى
    وقاعدين على المواقع بيكفروا فى بعض فقط لا غير بجد انا مش عارفه الوضع ممكن يسوء
    امهات الشهداء طالعين امبارح بيعيطوا مستنيين حق عيالهم اللى ماتوا واللى مش شايفين منه حاجه وحاسين ان الناس مبقتش فى ثورة وان الموضوع ابتدى يتقلب بمجرد حوارات على التليفزيون وخلاص

    ReplyDelete
  10. Unknown22 March 2011 at 11:32

    لنك لغة العصر أهو: http://www.ahram.org.eg/AIT/News/68647.aspx

    ReplyDelete
  11. Aabed22 March 2011 at 11:39

    This comment has been removed by the author.

    ReplyDelete
  12. الحسينى22 March 2011 at 11:44

    مبروك يا باشا
    صباح الفل

    ReplyDelete
  13. abdul hamid22 March 2011 at 11:45

    تمام جارى العمل

    ReplyDelete
  14. Anonymous22 March 2011 at 11:46

    والنبي والنبي، بصي يا نوراة يا عسل إحنا نوقع على شئ أكبر زي دستور لكن إحنا كده بنعمل زي ما قال هيكل وصلنا للقمر بصاروخ وطلباتنا بسيطة

    ReplyDelete
  15. Mogahed Salem22 March 2011 at 11:58

    احنا عاوزين نعرف عدد التوقيعات بقت كام وعاوزين تحديث للرقم

    ReplyDelete
  16. المهدى22 March 2011 at 12:27

    وقعت رغم إنى زعلان منك وأضعك مع كبار ما كان يعرف بالكتاب الإسلاميين الذين تهافتوا وأضلوا حتى شباب الإخوان الذين كانوا على أتم الإستعداد للوقوف فى وجه كبارهم وسياسييهم ولكن ما هى مصلحة فهمى هويدى ( راجعى مقالاته فى الشروق وكيف كان من صقور الثورة وأصبح من حمائم نعم ) وما مصلحة سليم العوا الذى أعترف بخطيئة حسن الظن به وأعتقد أن وهم صناعة دولة مدنية ذات مرجعية إسلامية سيطر عليهم وظنوا أنهم منظريها القادمين ولم ينتبهوا إلى التحالف المخيف الذى نشأ لتصفية الثورة تماما وشق وحدة الأمة ودفعها إلى دهاليز إجراءات وتفاصيل مقيتة
    السؤال المحورى فيه حد ممكن يبنى قبل ما يهد

    ReplyDelete
  17. Unknown22 March 2011 at 12:30

    مافيش خوف من وضع الرقم القومى على الانترنت لان الصفحة مشفره وانا شخصيا اتأكدت من ده قبل ما اوقع
    The internet page where you can sign is encrypted (SSL) and I checked it carefully before I signed. You can see for yourself.

    الف مبروك با نوارة. والله تستاهلى واكتر.

    طارق المناديلى

    ReplyDelete
  18. Anonymous22 March 2011 at 12:32

    مبروك يا احلى نواره مبروك يانوارة الانتصار طول ما مصر فيها ناس زيك اكيد اكيد مصر هتبقى احسن بلاد العالم مبرووووووووووووووووووووووووووك

    ReplyDelete
  19. Unknown22 March 2011 at 12:41

    http://www.ahram.org.eg/AIT/News/68647.aspx

    ReplyDelete
  20. Unknown22 March 2011 at 12:42

    لنك لغة العصر أهو: http://www.ahram.org.eg/AIT/News/68647.aspx

    ReplyDelete
  21. المهدى22 March 2011 at 12:46

    نظرة أخرى لنتيجة الإستفتاء تثبت أن هناك 2-3 مليون صوتوا على التعديلات بنعم أو بلا والباقى يعنى 83-89% صوتوا بنعم على تصفية الثورة كل سلفيين تحريم التظاهر وكل مسيحيين البابا شنودة وكل الحزب الوطتى كانوا خارج الثورة وباقى نعم كانت نعم للإستقرار يعنى برضه تصفية الثورة اللى هى ضناكى حد يعمل فى ضناه كدة

    ReplyDelete
  22. مواطن مفروس22 March 2011 at 13:03

    1763 مبروك هو عدد التعليقات
    28048 مبروك هو عدد المواقع التى بها رابط للمدونه
    بس كدة كفاية عليكي مبروك لينا كلنا يا نوارة يا اجدع بنت في مصر كلها

    ReplyDelete
  23. -_-22 March 2011 at 13:07

    نوقع .. منوقعش ليه

    ReplyDelete
  24. aneeszaki22 March 2011 at 13:30

    مبرووك للمدونة اللي خلتني أنزل التحرير
    وأتمنى يكون في سعة صدر في تقبل الرأي المخالف
    و لازم نكون عارفين إن هدفنا كلنا بلدنا
    ألف مبروك كمان مرة

    :)

    ReplyDelete
  25. aneeszaki22 March 2011 at 13:33

    مبروك للمدونة اللي خلتني أنزل التحرير.
    و أتمنى يكون في سعة صدر أكتر في تقبل الرأي المخالف و لازم نعرف إن هدفنا كلنا هو بلدنا.

    ألف مبروك كمان مره.

    أنيس زكي :)

    ReplyDelete
  26. ابراهيم رزق22 March 2011 at 13:49

    نوارة يا بطلة

    الف الف الف مبروك طبعا انتى تستاهلى

    عايزين بقى الحلاوة و ياريت تزورى مدونتى المتواضعة

    خالص تحياتى

    ReplyDelete
  27. ahmed22 March 2011 at 14:03

    مبروووووووووووووووك ليكى يقمر
    بجد انا بحبك واحترمك جدااااااااا

    ReplyDelete
  28. smsm elmsry22 March 2011 at 14:14

    استاذة نوارة انتصار تحية لجرئتك
    بس انا لى رجاء لابد ان يكون هناك توعية من خلال مدونتك بان ترجع روح الميدان تانى المسلم والمسيحى المثقف والسياسى السلفى والاخوانى المتعلم والصنايعى لو ده تم فى الفترة دى كل الحرامية هيتجابو لسبب بسيط ارجو ان نتفهمو جيدا :-
    الشعب يعتبر مساند قوى جدا للجيش ويعطيه شرعية لتنفيذ متطلبات الشعب وان كان هناك بعض الفاسدين داخل المؤسسة العسكرية لكن لابد ان الشعب يعطى شرعية ويرجح كافة الميزان للشرفاء ان يتخذو قرارات بعيدا عن المحسوبية او اصدقاء الامس لازم نتجمع تانى عشان نبقى قوة وصوتنا يتسمع ... شكرا

    ReplyDelete
  29. سمية صلاح مقلد22 March 2011 at 14:15

    بتشتغلينا يانورا ماشي عشان واثقين فيك

    ReplyDelete
  30. سمية صلاح مقلد22 March 2011 at 14:16

    بتشتغلينا يانورا والله احنا عشان واثقين انك بتحبي البلد واحنا كمان احنا عملنا شير ياعسل

    ReplyDelete
  31. NAGWA22 March 2011 at 14:17

    نوارتي
    أنا حطيت توقيعين انا وممتى أدعولى ربنا ما يحرمنى منها ولا من خدمتها أبدا
    ربنا يوفقنا ببخير لمصر يا نواره
    بنحبك كلنا وبنتمنا أحلامنا تتحقق
    و1000000000مليون مبروك ليكي ولينا

    ReplyDelete
  32. بساطه22 March 2011 at 14:23

    مبروووك يانواره... ان الله لا يضيع اجر من احسن عملا .... وقل اعملوا فسيرى الله عملكم ورسوله والمؤمنون...... احسبك على خير واحسنتي العمل انشاءالله

    ReplyDelete
  33. ملتقى تنمية المرأة22 March 2011 at 14:32

    ألف مبروك يا نوارة، بجد المدونة تستاهلها

    ReplyDelete
  34. ملتقى تنمية المرأة22 March 2011 at 14:34

    ألف مبرووووووك وبجد تستاهلوها

    ReplyDelete
  35. Unknown22 March 2011 at 14:58

    الف مبروك يا ألذ بنت مصريه
    أه ما انا بنت مصريه وبحب البنات الجدعان
    تم التوقيع منذ اليوم الأول لنشر البيان وجاري الزحف على ايميلات الأصدقاء والزن على الودان امر من السحر
    وكمان مية مبروك لجميع المعلقين

    ReplyDelete
  36. Unknown22 March 2011 at 15:25

    حسين يعقوب غزوة الصناديق فى الإستفتاء على التعديلات الدستوريه
    www.youtube.com

    ReplyDelete
  37. OberonSky22 March 2011 at 15:29

    نوارة يا بنت بلدي !!! مبروك عليكى و على مصر و على الناس اللي بتقرأ جبهة التهييس!! تستحقي الفوز و أكتر على مجهوداتك و نشاطك في الثورة ديه =)

    أنا بقلي كم يوم مش بأكتب تعليقات سفر و بهدلة بقى لكن رجعتلكم!!

    ربنا معنا و ينصرنا على الثلاثي المرح و كمان نقفل باب الحزب الوطني و يا سلام لو نحاكم مبارك و عيلته

    ReplyDelete
  38. arrow22 March 2011 at 16:25

    مبروك يانوارة ، والله تستاهلى كل خير

    ReplyDelete
  39. Anonymous22 March 2011 at 16:31

    الموافقة على ترقيعات دستور مبارك,عواقبها خطيرة,وكذلك,ماتزال البلد مليئة بعناصر حزب الفساد الصهيونى,الذى لم يحل,فى أخطر المواقع تأثيرا ؟! والعسكريون سلوكهم يثير شكوكا وتساؤلات وعلامات استفهام كثيرة,أو,على الأقل,كانت التظاهرات,فقط,هى التى تجبرهم على فعل أقل القليل ؟!! الحزب الوطنى,بمعاونةالسلفيين والدراويش,يضعون مخطط الثورة المضادة,على طريق النجاح. د.شريف عبد الحكم-باريس

    ReplyDelete
  40. أنسانة-شوية وشوية22 March 2011 at 16:49

    مبررررررررررروك يا احلى نوارة

    بجد ومن غير مبالغة انا كنت بضطمن وبعرف كل الاخبار من عندك هنا

    الله ينور وربنا يبارك :)

    ReplyDelete
  41. عمرو فكرى22 March 2011 at 17:39

    مبروك :)

    ReplyDelete
  42. mimi22 March 2011 at 18:15

    نوارة
    أنتي قدوة في صبرك وتفاؤلك وقوة عزيمتك وشجاعتك
    مبروك يا حبيبتي

    ReplyDelete
  43. Unknown22 March 2011 at 18:40

    ألا تشبهين صفاء المصيف
    بل أنت أحلى وأصفى سماء
    ففى الصيف تعصف ريح الذبول
    وتعبث فى برعمات الربيع
    ولا يلبث الصيف حتى يزول
    وفى الصيف تسطع عين السماء
    ويحتدم القيظ مثل الأتون
    وفى الصيف يحجب عنا السحاب
    ضيا السما وجمال ذكاء
    وما من جميل يظل جميلا
    فشيمة كل البرايا الفناء
    ولكن صيفك ذا لن يغيب
    ولن تفتقدى فيه نور الجمال
    ولن يتباهى الفناء الرهيب
    بأنك تمشين بين الظلال
    اذا صغت منك قصيد الأبد
    فمادام فى الأرض ناس تعيش
    ومادام فيها عيون ترى
    فسوف يردد شعرى الزمان
    وفيه تعيشين بين الورى

    ReplyDelete
  44. مهندس مصري بيحب مصر22 March 2011 at 18:40

    هههههههههههه
    ألف مبروك يا نوارة
    أنا بقى قريت المقالة و فرحت لك و قفلتها و خلاص
    فوجئت باللي بيقول لي إن إسم مدونتي مكتوب في نفس المقال و انا ما أخدتش بالي منه خالص
    رجعت أدور لقيت إسم مدونتي محطوط في الرسم
    البياني فوق كرقم 6 من حيث عدد الزوار لكن مدونتك رقم 1 طبعاً بفرق رهيييييب

    :))

    ReplyDelete
  45. hardway22 March 2011 at 19:30

    يا أرق نوارة....في الأهرام
    المخطط ماشي صح.. صح..الصح
    مــــــــــــــــاشـي صـح..
    د/ عبد المنعم سعيد علي اليمين
    ا/ أسامة سرايا علي الشمال
    الشابة/ نوارة نجم في الوسط
    كتك خيبة يا كونداليزا رايس....
    أتعلمي يا خيبة الخيبة ....
    كيف ينشأ الشرق الاوسط الجديد
    لكي عذرك.... لما يكون زعيمك كما قالت عليه
    والدته
    ده أغبي اولادي
    ...نكمل بعدين..كفاية كده دلوقتي

    ReplyDelete
  46. iman22 March 2011 at 19:40

    نوارة الانتصار أحمد فؤاد نجم يا بنتى ده إسم حد عادى!!!! مبروووووك

    أنا بحبك اوى انتى تستاهلى كلل خير

    بس الله يخليكى بلاش ضهر السيدة و خصيمك النبى و الكلام ده هه بلاش علشان خاطرى

    ReplyDelete
  47. واحد مش فاهم حاجة22 March 2011 at 20:14

    للمرة الواحد بعد المائة اسمع احالة انس الفقي ويطرس غالي الى محكمة الجنايات هو مفيش حد جديد ولا ايه فين زكريا عزمي ولا صفوت الشريف يجماعة فين فتحي شرور -مقصودة- وعلي الدين هلال ليه البطء ده ازاي زكريا عزمي لسه رئيس ديوان رئيس الجمهورية ومقيش رئيس جمهورية لماذا لايحكام مبارك وعائلته فين حل امن الدولة الي سميتوه قطاع الامن الوطني -اسم الدلع بتاعه -انتم بتشتغلونا ولا ايه

    ReplyDelete
  48. مش فاهمه22 March 2011 at 21:51

    مبروك عليكى و علينا كلنا انا كنت باكتب عندك و مش باكتب فى مدونتى لأنى مش عايزه اكتب و خلاص لأ انا عايزة اوصل وجهة نظرى لأكبر عدد ممكن و علشان كده و انا باكتب عندك باحس ان اللى حايقرأ لى اكتر بكتير من لو كتبت عندى علشان كده ضحيت هنايا فداها :))
    بس بجد يا نوارة ده يحملك مسئوليه جامده خدى بالك ناس كتير بتتأثر بيكى

    ReplyDelete
  49. هاتروق وتحلى22 March 2011 at 21:54

    مبرووووووووووووووووووووك لاجمل مدونة

    ReplyDelete
  50. Rowaa22 March 2011 at 23:31

    السلام عليكم يا نوارة
    معذرة ان ما اكتبة لا علاقة له بالبوست وانما رسالة ارسلها لكى وللقراء الافاضل من اخواننا الليبيين سيقوموا باعتصام غدا أمام جامعة الدول العربية الساعة واحدة بعد الظهر بعون الله

    وهم يناشدوكم ان تجمعوا اكبر عدد منكم لمساندهم وجزاكم الله كل خير وهم يرسلون سلامهم لكم جميعا و لكى يا نوارة

    "وسلامي وتحياتي إلى احبابنا في مصر العزيزة وللاخت الحبيبة نوارة وجزاهم الله عنا كل خير"


    رواء

    ReplyDelete
  51. magdy shaheen23 March 2011 at 00:30

    مبروك نوارتنا يلا نعمل حزب

    ReplyDelete
  52. labied23 March 2011 at 03:38

    السلام عليكم يانورة و مبروك عليك و علينا.
    أنا لست مصري الجنسية و لكني عربي مصري الهوى
    المرحلة القادمة مرحلة هامة و حساسة جدا.
    الثورة لاتنتهي و لم تنتهي فهي عجلة الدهر.
    انكم بدأتم الثورة عندما حركتم الوجدان الساكن للشعب. الثورة كانت دائما كامنة في داخل ذلك الوجدان.
    و لقد حركتم وجدان شعوب أخرى في البلاد العربية.
    أنا أسألكم هل انتهت الثورة الصناعية؟
    لقد تحولت من صناعة النسيج و القطرات و المصنع إلى ثورة المعلومات التي بفضلكم و بفضلها بدأت ثورة المستضعفين في مصر و العالم العربي.
    أنا لا أضن أنه لكم ألحق في إغلاق المدونة التي كان لها الأثر الأكبر في هذه الثورة.
    إن هذه الصفحة يجب أن تتحول إلى صفحة تهدي من يقرأها إلى تشغييل العقل و الصيطرة على العاطفة. يجب أن توجه الشباب لكي يسمع و ينصت و يفهم حقا مايقوله إبن الشارع، و الفلاح و العامل.
    يجب على الشاب المثقف أن ينقل مايريده هذا الإنسان إلى وجدان المثقفين الأخرين. و عليهم جميعا أن يعملوا بجد لإخصع الحكومات على تحقيق مايريده هؤلاء الناس.
    كما أن على الشاب أن يحرك وجدان الناس و يبعدهم عن أخذ مالا يستحقون من الوطن.
    ليحرك وجدان الناس كي يعلموا أن السعادة ليست في الثراء على حساب الناس، بل هي إثراء الناس بما من الله عليه من عقل و مال و حكمة.

    ReplyDelete
  53. Unknown23 March 2011 at 09:33

    ممكن أعرف إيه موضوع جمعة إسقاط التعديلات الدستورية...يعني هو إيه يا يفوز صوتي و إلا الطوفان خلينا إيه للحزب البائد ، لا حول و لا قوة إلا بالله

    ReplyDelete
  54. د. هانى احمد23 March 2011 at 11:40

    مبروك يا نوارة ودايما الى الاحسن مادام فيه اخلاص..

    موضوع طنطاوى ده فعلا يقلق واللى بيقول مفيش دليل.. ابسط حاجه التباطئ المقصود فى اتخاذ القرارت الحاسمه ضد اعداء الثورة واعوانهم لاجهاض الثورة ولكن يقظة شبا ب الثورة وابتكار وسائل جديده للتواصل والتلويح بارادة الشعب وقدرة الثوار على حشده سوف تحجم من تأثير القله فى الجيش التى تريد توجيه الثورة بعيدا عن اهدافها

    ReplyDelete
  55. Walid Bey23 March 2011 at 13:51

    مبروك يا نوَّارة

    ReplyDelete
  56. Rowaa23 March 2011 at 21:12

    الف مبروك يا نوارة
    هى مدونتك فعلا بالنسبة لى هى المصدر المؤتمن اللى اعرف منه واتابع اخبار الثورة وافهم منه ايه اللى بيحصل خاصة من خارج مصر
    جزاكى الله عنا وعن مصر كل الخير
    ومرة ثانية مليون مبرووووووووك

    رواء

    ReplyDelete

Note: only a member of this blog may post a comment.