Wednesday, 26 January 2011

عاجل: التوجه فورا الى نقابة المحامين


تحديث
وائل ممدوح مقبوض عليه مع 300 في معسكر الأمن المركزي بالسلام وهم مضربين عن الطعام الآن
---------
تحديث الساعة 4:22 عصرا:
الصحفيين اتكردنوا في النقابة والمحامين اتكردنوا في وسط شارع رمسيس
رجاء التوجه لهم باعداد كبيرة
--------
تحديث:
المحامون والصحفيون خرجوا لشارع عبد الخالق ثروت رجاء التوجه لهم فورا
-------
مطلوب الآن فورا التوجه لنقابة المحامين للانطلاق منها، لن يتم التمكن من الانطلاق الا اذا كانت الاعداد معقولة
-----------
احنا لازم نكمل والا اللي حصل امبارح مش حيكسبنا، بل حيخسرنا، وحيخسرنا كتير
عارفين حيخسرنا ليه؟ عارف لما واحد يهدد تهديد فظيع مرعب وبعد كده ينزل على مافيش؟ عارف لما يهبط ويتبط بعدها عارف الناس بتبص له ازاي؟ بتستخف بيه، وبتفتكره كان بيهزر، او انه خفيف، او ان اللي بيقوله هو مش قده
احنا مش قده؟ احنا اقل جدعنة من تونس؟ 
هيلاري كلينتون بتقول احنا متأكدين ان النظام المصري مستقر، بس تخف ايدها شوية... 
امبارح كان فيه شهدا، ودم الشهدا غالي
لو النهاردة ما حصلش حاجة بنفس العدد بتاع امبارح ماحدش في العالم حيحترمنا، والنظام المصري حيستخف بينا اكتر واكتر، وماحدش حيعرف يكلمه بعد كده، والكلام اللي قاله مبارك علينا للصحفية الكويتية ليلى الاحمد: ده شعب دماغه فاضي وهمه على بطنه، حيتأكد
-----------
الجزيرة طلبوني اتكلم في ما وراء الخبر الساعة تمانية ونص، قولوا لي عايزين تقولوا للعالم ايه، انا مش رايحة افتي، ولا اعمل قعر مجلس والا ما كنتش رحت
انا رايحة اوصل صوتكم انتم، يا احسن شعب، يا اجدع رجال، يا اشرف ناس، للعالم
at

59 comments:

  1. hampozo king26 January 2011 at 15:24

    هو الفيس اتقفل ولا ايه
    من فضلك لو تعرفي قولي
    و لو فيه موقع يفتح الفيس برضك ذي نوينر ياريت تكتبيه

    ReplyDelete
  2. Unknown26 January 2011 at 15:27

    elfacebook et2fl , we shoftek 3aljazeera , a7yeky 3la shaga3tek .. e7na f3ln mesh nazlen nhzr m3ahom

    ReplyDelete
  3. wahat_alshohada26 January 2011 at 15:31

    الفيس اتقفل تابعى معانا على المدونة يانوارة معندناش مصادر والنزل للمحامين ننزل دلوقت

    ReplyDelete
  4. Moataz Medhat26 January 2011 at 15:31

    زي قصيدة "كأنك مفيش"
    لملم عيالك و جمع في مالك و اسحب جمالك و سيبنا و غور.

    بس، عايزين حياة سليمة، حرية و إنتخابات و تمثيل حقيقي و مؤسسات حقيقية. بإختصار؟ ديمقراطية.

    ساعتها اللي يغلط يتحاسب، من الحكومة أو من الشعب،و يا ستي لو الحزب الوطني أغلبية و بيعمل عشان البلد و الناس عايزاه، يجي يمسك تاني.

    م الآخر اللي بيقولوا دول مدسوسين ولا قليلين ولا أي حاجة، مش عايزين غير حرية و إنتخابات مش مزورة، و إن شاء الله يجي مبارك تاني لو الناس عايزاه، و يقدروا يمشوه لو معجبهمش
    ما كل الدنيا كده؟ هو احنا اللي مغضوب علينا؟

    ReplyDelete
  5. Karim Fadl26 January 2011 at 15:34

    انا بمنتهى الفخر نزلت إمبارح انا واربعة من اصحابي

    ركنا العربية فى الزمالك ومشينا لغاية جامعة الدول الساعة اتنين ونص ولما ملقيناش حد روحنا شارع الحرير فى الدقي وكملنا مشي لغاية كوبري الجلاء ولقينا ألف واحد وواحدة ووقفنا وقعدنا نزيد لما منعونا نعدي كوبري الجلاء والضرب اشتغل حولنا على كوبري اكتوبر غصب عن بوز ابوهم والعدد كان عمال يزيد ووصلنا حوالي ثلاثة الاف واحد وواحدة وطلعنا الكوبري وكان العدد في ازدياد لغاية منزلنا التحرير عند الحزب الوطني وكنا حوالي ثمانية الاف ووصلنا للميدان فى حدود الساعة خمسة وكان شيء يفرح

    والجميل مكانش فيه معاكسة واحدة لأي بنت وكان الناس فعلا رجالة ونضافة تبهر ووعي يشرف

    أنا فعلا فخور وسعيد والله اكبر
    وجمال قول ابوك الشعب المصري بيكرهوك

    ReplyDelete
  6. Vigil26 January 2011 at 15:37

    kalemi masr !!
    olelhom en lmaradi l mawdoo3 orayeb awi .. enaha msh zay kol mara ..
    en l fard yefre2 ma3a kol l nas l mara dih

    kalemi bara masr .. olelhom yebatalo ta3reeees . we ye3'ato eli bey7sal we yefda7o l 7okoma odam l mogtama3 l dawly !

    7ethy kol l nas enaha tefdal fil share3 !

    ReplyDelete
  7. Alamir Alsheikh26 January 2011 at 15:38

    أنا بدبي أقدر أعمل إيه من هنا حد يقوليي

    ReplyDelete
  8. Zika26 January 2011 at 15:38

    انا نزلت ورجعت وهانزل تاني
    ملحوظه
    فيه ناس في وسط البلد حالا ومش لاقيه تجمعات تنضملها
    حاولوا تنشروا ناس في وسط البلد يدوروا على التجمعات الصغيره ويضموها
    يا ريت تتكلمي عن قطع الانترنت
    تويتر
    والفيس بوك وغيرهم
    اتكلمي عن المعتقلين اهم نقطه

    واعتداءات الشرطه ..وانهم مش زي ما هو اتعرف انهم كانوا حلوين وكويسين وولاد ناس

    انا رجعت ونازل تاني
    وياريت اي حد قاعد ع النت دلوقت يقوم ينزل عشان العدد يزيد

    يااارب

    ReplyDelete
  9. Alamir Alsheikh26 January 2011 at 15:40

    أنا مقيم بدبي
    رقم تليفوني 00971559906626
    أقدر أعمل إيه للمساعدة
    لابد و أن تنجح الثورة لابد

    ReplyDelete
  10. Wissam Sultan26 January 2011 at 15:42

    الفيس بوك اتقفل فعلا
    نوارة حاولى تنقلى الاخبار هنا اول بأول الله يركمك والناس اللى مقبوض عليهم فى معسكرات الامن المركزى تابعينا باخبارهم

    ReplyDelete
  11. Unknown26 January 2011 at 15:45

    يلا يا جدعااااااااااااااااااااااااان تعالو عشان نبتدي

    ReplyDelete
  12. Unknown26 January 2011 at 15:45

    أوبرا بيفتح المواقع المحجوبة
    حمل اوبرا و ادخل على الفيس بوك

    ReplyDelete
  13. أدهم الصفتى26 January 2011 at 15:48

    يا نوارة بلغي الجزيرة بكلام مباشر ان الرأي العام في مصر شايفهم مقصرين و عاملين صفقة مع مبارك، و معظمنا بيعتبرهم قناة معادية للإنتفاضة المصرية و شبه القنوات التابعة للتليفزيون المصري، و الناس في الشارع مخوّناهم، و فيه كلام حوالين وعود بمبالغ مالية للجزيرة مقابل تعتيمهم الواضح و تجاهلهم للي بيحصل في مصر

    ReplyDelete
  14. Essam Zaza26 January 2011 at 15:48

    لفتح تويتر و الفيس بوك حمل هذا البرنامج
    http://www.softxgame.com/877-ultrasurf.html

    ReplyDelete
  15. محمد حامد26 January 2011 at 15:49

    يا نوارة ركزي في كلامك واتكلمي بالعامية المصرية علشان تاخدي راحتك في الكلام وحددي كلامك في نقط مركزة مستنينك

    ReplyDelete
  16. wahat_alshohada26 January 2011 at 15:50

    نوارة افتحيلى التعليق علشان عرفت ادخل الفيس بطريقة ما وممكن اكتبلكم اخبار من شبكة رصد وخالد سعيد
    معندناش بدائل كتير للتواصل

    ReplyDelete
  17. hampozo king26 January 2011 at 15:50

    http://youm7.com/News.asp?NewsID=344001
    دي الكويت يا جدعان
    بلاش نكسل بقه

    ReplyDelete
  18. Unknown26 January 2011 at 15:50

    رساله من اخ ليكم من تونس
    السلام عليكم إخواننا في مصر

    ...لنجاح ثورتكم عليكم بما يلي
    .......1..المظاهرات تكون ليلا ..وهذه لها عدة فؤائد
    ............أ:تقللون من فرص القبض عليكم ومن فرص معرفة هوياتكم
    ......ب:تستطيعون النجاة من عمليات التصوير
    ج:ترهقون قوات مكافحة الشغب فانتم تثورن ليلا وتنامون نهارا وهم فحالة طواري قصوي فليلا شغب والنهار لا يستطيعون النوم فيكونون ضعفاء
    د:تمنعون علميات الخطف وزورا الفجر
    .2..اياكم وعمليات الانتحار فاذا كان مصيرك الموت فليكن برصاص طاغية
    .3..استغلوا الاعلام لتبليغ صوتكم فالضغظ الخارجي رهيب جدا

    هاااااااااااام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها

    لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"
    انشرها حتي لا يتاذي اخوانك

    ReplyDelete
  19. mido26 January 2011 at 15:51

    شجعى الناس على النزول فى تظاهرات سلمية
    فكريهم بالغلاء والامراض والتعليم والتلوث وخروات مية المجارى
    فكريهم بعدد حالات التعذيب فى الاقسام
    استفزيهم بتونس

    ReplyDelete
  20. Unknown26 January 2011 at 15:51

    http://www.opera.com/download/get.pl?id=33343&thanks=true&sub=true

    تحميل الاوبرا من الرابط

    ReplyDelete
  21. wahat_alshohada26 January 2011 at 15:52

    كل اللى تقوليه احنا موافقين عليه. قولي اننا قمنا ومش هنقعد الا اما النظام يسقط

    ReplyDelete
  22. mUsLiM26 January 2011 at 15:53

    قوليلهم من النهاردة الشعب هو اللى هايحكم

    السلام عليكم

    ReplyDelete
  23. wahat_alshohada26 January 2011 at 15:56

    عاجل | ضرب بشده ووحشيه على المتظاهرين أمام نقابه الصحفيين والاعداد تتزايد

    ReplyDelete
  24. wahat_alshohada26 January 2011 at 15:57

    شبكة رصد فرق كاراتيه تخطتف الناس من امام نقابه الصحفيين .. المشهد ملبد بالغيوم بعد وجود جرحى اصيبوا اثناء الاشتباكات مع الامن المركزى الذى قام بضربهم لعصا كهربائيه

    ReplyDelete
  25. azmeralda26 January 2011 at 15:57

    الفيس بوك خلاص اتقفل .. انا هتجنن .. هنعمل ايه؟؟ .. عايزين نوصل صوتنا ومانخليش رجالة البلد دي يناموا تاني
    حد يقولي نعمل ايه؟؟

    ReplyDelete
  26. Tamer26 January 2011 at 16:04

    بروكسي
    http://aniscartujo.com/webproxy/

    ReplyDelete
  27. wahat_alshohada26 January 2011 at 16:05

    موقع الدستور الاصليإدارة المترو بتأكد ان المترو لإيقف في محطات السادات ومبارك

    ReplyDelete
  28. Anonymous26 January 2011 at 16:10

    ليكن يوم الجمعة القادم هو يوم الغضب الأكبر فى مصر
    لتكن صلاة الجمعة القادمة هى شرارة البدء لتحطيم نظام مبارك
    لتخرج المظاهرات والمسيرات من كل مسجد فى مصر فمساجدنا أولى من ميدان التحرير ونقابة الصحفيين للقيام بهذا الدور
    يا شباب مصر ويا قادة العمل السياسى نحن أمام نظام يتهاوى ويحتضر فأعدوا أنفسكم لغضبة بعد صلاة الجمعة القادمة ولنعاهد الله ألا نعود الى بيوتنا ألا وقد تحقق النصر بفضل الله أو الشهادة فى سبيله عزوجل

    ReplyDelete
  29. wahat_alshohada26 January 2011 at 16:12

    شبكة رصد الجزيرة : ضرب واعتقال الصحفي محمد عبد القدوس

    ---------
    شبكة رصد القاهرة : مؤكد | إضراب 240 معتقل بسجن السلام ممن اعتقلو بالأمس احتجاجا على شحنهم جميعا بعنبر واحد وتدهور حالتهم النفسية والصحية .. علما ان بهم مصابين

    ReplyDelete
  30. Al Jareedah26 January 2011 at 16:13

    فشل النضال المصري سيطفئ الشعلة التي أوقدتها ثورة تونس. نجاحكم سيطلق ثورة لا هوادة لها في كل أنحاء الوطن العربي. تسونامي تعصف بدكتاتوريات الظلام وحكم الأبالسة. مستقبل العالم العربي كلو في أيديكم وتحت رحمتكم.

    ثقتي بفرص التغيير لا تزعزعها الصواعق ولا تزلزلها التحديات. بل اني أراها أمامي أشد وضوحاً من نور اللحظة الراهنة بكل تجلياتها. لا أراها مقبلةٌ فحسب بل اراها تنتظر شاكيةً وفي عيونها عتاب مؤلم. في حضنها الدافئ ترتاح طفلة الحرية ترضعها آمال اللقاء. وينتصب إلى جانبها صبا العزة والكرامة والمجد القادم.

    التغيير في مصر حرب ارادات. النظام جاهز ومتوقع عكس بن علي لتخلع على حين غرة. اليوم فرصة مصر لتعود كرائدةً للنهضة العربية. على أيديكم!

    ReplyDelete
  31. د ياسر جابر الحاج26 January 2011 at 16:15

    قولي يا نوارة إن موعدنا أفضل يكون الأحد الساعة 3 عصرا علشان نعمل حسابنا بعد الدورة التدريبية في التظاهر ومواجهة القمع بتاعت ثلاثاء الشرف وعلشان الحاضر يلحق يقول للغايب والبعيد يقرب واللي فيسبوكه مقفول يكون عرف، واللي تويتره محجوب يكون شاف ، قوليلهم ان الضباط والعساكر دول اخواتنا وازاي كانو متعاطفين معانا واعتذري لكل مجند أصيب وقوليله احنا بندافع عنك وعن ولادك نفسنا انك تروح ترتاح وسط أهلك وتلاقيلك شغلانة، وجهي رسالة للضباط احنا واقفين وتاعبينكو علشان ما يجيش يوم على ولادكم ويترشو بالميه في عز البرد زي ما بترشوا علينا علشان عاوزين يبقى لنا وطن، قولي لكل البشر ان احنا نفسنا طويييييل ، مش مستعجلين وحقنا ها ناخده ها ناخده وطول ما ربنا موجود حقنا مش هايضيع لأن ربنا اسمه الحق،وقولي لكل ظالم يومك قرب محدش هاينفعك
    د ياسر الحاج

    ReplyDelete
  32. wahat_alshohada26 January 2011 at 16:18

    شبكة رصد القاهرة : مؤكد | الامن يلقي القنابل على المعتصمين أمام نقابة المحامين ووجوع حالات اغماء واصابات
    يا شباب انزلوا على المحامين بسسرعة

    ReplyDelete
  33. wahat_alshohada26 January 2011 at 16:20

    حطوا حرف الاس كدة وجربوا
    https://www.facebook.com/

    ReplyDelete
  34. محمد نور الدين26 January 2011 at 16:34

    أول ملاحظة عدم المقارنة بين الثورة التونسية وما يحدث في مصر لأن طبيعة الأنظمة مختلفة .النظام التونسي ، إن صح التعبير ،ديكتاتوري مغلق أي لم يتحالف مع أي قوى إلا مع نفسه بينما المصري وبعض الأنظة المشابهة ديكتاتوريات مفتوحة بمعنى انها استقطبت فئات سياسية أسهمت في إطالة عمرها وأوهمت الشعب أنها أنظمة ديمقارطية. الملاحظة الثانية الجيش التونسي رغم خصوصيته ميز بين النظام و الدولة مما اكسبه طابعا جمهوريا ووطنيا، بينما في مصر وغيره الجيش ساند الأنظمة على حساب الدولة والمجتمع وأحسن مثال على ذلك الموافقة على تزوير الدساتير هنا وهناك مما أفقده طابعه الوطني و الجمهوري
    الملاحظ الثالثة إبراز أهمية الأحداث في مصر كونها اتسمت بالشمول ، شعارات موحدة ،توافق المعارضة في المطالب. والأهم من ذلك المظاهرات بشموليتها وشعاراتها وإصرارها حطمت حاجز الخوف مما يعني أنها خلقت وضعا سياسيا جديدا و وعينا جديدا .كذلك دخول فئات شابة ،العمل الوطني من سماتها أنها فئات عصرية وهي أحدى ثمرات ثورة الإتصال و المعلوماتية .هذا في تقديري ما يميز مظاهرات مصر التي تعني أنها قطيعة مع الممارسات السابقة.

    ReplyDelete
  35. محمد نور الدين26 January 2011 at 16:36

    أول ملاحظة عدم المقارنة بين الثورة التونسية وما يحدث في مصر لأن طبيعة الأنظمة مختلفة .النظام التونسي ، إن صح التعبير ،ديكتاتوري مغلق أي لم يتحالف مع أي قوى إلا مع نفسه بينما المصري وبعض الأنظة المشابهة ديكتاتوريات مفتوحة بمعنى انها استقطبت فئات سياسية أسهمت في إطالة عمرها وأوهمت الشعب أنها أنظمة ديمقارطية. الملاحظة الثانية الجيش التونسي رغم خصوصيته ميز بين النظام و الدولة مما اكسبه طابعا جمهوريا ووطنيا، بينما في مصر وغيره الجيش ساند الأنظمة على حساب الدولة والمجتمع وأحسن مثال على ذلك الموافقة على تزوير الدساتير هنا وهناك مما أفقده طابعه الوطني و الجمهوري
    الملاحظ الثالثة إبراز أهمية الأحداث في مصر كونها اتسمت بالشمول ، شعارات موحدة ،توافق المعارضة في المطالب. والأهم من ذلك المظاهرات بشموليتها وشعاراتها وإصرارها حطمت حاجز الخوف مما يعني أنها خلقت وضعا سياسيا جديدا و وعينا جديدا .كذلك دخول فئات شابة ،العمل الوطني من سماتها أنها فئات عصرية وهي أحدى ثمرات ثورة الإتصال و المعلوماتية .هذا في تقديري ما يميز مظاهرات مصر التي تعني أنها قطيعة مع الممارسات السابقة.

    ReplyDelete
  36. Unknown26 January 2011 at 16:36

    نعم لقد أغلقوا الفيس بوك أيضاً

    عدم استمرار المظاهرات هو أخطر شىء

    فليكن أن المصريين ليسوا كالتوانسة فالمصريين لا يستمرون فى التظاهر لأكثر من يوم واحد أو يومين بالكتير مهما سقط من ضحايا ثم بح خلاص لأن وعى المصريين ومستوى تعليمهم وثقافتهم أقل بكثير جداُ مما يتمتع به التوانسة - لذلك فلن يصل الاحتجاج إلى مداه المطلوب

    وبالرغم من ذلك فهنالك اتفاق على مطالب رئيسية هى : أن يغادر مبارك وأبنه وبطانتهما المستديمة دوائر الحكم والمال - تغيير الدستور مع النص على منع رئيس الجمهورية من الترشح لأكثر من دورتين كل منهما أربع سنوات مع الحد من سلكات رئيس الجمهورية - حل مجلس الشعب الذى جاء فى نوفمير 2010 بانتخابات مزورة - تحويل نظام الحكم من رئاسى إلى برلمانى ليصبح منصب الرئيس شرفياً لا حاكماً - الفصل بين موارد وسلطات الدولة والحزب الحاكم - حل جهاز الأمن المركرى وتسريح أفراده - خفض عدد قوات الشرطة إلى عـُشر عدد القوات المسلحة - خفض الإنفاق على أجهزة الأمن العام مع استعادة دور جهاز الشرطة كجهاز لحماية المواطنين لا إرهابهم - إغلاق عنابر الحجز فى أقسام الشرطة ومنع القبض على الأشخاص بدون قرار مسبق من النيابة العامة - إلغاء قانون الطوارىء بشكل تام والتعهد بعدم العودة إليه تحت أى ظرف أو مسمى - إطلاق حرية التظاهر والإضراب والاعتصام - إطلاق حريات إنشاء واندماج الأحزاب - هدم الجدار العزل بين مصر وبين غزة - التحقيق القضائى المستقل فى مصادر تضخم ثروات رموز المال والغساد فى مصر - إعادة توزيع الثروة فى مصر بشكل عادل من خلال زيادة فورية فى الأجور والمرتبات فى كافة القطاعات - تينى مشروعات التنمية والمشروعات التعليمية والبحثية الحقيقة التى يطالب بها علماء مصر النابهين منذ سنوات مثل مشروع الدكتور فاروق الباز لوادى التنمية ومشروع الدكتور أحمد زويل للجامعات المتطورة - حل الحزب الوطنى وتفكيك ارتباطه بأجهزة الدولة والحكم - تشكيل حكومة انتقالية يساهم فيها أهل الخبرة لا البطانة الرئاسية الحالية وتمهد لانتخابات تشريعية وتغيير الدستور وانتخابات رئاسية تحت إشراف قضائى ودولى خلال عام 2012 - التركيز على تنمية سيناء وإعاشة عشرة ملايين مصرى بها خلال عشر سنوات - تأمين موارد مصر من مياه النيل بكافة السبل الممكنة - بدء مشروعات عملاقة لتحلية مياه البحر لزيادة مدخلات البلد من المياه حتى عام 2030 - بدء مشروعات عملاقة للطاقة المتجددة لسد فجوة الطاقة المتاحة بالبلاد - الرد على انفصال السودان الجنوبى بوحدة مصرية اندماجية مع السودان الشمالى - مراجعة شاملة لبنود اتفاقية كامب ديفيد والعمل على إلغائها فى حالة عدم إنصياع إسرائيل لشروط تعيد السيادة المصرية المفقودة على سيناء

    ReplyDelete
  37. wahat_alshohada26 January 2011 at 16:37

    شبكة رصد عاجل | قنابل صوت ودخان كثيف حول نقابة المحامين والصحفيين بوسط البلد ، والامن يستعد بالمطافى لتفرقه المتظاهرين .. خاص : مراسل الرصد

    ReplyDelete
  38. Alamir Alsheikh26 January 2011 at 16:44

    link for ultra surf program to break the proxies
    http://sy.3almk.com/t588552.html

    ReplyDelete
  39. احمد حسام26 January 2011 at 16:46

    انا عايزك تقولى فى الجزيرة ان الحكومة المصرية بتتعامل مع مطالب الشعب و غضبه بنفس الاسلوب والنهج بتاع حكومة تونس قبل الهرووب
    ودا استخفاف بالشعب .. بيجبره انه يكمل مشواره لحد الاخر

    ReplyDelete
  40. Nicholas Urfe26 January 2011 at 16:54

    حملوا البرنامج ده

    hotspot shield

    اللينك بتاعه اهو وانا شغال عليه دلوقت

    http://download.cnet.com/hotspot-shield/?tag=mncol;1

    ReplyDelete
  41. mado26 January 2011 at 16:54

    نوارة انا كنت محتجز امبارح في معسكر السلام وخرجت الساعة واحدة بليل وقالو لينا انهم هيفرجو عن باقي المحتجزين النهاردة بس واضح اتنهم كانو بيهدونا وبس.علي فكرة امبارح بليل قبل ما نخرج كان فيه عربيات بتجيب ناس جديدة من شبرا والتحرير.

    ReplyDelete
  42. Mo7y26 January 2011 at 17:05

    يا ريت تقوليلهم إن المظاهرات اللي جاية مش هتكون سلمية!

    ReplyDelete
  43. من مغربي26 January 2011 at 17:07

    رأيي المتواطع : ركزي على مطالب الكرامة، الحرية و الديمقراطية.

    الديمقراطية : إنتخابات كاريكاتورية، و ديكتاتور مورِِِت

    الحرية : تعطيك جوانح

    الكرامة : التعديب و القمع البوليسي

    كل هدا أهم من الأوضاع الإجتماعية .... فشباب دول خليج البترودولار العربي يعاني من الفراغ الفكري رغم الرخاء النسبي الدي ينعم به

    أما عن الوضع الإجتماعي، قارني بين مصر
    و باقي الدول العربية خصوصا تونس الجزائر و المغرب، و كمتال على دلك إليكي هدا الخبر

    http://youm7.com/News.asp?NewsID=343833&SecID=88&IssueID=150

    ... أعلن المتحدث باسم الحكومة التونسية المؤقتة، الطيب البكوش، مساء أمس الثلاثاء عن تخصيص منحة شهرية لقاء عمل تطوعى للعاطلين عن العمل من أصحاب الشهادات.

    وقال البكوش الذى يتولى أيضًا منصب وزير التربية، إنه سيتم "تخصيص منحة شهرية بقيمة 150 دينارًا (107 دولارات) للعاطلين عن العمل من حاملى الشهادات لقاء عمل تطوعى نصف وقت (نصف دوام) بالمصالح العمومية"، مضيفا أنه سيتم تنعيم هؤلاء بالتغطية الصحية وتعريفة تفاضلية للنقل.

    وتبلغ نسبة البطالة فى تونس 14% بين الفئات النشيطة، إلا أنها تقدر ب 30% بين أصحاب الشهادات الجامعية الذين يقدر عددهم بمائة ألف من عشرة ملايين تونسى.... نهاية الخبر

    علما أن هده كانت في الأصل قرارت بن علي قبل خلعه

    تونس التورة 85% من شعبها لديه سكنه الخاص و دولته قدمت له تعليم محترم ، ومع دلك تار الشعب، فكيف لا تتور مصر (أولى الدول العربية الحداتية) التي يحكمها العسكر مند أكتر من 50 سنة

    كيف لدولة متل مصر لم تحدد الحد الأذنى للأجور لشعبها، و رغم دلك يتشدق النطام بنسب مستويات نمو هلامية

    متل هاته المقارنات ستهيج فئة كبيرة من الشعب المصري الدي ينام و يصحى على إعلام مظخِم لذات مع سياسة نحن الأفضل و الأول و و و

    و في الأخير كيف لشعب لا يتور و هو يرى أن نظامه يزرع الفتنة الدينية بين شعبه، و يروج لإعلام "تنفيسي" صوري و يرخص لقنوات دينية تناقش أغرب فتاوي العصر و لا تلامس قضايا و هموم المواظن المصري اليومية

    بالنسبة لمسيرة النضال، يجب التحلي بالإرادة و الصبر و التخطيط الجيد، و لا يجب اليأس في حالة ما قلت نسبة المشاركة، فقد حدت نفس الشيئ لتورة تونس قبل أن تتطخم و تنتصر.

    مع تحياتي يا نوارة الإنتصار الحقيقي القادم. و تحياتي لأشرف المصريين و العرب الذين صنعوا أمس يوما تاريخيا بشهامة و تحضر نادرين تجعل باقي العالم العربي، و ليس المصريين، يردد "المصريين ها هوما ... حضارة و شجاعة و همة "

    ReplyDelete
  44. من مغربي26 January 2011 at 17:08

    This comment has been removed by the author.

    ReplyDelete
  45. من مغربي26 January 2011 at 17:08

    This comment has been removed by the author.

    ReplyDelete
  46. @masrygdan26 January 2011 at 17:12

    ضرورة الكشف عن الاعداد الحقيقيه للشهداء والمصابين والمعتقلين واماكنهم والمصابين المعتقلبن وبيموتوا دلوقتى من الضرب او الاهمال وبجب فضح المتوفين اليوم بسبب منع العلاج عنهم فى الاعتقال و لازم توضحى نقطه مهمه جدا ان معظم المتظاهرين من الطبقه المتوسطه واللى فوقبها و المطحونبن بجد مغيبين وبيعتبروا ان التظاهر رفاهيه وان البلد دى بتاعة الباشا الظابط بجد لازم يعملو ضغط من بره على الحكومه علشان تلم الدور شويه

    ReplyDelete
  47. fleur de Rif26 January 2011 at 17:16

    انا في المغرب

    اي خدمة من الفيسبوك اذا كان محجوب عنكم.. انا حاضرة

    ReplyDelete
  48. Nicholas Urfe26 January 2011 at 17:18

    برنامج
    ultrasurf

    بيشتغل بمجرد انك تعمل له داونلوود ومن غير
    install
    ، وفي ثانية ، لان حجمه صغير جدا ، كان معمول للصينيين علشان حظر النت عندهم

    اللينك اهو

    http://ultrasurf.software.en.softonic.com/download?gclid=CMXGwt6U2KYCFUYifAodO3vwMw

    او اكتب

    ultrasurf
    على جوجل

    لو نفع معاكم انشروا على زميلنا يارجاله

    ReplyDelete
  49. mido26 January 2011 at 17:20

    هااام جدا لنوارة نجم

    ادخلى على صفحة الفان بيج بتاعتك الناس قايلة عايزة منك ايه فى حلقة الجزيرة

    ReplyDelete
  50. Ayman Elkholi26 January 2011 at 17:22

    ما تنسيش تقولي انهم هاجمونا من غير ما نعمل حاجة و ده غير قانوني

    ReplyDelete
  51. Unknown26 January 2011 at 17:28

    انا سوري مقيم في الامارات ومتابع لاخباركم اول باول وادعو لكم بالنصر انا والكثير من اصدقائي واخواني هنا ...ونتمنى لو اننا معكم او قادرين على مساعدتكم .....اذا كان بالامكان تنظيم مسيرات احتجاجية امام السفارة المصرية بالامارات هناك عدد كبير من الاخوة جاهزين للمشاركة في الاحتجاج مصريين وعرب


    والله يوفقكم وينصركم

    ReplyDelete
  52. Bella26 January 2011 at 17:31

    اتكلمي بتركيز في نقاط محددة عن استمرار التظاهر وان الناس مش خايفة وخلاص حاجز الخوف اتكسر واحنا مش اقل من شعب تونس العظيم لان الكل بيراهن على ان اللى هنا غير تونس وان مافيش مطالب محددة وان المتظاهرين شوية عيال مضحوك عليهم ... عرفيهم ان اللى بيشاع عن كوننا شعب جبان ويرضى بقليله دي كلها اشاعات هم اللى طلعوها علينا لتثبيط الهمم

    ReplyDelete
  53. Bella26 January 2011 at 17:35

    ده موقع لفك حجب المواقع المحجوبة زي تويتر وفيس بوك


    http://www.proxfilter.info/index.php

    ReplyDelete
  54. Bella26 January 2011 at 17:35

    ده موقع لفك حجب المواقع المحجوبة زي تويتر وفيس بوك


    http://www.proxfilter.info/index.php

    ReplyDelete
  55. Unknown26 January 2011 at 17:37

    يا جماعة في طريقة تفتح المواقع المحجوبة بدل طريقة المواقع البروكسي
    حتلاقوها هنا
    http://www.youtube.com/watch?v=RAI1Ic9-VAw

    ReplyDelete
  56. Rania Lelah26 January 2011 at 17:57

    قولى فين الحرية و الديمقراطية
    و احنا حتى مش عارفين نعمل مظاهرى سلمية
    فين الديمقراطية و فى تواطىء على اهم المواقع و الشبكات للتواصل
    فين الديمقراطية و الحرية
    و فى شباب زى الفل ماتوا و قلب اهاليهم بيتحرق دلوقت
    اسالى فين الديمقراطية و العيش بحرية و احنا عايشيين خايفيين نفتح بقؤنا لاحسن نتاخد و نعتقل
    قوليلهم ايه الفرق بينا كدوله مستقله و بين اى دولة محتلة

    قوليلهم احنا محتلين و احنا ان كنا بنعمل ثورة فعلشان نفك اسرنا و نتحرر

    عاوزين نتحرر و نعرف نعيش بكرامه و ديمقراطية بجد

    يا ترى فى اى حد هيلومنا على دة؟!!!

    ReplyDelete
  57. المهدى26 January 2011 at 18:38

    ركزى على جمال مبارك وحبيب العادلى هما الحلقة الأضعف محليا ودوليا ويا ريت تستفسرى ببراءة عن شائعة هروب جمال مبارك ركزى على جمال مبارك جمال مبارك جمال مبارك لو مخدناش حاجة غير دى الباقى سيأتى عن قريب ربنا معاك

    ReplyDelete
  58. Unknown26 January 2011 at 18:58

    سؤال مهم
    اين زعماء الحزب الوطني الذين كانوا يتغنوا بشعبيتهم الطاغية واكتساحهم في الانتخابات النزيهة بدون تزوير أو بلطجة
    اين هم الآن ؟ لماذا لايخرجوا لتهدئة الشعب حبيبهم ولو حتى بوعود كاذبة.
    لقد ظهرتم امام العالم كله عرايا بعد ان سقطت ورقة التوت
    الشعب قالها بصراحة " الشعب يريد اسقاط النظام "
    فين امين التنظيم ؟
    فين رئيس لجنة السياسات ؟
    فين الكبير أوي رئيس الحز ؟

    ReplyDelete
  59. Unknown27 January 2011 at 21:07

    اللي الفيس بوك عنده مقفول يعمل داونلود للبرنامج ده
    http://www.softxgame.com/877-ultrasurf.html

    انا شغال بيه ولما تيجي تعمل لوج ان في الفيس هيسألك عن الاسئله السريه بتاعتك او هيخليك تتعرف على صور اصدقائك عشان يتأكد ان الشخص ده انت وخلاص هيفتح معاك على طول

    يرجى النشر

    ReplyDelete

Note: only a member of this blog may post a comment.