Thursday, 25 November 2010

هذا وقد اعترف القتيل بكل ما نسب اليه من تهم ووقع على اقواله قبل دفنه

النيابة جابت المصابين بعربيات الاسعاف عشان تحقق معاهم
والمحامين اتمنعوا من الحضور مع المتهمين اللي هم المواطنين العزل اللي انضرب عليهم ذخيرة حية
احنا بنتابع تطورات اللي حصل مع المحامين من عند مالك على التويتر، والمحامين عاملين مظاهرة، اه والله، المحامين عاملين مظاهرة لانهم مش عارفين يحضروا مع المتهمين
والتهم الموجهة للناس اللي انضرب عليها نار: 
تجمهر بالمخالفة للقانون واللوائح بغرض التعدي ع القائمين ع تنفيذ القانون”1 احكام القسم من الباب الثاني من قانون العقوبات"
2-استعمال القوة والعنف حال كونهم حاملين اسلحة وقد ارتكبوا بناء ع ذلك الجرائم التاليه
أ-الشروع في قتل بعض افراد الشرطة مع سبق الاصرار والترصد
ب-احراز واستعمال عبوات مفرقعه بدون ترخيص من الاجهزة المختصة
ج- التخريب عمدا في المنشئات العامة بغرض ارهابي
د-تعطيل وسائل النقل البري عمدا
ه-سرقة المنقولات المبينه وصفا بالاوراق والمملوكة لوزارة الداخليه
ي-احراز واستعمال سلاح ابيض دون مسوغ


هذا وقد توفي قتيل العمرانية باسفكسيا الخنق بعد ان اصيب بعيار ناري خرج على سبيل الخطأ من بندقية احد الصيادين في جورج تاون واتضح ان القاتل من اقباط المهجر
وقد تم تجديد الحبس للقتيل مية وخمسين سنة على ذمة التحقيق بعد أن اعترف بكل التهم المنسوبة إليه ووقع على أقواله قبل الدفن


ملحوظة: اي كلب مش حينزل له تعليقات
بس كده




at

16 comments:

  1. إنسان25 November 2010 at 02:36

    add eh eltarnimah dy 7elwa

    ReplyDelete
  2. mado8025 November 2010 at 03:54

    هو النظام مودي مصر علي فين

    استر يارب
    :(

    ReplyDelete
  3. NadimX25 November 2010 at 06:31

    انا شايف ان كلنا نتحول للبوذيه و نطلب الحمايه الدينيه من اليابان..

    او الأفضل نرجع الديانه المصريه القديمه..اهي المعابد القديمه ماليه البلد,.تكفي الكل و تزيد..

    شي لله ياأمون يا ابو خونسو..مدد يا سيدي رع

    احه يا بلد

    نديم

    ReplyDelete
  4. محمد نور الدين25 November 2010 at 07:35

    إلى ست الكل ألف تحية
    رغم أني عشت فترة من حياتي في بلاد الشام ،كما أعد نفسي من محبي الفنان الكبير وديع الصافي وفيروز وصباح فخري، إلا انها المرة الأولى التي أتعرف فيها على هذه الأغنية، بل الأيقونة الجميلة. ما أروع كلماتها :أنت عون لنفسي كلما ضعفت
    وأنت جبر لقلبي كلما انكسر

    شكرا نوارة
    محمد نورالدين

    ReplyDelete
  5. Ahmed Faisal25 November 2010 at 07:56

    القاضي تبع البتاع
    فالحق ع المقتول..!

    ***

    مشيها على طول بقه سياسة أي كلب مش ح ينزل له تعليقات دي

    ReplyDelete
  6. ماجد منصور25 November 2010 at 10:37

    شكرا نوارة..مش اقدر اقول اكتر من كده..سخريتك خلتنى ابكى

    ReplyDelete
  7. ماجد منصور25 November 2010 at 10:37

    شكرا نوارة..مش اقدر اقول اكتر من كده..سخريتك خلتنى ابكى

    ReplyDelete
  8. محمد صبرى25 November 2010 at 13:19

    هو فيه كلاب كان بينزلها تعليقات هنا قبل كده؟

    اكيد انتى تقصدى الكلاب اللى مضايقينك بالتعليقات اللى بتمنعيها,لأنى مشفتش كلاب هنا قبل كده

    :)


    ملحوظتك دى تنفع تبقى قول مأثور على فكرة :)

    *ملحوظة ميرسى على الترنيمة , جميلة بجد
    بس مش غريبة أبدا الترنيمات على فكرة على أغلب الللى بيعلقوا عندك هنا , افتكر اغلبنا بنسمعها , و الله مش بس بنفتكرها فى مواقف زى اللى بنمر بيه دا
    ...

    و احب أهديكى و أهدى قراءك المحترمين مسلمين و مسيحيين ترنيمة أنا بشوفها من أجمل ما سمعت.. كلماتها بتقول

    كذبوا ,,من قالوا إنى وحيد
    فى الأرض دون سنيد

    من هزأوا من إيمانى
    بربي المجيد

    كذبوا

    من زيفوا الكلمات
    و استسلموا للذات

    و أشاعوا أن الله
    بعيد , بعيد كما السموات

    كذبوا

    فالله يرعاني كما يرعى الأب الأطفال

    و الله يحميني كما إذا ساءت بيا الأحوال

    وإلهى فى قربي
    يشبعى فى حبى
    و ينير لي دربي
    و يحقق الأمال
    الله يرعاني كما يرعى الأب الأطفال
    الله يحميني إذا ساءت بيا الأحوال
    .....

    http://www.youtube.com/watch?v=2dI_bDwm19Y

    الترنيمة بصوت هاني الروماني و فاديا بزي , يجوز مش مشهورين أوى, انما أصواتهم بجد أصوات سماوية, و للى ميعرفهمش بجد مفاجأة
    .....

    الترنيمة دى بالمناسبة هدية من صديقة مسيحية عارفة إنى بحب الترانيم ,احنا أحيانا متفقين و أحايين مختلفين ,إنما بنعرف إزاى نسمع ترانيم

    (:

    ........

    على فكرة تعليقى دا مجاش ابدا لاختبار فصيلتي فى شجرة التصنيف
    :)

    ...
    ربنا يصبر أهالى اللى راحوا ظلم فى احداث الجيزة, و يجمعنا مسلمين و مسيحين على كلمة سواء لمصلحة أجيال جاية أتمنى يكون حظهم أحسن من جيلنا

    ReplyDelete
  9. mohamad25 November 2010 at 14:57

    البنا ء في البلد كلها ( إلا أقل القليل ) بدون ترخيص أو تصريح والقاعدة التجاوز وبعد ما نخلص بنا نتصالح

    إشمعنى الكنيسة ؟؟

    ولا دي ما ينفعش يتطرمخ عليها زي 1000 عمارة في العمرانيه شارع عرض 10 متر والعمارة 10 أدوار

    هوا من إمتى الشرف والنزاهة وإحترام القانون والدستور

    إيه العالم دي ؟؟

    ReplyDelete
  10. بهيج الشرير25 November 2010 at 17:10

    والنبي ياأبلتي أنا عندي سؤال! هو الواد إبن عرس المعروف أيضا بإسم الثعبان الأقرع إختفى وراح فين؟ أنا سمعت أنه عليه العادة؛ بس في ناس بتقول أنه واخد أجازة علشان يرضع فريدة

    ReplyDelete
  11. Unknown25 November 2010 at 19:35

    نوارة ممكن أسأل سؤال: يعنى إيه وقف الانتخابات فى الدائرة الفلانية؟ يعنى لن يكون لهم من يمثلهم فى مجلس الشعب؟ إزاى ده ممكن؟

    ReplyDelete
  12. أبو أمك25 November 2010 at 20:06

    هو الواد بلع الكنيسة ؟

    ReplyDelete
  13. Unknown26 November 2010 at 01:54

    لو تشوف كميات الناس اللي حاطاهم سبام

    هي الناس المريضة دي بتيجي منين؟

    ReplyDelete
  14. Unknown26 November 2010 at 01:55

    هههههههههههههههههههههه

    بهيج

    مش عارفة ابن العرص فين

    ReplyDelete
  15. dr.lecter26 November 2010 at 02:12

    الايام دي ايام مفترجه علي النظام

    ReplyDelete
  16. عم مينا27 November 2010 at 20:30

    نوارة أنا مش بسمع ترانيم عادةً بس الترنيمة دي عبقرية..

    أما بالنسبة للي حصل في العمرانية فرغم انه مأساه بكل المقايس بس كان له بعض الايجابيات
    1 - وقوف المسلمين جنب بعض ضدالأمن
    2 - مشاركة نائب الاخوان زي ماانتي ذكرتي
    3 - الاقباط فاقوا وده معناه ان البلد كلها ابتديت تفوق.. لان صدقيني دول اخر ناس هيتحركوا

    ReplyDelete

Note: only a member of this blog may post a comment.