سعد نبيهة بيخليها ذكرى جميلة لبعد العييييييد

الشوباب على الطويطر مصدومين في سعد الدين براهيم عشان وقع على البيان بتاع جمال مبارك ههههههههههه

تعيشوا وتاخدوا غيرها يا شباب

طبعا انا ما وصلتش من البراءة والشزاجة وطيبة القلب والنية الصافية اللي تخليني اثق في سعد نبيهة بيخليها ولا اتصدم فيه لما يوقع بيان جمال مبارك، الا هو بيان جمال مبارك ده اللي هو يتقال عليه ايه؟ يعني بيان البرادعي اسمه بيان التغيير.. جمال بيانه اسمه بيان التثبيت؟ عموما اهو ثبتنا جمال وخلا سعد نبيهة يوقع له

وطبعا توقيع سعد نبيهة مهم في حاجة واحدة، ان ده معناه ان الادارة الامريكية وافقت على جمال خلاص.. اقصد وافقت والمفاوضات انتهت 

هو البرادعي راح فين؟ هو مش كان جاي عشان ما جمال ما يثبتناش؟ مسافر مسافر... ما انا قعدت اقول خايفة من بكرة واللي حيجرا لما تروح وتغيب سنة وتفوت هنا حبيب مجروح.. ادي سعد نبيهة جاب لنا من الكنترول نتيجة الامتحان الامريكاني منك لله يا برادعي... كلمة واحدة حارد بيها على كل اللي عملته فيا

رووووووووووووح
انتوا واخلاقكوا وكرامتكوا بقى يا مصريين، يا ترضوا بقضاء امريكا يا تصنعوا قدركوا زي الشعوب المحترمة.. يووووو، ده انا نسيت ان المسلمين والمسيحيين داخلين لبعض مظاهرات ومش فاضيين ولا ينطبق عليهم الا مقولة بلال فضل: هذا ما فعله العيان بالميت 

طب بقى البسوا... انا حاسيب لكوا البلد لو الجدع ده مسكها