Thursday, 29 July 2010

ضرب عساكر لأأأأأا حاخرب بيتكوا

النهاردة في ندوة مسعد ابو فجر عرفت ان في محاكمة خالد سعيد فيه عيال ضربوا عساكر امن مركزي
حاخرب بيتكوا
حاخرب بيتكوا
حاخرب بيتكوا
قطع الايد اللي تتمد على عسكري.. عسكري؟ هو ناقصكوا؟ مش كفاية الامين بيضربه والظابط بيضربه وكل من هب ودب بيضربه؟ 
ماحدش يمد ايده على عسكري ابدا، لو معاك مية واكل تديهوله.. او هات له وظيفة احسن من اللي هو شغال فيها يلاقي ياكل ويشرب ويصرف على امه
دي قلة ادب دي
اضربوا المخبرين ماشي
لكن ما تضربوش العساكر ابداااااااااااااااااااا... حرام عليكم
at

8 comments:

  1. .29 July 2010 at 07:49

    والله العظيم عساكر الامن المركزى دول غلابه اوى
    ويصعبو على الكافر
    بس مشكلتهم انهم اغبية شويه
    وكلام اى حد اعلى منهم
    كلام مقدس
    ولازم يتعمل
    والله بجد ما هم الا اداه
    او سوط فى ايد جلاد ليس اكتر
    ومن الطريف اللى سمعته انهم لما بييجو يختارو عسكرى الامن المركزى
    بيجيبو العساكر ويقولولهم
    اللى بيعرف يقرا ييجى يمين
    واللى مش بيعرف يقرا ييجى شمال
    فى ناس بقى بتقف فى النص
    دول بقى عساكر الامن المركزى
    وتحيا مصر

    ReplyDelete
  2. utopia29 July 2010 at 16:23

    هات له وظيفة احسن من اللي هو شغال فيها يلاقي ياكل ويشرب ويصرف على امه!!!!!
    هو انتى ماتعرفيش ان العساكر دول مجندين ولا ايه؟
    وبعدين الموضوع مش سهل يانوارة لان لو عسكرى ضرب حد اكيد هيرد عليه لا اراديا بغض النظر عن ظروفهم اللى انا مقدرها بجد
    الموضوع محتاج كمان يوصلهم فهم ان اللى قدامهم دول مش اعداء الوطن علشان حتى لو نفذوا الاوامر يبقى ضرب المتظاهرين بشويش مش بضمير زى ما بيعملوا.
    افتكرى فيلم البرىء
    ولازم تعرفى ان مافيش ملايكة
    لكن طبعا يبقى معاكى حق لو كان حد ضربهم بدون مايضربوه

    ReplyDelete
  3. lastcrazyboys29 July 2010 at 16:23

    هع هع هع

    ايه اللي انت بتقــوليه ده ..هاتله وظيفــة..!؟

    ليييه هو حضرتك فاكرة ان العساكر زي أمنـاء الشرطة مستوظفين لدى الداخلية .. دي تبقى نصيبة يا نصيبة على رأي فؤاد المهندس لو بتقابليهم ليل نهار

    ومتعرفيش انهم مجندين في القوات المسلحة بيأدوا الخدمة الالزامية

    ومتسألنيش ازااااي يبقى عسكري في الجيش وبيأدي الخدمة في الداخلية ..لأن دي مصر .. وعالعموم هم من ساعة سليمان خاطر بينقــوا اللي مش متعلمين عشان ما يفكرش وينفذ على طول

    مشفتيش فيلم البرئ ولا اييييه ...!؟

    ولا مسمعتيش عن الحركة اللي عملوها عشان يشيلوا احمد رشدي "الشخصية النضفيفة الوحيدة اللي مسكت منصب في البلد من ايام تحتمس الثالث" لما وقف في مجلس الشيعب وقال لو فضل فيه حشيش في البلد خلال سنتين ..يبقى انا اللي دخلته..فبتوع المجلس قالوا : لا ..حشيش حاجة تيجي كده

    وطلعوا اشاعة وسط العساكر دول انهم هيمدوا مدة خدمتهم خمس سنين ..فالعيال هاجوا عشان هيفضلوا متمرمطين تحت رحمة العسكري اكتر من كده ..وكسروا البلد ..ومشي رشدي واعتزل الحياة خالص لما عرف انها

    "........"بلد ".........." وبت

    بس انا متوافق معاكي كليا في مسألة ضرب العيال الغلابة دول بس اللي اعرفه ان المخضرمين من بتوع المظاهرات بيعرفوا يضربوا معاهم صحوبية .. والعيال والله غلابة لو قلتلهم اعمل نفسك بتضربني وانا همثل ..هيطاوعك على طووول

    ReplyDelete
  4. Bell30 July 2010 at 03:59

    اكفل عسكري في بيتك.. و اضرب الظابط براحتك

    .. الله معاكي حق...غلابه العساكر دي ، يا يتضرب من الشعب يا يتضرب من الظابط لو مسمعش الكلام... و في الحالتين برضو حيتضرب... دون مراعاه للانيميا الحاده اللي عنده...
    اما بالنسبه للساده المخبرين... نفسي ربنا يكرمهم كما كرم سليمان الحلبي كده

    اميين

    ReplyDelete
  5. مواطن مصري31 July 2010 at 02:34

    مجزرة بدأت صباحاً بالرصاص وانتهت ظهراً بالطعنات
    دماء مصرية وسعودية - قطرية تنهمر في جريمة جماعية بالقاهرة


    http://www.alarabiya.net/articles/2010/07/30/115220.html


    شوفتي فلم الهندي دة


    بس لا يهمني الجريمة على قد عنوان الخبر



    دماء مصرية وسعودية - قطرية تنهمر في جريمة جماعية بالقاهرة



    لا يهمني الخبر بل يهمني العنوان فعلاً دة دليل واضح على ما وصل الية الشعوب العربية و القومية العربية بدل أن نتحد أصبحنا نقتل بعض ؟!!!!!!!!!!!!!!!!!!!!!‬


    مستني رائيك في فلم الهندي دة

    ReplyDelete
  6. مواطن مصري31 July 2010 at 02:34

    مجزرة بدأت صباحاً بالرصاص وانتهت ظهراً بالطعنات
    دماء مصرية وسعودية - قطرية تنهمر في جريمة جماعية بالقاهرة


    http://www.alarabiya.net/articles/2010/07/30/115220.html


    شوفتي فلم الهندي دة


    بس لا يهمني الجريمة على قد عنوان الخبر



    دماء مصرية وسعودية - قطرية تنهمر في جريمة جماعية بالقاهرة



    لا يهمني الخبر بل يهمني العنوان فعلاً دة دليل واضح على ما وصل الية الشعوب العربية و القومية العربية بدل أن نتحد أصبحنا نقتل بعض ؟!!!!!!!!!!!!!!!!!!!!!‬


    مستني رائيك في فلم الهندي دة

    ReplyDelete
  7. عاشــــــ النقاب ـقــــة"نونو"31 July 2010 at 03:44

    السلام عليكم
    جزاكم الله خيرا يارب
    اليوم اتصل بي استاذ احمد اللي اعطيتيني رقمه بتاع العاشرة مساء وحكيت له على الموضوع بطريقة سريعة وقالي انه هيرد علي يوم السبت ويبلغني بموعد انه يجي يصور معايا انا والجيران ويصورالبيت يارب يانوارة الله يكرمك اتصلي بي وصيه علي لحسن ما اتصلش الا لما بعت قلت له انا من طرف نوارة نجم يا ست الكل الرقم اللي كلمني منه اهو
    0116110684
    وقالي انه كان مسافروسايب تليفونه
    معلش هكلمك الصبح بالتليفون ما اتحرمش منك ابدا يارب

    ReplyDelete
  8. عاشــــــ النقاب ـقــــة"نونو"31 July 2010 at 03:46

    بالنسبة لموضوع عساكرالامن المركزي دول حيطة مايلة ودوما يقولولك احنا عبد المامور والعبادة لله
    انما المخبرين هما دول اللي بجد يستاهلوا الشنق
    ربنا يهدي الجميع ويرحمنا يارب ويرحم بلدنا من ايدي السفهاء

    ReplyDelete

Note: only a member of this blog may post a comment.